DEVI STOTRAS Stotras & Hymns - Read Sacred Verses

శ్రీ విశాలాక్షీ స్తోత్రం (వ్యాస కృతం)

శ్రీ విశాలాక్షీ స్తోత్రం (వ్యాస కృతం).

Telugu

శ్రీ విశాలాక్షీ స్తోత్రం (వ్యాస కృతం)

వ్యాస ఉవాచ |
విశాలాక్షి నమస్తుభ్యం పరబ్రహ్మాత్మికే శివే |
త్వమేవ మాతా సర్వేషాం బ్రహ్మాదీనాం దివౌకసాం || 1 ||
ఇచ్ఛాశక్తిః క్రియాశక్తిర్జ్ఞానశక్తిస్త్వమేవ హి |
ఋజ్వీ కుండలినీ సుక్ష్మా యోగసిద్ధిప్రదాయినీ || 2 ||
స్వాహా స్వధా మహావిద్యా మేధా లక్ష్మీః సరస్వతీ |
సతీ దాక్షాయణీ విద్యా సర్వశక్తిమయీ శివా || 3 ||
అపర్ణా చైకపర్ణా చ తథా చైకైకపాటలా |
ఉమా హైమవతీ చాపి కల్యాణీ చైవ మాతృకా || 4 ||
ఖ్యాతిః ప్రజ్ఞా మహాభాగా లోకే గౌరీతి విశ్రుతా |
గణాంబికా మహాదేవీ నందినీ జాతవేదసీ || 5 ||
సావిత్రీ వరదా పుణ్యా పావనీ లోకవిశ్రుతా |
ఆయతీ నియతీ రౌద్రీ దుర్గా భద్రా ప్రమాథినీ || 6 ||
కాలరాత్రీ మహామాయా రేవతీ భూతనాయికా |
గౌతమీ కౌశికీ చాఽఽర్థా చండీ కాత్యాయనీ సతీ || 7 ||
వృషధ్వజా శూలధరా పరమా బ్రహ్మచారిణీ |
మహేంద్రోపేంద్రమాతా చ పార్వతీ సింహవాహనా || 8 ||
ఏవం స్తుత్వా విశాలాక్షీం దివ్యైరేతైః సునామభిః |
కృతకృత్యోఽభవద్వ్యాసో వారాణస్యాం ద్విజోత్తమాః || 9 ||
ఇతి శ్రీసౌరపురాణే అష్టమోఽధ్యాయే వ్యాస కృతం విశాలాక్షీ స్తోత్రం |

శ్రీ శాకంభరీ పంచకం

శ్రీ శాకంభరీ పంచకం.

Telugu

Read Stotra

శ్రీ శాకంభరీ పంచకం

శ్రీవల్లభసోదరీ శ్రితజనశ్చిద్దాయినీ శ్రీమతీ
శ్రీకంఠార్ధశరీరగా శ్రుతిలసన్మాణిక్యతాటంకకా |
శ్రీచక్రాంతరవాసినీ శ్రుతిశిరః సిద్ధాంతమార్గప్రియా
శ్రీవాణీ గిరిజాత్మికా భగవతీ శాకంభరీ పాతు మాం || 1 ||
శాంతా శారదచంద్రసుందరముఖీ శాల్యన్నభోజ్యప్రియా
శాకైః పాలితవిష్టపా శతదృశా శాకోల్లసద్విగ్రహా |
శ్యామాంగీ శరణాగతార్తిశమనీ శక్రాదిభిః సంస్తుతా
శంకర్యష్టఫలప్రదా భగవతీ శాకంభరీ పాతు మాం || 2 ||
కంజాక్షీ కలశీ భవాదివినుతా కాత్యాయనీ కామదా
కల్యాణీ కమలాలయా కరకృతాంభోజాసిఖేటాభయా |
కాదంవాసవమోదినీ కుచలసత్కాశ్మీరజాలేపనా
కస్తూరీతిలకాంచితా భగవతీ శాకంభరీ పాతు మాం || 3 ||
భక్తానందవిధాయినీ భవభయప్రధ్వంసినీ భైరవీ
భస్మాలంకృతిభాసురా భువనభీకృద్దుర్గదర్పాపహా |
భూభృన్నాయకనందినీ భువనసూర్భాస్వత్పరః కోటిభా
భౌమానందవిహారిణీ భగవతీ శాకంభరీ పాతు మాం || 4 ||
రీతాంనాయశిఖాసు రక్తదశనా రాజీవపత్రేక్షణా
రాకారాజకరావదాతహసితా రాకేందుబింబస్థితా |
రుద్రాణీ రజనీకరార్భకలసన్మౌలీ రజోరుపిణీ
రక్షః శిక్షణదీక్షితా భగవతీ శాకంభరీ పాతు మాం || 5 ||
శ్లోకానామిహ పంచకం పఠతి యః స్తోత్రాత్మకం శర్మదం
సర్వాపత్తివినాశకం ప్రతిదినం భక్త్యా త్రిసంధ్యం నరః |
ఆయుఃపూర్ణమపారమర్థమమలాం కీర్తిం ప్రజామక్షయాం
శాకంభర్యనుకంపయా స లభతే విద్యాం చ విశ్వార్థకాం || 6 ||
ఇతి శ్రీమచ్ఛంకరాచార్యవిరచితం శాకంభరీ పంచకం ||

శ్రేయస్కరీ స్తోత్రం

శ్రేయస్కరీ స్తోత్రం.

Telugu

Read Stotra

శ్రేయస్కరీ స్తోత్రం

శ్రేయస్కరి శ్రమనివారిణి సిద్ధవిద్యే
స్వానందపూర్ణహృదయే కరుణాతనో మే |
చిత్తే వస ప్రియతమేన శివేన సార్ధం
మాంగళ్యమాతను సదైవ ముదైవ మాతః || 1 ||
శ్రేయస్కరి శ్రితజనోద్ధరణైకదక్షే
దాక్షాయణి క్షపిత పాతకతూలరాశే |
శర్మణ్యపాదయుగళే జలజప్రమోదే
మిత్రేత్రయీ ప్రసృమరే రమతాం మనో మే || 2 ||
శ్రేయస్కరి ప్రణతపామర పారదాన
జ్ఞాన ప్రదానసరణిశ్రిత పాదపీఠే |
శ్రేయాంసి సంతి నిఖిలాని సుమంగళాని
తత్రైవ మే వసతు మానసరాజహంసః || 3 ||
శ్రేయస్కరీతి తవనామ గృణాతి భక్త్యా
శ్రేయాంసి తస్య సదనే చ కరీ పురస్తాత్ |
కిం కిం న సిధ్యతి సుమంగళనామ మాలాం
ధృత్వా సుఖం స్వపితి శేషతనౌ రమేశః || 4 ||
శ్రేయస్కరీతి వరదేతి దయాపరేతి
వేదోదరేతి విధిశంకర పూజితేతి |
వాణీతి శంభురమణీతి చ తారిణీతి
శ్రీదేశికేంద్ర కరుణేతి గృణామి నిత్యం || 5 ||
శ్రేయస్కరీ ప్రకటమేవ తవాభిధానం
యత్రాస్తి తత్ర రవివత్ప్రథమానవీర్యం |
బ్రహ్మేంద్రరుద్రమరుదాది గృహాణి సౌఖ్యైః
పూర్ణాని నామమహిమా ప్రథితస్త్రిలోక్యాం || 6 ||
శ్రేయస్కరి ప్రణతవత్సలతా త్వయీతి
వాచం శృణుష్వ సరళాం సరసాం చ సత్యాం |
భక్త్యా నతోఽస్మి వినతోఽస్మి సుమంగళే త్వత్-
పాదాంబుజే ప్రణిహితే మయి సన్నిధత్స్వ || 7 ||
శ్రేయస్కరీచరణసేవనతత్పరేణ
కృష్ణేన భిక్షువపుషా రచితం పఠేద్యః |
తస్య ప్రసీదతి సురారివిమర్దనీయ-
మంబా తనోతి సదనేషు సుమంగళాని || 8 ||
యథామతి కృతస్తుతౌ ముదముపైతి మాతా న కిం
యథావి భవదానతో ముదముపైతి పాత్రం న కిం |
భవాని తవ సంస్తుతిం విరచితుం నచాహం
క్షమస్తథాపి ముదమేష్యసి ప్రదిశసీష్టమంబ త్వరాత్ || 9 ||

శ్రీ షష్ఠీ దేవి స్తోత్రం

శ్రీ షష్ఠీ దేవి స్తోత్రం.

Telugu

Read Stotra

శ్రీ షష్ఠీ దేవి స్తోత్రం

ధ్యానం |
శ్రీమన్మాతరమంబికాం విధిమనోజాతాం సదాభీష్టదాం
స్కందేష్టాం చ జగత్ప్రసూం విజయదాం సత్పుత్ర సౌభాగ్యదాం |
సద్రత్నాభరణాన్వితాం సకరుణాం శుభ్రాం శుభాం సుప్రభాం
షష్ఠాంశాం ప్రకృతేః పరం భగవతీం శ్రీదేవసేనాం భజే || 1 ||
షష్ఠాంశాం ప్రకృతేః శుద్ధాం సుప్రతిష్ఠాం చ సువ్రతాం
సుపుత్రదాం చ శుభదాం దయారూపాం జగత్ప్రసూం |
శ్వేతచంపకవర్ణాభాం రక్తభూషణభూషితాం
పవిత్రరూపాం పరమం దేవసేనా పరాం భజే || 2 ||
స్తోత్రం |
నమో దేవ్యై మహాదేవ్యై సిద్ధ్యై శాంత్యై నమో నమః |
శుభాయై దేవసేనాయై షష్ఠీదేవ్యై నమో నమః || 1 ||
వరదాయై పుత్రదాయై ధనదాయై నమో నమః |
సుఖదాయై మోక్షదాయై షష్ఠీదేవ్యై నమో నమః || 2 ||
సృష్ట్యై షష్ఠాంశరూపాయై సిద్ధాయై చ నమో నమః |
మాయాయై సిద్ధయోగిన్యై షష్ఠీదేవ్యై నమో నమః || 3 ||
సారాయై శారదాయై చ పరాదేవ్యై నమో నమః |
బాలాధిష్టాతృదేవ్యై చ షష్ఠీదేవ్యై నమో నమః || 4 ||
కళ్యాణదాయై కళ్యాణ్యై ఫలదాయై చ కర్మణాం |
ప్రత్యక్షాయై సర్వభక్తానాం షష్ఠీదేవ్యై నమో నమః || 5 ||
పూజ్యాయై స్కందకాంతాయై సర్వేషాం సర్వకర్మసు |
దేవరక్షణకారిణ్యై షష్ఠీదేవ్యై నమో నమః || 6 ||
శుద్ధసత్త్వస్వరూపాయై వందితాయై నృణాం సదా |
హింసాక్రోధవర్జితాయై షష్ఠీదేవ్యై నమో నమః || 7 ||
ధనం దేహి ప్రియాం దేహి పుత్రం దేహి సురేశ్వరి |
మానం దేహి జయం దేహి ద్విషో జహి మహేశ్వరి || 8 ||
ధర్మం దేహి యశో దేహి షష్ఠీదేవీ నమో నమః |
దేహి భూమిం ప్రజాం దేహి విద్యాం దేహి సుపూజితే |
కళ్యాణం చ జయం దేహి షష్ఠీదేవ్యై నమో నమః || 9 ||
ఫలశృతి |
ఇతి దేవీం చ సంస్తుత్య లభేత్పుత్రం ప్రియవ్రతం |
యశశ్వినం చ రాజేంద్రం షష్ఠీదేవి ప్రసాదతః || 10 ||
షష్ఠీస్తోత్రమిదం బ్రహ్మాన్ యః శృణోతి తు వత్సరం |
అపుత్రో లభతే పుత్రం వరం సుచిర జీవనం || 11 ||
వర్షమేకం చ యా భక్త్యా సంస్తుత్యేదం శృణోతి చ |
సర్వపాపాద్వినిర్ముక్తా మహావంధ్యా ప్రసూయతే || 12 ||
వీరం పుత్రం చ గుణినం విద్యావంతం యశస్వినం |
సుచిరాయుష్యవంతం చ సూతే దేవి ప్రసాదతః || 13 ||
కాకవంధ్యా చ యా నారీ మృతవత్సా చ యా భవేత్ |
వర్షం శృత్వా లభేత్పుత్రం షష్ఠీదేవి ప్రసాదతః || 14 ||
రోగయుక్తే చ బాలే చ పితామాతా శృణోతి చేత్ |
మాసేన ముచ్యతే రోగాన్ షష్ఠీదేవి ప్రసాదతః || 15 ||
జయ దేవి జగన్మాతః జగదానందకారిణి |
ప్రసీద మమ కళ్యాణి నమస్తే షష్ఠీదేవతే || 16 ||

సప్తమాతృకా స్తోత్రం

సప్తమాతృకా స్తోత్రం.

Telugu

Read Stotra

సప్తమాతృకా స్తోత్రం

ప్రార్థనా |
బ్రహ్మాణీ కమలేందుసౌంయవదనా మాహేశ్వరీ లీలయా
కౌమారీ రిపుదర్పనాశనకరీ చక్రాయుధా వైష్ణవీ |
వారాహీ ఘనఘోరఘర్ఘరముఖీ చైంద్రీ చ వజ్రాయుధా
చాముండా గణనాథరుద్రసహితా రక్షంతు నో మాతరః ||
బ్రాహ్మీ –
హంసారూఢా ప్రకర్తవ్యా సాక్షసూత్రకమండలుః |
స్రువం చ పుస్తకం ధత్తే ఊర్ధ్వహస్తద్వయే శుభా || 1 ||
బ్రాహ్ంయై నమః |
మాహేశ్వరీ –
మాహేశ్వరీ ప్రకర్తవ్యా వృషభాసనసంస్థితా |
కపాలశూలఖట్వాంగవరదా చ చతుర్భుజా || 2 ||
మాహేశ్వర్యై నమః |
కౌమారీ –
కుమారరూపా కౌమారీ మయూరవరవాహనా |
రక్తవస్త్రధరా తద్వచ్ఛూలశక్తిగదాధరా || 3 ||
కౌమార్యై నమః |
వైష్ణవీ –
వైష్ణవీ విష్ణుసదృశీ గరుడోపరి సంస్థితా |
చతుర్బాహుశ్చ వరదా శంఖచక్రగదాధరా || 4 ||
వైష్ణవ్యై నమః |
వారాహీ –
వారాహీం తు ప్రవక్ష్యామి మహిషోపరి సంస్థితాం |
వరాహసదృశీ ఘంటానాదా చామరధారిణీ || 5 ||
గదాచక్రధరా తద్వద్దానవేంద్రవిఘాతినీ |
లోకానాం చ హితార్థాయ సర్వవ్యాధివినాశినీ || 6 ||
వారాహ్యై నమః |
ఇంద్రాణీ –
ఇంద్రాణీ త్వింద్రసదృశీ వజ్రశూలగదాధరా |
గజాసనగతా దేవీ లోచనైర్బహుభిర్వృతా || 7 ||
ఇంద్రాణ్యై నమః |
చాముండా –
దంష్ట్రాలా క్షీణదేహా చ గర్తాక్షా భీమరూపిణీ |
దిగ్బాహుః క్షామకుక్షిశ్చ ముసలం చక్రమార్గణౌ || 8 ||
అంకుశం బిభ్రతీ ఖడ్గం దక్షిణేష్వథ వామతః |
ఖేటం పాశం ధనుర్దండం కుఠారం చేతి బిభ్రతీ || 9 ||
చాముండా ప్రేతగా రక్తా వికృతాస్యాహిభూషణా |
ద్విభుజా వా ప్రకర్తవ్యా కృత్తికాకార్యరన్వితా || 10 ||
చాముండాయై నమః |

శ్రీ సర్వమంగళా స్తోత్రం

శ్రీ సర్వమంగళా స్తోత్రం.

Telugu

Read Stotra

శ్రీ సర్వమంగళా స్తోత్రం

బ్రహ్మోవాచ |
దుర్గే శివేఽభయే మాయే నారాయణి సనాతని |
జయే మే మంగళం దేహి నమస్తే సర్వమంగళే || 1 ||
దైత్యనాశార్థవచనో దకారః పరికీర్తితః |
ఉకారో విఘ్ననాశార్థవాచకో వేదసంమతః || 2 ||
రేఫో రోగఘ్నవచనో గశ్చ పాపఘ్నవాచకః |
భయశత్రుఘ్నవచనశ్చాఽఽకారః పరికీర్తితః || 3 ||
స్మృత్యుక్తిస్మరణాద్యస్యా ఏతే నశ్యంతి నిశ్చితం |
అతో దుర్గా హరేః శక్తిర్హరిణా పరికీర్తితా || 4 ||
విపత్తివాచకో దుర్గశ్చాఽఽకారో నాశవాచకః |
దుర్గం నశ్యతి యా నిత్యం సా చ దుర్గా ప్రకీర్తితా || 5 ||
దుర్గో దైత్యేంద్రవచనోఽప్యాకారో నాశవాచకః |
తం ననాశ పురా తేన బుధైర్దుర్గా ప్రకీర్తితా || 6 ||
శశ్చ కళ్యాణవచన ఇకారోత్కృష్టవాచకః |
సమూహవాచకశ్చైవ వాకారో దాతృవాచకః || 7 ||
శ్రేయః సంఘోత్కృష్టదాత్రీ శివా తేన ప్రకీర్తితా |
శివరాశిర్మూర్తిమతీ శివా తేన ప్రకీర్తితా || 8 ||
శివో హి మోక్షవచనశ్చాఽఽకారో దాతృవాచకః |
స్వయం నిర్వాణదాత్రీ యా సా శివా పరికీర్తితా || 9 ||
అభయో భయనాశోక్తశ్చాఽఽకారో దాతృవాచకః |
ప్రదదాత్యభయం సద్యః సాఽభయా పరికీర్తితా || 10 ||
రాజశ్రీవచనో మాశ్చ యాశ్చ ప్రాపణవాచకః |
తాం ప్రాపయతి యా నిత్యం సా మాయా పరికీర్తితా || 11 ||
మాశ్చ మోక్షార్థవచనో యాశ్చ ప్రాపణవాచకః |
తం ప్రాపయతి యా సద్యః సా మాయా పరికీర్తితా || 12 ||
నారాయణార్ధాంగభూతా తేన తుల్యా చ తేజసా |
సదా తస్య శరీరస్థా తేన నారాయణీ స్మృతా || 13 ||
నిర్గుణస్య చ నిత్యస్య వాచకశ్చ సనాతనః |
సదా నిత్యా నిర్గుణా యా కీర్తితా సా సనాతనీ || 14 ||
జయః కల్యాణవచనో హ్యాకారో దాతృవాచకః |
జయం దదాతి యా నిత్యం సా జయా పరికీర్తితా || 15 ||
సర్వమంగళశబ్దశ్చ సంపూర్ణైశ్వర్యవాచకః |
ఆకారో దాతృవచనస్తద్దాత్రీ సర్వమంగళా || 16 ||
నామాష్టకమిదం సారం నామార్థసహసంయుతం |
నారాయణేన యద్దత్తం బ్రహ్మణే నాభిపంకజే || 17 ||
తస్మై దత్త్వా నిద్రితశ్చ బభూవ జగతాం పతిః |
మధుకైటభౌ దుర్దాంతౌ బ్రహ్మాణం హంతుముద్యతౌ || 18 ||
స్తోత్రేణానేన స బ్రహ్మా స్తుతిం నత్వా చకార హ |
సాక్షాత్ స్తుతా తదా దుర్గా బ్రహ్మణే కవచం దదౌ || 19 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే సప్తవింశోఽధ్యాయే బ్రహ్మకృత సర్వమంగళా స్తోత్రం |

శ్రీ సర్వమంగళా స్తోత్రం

శ్రీ సర్వమంగళా స్తోత్రం.

Telugu

Read Stotra

శ్రీ సర్వమంగళా స్తోత్రం

సంకటనామాష్టకం

సంకటనామాష్టకం.

Telugu

Read Stotra

సంకటనామాష్టకం

నారద ఉవాచ –
జైగీషవ్య మునిశ్రేష్ఠ సర్వజ్ఞ సుఖదాయక |
ఆఖ్యాతాని సుపుణ్యాని శ్రుతాని త్వత్ప్రసాదతః || 1 ||
న తృప్తిమధిగచ్ఛామి తవ వాగమృతేన చ |
వదస్వైకం మహాభాగ సంకటాఖ్యానముత్తమం || 2 ||
ఇతి తస్య వచః శ్రుత్వా జైగీషవ్యోఽబ్రవీత్తతః |
సంకష్టనాశనం స్తోత్రం శృణు దేవర్షిసత్తమ || 3 ||
ద్వాపరే తు పురా వృత్తే భ్రష్టరాజ్యో యుధిష్ఠిరః |
భ్రాతృభిస్సహితో రాజ్యనిర్వేదం పరమం గతః || 4 ||
తదానీం తు తతః కాశీం పురీం యాతో మహామునిః |
మార్కండేయ ఇతి ఖ్యాతః సహ శిష్యైర్మహాయశాః || 5 ||
తం దృష్ట్వా స సముత్థాయ ప్రణిపత్య సుపూజితః |
కిమర్థం ంలానవదన ఏతత్త్వం మాం నివేదయ || 6 ||
యుధిష్ఠిర ఉవాచ –
సంకష్టం మే మహత్ప్రాప్తమేతాదృగ్వదనం తతః |
ఏతన్నివారణోపాయం కించిద్బ్రూహి మునే మమ || 7 ||
మార్కండేయ ఉవాచ –
ఆనందకాననే దేవీ సంకటా నామ విశ్రుతా |
వీరేశ్వరోత్తరే భాగే పూర్వం చంద్రేశ్వరస్య చ || 8 ||
శృణు నామాష్టకం తస్యాః సర్వసిద్ధికరం నృణాం |
సంకటా ప్రథమం నామ ద్వితీయం విజయా తథా || 9 ||
తృతీయం కామదా ప్రోక్తం చతుర్థం దుఃఖహారిణీ |
శర్వాణీ పంచమం నామ షష్ఠం కాత్యాయనీ తథా || 10 ||
సప్తమం భీమనయనా సర్వరోగహరాఽష్టమం |
నామాష్టకమిదం పుణ్యం త్రిసంధ్యం శ్రద్ధయాన్వితః || 11 ||
యః పఠేత్పాఠయేద్వాపి నరో ముచ్యేత సంకటాత్ |
ఇత్యుక్త్వా తు ద్విజశ్రేష్ఠమృషిర్వారాణసీం యయౌ || 12 ||
ఇతి తస్య వచః శ్రుత్వా నారదో హర్షనిర్భరః |
తతః సంపూజితాం దేవీం వీరేశ్వరసమన్వితాం || 13 ||
భుజైస్తు దశభిర్యుక్తాం లోచనత్రయభూషితాం |
మాలాకమండలుయుతాం పద్మశంఖగదాయుతాం || 14 ||
త్రిశూలడమరుధరాం ఖడ్గచర్మవిభూషితాం |
వరదాభయహస్తాం తాం ప్రణంయ విధినందనః || 15 ||
వారత్రయం గృహీత్వా తు తతో విష్ణుపురం యయౌ |
ఏతత్‍ స్తోత్రస్య పఠనం పుత్రపౌత్రవివర్ధనం || 16 ||
సంకష్టనాశనం చైవ త్రిషు లోకేషు విశ్రుతం |
గోపనీయం ప్రయత్నేన మహావంధ్యాప్రసూతికృత్ || 17 ||
ఇతి శ్రీపద్మపురాణే సంకటనామాష్టకం |

శ్రీ జ్ఞానప్రసూనాంబికా స్తోత్రం

శ్రీ జ్ఞానప్రసూనాంబికా స్తోత్రం.

Telugu

Read Stotra

శ్రీ జ్ఞానప్రసూనాంబికా స్తోత్రం

మాణిక్యాంచితభూషణాం మణిరవాం మాహేంద్రనీలోజ్జ్వలాం
మందారద్రుమమాల్యభూషితకుచాం మత్తేభకుంభస్తనీం |
మౌనిస్తోమనుతాం మరాళగమనాం మాధ్వీరసానందినీం
ధ్యాయే చేతసి కాళహస్తినిలయాం జ్ఞానప్రసూనాంబికాం || 1 ||
శ్యామాం రాజనిభాననాం రతిహితాం రాజీవపత్రేక్షణాం
రాజత్కాంచనరత్నభూషణయుతాం రాజ్యప్రదానేశ్వరీం |
రక్షోగర్వనివారణాం త్రిజగతాం రక్షైకచింతామణిం
ధ్యాయే చేతసి కాళహస్తినిలయాం జ్ఞానప్రసూనాంబికాం || 2 ||
కల్యాణీం కరికుంభభాసురకుచాం కామేశ్వరీం కామినీం
కల్యాణాచలవాసినీం కలరవాం కందర్పవిద్యాకలాం |
కంజాక్షీం కలబిందుకల్పలతికాం కామారిచిత్తప్రియాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 3 ||
భావాతీతమనఃప్రభావభరితాం బ్రహ్మాండభాండోదరీం
బాలాం బాలకురంగనేత్రయుగళాం భానుప్రభాభాసితాం |
భాస్వత్క్షేత్రరుచాభిరామనిలయాం భవ్యాం భవానీం శివాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 4 ||
వీణాగానవినోదినీం విజయినీం వేతండకుంభస్తనీం
విద్వద్వందితపాదపద్మయుగళాం విద్యాప్రదాం శాంకరీం |
విద్వేషిణ్యభిరంజినీం స్తుతివిభాం వేదాంతవేద్యాం శివాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 5 ||
నానాభూషితభూషణాదివిమలాం లావణ్యపాథోనిధిం
కాంచీచంచలఘంటికాకలరవాం కంజాతపత్రేక్షణాం |
కర్పూరాగరుకుంకుమాంకితకుచాం కైలాసనాథప్రియాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 6 ||
మంజీరాంచితపాదపద్మయుగళాం మాణిక్యభూషాన్వితాం
మందారద్రుమమంజరీమధుఝరీమాధుర్యఖేలద్గిరాం |
మాతంగీం మధురాలసాం కరశుకాం నీలాలకాలంకృతాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 7 ||
కర్ణాలంబితహేమకుండలయుగాం కాదంబవేణీముమాం
అంభోజాసనవాసవాదివినుతామర్ధేందుభూషోజ్జ్వలాం |
కస్తూరీతిలకాభిరామనిటిలాం గానప్రియాం శ్యామలాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 8 ||
కౌమారీం నవపల్లవాంఘ్రియుగళాం కర్పూరభాసోజ్జ్వలాం
గంగావర్తసమాననాభికుహరాం గాంగేయభూషాన్వితాం |
చంద్రార్కానలకోటికోటిసదృశాం చంద్రార్కబింబాననాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 9 ||
బాలాదిత్యనిభాననాం త్రినయనాం బాలేందునా భూషితాం
నీలాకారసుకేశినీ విలసితాం నిత్యాన్నదానప్రదాం |
శంఖం చక్రవరాభయం చ దధతీం సారస్వతార్థప్రదాం
ధ్యాయే చేతసి కాళహస్తినిలయాం జ్ఞానప్రసూనాంబికాం || 10 ||
ఇతి శ్రీ జ్ఞానప్రసూనాంబికా స్తోత్రం |

శ్రీ అన్నపూర్ణా అష్టోత్తరశతనామ స్తోత్రం

శ్రీ అన్నపూర్ణా అష్టోత్తరశతనామ స్తోత్రం.

Telugu

Read Stotra

శ్రీ అన్నపూర్ణా అష్టోత్తరశతనామ స్తోత్రం

అస్య శ్రీ అన్నపూర్ణాష్టోత్తర శతనామస్తోత్ర మహామంత్రస్య బ్రహ్మా ఋషిః అనుష్టుప్ఛన్దః శ్రీ అన్నపూర్ణేశ్వరీ దేవతా స్వధా బీజం స్వాహా శక్తిః ఓం కీలకం మమ సర్వాభీష్టప్రసాదసిద్ధ్యర్థే జపే వినియోగః |
ఓం అన్నపూర్ణా శివా దేవీ భీమా పుష్టిస్సరస్వతీ |
సర్వజ్ఞా పార్వతీ దుర్గా శర్వాణీ శివవల్లభా || 1 ||
వేదవేద్యా మహావిద్యా విద్యాదాత్రీ విశారదా |
కుమారీ త్రిపురా బాలా లక్ష్మీశ్శ్రీర్భయహారిణీ || 2 ||
భవానీ విష్ణుజననీ బ్రహ్మాదిజననీ తథా |
గణేశజననీ శక్తిః కుమారజననీ శుభా || 3 ||
భోగప్రదా భగవతీ భక్తాభీష్టప్రదాయినీ |
భవరోగహరా భవ్యా శుభ్రా పరమమంగళా || 4 ||
భవానీ చంచలా గౌరీ చారుచంద్రకళాధరా |
విశాలాక్షీ విశ్వమాతా విశ్వవంద్యా విలాసినీ || 5 ||
ఆర్యా కళ్యాణనిలయా రుద్రాణీ కమలాసనా |
శుభప్రదా శుభాఽనంతా వృత్తపీనపయోధరా || 6 ||
అంబా సంహారమథనీ మృడానీ సర్వమంగళా |
విష్ణుసంసేవితా సిద్ధా బ్రహ్మాణీ సురసేవితా || 7 ||
పరమానందదా శాంతిః పరమానందరూపిణీ |
పరమానందజననీ పరానందప్రదాయినీ || 8 ||
పరోపకారనిరతా పరమా భక్తవత్సలా |
పూర్ణచంద్రాభవదనా పూర్ణచంద్రనిభాంశుకా || 9 ||
శుభలక్షణసంపన్నా శుభానందగుణార్ణవా |
శుభసౌభాగ్యనిలయా శుభదా చ రతిప్రియా || 10 ||
చండికా చండమథనీ చండదర్పనివారిణీ |
మార్తాండనయనా సాధ్వీ చంద్రాగ్నినయనా సతీ || 11 ||
పుండరీకహరా పూర్ణా పుణ్యదా పుణ్యరూపిణీ |
మాయాతీతా శ్రేష్ఠమాయా శ్రేష్ఠధర్మాత్మవందితా || 12 ||
అసృష్టిస్సంగరహితా సృష్టిహేతు కపర్దినీ |
వృషారూఢా శూలహస్తా స్థితిసంహారకారిణీ || 13 ||
మందస్మితా స్కందమాతా శుద్ధచిత్తా మునిస్తుతా |
మహాభగవతీ దక్షా దక్షాధ్వరవినాశినీ || 14 ||
సర్వార్థదాత్రీ సావిత్రీ సదాశివకుటుంబినీ |
నిత్యసుందరసర్వాంగీ సచ్చిదానందలక్షణా || 15 ||
నాంనామష్టోత్తరశతమంబాయాః పుణ్యకారణం |
సర్వసౌభాగ్యసిద్ధ్యర్థం జపనీయం ప్రయత్నతః || 16 ||
ఇదం జపాధికారస్తు ప్రాణమేవ తతస్స్తుతః |
ఆవహన్తీతి మంత్రేణ ప్రత్యేకం చ యథాక్రమం || 17 ||
కర్తవ్యం తర్పణం నిత్యం పీఠమంత్రేతి మూలవత్ |
తత్తన్మన్త్రేతిహోమేతి కర్తవ్యశ్చేతి మాలవత్ || 18 ||
ఏతాని దివ్యనామాని శ్రుత్వా ధ్యాత్వా నిరన్తరం |
స్తుత్వా దేవీం చ సతతం సర్వాన్కామానవాప్నుయాత్ || 19 ||
ఇతి శ్రీ బ్రహ్మోత్తరఖండే ఆగమప్రఖ్యాతిశివరహస్యే అన్నపూర్ణాష్టోత్తర శతనామస్తోత్రం ||

శ్రీ అన్నపూర్ణా అష్టోత్తర శతనామావళిః

శ్రీ అన్నపూర్ణా అష్టోత్తర శతనామావళిః.

Telugu

Read Stotra

శ్రీ అన్నపూర్ణా అష్టోత్తర శతనామావళిః

శ్రీ ఉమా అష్టోత్తరశతనామ స్తోత్రం

శ్రీ ఉమా అష్టోత్తరశతనామ స్తోత్రం.

Telugu

Read Stotra

శ్రీ ఉమా అష్టోత్తరశతనామ స్తోత్రం

ఉమా కాత్యాయనీ గౌరీ కాళీ హైమవతీశ్వరీ |
శివా భవానీ రుద్రాణీ శర్వాణీ సర్వమంగళా || 1 ||
అపర్ణా పార్వతీ దుర్గా మృడానీ చండికాఽంబికా |
ఆర్యా దాక్షాయణీ చైవ గిరిజా మేనకాత్మజా || 2 ||
స్కందామాతా దయాశీలా భక్తరక్షా చ సుందరీ |
భక్తవశ్యా చ లావణ్యనిధిస్సర్వసుఖప్రదా || 3 ||
మహాదేవీ భక్తమనోహ్లాదినీ కఠినస్తనీ |
కమలాక్షీ దయాసారా కామాక్షీ నిత్యయౌవనా || 4 ||
సర్వసంపత్ప్రదా కాంతా సర్వసంమోహినీ మహీ |
శుభప్రియా కంబుకంఠీ కల్యాణీ కమలప్రియా || 5 ||
సర్వేశ్వరీ చ కలశహస్తా విష్ణుసహోదరీ |
వీణావాదప్రియా సర్వదేవసంపూజితాంఘ్రికా || 6 ||
కదంబారణ్యనిలయా వింధ్యాచలనివాసినీ |
హరప్రియా కామకోటిపీఠస్థా వాంఛితార్థదా || 7 ||
శ్యామాంగా చంద్రవదనా సర్వవేదస్వరూపిణీ |
సర్వశాస్త్రస్వరూపా చ సర్వదేశమయీ తథా || 8 ||
పురుహూతస్తుతా దేవీ సర్వవేద్యా గుణప్రియా |
పుణ్యస్వరూపిణీ వేద్యా పురుహూతస్వరూపిణీ || 9 ||
పుణ్యోదయా నిరాధారా శునాసీరాదిపూజితా |
నిత్యపూర్ణా మనోగంయా నిర్మలాఽఽనందపూరితా || 10 ||
వాగీశ్వరీ నీతిమతీ మంజుళా మంగళప్రదా |
వాగ్మినీ వంజులా వంద్యా వయోఽవస్థావివర్జితా || 11 ||
వాచస్పతి-ర్మహాలక్ష్మీ-ర్మహామంగళనాయికా |
సింహాసనమయీ సృష్టిస్థితిసంహారకారిణీ || 12 ||
మహాయజ్ఞా నేత్రరూపా సావిత్రీ జ్ఞానరూపిణీ |
వరరూపధరా యోగా మనోవాచామగోచరా || 13 ||
దయారూపా చ కాలజ్ఞా శివధర్మపరాయణా |
వజ్రశక్తిధరా చైవ సూక్ష్మాంగీ ప్రాణధారిణీ || 14 ||
హిమశైలకుమారీ చ శరణాగతరక్షిణీ |
సర్వాగమస్వరూపా చ దక్షిణా శంకరప్రియా || 15 ||
దయాధారా మహానాగధారిణీ త్రిపురభైరవీ |
నవీనచంద్రమశ్చూడప్రియా త్రిపురసుందరీ || 16 ||
ఇతి శ్రీఉమాఽష్టోత్తరశతనామ స్తోత్రం |

Sign In

OTP Verification

Sacred Stotras & Deities

శ్రీ విశాలాక్షీ స్తోత్రం (వ్యాస కృతం)

శ్రీ శాకంభరీ పంచకం

శ్రేయస్కరీ స్తోత్రం

శ్రీ షష్ఠీ దేవి స్తోత్రం

సప్తమాతృకా స్తోత్రం

శ్రీ సర్వమంగళా స్తోత్రం

శ్రీ సర్వమంగళా స్తోత్రం

సంకటనామాష్టకం

శ్రీ జ్ఞానప్రసూనాంబికా స్తోత్రం

శ్రీ అన్నపూర్ణా అష్టోత్తరశతనామ స్తోత్రం

శ్రీ అన్నపూర్ణా అష్టోత్తర శతనామావళిః

శ్రీ ఉమా అష్టోత్తరశతనామ స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps