DEVI STOTRAS Stotras & Hymns - Read Sacred Verses

శ్రీ ఉమా అష్టోత్తరశతనామావళిః

శ్రీ ఉమా అష్టోత్తరశతనామావళిః.

Telugu

శ్రీ ఉమా అష్టోత్తరశతనామావళిః

శ్రీ గోదాష్టోత్తరశతనామ స్తోత్రం

శ్రీ గోదాష్టోత్తరశతనామ స్తోత్రం.

Telugu

Read Stotra

శ్రీ గోదాష్టోత్తరశతనామ స్తోత్రం

ధ్యానం |
శతమఖమణి నీలా చారుకల్హారహస్తా
స్తనభరనమితాంగీ సాంద్రవాత్సల్యసింధుః |
అలకవినిహితాభిః స్రగ్భిరాకృష్టనాథా
విలసతు హృది గోదా విష్ణుచిత్తాత్మజా నః ||
అథ స్తోత్రం |
శ్రీరంగనాయకీ గోదా విష్ణుచిత్తాత్మజా సతీ |
గోపీవేషధరా దేవీ భూసుతా భోగశాలినీ || 1 ||
తులసీకాననోద్భూతా శ్రీధన్విపురవాసినీ |
భట్టనాథప్రియకరీ శ్రీకృష్ణహితభోగినీ || 2 ||
ఆముక్తమాల్యదా బాలా రంగనాథప్రియా పరా |
విశ్వంభరా కలాలాపా యతిరాజసహోదరీ || 3 ||
కృష్ణానురక్తా సుభగా సులభశ్రీః సులక్షణా |
లక్ష్మీప్రియసఖీ శ్యామా దయాంచితదృగంచలా || 4 ||
ఫల్గున్యావిర్భవా రంయా ధనుర్మాసకృతవ్రతా |
చంపకాశోకపున్నాగమాలతీవిలసత్కచా || 5 ||
ఆకారత్రయసంపన్నా నారాయణపదాశ్రితా |
శ్రీమదష్టాక్షరీమంత్రరాజస్థితమనోరథా || 6 ||
మోక్షప్రదాననిపుణా మనురత్నాధిదేవతా |
బ్రహ్మణ్యా లోకజననీ లీలామానుషరూపిణీ || 7 ||
బ్రహ్మజ్ఞానప్రదా మాయా సచ్చిదానందవిగ్రహా |
మహాపతివ్రతా విష్ణుగుణకీర్తనలోలుపా || 8 ||
ప్రపన్నార్తిహరా నిత్యా వేదసౌధవిహారిణీ |
శ్రీరంగనాథమాణిక్యమంజరీ మంజుభాషిణీ || 9 ||
పద్మప్రియా పద్మహస్తా వేదాంతద్వయబోధినీ |
సుప్రసన్నా భగవతీ శ్రీజనార్దనదీపికా || 10 ||
సుగంధావయవా చారురంగమంగలదీపికా |
ధ్వజవజ్రాంకుశాబ్జాంకమృదుపాదలతాంచితా || 11 ||
తారకాకారనఖరా ప్రవాలమృదులాంగుళీ |
కూర్మోపమేయపాదోర్ధ్వభాగా శోభనపార్ష్ణికా || 12 ||
వేదార్థభావతత్త్వజ్ఞా లోకారాధ్యాంఘ్రిపంకజా |
ఆనందబుద్బుదాకారసుగుల్ఫా పరమాణుకా || 13 ||
తేజఃశ్రియోజ్జ్వలధృతపాదాంగుళిసుభూషితా |
మీనకేతనతూణీరచారుజంఘావిరాజితా || 14 ||
కకుద్వజ్జానుయుగ్మాఢ్యా స్వర్ణరంభాభసక్థికా |
విశాలజఘనా పీనసుశ్రోణీ మణిమేఖలా || 15 ||
ఆనందసాగరావర్తగంభీరాంభోజనాభికా |
భాస్వద్వలిత్రికా చారుజగత్పూర్ణమహోదరీ || 16 ||
నవవల్లీరోమరాజీ సుధాకుంభాయితస్తనీ |
కల్పమాలానిభభుజా చంద్రఖండనఖాంచితా || 17 ||
సుప్రవాశాంగుళీన్యస్తమహారత్నాంగులీయకా |
నవారుణప్రవాలాభపాణిదేశసమంచితా || 18 ||
కంబుకంఠీ సుచుబుకా బింబోష్ఠీ కుందదంతయుక్ |
కారుణ్యరసనిష్యందనేత్రద్వయసుశోభితా || 19 ||
ముక్తాశుచిస్మితా చారుచాంపేయనిభనాసికా |
దర్పణాకారవిపులకపోలద్వితయాంచితా || 20 ||
అనంతార్కప్రకాశోద్యన్మణితాటంకశోభితా |
కోటిసూర్యాగ్నిసంకాశనానాభూషణభూషితా || 21 ||
సుగంధవదనా సుభ్రూ అర్ధచంద్రలలాటికా |
పూర్ణచంద్రాననా నీలకుటిలాలకశోభితా || 22 ||
సౌందర్యసీమా విలసత్కస్తూరీతిలకోజ్జ్వలా |
ధగద్ధగాయమానోద్యన్మణిసీమంతభూషణా || 23 ||
జాజ్వల్యమానసద్రత్నదివ్యచూడావతంసకా |
సూర్యార్ధచంద్రవిలసత్ భూషణాంచితవేణికా || 24 ||
అత్యర్కానలతేజోధిమణికంచుకధారిణీ |
సద్రత్నాంచితవిద్యోతవిద్యుత్కుంజాభశాటికా || 25 ||
నానామణిగణాకీర్ణహేమాంగదసుభూషితా |
కుంకుమాగరుకస్తూరీదివ్యచందనచర్చితా || 26 ||
స్వోచితౌజ్జ్వల్యవివిధవిచిత్రమణిహారిణీ |
అసంఖ్యేయసుఖస్పర్శసర్వాతిశయభూషణా || 27 ||
మల్లికాపారిజాతాదిదివ్యపుష్పస్రగంచితా |
శ్రీరంగనిలయా పూజ్యా దివ్యదేశసుశోభితా || 28 ||
ఇతి శ్రీగోదాష్టోత్తరశతనామస్తోత్రం |

శ్రీ గోదాదేవి అష్టోత్తరశతనామావళిః

శ్రీ గోదాదేవి అష్టోత్తరశతనామావళిః.

Telugu

Read Stotra

శ్రీ గోదాదేవి అష్టోత్తరశతనామావళిః

శ్రీ మంగళగౌరీ అష్టోత్తరశతనామావళిః

శ్రీ మంగళగౌరీ అష్టోత్తరశతనామావళిః.

Telugu

Read Stotra

శ్రీ మంగళగౌరీ అష్టోత్తరశతనామావళిః

శ్రావణ మంగళగౌరీ వ్రతకల్పం

శ్రావణ మంగళగౌరీ వ్రతకల్పం.

Telugu

Read Stotra

శ్రావణ మంగళగౌరీ వ్రతకల్పం

పునః సంకల్పం –
పూర్వోక్త ఏవం గుణ విశేషణ విశిష్టాయాం శుభ తిథౌ మమ యావజ్జీవ సౌమాంగళ్య సిద్ధ్యర్థం పుత్రపౌత్రసంపత్సౌభాగ్య సిద్ధ్యర్థం మమ వివాహ ప్రథమ వర్షాది పంచమవర్ష పర్యంతం శ్రీ మంగళగౌరీ దేవతాముద్దిశ్య శ్రీ మంగళగౌరీ దేవతా ప్రీత్యర్థం సంభవద్భిః ద్రవ్యైః సంభవతా నియమేన ధ్యానావాహనాది షోడశోపచార పూజనేన శ్రీ మంగళగౌరీ వ్రతం కరిష్యే |
ప్రాణప్రతిష్టా –
ఓం అసునీతే పునరస్మాసు చక్షుః
పునః ప్రాణమిహ నో ధేహి భోగం |
జ్యోక్పశ్యేమ సూర్యముచ్చరన్త
మనుమతే మృడయా నః స్వస్తి ||
అమృతం వై ప్రాణా అమృతమాపః
ప్రాణానేవ యథాస్థానముపహ్వయతే ||
అస్మిన్ బింబే శ్రీ మంగళగౌరీ దేవతాం ఆవాహయామి స్థాపయామి పూజయామి |
స్థిరో భవ వరదో భవ సుప్రసన్నో భవ |
శ్రీ మంగళగౌరీదేవతా ప్రాణప్రతిష్ఠాపన ముహూర్తః సుముహూర్తో అస్తు |
ధ్యానం –
సకుంకుమ విలేపనామళికచుంబికస్తూరికాం
సమందహసితేక్షణాం సశరచాపపాశాంకుశాం |
అశేషజనమోహినీమరుణమాల్య భూషాంబరాం
జపాకుసుమభాసురాం జపవిధౌ స్మరేదంబికాం ||
దేవీం షోడశవర్షీయాం శశ్వత్సుస్థిరయౌవనాం
బింబోష్ఠీం సుదతీం శుద్ధాం శరత్పద్మనిభాననాం |
శ్వేతచంపకవర్ణాభాం సునీలోత్పలలోచనాం
జగద్ధాత్రీం చ దాత్రీం చ సర్వేభ్యః సర్వసంపదాం
సంసారసాగరే ఘోరే జ్యోతిరూపాం సదా భజే ||
ఓం హ్రీం శ్రీం మంగళగౌరీ దేవతాయై నమః ధ్యాయామి |
ఆసనం –
కల్లోలోల్లసితామృతాబ్ధిలహరీమధ్యే విరాజన్మణి-
-ద్వీపే కల్పకవాటికాపరివృతే కాదంబవాట్యుజ్జ్వలే |
రత్నస్తంభసహస్రనిర్మితసభామధ్యే విమానోత్తమే
చింతారత్నవినిర్మితం జనని తే సింహాసనం భావయే ||
ఓం హ్రీం శ్రీం మంగళగౌరీ దేవతాయై నమః నవరత్నఖచిత సింహాసనం సమర్పయామి |
ఆవాహనం –
ఏణాంకానలభానుమండలలసచ్ఛ్రీచక్రమధ్యేస్థితాం
బాలార్కద్యుతిభాసురాం కరతలైః పాశాంకుశౌ బిభ్రతీం |
చాపం బాణమపి ప్రసన్నవదనాం కౌసుంభవస్త్రాన్వితాం
తాం త్వాం చంద్రకళావతంసమకుటాం చారుస్మితాం భావయే ||
ఆగచ్ఛ సర్వదేవేశీ సర్వకార్యార్థసిద్ధయే |
సర్వసిద్ధిప్రదే దేవీ సర్వపాపప్రణాశినీ ||
ఓం హ్రీం శ్రీం మంగళగౌరీ దేవతాయై నమః ఆవాహనం సమర్పయామి |
ఈశానాదిపదం శివైకఫలదం రత్నాసనం తే శుభం
పాద్యం కుంకుమచందనాదిభరితైరర్ఘ్యం సరత్నాక్షతైః |
శుద్ధైరాచమనీయకం తవ జలైర్భక్త్యా మయా కల్పితం
కారుణ్యామృతవారిధే తదఖిలం సంతుష్టయే కల్పతాం ||
పాద్యం –
గంగాది సలిలైర్యుక్తం సుగంధేన సువాసితం |
పాద్యం గృహాణ సుశ్రోణి రుద్రపత్ని నమోఽస్తు తే ||
ఓం హ్రీం శ్రీం మంగళగౌరీ దేవతాయై నమః పాదయోః పాద్యం సమర్పయామి ||
అర్ఘ్యం –
భాగీరథ్యాది సలిలం నానాతీర్థసమన్వితం |
కర్పూరగంధసంయుక్తం అర్ఘ్యం తుభ్యం దదాంయహం ||
ఓం హ్రీం శ్రీం మంగళగౌరీ దేవతాయై నమః హస్తయోః అర్ఘ్యం సమర్పయామి ||
ఆచమనీయం –
రత్నపాత్రే స్థితం తోయం సర్వతీర్థసమన్వితం |
ఆచంయ తాం మహాదేవి రుద్రకాంతే నమోఽస్తు తే ||
ఓం హ్రీం శ్రీం మంగళగౌరీ దేవతాయై నమః ముఖే ఆచమనీయం సమర్పయామి ||
మధుపర్కం –
స్వర్ణపాత్రే సమానీతం దధిఖండ మధుప్లుతం |
మధుపర్కం గృహాణేదం మయా దత్తం సురేశ్వరీ ||
ఓం హ్రీం శ్రీం మంగళగౌరీ దేవతాయై నమః మధుపర్కం సమర్పయామి ||
పంచామృత స్నానం –
క్షీరం దధ్యాజ్య మధురా శర్కరా ఫలసంయుతం |
స్నానం స్వీకురు దేవేశి సర్గస్థిత్యంతరూపిణీ |
ఓం హ్రీం శ్రీం మంగళగౌరీ దేవతాయై నమః పంచామృతస్నానం సమర్పయామి ||
శుద్ధోదక స్నానం –
లక్ష్యే యోగిజనస్య రక్షితజగజ్జాలే విశాలేక్షణే
ప్రాలేయాంబుపటీరకుంకుమలసత్కర్పూరమిశ్రోదకైః |
గోక్షీరైరపి నారికేలసలిలైః శుద్ధోదకైర్మంత్రితైః
స్నానం దేవి ధియా మయైతదఖిలం సంతుష్టయే కల్పతాం ||
గంగాదిసలిలైః పుణ్యైః ఆనీతైః స్వర్ణపాత్రకైః |
స్నానార్థం తే మయా దత్తం సర్వాభరణభూషితే ||
ఓం హ్రీం శ్రీం మంగళగౌరీ దేవతాయై నమః శుద్ధోదకేన స్నపయామి ||
వస్త్రం –
హ్రీంకారాంకితమంత్రలక్షితతనో హేమాచలాత్సంచితైః
రత్నైరుజ్జ్వలముత్తరీయసహితం కౌసుంభవర్ణాంశుకం |
ముక్తాసంతతియజ్ఞసూత్రమమలం సౌవర్ణతంతూద్భవం
దత్తం దేవి ధియా మయైతదఖిలం సంతుష్టయే కల్పతాం ||
సర్వదే సర్వదా గౌరి సర్వాభరణభూషితే
పీతాంబరద్వయమిదం గృహాణ పరమేశ్వరీ |
గ్రైవేయహారకేయూర కటకాద్యైః విభూషితం
ధార్యం స్వర్ణమయం శుభ్రం ఉత్తరీయం చ పార్వతీ ||
ఓం హ్రీం శ్రీం మంగళగౌరీ దేవతాయై నమః కంచుక సహిత కౌసుంభ వస్త్రయుగ్మం సమర్పయామి ||
యజ్ఞోపవీతం –
ఓం హ్రీం శ్రీం మంగళగౌరీ దేవతాయై నమః స్వర్ణ యజ్ఞోపవీతం సమర్పయామి |
ఆభరణం –
హంసైరప్యతిలోభనీయగమనే హారావలీముజ్జ్వలాం
హిందోలద్యుతిహీరపూరితతరే హేమాంగదే కంకణే |
మంజీరౌ మణికుండలే మకుటమప్యర్ధేందుచూడామణిం
నాసామౌక్తికమంగులీయకటకౌ కాంచీమపి స్వీకురు ||
ఓం హ్రీం శ్రీం మంగళగౌరీ దేవతాయై నమః నవరత్నమయ ఆభరణాని సమర్పయామి ||
గంధం –
సర్వాంగే ఘనసారకుంకుమఘనశ్రీగంధపంకాంకితం
కస్తూరీతిలకం చ ఫాలఫలకే గోరోచనాపత్రకం |
గండాదర్శనమండలే నయనయోర్దివ్యాంజనం తేఽర్పితం
కంఠాబ్జే మృగనాభిపంకమమలం త్వత్ప్రీతయే కల్పతాం ||
గంధం మనోహరం దివ్యం ఘనసారసమన్వితం |
తుభ్యం భవాని దాస్యామి చోత్తమం చానులేపనం ||
ఓం హ్రీం శ్రీం మంగళగౌరీ దేవతాయై నమః దివ్య శ్రీ చందనం సమర్పయామి ||
అక్షతాన్ –
అక్షతాన్ శుభవర్ణాభాన్ హరిద్రాద్యైస్సుసంయుతాన్ |
కాత్యాయని గృహాణ త్వం సర్వదేవనమస్కృతే ||
ఓం హ్రీం శ్రీం మంగళగౌరీ దేవతాయై నమః అక్షతాన్ సమర్పయామి |
పుష్పమాలికా –
కల్హారోత్పలమల్లికామరువకైః సౌవర్ణపంకేరుహైః
జాతీచంపకమాలతీవకులకైః మందారకుందాదిభిః |
కేతక్యా కరవీరకైర్బహువిధైః క్లుప్తాః స్రజో మాలికాః
సంకల్పేన సమర్పయామి వరదే సంతుష్టయే గృహ్యతాం ||
ఓం హ్రీం శ్రీం మంగళగౌరీ దేవతాయై నమః పుష్పామాలికా సమర్పయామి |
చంపకాశోక కల్హార కుముదోత్పల జాతిభిః |
కరవీరాది కుసుమైః పూజయామి సురేశ్వరీ ||
ఓం హ్రీం శ్రీం మంగళగౌరీ దేవతాయై నమః నానావిధ పరిమళ పత్రైః పుష్పైశ్చ పూజయామి ||
అథ అంగపూజా –
ఉమాయై నమః – పాదౌ పూజయామి |
గౌర్యై నమః – జంఘే పూజయామి |
పార్వత్యై నమః – జానునీ పూజయామి |
జగన్మాత్రే నమః – ఊరూ పూజయామి |
జగత్ప్రతిష్ఠాయై నమః – కటిం పూజయామి |
మూలప్రకృత్యై నమః – నాభిం పూజయామి |
అంబికాయై నమః – ఉదరం పూజయామి |
అన్నపూర్ణాయై నమః – స్తనౌ పూజయామి |
శివసుందర్యై నమః – వక్షస్థలం పూజయామి |
మహాబలాయై నమః – బాహూన్ పూజయామి |
వరప్రదాయై నమః – హస్తాన్ పూజయామి |
కంబుకంఠ్యై నమః – కంఠం పూజయామి |
బ్రహ్మవిద్యాయై నమః – జిహ్వాం పూజయామి |
శాంకర్యై నమః – ముఖం పూజయామి |
శివాయై నమః – నేత్రే పూజయామి |
రుద్రాణ్యై నమః – కర్ణౌ పూజయామి |
సర్వమంగళాయై నమః – లలాటం పూజయామి |
సర్వేశ్వర్యై నమః – శిరః పూజయామి |
మంగళగౌర్యై నమః – సర్వాణ్యంగాని పూజయామి |
ఓం హ్రీం శ్రీం మంగళగౌరీ దేవతాయై నమః అష్టోత్తరశతనామ పూజాం సమర్పయామి ||
ధూపం –
హంతారం మదనస్య నందయసి యైరంగైరనంగోజ్జ్వలై-
-ర్యైర్భృంగావలినీలకుంతలభరైర్బధ్నాసి తస్యాశయం |
తానీమాని తవాంబ కోమలతరాణ్యామోదలీలాగృహా-
-ణ్యామోదాయ దశాంగగుగ్గులుఘృతైర్ధూపైరహం ధూపయే ||
ఓం హ్రీం శ్రీం మంగళగౌరీ దేవతాయై నమః ధూపమాఘ్రాపయామి |
దీపం –
లక్ష్మీముజ్జ్వలయామి రత్ననివహోద్భాస్వత్తరే మందిరే
మాలారూపవిలంబితైర్మణిమయస్తంభేషు సంభావితైః | [రత్న] చిత్రైర్హాటకపుత్రికాకరధృతైర్గవ్యైర్ఘృతైర్వర్ధితై-
-ర్దివ్యైర్దీపగణైర్ధియా గిరిసుతే సంతుష్టయే కల్పతాం ||
ఓం హ్రీం శ్రీం మంగళగౌరీ దేవతాయై నమః దీపం దర్శయామి ||
ధూపదీపానంతరం శుద్ధ ఆచమనీయం సమర్పయామి |
నైవేద్యం –
హ్రీంకారేశ్వరి తప్తహాటకకృతైః స్థాలీసహస్రైర్భృతం
దివ్యాన్నం ఘృతసూపశాకభరితం చిత్రాన్నభేదం తథా |
దుగ్ధాన్నం మధుశర్కరాదధియుతం మాణిక్యపాత్రే స్థితం
మాషాపూపసహస్రమంబ సఫలం నైవేద్యమావేదయే ||
ఓం భూర్భువస్సువః | తత్సవితుర్వరేణ్యం |
భర్గో దేవస్య ధీమహి |
ధియో యోనః ప్రచోదయాత్ ||
సత్యం త్వా ఋతేన పరిషించామి |
అమృతమస్తు | అమృతోపస్తరణమసి |
ఓం ప్రాణాయ స్వాహా | ఓం అపానాయ స్వాహా |
ఓం వ్యానాయ స్వాహా | ఓం ఉదానాయ స్వాహా |
ఓం సమానాయ స్వాహా |
మధ్యే మధ్యే పానీయం సమర్పయామి |
అమృతాపి ధానమసి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
ఓం హ్రీం శ్రీం మంగళగౌరీ దేవతాయై నమః మహానైవేద్యం సమర్పయామి ||
తాంబూలం –
సచ్ఛాయైర్వరకేతకీదలరుచా తాంబూలవల్లీదలైః
పూగైర్భూరిగుణైః సుగంధిమధురైః కర్పూరఖండోజ్జ్వలైః |
ముక్తాచూర్ణవిరాజితైర్బహువిధైర్వక్త్రాంబుజామోదనైః
పూర్ణా రత్నకలాచికా తవ ముదే న్యస్తా పురస్తాదుమే ||
పూగీఫలైస్స కర్పూరైః నాగవల్లీదళైర్యుతం |
ముక్తాచూర్ణసమాయుక్తం తాంబూలం ప్రతిగృహ్యతాం ||
ఓం హ్రీం శ్రీం మంగళగౌరీ దేవతాయై నమః తాంబూలం సమర్పయామి ||
నీరాజనం –
కన్యాభిః కమనీయకాంతిభిరలంకారామలారార్తికా
పాత్రే మౌక్తికచిత్రపంక్తివిలసత్కర్పూరదీపాలిభిః |
తత్తత్తాలమృదంగగీతసహితం నృత్యత్పదాంభోరుహం
మంత్రారాధనపూర్వకం సువిహితం నీరాజనం గృహ్యతాం ||
ఓం హ్రీం శ్రీం మంగళగౌరీ దేవతాయై నమః ఆనంద కర్పూర నీరాజనం సమర్పయామి |
నీరజనానంతరం శుద్ధ ఆచమనీయం సమర్పయామి |
మంత్రపుష్పం –
వరాంకుశౌ పాశమభీతిముద్రాం
కరైర్వహన్తీం కమలాసనస్థాం |
బాలార్కకోటి ప్రతిభాం త్రినేత్రాం
భజేఽహమంబాం జగదీశ్వరీం తాం ||
సర్వమంగళ మాంగళ్యే శివే సర్వార్థ సాధికే |
శరణ్యే త్ర్యంబకే గౌరీ నారాయణీ నమోఽస్తు తే ||
ఓం హ్రీం శ్రీం మంగళగౌరీ దేవతాయై నమః సువర్ణ దివ్య మంత్రపుష్పం సమర్పయామి |
సర్వోపచారాః –
లక్ష్మీర్మౌక్తికలక్షకల్పితసితచ్ఛత్త్రం తు ధత్తే రసా-
-దింద్రాణీ చ రతిశ్చ చామరవరే ధత్తే స్వయం భారతీ |
వీణామేణవిలోచనాః సుమనసాం నృత్యంతి తద్రాగవ-
-ద్భావైరాంగికసాత్త్వికైః స్ఫుటరసం మాతస్తదాకర్ణ్యతాం ||
ఓం హ్రీం శ్రీం మంగళగౌరీ దేవతాయై నమః ఛత్రం ఆచ్ఛాదయామి |
ఓం హ్రీం శ్రీం మంగళగౌరీ దేవతాయై నమః చామరైర్వీజయామి |
ఓం హ్రీం శ్రీం మంగళగౌరీ దేవతాయై నమః నృత్యం దర్శయామి |
ఓం హ్రీం శ్రీం మంగళగౌరీ దేవతాయై నమః గీతం శ్రావయామి |
ఓం హ్రీం శ్రీం మంగళగౌరీ దేవతాయై నమః ఆందోళికాన్నారోహయామి |
ఓం హ్రీం శ్రీం మంగళగౌరీ దేవతాయై నమః అశ్వానారోహయామి |
ఓం హ్రీం శ్రీం మంగళగౌరీ దేవతాయై నమః గజానారోహయామి |
ఓం హ్రీం శ్రీం మంగళగౌరీ దేవతాయై నమః నానావిధ రాజ్ఞోపచార భక్త్యోపచారాన్ శక్త్యోపచారాన్ సమర్పయామి ||
నమస్కారాన్ –
హ్రీంకారత్రయసంపుటేన మనునోపాస్యే త్రయీమౌలిభి-
-ర్వాక్యైర్లక్ష్యతనో తవ స్తుతివిధౌ కో వా క్షమేతాంబికే |
సల్లాపాః స్తుతయః ప్రదక్షిణశతం సంచార ఏవాస్తు తే
సంవేశో నమసః సహస్రమఖిలం త్వత్ప్రీతయే కల్పతాం ||
ఓం హ్రీం శ్రీం మంగళగౌరీ దేవతాయై నమః నమస్కారాన్ సమర్పయామి ||
తోరబంధన మంత్రం –
బధ్నామి దక్షిణేహస్తే పంచసూత్రం శుభప్రదం |
పుత్రపౌత్రాభివృద్ధిం చ సౌభాగ్యం దేహి మే రమే ||
పూర్వము ధర్మపాలుడను ఒక వైశ్యుడు కలడు. మిక్కిలి ధనవంతుడు, భక్తివంతుడైన ఆతనికి పెళ్ళి అయినా సంతానము కలుగలేదు. తన భార్యతో కలసి దాన ధర్మములు చేయసాగెను. ఇలా ఉండగా ఒకనాడు ఒక సాధువు వీరి యింటికి భిక్షకు వచ్చెను. ధర్మపాలుని భార్య వేగమే బంగారు పళ్ళెములో భిక్ష తీసుకురాగా, సాధువు యా భిక్ష స్వీకరింపక వెడలిపోసాగెను. కారణమేమియో చెప్పుమనగా, పుత్రపౌత్రులులేని ఇంట భిక్షస్వీకరింపరాదని తెలిపి పరమేశ్వరుని గూర్చి తపమాచరింపుమని ఉపాయము చెప్పి వెళ్ళెను.
పిదప ఆ దంపతులు చేసిన తపమునకు ప్రసన్నుడైన పరమేశ్వరుడు, అల్పాయుష్కుడగు పుత్రుడు కలుగగలడని వరమిచ్చి, ఊరువెలుపలయున్న ఆలయము వద్ద గల మామిడి చెట్టు యొక్క ఒకే ఒక ఫలము నీ భార్యకొసగుమని ఆనతిచ్చెను. అటులనేయని ఆ ధర్మపాలుడు వృక్షము వద్దకు వెళ్ళి అత్యాశ వలన ఒక్కఫలముగాక మిక్కిలిఫలములను ద్రుంచి మూటగట్టుకొని వచ్చెను. మూటవిప్పి చూడ ఒక్క ఫలమే కనిపించగా, అదియే ప్రాప్తమనుకుని ఆతని భార్య భుజించి అనతికాలమందు ఒక పుత్రునకు జన్మనిచ్చెను. ఆతనికి వారదత్తుడను నామకరణము జేసి పెంచిపెద్దజేసిరి.
ఒక రోజున తన తల్లి దుఃఖించుచూ ఉండగా కారణమేమిటని వారదత్తుడడిగెను. దానికి యా తల్లి ఆతని అల్పాయుర్దాయము గల విషయమును జెప్పి యమభటులు వచ్చి తీసుకువెళ్ళెదరని శోకింపసాగెను. ఇది విని, “తల్లీ ! నేను బ్రతికి ఉండగనే కాశీయాత్ర చేసివచ్చెద”నని తెలిపి తన మేనమామతో కలిసి కాశీయాత్రకు బయలుదేరెను. మార్గమధ్యమున వారు ప్రతిష్ఠా నగరమును చేరుకొని ఒక పూదోటలో బసజేసిరి.
ఆ పూదోటయందు సుశీల యను రాజకుమార్తె తన చెలికత్తెలతో ఆడుకొనుచుండెను. ఆటమధ్యలో తగవువచ్చి ఒకరినొకరు “విధవా” అని దుర్భాషలాడిరి. అందుకు ఆ సుశీల, తన ఇంట మానవతి యైన తన తల్లి మంగళకరమైన గౌరీ దేవీ వ్రతము చేసి తనకు వాయనము ఇచ్చెనుగాన యా వ్రత మహిమవలన తమ యింట వైధవ్యము ఉండదని పలికెను. ఇది విన్న వారదత్తుని మేనమామ ఈమెకు తన మేనల్లుడిని ఇచ్చి వివాహము చేసిన బ్రతుకగలడని భావించి సుశీల తండ్రితో మంతనములు జరిపి వారదత్తుని ఇచ్చి వివాహము చేసెను.
వివాహము జరిగిన రోజు సుశీల మంగళగౌరీ దేవిని పూజించెను. ఆ రాత్రి సుశీల స్వప్నమున గౌరీదేవి ప్రత్యక్షమై “నీ భర్తకు నేడు సర్పముచే ప్రాణగండమున్నది గాన, యా పామును పట్టి నీ తల్లి వాయనమిచ్చిన మట్టికుండలో మూటగట్టు”మని ఆనతిచ్చెను. సుశీల ఉలికిపడి మేల్కొనగా తన భర్త యెదుట ఒక సర్పము కనిపించినది. సుశీల ధైర్యమువీడక, నిదురించుచున్న తన భర్త తొడమీద యెక్కి అటకమీదనున్న కుండను దింపి, సర్పమును ఆ కుండలో బంధించి వస్త్రముతో మూటగట్టి నిదురించెను. తెల్లవారక మునుపే వారదత్తుని మేనమామ ఆతనిని మేల్కొలిపి కాశీకి తీసుకుపోయెను.
సుశీల లేచి తన భర్త కనబడుటలేదను విషయమును తన తలిదండ్రులకు చెప్పెను. సర్పమును ఉంచిన కుండను తన తల్లి తెరచి చూడగా అందులో ఒక ముత్యాలహారము కనిపించెను. అటుపింమట సుశీల తన తల్లిదండ్రులు తనకు మారు వివాహము జరుప యత్నమును తిరస్కరించి, తన భర్తకోసము వేచిచూసెదనని పలికి మంగళగౌరీ పూజచేయుచూ బాటసారులకు అన్నదానము చేయుచూ తాంబూలాది బహుమతులు ఇవ్వసాగెను.
మరుసటి సంవత్సమున కాశీ దర్శనం ముగించుకుని తన మేనమామతో కలిసి వారదత్తుడు తిరిగివచ్చుచూ, సుశీల యుండు నగరమున బసచేసెను. ఆ రాత్రి ఆతడి స్వప్నమందు మంగళగౌరీ దేవి యమభటులతో యుద్ధము జేసి ఓడించినట్టు గాంచెను. ఈ స్వప్నమును తన మేనమామకు తెలుపగా మంగళగౌరీ మహిమచే అపమృత్యుదోషము పోయినదని గ్రహించితిరి.
మరుసటి దినము అక్కడి సత్రమునందు జరుగు అన్నదానములో వారదత్తుని చూచి సుశీల గుర్తుపట్టి, తన భర్త ఈతనేయని తన తల్లిదండ్రులకు తెలిపి తనవద్ద ఉన్న వారదత్తుడు విడిచిన అంగుళీయకమును జూపెను. వారు వారదత్తుని గుర్తుపట్టి మర్యాదలు చేసి సారెతో సుశీలకు అప్పగింతలు తెలిపి వారదత్తునితో పంపెను.
పుట్టింట శ్రావణ మంగళవారపు వ్రతమాచరించి, అత్తవారింట అడుగుపెట్టిన సుశీలకు తన అత్తమామలు అంధులవుటగాంచి, తనతో తెచ్చిన కాటుకను వారి కనులకు పెట్టగా, వారికి దృష్టి వచ్చెను. మంగళగౌరీదేవి మహిమవలన ఇది యంతా జరిగినదని గ్రహించి సుశీల వారదత్తులిరువురు యావజ్జీవ పర్యంతం శ్రావణమంగళగౌరీ వ్రతమాచరించుచూ సుఖముగ నుండిరి. సుశీల వంటి పతివ్రత వలన వారదత్తుని ప్రాణాలు నిలిచెనని గ్రహించిన వారి బంధుమిత్రాదులు మంగళగౌరీ వ్రతము చేయుచూ ఆనందముగయుండిరి.
వ్రతకథా సంపూర్ణం |
***
ప్రార్థనా –
శ్రీమంత్రాక్షరమాలయా గిరిసుతాం యః పూజయే చేతసా
సంధ్యాసు ప్రతివాసరం సునియతస్తస్యామలం స్యాన్మనః |
చిత్తాంభోరుహమంటపే గిరిసుతా నృత్తం విధత్తే రసా-
-ద్వాణీ వక్త్రసరోరుహే జలధిజా గేహే జగన్మంగళా ||
పుత్రాన్దేహి ధనం దేహి సౌభాగ్యం సర్వమంగళే |
సౌమాంగళ్యం సుఖం జ్ఞానం దేహి మే శివసుందరీ ||
క్షమాప్రార్థనా –
మంత్రహీనం క్రియాహీనం భక్తిహీనం మహేశ్వరీ |
తత్సర్వం క్షంయతాం దేవి కాత్యాయని నమోఽస్తు తే |
సర్వం శ్రీ మంగళగౌరీ దేవతార్పణమస్తు |
అనయా మయా కృత పూజయా శ్రీమంగళగౌరీ దేవతా సుప్రీతా సుప్రసన్నా వరదా భవతు |
మమ ఇష్టకాంయార్థ సిద్ధిరస్తు |
వాయనదాన శ్లోకం –
కాత్యాయనీ శివా గౌరీ సావిత్రీ సర్వమంగళా |
సువాసినిభ్యో దాస్యామి వాయనాని ప్రసీదతు ||

దేవీ ఖడ్గమాలా స్తోత్రం

దేవీ ఖడ్గమాలా స్తోత్రం.

Telugu

Read Stotra

దేవీ ఖడ్గమాలా స్తోత్రం

ప్రార్థన |
హ్రీంకారాసనగర్భితానలశిఖాం సౌః క్లీం కళాం బిభ్రతీం
సౌవర్ణాంబరధారిణీం వరసుధాధౌతాం త్రిణేత్రోజ్జ్వలాం |
వందే పుస్తకపాశమంకుశధరాం స్రగ్భూషితాముజ్జ్వలాం
త్వాం గౌరీం త్రిపురాం పరాత్పరకళాం శ్రీచక్రసంచారిణీం ||
అస్య శ్రీశుద్ధశక్తిమాలామహామంత్రస్య, ఉపస్థేంద్రియాధిష్ఠాయీ వరుణాదిత్య ఋషిః, దైవీ గాయత్రీ ఛందః, సాత్త్విక కకారభట్టారకపీఠస్థిత కామేశ్వరాంకనిలయా మహాకామేశ్వరీ శ్రీ లలితా భట్టారికా దేవతా, ఐం బీజం క్లీం శక్తిః సౌః కీలకం మమ ఖడ్గసిద్ధ్యర్థే సర్వాభీష్టసిద్ధ్యర్థే జపే వినియోగః |
మూలమంత్రేణ షడంగన్యాసం కుర్యాత్ ||
తాదృశం ఖడ్గమాప్నోతి యేన హస్తస్థితేనవై |
అష్టాదశమహాద్వీపసంరాడ్భోక్తాభవిష్యతి ||
ఆరక్తాభాం త్రినేత్రామరుణిమవసనాం రత్నతాటంకరంయాం |
హస్తాంభోజైస్సపాశాంకుశమదన ధనుస్సాయకైర్విస్ఫురంతీం |
ఆపీనోత్తుంగవక్షోరుహకలశలుఠత్తారహారోజ్జ్వలాంగీం |
ధ్యాయేదంభోరుహస్థామరుణిమవసనామీశ్వరీమీశ్వరాణాం ||
లమిత్యాది పంచ పూజాం కుర్యాత్, యథాశక్తి మూలమంత్రం జపేత్ |
లం – పృథివీతత్త్వాత్మికాయై శ్రీలలితాత్రిపురసుందరీ పరాభట్టారికాయై గంధం పరికల్పయామి – నమః
హం – ఆకాశతత్త్వాత్మికాయై శ్రీలలితాత్రిపురసుందరీ పరాభట్టారికాయై పుష్పం పరికల్పయామి – నమః
యం – వాయుతత్త్వాత్మికాయై శ్రీలలితాత్రిపురసుందరీ పరాభట్టారికాయై ధూపం పరికల్పయామి – నమః
రం – తేజస్తత్త్వాత్మికాయై శ్రీలలితాత్రిపురసుందరీ పరాభట్టారికాయై దీపం పరికల్పయామి – నమః
వం – అమృతతత్త్వాత్మికాయై శ్రీలలితాత్రిపురసుందరీ పరాభట్టారికాయై అమృతనైవేద్యం పరికల్పయామి – నమః
సం – సర్వతత్త్వాత్మికాయై శ్రీలలితాత్రిపురసుందరీ పరాభట్టారికాయై తాంబూలాదిసర్వోపచారాన్ పరికల్పయామి – నమః
(శ్రీదేవీ సంబోధనం-1)
ఓం ఐం హ్రీం శ్రీం ఐం క్లీం సౌః ఓం నమస్త్రిపురసుందరి |
(న్యాసాంగదేవతాః-6)
హృదయదేవి, శిరోదేవి, శిఖాదేవి, కవచదేవి, నేత్రదేవి, అస్త్రదేవి,
(తిథినిత్యాదేవతాః-16)
కామేశ్వరి, భగమాలిని, నిత్యక్లిన్నే, భేరుండే, వహ్నివాసిని, మహావజ్రేశ్వరి, శివదూతి, త్వరితే, కులసుందరి, నిత్యే, నీలపతాకే, విజయే, సర్వమంగళే, జ్వాలామాలిని, చిత్రే, మహానిత్యే,
(దివ్యౌఘగురవః-7)
పరమేశ్వరపరమేశ్వరి, మిత్రేశమయి, షష్ఠీశమయి, ఉడ్డీశమయి, చర్యానాథమయి, లోపాముద్రామయి, అగస్త్యమయి,
(సిద్ధౌఘగురవః-4)
కాలతాపనమయి, ధర్మాచార్యమయి, ముక్తకేశీశ్వరమయి, దీపకళానాథమయి,
(మానవౌఘగురవః-8)
విష్ణుదేవమయి, ప్రభాకరదేవమయి, తేజోదేవమయి, మనోజదేవమయి, కళ్యాణదేవమయి, వాసుదేవమయి, రత్నదేవమయి, శ్రీరామానందమయి,
(శ్రీచక్ర ప్రథమావరణదేవతాః-30)
అణిమాసిద్ధే, లఘిమాసిద్ధే, [గరిమాసిద్ధే], మహిమాసిద్ధే, ఈశిత్వసిద్ధే, వశిత్వసిద్ధే, ప్రాకాంయసిద్ధే, భుక్తిసిద్ధే, ఇచ్ఛాసిద్ధే, ప్రాప్తిసిద్ధే, సర్వకామసిద్ధే, బ్రాహ్మి, మాహేశ్వరి, కౌమారి, వైష్ణవి, వారాహి, మాహేంద్రి, చాముండే, మహాలక్ష్మి, సర్వసంక్షోభిణీ, సర్వవిద్రావిణీ, సర్వాకర్షిణీ, సర్వవశంకరి, సర్వోన్మాదిని, సర్వమహాంకుశే, సర్వఖేచరి, సర్వబీజే, సర్వయోనే, సర్వత్రిఖండే, త్రైలోక్యమోహనచక్రస్వామిని, ప్రకటయోగిని,
(శ్రీచక్ర ద్వితీయావరణదేవతాః-18)
కామాకర్షిణి, బుద్ధ్యాకర్షిణి, అహంకారాకర్షిణి, శబ్దాకర్షిణి, స్పర్శాకర్షిణి, రూపాకర్షిణి, రసాకర్షిణి, గంధాకర్షిణి, చిత్తాకర్షిణి, ధైర్యాకర్షిణి, స్మృత్యాకర్షిణి, నామాకర్షిణి, బీజాకర్షిణి, ఆత్మాకర్షిణి, అమృతాకర్షిణి, శరీరాకర్షిణి, సర్వాశాపరిపూరకచక్రస్వామిని, గుప్తయోగిని,
(శ్రీచక్ర తృతీయావరణదేవతాః-10)
అనంగకుసుమే, అనంగమేఖలే, అనంగమదనే, అనంగమదనాతురే, అనంగరేఖే, అనంగవేగిని, అనంగాంకుశే, అనంగమాలిని, సర్వసంక్షోభణచక్రస్వామిని, గుప్తతరయోగిని,
(శ్రీచక్ర చతుర్థావరణదేవతాః-16)
సర్వసంక్షోభిణి, సర్వవిద్రావిణి, సర్వాకర్షిణి, సర్వహ్లాదిని, సర్వసంమోహిని, సర్వస్తంభిని, సర్వజృంభిణి, సర్వవశంకరి, సర్వరంజని, సర్వోన్మాదిని, సర్వార్థసాధికే, సర్వసంపత్తిపూరణి, సర్వమంత్రమయి, సర్వద్వంద్వక్షయంకరి, సర్వసౌభాగ్యదాయకచక్రస్వామిని, సంప్రదాయయోగిని,
(శ్రీచక్ర పంచమావరణదేవతాః-12)
సర్వసిద్ధిప్రదే, సర్వసంపత్ప్రదే, సర్వప్రియంకరి, సర్వమంగళకారిణి, సర్వకామప్రదే, సర్వదుఃఖవిమోచని, సర్వమృత్యుప్రశమని, సర్వవిఘ్ననివారిణి, సర్వాంగసుందరి,
సర్వసౌభాగ్యదాయిని, సర్వార్థసాధకచక్రస్వామిని, కులోత్తీర్ణయోగిని,
(శ్రీచక్ర షష్ఠావరణదేవతాః-12)
సర్వజ్ఞే, సర్వశక్తే, సర్వైశ్వర్యప్రదాయిని, సర్వజ్ఞానమయి, సర్వవ్యాధివినాశిని, సర్వాధారస్వరూపే, సర్వపాపహరే, సర్వానందమయి, సర్వరక్షాస్వరూపిణి, సర్వేప్సితఫలప్రదే, సర్వరక్షాకరచక్రస్వామిని, నిగర్భయోగిని,
(శ్రీచక్ర సప్తమావరణదేవతాః-10)
వశిని, కామేశ్వరి, మోదిని, విమలే, అరుణే, జయిని, సర్వేశ్వరి, కౌళిని, సర్వరోగహరచక్రస్వామిని, రహస్యయోగిని,
(శ్రీచక్ర అష్టమావరణదేవతాః-9)
బాణిని, చాపిని, పాశిని, అంకుశిని, మహాకామేశ్వరి, మహావజ్రేశ్వరి, మహాభగమాలిని, సర్వసిద్ధిప్రదచక్రస్వామిని, అతిరహస్యయోగిని,
(శ్రీచక్ర నవమావరణదేవతాః-3)
శ్రీశ్రీమహాభట్టారికే, సర్వానందమయచక్రస్వామిని, పరాపరరహస్యయోగిని,
(నవచక్రేశ్వరీ నామాని-9)
త్రిపురే, త్రిపురేశి, త్రిపురసుందరి, త్రిపురవాసిని, త్రిపురాశ్రీః, త్రిపురమాలిని, త్రిపురాసిద్ధే, త్రిపురాంబ, మహాత్రిపురసుందరి,
(శ్రీదేవీ విశేషణాని, నమస్కారనవాక్షరీ చ-9)
మహామహేశ్వరి, మహామహారాజ్ఞి, మహామహాశక్తే, మహామహాగుప్తే, మహామహాజ్ఞప్తే, మహామహానందే, మహామహాస్కంధే, మహామహాశయే, మహామహా శ్రీచక్రనగరసాంరాజ్ఞి నమస్తే నమస్తే నమస్తే నమః |
ఫలశ్రుతిః |
ఏషా విద్యా మహాసిద్ధిదాయినీ స్మృతిమాత్రతః |
అగ్నివాతమహాక్షోభే రాజారాష్ట్రస్య విప్లవే ||
లుంఠనే తస్కరభయే సంగ్రామే సలిలప్లవే |
సముద్రయానవిక్షోభే భూతప్రేతాదికే భయే ||
అపస్మారజ్వరవ్యాధి-మృత్యుక్షామాదిజే భయే |
శాకినీ పూతనాయక్షరక్షఃకూశ్మాండజే భయే ||
మిత్రభేదే గ్రహభయే వ్యసనేష్వాభిచారికే |
అన్యేష్వపి చ దోషేషు మాలామంత్రం స్మరేన్నరః ||
సర్వోపద్రవనిర్ముక్త-స్సాక్షాచ్ఛివమయోభవేత్ |
ఆపత్కాలే నిత్యపూజాం విస్తారాత్కర్తుమారభేత్ ||
ఏకవారం జపధ్యానం సర్వపూజాఫలం లభేత్ |
నవావరణదేవీనాం లలితాయా మహౌజసః ||
ఏకత్రగణనారూపో వేదవేదాంగగోచరః |
సర్వాగమరహస్యార్థః స్మరణాత్పాపనాశినీ ||
లలితాయా మహేశాన్యా మాలా విద్యామహీయసీ |
నరవశ్యం నరేంద్రాణాం వశ్యం నారీవశంకరం ||
అణిమాదిగుణైశ్వర్యం రంజనం పాపభంజనం |
తత్తదావరణస్థాయి దేవతాబృందమంత్రకం ||
మాలామంత్రం పరం గుహ్యం పరం‍ధామ ప్రకీర్తితం |
శక్తిమాలా పంచధా స్యాచ్ఛివమాలా చ తాదృశీ ||
తస్మాద్గోప్యతరాద్గోప్యం రహస్యం భుక్తిముక్తిదం ||
ఇతి శ్రీవామకేశ్వరతంత్రే ఉమామహేశ్వరసంవాదే శ్రీ దేవీఖడ్గమాలాస్తోత్రరత్నం |

దేవీ ఖడ్గమాలా నామావళిః

దేవీ ఖడ్గమాలా నామావళిః.

Telugu

Read Stotra

దేవీ ఖడ్గమాలా నామావళిః

దేవీ వైభవాశ్చర్యాష్టోత్తరశతనామ స్తోత్రం

దేవీ వైభవాశ్చర్యాష్టోత్తరశతనామ స్తోత్రం.

Telugu

Read Stotra

దేవీ వైభవాశ్చర్యాష్టోత్తరశతనామ స్తోత్రం

అస్య శ్రీ దేవీవైభవాశ్చర్యాష్టోత్తరశతదివ్యనామ స్తోత్రమహామంత్రస్య ఆనందభైరవ ఋషిః, అనుష్టుప్ ఛందః, శ్రీ ఆనందభైరవీ శ్రీమహాత్రిపురసుందరీ దేవతా, ఐం బీజం, హ్రీం శక్తిః, శ్రీం కీలకం, మమ శ్రీఆనందభైరవీ శ్రీమహాత్రిపురసుందరీ ప్రసాదసిద్ధ్యర్థే జపే వినియోగః |
ధ్యానం |
కుంకుమపంకసమాభా-
-మంకుశపాశేక్షుకోదండశరాం |
పంకజమధ్యనిషణ్ణాం
పంకేరుహలోచనాం పరాం వందే ||
పంచపూజా |
లం పృథివ్యాత్మికాయై గంధం సమర్పయామి |
హం ఆకాశాత్మికాయై పుష్పైః పూజయామి |
యం వాయ్వాత్మికాయై ధూపమాఘ్రాపయామి |
రం అగ్న్యాత్మికాయై దీపం దర్శయామి |
వం అమృతాత్మికాయై అమృతం మహానైవేద్యం నివేదయామి |
సం సర్వాత్మికాయై సర్వోపచారాన్ సమర్పయామి ||
ఓం ఐం హ్రీం శ్రీం |
పరమానందలహరీ పరచైతన్యదీపికా |
స్వయంప్రకాశకిరణా నిత్యవైభవశాలినీ || 1 ||
విశుద్ధకేవలాఖండసత్యకాలాత్మరూపిణీ |
ఆదిమధ్యాంతరహితా మహామాయావిలాసినీ || 2 ||
గుణత్రయపరిచ్ఛేత్రీ సర్వతత్త్వప్రకాశినీ |
స్త్రీపుంసభావరసికా జగత్సర్గాదిలంపటా || 3 ||
అశేషనామరూపాదిభేదచ్ఛేదరవిప్రభా |
అనాదివాసనారూపా వాసనోద్యత్ప్రపంచికా || 4 ||
ప్రపంచోపశమప్రౌఢా చరాచరజగన్మయీ |
సమస్తజగదాధారా సర్వసంజీవనోత్సుకా || 5 ||
భక్తచేతోమయానంతస్వార్థవైభవవిభ్రమా |
సర్వాకర్షణవశ్యాదిసర్వకర్మధురంధరా || 6 ||
విజ్ఞానపరమానందవిద్యా సంతానసిద్ధిదా |
ఆయురారోగ్యసౌభాగ్యబలశ్రీకీర్తిభాగ్యదా || 7 ||
ధనధాన్యమణీవస్త్రభూషాలేపనమాల్యదా |
గృహగ్రామమహారాజ్యసాంరాజ్యసుఖదాయినీ || 8 ||
సప్తాంగశక్తిసంపూర్ణసార్వభౌమఫలప్రదా |
బ్రహ్మవిష్ణుశివేంద్రాదిపదవిశ్రాణనక్షమా || 9 ||
భుక్తిముక్తిమహాభక్తివిరక్త్యద్వైతదాయినీ |
నిగ్రహానుగ్రహాధ్యక్షా జ్ఞాననిర్ద్వైతదాయినీ || 10 ||
పరకాయప్రవేశాదియోగసిద్ధిప్రదాయినీ |
శిష్టసంజీవనప్రౌఢా దుష్టసంహారసిద్ధిదా || 11 ||
లీలావినిర్మితానేకకోటిబ్రహ్మాండమండలా |
ఏకానేకాత్మికా నానారూపిణ్యర్ధాంగనేశ్వరీ || 12 ||
శివశక్తిమయీ నిత్యశృంగారైకరసప్రియా |
తుష్టా పుష్టాఽపరిచ్ఛిన్నా నిత్యయౌవనమోహినీ || 13 ||
సమస్తదేవతారూపా సర్వదేవాధిదేవతా |
దేవర్షిపితృసిద్ధాదియోగినీభైరవాత్మికా || 14 ||
నిధిసిద్ధిమణీముద్రా శస్త్రాస్త్రాయుధభాసురా |
ఛత్రచామరవాదిత్రపతాకావ్యజనాంచితా || 15 ||
హస్త్యశ్వరథపాదాతామాత్యసేనాసుసేవితా |
పురోహితకులాచార్యగురుశిష్యాదిసేవితా || 16 ||
సుధాసముద్రమధ్యోద్యత్సురద్రుమనివాసినీ |
మణిద్వీపాంతరప్రోద్యత్కదంబవనవాసినీ || 17 ||
చింతామణిగృహాంతఃస్థా మణిమంటపమధ్యగా |
రత్నసింహాసనప్రోద్యచ్ఛివమంచాధిశాయినీ || 18 ||
సదాశివమహాలింగమూలసంఘట్టయోనికా |
అన్యోన్యాలింగసంఘర్షకండూసంక్షుబ్ధమానసా || 19 ||
కళోద్యద్బిందుకాళిన్యాతుర్యనాదపరంపరా |
నాదాంతానందసందోహస్వయంవ్యక్తవచోఽమృతా || 20 ||
కామరాజమహాతంత్రరహస్యాచారదక్షిణా |
మకారపంచకోద్భూతప్రౌఢాంతోల్లాససుందరీ || 21 ||
శ్రీచక్రరాజనిలయా శ్రీవిద్యామంత్రవిగ్రహా |
అఖండసచ్చిదానందశివశక్త్యైక్యరూపిణీ || 22 ||
త్రిపురా త్రిపురేశానీ మహాత్రిపురసుందరీ |
త్రిపురావాసరసికా త్రిపురాశ్రీస్వరూపిణీ || 23 ||
మహాపద్మవనాంతస్థా శ్రీమత్త్రిపురమాలినీ |
మహాత్రిపురసిద్ధాంబా శ్రీమహాత్రిపురాంబికా || 24 ||
నవచక్రక్రమాదేవీ మహాత్రిపురభైరవీ |
శ్రీమాతా లలితా బాలా రాజరాజేశ్వరీ శివా || 25 ||
ఉత్పత్తిస్థితిసంహారక్రమచక్రనివాసినీ |
అర్ధమేర్వాత్మచక్రస్థా సర్వలోకమహేశ్వరీ || 26 ||
వల్మీకపురమధ్యస్థా జంబూవననివాసినీ |
అరుణాచలశృంగస్థా వ్యాఘ్రాలయనివాసినీ || 27 ||
శ్రీకాలహస్తినిలయా కాశీపురనివాసినీ |
శ్రీమత్కైలాసనిలయా ద్వాదశాంతమహేశ్వరీ || 28 ||
శ్రీషోడశాంతమధ్యస్థా సర్వవేదాంతలక్షితా |
శ్రుతిస్మృతిపురాణేతిహాసాగమకలేశ్వరీ || 29 ||
భూతభౌతికతన్మాత్రదేవతాప్రాణహృన్మయీ |
జీవేశ్వరబ్రహ్మరూపా శ్రీగుణాఢ్యా గుణాత్మికా || 30 ||
అవస్థాత్రయనిర్ముక్తా వాగ్రమోమామహీమయీ |
గాయత్రీభువనేశానీదుర్గాకాళ్యాదిరూపిణీ || 31 ||
మత్స్యకూర్మవరాహాదినానారూపవిలాసినీ |
మహాయోగీశ్వరారాధ్యా మహావీరవరప్రదా || 32 ||
సిద్ధేశ్వరకులారాధ్యా శ్రీమచ్చరణవైభవా || 33 ||
పునర్ధ్యానం –
కుంకుమపంకసమాభా-
-మంకుశపాశేక్షుకోదండశరాం |
పంకజమధ్యనిషణ్ణాం
పంకేరుహలోచనాం పరాం వందే ||
ఇతి శ్రీగర్భకులార్ణవతంత్రే దేవీ వైభవాశ్చర్యాష్టోత్తరశతనామ స్తోత్రం |

దేవీ సూక్తం

దేవీ సూక్తం.

Telugu

Read Stotra

దేవీ సూక్తం

ఓం అ॒హం రు॒ద్రేభి॒ర్వసు॑భిశ్చరాంయ॒హమా”ది॒త్యైరు॒త వి॒శ్వదే”వైః |
అ॒హం మి॒త్రావరు॑ణో॒భా బి॑భర్ంయ॒హమి”న్ద్రా॒గ్నీ అ॒హమ॒శ్వినో॒భా || 1 ||
అ॒హం సోమ॑మాహ॒నసం” బిభర్ంయ॒హం త్వష్టా”రము॒త పూ॒షణ॒o భగం” |
అ॒హం ద॑ధామి॒ ద్రవి॑ణం హ॒విష్మ॑తే సుప్రా॒వ్యే॒ ఏ॒ 3॒॑ యజ॑మానాయ సున్వ॒తే || 2 ||
అ॒హం రాష్ట్రీ” స॒oగమ॑నీ॒ వసూ”నాం చికి॒తుషీ” ప్రథ॒మా య॒జ్ఞియా”నాం |
తాం మా” దే॒వా వ్య॑దధుః పురు॒త్రా భూరి॑స్థాత్రా॒o భూర్యా” వే॒శయన్”తీం || 3 ||
మయా॒ సోఽఅన్న॑మత్తి॒ యో వి॒పశ్య॑తి॒ యః ప్రాణి॑తి॒ యఈ”o శ్రు॒ణోత్యు॒క్తం |
అ॒మ॒న్తవో॒మాన్త ఉప॑క్షియన్తి శ్రు॒ధిశ్రు॑త శ్రద్ధి॒వం తే” వదామి || 4 ||
అ॒హమే॒వ స్వ॒యమి॒దం వ॑దామి॒ జుష్ట”o దే॒వేభి॑రు॒త మాను॑షేభిః |
యం కా॒మయే॒ తం త॑ము॒గ్రం కృ॑ణోమి॒ తం బ్ర॒హ్మాణ॒o తమృషి॒o తం సు॑మే॒ధాం || 5 ||
అ॒హం రు॒ద్రాయ॒ ధను॒రాత॑నోమి బ్రహ్మ॒ద్విషే॒ శర॑వే॒హన్త॒ వా ఉ॑ |
అ॒హం జనా”య స॒మదం” కృణోంయ॒హం ద్యావా”పృథి॒వీ ఆవి॑వేశ || 6 ||
అ॒హం సు॑వే పి॒తర॑మస్య మూ॒ర్ధన్ మమ॒ యోని॑ర॒ప్స్వఽ॒1॒॑న్తః స॑ము॒ద్రే |
తతో॒ వితి॑ష్ఠే॒ భువ॒నాను॒ విశ్వో॒ తామూం ద్యాం వ॒ర్ష్మణోప॑స్పృశామి || 7 ||
అ॒హమే॒వ వాత॑ఽఇవ॒ ప్రవా”ంయా॒రభ॑మాణా॒ భువ॑నాని॒ విశ్వా” |
ప॒రో ది॒వా ప॒రఏ॒నా పృ॑థి॒వ్యై తావ॑తీ మహి॒నా సంబ॑భూవ || 8 ||

తంత్రోక్త దేవీ సూక్తం

తంత్రోక్త దేవీ సూక్తం.

Telugu

Read Stotra

తంత్రోక్త దేవీ సూక్తం

నమో దేవ్యై మహాదేవ్యై శివాయై సతతం నమః |
నమః ప్రకృత్యై భద్రాయై నియతాః ప్రణతాః స్మ తాం || 1 ||
రౌద్రాయై నమో నిత్యాయై గౌర్యై ధాత్ర్యై నమో నమః |
జ్యోత్స్నాయై చేందురూపిణ్యై సుఖాయై సతతం నమః || 2 ||
కల్యాణ్యై ప్రణతామృద్ధ్యై సిద్ధ్యై కుర్మో నమో నమః |
నైరృత్యై భూభృతాం లక్ష్ంయై శర్వాణ్యై తే నమో నమః || 3 ||
దుర్గాయై దుర్గపారాయై సారాయై సర్వకారిణ్యై |
ఖ్యాత్యై తథైవ కృష్ణాయై ధూంరాయై సతతం నమః || 4 ||
అతిసౌంయాతిరౌద్రాయై నతాస్తస్యై నమో నమః |
నమో జగత్ప్రతిష్ఠాయై దేవ్యై కృత్యై నమో నమః || 5 ||
యా దేవీ సర్వభూతేషు విష్ణుమాయేతి శబ్దితా |
నమస్తస్యై నమస్తస్యై నమస్తస్యై నమో నమః || 6 ||
యా దేవీ సర్వభూతేషు చేతనేత్యభిధీయతే |
నమస్తస్యై నమస్తస్యై నమస్తస్యై నమో నమః || 7 ||
యా దేవీ సర్వభూతేషు బుద్ధిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 8 ||
యా దేవీ సర్వభూతేషు నిద్రారూపేణ సంస్థితా |
నమస్తస్యై నమస్తస్యై నమస్తస్యై నమో నమః || 9 ||
యా దేవీ సర్వభూతేషు క్షుధారూపేణ సంస్థితా |
నమస్తస్యై నమస్తస్యై నమస్తస్యై నమో నమః || 10 ||
యా దేవీ సర్వభూతేషు ఛాయారూపేణ సంస్థితా |
నమస్తస్యై నమస్తస్యై నమస్తస్యై నమో నమః || 11 ||
యా దేవీ సర్వభూతేషు శక్తిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 12 ||
యా దేవీ సర్వభూతేషు తృష్ణారూపేణ సంస్థితా |
నమస్తస్యై నమస్తస్యై నమస్తస్యై నమో నమః || 13 ||
యా దేవీ సర్వభూతేషు క్షాంతిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 14 ||
యా దేవీ సర్వభూతేషు జాతిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 15 ||
యా దేవీ సర్వభూతేషు లజ్జారూపేణ సంస్థితా |
నమస్తస్యై నమస్తస్యై నమస్తస్యై నమో నమః || 16 ||
యా దేవీ సర్వభూతేషు శాంతిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 17 ||
యా దేవీ సర్వభూతేషు శ్రద్ధారూపేణ సంస్థితా |
నమస్తస్యై నమస్తస్యై నమస్తస్యై నమో నమః || 18 ||
యా దేవీ సర్వభూతేషు కాంతిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 19 ||
యా దేవీ సర్వభూతేషు లక్ష్మీరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 20 ||
యా దేవీ సర్వభూతేషు వృత్తిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 21 ||
యా దేవీ సర్వభూతేషు స్మృతిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 22 ||
యా దేవీ సర్వభూతేషు దయారూపేణ సంస్థితా |
నమస్తస్యై నమస్తస్యై నమస్తస్యై నమో నమః || 23 ||
యా దేవీ సర్వభూతేషు తుష్టిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 24 ||
యా దేవీ సర్వభూతేషు మాతృరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 25 ||
యా దేవీ సర్వభూతేషు భ్రాంతిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 26 ||
ఇంద్రియాణామధిష్ఠాత్రీ భూతానాం చాఖిలేషు యా |
భూతేషు సతతం తస్యై వ్యాప్త్యై దేవ్యై నమో నమః || 27 ||
చితిరూపేణ యా కృత్స్నమేతద్వ్యాప్య స్థితా జగత్ |
నమస్తస్యై నమస్తస్యై నమస్తస్యై నమో నమః || 29 ||
స్తుతా సురైః పూర్వమభీష్టసంశ్రయా-
-త్తథా సురేంద్రేణ దినేషు సేవితా |
కరోతు సా నః శుభహేతురీశ్వరీ
శుభాని భద్రాణ్యభిహంతు చాపదః || 29 ||
యా సాంప్రతం చోద్ధతదైత్యతాపితై-
-రస్మాభిరీశా చ సురైర్నమస్యతే |
యా చ స్మృతా తత్క్షణమేవ హంతి నః
సర్వాపదో భక్తివినంరమూర్తిభిః || 30 |

హిరణ్యగర్భ సూక్తం

హిరణ్యగర్భ సూక్తం.

Telugu

Read Stotra

హిరణ్యగర్భ సూక్తం

హి॒ర॒ణ్య॒గ॒ర్భః సమ॑వర్త॒తాగ్రే॑ భూ॒తస్య॑ జా॒తః పతి॒రేక॑ ఆసీత్ |
స దా॑ధార పృథి॒వీం ద్యాము॒తేమాం కస్మై॑ దే॒వాయ॑ హ॒విషా॑ విధేమ || 1
య ఆ॑త్మ॒దా బ॑ల॒దా యస్య॒ విశ్వ॑ ఉ॒పాస॑తే ప్ర॒శిష॒o యస్య॑ దే॒వాః |
యస్య॑ ఛా॒యామృత॒o యస్య॑ మృ॒త్యుః కస్మై॑ దే॒వాయ॑ హ॒విషా॑ విధేమ || 2
యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ |
య ఈశే॑ అ॒స్య ద్వి॒పద॒శ్చతు॑ష్పద॒: కస్మై॑ దే॒వాయ॑ హ॒విషా॑ విధేమ || 3
యస్యే॒మే హి॒మవ॑న్తో మహి॒త్వా యస్య॑ సము॒ద్రం ర॒సయా॑ స॒హాహుః |
యస్యే॒మాః ప్ర॒దిశో॒ యస్య॑ బా॒హూ కస్మై॑ దే॒వాయ॑ హ॒విషా॑ విధేమ || 4
యేన॒ ద్యౌరు॒గ్రా పృ॑థి॒వీ చ॑ దృ॒ళ్హా యేన॒ స్వ॑: స్తభి॒తం యేన॒ నాక॑: |
యో అ॒న్తరి॑క్షే॒ రజ॑సో వి॒మాన॒: కస్మై॑ దే॒వాయ॑ హ॒విషా॑ విధేమ || 5
యం క్రన్ద॑సీ॒ అవ॑సా తస్తభా॒నే అ॒భ్యైక్షే॑తా॒o మన॑సా॒ రేజ॑మానే |
యత్రాధి॒ సూర॒ ఉది॑తో వి॒భాతి॒ కస్మై॑ దే॒వాయ॑ హ॒విషా॑ విధేమ || 6
ఆపో॑ హ॒ యద్బృ॑హ॒తీర్విశ్వ॒మాయ॒న్ గర్భ॒o దధా॑నా జ॒నయ॑న్తీర॒గ్నిం |
తతో॑ దే॒వానా॒o సమ॑వర్త॒తాసు॒రేక॒: కస్మై॑ దే॒వాయ॑ హ॒విషా॑ విధేమ || 7
యశ్చి॒దాపో॑ మహి॒నా ప॒ర్యప॑శ్య॒ద్దక్ష॒o దధా॑నా జ॒నయ॑న్తీర్య॒జ్ఞం |
యో దే॒వేష్విధి॑ దే॒వ ఏక॒ ఆసీ॒త్కస్మై॑ దే॒వాయ॑ హ॒విషా॑ విధేమ || 8
మా నో॑ హింసీజ్జని॒తా యః పృ॑థి॒వ్యా యో వా॒ దివ॑o స॒త్యధ॑ర్మా జ॒జాన॑ |
యశ్చా॒పశ్చ॒న్ద్రా బృ॑హ॒తీర్జ॒జాన॒ కస్మై॑ దే॒వాయ॑ హ॒విషా॑ విధేమ || 9
ప్రజా॑పతే॒ న త్వదే॒తాన్య॒న్యో విశ్వా॑ జా॒తాని॒ పరి॒ తా బ॑భూవ |
యత్కా॑మాస్తే జుహు॒మస్తన్నో॑ అస్తు వ॒యం స్యా॑మ॒ పత॑యో రయీ॒ణాం || 10

శ్రీ గౌరీ షోడశోపచార పూజా

శ్రీ గౌరీ షోడశోపచార పూజా.

Telugu

Read Stotra

శ్రీ గౌరీ షోడశోపచార పూజా

పునః సంకల్పం –
పూర్వోక్త ఏవం గుణ విశేషణ విశిష్టాయాం శుభతిథౌ మమ మనోవాంఛాఫల సిద్ధ్యర్థం శ్రీ గౌరీ దేవతాముద్దిశ్య శ్రీ గౌరీ దేవతా ప్రీత్యర్థం యావచ్ఛక్తి ధ్యానావాహనాది షోడశోపచార పూజాం కరిష్యే |
ప్రాణప్రతిష్ఠ –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో” ధేహి॒ భోగ”ం |
జ్యోక్ప॑శ్యేమ॒ సూర్య॑ము॒చ్చర”న్త॒
మను॑మతే మృ॒డయా” నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||
శ్రీమహాగౌరీం సాంగాం సాయుధం సవాహనం సశక్తి పతిపుత్ర పరివార సమేతం శ్రీమహాగౌరీ దేవతాం ఆవాహయామి స్థాపయామి పూజయామి |
స్థిరో భవ వరదో భవ సుప్రసన్నో భవ స్థిరాసనం కురు |
ధ్యానం –
ఓంకారపంజరశుకీముపనిషదుద్యానకేలి కలకంఠీం |
ఆగమ విపిన మయూరీమార్యామంతర్విభావయేద్గౌరీం ||
నమో దేవ్యై మహాదేవ్యై శివాయై సతతం నమః |
నమః ప్రకృత్యై భద్రాయై నియతాః ప్రణతాః స్మృతాం ||
గౌరీ పద్మా శచీ మేధా సావిత్రీ విజయా జయా |
దేవసేనా స్వధా స్వాహా మాతరో లోకమాతరః |
ధృతిః పుష్టిస్తథా తుష్టిరాత్మనః కులదేవతా |
బ్రాహ్మీ మాహేశ్వరీ చైవ కౌమారీ వైష్ణవీ తథా |
వారాహీ చైవ చేంద్రాణి చాముండా సప్తమాతరః ||
శ్రీ మహాగౌర్యై నమః ధ్యాయామి |
ఆవాహనం –
హేమాద్రితనయాం దేవీం వరదాం శంకరప్రియాం |
లంబోదరస్య జననీం గౌరీమావాహయాంయహం ||
శ్రీ మహాగౌర్యై నమః ఆవాహయామి |
ఆసనం –
భవాని త్వం మహాదేవి సర్వసౌభాగ్యదాయినీ |
అనేకరత్నసంయుక్తమాసనం ప్రతిగృహ్యతాం ||
శ్రీ మహాగౌర్యై నమః నవరత్నఖచిత స్వర్ణసింహాసనం సమర్పయామి |
పాద్యం –
సుచారుశీతలం దివ్యం నానాగంధసువాసితం |
పాద్యం గృహాణ దేవేశి మహాగౌరీ నమోఽస్తు తే ||
శ్రీ మహాగౌర్యై నమః పాదయోః పాద్యం సమర్పయామి |
అర్ఘ్యం –
శ్రీపార్వతి మహాభాగే శంకరప్రియవాదిని |
అర్ఘ్యం గృహాణ కళ్యాణి భర్త్రాసహపత్రివ్రతే ||
శ్రీ మహాగౌర్యై నమః హస్తయోః అర్ఘ్యం సమర్పయామి |
ఆచమనం –
గంగాతోయం సమానీతం సువర్ణకలశే స్థితం |
ఆచంయతాం మహాభాగే రుద్రేణ సహితేఽనఘే ||
శ్రీ మహాగౌర్యై నమః ముఖే ఆచమనీయం సమర్పయామి |
మధుపర్కం –
కాంస్యే కాంస్యేన పిహితో దధిమధ్వాజ్యసంయుతః |
మధుపర్కో మయానీతః పూజార్థం ప్రతిగృహ్యతాం |
శ్రీ మహాగౌర్యై నమః మధుపర్కం సమర్పయామి |
పంచామృతస్నానం –
పంచామృతం మయానీతం పయోదధిఘృతం మధు |
శర్కరయా సమాయుక్తం స్నానార్థం ప్రతిగృహ్యతాం |
శ్రీ మహాగౌర్యై నమః పంచామృతస్నానం సమర్పయామి |
శుద్ధోదక స్నానం –
గంగా సరస్వతీ రేవా కావేరీ నర్మదా జలైః |
స్నాపితాసి మయా దేవి తథా శాంతం కురుష్వ మే |
శ్రీ మహాగౌర్యై నమః స్నానం సమర్పయామి |
స్నానానంతరం శుద్ధాచమనీయం సమర్పయామి |
వస్త్రం –
పట్టయుగ్మం మయా దత్తం కంచుకేన సమన్వితం |
పరిధేహి కృపాం కృత్వా మాతర్దుర్గార్తినాశినీ |
శ్రీ మహాగౌర్యై నమః వస్త్రయుగ్మం సమర్పయామి |
సౌభాగ్య సూత్రం –
సౌభాగ్య సూత్రం వరదే సువర్ణమణిసంయుతం |
కంఠే బధ్నామి దేవేశి సౌభాగ్యం దేహి మే సదా |
శ్రీ మహాగౌర్యై నమః సౌభాగ్య సూత్రం సమర్పయామి |
గంధం –
శ్రీఖండం చందనం దివ్యం గంధాఢ్యం సుమనోహరం |
విలేపనం సురశ్రేష్ఠే చందనం ప్రతిగృహ్యతాం |
శ్రీ మహాగౌర్యై నమః శ్రీగంధం సమర్పయామి |
అక్షతాన్ –
అక్షతాన్ ధవళాకారాన్ శాలీయాన్ తండులాన్ శుభాన్ |
అక్షతాని మయా దత్తం ప్రీత్యర్థం ప్రతిగృహ్యతాం |
శ్రీ మహాగౌర్యై నమః అక్షతాన్ సమర్పయామి |
హరిద్రాచూర్ణం –
హరిద్రారంజితే దేవి సుఖసౌభాగ్యదాయిని |
తస్మాత్ త్వాం పూజయాంయత్ర సుఖం శాంతిం ప్రయచ్ఛ మే |
శ్రీ మహాగౌర్యై నమః హరిద్రా చూర్ణం సమర్పయామి |
కుంకుమ విలేపనం –
కుంకుమం కామదం దివ్యం కామినీకామసంభవం |
కుంకుమేనార్చితా దేవీ కుంకుమం ప్రతిగృహ్యతాం |
శ్రీ మహాగౌర్యై నమః కుంకుమ విలేపనం సమర్పయామి |
సిందూరం –
సిందూరమరుణాభాసం జపాకుసుమసన్నిభం |
అర్పితం తే మయా భక్త్యా ప్రసీద పరమేశ్వరి |
శ్రీ మహాగౌర్యై నమః సిందూరం సమర్పయామి |
కజ్జలం –
చక్షుర్భ్యాం కజ్జలం రంయం సుభగే శాంతికారకం |
కర్పూరజ్యోతిసముత్పన్నం గృహాణ జగదంబికే |
శ్రీ మహాగౌర్యై నమః నేత్రాయోః కజ్జలం సమర్పయామి |
ఆభూషణం –
హారకంకణకేయూరమేఖలాకుండలాదిభిః |
రత్నాఢ్యం హీరకోపేతం భూషణం ప్రతిగృహ్యతాం |
శ్రీ మహాగౌర్యై నమః నానావిధ ఆభూషణాని సమర్పయామి |
పుష్పాణి –
మాల్యాది చ సుగంధీని మాలత్యాదీని చాంబికే |
మయాహృతాని పుష్పాణి ప్రతిగృహ్ణీష్వ శాంకరీ |
ఓం శ్రీం గౌర్యై నమః |
ఓం శ్రీం పద్మాయై నమః |
ఓం శ్రీం శచ్యై నమః |
ఓం శ్రీం మేధాయై నమః |
ఓం శ్రీం సావిత్రై నమః |
ఓం శ్రీం విజయాయై నమః |
ఓం శ్రీం జయాయై నమః |
ఓం శ్రీం దేవసేనాయై నమః |
ఓం శ్రీం స్వధాయై నమః |
ఓం శ్రీం స్వాహాయై నమః |
ఓం శ్రీం మాత్రే నమః |
ఓం శ్రీం లోకమాత్రే నమః |
ఓం శ్రీం ధృత్యై నమః |
ఓం శ్రీం పుష్ట్యై నమః |
ఓం శ్రీం తుష్ట్యై నమః |
ఓం శ్రీం ఆత్మనః కులదేవతాయై నమః |
ఓం శ్రీం బ్రాహ్ంయై నమః |
ఓం శ్రీం మాహేశ్వర్యై నమః |
ఓం శ్రీం కౌమార్యై నమః |
ఓం శ్రీం వైష్ణవ్యై నమః |
ఓం శ్రీం వారాహ్యై నమః |
ఓం శ్రీం ఇంద్రాణ్యై నమః |
ఓం శ్రీం చాముండాయై నమః |
ఓం శ్రీం మహాగౌర్యై నమః |
శ్రీ మహాగౌర్యై నమః నానావిధ పరిమళ పత్రపుష్పాణి సమర్పయామి |
ధూపం –
వనస్పతిరసోద్భూతో గంధాఢ్యో గంధ ఉత్తమః |
ఆఘ్రేయః సర్వదేవానాం ధూపోఽయం ప్రతిగృహ్యతాం |
శ్రీ మహాగౌర్యై నమః ధూపమాఘ్రాపయామి |
దీపం –
శ్వేతార్ద్రవర్తి సంయుక్తం గోఘృతేన సమన్వితం |
దీపం గృహాణ శర్వాణి భక్తానాం జ్ఞానదాయిని |
శ్రీ మహాగౌర్యై నమః దీపం దర్శయామి |
ధూపదీపానంతరం శుద్ధాచమనీయం సమర్పయామి |
నైవేద్యం –
అన్నం చతుర్విధం స్వాదురసైః షడ్భిః సమన్వితం |
మయా నివేదితం తుభ్యం నైవేద్యం ప్రతిగృహ్యతాం |
శ్రీ మహాగౌర్యై నమః నైవేద్యం సమర్పయామి |
ఓం భూర్భువ॒స్సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
ఋతుఫలం –
ఇదం ఫలం మయా దేవి స్థాపితం పురతస్తవ |
తేన మే సఫలావాప్తిర్భవేజ్జన్మని జన్మని |
శ్రీ మహాగౌర్యై నమః ఋతుఫలాని సమర్పయామి |
తాంబూలం –
పూగీఫలం మహద్దివ్యం నాగవల్లీదళైర్యుతం |
ఏలాలవంగసంయుక్తం తాంబూలం ప్రతిగృహ్యతాం |
శ్రీ మహాగౌర్యై నమః తాంబూలం సమర్పయామి |
దక్షిణా –
హిరణ్యగర్భ గర్భస్థం హేమబీజం విభావసోః |
అనంతపుణ్యఫలదమతశ్శాంతిం ప్రయచ్ఛ మే |
శ్రీ మహాగౌర్యై నమః సువర్ణపుష్ప దక్షిణాదీన్ సమర్పయామి |
నీరాజనం –
కదళీగర్భసంభూతం కర్పూరం తు ప్రదీపితం |
ఆరార్తికమహం కుర్వే పశ్యమాం వరదా భవ |
శ్రీ మహాగౌర్యై నమః దివ్యకర్పూర మంగళ నీరాజనం సమర్పయామి |
ఆచమనీయం సమర్పయామి | నమస్కరోమి |
మంత్రపుష్పం –
పుష్పాంజలి గృహాణేదమిష్టసౌభాగ్యదాయిని |
శృతి స్మృతిపురాణాది సర్వవిద్యా స్వరూపిణి |
శ్రీ మహాగౌర్యై నమః మంత్రపుష్పాంజలిం సమర్పయామి |
ప్రదక్షిణా –
యాని కాని చ పాపాని జన్మాంతరకృతాని చ |
తాని తాని వినశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవః |
త్రాహి మాం కృపయా దేవి శరణాగతవత్సలే ||
అన్యథా శరణం నాస్తి త్వమేవ శరణం మమ |
తస్మాత్కారుణ్యభావేన రక్ష రక్ష మహేశ్వరీ ||
శ్రీ మహాగౌర్యై నమః ఆత్మప్రదక్షిణ త్రయం సమర్పయామి |
నమస్కారం –
యా దేవీ సర్వభూతేషు మాతృరూపేణ సంస్థితా |
నమస్తస్యై నమస్తస్యై నమస్తస్యై నమో నమః ||
శ్రీ మహాగౌర్యై నమః నమస్కారాన్ సమర్పయామి |
క్షమా యాచనా –
ఆవాహనం న జానామి న జానామి విసర్జనం |
పూజావిధిం న జానామి క్షమస్వ పరమేశ్వరి ||
సాధువాఽసాధువా కర్మ యద్యదాచరితం మయా |
తత్సర్వం కృపయా దేవి గృహాణారాధనం మమ ||
జ్ఞానతోఽజ్ఞానతో వాఽపి యన్మయాఽఽచరితం శివే |
తవ కృత్యమితి జ్ఞాత్వా క్షమస్వ పరమేశ్వరి ||
అపరాధసహస్రాణి క్రియంతేఽహర్నిశం మయా |
దసోఽయమితి మాం మత్వా క్షమస్వ పరమేశ్వరి ||
శ్రీ మహాగౌర్యై నమః క్షమాయాచనాం సమర్పయామి |
ప్రసన్నార్ఘ్యం –
హిమవద్భూధరసుతే గౌరి చంద్రవరాననే |
గృహాణార్ఘ్యం మయాదత్తం సంపద్గౌరి నమోఽస్తు తే ||
శ్రీ మహాగౌర్యై నమః కుంకుమపుష్పాక్షత సహిత ప్రసన్నార్ఘ్యం సమర్పయామి |
ప్రార్థనా –
సర్వమంగళ మాంగళ్యే శివే సర్వార్థసాధికే |
శరణ్యే త్ర్యంబకే గౌరి నారాయణి నమోఽస్తు తే ||
పుత్రాన్ దేహి ధనం దేహి సౌభాగ్యం దేహి సువ్రతే |
అన్యాంశ్చ సర్వకామాంశ్చ దేహీ దేవి నమోఽస్తు తే ||
ప్రాతః ప్రభృతి సాయాంతం సాయాది ప్రాతరం తతః |
యత్కరోమి జగద్యోనే తదస్తు తవపూజనం ||
శ్రీ మహాగౌర్యై నమః ప్రార్థనం సమర్పయామి |
పునః పూజా –
ఛత్రం ఆచ్ఛాదయామి | చామరైర్వీజయామి |
దర్పణం దర్శయామి | గీతం శ్రావయామి |
నృత్యం దర్శయామి | వాద్యం ఘోషయామి |
ఆందోళికామారోపయామి | అశ్వానారోపయామి |
గజానారోపయామి |
సమస్త రాజోపచార దేవోపచార భక్త్యుపచార శక్త్యుపచార పూజాం సమర్పయామి |
సమర్పణం –
మంత్రహీనం క్రియాహీనం భక్తిహీనం సురేశ్వరి |
యత్పూజితం మయా దేవి పరిపూర్ణం తదస్తు మే ||
అనయా ధ్యానావహనాది షోడశోపచార పూజయా భగవతీ సర్వదేవాత్మికా శ్రీమహాగౌరీ సుప్రీతా సుప్రసన్నా వరదా భవతు ||
ఉద్వాసనం –
యాంతుదేవగణాః సర్వే పూజామాదాయ మామకీం |
ఇష్టకామసమృద్ధ్యర్థం పునరాగమనాయ చ ||
శ్రీమహాగౌరీం యథాస్థానముద్వాసయామి |
శోభనార్థం పునరాగమనాయ చ ||
సర్వం శ్రీమహాగౌరీ దేవతా చరణారవిందార్పణమస్తు |

Sign In

OTP Verification

Sacred Stotras & Deities

శ్రీ ఉమా అష్టోత్తరశతనామావళిః

శ్రీ గోదాష్టోత్తరశతనామ స్తోత్రం

శ్రీ గోదాదేవి అష్టోత్తరశతనామావళిః

శ్రీ మంగళగౌరీ అష్టోత్తరశతనామావళిః

శ్రావణ మంగళగౌరీ వ్రతకల్పం

దేవీ ఖడ్గమాలా స్తోత్రం

దేవీ ఖడ్గమాలా నామావళిః

దేవీ వైభవాశ్చర్యాష్టోత్తరశతనామ స్తోత్రం

దేవీ సూక్తం

తంత్రోక్త దేవీ సూక్తం

హిరణ్యగర్భ సూక్తం

శ్రీ గౌరీ షోడశోపచార పూజా

MENU

LINKS

Astrologer Section

Vendor Section

GET ADVICE ON

Download Our Apps