Sacred Stotras & Deities

మీనాక్షీ పంచరత్నం

ఉద్యద్భానుసహస్రకోటిసదృశాం కేయూరహారోజ్జ్వలాం
బింబోష్ఠీం స్మితదంతపంక్తిరుచిరాం పీతాంబరాలంకృతాం |
విష్ణుబ్రహ్మసురేంద్రసేవితపదాం తత్త్వస్వరూపాం శివాం
మీనాక్షీం ప్రణతోఽస్మి సంతతమహం కారుణ్యవారాంనిధిం || 1 ||
ముక్తాహారలసత్కిరీటరుచిరాం పూర్ణేందువక్త్రప్రభాం
శింజన్నూపురకింకిణీమణిధరాం పద్మప్రభాభాసురాం |
సర్వాభీష్టఫలప్రదాం గిరిసుతాం వాణీరమాసేవితాం
మీనాక్షీం ప్రణతోఽస్మి సంతతమహం కారుణ్యవారాంనిధిం || 2 ||
శ్రీవిద్యాం శివవామభాగనిలయాం హ్రీంకారమంత్రోజ్జ్వలాం
శ్రీచక్రాంకితబిందుమధ్యవసతిం శ్రీమత్సభానాయకీం |
శ్రీమత్షణ్ముఖవిఘ్నరాజజననీం శ్రీమజ్జగన్మోహినీం
మీనాక్షీం ప్రణతోఽస్మి సంతతమహం కారుణ్యవారాంనిధిం || 3 ||
శ్రీమత్సుందరనాయకీం భయహరాం జ్ఞానప్రదాం నిర్మలాం
శ్యామాభాం కమలాసనార్చితపదాం నారాయణస్యానుజాం |
వీణావేణుమృదంగవాద్యరసికాం నానావిధాడంబికాం
మీనాక్షీం ప్రణతోఽస్మి సంతతమహం కారుణ్యవారాంనిధిం || 4 ||
నానాయోగిమునీంద్రహృన్నివసతీం నానార్థసిద్ధిప్రదాం
నానాపుష్పవిరాజితాంఘ్రియుగళాం నారాయణేనార్చితాం |
నాదబ్రహ్మమయీం పరాత్పరతరాం నానార్థతత్త్వాత్మికాం
మీనాక్షీం ప్రణతోఽస్మి సంతతమహం కారుణ్యవారాంనిధిం || 5 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ మీనాక్షీ పంచరత్నం |

మీనాక్షీ స్తోత్రం

శ్రీవిద్యే శివవామభాగనిలయే శ్రీరాజరాజార్చితే
శ్రీనాథాదిగురుస్వరూపవిభవే చింతామణీపీఠికే |
శ్రీవాణీగిరిజానుతాంఘ్రికమలే శ్రీశాంభవి శ్రీశివే
మధ్యాహ్నే మలయధ్వజాధిపసుతే మాం పాహి మీనాంబికే || 1 ||
చక్రస్థేఽచపలే చరాచరజగన్నాథే జగత్పూజితే
ఆర్తాలీవరదే నతాభయకరే వక్షోజభారాన్వితే |
విద్యే వేదకలాపమౌళివిదితే విద్యుల్లతావిగ్రహే
మాతః పూర్ణసుధారసార్ద్రహృదయే మాం పాహి మీనాంబికే || 2 ||
కోటీరాంగదరత్నకుండలధరే కోదండబాణాంచితే
కోకాకారకుచద్వయోపరిలసత్ప్రాలంబహారాంచితే |
శింజన్నూపురపాదసారసమణీశ్రీపాదుకాలంకృతే
మద్దారిద్ర్యభుజంగగారుడఖగే మాం పాహి మీనాంబికే || 3 ||
బ్రహ్మేశాచ్యుతగీయమానచరితే ప్రేతాసనాంతస్థితే
పాశోదంకుశచాపబాణకలితే బాలేందుచూడాంచితే |
బాలే బాలకురంగలోలనయనే బాలార్కకోట్యుజ్జ్వలే
ముద్రారాధితదైవతే మునిసుతే మాం పాహి మీనాంబికే || 4 ||
గంధర్వామరయక్షపన్నగనుతే గంగాధరాలింగితే
గాయత్రీగరుడాసనే కమలజే సుశ్యామలే సుస్థితే |
ఖాతీతే ఖలదారుపావకశిఖే ఖద్యోతకోట్యుజ్జ్వలే
మంత్రారాధితదైవతే మునిసుతే మాం పాహీ మీనాంబికే || 5 ||
నాదే నారదతుంబురాద్యవినుతే నాదాంతనాదాత్మికే
నిత్యే నీలలతాత్మికే నిరుపమే నీవారశూకోపమే |
కాంతే కామకలే కదంబనిలయే కామేశ్వరాంకస్థితే
మద్విద్యే మదభీష్టకల్పలతికే మాం పాహి మీనాంబికే || 6 ||
వీణానాదనిమీలితార్ధనయనే విస్రస్తచూలీభరే
తాంబూలారుణపల్లవాధరయుతే తాటంకహారాన్వితే |
శ్యామే చంద్రకళావతంసకలితే కస్తూరికాఫాలికే
పూర్ణే పూర్ణకలాభిరామవదనే మాం పాహి మీనాంబికే || 7 ||
శబ్దబ్రహ్మమయీ చరాచరమయీ జ్యోతిర్మయీ వాఙ్మయీ
నిత్యానందమయీ నిరంజనమయీ తత్త్వంమయీ చిన్మయీ |
తత్త్వాతీతమయీ పరాత్పరమయీ మాయామయీ శ్రీమయీ
సర్వైశ్వర్యమయీ సదాశివమయీ మాం పాహి మీనాంబికే || 8 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ మీనాక్షీ స్తోత్రం |

శ్రీమూకాంబికా దివ్యసహస్రనామస్తోత్రం

పురా కైలాసశిఖరే మార్కండేయో మహామునిః .

పప్రచ్ఛ గిరిజానాథం సిద్ధగంధర్వసేవితం .. 1..

సహస్రార్కప్రతీకాశం త్రినేత్రం చంద్రశేఖరం .

భగవత్యా కృతం కర్మ దానవానాం రణే కథం .. 2..

శ్రీ శివ ఉవాచ .

శృణు వత్స ప్రవక్ష్యామి యన్మాం త్వం పరిపృచ్ఛసి .

త్రిగుణా శ్రీర్మహాలక్ష్మీః యోఽసౌభాగ్యవతీ పరా .. 3..

యోగనిద్రానిమగ్నస్య విష్ణోరమితతేజసః .

పిన్ఽజూషతత్సముద్భూతౌ విఖ్యాతౌ మధుకైటభౌ .. 4..

తయోః విష్ణోరభూద్భూయో యుద్ధం సార్వభయంకరం .

చక్రిణా నిహతావేతౌ మహామాయావిమోహితౌ .. 5..

అథ దేవశరీరేభ్యః ప్రాదుర్భూతా మహేశ్వరీ .

మహిషం సా మహావీర్యం అవధీన్నామరూపకం .. 6..

తతో దైత్యార్దితైః దేవైః పురుహూతాదిభిః స్తుతా .

సైషా భగవతీ దైత్యం ధూమ్రలోచనసంజ్ఞితం .. 7..

చండముండౌ మహావీర్యౌ రక్తబీజం భయంకరం .

నిహత్య దేవీ దైత్యేంద్రం నిశుంభమురువిక్రమం .. 8..

శుంభాసురం మహావీర్యం దేవతామృత్యురూపిణం .

యుధ్యమానం ససైన్యం తం అవధీదంబికా పునః .. 9..

దేవాశ్చ ఋషయః సిద్ధాః గంధర్వాశ్చ ముదా తదా .

తుష్టువుః భక్తినమ్రాత్మమూర్తయః పరమేశ్వరీం .. 10..

సూత ఉవాచ .

ఏతత్చ్ఛ్రుత్వా శివోక్తం తత్ మార్కండేయో మహామునిః .

పద్మైర్నామ్నాం సహస్రేణ పూజయామాస తాం శివాం .. 11..

ఓం అస్యశ్రీ మూకాంబికాయాః

వరదివ్యసహస్రనామస్తోత్రమాలామహామంత్రస్య

మార్కండేయ భగవాన్ ఋషిః - గాయత్రీ ఛందః -

త్రిమూర్త్యైక్యస్వరూపిణీ మహాకాలీ-మహాలక్ష్మీ-మహాసరస్వతీ

త్రిగుణాత్మికా శ్రీ మూకాంబికా దేవతా -

హ్రాం బీజం - హ్రీం శక్తిః - హ్రూం కీలకం -

శ్రీ మూకాంబికా వరప్రసాదసిద్ధ్యర్థే జపే వినియోగః ..

(హ్రాం ఇత్యాది వా మూకాంబికాయాః గౌరీ పంచదశాక్షర్యాఖ్యా

బాలకుమారికా విద్యయా వా న్యాసమాచరేత్)

ధ్యానం -

శైలాధిరాజతనయాం శరదిందుకోటి-

      భాస్వన్ ముఖాంబుజకిరీటయుతాం త్రినేత్రాం .

శంఖార్యభీతివరవర్యకరాం మనోజ్ఞాం

      మూకాంబికాం మునిసురాఽభయదాం స్మరామి .. 1..

ప్రమత్త మధుకైటభౌ మహిషదానవం యాఽవధీత్

      సధూమ్రనయనాహ్వయౌ సబలచండముండావపి .

సరక్తదనుజౌ భయంకరనిశుభశుంభాసురౌ అసౌ .

      భగవతీ సదా హృది విభాతు మూకాంబికా .. 2..

ప్రపన్నజనకామదాం ప్రబలమూకదర్పాపహాం

      అనుష్ణసుకలాధరాం అరిదరాభయేష్టాన్వితాం .

తటిద్విసరభాసురాం కుటజశైలమూలాశ్రితాం .

      అశేషవిభుధాత్మికాం అనుభజామి మూకాంబికాం .. 3..

.. లమిత్యాది పంచపూజా ..

శ్రీ మార్కండేయ ఉవాచ .

శ్రీం హ్రీం ఐం ఓం .

ఓం మూకాంబికా మూకమాతా మూకవాగ్భూతిదాయినీ .

మహాలక్ష్మీః మహాదేవీ మహారాజ్యప్రదాయినీ .. 1..

మహోదయా మహారూపా మాన్యా మహితవిక్రమా .

మనువంద్యా మహేష్వాసా మంత్రివర్యా మనస్వినీ .. 2..

మేనకాతనయా మాతా మహితా మాతృపూజితా .

మహతీ మారజననీ మృతసంజీవినీ మతిః .. 3..

మహనీయా మదోల్లాసా మందారకుసుమప్రభా .

మాధవీ మల్లికాపూజ్యా మలయాచలవాసినీ .. 4..

మహాంకభగినీ మూర్తా మహాసారస్వతప్రదా .

మర్త్యలోకాశ్రయా మన్యుః మతిదా మోక్షదాయినీ .. 5..

మహాపూజ్యా మఖఫలప్రదా మఘవదాశ్రయా .

మరీచిమారుతప్రాణాః మనుజ్యేష్ఠా మహౌషధిః .. 6..

మహాకారుణికా ముక్తాభరణా మంగలప్రదా .

మణిమాణిక్యశోభాఢ్యా మదహీనా మదోత్కటా .. 7..

మహాభాగ్యవతీ మందస్మితా మన్మథసేవితా .

మాయావిద్యామయీ మంజుభాషిణీ మదలాలసా .. 8..

మృడాణీ మృత్యుమథినీ మృదుభాషా మృడప్రియా .

మంత్రజ్ఞా మిత్రసంకాశా మునిః మహిషమర్దినీ .. 9..

మహోదయా మహోరస్కా మృగదృష్టిః మహేశ్వరీ .

మృనాలశీతలా మృత్యుః మేరుమందరవాసినీ .. 10..

మేధ్యా మాతంగగమనా మహామారీస్వరూపిణీ .

మేఘశ్యామా మేఘనాదా మీనాక్షీ మదనాకృతిః .. 11..

మనోన్మయీ మహామాయా మహిషాసురమోక్షదా .

మేనకావందితా మేన్యా మునివందితపాదుకా .. 12..

మృత్యువంద్యా మృత్యుదాత్రీ మోహినీ మిథునాకృతిః .

మహారూపా మోహితాంగీ మునిమానససంస్థితా .. 13..

మోహనాకారవదనా ముసలాయుధధారిణీ .

మరీచిమాలా మాణిక్యభూషణా మందగామినీ .. 14..

మహిషీ మారుతగతిః మహాలావణ్యశాలినీ .

మృదంగనాదినీ మైత్రీ మదిరామోదలాలసా .. 15..

మాయామయీ మోహనాశా మునిమానసమందిరా .

మార్తాండకోటికిరణా మిథ్యాజ్ఞాననివారిణీ .. 16..

మృగాంకవదనా మార్గదాయినీ మృగనాభిధృక్ .

మందమారుతసంసేవ్యా మందారతరుమూలగా .. 17..

మందహాసా మదకరీ మధుపానసముద్యతా మధురా .

మాధవనుతా మాధవీ మాధవార్చితా .. 18..

మార్తాండకోటిజననీ మార్తాండగతిదాయినీ .

మృణాలమూర్తిః మాయావీ మహాసామ్రాజ్యదాయినీ .. 19..

కాంతా కాంతముఖీ కాలీ కచనిర్జితభృంగికా .

కంజాక్షీ కంజవదనా కస్తూరీతిలకోజ్జ్వలా .. 20..

కలికాకారవదనా కర్పూరామోదసంయుతా .

కోకిలాలాపసంగీతా కనకాకృతిబింబభృత్ .. 21..

కంబుకంఠీ కంజహారా కలిదోషవినాశినీ .

కంచుకాఢ్యా కంజరూపా కాంచీభూషణరాజితా .. 22..

కంఠీరవజితామధ్యా కాంచీదామవిభూషితా .

కృతకింకిణికాశోభా కాంచనస్రావినీవికా .. 23..

కాంచనోత్తమశోభాఢ్యా కనకాక్లృప్తపాదుకా .

కంఠీరవసమాసీనా కంఠీరవపరాక్రమా .. 24..

కల్యాణీ కమలా కామ్యా కమనీయా కలావతీ .

కృతిః కల్పతరుః కీర్తిః కుటజాచలవాసినీ .. 25..

కవిప్రియా కావ్యలోలా కపర్దీరుచిరాకృతిః .

కంఠీరవధ్వజా కామరూపా కామితదాయినీ .. 26..

కృషాణుః కేశవనుతా కృతప్రజ్ఞా కృశోదరీ .

కోశాధీశ్వరసంసేవ్యా కృశాకర్షితపాతకా .. 27..

కరీంద్రగామినీ కేళీ కుమారీ కలభాషిణీ .

కలిదోషహరా కాష్ఠా కరవీరసుమప్రియా .. 28.. (కరవీరసుమప్రభా)

కలారూపా కృష్ణనుతా కలాధరసుపూజితా .

కుబ్జా కంజేక్షణా కన్యా కలాధరముఖా కవిః .. 29..

కలా కలాంగీ కావేరీ కౌముదీ కాలరూపిణీ .

కలాఢ్యా కోలసంహర్త్రీ కుసుమాఢ్యా కులాంగనా .. 30..

కుచోన్నతా కుంకుమాఢ్యా కౌసుంభకుసుమప్రియా .

కుచశోభా కాలరాత్రిః కీచకారణ్యసేవితా .. 31..

కుష్ఠరోగహరా కూర్మపృష్ఠా కామితవిగ్రహా .

కలాననా కలాలాపా కలాభాధీశ్వరార్చితా .. 32..

కేతకీకుసుమప్రీతా కైలాసపదదాయినీ .

కపర్దినీ కలామాలా కేశవార్చితపాదుకా .. 33..

కుశాత్మజా కేశపాశా కోలాపురనివాసినీ .

కోశనాథా క్లేశహంత్రీ కీశసేవ్యా కృపాపరా .. 34..

కౌంతేయార్చితపాదాబ్జా కాలిందీ కుముదాలయా .

కనత్కనకతాటంకా కరిణీ కుముదేక్షణా .. 35..

కోకస్తనీ కుందరదనా కులమార్గప్రవర్తినీ .

కుబేరపూజితా స్కందమాతా కీలాలశీతలా .. 36..

కాలీ కామకలా కాశీ కాశపుష్పసమప్రభా .

కిన్నరీ కుముదాహ్లాదకారిణీ కపిలాకృతిః .. 37..

కార్యకారణనిర్ముక్తా కృమికీటాంతమోక్షదా .

కిరాతవనితా కాంతిః కార్యకారణరూపిణీ .. 38..

కపిలా కపిలారాధ్యా కపీశధ్వజసేవితా .

కరాలీ కార్తికేయాఖ్యజననీ కాంతవిగ్రహా .. 39..

కరభోరుః కరేణుశ్రీః కపాలిప్రీతిదాయినీ .

కోలర్షివరసంసేవ్యా కృతజ్ఞా కాంక్షితార్థదా .. 40..

బాలా బాలనిభా బాణధారిణీ బాణపూజితా .

బిసప్రసూననయనా బిసతంతునిభాకృతిః .. 41..

బహుప్రదా బహుబలా బాలాదిత్యసమప్రభా .

బలాధరహితా బిందునిలయా బగలాముఖీ .. 42..

బదరీఫలవక్షోజా బాహ్యదంభవివర్జితా .

బలా బలప్రియా బంధుః బంధా బౌద్ధా బుధేశ్వరీ .. 43.. (బుధా బౌద్ధా)

బిల్వప్రియా బాలలతా బాలచంద్రవిభూషితా .

బుద్ధిదా బంధనచ్ఛేత్రీ బంధూకకుసుమప్రియా .. 44..

బ్రాహ్మీ బ్రహ్మనుతా బ్రధ్నతనయా బ్రహ్మచారిణీ .

బృహస్పతిసమారాధ్యా బుధార్చితపదాంబుజా .. 45..

బృహత్కుక్షిః బృహద్వాణీ బృహత్పృష్ఠా బిలేశయా .

బర్హిధ్వజసుతా బర్హికచా బీజాశ్రయా బలా .. 46..

బిందురూపా బీజాపూరప్రియా బాలేందుశేఖరా .

బిజాంకురోద్భవా బీజరూపిణీ బ్రహ్మరూపిణీ .. 47..

బోధరూపా బృహద్రూపా బంధినీ బంధమోచినీ .

బింబసంస్థా బాలరూపా బాలరాత్రీశధారిణీ .. 48..

వనదుర్గా వహ్నినౌకా శ్రీవంద్యా వనసంస్థితా .

వహ్నితేజా వహ్నిశక్తిః వనితారత్నరూపిణీ .. 49..

వసుంధరా వసుమతీ వసుధా వసుదాయినీ .

వాసవాదిసురారాధ్యా వంధ్యతావినివర్తినీ .. 50..

వివేకినీ విశేషజ్ఞా విష్ణుః వైష్ణవపూజితా .

పండితాఖిలదైత్యారిః విజయా విజయప్రదా .. 51..

విలాసినీ వేదవేద్యా వియత్పూజ్యా విశాలినీ .

విశ్వేశ్వరీ విశ్వరూపా విశ్వసృష్టివిధాయినీ .. 52..

వీరపత్నీ వీరమాతా వీరలోకప్రదాయినీ .

వరప్రదా వర్యపదా వైష్ణవశ్రీః వధూవరా .. 53.. (వీర్యప్రదా)

వధూః వారిధిసంజాతా వారణాదిసుసంస్థితా .

వామభాగాధికా వామా వామమార్గవిశారదా .. 54..

వామినీ వజ్రిసంసేవ్యా వజ్రాద్యాయుధధారిణీ .

వశ్యా వేద్యా విశ్వరూపా విశ్వవంద్యా విమోహినీ .. 55..

విద్వద్రూపా వజ్రనఖా వయోవస్థావివర్జితా .

విరోధశమనీ విద్యా వారితౌఘా విభూతిదా .. 56..

విశ్వాత్మికా విశ్వపాశమోచినీ వారణస్థితా .

విబుధార్చ్యా విశ్వవంద్యా విశ్వభ్రమణకారిణీ .. 57..

విలక్షణా విశాలాక్షీ విశ్వామిత్రవరప్రదా .

విరూపాక్షప్రియా వారిజాక్షీ వారిజసంభవా .. 58..

వాంగ్మయీ వాక్పతిః వాయురూపా వారణగామినీ .

వార్ధిగంభీరగమనా వారిజాక్షసతీ వరా .. 59..

విషయా విషయాసక్తా విద్యాఽవిద్యాస్వరూపిణీ .

వీణాధారీ విప్రపూజ్యా విజయా విజయాన్వితా .. 60..

వివేకజ్ఞా విధిస్తుతా విశుద్ధా విజయార్చితా .

వైధవ్యనాశినీ వైవాహితా విశ్వవిలాసినీ .. 61..

విశేషమానదా వైద్యా విబుధార్తివినాశినీ .

విపులశ్రోణిజఘనా వలిత్రయవిరాజితా .. 62..

విజయశ్రీః విధుముఖీ విచిత్రాభరణాన్వితా .

విపక్షవ్రాతసంహర్త్రీ విపత్సంహారకారిణీ .. 63..

విద్యాధరా విశ్వమయీ విరజా వీరసంస్తుతా .

వేదమూర్తిః వేదసారా వేదభాషావిచక్షణా .. 64..

విచిత్రవస్త్రాభరణా విభూషితశరీరిణీ .

వీణాగాయనసంయుక్తా వీతరాగా వసుప్రదా .. 65.. (వీణాగాయనసంసక్తా)

విరాగిణీ విశ్వసారా విశ్వావస్థావివర్జితా .

విభావసుః వయోవృద్ధా వాచ్యవాచకరూపిణీ .. 66..

వృత్రహంత్రీ వృత్తిదాత్రీ వాక్స్వరూపా విరాజితా .

వ్రతకార్యా వజ్రహస్తా వ్రతశీలా వ్రతాన్వితా .. 67..

వ్రతాత్మికా వ్రతఫలా వ్రతషాడ్గుణ్యకారిణీ .

వృత్తిః వాదాత్మికా వృత్తిప్రదా వర్యా వషట్కృతా .. 68..

విజ్ఞాత్రీ విబుధా వేద్యా విభావసుసమద్యుతిః . (విభవా వేద్యా)

విశ్వవేద్యా విరోధఘ్నీ విబుధస్తోమజీవనా .. 69..

వీరస్తుత్యా వియద్యానా విజ్ఞానఘనరూపిణీ .

వరవాణీ విశుద్ధాంతఃకరణా విశ్వమోహినీ .. 70..

వాగీశ్వరీ వాగ్విభూతిదాయినీ వారిజాననా .

వారుణీమదరక్తాక్షీ వామమార్గప్రవర్తినీ .. 71..

వామనేత్రా విరాడ్రూపా వేత్రాసురనిషూదినీ .

వాక్యార్థజ్ఞానసంధాత్రీ వాగధిష్ఠానదేవతా .. 72..

వైష్ణవీ విశ్వజననీ విష్ణుమాయా వరాననా .

విశ్వంభరీ వీతిహోత్రా విశ్వేశ్వరవిమోహినీ .. 73..

విశ్వప్రియా విశ్వకర్త్రీ విశ్వపాలనతత్పరా .

విశ్వహంత్రీ వినోదాఢ్యా వీరమాతా వనప్రియా .. 74..

వరదాత్రీ వీతపానరతా వీరనిబర్హిణీ .

విద్యున్నిభా వీతరోగా వంద్యా విగతకల్మషా .. 75.. (వీతరోగా విద్యా)

విజితాఖిలపాషండా వీరచైతన్యవిగ్రహా .

రమా రక్షాకరీ రమ్యా రమణీయా రణప్రియా .. 76..

రక్షాపరా రాక్షసఘ్నీ రాజ్ఞీ రమణరాజితా .

రాకేందువదనా రుద్రా రుద్రాణీ రౌద్రవర్జితా .. 77..

రుద్రాక్షధారిణీ రోగహారిణీ రంగనాయికా .

రాజ్యశ్రీరంజితపదా రాజరాజనిషేవితా .. 78..

రుచిరా రోచనా రోచీ ఋణమోచనకారిణీ .

రజనీశకలాయుక్తా రజతాద్రినికేతనా .. 79..

రాగోష్ఠీ రాగహృదయా రామా రావణసేవితా .

రక్తబీజార్దినీ రక్తలోచనా రాజ్యదాయినీ .. 80..

రవిప్రభా రతికరా రత్నాఢ్యా రాజ్యవల్లభా .

రాజత్కుసుమధమ్మిల్లా రాజరాజేశ్వరీ రతిః .. 81..

రాధా రాధార్చితా రౌద్రీ రణన్మంజీరనూపురా .

రాకారాత్రిః ఋజూరాశిః రుద్రదూతీ ఋగాత్మికా .. 82..

రాజచ్చంద్రజటాజూటా రాకేందుముఖపంకజా .

రావణారిహృదావాసా రావణేశవిమోహినీ .. 83..

రాజత్కనకకేయూరా రాజత్కరజితాంబుజా .

రాగహారయుతా రామసేవితా రణపండితా .. 84..

రంభోరూ రత్నకటకా రాజహంసగతాగతిః .

రాజివరంజితపదా రాజసిమ్హాసనస్థితా .. 85..

రక్షాకరీ రాజవంద్యా రక్షోమండలభేదినీ .

దాక్షాయణీ దాంతరూపా దానకృత్ దానవార్దినీ .. 86..

దారిద్ర్యనాశినీ దాత్రీ దయాయుక్తా దురాసదా .

దుర్జయా దుఃఖశమనీ దుర్గదాత్రీ దురత్యయా .. 87..

దాసీకృతామరా దేవమాతా దాక్షిణ్యశాలినీ .

దౌర్భాగ్యహారిణీ దేవీ దక్షయజ్ఞవినాశినీ .. 88..

దయాకరీ దీర్ఘబాహుః దూతహంత్రీ దివిస్థితా .

దయారూపా దేవరాజసంస్తుతా దగ్ధమన్మథా .. 89..

దినకృత్కోటిసంకాశా దివిషద్దివ్యవిగ్రహా .

దీనచింతామణిః దివ్యస్వరూపా దీక్షితాయినీ .. 90..

దీధితిః దీపమాలాఢ్యా దిక్పతిః దివ్యలోచనా .

దుర్గా దుఃఖౌఘశమనీ దురితఘ్నీ దురాసదా .. 91..

దుర్జ్ఞేయా దుష్టశమనీ దుర్గామూర్తిః దిగీశ్వరీ .

దురంతాఖ్యా దుష్టదాహ్యా దుర్ధర్షా దుందుభిస్వనా .. 92..

దుష్ప్రధర్షా దురారాధ్యా దుర్నీతిజననిగ్రహా .

దూర్వాదలశ్యామలాంగీ ద్రుతదృగ్ధూషణోజ్ఝితా .. 93..

దేవతా దేవదేవేశీ దేవీ దేశికవల్లభా .

దేవికా దేవసర్వస్వా దేశప్రాదేశకారిణీ .. 94..

దోషాపహా దోషదూరా దోషాకరసమాననా .

దోగ్ధ్రీ దౌర్జన్యశమనీ దౌహిత్రప్రతిపాదినీ .. 95..

దూత్యాదిక్రీడనపరా ద్యుమణిః ద్యూతశాలినీ .

ద్యోతితాశా ద్యూతపరా ద్యావాభూమివిహారిణీ .. 96.. (ద్యుతవరా)

దంతినీ దండినీ దంష్ట్రీ దంతశూకవిషాపహా .

దంభదూరా దంతిసుతా దండమాత్రజయప్రదా .. 97..

దర్వీకరా దశగ్రీవా దహనార్చిః దధిప్రియా .

దధీచివరదా దక్షా దక్షిణామూర్తిరూపిణీ .. 98..

దానశీలా దీర్ఘవర్ష్మా దక్షిణార్ధేశ్వరా . (దీర్ఘవృష్ఠా)

దృతా దాడిమీకుసుమప్రీతా దుర్గదుష్కృతహారిణీ .. 99..

జయంతీ జననీ జ్యోత్స్నా జలజాక్షీ జయప్రదా .

జరా జరాయుజప్రీతా జరామరణవర్జితా .. 100..

జీవనా జీవనకరీ జీవేశ్వరవిరాజితా .

జగద్యోనిః జనిహరా జాతవేదా జలాశ్రయా .. 101..

జితాంబరా జితాహారా జితాకారా జగత్ప్రియా .

జ్ఞానప్రియా జ్ఞానఘనా జ్ఞానవిజ్ఞానకారిణీ .. 102..

జ్ఞానేశ్వరీ జ్ఞానగమ్యా జ్ఞాతాజ్ఞాతౌఘనాశినీ .

జిజ్ఞాసా జీర్ణరహితా జ్ఞానినీ జ్ఞానగోచరా .. 103..

అజ్ఞానధ్వంసినీ జ్ఞానరూపిణీ జ్ఞానకారిణీ .

జాతార్తిశమనీ జన్మహారిణీ జ్ఞానపంజరా .. 104..

జాతిహీనా జగన్మాతా జాబాలమునివందితా .

జాగరూకా జగత్పాత్రీ జగద్వంద్యా జగద్గురుః .. 105..

జలజాక్షసతీ జేత్రీ జగత్సంహారకారిణీ .

జితక్రోధా జితరతా జితచంద్రముఖాంబుజా .. 106..

యజ్ఞేశ్వరీ యజ్ఞఫలా యజనా యమపూజితా .

యతిః యోనిః యవనికా యాయజూకా యుగాత్మికా .. 107..

యుగాకృతిః యోగదాత్రీ యజ్ఞా యుద్ధవిశారదా .

యుగ్మప్రియా యుక్తచిత్తా యత్నసాధ్యా యశస్కరీ .. 108..

యామినీ యాతనహరా యోగనిద్రా యతిప్రియా .

యాతహృతకమలా యజ్యా యజమానస్వరూపిణీ .. 109..

యక్షేశీ యక్షహరణా యక్షిణీ యక్షసేవితా .

యాదవస్త్రీ యదుపతిః యమలార్జునభంజనా .. 110..

వ్యాలాలంకారిణీ వ్యాధిహారిణీ వ్యయనాశినీ .

తిరస్కృతమహావిద్యా తిర్యక్పృష్ఠా తిరోహితా .. 111..

తిలపుష్పసమాకారనాసికా తీర్థరూపిణీ .

తిర్యగ్రూపా తీర్థపాదా త్రివర్గా త్రిపురేశ్వరీ .. 112..

త్రిసంధ్యా త్రిగుణాధ్యక్షా త్రిమూర్తిః త్రిపురాంతకీ .

త్రినేత్రవల్లభా త్ర్యక్షా త్రయీ త్రాణపరాయణా .. 113..

తారణా తారిణీ తారా తారాపరికలావృతా .

తారాత్మికా తారజపా తురితాఢ్యా తరూత్తమా .. 114..

తూర్ణప్రసాదా తూణీరధారిణీ తూర్ణసంస్కృతా .

తోషిణీ తూర్ణగమనా తులాహీనాఽతులప్రభా .. 115..

తరంగిణీ తరంగాఢ్యా తులా తుందిలపుత్రిణీ .

తనూనపాత్ తంతురూపా తారాంగీ తంత్రరూపిణీ .. 116..

తారకారిః తుంగకుచా తిలకాలిః తిలార్చితా .

తమోపహా తార్క్ష్యగతిః తామసీ త్రిదివేశ్వరీ .. 117..

తపస్వినీ తపోరూపా తాపసేడ్యా త్రయీతనుః .

తపఃఫలా తపస్సాధ్యా తలాతలనివాసినీ .. 118..

తాండవేశ్వరసంప్రీతా తటిదీక్షణసంభ్రమా .

తనుమధ్యా తనూరూపా తళిభానుః తటిత్ప్రభా .. 119..

సదస్యా సదయా సర్వవందితా సదసత్పరా .

సద్యఃప్రసాదినీ సుధీః సచ్చిదానందరూపిణీ .. 120..

సరిద్వేగా సదాకారా సరిత్పతివసుంధరా .

సరీసృపాంగాభరణా సర్వసౌభాగ్యదాయినీ .. 121..

సామసాధ్యా సామగీతా సోమశేఖరవల్లభా .

సోమవక్త్రా సౌమ్యరూపా సోమయాగఫలప్రదా .. 122..

సగుణా సత్క్రియా సత్యా సాధకాభీష్టదాయినీ .

సుధావేణీ సౌధవాసా సుజ్ఞా సుశ్రీః సురేశ్వరీ .. 123.. (సుధావాణీ)

కేతకీకుసుమప్రఖ్యా కచనిర్జితనీరదా .

కుంతలాయితభృంగాలిః కుండలీకృతకైశికీ .. 124..

సిందూరాంకితకేశాంతా కంజాక్షీ సుకపోలికా .

కనత్కనకతాటంకా చంపకాకృతినాసికా .. 125.. (చలత్కనక)

నాసాలంకృతసన్ముక్తా బింబోష్ఠీ బాలచంద్రధృత్ .

కుందదంతా త్రినయనా పుణ్యశ్రవణకీర్తనా .. 126..

కాలవేణీ కుచజితచకోరా హారరంజితా .

కరస్థాంగులికా రత్నకాంచీదామవిరాజితా .. 127..

రత్నకింకిణికా రమ్యనీవికా రత్నకంచుకా .

హరిమధ్యాఽగాధపృష్ఠా కరభోరుః నితంబినీ .. 128..

పదనిర్జితపద్మాభా ఊర్మికారంజితాంగులిః .

గాంగేయకింకిణీయుక్తా రమణీయాంగులీయుతా .. 129..

మాణిక్యరత్నాభరణా మధుపానవిశారదా .

మధుమధ్యా మందగతా మత్తేభస్థాఽమరార్చితా .. 130..

మయూరకేతుజననీ మలయాచలపుత్రికా .

పరార్ధభాగా హర్యక్షవాహనా హరిసోదరీ .. 131..

హాటకాభా హరినుతా హంసగా హంసరూపిణీ .

హర్షరూపా హరిపతిః హయారూఢా హరిత్పతిః .. 132.. (హర్షప్రదా)

సర్వగా సర్వదేవేశీ సామగానప్రియా సతీ .

సర్వోపద్రవసంహర్త్రీ సర్వమంగలదాయినీ .. 133..

సాధుప్రియా సాగరజా సర్వకర్త్రీ సనాతనీ .

సర్వోపనిషదుద్గీతా సర్వశత్రినిబర్హిణీ .. 134..

సనకాదిమునిస్తుత్యా సదాశివమనోహరా .

సర్వజ్ఞా సర్వజననీ సర్వాధారా సదాగతిః .. 135..

సర్వభూతహితా సాధ్యా సర్వశక్తిస్వరూపిణీ .

సర్వగా సర్వసుఖదా సర్వేశీ సర్వరంజినీ .. 136..

శివేశ్వరీ శివారాధ్యా శివానందా శివాత్మికా . (సర్వేశ్వరీ)

సూర్యమండలమధ్యస్థా శివా శంకరవల్లభా .. 137..

సుధాప్లవా సుధాధారా సుఖసంవిత్స్వరూపిణీ .

శివంకరీ సర్వముఖీ సూక్ష్మజ్ఞానస్వరూపిణీ .. 138..

అద్వయానందసంశోభా భోగస్వర్గాపవర్గదా .

విష్ణుస్వసా వైష్ణవాప్తా వివిదార్థవినోదినీ .. 139..

గిరిజా గిరీశప్రీతా శర్వాణీ శమదాయినీ .

హృత్పద్మమధ్యనిలయా సర్వోజ్ఞప్తిః స్వరాత్మికా .. 140..

తరుణీ తరుణార్కాభా చింత్యాచింత్యస్వరూపిణీ .

శ్రుతిస్మృతిమయీ స్తుత్యా స్తుతిరూపా స్తుతిప్రియా .. 141..

ఓంకారగర్భా హ్యోఽఙ్కారీ కంకాలీ కాలరూపిణీ .

విశ్వంభరీ వినీతస్థా విధాత్రీ వివిధప్రభా .. 142..

శ్రీకరీ శ్రీమతీ శ్రేయః శ్రీదా శ్రీచక్రమధ్యగా .

ద్వాదశాంతసరోజస్థా నిర్వాణసుఖదాయినీ .. 143..

సాధ్వీ సర్వోద్భవా సత్త్వా శ్రీకంఠస్వాంతమోహినీ .

విద్యాతనుః మంత్రతనుః మదనోద్యానవాసినీ .. 144..

యోగలక్ష్మీః రాజ్యలక్ష్మీః మహాలక్ష్మీః సరస్వతీ .

సదానందైకరసికా బ్రహ్మవిష్ణ్వాదివందితా .. 145.. (బ్రహ్మవిష్ణ్వోంశవందితా)

కుమారీ కపిలా కాలీ పింగాక్షీ కృష్ణపింగలా .

చండఘంటాః మహాసిద్ధిః వారాహీ వరవర్ణినీ .. 146..

కాత్యాయనీ వాయువేగా కామాక్షీ కర్మసాక్షిణీ .

దుర్గాదేవీ మహాదేవీ ఆదిదేవీ మహాసనా .. 147..

మహావిద్యా మహామాయా విద్యాలోలా తమోమయీ .

శంఖచక్రగదాహస్తా మహామహిషమర్దినీ .. 148..

ఖడ్గినీ శూలినీ బుద్ధిరూపిణీ భూతిదాయినీ .

వారుణీ జటినీ త్రస్తదైత్యసంఘా శిఖండినీ .. 149..

సురేశ్వరీ శస్త్రపూజ్యా మహాకాలీ ద్విజార్చితా .

ఇచ్ఛాజ్ఞానక్రియా సర్వదేవతానందరూపిణీ .. 150..

మత్తశుంభనిశుంభఘ్నీ చండముండవిఘాతినీ .

వహ్నిరూపా మహాకాంతిః హరా జ్యోత్స్నావతీ స్మరా .. 151..

వాగీశ్వరీ వ్యోమకేశీ మూకహంత్రీ వరప్రదా .

స్వాహా స్వధా సుధాశ్వమేధా శ్రీః హ్రీః గౌరీ పరమేశ్వరీ .. 152..

                 .. ఓం ..

.. ఇతి శ్రీ స్కాందమహాపురాణే కోలాపురమూకాంబికామాహాత్మ్యాఖ్యే

ఉపాఖ్యానే శ్రీ దేవ్యాః దివ్యవరసాహాస్రనామ స్తోత్రం శివమస్తు ..

శ్రీమీనాక్ష్యష్టకం

శ్రీమీనాక్ష్యష్టకం ..

మాధుర్యే మహిమే మహాగిరిసుతే మల్లాది సంహారిణి

మూలాధారకృతే మహామరకతే శోభే మహాసుందరి .

మాతంగి మహిమే మహాసురవధే మంత్రోత్తమే మాధవి

మీనాక్షి మధురాంబికే మహిమయే మాం పాహి మీనాంబికే .. 1..

నానారత్నవిభూషణే నవగణే శోభే మహాసుంతరి

నిత్యానందవరే నిరూపణగుణే నిమ్నోన్నతే పంకజే .

నాట్యే నాటకవేషధారిణి శివే నాదే కాలనర్తకి(?)

మీనాక్షి మధురాంబికే మహిమయే మాం పాహి మీనాంబికే .. 2..

కామక్రోధనివారణే కరుణాలయే కాత్యాయని సన్మతే 

కారుణ్యాకృతికే కిరాతవరదే కం గం క బీజాంకురే .

కామార్థం తవ సిద్ధిహేతుకమిదం భక్త్యా భవత్సన్నిధౌ

మీనాక్షి మధురాంబికే మహిమయే మాం పాహి మీనాంబికే .. 3..

షట్చక్రాంతగతే షడాననవరే షడ్బీజరక్షాంకురే

షోడాధారకలే షడక్షరి శివే క్షోణీ మహాక్షీయతే .

క్షంతవ్యం జనని క్షమా రమ శివే క్షీరాబ్ధి మధ్యాంతరే

మీనాక్షి మధురాంబికే మహిమయే మాం పాహి మీనాంబికే .. 4..

వామే నీలదలాక్షి పుష్పరసికే బాలే మహాకుంకుమే

అన్యే పాణివరాబ్జభక్తజనని నిత్యం పరశ్రేయసి .

బాలే బంధువరాంగిణి బహువిధే భూచక్రసంచారిణి

మీనాక్షి మధురాంబికే మహిమయే మాం పాహి మీనాంబికే .. 5..

రాగస్తోత్రవిచారవేదవిభవే రమ్యే రతోల్లాసిని

రాజీవేక్షణి రాజ రాంగణరణే రాజాధిరాజేశ్వరి .

రాజ్ఞి రాజససత్త్వతామసగుణే రాధే రమాసోదరి

మీనాక్షి మధురాంబికే మహిమయే మాం పాహి మీనాంబికే .. 6..

సారాస్యే సరసీరుహస్య జనని సామ్రాజ్యదానేక్షణి

సామ్యాసామ్య చాష్టకలాసుఖవనే సాందీపనీసేవితే .

సత్యానందసుధే చ సుందరఫలే స్వాధిష్ఠచక్రాంతరే

మీనాక్షి మధురాంబికే మహిమయే మాం పాహి మీనాంబికే .. 7..

కర్పూరారుణకుంకుమార్చితపదే క్షీరాబ్ధిశోభే శివే

గాయత్రి కరుణాకటాక్షవినుతే కందర్పకాంతిప్రదే .

కల్యాణాష్టసురార్చితే సుకవితే కారుణ్యవారాన్నిధే

మీనాక్షి మధురాంబికే మహిమయే మాం పాహి మీనాంబికే .. 8..

ఇతి రాజపూజిత శ్రీకులంతయానంద(బాలానంద)స్వామినా విరచితం

శ్రీమీనాక్ష్యష్టకం సంపూర్ణం .

శ్రీమీనాక్షీస్తోత్రం

మందస్మితోదంచితమంజులాస్యాం కనన్నిటాలాం వరకుంకుమేన .

శ్రీసుందరేశేన సమం నిశీథే ప్రేంఖాధిరూఢాం భజ మీననేత్రాం .. 1..

దవిష్ఠలోకాంశ్చ దయోర్మిలేన విలోకనేనైవ విశాలనేత్రా .

మత్స్యా ఇవార్భాన్పరిపాలయంతీ డోలావిహారం తనుతే ఝషాక్షీ .. 2..

కృత్వా తపో దుశ్చరమంబికాయాః

      మాతా భవామీతి మనీషయా యా .

ప్రాప్తా పురా కాంచనమాలయా సా

      పాండ్యాధిరాజ్ఞీ వితనోతు భవ్యం .. 3..

దివ్యం రూపం దధానా లలితతరరవైర్వేణువీణాదిజాతైః

      ప్రాపయ్యాంతర్ముఖత్వం నిఖిలజనమనాంస్యాత్మరూపం వివేక్తుం .

వృత్తీర్మోదాదిరూపా అపి పరిగలితాః కుర్వతీ బ్రహ్మవిద్యా

      మీనాక్షీ జీవనీడం సుఖమమృతమహో బోధయంతీ విభాతి .. 4..

ప్రేంఖామారుహ్య పత్యా సహ సురరమణీగర్వనిర్వాపికాభిః

      నారీభిర్గీయమానా నవనవనటనైస్తోష్యమాణా చ నిత్యం .

ఆనందం దేవభోగ్యం ధిగితి సుమనసామాదధానా విరక్తిం

      సాంద్రానందం మహేశం పరమమృతమహో బోధయత్యంబికేయం .. 5..

యా దేవీ ద్వాదశాంతే వసతి విశదయా ప్రజ్ఞయైవాధిగమ్యా

      యస్యాః ప్రాప్త్యై విధత్తే శ్రుతిరపి వివిధాన్ యజ్ఞదానాదిధర్మాన్ .

సాక్షాచ్ఛ్రీమీననేత్రా మఘవదధిగతా కుంభజాద్యర్చితాంఘ్రిః

      సా మే సోమావతంసా శిథిలయతు తమో హార్దమాశు ప్రగాఢం .. 6..

యస్యా గేహం విశాలం పురమివ సకలం వస్తుజాతం బిభర్తి

      యద్దృష్ట్వైవాశు మోదం వహతి భువి జనో నాస్తికోఽపి ప్రకామం .

స్తంభైర్హైమైర్విచిత్రైరపి శిఖరవరైర్గోపురైః శౌకనీడైః

      తీర్థైర్హేమాంబుజిన్యాదిభిరపి పరితో భాసమానం శ్రియై స్తాత్ .. 7..

సా హి శ్రీరమృతా సతామితి ఋచః సామాని యస్మాద్యజూం-

      ష్యామ్నాయో విదధాతి తత్పరశివే మీనాక్షి విద్యాం త్రయీం .

సంబోధ్యామృతసౌఖ్యహేతుమచిరాదవ్యాజభవ్యాం దయాం

      నిత్యం ధేహి సుతే జగజ్జనని తే భూయోఽపి భూయో నమః .. 8..

శఫరనయనే శాంతారాధ్యే శివార్ధశరీరిణి

      ప్రచురయ సుఖం దుఃఖం సర్వం వినాశయ సత్వరం .

సఫలయ జనిం సక్తిం దేహే నిరాకురు సద్ధనే

      చితిసుఖతనావాత్మన్యాస్తాం మతిర్మమ సంతతం .. 9..

ఇతి శ్రీచంద్రశేఖరభారతీశ్రీచరణకృతం మీనాక్షీస్తోత్రం సంపూర్ణం .

శ్రీమీనాక్షీస్తుతిః

అద్రాక్షం బహుభాగ్యతో గురువరైః సంపూజ్యమానాం ముదా

      పుల్లన్మల్లిముఖప్రసూననివహైర్హాలాస్యనాథప్రియాం .

వీణావేణుమృదంగవాద్యముదితామేణాంక బింబాననాం

      కాణాదాదిసమస్తశాస్త్రమతితాం శోణాధరాం శ్యామలాం .. 1..

మాతంగకుంభవిజయీస్తనభారభుగ్న

      మధ్యాం మదారుణవిలోచనవశ్యకాంతాం .

తామ్రాధరస్ఫురితహాసవిధూతతార

      రాజప్రవాలసుషుమాం భజ మీననేత్రాం .. 2..

ఆపాదమస్తకదయారసపూరపూర్ణాం

      శాపాయుధోత్తమసమర్చితపాదపద్మాం .

చాపయితేక్షుమమలీమసచిత్తతాయై

      నీపాటవివిహర్ణాం భజ మీననేత్రం .. 3..

కందర్ప వైర్యపి యయా సవిలాస హాస

      నేత్రావలోకన వశీకృత మానసోఽభూత్ .

తాం సర్వదా సకల మోహన రూప వేషాం

      మోహాంధకార హరణాం భజ మీననేత్రాం .. 4..

అద్యాపి యత్పురగతః సకలోఽపి జంతుః

      క్షుత్తృడ్ వ్యథా విరహితః ప్రసువేవ బాలః .

సంపోశ్యతే కరుణయా భజకార్తి హంత్రీం

      భక్త్యాఽన్వహం తాం హృదయ భజ మీననేత్రాం .. 5..

హాలాస్యనాథ దయితే కరుణా పయోధే

      బాలం విలోల మనసం కరుణైక పాత్రం .

వీక్షస్వ మాం లఘు దయార్మిల దృష్టపాదైర్-

      మాతర్న మేఽస్తి భువనే గతిరంద్రా త్వం .. 6..

శ్రుత్యుక్త కర్మ నివహాకరణాద్విశుద్ధిః

      చిత్తస్య నాస్తి మమ చంచలతా నివృత్తైః .

కుర్యాం కిమంబ మనసా సకలాఘ శాంత్యైః

      మాతస్తవదంఘ్రి భజనం సతతం దయస్వ .. 7..

త్వద్రూపదేశికవరైః సతతం విభావ్యం

      చిద్రూపమాది నిధనంతర హీనమంబ .

భద్రావహం ప్రణమతాం సకలాఘ హంతృ

      త్వద్రూపమేవ మమ హృత్కమలే విభాతు .. 8..

.. ఇతి శ్రీ జగద్గురు శృంగగిరి చంద్రశేఖరభారతిస్వామిగళ్

      విరచితం మీనాక్షీస్తుతిః సంపూర్ణం ..

శ్రీమీనాక్షీసుప్రభాతం

శ్రీస్వామిశాస్త్రిణా అనంతానందనాథేన విరచితం

ఓం నమో భగవత్యై శ్రీచంద్రశేఖరమూర్తయే .

సచ్చిదానందరూపిణ్యై స్వాత్మబోధప్రపూర్తయే ..

శ్రీమాన్ గజాస్యో మధురాపురస్థో లంబోదరో మీనదృగాత్మజో యః .

త్రిప్రస్థపూర్ణాకృతిమోదకాఢ్యః క్రియాద్గణేశో మమ సుప్రభాతం .. 1..

మాతంగకన్యేతి కవీంద్రవంద్యా విద్యావతీపుణ్యఫలప్రదా యా .

శ్రీపాండ్యరాజస్య సుతా చ సాఽమ్బా కరోతు దేవీ మమ సుప్రభాతం .. 2..

చిదగ్నిజాతా మధురాపురేశీ పట్టాభిషిక్తా మలయధ్వజేన .

యయా జితా దిక్పతయో నృపాశ్చ కరోతు దేవీ మమ సుప్రభాతం .. 3..

యా త్రిస్తనీశానజయాయ గత్వా దృష్ట్వా మహేశం త్వతిసుందరాంగం .

సమ్మోహితాఽభూజ్జనమోహదాత్రీ కరోతు దేవీ మమ సుప్రభాతం .. 4..

శ్రీసుందరేశేక్షణమాత్రలుప్తమధ్యస్తనీ శాంతమహేశయుద్ధా .

మీనాంబకా శ్రీమధురాపురేశీ కరోతు దేవీ మమ సుప్రభాతం .. 5..

వాక్కామశక్త్యాదిమబీజపూర్వమంత్రస్య లక్ష్యార్థతనుర్మహేశీ .

షడంగశక్త్యావృతబిందువాసా కరోతు దేవీ మమ సుప్రభాతం .. 6..

పరప్రకాశాదిమశంకరాంత శ్రీదివ్యసిద్ధౌఘసుమానవౌఘైః .

సదా పరీతా గురుభిః స్వచక్రే కరోతు దేవీ మమ సుప్రభాతం .. 7..

రత్యాది శక్తిత్రయపంచబాణబాణైశ్చ కామాదిమపంచమారైః .

యా సేవితా మీననిభస్వనేత్రా కరోతు దేవీ మమ సుప్రభాతం .. 8..

బ్రాహ్మ్యాదిశక్త్యష్టకసేవితా యా లక్ష్మ్యాదిశక్త్యష్టకసంశ్రితాఽమ్బా .

కదంబకాంతారతలైకవాసా కరోతు దేవీ మమ సుప్రభాతం .. 9..

వజ్రాదిసంశోభితహస్తపద్మ వామాదిభిష్షోడశశక్తిభిర్యా .

సమావృతా సా ప్రియకప్రియాంబా కరోతు దేవీ మమ సుప్రభాతం .. 10..

త్రిశూలసంశోభికరాసితాంగముఖ్యైర్వృతా హ్యష్టసుభైరవైర్యా .

మీనాంబకా నీపవనైకవాసా కరోతు దేవీ మమ సుప్రభాతం .. 11..

మాతంగినీపూర్వకశక్తిసంఘైః గణేశపూర్వత్రిదివైశ్చతుర్భిః .

శుకప్రియాఽమ్బా పరిసేవ్యమానా కరోతు దేవీ మమ సుప్రభాతం .. 12..

శ్రీశారికావేణువిపంచికాఢ్యా శ్రీద్వాదశాంతస్థమతంగకన్యా .

యా వై లఘుశ్యామతనుర్ఝషాక్షీ కరోతు దేవీ మమ సుప్రభాతం .. 13..

వాగ్వాదినీ యా నకులీతి దేవీ సంకీర్త్యతే సిద్ధజనైః ప్రపంచే .

కవిత్వదా కామితదా ఝషాక్షీ కరోతు దేవీ మమ సుప్రభాతం .. 14..

సప్తస్వరాణామపి లక్ష్యభూతా సంగీతయోగిన్యభిధీయతే యా .

సానందరూపా ఝషలోచనాంబా కరోతు దేవీ మమ సుప్రభాతం .. 15..

సచ్చిత్స్వరూపా భవసంగరే మే జయప్రదా చంద్రకలావతంసా .

గురుస్వరూపా మధురాపురేశీ కరోతు దేవీ మమ సుప్రభాతం .. 16..

స్వర్ణాబ్జినీతీరవిహారశీలపదాంబుజా వర్ణతనూరపర్ణా .

భవాంధతామిస్రసమావృతస్య కరోతు దేవీ మమ సుప్రభాతం .. 17..

అనంతనాగేంద్రశయానవిష్ణు సహోద్భవా నీలతనుర్ఝషాక్షీ .

అనంతకల్యాణగుణైకభూమిః కరోతు దేవీ మమ సుప్రభాతం .. 18..

ఇతి అనంతానందనాథేన విరచితం శ్రీమీనాక్షీసుప్రభాతం సంపూర్ణం .

శ్రీమీనాక్షీషోడశోపచారస్తుతిః

ఇక్షుకోదండ పుష్పేషు పాశాంకుశకరోజ్జ్వలాం .

ఉద్యత్సూర్యనిభాం వందే మహాత్రిపురసుందరీం .. 1..

శ్రీమత్సుందరనాథస్య దేవీం శఫరలోచనాం .

కలయే హృదయే నిత్యం కదంబవనవాసినీం .. 2..

బాలార్కారుణపద్మపీఠనిలయాం వామాదిశక్త్యావృతాం

      ఏలాగంధి సుకుంతలాం ద్వినయనాం హేమాంబరాలంకృతాం .

వామే లంబిత దోర్లతాం సుచరణాం దక్షేధృతేందీవరాం

      శ్యామాభాం శరదిందుచారువదనాం వందే సుమీనేక్షణాం .. 3..

ఆగచ్ఛ వరదే దేవి సర్వసంపత్ప్రదాయిని .

పూజాం గృహాణ సుముఖి నమస్తే శంకరప్రియే .. 4..

శ్రీమీనాక్షి మహాభాగే రక్షార్థం మమ సర్వదా .

ఆవాహయామ్యహం దేవి సర్వకామార్థసిద్ధయే .. 5..

అనేకరత్నసంయుక్తం నానామణి గణాన్వితం .

కార్తస్వరమయం దివ్యమాసనం ప్రతిగృహ్యతాం .. 6..

గంగాది సర్వతీర్థేభ్యో మయా ప్రార్థనయాఽఽహృతం .

తోయమేతత్సుఖస్పర్శం పాద్యార్థం ప్రతిగృహ్యతాం .. 7..

నిధీనాం సర్వరత్నానాం త్వమనర్ఘ్యగుణా హ్యసి .

సింహాసన స్థితే దేవి గృహాణార్ఘ్యం నమోఽస్తు తే .. 8..

కర్పూరేణ సుగంధేన సురభి స్వాదు శీతలం .

తోయమాచమనీయార్థం దేవి త్వం ప్రతిగృహ్యతాం .. 9..

మందాకిన్యాః సమానీతైః హేమాంభోరుహ వాసితైః .

స్రానం కురుష్వ దేవేశి సలిలైశ్చ సుగంధిభిః .. 10..

పట్టకూలయుతం దేవి కంచుకేన సమన్వితం .

పరిదేహి కృపాం కృత్వా సర్వసంపత్ప్రదాయిని .. 11..

స్వర్ణసూత్రమయం దివ్యం బ్రహ్మణా నిర్మితం పురా .

ఉపవీతం మయా దత్తం గృహాణ పరమేశ్వరి .. 12..

శ్రీకంఠచందనం దివ్యం గంధాఢ్యం సుమనోహరం .

విలేపనం చ దేవేశి చందనం ప్రతిగృహ్యతాం .. 13..

హరిద్రాం కుంకుమం చైవ సిందూరం కజ్జలం తథా .

సౌభాగ్యద్రవ్యసంయుక్తం గృహాణ పరమేశ్వరి .. 14..

అక్షతాన్నిర్మలాన్శుద్ధాన్ ముక్తామణి సమన్వితాన్ .

గృహాణేమాన్ మహాదేవి దేహి మే నిర్మలాం ధియం .. 15..

మాంగల్య మణి సంయుక్తం ముక్తాఫలసమన్వితం .

దత్తం మంగల సూత్రం తే గృహాణ శివవల్లభే .. 16..

రత్నతాటంకకేయూర హార కంకణమండితే .

భూషణం గృహ్యతాం దేవి నమస్తే పాండ్యనందిని .. 17..

జాజీ పుత్రాగమందార కేతకీచంపకాని చ .

పుష్పాణి తవ పూజార్థమర్పయామి సదా శివే .. 18..

ఇతి శ్రీమీనాక్షీషోడశోపచారస్తుతిః సమాప్తా .

శ్రీమీనాక్షీశతకం అథవా మీనాక్షీస్తవరాజం

శ్రీమీనాక్షీధ్యానం .

శబ్దబ్రహ్మమయీ చరాచరమయీ జ్యోతిర్మయీ వాఙ్మయీ

నిత్యానందమయీ నిరంజనమయీ తత్త్వమయీ చిన్మయీ .

తత్త్వాతీతమయీ పరాత్పరమయీ మాయామయీ శ్రీమయీ

సర్వైశ్వర్యమయీ సదాశివమయీ మాం పాహి మీనాంబికే ..

(శ్రీమచ్ఛంకరభగవత్పాదాచార్యవిరచిత శ్రీమీనాక్షీస్తోత్రాంతర్గతం)

శ్రీసచ్చిదానందభారతీమహాస్వామినాం ధ్యానశ్లోకః -

సత్యస్వరూపం సద్జ్ఞాననిష్ఠం సాక్షాచ్ఛివం పరం .

సదా దానరతం దాంతం సచ్చిదానందమాశ్రయే ..

శ్రీగణాధిపతయే నమః .

శ్రీసచ్చిదానందగురుభ్యో నమః ..

శ్రీమీనాక్షీశతకం

బాలార్కకోటిరుచిరే వరదే వరేణ్యే

బాలే బలప్రమథనే మదనప్రవీణే .

లీలాసహస్రనిపుణేశమహావిహార-

శీలే సుమీననయనే కురు మంగలాని .. 1..

శర్వాణి వాణి కమలే కమలాసనస్థే

మీనాక్షి కాంక్షితవరప్రదకామరూపే .

సవ్యేతరేణ చ కరేణ గృహీతచారు-

క్రీడాశుకే కరుణయా కురు సాక్షరం మాం .. 2..

కల్యాణదే కమలలోచనకంజవక్త్రే

కామాక్షి కామిని కలానిపుణే కులీనే .

కామారిణా హృతనిజార్ధశరీరభాగే

కారుణ్యతః కురు భవత్పది మాం చ భక్తం .. 3..

అత్యంతచారువసనే రసనాగ్రనృత్యత్-

విద్యావిశారదవిధాతృసురప్రపూజ్యే .

యాజ్యాదిగీతమఖగేయపురోనువాక్యే

వాక్యే మమేశ్వరి సుధాం ప్రణిధేహి మాతః .. 4..

యాగస్సరాగవిహితస్సుపవిత్రతీర్థ-

సార్థైరవాప్యమథ భోగ ఉపాత్తభోగః .

యోగో నియోగపరిదూషిత ఏష తస్మాత్

మీనాక్షి తావక పదస్మరణం ప్రదేహి .. 5..

గోపీజనప్రభవకామవిహారవీర్య-

విఖ్యాతకీర్తిపరమః పురుషః పురాణః .

తత్పౌరుషాకృతిరితి ప్రభురంబికే త్వాం

శ్రీశంకరః కిల పురా సముదాజహార .. 6..

బ్రహ్మాండమండలమిదం హి మహానిధానం

భావత్కమంగలమహాయశసామపారం .

త్రేతాయుగోదితధరాతనయాధినాథ-

శ్రీరామనామజపపూరితపుణ్యపుంజే .. 7..

త్వం కామధేనురథ కల్పతరుస్త్వమేవ

చింతామణిర్మణివరో మమ మీననేత్రే .

రమ్యాణి తావకచరిత్రసహస్రకాణి

శ్రీపాండ్యరాజతనయే రమయంతి చాస్మాన్ .. 8..

కల్యాణకారణశరాసనశాసితారిః

కారుణ్యపూర్ణసుమనాః స పురా పురారిః .

దేవి త్వదీయతపసా కిల సంతుతోష

భ్రాజద్వృషోపరి వసన్ వృతపంచవక్త్రః .. 9..

హాలాస్యనాయకి హరో హృతకామదర్పః

సర్పౌఘమండితవపుర్భృతసత్కపాలః .

శూలప్రధావితరతత్సురవైరిసంఘో

హుంకారదుష్టదమనస్తవ సౌమ్యరూపః .. 10..

నారాయణప్రణతపాదపవిత్రపాంసు

పాంసుప్రతారితసమస్తనిరస్తబోధే .

కస్తూరికాతిలకనామకభృంగసంగ-

భ్రాజన్ముఖాఖ్యకమలే విమలే నమస్తే .. 11..

మాణిక్యగర్భితలసత్సుభగత్వదీయ-

నాభీసరోజవరవాసపరా రమైషా .

భూషాసహస్రపరిభూషితరమ్యరూప-

యోషావిశేషపరిపూజితపత్సరోజే .. 12..

త్వన్నూపురధ్వనివిమోహితవిశ్వమేతత్

చింతా పరం కిమనయా కృతమత్ర భద్రం .

త్వాం సర్వకర్మఫలదాం సకలస్వతంత్రాం

కేచిద్విదుర్న ఖలు కేచన బోధశూన్యాః .. 13..

దేదీప్యమానతనుమధ్యగహేమపట్టో

జాజ్వల్యమానశుభరత్నమణిప్రకూటః .

రంభోరుయుగ్మపరివేష్టితరాగరక్త-

వాసస్తు వాసవమనః కురుతే సరాగం .. 14..

త్వత్కుక్షినిష్ఠమిదమంబ జగత్త్రయంచ

త్వత్తేజసా ఖలు విభాంతి సమస్తలోకాః .

ఆజ్ఞాధరాస్తవ మహేశ్వరి తే దిగీశ-

బ్రహ్మేశవిష్ణవ ఇమేఽప్యభవద్గుణస్తే .. 15..

కాంచీస్రగంబ తవ పుష్పితహాటకాంత-

ర్విభ్రాజమానవరదీపశతప్రభౌఘాం .

సత్కింకిణీగణఝణావృతహైమనాగ-

శ్రీమన్ముఖానతశుకావలిరాజితశ్రీః .. 16..

ఆసీత్త్వదీయజఘనం ఘనమిత్యవేక్ష్య

మేఘస్స గర్జితదివః కుపితోఽధునాపి .

తద్యుక్తమేవ హి తదస్తు ఘనే ఘనత్వం

తచ్చేత్త్వదీయజఘనేన సమాస్థితం స్యాత్ .. 17..

శైలోపమస్తనవిధూతమహాభయోఽయం

త్వామాశ్రితో మదన ఏష మహేశశత్రుః .

తం తాదృశం గిరివరం ప్రతిపద్య శౌర్యం

తేజస్సమాజకృతసాలవిధిస్తనోతి .. 18..

త్వత్కంఠనాలపరిచుంబితలాలసేవ

లక్ష్మీర్విభాతి తవ కంఠగభూషణౌఘైః .

హస్తోల్లసజ్ఝణఝణీకృతకంకణాని

కార్తస్వరప్రభవసుప్రభయార్జితాని .. 19..

రత్నప్రభాధలధలీకృతసత్కపోల-

శ్రీకుండలోజ్వలలసచ్ఛరదిందువక్త్రే .

మాయే మహేశ్వరమనోహరరమ్యరూపే

మాం పాహి మీననయనే మధురాధినాథే .. 20..

త్వద్బాహుదండముపలభ్య శశాస శంభుం

చేతోభవశ్చిరమనంగతయాతికోపః .

తస్మాదగేశ్వరసుతే జగదీశ్వరోఽపి

స్థాణుత్వమభ్యుపగతః ఖలు ఖిన్నచేతాః .. 21..

త్వత్పాణిసౌందరపరాజితపంకజాని

త్వచ్ఛోణపాదయుగలే నిపతంతి నిత్యం .

నమ్రా అపి ప్రభుజనేషు సుదుర్జయేషు

ధార్యంత ఏవ శిరసా సకలైర్జనైస్తే .. 22..

రాజజ్జపాకుసుమరాగనిభప్రభాణి

సర్వాణి దేవి తవ పాణిపదోద్భవాని .

శర్వాణి తావకనఖాని తవోచితాని

సౌందర్యసారఘటితాని సుమంగలాని .. 23..

మాధుర్యవర్యమహిమాపహృతాంగరంగ-

భృంగక్రమోల్లసితసత్కమలాఢ్యహస్తే .

గాంభీర్యగుంఫితలసద్ హృదయే దయాస్మిన్

దైత్యప్రహారపరశుప్రవరప్రియ స్యాత్ .. 24..

హారో విహారవిషయాబ్ధిజమౌక్తికౌఘ-

శ్రేణీసహస్రపరినిష్ఠితసారతేజాః .

త్వత్కంఠగశ్శివద ఏష మమాస్తు మాతః

శాంతిప్రదశ్చ శతకోటియుగేషు సిద్ధః .. 25..

త్వన్నాసికాపుటవిడంబితభద్రరూపా

భద్రే విభాతి భగవత్యధునేందిరాహో .

సా శ్రీర్జుహోతి వదనే మదనాగ్నిహోత్రే

లావణ్యకల్పితమహోల్లసదాజ్యధారాం .. 26..

శ్రృంగారశాంతినిలయే శివదేవకాంతే

రాగానురంజితరదే వరచారువీణే .

పక్షే సితప్రథమతో భువి దృష్టబాల-

చంద్రోపమం భువి పతేత్త్వయి మేఽమ్బ చేతః .. 27..

సంగీతశాస్త్రరసికే వస పుష్పరాగ-

వ్యక్తానువాదపరమాంగులిపంచకాఢ్యే .

బింబాధరే బలసమాహృతరత్నసార-

నాసామణిభ్రమణసంభ్రమసంభృతాస్యే .. 28..

సౌవర్ణగోపురపురోగతపౌరరాజ-

చ్చక్షుశ్చకోరపరితోషణచంద్రరూపే .

చాంచల్యరూపగుణసంభృతచంద్రసూర్య-

నేత్రోభయోదయవిభాసితసర్వలోకే .. 29..

శ్రృంగారచారువచనే రచనాప్రవీణే

శ్రీవత్సలాంఛనమహోదయహేతుభూతే .

శ్రీసుందరేశదయితే ప్రణతోస్మి చ త్వాం

శ్రీప్రాప్తయే శ్రితజనావనలాలసోఽహం .. 30..

తేజస్తరంగితసుమంగలతారకస్థ-

లావణ్యజాలజలపూరితసాగరాంతః .

శీఘ్రప్రచారణపటూ ఇవ దేవి మత్స్యౌ

నేత్రే ఉభే చ తవ పాండ్యసుతే విభాతః .. 31..

సత్కుంకుమాంకితలలాటమహాప్రభావః

కైర్వర్ణ్యతే జగతి సర్వమనోహరాస్యే .

చంద్రప్రకాశఘటితస్ఫటికోపమాన-

కామాతిగప్రభుమనః కలుషీకరోతి .. 32..

త్వత్క్లేశపాశపరిసృష్టజపావిశేష-

స్పష్టస్ఫురత్కఠినపీననితంబదేశే .

తాదృగ్జపాకలితశోభనగంధయుక్త-

శ్రీమల్లికాకుసుమకల్పితమాలికౌఘే .. 33..

మానోన్నతే మదనచారణచక్రభూతే

మార్తాండమండలమహాసనపద్మసంస్థే .

మాహేశ్వరి ప్రశమయాశు మమాంతహీనాం

తృష్ణాం త్రిణేత్రదయితే దయయార్ద్రభావే .. 34..

మాంగల్యమందిరమిదం మదనోదయాఢ్యం

సాంగం సులక్షణమరక్షణజాతకార్శ్యం .

అవ్యక్తవాదపరకోకిలవాణి వాణీ-

ముల్లంఘ్య తిష్ఠతి శరీరమలంకృతం తే .. 35..

మందాకినీవరసరిత్సలిలాభిషేకే

మందస్మితే మలయచందనచర్చితాంగి .

మందారనామకమహీరుహపుష్పపూజ్యే

మందప్రసిద్ధగమనే మహసా విభాసి .. 36..

వైడూర్యవజ్రఘటితాత్మమహాకిరీటే

ఘంటారవైరథ విధేయసుధూపదీపే .

నానావిధార్చకసమర్పితభక్ష్యభోజ్యే

పూర్ణే వసాంతరిహ మే చిరమన్నపూర్ణే .. 37..

దివ్యాంబరే కనకరత్నవిభూషితాంగే

దిక్పాలవందితపదే పరమార్థరూపే .

నీరాజనోజ్జ్వలమహోల్లసదాత్మరూపే

నిత్యే జయే విజయదే జయ విశ్వరూపే .. 38..

కర్పూరదీపవిహితాత్మశుభే శుభానా-

మాధారభూతచరణే కరుణారసాఢ్యే .

గానైరనేకవిధరాగవిశేషయుక్తై-

ర్గీతే సుమంగలపదే త్వయి దేహి దాస్యం .. 39..

ప్రత్యక్షలక్షణపదే పరమప్రమాణే

ప్రామాణ్యవాదవిదితే పరమార్థనిష్ఠే .

నిత్యానుమేయనిజరూపధరే ధరణ్యాం

నైవోపమానమిహ తే కృతశబ్దశాస్త్రే .. 40..

వేదత్రయో విదితకర్మకృతక్రమశ్రీ-

ప్రాధాన్యవాక్యనిచయప్రతిపాద్యరూపే .

కల్యాణి కారణవిశేషవిశిష్టకార్య-

న్యాయాభిధానసునయే జయ దేవి నిత్యం .. 41..

శ్రృంగారమంగలమహోజ్జ్వలదివ్యభాషే

భాషావిశేషవిషయీకృతభావరూపే .

శేషాదివిద్వదనుభావితశబ్దరూపే

సాంగైస్సమస్తనిగమైరపి వేద్యరూపా .. 42..

సౌవర్ణపాత్రఘటితం పరమామృతాన్నం

సాజ్యం సశర్కరమిదం రసనాప్రమోదం .

త్వద్భుక్తశిష్టమిహ భూమితలే భజేమ

భ్రాజత్సుధారసమనేకబుధైరుపాస్యం .. 43..

సంధ్యాసు సద్విజవరైరనుగీయమానే

గాయత్రి గానపరమే సుపవిత్రగాత్రి .

సావిత్రి సర్వవరదే సవితృస్వరూపే

తార్తీయరూపసవనేఽసి సరస్వతీ త్వం .. 44..

రాజత్సురత్నశుభమంటపకాంతరస్థై-

ర్దీపైరనేకశతకోటిసహస్రసంఖ్యైః .

త్వన్మందిరం జనని భాతి మహాప్రకాశం

కైలాసశ్రృంగమివ భూమితలేఽపి సాక్షాత్ .. 45..

అంబ త్వదీయశుభమందిరపట్టశాలాః

శైలోన్నతా వరశిలారచితా విశాలాః .

బహ్వంతరాంతరవిభాగవిశోభమానాః

న క్వాపి భాగ్యభరితే భువి దృష్టపూర్వాః .. 46..

నందీశచండగజవక్త్రకుమారముఖ్యాః

శ్రీవీరభూపవిభవార్చితవీరభద్రః .

సర్వేఽపి దైవతగణాస్సముపాసతే త్వా-

మీశానదేవదయితే సశివాం శివార్థం .. 47..

సోపానపంక్తిసహితం తవ సారసాఖ్యం

తీర్థం మహోజ్జ్వలజలం మునిముఖ్యసేవ్యం .

పుణ్యం పురాణమరవిందసమం సమంతా-

త్త్వజ్జన్మకారణమితి ప్రథితం పృథివ్యాం .. 48..

కిం తీర్థమత్ర భువి వా తవ పుష్కరిణ్యా

సామ్యం ప్రయాతు బహుపుణ్యజలౌఘయాంబ .

యత్రాప్లుతోఽత్ర మనుజోఽప్యజడో భువి స్యా-

న్నానాజలగ్రహసమాకులతోయజాలే .. 49..

క్వైరావతస్తవ గజేషు గుణోత్తరేషు

నోచ్చైశ్రవాస్తవ హయాధికతాం ప్రయాతి .

తావత్కవాద్యనినదౌఘధుతాత్మదర్పాః

స్వర్గేఽపి దేవవరదుందుభయః కిలాసన్ .. 50..

త్వద్గోపురాణి సురశైలమహోన్నతాని

నానావిధాని మధురాపురభూషణాని .

ఆద్యంతమధ్యవిచరద్వరవానరాణి

మీనాక్షి తావకయశో వికిరంతి దిక్షు .. 51..

శ్రృంగోన్నతా బహుదుఘాస్తవ ధేనవోఽమూ-

స్తుష్టాస్తుషారకిరణోద్భవచంద్రికాభాః .

పుష్టాః పురాణపురుషం భవమాశ్రయంత్యః

స్పృష్టాః పునంతి పురుషైః పురుషానశేషాన్ .. 52..

త్వత్పాదపద్మయుగలస్మరణేన మాతః

నిత్యం ప్రబోధసమయే విబుధప్రబోధ్యే .

ఇష్టం చ మృష్టమశనం భువి ధర్మనిష్ఠా

బుద్ధిస్సమృద్ధిరథ గేహగతా భవేన్నః .. 53..

శ్రీచక్రతః కృతమహోజ్జవలమందిరా త్వం

భక్తేషు యాసి చ భజత్సు తథేందిరాత్వం .

ఇందూపమానవదనే సదనే మదీయ-

హృత్పద్మరూపిణి సదా భవ సుస్థిరా త్వం .. 54..

యాం దేవతాస్స్వరితి భూతలమేవ మత్వా

నిత్యం ప్రభాతసమయే సహ శంకరేణ .

తాంబూలచర్వణపరాన్నవరత్నపీఠే

భేజుర్భజంతి భవతీమపి తాం భజేఽహం .. 55..

వైరాగ్యశాంతినిలయం పురుషం పురాణం

నిత్యక్రియాదిభిరుపాసితమంతశూన్యం .

మూర్ధస్థగాంగసలిలం జటిలం త్రినేత్రం

భస్మప్రియం భజసి భూతసహాయమీశం .. 56..

ఫాలానలం భవమజం భవనాశహేతుం

కాలం కలానిధిమనంతదృశం విశుద్ధం .

వైయ్యాఘ్రచర్మవసనం జితకామమీశం

ఆకాశకేశమనిశం భజసే భవాని .. 57..

నిర్ధూతమానమనఘం విజితేంద్రియంచ

వేదాంతవేద్యమనహంకృతిమప్రమేయం .

లోకోత్తరోర్జితగుణే గుణహీనమేవ

రాజన్యదేవతనయే వృణుషే కిమేతత్ .. 58..

త్వద్రూపవిత్స చ హరోఽథ హరస్య రూపం

త్వం వేత్సి మత్స్యనయనే వినయానతాస్యే .

ఇత్థం పరస్పరగతం ఖలు సఖ్యమంబ

కోవేహ వేద యువయోశ్శివయోర్మహత్వం .. 59..

త్వామద్రిరాజతనయామథ భూతలస్య

భద్రార్థమాగతవతీం విదురాత్మవంతః .

త్వం పద్మమాలిని చ మానిని మానయుక్తం

మాం మీనలోచనధరే కురు గౌరవర్ణే .. 60..

దేవి స్వయంవరపదం ప్రతిపద్య దేవః

ప్రత్యక్షతస్తవ కుచద్వయమైక్షతేతి .

ఆశ్చర్యమత్ర విబుధైరపి నైవ కార్యం

లోకేష్వమీషు సకలేషు స హి త్రినేత్రః .. 61..

శంభోర్వివాహసమయే శివపార్శ్వగాం త్వాం

ఆలోక్య నాకసదనాస్సకలాస్సయోషాః .

భ్రాంతా బభూవురథ తేఽమ్బ కటాక్షమూఢా

తేఽపి స్మ తే విలిఖితేరవిధిర్విధిశ్చ .. 62..

శ్రీకంఠచారుకరకంజయుగప్రబద్ధ-

మాంగల్యసూత్రపరిశోభితకంబుకంఠి .

బ్రహ్మేహ శాశ్వతమనాకృతి యావదేవ

తావచ్ఛివాని శివతస్తవ సంతి దేవి .. 63..

భిక్షాశనం ఖలు తదాపి న భగ్నమస్మిన్

శంభౌ భవత్కరగృహీతవరాన్నదానైః .

ఇత్థం ప్రియంకరతయా సహ భోజనేఽమ్బ

శంభుప్రియేతి కథితాసి జగత్త్రయేఽపి .. 64..

త్వత్కంజవక్త్రపరిశోభితమందహాస-

భ్రూల్లాసదర్శనపరః పరమేశ్వరోఽపి .

సానందమందహసనానువిధేయసార-

సంభావనస్స చ బభూవ పురా త్రయీశః .. 65..

పాణిగ్రహేణ పరితుష్టమనాస్తవాభూత్

శంభుః ప్రభుర్విభురభూతవిభావితాంగి .

సంసారగహ్వరమహాగహనం ప్రవిష్టః

సంసారిణాం గతిరయం గుణసాక్షిభూతః .. 66..

శంభుప్రభావశుభవర్ణనయాభియుక్త-

జిహ్వా జయత్యథ విభావితశుద్ధవర్ణా .

ఇత్థం పతిం ఖలు నిషేవ్య పరం పుమాంసం

సంసాధితాఖిలసుఖాని విశాలనేత్రే .. 67..

హ్రీంకారవాదసులభే హితదే సమస్త-

లోకస్య లోచనగతాంజనశోభనాఢ్యే .

శ్రీసుందరేశ్వరపదే విహితాంతరంగే

శ్రీమత్తరంగితపదస్తుతిభిస్స్తుతాంగే .. 68..

సంతోషయుక్తహృదయే సతి సారవాక్యే

వాక్యే మహత్యపి విభాతవరాత్మనిష్ఠే .

మహ్యం ప్రదేహి వరదే భువి చ ప్రతిష్ఠాం

కాష్ఠాం కలాదిరహితామథ యోగిలభ్యాం .. 69..

రంగస్థలీవిహితనర్తనవార్తయాహో

సర్వేఽపి దేవి తవ సన్నిధిమేత్య దేవాః .

హృష్యంతి హంత మనసా వచసా చ భూయః

పుష్ణంతి భద్రవపుషా చ విషాదశూన్యాః .. 70..

త్వత్పాదసారసనిబద్ధసమృద్ధబాల-

ఘంటారవైర్ఘలఘలీకృతనాట్యరంగే .

నాట్యానురంజితనయోజ్జ్వలచారులీలా-

కోలాహలాహృతసమస్తసురాంతరంగే .. 71..

తాలప్రభేదగతినృత్యమహావిహార-

నిత్యోత్సవేన పరితోషితనాగహారే .

త్వత్సామ్యమేతి న రమా న సరస్వతీ చ

శక్రప్రియా న చ శచీ న చ దేవవధ్వః .. 72..

త్వద్వక్త్రనిస్సృతమృదూజ్జ్వలసారవల్గు-

వ్యక్తస్వరామృతరసాక్షరవాక్యలేశైః .

క్షోణీభృతో హరిహరౌ విధిముఖ్యదేవాః

సర్వేఽపి విస్మితహృదః కిల నృత్యకాలే .. 73..

నైవ శ్రమో న చ తవాంబ వరాంగజాత-

స్వేదాంబు శూన్యగతయో న చ తాలభేదాః .

నైవాసి శంకితమనాః పునరేవ ధీరాః

పశ్యత్సు దైవతజనేష్వపి రంగదేశే .. 74..

చంద్రోదయే సతి శరద్యతులశ్రియాహో

వారాన్నిధిర్ధ్వనిజితేతరశబ్దజాలః .

వర్ధేత హర్షవశగో నిశి వా యథైవ-

ముత్సాహ ఏష తవ వృద్ధిముపైతి నిత్యే .. 75..

చక్రాకృతిభ్రమణధూతపటాంతభాత-

కార్తస్వరాభశుభజానువిహార ఏషః .

లక్ష్మీం తనోతు నితరామరవిందపాద-

స్పర్శప్రభూతధరణీతలశబ్దరమ్యః .. 76..

నాసక్తమత్ర చ మనో భువి కస్య వాఽభూత్

సాక్షాదపి త్రిణయనః కృతకామమైత్రః .

యత్రాభవన్నియతచిత్తతయా సమాధి-

స్థిత్యేవ యోగపరమస్తవ నృత్యసారే .. 77..

ఆనందపూర్ణహృదయే విశదాత్మలీలే

మాంగల్యసూచకమనోహరచారుశీలే .

చాంచల్యగర్భితశరీరవిశేషణాంగే

రంగస్థలే జయ జయే జితజాతరూపే .. 78..

నృత్యేన మీననయనే న హి సా హి రంభా

నైవోర్వశీ నవనవేన తిలోత్తమా చ .

హా ప్రీతిమత్త్వజననే తవ దేవి శక్తా-

స్తిస్రస్తిసృష్వపి లసజ్జగతీషు గీతాః .. 79..

త్వాదృగ్జనేషు తపసా ప్రథితేషు లోకే

నానాకలానిపుణతేతి న చిత్రమత్ర .

నారాయణోఽపి నవనీతహరో యతోఽభూత్

నృత్యేన తోషితసమస్తవధూసమూహః .. 80..

కారుణ్యశంకరమజే కమనీయరూపం

కాంతాసహస్రపరిభావితపద్మవక్త్రం .

విభ్రాజితాఖిలదిగంతరచంద్రమౌలిం

సంతోషయంతమనిశం కురుతే వినోదైః .. 81..

తాటంకబాలనవిభాతవిచిత్రవర్ణ-

విద్యోతమానసకపోలవిమోహితోఽయం .

తామేవ నిత్యమగజామతిసంప్రహృష్టో

ధ్యాయత్యనన్యవిషయో వృషవాహనోఽపి .. 82..

దేవి త్వదాస్యసరసీరుహసక్తభృంగ-

ఝంకారలక్షణమహామదనప్రసంగః .

సంగీతశాస్త్రరహసాకృతనిత్యసంగః

శృంగారశాస్త్రశిరసా శ్రితదీర్ఘశృంగః .. 83..

త్వద్భోగలంపటమనా హి మహానుభావః

శర్వస్స కోటిమదనోపమరమ్యరూపః .

నిత్యం తవైవ గృహవాసపరో బభూవ

త్వన్మోహితో రతివిశాలసుఖానురక్తః .. 84..

త్వద్వక్త్రచుంబనసుపీతసుధారసోఽయం

పంచాననః పరిగృహీతసపంచబాణః .

నోచేత్కుతో ధవలిమాత్ర మహేశగాత్రే

స్యాచ్చంద్రచారుకిరణోద్భవచంద్రికేవ .. 85..

ఆఘ్రాయ తావకముఖాంబుజగంధమీశో

మేనే తపః ఫలమహస్స తపోనిధానః .

ఆలింగ్య గాఢమనఘో భవతీం కృశాంగీం

కామోదధౌ సహ మమజ్జ విధూతలజ్జః .. 86..

హాసైర్విహారపరమైః కృతకౌతుకాభ్యాం

పూర్వోత్తరక్రమవిశేషవిశోభితాభ్యాం .

సంవర్ధితోఽనల ఇవాజ్యహుతో యువాభ్యాం

కామానలః కిల రహో గృహమధ్యమానః .. 87..

మేనే కృతార్థమగరాజమజో గృహేశో

యస్యాసి మీననయనే దుహితా సభద్రా .

త్వత్కామకౌతుకమనః పరితుష్టభావః

పూర్ణోఽపి పూర్ణరతిమేత్య విధూతశోకః .. 88..

భోగీంద్రకల్పితకరస్థితకంకణశ్రీః

భోగశ్రమేణ సహితశ్శయనం చికీర్షుః .

నాన్యం గిరిం వ్రజతి హంత గిరీశ్వరోఽయం

మత్వా గిరిం గురుతరం జఘనం ఘనం తే .. 89..

కస్తూరికైవ తవ కంఠగతా సమృద్ధా

భస్మప్రియస్య చ గలే ప్రతిబింబతాఽభూత్ .

తేనాతిశుభ్రశుభగాత్రధరోఽపి శంభుః

త్వత్సంగతస్సతి బభూవ స నీలకంఠః .. 90..

కామాంకితాకృతివిశేషవిరాజమానౌ

తాంబూలరక్తవదనౌ శ్రమతోయసిక్తౌ .

క్షేమంకరౌ చ జగతః పితరౌ యువాంకైః

సేవ్యౌ సమస్తవరదౌ భువి దేవి న స్తః .. 91..

సూర్యోదయాభరదనే సురపూజ్యపాదే

సూతాదిభిస్స్తుతగుణే సుఖబోధసారే .

సూతేషు సూక్తిరచితేషు సుఖేన బోధ్యే

సూచ్యగ్రబుద్ధివిశదే సుతమంబ పాహి .. 92..

సంగీతసారహృదయే సమదృష్టియుక్తే

సమ్యక్శుకేంద్రపరిభాషితనామజాలే .

సాయంతనాగతసమానసఖీసమేతే

సంసారసాగరగతం పరిపాహి మాం త్వం .. 93..

సంతానకామ్యఫలదే సవితృప్రసూతే

సందేహసాధితరమే సమయప్రతిష్ఠే .

సాధ్యామృతాఖ్యవరతీర్థవిశోధితాంత-

స్సాధారణేతరమనః కరణైరుపాస్యే .. 94..

మాత్రాచతుష్టయపదే సుఖబోధమాత్రే

యాత్రావిచారణపరే పరమాత్మరూపే .

మాత్రాస్మి పాలితభవో జగతామమీషాం

నేత్రా చ నేత్రపరిదూషితపద్మజాతే .. 95..

మీనాక్షి తావకరథోత్సవసంభ్రమార్థ-

మాహేప్రయుక్తవచసః పథి సంసరంతి .

పశ్యేమ మీననయనామథ సుందరేశం

శీఘ్రం సఖే సర సరేతి దిగంతసంస్థాః .. 96..

ఏవం జనాస్తు శతశోఽథ సహస్రశోఽమి

త్వామేత్య నిత్యమవిలంబితదీక్షయాంబ .

యుక్తాం చ యుక్తహృదయాశ్శుచయస్సమౌనాః

నేత్రోన్నతాః ప్రతిదినం భవతీం భజంతే .. 97..

త్వద్వాహనాని వృషసింహగజాశ్వహంస-

ముఖ్యాని మానవకృతాని మహోన్నతాని .

అంగాని తావకరథోత్సవకర్మణశ్చ

సాంగాని సర్వనయనోత్సవసాధనాని .. 98..

ప్రాకారసారపరికల్పితతత్సరంధ్ర-

మూర్ధావలీముదితమానసరాజహంసే .

నేత్రావలీకలితహేమరథోపరిస్థ-

కాంతానుధావితరథే రథఘోషపూర్ణే .. 99..

సాక్షాదివామరనగశ్శతహేమశ్రృంగో-

రత్నౌఘరాజితరథః ప్రచలత్పతాకః .

ఆభాతి భానుకిరణప్రతిభాసమాన-

స్తంభాయుతోజ్జ్వలసువర్ణవధూసమూహః .. 100..

తావత్కభావితసువర్ణకలావిసృష్ట-

స్తంభస్ఫురద్ధటితచక్రరథోపమాంబ .

సా స్యాచ్ఛశాంకశతకోటిమహోదయ శ్రీ-

రేకత్ర చేన్మిలతి దేవి శరన్నిశాయాం .. 101..

వైకుంఠగశ్రియమసావిహ నీలకంఠః

కంఠీరవేణ సదృశస్వకవిక్రమేణ .

కిం వాఽహరద్ధరతయా యది వా న తత్స్యా-

ద్ధైమస్స తే రథవరః కథమీదృశస్స్యాత్ .. 102..

తద్వేగవేగితరయో రథినాం వరిష్ఠః

పౌరప్రదక్షిణపరః పరమేశ్వరోఽయం

భూతాని భావితశివాని శివార్జితాని

కుర్వన్కృపాలురభితః ఖలు యాతి శీఘ్రం .. 103..

తద్ఘోషఘోషితదిశో దశ కాశితాస్తత్ -

తేజోభిరుత్థితరజః కణసంభృతాస్తాః .

సేనా చతుర్విధబలా చ సరాజవీరా

త్వామేవ యాతి పరమోత్సవపారవశ్యాత్ .. 104..

త్వద్దర్శనేన చ జగజ్జితసర్వకామ-

మాబాలవృద్ధపశుపాలకవిశ్వభూతం .

రామాస్సుమంగలభవాస్తవ దర్శనేన

రామాభిరామహృదయాంబుజసద్మసంస్థే .. 105..

శంభుర్హిరణ్యకవచావృతదివ్యమూర్తిః

కేయూరహారమకుటైశ్చ విరాజమానః .

గచ్ఛన్పురస్స భవతీమనుసంప్రయాంతీం

ప్రత్యఙ్ముఖః కిల పునః పరివీక్షతేఽమ్బ .. 106..

దేవి త్వదీయగుణసృష్టగుణో హరోఽయం

త్వద్వక్త్రసోభగరసం పరిపీయ దృగ్భిః .

కించిద్గలద్వసనభాతఘనస్తనాగ్రాం

దృష్ట్వా మృడస్స భవతీం పునరేతి హృష్టః .. 107..

తం తాదృశం చ రథినం రథమధ్యసంస్థా

కామేన కాంతరిపుణా ప్రతిబోధితేవ .

విద్రావయస్యతులవేగరథే రథాంగ-

స్పర్శైర్దృఢైశ్చటచటీకృతభూతలే త్వం .. 108..

ఏవంవిధాని చరితాని బహూని దృష్ట్వా

సర్వేకృతార్థమనసో భువి భూతసంఘాః .

కల్యాణదేకమలలోచనకాలకాల-

కాంతే కృతోత్సవచయే జయ లోకమాతః .. 109..

దేవి త్వదీయశుభగాత్రవరాభిషేకైః

హారిద్రతీర్థమభవచ్ఛుభదం వధూనాం .

తద్ధారణస్మృతినతీక్షణసంస్తవైస్తు

స్యాదేవ సర్వఫలసిద్ధిరిహైవ నౄణాం .. 110..

కంజాతపుష్పవదనే కమనీయగాత్రే

కారుణ్యరూపరసపూరితచారునేత్రే .

తస్మై నమో నమ ఇదం తవ సంవిధాత్రే

తుభ్యం చ తస్య చ విధాతురథైవ మాత్రే .. 111..

సౌభాగ్యదే చ ధనదే జగదాధిపత్య-

ప్రాగల్భ్యదే పురుషదే ప్రమదాజనేషు .

యోషిత్ప్రదేఽద్య సుతజన్మమహోత్సవస్య

దాత్రీ త్వమేవ మతిదానరతా నమత్సు .. 112..

దేవి శ్రుతిశ్రుతిమతాం వచసాం విదూరే

విద్రావితాఖిలశుభేతరకర్మజాలే .

ఓంకారనాదపరిభావితదివ్యరూపే

త్వంకారభేదరహితా వస మేఽన్తరంగే .. 113..

తాటంకయుగ్మసహితా ధృతకంఠభూషా

లావణ్యజాలలసితా బహుభూషణాఢ్యా .

దృష్టాసి చ స్తుతపదాసి మయేహ మాతః

మాం మైవ విస్మర మహేశ్వరి మీననేత్రే .. 114..

త్వత్కీర్తితో జగదిదం పరిపూర్ణమంబ

మీనాక్షి హాటకమయాంబుజమధ్యసంస్థే .

బ్రాహ్మ్యాదిశక్తిరచితావరణే శివాఖ్యే

హాలాస్యనాయకి సదాఽపి నమో నమస్తే .. 115..

శ్రృంగారపూర్ణశతకం పరిపూర్ణమేతత్

మీనాక్షికాశుభపవిత్రచరిత్రగర్భం .

సంతానరూపఫలదం కృతమంగలం తత్

సంపత్ప్రదం భువి నృణాం పఠతాం సుభద్రం .. 116..

సర్వేషు వైదికపదేషు యథానుపూర్వీ

నిత్యా తథాస్తు మమ వాగ్రచితే ప్రబంధే .

సా సర్వవిస్మయకరీ కవితారసజ్ఞ-

సంతోషదా మమ హిమాచలజా కృపాతః .. 117..

శ్రీపాణడ్యరాజతనయానిలయం ప్రపద్య

ప్రాతః పఠంతి మనుజా భువి యే తు భక్త్యా .

మాధ్యందినే చ సవనేషు చ యోఽథ సాయం

తే వేదశాస్త్రధనభోగసమృద్ధిగాస్స్యుః .. 118..

ఆనందదాయకశుకాక్షరవన్మదీయ-

మానందదాయకమిదం భవతాద్బుధేభ్యః .

ఆనందరూపపరమేశితురప్యపూర్వ-

మానందమేవ తనుతే భువి యా తదీయం .. 119..

ఆచార్యశంకరమహోజ్జ్వలసంప్రదాయః

శ్రీనారసింహగురుపుణ్యకటాక్షపూతః .

లీలాభిరేనమతనోత్స ముదైవ సచ్చి-

దానందసంయమివరస్తవమంబికాయాః .. 120..

పుణ్యశ్లోకః పరమపురుషస్సుందరేశో మహాత్మా

పుణ్యశ్లోకా ఝషకనయనా పార్వతీ పాండ్యజా సా .

పుణ్యశ్లోకాః మమ చ దశకద్వ్యుత్తరా యే శతాంతాః

పుణ్యశ్లోకాః పఠననిరతాః పాండ్యపుత్రీస్తవస్య .. 121..

ఇతి శ్రీసచ్చిదానంద-భారతీ స్వామిభిః కృతం .

మీనాక్షీస్తవరాజం యే పఠంతి నరసత్తమాః ..

త్రిదివం తే తృణీకృత్య కైలాసే వాసమాప్నుయుః .

కుర్వంతి యేఽత్ర సందేహం నరకార్హా భవంతి తే .. 122..

.. ఇతి శ్రీసచ్చిదానందభారతీమహాస్వామిభిః విరచితం

శ్రీమీనాక్షీశతకం అథవా శ్రీమీనాక్షీస్తవరాజం సంపూర్ణం ..

శ్రీమీనాక్షీమణిమాలాష్టకం

మధురాపురినాయికే నమస్తే

      మధురాలాపిశుకాభిరామహస్తే .

మలయధ్వజపాండ్యరాజకన్యే

      మయి మీనాక్షి కృపాం విధేహి ధన్యే .. 1..

కచనిర్జితకాలమేఘకాంతే

      కమలాసేవితపాదపంకజాంతే .

మధురాపురవల్లభేష్టకాంతే

      మయి మీనాక్షి కృపాం విధేహి శాంతే .. 2..

కుచయుగ్మవిధూతచక్రవాకే

      కృపయాపాలితసర్వజీవలోకే .

మలయధ్వజసంతతేః పతాకే

      మయి మీనాక్షి కృపాం నిధేహి పాకే .. 3..

విధివాహనజేతృకేలియానే

      విమతామోటనపూజితాపదానే .

మధురేక్షణభావభూతమీనే

      మయి మీనాక్షి కృపాం విధేహి దీనే .. 4..

తపనీయపయోజినీతటస్థే

      తుహినప్రాయమహీధరోదరస్థే .

మదనారిపరిగ్రహే కృతార్థే

      మయి మీనాక్షి కృపాం విధేహి సార్థే .. 5..

కలకీరకలోక్తినాదదక్షే

      కలితానేకజగన్నివాసిరక్షే .

మదనాశుగహల్లకాంతపాణే

      మయి మీనాక్షి కృపాం కురు ప్రవీణే .. 6..

మధువైరివిరించిముఖ్యసేవ్యే

      మనసా భావితచంద్రమౌలిసవ్యే .

తరసా పరిపూరితయజ్ఞహవ్యే

      మయి మీనాక్షి కృపాం విధేహి భవ్యే .. 7..

జగదంబ కదంబమూలవాసే

      కమలామోదముఖేందుమందహాసే .

మదమందిరహారిదృగ్విలాసే

      మయి మీనాక్షి కృపాం విధేహి దాసే .. 8..

పఠతామనిశం ప్రభాతకాలే

      మణిమాలాష్టకమష్టభూతిదాయీ .

ఘటితాశతచాతురీం ప్రదద్యా-

      త్కరుణాపూర్ణకటాక్షసన్నివేశాత .. 9..

ఇతి శ్రీమీనాక్షీమణిమాలాష్టకం సంపూర్ణం .

          శ్రీమీనాక్షీమణిమాలాష్టకం .

మధురాపురనాయికే నమస్తే మధురాలాపశుకాభిరామహస్తే .

మలయధ్వజపాండ్యరాజకన్యే మయి మీనాక్షి కృపాం నిధేహి ధన్యే .. 1..

కచనిర్జితకాలమేఘకాంతే కమలాసేవితపాదపంకజాంతే .

మధురాపురవల్లభేష్టకాంతే మయి మీనాక్షి కృపాం నిధేహి దాంతే .. 2..

కుచయుగ్మవిభిన్నచక్రవాకే కృపయా పాలితసర్వజీవలోకే .

మలయధ్వజసంతతేః పతాకే మయి మీనాక్షి కృపాం నిధేహి పాకే .. 3..

తపనీయసరోజినీతటస్థే తుహినప్రాయమహీధరోదరస్థే .

మదనారిపరిగ్రహే కృతార్థే మపి మీనాక్షి కృపాం నిధేహి సార్థే .. 4..

మధువైరివిరించిముఖ్యసేవ్యే మనసా భావితచంద్రమౌలిలవ్యే .

మనసాపనిహీతయజ్ఞహవ్యే మయి మీనాక్షి కృపాం నిధేహి భవ్యే .. 5..

కలకీరకలోక్తినాదదక్షే కలితానేకజగన్నివాసకుక్షే .

మదనాశుగహల్లకాంతపాణే మయి మీనాక్షి కృపాం నిధేహి శోణే .. 6..

విధివాహనచైత్రకేలియానే విమతామోటనపూజితాపదానే .

మధురేక్షణభావపూతమీనే మయి మీనాక్షి కృపాం నిధేహి దీనే .. 7..

జగదంబ కదన్బమూలవాసే మధురామోదముఖేందుమందహాసే .

మదమందిరచారుదృగ్విలాసే మయి మీనాక్షి కృపాం నిధేహి దాసే .. 8..

పఠతామనిశం ప్రభాతకాలే మణిమాలాష్టకమష్టభూతిదాయి .

ఘటికాశతచాతురీ సమింధే కరుణాపూర్ణకటాక్షసన్నివేశాత్ .. 9..

శ్రీమీనాక్షీద్వాదశస్తోత్రం

యా దేవీ జగతాం కర్త్రీ శంకరస్యాపి శంకరీ .

నమస్తస్యై సుమీనాక్ష్యై దేవ్యై మంగలమూర్తయే .. 1..

సకృదారాధ్య యాం సర్వమభీష్టం లభతే నరః .

నమస్తస్యై ముమీనాక్ష్యై దేవ్యై మంగలమూర్తయే .. 2..

యస్యాః ప్రసాదలేశేన భోరామోక్షౌ న దుర్లభౌ .

నమస్తస్యై సుమీనాక్ష్యై దేవ్యై మంగలమూర్తయే .. 3..

యయా శివోఽపి యుక్తః సన్ పంచకృత్యం కరోతి హి .

నమస్తస్యై సుమీనాక్ష్యై దేవ్యై మంగలమూర్తయే .. 4..

యస్యాః ప్రీత్యర్థమనిశం లాస్యం కుర్వన్ శివో బభౌ .

నమస్తస్యై సుమీనాక్ష్యై దేవ్యై మంగలమూర్తయే .. 5..

లక్ష్మీసరస్వతీముఖ్యా యస్యాస్తేజఃకణోద్భవాః .

నమస్తస్యై సుమీనాక్ష్యై దేవ్యై మంగలమూర్తయే .. 6..

యా దేవీ ముక్తికామానాం బ్రహ్మవిద్యాప్రదాయినీ .

నమస్తస్యై సుమీనాక్ష్యై దేవ్యై మంగలమూర్తయే .. 7..

యస్యాః ప్రణామమాత్రేణ వర్ధంతే సర్వసంపదః .

నమస్తస్యై సుమీనాక్ష్యై దేవ్యై మంగలమూర్తయే .. 8..

యా స్తుతా సర్వపాపఘ్నీ సర్వోపద్రవనాశినీ .

నమస్తస్యై సుమీనాక్ష్యై దేవ్యై మంగలమూర్తయే .. 9..

యా ధ్యాతా పరమా శక్తిః సర్వసిద్ధికరీ శివా .

నమస్తస్యై సుమీనాక్ష్యై దేవ్యై మంగలమూర్తయే .. 10..

యయా దేవ్యాపి విరహితః శివోఽపి హి నిరర్థకః .

నమస్తస్యై సుమీనాక్ష్యై దేవ్యై మంగలమూర్తయే .. 11..

చరాచరం జగత్ సర్వం యస్యాః పాదసముద్భవం .

నమస్తస్యై సుమీనాక్ష్యై దేవ్యై మంగలమూర్తయే .. 12..

ఇతి శ్రీమీనాక్షీద్వాదశస్తోత్రం సంపూర్ణం .

శ్రీమీనాక్షీ స్తోత్రాష్టోత్తరశతనామావలీ

     .. శ్రీః ..

. అథ శ్రీమీనాక్షీ అష్టోత్తరశతనామావలీ ..

ఓం మాతంగ్యై నమః .

ఓం విజయాయై నమః .

ఓం శ్యామాయాయై నమః .

ఓం సచివేశ్యై నమః .

ఓం శుకప్రియాయై నమః .

ఓం నీపప్రియాయై నమః .

ఓం కదంబేశ్యై నమః .

ఓం మదకూర్ణితలోచనాయై నమః .

ఓం భక్తానురక్తాయై నమః .

ఓం మంత్రాశ్యై నమః . (10)

ఓం పుశ్పిన్యై నమః .

ఓం మంత్రిణ్యై నమః .

ఓం శివాయై నమః .

ఓం కలవత్యై నమః .

ఓం రక్తవస్త్రాయై నమః .

ఓం అభిరామాయై నమః .

ఓం సుమధ్యమాయై నమః .

ఓం త్రికోణమధ్య నిలయాయై నమః .

ఓం చారుచంద్రావదంసిన్యై నమః .

ఓం రహః పూజ్యాయై నమః . (20)

ఓం రహః కేల్యై నమః .

ఓం యోనిరూపాయై నమః .

ఓం మహేశ్వర్యై నమః .

ఓం భగప్రియాయై నమః .

ఓం భగారాధ్యాయై నమః .

ఓం సుభగాయై నమః .

ఓం భగమలిన్యై నమః .

ఓం చతుర్బహవే నమః .

ఓం సువేణ్యై నమః .

ఓం చారుహాసిన్యై నమః . (30)

ఓం మధుప్రియాయై నమః .

ఓం శ్రీజనన్యై నమః .

ఓం శర్వాణ్యై నమః .

ఓం శివాత్మికాయై నమః .

ఓం రజ్యలక్ష్మి ప్రదయై నమః .

ఓం నిత్యాయై నమః .

ఓం నీపోధ్యాన నివాసిన్యై నమః .

ఓం వీణావాత్యై నమః .

ఓం కంబుకంఠ్యై నమః .  (40)

ఓం కామేశ్యై నమః .

ఓం యజ్ఞరూపిణ్యై నమః .

ఓం సంగీత రసికాయై నమః .

ఓం నాదప్రియాయై నమః .

ఓం నీలోత్పలధ్యుత్యై నమః .

ఓం మాతంగతనయాయై నమః .

ఓం లక్ష్మ్యై నమః .

ఓం వ్యాపిన్యై నమః .

ఓం సర్వజ్ఞన్యై నమః .

ఓం దివ్యచందన దిగ్ధాంగై నమః . (50)

ఓం యావకరర్ద్రపదంబుజాయై నమః .

ఓం కస్తూరితిలకాయై నమః .

ఓం సుభ్రువే నమః .

ఓం బింబోష్ఠ్యై నమః .

ఓం మదాలసాయై నమః .

ఓం విద్యారాక్ఞై నమః .

ఓం భగవత్యై నమః .

ఓం సుధాపనానుమోదిన్యై నమః .

ఓం శంఖతాటంగిన్యై నమః .

ఓం గుహ్యాయై నమః . (60)

ఓం యోషిత్పురుషమోహిన్యై నమః .

ఓం కింకరీభూతగీర్వాణ్యై నమః .

ఓం కౌళిన్యై నమః .

ఓం అక్షరరూపిన్యై నమః .

ఓం విధుత్కపోలఫలకాయై నమః .

ఓం ముక్తారత్న విభూషితాయై నమః .

ఓం సునాసాయై నమః .

ఓం తనుమధ్యాయై నమః .

ఓం శ్రీవిద్యాయై నమః .

ఓం సుధాసాగరవాసిన్యై నమః .

ఓం భువేనేశ్వర్యై నమః . (70)

ఓం ప్రథుస్తన్యై నమః .

ఓం బ్రహ్మ విద్యాయై నమః .

ఓం సుధాసాగర వాసిన్యై నమః .

ఓం అనవధ్యాంగ్యై నమః .

ఓం యంత్రిణ్యై నమః .

ఓం రతిలోలుపాయై నమః .

ఓం త్రైలోక్య సుందర్యై నమః .

ఓం రమ్యాయై నమః .

ఓం కీరధారిణ్యై నమః . (80)

ఓం ఆత్మైకసుముకిభుత జగదహ్లాదకారిణ్యై నమః .

ఓం కల్పాతీతాయై నమః .

ఓం కుండలిన్యై నమః .

ఓం కలాధరాయై నమః .

ఓం మనస్విన్యై నమః .

ఓం అచింత్యా నందవిభవాయై నమః .

ఓం రత్నసిమ్హాసనేశ్వర్యై నమః .

ఓం పద్మాసనాయై నమః .

ఓం కామకలాయై నమః .  (90)

ఓం స్వయంభూకుసుమప్రియాయై నమః .

ఓం కల్యాణ్యై నమః .

ఓం నిత్యపుష్పాయై నమః .

ఓం శాంభవ్యై నమః .

ఓం సర్వవిద్యాప్రదాయై నమః .

ఓం వాచ్యాయై నమః .

ఓం గుహ్యోపనిషదుత్తమాయై నమః .

ఓం నృపవశ్యకర్యై నమః .

ఓం భోక్త్ర్యై నమః .

ఓం జగత్ప్రత్యక్షసాక్షిణ్యై నమః . (100)

ఓం బ్రహ్మవిష్ణవీశజనన్యై నమః .

ఓం సర్వసౌబ్భాగ్యదాయిన్యై నమః .

ఓం గుహ్యాతిగుహ్యగోప్త్ర్యై నమః .

ఓం నిత్యక్లిన్నయై నమః .

ఓం అమ్రితోద్భవాయై నమః .

ఓం కైవల్యదాత్ర్యై నమః .

ఓం వశిన్యై నమః .

ఓం సర్వసంపత్ ప్రదాయిన్యై నమః . (108)

ఓం బ్రహ్మవిద్యాయై నమః .

ఓం శ్యామళాంబికాయై నమః .

ఓం భవస్యదేవస్యపత్న్యై నమః .

ఓం సర్వస్యదేవస్యపత్న్యై నమః .

ఓం ఈశానస్యదేవస్యపత్న్యై నమః .

ఓం పశుపతేర్దేవస్యపత్న్యై నమః .

ఓం ఉగ్రస్యదేవస్యపత్న్యై నమః .

ఓం రుద్రస్యదేవస్యపత్న్యై నమః .

ఓం భిమస్యదేవస్యపత్న్యై నమః .

ఓం మహతోదేవస్యపత్న్యై నమః .

ఓం శ్రీ లలితామహాత్రిపురసుందరీ

స్వరూప శ్రీ మీనాక్షీ

పరమేశ్వరీ పరదేవతాంబికాయై నమః .

.. ఇతి శ్రీమీనాక్షీ అష్టోత్తరశత నామావలీ సంపూర్ణం ..