శ్రీ హాలాస్యేశాష్టకం

కుండోదర ఉవాచ |
శైలాధీశసుతాసహాయ సకలాంనాయాంతవేద్య ప్రభో
శూలోగ్రాగ్రవిదారితాంధకసురారాతీంద్రవక్షస్థల |
కాలాతీత కలావిలాస కుశల త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 1 ||
కోలాచ్ఛచ్ఛదరూపమాధవ సురజ్యైష్ఠ్యాతిదూరాంఘ్రిక
నీలార్ధాంగ నివేశనిర్జరధునీభాస్వజ్జటామండల |
కైలాసాచలవాస కార్ముకహర త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 2 ||
ఫాలాక్షప్రభవప్రభంజనసఖ ప్రోద్యత్స్ఫులింగచ్ఛటా-
-తూలానంగకచారుసంహనన సన్మీనేక్షణావల్లభ |
శైలాదిప్రముఖైర్గణైః స్తుతగణ త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 3 ||
మాలాకల్పితమాలుధానఫణసన్మాణిక్యభాస్వత్తనో
మూలాధార జగత్త్రయస్య మురజిన్నేత్రారవిందార్చిత |
సారాకారభుజాసహస్ర గిరిశ త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 4 ||
బాలాదిత్యసహస్రకోటిసదృశోద్యద్వేగవత్యాపగా-
-వేలాభూమివిహారనిష్ఠ విబుధస్రోతస్వినీశేఖర |
బాలావర్ణ్యకవిత్వభూమిసుఖద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 5 ||
కీలాలావనిపావకానిలనభశ్చంద్రార్కయజ్వాకృతే
కీలానేకసహస్రసంకులశిఖస్తంభస్వరూపామిత |
చోళాదీష్టగృహాంగనావిభవద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 6 ||
లీలార్థాంజలిమేకమేవ చరతాం సాంరాజ్యలక్ష్మీప్రద
స్థూలాశేషచరాచరాత్మక జగత్ స్థూణాష్టమూర్తే గురో |
తాలాంకానుజ ఫల్గునప్రియకర త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 7 ||
హాలాస్యాగతదేవదైత్యమునిసంగీతాపదానక్వణ-
-త్తూలాకోటిమనోహరాంఘ్రికమలానందాపవర్గప్రద |
శ్రీలీలాకర పద్మనాభవరద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 8 ||
లీలానాదరమోహతః కపటతో యద్వా కదంబాటవీ-
-హాలాస్యాధిపతీష్టమష్టకమిదం సర్వేష్టసందోహనం |
హాలాపానఫలాన్విహాయ సంతతం సంకీర్తయంతీహ యే
తే లాక్షార్ద్రపదాబలాభిరఖిలాన్ భోగాన్ లభంతే సదా || 9 ||
ఇతి శ్రీహాలాస్యమహాత్ంయే కుండోదరకృతం శ్రీహాలాస్యేశాష్టకం |

శ్రీ రుద్రప్రశ్నః లఘున్యాసః

ఓం అథాత్మానగ్ం శివాత్మానగ్ం శ్రీరుద్రరూపం ధ్యాయేత్ ||
శుద్ధస్ఫటికసంకాశం త్రినేత్రం పఞ్చవక్త్రకం |
గఙ్గాధరం దశభుజం సర్వాభరణభూషితం ||
నీలగ్రీవం శశాంకాంకం నాగయజ్ఞోపవీతినం |
వ్యాఘ్రచర్మోత్తరీయం చ వరేణ్యమభయప్రదం ||
కమణ్డల్వక్షసూత్రాణాం ధారిణం శూలపాణినం |
జ్వలన్తం పిఙ్గలజటాశిఖాముద్యోతధారిణం ||
వృషస్కన్ధసమారూఢం ఉమాదేహార్ధధారిణం |
అమృతేనాప్లుతం శాన్తం దివ్యభోగసమన్వితం ||
దిగ్దేవతాసమాయుక్తం సురాసురనమస్కృతం |
నిత్యం చ శాశ్వతం శుద్ధం ధ్రువమక్షరమవ్యయం ||
సర్వవ్యాపినమీశానం రుద్రం వై విశ్వరూపిణం |
ఏవం ధ్యాత్వా ద్విజస్సంయక్ తతో యజనమారభేత్ ||
అథాతో రుద్ర స్నానార్చనాభిషేక విధిం వ్యా”ఖ్యాస్యామః |
ఆదిత ఏవ తీర్థే స్నాత్వా ఉదేత్య శుచిః ప్రయతో
బ్రహ్మచారీ శుక్లవాసా దేవాభిముఖః స్థిత్వా
ఆత్మని దేవతాః స్థాపయేత్ |
ఓం ప్రజననే బ్రహ్మా తిష్ఠతు | పాదయోర్విష్ణుస్తిష్ఠతు |
హస్తయోర్హరస్తిష్ఠతు | బాహ్వోరిన్ద్రస్తిష్ఠతు |
జఠరే అగ్నిస్తిష్ఠతు | హృదయే శివస్తిష్ఠతు |
కణ్ఠే వసవస్తిష్ఠన్తు | వక్త్రే సరస్వతీ తిష్ఠతు |
నాసికయోర్వాయుస్తిష్ఠతు | నయనయోశ్చన్ద్రాదిత్యౌ తిష్ఠేతాం |
కర్ణయోరశ్వినౌ తిష్ఠేతాం |
లలాటే రుద్రాస్తిష్ఠన్తు | మూర్ధ్న్యాదిత్యాస్తిష్ఠన్తు |
శిరసి మహాదేవస్తిష్ఠతు | శిఖాయాం వామదేవస్తిష్ఠతు |
పృష్ఠే పినాకీ తిష్ఠతు | పురతశ్శూలీ తిష్ఠతు |
పార్శ్వయోశ్శివాశంకరౌ తిష్ఠేతాం |
సర్వతో వాయుస్తిష్ఠతు |
తతో బహిస్సర్వతోఽగ్నిజ్వాలామాలాః పరివృతాస్తిష్ఠతు |
సర్వేష్వఙ్గేషు సర్వాదేవతా యథాస్థానం తిష్ఠన్తు |
మాగ్ం రక్షన్తు ||
ఓం అ॒గ్నిర్మే॑ వా॒చి శ్రి॒తః |
వాగ్ధృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
వా॒యుర్మే” ప్రా॒ణే శ్రి॒తః |
ప్రా॒ణో హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
సూర్యో॑ మే॒ చక్షుషి శ్రి॒తః |
చక్షు॒ర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
చ॒న్ద్రమా॑ మే॒ మన॑సి శ్రి॒తః |
మనో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
దిశో॑ మే॒ శ్రోత్రే” శ్రి॒తాః |
శ్రోత్ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆపో॑ మే॒ రేత॑సి శ్రి॒తాః |
రేతో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పృ॒థి॒వీ మే॒ శరీ॑రే శ్రి॒తా |
శరీ॑ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఓ॒ష॒ధి॒వ॒న॒స్ప॒తయో॑ మే॒ లోమ॑సు శ్రి॒తాః |
లోమా॑ని॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఇన్ద్రో॑ మే॒ బలే” శ్రి॒తః |
బల॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ప॒ర్జన్యో॑ మే మూ॒ర్ధ్ని శ్రి॒తః |
మూ॒ర్ధా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఈశా॑నో మే మ॒న్యౌ శ్రి॒తః |
మ॒న్యుర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆ॒త్మా మ॑ ఆ॒త్మని॑ శ్రి॒తః |
ఆ॒త్మా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పున॑ర్మ ఆ॒త్మా పున॒రాయు॒రాగా”త్ |
పున॑: ప్రా॒ణః పున॒రాకూ॑త॒మాగా”త్ |
వై॒శ్వా॒న॒రో ర॒శ్మిభి॑ర్వావృధా॒నః |
అ॒న్తస్తి॑ష్ఠత్వ॒మృత॑స్య గో॒పాః ||
అస్య శ్రీ రుద్రాధ్యాయ ప్రశ్న మహామంత్రస్య అఘోర ఋషిః, అనుష్టుప్ ఛందః, సంకర్షణమూర్తిస్వరూపో యోఽసావాదిత్యః పరమపురుషః స ఏష రుద్రో దేవతా | నమః శివాయేతి బీజం | శివతరాయేతి శక్తిః | మహాదేవాయేతి కీలకం | శ్రీ సాంబసదాశివ ప్రసాద సిద్ధ్యర్థే జపే వినియోగః ||
ఓం అగ్నిహోత్రాత్మనే అఙ్గుష్ఠాభ్యాం నమః |
దర్శపూర్ణమాసాత్మనే తర్జనీభ్యాం నమః |
చాతుర్మాస్యాత్మనే మధ్యమాభ్యాం నమః |
నిరూఢపశుబన్ధాత్మనే అనామికాభ్యాం నమః |
జ్యోతిష్టోమాత్మనే కనిష్ఠికాభ్యాం నమః |
సర్వక్రత్వాత్మనే కరతలకరపృష్ఠాభ్యాం నమః |
అగ్నిహోత్రాత్మనే హృదయాయ నమః |
దర్శపూర్ణమాసాత్మనే శిరసే స్వాహా |
చాతుర్మాస్యాత్మనే శిఖాయై వషట్ |
నిరూఢపశుబన్ధాత్మనే కవచాయ హుం |
జ్యోతిష్టోమాత్మనే నేత్రత్రయాయ వౌషట్ |
సర్వక్రత్వాత్మనే అస్త్రాయ ఫట్ |
భూర్భువస్సువరోమితి దిగ్బంధః |
ధ్యానం ||
ఆపాతాళ నభః స్థలాంత భువన బ్రహ్మాండమావిస్ఫుర-
జ్జ్యోతిః స్ఫాటిక లింగ మౌళివిలసత్ పూర్ణేందు వాంతామృతైః |
అస్తోకాప్లుతమేకమీశమనిశం రుద్రానువాకాన్ జపన్
ధ్యాయేదీప్సితసిద్ధయే ధ్రువపదం విప్రోఽభిషించేచ్ఛివం ||
బ్రహ్మాండ వ్యాప్తదేహాః భసిత హిమరుచా భాసమానా భుజంగైః
కంఠే కాలాః కపర్దాః కలిత శశికలాశ్చండ కోదండ హస్తాః ||
త్ర్యక్షా రుద్రాక్షమాలాః సలలితవపుషాశ్శాంభవా మూర్తిభేదాః
రుద్రాః శ్రీరుద్రసూక్త ప్రకటిత విభవాః నః ప్రయచ్ఛంతు సౌఖ్యం ||
ఓం గ॒ణానా”o త్వా గ॒ణప॑తిగ్ం హవామహే
క॒విం క॑వీ॒నాము॑ప॒మశ్ర॑వస్తమం |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑స్సీద॒ సాద॑నం ||
మహాగణపతయే॒ నమః ||
ఓం శం చ॑ మే॒ మయ॑శ్చ మే ప్రి॒యం చ॑ మేఽనుకా॒మశ్చ॑ మే॒ కామ॑శ్చ మే సౌమన॒సశ్చ॑ మే భ॒ద్రం చ॑ మే॒ శ్రేయ॑శ్చ మే॒ వస్య॑శ్చ మే॒ యశ॑శ్చ మే॒ భగ॑శ్చ మే॒ ద్రవి॑ణం చ మే య॒న్తా చ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒ విశ్వ॑o చ మే॒ మహ॑శ్చ మే స॒oవిచ్చ॑ మే॒ జ్ఞాత్ర॑o చ మే॒ సూశ్చ॑ మే ప్ర॒సూశ్చ॑ మే॒ సీర॑o చ మే ల॒యశ్చ॑ మ ఋ॒తం చ॑ మే॒ఽమృత॑o చ మేఽయ॒క్ష్మం చ॒ మేఽనా॑మయచ్చ మే జీ॒వాతుశ్చ మే దీర్ఘాయు॒త్వం చ॑ మేఽనమి॒త్రం చ॒ మేఽభ॑యం చ మే సు॒గం చ॑ మే॒ శయ॑నం చ మే సూ॒షా చ॑ మే సు॒దిన॑o చ మే ||
నిధ॑నపతయే॒ నమః | నిధ॑నపతాన్తికాయ॒ నమః |
ఊర్ధ్వాయ॒ నమః | ఊర్ధ్వలిఙ్గాయ॒ నమః |
హిరణ్యాయ॒ నమః | హిరణ్యలిఙ్గాయ॒ నమః |
సువర్ణాయ॒ నమః | సువర్ణలిఙ్గాయ॒ నమః |
దివ్యాయ॒ నమః | దివ్యలిఙ్గాయ॒ నమః |
భవాయ॒ నమః | భవలిఙ్గాయ॒ నమః |
శర్వాయ॒ నమః | శర్వలిఙ్గాయ॒ నమః |
శివాయ॒ నమః | శివలిఙ్గాయ॒ నమః |
జ్వలాయ॒ నమః | జ్వలలిఙ్గాయ॒ నమః |
ఆత్మాయ॒ నమః | ఆత్మలిఙ్గాయ॒ నమః |
పరమాయ॒ నమః | పరమలిఙ్గాయ॒ నమః |
ఏతథ్సోమస్య॑ సూర్య॒స్య॒ సర్వలిఙ్గగ్గ్॑ స్థాప॒య॒తి॒ పాణిమన్త్ర॑o పవి॒త్రం ||
స॒ద్యోజా॒తం ప్ర॑పద్యా॒మి స॒ద్యోజా॒తాయ॒ వై నమో॒ నమ॑: |
భ॒వే భ॑వే॒ నాతి॑భవే భవస్వ॒ మాం | భ॒వోద్భ॑వాయ॒ నమ॑: ||
వా॒మ॒దే॒వాయ॒ నమో” జ్యే॒ష్ఠాయ॒ నమ॑శ్శ్రే॒ష్ఠాయ॒ నమో॑ రు॒ద్రాయ॒ నమ॒: కాలా॑య॒ నమ॒: కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒స్సర్వ॑భూతదమనాయ॒ నమో॑ మ॒నోన్మ॑నాయ॒ నమ॑: ||
అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
తత్పురు॑షాయ వి॒ద్మహే॑ మహాదే॒వాయ॑ ధీమహి | తన్నో॑ రుద్రః ప్రచో॒దయా”త్ ||
ఈశానస్స॑ర్వవిద్యా॒నా॒మీశ్వరస్సర్వ॑ భూతా॒నా॒o బ్రహ్మాఽధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోం ||

శ్రీ రుద్రప్రశ్నః చమకప్రశ్నః

|| ప్రథమ అనువాక ||
ఓం అగ్నా॑విష్ణూ స॒జోష॑సే॒మా వ॑ర్ధన్తు వా॒o గిర॑: |
ద్యు॒ంనైర్వాజే॑భి॒రాగ॑తం |
వాజ॑శ్చ మే ప్రస॒వశ్చ॑ మే॒ ప్రయ॑తిశ్చ మే॒ ప్రసి॑తిశ్చ మే
ధీ॒తిశ్చ॑ మే॒ క్రతు॑శ్చ మే॒ స్వర॑శ్చ మే॒ శ్లోక॑శ్చ మే
శ్రా॒వశ్చ॑ మే॒ శ్రుతి॑శ్చ మే॒ జ్యోతి॑శ్చ మే॒ సువ॑శ్చ మే
ప్రా॒ణశ్చ॑ మేఽపా॒నశ్చ॑ మే వ్యా॒నశ్చ॒ మేఽసు॑శ్చ మే
చి॒త్తం చ॑ మ॒ ఆధీ॑తం చ మే॒ వాక్చ॑ మే॒ మన॑శ్చ మే॒
చక్షు॑శ్చ మే॒ శ్రోత్ర॑o చ మే॒ దక్ష॑శ్చ మే॒ బల॑o చ మ॒
ఓజ॑శ్చ మే॒ సహ॑శ్చ మ॒ ఆయు॑శ్చ మే జ॒రా చ॑ మ
ఆ॒త్మా చ॑ మే త॒నూశ్చ॑ మే॒ శర్మ॑ చ మే॒ వర్మ॑ చ
మే॒ఽఙ్గా॑ని చ మే॒ఽస్థాని॑ చ మే॒ పరూగ్॑oషి చ మే॒
శరీ॑రాణి చ మే || 1 ||
|| ద్వితీయ అనువాక ||
జ్యైష్ఠ్య॑o చ మ॒ ఆధి॑పత్యం చ మే మ॒న్యుశ్చ॑ మే॒
భామ॑శ్చ॒ మేఽమ॑శ్చ॒ మేఽంభ॑శ్చ మే జే॒మా చ॑ మే
మహి॒మా చ॑ మే వరి॒మా చ॑ మే ప్రథి॒మా చ॑ మే
వ॒ర్ష్మా చ॑ మే ద్రాఘు॒యా చ॑ మే వృ॒ద్ధం చ॑ మే॒
వృద్ధి॑శ్చ మే స॒త్యం చ॑ మే శ్ర॒ద్ధా చ॑ మే॒ జగ॑చ్చ మే॒
ధన॑o చ మే॒ వశ॑శ్చ మే॒ త్విషి॑శ్చ మే క్రీ॒డా చ॑ మే॒
మోద॑శ్చ మే జా॒తం చ॑ మే జని॒ష్యమా॑ణం చ మే
సూ॒క్తం చ॑ మే సుకృ॒తం చ॑ మే వి॒త్తం చ॑ మే॒
వేద్య॑o చ మే భూ॒తం చ॑ మే భవి॒ష్యచ్చ॑ మే
సు॒గం చ॑ మే సు॒పథ॑o చ మ ఋ॒ద్ధం చ॑ మ॒
ఋద్ధి॑శ్చ మే క్ళు॒ప్తం చ॑ మే॒ క్ళుప్తి॑శ్చ మే
మ॒తిశ్చ॑ మే సుమ॒తిశ్చ॑ మే || 2 ||
|| తృతీయ అనువాక ||
శం చ॑ మే॒ మయ॑శ్చ మే ప్రి॒యం చ॑ మేఽనుకా॒మశ్చ॑ మే॒
కామ॑శ్చ మే సౌమన॒సశ్చ॑ మే భ॒ద్రం చ॑ మే॒ శ్రేయ॑శ్చ మే॒
వస్య॑శ్చ మే॒ యశ॑శ్చ మే॒ భగ॑శ్చ మే॒ ద్రవి॑ణం చ మే
య॒న్తా చ॑ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒
విశ్వ॑o చ మే॒ మహ॑శ్చ మే స॒oవిచ్చ॑ మే॒ జ్ఞాత్ర॑o చ మే॒
సూశ్చ॑ మే ప్ర॒సూశ్చ॑ మే॒ సీర॑o చ మే ల॒యశ్చ॑ మ
ఋ॒తం చ॑ మే॒ఽమృత॑o చ మేఽయ॒క్ష్మం చ॒
మేఽనా॑మయచ్చ మే జీ॒వాతు॑శ్చ మే దీర్ఘాయు॒త్వం చ॑
మేఽనమి॒త్రం చ॒ మేఽభ॑యం చ మే సు॒గం చ॑ మే॒
శయ॑నం చ మే సూ॒షా చ॑ మే సు॒దిన॑o చ మే || 3 ||
|| చతుర్థ అనువాక ||
ఊర్క్చ॑ మే సూ॒నృతా॑ చ మే॒ పయ॑శ్చ మే॒ రస॑శ్చ మే
ఘృ॒తం చ॑ మే॒ మధు॑ చ మే॒ సగ్ధి॑శ్చ మే॒ సపీ॑తిశ్చ మే
కృ॒షిశ్చ॑ మే॒ వృష్టి॑శ్చ మే॒ జైత్ర॑o చ మ॒ ఔద్భి॑ద్యం చ మే
ర॒యిశ్చ॑ మే॒ రాయ॑శ్చ మే పు॒ష్టం చ॑ మే॒ పుష్టి॑శ్చ మే
వి॒భు చ॑ మే ప్ర॒భు చ॑ మే బ॒హు చ॑ మే॒ భూయ॑శ్చ మే
పూ॒ర్ణం చ॑ మే పూ॒ర్ణత॑రం చ॒ మేఽక్షి॑తిశ్చ మే॒
కూయ॑వాశ్చ॒ మేఽన్న॑o చ॒ మేఽక్షు॑చ్చ మే వ్రీ॒హయ॑శ్చ మే॒
యవా”శ్చ మే॒ మాషా”శ్చ మే॒ తిలా”శ్చ మే ము॒ద్గాశ్చ॑ మే
ఖ॒ల్వా”శ్చ మే గో॒ధూమా”శ్చ మే మ॒సురా”శ్చ మే
ప్రి॒యంగ॑వశ్చ॒ మేఽణ॑వశ్చ మే శ్యా॒మకా”శ్చ మే
నీ॒వారా”శ్చ మే || 4 ||
|| పంచమ అనువాక ||
అశ్మా॑ చ మే॒ మృత్తి॑కా చ మే గి॒రయ॑శ్చ మే॒ పర్వ॑తాశ్చ మే॒
సిక॑తాశ్చ మే॒ వన॒స్పత॑యశ్చ మే॒ హిర॑ణ్యం చ॒
మేఽయ॑శ్చ మే॒ సీస॑o చ మే॒ త్రపు॑శ్చ మే శ్యా॒మం చ॑ మే
లో॒హం చ॑ మే॒ఽగ్నిశ్చ॑ మ॒ ఆప॑శ్చ మే వీ॒రుధ॑శ్చ మ॒
ఓష॑ధయశ్చ మే కృష్టప॒చ్యం చ॑ మేఽకృష్టప॒చ్యం చ॑ మే
గ్రా॒ంయాశ్చ॑ మే ప॒శవ॑ ఆర॒ణ్యాశ్చ॑ య॒జ్ఞేన॑ కల్పన్తాం
వి॒త్తం చ మే॒ విత్తి॑శ్చ మే భూ॒తం చ॑ మే॒ భూతి॑శ్చ మే॒
వసు॑ చ మే వస॒తిశ్చ॑ మే॒ కర్మ॑ చ మే॒ శక్తి॑శ్చ॒
మేఽర్థ॑శ్చ మ॒ ఏమ॑శ్చ మ॒ ఇతి॑శ్చ మే॒ గతి॑శ్చ మే || 5 ||
|| షష్ఠమ అనువాక ||
అ॒గ్నిశ్చ॑ మ॒ ఇన్ద్ర॑శ్చ మే॒ సోమ॑శ్చ మ॒ ఇన్ద్ర॑శ్చ మే
సవి॒తా చ॑ మ॒ ఇన్ద్ర॑శ్చ మే॒ సర॑స్వతీ చ మ॒ ఇన్ద్ర॑శ్చ మే
పూ॒షా చ॑ మ॒ ఇన్ద్ర॑శ్చ మే॒ బృహ॒స్పతి॑శ్చ మ॒ ఇన్ద్ర॑శ్చ మే
మి॒త్రశ్చ॑ మ॒ ఇన్ద్ర॑శ్చ మే॒ వరు॑ణశ్చ మ॒ ఇన్ద్ర॑శ్చ మే॒
త్వష్టా॑ చ మ॒ ఇన్ద్ర॑శ్చ మే ధా॒తా చ॑ మ॒ ఇన్ద్ర॑శ్చ మే॒
విష్ణు॑శ్చ మ॒ ఇన్ద్ర॑శ్చ మే॒ఽశ్వినౌ॑ చ మ॒ ఇన్ద్ర॑శ్చ మే
మ॒రుత॑శ్చ మ॒ ఇన్ద్ర॑శ్చ మే॒ విశ్వే॑ చ మే దే॒వా ఇన్ద్ర॑శ్చ మే
పృథి॒వీ చ॑ మ॒ ఇన్ద్ర॑శ్చ మే॒ఽన్తరి॑క్షం చ మ॒ ఇన్ద్ర॑శ్చ మే॒
ద్యౌశ్చ॑ మ॒ ఇన్ద్ర॑శ్చ మే॒ దిశ॑శ్చ మ॒ ఇన్ద్ర॑శ్చ మే
మూ॒ర్ధా చ॑ మ॒ ఇన్ద్ర॑శ్చ మే ప్ర॒జాప॑తిశ్చ మ॒ ఇన్ద్ర॑శ్చ మే || 6 ||
|| సప్తమ అనువాక ||
అ॒గ్॒oశుశ్చ॑ మే ర॒శ్మిశ్చ॒ మేఽదా”భ్యశ్చ॒ మేఽధి॑పతిశ్చ మ
ఉపా॒గ్॒oశుశ్చ॑ మేఽన్తర్యా॒మశ్చ॑ మ ఐన్ద్రవాయ॒వశ్చ॑ మే
మైత్రావరు॒ణశ్చ॑ మ ఆశ్వి॒నశ్చ॑ మే ప్రతిప్ర॒స్థాన॑శ్చ మే
శు॒క్రశ్చ॑ మే మ॒న్థీ చ॑ మ ఆగ్రయ॒ణశ్చ॑ మే వైశ్వదే॒వశ్చ॑ మే
ధ్రు॒వశ్చ॑ మే వైశ్వాన॒రశ్చ॑ మ ఋతుగ్ర॒హాశ్చ॑
మేఽతిగ్రా॒హ్యా”శ్చ మ ఐన్ద్రా॒గ్నశ్చ॑ మే వైశ్వదే॒వశ్చ॑ మే
మరుత్వ॒తీయా”శ్చ మే మాహే॒న్ద్రశ్చ॑ మ ఆది॒త్యశ్చ॑ మే
సావి॒త్రశ్చ॑ మే సారస్వ॒తశ్చ॑ మే పౌ॒ష్ణశ్చ॑ మే
పాత్నీవ॒తశ్చ॑ మే హారియోజ॒నశ్చ॑ మే || 7 ||
|| అష్టమ అనువాక ||
ఇ॒ధ్మశ్చ॑ మే బ॒ర్హిశ్చ॑ మే॒ వేది॑శ్చ మే॒ ధిష్ణి॑యాశ్చ మే॒
స్రుచ॑శ్చ మే చమ॒సాశ్చ॑ మే॒ గ్రావా॑ణశ్చ మే॒ స్వర॑వశ్చ మ
ఉపర॒వాశ్చ॑ మేఽధి॒షవ॑ణే చ మే ద్రోణకల॒శశ్చ॑ మే
వాయ॒వ్యా॑ని చ మే పూత॒భృచ్చ॑ మ ఆధవ॒నీయ॑శ్చ మ॒
ఆగ్నీ”ధ్రం చ మే హవి॒ర్ధాన॑o చ మే గృ॒హాశ్చ॑ మే॒
సద॑శ్చ మే పురో॒డాశా”శ్చ మే పచ॒తాశ్చ॑
మేఽవభృ॒థశ్చ॑ మే స్వగాకా॒రశ్చ॑ మే || 8 ||
|| నవమ అనువాక ||
అ॒గ్నిశ్చ॑ మే ఘ॒ర్మశ్చ॑ మే॒ఽర్కశ్చ॑ మే॒ సూర్య॑శ్చ మే
ప్రా॒ణశ్చ॑ మేఽశ్వమే॒ధశ్చ॑ మే పృథి॒వీ చ॒ మేఽది॑తిశ్చ మే॒
దితి॑శ్చ మే॒ ద్యౌశ్చ॑ మే॒ శక్క్వ॑రీర॒ఙ్గుల॑యో॒ దిశ॑శ్చ మే
య॒జ్ఞేన॑ కల్పన్తా॒మృక్చ॑ మే॒ సామ॑ చ మే॒ స్తోమ॑శ్చ మే॒
యజు॑శ్చ మే దీ॒క్షా చ॑ మే॒ తప॑శ్చ మ ఋ॒తుశ్చ॑ మే
వ్ర॒తం చ॑ మేఽహోరా॒త్రయో”ర్వృ॒ష్ట్యా బృ॑హద్రథన్త॒రే చ॑ మే
య॒జ్ఞేన॑ కల్పేతాం || 9 ||
|| దశమ అనువాక ||
గర్భా”శ్చ మే వ॒త్సాశ్చ॑ మే॒ త్ర్యవి॑శ్చ మే త్ర్య॒వీ చ॑ మే
దిత్య॒వాట్ చ॑ మే దిత్యౌ॒హీ చ॑ మే॒ పఞ్చా॑విశ్చ మే
పఞ్చా॒వీ చ॑ మే త్రివ॒త్సశ్చ॑ మే త్రివ॒త్సా చ॑ మే
తుర్య॒వాట్ చ॑ మే తుర్యౌ॒హీ చ॑ మే పష్ఠ॒వాట్ చ॑ మే
పష్ఠౌ॒హీ చ॑ మ ఉ॒క్షా చ॑ మే వ॒శా చ॑ మ ఋష॒భశ్చ॑ మే
వే॒హచ్చ॑ మేఽన॒డ్వాఞ్చ॑ మే ధే॒నుశ్చ॑ మ॒
ఆయు॑ర్య॒జ్ఞేన॑ కల్పతాం ప్రా॒ణో య॒జ్ఞేన॑ కల్పతామపా॒నో
య॒జ్ఞేన॑ కల్పతాం వ్యా॒నో య॒జ్ఞేన॑ కల్పతా॒o
చక్షు॑ర్య॒జ్ఞేన॑ కల్పతా॒గ్॒ శ్రోత్ర॑o య॒జ్ఞేన॑ కల్పతా॒o
మనో॑ య॒జ్ఞేన॑ కల్పతా॒o వాగ్య॒జ్ఞేన॑ కల్పతామా॒త్మా
య॒జ్ఞేన॑ కల్పతాం య॒జ్ఞో య॒జ్ఞేన॑ కల్పతాం || 10 ||
|| ఏకాదశ అనువాక ||
ఏకా॑ చ మే తి॒స్రశ్చ॑ మే॒ పఞ్చ॑ చ మే స॒ప్త చ॑ మే॒
నవ॑ చ మ॒ ఏకా॑దశ చ మే॒ త్రయో॑దశ చ మే॒
పఞ్చ॑దశ చ మే స॒ప్తద॑శ చ మే॒ నవ॑దశ చ మ॒
ఏక॑విగ్ంశతిశ్చ మే॒ త్రయో॑విగ్ంశతిశ్చ మే॒
పఞ్చ॑విగ్ంశతిశ్చ మే స॒ప్తవిగ్॑oశతిశ్చ మే॒ నవ॑విగ్ంశతిశ్చ మ॒
ఏక॑త్రిగ్ంశచ్చ మే॒ త్రయ॑స్త్రిగ్ంశచ్చ మే॒ చత॑స్రశ్చ
మే॒ఽష్టౌ చ॑ మే॒ ద్వాద॑శ చ మే॒ షోడ॑శ చ మే
విగ్ంశ॒తిశ్చ॑ మే॒ చతు॑ర్విగ్ంశతిశ్చ మే॒ఽష్టావిగ్॑oశతిశ్చ మే॒
ద్వాత్రిగ్॑oశచ్చ మే॒ షట్త్రిగ్॑oశచ్చ మే చత్వరి॒గ్॒oశచ్చ॑ మే॒
చతు॑శ్చత్వారిగ్ంశచ్చ మే॒ఽష్టాచ॑త్వారిగ్ంశచ్చ మే॒ వాజ॑శ్చ
ప్రస॒వశ్చా॑పి॒జశ్చ॒ క్రతు॑శ్చ॒ సువ॑శ్చ మూ॒ర్ధా చ॒
వ్యశ్ని॑యశ్చాన్త్యాయ॒నశ్చాన్త్య॑శ్చ భౌవ॒నశ్చ॒
భువ॑న॒శ్చాధి॑పతిశ్చ || 11 ||
ఓం ఇడా॑ దేవ॒హూర్మను॑ర్యజ్ఞ॒నీర్బృహ॒స్పతి॑రుక్థామ॒దాని॑
శగ్ంసిష॒ద్విశ్వే॑దే॒వాః సూ”క్త॒వాచ॒: పృథి॑వీమాత॒ర్మా మా॑
హిగ్ంసీ॒ర్మధు॑ మనిష్యే॒ మధు॑ జనిష్యే॒ మధు॑ వక్ష్యామి॒
మధు॑ వదిష్యామి॒ మధు॑మతీం దే॒వేభ్యో॒ వాచ॑ముద్యాసగ్ం
శుశ్రూ॒షేణ్యా”o మను॒ష్యే”భ్య॒స్తం మా॑ దే॒వా అ॑వన్తు
శో॒భాయై॑ పి॒తరోఽను॑మదన్తు ||

అర్ధనారీశ్వరాష్టోత్తరశతనామ స్తోత్రం

చాముండికాంబా శ్రీకంఠః పార్వతీ పరమేశ్వరః |
మహారాజ్ఞీ మహాదేవః సదారాధ్యా సదాశివః || 1 ||
శివార్ధాంగీ శివార్ధాంగో భైరవీ కాలభైరవః |
శక్తిత్రితయరూపాఢ్యా మూర్తిత్రితయరూపవాన్ || 2 ||
కామకోటిసుపీఠస్థా కాశీక్షేత్రసమాశ్రయః |
దాక్షాయణీ దక్షవైరి శూలినీ శూలధారకః || 3 ||
హ్రీంకారపంజరశుకీ హరిశంకరరూపవాన్ |
శ్రీమద్గణేశజననీ షడాననసుజన్మభూః || 4 ||
పంచప్రేతాసనారూఢా పంచబ్రహ్మస్వరూపభృత్ |
చండముండశిరశ్ఛేత్రీ జలంధరశిరోహరః || 5 ||
సింహవాహా వృషారూఢః శ్యామాభా స్ఫటికప్రభః |
మహిషాసురసంహర్త్రీ గజాసురవిమర్దనః || 6 ||
మహాబలాచలావాసా మహాకైలాసవాసభూః |
భద్రకాళీ వీరభద్రో మీనాక్షీ సుందరేశ్వరః || 7 ||
భండాసురాదిసంహర్త్రీ దుష్టాంధకవిమర్దనః |
మధుకైటభసంహర్త్రీ మధురాపురనాయకః || 8 ||
కాలత్రయస్వరూపాఢ్యా కార్యత్రయవిధాయకః |
గిరిజాతా గిరీశశ్చ వైష్ణవీ విష్ణువల్లభః || 9 ||
విశాలాక్షీ విశ్వనాధః పుష్పాస్త్రా విష్ణుమార్గణః |
కౌసుంభవసనోపేతా వ్యాఘ్రచర్మాంబరావృతః || 10 ||
మూలప్రకృతిరూపాఢ్యా పరబ్రహ్మస్వరూపవాన్ |
రుండమాలావిభూషాఢ్యా లసద్రుద్రాక్షమాలికః || 11 ||
మనోరూపేక్షుకోదండా మహామేరుధనుర్ధరః |
చంద్రచూడా చంద్రమౌళిర్మహామాయా మహేశ్వరః || 12 ||
మహాకాళీ మహాకాళో దివ్యరూపా దిగంబరః |
బిందుపీఠసుఖాసీనా శ్రీమదోంకారపీఠగః || 13 ||
హరిద్రాకుంకుమాలిప్తా భస్మోద్ధూళితవిగ్రహః |
మహాపద్మాటవీలోలా మహాబిల్వాటవీప్రియః || 14 ||
సుధామయీ విషధరో మాతంగీ ముకుటేశ్వరః |
వేదవేద్యా వేదవాజీ చక్రేశీ విష్ణుచక్రదః || 15 ||
జగన్మయీ జగద్రూపో మృడాణీ మృత్యునాశనః |
రామార్చితపదాంభోజా కృష్ణపుత్రవరప్రదః || 16 ||
రమావాణీసుసంసేవ్యా విష్ణుబ్రహ్మసుసేవితః |
సూర్యచంద్రాగ్నినయనా తేజస్త్రయవిలోచనః || 17 ||
చిదగ్నికుండసంభూతా మహాలింగసముద్భవః |
కంబుకంఠీ కాలకంఠో వజ్రేశీ వజ్రిపూజితః || 18 ||
త్రికంటకీ త్రిభంగీశో భస్మరక్షా స్మరాంతకః |
హయగ్రీవవరోద్ధాత్రీ మార్కండేయవరప్రదః || 19 ||
చింతామణిగృహావాసా మందరాచలమందిరః |
వింధ్యాచలకృతావాసా వింధ్యశైలార్యపూజితః || 20 ||
మనోన్మనీ లింగరూపో జగదంబా జగత్పితా |
యోగనిద్రా యోగగంయో భవానీ భవమూర్తిమాన్ || 21 ||
శ్రీచక్రాత్మరథారూఢా ధరణీధరసంస్థితః |
శ్రీవిద్యా వేద్యమహిమా నిగమాగమసంశ్రయః || 22 ||
దశశీర్షసమాయుక్తా పంచవింశతిశీర్షవాన్ |
అష్టాదశభుజాయుక్తా పంచాశత్కరమండితః || 23 ||
బ్రాహ్ంయాదిమాతృకారూపా శతాష్టేకాదశాత్మవాన్ |
స్థిరా స్థాణుస్తథా బాలా సద్యోజాత ఉమా మృడః || 24 ||
శివా శివశ్చ రుద్రాణీ రుద్రశ్చైవేశ్వరీశ్వరః |
కదంబకాననావాసా దారుకారణ్యలోలుపః || 25 ||
నవాక్షరీమనుస్తుత్యా పంచాక్షరమనుప్రియః |
నవావరణసంపూజ్యా పంచాయతనపూజితః || 26 ||
దేహస్థషట్చక్రదేవీ దహరాకాశమధ్యగః |
యోగినీగణసంసేవ్యా భృంగ్యాదిప్రమథావృతః || 27 ||
ఉగ్రతారా ఘోరరూపః శర్వాణీ శర్వమూర్తిమాన్ |
నాగవేణీ నాగభూషో మంత్రిణీ మంత్రదైవతః || 28 ||
జ్వలజ్జిహ్వా జ్వలన్నేత్రో దండనాథా దృగాయుధః |
పార్థాంజనాస్త్రసంధాత్రీ పార్థపాశుపతాస్త్రదః || 29 ||
పుష్పవచ్చక్రతాటంకా ఫణిరాజసుకుండలః |
బాణపుత్రీవరోద్ధాత్రీ బాణాసురవరప్రదః || 30 ||
వ్యాళకంచుకసంవీతా వ్యాళయజ్ఞోపవీతవాన్ |
నవలావణ్యరూపాఢ్యా నవయౌవనవిగ్రహః || 31 ||
నాట్యప్రియా నాట్యమూర్తిస్త్రిసంధ్యా త్రిపురాంతకః |
తంత్రోపచారసుప్రీతా తంత్రాదిమవిధాయకః || 32 ||
నవవల్లీష్టవరదా నవవీరసుజన్మభూః |
భ్రమరజ్యా వాసుకిజ్యో భేరుండా భీమపూజితః || 33 ||
నిశుంభశుంభదమనీ నీచాపస్మారమర్దనః |
సహస్రారాంబుజారూఢా సహస్రకమలార్చితః || 34 ||
గంగాసహోదరీ గంగాధరో గౌరీ త్రయంబకః |
శ్రీశైలభ్రమరాంబాఖ్యా మల్లికార్జునపూజితః || 35 ||
భవతాపప్రశమనీ భవరోగనివారకః |
చంద్రమండలమధ్యస్థా మునిమానసహంసకః || 36 ||
ప్రత్యంగిరా ప్రసన్నాత్మా కామేశీ కామరూపవాన్ |
స్వయంప్రభా స్వప్రకాశః కాళరాత్రీ కృతాంతహృత్ || 37 ||
సదాన్నపూర్ణా భిక్షాటో వనదుర్గా వసుప్రదః |
సర్వచైతన్యరూపాఢ్యా సచ్చిదానందవిగ్రహః || 38 ||
సర్వమంగళరూపాఢ్యా సర్వకళ్యాణదాయకః |
రాజరాజేశ్వరీ శ్రీమద్రాజరాజప్రియంకరః || 39 ||
అర్ధనారీశ్వరస్యేదం నాంనామష్టోత్తరం శతం |
పఠన్నర్చన్ సదా భక్త్యా సర్వసాంరాజ్యమాప్నుయాత్ || 40 ||
ఇతి శ్రీస్కాందమహాపురాణే అర్ధనారీశ్వరాష్టోత్తరశతనామ స్తోత్రం |

అర్ధనారీశ్వరాష్టోత్తరశతనామావళిః

ఓం చాముండికాంబాయై నమః |
ఓం శ్రీకంఠాయ నమః |
ఓం పార్వత్యై నమః |
ఓం పరమేశ్వరాయ నమః |
ఓం మహారాజ్ఞ్యై నమః |
ఓం మహాదేవాయ నమః |
ఓం సదారాధ్యాయై నమః |
ఓం సదాశివాయ నమః |
ఓం శివార్ధాంగ్యై నమః |
ఓం శివార్ధాంగాయ నమః | 10
ఓం భైరవ్యై నమః |
ఓం కాలభైరవాయ నమః |
ఓం శక్తిత్రితయరూపాఢ్యాయై నమః |
ఓం మూర్తిత్రితయరూపవతే నమః |
ఓం కామకోటిసుపీఠస్థాయై నమః |
ఓం కాశీక్షేత్రసమాశ్రయాయ నమః |
ఓం దాక్షాయణ్యై నమః |
ఓం దక్షవైరిణే నమః |
ఓం శూలిన్యై నమః |
ఓం శూలధారకాయ నమః | 20
ఓం హ్రీంకారపంజరశుక్యై నమః |
ఓం హరిశంకరరూపవతే నమః |
ఓం శ్రీమద్గణేశజనన్యై నమః |
ఓం షడాననసుజన్మభువే నమః |
ఓం పంచప్రేతాసనారూఢాయై నమః |
ఓం పంచబ్రహ్మస్వరూపభృతే నమః |
ఓం చండముండశిరశ్ఛేత్ర్యై నమః |
ఓం జలంధరశిరోహరాయ నమః |
ఓం సింహవాహిన్యై నమః |
ఓం వృషారూఢాయ నమః | 30
ఓం శ్యామాభాయై నమః |
ఓం స్ఫటికప్రభాయ నమః |
ఓం మహిషాసురసంహర్త్ర్యై నమః |
ఓం గజాసురవిమర్దనాయ నమః |
ఓం మహాబలాచలావాసాయై నమః |
ఓం మహాకైలాసవాసభువే నమః |
ఓం భద్రకాల్యై నమః |
ఓం వీరభద్రాయ నమః |
ఓం మీనాక్ష్యై నమః |
ఓం సుందరేశ్వరాయ నమః | 40
ఓం భండాసురాదిసంహర్త్ర్యై నమః |
ఓం దుష్టాంధకవిమర్దనాయ నమః |
ఓం మధుకైటభసంహర్త్ర్యై నమః |
ఓం మధురాపురనాయకాయ నమః |
ఓం కాలత్రయస్వరూపాఢ్యాయై నమః |
ఓం కార్యత్రయవిధాయకాయ నమః |
ఓం గిరిజాతాయై నమః |
ఓం గిరీశాయ నమః |
ఓం వైష్ణవ్యై నమః |
ఓం విష్ణువల్లభాయ నమః | 50
ఓం విశాలాక్ష్యై నమః |
ఓం విశ్వనాథాయ నమః |
ఓం పుష్పాస్త్రాయై నమః |
ఓం విష్ణుమార్గణాయ నమః |
ఓం కౌసుంభవసనోపేతాయై నమః |
ఓం వ్యాఘ్రచర్మాంబరావృతాయ నమః |
ఓం మూలప్రకృతిరూపాఢ్యాయై నమః |
ఓం పరబ్రహ్మస్వరూపవాతే నమః |
ఓం రుండమాలావిభూషాఢ్యాయై నమః |
ఓం లసద్రుద్రాక్షమాలికాయ నమః | 60
ఓం మనోరూపేక్షుకోదండాయై నమః |
ఓం మహామేరుధనుర్ధరాయ నమః |
ఓం చంద్రచూడాయై నమః |
ఓం చంద్రమౌళినే నమః |
ఓం మహామాయాయై నమః |
ఓం మహేశ్వరాయ నమః |
ఓం మహాకాళ్యై నమః |
ఓం మహాకాళాయ నమః |
ఓం దివ్యరూపాయై నమః |
ఓం దిగంబరాయ నమః | 70
ఓం బిందుపీఠసుఖాసీనాయై నమః |
ఓం శ్రీమదోంకారపీఠగాయ నమః |
ఓం హరిద్రాకుంకుమాలిప్తాయై నమః |
ఓం భస్మోద్ధూళితవిగ్రహాయ నమః |
ఓం మహాపద్మాటవీలోలాయై నమః |
ఓం మహాబిల్వాటవీప్రియాయ నమః |
ఓం సుధామయ్యై నమః |
ఓం విషధరాయ నమః |
ఓం మాతంగ్యై నమః |
ఓం ముకుటేశ్వరాయ నమః | 80
ఓం వేదవేద్యాయై నమః |
ఓం వేదవాజినే నమః |
ఓం చక్రేశ్యై నమః |
ఓం విష్ణుచక్రదాయ నమః |
ఓం జగన్మయ్యై నమః |
ఓం జగద్రూపాయ నమః |
ఓం మృడాణ్యై నమః |
ఓం మృత్యునాశనాయ నమః |
ఓం రామార్చితపదాంభోజాయై నమః |
ఓం కృష్ణపుత్రవరప్రదాయ నమః | 90
ఓం రమావాణీసుసంసేవ్యాయై నమః |
ఓం విష్ణుబ్రహ్మసుసేవితాయ నమః |
ఓం సూర్యచంద్రాగ్నినయనాయై నమః |
ఓం తేజస్త్రయవిలోచనాయ నమః |
ఓం చిదగ్నికుండసంభూతాయై నమః |
ఓం మహాలింగసముద్భవాయ నమః |
ఓం కంబుకంఠ్యై నమః |
ఓం కాలకంఠాయ నమః |
ఓం వజ్రేశ్యై నమః |
ఓం వజ్రిపూజితాయ నమః | 100
ఓం త్రికంటక్యై నమః |
ఓం త్రిభంగీశాయ నమః |
ఓం భస్మరక్షాయై నమః |
ఓం స్మరాంతకాయ నమః |
ఓం హయగ్రీవవరోద్ధాత్ర్యై నమః |
ఓం మార్కండేయవరప్రదాయ నమః |
ఓం చింతామణిగృహావాసాయై నమః |
ఓం మందరాచలమందిరాయ నమః |
ఓం వింధ్యాచలకృతావాసాయై నమః |
ఓం వింధ్యశైలార్యపూజితాయ నమః | 110
ఓం మనోన్మన్యై నమః |
ఓం లింగరూపాయ నమః |
ఓం జగదంబాయై నమః |
ఓం జగత్పిత్రే నమః |
ఓం యోగనిద్రాయై నమః |
ఓం యోగగంయాయ నమః |
ఓం భవాన్యై నమః |
ఓం భవమూర్తిమతే నమః |
ఓం శ్రీచక్రాత్మరథారూఢాయై నమః |
ఓం ధరణీధరసంస్థితాయ నమః | 120
ఓం శ్రీవిద్యావేద్యమహిమాయై నమః |
ఓం నిగమాగమసంశ్రయాయ నమః |
ఓం దశశీర్షసమాయుక్తాయై నమః |
ఓం పంచవింశతిశీర్షవతే నమః |
ఓం అష్టాదశభుజాయుక్తాయై నమః |
ఓం పంచాశత్కరమండితాయ నమః |
ఓం బ్రాహ్ంయాదిమాతృకారూపాయై నమః |
ఓం శతాష్టేకాదశాత్మవతే నమః |
ఓం స్థిరాయై నమః |
ఓం స్థాణవే నమః | 130
ఓం బాలాయై నమః |
ఓం సద్యోజాతాయ నమః |
ఓం ఉమాయై నమః |
ఓం మృడాయ నమః |
ఓం శివాయై నమః |
ఓం శివాయ నమః |
ఓం రుద్రాణ్యై నమః |
ఓం రుద్రాయ నమః |
ఓం శైవేశ్వర్యై నమః |
ఓం ఈశ్వరాయ నమః | 140
ఓం కదంబకాననావాసాయై నమః |
ఓం దారుకారణ్యలోలుపాయ నమః |
ఓం నవాక్షరీమనుస్తుత్యాయై నమః |
ఓం పంచాక్షరమనుప్రియాయ నమః |
ఓం నవావరణసంపూజ్యాయై నమః |
ఓం పంచాయతనపూజితాయ నమః |
ఓం దేహస్థషట్చక్రదేవ్యై నమః |
ఓం దహరాకాశమధ్యగాయ నమః |
ఓం యోగినీగణసంసేవ్యాయై నమః |
ఓం భృంగ్యాదిప్రమథావృతాయ నమః | 150
ఓం ఉగ్రతారాయై నమః |
ఓం ఘోరరూపాయ నమః |
ఓం శర్వాణ్యై నమః |
ఓం శర్వమూర్తిమతే నమః |
ఓం నాగవేణ్యై నమః |
ఓం నాగభూషాయ నమః |
ఓం మంత్రిణ్యై నమః |
ఓం మంత్రదైవతాయ నమః |
ఓం జ్వలజ్జిహ్వాయై నమః |
ఓం జ్వలన్నేత్రాయ నమః | 160
ఓం దండనాథాయై నమః |
ఓం దృగాయుధాయ నమః |
ఓం పార్థాంజనాస్త్రసందాత్ర్యై నమః |
ఓం పార్థపాశుపతాస్త్రదాయ నమః |
ఓం పుష్పవచ్చక్రతాటంకాయై నమః |
ఓం ఫణిరాజసుకుండలాయ నమః |
ఓం బాణపుత్రీవరోద్ధాత్ర్యై నమః |
ఓం బాణాసురవరప్రదాయ నమః |
ఓం వ్యాళకంచుకసంవీతాయై నమః |
ఓం వ్యాళయజ్ఞోపవీతవతే నమః | 170
ఓం నవలావణ్యరూపాఢ్యాయై నమః |
ఓం నవయౌవనవిగ్రహాయ నమః |
ఓం నాట్యప్రియాయై నమః |
ఓం నాట్యమూర్తయే నమః |
ఓం త్రిసంధ్యాయై నమః |
ఓం త్రిపురాంతకాయ నమః |
ఓం తంత్రోపచారసుప్రీతాయై నమః |
ఓం తంత్రాదిమవిధాయకాయ నమః |
ఓం నవవల్లీష్టవరదాయై నమః |
ఓం నవవీరసుజన్మభువే నమః | 180
ఓం భ్రమరజ్యాయై నమః |
ఓం వాసుకిజ్యాయ నమః |
ఓం భేరుండాయై నమః |
ఓం భీమపూజితాయ నమః |
ఓం నిశుంభశుంభదమన్యై నమః |
ఓం నీచాపస్మారమర్దనాయ నమః |
ఓం సహస్రారాంబుజారూఢాయై నమః |
ఓం సహస్రకమలార్చితాయ నమః |
ఓం గంగాసహోదర్యై నమః |
ఓం గంగాధరాయ నమః | 190
ఓం గౌర్యై నమః |
ఓం త్రయంబకాయ నమః |
ఓం శ్రీశైలభ్రమరాంబాఖ్యాయై నమః |
ఓం మల్లికార్జునపూజితాయ నమః |
ఓం భవతాపప్రశమన్యై నమః |
ఓం భవరోగనివారకాయ నమః |
ఓం చంద్రమండలమధ్యస్థాయై నమః |
ఓం మునిమానసహంసకాయ నమః |
ఓం ప్రత్యంగిరాయై నమః |
ఓం ప్రసన్నాత్మనే నమః | 200
ఓం కామేశ్యై నమః |
ఓం కామరూపవతే నమః |
ఓం స్వయంప్రభాయై నమః |
ఓం స్వప్రకాశాయ నమః |
ఓం కాళరాత్ర్యై నమః |
ఓం కృతాంతహృదే నమః |
ఓం సదాన్నపూర్ణాయై నమః |
ఓం భిక్షాటాయ నమః |
ఓం వనదుర్గాయై నమః |
ఓం వసుప్రదాయ నమః | 210
ఓం సర్వచైతన్యరూపాఢ్యాయై నమః |
ఓం సచ్చిదానందవిగ్రహాయ నమః |
ఓం సర్వమంగళరూపాఢ్యాయై నమః |
ఓం సర్వకళ్యాణదాయకాయ నమః |
ఓం రాజరాజేశ్వర్యై నమః |
ఓం శ్రీమద్రాజరాజప్రియంకరాయ నమః | 216

శ్రీ హరిహర అష్టోత్తరశతనామ స్తోత్రం

గోవిన్ద మాధవ ముకున్ద హరే మురారే
శంభో శివేశ శశిశేఖర శూలపాణే |
దామోదరాఽచ్యుత జనార్దన వాసుదేవ
త్యాజ్యా భటా య ఇతి సన్తతమామనన్తి || 1 ||
గఙ్గాధరాఽన్ధకరిపో హర నీలకణ్ఠ
వైకుణ్ఠ కైటభరిపో కమఠాఽబ్జపాణే |
భూతేశ ఖణ్డపరశో మృడ చణ్డికేశ
త్యాజ్యా భటా య ఇతి సన్తతమామనన్తి || 2 ||
విష్ణో నృసింహ మధుసూదన చక్రపాణే
గౌరీపతే గిరిశ శఙ్కర చన్ద్రచూడ |
నారాయణాఽసురనిబర్హణ శార్ఙ్గపాణే
త్యాజ్యా భటా య ఇతి సన్తతమామనన్తి || 3 ||
మృత్యుఞ్జయోగ్ర విషమేక్షణ కామశత్రో
శ్రీకాన్త పీతవసనాఽంబుదనీల శౌరే |
ఈశాన కృత్తివసన త్రిదశైకనాథ
త్యాజ్యా భటా య ఇతి సన్తతమామనన్తి || 4 ||
లక్ష్మీపతే మధురిపో పురుషోత్తమాద్య
శ్రీకణ్ఠ దిగ్వసన శాన్త పినాకపాణే |
ఆనన్దకన్ద ధరణీధర పద్మనాభ
త్యాజ్యా భటా య ఇతి సన్తతమామనన్తి || 5 ||
సర్వేశ్వర త్రిపురసూదన దేవదేవ
బ్రహ్మణ్యదేవ గరుడధ్వజ శఙ్ఖపాణే |
త్ర్యక్షోరగాభరణ బాలమృగాఙ్కమౌలే
త్యాజ్యా భటా య ఇతి సన్తతమామనన్తి || 6 ||
శ్రీరామ రాఘవ రమేశ్వర రావణారే
భూతేశ మన్మథరిపో ప్రమథాధినాథ |
చాణూరమర్దన హృషీకపతే మురారే
త్యాజ్యా భటా య ఇతి సన్తతమామనన్తి || 7 ||
శూలిన్ గిరీశ రజనీశకలావతంస
కంసప్రణాశన సనాతన కేశినాశ |
భర్గ త్రినేత్ర భవ భూతపతే పురారే
త్యాజ్యా భటా య ఇతి సన్తతమామనన్తి || 8 ||
గోపీపతే యదుపతే వసుదేవసూనో
కర్పూరగౌర వృషభధ్వజ ఫాలనేత్ర |
గోవర్ధనోద్ధరణ ధర్మధురీణ గోప
త్యాజ్యా భటా య ఇతి సన్తతమామనన్తి || 9 ||
స్థాణో త్రిలోచన పినాకధర స్మరారే
కృష్ణాఽనిరుద్ధ కమలాకర కల్మషారే |
విశ్వేశ్వర త్రిపథగార్ద్రజటాకలాప
త్యాజ్యా భటా య ఇతి సన్తతమామనన్తి || 10 ||
అష్టోత్తరాధికశతేన సుచారునాంనాం
సన్దర్భితాం లలితరత్నకదంబకేన |
సన్నాయకాం దృఢగుణాం నిజకణ్ఠగతాం యో
కుర్యాదిమాం స్రజమహో స యమం న పశ్యేత్ || 11 ||
గణావూచుః –
ఇత్థం ద్విజేన్ద్ర నిజభృత్యగణాన్సదైవ
సంశిక్షయేదవనిగాన్స హి ధర్మరాజః |
అన్యేఽపి యే హరిహరాఙ్కధరా ధరాయాం
తే దూరతః పునరహో పరివర్జనీయాః || 12 ||
అగస్త్య ఉవాచ –
యో ధర్మరాజ రచితాం లలితప్రబన్ధాం
నామావళిం సకలకల్మషబీజహన్త్రీం |
ధీరోఽత్ర కౌస్తుభభృతః శశిభూషణస్య
నిత్యం జపేత్ స్తనరసం న పిబేత్స మాతుః || 13 ||
ఇతి శృణ్వన్కథాం రంయాం శివ శర్మా ప్రియేఽనఘాం |
ప్రహర్షవక్త్రః పురతో దదర్శ సరసీం పురీం || 14 ||
ఇతి శ్రీస్కన్దమహాపురాణే కాశీఖణ్డపూర్వార్ధే యమప్రోక్తం శ్రీహరిహరాష్టోత్తర శతనామస్తోత్రం సంపూర్ణం ||

శ్రీ హరిహర అష్టోత్తరశతనామావళిః

ఓం గోవిన్దాయ నమః |
ఓం మాధవాయ నమః |
ఓం ముకున్దాయ నమః |
ఓం హరయే నమః |
ఓం మురారయే నమః |
ఓం శంభవే నమః |
ఓం శివాయ నమః |
ఓం ఈశాయ నమః |
ఓం శశిశేఖరాయ నమః | 9
ఓం శూలపాణయే నమః |
ఓం దామోదరాయ నమః |
ఓం అచ్యుతాయ నమః |
ఓం జనార్దనాయ నమః |
ఓం వాసుదేవాయ నమః |
ఓం గఙ్గాధరాయ నమః |
ఓం అన్ధకరిపవే నమః |
ఓం హరాయ నమః |
ఓం నీలకణ్ఠాయ నమః | 18
ఓం వైకుణ్ఠాయ నమః |
ఓం కైటభరిపవే నమః |
ఓం కమఠాయ నమః |
ఓం అబ్జపాణయే నమః |
ఓం భూతేశాయ నమః |
ఓం ఖణ్డపరశవే నమః |
ఓం మృడాయ నమః |
ఓం చణ్డికేశాయ నమః |
ఓం విష్ణవే నమః | 27
ఓం నృసింహాయ నమః |
ఓం మధుసూదనాయ నమః |
ఓం చక్రపాణయే నమః |
ఓం గౌరీపతయే నమః |
ఓం గిరిశాయ నమః |
ఓం శఙ్కరాయ నమః |
ఓం చన్ద్రచూడాయ నమః |
ఓం నారాయణాయ నమః |
ఓం అసురనిబర్హణాయ నమః | 36
ఓం శార్ఙ్గపాణయే నమః |
ఓం మృత్యుఞ్జయాయ నమః |
ఓం ఉగ్రాయ నమః |
ఓం విషమేక్షణాయ నమః |
ఓం కామశత్రవే నమః |
ఓం శ్రీకాన్తాయ నమః |
ఓం పీతవసనాయ నమః |
ఓం అంబుదనీలాయ నమః |
ఓం శౌరయే నమః | 45
ఓం ఈశానాయ నమః |
ఓం కృత్తివసనాయ నమః |
ఓం త్రిదశైకనాథాయ నమః |
ఓం లక్ష్మీపతయే నమః |
ఓం మధురిపవే నమః |
ఓం పురుషోత్తమాయ నమః |
ఓం ఆద్యాయ నమః |
ఓం శ్రీకణ్ఠాయ నమః |
ఓం దిగ్వసనాయ నమః | 54
ఓం శాన్తాయ నమః |
ఓం పినాకపాణయే నమః |
ఓం ఆనన్దకన్దాయ నమః |
ఓం ధరణీధరాయ నమః |
ఓం పద్మనాభాయ నమః |
ఓం సర్వేశ్వరాయ నమః |
ఓం త్రిపురసూదనాయ నమః |
ఓం దేవదేవాయ నమః |
ఓం బ్రహ్మణ్యదేవాయ నమః | 63
ఓం గరుడధ్వజాయ నమః |
ఓం శఙ్ఖపాణయే నమః |
ఓం త్ర్యక్షాయ నమః |
ఓం ఉరగాభరణాయ నమః |
ఓం బాలమృగాఙ్కమౌలినే నమః |
ఓం శ్రీరామాయ నమః |
ఓం రాఘవాయ నమః |
ఓం రమేశ్వరాయ నమః |
ఓం రావణారయే నమః | 72
ఓం భూతేశాయ నమః |
ఓం మన్మథరిపవే నమః |
ఓం ప్రమథాధినాథాయ నమః |
ఓం చాణూరమర్దనాయ నమః |
ఓం హృషీకపతయే నమః |
ఓం మురారయే నమః |
ఓం శూలినే నమః |
ఓం గిరీశాయ నమః |
ఓం రజనీశకలావతంసాయ నమః | 81
ఓం కంసప్రణాశనాయ నమః |
ఓం సనాతనాయ నమః |
ఓం కేశినాశాయ నమః |
ఓం భర్గాయ నమః |
ఓం త్రినేత్రాయ నమః |
ఓం భవాయ నమః |
ఓం భూతపతయే నమః |
ఓం పురారయే నమః |
ఓం గోపీపతయే నమః | 90
ఓం యదుపతయే నమః |
ఓం వసుదేవసూనవే నమః |
ఓం కర్పూరగౌరాయ నమః |
ఓం వృషభధ్వజాయ నమః |
ఓం ఫాలనేత్రాయ నమః |
ఓం గోవర్ధనోద్ధరణాయ నమః |
ఓం ధర్మధురీణాయ నమః |
ఓం గోపాయ నమః |
ఓం స్థాణవే నమః | 99
ఓం త్రిలోచనాయ నమః |
ఓం పినాకధరాయ నమః |
ఓం స్మరారయే నమః |
ఓం కృష్ణాయ నమః |
ఓం అనిరుద్ధాయ నమః |
ఓం కమలాకరాయ నమః |
ఓం కల్మషారయే నమః |
ఓం విశ్వేశ్వరాయ నమః |
ఓం త్రిపథగార్ద్రజటాకలాపాయై నమః | 108

శ్రీ మృత్యుంజయ స్తోత్రం

నందికేశ్వర ఉవాచ |
కైలాసస్యోత్తరే శృంగే శుద్ధస్ఫటికసన్నిభే |
తమోగుణవిహీనే తు జరామృత్యువివర్జితే || 1 ||
సర్వతీర్థాస్పదాధారే సర్వజ్ఞానకృతాలయే |
కృతాంజలిపుటో బ్రహ్మా ధ్యానాసీనం సదాశివం || 2 ||
పప్రచ్ఛ ప్రణతో భూత్వా జానుభ్యామవనిం గతః |
సర్వార్థసంపదాధారో బ్రహ్మా లోకపితామహః || 3 ||
బ్రహ్మోవాచ |
కేనోపాయేన దేవేశ చిరాయుర్లోమశోఽభవత్ |
తన్మే బ్రూహి మహేశాన లోకానాం హితకాంయయా || 4 ||
శ్రీసదాశివ ఉవాచ |
శృణు బ్రహ్మన్ ప్రవక్ష్యామి చిరాయుర్మునిసత్తమః |
సంజాతో కర్మణా యేన వ్యాధిమృత్యువివర్జితః || 5 ||
తస్మిన్నేకార్ణవే ఘోరే సలిలౌఘపరిప్లుతే |
కృతాంతభయనాశాయ స్తుతో మృత్యుంజయః శివః || 6 ||
తస్య సంకీర్తనాన్నిత్యం మర్త్యో మృత్యువివర్జితః |
త్వమేవ కీర్తయన్ బ్రహ్మన్ మృత్యుం జేతుం న సంశయః || 7 ||
లోమశ ఉవాచ |
దేవాధిదేవ దేవేశ సర్వప్రాణభృతాం వర |
ప్రాణినామపి నాథస్త్వం మృత్యుంజయ నమోఽస్తు తే || 8 ||
దేహినాం జీవభూతోఽసి జీవో జీవస్య కారణం |
జగతాం రక్షకస్త్వం వై మృత్యుంజయ నమోఽస్తు తే || 9 ||
హేమాద్రిశిఖరాకార సుధావీచిమనోహర |
పుండరీక పరం జ్యోతిర్ముత్యుంజయ నమోఽస్తు తే || 10 ||
ధ్యానాధార మహాజ్ఞాన సర్వజ్ఞానైకకారణ |
పరిత్రాతాసి లోకానాం మృత్యుంజయ నమోఽస్తు తే || 11 ||
నిహతా యేన కాలేన సదేవాసురమానుషాః |
గంధర్వాప్సరసశ్చైవ సిద్ధవిద్యాధరాస్తథా || 12 ||
సాధ్యాశ్చ వసవో రుద్రాస్తథాశ్వినిసుతావుభౌ |
మరుతశ్చ దిశో నాగాః స్థావరా జంగమాస్తథా || 13 ||
అనంగేన మనోజేన పుష్పచాపేన కేవలం |
జితః సోఽపి త్వయా ధ్యానాన్మృత్యుంజయ నమోఽస్తు తే || 14 ||
యే ధ్యాయంతి పరాం మూర్తిం పూజయంత్యమరాధిప |
న తే మృత్యువశం యాంతి మృత్యుంజయ నమోఽస్తు తే || 15 ||
త్వమోంకారోఽసి వేదానాం దేవానాం చ సదాశివః |
ఆధారశక్తిః శక్తీనాం మృత్యుంజయ నమోఽస్తు తే || 16 ||
స్థావరే జంగమే వాపి యావత్తిష్ఠతి మేదినీ |
జీవత్విత్యాహ లోకోఽయం మృత్యుంజయ నమోఽస్తు తే || 17 ||
సోమసూర్యాగ్నిమధ్యస్థ వ్యోమవ్యాపిన్ సదాశివః |
కాలత్రయ మహాకాల మృత్యుంజయ నమోఽస్తు తే || 18 ||
ప్రబుద్ధే చాప్రబుద్ధే చ త్వమేవ సృజసే జగత్ |
సృష్టిరూపేణ దేవేశ మృత్యుంజయ నమోఽస్తు తే || 19 ||
వ్యోంని త్వం వ్యోమరూపోఽసి తేజః సర్వత్ర తేజసి |
ప్రాణినాం జ్ఞానరూపోఽసి మృత్యుంజయ నమోఽస్తు తే || 20 ||
జగజ్జీవో జగత్ప్రాణః స్రష్టా త్వం జగతః ప్రభుః |
కారణం సర్వతీర్థానాం మృత్యుంజయ నమోఽస్తు తే || 21 ||
నేతా త్వమింద్రియాణాం చ సర్వజ్ఞానప్రబోధకః |
సాంఖ్యయోగశ్చ హంసశ్చ మృత్యుంజయ నమోఽస్తు తే || 22 ||
రూపాతీతః సురూపశ్చ పిండస్థా పదమేవ చ |
చతుర్యుగకలాధార మృత్యుంజయ నమోఽస్తు తే || 23 ||
రేచకే వహ్నిరూపోఽసి సోమరూపోఽసి పూరకే |
కుంభకే శివరూపోఽసి మృత్యుంజయ నమోఽస్తు తే || 24 ||
క్షయం కరోఽసి పాపానాం పుణ్యానామపి వర్ధసం |
హేతుస్త్వం శ్రేయసాం నిత్యం మృత్యుంజయ నమోఽస్తు తే || 25 ||
సర్వమాయాకలాతీత సర్వేంద్రియపరావర |
సర్వేంద్రియకలాధీశ మృత్యుంజయ నమోఽస్తు తే || 26 ||
రూపం గంధో రసః స్పర్శః శబ్దః సంస్కార ఏవ చ |
త్వత్తః ప్రకాశ ఏతేషాం మృత్యుంజయ నమోఽస్తు తే || 27 ||
చతుర్విధానాం సృష్టీనాం హేతుస్త్వం కారణేశ్వర |
భావాభావపరిచ్ఛిన్న మృత్యుంజయ నమోఽస్తు తే || 28 ||
త్వమేకో నిష్కలో లోకే సకలం భువనత్రయం |
అతిసూక్ష్మాతిరూపస్త్వం మృత్యుంజయ నమోఽస్తు తే || 29 ||
త్వం ప్రబోధస్త్వమాధారస్త్వద్బీజం భువనత్రయం |
సత్త్వం రజస్తమస్త్వం హి మృత్యుంజయ నమోఽస్తు తే || 30 ||
త్వం సోమస్త్వం దినేశశ్చ త్వమాత్మా ప్రకృతేః పరః |
అష్టత్రింశత్కలానాథ మృత్యుంజయ నమోఽస్తు తే || 31 ||
సర్వేంద్రియాణామాధారః సర్వభూతగణాశ్రయః |
సర్వజ్ఞానమయానంత మృత్యుంజయ నమోఽస్తు తే || 32 ||
త్వమాత్మా సర్వభూతానాం గుణానాం త్వమధీశ్వరః |
సర్వానందమయాధార మృత్యుంజయ నమోఽస్తు తే || 33 ||
త్వం యజ్ఞః సర్వయజ్ఞానాం త్వం బుద్ధిర్బోధలక్షణా |
శబ్దబ్రహ్మ త్వమోంకారో మృత్యుంజయ నమోఽస్తు తే || 34 ||
శ్రీసదాశివ ఉవాచ |
ఏవం సంకీర్తయేద్యస్తు శుచిస్తద్గతమానసః |
భక్త్యా శృణోతి యో బ్రహ్మన్ న స మృత్యువశో భవేత్ || 35 ||
న చ మృత్యుభయం తస్య ప్రాప్తకాలం చ లంఘయేత్ |
అపమృత్యుభయం తస్య ప్రణశ్యతి న సంశయః || 36 ||
వ్యాధయో నోపపద్యంతే నోపసర్గభయం భవేత్ |
ప్రత్యాసన్నాంతరే కాలే శతైకావర్తనే కృతే || 37 ||
మృత్యుర్న జాయతే తస్య రోగాన్ముంచతి నిశ్చితం |
పంచంయాం వా దశంయాం వా పౌర్ణమాస్యామథాపి వా || 38 ||
శతమావర్తయేద్యస్తు శతవర్షం స జీవతి |
తేజస్వీ బలసంపన్నో లభతే శ్రియముత్తమాం || 39 ||
త్రివిధం నాశయేత్పాపం మనోవాక్కాయసంభవం |
అభిచారాణి కర్మాణి కర్మాణ్యాథర్వణాని చ |
క్షీయంతే నాత్ర సందేహో దుఃస్వప్నం చ వినశ్యతి || 40 ||
ఇదం రహస్యం పరమం దేవదేవస్య శూలినః |
దుఃఖప్రణాశనం పుణ్యం సర్వవిఘ్నవినాశనం || 41 ||
ఇతి శ్రీశివబ్రహ్మసంవాదే శ్రీమృత్యుంజయ స్తోత్రం |

శ్రీ రుద్ర స్తవనం

నమో విరించవిష్ణ్వీశభేదేన పరమాత్మనే |
సర్గసంస్థితిసంహారవ్యావృత్తివ్యక్తవృత్తయే || 1 ||
నమశ్చతుర్ధా ప్రోద్భూతభూతభూతాత్మనే భువః |
భూరిభారార్తిసంహర్త్రే భూతనాథాయ శూలినే || 2 ||
విశ్వగ్రాసాయ విలసత్కాలకూటవిషాశినే |
తత్కళంకాంకితగ్రీవనీలకంఠాయ తే నమః || 3 ||
నమో లలాటనయనప్రోల్లసత్కృష్ణవర్త్మనే |
ధ్వస్తస్మరనిరస్తాధియోగిధ్యాతాయ శంభవే || 4 ||
నమో దేహార్ధకాంతాయ దగ్ధదక్షాధ్వరాయ చ |
చతుర్వర్గేష్వభీష్టార్థదాయినే మాయినేఽణవే || 5 ||
స్థూలాయ మూలభూతాయ శూలదారితవిద్విషే |
కాలహంత్రే నమశ్చంద్రఖండమండితమౌళయే || 6 ||
వివాససే కపర్దాంతర్భ్రాంతాహిసరిదిందవే |
దేవదైత్యాసురేంద్రాణాం మౌళిఘృష్టాంఘ్రయే నమః || 7 ||
భస్మాభ్యక్తాయ భక్తానాం భుక్తిముక్తిప్రదాయినే |
వ్యక్తావ్యక్తస్వరూపాయ శంకరాయ నమో నమః || 8 ||
నమోఽంధకాంతకరిపవే పురద్విషే
నమోఽస్తు తే ద్విరదవరాహభేదినే |
విషోల్లసత్ఫణికులబద్ధమూర్తయే
నమః సదా వృషవరవాహనాయ తే || 9 ||
వియన్మరుద్ధుతవహవార్వసుంధరా
మఖేశరవ్యమృతమయూఖమూర్తయే |
నమః సదా నరకభయావభేదినే
భవేహ నో భవభయభంగకృద్విభో || 10 ||
ఇతి శ్రీమచ్ఛంకరభగవతః కృతౌ ప్రపంచసారే పంచవింశః పటలే శ్రీ రుద్ర స్తవనం |

శ్రీ గంగాధర స్తోత్రం

క్షీరాంభోనిధిమంథనోద్భవవిషాత్ సందహ్యమానాన్ సురాన్
బ్రహ్మాదీనవలోక్య యః కరుణయా హాలాహలాఖ్యం విషం |
నిఃశంకం నిజలీలయా కవలయన్లోకానురక్షాదరా-
-దార్తత్రాణపరాయణః స భగవాన్ గంగాధరో మే గతిః || 1 ||
క్షీరం స్వాదు నిపీయ మాతులగృహే గత్వా స్వకీయం గృహం
క్షీరాలాభవశేన ఖిన్నమనసే ఘోరం తపః కుర్వతే |
కారుణ్యాదుపమన్యవే నిరవధిం క్షీరాంబుధిం దత్తవాన్
ఆర్తత్రాణపరాయణః స భగవాన్ గంగాధరో మే గతిః || 2 ||
మృత్యుం వక్షసి తాడయన్ నిజపదధ్యానైకభక్తం మునిం
మార్కండేయమపాలయత్ కరుణయా లింగాద్వినిర్గత్య యః |
నేత్రాంభోజసమర్పణేన హరయేఽభీష్టం రథాంగం దదౌ
ఆర్తత్రాణపరాయణః స భగవాన్ గంగాధరో మే గతిః || 3 ||
వ్యూఢం ద్రోణజయద్రథాదిరథికైః సైన్యం మహత్ కౌరవం
దృష్ట్వా కృష్ణసహాయవంతమపి తం భీతం ప్రపన్నార్తిహా |
పార్థం రక్షితవానమోఘవిషయం దివ్యాస్త్రముద్బోధయన్
ఆర్తత్రాణపరాయణః స భగవాన్ గంగాధరో మే గతిః || 4 ||
బాలం శైవకులోద్భవం పరిహసత్ స్వజ్ఞాతిపక్షాకులం
ఖిద్యంతం తవ మూర్ధ్ని పుష్పనిచయం దాతుం సముద్యత్కరం |
దృష్ట్వాఽఽనంయ విరించిరంయనగరే పూజాం త్వదీయం భజన్
ఆర్తత్రాణపరాయణః స భగవాన్ గంగాధరో మే గతిః || 5 ||
సంత్రస్తేషు పురా సురాసురభయాదింద్రాదిబృందారకే-
-ఽశ్వారూఢో ధరణీరథం శ్రుతిహయం కృత్వా మురారిం శరం |
రక్షన్ యః కృపయా సమస్తవిబుధాన్ జిత్వా పురారీన్ క్షణాత్
ఆర్తత్రాణపరాయణః స భగవాన్ గంగాధరో మే గతిః || 6 ||
శ్రౌతస్మార్తపథే పరాఙ్ముఖమపి ప్రోద్యన్మహాపాతకం
విశ్వాతీతమపి త్వమేవ గతిరిత్యాలాపయంతం సకృత్ |
రక్షన్ యః కరుణాపయోనిధిరితి ప్రాప్తప్రసిద్ధిః పురా
ఆర్తత్రాణపరాయణః స భగవాన్ గంగాధరో మే గతిః || 7 ||
గాంగం వేగమవాప్య మాన్యవిబుధైః సోఢుం పురా యాచితో
దృష్ట్వా భక్తభగీరథేన వినతో రుద్రో జటామండలే |
కారుణ్యాదవనీతలే సురనదీమాపూరయత్ పావనీం
ఆర్తత్రాణపరాయణః స భగవాన్ గంగాధరో మే గతిః || 8 ||
ఇతి శ్రీమదప్పయదీక్షితవిరచితం శ్రీ గంగాధర స్తోత్రం |

లింగాష్టకం

బ్రహ్మమురారిసురార్చిత లింగం
నిర్మలభాసితశోభిత లింగం |
జన్మజదుఃఖవినాశక లింగం
తత్ప్రణమామి సదా శివ లింగం || 1 ||

దేవమునిప్రవరార్చిత లింగం
కామదహం కరుణాకర లింగం |
రావణదర్పవినాశన లింగం
తత్ప్రణమామి సదా శివ లింగం || 2 ||

సర్వసుగంధసులేపిత లింగం
బుద్ధివివర్ధనకారణ లింగం |
సిద్ధసురాసురవందిత లింగం
తత్ప్రణమామి సదా శివ లింగం || 3 ||

కనకమహామణిభూషిత లింగం
ఫణిపతివేష్టితశోభిత లింగం |
దక్షసుయజ్ఞవినాశన లింగం
తత్ప్రణమామి సదా శివ లింగం || 4 ||

కుంకుమచందనలేపిత లింగం
పంకజహారసుశోభిత లింగం |
సంచితపాపవినాశన లింగం
తత్ప్రణమామి సదా శివ లింగం || 5 ||

దేవగణార్చితసేవిత లింగం
భావైర్భక్తిభిరేవ చ లింగం |
దినకరకోటిప్రభాకర లింగం
తత్ప్రణమామి సదా శివ లింగం || 6 ||

అష్టదళోపరివేష్టిత లింగం
సర్వసముద్భవకారణ లింగం |
అష్టదరిద్రవినాశన లింగం
తత్ప్రణమామి సదా శివ లింగం || 7 ||

సురగురుసురవరపూజిత లింగం
సురవనపుష్పసదార్చిత లింగం |
పరాత్పరం పరమాత్మక లింగం
తత్ప్రణమామి సదా శివ లింగం || 8 ||

లింగాష్టకమిదం పుణ్యం యః పఠేచ్ఛివసన్నిధౌ |
శివలోకమవాప్నోతి శివేన సహ మోదతే ||

 శ్రీ విశ్వనాథాష్టకం

గంగాతరంగరమణీయజటాకలాపం
గౌరీనిరంతరవిభూషితవామభాగం |
నారాయణప్రియమనంగమదాపహారం
వారాణసీపురపతిం భజ విశ్వనాథం || 1 ||

వాచామగోచరమనేకగుణస్వరూపం
వాగీశవిష్ణుసురసేవితపాదపీఠం | [పద్మం]
వామేన విగ్రహవరేణ కలత్రవంతం
వారాణసీపురపతిం భజ విశ్వనాథం || 2 ||

భూతాధిపం భుజగభూషణభూషితాంగం
వ్యాఘ్రాజినాంబరధరం జటిలం త్రినేత్రం |
పాశాంకుశాభయవరప్రదశూలపాణిం
వారాణసీపురపతిం భజ విశ్వనాథం || 3 ||

శీతాంశుశోభితకిరీటవిరాజమానం
ఫాలేక్షణానలవిశోషితపంచబాణం |
నాగాధిపారచితభాసురకర్ణపూరం
వారాణసీపురపతిం భజ విశ్వనాథం || 4 ||

పంచాననం దురితమత్తమతంగజానాం
నాగాంతకం దనుజపుంగవపన్నగానాం |
దావానలం మరణశోకజరాటవీనాం
వారాణసీపురపతిం భజ విశ్వనాథం || 5 ||

తేజోమయం సగుణనిర్గుణమద్వితీయం
ఆనందకందమపరాజితమప్రమేయం |
నాగాత్మకం సకళనిష్కళమాత్మరూపం
వారాణసీపురపతిం భజ విశ్వనాథం || 6 ||

ఆశాం విహాయ పరిహృత్య పరస్య నిందాం
పాపే రతిం చ సునివార్య మనః సమాధౌ |
ఆదాయ హృత్కమలమధ్యగతం పరేశం
వారాణసీపురపతిం భజ విశ్వనాథం || 7 ||

రాగాదిదోషరహితం స్వజనానురాగం
వైరాగ్యశాంతినిలయం గిరిజాసహాయం |
మాధుర్యధైర్యసుభగం గరళాభిరామం
వారాణసీపురపతిం భజ విశ్వనాథం || 8 ||

వారాణసీపురపతేః స్తవనం శివస్య
వ్యాఖ్యాతమష్టకమిదం పఠతే మనుష్యః |
విద్యాం శ్రియం విపులసౌఖ్యమనంతకీర్తిం
సంప్రాప్య దేహవిలయే లభతే చ మోక్షం || 9 ||