Venkateswara Stotras & Hymns - Read Sacred Verses

శ్రీ వేంకటేశ్వర వజ్రకవచ స్తోత్రం

శ్రీ వేంకటేశ్వర వజ్రకవచ స్తోత్రం.

Telugu

శ్రీ వేంకటేశ్వర వజ్రకవచ స్తోత్రం

మార్కండేయ ఉవాచ |
నారాయణం పరబ్రహ్మ సర్వకారణకారణం |
ప్రపద్యే వేంకటేశాఖ్యం తదేవ కవచం మమ || 1 ||
సహస్రశీర్షా పురుషో వేంకటేశశ్శిరోఽవతు |
ప్రాణేశః ప్రాణనిలయః ప్రాణాన్ రక్షతు మే హరిః || 2 ||
ఆకాశరాట్సుతానాథ ఆత్మానం మే సదావతు |
దేవదేవోత్తమో పాయాద్దేహం మే వేంకటేశ్వరః || 3 ||
సర్వత్ర సర్వకాలేషు మంగాంబాజానిరీశ్వరః |
పాలయేన్మాం సదా కర్మసాఫల్యం నః ప్రయచ్ఛతు || 4 ||
య ఏతద్వజ్రకవచమభేద్యం వేంకటేశితుః |
సాయం ప్రాతః పఠేన్నిత్యం మృత్యుం తరతి నిర్భయః || 5 ||
ఇతి మార్కండేయ కృత శ్రీ వేంకటేశ్వర వజ్రకవచ స్తోత్రం |

శ్రీ వేంకటేశ్వర శరణాగతి స్తోత్రం (సప్తర్షి కృతం)

శ్రీ వేంకటేశ్వర శరణాగతి స్తోత్రం (సప్తర్షి కృతం).

Telugu

Read Stotra

శ్రీ వేంకటేశ్వర శరణాగతి స్తోత్రం (సప్తర్షి కృతం)

శేషాచలం సమాసాద్య కశ్యపాద్యా మహర్షయః |
వేంకటేశం రమానాథం శరణం ప్రాపురంజసా || 1 ||
కలిసంతారకం ముఖ్యం స్తోత్రమేతజ్జపేన్నరః |
సప్తర్షివాక్ప్రసాదేన విష్ణుస్తస్మై ప్రసీదతి || 2 ||
కశ్యప ఉవాచ –
కాదిహ్రీమంతవిద్యాయాః ప్రాప్యైవ పరదేవతా |
కలౌ శ్రీవేంకటేశాఖ్యా తామహం శరణం భజే || 3 ||
అత్రిరువాచ –
అకారాదిక్షకారాంతవర్ణైర్యః ప్రతిపాద్యతే |
కలౌ స వేంకటేశాఖ్యః శరణం మే రమాపతిః || 4 ||
భరద్వాజ ఉవాచ –
భగవాన్ భార్గవీకాంతో భక్తాభీప్సితదాయకః |
భక్తస్య వేంకటేశాఖ్యో భరద్వాజస్య మే గతిః || 5 ||
విశ్వామిత్ర ఉవాచ –
విరాడ్విష్ణుర్విధాతా చ విశ్వవిజ్ఞానవిగ్రహః |
విశ్వామిత్రస్య శరణం వేంకటేశో విభుః సదా || 6 ||
గౌతమ ఉవాచ –
గౌర్గౌరీశప్రియో నిత్యం గోవిందో గోపతిర్విభుః |
శరణం గౌతమస్యాస్తు వేంకటాద్రిశిరోమణిః || 7 ||
జమదగ్నిరువాచ –
జగత్కర్తా జగద్భర్తా జగద్ధర్తా జగన్మయః |
జమదగ్నేః ప్రపన్నస్య జీవేశో వేంకటేశ్వరః || 8 ||
వసిష్ఠ ఉవాచ –
వస్తువిజ్ఞానమాత్రం యన్నిర్విశేషం సుఖం చ సత్ |
తద్బ్రహ్మైవాహమస్మీతి వేంకటేశం భజే సదా || 9 ||
సప్తర్షిరచితం స్తోత్రం సర్వదా యః పఠేన్నరః |
సోఽభయం ప్రాప్నుయాత్సత్యం సర్వత్ర విజయీ భవేత్ || 10 ||
ఇతి సప్తర్షిభిః కృతం శ్రీ వేంకటేశ్వర శరణాగతి స్తోత్రం |

శ్రీ వేంకటేశాష్టక స్తోత్రం (ప్రభాకర కృతం)

శ్రీ వేంకటేశాష్టక స్తోత్రం (ప్రభాకర కృతం).

Telugu

Read Stotra

శ్రీ వేంకటేశాష్టక స్తోత్రం (ప్రభాకర కృతం)

శ్రీవేంకటేశపదపంకజధూలిపంక్తిః
సంసారసింధుతరణే తరణిర్నవీనా |
సర్వాఘపుంజహరణాయ చ ధూమకేతుః
పాయాదనన్యశరణం స్వయమేవ లోకం || 1 ||
శేషాద్రిగేహ తవ కీర్తితరంగపుంజ
ఆభూమినాకమభితస్సకలాన్పునానః |
మత్కర్ణయుగ్మవివరే పరిగంయ సంయ-
-క్కుర్యాదశేషమనిశం ఖలుతాపభంగం || 2 ||
వైకుంఠరాజసకలోఽపి ధనేశవర్గో
నీతోఽపమానసరణిం త్వయి విశ్వసిత్రా |
తస్మాదయం న సమయః పరిహాసవాచాం
ఇష్టం ప్రపూర్య కురు మాం కృతకృత్యసంఘం || 3 ||
శ్రీమన్నరాస్తుకతిచిద్ధనికాంశ్చ కేచిత్
క్షోణీపతీం కతిచిదత్ర చ రాజలోకాన్ |
ఆరాధయంతు మలశూన్యమహం భవంతం
కల్యాణలాభజననాయసమర్థమేకం || 4 ||
లక్ష్మీపతి త్వమఖిలేశ తవ ప్రసిద్ధ-
-మత్ర ప్రసిద్ధమవనౌమదకించనత్వం |
తస్యోపయోగకరణాయ మయా త్వయా చ
కార్యః సమాగమైదం మనసి స్థితం మే || 5 ||
శేషాద్రినాథభవతాఽయమహం సనాథః
సత్యం వదామి భగవంస్త్వమనాథ ఏవ |
తస్మాత్కురుష్వమదభీప్సిత కృత్యజాల-
-మేవత్వదీప్సిత కృతౌ తు భవాన్సమర్థః || 6 ||
క్రుద్ధో యదా భవసి తత్క్షణమేవ భూపో
రంకాయతే త్వమసి చేత్ఖలు తోషయుక్తః |
భూపాయతేఽథనిఖిలశ్రుతివేద్య రంక
ఇచ్ఛాంయతస్తవ దయాజలవృష్టిపాతం || 7 ||
అంగీకృతం సువిరుదం భగవంస్త్వయేతి
మద్భక్తపోషణమహం సతతం కరోమి |
ఆవిష్కురుష్వ మయి సత్సతతం ప్రదీనే
చింతాప్రహారమయమేవ హి యోగ్యకాలః || 8 ||
సర్వాసుజాతిషు మయా తు సమ త్వమేవ
నిశ్చీయతే తవ విభో కరుణాప్రవాహాత్ |
ప్రహ్లాదపాండుసుత బల్లవ గృధ్రకాదౌ
నీచో న భాతి మమ కోఽప్యత ఏవ హేతోః || 9 ||
సంభావితాస్తు పరిభూతిమథ ప్రయాంతి
ధూర్తాజపం హి కపటైకపరా జగత్యాం |
ప్రాప్తే తు వేంకటవిభో పరిణామకాలే
స్యాద్వైపరీత్యమివ కౌరవపాండవానాం || 10 ||
శ్రీవేంకటేశ తవ పాదసరోజయుగ్మే
సంసారదుఃఖశమనాయ సమర్పయామి |
భాస్వత్సదష్టకమిదం రచితం […] ప్రభాకరోఽహమనిశం వినయేన యుక్తః || 11 ||
శ్రీశాలివాహనశకే శరకాష్టభూమి
సంఖ్యామితేఽథవిజయాభిధవత్సరేఽయం |
శ్రీకేశవాత్మజైదం వ్యతనోత్సమల్పం
స్తోత్రం ప్రభాకర ఇతి ప్రథితాభిధానా || 12 ||
ఇతి గార్గ్యకులోత్పన్న యశోదాగర్భజ కేశవాత్మజ ప్రభాకర కృతిషు శ్రీవేంకటేశాష్టక స్తోత్రం సమాప్తం ||
శ్రీకృష్ణదాస తనుజస్య మయా తు గంగా
విష్ణోరకారి కిల సూచనయాష్టకం యత్ |
తద్వేంకటేశమనసో ముదమాతనోతు
తద్భక్తలోకనివహానన పంక్తిగం సత్ ||
పిత్రోర్గురోశ్చాప్యపరాధకారిణో
భ్రాతుస్తథాఽన్యాయకృతశ్చదుర్గతః |
తేషు త్వయాఽథాపి కృపా విధీయతాం
సౌహార్దవశ్యేన మయా తు యాచ్యతే ||

శ్రీ వేంకటేశ కరావలంబ స్తోత్రం

శ్రీ వేంకటేశ కరావలంబ స్తోత్రం.

Telugu

Read Stotra

శ్రీ వేంకటేశ కరావలంబ స్తోత్రం

శ్రీశేషశైల సునికేతన దివ్యమూర్తే
నారాయణాచ్యుత హరే నళినాయతాక్ష |
లీలాకటాక్షపరిరక్షితసర్వలోక
శ్రీవేంకటేశ మమ దేహి కరావలంబం || 1 ||
బ్రహ్మాదివందితపదాంబుజ శంఖపాణే
శ్రీమత్సుదర్శనసుశోభితదివ్యహస్త |
కారుణ్యసాగర శరణ్య సుపుణ్యమూర్తే
శ్రీవేంకటేశ మమ దేహి కరావలంబం || 2 ||
వేదాంతవేద్య భవసాగర కర్ణధార
శ్రీపద్మనాభ కమలార్చితపాదపద్మ |
లోకైకపావన పరాత్పర పాపహారిన్
శ్రీవేంకటేశ మమ దేహి కరావలంబం || 3 ||
లక్ష్మీపతే నిగమలక్ష్య నిజస్వరూప
కామాదిదోషపరిహారిత బోధదాయిన్ |
దైత్యాదిమర్దన జనార్దన వాసుదేవ
శ్రీవేంకటేశ మమ దేహి కరావలంబం || 4 ||
తాపత్రయం హర విభో రభసాన్మురారే
సంరక్ష మాం కరుణయా సరసీరుహాక్ష |
మచ్ఛిష్యమప్యనుదినం పరిరక్ష విష్ణో
శ్రీవేంకటేశ మమ దేహి కరావలంబం || 5 ||
శ్రీజాతరూప నవరత్న లసత్కిరీట
కస్తూరికాతిలకశోభిలలాటదేశ |
రాకేందుబింబవదనాంబుజ వారిజాక్ష
శ్రీవేంకటేశ మమ దేహి కరావలంబం || 6 ||
వందారులోక వరదాన వచోవిలాస
రత్నాఢ్యహారపరిశోభితకంబుకంఠ |
కేయూరరత్న సువిభాసి దిగంతరాళ
శ్రీవేంకటేశ మమ దేహి కరావలంబం || 7 ||
దివ్యాంగదాంచిత భుజద్వయ మంగళాత్మన్
కేయూరభూషణసుశోభితదీర్ఘబాహో |
నాగేంద్రకంకణకరద్వయ కామదాయిన్
శ్రీవేంకటేశ మమ దేహి కరావలంబం || 8 ||
స్వామిన్ జగద్ధరణ వారిధి మధ్యమగ్నం
మాముద్ధరాద్య కృపయా కరుణాపయోధే |
లక్ష్మీం చ దేహి మమ ధర్మసమృద్ధిహేతుం
శ్రీవేంకటేశ మమ దేహి కరావలంబం || 9 ||
దివ్యాంగరాగ పరిచర్చిత కోమలాంగ
పీతాంబరావృతతనో తరుణార్కదీప్తే |
సత్కాంచనాభ పరిధాన సుపట్టబంధ
శ్రీవేంకటేశ మమ దేహి కరావలంబం || 10 ||
రత్నాఢ్యదామసునిబద్ధ కటిప్రదేశ
మాణిక్యదర్పణ సుసన్నిభ జానుదేశ |
జంఘాద్వయేన పరిమోహిత సర్వలోక
శ్రీవేంకటేశ మమ దేహి కరావలంబం || 11 ||
లోకైకపావనసరిత్పరిశోభితాంఘ్రే
త్వత్పాదదర్శన దినేశ మహాప్రసాదాత్ |
హార్దం తమశ్చ సకలం లయమాప భూమన్
శ్రీవేంకటేశ మమ దేహి కరావలంబం || 12 ||
కామాదివైరి నివహోఽచ్యుత మే ప్రయాతః
దారిద్ర్యమప్యపగతం సకలం దయాళో |
దీనం చ మాం సమవలోక్య దయార్ద్రదృష్ట్యా
శ్రీవేంకటేశ మమ దేహి కరావలంబం || 13 ||
శ్రీవేంకటేశ పదపంకజషట్పదేన
శ్రీమన్నృసింహయతినా రచితం జగత్యాం |
ఏతత్పఠంతి మనుజాః పురుషోత్తమస్య
తే ప్రాప్నువంతి పరమాం పదవీం మురారేః || 14 ||
ఇతి శ్రీ శృంగేరి జగద్గురుణా శ్రీ నృసింహ భారతి స్వామినా రచితం శ్రీ వేంకటేశ కరావలంబ స్తోత్రం |

శ్రీ వేంకటేశ తూణకం

శ్రీ వేంకటేశ తూణకం.

Telugu

Read Stotra

శ్రీ వేంకటేశ తూణకం

వజ్రశంఖబాణచాపచిహ్నితాంఘ్రిపంకజం
నర్తితాయుతారుణాగ్ర్యనిస్సరత్ప్రభాకులం |
వజ్రపాణిముఖ్యలేఖవందితం పరాత్పరం
సజ్జనార్చితం వృషాద్రిసార్వభౌమమాశ్రయే || 1 ||
పంచబాణమోహనం విరించిజన్మకారణం
కాంచనాంబరోజ్జ్వలం సచంచలాంబుదప్రభం |
చంచరీకసంచయాభచంచలాలకావృతం
కించిదుద్ధతభ్రువం చ వంచకం హరిం భజే || 2 ||
మంగళాధిదైవతం భుజంగమాంగశాయినం
సంగరారిభంగశౌండమంగదాధికోజ్జ్వలం |
అంగసంగిదేహినామభంగురార్థదాయినం
తుంగశేషశైలభవ్యశృంగసంగినం భజే || 3 ||
కంబుకంఠమంబుజాతడంబరాంబకద్వయం
శంబరారితాతమేనమంబురాశితల్పగం |
బంభరార్భకాలిభవ్యలంబమానమౌలికం
శంఖకుందదంతవంతముత్తమం భజామహే || 4 ||
పంకజాసనార్చతం శశాంకశోభితాననం
కంకణాదిదివ్యభూషణాంకితం వరప్రదం |
కుంకుమాంకితోరసం సశంఖచక్రనందకం
వేంకటేశమిందిరాపదాంకితం భజామహే || 5 ||

శ్రీ వేంకటేశ ద్వాదశనామ స్తోత్రం

శ్రీ వేంకటేశ ద్వాదశనామ స్తోత్రం.

Telugu

Read Stotra

శ్రీ వేంకటేశ ద్వాదశనామ స్తోత్రం

అస్య శ్రీ వేంకటేశ ద్వాదశనామ స్తోత్ర మహామంత్రస్య బ్రహ్మా ఋషిః అనుష్టుప్ ఛందః శ్రీ వేంకటేశ్వరో దేవతా ఇష్టార్థే వినియోగః |
నారాయణో జగన్నాథో వారిజాసనవందితః |
స్వామిపుష్కరిణీవాసీ శంఖచక్రగదాధరః || 1 ||
పీతాంబరధరో దేవో గరుడాసనశోభితః |
కందర్పకోటిలావణ్యః కమలాయతలోచనః || 2 ||
ఇందిరాపతిగోవిందః చంద్రసూర్యప్రభాకరః |
విశ్వాత్మా విశ్వలోకేశో జయ శ్రీవేంకటేశ్వరః || 3 ||
ఏతద్ద్వాదశనామాని త్రిసంధ్యం యః పఠేన్నరః |
దారిద్ర్యదుఃఖనిర్ముక్తో ధనధాన్యసమృద్ధిమాన్ || 4 ||
జనవశ్యం రాజవశ్యం సర్వకామార్థసిద్ధిదం |
దివ్యతేజః సమాప్నోతి దీర్ఘమాయుశ్చ విందతి || 5 ||
గ్రహరోగాదినాశం చ కామితార్థఫలప్రదం |
ఇహ జన్మని సౌఖ్యం చ విష్ణుసాయుజ్యమాప్నుయాత్ || 6 ||
ఇతి బ్రహ్మాండపురాణే బ్రహ్మనారదసంవాదే శ్రీ వేంకటేశద్వాదశనామస్తోత్రం |

శ్రీ వేంకటేశ దివ్య వర్ణన స్తోత్రం

శ్రీ వేంకటేశ దివ్య వర్ణన స్తోత్రం.

Telugu

Read Stotra

శ్రీ వేంకటేశ ప్రాతః స్మరణ

శ్రీ వేంకటేశ ప్రాతః స్మరణ.

Telugu

Read Stotra

శ్రీ వేంకటేశ ప్రాతః స్మరణ

ప్రాతః స్మరామి రమయా సహ వేంకటేశం
మందస్మితం ముఖసరోరుహకాంతిరంయం |
మాణిక్యకాంతివిలసన్మకుటోర్ధ్వపుండ్రం
పద్మాక్షలక్ష్యమణికుండలమండితాంగం || 1 ||
ప్రాతర్భజామి కరరంయసుశంఖచక్రం
భక్తాభయప్రదకటిస్థలదత్తపాణిం |
శ్రీవత్సకౌస్తుభలసన్మణిభూషణోద్యత్
పీతాంబరం మదనకోటిసుమోహనాంగం || 2 ||
ప్రాతర్నమామి పరమాత్మపదారవిందం
ఆనందసాంద్రనిలయం మణినూపురాఢ్యం |
ఏతత్సమస్తజగతామితి దర్శయంతం
వైకుంఠమత్ర భజతాం కరపల్లవేన || 3 ||
శ్లోకత్రయస్య పఠనం దినపూర్వకాలే
దుస్స్వప్నదుశ్శకునదుర్భయపాపశాంత్యై |
నిత్యం కరోతి మతిమాన్పరమాత్మరూపం
శ్రీవేంకటేశనిలయం వ్రజతి స్మ యోఽసౌ ||

శ్రీ వేంకటేశ భుజంగం

శ్రీ వేంకటేశ భుజంగం.

Telugu

Read Stotra

శ్రీ వేంకటేశ భుజంగం

ముఖే చారుహాసం కరే శంఖచక్రం
గలే రత్నమాలాం స్వయం మేఘవర్ణం |
తథా దివ్యశస్త్రం ప్రియం పీతవస్త్రం
ధరంతం మురారిం భజే వేంకటేశం || 1 ||
సదాభీతిహస్తం ముదాజానుపాణిం
లసన్మేఖలం రత్నశోభాప్రకాశం |
జగత్పాదపద్మం మహత్పద్మనాభం
ధరంతం మురారిం భజే వేంకటేశం || 2 ||
అహో నిర్మలం నిత్యమాకాశరూపం
జగత్కారణం సర్వవేదాంతవేద్యం |
విభుం తాపసం సచ్చిదానందరూపం
ధరంతం మురారిం భజే వేంకటేశం || 3 ||
శ్రియా విష్టితం వామపక్షప్రకాశం
సురైర్వందితం బ్రహ్మరుద్రస్తుతం తం |
శివం శంకరం స్వస్తినిర్వాణరూపం
ధరంతం మురారిం భజే వేంకటేశం || 4 ||
మహాయోగసాద్ధ్యం పరిభ్రాజమానం
చిరం విశ్వరూపం సురేశం మహేశం |
అహో శాంతరూపం సదాధ్యానగంయం
ధరంతం మురారిం భజే వేంకటేశం || 5 ||
అహో మత్స్యరూపం తథా కూర్మరూపం
మహాక్రోడరూపం తథా నారసింహం |
భజే కుబ్జరూపం విభుం జామదగ్న్యం
ధరంతం మురారిం భజే వేంకటేశం || 6 ||
అహో బుద్ధరూపం తథా కల్కిరూపం
ప్రభుం శాశ్వతం లోకరక్షామహంతం |
పృథక్కాలలబ్ధాత్మలీలావతారం
ధరంతం మురారిం భజే వేంకటేశం || 7 ||

శ్రీ వేంకటేశ మంగళాష్టకం

శ్రీ వేంకటేశ మంగళాష్టకం.

Telugu

Read Stotra

శ్రీ వేంకటేశ మంగళాష్టకం

శ్రీక్షోణ్యౌ రమణీయుగం సురమణీపుత్రోఽపి వాణీపతిః
పౌత్రశ్చంద్రశిరోమణిః ఫణిపతిః శయ్యా సురాః సేవకాః |
తార్క్ష్యో యస్య రథో మహశ్చ భవనం బ్రహ్మాండమాద్యః పుమాన్
శ్రీమద్వేంకటభూధరేంద్రరమణః కుర్యాద్ధరిర్మంగళం || 1 ||
యత్తేజో రవికోటికోటికిరణాన్ ధిక్కృత్య జేజీయతే
యస్య శ్రీవదనాంబుజస్య సుషమా రాకేందుకోటీరపి |
సౌందర్యం చ మనోభవానపి బహూన్ కాంతిశ్చ కాదంబినీం
శ్రీమద్వేంకటభూధరేంద్రరమణః కుర్యాద్ధరిర్మంగళం || 2 ||
నానారత్న కిరీటకుండలముఖైర్భూషాగణైర్భూషితః
శ్రీమత్కౌస్తుభరత్న భవ్యహృదయః శ్రీవత్ససల్లాంఛనః |
విద్యుద్వర్ణసువర్ణవస్త్రరుచిరో యః శంఖచక్రాదిభిః
శ్రీమద్వేంకటభూధరేంద్రరమణః కుర్యాద్ధరిర్మంగళం || 3 ||
యత్ఫాలే మృగనాభిచారుతిలకో నేత్రేఽబ్జపత్రాయతే
కస్తూరీఘనసారకేసరమిలచ్ఛ్రీగంధసారో ద్రవైః |
గంధైర్లిప్తతనుః సుగంధసుమనోమాలాధరో యః ప్రభుః
శ్రీమద్వేంకటభూధరేంద్రరమణః కుర్యాద్ధరిర్మంగళం || 4 ||
ఏతద్దివ్యపదం మమాస్తి భువి తత్సంపశ్యతేత్యాదరా-
-ద్భక్తేభ్యః స్వకరేణ దర్శయతి యద్దృష్ట్యాఽతిసౌఖ్యం గతః |
ఏతద్భక్తిమతో మహానపి భవాంభోధిర్నదీతి స్పృశన్
శ్రీమద్వేంకటభూధరేంద్రరమణః కుర్యాద్ధరిర్మంగళం || 5 ||
యః స్వామీ సరసస్తటే విహరతో శ్రీస్వామినాంనః సదా
సౌవర్ణాలయమందిరో విధిముఖైర్బర్హిర్ముఖైః సేవితః |
యః శత్రూన్ హనయన్ నిజానవతి చ శ్రీభూవరాహాత్మకః
శ్రీమద్వేంకటభూధరేంద్రరమణః కుర్యాద్ధరిర్మంగళం || 6 ||
యో బ్రహ్మాదిసురాన్ మునీంశ్చ మనుజాన్ బ్రహ్మోత్సవాయాగతాన్
దృష్ట్వా హృష్టమనా బభూవ బహుశస్తైరర్చితః సంస్తుతః |
తేభ్యో యః ప్రదదాద్వరాన్ బహువిధాన్ లక్ష్మీనివాసో విభుః
శ్రీమద్వేంకటభూధరేంద్రరమణః కుర్యాద్ధరిర్మంగళం || 7 ||
యో దేవో భువి వర్తతే కలియుగే వైకుంఠలోకస్థితో
భక్తానాం పరిపాలనాయ సతతం కారుణ్యవారాం నిధిః |
శ్రీశేషాఖ్యమహీంధ్రమస్తకమణిర్భక్తైకచింతామణిః
శ్రీమద్వేంకటభూధరేంద్రరమణః కుర్యాద్ధరిర్మంగళం || 8 ||
శేషాద్రిప్రభుమంగళాష్టకమిదం తుష్టేన యస్యేశితుః
ప్రీత్యర్థం రచితం రమేశచరణద్వంద్వైకనిష్ఠావతా |
వైవాహ్యాదిశుభక్రియాసు పఠితం యైః సాధు తేషామపి
శ్రీమద్వేంకటభూధరేంద్రరమణః కుర్యాద్ధరిర్మంగళం || 9 ||

శ్రీ వేంకటేశ విజయ స్తోత్రం

శ్రీ వేంకటేశ విజయ స్తోత్రం.

Telugu

Read Stotra

శ్రీ వేంకటేశ విజయ స్తోత్రం

దైవతదైవత మంగలమంగల
పావనపావన కారణకారణ |
వేంకటభూధరమౌలివిభూషణ
మాధవ భూధవ దేవ జయీభవ || 1 ||
వారిదసంనిభదేహ దయాకర
శారదనీరజచారువిలోచన |
దేవశిరోమణిపాదసరోరుహ
వేంకటశైలపతే విజయీభవ || 2 ||
అంజనశైలనివాస నిరంజన
రంజితసర్వజనాంజనమేచక |
మామభిషించ కృపామృతశీతల-
-శీకరవర్షిదృశా జగదీశ్వర || 3 ||
వీతసమాధిక సారగుణాకర
కేవలసత్త్వతనో పురుషోత్తమ |
భీమభవార్ణవతారణకోవిద
వేంకటశైలపతే విజయీభవ || 4 ||
స్వామిసరోవరతీరరమాకృత-
-కేలిమహారసలాలసమానస |
సారతపోధనచిత్తనికేతన
వేంకటశైలపతే విజయీభవ || 5 ||
ఆయుధభూషణకోటినివేశిత-
-శంఖరథాంగజితామతసం‍మత |
స్వేతరదుర్ఘటసంఘటనక్షమ
వేంకటశైలపతే విజయీభవ || 6 ||
పంకజనానిలయాకృతిసౌరభ-
-వాసితశైలవనోపవనాంతర |
మంద్రమహాస్వనమంగలనిర్జ్ఝర
వేంకటశైలపతే విజయీభవ || 7 ||
నందకుమారక గోకులపాలక
గోపవధూవర కృష్ణ పరాత్పర |
శ్రీవసుదేవ జన్మభయాపహ
వేంకటశైలపతే విజయీభవ || 8 ||
శైశవపాతితపాతకిపూతన
ధేనుకకేశిముఖాసురసూదన |
కాలియమర్దన కంసనిరాసక
మోహతమోపహ కృష్ణ జయీభవ || 9 ||
పాలితసంగర భాగవతప్రియ
సారథితాహితతోషపృథాసుత |
పాండవదూత పరాకృతభూభర
పాహి పరావరనాథ పరాయణ || 10 ||
శాతమఖాసువిభంజనపాటవ
సత్రిశిరఃఖరదూషణదూషణ |
శ్రీరఘునాయక రామ రమాసఖ
విశ్వజనీన హరే విజయీభవ || 11 ||
రాక్షససోదరభీతినివారక
శారదశీతమయూఖముఖాంబుజ |
రావణదారుణవారణదారణ-
-కేసరిపుంగవ దేవ జయీభవ || 12 ||
కాననవానరవీరవనేచర-
-కుంజరసింహమృగాదిషు వత్సల |
శ్రీవరసూరినిరస్తభవాదర
వేంకటశైలపతే విజయీభవ || 13 ||
వాదిసాధ్వసకృత్సూరికథితం స్తవనం మహత్ |
వృషశైలపతేః శ్రేయస్కామో నిత్యం పఠేత్సుధీః || 14 ||

శ్రీ వేంకటేశ విజయార్యా సప్తవిభక్తి స్తోత్రం

శ్రీ వేంకటేశ విజయార్యా సప్తవిభక్తి స్తోత్రం.

Telugu

Read Stotra

శ్రీ వేంకటేశ విజయార్యా సప్తవిభక్తి స్తోత్రం

శ్రీవేంకటాద్రిధామా భూమా భూమాప్రియః కృపాసీమా |
నిరవధికనిత్యమహిమా భవతు జయీ ప్రణతదర్శితప్రేమా || 1 ||
జయ జనతా విమలీకృతిసఫలీకృతసకలమంగళాకార |
విజయీ భవ విజయీ భవ విజయీ భవ వేంకటాచలాధీశ || 2 ||
కమనీయమందహసితం కంచన కందర్పకోటిలావణ్యం |
పశ్యేయమంజనాద్రౌ పుంసాం పూర్వతనపుణ్యపరిపాకం || 3 ||
మరతకమేచకరుచినా మదనాజ్ఞాగంధిమధ్యహృదయేన |
వృషశైలమౌలిసుహృదా మహసా కేనాపి వాసితం జ్ఞేయం || 4 ||
పత్యై నమో వృషాద్రేః కరయుగపరికర్మశంఖచక్రాయ |
ఇతరకరకమలయుగళీదర్శిత-కటిబంధదానముద్రాయ || 5 ||
సాంరాజ్యపిశునమకుటీసుఘటలలాటాత్ సుమంగలా పాంగాత్ |
స్మితరుచిఫుల్లకపోలాదపరో న పరోఽస్తి వేంకటాద్రీశాత్ || 6 ||
సర్వాభరణవిభూషితదివ్యావయవస్య వేంకటాద్రిపతేః |
పల్లవపుష్పవిభూషితకల్పతరోశ్చాపి కా భిదా దృష్టా || 7 ||
లక్ష్మీలలితపదాంబుజలాక్షారసరంజితాయతోరస్కే |
శ్రీవేంకటాద్రినాథే నాథే మమ నిత్యమర్పితో భారః || 8 ||
ఆర్యావృత్తసమేతా సప్తవిభక్తిర్వృషాద్రినాథస్య |
వాదీంద్రభీకృదాఖ్యైరార్యై రచితా జయత్వియం సతతం || 9 ||
ఇతి శ్రీవేంకటేశవిజయార్యాసప్తవిభక్తి స్తోత్రం సంపూర్ణం |

Sign In

OTP Verification

Sacred Stotras & Deities

శ్రీ వేంకటేశ్వర వజ్రకవచ స్తోత్రం

శ్రీ వేంకటేశ్వర శరణాగతి స్తోత్రం (సప్తర్షి కృతం)

శ్రీ వేంకటేశాష్టక స్తోత్రం (ప్రభాకర కృతం)

శ్రీ వేంకటేశ కరావలంబ స్తోత్రం

శ్రీ వేంకటేశ తూణకం

శ్రీ వేంకటేశ ద్వాదశనామ స్తోత్రం

శ్రీ వేంకటేశ దివ్య వర్ణన స్తోత్రం

శ్రీ వేంకటేశ ప్రాతః స్మరణ

శ్రీ వేంకటేశ భుజంగం

శ్రీ వేంకటేశ మంగళాష్టకం

శ్రీ వేంకటేశ విజయ స్తోత్రం

శ్రీ వేంకటేశ విజయార్యా సప్తవిభక్తి స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps