Venkateswara Stotras & Hymns - Read Sacred Verses

శ్రీ వేంకటేశ అష్టకం

శ్రీ వేంకటేశ అష్టకం.

Telugu

శ్రీ వేంకటేశ అష్టకం

వేంకటేశో వాసుదేవః ప్రద్యుంనోఽమితవిక్రమః |
సంకర్షణోఽనిరుద్ధశ్చ శేషాద్రిపతిరేవ చ || 1 ||
జనార్దనః పద్మనాభో వేంకటాచలవాసినః |
సృష్టికర్తా జగన్నాథో మాధవో భక్తవత్సలః || 2 ||
గోవిందో గోపతిః కృష్ణః కేశవో గరుడధ్వజః |
వరాహో వామనశ్చైవ నారాయణ అధోక్షజః || 3 ||
శ్రీధరః పుండరీకాక్షః సర్వదేవస్తుతో హరిః |
శ్రీనృసింహో మహాసింహః సూత్రాకారః పురాతనః || 4 ||
రమానాథో మహీభర్తా భూధరః పురుషోత్తమః |
చోళపుత్రప్రియః శాంతో బ్రహ్మాదీనాం వరప్రదః || 5 ||
శ్రీనిధిః సర్వభూతానాం భయకృద్భయనాశనః |
శ్రీరామో రామభద్రశ్చ భవబంధైకమోచకః || 6 ||
భూతావాసో గిరివాసః శ్రీనివాసః శ్రియః పతిః |
అచ్యుతానంత గోవిందో విష్ణుర్వేంకటనాయకః || 7 ||
సర్వదేవైకశరణం సర్వదేవైకదైవతం |
సమస్తదేవకవచం సర్వదేవశిఖామణిః || 8 ||
ఇతీదం కీర్తితం యస్య విష్ణోరమితతేజసః |
త్రికాలే యః పఠేన్నిత్యం పాపం తస్య న విద్యతే || 9 ||
రాజద్వారే పఠేద్ఘోరే సంగ్రామే రిపుసంకటే |
భూతసర్పపిశాచాదిభయం నాస్తి కదాచన || 10 ||
అపుత్రో లభతే పుత్రాన్ నిర్ధనో ధనవాన్ భవేత్ |
రోగార్తో ముచ్యతే రోగాద్బద్ధో ముచ్యేత బంధనాత్ || 11 ||
యద్యదిష్టతమం లోకే తత్తత్ప్రాప్నోత్యసంశయః |
ఐశ్వర్యం రాజసంమానం భుక్తిముక్తిఫలప్రదం || 12 ||
విష్ణోర్లోకైకసోపానం సర్వదుఃఖైకనాశనం |
సర్వైశ్వర్యప్రదం నౄణాం సర్వమంగళకారకం || 13 ||
మాయావీ పరమానందం త్యక్త్వా వైకుంఠముత్తమం |
స్వామిపుష్కరిణీతీరే రమయా సహ మోదతే || 14 ||
కళ్యాణాద్భుతగాత్రాయ కామితార్థప్రదాయినే |
శ్రీమద్వేంకటనాథాయ శ్రీనివాసాయ తే నమః || 15 ||
ఇతి శ్రీ బ్రహ్మాండపురాణే బ్రహ్మనారదసంవాదే వేంకటగిరిమాహాత్ంయే శ్రీ వేంకటేశ అష్టకం |

శ్రీ శ్రీనివాస గద్యం

శ్రీ శ్రీనివాస గద్యం.

Telugu

Read Stotra

శ్రీ శ్రీనివాస గద్యం

శ్రీమదఖిల మహీమండల మండన ధరణిధర మండలాఖండలస్య, నిఖిల సురాసుర వందిత వరాహక్షేత్ర విభూషణస్య, శేషాచల గరుడాచల వృషభాచల నారాయణాచలాంజనాచలాది శిఖరిమాలాకులస్య, నాథముఖ బోధనిధి వీథిగుణసాభరణ సత్త్వనిధి తత్త్వనిధి భక్తిగుణపూర్ణ శ్రీశైలపూర్ణ గుణవశంవద పరమపురుష కృపాపూర విభ్రమదతుంగశృంగ గలద్గగన గంగాసమాలింగితస్య, సీమాతిగగుణ రామానుజముని నామాంకిత బహుభూమాశ్రయ సురధామాలయ వనరామాయత వనసీమాపరివృత విశంకటతట నిరంతర విజృంభిత భక్తిరస నిర్ఝరానంతార్యాహార్య ప్రస్రవణధారాపూర విభ్రమద సలిలభరభరిత మహాతటాక మండితస్య, కలికర్దమ (మలమర్దన) కలితోద్యమ విలసద్యమ నియమాదిమ మునిగణనిషేవ్యమాణ ప్రత్యక్షీభవన్నిజసలిల (స)మజ్జన నమజ్జన నిఖిలపాపనాశన పాపనాశన తీర్థాధ్యాసితస్య, మురారిసేవక జరాధిపీడిత నిరార్తిజీవన నిరాశభూసుర వరాతిసుందర సురాంగనారతి కరాంగసౌష్ఠవ కుమారతాకృతి కుమారతారక సమాపనోదయ దమానపాతక మహాపదామయ విహాపనోదిత సకలభువనవిదిత కుమారధారాభిధాన తీర్థాధిష్ఠితస్య, ధరణితలగత సకలహత కలిల శుభ సలిలగత బహుళ వివిధమలహతి చతుర రుచిరతర విలోకనమాత్ర విదళిత వివిధ మహాపాతక స్వామిపుష్కరిణీ సమేతస్య, బహుసంకట నరకావట పతదుత్కట కలికంకట కలుషోద్భట జనపాతక వినిపాతక రుచినాటక కరహాటక కలశాహృత కమలారత శుభమజ్జన జలసజ్జన భరిత నిజదురిత హతినిరత జనసతత నిరర్గళపేపీయమాన సలిల సంభృత విశంకట కటాహతీర్థ విభూషితస్య, ఏవమాదిమ భూరిమంజిమ సర్వపాతక గర్వహాపక సింధుడంబర హారిశంబర వివిధవిపుల పుణ్యతీర్థనివహ నివాసస్య, శ్రీమతో వేంకటాచలస్య శిఖరశేఖరమహాకల్పశాఖీ, ఖర్వీభవదతిగర్వీకృత గురుమేర్వీశగిరి ముఖోర్వీ ధర కులదర్వీ కరదయితోర్వీ ధర శిఖరోర్వీ సతత సదూర్వీ కృతిచరణనవఘన గర్వచర్వణ నిపుణ తను కిరణమసృణిత గిరిశిఖర శేఖరతరునికర తిమిరః, వాణీపతి శర్వాణీ దయితేంద్రాణీశ్వర-ముఖనాణీయోరసవేణీ నిభశుభవాణీ నుతమహిమాణీ యస్తర కోణీ భవదఖిల భువనభవనోదరః, వైమానికగురు భూమాధిక గుణరామానుజకృత ధామాకర కర ధామారి దర లలామాచ్ఛకనక దామాయిత నిజరామాలయ నవకిసలయమయ తోరణమాలాయిత వనమాలాధరః, కాలాంబుద మాలానిభ నీలాలక జాలావృత బాలాబ్జ సలీలామల ఫాలాంక సమూలామృత ధారాద్వయావధీరణ ధీరలలితతర విశదతర ఘన ఘనసారమయోర్ధ్వపుండ్ర రేఖాద్వయరుచిరః, సువికస్వర దళభాస్వర కమలోదరగతమేదుర నవకేసర తతిభాసుర పరిపింజర కనకాంబర కలితాదర లలితోదర తదాలంబ జంభరిపు మణిస్తంభ గంభీరి మదంభస్తంభన సముజ్జృంభమాణ పీవరోరుయుగళ తదాలంబ పృథుల కదళీ ముకుళ మదహరణ జంఘాల జంఘాయుగళః, నవ్యదళ భవ్యకల పీతమల శోణిమల సన్మృదుల సత్కిసలయాశ్రుజలకారి బల శోణతల పదకమల నిజాశ్రయ బలబందీకృత శరదిందుమండలీ విభ్రమదాదభ్ర శుభ్ర పునర్భవాధిష్ఠితాంగుళీగాఢ నిపీడిత పద్మాసనః, జానుతలావధి లంబి విడంబిత వారణ శుండాదండ విజృంభిత నీలమణిమయ కల్పకశాఖా విభ్రమదాయి మృణాళలతాయత సముజ్జ్వలతర కనకవలయవేల్లితైకతర బాహుదండయుగళః, యుగపదుదిత కోటి ఖరకర హిమకర మండల జాజ్వల్యమాన సుదర్శన పాంచజన్య సముత్తుంగిత శృంగాపర బాహుయుగళః, అభినవశాణ సముత్తేజిత మహామహా నీలఖండ మదఖండన నిపుణ నవీన పరితప్త కార్తస్వరకవచిత మహనీయ పృథుల సాలగ్రామ పరంపరా గుంఫిత నాభిమండల పర్యంత లంబమాన ప్రాలంబదీప్తి సమాలంబిత విశాలవక్షఃస్థలః, గంగాఝర తుంగాకృతి భంగావళి భంగావహ సౌధావళి బాధావహ ధారానిభ హారావళి దూరాహత గేహాంతర మోహావహ మహిమమసృణిత మహాతిమిరః, పింగాకృతి భృంగారు నిభాంగార దళాంగామల నిష్కాసిత దుష్కార్యఘ నిష్కావళి దీపప్రభ నీపచ్ఛవి తాపప్రద కనకమాలికా పిశంగిత సర్వాంగః, నవదళిత దళవలిత మృదులలిత కమలతతి మదవిహతి చతురతర పృథులతర సరసతర కనకసరమయ రుచిరకంఠికా కమనీయకంఠః, వాతాశనాధిపతిశయన కమన పరిచరణ రతిసమేతాఖిల ఫణధరతతి మతికర కనకమయ నాగాభరణ పరివీతాఖిలాంగావగమిత శయన భూతాహిరాజ జాతాతిశయః, రవికోటీ పరిపాటీ ధరకోటీ రవరాటీ కితవాటీ రసధాటీ ధర మణిగణ కిరణ విసరణ సతతవిధుత తిమిరమోహ గర్భగేహః, అపరిమిత వివిధభువన భరితాఖండ బ్రహ్మాండమండల పిచండిలః, ఆర్యధుర్యానంతార్య పవిత్ర ఖనిత్రపాత పాత్రీకృత నిజచుబుక గతవ్రణకిణ విభూషణవహనసూచిత శ్రితజనవత్సలతాతిశయః, మడ్డుడిండిమ డమరుఝర్ఝర కాహళీ పటహావళీ మృదుమర్దలాలి మృదంగ దుందుభి ఢక్కికాముఖ హృద్యవాద్యక మధురమంగళ నాదమేదుర విసృమర సరస గానరసరుచిర సంతత సంతన్యమాన నిత్యోత్సవ పక్షోత్సవ మాసోత్సవ సంవత్సరోత్సవాది వివిధోత్సవ కృతానందః, శ్రీమదానందనిలయ విమానవాసః, సతత పద్మాలయా పదపద్మరేణు సంచిత వక్షఃస్థల పటవాసః, శ్రీశ్రీనివాసః సుప్రసన్నో విజయతాం |
[*- నాటారభి భూపాల బిలహరి మాయామాళవగౌలా అసావేరీ సావేరీ శుద్ధసావేరీ దేవగాంధారీ ధన్యాసీ బేగడ హిందుస్తానీకాపీ తోడి నాటకురుంజీ శ్రీరాగ సహన అఠాణ సారంగీ దర్బారు పంతువరాళీ వరాళీ కల్యాణీ పూరికల్యాణీ యమునాకల్యాణీ హుశేనీ జంఝోఠీ కౌమారీ కన్నడ ఖరహరప్రియా కలహంస నాదనామక్రియా ముఖారీ తోడీ పున్నాగవరాలీ కాంభోది భైరవీ యదుకులకాంభోది ఆనందభైరవీ శంకరాభరణ మోహన రేగుప్తీ సౌరాష్ట్రీ నీలాంబరీ గుణక్రియా మేఘగర్జనీ హంసధ్వనీ శోకవరాళీ మధ్యమావతీ శెంజురుటీ సురటీ ద్విజావంతీ మలయాంబరీ కాపీ పరశు ధనాసరీ దేశికతోడీ ఆహిరీ వసంతగౌలీ కేదారగౌలా కనకాంగీ రత్నాంగీ గానమూర్తీ వనస్పతీ వాచస్పతీ దానవతీ రూపవతీ మానరూపీ సేనాపతీ హనుమత్తోడీ ధేనుకా నాటకప్రియా కోకిలప్రియా గాయకప్రియా వకుళాభరణ చక్రవాక సూర్యకాంత హాటకాంబరీ ఝంకారధ్వని నటభైరవీ గీర్వాణీ హరికాంభోది ధీరశంకరాభరణ నాగానందినీ యాగప్రియా విసృమర సరసగాన రసేత్యాది సంతత సంతన్యమాన నిత్యోత్సవ పక్షోత్సవ మాసోత్సవ సంవత్సరోత్సవాది వివిధోత్సవ కృతానందః, శ్రీమదానందనిలయవాసః, సతత పద్మాలయా పదపద్మరేణు సంచిత వక్షఃస్థల పటవాసః, శ్రీశ్రీనివాసః సుప్రసన్నో విజయతాం |
—
శ్రీ అలర్మేల్మంగా సమేత శ్రీశ్రీనివాసస్వామీ సుప్రీతః సుప్రసన్నో వరదో భూత్వా,
పనస పాటలీ పాలాశ బిల్వ పున్నాగ చూత కదళీ చందన చంపక మంజుళ మందార హింతాలాది తిలక మాతులుంగ నారికేళ క్రౌంచాశోక మాధూకామలక హిందుక నాగకేతక పూర్ణకుంద పూర్ణగంధ రసకంద వన వంజుళఖర్జూర సాల కోవిదార హింతాల పనస వికట వైకస వరుణ తరూణఘమరణ విచుళంకాశ్వత్థ యక్షవసుధ వర్మాధ మంత్రిణీ తింత్రిణీ బోధ న్యగ్రోధ ఘటపటల జంబూమతల్లీ వీరతచుల్లీ వసతి వాసతీ (వాతంగీ) జీవనీ పోషణీ ప్రముఖ నిఖిల సందోహ తమాల మాలామహిత విరాజమాన చషక మయూర హంస భారద్వాజ కోకిల చక్రవాక కపోత గరుడ నారాయణ నానావిధ పక్షిజాతి సమూహ బ్రహ్మ క్షత్రియ వైశ్య శూద్ర నానా జాత్యుద్భవ దేవతానిర్మాణ మాణిక్య వజ్ర వైడూర్య గోమేదిక పుష్యరాగ పద్మరాగేంద్రప్రవాళ మౌక్తిక స్ఫటిక హేమరత్న ఖచిత ధగద్ధగాయమాన రథగజతురగ పదాతి సేవాసమూహ భేరీ మర్దల మురవక ఝల్లరీ శంఖ కాహల నృత్య గీత తాళ వాద్య కుంభవాద్య పంచముఖవాద్య అహమీమార్గన్నటీవాద్య కిటికుంతలవాద్య సురటీచౌండోవాద్య తిమిలక వితాలవాద్య తక్కరాగ్రవాద్య ఘంటాతాడన బ్రహ్మతాళ సమతాళ కొట్టరీతాళ ఢక్కరీతాళ ఎక్కాళధారావాద్య పటహకాంశ్యవాద్య భరతనాట్యాలంకార కిన్నర కింపురుష రుద్రవీణా ముఖవీణా వాయువీణా తుంబురువీణా గాంధర్వ(వీణా) నారదవీణా సర్వమండల రావణ హస్తవీణాస్తలంక్రియాలంక్రియాలంకృతానేకవిధ వాద్య వాపీకూప తటాకాది గంగా యమునా రేవావరుణా శోణనదీ శోభనదీ సువర్ణముఖీ వేగవతీ వేత్రవతీ క్షీరనదీ బాహునదీ గరుడనదీ కావేరీ తాంరపర్ణీ ప్రముఖాః మహాపుణ్య నద్యః సకలతీర్థైస్సహోభయ కూలంగత సదాప్రవాహ ఋగ్యజుస్సామాథర్వణ వేద శాస్త్రేతిహాస పురాణ సకలవిద్యా ఘోష భానుకోటిప్రకాశ చంద్రకోటిసమాన నిత్యకళ్యాణ పరంపరోత్తరాభివృద్ధిర్భూయాదితి భవంతో మహాంతోఽనుగృహ్ణంతు, బ్రహ్మణ్యో రాజా ధార్మికోఽస్తు, దేశోఽయం నిరుపద్రవోఽస్తు, సర్వే సాధుజనాస్సుఖినో విలసంతు, సమస్త సన్మంగళాని సంతు, ఉత్తరోత్తరాభివృద్ధిరస్తు, సకలకళ్యాణ సమృద్ధిరస్తు | -*]

శ్రీ శ్రీనివాస తారావళీ (శ్రీదేవశర్మ కృతం)

శ్రీ శ్రీనివాస తారావళీ (శ్రీదేవశర్మ కృతం).

Telugu

Read Stotra

శ్రీ శ్రీనివాస తారావళీ (శ్రీదేవశర్మ కృతం)

శ్రీవేంకటేశం లక్ష్మీశమనిష్టఘ్నమభీష్టదం |
చతుర్ముఖాఖ్యతనయం శ్రీనివాసం భజేఽనిశం || 1 ||
యదపాంగలవేనైవ బ్రహ్మాద్యాః స్వపదం యయుః |
మహారాజాధిరాజం తం శ్రీనివాసం భజేఽనిశం || 2 ||
అనంతవేదసంవేద్యం నిర్దోషం గుణసాగరం |
అతీంద్రియం నిత్యముక్తం శ్రీనివాసం భజేఽనిశం || 3 ||
స్మరణాత్సర్వపాపఘ్నం స్తవనాదిష్టవర్షిణం |
దర్శనాత్ ముక్తిదం చేశం శ్రీనివాసం భజేఽనిశం || 4 ||
అశేషశయనం శేషశయనం శేషశాయినం |
శేషాద్రీశమశేషం చ శ్రీనివాసం భజేఽనిశం || 5 ||
భక్తానుగ్రాహకం విష్ణుం సుశాంతం గరుడధ్వజం |
ప్రసన్నవక్త్రనయనం శ్రీనివాసం భజేఽనిశం || 6 ||
భక్తభక్తిసుపాశేనబద్ధసత్పాదపంకజం |
సనకాదిధ్యానగంయం శ్రీనివాసం భజేఽనిశం || 7 ||
గంగాదితీర్థజనకపాదపద్మం సుతారకం |
శంఖచక్రాఽభయవరం శ్రీనివాసం భజేఽనిశం || 8 ||
సువర్ణముఖితీరస్థం సువర్ణేడ్యం సువర్ణదం |
సువర్ణాభం సువర్ణాంగం శ్రీనివాసం భజేఽనిశం || 9 ||
శ్రీవత్సవక్షసం శ్రీశం శ్రీలోలం శ్రీకరగ్రహం |
శ్రీమంతం శ్రీనిధిం శ్రీడ్యం శ్రీనివాసం భజేఽనిశం || 10 ||
వైకుంఠవాసం వైకుంఠత్యాగం వైకుంఠసోదరం |
వైకుంఠదం వికుంఠాజం శ్రీనివాసం భజేఽనిశం || 11 ||
వేదోద్ధారం మత్స్యరూపం స్వచ్ఛాకారం యదృచ్ఛయా |
సత్యవ్రతోద్ధారం సత్యం శ్రీనివాసం భజేఽనిశం || 12 ||
మహాగాధ జలాధారం కచ్ఛపం మందరోద్ధరం |
సుందరాంగం చ గోవిందం శ్రీనివాసం భజేఽనిశం || 13 ||
వరం శ్వేతవరాహాఖ్యం సంహారం ధరణీధరం |
స్వదంష్ట్రాభ్యాం ధరోద్ధారం శ్రీనివాసం భజేఽనిశం || 14 ||
ప్రహ్లాదాహ్లాదకం లక్ష్మీనృసింహం భక్తవత్సలం |
దైత్యమత్తేభదమనం శ్రీనివాసం భజేఽనిశం || 15 ||
( నమస్తే వాసుదేవాయ నమః సంకర్షణాయ చ |
వామనాయ నమస్తుభ్యం శ్రీనివాస స్వరూపిణే || )
వామనం వామనం పూర్ణకామం భానవమాణవం |
మాయినం బలిసంమోహం శ్రీనివాసం భజేఽనిశం || 16 ||
చంద్రాననం కుందదంతం కురాజఘ్నం కుఠారిణం |
సుకుమారం భృగుఋషేః శ్రీనివాసం భజేఽనిశం || 17 ||
శ్రీరామం దశదిగ్వ్యాప్తం దశేంద్రియనియామకం |
దశాస్యఘ్నం దాశరథిం శ్రీనివాసం భజేఽనిశం || 18 ||
గోవర్ధనోద్ధరం బాలం వాసుదేవం యదూత్తమం |
దేవకీతనయం కృష్ణం శ్రీనివాసం భజేఽనిశం || 19 ||
నందనందనమానందం ఇంద్రనీలం నిరంజనం |
శ్రీయశోదాయశోదం చ శ్రీనివాసం భజేఽనిశం || 20 ||
గోబృందావనగం బృందావనగం గోకులాధిపం |
ఉరుగాయం జగన్మోహం శ్రీనివాసం భజేఽనిశం || 21 ||
పారిజాతహరం పాపహరం గోపీమనోహరం |
గోపీవస్త్రహరం గోపం శ్రీనివాసం భజేఽనిశం || 22 ||
కంసాంతకం శంసనీయం సశాంతం సంసృతిచ్ఛిదం |
సంశయచ్ఛేదిసంవేద్యం శ్రీనివాసం భజేఽనిశం || 23 ||
కృష్ణాపతిం కృష్ణగురుం కృష్ణామిత్రమభీష్టదం |
కృష్ణాత్మకం కృష్ణసఖం శ్రీనివాసం భజేఽనిశం || 24 ||
కృష్ణాఽహిమర్దనం గోపైః కృష్ణోపవనలోలుపం |
కృష్ణాతాతం మహోత్కృష్టం శ్రీనివాసం భజేఽనిశం || 25 ||
బుద్ధం సుబోధం దుర్బోధం బోధాత్మానం బుధప్రియం |
విబుధేశం బుధైర్బోధ్యం శ్రీనివాసం భజేఽనిశం || 26 ||
కల్కినం తురగారూఢం కలికల్మషనాశనం |
కళ్యాణదం కలిఘ్నం చ శ్రీనివాసం భజేఽనిశం || 27 ||
శ్రీవేంకటేశం మత్స్వామిన్ జ్ఞానానంద దయానిధే |
భక్తవత్సల భో విశ్వకుటుంబిన్నధునాఽవ మాం || 28 ||
అనంత వేదసంవేద్య లక్ష్మీనాథాండకారణ |
జ్ఞానానందైశ్వర్యపూర్ణ నమస్తే కరుణాకర || 29 ||
ఇతి శ్రీ దేవశర్మ కృత శ్రీ శ్రీనివాస తారావళీ |

శ్రీ శ్రీనివాస స్మరణ (మనసా స్మరామి)

శ్రీ శ్రీనివాస స్మరణ (మనసా స్మరామి).

Telugu

Read Stotra

శ్రీ శ్రీనివాస స్మరణ (మనసా స్మరామి)

శ్రీ శ్రీనివాస స్తుతిః (స్కాందపురాణే)

శ్రీ శ్రీనివాస స్తుతిః (స్కాందపురాణే).

Telugu

Read Stotra

శ్రీ శ్రీనివాస స్తుతిః (స్కాందపురాణే)

నమో దేవాధిదేవాయ వేంకటేశాయ శార్ఙ్గిణే |
నారాయణాద్రివాసాయ శ్రీనివాసాయ తే నమః || 1 ||
నమః కల్మషనాశాయ వాసుదేవాయ విష్ణవే |
శేషాచలనివాసాయ శ్రీనివాసాయ తే నమః || 2 ||
నమస్త్రైలోక్యనాథాయ విశ్వరూపాయ సాక్షిణే |
శివబ్రహ్మాదివంద్యాయ శ్రీనివాసాయ తే నమః || 3 ||
నమః కమలనేత్రాయ క్షీరాబ్ధిశయనాయ తే |
దుష్టరాక్షససంహర్త్రే శ్రీనివాసాయ తే నమః || 4 ||
భక్తప్రియాయ దేవాయ దేవానాం పతయే నమః |
ప్రణతార్తివినాశాయ శ్రీనివాసాయ తే నమః || 5 ||
యోగినాం పతయే నిత్యం వేదవేద్యాయ విష్ణవే |
భక్తానాం పాపసంహర్త్రే శ్రీనివాసాయ తే నమః || 6 ||
ఇతి శ్రీస్కాందపురాణే వేంకటాచలమాహాత్ంయే త్రయోవింశోఽధ్యాయే పద్మనాభాఖ్యద్విజ కృత శ్రీనివాస స్తుతిః |

శ్రీ వేంకటేశ్వర అష్టోత్తరశతనామ స్తోత్రం 1

శ్రీ వేంకటేశ్వర అష్టోత్తరశతనామ స్తోత్రం 1.

Telugu

Read Stotra

శ్రీ వేంకటేశ్వర అష్టోత్తరశతనామ స్తోత్రం 1

ధ్యానం |
శ్రీ వేంకటాచలాధీశం శ్రియాధ్యాసితవక్షసం |
శ్రితచేతనమందారం శ్రీనివాసమహం భజే ||
మునయ ఊచుః |
సూత సర్వార్థతత్త్వజ్ఞ సర్వవేదాంతపారగ |
యేన చారాధితః సద్యః శ్రీమద్వేంకటనాయకః || 1 ||
భవత్యభీష్టసర్వార్థప్రదస్తద్బ్రూహి నో మునే |
ఇతి పృష్టస్తదా సూతో ధ్యాత్వా స్వాత్మని తత్ క్షణాత్ ||
ఉవాచ మునిశార్దూలాన్ శ్రూయతామితి వై మునిః || 2 ||
శ్రీసూత ఉవాచ |
అస్తి కించిన్మహద్గోప్యం భగవత్ప్రీతికారకం |
పురా శేషేణ కథితం కపిలాయ మహాత్మనే || 3 ||
నాంనామష్టశతం పుణ్యం పవిత్రం పాపనాశనం |
ఆదాయ హేమపద్మాని స్వర్ణదీసంభవాని చ || 4 ||
బ్రహ్మా తు పూర్వమభ్యర్చ్య శ్రీమద్వేంకటనాయకం |
అష్టోత్తరశతైర్దివ్యైర్నామభిర్మునిపూజితైః || 5 ||
స్వాభీష్టం లబ్ధవాన్ బ్రహ్మా సర్వలోకపితామహః |
భవద్భిరపి పద్మైశ్చ సమర్చ్యస్తైశ్చ నామభిః || 6 ||
తేషాం శేషనగాధీశమానసోల్లాసకారిణాం |
నాంనామష్టశతం వక్ష్యే వేంకటాద్రినివాసినః || 7 ||
ఆయురారోగ్యదం పుంసాం ధనధాన్యసుఖప్రదం |
జ్ఞానప్రదం విశేషేణ మహదైశ్వర్యకారకం || 8 ||
అర్చయేన్నామభిర్దివ్యైః వేంకటేశపదాంకితైః |
నాంనామష్టశతస్యాస్య ఋషిర్బ్రహ్మా ప్రకీర్తితః || 9 ||
ఛందోఽనుష్టుప్తథా దేవో వేంకటేశ ఉదాహృతః |
నీలగోక్షీరసంభూతో బీజమిత్యుచ్యతే బుధైః || 10 ||
శ్రీనివాసస్తథా శక్తిర్హృదయం వేంకటాధిపః |
వినియోగస్తథాఽభీష్టసిద్ధ్యర్థే చ నిగద్యతే || 11 ||
(స్తోత్రం)
ఓం నమో వేంకటేశాయ శేషాద్రినిలయాయ చ |
వృషదృగ్గోచరాయాఽథ విష్ణవే సతతం నమః || 12 ||
సదంజనగిరీశాయ వృషాద్రిపతయే నమః |
మేరుపుత్రగిరీశాయ సరఃస్వామితటీజుషే || 13 ||
కుమారాకల్పసేవ్యాయ వజ్రిదృగ్విషయాయ చ |
సువర్చలాసుతన్యస్తసైనాపత్యభరాయ చ || 14 ||
రామాయ పద్మనాభాయ సదావాయుస్తుతాయ చ |
త్యక్తవైకుంఠలోకాయ గిరికుంజవిహారిణే || 15 ||
హరిచందనగోత్రేంద్రస్వామినే సతతం నమః |
శంఖరాజన్యనేత్రాబ్జవిషయాయ నమో నమః || 16 ||
వసూపరిచరత్రాత్రే కృష్ణాయ సతతం నమః |
అబ్ధికన్యాపరిష్వక్తవక్షసే వేంకటాయ చ || 17 ||
సనకాదిమహాయోగిపూజితాయ నమో నమః |
దేవజిత్ప్రముఖానంతదైత్యసంఘప్రణాశినే || 18 ||
శ్వేతద్వీపవసన్ముక్తపూజితాంఘ్రియుగాయ చ |
శేషపర్వతరూపత్వప్రకాశనపరాయ చ || 19 ||
సానుస్థాపితతార్క్ష్యాయ తార్క్ష్యాచలనివాసినే |
మాయాగూఢవిమానాయ గరుడస్కంధవాసినే || 20 ||
అనంతశిరసే నిత్యమనంతాక్షాయ తే నమః |
అనంతచరణాయాఽథ శ్రీశైలనిలయాయ చ || 21 ||
దామోదరాయ తే నిత్యం నీలమేఘనిభాయ చ |
బ్రహ్మాదిదేవదుర్దర్శవిశ్వరూపాయ తే నమః || 22 ||
వైకుంఠాగతసద్ధేమవిమానాంతర్గతాయ చ |
అగస్త్యాభ్యర్థితాశేషజనదృగ్గోచరాయ చ || 23 ||
వాసుదేవాయ హరయే తీర్థపంచకవాసినే |
వామదేవప్రియాయాఽథ జనకేష్టప్రదాయ చ || 24 ||
మార్కండేయమహాతీర్థజాతపుణ్యప్రదాయ చ |
వాక్పతిబ్రహ్మదాత్రే చ చంద్రలావణ్యదాయినే || 25 ||
నారాయణనగేశాయ బ్రహ్మక్లుప్తోత్సవాయ చ |
శంఖచక్రవరానంరలసత్కరతలాయ చ || 26 ||
ద్రవన్మృగమదాసక్తవిగ్రహాయ నమో నమః |
కేశవాయ నమో నిత్యం నిత్యయౌవనమూర్తయే || 27 ||
అర్థితార్థప్రదాత్రే చ విశ్వతీర్థాఘహారిణే |
తీర్థస్వామిసరస్స్నాతజనాభీష్టప్రదాయినే || 28 ||
కుమారధారికావాసస్కందాభీష్టప్రదాయ చ |
జానుదఘ్నసమద్భూతపోత్రిణే కూర్మమూర్తయే || 29 ||
కిన్నరద్వంద్వశాపాంతప్రదాత్రే విభవే నమః |
వైఖానసమునిశ్రేష్ఠపూజితాయ నమో నమః || 30 ||
సింహాచలనివాసాయ శ్రీమన్నారాయణాయ చ |
సద్భక్తనీలకంఠార్చ్యనృసింహాయ నమో నమః || 31 ||
కుముదాక్షగణశ్రేష్ఠసైనాపత్యప్రదాయ చ |
దుర్మేధఃప్రాణహర్త్రే చ శ్రీధరాయ నమో నమః || 32 ||
క్షత్రియాంతకరామాయ మత్స్యరూపాయ తే నమః |
పాండవారిప్రహర్త్రే చ శ్రీకరాయ నమో నమః || 33 ||
ఉపత్యకాప్రదేశస్థశంకరధ్యాతమూర్తయే |
రుక్మాబ్జసరసీకూలలక్ష్మీకృతతపస్వినే || 34 ||
లసల్లక్ష్మీకరాంభోజదత్తకల్హారకస్రజే |
శాలగ్రామనివాసాయ శుకదృగ్గోచరాయ చ || 35 ||
నారాయణార్థితాశేషజనదృగ్విషయాయ చ |
మృగయారసికాయాఽథ వృషభాసురహారిణే || 36 ||
అంజనాగోత్రపతయే వృషభాచలవాసినే |
అంజనాసుతదాత్రే చ మాధవీయాఘహారిణే || 37 ||
ప్రియంగుప్రియభక్షాయ శ్వేతకోలవరాయ చ |
నీలధేనుపయోధారాసేకదేహోద్భవాయ చ || 38 |
శంకరప్రియమిత్రాయ చోళపుత్రప్రియాయ చ |
సుధర్మిణీసుచైతన్యప్రదాత్రే మధుఘాతినే || 39 ||
కృష్ణాఖ్యవిప్రవేదాంతదేశికత్వప్రదాయ చ |
వరాహాచలనాథాయ బలభద్రాయ తే నమః || 40 ||
త్రివిక్రమాయ మహతే హృషీకేశాయ తే నమః |
అచ్యుతాయ నమో నిత్యం నీలాద్రినిలయాయ చ || 41 ||
నమః క్షీరాబ్ధినాథాయ వైకుంఠాచలవాసినే |
ముకుందాయ నమో నిత్యమనంతాయ నమో నమః || 42 ||
విరించాభ్యర్థితానీతసౌంయరూపాయ తే నమః |
సువర్ణముఖరీస్నాతమనుజాభీష్టదాయినే || 43 ||
హలాయుధజగత్తీర్థసమస్తఫలదాయినే |
గోవిందాయ నమో నిత్యం శ్రీనివాసాయ తే నమః || 44 ||
—
అష్టోత్తరశతం నాంనాం చతుర్థ్యా నమసాఽన్వితం |
యః పఠేచ్ఛృణుయాన్నిత్యం శ్రద్ధాభక్తిసమన్వితః || 45 ||
తస్య శ్రీవేంకటేశస్తు ప్రసన్నో భవతి ధ్రువం |
అర్చనాయాం విశేషేణ గ్రాహ్యమష్టోత్తరం శతం || 46 ||
వేంకటేశాభిధేయైర్యో వేంకటాద్రినివాసినం |
అర్చయేన్నామభిస్తస్య ఫలం ముక్తిర్న సంశయః || 46 ||
గోపనీయమిదం స్తోత్రం సర్వేషాం న ప్రకాశయేత్ |
శ్రద్ధాభక్తియుజామేవ దాపయేన్నామసంగ్రహం || 48 ||
ఇతి శేషేణ కథితం కపిలాయ మహాత్మనే |
కపిలాఖ్యమహాయోగిసకాశాత్తు మయా శ్రుతం |
తదుక్తం భవతామద్య సద్యః ప్రీతికరం హరేః || 49 ||
ఇతి శ్రీవరాహపురాణే శ్రీవేంకటాచలమాహాత్ంయే శ్రీవేంకటేశాష్టోత్తరశతనామ స్తోత్రం ||

శ్రీ వేంకటేశ్వర అష్టోత్తరశతనామావళిః 2

శ్రీ వేంకటేశ్వర అష్టోత్తరశతనామావళిః 2.

Telugu

Read Stotra

శ్రీ వేంకటేశ్వర అష్టోత్తరశతనామావళిః 2

శ్రీ వేంకటేశ్వర అష్టోత్తరశతనామావళిః 3

శ్రీ వేంకటేశ్వర అష్టోత్తరశతనామావళిః 3.

Telugu

Read Stotra

శ్రీ వేంకటేశ్వర అష్టోత్తరశతనామావళిః 3

శ్రీ వేంకటేశ సహస్రనామ స్తోత్రం

శ్రీ వేంకటేశ సహస్రనామ స్తోత్రం.

Telugu

Read Stotra

శ్రీ వేంకటేశ సహస్రనామ స్తోత్రం

శ్రీవసిష్ఠ ఉవాచ |
భగవన్ కేన విధినా నామభిర్వేంకటేశ్వరం |
పూజయామాస తం దేవం బ్రహ్మా తు కమలైః శుభైః || 1 ||
పృచ్ఛామి తాని నామాని గుణయోగపరాణి కిం |
ముఖ్యవృత్తీని కిం బ్రూహి లక్షకాణ్యథవా హరేః || 2 ||
నారద ఉవాచ |
నామాన్యనంతాని హరేః గుణయోగాని కాని చిత్ |
ముఖ్యవృత్తీని చాన్యాని లక్షకాణ్యపరాణి చ || 3 ||
పరమార్థైః సర్వశబ్దైరేకో జ్ఞేయః పరః పుమాన్ |
ఆదిమధ్యాంతరహితస్త్వవ్యక్తోఽనంతరూపభృత్ || 4 ||
చంద్రార్కవహ్నివాయ్వాద్యా గ్రహర్క్షాణి నభో దిశః |
అన్వయవ్యతిరేకాభ్యాం సంతి నో సంతి యన్మతేః || 5 ||
తస్య దేవస్య నాంనాం హి పారం గంతుం హి కః క్షమః |
తథాఽపి చాభిధానాని వేంకటేశస్య కానిచిత్ || 6 ||
బ్రహ్మగీతాని పుణ్యాని తాని వక్ష్యామి సువ్రత |
యదుచ్చారణమాత్రేణ విముక్తాఘః పరం వ్రజేత్ || 7 ||
వేంకటేశస్య నాంనాం హి సహస్రస్య ఋషిర్విధిః |
ఛందోఽనుష్టుప్తథా దేవః శ్రీవత్సాంకో రమాపతిః || 8 ||
బీజభూతస్తథోంకారో హ్రీం క్లీం శక్తిశ్చ కీలకం |
ఓం నమో వేంకటేశాయేత్యాదిర్మంత్రోఽత్ర కథ్యతే || 9 ||
బ్రహ్మాండగర్భః కవచమస్త్రం చక్రగదాధరః |
వినియోగోఽభీష్టసిద్ధౌ హృదయం సామగాయనః || 10 ||
అస్య శ్రీ వేంకటేశ సహస్రనామ స్తోత్ర మహామంత్రస్య బ్రహ్మా ఋషిః అనుష్టుప్ ఛందః శ్రీవత్సాంకో రమాపతిర్దేవతా ఓం బీజం హ్రీం శక్తిః క్లీం కీలకం బ్రహ్మాండగర్భ ఇతి కవచం చక్రగదాధర ఇత్యస్త్రం సామగానమితి హృదయం ఓం నమో వేంకటేశాయేత్యాదిర్మంత్రః శ్రీ వేంకటేశ ప్రీత్యర్థే జపే వినియోగః ||
ధ్యానం |
భాస్వచ్చంద్రమసౌ యదీయనయనే భార్యా యదీయా రమా
యస్మాద్విశ్వసృడప్యభూద్యమికులం యద్ధ్యానయుక్తం సదా
నాథో యో జగతాం నగేంద్రదుహితుర్నాథోఽపి యద్భక్తిమాన్
తాతో యో మదనస్య యో దురితహా తం వేంకటేశం భజే ||
ఊర్ధ్వౌ హస్తౌ యదీయౌ సురరిపుదళనే బిభ్రతౌ శంఖచక్రే
సేవ్యావంఘ్రీ స్వకీయావభిదధదధరో దక్షిణో యస్య పాణిః |
తావన్మాత్రం భవాబ్ధిం గమయతి భజతామూరుగో వామపాణిః
శ్రీవత్సాంకశ్చ లక్ష్మీర్యదురసి లసతస్తం భజే వేంకటేశం ||
ఇతి ధ్యాయన్ వేంకటేశం శ్రీవత్సాంకం రమాపతిం |
వేంకటేశో విరూపాక్ష ఇత్యారభ్య జపేత్క్రమాత్ ||
(స్తోత్రం)
ఓం వేంకటేశో విరూపాక్షో విశ్వేశో విశ్వభావనః |
విశ్వసృడ్విశ్వసంహర్తా విశ్వప్రాణో విరాడ్వపుః || 1 ||
శేషాద్రినిలయోఽశేషభక్తదుఃఖప్రణాశనః |
శేషస్తుత్యః శేషశాయీ విశేషజ్ఞో విభుః స్వభూః || 2 ||
విష్ణుర్జిష్ణుశ్చ వర్ధిష్ణురుత్సహిష్ణుః సహిష్ణుకః |
భ్రాజిష్ణుశ్చ గ్రసిష్ణుశ్చ వర్తిష్ణుశ్చ భరిష్ణుకః || 3 ||
కాలయంతా కాలగోప్తా కాలః కాలాంతకోఽఖిలః |
కాలగంయః కాలకంఠవంద్యః కాలకలేశ్వరః || 4 ||
శంభుః స్వయంభూరంభోజనాభిః స్తంభితవారిధిః |
అంభోధినందినీజానిః శోణాంభోజపదప్రభః || 5 ||
కంబుగ్రీవః శంబరారిరూపః శంబరజేక్షణః |
బింబాధరో బింబరూపీ ప్రతిబింబక్రియాతిగః || 6 ||
గుణవాన్ గుణగంయశ్చ గుణాతీతో గుణప్రియః |
దుర్గుణధ్వంసకృత్సర్వసుగుణో గుణభాసకః || 7 ||
పరేశః పరమాత్మా చ పరంజ్యోతిః పరా గతిః |
పరం పదం వియద్వాసాః పారంపర్యశుభప్రదః || 8 ||
బ్రహ్మాండగర్భో బ్రహ్మణ్యో బ్రహ్మసృడ్బ్రహ్మబోధితః |
బ్రహ్మస్తుత్యో బ్రహ్మవాదీ బ్రహ్మచర్యపరాయణః || 9 ||
సత్యవ్రతార్థసంతుష్టః సత్యరూపీ ఝషాంగవాన్ |
సోమకప్రాణహారీ చాఽఽనీతాంనాయోఽబ్ధిసంచరః || 10 ||
దేవాసురవరస్తుత్యః పతన్మందరధారకః |
ధన్వంతరిః కచ్ఛపాంగః పయోనిధివిమంథకః || 11 ||
అమరామృతసంధాతా ధృతసం‍మోహినీవపుః |
హరమోహకమాయావీ రక్షస్సందోహభంజనః || 12 ||
హిరణ్యాక్షవిదారీ చ యజ్ఞో యజ్ఞవిభావనః |
యజ్ఞీయోర్వీసముద్ధర్తా లీలాక్రోడః ప్రతాపవాన్ || 13 ||
దండకాసురవిధ్వంసీ వక్రదంష్ట్రః క్షమాధరః |
గంధర్వశాపహరణః పుణ్యగంధో విచక్షణః || 14 ||
కరాలవక్త్రః సోమార్కనేత్రః షడ్గుణవైభవః |
శ్వేతఘోణీ ఘూర్ణితభ్రూర్ఘుర్ఘురధ్వనివిభ్రమః || 15 ||
ద్రాఘీయాన్ నీలకేశీ చ జాగ్రదంబుజలోచనః |
ఘృణావాన్ ఘృణిసంమోహో మహాకాలాగ్నిదీధితిః || 16 ||
జ్వాలాకరాళవదనో మహోల్కాకులవీక్షణః |
సటానిర్భిన్నమేఘౌఘో దంష్ట్రారుగ్వ్యాప్తదిక్తటః || 17 ||
ఉచ్ఛ్వాసాకృష్టభూతేశో నిశ్శ్వాసత్యక్తవిశ్వసృట్ |
అంతర్భ్రమజ్జగద్గర్భోఽనంతో బ్రహ్మకపాలహృత్ || 18 ||
ఉగ్రో వీరో మహావిష్ణుర్జ్వలనః సర్వతోముఖః |
నృసింహో భీషణో భద్రో మృత్యుమృత్యుః సనాతనః || 19 ||
సభాస్తంభోద్భవో భీమః శీరోమాలీ మహేశ్వరః |
ద్వాదశాదిత్యచూడాలః కల్పధూమసటాచ్ఛవిః || 20 ||
హిరణ్యకోరఃస్థలభిన్నఖః సింహముఖోఽనఘః |
ప్రహ్లాదవరదో ధీమాన్ భక్తసంఘప్రతిష్ఠితః || 21 ||
బ్రహ్మరుద్రాదిసంసేవ్యః సిద్ధసాధ్యప్రపూజితః |
లక్ష్మీనృసింహో దేవేశో జ్వాలాజిహ్వాంత్రమాలికః || 22 ||
ఖడ్గీ ఖేటీ మహేష్వాసీ కపాలీ ముసలీ హలీ |
పాశీ శూలీ మహాబాహుర్జ్వరఘ్నో రోగలుంఠకః || 23 ||
మౌంజీయుక్ ఛాత్రకో దండీ కృష్ణాజినధరో వటుః |
అధీతవేదో వేదాంతోద్ధారకో బ్రహ్మనైష్ఠికః || 24 ||
అహీనశయనప్రీతః ఆదితేయోఽనఘో హరిః |
సంవిత్ప్రియః సామవేద్యో బలివేశ్మప్రతిష్ఠితః || 25 ||
బలిక్షాలితపాదాబ్జో వింధ్యావలివిమానితః |
త్రిపాదభూమిస్వీకర్తా విశ్వరూపప్రదర్శకః || 26 ||
ధృతత్రివిక్రమః స్వాంఘ్రినఖభిన్నాండఖర్పరః |
పజ్జాతవాహినీధారాపవిత్రితజగత్త్రయః || 27 ||
విధిసంమానితః పుణ్యో దైత్యయోద్ధా జయోర్జితః |
సురరాజ్యప్రదః శుక్రమదహృత్సుగతీశ్వరః || 28 ||
జామదగ్న్యః కుఠారీ చ కార్తవీర్యవిదారణః |
రేణుకాయాః శిరోహారీ దుష్టక్షత్రియమర్దనః || 29 ||
వర్చస్వీ దానశీలశ్చ ధనుష్మాన్ బ్రహ్మవిత్తమః |
అత్యుదగ్రః సమగ్రశ్చ న్యగ్రోధో దుష్టనిగ్రహః || 30 ||
రవివంశసముద్భూతో రాఘవో భరతాగ్రజః |
కౌసల్యాతనయో రామో విశ్వామిత్రప్రియంకరః || 31 ||
తాటకారిః సుబాహుఘ్నో బలాతిబలమంత్రవాన్ |
అహల్యాశాపవిచ్ఛేదీ ప్రవిష్టజనకాలయః || 32 ||
స్వయంవరసభాసంస్థ ఈశచాపప్రభంజనః |
జానకీపరిణేతా చ జనకాధీశసంస్తుతః || 33 ||
జమదగ్నితనూజాతయోద్ధాఽయోధ్యాధిపాగ్రణీః |
పితృవాక్యప్రతీపాలస్త్యక్తరాజ్యః సలక్ష్మణః || 34 ||
ససీతశ్చిత్రకూటస్థో భరతాహితరాజ్యకః |
కాకదర్పప్రహర్తా చ దండకారణ్యవాసకః || 35 ||
పంచవట్యాం విహారీ చ స్వధర్మపరిపోషకః |
విరాధహాఽగస్త్యముఖ్యమునిసంమానితః పుమాన్ || 36 ||
ఇంద్రచాపధరః ఖడ్గధరశ్చాక్షయసాయకః |
ఖరాంతకో దూషణారిస్త్రిశిరస్కరిపుర్వృషః || 37 ||
తతః శూర్పణఖానాసాచ్ఛేత్తా వల్కలధారకః |
జటావాన్ పర్ణశాలాస్థో మారీచబలమర్దకః || 38 ||
పక్షిరాట్కృతసంవాదో రవితేజా మహాబలః |
శబర్యానీతఫలభుక్ హనూమత్పరితోషితః || 39 ||
సుగ్రీవాఽభయదో దైత్యకాయక్షేపణభాసురః |
సప్తతాలసముచ్ఛేత్తా వాలిహృత్కపిసంవృతః || 40 ||
వాయుసూనుకృతాసేవస్త్యక్తపంపః కుశాసనః |
ఉదన్వత్తీరగః శూరో విభీషణవరప్రదః || 41 ||
సేతుకృద్దైత్యహా ప్రాప్తలంకోఽలంకారవాన్ స్వయం |
అతికాయశిరశ్ఛేత్తా కుంభకర్ణవిభేదనః || 42 ||
దశకంఠశిరోధ్వంసీ జాంబవత్ప్రముఖావృతః |
జానకీశః సురాధ్యక్షః సాకేతేశః పురాతనః || 43 ||
పుణ్యశ్లోకో వేదవేద్యః స్వామితీర్థనివాసకః |
లక్ష్మీసరఃకేళిలోలో లక్ష్మీశో లోకరక్షకః || 44 ||
దేవకీగర్భసంభూతో యశోదేక్షణలాలితః |
వసుదేవకృతస్తోత్రో నందగోపమనోహరః || 45 ||
చతుర్భుజః కోమలాంగో గదావాన్నీలకుంతలః |
పూతనాప్రాణసంహర్తా తృణావర్తవినాశనః || 46 ||
గర్గారోపితనామాంకో వాసుదేవో హ్యధోక్షజః |
గోపికాస్తన్యపాయీ చ బలభద్రానుజోఽచ్యుతః || 47 ||
వైయాఘ్రనఖభూషశ్చ వత్సజిద్వత్సవర్ధనః |
క్షీరసారాశనరతో దధిభాండప్రమర్దనః || 48 ||
నవనీతాపహర్తా చ నీలనీరదభాసురః |
ఆభీరదృష్టదౌర్జన్యో నీలపద్మనిభాననః || 49 ||
మాతృదర్శితవిశ్వాఽఽస్య ఉలూఖలనిబంధనః |
నలకూబరశాపాంతో గోధూళిచ్ఛురితాంగకః || 50 ||
గోసంఘరక్షకః శ్రీశో బృందారణ్యనివాసకః |
వత్సాంతకో బకద్వేషీ దైత్యాంబుదమహానిలః || 51 ||
మహాజగరచండాగ్నిః శకటప్రాణకంటకః |
ఇంద్రసేవ్యః పుణ్యగాత్రః ఖరజిచ్చండదీధితిః || 52 ||
తాలపక్వఫలాశీ చ కాళీయఫణిదర్పహా |
నాగపత్నీస్తుతిప్రీతః ప్రలంబాసురఖండనః || 53 ||
దావాగ్నిబలసంహారీ ఫలాహారీ గదాగ్రజః |
గోపాంగనాచేలచోరః పాథోలీలావిశారదః || 54 ||
వంశగానప్రవీణశ్చ గోపీహస్తాంబుజార్చితః |
మునిపత్న్యాహృతాహారో మునిశ్రేష్ఠో మునిప్రియః || 55 ||
గోవర్ధనాద్రిసంధర్తా సంక్రందనతమోఽపహః |
సదుద్యానవిలాసీ చ రాసక్రీడాపరాయణః || 56 ||
వరుణాభ్యర్చితో గోపీప్రార్థితః పురుషోత్తమః |
అక్రూరస్తుతిసంప్రీతః కుబ్జాయౌవనదాయకః || 57 ||
ముష్టికోరఃప్రహారీ చ చాణూరోదరదారణః |
మల్లయుద్ధాగ్రగణ్యశ్చ పితృబంధనమోచకః || 58 ||
మత్తమాతంగపంచాస్యః కంసగ్రీవానికృంతనః |
ఉగ్రసేనప్రతిష్ఠాతా రత్నసింహాసనస్థితః || 59 ||
కాలనేమిఖలద్వేషీ ముచుకుందవరప్రదః |
సాల్వసేవితదుర్ధర్షరాజస్మయనివారణః || 60 ||
రుక్మిగర్వాపహారీ చ రుక్మిణీనయనోత్సవః |
ప్రద్యుంనజనకః కామీ ప్రద్యుంనో ద్వారకాధిపః || 61 ||
మణ్యాహర్తా మహామాయో జాంబవత్కృతసంగరః |
జాంబూనదాంబరధరో గంయో జాంబవతీవిభుః || 62 ||
కాలిందీప్రథితారామకేలిర్గుంజావతంసకః |
మందారసుమనోభాస్వాన్ శచీశాభీష్టదాయకః || 63 ||
సత్రాజిన్మానసోల్లాసీ సత్యాజానిః శుభావహః |
శతధన్వహరః సిద్ధః పాండవప్రియకోత్సవః || 64 ||
భద్రప్రియః సుభద్రాయా భ్రాతా నాగ్నాజితీవిభుః |
కిరీటకుండలధరః కల్పపల్లవలాలితః || 65 ||
భైష్మీప్రణయభాషావాన్ మిత్రవిందాధిపోఽభయః |
స్వమూర్తికేలిసంప్రీతో లక్ష్మణోదారమానసః || 66 ||
ప్రాగ్జ్యోతిషాధిపధ్వంసీ తత్సైన్యాంతకరోఽమృతః |
భూమిస్తుతో భూరిభోగో భూషణాంబరసంయుతః || 67 ||
బహురామాకృతాహ్లాదో గంధమాల్యానులేపనః |
నారదాదృష్టచరితో దేవేశో విశ్వరాడ్గురుః || 68 ||
బాణబాహువిదారశ్చ తాపజ్వరవినాశకః |
ఉషోద్ధర్షయితాఽవ్యక్తః శివవాక్తుష్టమానసః || 69 ||
మహేశజ్వరసంస్తుత్యః శీతజ్వరభయాంతకః |
నృగరాజోద్ధారకశ్చ పౌండ్రకాదివధోద్యతః || 70 ||
వివిధారిచ్ఛలోద్విగ్నబ్రాహ్మణేషు దయాపరః |
జరాసంధబలద్వేషీ కేశిదైత్యభయంకరః || 71 ||
చక్రీ చైద్యాంతకః సభ్యో రాజబంధవిమోచకః |
రాజసూయహవిర్భోక్తా స్నిగ్ధాంగః శుభలక్షణః || 72 ||
ధానాభక్షణసంప్రీతః కుచేలాభీష్టదాయకః |
సత్త్వాదిగుణగంభీరో ద్రౌపదీమానరక్షకః || 73 ||
భీష్మధ్యేయో భక్తవశ్యో భీమపూజ్యో దయానిధిః |
దంతవక్త్రశిరశ్ఛేత్తా కృష్ణః కృష్ణాసఖః స్వరాట్ || 74 ||
వైజయంతీప్రమోదీ చ బర్హిబర్హవిభూషణః |
పార్థకౌరవసంధానకారీ దుశ్శాసనాంతకః || 75 ||
బుద్ధో విశుద్ధః సర్వజ్ఞః క్రతుహింసావినిందకః |
త్రిపురస్త్రీమానభంగః సర్వశాస్త్రవిశారదః || 76 ||
నిర్వికారో నిర్మమశ్చ నిరాభాసో నిరామయః |
జగన్మోహకధర్మీ చ దిగ్వస్త్రో దిక్పతీశ్వరః || 77 ||
కల్కీ ంలేచ్ఛప్రహర్తా చ దుష్టనిగ్రహకారకః |
ధర్మప్రతిష్టాకారీ చ చాతుర్వర్ణ్యవిభాగకృత్ || 78 ||
యుగాంతకో యుగాక్రాంతో యుగకృద్యుగభాసకః |
కామారిః కామకారీ చ నిష్కామః కామితార్థదః || 79 ||
భర్గో వరేణ్యః సవితుః శార్ఙ్గీ వైకుంఠమందిరః |
హయగ్రీవః కైటభారిః గ్రాహఘ్నో గజరక్షకః || 80 ||
సర్వసంశయవిచ్ఛేత్తా సర్వభక్తసముత్సుకః |
కపర్దీ కామహారీ చ కలా కాష్ఠా స్మృతిర్ధృతిః || 81 ||
అనాదిరప్రమేయౌజాః ప్రధానః సన్నిరూపకః |
నిర్లేపో నిఃస్పృహోఽసంగో నిర్భయో నీతిపారగః || 82 ||
నిష్ప్రేష్యో నిష్క్రియః శాంతో నిష్ప్రపంచో నిధిర్నయః
కర్ంయకర్మీ వికర్మీ చ కర్మేప్సుః కర్మభావనః || 83 ||
కర్మాంగః కర్మవిన్యాసో మహాకర్మీ మహావ్రతీ |
కర్మభుక్కర్మఫలదః కర్మేశః కర్మనిగ్రహః || 84 ||
నరో నారాయణో దాంతః కపిలః కామదః శుచిః |
తప్తా జప్తాఽక్షమాలావాన్ గంతా నేతా లయో గతిః || 85 ||
శిష్టో ద్రష్టా రిపుద్వేష్టా రోష్టా వేష్టా మహానటః |
రోద్ధా బోద్ధా మహాయోద్ధా శ్రద్ధావాన్ సత్యధీః శుభః || 86 ||
మంత్రీ మంత్రో మంత్రగంయో మంత్రకృత్పరమంత్రహృత్ |
మంత్రభృన్మంత్రఫలదో మంత్రేశో మంత్రవిగ్రహః || 87 ||
మంత్రాంగో మంత్రవిన్యాసో మహామంత్రో మహాక్రమః |
స్థిరధీః స్థిరవిజ్ఞానః స్థిరప్రజ్ఞః స్థిరాసనః || 88 ||
స్థిరయోగః స్థిరాధారః స్థిరమార్గః స్థిరాగమః |
నిశ్శ్రేయసో నిరీహోఽగ్నిర్నిరవద్యో నిరంజనః || 89 ||
నిర్వైరో నిరహంకారో నిర్దంభో నిరసూయకః |
అనంతోఽనంతబాహూరురనంతాంఘ్రిరనంతదృక్ || 90 ||
అనంతవక్త్రోఽనంతాంగోఽనంతరూపో హ్యనంతకృత్ |
ఊర్ధ్వరేతా ఊర్ధ్వలింగో హ్యూర్ధ్వమూర్ధోర్ధ్వశాఖకః || 91 ||
ఊర్ధ్వ ఊర్ధ్వాధ్వరక్షీ చ హ్యూర్ధ్వజ్వాలో నిరాకులః |
బీజం బీజప్రదో నిత్యో నిదానం నిష్కృతిః కృతీ || 92 ||
మహానణీయన్ గరిమా సుషమా చిత్రమాలికః |
నభః స్పృఙ్నభసో జ్యోతిర్నభస్వాన్నిర్నభా నభః || 93 ||
అభుర్విభుః ప్రభుః శంభుర్మహీయాన్ భూర్భువాకృతిః |
మహానందో మహాశూరో మహోరాశిర్మహోత్సవః || 94 ||
మహాక్రోధో మహాజ్వాలో మహాశాంతో మహాగుణః |
సత్యవ్రతః సత్యపరః సత్యసంధః సతాం గతిః || 95 ||
సత్యేశః సత్యసంకల్పః సత్యచారిత్రలక్షణః |
అంతశ్చరో హ్యంతరాత్మా పరమాత్మా చిదాత్మకః || 96 ||
రోచనో రోచమానశ్చ సాక్షీ శౌరిర్జనార్దనః |
ముకుందో నందనిష్పందః స్వర్ణబిందుః పురందరః || 97 ||
అరిందమః సుమందశ్చ కుందమందారహాసవాన్ |
స్యందనారూఢచండాంగో హ్యానందీ నందనందనః || 98 ||
అనసూయానందనోఽత్రినేత్రానందః సునందవాన్ |
శంఖవాన్పంకజకరః కుంకుమాంకో జయాంకుశః || 99 ||
అంభోజమకరందాఢ్యో నిష్పంకోఽగరుపంకిలః |
ఇంద్రశ్చంద్రరథశ్చంద్రోఽతిచంద్రశ్చంద్రభాసకః || 100 ||
ఉపేంద్ర ఇంద్రరాజశ్చ వాగింద్రశ్చంద్రలోచనః |
ప్రత్యక్ పరాక్ పరంధామ పరమార్థః పరాత్పరః || 101 ||
అపారవాక్ పారగామీ పారావారః పరావరః |
సహస్వానర్థదాతా చ సహనః సాహసీ జయీ || 102 ||
తేజస్వీ వాయువిశిఖీ తపస్వీ తాపసోత్తమః |
ఐశ్వర్యోద్భూతికృద్భూతిరైశ్వర్యాంగకలాపవాన్ || 103 ||
అంభోధిశాయీ భగవాన్ సర్వజ్ఞః సామపారగః |
మహాయోగీ మహాధీరో మహాభోగీ మహాప్రభుః || 104 ||
మహావీరో మహాతుష్టిర్మహాపుష్టిర్మహాగుణః |
మహాదేవో మహాబాహుర్మహాధర్మో మహేశ్వరః || 105 ||
సమీపగో దూరగామీ స్వర్గమార్గనిరర్గలః |
నగో నగధరో నాగో నాగేశో నాగపాలకః || 106 ||
హిరణ్మయః స్వర్ణరేతా హిరణ్యార్చిర్హిరణ్యదః |
గుణగణ్యః శరణ్యశ్చ పుణ్యకీర్తిః పురాణగః || 107 ||
జన్యభృజ్జన్యసన్నద్ధో దివ్యపంచాయుధో వశీ |
దౌర్జన్యభంగః పర్జన్యః సౌజన్యనిలయోఽలయః || 108 ||
జలంధరాంతకో భస్మదైత్యనాశీ మహామనాః |
శ్రేష్ఠః శ్రవిష్ఠో ద్రాఘిష్ఠో గరిష్ఠో గరుడధ్వజః || 109 ||
జ్యేష్ఠో ద్రఢిష్ఠో వర్షిష్ఠో ద్రాఘీయాన్ ప్రణవః ఫణీ |
సంప్రదాయకరః స్వామీ సురేశో మాధవో మధుః || 110 ||
నిర్నిమేషో విధిర్వేధా బలవాన్ జీవనం బలీ |
స్మర్తా శ్రోతా వికర్తా చ ధ్యాతా నేతా సమోఽసమః || 111 ||
హోతా పోతా మహావక్తా రంతా మంతా ఖలాంతకః |
దాతా గ్రాహయితా మాతా నియంతాఽనంతవైభవః || 112 ||
గోప్తా గోపయితా హంతా ధర్మజాగరితా ధవః |
కర్తా క్షేత్రకరః క్షేత్రప్రదః క్షేత్రజ్ఞ ఆత్మవిత్ || 113 ||
క్షేత్రీ క్షేత్రహరః క్షేత్రప్రియః క్షేమకరో మరుత్ |
భక్తిప్రదో ముక్తిదాయీ శక్తిదో యుక్తిదాయకః || 114 ||
శక్తియుఙ్మౌక్తికస్రగ్వీ సూక్తిరాంనాయసూక్తిగః |
ధనంజయో ధనాధ్యక్షో ధనికో ధనదాధిపః || 115 ||
మహాధనో మహామానీ దుర్యోధనవిమానితః |
రత్నాకరో రత్నరోచీ రత్నగర్భాశ్రయః శుచిః || 116 ||
రత్నసానునిధిర్మౌళిరత్నభా రత్నకంకణః |
అంతర్లక్ష్యోఽంతరభ్యాసీ చాంతర్ధ్యేయో జితాసనః || 117 ||
అంతరంగో దయావాంశ్చ హ్యంతర్మాయో మహార్ణవః |
సరసః సిద్ధరసికః సిద్ధిః సాధ్యః సదాగతిః || 118 ||
ఆయుఃప్రదో మహాయుష్మానర్చిష్మానోషధీపతిః |
అష్టశ్రీరష్టభాగోఽష్టకకుబ్వ్యాప్తయశో వ్రతీ || 119 ||
అష్టాపదః సువర్ణాభో హ్యష్టమూర్తిస్త్రిమూర్తిమాన్ |
అస్వప్నః స్వప్నగః స్వప్నః సుస్వప్నఫలదాయకః || 120 ||
దుఃస్వప్నధ్వంసకో ధ్వస్తదుర్నిమిత్తః శివంకరః |
సువర్ణవర్ణః సంభావ్యో వర్ణితో వర్ణసంముఖః || 121 ||
సువర్ణముఖరీతీరశివధ్యాతపదాంబుజః |
దాక్షాయణీవచస్తుష్టో దూర్వాసోదృష్టిగోచరః || 122 ||
అంబరీషవ్రతప్రీతో మహాకృత్తివిభంజనః |
మహాభిచారకధ్వంసీ కాలసర్పభయాంతకః || 123 ||
సుదర్శనః కాలమేఘశ్యామః శ్రీమంత్రభావితః |
హేమాంబుజసరఃస్నాయీ శ్రీమనోభావితాకృతిః || 124 ||
శ్రీప్రదత్తాంబుజస్రగ్వీ శ్రీకేళిః శ్రీనిధిర్భవః |
శ్రీప్రదో వామనో లక్ష్మీనాయకశ్చ చతుర్భుజః || 125 ||
సంతృప్తస్తర్పితస్తీర్థస్నాతృసౌఖ్యప్రదర్శకః |
అగస్త్యస్తుతిసంహృష్టో దర్శితావ్యక్తభావనః || 126 ||
కపిలార్చిః కపిలవాన్ సుస్నాతాఘవిపాటనః |
వృషాకపిః కపిస్వామిమనోఽన్తఃస్థితవిగ్రహః || 127 ||
వహ్నిప్రియోఽర్థసంభావ్యో జనలోకవిధాయకః |
వహ్నిప్రభో వహ్నితేజాః శుభాభీష్టప్రదో యమీ || 128 ||
వారుణక్షేత్రనిలయో వరుణో వారణార్చితః |
వాయుస్థానకృతావాసో వాయుగో వాయుసంభృతః || 129 ||
యమాంతకోఽభిజననో యమలోకనివారణః |
యమినామగ్రగణ్యశ్చ సంయమీ యమభావితః || 130 ||
ఇంద్రోద్యానసమీపస్థః ఇంద్రదృగ్విషయః ప్రభుః |
యక్షరాట్ సరసీవాసో హ్యక్షయ్యనిధికోశకృత్ || 131 ||
స్వామితీర్థకృతావాసః స్వామిధ్యేయో హ్యధోక్షజః |
వరాహాద్యష్టతీర్థాభిసేవితాంఘ్రిసరోరుహః || 132 ||
పాండుతీర్థాభిషిక్తాంగో యుధిష్ఠిరవరప్రదః |
భీమాంతఃకరణారూఢః శ్వేతవాహనసఖ్యవాన్ || 133 ||
నకులాభయదో మాద్రీసహదేవాభివందితః |
కృష్ణాశపథసంధాతా కుంతీస్తుతిరతో దమీ || 134 ||
నారదాదిమునిస్తుత్యో నిత్యకర్మపరాయణః |
దర్శితావ్యక్తరూపశ్చ వీణానాదప్రమోదితః || 135 ||
షట్కోటితీర్థచర్యావాన్ దేవతీర్థకృతాశ్రమః |
బిల్వామలజలస్నాయీ సరస్వత్యంబుసేవితః || 136 ||
తుంబురూదకసంస్పర్శజనచిత్తతమోఽపహః |
మత్స్యవామనకూర్మాదితీర్థరాజః పురాణభృత్ || 137 ||
చక్రధ్యేయపదాంభోజః శంఖపూజితపాదుకః |
రామతీర్థవిహారీ చ బలభద్రప్రతిష్ఠితః || 138 ||
జామదగ్న్యసరస్తీర్థజలసేచనతర్పితః |
పాపాపహారికీలాలసుస్నాతాఘవినాశనః || 139 ||
నభోగంగాభిషిక్తశ్చ నాగతీర్థాభిషేకవాన్ |
కుమారధారాతీర్థస్థో వటువేషః సుమేఖలః || 140 ||
వృద్ధస్య సుకుమారత్వప్రదః సౌందర్యవాన్ సుఖీ |
ప్రియంవదో మహాకుక్షిరిక్ష్వాకుకులనందనః || 141 ||
నీలగోక్షీరధారాభూర్వరాహాచలనాయకః |
భరద్వాజప్రతిష్ఠావాన్ బృహస్పతివిభావితః || 142 ||
అంజనాకృతపూజావాన్ ఆంజనేయకరార్చితః |
అంజనాద్రినివాసశ్చ ముంజకేశః పురందరః || 143 ||
కిన్నరద్వయసంబంధిబంధమోక్షప్రదాయకః |
వైఖానసమఖారంభో వృషజ్ఞేయో వృషాచలః || 144 ||
వృషకాయప్రభేత్తా చ క్రీడనాచారసంభ్రమః |
సౌవర్చలేయవిన్యస్తరాజ్యో నారాయణః ప్రియః || 145 ||
దుర్మేధోభంజకః ప్రాజ్ఞో బ్రహ్మోత్సవమహోత్సుకః |
భద్రాసురశిరశ్ఛేత్తా భద్రక్షేత్రీ సుభద్రవాన్ || 146 ||
మృగయాఽక్షీణసన్నాహః శంఖరాజన్యతుష్టిదః |
స్థాణుస్థో వైనతేయాంగభావితో హ్యశరీరవాన్ || 147 ||
భోగీంద్రభోగసంస్థానో బ్రహ్మాదిగణసేవితః |
సహస్రార్కచ్ఛటాభాస్వద్విమానాంతఃస్థితో గుణీ || 148 ||
విష్వక్సేనకృతస్తోత్రః సనందనవరీవృతః |
జాహ్నవ్యాదినదీసేవ్యః సురేశాద్యభివందితః || 149 ||
సురాంగనానృత్యపరో గంధర్వోద్గాయనప్రియః |
రాకేందుసంకాశనఖః కోమలాంఘ్రిసరోరుహః || 150 ||
కచ్ఛపప్రపదః కుందగుల్ఫకః స్వచ్ఛకూర్పరః |
మేదురస్వర్ణవస్త్రాఢ్యకటిదేశస్థమేఖలః || 151 ||
ప్రోల్లసచ్ఛురికాభాస్వత్కటిదేశః శుభంకరః |
అనంతపద్మజస్థాననాభిర్మౌక్తికమాలికః || 152 ||
మందారచాంపేయమాలీ రత్నాభరణసంభృతః |
లంబయజ్ఞోపవీతీ చ చంద్రశ్రీఖండలేపవాన్ || 153 ||
వరదోఽభయదశ్చక్రీ శంఖీ కౌస్తుభదీప్తిమాన్ |
శ్రీవత్సాంకితవక్షస్కో లక్ష్మీసంశ్రితహృత్తటః || 154 ||
నీలోత్పలనిభాకారః శోణాంభోజసమాననః |
కోటిమన్మథలావణ్యశ్చంద్రికాస్మితపూరితః || 155 ||
సుధాస్వచ్ఛోర్ధ్వపుండ్రశ్చ కస్తూరీతిలకాంచితః |
పుండరీకేక్షణః స్వచ్ఛో మౌలిశోభావిరాజితః || 156 ||
పద్మస్థః పద్మనాభశ్చ సోమమండలగో బుధః |
వహ్నిమండలగః సూర్యః సూర్యమండలసంస్థితః || 157 ||
శ్రీపతిర్భూమిజానిశ్చ విమలాద్యభిసంవృతః |
జగత్కుటుంబజనితా రక్షకః కామితప్రదః || 158 ||
అవస్థాత్రయయంతా చ విశ్వతేజస్స్వరూపవాన్ |
జ్ఞప్తిర్జ్ఞేయో జ్ఞానగంయో జ్ఞానాతీతః సురాతిగః || 159 ||
బ్రహ్మాండాంతర్బహిర్వ్యాప్తో వేంకటాద్రిగదాధరః |
వేంకటాద్రిగదాధర ఓం నమః ఇతి ||
ఏవం శ్రీవేంకటేశస్య కీర్తితం పరమాద్భుతం || 160 ||
నాంనాం సహస్రం సంశ్రావ్యం పవిత్రం పుణ్యవర్ధనం |
శ్రవణాత్సర్వదోషఘ్నం రోగఘ్నం మృత్యునాశనం || 1 ||
దారిద్ర్యభేదనం ధర్ంయం సర్వైశ్వర్యఫలప్రదం |
కాలాహివిషవిచ్ఛేది జ్వరాపస్మారభంజనం || 2 ||
[శత్రుక్షయకరం రాజగ్రహపీడానివారణం |
బ్రహ్మరాక్షసకూష్మాండభేతాలభయభంజనం ||] విద్యాభిలాషీ విద్యావాన్ ధనార్థీ ధనవాన్ భవేత్ |
అనంతకల్పజీవీ స్యాదాయుష్కామో మహాయశాః || 3 ||
పుత్రార్థీ సుగుణాన్పుత్రాన్ లభేతాఽఽయుష్మతస్తతః |
సంగ్రామే శత్రువిజయీ సభాయాం ప్రతివాదిజిత్ || 4 ||
దివ్యైర్నామభిరేభిస్తు తులసీపూజనాత్సకృత్ |
వైకుంఠవాసీ భగవత్సదృశో విష్ణుసన్నిధౌ || 5 ||
కల్హారపూజనాన్మాసాత్ ద్వితీయ ఇవ యక్షరాట్ |
నీలోత్పలార్చనాత్సర్వరాజపూజ్యః సదా భవేత్ || 6 ||
హృత్సంస్థితైర్నామభిస్తు భూయాద్దృగ్విషయో హరిః |
వాంఛితార్థం తదా దత్వా వైకుంఠం చ ప్రయచ్ఛతి || 7 ||
త్రిసంధ్యం యో జపేన్నిత్యం సంపూజ్య విధినా విభుం |
త్రివారం పంచవారం వా ప్రత్యహం క్రమశో యమీ || 8 ||
మాసాదలక్ష్మీనాశః స్యాత్ ద్విమాసాత్ స్యాన్నరేంద్రతా |
త్రిమాసాన్మహదైశ్వర్యం తతః సంభాషణం భవేత్ || 9 ||
మాసం పఠన్న్యూనకర్మపూర్తిం చ సమవాప్నుయాత్ |
మార్గభ్రష్టశ్చ సన్మార్గం గతస్వః స్వం స్వకీయకం || 10 ||
చాంచల్యచిత్తోఽచాంచల్యం మనస్స్వాస్థ్యం చ గచ్ఛతి |
ఆయురారోగ్యమైశ్వర్యం జ్ఞానం మోక్షం చ విందతి || 11 ||
సర్వాన్కామానవాప్నోతి శాశ్వతం చ పదం తథా |
సత్యం సత్యం పునస్సత్యం సత్యం సత్యం న సంశయః || 12 ||
ఇతి శ్రీ బ్రహ్మాండపురాణే వసిష్ఠనారదసంవాదే శ్రీవేంకటాచలమాహాత్ంయే శ్రీ వేంకటేశ సహస్రనామ స్తోత్రం సమాప్తం |

శ్రీ వేంకటేశ్వర సహస్రనామావళిః

శ్రీ వేంకటేశ్వర సహస్రనామావళిః.

Telugu

Read Stotra

శ్రీ వేంకటేశ్వర సహస్రనామావళిః

ఓం శ్రీ వేంకటేశాయ నమః
ఓం విరూపాక్షాయ నమః
ఓం విశ్వేశాయ నమః
ఓం విశ్వభావనాయ నమః
ఓం విశ్వసృజే నమః
ఓం విశ్వసంహర్త్రే నమః
ఓం విశ్వప్రాణాయ నమః
ఓం విరాడ్వపుషే నమః
ఓం శేషాద్రినిలయాయ నమః
ఓం అశేషభక్తదుఃఖప్రణాశనాయ నమః || 10 ||
ఓం శేషస్తుత్యాయ నమః
ఓం శేషశాయినే నమః
ఓం విశేషజ్ఞాయ నమః
ఓం విభవే నమః
ఓం స్వభువే నమః
ఓం విష్ణవే నమః
ఓం జిష్ణవే నమః
ఓం వర్ధిష్ణవే నమః
ఓం ఉత్సహిష్ణవే నమః
ఓం సహిష్ణుకాయ నమః || 20 ||
ఓం భ్రాజిష్ణవే నమః
ఓం గ్రసిష్ణవే నమః
ఓం వర్తిష్ణవే నమః
ఓం భరిష్ణుకాయ నమః
ఓం కాలయంత్రే నమః
ఓం కాలగోప్త్రే నమః
ఓం కాలాయ నమః
ఓం కాలాంతకాయ నమః
ఓం అఖిలాయ నమః
ఓం కాలగంయాయ నమః || 30 ||
ఓం కాలకంఠవంద్యాయ నమః
ఓం కాలకలేశ్వరాయ నమః
ఓం శంభవే నమః
ఓం స్వయంభువే నమః
ఓం అంభోజనాభాయ నమః
ఓం స్తంభితవారిధయే నమః
ఓం అంభోధినందినీజానయే నమః
ఓం శోణాంభోజపదప్రభాయ నమః
ఓం కంబుగ్రీవాయ నమః
ఓం శంబరారిరూపాయ నమః || 40 ||
ఓం శంబరజేక్షణాయ నమః
ఓం బింబాధరాయ నమః
ఓం బింబరూపిణే నమః
ఓం ప్రతిబింబక్రియాతిగాయ నమః
ఓం గుణవతే నమః
ఓం గుణగంయాయ నమః
ఓం గుణాతీతాయ నమః
ఓం గుణప్రియాయ నమః
ఓం దుర్గుణధ్వంసకృతే నమః
ఓం సర్వసుగుణాయ నమః || 50 ||
ఓం గుణభాసకాయ నమః
ఓం పరేశాయ నమః
ఓం పరమాత్మనే నమః
ఓం పరస్మైజ్యోతిషే నమః
ఓం పరాయైగతయే నమః
ఓం పరస్మైపదాయ నమః
ఓం వియద్వాసనే నమః
ఓం పారంపర్యశుభప్రదాయ నమః
ఓం బ్రహ్మాండగర్భాయ నమః
ఓం బ్రహ్మణ్యాయ నమః || 60 ||
ఓం బ్రహ్మసృజే నమః
ఓం బ్రహ్మబోధితాయ నమః
ఓం బ్రహ్మస్తుత్యాయ నమః
ఓం బ్రహ్మవాదినే నమః
ఓం బ్రహ్మచర్యపరాయణాయ నమః
ఓం సత్యవ్రతార్థసంతుష్టాయ నమః
ఓం సత్యరూపిణే నమః
ఓం ఝషాంగవతే నమః
ఓం సోమకప్రాణహారిణే నమః
ఓం ఆనీతాంనాయాయ నమః || 70 ||
ఓం అబ్ధిసంచరాయ నమః
ఓం దేవాసురవరస్తుత్యాయ నమః
ఓం పతన్మందరధారకాయ నమః
ఓం ధన్వంతరయే నమః
ఓం కచ్ఛపాంగాయ నమః
ఓం పయోనిధివిమంథకాయ నమః
ఓం అమరామృతసంధాత్రే నమః
ఓం ధృతసంమోహినీవపుషే నమః
ఓం హరమోహకమాయావినే నమః
ఓం రక్షస్సందోహభంజనాయ నమః || 80 ||
ఓం హిరణ్యాక్షవిదారిణే నమః
ఓం యజ్ఞాయ నమః
ఓం యజ్ఞవిభావనాయ నమః
ఓం యజ్ఞీయోర్వీసముద్ధర్త్రే నమః
ఓం లీలాక్రోడాయ నమః
ఓం ప్రతాపవతే నమః
ఓం దండకాసురవిధ్వంసినే నమః
ఓం వక్రదంష్ట్రాయ నమః
ఓం క్షమాధరాయ నమః
ఓం గంధర్వశాపహరణాయ నమః || 90 ||
ఓం పుణ్యగంధాయ నమః
ఓం విచక్షణాయ నమః
ఓం కరాళవక్త్రాయ నమః
ఓం సోమార్కనేత్రాయ నమః
ఓం షడ్గుణవైభవాయ నమః
ఓం శ్వేతఘోణినే నమః
ఓం ఘూర్ణితభ్రువే నమః
ఓం ఘుర్ఘురధ్వనివిభ్రమాయ నమః
ఓం ద్రాఘీయసే నమః
ఓం నీలకేశినే నమః || 100 ||
ఓం జాగ్రదంబుజలోచనాయ నమః
ఓం ఘృణావతే నమః
ఓం ఘృణిసంమోహాయ నమః
ఓం మహాకాలాగ్నిదీధితయే నమః
ఓం జ్వాలాకరాళవదనాయ నమః
ఓం మహోల్కాకులవీక్షణాయ నమః
ఓం సటానిర్భిణ్ణమేఘౌఘాయ నమః
ఓం దంష్ట్రారుగ్వ్యాప్తదిక్తటాయ నమః
ఓం ఉచ్ఛ్వాసాకృష్టభూతేశాయ నమః
ఓం నిశ్శ్వాసత్యక్తవిశ్వసృజే నమః || 110 ||
ఓం అంతర్భ్రమజ్జగద్గర్భాయ నమః
ఓం అనంతాయ నమః
ఓం బ్రహ్మకపాలహృతే నమః
ఓం ఉగ్రాయ నమః
ఓం వీరాయ నమః
ఓం మహావిష్ణవే నమః
ఓం జ్వలనాయ నమః
ఓం సర్వతోముఖాయ నమః
ఓం నృసింహాయ నమః
ఓం భీషణాయ నమః || 120 ||
ఓం భద్రాయ నమః
ఓం మృత్యుమృత్యవే నమః
ఓం సనాతనాయ నమః
ఓం సభాస్తంభోద్భవాయ నమః
ఓం భీమాయ నమః
ఓం శిరోమాలినే నమః
ఓం మహేశ్వరాయ నమః
ఓం ద్వాదశాదిత్యచూడాలాయ నమః
ఓం కల్పధూమసటాచ్ఛవయే నమః
ఓం హిరణ్యకోరస్థలభిన్నఖాయ నమః || 130 ||
ఓం సింహముఖాయ నమః
ఓం అనఘాయ నమః
ఓం ప్రహ్లాదవరదాయ నమః
ఓం ధీమతే నమః
ఓం భక్తసంఘప్రతిష్ఠితాయ నమః
ఓం బ్రహ్మరుద్రాదిసంసేవ్యాయ నమః
ఓం సిద్ధసాధ్యప్రపూజితాయ నమః
ఓం లక్ష్మీనృసింహాయ నమః
ఓం దేవేశాయ నమః
ఓం జ్వాలాజిహ్వాంత్రమాలికాయ నమః || 140 ||
ఓం ఖడ్గినే నమః
ఓం ఖేటినే నమః
ఓం మహేష్వాసినే నమః
ఓం కపాలినే నమః
ఓం ముసలినే నమః
ఓం హలినే నమః
ఓం పాశినే నమః
ఓం శూలినే నమః
ఓం మహాబాహవే నమః
ఓం జ్వరఘ్నాయ నమః || 150 ||
ఓం రోగలుంఠకాయ నమః
ఓం మౌంజీయుజే నమః
ఓం ఛాత్రకాయ నమః
ఓం దండినే నమః
ఓం కృష్ణాజినధరాయ నమః
ఓం వటవే నమః
ఓం అధీతవేదాయ నమః
ఓం వేదాంతోద్ధారకాయ నమః
ఓం బ్రహ్మనైష్ఠికాయ నమః
ఓం అహీనశయనప్రీతాయ నమః || 160 ||
ఓం ఆదితేయాయ నమః
ఓం అనఘాయ నమః
ఓం హరయే నమః
ఓం సంవిత్ప్రియాయ నమః
ఓం సామవేద్యాయ నమః
ఓం బలివేశ్మప్రతిష్ఠితాయ నమః
ఓం బలిక్షాలితపాదాబ్జాయ నమః
ఓం వింధ్యావలివిమానితాయ నమః
ఓం త్రిపాదభూమిస్వీకర్త్రే నమః
ఓం విశ్వరూపప్రదర్శకాయ నమః || 170 ||
ఓం ధృతత్రివిక్రమాయ నమః
ఓం స్వాంఘ్రీనఖభిన్నాండకర్పరాయ నమః
ఓం పజ్జాతవాహినీధారాపవిత్రితజగత్త్రయాయ నమః
ఓం విధిసంమానితాయ నమః
ఓం పుణ్యాయ నమః
ఓం దైత్యయోద్ధ్రే నమః
ఓం జయోర్జితాయ నమః
ఓం సురరాజ్యప్రదాయ నమః
ఓం శుక్రమదహృతే నమః
ఓం సుగతీశ్వరాయ నమః || 180 ||
ఓం జామదగ్న్యాయ నమః
ఓం కుఠారిణే నమః
ఓం కార్తవీర్యవిదారణాయ నమః
ఓం రేణుకాయాశ్శిరోహారిణే నమః
ఓం దుష్టక్షత్రియమర్దనాయ నమః
ఓం వర్చస్వినే నమః
ఓం దానశీలాయ నమః
ఓం ధనుష్మతే నమః
ఓం బ్రహ్మవిత్తమాయ నమః
ఓం అత్యుదగ్రాయ నమః || 190 ||
ఓం సమగ్రాయ నమః
ఓం న్యగ్రోధాయ నమః
ఓం దుష్టనిగ్రహాయ నమః
ఓం రవివంశసముద్భూతాయ నమః
ఓం రాఘవాయ నమః
ఓం భరతాగ్రజాయ నమః
ఓం కౌసల్యాతనయాయ నమః
ఓం రామాయ నమః
ఓం విశ్వామిత్రప్రియంకరాయ నమః
ఓం తాటకారయే నమః || 200 ||
ఓం సుబాహుఘ్నాయ నమః
ఓం బలాతిబలమంత్రవతే నమః
ఓం అహల్యాశాపవిచ్ఛేదినే నమః
ఓం ప్రవిష్టజనకాలయాయ నమః
ఓం స్వయంవరసభాసంస్థాయ నమః
ఓం ఈశచాపప్రభంజనాయ నమః
ఓం జానకీపరిణేత్రే నమః
ఓం జనకాధీశసంస్తుతాయ నమః
ఓం జమదగ్నితనూజాతయోద్ధ్రే నమః
ఓం అయోధ్యాధిపాగ్రణ్యే నమః || 210 ||
ఓం పితృవాక్యప్రతీపాలాయ నమః
ఓం త్యక్తరాజ్యాయ నమః
ఓం సలక్ష్మణాయ నమః
ఓం ససీతాయ నమః
ఓం చిత్రకూటస్థాయ నమః
ఓం భరతాహితరాజ్యకాయ నమః
ఓం కాకదర్పప్రహర్తే నమః
ఓం దండకారణ్యవాసకాయ నమః
ఓం పంచవట్యాం విహారిణే నమః
ఓం స్వధర్మపరిపోషకాయ నమః || 220 ||
ఓం విరాధఘ్నే నమః
ఓం అగస్త్యముఖ్యముని సంమానితాయ నమః
ఓం పుంసే నమః
ఓం ఇంద్రచాపధరాయ నమః
ఓం ఖడ్గధరాయ నమః
ఓం అక్షయసాయకాయ నమః
ఓం ఖరాంతకాయ నమః
ఓం ధూషణారయే నమః
ఓం త్రిశిరస్కరిపవే నమః
ఓం వృషాయ నమః || 230 ||
ఓం శూర్పణఖానాసాచ్ఛేత్త్రే నమః
ఓం వల్కలధారకాయ నమః
ఓం జటావతే నమః
ఓం పర్ణశాలాస్థాయ నమః
ఓం మారీచబలమర్దకాయ నమః
ఓం పక్షిరాట్కృతసంవాదాయ నమః
ఓం రవితేజసే నమః
ఓం మహాబలాయ నమః
ఓం శబర్యానీతఫలభుజే నమః
ఓం హనూమత్పరితోషితాయ నమః || 240 ||
ఓం సుగ్రీవాభయదాయ నమః
ఓం దైత్యకాయక్షేపణభాసురాయ నమః
ఓం సప్తసాలసముచ్ఛేత్త్రే నమః
ఓం వాలిహృతే నమః
ఓం కపిసంవృతాయ నమః
ఓం వాయుసూనుకృతాసేవాయ నమః
ఓం త్యక్తపంపాయ నమః
ఓం కుశాసనాయ నమః
ఓం ఉదన్వత్తీరగాయ నమః
ఓం శూరాయ నమః || 250 ||
ఓం విభీషణవరప్రదాయ నమః
ఓం సేతుకృతే నమః
ఓం దైత్యఘ్నే నమః
ఓం ప్రాప్తలంకాయ నమః
ఓం అలంకారవతే నమః
ఓం అతికాయశిరశ్ఛేత్త్రే నమః
ఓం కుంభకర్ణవిభేదనాయ నమః
ఓం దశకంఠశిరోధ్వంసినే నమః
ఓం జాంబవత్ప్రముఖావృతాయ నమః
ఓం జానకీశాయ నమః || 260 ||
ఓం సురాధ్యక్షాయ నమః
ఓం సాకేతేశాయ నమః
ఓం పురాతనాయ నమః
ఓం పుణ్యశ్లోకాయ నమః
ఓం వేదవేద్యాయ నమః
ఓం స్వామితీర్థనివాసకాయ నమః
ఓం లక్ష్మీసరఃకేళిలోలాయ నమః
ఓం లక్ష్మీశాయ నమః
ఓం లోకరక్షకాయ నమః
ఓం దేవకీగర్భసంభూతాయ నమః || 270 ||
ఓం యశోదేక్షణలాలితాయ నమః
ఓం వసుదేవకృతస్తోత్రాయ నమః
ఓం నందగోపమనోహరాయ నమః
ఓం చతుర్భుజాయ నమః
ఓం కోమలాంగాయ నమః
ఓం గదావతే నమః
ఓం నీలకుంతలాయ నమః
ఓం పూతనాప్రాణసంహర్త్రే నమః
ఓం తృణావర్తవినాశనాయ నమః
ఓం గర్గారోపితనామాంకాయ నమః || 280 ||
ఓం వాసుదేవాయ నమః
ఓం అధోక్షజాయ నమః
ఓం గోపికాస్తన్యపాయినే నమః
ఓం బలభద్రానుజాయ నమః
ఓం అచ్యుతాయ నమః
ఓం వైయాఘ్రనఖభూషాయ నమః
ఓం వత్సజితే నమః
ఓం వత్సవర్ధనాయ నమః
ఓం క్షీరసారాశనరతాయ నమః
ఓం దధిభాండప్రమర్ధనాయ నమః || 290 ||
ఓం నవనీతాపహర్త్రే నమః
ఓం నీలనీరదభాసురాయ నమః
ఓం ఆభీరదృష్టదౌర్జన్యాయ నమః
ఓం నీలపద్మనిభాననాయ నమః
ఓం మాతృదర్శితవిశ్వాస్యాయ నమః
ఓం ఉలూఖలనిబంధనాయ నమః
ఓం నలకూబరశాపాంతాయ నమః
ఓం గోధూలిచ్ఛురితాంగకాయ నమః
ఓం గోసంఘరక్షకాయ నమః
ఓం శ్రీశాయ నమః || 300 ||
ఓం బృందారణ్యనివాసకాయ నమః
ఓం వత్సాంతకాయ నమః
ఓం బకద్వేషిణే నమః
ఓం దైత్యాంబుదమహానిలాయ నమః
ఓం మహాజగరచండాగ్నయే నమః
ఓం శకటప్రాణకంటకాయ నమః
ఓం ఇంద్రసేవ్యాయ నమః
ఓం పుణ్యగాత్రాయ నమః
ఓం ఖరజితే నమః
ఓం చండదీధితయే నమః || 310 ||
ఓం తాళపక్వఫలాశినే నమః
ఓం కాళీయఫణిదర్పఘ్నే నమః
ఓం నాగపత్నీస్తుతిప్రీతాయ నమః
ఓం ప్రలంబాసురఖండనాయ నమః
ఓం దావాగ్నిబలసంహారిణే నమః
ఓం ఫలాహారిణే నమః
ఓం గదాగ్రజాయ నమః
ఓం గోపాంగనాచేలచోరాయ నమః
ఓం పాథోలీలావిశారదాయ నమః
ఓం వంశగానప్రవీణాయ నమః || 320 ||
ఓం గోపీహస్తాంబుజార్చితాయ నమః
ఓం మునిపత్న్యాహృతాహారాయ నమః
ఓం మునిశ్రేష్ఠాయ నమః
ఓం మునిప్రియాయ నమః
ఓం గోవర్ధనాద్రిసంధర్త్రే నమః
ఓం సంక్రందనతమోపహాయ నమః
ఓం సదుద్యానవిలాసినే నమః
ఓం రాసక్రీడాపరాయణాయ నమః
ఓం వరుణాభ్యర్చితాయ నమః
ఓం గోపీప్రార్థితాయ నమః || 330 ||
ఓం పురుషోత్తమాయ నమః
ఓం అక్రూరస్తుతిసంప్రీతాయ నమః
ఓం కుబ్జాయౌవనదాయకాయ నమః
ఓం ముష్టికోరఃప్రహారిణే నమః
ఓం చాణూరోదరదారణాయ నమః
ఓం మల్లయుద్ధాగ్రగణ్యాయ నమః
ఓం పితృబంధనమోచకాయ నమః
ఓం మత్తమాతంగపంచాస్యాయ నమః
ఓం కంసగ్రీవానికృంతనాయ నమః
ఓం ఉగ్రసేనప్రతిష్ఠాత్రే నమః || 340 ||
ఓం రత్నసింహాసనస్థితాయ నమః
ఓం కాలనేమిఖలద్వేషిణే నమః
ఓం ముచుకుందవరప్రదాయ నమః
ఓం సాల్వసేవితదుర్ధర్షరాజస్మయనివారణాయ నమః
ఓం రుక్మిగర్వాపహారిణే నమః
ఓం రుక్మిణీనయనోత్సవాయ నమః
ఓం ప్రద్యుంనజనకాయ నమః
ఓం కామినే నమః
ఓం ప్రద్యుంనాయ నమః
ఓం ద్వారకాధిపాయ నమః || 350 ||
ఓం మణ్యాహర్త్రే నమః
ఓం మహామాయాయ నమః
ఓం జాంబవత్కృతసంగరాయ నమః
ఓం జాంబూనదాంబరధరాయ నమః
ఓం గంయాయ నమః
ఓం జాంబవతీవిభవే నమః
ఓం కాళిందీప్రథితారామకేళయే నమః
ఓం గుంజావతంసకాయ నమః
ఓం మందారసుమనోభాస్వతే నమః
ఓం శచీశాభీష్టదాయకాయ నమః || 360 ||
ఓం సత్రాజిన్మానసోల్లాసినే నమః
ఓం సత్యాజానయే నమః
ఓం శుభావహాయ నమః
ఓం శతధన్వహరాయ నమః
ఓం సిద్ధాయ నమః
ఓం పాండవప్రియకోత్సవాయ నమః
ఓం భద్రప్రియాయ నమః
ఓం సుభద్రాయాః భ్రాత్రే నమః
ఓం నాగ్నజితీవిభవే నమః
ఓం కిరీటకుండలధరాయ నమః || 370 ||
ఓం కల్పపల్లవలాలితాయ నమః
ఓం భైష్మీప్రణయభాషావతే నమః
ఓం మిత్రవిందాధిపాయ నమః
ఓం అభయాయ నమః
ఓం స్వమూర్తికేళిసంప్రీతాయ నమః
ఓం లక్ష్మణోదారమానసాయ నమః
ఓం ప్రాగ్జ్యోతిషాధిపధ్వంసినే నమః
ఓం తత్సైన్యాంతకరాయ నమః
ఓం అమృతాయ నమః
ఓం భూమిస్తుతాయ నమః || 380 ||
ఓం భూరిభోగాయ నమః
ఓం భూషణాంబరసంయుతాయ నమః
ఓం బహురామాకృతాహ్లాదాయ నమః
ఓం గంధమాల్యానులేపనాయ నమః
ఓం నారదాదృష్టచరితాయ నమః
ఓం దేవేశాయ నమః
ఓం విశ్వరాజే నమః
ఓం గురవే నమః
ఓం బాణబాహువిదారాయ నమః
ఓం తాపజ్వరవినాశనాయ నమః || 390 ||
ఓం ఉపోద్ధర్షయిత్రే నమః
ఓం అవ్యక్తాయ నమః
ఓం శివవాక్తుష్టమానసాయ నమః
ఓం మహేశజ్వరసంస్తుత్యాయ నమః
ఓం శీతజ్వరభయాంతకాయ నమః
ఓం నృగరాజోద్ధారకాయ నమః
ఓం పౌండ్రకాదివధోద్యతాయ నమః
ఓం వివిధారిచ్ఛలోద్విగ్న బ్రాహ్మణేషు దయాపరాయ నమః
ఓం జరాసంధబలద్వేషిణే నమః
ఓం కేశిదైత్యభయంకరాయ నమః || 400 ||
ఓం చక్రిణే నమః
ఓం చైద్యాంతకాయ నమః
ఓం సభ్యాయ నమః
ఓం రాజబంధవిమోచకాయ నమః
ఓం రాజసూయహవిర్భోక్త్రే నమః
ఓం స్నిగ్ధాంగాయ నమః
ఓం శుభలక్షణాయ నమః
ఓం ధానాభక్షణసంప్రీతాయ నమః
ఓం కుచేలాభీష్టదాయకాయ నమః
ఓం సత్త్వాదిగుణగంభీరాయ నమః || 410 ||
ఓం ద్రౌపదీమానరక్షకాయ నమః
ఓం భీష్మధ్యేయాయ నమః
ఓం భక్తవశ్యాయ నమః
ఓం భీమపూజ్యాయ నమః
ఓం దయానిధయే నమః
ఓం దంతవక్త్రశిరశ్ఛేత్త్రే నమః
ఓం కృష్ణాయ నమః
ఓం కృష్ణాసఖాయ నమః
ఓం స్వరాజే నమః
ఓం వైజయంతీప్రమోదినే నమః || 420 ||
ఓం బర్హిబర్హవిభూషణాయ నమః
ఓం పార్థకౌరవసంధానకారిణే నమః
ఓం దుశ్శాసనాంతకాయ నమః
ఓం బుద్ధాయ నమః
ఓం విశుద్ధాయ నమః
ఓం సర్వజ్ఞాయ నమః
ఓం క్రతుహింసావినిందకాయ నమః
ఓం త్రిపురస్త్రీమానభంగాయ నమః
ఓం సర్వశాస్త్రవిశారదాయ నమః
ఓం నిర్వికారాయ నమః || 430 ||
ఓం నిర్మమాయ నమః
ఓం నిరాభాసాయ నమః
ఓం నిరామయాయ నమః
ఓం జగన్మోహకధర్మిణే నమః
ఓం దిగ్వస్త్రాయ నమః
ఓం దిక్పతీశ్వరాయాయ నమః
ఓం కల్కినే నమః
ఓం ంలేచ్ఛప్రహర్త్రే నమః
ఓం దుష్టనిగ్రహకారకాయ నమః
ఓం ధర్మప్రతిష్ఠాకారిణే నమః || 440 ||
ఓం చాతుర్వర్ణ్యవిభాగకృతే నమః
ఓం యుగాంతకాయ నమః
ఓం యుగాక్రాంతాయ నమః
ఓం యుగకృతే నమః
ఓం యుగభాసకాయ నమః
ఓం కామారయే నమః
ఓం కామకారిణే నమః
ఓం నిష్కామాయ నమః
ఓం కామితార్థదాయ నమః
ఓం సవితుర్వరేణ్యాయ భర్గసే నమః || 450 ||
ఓం శార్ఙ్గిణే నమః
ఓం వైకుంఠమందిరాయ నమః
ఓం హయగ్రీవాయ నమః
ఓం కైటభారయే నమః
ఓం గ్రాహఘ్నాయ నమః
ఓం గజరక్షకాయ నమః
ఓం సర్వసంశయవిచ్ఛేత్త్రే నమః
ఓం సర్వభక్తసముత్సుకాయ నమః
ఓం కపర్దినే నమః
ఓం కామహారిణే నమః || 460 ||
ఓం కళాయై నమః
ఓం కాష్ఠాయై నమః
ఓం స్మృతయే నమః
ఓం ధృతయే నమః
ఓం అనాదయే నమః
ఓం అప్రమేయౌజసే నమః
ఓం ప్రధానాయ నమః
ఓం సన్నిరూపకాయ నమః
ఓం నిర్లేపాయ నమః
ఓం నిస్స్పృహాయ నమః || 470 ||
ఓం అసంగాయ నమః
ఓం నిర్భయాయ నమః
ఓం నీతిపారగాయ నమః
ఓం నిష్ప్రేష్యాయ నమః
ఓం నిష్క్రియాయ నమః
ఓం శాంతాయ నమః
ఓం నిష్ప్రపంచాయ నమః
ఓం నిధయే నమః
ఓం నయాయ నమః
ఓం కర్మిణే నమః || 480 ||
ఓం అకర్మిణే నమః
ఓం వికర్మిణే నమః
ఓం కర్మేప్సవే నమః
ఓం కర్మభావనాయ నమః
ఓం కర్మాంగాయ నమః
ఓం కర్మవిన్యాసాయ నమః
ఓం మహాకర్మిణే నమః
ఓం మహావ్రతినే నమః
ఓం కర్మభుజే నమః
ఓం కర్మఫలదాయ నమః || 490 ||
ఓం కర్మేశాయ నమః
ఓం కర్మనిగ్రహాయ నమః
ఓం నరాయ నమః
ఓం నారాయణాయ నమః
ఓం దాంతాయ నమః
ఓం కపిలాయ నమః
ఓం కామదాయ నమః
ఓం శుచయే నమః
ఓం తప్త్రే నమః
ఓం జప్త్రే నమః || 500 ||
ఓం అక్షమాలావతే నమః
ఓం గంత్రే నమః
ఓం నేత్రే నమః
ఓం లయాయ నమః
ఓం గతయే నమః
ఓం శిష్టాయ నమః
ఓం ద్రష్ట్రే నమః
ఓం రిపుద్వేష్ట్రే నమః
ఓం రోష్ట్రే నమః
ఓం వేష్ట్రే నమః || 510 ||
ఓం మహానటాయ నమః
ఓం రోద్ధ్రే నమః
ఓం బోద్ధ్రే నమః
ఓం మహాయోద్ధ్రే నమః
ఓం శ్రద్ధావతే నమః
ఓం సత్యధియే నమః
ఓం శుభాయ నమః
ఓం మంత్రిణే నమః
ఓం మంత్రాయ నమః
ఓం మంత్రగంయాయ నమః || 520 ||
ఓం మంత్రకృతే నమః
ఓం పరమంత్రహృతే నమః
ఓం మంత్రభృతే నమః
ఓం మంత్రఫలదాయ నమః
ఓం మంత్రేశాయ నమః
ఓం మంత్రవిగ్రహాయ నమః
ఓం మంత్రాంగాయ నమః
ఓం మంత్రవిన్యాసాయ నమః
ఓం మహామంత్రాయ నమః
ఓం మహాక్రమాయ నమః || 530 ||
ఓం స్థిరధియే నమః
ఓం స్థిరవిజ్ఞానాయ నమః
ఓం స్థిరప్రజ్ఞాయ నమః
ఓం స్థిరాసనాయ నమః
ఓం స్థిరయోగాయ నమః
ఓం స్థిరాధారాయ నమః
ఓం స్థిరమార్గాయ నమః
ఓం స్థిరాగమాయ నమః
ఓం నిశ్శ్రేయసాయ నమః
ఓం నిరీహాయ నమః || 540 ||
ఓం అగ్నయే నమః
ఓం నిరవద్యాయ నమః
ఓం నిరంజనాయ నమః
ఓం నిర్వైరాయ నమః
ఓం నిరహంకారాయ నమః
ఓం నిర్దంభాయ నమః
ఓం నిరసూయకాయ నమః
ఓం అనంతాయ నమః
ఓం అనంతబాహూరవే నమః
ఓం అనంతాంఘ్రయే నమః || 550 ||
ఓం అనంతదృశే నమః
ఓం అనంతవక్త్రాయ నమః
ఓం అనంతాంగాయ నమః
ఓం అనంతరూపాయ నమః
ఓం అనంతకృతే నమః
ఓం ఊర్ధ్వరేతసే నమః
ఓం ఊర్ధ్వలింగాయ నమః
ఓం ఊర్ధ్వమూర్ధ్నే నమః
ఓం ఊర్ధ్వశాఖకాయ నమః
ఓం ఊర్ధ్వాయ నమః || 560 ||
ఓం ఊర్ధ్వాధ్వరక్షిణే నమః
ఓం ఊర్ధ్వజ్వాలాయ నమః
ఓం నిరాకులాయ నమః
ఓం బీజాయ నమః
ఓం బీజప్రదాయ నమః
ఓం నిత్యాయ నమః
ఓం నిదానాయ నమః
ఓం నిష్కృతయే నమః
ఓం కృతినే నమః
ఓం మహతే నమః || 570 ||
ఓం అణీయసే నమః
ఓం గరింణే నమః
ఓం సుషమాయ నమః
ఓం చిత్రమాలికాయ నమః
ఓం నభఃస్పృశే నమః
ఓం నభసో జ్యోతిషే నమః
ఓం నభస్వతే నమః
ఓం నిర్నభసే నమః
ఓం నభసే నమః
ఓం అభవే నమః || 580 ||
ఓం విభవే నమః
ఓం ప్రభవే నమః
ఓం శంభవే నమః
ఓం మహీయసే నమః
ఓం భూర్భువాకృతయే నమః
ఓం మహానందాయ నమః
ఓం మహాశూరాయ నమః
ఓం మహోరాశయే నమః
ఓం మహోత్సవాయ నమః
ఓం మహాక్రోధాయ నమః || 590 ||
ఓం మహాజ్వాలాయ నమః
ఓం మహాశాంతాయ నమః
ఓం మహాగుణాయ నమః
ఓం సత్యవ్రతాయ నమః
ఓం సత్యపరాయ నమః
ఓం సత్యసంధాయ నమః
ఓం సతాంగతయే నమః
ఓం సత్యేశాయ నమః
ఓం సత్యసంకల్పాయ నమః
ఓం సత్యచారిత్రలక్షణాయ నమః || 600 ||
ఓం అంతశ్చరాయ నమః
ఓం అంతరాత్మనే నమః
ఓం పరమాత్మనే నమః
ఓం చిదాత్మకాయ నమః
ఓం రోచనాయ నమః
ఓం రోచమానాయ నమః
ఓం సాక్షిణే నమః
ఓం శౌరయే నమః
ఓం జనార్దనాయ నమః
ఓం ముకుందాయ నమః || 610 ||
ఓం నందనిష్పందాయ నమః
ఓం స్వర్ణబిందవే నమః
ఓం పురందరాయ నమః
ఓం అరిందమాయ నమః
ఓం సుమందాయ నమః
ఓం కుందమందారహాసవతే నమః
ఓం స్యందనారూఢచండాంగాయ నమః
ఓం ఆనందినే నమః
ఓం నందనందాయ నమః
ఓం అనసూయానందనాయ నమః || 620 ||
ఓం అత్రినేత్రానందాయ నమః
ఓం సునందవతే నమః
ఓం శంఖవతే నమః
ఓం పంకజకరాయ నమః
ఓం కుంకుమాంకాయ నమః
ఓం జయాంకుశాయ నమః
ఓం అంభోజమకరందాఢ్యాయ నమః
ఓం నిష్పంకాయ నమః
ఓం అగరుపంకిలాయ నమః
ఓం ఇంద్రాయ నమః || 630 ||
ఓం చంద్రరథాయ నమః
ఓం చంద్రాయ నమః
ఓం అతిచంద్రాయ నమః
ఓం చంద్రభాసకాయ నమః
ఓం ఉపేంద్రాయ నమః
ఓం ఇంద్రరాజాయ నమః
ఓం వాగీంద్రాయ నమః
ఓం చంద్రలోచనాయ నమః
ఓం ప్రతీచే నమః
ఓం పరాచే నమః || 640 ||
ఓం పరస్మై ధాంనే నమః
ఓం పరమార్థాయ నమః
ఓం పరాత్పరాయ నమః
ఓం అపారవాచే నమః
ఓం పారగామినే నమః
ఓం పారావారాయ నమః
ఓం పరావరాయ నమః
ఓం సహస్వతే నమః
ఓం అర్థదాత్రే నమః
ఓం సహనాయ నమః || 650 ||
ఓం సాహసినే నమః
ఓం జయినే నమః
ఓం తేజస్వినే నమః
ఓం వాయువిశిఖినే నమః
ఓం తపస్వినే నమః
ఓం తాపసోత్తమాయ నమః
ఓం ఐశ్వర్యోద్భూతికృతే నమః
ఓం భూతయే నమః
ఓం ఐశ్వర్యాంగకలాపవతే నమః
ఓం అంభోధిశాయినే నమః || 660 ||
ఓం భగవతే నమః
ఓం సర్వజ్ఞాయ నమః
ఓం సామపారగాయ నమః
ఓం మహాయోగినే నమః
ఓం మహాధీరాయ నమః
ఓం మహాభోగినే నమః
ఓం మహాప్రభవే నమః
ఓం మహావీరాయ నమః
ఓం మహాతుష్టయే నమః
ఓం మహాపుష్టయే నమః || 670 ||
ఓం మహాగుణాయ నమః
ఓం మహాదేవాయ నమః
ఓం మహాబాహవే నమః
ఓం మహాధర్మాయ నమః
ఓం మహేశ్వరాయ నమః
ఓం సమీపగాయ నమః
ఓం దూరగామినే నమః
ఓం స్వర్గమార్గనిరర్గళాయ నమః || 680 ||
ఓం నగాయ నమః
ఓం నగధరాయ నమః
ఓం నాగాయ నమః
ఓం నాగేశాయ నమః
ఓం నాగపాలకాయ నమః
ఓం హిరణ్మయాయ నమః
ఓం స్వర్ణరేతసే నమః
ఓం హిరణ్యార్చిషే నమః
ఓం హిరణ్యదాయ నమః
ఓం గుణగణ్యాయ నమః
ఓం శరణ్యాయ నమః
ఓం పుణ్యకీర్తయే నమః || 690 ||
ఓం పురాణగాయ నమః
ఓం జన్యభృతే నమః
ఓం జన్యసన్నద్ధాయ నమః
ఓం దివ్యపంచాయుధాయ నమః
ఓం విశినే నమః
ఓం దౌర్జన్యభంగాయ నమః
ఓం పర్జన్యాయ నమః
ఓం సౌజన్యనిలయాయ నమః
ఓం అలయాయ నమః
ఓం జలంధరాంతకాయ నమః || 700 ||
ఓం భస్మదైత్యనాశినే నమః
ఓం మహామనసే నమః
ఓం శ్రేష్ఠాయ నమః
ఓం శ్రవిష్ఠాయ నమః
ఓం ద్రాఘిష్ఠాయ నమః
ఓం గరిష్ఠాయ నమః
ఓం గరుడధ్వజాయ నమః
ఓం జ్యేష్ఠాయ నమః
ఓం ద్రఢిష్ఠాయ నమః
ఓం వర్షిష్ఠాయ నమః || 710 ||
ఓం ద్రాఘీయసే నమః
ఓం ప్రణవాయ నమః
ఓం ఫణినే నమః
ఓం సంప్రదాయకరాయ నమః
ఓం స్వామినే నమః
ఓం సురేశాయ నమః
ఓం మాధవాయ నమః
ఓం మధవే నమః
ఓం నిర్ణిమేషాయ నమః
ఓం విధయే నమః || 720 ||
ఓం వేధసే నమః
ఓం బలవతే నమః
ఓం జీవనాయ నమః
ఓం బలినే నమః
ఓం స్మర్త్రే నమః
ఓం శ్రోత్రే నమః
ఓం వికర్త్రే నమః
ఓం ధ్యాత్రే నమః
ఓం నేత్రే నమః
ఓం సమాయ నమః || 730 ||
ఓం అసమాయ నమః
ఓం హోత్రే నమః
ఓం పోత్రే నమః
ఓం మహావక్త్రే నమః
ఓం రంత్రే నమః
ఓం మంత్రే నమః
ఓం ఖలాంతకాయ నమః
ఓం దాత్రే నమః
ఓం గ్రాహయిత్రే నమః
ఓం మాత్రే నమః || 740 ||
ఓం నియంత్రే నమః
ఓం అనంతవైభవాయ నమః
ఓం గోప్త్రే నమః
ఓం గోపయిత్రే నమః
ఓం హంత్రే నమః
ఓం ధర్మజాగరిత్రే నమః
ఓం ధవాయ నమః
ఓం కర్త్రే నమః
ఓం క్షేత్రకరాయ నమః
ఓం క్షేత్రప్రదాయ నమః || 750 ||
ఓం క్షేత్రజ్ఞాయ నమః
ఓం ఆత్మవిదే నమః
ఓం క్షేత్రిణే నమః
ఓం క్షేత్రహరాయ నమః
ఓం క్షేత్రప్రియాయ నమః
ఓం క్షేమకరాయ నమః
ఓం మరుతే నమః
ఓం భక్తిప్రదాయ నమః
ఓం ముక్తిదాయినే నమః
ఓం శక్తిదాయ నమః || 760 ||
ఓం యుక్తిదాయకాయ నమః
ఓం శక్తియుజే నమః
ఓం మౌక్తికస్రగ్విణే నమః
ఓం సూక్తయే నమః
ఓం ఆంనాయసూక్తిగాయ నమః
ఓం ధనంజయాయ నమః
ఓం ధనాధ్యక్షాయ నమః
ఓం ధనికాయ నమః
ఓం ధనదాధిపాయ నమః
ఓం మహాధనాయ నమః || 770 ||
ఓం మహామానినే నమః
ఓం దుర్యోధనవిమానితాయ నమః
ఓం రత్నాకరాయ నమః
ఓం రత్న రోచిషే నమః
ఓం రత్నగర్భాశ్రయాయ నమః
ఓం శుచయే నమః
ఓం రత్నసానునిధయే నమః
ఓం మౌళిరత్నభాసే నమః
ఓం రత్నకంకణాయ నమః
ఓం అంతర్లక్ష్యాయ నమః || 780 ||
ఓం అంతరభ్యాసినే నమః
ఓం అంతర్ధ్యేయాయ నమః
ఓం జితాసనాయ నమః
ఓం అంతరంగాయ నమః
ఓం దయావతే నమః
ఓం అంతర్మాయాయ నమః
ఓం మహార్ణవాయ నమః
ఓం సరసాయ నమః
ఓం సిద్ధరసికాయ నమః
ఓం సిద్ధయే నమః || 790 ||
ఓం సాధ్యాయ నమః
ఓం సదాగతయే నమః
ఓం ఆయుఃప్రదాయ నమః
ఓం మహాయుష్మతే నమః
ఓం అర్చిష్మతే నమః
ఓం ఓషధీపతయే నమః
ఓం అష్టశ్రియై నమః
ఓం అష్టభాగాయ నమః
ఓం అష్టకకుబ్వ్యాప్తయశసే నమః
ఓం వ్రతినే నమః || 800 ||
ఓం అష్టాపదాయ నమః
ఓం సువర్ణాభాయ నమః
ఓం అష్టమూర్తయే నమః
ఓం త్రిమూర్తిమతే నమః
ఓం అస్వప్నాయ నమః
ఓం స్వప్నగాయ నమః
ఓం స్వప్నాయ నమః
ఓం సుస్వప్నఫలదాయకాయ నమః
ఓం దుస్స్వప్నధ్వంసకాయ నమః
ఓం ధ్వస్తదుర్నిమిత్తాయ నమః || 810 ||
ఓం శివంకరాయ నమః
ఓం సువర్ణవర్ణాయ నమః
ఓం సంభావ్యాయ నమః
ఓం వర్ణితాయ నమః
ఓం వర్ణసంముఖాయ నమః
ఓం సువర్ణముఖరీతీరశివ ధ్యాతపదాంబుజాయ నమః
ఓం దాక్షాయణీవచస్తుష్టాయ నమః
ఓం దుర్వాసోదృష్టిగోచరాయ నమః
ఓం అంబరీషవ్రతప్రీతాయ నమః
ఓం మహాకృత్తివిభంజనాయ నమః || 820 ||
ఓం మహాభిచారకధ్వంసినే నమః
ఓం కాలసర్పభయాంతకాయ నమః
ఓం సుదర్శనాయ నమః
ఓం కాలమేఘశ్యామాయ నమః
ఓం శ్రీమంత్రభావితాయ నమః
ఓం హేమాంబుజసరస్నాయినే నమః
ఓం శ్రీమనోభావితాకృతయే నమః
ఓం శ్రీప్రదత్తాంబుజస్రగ్విణే నమః
ఓం శ్రీకేళయే నమః
ఓం శ్రీనిధయే నమః || 830 ||
ఓం భవాయ నమః
ఓం శ్రీప్రదాయ నమః
ఓం వామనాయ నమః
ఓం లక్ష్మీనాయకాయ నమః
ఓం చతుర్భుజాయ నమః
ఓం సంతృప్తాయ నమః
ఓం తర్పితాయ నమః
ఓం తీర్థస్నాతృసౌఖ్యప్రదర్శకాయ నమః
ఓం అగస్త్యస్తుతిసంహృష్టాయ నమః
ఓం దర్శితావ్యక్తభావనాయ నమః || 840 ||
ఓం కపిలార్చిషే నమః
ఓం కపిలవతే నమః
ఓం సుస్నాతాఘావిపాటనాయ నమః
ఓం వృషాకపయే నమః
ఓం కపిస్వామిమనోంతస్థితవిగ్రహాయ నమః
ఓం వహ్నిప్రియాయ నమః
ఓం అర్థసంభవాయ నమః
ఓం జనలోకవిధాయకాయ నమః
ఓం వహ్నిప్రభాయ నమః
ఓం వహ్నితేజసే నమః || 850 ||
ఓం శుభాభీష్టప్రదాయ నమః
ఓం యమినే నమః
ఓం వారుణక్షేత్రనిలయాయ నమః
ఓం వరుణాయ నమః
ఓం వారణార్చితాయ నమః
ఓం వాయుస్థానకృతావాసాయ నమః
ఓం వాయుగాయ నమః
ఓం వాయుసంభృతాయ నమః
ఓం యమాంతకాయ నమః
ఓం అభిజననాయ నమః || 860 ||
ఓం యమలోకనివారణాయ నమః
ఓం యమినామగ్రగణ్యాయ నమః
ఓం సంయమినే నమః
ఓం యమభావితాయ నమః
ఓం ఇంద్రోద్యానసమీపస్థాయ నమః
ఓం ఇంద్రదృగ్విషయాయ నమః
ఓం ప్రభవే నమః
ఓం యక్షరాట్సరసీవాసాయ నమః
ఓం అక్షయ్యనిధికోశకృతే నమః
ఓం స్వామితీర్థకృతావాసాయ నమః || 870 ||
ఓం స్వామిధ్యేయాయ నమః
ఓం అధోక్షజాయ నమః
ఓం వరాహాద్యష్టతీర్థాభిసేవితాంఘ్రిసరోరుహాయ నమః
ఓం పాండుతీర్థాభిషిక్తాంగాయ నమః
ఓం యుధిష్ఠిరవరప్రదాయ నమః
ఓం భీమాంతఃకరణారూఢాయ నమః
ఓం శ్వేతవాహనసఖ్యవతే నమః
ఓం నకులాభయదాయ నమః
ఓం మాద్రీసహదేవాభివందితాయ నమః
ఓం కృష్ణాశపథసంధాత్రే నమః || 880 ||
ఓం కుంతీస్తుతిరతాయ నమః
ఓం దమినే నమః
ఓం నారదాదిమునిస్తుత్యాయ నమః
ఓం నిత్యకర్మపరాయణాయ నమః
ఓం దర్శితావ్యక్తరూపాయ నమః
ఓం వీణానాదప్రమోదితాయ నమః
ఓం షట్కోటితీర్థచర్యావతే నమః
ఓం దేవతీర్థకృతాశ్రమాయ నమః
ఓం బిల్వామలజలస్నాయినే నమః
ఓం సరస్వత్యంబుసేవితాయ నమః || 890 ||
ఓం తుంబురూదకసంస్పర్శజనచిత్తతమోపహాయ నమః
ఓం మత్స్యవామనకూర్మాదితీర్థరాజాయ నమః
ఓం పురాణభృతే నమః
ఓం చక్రధ్యేయపదాంభోజాయ నమః
ఓం శంఖపూజితపాదుకాయ నమః
ఓం రామతీర్థవిహారిణే నమః
ఓం బలభద్రప్రతిష్ఠితాయ నమః
ఓం జామదగ్న్యసరస్తీర్థజలసేచనతర్పితాయ నమః
ఓం పాపాపహారికీలాలసుస్నాతాఘవినాశనాయ నమః
ఓం నభోగంగాభిషిక్తాయ నమః || 900 ||
ఓం నాగతీర్థాభిషేకవతే నమః
ఓం కుమారధారాతీర్థస్థాయ నమః
ఓం వటువేషాయ నమః
ఓం సుమేఖలాయ నమః
ఓం వృద్ధస్యసుకుమారత్వ ప్రదాయ నమః
ఓం సౌందర్యవతే నమః
ఓం సుఖినే నమః
ఓం ప్రియంవదాయ నమః
ఓం మహాకుక్షయే నమః
ఓం ఇక్ష్వాకుకులనందనాయ నమః || 910 ||
ఓం నీలగోక్షీరధారాభువే నమః
ఓం వరాహాచలనాయకాయ నమః
ఓం భరద్వాజప్రతిష్ఠావతే నమః
ఓం బృహస్పతివిభావితాయ నమః
ఓం అంజనాకృతపూజావతే నమః
ఓం ఆంజనేయకరార్చితాయ నమః
ఓం అంజనాద్రినివాసాయ నమః
ఓం ముంజకేశాయ నమః
ఓం పురందరాయ నమః
ఓం కిన్నరద్వంద్వసంబంధిబంధమోక్షప్రదాయకాయ నమః || 920 ||
ఓం వైఖానసమఖారంభాయ నమః
ఓం వృషజ్ఞేయాయ నమః
ఓం వృషాచలాయ నమః
ఓం వృషకాయప్రభేత్త్రే నమః
ఓం క్రీడనాచారసంభ్రమాయ నమః
ఓం సౌవర్చలేయవిన్యస్తరాజ్యాయ నమః
ఓం నారాయణప్రియాయ నమః
ఓం దుర్మేధోభంజకాయ నమః
ఓం ప్రాజ్ఞాయ నమః
ఓం బ్రహ్మోత్సవమహోత్సుకాయ నమః || 930 ||
ఓం భద్రాసురశిరశ్ఛేత్రే నమః
ఓం భద్రక్షేత్రిణే నమః
ఓం సుభద్రవతే నమః
ఓం మృగయాక్షీణసన్నాహాయ నమః
ఓం శంఖరాజన్యతుష్టిదాయ నమః
ఓం స్థాణుస్థాయ నమః
ఓం వైనతేయాంగభావితాయ నమః
ఓం అశరీరవతే నమః
ఓం భోగీంద్రభోగసంస్థానాయ నమః
ఓం బ్రహ్మాదిగణసేవితాయ నమః || 940 ||
ఓం సహస్రార్కచ్ఛటాభాస్వద్విమానాంతఃస్థితాయ నమః
ఓం గుణినే నమః
ఓం విష్వక్సేనకృతస్తోత్రాయ నమః
ఓం సనందనపరీవృతాయ నమః
ఓం జాహ్నవ్యాదినదీసేవ్యాయ నమః
ఓం సురేశాద్యభివందితాయ నమః
ఓం సురాంగనానృత్యపరాయ నమః
ఓం గంధర్వోద్గాయనప్రియాయ నమః
ఓం రాకేందుసంకాశనఖాయ నమః
ఓం కోమలాంఘ్రిసరోరుహాయ నమః || 950 ||
ఓం కచ్ఛపప్రపదాయ నమః
ఓం కుందగుల్ఫకాయ నమః
ఓం స్వచ్ఛకూర్పరాయ నమః
ఓం మేదురస్వర్ణవస్త్రాఢ్యకటిదేశస్థమేఖలాయ నమః
ఓం ప్రోల్లసచ్ఛురికాభాస్వత్కటిదేశాయ నమః
ఓం శుభంకరాయ నమః
ఓం అనంతపద్మజస్థాననాభయే నమః
ఓం మౌక్తికమాలికాయ నమః
ఓం మందారచాంపేయమాలినే నమః
ఓం రత్నాభరణసంభృతాయ నమః || 960 ||
ఓం లంబయజ్ఞోపవీతినే నమః
ఓం చంద్రశ్రీఖండలేపవతే నమః
ఓం వరదాయ నమః
ఓం అభయదాయ నమః
ఓం చక్రిణే నమః
ఓం శంఖినే నమః
ఓం కౌస్తుభదీప్తిమతే నమః
ఓం శ్రీవత్సాంకితవక్షస్కాయ నమః
ఓం లక్ష్మీసంశ్రితహృత్తటాయ నమః
ఓం నీలోత్పలనిభాకారాయ నమః || 970 ||
ఓం శోణాంభోజసమాననాయ నమః
ఓం కోటిమన్మథలావణ్యాయ నమః
ఓం చంద్రికాస్మితపూరితాయ నమః
ఓం సుధాస్వచ్ఛోర్ధ్వపుండ్రాయ నమః
ఓం కస్తూరీతిలకాంచితాయ నమః
ఓం పుండరీకేక్షణాయ నమః
ఓం స్వచ్ఛాయ నమః
ఓం మౌళిశోభావిరాజితాయ నమః
ఓం పద్మస్థాయ నమః
ఓం పద్మనాభాయ నమః || 980 ||
ఓం సోమమండలగాయ నమః
ఓం బుధాయ నమః
ఓం వహ్నిమండలగాయ నమః
ఓం సూర్యాయ నమః
ఓం సూర్యమండలసంస్థితాయ నమః
ఓం శ్రీపతయే నమః
ఓం భూమిజానయే నమః
ఓం విమలాద్యభిసంవృతాయ నమః
ఓం జగత్కుటుంబజనిత్రే నమః
ఓం రక్షకాయ నమః || 990 ||
ఓం కామితప్రదాయ నమః
ఓం అవస్థాత్రయయంత్రే నమః
ఓం విశ్వతేజస్స్వరూపవతే నమః
ఓం జ్ఞప్తయే నమః
ఓం జ్ఞేయాయ నమః
ఓం జ్ఞానగంయాయ నమః
ఓం జ్ఞానాతీతాయ నమః
ఓం సురాతిగాయ నమః
ఓం బ్రహ్మాండాంతర్బహిర్వ్యాప్తాయ నమః
ఓం వేంకటాద్రిగదాధరాయ నమః || 1000 ||

శ్రీ శ్రీనివాస స్తుతిః (తోండమాన కృతం)

శ్రీ శ్రీనివాస స్తుతిః (తోండమాన కృతం).

Telugu

Read Stotra

శ్రీ శ్రీనివాస స్తుతిః (తోండమాన కృతం)

రాజోవాచ |
దర్శనాత్తవ గోవింద నాధికం వర్తతే హరే |
త్వాం వదంతి సురాధ్యక్షం వేదవేద్యం పురాతనం || 1 ||
మునయో మనుజశ్రేష్ఠాః తచ్ఛ్రుత్వాహమిహాగతః |
స్వామిన్ నచ్యుత గోవింద పురాణపురుషోత్తమ || 2 ||
అప్రాకృతశరీరోఽసి లీలామానుషవిగ్రహః |
త్వామేవ సృష్టికరణే పాలనే హరణే హరే || 3 ||
కారణం ప్రకృతేర్యోనిం వదంతి చ మనీషిణః |
జగదేకార్ణవం కృత్వా భవానేకత్వమాప్య చ || 4 ||
జీవకోటిధనం దేవ జఠరే పరిపూరయన్ |
క్రీడతే రమయా సార్ధం రమణీయాంగవిశ్రమః || 5 ||
సహస్రశీర్షా పురుషః సహస్రాక్షః సహస్రపాత్ |
త్వన్ముఖాద్విప్రనిచయో బాహుభ్యాం క్షత్రమండలం || 6 ||
ఊరుభ్యామభవన్ వైశ్యాః పద్భ్యాం శూద్రాః ప్రకీర్తితాః |
ప్రభుస్త్వం సర్వలోకానాం దేవానామపి యోగినాం || 7 ||
అంతఃసృష్టికరస్త్వం హి బహిః సృష్టికరో భవాన్ |
నమః శ్రీవేంకటేశాయ నమో బ్రహ్మోదరాయ చ || 8 ||
నమో నాథాయ కాంతాయ రమాయాః పుణ్యమూర్తయే |
నమః శాంతాయ కృష్ణాయ నమస్తేఽద్భుతకర్మణే || 9 ||
అప్రాకృతశరీరాయ శ్రీనివాసాయ తే నమః |
అనంతమూర్తయే నిత్యం అనంతశిరసే నమః || 10 ||
అనంతబాహవే శ్రీమన్ అనంతాయ నమో నమః |
సరీసృపగిరీశాయ పరబ్రహ్మన్ నమో నమః || 11 ||
ఇతి స్తుత్వా శ్రీనివాసం కమనీయకలేవరం |
విరరామ మహారాజ రాజేంద్రో రణకోవిదః || 12 ||
స్తోత్రేణానేన సుప్రీతస్తోండమానకృతేన చ |
సంతుష్టః ప్రాహ గోవిందః శ్రీమంతం రాజసత్తమం || 13 ||
శ్రీనివాస ఉవాచ |
రాజన్ అలమలం స్తోత్రం కృతం పరమపావనం |
అనేన స్తవరాజేన మామర్చంతి చ యే జనాః || 14 ||
తేషాం తు మమ సాలోక్యం భవిష్యతి న సంశయః || 15 ||
ఇతి శ్రీవేంకటాచలమాహాత్ంయే తోండమాన కృత శ్రీనివాసస్తుతిః |

శ్రీ వేంకటేశ్వర షోడశోపచార పూజ

శ్రీ వేంకటేశ్వర షోడశోపచార పూజ.

Telugu

Read Stotra

శ్రీ వేంకటేశ్వర షోడశోపచార పూజ

పునః సంకల్పం –
పూర్వోక్త ఏవం గుణ విశేషణ విశిష్టాయాం శుభ తిథౌ శ్రీ వేంకటేశ్వర స్వామినః అనుగ్రహప్రసాద సిద్ధ్యర్థం శ్రీ వేంకటేశ్వర స్వామినః ప్రీత్యర్థం పురుష సూక్త విధానేన ధ్యాన ఆవాహనాది షోడశోపచార పూజాం కరిష్యే ||
ప్రాణప్రతిష్ఠా –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో” ధేహి॒ భోగ”ం |
జ్యోక్ప॑శ్యేమ॒ సూర్య॑ము॒చ్చర”న్త॒
మను॑మతే మృ॒డయా” నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||
శ్రీ వేంకటేశ్వర స్వామినే నమః ఆవాహయామి స్థాపయామి పూజయామి |
స్థిరోభవ వరదోభవ సుప్రసన్నో భవ స్థిరాసనం కురు ప్రసీద ప్రసీద |
ధ్యానం –
శాంతాకారం భుజగశయనం పద్మనాభం సురేశం
విశ్వాకారం గగనసదృశం మేఘవర్ణం శుభాంగం |
లక్ష్మీకాంతం కమలనయనం యోగిహృద్ధ్యానగంయం
వందే విష్ణుం భవభయహరం సర్వలోకైకనాథం ||
హైమోర్ధ్వపుండ్ర మజహన్మకుటం సునాసం
మందస్మితం మకరకుండల చారుగండం |
బింబాధరం బహుళ దీర్ఘ కృపాకటాక్షం
శ్రీవేంకటేశ ముఖమాత్మని సన్నిధత్తాం ||
శ్రీవేంకటాచలాధీశం శ్రియాధ్యాసిత వక్షసం |
శ్రితచేతనమందారం శ్రీనివాసమహం భజే ||
ఓం శ్రీపద్మావతీ సమేత శ్రీవేంకటేశ్వర స్వామినే నమః ధ్యాయామి ||
ఆవాహనం –
స॒హస్ర॑శీర్షా॒ పురు॑షః |
స॒హ॒స్రా॒క్షః స॒హస్ర॑పాత్ |
స భూమి॑o వి॒శ్వతో॑ వృ॒త్వా |
అత్య॑తిష్ఠద్దశాఙ్గు॒లం |
ఆవాహయామి సర్వేశ శ్రీనివాస రమాపతే |
కృపయా దేహి సాన్నిధ్యం శరణగతవత్సల ||
ఓం శ్రీపద్మావతీ సమేత శ్రీవేంకటేశ్వర స్వామినే నమః ఆవాహయామి ||
ఆసనం –
పురు॑ష ఏ॒వేదగ్ం సర్వం” |
యద్భూ॒తం యచ్చ॒ భవ్యం” |
ఉ॒తామృ॑త॒త్వస్యేశా॑నః |
య॒దన్నే॑నాతి॒రోహ॑తి |
దేవ దేవ జగన్నాథ ప్రణతక్లేశనాశక |
రత్నసింహాసనం దివ్యం గృహాణ మధుసూదన ||
ఓం శ్రీ పద్మావతీ సమేత శ్రీ వేంకటేశ్వర స్వామినే నమః ఆసనం సమర్పయామి ||
పాద్యం –
ఏ॒తావా॑నస్య మహి॒మా |
అతో॒ జ్యాయాగ్॑శ్చ॒ పూరు॑షః |
పాదో”ఽస్య॒ విశ్వా॑ భూ॒తాని॑ |
త్రి॒పాద॑స్యా॒మృత॑o ది॒వి |
వాంఛితం కురు మే దేవ దుష్కృతం చ వినాశయ |
పాద్యం గృహాణ భగవాన్ మాతురుత్సంగ సంస్థిత ||
ఓం శ్రీపద్మావతీ సమేత శ్రీవేంకటేశ్వర స్వామినే నమః పాదయోః పాద్యం సమర్పయామి |
అర్ఘ్యం –
త్రి॒పాదూ॒ర్ధ్వ ఉదై॒త్పురు॑షః |
పాదో”ఽస్యే॒హాఽఽభ॑వా॒త్పున॑: |
తతో॒ విష్వ॒ఙ్వ్య॑క్రామత్ |
సా॒శ॒నా॒న॒శ॒నే అ॒భి |
కురుష్వ మే దయాం దేవ సంసారార్తిభయాపహ |
కుసుమాక్షత సంయుక్తం గృహాణార్ఘ్యం నమోఽస్తు తే ||
ఓం శ్రీపద్మావతీ సమేత శ్రీవేంకటేశ్వర స్వామినే నమః హస్తయోః అర్ఘ్యం సమర్పయామి ||
ఆచమనీయం –
తస్మా”ద్వి॒రాడ॑జాయత |
వి॒రాజో॒ అధి॒ పూరు॑షః |
స జా॒తో అత్య॑రిచ్యత |
ప॒శ్చాద్భూమి॒మథో॑ పు॒రః |
నమః సత్యాయ శుద్ధాయ నిత్యాయ జ్ఞానరూపిణే |
గృహాణాచమనం దేవ సర్వలోకైకనాయక ||
ఓం శ్రీపద్మావతీ సమేత శ్రీవేంకటేశ్వర స్వామినే నమః ముఖే ఆచమనీయం సమర్పయామి ||
పంచామృతస్నానం –
దధి క్షీరాజ్య మధుభిః శర్కరా ఫలమిశ్రితం |
పంచామృతస్నానమిదం గృహాణ పురుషోత్తమ ||
ఓం శ్రీపద్మావతీ సమేత శ్రీవేంకటేశ్వర స్వామినే నమః పంచామృత స్నానం సమర్పయామి ||
శుద్ధోదకస్నానం –
యత్పురు॑షేణ హ॒విషా” |
దే॒వా య॒జ్ఞమత॑న్వత |
వ॒స॒న్తో అ॑స్యాసీ॒దాజ్యం” |
గ్రీ॒ష్మ ఇ॒ధ్మశ్శ॒రద్ధ॒విః |
గంగాది సర్వతీర్థేభ్యః సమాహృతమిదం జలం |
స్నానం స్వీకురు దేవేశ భక్తచిత్తస్థిరాసన |||
ఓం శ్రీపద్మావతీ సమేత శ్రీవేంకటేశ్వర స్వామినే నమః శుద్ధోదక స్నానం సమర్పయామి ||
వస్త్రం –
స॒ప్తాస్యా॑సన్పరి॒ధయ॑: |
త్రిః స॒ప్త స॒మిధ॑: కృ॒తాః |
దే॒వా యద్య॒జ్ఞం త॑న్వా॒నాః |
అబ॑ధ్న॒న్పురు॑షం ప॒శుం |
తప్తకాంచన సంకాశం పీతాంబరమిదం హరే |
గృహాణ శ్రీజగన్నాథ శ్రీనివాస నమోఽస్తు తే ||
ఓం శ్రీపద్మావతీ సమేత శ్రీవేంకటేశ్వర స్వామినే నమః వస్త్రయుగ్మం సమర్పయామి ||
యజ్ఞోపవీతం –
తం య॒జ్ఞం బ॒ర్హిషి॒ ప్రౌక్షన్॑ |
పురు॑షం జా॒తమ॑గ్ర॒తః |
తేన॑ దే॒వా అయ॑జన్త |
సా॒ధ్యా ఋష॑యశ్చ॒ యే |
వేంకటేశ మహాదేవ శ్రియః కాంత జగద్విభో |
బ్రహ్మసూత్రోత్తరీయే తు గృహాణ కరుణాపర ||
ఓం శ్రీపద్మావతీ సమేత శ్రీవేంకటేశ్వర స్వామినే నమః యజ్ఞోపవీతం సమర్పయామి ||
గంధం –
తస్మా”ద్య॒జ్ఞాత్స॑ర్వ॒హుత॑: |
సంభృ॑తం పృషదా॒జ్యం |
ప॒శూగ్‍స్తాగ్‍శ్చ॑క్రే వాయ॒వ్యాన్॑ |
ఆ॒ర॒ణ్యాన్గ్రా॒ంయాశ్చ॒ యే |
చందనాగరు కస్తూరీ ఘనసారసమన్వితం |
గంధం గృహాణ గోవింద పరమామోదపూరితం ||
ఓం శ్రీ పద్మావతీ సమేత శ్రీ వేంకటేశ్వర స్వామినే నమః దివ్య పరిమళ గంధాన్ సమర్పయామి ||
ఆభరణం –
తస్మా”ద్య॒జ్ఞాత్స॑ర్వ॒హుత॑: |
ఋచ॒: సామా॑ని జజ్ఞిరే |
ఛన్దాగ్॑oసి జజ్ఞిరే॒ తస్మా”త్ |
యజు॒స్తస్మా॑దజాయత |
కేయూర కటకే చైవ హస్తే చిత్రాంగుళీయకం
మాణిక్యోల్లాసి మకుటం కుండలే హారశోభితం |
నాభౌ నాయక రత్నం చ నూపురే హారపద్మయోః
అంగుళీ ముద్రికాశ్చైవ గృహ్యతాం అస్మదర్పితాః ||
ఓం శ్రీపద్మావతీ సమేత శ్రీవేంకటేశ్వర స్వామినే నమః ఆభరణాని సమర్పయామి ||
అక్షతాన్ –
గోవింద పరమానంద హరిద్రా సహితాక్షతాన్ |
విశ్వేశ్వర విశాలాక్ష గృహాణ పరమేశ్వర ||
ఓం శ్రీ పద్మావతీ సమేత శ్రీ వేంకటేశ్వర స్వామినే నమః అక్షతాన్ సమర్పయామి ||
పుష్పం –
తస్మా॒దశ్వా॑ అజాయన్త |
యే కే చో॑భ॒యాద॑తః |
గావో॑ హ జజ్ఞిరే॒ తస్మా”త్ |
తస్మా”జ్జా॒తా అ॑జా॒వయ॑: |
సుగంధీని సుపుష్పాణి జాజీకుందముఖాని చ |
మాలతీ వకుళాదీని పూజార్థం ప్రతిగృహ్యతాం ||
ఓం శ్రీపద్మావతీ సమేత శ్రీవేంకటేశ్వర స్వామినే నమః పుష్పం సమర్పయామి ||
అథాంగ పూజా –
ఓం శ్రీవేంకటేశ్వరాయ నమః – పాదౌ పూజయామి |
ఓం శ్రీవేంకటాచలాధీశాయ నమః – గుల్ఫౌ పూజయామి |
ఓం శ్రీప్రదాయకాయ నమః – జంఘే పూజయామి |
ఓం పద్మావతీపతయే నమః – జానునీ పూజయామి |
ఓం జ్ఞానప్రదాయ నమః – ఊరుం పూజయామి |
ఓం శ్రీనివాసాయ నమః – కటిం పూజయామి |
ఓం మహాభాగాయ నమః – నాభిం పూజయామి |
ఓం నిర్మలాయ నమః – ఉదరం పూజయామి |
ఓం విశాలహృదయాయ నమః – హృదయం పూజయామి |
ఓం పరిశుద్ధాత్మనే నమః – స్తనౌ పూజయామి |
ఓం పురుషోత్తమాయ నమః – భుజౌ పూజయామి |
ఓం స్వర్ణహస్తాయ నమః – హస్తౌ పూజయామి |
ఓం వరప్రదాయ నమః – కంఠం పూజయామి |
ఓం లోకనాథాయ నమః – స్కంధౌ పూజయామి |
ఓం సర్వేశ్వరాయ నమః – ముఖం పూజయామి |
ఓం రసజ్ఞాయ నమః – నాసికాం పూజయామి |
ఓం పుణ్యశ్రవణకీర్తనాయ నమః – శ్రోత్రే పూజయామి |
ఓం ఫుల్లాంబుజవిలోచనాయ నమః – నేత్రే పూజయామి |
ఓం వర్చస్వినే నమః – లలాటం పూజయామి |
ఓం సహస్రశీర్షాయ నమః – శిరః పూజయామి |
ఓం రంయ విగ్రహాయ నమః – సర్వాణ్యంగాని పూజయామి |
ఓం శ్రీపద్మావతీ సమేత శ్రీవేంకటేశ్వర స్వామినే నమః దివ్యసుందర విగ్రహం పూజయామి ||
ధూపం –
యత్పురు॑ష॒o వ్య॑దధుః |
క॒తి॒ధా వ్య॑కల్పయన్ |
ముఖ॒o కిమ॑స్య॒ కౌ బా॒హూ |
కావూ॒రూ పాదా॑వుచ్యేతే |
దశాంగం గుగ్గులోపేతం గోఘృతేన సమన్వితం |
ధూపం గృహాణ దేవేశ సర్వలోకనమస్కృత ||
ఓం శ్రీపద్మావతీ సమేత శ్రీవేంకటేశ్వర స్వామినే నమః ధూపం ఆఘ్రాపయామి ||
దీపం –
బ్రా॒హ్మ॒ణో”ఽస్య॒ ముఖ॑మాసీత్ |
బా॒హూ రా॑జ॒న్య॑: కృ॒తః |
ఊ॒రూ తద॑స్య॒ యద్వైశ్య॑: |
ప॒ద్భ్యాగ్ం శూ॒ద్రో అ॑జాయత |
త్రిలోకేశ మహాదేవ సర్వజ్ఞానప్రదాయక |
దీపం దాస్యామి దేవేశ రక్ష మాం భక్తవత్సల ||
ఓం శ్రీపద్మావతీ సమేత శ్రీవేంకటేశ్వర స్వామినే నమః దీపం దర్శయామి ||
ధూపదీపానంతరం శుద్ధాచమనీయం సమర్పయామి |
నైవేద్యం –
చ॒న్ద్రమా॒ మన॑సో జా॒తః |
చక్షో॒: సూర్యో॑ అజాయత |
ముఖా॒దిన్ద్ర॑శ్చా॒గ్నిశ్చ॑ |
ప్రా॒ణాద్వా॒యుర॑జాయత |
సర్వభక్షైశ్చ భోజ్యైశ్చ రసైః షడ్భిః సమన్వితం |
నైవేద్యం తు మయానీతం గృహాణ పురుషోత్తమ ||
ఓం శ్రీపద్మావతీ సమేత శ్రీవేంకటేశ్వర స్వామినే నమః నైవేద్యం సమర్పయామి ||
ఓం భూర్భువ॒స్సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
తాంబూలం –
నాభ్యా॑ ఆసీద॒న్తరి॑క్షం |
శీ॒ర్ష్ణో ద్యౌః సమ॑వర్తత |
ప॒ద్భ్యాం భూమి॒ర్దిశ॒: శ్రోత్రా”త్ |
తథా॑ లో॒కాగ్ం అ॑కల్పయన్ |
పూగీఫలైః సకర్పూరైర్నాగవల్లీ దళైర్యుతం |
ముక్తాచూర్ణ సమాయుక్తం తాంబూలం ప్రతిగృహ్యతాం ||
ఓం శ్రీపద్మావతీ సమేత శ్రీవేంకటేశ్వర స్వామినే నమః తాంబూలం సమర్పయామి ||
నీరాజనం –
వేదా॒హమే॒తం పురు॑షం మ॒హాన్తం” |
ఆ॒ది॒త్యవ॑ర్ణం॒ తమ॑స॒స్తు పా॒రే |
సర్వా॑ణి రూ॒పాణి॑ వి॒చిత్య॒ ధీర॑: |
నామా॑ని కృ॒త్వాఽభి॒వద॒న్॒ యదాస్తే” |
శ్రియః కాంతాయ కళ్యాణ నిధయే నిధయేర్థినాం |
శ్రీవేంకటనివాసాయ శ్రీనివాసాయ మంగళం ||
ఓం శ్రీపద్మావతీ సమేత శ్రీవేంకటేశ్వర స్వామినే నమః నీరాజనం దర్శయామి ||
నీరాజనానంతరం శుద్ధాచమనీయం సమర్పయామి |
ధా॒తా పు॒రస్తా॒ద్యము॑దాజ॒హార॑ |
శ॒క్రః ప్రవి॒ద్వాన్ప్ర॒దిశ॒శ్చత॑స్రః |
తమే॒వం వి॒ద్వాన॒మృత॑ ఇ॒హ భ॑వతి |
నాన్యః పన్థా॒ అయ॑నాయ విద్యతే |
నానాసుగంధపుష్పాణి యథా కాలోద్భవాని చ |
పుష్పాంజలిం మయా దత్తం గృహాణ వేంకటేశ్వర ||
ఓం శ్రీపద్మావతీ సమేత శ్రీవేంకటేశ్వర స్వామినే నమః సువర్ణ దివ్య మంత్రపుష్పం సమర్పయామి ||
ప్రదక్షిణ నమస్కారాః –
యాని కాని చ పాపాని జన్మాంతరకృతాని చ |
తాని తాని ప్రణశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవః |
త్రాహి మాం కృపయా దేవ శరణాగతవత్సల ||
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష జనార్దన ||
ఓం శ్రీపద్మావతీ సమేత శ్రీవేంకటేశ్వర స్వామినే నమః ఆత్మప్రదక్షిణ నమస్కారాన్ సమర్పయామి ||
ఉపచార పూజా –
ఓం శ్రీపద్మావతీ సమేత శ్రీవేంకటేశ్వర స్వామినే నమః |
ఛత్రమాచ్ఛాదయామి | చామరైర్వీజయామి |
నృత్యం దర్శయామి | గీతం శ్రావయామి |
వాద్యం ఘోషయామి | ఆందోళికానారోహయామి |
అశ్వానారోహయామి | గజానారోహయామి |
సమస్త రాజోపచార దేవోపచార భక్త్యుపచార శక్త్యుపచార మంత్రోపచార పూజాః సమర్పయామి ||
ప్రార్థనా –
ఓం నమో దేవదేవాయ పూర్వదేవాయ ఖడ్గినే |
శ్రీవత్సాంకాయ చ నమః పరస్మై పరమాత్మనే ||
నమః పరస్మై వ్యూహోపవ్యూహాంతర విభూతయే |
విభవాయ నమస్తస్మై విశ్వాంతర్యామిణేఽణవే ||
అర్చావతారాయ నమోఽజన్మనే జన్మభాజినే |
మాయావినే జగత్ స్రష్ట్రే లక్ష్మీనారాయణాత్మనే ||
క్షమా ప్రార్థనా –
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే తమచ్యుతం ||
మంత్రహీనం క్రియాహీనం భక్తిహీనం జనార్దన |
యత్పూజితం మయా దేవ పరిపూర్ణం తదస్తు తే ||
అనయా ధ్యాన ఆవాహనాది షోడశోపచార పూజయా భగవాన్ సర్వాత్మకః శ్రీపద్మావతీ సమేత శ్రీవేంకటేశ్వర స్వామి సుప్రీతో సుప్రసన్నో వరదో భవంతు ||
తీర్థం –
అకాలమృత్యుహరణం సర్వవ్యాధినివారణం |
సమస్తపాపక్షయకరం శ్రీశ్రీనివాస పాదోదకం పావనం శుభం ||
శ్రీవేంకటేశ్వర స్వామి ప్రసాదం శిరసా గృహ్ణామి ||
ఉద్వాసనం –
యజ్ఞేన యజ్ఞమయజంత దేవాః
తాని ధర్మాణి ప్రథమా న్యాసన్ |
తేహనాకం మహిమానస్సచంతే
యత్ర పూర్వే సాధ్యాస్సంతి దేవాః ||
ఓం శ్రీపద్మావతీ సమేత శ్రీవేంకటేశ్వర స్వామినే నమః యథాస్థానం ఉద్వాసయామి ||

Sign In

OTP Verification

Sacred Stotras & Deities

శ్రీ వేంకటేశ అష్టకం

శ్రీ శ్రీనివాస గద్యం

శ్రీ శ్రీనివాస తారావళీ (శ్రీదేవశర్మ కృతం)

శ్రీ శ్రీనివాస స్మరణ (మనసా స్మరామి)

శ్రీ శ్రీనివాస స్తుతిః (స్కాందపురాణే)

శ్రీ వేంకటేశ్వర అష్టోత్తరశతనామ స్తోత్రం 1

శ్రీ వేంకటేశ్వర అష్టోత్తరశతనామావళిః 2

శ్రీ వేంకటేశ్వర అష్టోత్తరశతనామావళిః 3

శ్రీ వేంకటేశ సహస్రనామ స్తోత్రం

శ్రీ వేంకటేశ్వర సహస్రనామావళిః

శ్రీ శ్రీనివాస స్తుతిః (తోండమాన కృతం)

శ్రీ వేంకటేశ్వర షోడశోపచార పూజ

MENU

LINKS

Astrologer Section

Vendor Section

GET ADVICE ON

Download Our Apps