SUBRAHMANYA Stotras & Hymns - Read Sacred Verses

శ్రీ స్కంద స్తోత్రం (మహాభారతే)

శ్రీ స్కంద స్తోత్రం (మహాభారతే).

Telugu

శ్రీ స్కంద స్తోత్రం (మహాభారతే)

మార్కండేయ ఉవాచ |
ఆగ్నేయశ్చైవ స్కందశ్చ దీప్తకీర్తిరనామయః |
మయూరకేతుర్ధర్మాత్మా భూతేశో మహిషార్దనః || 1 ||
కామజిత్కామదః కాంతః సత్యవాగ్భువనేశ్వరః |
శిశుః శీఘ్రః శుచిశ్చండో దీప్తవర్ణః శుభాననః || 2 ||
అమోఘస్త్వనఘో రౌద్రః ప్రియశ్చంద్రాననస్తథా |
దీప్తశక్తిః ప్రశాంతాత్మా భద్రకుక్కుటమోహనః || 3 ||
షష్ఠీప్రియశ్చ ధర్మాత్మా పవిత్రో మాతృవత్సలః |
కన్యాభర్తా విభక్తశ్చ స్వాహేయో రేవతీసుతః || 4 ||
ప్రభుర్నేతా విశాఖశ్చ నైగమేయః సుదుశ్చరః |
సువ్రతో లలితశ్చైవ బాలక్రీడనకప్రియః || 5 ||
ఖచారీ బ్రహ్మచారీ చ శూరః శరవణోద్భవః |
విశ్వామిత్రప్రియశ్చైవ దేవసేనాప్రియస్తథా |
వాసుదేవప్రియశ్చైవ ప్రియః ప్రియకృదేవ తు || 6 ||
నామాన్యేతాని దివ్యాని కార్తికేయస్య యః పఠేత్ |
స్వర్గం కీర్తిం ధనం చైవ స లభేన్నాత్ర సంశయః || 7 ||
స్తోష్యామి దేవైరృషిభిశ్చ జుష్టం
శక్త్యా గుహం నామభిరప్రమేయం |
షడాననం శక్తిధరం సువీరం
నిబోధ చైతాని కురుప్రవీర || 8 ||
బ్రహ్మణ్యో వై బ్రహ్మజో బ్రహ్మవిచ్చ
బ్రహ్మేశయో బ్రహ్మవతాం వరిష్ఠః |
బ్రహ్మప్రియో బ్రాహ్మణసర్వమంత్రీ త్వం
బ్రహ్మణాం బ్రాహ్మణానాం చ నేతా || 9 ||
స్వాహా స్వధా త్వం పరమం పవిత్రం
మంత్రస్తుతస్త్వం ప్రథితః షడర్చిః |
సంవత్సరస్త్వమృతవశ్చ షడ్వై
మాసార్ధమాసాశ్చ దినం దిశశ్చ || 10 ||
త్వం పుష్కరాక్షస్త్వరవిందవక్త్రః
సహస్రచక్షోఽసి సహస్రబాహుః |
త్వం లోకపాలః పరమం హవిశ్చ
త్వం భావనః సర్వసురాసురాణాం || 11 ||
త్వమేవ సేనాధిపతిః ప్రచండః
ప్రభుర్విభుశ్చాప్యథ శక్రజేతా |
సహస్రభూస్త్వం ధరణీ త్వమేవ
సహస్రతుష్టిశ్చ సహస్రభుక్చ || 12 ||
సహస్రశీర్షస్త్వమనంతరూపః
సహస్రపాత్త్వం దశశక్తిధారీ |
గంగాసుతస్త్వం స్వమతేన దేవ
స్వాహామహీకృత్తికానాం తథైవ || 13 ||
త్వం క్రీడసే షణ్ముఖ కుక్కుటేన
యథేష్టనానావిధకామరూపీ |
దీక్షాఽసి సోమో మరుతః సదైవ
ధర్మోఽసి వాయురచలేంద్ర ఇంద్రః || 14 ||
సనాతనానామపి శాశ్వతస్త్వం
ప్రభుః ప్రభూణామపి చోగ్రధన్వా |
ఋతస్య కర్తా దితిజాంతకస్త్వం
జేతా రిపూణాం ప్రవరః సురాణాం || 15 ||
సూక్ష్మం తపస్తత్పరమం త్వమేవ
పరావరజ్ఞోఽసి పరావరస్త్వం |
ధర్మస్య కామస్య పరస్య చైవ
త్వత్తేజసా కృత్స్నమిదం మహాత్మన్ || 16 ||
వ్యాప్తం జగత్సర్వసురప్రవీర
శక్త్యా మయా సంస్తుత లోకనాథ |
నమోఽస్తు తే ద్వాదశనేత్రబాహో
అతః పరం వేద్మి గతిం న తేఽహం || 17 ||
స్కందస్య య ఇదం విప్రః పఠేజ్జన్మ సమాహితః |
శ్రావయేద్బ్రాహ్మణేభ్యో యః శృణుయాద్వా ద్విజేరితం || 18 ||
ధనమాయుర్యశో దీప్తం పుత్రాన్ శత్రుజయం తథా |
స పుష్టితుష్టీ సంప్రాప్య స్కందసాలోక్యమాప్నుయాత్ || 19 ||
ఇతి శ్రీమన్మహాభారతే అరణ్యపర్వణి త్రయస్త్రింశదధికద్విశతతమోఽధ్యాయే స్కంద స్తోత్రం |

శ్రీ స్వామినాథ పంచకం

శ్రీ స్వామినాథ పంచకం.

Telugu

Read Stotra

శ్రీ స్వామినాథ పంచకం

హే స్వామినాథార్తబంధో |
భస్మలిప్తాంగ గాంగేయ కారుణ్యసింధో ||
రుద్రాక్షధారిన్నమస్తే
రౌద్రరోగం హర త్వం పురారేర్గురోర్మే |
రాకేందువక్త్రం భవంతం
మారరూపం కుమారం భజే కామపూరం || 1 ||
మాం పాహి రోగాదఘోరాత్
మంగళాపాంగపాతేన భంగాత్స్వరాణాం |
కాలాచ్చ దుష్పాకకూలాత్
కాలకాలస్యసూనుం భజే క్రాంతసానుం || 2 ||
బ్రహ్మాదయో యస్య శిష్యాః
బ్రహ్మపుత్రా గిరౌ యస్య సోపానభూతాః |
సైన్యం సురాశ్చాపి సర్వే
సామవేదాదిగేయం భజే కార్తికేయం || 3 ||
కాషాయ సంవీత గాత్రం
కామరోగాది సంహారి భిక్షాన్న పాత్రం |
కారుణ్య సంపూర్ణ నేత్రం
శక్తిహస్తం పవిత్రం భజే శంభుపుత్రం || 4 ||
శ్రీస్వామి శైలే వసంతం
సాధుసంఘస్య రోగాన్ సదా సంహరంతం |
ఓంకారతత్త్వం వదంతం
శంభుకర్ణే హసంతం భజేఽహం శిశుం తం || 5 ||
స్తోత్రం కృతం చిత్రచిత్రం
దీక్షితానంతరామేణ సర్వార్థసిద్ధ్యై |
భక్త్యా పఠేద్యః ప్రభాతే
దేవదేవప్రసాదాత్ లభేతాష్టసిద్ధిం || 6 ||
ఇతి శ్రీఅనంతరామదీక్షితర్ కృతం శ్రీ స్వామినాథ పంచకం |

శ్రీ సుబ్రహ్మణ్య, వల్లీ, దేవసేనా కల్యాణ ప్రవరలు

శ్రీ సుబ్రహ్మణ్య, వల్లీ, దేవసేనా కల్యాణ ప్రవరలు.

Telugu

Read Stotra

శ్రీ సుబ్రహ్మణ్య, వల్లీ, దేవసేనా కల్యాణ ప్రవరలు

శ్రీ సుబ్రహ్మణ్యేశ్వర గోత్రప్రవర –
చతుస్సాగర పర్యంతం గోబ్రాహ్మణేభ్యః శుభం భవతు | నిర్గుణ నిరంజన నిర్వికల్ప పరశివ గోత్రస్య | పరశివ శర్మణో నప్త్రే | సదాశివ శర్మణః పౌత్రాయ | విశ్వేశ్వర శర్మణః పుత్రాయ | అఖిలాండకోటిబ్రహ్మాండనాయకాయ | త్రిభువనాధీశ్వరాయ | తత్త్వాతీతాయ | ఆర్తత్రాణపరాయణాయ | శ్రీసుబ్రహ్మణ్యేశ్వరాయ వరాయ ||
శ్రీ వల్లీదేవి గోత్రప్రవర –
చతుస్సాగర పర్యంతం గోబ్రాహ్మణేభ్యః శుభం భవతు | కాశ్యప ఆవత్సార నైధృవ త్రయార్షేయ ప్రవరాన్విత కాశ్యపస గోత్రస్య | జరత్కార శర్మణో నప్త్రీం | ఆస్తీక శర్మణః పౌత్రీం |
శంఖపాల శర్మణః పుత్రీం | సకలసద్గుణసంపన్నాం శ్రీవల్లీ నాంనీం కన్యాం ||
[* పాఠంతరం – పరావరణ చిదానంద పరాకాశ పరవాసుదేవ గోత్రస్య | విశ్వంభర శర్మణో నప్త్రీం | పరబ్రహ్మ శర్మణః పౌత్రీం | కశ్యప శర్మణః పుత్రీం | *] శ్రీ దేవసేనాదేవి గోత్రప్రవర –
చతుస్సాగర పర్యంతం గోబ్రాహ్మణేభ్యః శుభం భవతు | భార్గవ చ్యావన ఆప్నవాన ఔర్వ జామదగ్న్య పంచార్షేయ ప్రవరాన్విత శ్రీవత్సస గోత్రస్య | యూధప శర్మణో నప్త్రీం | మాధవ శర్మణః పౌత్రీం | ఇంద్ర శర్మణః పుత్రీం | సకలసద్గుణసంపన్నాం శ్రీదేవసేనా నాంనీం కన్యాం ||

కుమారోపనిషత్

కుమారోపనిషత్.

Telugu

Read Stotra

కుమారోపనిషత్

అంభోధిమధ్యే రవికోట్యనేకప్రభాం దదాత్యాశ్రితజీవమధ్యే |
ఓం హంసః ఓం తస్మై కుమారాయ నమో అస్తు || 1 ||
విరాజయోగస్య ఫలేన సాక్ష్యం దదాతి నమః కుమారాయ తస్మై |
ఓం హంసః ఓం తస్మై కుమారాయ నమో అస్తు || 2 ||
యోఽతీతకాలే స్వమతాత్ గృహీత్వా శ్రుతిం కరోత్యన్యజీవాన్ స్వకోలే |
ఓం హంసః ఓం తస్మై కుమారాయ నమో అస్తు || 3 ||
యస్యాంశ్చ జీవేన సంప్రాప్నువంతి ద్విభాగజీవాంశ్చ సమైకకాలే |
ఓం హంసః ఓం తస్మై కుమారాయ నమో అస్తు || 4 ||
ప్రచోదయాన్నాద హృదిస్థితేన మంత్రాణ్యజీవం ప్రకటీకరోతి |
ఓం హంసః ఓం తస్మై కుమారాయ నమో అస్తు || 5 ||
బాంధవ్యకల్లోలహృద్వారిదూరే విమానమార్గస్య చ యః కరోతి |
ఓం హంసః ఓం తస్మై కుమారాయ నమో అస్తు || 6 ||
సద్దీక్షయా శాస్త్రశబ్దస్మృతిర్హృద్వాతాంశ్చ ఛిన్నాదనుభూతిరూపం |
ఓం హంసః ఓం తస్మై కుమారాయ నమో అస్తు || 7 ||
దీక్షావిధిజ్ఞానచతుర్విధాన్య ప్రచోదయాన్మంత్రదైవాద్వరస్య |
ఓం హంసః ఓం తస్మై కుమారాయ నమో అస్తు || 8 ||
కోట్యద్భుతే సప్తభిరేవ మంత్రైః దత్వా సుఖం కశ్చితి యస్య పాదం |
ఓం హంసః ఓం తస్మై కుమారాయ నమో అస్తు || 9 ||
స్వస్వాధికారాంశ్చ విముక్తదేవాః శీర్షేణ సంయోగయేద్యస్య పాదం |
ఓం హంసః ఓం తస్మై కుమారాయ నమో అస్తు || 10 ||
హుంకారశబ్దేన సృష్టిప్రభావం జీవస్య దత్తం స్వవరేణ యేన |
ఓం హంసః ఓం తస్మై కుమారాయ నమో అస్తు || 11 ||
వీరాజపత్రస్థ కుమారభూతిం యో భక్తహస్తేన సంస్వీకరోతి |
ససర్వసంపత్ సమవాప్తిపూర్ణః భవేద్ధి సంయాతి తం దీర్ఘమాయుః ||
ఏతాదృశానుగ్రహభాసితాయ సాకల్యకోలాయ వై షణ్ముఖాయ |
ఓం హంసః ఓం తస్మై కుమారాయ నమో అస్తు || 12 ||

స్కందోపనిషత్

స్కందోపనిషత్.

Telugu

Read Stotra

స్కందోపనిషత్

యత్రాసంభిన్నతాం యాతి స్వాతిరిక్తభిదాతతిః |
సంవిన్మాత్రం పరం బ్రహ్మ తత్స్వమాత్రం విజృంభతే ||
ఓం సహ నావవతు | సహ నౌ భునక్తు | సహ వీర్యం కరవావహై | తేజస్వి నావధీతమస్తు మా విద్విషావహై | ఓం శాంతిః శాంతిః శాంతిః ||
అచ్యుతోఽస్మి మహాదేవ తవ కారుణ్యలేశతః |
విజ్ఞానఘన ఏవాస్మి శివోఽస్మి కిమతః పరం || 1 ||
న నిజం నిజవద్భాత్యంతఃకరణజృంభణాత్ |
అంతఃకరణనాశేన సంవిన్మాత్రస్థితో హరిః || 2 ||
సంవిన్మాత్రస్థితశ్చాహమజోఽస్మి కిమతః పరం |
వ్యతిరిక్తం జడం సర్వం స్వప్నవచ్చ వినశ్యతి || 3 ||
చిజ్జడానాం తు యో ద్రష్టా సోఽచ్యుతో జ్ఞానవిగ్రహః |
స ఏవ హి మహాదేవః స ఏవ హి మహాహరిః || 4 ||
స ఏవ హి జ్యోతిషాం జ్యోతిః స ఏవ పరమేశ్వరః |
స ఏవ హి పరం బ్రహ్మ తద్బ్రహ్మాహం న సంశయః || 5 ||
జీవః శివః శివో జీవః స జీవః కేవలః శివః |
తుషేణ బద్ధో వ్రీహిః స్యాత్తుషాభావేన తండులః || 6 ||
ఏవం బద్ధస్తథా జీవః కర్మనాశే సదాశివః |
పాశబద్ధస్తథా జీవః పాశముక్తః సదాశివః || 7 ||
శివాయ విష్ణురూపాయ శివరూపాయ విష్ణవే |
శివస్య హృదయం విష్ణుర్విష్ణోశ్చ హృదయం శివః || 8 ||
యథా శివమయో విష్ణురేవం విష్ణుమయః శివః |
యథాంతరం న పశ్యామి తథా మే స్వస్తిరాయుషి || 9 ||
యథాంతరం న భేదాః స్యుః శివకేశవయోస్తథా |
దేహో దేవాలయః ప్రోక్తః స జీవః కేవలః శివః |
త్యజేదజ్ఞాననిర్మాల్యం సోఽహం‍భావేన పూజయేత్ || 10 ||
అభేదదర్శనం జ్ఞానం ధ్యానం నిర్విషయం మనః |
స్నానం మనోమలత్యాగః శౌచమింద్రియనిగ్రహః || 11 ||
బ్రహ్మామృతం పిబేద్భైక్ష్యమాచరేద్దేహరక్షణే |
వసేదేకాంతికో భూత్వా చైకాంతే ద్వైతవర్జితే || 12 ||
ఇత్యేవమాచరేద్ధీమాన్స ఏవం ముక్తిమాప్నుయాత్ |
శ్రీపరమధాంనే స్వస్తి చిరాయుష్యోన్నమ ఇతి || 13 ||
విరించినారాయణశంకరాత్మకం
నృసింహ దేవేశ తవ ప్రసాదతః |
అచింత్యమవ్యక్తమనంతమవ్యయం
వేదాత్మకం బ్రహ్మ నిజం విజానతే || 14 ||
తద్విష్ణోః పరమం పదం సదా పశ్యంతి సూరయః | దివీవ చక్షురాతతం | తద్విప్రాసో విపన్యవో జాగృవాంసః సమింధతే | విష్ణోర్యత్పరమం పదం | ఇత్యేతన్నిర్వాణానుశాసనమితి వేదానుశాసనమితి వేదానుశాసనమిత్యుపనిషత్ || 15 ||
ఓం సహ నావవతు | సహ నౌ భునక్తు | సహ వీర్యం కరవావహై | తేజస్వి నావధీతమస్తు మా విద్విషావహై | ఓం శాంతిః శాంతిః శాంతిః ||

షడక్షరాష్టోత్తరశతనామ స్తోత్రం

షడక్షరాష్టోత్తరశతనామ స్తోత్రం.

Telugu

Read Stotra

షడక్షరాష్టోత్తరశతనామ స్తోత్రం

శరణ్యః శర్వతనయః శర్వాణీప్రియనందనః |
శరకాననసంభూతః శర్వరీశముఖః శమః || 1 ||
శంకరః శరణత్రాతా శశాంకముకుటోజ్జ్వలః |
శర్మదః శంఖకంఠశ్చ శరకార్ముకహేతిభృత్ || 2 ||
శక్తిధారీ శక్తికరః శతకోట్యర్కపాటలః |
శమదః శతరుద్రస్థః శతమన్మథవిగ్రహః || 3 ||
రణాగ్రణీ రక్షణకృద్రక్షోబలవిమర్దనః |
రహస్యజ్ఞో రతికరో రక్తచందనలేపనః || 4 ||
రత్నధారీ రత్నభూషో రత్నకుండలమండితః |
రక్తాంబరో రంయముఖో రవిచంద్రాగ్నిలోచనః || 5 ||
రమాకలత్రజామాతా రహస్యో రఘుపూజితః |
రసకోణాంతరాలస్థో రజోమూర్తీ రతిప్రదః || 6 ||
వసుదో వటురూపశ్చ వసంతఋతుపూజితః |
వలవైరిసుతానాథో వనజాక్షో వరాకృతిః || 7 ||
వక్రతుండానుజో వత్సో వరదాభయహస్తకః |
వత్సలో వర్షకారశ్చ వసిష్ఠాదిప్రపూజితః || 8 ||
వణిగ్రూపో వరేణ్యశ్చ వర్ణాశ్రమవిధాయకః |
వరదో వజ్రభృద్వంద్యో వందారుజనవత్సలః || 9 ||
నకారరూపో నలినో నకారయుతమంత్రకః |
నకారవర్ణనిలయో నందనో నందివందితః || 10 ||
నటేశపుత్రో నంరభ్రూర్నక్షత్రగ్రహనాయకః |
నగాగ్రనిలయో నంయో నమద్భక్తఫలప్రదః || 11 ||
నవనాగో నగహరో నవగ్రహసువందితః |
నవవీరాగ్రజో నవ్యో నమస్కారస్తుతిప్రియః || 12 ||
భద్రప్రదశ్చ భగవాన్ భవారణ్యదవానలః |
భవోద్భవో భద్రమూర్తిర్భర్త్సితాసురమండలః || 13 ||
భయాపహో భర్గరూపో భక్తాభీష్టఫలప్రదః |
భక్తిగంయో భక్తనిధిర్భయక్లేశవిమోచనః || 14 ||
భరతాగమసుప్రీతో భక్తో భక్తార్తిభంజనః |
భయకృద్భరతారాధ్యో భరద్వాజఋషిస్తుతః || 15 ||
వరుణో వరుణారాధ్యో వలారాతిముఖస్తుతః |
వజ్రశక్త్యాయుధోపేతో వరో వక్షఃస్థలోజ్జ్వలః || 16 ||
వస్తురూపో వశిధ్యేయో వలిత్రయవిరాజితః |
వక్రాలకో వలయధృత్ వలత్పీతాంబరోజ్జ్వలః || 17 ||
వచోరూపో వచనదో వచోఽతీతచరిత్రకః |
వరదో వశ్యఫలదో వల్లీదేవీమనోహరః || 18 ||
ఇతి శ్రీసుబ్రహ్మణ్య షడక్షరాష్టోత్తరశతనామస్తోత్రం |

శ్రీ సుబ్రహ్మణ్య షడక్షరాష్టోత్తరశతనామావళిః

శ్రీ సుబ్రహ్మణ్య షడక్షరాష్టోత్తరశతనామావళిః.

Telugu

Read Stotra

శ్రీ సుబ్రహ్మణ్య షడక్షరాష్టోత్తరశతనామావళిః

శ్రీ సుబ్రహ్మణ్యాష్టోత్తరశతనామ స్తోత్రం

శ్రీ సుబ్రహ్మణ్యాష్టోత్తరశతనామ స్తోత్రం.

Telugu

Read Stotra

శ్రీ సుబ్రహ్మణ్యాష్టోత్తరశతనామ స్తోత్రం

స్కందో గుహః షణ్ముఖశ్చ ఫాలనేత్రసుతః ప్రభుః |
పింగళః కృత్తికాసూనుః శిఖివాహో ద్విషడ్భుజః || 1 ||
ద్విషణ్ణేత్రః శక్తిధరః పిశితాశప్రభంజనః |
తారకాసురసంహారీ రక్షోబలవిమర్దనః || 2 ||
మత్తః ప్రమత్తోన్మత్తశ్చ సురసైన్యసురక్షకః |
దేవసేనాపతిః ప్రాజ్ఞః కృపాళుర్భక్తవత్సలః || 3 ||
ఉమాసుతః శక్తిధరః కుమారః క్రౌంచదారణః |
సేనానీరగ్నిజన్మా చ విశాఖః శంకరాత్మజః || 4 ||
శివస్వామీ గణస్వామీ సర్వస్వామీ సనాతనః |
అనంతశక్తిరక్షోభ్యః పార్వతీప్రియనందనః || 5 ||
గంగాసుతః శరోద్భూత ఆహూతః పావకాత్మజః |
జృంభః ప్రజృంభః ఉజ్జృంభః కమలాసనసంస్తుతః || 6 ||
ఏకవర్ణో ద్వివర్ణశ్చ త్రివర్ణః సుమనోహరః |
చతుర్వర్ణః పంచవర్ణః ప్రజాపతిరహర్పతిః || 7 ||
అగ్నిగర్భః శమీగర్భో విశ్వరేతాః సురారిహా |
హరిద్వర్ణః శుభకరః వటుశ్చ వటువేషభృత్ || 8 ||
పూషా గభస్తిర్గహనః చంద్రవర్ణః కళాధరః |
మాయాధరో మహామాయీ కైవల్యః శంకరాత్మజః || 9 ||
విశ్వయోనిరమేయాత్మా తేజోనిధిరనామయః |
పరమేష్ఠీ పరబ్రహ్మా వేదగర్భో విరాట్సుతః || 10 ||
పుళిందకన్యాభర్తా చ మహాసారస్వతావృతః |
ఆశ్రితాఖిలదాతా చ చోరఘ్నో రోగనాశనః || 11 ||
అనంతమూర్తిరానందః శిఖిండికృతకేతనః |
డంభః పరమడంభశ్చ మహాడంభో వృషాకపిః || 12 ||
కారణోపాత్తదేహశ్చ కారణాతీతవిగ్రహః |
అనీశ్వరోఽమృతః ప్రాణః ప్రాణాయామపరాయణః || 13 ||
విరుద్ధహంతా వీరఘ్నో రక్తాస్యః శ్యామకంధరః |
సుబ్రహ్మణ్యో గుహః ప్రీతో బ్రహ్మణ్యో బ్రాహ్మణప్రియః |
వంశవృద్ధికరో వేదవేద్యోఽక్షయఫలప్రదః || 14 ||
ఇతి శ్రీ సుబ్రహ్మణ్యాష్టోత్తరశతనామ స్తోత్రం |

శ్రీ సుబ్రహ్మణ్య అష్టోత్తరశతనామావళిః

శ్రీ సుబ్రహ్మణ్య అష్టోత్తరశతనామావళిః.

Telugu

Read Stotra

శ్రీ సుబ్రహ్మణ్య అష్టోత్తరశతనామావళిః

శ్రీ దేవసేనా అష్టోత్తరశతనామావళిః

శ్రీ దేవసేనా అష్టోత్తరశతనామావళిః.

Telugu

Read Stotra

శ్రీ దేవసేనా అష్టోత్తరశతనామావళిః

శ్రీ దేవసేనాష్టోత్తరశతనామావళిః (పాఠాంతరం)

శ్రీ దేవసేనాష్టోత్తరశతనామావళిః (పాఠాంతరం).

Telugu

Read Stotra

శ్రీ దేవసేనాష్టోత్తరశతనామావళిః (పాఠాంతరం)

ధ్యానం |
పీతాముత్పలధారిణీం శచిసుతాం పీతాంబరాలంకృతాం
వామే లంబకరాం మహేంద్రతనయాం మందారమాలాధరాం |
దేవైరర్చితపాదపద్మయుగళాం స్కందస్య వామే స్థితాం
సేనాం దివ్యవిభూషితాం త్రినయనాం దేవీం త్రిభంగీం భజే ||
ఓం దేవసేనాయై నమః |
ఓం పీతాంబరాయై నమః |
ఓం ఉత్పలధారిణ్యై నమః |
ఓం జ్వాలిన్యై నమః |
ఓం జ్వలనరూపాయై నమః |
ఓం జ్వలన్నేత్రాయై నమః |
ఓం జ్వలత్కేశాయై నమః |
ఓం మహావీర్యాయై నమః |
ఓం మహాబలాయై నమః | 9
ఓం మహాభోగాయై నమః |
ఓం మహేశ్వర్యై నమః |
ఓం మహాపూజ్యాయై నమః |
ఓం మహోన్నతాయై నమః |
ఓం మాహేంద్ర్యై నమః |
ఓం ఇంద్రాణ్యై నమః |
ఓం ఇంద్రపూజితాయై నమః |
ఓం బ్రహ్మాణ్యై నమః |
ఓం బ్రహ్మజనన్యై నమః | 18
ఓం బ్రహ్మరూపాయై నమః |
ఓం బ్రహ్మానందాయై నమః |
ఓం బ్రహ్మపూజితాయై నమః |
ఓం బ్రహ్మసృష్టాయై నమః |
ఓం వైష్ణవ్యై నమః |
ఓం విష్ణురూపాయై నమః |
ఓం విష్ణుపూజ్యాయై నమః |
ఓం దివ్యసుందర్యై నమః |
ఓం దివ్యానందాయై నమః | 27
ఓం దివ్యపంకజధారిణ్యై నమః |
ఓం దివ్యాభరణభూషితాయై నమః |
ఓం దివ్యచందనలేపితాయై నమః |
ఓం ముక్తాహారవక్షఃస్థలాయై నమః |
ఓం వామే లంబకరాయై నమః |
ఓం మహేంద్రతనయాయై నమః |
ఓం మాతంగకన్యాయై నమః |
ఓం మాతంగలబ్ధాయై నమః |
ఓం అచింత్యశక్త్యై నమః | 36
ఓం అచలాయై నమః |
ఓం అక్షరాయై నమః |
ఓం అష్టైశ్వర్యసంపన్నాయై నమః |
ఓం అష్టమంగళాయై నమః |
ఓం చంద్రవర్ణాయై నమః |
ఓం కళాధరాయై నమః |
ఓం అంబుజవదనాయై నమః |
ఓం అంబుజాక్ష్యై నమః |
ఓం అసురమర్దనాయై నమః | 45
ఓం ఇష్టసిద్ధిప్రదాయై నమః |
ఓం శిష్టపూజితాయై నమః |
ఓం పద్మవాసిన్యై నమః |
ఓం పరాత్పరాయై నమః |
ఓం పరమేశ్వర్యై నమః |
ఓం పరస్యై నిష్ఠాయై నమః |
ఓం పరమానందాయై నమః |
ఓం పరమకల్యాణ్యై నమః |
ఓం పాపవినాశిన్యై నమః | 54
ఓం లోకాధ్యక్షాయై నమః |
ఓం లజ్జాఢ్యాయై నమః |
ఓం లయంకర్యే నమః |
ఓం లయవర్జితాయై నమః |
ఓం లలనారూపాయై నమః |
ఓం సురాధ్యక్షాయై నమః |
ఓం ధర్మాధ్యక్షాయై నమః |
ఓం దుఃస్వప్ననాశిన్యే నమః |
ఓం దుష్టనిగ్రహాయై నమః | 63
ఓం శిష్టపరిపాలనాయై నమః |
ఓం ఐశ్వర్యదాయై నమః |
ఓం ఐరావతవాహనాయై నమః |
ఓం స్కందభార్యాయై నమః |
ఓం సత్ప్రభావాయై నమః |
ఓం తుంగభద్రాయై నమః |
ఓం వేదవాసిన్యై నమః |
ఓం వేదగర్భాయై నమః |
ఓం వేదానందాయై నమః | 72
ఓం వేదస్వరూపాయై నమః |
ఓం వేగవత్యై నమః |
ఓం ప్రజ్ఞాయై నమః |
ఓం ప్రభావత్యై నమః |
ఓం ప్రతిష్ఠాయై నమః |
ఓం ప్రకటాయై నమః |
ఓం ప్రాణేశ్వర్యై నమః |
ఓం స్వధాకారాయై నమః |
ఓం హైమభూషణాయై నమః | 81
ఓం హేమకుండలాయై నమః |
ఓం హిమవద్గంగాయై నమః |
ఓం హేమయజ్ఞోపవీతిన్యై నమః |
ఓం హేమాంబరధరాయై నమః |
ఓం పరాయై శక్త్యై నమః |
ఓం జాగరిణ్యై నమః |
ఓం సదాపూజ్యాయై నమః |
ఓం సత్యవాదిన్యై నమః |
ఓం సత్యసంధాయై నమః | 90
ఓం సత్యలోకాయై నమః |
ఓం అంబికాయై నమః |
ఓం విద్యాంబికాయై నమః |
ఓం గజసుందర్యై నమః |
ఓం త్రిపురసుందర్యై నమః |
ఓం మనోన్మన్యై నమః |
ఓం సుధానగర్యై నమః |
ఓం సురేశ్వర్యై నమః |
ఓం శూరసంహారిణ్యై నమః | 99
ఓం విశ్వతోముఖ్యై నమః |
ఓం దయారూపిణ్యై నమః |
ఓం దేవలోకజనన్యై నమః |
ఓం గంధర్వసేవితాయై నమః |
ఓం సిద్ధిజ్ఞానప్రదాయిన్యై నమః |
ఓం శివశక్తిస్వరూపాయై నమః |
ఓం శరణాగతరక్షణాయై నమః |
ఓం దేవసేనాయై నమః |
ఓం పరదేవతాయై నమః | 108 |
ఇతి శ్రీ దేవసేనాష్టోత్తరశతనామావళిః |

శ్రీ వల్లీ అష్టోత్తరశతనామావళిః

శ్రీ వల్లీ అష్టోత్తరశతనామావళిః.

Telugu

Read Stotra

శ్రీ వల్లీ అష్టోత్తరశతనామావళిః

Sign In

OTP Verification

Sacred Stotras & Deities

శ్రీ స్కంద స్తోత్రం (మహాభారతే)

శ్రీ స్వామినాథ పంచకం

శ్రీ సుబ్రహ్మణ్య, వల్లీ, దేవసేనా కల్యాణ ప్రవరలు

కుమారోపనిషత్

స్కందోపనిషత్

షడక్షరాష్టోత్తరశతనామ స్తోత్రం

శ్రీ సుబ్రహ్మణ్య షడక్షరాష్టోత్తరశతనామావళిః

శ్రీ సుబ్రహ్మణ్యాష్టోత్తరశతనామ స్తోత్రం

శ్రీ సుబ్రహ్మణ్య అష్టోత్తరశతనామావళిః

శ్రీ దేవసేనా అష్టోత్తరశతనామావళిః

శ్రీ దేవసేనాష్టోత్తరశతనామావళిః (పాఠాంతరం)

శ్రీ వల్లీ అష్టోత్తరశతనామావళిః

MENU

LINKS

Astrologer Section

Vendor Section

GET ADVICE ON

Download Our Apps