Sacred Stotras & Deities

శ్రీ బటుక భైరవ కవచం

శ్రీభైరవ ఉవాచ ।
దేవేశి దేహరక్షార్థం కారణం కథ్యతాం ధ్రువమ్ ।
మ్రియంతే సాధకా యేన వినా శ్మశానభూమిషు ॥
రణేషు చాతిఘోరేషు మహావాయుజలేషు చ ।
శృంగిమకరవజ్రేషు జ్వరాదివ్యాధివహ్నిషు ॥

శ్రీదేవ్యువాచ ।
కథయామి శృణు ప్రాజ్ఞ బటోస్తు కవచం శుభమ్ ।
గోపనీయం ప్రయత్నేన మాతృజారోపమం యథా ॥
తస్య ధ్యానం త్రిధా ప్రోక్తం సాత్త్వికాదిప్రభేదతః ।
సాత్త్వికం రాజసం చైవ తామసం దేవ తత్ శృణు ॥

ధ్యానం –
వందే బాలం స్ఫటికసదృశం కుండలోద్భాసివక్త్రం
దివ్యాకల్పైర్నవమణిమయైః కింకిణీనూపురాద్యైః ।
దీప్తాకారం విశదవదనం సుప్రసన్నం త్రినేత్రం
హస్తాబ్జాభ్యాం బటుకమనిశం శూలఖడ్గౌదధానమ్ ॥ 1 ॥

ఉద్యద్భాస్కరసన్నిభం త్రినయనం రక్తాంగరాగస్రజం
స్మేరాస్యం వరదం కపాలమభయం శూలం దధానం కరైః ।
నీలగ్రీవముదారభూషణశతం శీతాంశుచూడోజ్జ్వలం
బంధూకారుణవాససం భయహరం దేవం సదా భావయే ॥ 2 ॥

ధ్యాయేన్నీలాద్రికాంతం శశిశకలధరం ముండమాలం మహేశం
దిగ్వస్త్రం పింగకేశం డమరుమథ సృణిం ఖడ్గశూలాభయాని ।
నాగం ఘంటాం కపాలం కరసరసిరుహైర్విభ్రతం భీమదంష్ట్రం
సర్పాకల్పం త్రినేత్రం మణిమయవిలసత్కింకిణీ నూపురాఢ్యమ్ ॥ 3 ॥

అస్య వటుకభైరవకవచస్య మహాకాల ఋషిరనుష్టుప్ఛందః శ్రీవటుకభైరవో దేవతా బం బీజం హ్రీం శక్తిరాపదుద్ధారణాయేతి కీలకం మమ సర్వాభీష్టసిద్ధ్యర్థే వినియోగః ।

కవచం –
ఓం శిరో మే భైరవః పాతు లలాటం భీషణస్తథా ।
నేత్రే చ భూతహననః సారమేయానుగో భ్రువౌ ॥ 1

భూతనాథశ్చ మే కర్ణౌ కపోలౌ ప్రేతవాహనః ।
నాసాపుటౌ తథోష్ఠౌ చ భస్మాంగః సర్వభూషణః ॥ 2

భీషణాస్యో మమాస్యం చ శక్తిహస్తో గలం మమ ।
స్కంధౌ దైత్యరిపుః పాతు బాహూ అతులవిక్రమః ॥ 3

పాణీ కపాలీ మే పాతు ముండమాలాధరో హృదమ్ ।
వక్షఃస్థలం తథా శాంతః కామచారీ స్తనం మమ ॥ 4

ఉదరం చ స మే తుష్టః క్షేత్రేశః పార్శ్వతస్తథా ।
క్షేత్రపాలః పృష్ఠదేశం క్షేత్రాఖ్యో నాభితస్తథా ॥ 5

కటిం పాపౌఘనాశశ్చ బటుకో లింగదేశకమ్ ।
గుదం రక్షాకరః పాతు ఊరూ రక్షాకరః సదా ॥ 6

జానూ చ ఘుర్ఘురారావో జంఘే రక్షతు రక్తపః ।
గుల్ఫౌ చ పాదుకాసిద్ధః పాదపృష్ఠం సురేశ్వరః ॥ 7

ఆపాదమస్తకం చైవ ఆపదుద్ధారణస్తథా ।
సహస్రారే మహాపద్మే కర్పూరధవలో గురుః ॥ 8

పాతు మాం వటుకో దేవో భైరవః సర్వకర్మసు ।
పూర్వ స్యామసితాంగో మే దిశి రక్షతు సర్వదా ॥ 9

ఆగ్నేయ్యాం చ రురుః పాతు దక్షిణే చండభైరవః ।
నైరృత్యాం క్రోధనః పాతు మామున్మత్తస్తు పశ్చిమే ॥ 10

వాయవ్యాం మే కపాలీ చ నిత్యం పాయాత్ సురేశ్వరః ।
భీషణో భైరవః పాతూత్తరస్యాం దిశి సర్వదా ॥ 11

సంహారభైరవః పాతు దిశ్యైశాన్యాం మహేశ్వరః ।
ఊర్ధ్వే పాతు విధాతా వై పాతాలే నందికో విభుః ॥ 12

సద్యోజాతస్తు మాం పాయాత్ సర్వతో దేవసేవితః ।
వామదేవోఽవతు ప్రీతో రణే ఘోరే తథావతు ॥ 13

జలే తత్పురుషః పాతు స్థలే పాతు గురుః సదా ।
డాకినీపుత్రకః పాతు దారాంస్తు లాకినీసుతః ॥ 14

పాతు సాకలకో భ్రాతౄన్ శ్రియం మే సతతం గిరః ।
లాకినీపుత్రకః పాతు పశూనశ్వానజాంస్తథా ॥ 15

మహాకాలోఽవతు చ్ఛత్రం సైన్యం వై కాలభైరవః ।
రాజ్యం రాజ్యశ్రియం పాయాత్ భైరవో భీతిహారకః ॥ 16

రక్షాహీనంతు యత్ స్థానం వర్జితం కవచేన చ ।
తత్ సర్వం రక్ష మే దేవ త్వం యతః సర్వరక్షకః ॥ 17

ఏతత్ కవచమీశాన తవ స్నేహాత్ ప్రకాశితమ్ ।
నాఖ్యేయం నరలోకేషు సారభూతం చ సుశ్రియమ్ ॥ 18

యస్మై కస్మై న దాతవ్యం కవచేశం సుదుర్లభమ్ ।
న దేయం పరశిష్యేభ్యః కృపణేభ్యశ్చ శంకర ॥ 19

యో దదాతి నిషిద్ధేభ్యః స వై భ్రష్టో భవేద్ధ్రువమ్ ।
అనేన కవచేశేన రక్షాం కృత్వా ద్విజోత్తమః ॥ 20

విచరన్ యత్ర కుత్రాపి విఘ్నౌఘైః ప్రాప్యతే న సః ।
మంత్రేణ మ్రియతే యోగీ కవచం యన్న రక్షితః ॥ 21

తస్మాత్ సర్వప్రయత్నేన దుర్లభం పాపచేతసామ్ ।
భూర్జే రంభాత్వచే వాపి లిఖిత్వా విధివత్ ప్రభో ॥ 22

ధారయేత్ పాఠయేద్వాపి సంపఠేద్వాపి నిత్యశః ।
సంప్రాప్నోతి ప్రభావం వై కవచస్యాస్య వర్ణితమ్ ॥ 23

నమో భైరవదేవాయ సారభూతాయ వై నమః ।
నమస్త్రైలోక్యనాథాయ నాథనాథాయ వై నమః ॥ 24

ఇతి విశ్వసారోద్ధారతంత్రే ఆపదుద్ధారకల్పే భైరవభైరవీసంవాదే వటుకభైరవకవచం సమాప్తమ్ ॥

శ్రీ మహా కాలభైరవ కవచం

శ్రీదేవ్యువాచ ।
దేవదేవ మహాబాహో భక్తానాం సుఖవర్ధన ।
కేన సిద్ధిం దదాత్యాశు కాలీ త్రైలోక్యమోహన ॥ 1॥

తన్మే వద దయాఽఽధార సాధకాభీష్టసిద్ధయే ।
కృపాం కురు జగన్నాథ వద వేదవిదాం వర ॥ 2॥

శ్రీభైరవ ఉవాచ ।
గోపనీయం ప్రయత్నేన తత్త్వాత్ తత్త్వం పరాత్పరమ్ ।
ఏష సిద్ధికరః సమ్యక్ కిమథో కథయామ్యహమ్ ॥ 3॥

మహాకాలమహం వందే సర్వసిద్ధిప్రదాయకమ్ ।
దేవదానవగంధర్వకిన్నరపరిసేవితమ్ ॥ 4॥

కవచం తత్త్వదేవస్య పఠనాద్ ఘోరదర్శనే ।
సత్యం భవతి సాన్నిధ్యం కవచస్తవనాంతరాత్ ॥ 5॥

సిద్ధిం దదాతి సా తుష్టా కృత్వా కవచముత్తమమ్ ।
సామ్రాజ్యత్వం ప్రియం దత్వా పుత్రవత్ పరిపాలయేత్ ॥ 6॥

కవచస్య ఋషిర్దేవీ కాలికా దక్షిణా తథా
విరాట్ఛందః సువిజ్ఞేయం మహాకాలస్తు దేవతా ।
కాలికా సాధనే చైవ వినియోగః ప్రకీర్త్తితః ॥ 7॥

ఓం శ్మశానస్థో మహారుద్రో మహాకాలో దిగంబరః ।
కపాలకర్తృకా వామే శూలం ఖట్వాంగం దక్షిణే ॥ 8॥

భుజంగభూషితే దేవి భస్మాస్థిమణిమండితః ।
జ్వలత్పావకమధ్యస్థో భస్మశయ్యావ్యవస్థితః ॥ 9॥

విపరీతరతాం తత్ర కాలికాం హృదయోపరి ।
పేయం ఖాద్యం చ చోష్యం చ తౌ కృత్వా తు పరస్పరమ్ ।
ఏవం భక్త్యా యజేద్ దేవం సర్వసిద్ధిః ప్రజాయతే ॥ 10॥

ప్రణవం పూర్వముచ్చార్య మహాకాలాయ తత్పదమ్ ।
నమః పాతు మహామంత్రః సర్వశాస్త్రార్థపారగః ॥ 11॥

అష్టక్షరో మహా మంత్రః సర్వాశాపరిపూరకః ।
సర్వపాపక్షయం యాతి గ్రహణే భక్తవత్సలే ॥ 12॥

కూర్చద్వంద్వం మహాకాల ప్రసీదేతి పదద్వయమ్ ।
లజ్జాయుగ్మం వహ్నిజాయా స తు రాజేశ్వరో మహాన్ ॥ 13॥

మంత్రగ్రహణమాత్రేణ భవేత సత్యం మహాకవిః ।
గద్యపద్యమయీ వాణీ గంగానిర్ఝరితా తథా ॥ 14॥

తస్య నామ తు దేవేశి దేవా గాయంతి భావుకాః ।
శక్తిబీజద్వయం దత్వా కూర్చం స్యాత్ తదనంతరమ్ ॥ 15॥

మహాకాలపదం దత్వా మాయాబీజయుగం తథా ।
కూర్చమేకం సముద్ధృత్య మహామంత్రో దశాక్షరః ॥ 16॥

రాజస్థానే దుర్గమే చ పాతు మాం సర్వతో ముదా ।
వేదాదిబీజమాదాయ భగమాన్ తదనంతరమ్ ॥ 17॥

మహాకాలాయ సంప్రోచ్య కూర్చం దత్వా చ ఠద్వయమ్ ।
హ్రీంకారపూర్వముద్ధృత్య వేదాదిస్తదనంతరమ్ ॥ 18॥

మహాకాలస్యాంతభాగే స్వాహాంతమనుముత్తమమ్ ।
ధనం పుత్రం సదా పాతు బంధుదారానికేతనమ్ ॥ 19॥

పింగలాక్షో మంజుయుద్ధే యుద్ధే నిత్యం జయప్రదః ।
సంభావ్యః సర్వదుష్టఘ్నః పాతు స్వస్థానవల్లభః ॥ 20॥

ఇతి తే కథితం తుభ్యం దేవానామపి దుర్లభమ్ ।
అనేన పఠనాద్ దేవి విఘ్ననాశో యథా భవేత్ ॥ 21॥

సంపూజకః శుచిస్నాతః భక్తియుక్తః సమాహితః ।
సర్వవ్యాధివినిర్ముక్తః వైరిమధ్యే విశేషతః ॥ 22॥

మహాభీమః సదా పాతు సర్వస్థాన వల్లభమ్ । ?
కాలీపార్శ్వస్థితో దేవః సర్వదా పాతు మే ముఖే ॥ 23॥

॥ ఫల శ్రుతి॥

పఠనాత్ కాలికాదేవీ పఠేత్ కవచముత్తమమ్ ।
శ్రుణుయాద్ వా ప్రయత్నేన సదాఽఽనందమయో భవేత్ ॥ 1॥

శ్రద్ధయాఽశ్రద్ధయా వాపి పఠనాత్ కవచస్య యత్ ।
సర్వసిద్ధిమవాప్నోతి యద్యన్మనసి వర్తతే ॥ 2॥

బిల్వమూలే పఠేద్ యస్తు పఠనాద్ కవచస్య యత్ ।
త్రిసంధ్యం పఠనాద్ దేవి భవేన్నిత్యం మహాకవిః ॥ 3॥

కుమారీం పూజయిత్వా తు యః పఠేద్ భావతత్పరః ।
న కించిద్ దుర్లభం తస్య దివి వా భువి మోదతే ॥ 4॥

దుర్భిక్షే రాజపీడాయాం గ్రామే వా వైరిమధ్యకే ।
యత్ర యత్ర భయం ప్రాప్తః సర్వత్ర ప్రపఠేన్నరః ॥ 5॥

తత్ర తత్రాభయం తస్య భవత్యేవ న సంశయః ।
వామపార్శ్వే సమానీయ శోభితాం వరకామినీమ్ ॥ 6॥

శ్రద్ధయాఽశ్రద్ధయా వాపి పఠనాత్ కవచస్య తు ।
ప్రయత్నతః పఠేద్ యస్తు తస్య సిద్ధిః కరే స్థితా ॥ 7॥

ఇదం కవచమజ్ఞాత్వా కాలం యో భజతే నరః ।
నైవ సిద్ధిర్భవేత్ తస్య విఘ్నస్తస్య పదే పదే ।
ఆదౌ వర్మ పఠిత్వా తు తస్య సిద్ధిర్భవిష్యతి ॥ 8॥

॥ ఇతి రుద్రయామలే మహాతంత్రే మహాకాలభైరవకవచం సంపూర్ణం॥

శ్రీ రుద్ర కవచం

ఓం అస్య శ్రీ రుద్ర కవచస్తోత్ర మహామంత్రస్య దూర్వాసృషిః అనుష్ఠుప్ ఛందః త్ర్యంబక రుద్రో దేవతా హ్రాం బీజం శ్రీం శక్తిః హ్రీం కీలకం మమ మనసోఽభీష్టసిద్ధ్యర్థే జపే వినియోగః ।
హ్రామిత్యాది షడ్బీజైః షడంగన్యాసః ॥

ధ్యానమ్ ।
శాంతం పద్మాసనస్థం శశిధరమకుటం పంచవక్త్రం త్రినేత్రం
శూలం వజ్రం చ ఖడ్గం పరశుమభయదం దక్షభాగే వహంతమ్ ।
నాగం పాశం చ ఘంటాం ప్రళయ హుతవహం సాంకుశం వామభాగే
నానాలంకారయుక్తం స్ఫటికమణినిభం పార్వతీశం నమామి ॥

దూర్వాస ఉవాచ ।
ప్రణమ్య శిరసా దేవం స్వయంభుం పరమేశ్వరమ్ ।
ఏకం సర్వగతం దేవం సర్వదేవమయం విభుమ్ ॥ 1 ॥

రుద్ర వర్మ ప్రవక్ష్యామి అంగ ప్రాణస్య రక్షయే ।
అహోరాత్రమయం దేవం రక్షార్థం నిర్మితం పురా ॥ 2 ॥

రుద్రో మే చాగ్రతః పాతు పాతు పార్శ్వౌ హరస్తథా ।
శిరో మే ఈశ్వరః పాతు లలాటం నీలలోహితః ॥ 3 ॥

నేత్రయోస్త్ర్యంబకః పాతు ముఖం పాతు మహేశ్వరః ।
కర్ణయోః పాతు మే శంభుః నాసికాయాం సదాశివః ॥ 4 ॥

వాగీశః పాతు మే జిహ్వాం ఓష్ఠౌ పాత్వంబికాపతిః ।
శ్రీకంఠః పాతు మే గ్రీవాం బాహూంశ్చైవ పినాకధృత్ ॥ 5 ॥

హృదయం మే మహాదేవః ఈశ్వరోవ్యాత్ స్తనాంతరమ్ ।
నాభిం కటిం చ వక్షశ్చ పాతు సర్వం ఉమాపతిః ॥ 6 ॥

బాహుమధ్యాంతరం చైవ సూక్ష్మరూపః సదాశివః ।
స్వరం రక్షతు సర్వేశో గాత్రాణి చ యథా క్రమమ్ ॥ 7 ॥

వజ్రశక్తిధరం చైవ పాశాంకుశధరం తథా ।
గండశూలధరం నిత్యం రక్షతు త్రిదశేశ్వరః ॥ 8 ॥

ప్రస్థానేషు పదే చైవ వృక్షమూలే నదీతటే ।
సంధ్యాయాం రాజభవనే విరూపాక్షస్తు పాతు మామ్ ॥ 9 ॥

శీతోష్ణాదథ కాలేషు తుహి న ద్రుమకంటకే ।
నిర్మనుష్యేఽసమే మార్గే త్రాహి మాం వృషభధ్వజ ॥ 10 ॥

ఇత్యేతద్రుద్రకవచం పవిత్రం పాపనాశనమ్ ।
మహాదేవప్రసాదేన దూర్వాసో మునికల్పితమ్ ॥ 11 ॥

మమాఖ్యాతం సమాసేన న భయం విందతి క్వచిత్ ।
ప్రాప్నోతి పరమారోగ్యం పుణ్యమాయుష్యవర్ధనమ్ ॥ 12 ॥

విద్యార్థీ లభతే విద్యాం ధనార్థీ లభతే ధనమ్ ।
కన్యార్థీ లభతే కన్యాం న భయం విందతే క్వచిత్ ॥ 13 ॥

అపుత్రో లభతే పుత్రం మోక్షార్థీ మోక్షమాప్నుయాత్ ।
త్రాహి త్రాహి మహాదేవ త్రాహి త్రాహి త్రయీమయ ॥ 14 ॥

త్రాహి మాం పార్వతీనాథ త్రాహి మాం త్రిపురంతక ।
పాశం ఖట్వాంగ దివ్యాస్త్రం త్రిశూలం రుద్రమేవ చ ॥ 15 ॥

నమస్కరోమి దేవేశ త్రాహి మాం జగదీశ్వర ।
శత్రుమధ్యే సభామధ్యే గ్రామమధ్యే గృహాంతరే ॥ 16 ॥

గమనాగమనే చైవ త్రాహి మాం భక్తవత్సల ।
త్వం చిత్తం త్వం మానసం చ త్వం బుద్ధిస్త్వం పరాయణమ్ ॥ 17 ॥

కర్మణా మనసా చైవ త్వం బుద్ధిశ్చ యథా సదా ।
జ్వరభయం ఛింది సర్వజ్వరభయం ఛింది గ్రహభయం ఛింది ॥ 18 ॥

సర్వశత్రూన్నివర్త్యాపి సర్వవ్యాధినివారణమ్ ।
రుద్రలోకం స గచ్ఛతి రుద్రలోకం సగచ్ఛత్యోన్నమ ఇతి ॥ 19 ॥

ఇతి స్కందపురాణే దూర్వాస ప్రోక్తం శ్రీ రుద్రకవచమ్ ॥

సరస్వతీ కవచం

(బ్రహ్మవైవర్త మహాపురాణాంతర్గతం)

భృగురువాచ ।
బ్రహ్మన్బ్రహ్మవిదాంశ్రేష్ఠ బ్రహ్మజ్ఞానవిశారద ।
సర్వజ్ఞ సర్వజనక సర్వపూజకపూజిత ॥ 60

సరస్వత్యాశ్చ కవచం బ్రూహి విశ్వజయం ప్రభో ।
అయాతయామమంత్రాణాం సమూహో యత్ర సంయుతః ॥ 61 ॥

బ్రహ్మోవాచ ।
శృణు వత్స ప్రవక్ష్యామి కవచం సర్వకామదమ్ ।
శ్రుతిసారం శ్రుతిసుఖం శ్రుత్యుక్తం శ్రుతిపూజితమ్ ॥ 62 ॥

ఉక్తం కృష్ణేన గోలోకే మహ్యం వృందావనే వనే ।
రాసేశ్వరేణ విభునా రాసే వై రాసమండలే ॥ 63 ॥

అతీవ గోపనీయంచ కల్పవృక్షసమం పరమ్ ।
అశ్రుతాద్భుతమంత్రాణాం సమూహైశ్చ సమన్వితమ్ ॥ 64 ॥

యద్ధృత్వా పఠనాద్బ్రహ్మన్బుద్ధిమాంశ్చ బృహస్పతిః ।
యద్ధృత్వా భగవాంఛుక్రః సర్వదైత్యేషు పూజితః ॥ 65 ॥

పఠనాద్ధారణాద్వాగ్మీ కవీంద్రో వాల్మికీ మునిః ।
స్వాయంభువో మనుశ్చైవ యద్ధృత్వా సర్వపూజితాః ॥ 66 ॥

కణాదో గౌతమః కణ్వః పాణినిః శాకటాయనః ।
గ్రంథం చకార యద్ధృత్వా దక్షః కాత్యాయనః స్వయమ్ ॥ 67 ॥

ధృత్వా వేదవిభాగంచ పురాణాన్యఖిలాని చ ।
చకార లీలామాత్రేణ కృష్ణద్వైపాయనః స్వయమ్ ॥ 68 ॥

శాతాతపశ్చ సంవర్తో వసిష్ఠశ్చ పరాశరః ।
యద్ధృత్వా పఠనాద్గ్రంథం యాజ్ఞవల్క్యశ్చకార సః ॥ 69 ॥

ఋష్యశృంగో భరద్వాజశ్చాస్తీకో దేవలస్తథా ।
జైగీషవ్యోఽథ జాబాలిర్యద్ధృత్వా సర్వపూజితః ॥ 70 ॥

కవచస్యాస్య విప్రేంద్ర ఋషిరేష ప్రజాపతిః ।
స్వయం బృహస్పతిశ్ఛందో దేవో రాసేశ్వరః ప్రభుః ॥ 71 ॥

సర్వతత్త్వపరిజ్ఞానే సర్వార్థేఽపి చ సాధనే ।
కవితాసు చ సర్వాసు వినియోగః ప్రకీర్తితః ॥ 72 ॥

( కవచం )
ఓం హ్రీం సరస్వత్యై స్వాహా శిరో మే పాతు సర్వతః ।
శ్రీం వాగ్దేవతాయై స్వాహా భాలం మే సర్వదాఽవతు ॥ 73 ॥

ఓం హ్రీం సరస్వత్యై స్వాహేతి శ్రోత్రే పాతు నిరంతరమ్ ।
ఓం శ్రీం హ్రీం భగవత్యై సరస్వత్యై స్వాహా నేత్రయుగ్మం సదాఽవతు ॥ 74 ॥

ఐం హ్రీం వాగ్వాదిన్యై స్వాహా నాసాం మే సర్వదాఽవతు ।
హ్రీం విద్యాధిష్ఠాతృదేవ్యై స్వాహా చోంష్ఠ సదాఽవతు ॥ 75 ॥

ఓం శ్రీం హ్రీం బ్రాహ్మ్యై స్వాహేతి దంతపంక్తిం సదాఽవతు ।
ఐమిత్యేకాక్షరో మంత్రో మమ కంఠం సదాఽవతు ॥ 76 ॥

ఓం శ్రీం హ్రీం పాతు మే గ్రీవాం స్కంధం మే శ్రీం సదాఽవతు ।
ఓం హ్రీం విద్యాధిష్ఠాతృదేవ్యై స్వాహా వక్షః సదాఽవతు ॥ 77 ॥

ఓం హ్రీం విద్యాస్వరూపాయై స్వాహా మే పాతు నాభికామ్ ।
ఓం హ్రీం క్లీం వాణ్యై స్వాహేతి మమ పృష్ఠం సదాఽవతు ॥ 78 ॥

ఓం సర్వవర్ణాత్మికాయై పాదయుగ్మం సదాఽవతు ।
ఓం రాగాధిష్ఠాతృదేవ్యై సర్వాంగం మే సదాఽవతు ॥ 79 ॥

ఓం సర్వకంఠవాసిన్యై స్వాహా ప్రచ్యాం సదాఽవతు ।
ఓం హ్రీం జిహ్వాగ్రవాసిన్యై స్వాహాఽగ్నిదిశి రక్షతు ॥ 80 ॥

ఓం ఐం హ్రీం శ్రీం సరస్వత్యై బుధజనన్యై స్వాహా ।
సతతం మంత్రరాజోఽయం దక్షిణే మాం సదాఽవతు ॥ 81 ॥

ఓం హ్రీం శ్రీం త్ర్యక్షరో మంత్రో నైరృత్యాం మే సదాఽవతు ।
కవిజిహ్వాగ్రవాసిన్యై స్వాహా మాం వారుణేఽవతు ॥ 82 ॥

ఓం సదంబికాయై స్వాహా వాయవ్యే మాం సదాఽవతు ।
ఓం గద్యపద్యవాసిన్యై స్వాహా మాముత్తరేఽవతు ॥ 83 ॥

ఓం సర్వశాస్త్రవాసిన్యై స్వాహైశాన్యాం సదాఽవతు ।
ఓం హ్రీం సర్వపూజితాయై స్వాహా చోర్ధ్వం సదాఽవతు ॥ 84 ॥

ఐం హ్రీం పుస్తకవాసిన్యై స్వాహాఽధో మాం సదావతు ।
ఓం గ్రంథబీజరూపాయై స్వాహా మాం సర్వతోఽవతు ॥ 85 ॥

ఇతి తే కథితం విప్ర సర్వమంత్రౌఘవిగ్రహమ్ ।
ఇదం విశ్వజయం నామ కవచం బ్రహ్మారూపకమ్ ॥ 86 ॥

పురా శ్రుతం ధర్మవక్త్రాత్పర్వతే గంధమాదనే ।
తవ స్నేహాన్మయాఽఽఖ్యాతం ప్రవక్తవ్యం న కస్యచిత్ ॥ 87 ॥

గురుమభ్యర్చ్య విధివద్వస్త్రాలంకారచందనైః ।
ప్రణమ్య దండవద్భూమౌ కవచం ధారయేత్సుధీః ॥ 88 ॥

పంచలక్షజపేనైవ సిద్ధం తు కవచం భవేత్ ।
యది స్యాత్సిద్ధకవచో బృహస్పతి సమో భవేత్ ॥ 89 ॥

మహావాగ్మీ కవీంద్రశ్చ త్రైలోక్యవిజయీ భవేత్ ।
శక్నోతి సర్వం జేతుం స కవచస్య ప్రభావతః ॥ 90 ॥

ఇదం తే కాణ్వశాఖోక్తం కథితం కవచం మునే ।
స్తోత్రం పూజావిధానం చ ధ్యానం వై వందనం తథా ॥ 91 ॥

ఇతి శ్రీ బ్రహ్మవైవర్తే మహాపురాణే ప్రకృతిఖండే నారదనారాయణసంవాదే సరస్వతీకవచం నామ చతుర్థోఽధ్యాయః ।

వారాహీ కవచం

అస్య శ్రీవారాహీకవచస్య త్రిలోచన ఋషిః, అనుష్టుప్ ఛందః, శ్రీవారాహీ దేవతా, ఓం బీజం, గ్లౌం శక్తిః, స్వాహేతి కీలకం, మమ సర్వశత్రునాశనార్థే జపే వినియోగః ॥

ధ్యానమ్ ।
ధ్యాత్వేంద్రనీలవర్ణాభాం చంద్రసూర్యాగ్నిలోచనామ్ ।
విధివిష్ణుహరేంద్రాది మాతృభైరవసేవితామ్ ॥ 1 ॥

జ్వలన్మణిగణప్రోక్తమకుటామావిలంబితామ్ ।
అస్త్రశస్త్రాణి సర్వాణి తత్తత్కార్యోచితాని చ ॥ 2 ॥

ఏతైః సమస్తైర్వివిధం బిభ్రతీం ముసలం హలమ్ ।
పాత్వా హింస్రాన్ హి కవచం భుక్తిముక్తిఫలప్రదమ్ ॥ 3 ॥

పఠేత్త్రిసంధ్యం రక్షార్థం ఘోరశత్రునివృత్తిదమ్ ।
వార్తాలీ మే శిరః పాతు ఘోరాహీ ఫాలముత్తమమ్ ॥ 4 ॥

నేత్రే వరాహవదనా పాతు కర్ణౌ తథాంజనీ ।
ఘ్రాణం మే రుంధినీ పాతు ముఖం మే పాతు జంభినీ ॥ 5 ॥

పాతు మే మోహినీ జిహ్వాం స్తంభినీ కంఠమాదరాత్ ।
స్కంధౌ మే పంచమీ పాతు భుజౌ మహిషవాహనా ॥ 6 ॥

సింహారూఢా కరౌ పాతు కుచౌ కృష్ణమృగాంచితా ।
నాభిం చ శంఖినీ పాతు పృష్ఠదేశే తు చక్రిణి ॥ 7 ॥

ఖడ్గం పాతు చ కట్యాం మే మేఢ్రం పాతు చ ఖేదినీ ।
గుదం మే క్రోధినీ పాతు జఘనం స్తంభినీ తథా ॥ 8 ॥

చండోచ్చండశ్చోరుయుగ్మం జానునీ శత్రుమర్దినీ ।
జంఘాద్వయం భద్రకాళీ మహాకాళీ చ గుల్ఫయోః ॥ 9 ॥

పాదాద్యంగుళిపర్యంతం పాతు చోన్మత్తభైరవీ ।
సర్వాంగం మే సదా పాతు కాలసంకర్షణీ తథా ॥ 10 ॥

యుక్తాయుక్తస్థితం నిత్యం సర్వపాపాత్ప్రముచ్యతే ।
సర్వే సమర్థ్య సంయుక్తం భక్తరక్షణతత్పరమ్ ॥ 11 ॥

సమస్తదేవతా సర్వం సవ్యం విష్ణోః పురార్ధనే ।
సర్వశత్రువినాశాయ శూలినా నిర్మితం పురా ॥ 12 ॥

సర్వభక్తజనాశ్రిత్య సర్వవిద్వేషసంహతిః ।
వారాహీ కవచం నిత్యం త్రిసంధ్యం యః పఠేన్నరః ॥ 13 ॥

తథా విధం భూతగణా న స్పృశంతి కదాచన ।
ఆపదః శత్రుచోరాది గ్రహదోషాశ్చ సంభవాః ॥ 14 ॥

మాతా పుత్రం యథా వత్సం ధేనుః పక్ష్మేవ లోచనమ్ ।
తథాంగమేవ వారాహీ రక్షా రక్షాతి సర్వదా ॥ 15 ॥

ఇతి శ్రీరుద్రయామలతంత్రే శ్రీ వారాహీ కవచమ్ ॥

శ్రీ హనుమత్కవచం

అస్య శ్రీ హనుమత్ కవచస్తోత్రమహామంత్రస్య వసిష్ఠ ఋషిః అనుష్టుప్ ఛందః శ్రీ హనుమాన్ దేవతా మారుతాత్మజ ఇతి బీజం అంజనాసూనురితి శక్తిః వాయుపుత్ర ఇతి కీలకం హనుమత్ప్రసాద సిద్ధ్యర్థే జపే వినియోగః ॥

ఉల్లంఘ్య సింధోస్సలిలం సలీలం
యశ్శోకవహ్నిం జనకాత్మజాయాః ।
ఆదాయ తేనైవ దదాహ లంకాం
నమామి తం ప్రాంజలిరాంజనేయమ్ ॥ 1

మనోజవం మారుతతుల్యవేగం
జితేంద్రియం బుద్ధిమతాం వరిష్ఠమ్ ।
వాతాత్మజం వానరయూథముఖ్యం
శ్రీరామదూతం శిరసా నమామి ॥ 2

ఉద్యదాదిత్యసంకాశం ఉదారభుజవిక్రమమ్ ।
కందర్పకోటిలావణ్యం సర్వవిద్యావిశారదమ్ ॥ 3

శ్రీరామహృదయానందం భక్తకల్పమహీరుహమ్ ।
అభయం వరదం దోర్భ్యాం కలయే మారుతాత్మజమ్ ॥ 4

శ్రీరామ రామ రామేతి రమే రామే మనోరమే ।
సహస్రనామ తత్తుల్యం రామనామ వరాననే ॥ 5

పాదౌ వాయుసుతః పాతు రామదూతస్తదంగుళీః ।
గుల్ఫౌ హరీశ్వరః పాతు జంఘే చార్ణవలంఘనః ॥ 6

జానునీ మారుతిః పాతు ఊరూ పాత్వసురాంతకః ।
గుహ్యం వజ్రతనుః పాతు జఘనం తు జగద్ధితః ॥ 7

ఆంజనేయః కటిం పాతు నాభిం సౌమిత్రిజీవనః ।
ఉదరం పాతు హృద్గేహీ హృదయం చ మహాబలః ॥ 8

వక్షో వాలాయుధః పాతు స్తనౌ చాఽమితవిక్రమః ।
పార్శ్వౌ జితేంద్రియః పాతు బాహూ సుగ్రీవమంత్రకృత్ ॥ 9

కరావక్ష జయీ పాతు హనుమాంశ్చ తదంగుళీః ।
పృష్ఠం భవిష్యద్ర్బహ్మా చ స్కంధౌ మతి మతాం వరః ॥ 10

కంఠం పాతు కపిశ్రేష్ఠో ముఖం రావణదర్పహా ।
వక్త్రం చ వక్తృప్రవణో నేత్రే దేవగణస్తుతః ॥ 11

బ్రహ్మాస్త్రసన్మానకరో భ్రువౌ మే పాతు సర్వదా ।
కామరూపః కపోలే మే ఫాలం వజ్రనఖోఽవతు ॥ 12

శిరో మే పాతు సతతం జానకీశోకనాశనః ।
శ్రీరామభక్తప్రవరః పాతు సర్వకళేబరమ్ ॥ 13

మామహ్ని పాతు సర్వజ్ఞః పాతు రాత్రౌ మహాయశాః ।
వివస్వదంతేవాసీ చ సంధ్యయోః పాతు సర్వదా ॥ 14

బ్రహ్మాదిదేవతాదత్తవరః పాతు నిరంతరమ్ ।
య ఇదం కవచం నిత్యం పఠేచ్చ శృణుయాన్నరః ॥ 15

దీర్ఘమాయురవాప్నోతి బలం దృష్టిం చ విందతి ।
పాదాక్రాంతా భవిష్యంతి పఠతస్తస్య శత్రవః ।
స్థిరాం సుకీర్తిమారోగ్యం లభతే శాశ్వతం సుఖమ్ ॥ 16

ఇతి నిగదితవాక్యవృత్త తుభ్యం
సకలమపి స్వయమాంజనేయ వృత్తమ్ ।
అపి నిజజనరక్షణైకదీక్షో
వశగ తదీయ మహామనుప్రభావః ॥ 17

ఇతి శ్రీ హనుమత్ కవచమ్ ॥

పంచముఖ హనుమత్కవచం

॥ పంచముఖ హనుమత్కవచమ్ ॥

అస్య శ్రీ పంచముఖహనుమన్మంత్రస్య బ్రహ్మా ఋషిః గాయత్రీఛందః పంచముఖవిరాట్ హనుమాన్ దేవతా హ్రీం బీజం శ్రీం శక్తిః క్రౌం కీలకం క్రూం కవచం క్రైం అస్త్రాయ ఫట్ ఇతి దిగ్బంధః ।

శ్రీ గరుడ ఉవాచ ।
అథ ధ్యానం ప్రవక్ష్యామి శృణు సర్వాంగసుందరి ।
యత్కృతం దేవదేవేన ధ్యానం హనుమతః ప్రియమ్ ॥ 1 ॥

పంచవక్త్రం మహాభీమం త్రిపంచనయనైర్యుతమ్ ।
బాహుభిర్దశభిర్యుక్తం సర్వకామార్థసిద్ధిదమ్ ॥ 2 ॥

పూర్వం తు వానరం వక్త్రం కోటిసూర్యసమప్రభమ్ ।
దంష్ట్రాకరాళవదనం భృకుటీకుటిలేక్షణమ్ ॥ 3 ॥

అస్యైవ దక్షిణం వక్త్రం నారసింహం మహాద్భుతమ్ ।
అత్యుగ్రతేజోవపుషం భీషణం భయనాశనమ్ ॥ 4 ॥

పశ్చిమం గారుడం వక్త్రం వక్రతుండం మహాబలమ్ ।
సర్వనాగప్రశమనం విషభూతాదికృంతనమ్ ॥ 5 ॥

ఉత్తరం సౌకరం వక్త్రం కృష్ణం దీప్తం నభోపమమ్ ।
పాతాళసింహవేతాలజ్వరరోగాదికృంతనమ్ ॥ 6 ॥

ఊర్ధ్వం హయాననం ఘోరం దానవాంతకరం పరమ్ ।
యేన వక్త్రేణ విప్రేంద్ర తారకాఖ్యం మహాసురమ్ ॥ 7 ॥

జఘాన శరణం తత్స్యాత్సర్వశత్రుహరం పరమ్ ।
ధ్యాత్వా పంచముఖం రుద్రం హనూమంతం దయానిధిమ్ ॥ 8 ॥

ఖడ్గం త్రిశూలం ఖట్వాంగం పాశమంకుశపర్వతమ్ ।
ముష్టిం కౌమోదకీం వృక్షం ధారయంతం కమండలుమ్ ॥ 9 ॥

భిందిపాలం జ్ఞానముద్రాం దశభిర్మునిపుంగవమ్ ।
ఏతాన్యాయుధజాలాని ధారయంతం భజామ్యహమ్ ॥ 10 ॥

ప్రేతాసనోపవిష్టం తం సర్వాభరణభూషితమ్ ।
దివ్యమాల్యాంబరధరం దివ్యగంధానులేపనమ్ ।
సర్వాశ్చర్యమయం దేవం హనుమద్విశ్వతోముఖమ్ ॥ 11 ॥

పంచాస్యమచ్యుతమనేకవిచిత్రవర్ణ-
-వక్త్రం శశాంకశిఖరం కపిరాజవర్యమ్ ।
పీతాంబరాదిముకుటైరుపశోభితాంగం
పింగాక్షమాద్యమనిశం మనసా స్మరామి ॥ 12 ॥

మర్కటేశం మహోత్సాహం సర్వశత్రుహరం పరమ్ ।
శత్రుం సంహర మాం రక్ష శ్రీమన్నాపదముద్ధర ॥ 13 ॥

హరిమర్కట మర్కట మంత్రమిదం
పరిలిఖ్యతి లిఖ్యతి వామతలే ।
యది నశ్యతి నశ్యతి శత్రుకులం
యది ముంచతి ముంచతి వామలతా ॥ 14 ॥

ఓం హరిమర్కటాయ స్వాహా ।

ఓం నమో భగవతే పంచవదనాయ పూర్వకపిముఖాయ సకలశత్రుసంహారకాయ స్వాహా ।
ఓం నమో భగవతే పంచవదనాయ దక్షిణముఖాయ కరాళవదనాయ నరసింహాయ సకలభూతప్రమథనాయ స్వాహా ।
ఓం నమో భగవతే పంచవదనాయ పశ్చిమముఖాయ గరుడాననాయ సకలవిషహరాయ స్వాహా ।
ఓం నమో భగవతే పంచవదనాయ ఉత్తరముఖాయ ఆదివరాహాయ సకలసంపత్కరాయ స్వాహా ।
ఓం నమో భగవతే పంచవదనాయ ఊర్ధ్వముఖాయ హయగ్రీవాయ సకలజనవశంకరాయ స్వాహా ।

ఓం అస్య శ్రీ పంచముఖహనుమన్మంత్రస్య శ్రీరామచంద్ర ఋషిః అనుష్టుప్ఛందః పంచముఖవీరహనుమాన్ దేవతా హనుమాన్ ఇతి బీజం వాయుపుత్ర ఇతి శక్తిః అంజనీసుత ఇతి కీలకం శ్రీరామదూతహనుమత్ప్రసాదసిద్ధ్యర్థే జపే వినియోగః ।
ఇతి ఋష్యాదికం విన్యసేత్ ।

అథ కరన్యాసః ।
ఓం అంజనీసుతాయ అంగుష్ఠాభ్యాం నమః ।
ఓం రుద్రమూర్తయే తర్జనీభ్యాం నమః ।
ఓం వాయుపుత్రాయ మధ్యమాభ్యాం నమః ।
ఓం అగ్నిగర్భాయ అనామికాభ్యాం నమః ।
ఓం రామదూతాయ కనిష్ఠికాభ్యాం నమః ।
ఓం పంచముఖహనుమతే కరతలకరపృష్ఠాభ్యాం నమః ।

అథ అంగన్యాసః ।
ఓం అంజనీసుతాయ హృదయాయ నమః ।
ఓం రుద్రమూర్తయే శిరసే స్వాహా ।
ఓం వాయుపుత్రాయ శిఖాయై వషట్ ।
ఓం అగ్నిగర్భాయ కవచాయ హుమ్ ।
ఓం రామదూతాయ నేత్రత్రయాయ వౌషట్ ।
ఓం పంచముఖహనుమతే అస్త్రాయ ఫట్ ।
పంచముఖహనుమతే స్వాహా ఇతి దిగ్బంధః ।

అథ ధ్యానమ్ ।
వందే వానరనారసింహఖగరాట్క్రోడాశ్వవక్త్రాన్వితం
దివ్యాలంకరణం త్రిపంచనయనం దేదీప్యమానం రుచా ।
హస్తాబ్జైరసిఖేటపుస్తకసుధాకుంభాంకుశాద్రిం హలం
ఖట్వాంగం ఫణిభూరుహం దశభుజం సర్వారివీరాపహమ్ ।

అథ మంత్రః ।
ఓం శ్రీరామదూతాయ ఆంజనేయాయ వాయుపుత్రాయ మహాబలపరాక్రమాయ సీతాదుఃఖనివారణాయ లంకాదహనకారణాయ మహాబలప్రచండాయ ఫాల్గునసఖాయ కోలాహలసకలబ్రహ్మాండవిశ్వరూపాయ
సప్తసముద్రనిర్లంఘనాయ పింగళనయనాయ అమితవిక్రమాయ సూర్యబింబఫలసేవనాయ దుష్టనివారణాయ దృష్టినిరాలంకృతాయ సంజీవినీసంజీవితాంగద-లక్ష్మణమహాకపిసైన్యప్రాణదాయ
దశకంఠవిధ్వంసనాయ రామేష్టాయ మహాఫాల్గునసఖాయ సీతాసహితరామవరప్రదాయ షట్ప్రయోగాగమపంచముఖవీరహనుమన్మంత్రజపే వినియోగః ।

ఓం హరిమర్కటమర్కటాయ బంబంబంబంబం వౌషట్ స్వాహా ।
ఓం హరిమర్కటమర్కటాయ ఫంఫంఫంఫంఫం ఫట్ స్వాహా ।
ఓం హరిమర్కటమర్కటాయ ఖేంఖేంఖేంఖేంఖేం మారణాయ స్వాహా ।
ఓం హరిమర్కటమర్కటాయ లుంలుంలుంలుంలుం ఆకర్షితసకలసంపత్కరాయ స్వాహా ।
ఓం హరిమర్కటమర్కటాయ ధంధంధంధంధం శత్రుస్తంభనాయ స్వాహా ।

ఓం టంటంటంటంటం కూర్మమూర్తయే పంచముఖవీరహనుమతే పరయంత్ర పరతంత్రోచ్చాటనాయ స్వాహా ।
ఓం కంఖంగంఘంఙం చంఛంజంఝంఞం టంఠండంఢంణం తంథందంధంనం పంఫంబంభంమం యంరంలంవం శంషంసంహం ళంక్షం స్వాహా ।
ఇతి దిగ్బంధః ।

ఓం పూర్వకపిముఖాయ పంచముఖహనుమతే టంటంటంటంటం సకలశత్రుసంహరణాయ స్వాహా ।
ఓం దక్షిణముఖాయ పంచముఖహనుమతే కరాళవదనాయ నరసింహాయ ఓం హ్రాం హ్రీం హ్రూం హ్రైం హ్రౌం హ్రః సకలభూతప్రేతదమనాయ స్వాహా ।
ఓం పశ్చిమముఖాయ గరుడాననాయ పంచముఖహనుమతే మంమంమంమంమం సకలవిషహరాయ స్వాహా ।
ఓం ఉత్తరముఖాయ ఆదివరాహాయ లంలంలంలంలం నృసింహాయ నీలకంఠమూర్తయే పంచముఖహనుమతే స్వాహా ।
ఓం ఊర్ధ్వముఖాయ హయగ్రీవాయ రుంరుంరుంరుంరుం రుద్రమూర్తయే సకలప్రయోజననిర్వాహకాయ స్వాహా ।

ఓం అంజనీసుతాయ వాయుపుత్రాయ మహాబలాయ సీతాశోకనివారణాయ శ్రీరామచంద్రకృపాపాదుకాయ మహావీర్యప్రమథనాయ బ్రహ్మాండనాథాయ కామదాయ పంచముఖవీరహనుమతే స్వాహా ।

భూతప్రేతపిశాచబ్రహ్మరాక్షస శాకినీడాకిన్యంతరిక్షగ్రహ పరయంత్ర పరతంత్రోచ్చటనాయ స్వాహా ।
సకలప్రయోజననిర్వాహకాయ పంచముఖవీరహనుమతే శ్రీరామచంద్రవరప్రసాదాయ జంజంజంజంజం స్వాహా ।

ఇదం కవచం పఠిత్వా తు మహాకవచం పఠేన్నరః ।
ఏకవారం జపేత్ స్తోత్రం సర్వశత్రునివారణమ్ ॥ 15 ॥

ద్వివారం తు పఠేన్నిత్యం పుత్రపౌత్రప్రవర్ధనమ్ ।
త్రివారం చ పఠేన్నిత్యం సర్వసంపత్కరం శుభమ్ ॥ 16 ॥

చతుర్వారం పఠేన్నిత్యం సర్వరోగనివారణమ్ ।
పంచవారం పఠేన్నిత్యం సర్వలోకవశంకరమ్ ॥ 17 ॥

షడ్వారం చ పఠేన్నిత్యం సర్వదేవవశంకరమ్ ।
సప్తవారం పఠేన్నిత్యం సర్వసౌభాగ్యదాయకమ్ ॥ 18 ॥

అష్టవారం పఠేన్నిత్యమిష్టకామార్థసిద్ధిదమ్ ।
నవవారం పఠేన్నిత్యం రాజభోగమవాప్నుయాత్ ॥ 19 ॥

దశవారం పఠేన్నిత్యం త్రైలోక్యజ్ఞానదర్శనమ్ ।
రుద్రావృత్తిం పఠేన్నిత్యం సర్వసిద్ధిర్భవేద్ధృవమ్ ॥ 20 ॥

నిర్బలో రోగయుక్తశ్చ మహావ్యాధ్యాదిపీడితః ।
కవచస్మరణేనైవ మహాబలమవాప్నుయాత్ ॥ 21 ॥

ఇతి సుదర్శనసంహితాయాం శ్రీరామచంద్రసీతాప్రోక్తం శ్రీ పంచముఖహనుమత్కవచమ్ ।

ఏకాదశముఖి హనుమత్కవచం

(రుద్రయామలతః)

శ్రీదేవ్యువాచ
శైవాని గాణపత్యాని శాక్తాని వైష్ణవాని చ ।
కవచాని చ సౌరాణి యాని చాన్యాని తాని చ ॥ 1॥
శ్రుతాని దేవదేవేశ త్వద్వక్త్రాన్నిఃసృతాని చ ।
కించిదన్యత్తు దేవానాం కవచం యది కథ్యతే ॥ 2॥

ఈశ్వర ఉవాచ
శ‍ఋణు దేవి ప్రవక్ష్యామి సావధానావధారయ ।
హనుమత్కవచం పుణ్యం మహాపాతకనాశనమ్ ॥ 3॥
ఏతద్గుహ్యతమం లోకే శీఘ్రం సిద్ధికరం పరమ్ ।
జయో యస్య ప్రగానేన లోకత్రయజితో భవేత్ ॥ 4॥

ఓం అస్య శ్రీఏకాదశవక్త్రహనుమత్కవచమాలామంత్రస్య
వీరరామచంద్ర ఋషిః । అనుష్టుప్ఛందః । శ్రీమహావీరహనుమాన్ రుద్రో దేవతా ।
హ్రీం బీజమ్ । హ్రౌం శక్తిః । స్ఫేం కీలకమ్ ।
సర్వదూతస్తంభనార్థం జిహ్వాకీలనార్థం,
మోహనార్థం రాజముఖీదేవతావశ్యార్థం
బ్రహ్మరాక్షసశాకినీడాకినీభూతప్రేతాదిబాధాపరిహారార్థం
శ్రీహనుమద్దివ్యకవచాఖ్యమాలామంత్రజపే వినియోగః ।

అథ కరన్యాసః ।
ఓం హ్రౌం ఆంజనేయాయ అంగుష్ఠభ్యాం నమః ।
ఓం స్ఫేం రుద్రమూర్తయే తర్జనీభ్యాం నమః ।
ఓం స్ఫేం వాయుపుత్రాయ మధ్యమాభ్యాం నమః ।
ఓం స్ఫేం అంజనీగర్భాయ అనామికాభ్యాం నమః ।
ఓం స్ఫేం రామదూతాయ కనిష్ఠికాభ్యాం నమః ।
ఓం హ్రౌం బ్రహ్మాస్త్రాదినివారణాయ కరతలకరపృష్ఠాభ్యాం నమః ।

అథ అంగన్యాసః ।
ఓం హ్రౌం ఆంజనేయాయ హృదయాయ నమః ।
ఓం స్ఫేం రుద్రమూర్తయే శిరసే స్వాహా ।
ఓం స్ఫేం వాయుపుత్రాయ శిఖాయై వషట్ ।
ఓం హ్రౌం అంజనీగర్భాయ కవచాయ హుమ్ ।
ఓం స్ఫేం రామదూతాయ నేత్రత్రయాయ వౌషట్ ।
ఓం హ్రౌం బ్రహ్మాస్త్రాదినివారణాయ అస్త్రాయ ఫట్ ।
ఇతి న్యాసః ।

అథ ధ్యానమ్ ।
ఓం ధ్యాయేద్రణే హనుమంతమేకాదశముఖాంబుజమ్ ।
ధ్యాయేత్తం రావణోపేతం దశబాహుం త్రిలోచనం
హాహాకారైః సదర్పైశ్చ కంపయంతం జగత్త్రయమ్ ।
బ్రహ్మాదివందితం దేవం కపికోటిసమన్వితం
ఏవం ధ్యాత్వా జపేద్దేవి కవచం పరమాద్భుతమ్ ॥

దిగ్బంధాః
ఓం ఇంద్రదిగ్భాగే గజారూఢహనుమతే బ్రహ్మాస్త్రశక్తిసహితాయ
చౌరవ్యాఘ్రపిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం అగ్నిదిగ్భాగే మేషారుఢహనుమతే అస్త్రశక్తిసహితాయ చౌరవ్యాఘ్ర-
పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం యమదిగ్భాగే మహిషారూఢహనుమతే ఖడ్గశక్తిసహితాయ చౌరవ్యాఘ్ర-
పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం నిఋర్తిదిగ్భాగే నరారూఢహనుమతే ఖడ్గశక్తిసహితాయ చౌరవ్యాఘ్ర-
పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం వరుణదిగ్భాగే మకరారూఢహనుమతే ప్రాణశక్తిసహితాయ
చౌరవ్యాఘ్ర పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం వాయుదిగ్భాగే మృగారూఢహనుమతే అంకుశశక్తిసహితాయ
చౌరవ్యాఘ్రపిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం కుబేరదిగ్భాగే అశ్వారూఢహనుమతే గదాశక్తిసహితాయ
చౌరవ్యాఘ్ర పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం ఈశానదిగ్భాగే రాక్షసారూఢహనుమతే పర్వతశక్తిసహితాయ
చౌరవ్యాఘ్ర పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం అంతరిక్షదిగ్భాగే వర్తులహనుమతే ముద్గరశక్తిసహితాయ
చౌరవ్యాఘ్ర పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం భూమిదిగ్భాగే వృశ్చికారూఢహనుమతే వజ్రశక్తిసహితాయ
చౌరవ్యాఘ్ర పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

ఓం వజ్రమండలే హంసారూఢహనుమతే వజ్రశక్తిసహితాయ చౌరవ్యాఘ్ర-
పిశాచబ్రహ్మరాక్షసశాకినీడాకినీవేతాలసమూహోచ్చాటనాయ
మాం రక్ష రక్ష స్వాహా ।

మాలామంత్రః ।
ఓం హ్రీం యీం యం ప్రచండపరాక్రమాయ ఏకాదశముఖహనుమతే
హంసయతిబంధ-మతిబంధ-వాగ్బంధ-భైరుండబంధ-భూతబంధ-
ప్రేతబంధ-పిశాచబంధ-జ్వరబంధ-శూలబంధ-
సర్వదేవతాబంధ-రాగబంధ-ముఖబంధ-రాజసభాబంధ-
ఘోరవీరప్రతాపరౌద్రభీషణహనుమద్వజ్రదంష్ట్రాననాయ
వజ్రకుండలకౌపీనతులసీవనమాలాధరాయ సర్వగ్రహోచ్చాటనోచ్చాటనాయ
బ్రహ్మరాక్షససమూహోచ్చాటానాయ జ్వరసమూహోచ్చాటనాయ రాజసమూహోచ్చాటనాయ
చౌరసమూహోచ్చాటనాయ శత్రుసమూహోచ్చాటనాయ దుష్టసమూహోచ్చాటనాయ
మాం రక్ష రక్ష స్వాహా ॥ 1 ॥

ఓం వీరహనుమతే నమః ।
ఓం నమో భగవతే వీరహనుమతే పీతాంబరధరాయ కర్ణకుండలాద్యా-
భరణాలంకృతభూషణాయ కిరీటబిల్వవనమాలావిభూషితాయ
కనకయజ్ఞోపవీతినే కౌపీనకటిసూత్రవిరాజితాయ
శ్రీవీరరామచంద్రమనోభిలషితాయ లంకాదిదహనకారణాయ
ఘనకులగిరివజ్రదండాయ అక్షకుమారసంహారకారణాయ
ఓం యం ఓం నమో భగవతే రామదూతాయ ఫట్ స్వాహా ॥

ఓం ఐం హ్రీం హ్రౌం హనుమతే సీతారామదూతాయ సహస్రముఖరాజవిధ్వంసకాయ
అంజనీగర్భసంభూతాయ శాకినీడాకినీవిధ్వంసనాయ కిలికిలిచుచు కారేణ
విభీషణాయ వీరహనుమద్దేవాయ ఓం హ్రీం శ్రీం హ్రౌ హ్రాం ఫట్ స్వాహా ॥

ఓం శ్రీవీరహనుమతే హౌం హ్రూం ఫట్ స్వాహా ।
ఓం శ్రీవీరహనుమతే స్ఫ్రూం హ్రూం ఫట్ స్వాహా ।
ఓం శ్రీవీరహనుమతే హ్రౌం హ్రూం ఫట్ స్వాహా ।
ఓం శ్రీవీరహనుమతే స్ఫ్రూం ఫట్ స్వాహా ।
ఓం హ్రాం శ్రీవీరహనుమతే హ్రౌం హూం ఫట్ స్వాహా ।
ఓం శ్రీవీరహనుమతే హ్రైం హుం ఫట్ స్వాహా ।

ఓం హ్రాం పూర్వముఖే వానరముఖహనుమతే
లం సకలశత్రుసంహారకాయ హుం ఫట్ స్వాహా ।

ఓం ఆగ్నేయముఖే మత్స్యముఖహనుమతే
రం సకలశత్రుసకలశత్రుసంహారకాయ హుం ఫట్ స్వాహా ।

ఓం దక్షిణముఖే కూర్మముఖహనుమతే
మం సకలశత్రుసకలశత్రుసంహారకాయ హుం ఫట్ స్వాహా ।

ఓం నైఋర్తిముఖే వరాహముఖహనుమతే
క్షం సకలశత్రుసకలశత్రుసంహారకాయ హుం ఫట్ స్వాహా ।

ఓం పశ్చిమముఖే నారసింహముఖహనుమతే
వం సకలశత్రుసకలశత్రుసంహారకాయ హుం ఫట్ స్వాహా ।

ఓం వాయవ్యముఖే గరుడముఖహనుమతే
యం సకలశత్రుసకలశత్రుసంహారకాయ హుం ఫట్ స్వాహా ।

ఓం ఉత్తరముఖే శరభముఖహనుమతే
సం సకలశత్రుసకలశత్రుసంహారకాయ హుం ఫట్ స్వాహా ।

ఓం ఈశానముఖే వృషభముఖహనుమతే హూం
ఆం సకలశత్రుసకలశత్రుసంహారకాయ హుం ఫట్ స్వాహా ।

ఓం ఊర్ధ్వముఖే జ్వాలాముఖహనుమతే
ఆం సకలశత్రుసకలశత్రుసంహారకాయ హుం ఫట్ స్వాహా ।

ఓం అధోముఖే మార్జారముఖహనుమతే
హ్రీం సకలశత్రుసకలశత్రుసంహారకాయ హుం ఫట్ స్వాహా ।

ఓం సర్వత్ర జగన్ముఖే హనుమతే
స్ఫ్రూం సకలశత్రుసకలశత్రుసంహారకాయ హుం ఫట్ స్వాహా ।

ఓం శ్రీసీతారామపాదుకాధరాయ మహావీరాయ వాయుపుత్రాయ కనిష్ఠాయ
బ్రహ్మనిష్ఠాయ ఏకాదశరుద్రమూర్తయే మహాబలపరాక్రమాయ
భానుమండలగ్రసనగ్రహాయ చతుర్ముఖవరప్రసాదాయ
మహాభయరక్షకాయ యం హౌమ్ ।

ఓం హస్ఫేం హస్ఫేం హస్ఫేం శ్రీవీరహనుమతే నమః ఏకాదశవీరహనుమన్
మాం రక్ష రక్ష శాంతిం కురు కురు తుష్టిం కురు కరు పుష్టిం కురు కురు
మహారోగ్యం కురు కురు అభయం కురు కురు అవిఘ్నం కురు కురు
మహావిజయం కురు కురు సౌభాగ్యం కురు కురు సర్వత్ర విజయం కురు కురు
మహాలక్ష్మీం దేహి హుం ఫట్ స్వాహా ॥

ఫలశ్రుతిః
ఇత్యేతత్కవచం దివ్యం శివేన పరికీర్తితమ్ ।
యః పఠేత్ప్రయతో భూత్వా సర్వాన్కామానవాప్నుయాత్ ॥

ద్వికాలమేకకాలం వా త్రివారం యః పఠేన్నరః ।
రోగాన్ పునః క్షణాత్ జిత్వా స పుమాన్ లభతే శ్రియమ్ ॥

మధ్యాహ్నే చ జలే స్థిత్వా చతుర్వారం పఠేద్యది ।
క్షయాపస్మారకుష్ఠాదితాపత్రయనివారణమ్ ॥

యః పఠేత్కవచం దివ్యం హనుమద్ధ్యానతత్పరః ।
త్రిఃసకృద్వా యథాజ్ఞానం సోఽపి పుణ్యవతాం వరః ॥

దేవమభ్యర్చ్య విధివత్పురశ్చర్యాం సమారభేత్ ।
ఏకాదశశతం జాప్యం దశాంశహవనాదికమ్ ॥

యః కరోతి నరో భక్త్యా కవచస్య సమాదరమ్ ।
తతః సిద్ధిర్భవేత్తస్య పరిచర్యావిధానతః ॥

గద్యపద్యమయా వాణీ తస్య వక్త్రే ప్రజాయతే ।
బ్రహ్మహత్యాదిపాపేభ్యో ముచ్యతే నాత్ర సంశయః ॥

ఏకాదశముఖిహనుమత్కవచం సమాప్త ॥

శ్రీ కృష్ణ కవచం (త్రైలోక్య మంగళ కవచం)

శ్రీ నారద ఉవాచ –
భగవన్సర్వధర్మజ్ఞ కవచం యత్ప్రకాశితమ్ ।
త్రైలోక్యమంగళం నామ కృపయా కథయ ప్రభో ॥ 1 ॥

సనత్కుమార ఉవాచ –
శృణు వక్ష్యామి విప్రేంద్ర కవచం పరమాద్భుతమ్ ।
నారాయణేన కథితం కృపయా బ్రహ్మణే పురా ॥ 2 ॥

బ్రహ్మణా కథితం మహ్యం పరం స్నేహాద్వదామి తే ।
అతి గుహ్యతరం తత్త్వం బ్రహ్మమంత్రౌఘవిగ్రహమ్ ॥ 3 ॥

యద్ధృత్వా పఠనాద్బ్రహ్మా సృష్టిం వితనుతే ధ్రువమ్ ।
యద్ధృత్వా పఠనాత్పాతి మహాలక్ష్మీర్జగత్త్రయమ్ ॥ 4 ॥

పఠనాద్ధారణాచ్ఛంభుః సంహర్తా సర్వమంత్రవిత్ ।
త్రైలోక్యజననీ దుర్గా మహిషాదిమహాసురాన్ ॥ 5 ॥

వరతృప్తాన్ జఘానైవ పఠనాద్ధారణాద్యతః ।
ఏవమింద్రాదయః సర్వే సర్వైశ్వర్యమవాప్నుయుః ॥ 6 ॥

ఇదం కవచమత్యంతగుప్తం కుత్రాపి నో వదేత్ ।
శిష్యాయ భక్తియుక్తాయ సాధకాయ ప్రకాశయేత్ ॥ 7 ॥

శఠాయ పరశిష్యాయ దత్వా మృత్యుమవాప్నుయాత్ ।
త్రైలోక్యమంగళస్యాఽస్య కవచస్య ప్రజాపతిః ॥ 8 ॥

ఋషిశ్ఛందశ్చ గాయత్రీ దేవో నారాయణస్స్వయమ్ ।
ధర్మార్థకామమోక్షేషు వినియోగః ప్రకీర్తితః ॥ 9 ॥

ప్రణవో మే శిరః పాతు నమో నారాయణాయ చ ।
ఫాలం మే నేత్రయుగళమష్టార్ణో భుక్తిముక్తిదః ॥ 10 ॥

క్లీం పాయాచ్ఛ్రోత్రయుగ్మం చైకాక్షరః సర్వమోహనః ।
క్లీం కృష్ణాయ సదా ఘ్రాణం గోవిందాయేతి జిహ్వికామ్ ॥ 11 ॥

గోపీజనపదవల్లభాయ స్వాహాఽననం మమ ।
అష్టాదశాక్షరో మంత్రః కంఠం పాతు దశాక్షరః ॥ 12 ॥

గోపీజనపదవల్లభాయ స్వాహా భుజద్వయమ్ ।
క్లీం గ్లౌం క్లీం శ్యామలాంగాయ నమః స్కంధౌ రక్షాక్షరః ॥ 13 ॥

క్లీం కృష్ణః క్లీం కరౌ పాయాత్ క్లీం కృష్ణాయాం గతోఽవతు ।
హృదయం భువనేశానః క్లీం కృష్ణః క్లీం స్తనౌ మమ ॥ 14 ॥

గోపాలాయాగ్నిజాయాతం కుక్షియుగ్మం సదాఽవతు ।
క్లీం కృష్ణాయ సదా పాతు పార్శ్వయుగ్మమనుత్తమః ॥ 15 ॥

కృష్ణ గోవిందకౌ పాతు స్మరాద్యౌజేయుతౌ మనుః ।
అష్టాక్షరః పాతు నాభిం కృష్ణేతి ద్వ్యక్షరోఽవతు ॥ 16 ॥

పృష్ఠం క్లీం కృష్ణకం గల్ల క్లీం కృష్ణాయ ద్విరాంతకః ।
సక్థినీ సతతం పాతు శ్రీం హ్రీం క్లీం కృష్ణఠద్వయమ్ ॥ 17 ॥

ఊరూ సప్తాక్షరం పాయాత్ త్రయోదశాక్షరోఽవతు ।
శ్రీం హ్రీం క్లీం పదతో గోపీజనవల్లభపదం తతః ॥ 18 ॥

శ్రియా స్వాహేతి పాయూ వై క్లీం హ్రీం శ్రీం సదశార్ణకః ।
జానునీ చ సదా పాతు క్లీం హ్రీం శ్రీం చ దశాక్షరః ॥ 19 ॥

త్రయోదశాక్షరః పాతు జంఘే చక్రాద్యుదాయుధః ।
అష్టాదశాక్షరో హ్రీం శ్రీం పూర్వకో వింశదర్ణకః ॥ 20 ॥

సర్వాంగం మే సదా పాతు ద్వారకానాయకో బలీ ।
నమో భగవతే పశ్చాద్వాసుదేవాయ తత్పరమ్ ॥ 21 ॥

తారాద్యో ద్వాదశార్ణోఽయం ప్రాచ్యాం మాం సర్వదాఽవతు ।
శ్రీం హ్రీం క్లీం చ దశార్ణస్తు క్లీం హ్రీం శ్రీం షోడశార్ణకః ॥ 22 ॥

గదాద్యుదాయుధో విష్ణుర్మామగ్నేర్దిశి రక్షతు ।
హ్రీం శ్రీం దశాక్షరో మంత్రో దక్షిణే మాం సదాఽవతు ॥ 23 ॥

తారో నమో భగవతే రుక్మిణీవల్లభాయ చ ।
స్వాహేతి షోడశార్ణోఽయం నైరృత్యాం దిశి రక్షతు ॥ 24 ॥

క్లీం హృషీకేశ వంశాయ నమో మాం వారుణోఽవతు ।
అష్టాదశార్ణః కామాంతో వాయవ్యే మాం సదాఽవతు ॥ 25 ॥

శ్రీం మాయాకామతృష్ణాయ గోవిందాయ ద్వికో మనుః ।
ద్వాదశార్ణాత్మకో విష్ణురుత్తరే మాం సదాఽవతు ॥ 26 ॥

వాగ్భవం కామకృష్ణాయ హ్రీం గోవిందాయ తత్పరమ్ ।
శ్రీం గోపీజనవల్లభాయ స్వాహా హస్తౌ తతః పరమ్ ॥ 27 ॥

ద్వావింశత్యక్షరో మంత్రో మామైశాన్యే సదాఽవతు ।
కాళీయస్య ఫణామధ్యే దివ్యం నృత్యం కరోతి తమ్ ॥ 28 ॥

నమామి దేవకీపుత్రం నృత్యరాజానమచ్యుతమ్ ।
ద్వాత్రింశదక్షరో మంత్రోఽప్యధో మాం సర్వదాఽవతు ॥ 29 ॥

కామదేవాయ విద్మహే పుష్పబాణాయ ధీమహి ।
తన్నోఽనంగః ప్రచోదయాదేషా మాం పాతుచోర్ధ్వతః ॥ 30 ॥

ఇతి తే కథితం విప్ర బ్రహ్మమంత్రౌఘవిగ్రహమ్ ।
త్రైలోక్యమంగళం నామ కవచం బ్రహ్మరూపకమ్ ॥ 31 ॥

బ్రహ్మణా కథితం పూర్వం నారాయణముఖాచ్ఛ్రుతమ్ ।
తవ స్నేహాన్మయాఽఖ్యాతం ప్రవక్తవ్యం న కస్యచిత్ ॥ 32 ॥

గురుం ప్రణమ్య విధివత్కవచం ప్రపఠేత్తతః ।
సకృద్ద్విస్త్రిర్యథాజ్ఞానం స హి సర్వతపోమయః ॥ 33 ॥

మంత్రేషు సకలేష్వేవ దేశికో నాత్ర సంశయః ।
శతమష్టోత్తరం చాస్య పురశ్చర్యా విధిస్స్మృతః ॥ 34 ॥

హవనాదీందశాంశేన కృత్వా తత్సాధయేద్ధ్రువమ్ ।
యది స్యాత్సిద్ధకవచో విష్ణురేవ భవేత్స్వయమ్ ॥ 35 ॥

మంత్రసిద్ధిర్భవేత్తస్య పురశ్చర్యా విధానతః ।
స్పర్ధాముద్ధూయ సతతం లక్ష్మీర్వాణీ వసేత్తతః ॥ 36 ॥

పుష్పాంజల్యష్టకం దత్వా మూలేనైవ పఠేత్సకృత్ ।
దశవర్షసహస్రాణి పూజాయాః ఫలమాప్నుయాత్ ॥ 37 ॥

భూర్జే విలిఖ్య గుళికాం స్వర్ణస్థాం ధారయేద్యది ।
కంఠే వా దక్షిణే బాహౌ సోఽపి విష్ణుర్న సంశయః ॥ 38 ॥

అశ్వమేధసహస్రాణి వాజపేయశతాని చ ।
మహాదానాని యాన్యేవ ప్రాదక్షిణ్యం భువస్తథా ॥ 39 ॥

కళాం నార్హంతి తాన్యేవ సకృదుచ్చారణాత్తతః ।
కవచస్య ప్రసాదేన జీవన్ముక్తో భవేన్నరః ॥ 40 ॥

త్రైలోక్యం క్షోభయత్యేవ త్రైలోక్యవిజయీ స హి ।
ఇదం కవచమజ్ఞాత్వా యజేద్యః పురుషోత్తమమ్ ।
శతలక్షప్రజప్తోఽపి న మంత్రస్తస్య సిద్ధ్యతి ॥ 41 ॥

ఇతి శ్రీ నారదపాంచరాత్రే జ్ఞానామృతసారే త్రైలోక్యమంగళకవచమ్ ।

మహాశాశ్తా అనుగ్రహ కవచం

శ్రీదేవ్యువాచ-
భగవన్ దేవదేవేశ సర్వజ్ఞ త్రిపురాంతక ।
ప్రాప్తే కలియుగే ఘోరే మహాభూతైః సమావృతే ॥ 1

మహావ్యాధి మహావ్యాళ ఘోరరాజైః సమావృతే ।
దుఃస్వప్నశోకసంతాపైః దుర్వినీతైః సమావృతే ॥ 2

స్వధర్మవిరతేమార్గే ప్రవృత్తే హృది సర్వదా ।
తేషాం సిద్ధిం చ ముక్తిం చ త్వం మే బ్రూహి వృషద్వజ ॥ 3

ఈశ్వర ఉవాచ-
శృణు దేవి మహాభాగే సర్వకళ్యాణకారణే ।
మహాశాస్తుశ్చ దేవేశి కవచం పుణ్యవర్ధనమ్ ॥ 4

అగ్నిస్తంభ జలస్తంభ సేనాస్తంభ విధాయకమ్ ।
మహాభూతప్రశమనం మహావ్యాధినివారణమ్ ॥ 5

మహాజ్ఞానప్రదం పుణ్యం విశేషాత్ కలితాపహమ్ ।
సర్వరక్షోత్తమం పుంసాం ఆయురారోగ్యవర్ధనమ్ ॥ 6

కిమతో బహునోక్తేన యం యం కామయతే ద్విజః ।
తం తమాప్నోత్యసందేహో మహాశాస్తుః ప్రసాదనాత్ ॥ 7

కవచస్య ఋషిర్బ్రహ్మా గాయత్రీః ఛంద ఉచ్యతే ।
దేవతా శ్రీమహాశాస్తా దేవో హరిహరాత్మజః ॥ 8

షడంగమాచరేద్భక్త్యా మాత్రయా జాతియుక్తయా ।
ధ్యానమస్య ప్రవక్ష్యామి శృణుష్వావహితా ప్రియే ॥ 9

అస్య శ్రీ మహాశాస్తుః కవచమంత్రస్య । బ్రహ్మా ఋషిః । గాయత్రీః ఛందః । మహాశాస్తా దేవతా । హ్రాం బీజమ్ । హ్రీం శక్తిః । హ్రూం కీలకమ్ । శ్రీ మహాశాస్తుః ప్రసాద సిద్ధ్యర్థే జపే వినియోగః ॥

హ్రాం ఇత్యాది షడంగన్యాసః ॥

ధ్యానం-
తేజోమండలమధ్యగం త్రినయనం దివ్యాంబరాలంకృతం
దేవం పుష్పశరేక్షుకార్ముక లసన్మాణిక్యపాత్రాఽభయమ్ ।
బిభ్రాణం కరపంకజైః మదగజ స్కంధాధిరూఢం విభుం
శాస్తారం శరణం భజామి సతతం త్రైలోక్య సంమోహనమ్ ॥

మహాశాస్తా శిరః పాతు ఫాలం హరిహరాత్మజః ।
కామరూపీ దృశం పాతు సర్వజ్ఞో మే శ్రుతిం సదా ॥ 1

ఘ్రాణం పాతు కృపాధ్యక్షః ముఖం గౌరీప్రియః సదా ।
వేదాధ్యాయీ చ మే జిహ్వాం పాతు మే చిబుకం గురుః ॥ 2

కంఠం పాతు విశుద్ధాత్మా స్కంధౌ పాతు సురార్చితః ।
బాహూ పాతు విరూపాక్షః కరౌ తు కమలాప్రియః ॥ 3

భూతాధిపో మే హృదయం మధ్యం పాతు మహాబలః ।
నాభిం పాతు మహావీరః కమలాక్షోఽవతు కటిమ్ ॥ 4

సనీపం పాతు విశ్వేశః గుహ్యం గుహ్యార్థవిత్సదా ।
ఊరూ పాతు గజారూఢః వజ్రధారీ చ జానునీ ॥ 5

జంఘే పాత్వంకుశధరః పాదౌ పాతు మహామతిః ।
సర్వాంగం పాతు మే నిత్యం మహామాయావిశారదః ॥ 6

ఇతీదం కవచం పుణ్యం సర్వాఘౌఘనికృంతనమ్ ।
మహావ్యాధిప్రశమనం మహాపాతకనాశనమ్ ॥ 7

జ్ఞానవైరాగ్యదం దివ్యమణిమాదివిభూషితమ్ ।
ఆయురారోగ్యజననం మహావశ్యకరం పరమ్ ॥ 8

యం యం కామయతే కామం తం తమాప్నోత్యసంశయః ।
త్రిసంధ్యం యః పఠేద్విద్వాన్ స యాతి పరమాం గతిమ్ ॥

ఇతి శ్రీ మహాశాస్తా అనుగ్రహ కవచమ్ ।

శ్రీ సుబ్రహ్మణ్య కవచ స్తోత్రం

అస్య శ్రీసుబ్రహ్మణ్యకవచస్తోత్రమహామంత్రస్య, బ్రహ్మా ఋషిః, అనుష్టుప్ఛందః, శ్రీసుబ్రహ్మణ్యో దేవతా, ఓం నమ ఇతి బీజం, భగవత ఇతి శక్తిః, సుబ్రహ్మణ్యాయేతి కీలకం, శ్రీసుబ్రహ్మణ్య ప్రసాదసిద్ధ్యర్థే జపే వినియోగః ॥

కరన్యాసః –
ఓం సాం అంగుష్ఠాభ్యాం నమః ।
ఓం సీం తర్జనీభ్యాం నమః ।
ఓం సూం మధ్యమాభ్యాం నమః ।
ఓం సైం అనామికాభ్యాం నమః ।
ఓం సౌం కనిష్ఠికాభ్యాం నమః ।
ఓం సః కరతలకరపృష్ఠాభ్యాం నమః ॥
అంగన్యాసః –
ఓం సాం హృదయాయ నమః ।
ఓం సీం శిరసే స్వాహా ।
ఓం సూం శిఖాయై వషట్ ।
ఓం సైం కవచాయ హుమ్ ।
ఓం సౌం నేత్రత్రయాయ వౌషట్ ।
ఓం సః అస్త్రాయ ఫట్ ।
భూర్భువస్సువరోమితి దిగ్బంధః ॥

ధ్యానమ్ ।
సిందూరారుణమిందుకాంతివదనం కేయూరహారాదిభిః
దివ్యైరాభరణైర్విభూషితతనుం స్వర్గాదిసౌఖ్యప్రదమ్ ।
అంభోజాభయశక్తికుక్కుటధరం రక్తాంగరాగోజ్జ్వలం
సుబ్రహ్మణ్యముపాస్మహే ప్రణమతాం సర్వార్థసిద్ధిప్రదమ్ ॥ [భీతిప్రణాశోద్యతం]

లమిత్యాది పంచపూజా ।
ఓం లం పృథివ్యాత్మనే సుబ్రహ్మణ్యాయ గంధం సమర్పయామి ।
ఓం హం ఆకాశాత్మనే సుబ్రహ్మణ్యాయ పుష్పాణి సమర్పయామి ।
ఓం యం వాయ్వాత్మనే సుబ్రహ్మణ్యాయ ధూపమాఘ్రాపయామి ।
ఓం రం అగ్న్యాత్మనే సుబ్రహ్మణ్యాయ దీపం దర్శయామి ।
ఓం వం అమృతాత్మనే సుబ్రహ్మణ్యాయ స్వాదన్నం నివేదయామి ।
ఓం సం సర్వాత్మనే సుబ్రహ్మణ్యాయ సర్వోపచారాన్ సమర్పయామి ।

కవచమ్ ।
సుబ్రహ్మణ్యోఽగ్రతః పాతు సేనానీః పాతు పృష్ఠతః ।
గుహో మాం దక్షిణే పాతు వహ్నిజః పాతు వామతః ॥ 1 ॥

శిరః పాతు మహాసేనః స్కందో రక్షేల్లలాటకమ్ ।
నేత్రే మే ద్వాదశాక్షశ్చ శ్రోత్రే రక్షతు విశ్వభృత్ ॥ 2 ॥

ముఖం మే షణ్ముఖః పాతు నాసికాం శంకరాత్మజః ।
ఓష్ఠౌ వల్లీపతిః పాతు జిహ్వాం పాతు షడాననః ॥ 3 ॥

దేవసేనాపతిర్దంతాన్ చిబుకం బహులోద్భవః ।
కంఠం తారకజిత్పాతు బాహూ ద్వాదశబాహుకః ॥ 4 ॥

హస్తౌ శక్తిధరః పాతు వక్షః పాతు శరోద్భవః ।
హృదయం వహ్నిభూః పాతు కుక్షిం పాత్వంబికాసుతః ॥ 5 ॥

నాభిం శంభుసుతః పాతు కటిం పాతు హరాత్మజః ।
ఊరూ పాతు గజారూఢో జానూ మే జాహ్నవీసుతః ॥ 6 ॥

జంఘే విశాఖో మే పాతు పాదౌ మే శిఖివాహనః ।
సర్వాణ్యంగాని భూతేశః సర్వధాతూంశ్చ పావకిః ॥ 7 ॥

సంధ్యాకాలే నిశీథిన్యాం దివా ప్రాతర్జలేఽగ్నిషు ।
దుర్గమే చ మహారణ్యే రాజద్వారే మహాభయే ॥ 8 ॥

తుములే రణ్యమధ్యే చ సర్వదుష్టమృగాదిషు ।
చోరాదిసాధ్వసేఽభేద్యే జ్వరాదివ్యాధిపీడనే ॥ 9 ॥

దుష్టగ్రహాదిభీతౌ చ దుర్నిమిత్తాదిభీషణే ।
అస్త్రశస్త్రనిపాతే చ పాతు మాం క్రౌంచరంధ్రకృత్ ॥ 10 ॥

యః సుబ్రహ్మణ్యకవచం ఇష్టసిద్ధిప్రదం పఠేత్ ।
తస్య తాపత్రయం నాస్తి సత్యం సత్యం వదామ్యహమ్ ॥ 11 ॥

ధర్మార్థీ లభతే ధర్మమర్థార్థీ చార్థమాప్నుయాత్ ।
కామార్థీ లభతే కామం మోక్షార్థీ మోక్షమాప్నుయాత్ ॥ 12 ॥

యత్ర యత్ర జపేద్భక్త్యా తత్ర సన్నిహితో గుహః ।
పూజాప్రతిష్ఠాకాలే చ జపకాలే పఠేదిదమ్ ॥ 13 ॥

తేషామేవ ఫలావాప్తిః మహాపాతకనాశనమ్ ।
యః పఠేచ్ఛృణుయాద్భక్త్యా నిత్యం దేవస్య సన్నిధౌ ।
సర్వాన్కామానిహ ప్రాప్య సోఽంతే స్కందపురం వ్రజేత్ ॥ 14 ॥

ఉత్తరన్యాసః ॥
కరన్యాసః –
ఓం సాం అంగుష్ఠాభ్యాం నమః ।
ఓం సీం తర్జనీభ్యాం నమః ।
ఓం సూం మధ్యమాభ్యాం నమః ।
ఓం సైం అనామికాభ్యాం నమః ।
ఓం సౌం కనిష్ఠికాభ్యాం నమః ।
ఓం సః కరతలకరపృష్ఠాభ్యాం నమః ॥
అంగన్యాసః –
ఓం సాం హృదయాయ నమః ।
ఓం సీం శిరసే స్వాహా ।
ఓం సూం శిఖాయై వషట్ ।
ఓం సైం కవచాయ హుమ్ ।
ఓం సౌం నేత్రత్రయాయ వౌషట్ ।
ఓం సః అస్త్రాయ ఫట్ ।
భూర్భువస్సువరోమితి దిగ్విమోకః ॥

ఇతి శ్రీ సుబ్రహ్మణ్య కవచ స్తోత్రమ్ ।

శ్రీ కుమార కవచం

ఓం నమో భగవతే భవబంధహరణాయ, సద్భక్తశరణాయ, శరవణభవాయ, శాంభవవిభవాయ, యోగనాయకాయ, భోగదాయకాయ, మహాదేవసేనావృతాయ, మహామణిగణాలంకృతాయ, దుష్టదైత్య సంహార కారణాయ, దుష్క్రౌంచవిదారణాయ, శక్తి శూల గదా ఖడ్గ ఖేటక పాశాంకుశ ముసల ప్రాస తోమర వరదాభయ కరాలంకృతాయ, శరణాగత రక్షణ దీక్షా ధురంధర చరణారవిందాయ, సర్వలోకైక హర్త్రే, సర్వనిగమగుహ్యాయ, కుక్కుటధ్వజాయ, కుక్షిస్థాఖిల బ్రహ్మాండ మండలాయ, ఆఖండల వందితాయ, హృదేంద్ర అంతరంగాబ్ధి సోమాయ, సంపూర్ణకామాయ, నిష్కామాయ, నిరుపమాయ, నిర్ద్వంద్వాయ, నిత్యాయ, సత్యాయ, శుద్ధాయ, బుద్ధాయ, ముక్తాయ, అవ్యక్తాయ, అబాధ్యాయ, అభేద్యాయ, అసాధ్యాయ, అవిచ్ఛేద్యాయ, ఆద్యంత శూన్యాయ, అజాయ, అప్రమేయాయ, అవాఙ్మానసగోచరాయ, పరమ శాంతాయ, పరిపూర్ణాయ, పరాత్పరాయ, ప్రణవస్వరూపాయ, ప్రణతార్తిభంజనాయ, స్వాశ్రిత జనరంజనాయ, జయ జయ రుద్రకుమార, మహాబల పరాక్రమ, త్రయస్త్రింశత్కోటి దేవతానందకంద, స్కంద, నిరుపమానంద, మమ ఋణరోగ శతృపీడా పరిహారం కురు కురు, దుఃఖాతురుం మమానందయ ఆనందయ, నరకభయాన్మాముద్ధర ఉద్ధర, సంసృతిక్లేశసి హి తం మాం సంజీవయ సంజీవయ, వరదోసి త్వం, సదయోసి త్వం, శక్తోసి త్వం, మహాభుక్తిం ముక్తిం దత్వా మే శరణాగతం, మాం శతాయుషమవ, భో దీనబంధో, దయాసింధో, కార్తికేయ, ప్రభో, ప్రసీద ప్రసీద, సుప్రసన్నో భవ వరదో భవ, సుబ్రహ్మణ్య స్వామిన్, ఓం నమస్తే నమస్తే నమస్తే నమః ॥

ఇతి కుమార కవచమ్ ।