Sacred Stotras & Deities

శని వజ్రపంజర కవచం

నీలాంబరో నీలవపుః కిరీటీ
గృధ్రస్థితాస్త్రకరో ధనుష్మాన్ ।
చతుర్భుజః సూర్యసుతః ప్రసన్నః
సదా మమస్యాద్వరదః ప్రశాంతః ॥

బ్రహ్మా ఉవాచ ।

శృణుధ్వం ఋషయః సర్వే శని పీడాహరం మహత్ ।
కవచం శనిరాజస్య సౌరైరిదమనుత్తమమ్ ॥

కవచం దేవతావాసం వజ్ర పంజర సంంగకమ్ ।
శనైశ్చర ప్రీతికరం సర్వసౌభాగ్యదాయకమ్ ॥

అథ శ్రీ శని వజ్ర పంజర కవచమ్ ।

ఓం శ్రీ శనైశ్చరః పాతు ఫాలం మే సూర్యనందనః । [భాలం]
నేత్రే ఛాయాత్మజః పాతు పాతు కర్ణౌ యమానుజః ॥ 1 ॥

నాసాం వైవస్వతః పాతు ముఖం మే భాస్కరః సదా ।
స్నిగ్ధకంఠశ్చ మే కంఠం భుజౌ పాతు మహాభుజః ॥ 2 ॥

స్కంధౌ పాతు శనిశ్చైవ కరౌ పాతు శుభప్రదః ।
వక్షః పాతు యమభ్రాతా కుక్షిం పాత్వసితస్తథా ॥ 3 ॥

నాభిం గ్రహపతిః పాతు మందః పాతు కటిం తథా ।
ఊరూ మమాంతకః పాతు యమో జానుయుగం తథా ॥ 4 ॥

పాదౌ మందగతిః పాతు సర్వాంగం పాతు పిప్పలః ।
అంగోపాంగాని సర్వాణి రక్షేన్ మే సూర్యనందనః ॥ 5 ॥

ఫలశ్రుతిః

ఇత్యేతత్కవచం దివ్యం పఠేత్సూర్యసుతస్య యః ।
న తస్య జాయతే పీడా ప్రీతో భవతి సూర్యజః ॥

వ్యయజన్మద్వితీయస్థో మృత్యుస్థానగతోపివా ।
కలత్రస్థో గతోవాపి సుప్రీతస్తు సదా శనిః ॥

అష్టమస్థో సూర్యసుతే వ్యయే జన్మద్వితీయగే ।
కవచం పఠతే నిత్యం న పీడా జాయతే క్వచిత్ ॥

ఇత్యేతత్కవచం దివ్యం సౌరేర్యన్నిర్మితం పురా ।
ద్వాదశాష్టమజన్మస్థదోషాన్నాశయతే సదా ।
జన్మలగ్నస్థితాన్ దోషాన్ సర్వాన్నాశయతే ప్రభుః ॥

ఇతి శ్రీ బ్రహ్మాండపురాణే బ్రహ్మనారదసంవాదే శనివజ్రపంజర కవచం సంపూర్ణమ్ ॥

సూర్య కవచం

శ్రీభైరవ ఉవాచ

యో దేవదేవో భగవాన్ భాస్కరో మహసాం నిధిః ।
గయత్రీనాయకో భాస్వాన్ సవితేతి ప్రగీయతే ॥ 1 ॥

తస్యాహం కవచం దివ్యం వజ్రపంజరకాభిధమ్ ।
సర్వమంత్రమయం గుహ్యం మూలవిద్యారహస్యకమ్ ॥ 2 ॥

సర్వపాపాపహం దేవి దుఃఖదారిద్ర్యనాశనమ్ ।
మహాకుష్ఠహరం పుణ్యం సర్వరోగనివర్హణమ్ ॥ 3 ॥

సర్వశత్రుసమూహఘ్నం సమ్గ్రామే విజయప్రదమ్ ।
సర్వతేజోమయం సర్వదేవదానవపూజితమ్ ॥ 4 ॥

రణే రాజభయే ఘోరే సర్వోపద్రవనాశనమ్ ।
మాతృకావేష్టితం వర్మ భైరవానననిర్గతమ్ ॥ 5 ॥

గ్రహపీడాహరం దేవి సర్వసంకటనాశనమ్ ।
ధారణాదస్య దేవేశి బ్రహ్మా లోకపితామహః ॥ 6 ॥

విష్ణుర్నారాయణో దేవి రణే దైత్యాంజిష్యతి ।
శంకరః సర్వలోకేశో వాసవోఽపి దివస్పతిః ॥ 7 ॥

ఓషధీశః శశీ దేవి శివోఽహం భైరవేశ్వరః ।
మంత్రాత్మకం పరం వర్మ సవితుః సారముత్తమమ్ ॥ 8 ॥

యో ధారయేద్ భుజే మూర్ధ్ని రవివారే మహేశ్వరి ।
స రాజవల్లభో లోకే తేజస్వీ వైరిమర్దనః ॥ 9 ॥

బహునోక్తేన కిం దేవి కవచస్యాస్య ధారణాత్ ।
ఇహ లక్ష్మీధనారోగ్య-వృద్ధిర్భవతి నాన్యథా ॥ 10 ॥

పరత్ర పరమా ముక్తిర్దేవానామపి దుర్లభా ।
కవచస్యాస్య దేవేశి మూలవిద్యామయస్య చ ॥ 11 ॥

వజ్రపంజరకాఖ్యస్య మునిర్బ్రహ్మా సమీరితః ।
గాయత్ర్యం ఛంద ఇత్యుక్తం దేవతా సవితా స్మృతః ॥ 12 ॥

మాయా బీజం శరత్ శక్తిర్నమః కీలకమీశ్వరి ।
సర్వార్థసాధనే దేవి వినియోగః ప్రకీర్తితః ॥ 13 ॥

అథ సూర్య కవచం

ఓం అం ఆం ఇం ఈం శిరః పాతు ఓం సూర్యో మంత్రవిగ్రహః ।
ఉం ఊం ఋం ౠం లలాటం మే హ్రాం రవిః పాతు చిన్మయః ॥ 14 ॥

~ళుం ~ళూం ఏం ఐం పాతు నేత్రే హ్రీం మమారుణసారథిః ।
ఓం ఔం అం అః శ్రుతీ పాతు సః సర్వజగదీశ్వరః ॥ 15 ॥

కం ఖం గం ఘం పాతు గండౌ సూం సూరః సురపూజితః ।
చం ఛం జం ఝం చ నాసాం మే పాతు యారం అర్యమా ప్రభుః ॥ 16 ॥

టం ఠం డం ఢం ముఖం పాయాద్ యం యోగీశ్వరపూజితః ।
తం థం దం ధం గలం పాతు నం నారాయణవల్లభః ॥ 17 ॥

పం ఫం బం భం మమ స్కంధౌ పాతు మం మహసాం నిధిః ।
యం రం లం వం భుజౌ పాతు మూలం సకనాయకః ॥ 18 ॥

శం షం సం హం పాతు వక్షో మూలమంత్రమయో ధ్రువః ।
ళం క్షః కుక్ష్సిం సదా పాతు గ్రహాథో దినేశ్వరః ॥ 19 ॥

ఙం ఞం ణం నం మం మే పాతు పృష్ఠం దివసనాయకః ।
అం ఆం ఇం ఈం ఉం ఊం ఋం ౠం నాభిం పాతు తమోపహః ॥ 20 ॥

~ళుం ~ళూం ఏం ఐం ఓం ఔం అం అః లింగం మేఽవ్యాద్ గ్రహేశ్వరః ।
కం ఖం గం ఘం చం ఛం జం ఝం కటిం భానుర్మమావతు ॥ 21 ॥

టం ఠం డం ఢం తం థం దం ధం జానూ భాస్వాన్ మమావతు ।
పం ఫం బం భం యం రం లం వం జంఘే మేఽవ్యాద్ విభాకరః ॥ 22 ॥

శం షం సం హం ళం క్షః పాతు మూలం పాదౌ త్రయితనుః ।
ఙం ఞం ణం నం మం మే పాతు సవితా సకలం వపుః ॥ 23 ॥

సోమః పూర్వే చ మాం పాతు భౌమోఽగ్నౌ మాం సదావతు ।
బుధో మాం దక్షిణే పాతు నైఋత్యా గురరేవ మామ్ ॥ 24 ॥

పశ్చిమే మాం సితః పాతు వాయవ్యాం మాం శనైశ్చరః ।
ఉత్తరే మాం తమః పాయాదైశాన్యాం మాం శిఖీ తథా ॥ 25 ॥

ఊర్ధ్వం మాం పాతు మిహిరో మామధస్తాంజగత్పతిః ।
ప్రభాతే భాస్కరః పాతు మధ్యాహ్నే మాం దినేశ్వరః ॥ 26 ॥

సాయం వేదప్రియః పాతు నిశీథే విస్ఫురాపతిః ।
సర్వత్ర సర్వదా సూర్యః పాతు మాం చక్రనాయకః ॥ 27 ॥

రణే రాజకులే ద్యూతే విదాదే శత్రుసంకటే ।
సంగామే చ జ్వరే రోగే పాతు మాం సవితా ప్రభుః ॥ 28 ॥

ఓం ఓం ఓం ఉత ఓంఉఔం హ స మ యః సూరోఽవతాన్మాం భయాద్
హ్రాం హ్రీం హ్రుం హహహా హసౌః హసహసౌః హంసోఽవతాత్ సర్వతః ।
సః సః సః సససా నృపాద్వనచరాచ్చౌరాద్రణాత్ సంకటాత్
పాయాన్మాం కులనాయకోఽపి సవితా ఓం హ్రీం హ సౌః సర్వదా ॥ 29 ॥

ద్రాం ద్రీం ద్రూం దధనం తథా చ తరణిర్భాంభైర్భయాద్ భాస్కరో
రాం రీం రూం రురురూం రవిర్జ్వరభయాత్ కుష్ఠాచ్చ శూలామయాత్ ।
అం అం ఆం వివివీం మహామయభయం మాం పాతు మార్తండకో
మూలవ్యాప్తతనుః సదావతు పరం హంసః సహస్రాంశుమాన్ ॥ 30॥

అథ ఫలశృతిః

ఇతి శ్రీకవచం దివ్యం వజ్రపంజరకాభిధమ్ ।
సర్వదేవరహస్యం చ మాతృకామంత్రవేష్టితమ్ ॥ 31 ॥

మహారోగభయఘ్నం చ పాపఘ్నం మన్ముఖోదితమ్ ।
గుహ్యం యశస్కరం పుణ్యం సర్వశ్రేయస్కరం శివే ॥ 32 ॥

లిఖిత్వా రవివారే తు తిష్యే వా జన్మభే ప్రియే ।
అష్టగంధేన దివ్యేన సుధాక్షీరేణ పార్వతి ॥ 33 ॥

అర్కక్షీరేణ పుణ్యేన భూర్జత్వచి మహేశ్వరి ।
కనకీకాష్ఠలేఖన్యా కవచం భాస్కరోదయే ॥ 34 ॥

శ్వేతసూత్రేణ రక్తేన శ్యామేనావేష్టయేద్ గుటీమ్ ।
సౌవర్ణేనాథ సంవేష్ఠ్య ధారయేన్మూర్ధ్ని వా భుజే ॥ 35 ॥

రణే రిపూంజయేద్ దేవి వాదే సదసి జేష్యతి ।
రాజమాన్యో భవేన్నిత్యం సర్వతేజోమయో భవేత్ ॥ 36 ॥

కంఠస్థా పుత్రదా దేవి కుక్షిస్థా రోగనాశినీ ।
శిరఃస్థా గుటికా దివ్యా రాకలోకవశంకరీ ॥ 37 ॥

భుజస్థా ధనదా నిత్యం తేజోబుద్ధివివర్ధినీ ।
వంధ్యా వా కాకవంధ్యా వా మృతవత్సా చ యాంగనా ॥ 38 ॥

కంఠే సా ధారయేన్నిత్యం బహుపుత్రా ప్రజాయయే ।
యస్య దేహే భవేన్నిత్యం గుటికైషా మహేశ్వరి ॥ 39 ॥

మహాస్త్రాణీంద్రముక్తాని బ్రహ్మాస్త్రాదీని పార్వతి ।
తద్దేహం ప్రాప్య వ్యర్థాని భవిష్యంతి న సంశయః ॥ 40 ॥

త్రికాలం యః పఠేన్నిత్యం కవచం వజ్రపంజరమ్ ।
తస్య సద్యో మహాదేవి సవితా వరదో భవేత్ ॥ 41 ॥

అజ్ఞాత్వా కవచం దేవి పూజయేద్ యస్త్రయీతనుమ్ ।
తస్య పూజార్జితం పుణ్యం జన్మకోటిషు నిష్ఫలమ్ ॥ 42 ॥

శతావర్తం పఠేద్వర్మ సప్తమ్యాం రవివాసరే ।
మహాకుష్ఠార్దితో దేవి ముచ్యతే నాత్ర సంశయః ॥ 43 ॥

నిరోగో యః పఠేద్వర్మ దరిద్రో వజ్రపంజరమ్ ।
లక్ష్మీవాంజాయతే దేవి సద్యః సూర్యప్రసాదతః ॥ 44 ॥

భక్త్యా యః ప్రపఠేద్ దేవి కవచం ప్రత్యహం ప్రియే ।
ఇహ లోకే శ్రియం భుక్త్వా దేహాంతే ముక్తిమాప్నుయాత్ ॥ 45 ॥

ఇతి శ్రీరుద్రయామలే తంత్రే శ్రీదేవిరహస్యే
వజ్రపంజరాఖ్యసూర్యకవచనిరూపణం త్రయస్త్రింశః పటలః ॥

గణేశ కవచం

ఏషోతి చపలో దైత్యాన్ బాల్యేపి నాశయత్యహో ।
అగ్రే కిం కర్మ కర్తేతి న జానే మునిసత్తమ ॥ 1 ॥

దైత్యా నానావిధా దుష్టాస్సాధు దేవద్రుమః ఖలాః ।
అతోస్య కంఠే కించిత్త్యం రక్షాం సంబద్ధుమర్హసి ॥ 2 ॥

ధ్యాయేత్ సింహగతం వినాయకమముం దిగ్బాహు మాద్యే యుగే
త్రేతాయాం తు మయూర వాహనమముం షడ్బాహుకం సిద్ధిదమ్ । ఈ
ద్వాపరేతు గజాననం యుగభుజం రక్తాంగరాగం విభుం తుర్యే
తు ద్విభుజం సితాంగరుచిరం సర్వార్థదం సర్వదా ॥ 3 ॥

వినాయక శ్శిఖాంపాతు పరమాత్మా పరాత్పరః ।
అతిసుందర కాయస్తు మస్తకం సుమహోత్కటః ॥ 4 ॥

లలాటం కశ్యపః పాతు భ్రూయుగం తు మహోదరః ।
నయనే బాలచంద్రస్తు గజాస్యస్త్యోష్ఠ పల్లవౌ ॥ 5 ॥

జిహ్వాం పాతు గజక్రీడశ్చుబుకం గిరిజాసుతః ।
వాచం వినాయకః పాతు దంతాన్​ రక్షతు దుర్ముఖః ॥ 6 ॥

శ్రవణౌ పాశపాణిస్తు నాసికాం చింతితార్థదః ।
గణేశస్తు ముఖం పాతు కంఠం పాతు గణాధిపః ॥ 7 ॥

స్కంధౌ పాతు గజస్కంధః స్తనే విఘ్నవినాశనః ।
హృదయం గణనాథస్తు హేరంబో జఠరం మహాన్ ॥ 8 ॥

ధరాధరః పాతు పార్శ్వౌ పృష్ఠం విఘ్నహరశ్శుభః ।
లింగం గుహ్యం సదా పాతు వక్రతుండో మహాబలః ॥ 9 ॥

గజక్రీడో జాను జంఘో ఊరూ మంగళకీర్తిమాన్ ।
ఏకదంతో మహాబుద్ధిః పాదౌ గుల్ఫౌ సదావతు ॥ 10 ॥

క్షిప్ర ప్రసాదనో బాహు పాణీ ఆశాప్రపూరకః ।
అంగుళీశ్చ నఖాన్ పాతు పద్మహస్తో రినాశనః ॥ 11 ॥

సర్వాంగాని మయూరేశో విశ్వవ్యాపీ సదావతు ।
అనుక్తమపి యత్ స్థానం ధూమకేతుః సదావతు ॥ 12 ॥

ఆమోదస్త్వగ్రతః పాతు ప్రమోదః పృష్ఠతోవతు ।
ప్రాచ్యాం రక్షతు బుద్ధీశ ఆగ్నేయ్యాం సిద్ధిదాయకః ॥ 13 ॥

దక్షిణస్యాముమాపుత్రో నైఋత్యాం తు గణేశ్వరః ।
ప్రతీచ్యాం విఘ్నహర్తా వ్యాద్వాయవ్యాం గజకర్ణకః ॥ 14 ॥

కౌబేర్యాం నిధిపః పాయాదీశాన్యావిశనందనః ।
దివావ్యాదేకదంత స్తు రాత్రౌ సంధ్యాసు యఃవిఘ్నహృత్ ॥ 15 ॥

రాక్షసాసుర బేతాళ గ్రహ భూత పిశాచతః ।
పాశాంకుశధరః పాతు రజస్సత్త్వతమస్స్మృతీః ॥ 16 ॥

జ్ఞానం ధర్మం చ లక్ష్మీ చ లజ్జాం కీర్తిం తథా కులమ్ । ఈ
వపుర్ధనం చ ధాన్యం చ గృహం దారాస్సుతాన్సఖీన్ ॥ 17 ॥

సర్వాయుధ ధరః పౌత్రాన్ మయూరేశో వతాత్ సదా ।
కపిలో జానుకం పాతు గజాశ్వాన్ వికటోవతు ॥ 18 ॥

భూర్జపత్రే లిఖిత్వేదం యః కంఠే ధారయేత్ సుధీః ।
న భయం జాయతే తస్య యక్ష రక్షః పిశాచతః ॥ 19 ॥

త్రిసంధ్యం జపతే యస్తు వజ్రసార తనుర్భవేత్ ।
యాత్రాకాలే పఠేద్యస్తు నిర్విఘ్నేన ఫలం లభేత్ ॥ 20 ॥

యుద్ధకాలే పఠేద్యస్తు విజయం చాప్నుయాద్ధ్రువమ్ ।
మారణోచ్చాటనాకర్ష స్తంభ మోహన కర్మణి ॥ 21 ॥

సప్తవారం జపేదేతద్దనానామేకవింశతిః ।
తత్తత్ఫలమవాప్నోతి సాధకో నాత్ర సంశయః ॥ 22 ॥

ఏకవింశతివారం చ పఠేత్తావద్దినాని యః ।
కారాగృహగతం సద్యో రాజ్ఞావధ్యం చ మోచయోత్ ॥ 23 ॥

రాజదర్శన వేళాయాం పఠేదేతత్ త్రివారతః ।
స రాజానం వశం నీత్వా ప్రకృతీశ్చ సభాం జయేత్ ॥ 24 ॥

ఇదం గణేశకవచం కశ్యపేన సవిరితమ్ ।
ముద్గలాయ చ తే నాథ మాండవ్యాయ మహర్షయే ॥ 25 ॥

మహ్యం స ప్రాహ కృపయా కవచం సర్వ సిద్ధిదమ్ ।
న దేయం భక్తిహీనాయ దేయం శ్రద్ధావతే శుభమ్ ॥ 26 ॥

అనేనాస్య కృతా రక్షా న బాధాస్య భవేత్ వ్యాచిత్ ।
రాక్షసాసుర బేతాళ దైత్య దానవ సంభవాః ॥ 27 ॥

॥ ఇతి శ్రీ గణేశపురాణే శ్రీ గణేశ కవచం సంపూర్ణమ్ ॥

నారాయణ కవచం

న్యాసః

అంగన్యాసః
ఓం ఓం పాదయోః నమః ।
ఓం నం జానునోః నమః ।
ఓం మోం ఊర్వోః నమః ।
ఓం నాం ఉదరే నమః ।
ఓం రాం హృది నమః ।
ఓం యం ఉరసి నమః ।
ఓం ణాం ముఖే నమః ।
ఓం యం శిరసి నమః ।

కరన్యాసః
ఓం ఓం దక్షిణతర్జన్యాం నమః ।
ఓం నం దక్షిణమధ్యమాయాం నమః ।
ఓం మోం దక్షిణానామికాయాం నమః ।
ఓం భం దక్షిణకనిష్ఠికాయాం నమః ।
ఓం గం వామకనిష్ఠికాయాం నమః ।
ఓం వం వామానికాయాం నమః ।
ఓం తేం వామమధ్యమాయాం నమః ।
ఓం వాం వామతర్జన్యాం నమః ।
ఓం సుం దక్షిణాంగుష్ఠోర్ధ్వపర్వణి నమః ।
ఓం దేం దక్షిణాంగుష్ఠాధః పర్వణి నమః ।
ఓం వాం వామాంగుష్ఠోర్ధ్వపర్వణి నమః ।
ఓం యం వామాంగుష్ఠాధః పర్వణి నమః ।

విష్ణుషడక్షరన్యాసః
ఓం ఓం హృదయే నమః ।
ఓం విం మూర్ధ్నై నమః ।
ఓం షం భ్రుర్వోర్మధ్యే నమః ।
ఓం ణం శిఖాయాం నమః ।
ఓం వేం నేత్రయోః నమః ।
ఓం నం సర్వసంధిషు నమః ।
ఓం మః ప్రాచ్యాం అస్త్రాయ ఫట్ ।
ఓం మః ఆగ్నేయ్యాం అస్త్రాయ ఫట్ ।
ఓం మః దక్షిణస్యాం అస్త్రాయ ఫట్ ।
ఓం మః నైఋత్యే అస్త్రాయ ఫట్ ।
ఓం మః ప్రతీచ్యాం అస్త్రాయ ఫట్ ।
ఓం మః వాయవ్యే అస్త్రాయ ఫట్ ।
ఓం మః ఉదీచ్యాం అస్త్రాయ ఫట్ ।
ఓం మః ఐశాన్యాం అస్త్రాయ ఫట్ ।
ఓం మః ఊర్ధ్వాయాం అస్త్రాయ ఫట్ ।
ఓం మః అధరాయాం అస్త్రాయ ఫట్ ।

శ్రీ హరిః

అథ శ్రీనారాయణకవచ

రాజోవాచ
యయా గుప్తః సహస్రాక్షః సవాహాన్ రిపుసైనికాన్ ।
క్రీడన్నివ వినిర్జిత్య త్రిలోక్యా బుభుజే శ్రియమ్ ॥ 1 ॥

భగవంస్తన్మమాఖ్యాహి వర్మ నారాయణాత్మకమ్ ।
యథాఽఽతతాయినః శత్రూన్ యేన గుప్తోఽజయన్మృధే ॥ 2 ॥

శ్రీ శుక ఉవాచ
వృతః పురోహితస్త్వాష్ట్రో మహేంద్రాయానుపృచ్ఛతే ।
నారాయణాఖ్యం వర్మాహ తదిహైకమనాః శృణు ॥ 3 ॥

శ్రీవిశ్వరూప ఉవాచ
ధౌతాంఘ్రిపాణిరాచమ్య సపవిత్ర ఉదఙ్ముఖః ।
కృతస్వాంగకరన్యాసో మంత్రాభ్యాం వాగ్యతః శుచిః ॥ 4 ॥

నారాయణమయం వర్మ సన్నహ్యేద్భయ ఆగతే ।
దైవభూతాత్మకర్మభ్యో నారాయణమయః పుమాన్ ॥ 5 ॥

పాదయోర్జానునోరూర్వోరుదరే హృద్యథోరసి ।
ముఖే శిరస్యానుపూర్వ్యాదోంకారాదీని విన్యసేత్ ॥ 6 ॥

ఓం నమో నారాయణాయేతి విపర్యయమథాపి వా ।
కరన్యాసం తతః కుర్యాద్ద్వాదశాక్షరవిద్యయా ॥ 7 ॥

ప్రణవాదియకారాంతమంగుల్యంగుష్ఠపర్వసు ।
న్యసేద్ధృదయ ఓంకారం వికారమను మూర్ధని ॥ 8 ॥

షకారం తు భ్రువోర్మధ్యే ణకారం శిఖయా న్యసేత్ ।
వేకారం నేత్రయోర్యుంజ్యాన్నకారం సర్వసంధిషు ॥ 9 ॥

మకారమస్త్రముద్దిశ్య మంత్రమూర్తిర్భవేద్బుధః ।
సవిసర్గం ఫడంతం తత్సర్వదిక్షు వినిర్దిశేత్ ॥ 10 ॥

ఓం విష్ణవే నమః ॥

ఇత్యాత్మానం పరం ధ్యాయేద్ధ్యేయం షట్ఛక్తిభిర్యుతమ్ ।
విద్యాతేజస్తపోమూర్తిమిమం మంత్రముదాహరేత్ ॥ 11 ॥

ఓం హరిర్విదధ్యాన్మమ సర్వరక్షాం
న్యస్తాంఘ్రిపద్మః పతగేంద్ర పృష్ఠే ।
దరారిచర్మాసిగదేషుచాప-
-పాశాందధానోఽష్టగుణోఽష్టబాహుః ॥ 12 ॥

జలేషు మాం రక్షతు మత్స్యమూర్తి-
-ర్యాదోగణేభ్యో వరుణస్య పాశాత్ ।
స్థలేషు మాయావటువామనోఽవ్యా-
-త్త్రివిక్రమః ఖేఽవతు విశ్వరూపః ॥ 13 ॥

దుర్గేష్వటవ్యాజిముఖాదిషు ప్రభుః
పాయాన్నృసింహోఽసురయూథపారిః ।
విముంచతో యస్య మహాట్టహాసం
దిశో వినేదుర్న్యపతంశ్చ గర్భాః ॥ 14 ॥

రక్షత్వసౌ మాధ్వని యజ్ఞకల్పః
స్వదంష్ట్రయోన్నీతధరో వరాహః ।
రామోఽద్రికూటేష్వథ విప్రవాసే
సలక్ష్మణోఽవ్యాద్భరతాగ్రజోఽస్మాన్ ॥ 15 ॥

మాముగ్రధర్మాదఖిలాత్ప్రమాదా-
-న్నారాయణః పాతు నరశ్చ హాసాత్ ।
దత్తస్త్వయోగాదథ యోగనాథః
పాయాద్గుణేశః కపిలః కర్మబంధాత్ ॥ 16 ॥

సనత్కుమారోఽవతు కామదేవా-
-ద్ధయాననో మాం పథి దేవహేలనాత్ ।
దేవర్షివర్యః పురుషార్చనాంతరా-
-త్కూర్మో హరిర్మాం నిరయాదశేషాత్ ॥ 17 ॥

ధన్వంతరిర్భగవాన్పాత్వపథ్యా-
-ద్ద్వంద్వాద్భయాదృషభో నిర్జితాత్మా ।
యజ్ఞశ్చ లోకాదవతాజ్జనాంతా-
-ద్బలో గణాత్క్రోధవశాదహీంద్రః ॥ 18 ॥

ద్వైపాయనో భగవానప్రబోధా-
-ద్బుద్ధస్తు పాషండగణాత్ప్రమాదాత్ ।
కల్కిః కలేః కాలమలాత్ప్రపాతు
ధర్మావనాయోరుకృతావతారః ॥ 19 ॥

మాం కేశవో గదయా ప్రాతరవ్యా-
-ద్గోవింద ఆసంగవమాత్తవేణుః ।
నారాయణః ప్రాహ్ణ ఉదాత్తశక్తి-
-ర్మధ్యందినే విష్ణురరీంద్రపాణిః ॥ 20 ॥

దేవోఽపరాహ్ణే మధుహోగ్రధన్వా
సాయం త్రిధామావతు మాధవో మామ్ ।
దోషే హృషీకేశ ఉతార్ధరాత్రే
నిశీథ ఏకోఽవతు పద్మనాభః ॥ 21 ॥

శ్రీవత్సధామాఽపరరాత్ర ఈశః
ప్రత్యుష ఈశోఽసిధరో జనార్దనః ।
దామోదరోఽవ్యాదనుసంధ్యం ప్రభాతే
విశ్వేశ్వరో భగవాన్కాలమూర్తిః ॥ 22 ॥

చక్రం యుగాంతానలతిగ్మనేమి
భ్రమత్సమంతాద్భగవత్ప్రయుక్తమ్ ।
దందగ్ధి దందగ్ధ్యరిసైన్యమాశు
కక్షం యథా వాతసఖో హుతాశః ॥ 23 ॥

గదేఽశనిస్పర్శనవిస్ఫులింగే
నిష్పింఢి నిష్పింఢ్యజితప్రియాసి ।
కూష్మాండవైనాయకయక్షరక్షో
భూతగ్రహాంశ్చూర్ణయ చూర్ణయారీన్ ॥ 24 ॥

త్వం యాతుధానప్రమథప్రేతమాతృ-
-పిశాచవిప్రగ్రహఘోరదృష్టీన్ ।
దరేంద్ర విద్రావయ కృష్ణపూరితో
భీమస్వనోఽరేర్హృదయాని కంపయన్ ॥ 25 ॥

త్వం తిగ్మధారాసివరారిసైన్య-
-మీశప్రయుక్తో మమ ఛింధి ఛింధి ।
చక్షూంషి చర్మన్ శతచంద్ర ఛాదయ
ద్విషామఘోనాం హర పాపచక్షుషామ్ ॥ 26 ॥

యన్నో భయం గ్రహేభ్యోఽభూత్కేతుభ్యో నృభ్య ఏవ చ ।
సరీసృపేభ్యో దంష్ట్రిభ్యో భూతేభ్యోఽఘేభ్య ఏవ చ ॥ 27 ॥

సర్వాణ్యేతాని భగవన్నామరూపాస్త్రకీర్తనాత్ ।
ప్రయాంతు సంక్షయం సద్యో యే నః శ్రేయఃప్రతీపకాః ॥ 28 ॥

గరుడో భగవాన్ స్తోత్రస్తోమశ్ఛందోమయః ప్రభుః ।
రక్షత్వశేషకృచ్ఛ్రేభ్యో విష్వక్సేనః స్వనామభిః ॥ 29 ॥

సర్వాపద్భ్యో హరేర్నామరూపయానాయుధాని నః ।
బుద్ధీంద్రియమనఃప్రాణాన్పాంతు పార్షదభూషణాః ॥ 30 ॥

యథా హి భగవానేవ వస్తుతః సదసచ్చ యత్ ।
సత్యేనానేన నః సర్వే యాంతు నాశముపద్రవాః ॥ 31 ॥

యథైకాత్మ్యానుభావానాం వికల్పరహితః స్వయమ్ ।
భూషణాయుధలింగాఖ్యా ధత్తే శక్తీః స్వమాయయా ॥ 32 ॥

తేనైవ సత్యమానేన సర్వజ్ఞో భగవాన్ హరిః ।
పాతు సర్వైః స్వరూపైర్నః సదా సర్వత్ర సర్వగః ॥ 33 ॥

విదిక్షు దిక్షూర్ధ్వమధః సమంతా-
-దంతర్బహిర్భగవాన్నారసింహః ।
ప్రహాపయఁల్లోకభయం స్వనేన
స్వతేజసా గ్రస్తసమస్తతేజాః ॥ 34 ॥

మఘవన్నిదమాఖ్యాతం వర్మ నారాయణాత్మకమ్ ।
విజేష్యస్యంజసా యేన దంశితోఽసురయూథపాన్ ॥ 35 ॥

ఏతద్ధారయమాణస్తు యం యం పశ్యతి చక్షుషా ।
పదా వా సంస్పృశేత్సద్యః సాధ్వసాత్స విముచ్యతే ॥ 36 ॥

న కుతశ్చిద్భయం తస్య విద్యాం ధారయతో భవేత్ ।
రాజదస్యుగ్రహాదిభ్యో వ్యాధ్యాదిభ్యశ్చ కర్హిచిత్ ॥ 37 ॥

ఇమాం విద్యాం పురా కశ్చిత్కౌశికో ధారయన్ ద్విజః ।
యోగధారణయా స్వాంగం జహౌ స మరుధన్వని ॥ 38 ॥

తస్యోపరి విమానేన గంధర్వపతిరేకదా ।
యయౌ చిత్రరథః స్త్రీభిర్వృతో యత్ర ద్విజక్షయః ॥ 39 ॥

గగనాన్న్యపతత్సద్యః సవిమానో హ్యవాక్ఛిరాః ।
స వాలఖిల్యవచనాదస్థీన్యాదాయ విస్మితః ।
ప్రాప్య ప్రాచ్యాం సరస్వత్యాం స్నాత్వా ధామ స్వమన్వగాత్ ॥ 40 ॥

శ్రీ శుక ఉవాచ
య ఇదం శృణుయాత్కాలే యో ధారయతి చాదృతః ।
తం నమస్యంతి భూతాని ముచ్యతే సర్వతో భయాత్ ॥ 41 ॥

ఏతాం విద్యామధిగతో విశ్వరూపాచ్ఛతక్రతుః ।
త్రైలోక్యలక్ష్మీం బుభుజే వినిర్జిత్య మృధేఽసురాన్ ॥ 42 ॥

ఇతి శ్రీమద్భాగవతే మహాపురాణే షష్ఠస్కంధే నారాయణవర్మోపదేశో నామాష్టమోఽధ్యాయః ।

గాయత్రీ కవచం

నారద ఉవాచ

స్వామిన్ సర్వజగన్నాధ సంశయోఽస్తి మమ ప్రభో
చతుషష్టి కళాభిజ్ఞ పాతకా ద్యోగవిద్వర

ముచ్యతే కేన పుణ్యేన బ్రహ్మరూపః కథం భవేత్
దేహశ్చ దేవతారూపో మంత్ర రూపో విశేషతః

కర్మత చ్ఛ్రోతు మిచ్ఛామి న్యాసం చ విధిపూర్వకం
ఋషి శ్ఛందోఽధి దైవంచ ధ్యానం చ విధివ త్ప్రభో

నారాయణ ఉవాచ

అస్య్తేకం పరమం గుహ్యం గాయత్రీ కవచం తథా
పఠనా ద్ధారణా న్మర్త్య స్సర్వపాపైః ప్రముచ్యతే

సర్వాంకామానవాప్నోతి దేవీ రూపశ్చ జాయతే
గాయత్త్రీ కవచస్యాస్య బ్రహ్మవిష్ణుమహేశ్వరాః

ఋషయో ఋగ్యజుస్సామాథర్వ చ్ఛందాంసి నారద
బ్రహ్మరూపా దేవతోక్తా గాయత్రీ పరమా కళా

తద్బీజం భర్గ ఇత్యేషా శక్తి రుక్తా మనీషిభిః
కీలకంచ ధియః ప్రోక్తం మోక్షార్ధే వినియోజనం

చతుర్భిర్హృదయం ప్రోక్తం త్రిభి ర్వర్ణై శ్శిర స్స్మృతం
చతుర్భిస్స్యాచ్ఛిఖా పశ్చాత్త్రిభిస్తు కవచం స్స్ముతం

చతుర్భి ర్నేత్ర ముద్ధిష్టం చతుర్భిస్స్యాత్తదస్ర్తకం
అథ ధ్యానం ప్రవక్ష్యామి సాధకాభీష్టదాయకం

ముక్తా విద్రుమ హేమనీల ధవళ చ్ఛాయైర్ముఖై స్త్రీక్షణైః
యుక్తామిందు నిబద్ధ రత్న మకుటాం తత్వార్ధ వర్ణాత్మికామ్ ।
గాయత్త్రీం వరదాభయాం కుశకశాశ్శుభ్రం కపాలం గదాం
శంఖం చక్ర మథారవింద యుగళం హస్తైర్వహంతీం భజే ॥

గాయత్త్రీ పూర్వతః పాతు సావిత్రీ పాతు దక్షిణే
బ్రహ్మ సంధ్యాతు మే పశ్చాదుత్తరాయాం సరస్వతీ

పార్వతీ మే దిశం రాక్షే త్పావకీం జలశాయినీ
యాతూధానీం దిశం రక్షే ద్యాతుధానభయంకరీ

పావమానీం దిశం రక్షేత్పవమాన విలాసినీ
దిశం రౌద్రీంచ మే పాతు రుద్రాణీ రుద్ర రూపిణీ

ఊర్ధ్వం బ్రహ్మాణీ మే రక్షే దధస్తా ద్వైష్ణవీ తథా
ఏవం దశ దిశో రక్షే త్సర్వాంగం భువనేశ్వరీ

తత్పదం పాతు మే పాదౌ జంఘే మే సవితుఃపదం
వరేణ్యం కటి దేశేతు నాభిం భర్గ స్తథైవచ

దేవస్య మే తద్ధృదయం ధీమహీతి చ గల్లయోః
ధియః పదం చ మే నేత్రే యః పదం మే లలాటకం

నః పదం పాతు మే మూర్ధ్ని శిఖాయాం మే ప్రచోదయాత్
తత్పదం పాతు మూర్ధానం సకారః పాతు ఫాలకం

చక్షుషీతు వికారార్ణో తుకారస్తు కపోలయోః
నాసాపుటం వకారార్ణో రకారస్తు ముఖే తథా

ణికార ఊర్ధ్వ మోష్ఠంతు యకారస్త్వధరోష్ఠకం
ఆస్యమధ్యే భకారార్ణో గోకార శ్చుబుకే తథా

దేకారః కంఠ దేశేతు వకార స్స్కంధ దేశకం
స్యకారో దక్షిణం హస్తం ధీకారో వామ హస్తకం

మకారో హృదయం రక్షేద్ధికార ఉదరే తథా
ధికారో నాభి దేశేతు యోకారస్తు కటిం తథా

గుహ్యం రక్షతు యోకార ఊరూ ద్వౌ నః పదాక్షరం
ప్రకారో జానునీ రక్షే చ్ఛోకారో జంఘ దేశకం

దకారం గుల్ఫ దేశేతు యాకారః పదయుగ్మకం
తకార వ్యంజనం చైవ సర్వాంగే మే సదావతు

ఇదంతు కవచం దివ్యం బాధా శత వినాశనం
చతుష్షష్టి కళా విద్యాదాయకం మోక్షకారకం

ముచ్యతే సర్వ పాపేభ్యః పరం బ్రహ్మాధిగచ్ఛతి
పఠనా చ్ఛ్రవణా ద్వాపి గో సహస్ర ఫలం లభేత్

శ్రీ దేవీభాగవతాంతర్గత గాయత్త్రీ కవచం సంపూర్ణం

శ్రీ వేంకటేశ్వర వజ్ర కవచ స్తోత్రం

మార్కండేయ ఉవాచ ।

నారాయణం పరబ్రహ్మ సర్వ-కారణ-కారణమ్ ।
ప్రపద్యే వేంకటేశాఖ్యం తదేవ కవచం మమ ॥ 1 ॥

సహస్ర-శీర్షా పురుషో వేంకటేశ-శ్శిరోఽవతు ।
ప్రాణేశః ప్రాణ-నిలయః ప్రాణాన్ రక్షతు మే హరిః ॥ 2 ॥

ఆకాశరా-ట్సుతానాథ ఆత్మానం మే సదావతు ।
దేవదేవోత్తమో పాయాద్దేహం మే వేంకటేశ్వరః ॥ 3 ॥

సర్వత్ర సర్వకాలేషు మంగాంబాజా-నిరీశ్వరః ।
పాలయేన్మాం సదా కర్మ-సాఫల్యం నః ప్రయచ్ఛతు ॥ 4 ॥

య ఏత-ద్వజ్రకవచ-మభేద్యం వేంకటేశితుః ।
సాయం ప్రాతః పఠేన్నిత్యం మృత్యుం తరతి నిర్భయః ॥ 5 ॥

ఇతి మార్కండేయ-కృతం శ్రీ వేంకటేశ్వర వజ్రకవచ-స్తోత్రం సంపూర్ణమ్ ॥

శివ కవచం

అథ శివకచం
అస్య శ్రీ శివకవచ స్తోత్ర మహామంత్రస్య ।
ఋషభ-యోగీశ్వర ఋషిః ।
అనుష్టుప్ ఛందః ।
శ్రీ-సాంబసదాశివో దేవతా ।
ఓం బీజమ్ ।
నమః శక్తిః ।
శివాయేతి కీలకమ్ ।
సాంబసదాశివప్రీత్యర్థే జపే వినియోగః ॥

కరన్యాసః
ఓం సదాశివాయ అంగుష్ఠాభ్యాం నమః ।
నం గంగాధరాయ తర్జనీభ్యాం నమః ।
మం మృత్యుంజయాయ మధ్యమాభ్యాం నమః ।
శిం శూలపాణయే అనామికాభ్యాం నమః ।
వాం పినాకపాణయే కనిష్ఠికాభ్యాం నమః ।
యం ఉమాపతయే కరతలకరపృష్ఠాభ్యాం నమః ।

హృదయాది అంగన్యాసః
ఓం సదాశివాయ హృదయాయ నమః ।
నం గంగాధరాయ శిరసే స్వాహా ।
మం మృత్యుంజయాయ శిఖాయై వషట్ ।
శిం శూలపాణయే కవచాయ హుమ్ ।
వాం పినాకపాణయే నేత్రత్రయాయ వౌషట్ ।
యం ఉమాపతయే అస్త్రాయ ఫట్ ।
భూర్భువస్సువరోమితి దిగ్బంధః ॥

ధ్యానం
వజ్రదంష్ట్రం త్రినయనం కాలకంఠ మరిందమమ్ ।
సహస్రకర-మత్యుగ్రం వందే శంభుం ఉమాపతిమ్ ॥
రుద్రాక్ష-కంకణ-లసత్కర-దండయుగ్మః పాలాంతరా-లసిత-భస్మధృత-త్రిపుండ్రః ।
పంచాక్షరం పరిపఠన్ వరమంత్రరాజం ధ్యాయన్ సదా పశుపతిం శరణం వ్రజేథాః ॥

అతః పరం సర్వపురాణ-గుహ్యం నిఃశేష-పాపౌఘహరం పవిత్రమ్ ।
జయప్రదం సర్వ-విపత్ప్రమోచనం వక్ష్యామి శైవం కవచం హితాయ తే ॥

పంచపూజా
లం పృథివ్యాత్మనే గంధం సమర్పయామి ।
హం ఆకాశాత్మనే పుష్పైః పూజయామి ।
యం వాయ్వాత్మనే ధూపం ఆఘ్రాపయామి ।
రం అగ్న్యాత్మనే దీపం దర్శయామి ।
వం అమృతాత్మనే అమృతం మహా-నైవేద్యం నివేదయామి ।
సం సర్వాత్మనే సర్వోపచార-పూజాం సమర్పయామి ॥

మంత్రః

ఋషభ ఉవాచ ।
నమస్కృత్య మహాదేవం విశ్వ-వ్యాపిన-మీశ్వరమ్ ।
వక్ష్యే శివమయం వర్మ సర్వరక్షాకరం నృణామ్ ॥ 1 ॥

శుచౌ దేశే సమాసీనో యథావత్కల్పితాసనః ।
జితేంద్రియో జితప్రాణ-శ్చింతయేచ్ఛివమవ్యయమ్ ॥ 2 ॥

హృత్పుండరీకాంతరసన్నివిష్టం
స్వతేజసా వ్యాప్త-నభోఽవకాశమ్ ।
అతీంద్రియం సూక్ష్మమనంతమాద్యం
ధ్యాయేత్పరానందమయం మహేశమ్ ॥ 3 ॥

ధ్యానావధూతాఖిలకర్మబంధ-
-శ్చిరం చిదానందనిమగ్నచేతాః ।
షడక్షరన్యాససమాహితాత్మా
శైవేన కుర్యాత్కవచేన రక్షామ్ ॥ 4 ॥

మాం పాతు దేవోఽఖిలదేవతాత్మా
సంసారకూపే పతితం గభీరే ।
తన్నామ దివ్యం వరమంత్రమూలం
ధునోతు మే సర్వమఘం హృదిస్థమ్ ॥ 5 ॥

సర్వత్ర మాం రక్షతు విశ్వమూర్తి-
-ర్జ్యోతి-ర్మయానందఘనశ్చిదాత్మా ।
అణోరణీయానురుశక్తిరేకః
స ఈశ్వరః పాతు భయాదశేషాత్ ॥ 6 ॥

యో భూస్వరూపేణ బిభర్తి విశ్వం
పాయాత్స భూమేర్గిరిశోఽష్టమూర్తిః ।
యోఽపాం స్వరూపేణ నృణాం కరోతి
సంజీవనం సోఽవతు మాం జలేభ్యః ॥ 7 ॥

కల్పావసానే భువనాని దగ్ధ్వా
సర్వాణి యో నృత్యతి భూరిలీలః ।
స కాలరుద్రోఽవతు మాం దవాగ్నే-
-ర్వాత్యాదిభీతే-రఖిలాచ్చ తాపాత్ ॥ 8 ॥

ప్రదీప్త-విద్యుత్కనకావభాసో
విద్యావరాభీతి-కుఠారపాణిః ।
చతుర్ముఖస్తత్పురుషస్త్రినేత్రః
ప్రాచ్యాం స్థితో రక్షతు మామజస్రమ్ ॥ 9 ॥

కుఠార ఖేటాంకుశపాశశూల
కపాలపాశాక్ష గుణాందధానః ।
చతుర్ముఖో నీల-రుచిస్త్రినేత్రః
పాయాదఘోరో దిశి దక్షిణస్యామ్ ॥ 10 ॥

కుందేందు-శంఖ-స్ఫటికావభాసో
వేదాక్షమాలా-వరదాభయాంకః ।
త్ర్యక్షశ్చతుర్వక్త్ర ఉరుప్రభావః
సద్యోఽధిజాతోఽవతు మాం ప్రతీచ్యామ్ ॥ 11 ॥

వరాక్ష-మాలాభయటంక-హస్తః
సరోజ-కింజల్కసమానవర్ణః ।
త్రిలోచన-శ్చారుచతుర్ముఖో మాం
పాయాదుదీచ్యాం దిశి వామదేవః ॥ 12 ॥

వేదాభయేష్టాంకుశటంకపాశ-
-కపాలఢక్కాక్షర-శూలపాణిః ।
సితద్యుతిః పంచముఖోఽవతాన్మా-
-మీశాన ఊర్ధ్వం పరమప్రకాశః ॥ 13 ॥

మూర్ధానమవ్యాన్మమ చంద్రమౌళిః
ఫాలం మమావ్యాదథ ఫాలనేత్రః ।
నేత్రే మమావ్యాద్భగనేత్రహారీ
నాసాం సదా రక్షతు విశ్వనాథః ॥ 14 ॥

పాయాచ్ఛ్రుతీ మే శ్రుతిగీతకీర్తిః
కపోలమవ్యాత్సతతం కపాలీ ।
వక్త్రం సదా రక్షతు పంచవక్త్రో
జిహ్వాం సదా రక్షతు వేదజిహ్వః ॥ 15 ॥

కంఠం గిరీశోఽవతు నీలకంఠః
పాణిద్వయం పాతు పినాకపాణిః ।
దోర్మూలమవ్యాన్మమ ధర్మబాహుః
వక్షఃస్థలం దక్షమఖాంతకోఽవ్యాత్ ॥ 16 ॥

మమోదరం పాతు గిరీంద్రధన్వా
మధ్యం మమావ్యాన్మదనాంతకారీ ।
హేరంబతాతో మమ పాతు నాభిం
పాయాత్కటిం ధూర్జటిరీశ్వరో మే ॥ 17 ॥
[స్మరారి-రవ్యాన్మమ గుహ్యదేశం
పృష్టం సదా రక్షతు పార్వతీశః ।]

ఊరుద్వయం పాతు కుబేరమిత్రో
జానుద్వయం మే జగదీశ్వరోఽవ్యాత్ ।
జంఘాయుగం పుంగవకేతురవ్యా-
-త్పాదౌ మమావ్యాత్సురవంద్యపాదః ॥ 18 ॥

మహేశ్వరః పాతు దినాదియామే
మాం మధ్యయామేఽవతు వామదేవః ।
త్రిలోచనః పాతు తృతీయయామే
వృషధ్వజః పాతు దినాంత్యయామే ॥ 19 ॥

పాయాన్నిశాదౌ శశిశేఖరో మాం
గంగాధరో రక్షతు మాం నిశీథే ।
గౌరీపతిః పాతు నిశావసానే
మృత్యుంజయో రక్షతు సర్వకాలమ్ ॥ 20 ॥

అంతఃస్థితం రక్షతు శంకరో మాం
స్థాణుః సదా పాతు బహిఃస్థితం మామ్ ।
తదంతరే పాతు పతిః పశూనాం
సదాశివో రక్షతు మాం సమంతాత్ ॥ 21 ॥

తిష్ఠంత-మవ్యాద్భువనైకనాథః
పాయాద్వ్రజంతం ప్రమథాధినాథః ।
వేదాంతవేద్యోఽవతు మాం నిషణ్ణం
మామవ్యయః పాతు శివః శయానమ్ ॥ 22 ॥

మార్గేషు మాం రక్షతు నీలకంఠః
శైలాది-దుర్గేషు పురత్రయారిః ।
అరణ్యవాసాది-మహాప్రవాసే
పాయాన్మృగవ్యాధ ఉదారశక్తిః ॥ 23 ॥

కల్పాంత-కాలోగ్ర-పటుప్రకోపః [కటోప]
స్ఫుటాట్ట-హాసోచ్చలితాండ-కోశః ।
ఘోరారి-సేనార్ణవదుర్నివార-
-మహాభయాద్రక్షతు వీరభద్రః ॥ 24 ॥

పత్త్యశ్వమాతంగ-రథావరూధినీ- [ఘటావరూథ]
-సహస్ర-లక్షాయుత-కోటిభీషణమ్ ।
అక్షౌహిణీనాం శతమాతతాయినాం
ఛింద్యాన్మృడో ఘోరకుఠారధారయా ॥ 25 ॥

నిహంతు దస్యూన్ప్రళయానలార్చి-
-ర్జ్వలత్త్రిశూలం త్రిపురాంతకస్య ।
శార్దూల-సింహర్క్షవృకాది-హింస్రాన్
సంత్రాసయత్వీశ-ధనుః పినాకః ॥ 26 ॥

దుస్స్వప్న దుశ్శకున దుర్గతి దౌర్మనస్య
దుర్భిక్ష దుర్వ్యసన దుస్సహ దుర్యశాంసి ।
ఉత్పాత-తాప-విషభీతి-మసద్గ్రహార్తిం
వ్యాధీంశ్చ నాశయతు మే జగతామధీశః ॥ 27 ॥

ఓం నమో భగవతే సదాశివాయ
సకల-తత్త్వాత్మకాయ
సర్వ-మంత్ర-స్వరూపాయ
సర్వ-యంత్రాధిష్ఠితాయ
సర్వ-తంత్ర-స్వరూపాయ
సర్వ-తత్త్వ-విదూరాయ
బ్రహ్మ-రుద్రావతారిణే-నీలకంఠాయ
పార్వతీ-మనోహరప్రియాయ
సోమ-సూర్యాగ్ని-లోచనాయ
భస్మోద్ధూళిత-విగ్రహాయ
మహామణి-ముకుట-ధారణాయ
మాణిక్య-భూషణాయ
సృష్టిస్థితి-ప్రళయకాల-రౌద్రావతారాయ
దక్షాధ్వర-ధ్వంసకాయ
మహాకాల-భేదనాయ
మూలధారైక-నిలయాయ
తత్వాతీతాయ
గంగాధరాయ
సర్వ-దేవాది-దేవాయ
షడాశ్రయాయ
వేదాంత-సారాయ
త్రివర్గ-సాధనాయ
అనంతకోటి-బ్రహ్మాండ-నాయకాయ
అనంత-వాసుకి-తక్షక-కర్కోటక-శంఖ-కులిక-పద్మ-మహాపద్మేతి-అష్ట-మహా-నాగ-కులభూషణాయ
ప్రణవస్వరూపాయ
చిదాకాశాయ
ఆకాశ-దిక్-స్వరూపాయ
గ్రహ-నక్షత్ర-మాలినే
సకలాయ
కళంక-రహితాయ
సకల-లోకైక-కర్త్రే
సకల-లోకైక-భర్త్రే
సకల-లోకైక-సంహర్త్రే
సకల-లోకైక-గురవే
సకల-లోకైక-సాక్షిణే
సకల-నిగమగుహ్యాయ
సకల-వేదాంత-పారగాయ
సకల-లోకైక-వరప్రదాయ
సకల-లోకైక-శంకరాయ
సకల-దురితార్తి-భంజనాయ
సకల-జగదభయంకరాయ
శశాంక-శేఖరాయ
శాశ్వత-నిజావాసాయ
నిరాకారాయ
నిరాభాసాయ
నిరామయాయ
నిర్మలాయ
నిర్లోభాయ
నిర్మదాయ
నిశ్చింతాయ
నిరహంకారాయ
నిరంకుశాయ
నిష్కళంకాయ
నిర్గుణాయ
నిష్కామాయ
నిరూపప్లవాయ
నిరవధ్యాయ
నిరంతరాయ
నిరుపద్రవాయ
నిరవద్యాయ
నిరంతరాయ
నిష్కారణాయ
నిరాతంకాయ
నిష్ప్రపంచాయ
నిస్సంగాయ
నిర్ద్వంద్వాయ
నిరాధారాయ
నీరాగాయ
నిశ్క్రోధాయ
నిర్లోభాయ
నిష్పాపాయ
నిర్వికల్పాయ
నిర్భేదాయ
నిష్క్రియాయ
నిస్తులాయ
నిశ్శంశయాయ
నిరంజనాయ
నిరుపమ-విభవాయ
నిత్య-శుద్ధ-బుద్ధ-ముక్త-పరిపూర్ణ-సచ్చిదానందాద్వయాయ
పరమ-శాంత-స్వరూపాయ
పరమ-శాంత-ప్రకాశాయ
తేజోరూపాయ
తేజోమయాయ
తేజోఽధిపతయే
జయ జయ రుద్ర మహారుద్ర
మహా-రౌద్ర
భద్రావతార
మహా-భైరవ
కాల-భైరవ
కల్పాంత-భైరవ
కపాల-మాలాధర
ఖట్వాంగ-చర్మ-ఖడ్గ-ధర
పాశాంకుశ-డమరూశూల-చాప-బాణ-గదా-శక్తి-భింది-
పాల-తోమర-ముసల-భుశుండీ-ముద్గర-పాశ-పరిఘ-శతఘ్నీ-చక్రాద్యాయుధ-భీషణాకార
సహస్ర-ముఖ
దంష్ట్రాకరాల-వదన
వికటాట్టహాస
విస్ఫాతిత-బ్రహ్మాండ-మండల-నాగేంద్రకుండల
నాగేంద్రహార
నాగేంద్రవలయ
నాగేంద్రచర్మధర
నాగేంద్రనికేతన
మృత్యుంజయ
త్ర్యంబక
త్రిపురాంతక
విశ్వరూప
విరూపాక్ష
విశ్వేశ్వర
వృషభవాహన
విషవిభూషణ
విశ్వతోముఖ
సర్వతోముఖ
మాం రక్ష రక్ష
జ్వల జ్వల
ప్రజ్వల ప్రజ్వల
మహామృత్యుభయం శమయ శమయ
అపమృత్యుభయం నాశయ నాశయ
రోగభయం ఉత్సాదయ ఉత్సాదయ
విషసర్పభయం శమయ శమయ
చోరాన్ మారయ మారయ
మమ శత్రూన్ ఉచ్చాటయ ఉచ్చాటయ
త్రిశూలేన విదారయ విదారయ
కుఠారేణ భింధి భింధి
ఖడ్గేన ఛింద్ది ఛింద్ది
ఖట్వాంగేన విపోధయ విపోధయ
మమ పాపం శోధయ శోధయ
ముసలేన నిష్పేషయ నిష్పేషయ
బాణైః సంతాడయ సంతాడయ
యక్ష రక్షాంసి భీషయ భీషయ
అశేష భూతాన్ విద్రావయ విద్రావయ
కూష్మాండ-భూత-బేతాళ-మారీగణ-బ్రహ్మరాక్షస-గణాన్ సంత్రాసయ సంత్రాసయ
మమ అభయం కురు కురు
[మమ పాపం శోధయ శోధయ]
నరక-మహాభయాన్ మాం ఉద్ధర ఉద్ధర
విత్రస్తం మాం ఆశ్వాసయ ఆశ్వాసయ
అమృత-కటాక్ష-వీక్షణేన మాం ఆలోకయ ఆలోకయ
సంజీవయ సంజీవయ
క్షుత్తృష్ణార్తం మాం ఆప్యాయయ ఆప్యాయయ
దుఃఖాతురం మాం ఆనందయ ఆనందయ
శివకవచేన మాం ఆచ్ఛాదయ ఆచ్ఛాదయ
హర హర
హర హర
మృత్యుంజయ
త్ర్యంబక
సదాశివ
పరమశివ
నమస్తే నమస్తే నమస్తే నమః ॥

పూర్వవత్ - హృదయాది న్యాసః ।
పంచపూజా ॥
భూర్భువస్సువరోమితి దిగ్విమోకః ॥

ఫలశ్రుతిః

ఋషభ ఉవాచ ।
ఇత్యేతత్కవచం శైవం వరదం వ్యాహృతం మయా ।
సర్వ-బాధా-ప్రశమనం రహస్యం సర్వదేహినామ్ ॥ 1 ॥

యః సదా ధారయేన్మర్త్యః శైవం కవచముత్తమమ్ ।
న తస్య జాయతే క్వాపి భయం శంభోరనుగ్రహాత్ ॥ 2 ॥

క్షీణాయు-ర్మృత్యుమాపన్నో మహారోగహతోఽపి వా ।
సద్యః సుఖమవాప్నోతి దీర్ఘమాయుశ్చ విందతి ॥ 3 ॥

సర్వదారిద్ర్యశమనం సౌమాంగల్య-వివర్ధనమ్ ।
యో ధత్తే కవచం శైవం స దేవైరపి పూజ్యతే ॥ 4 ॥

మహాపాతక-సంఘాతైర్ముచ్యతే చోపపాతకైః ।
దేహాంతే శివమాప్నోతి శివ-వర్మానుభావతః ॥ 5 ॥

త్వమపి శ్రద్ధయా వత్స శైవం కవచముత్తమమ్ ।
ధారయస్వ మయా దత్తం సద్యః శ్రేయో హ్యవాప్స్యసి ॥ 6 ॥

సూత ఉవాచ ।
ఇత్యుక్త్వా ఋషభో యోగీ తస్మై పార్థివ-సూనవే ।
దదౌ శంఖం మహారావం ఖడ్గం చారినిషూదనమ్ ॥ 7 ॥

పునశ్చ భస్మ సంమంత్ర్య తదంగం సర్వతోఽస్పృశత్ ।
గజానాం షట్సహస్రస్య ద్విగుణం చ బలం దదౌ ॥ 8 ॥

భస్మప్రభావాత్సంప్రాప్య బలైశ్వర్యధృతిస్మృతిః ।
స రాజపుత్రః శుశుభే శరదర్క ఇవ శ్రియా ॥ 9 ॥

తమాహ ప్రాంజలిం భూయః స యోగీ రాజనందనమ్ ।
ఏష ఖడ్గో మయా దత్తస్తపోమంత్రానుభావతః ॥ 10 ॥

శితధారమిమం ఖడ్గం యస్మై దర్శయసి స్ఫుటమ్ ।
స సద్యో మ్రియతే శత్రుః సాక్షాన్మృత్యురపి స్వయమ్ ॥ 11 ॥

అస్య శంఖస్య నిహ్రాదం యే శృణ్వంతి తవాహితాః ।
తే మూర్ఛితాః పతిష్యంతి న్యస్తశస్త్రా విచేతనాః ॥ 12 ॥

ఖడ్గశంఖావిమౌ దివ్యౌ పరసైన్యవినాశినౌ ।
ఆత్మసైన్యస్వపక్షాణాం శౌర్యతేజోవివర్ధనౌ ॥ 13 ॥

ఏతయోశ్చ ప్రభావేన శైవేన కవచేన చ ।
ద్విషట్సహస్రనాగానాం బలేన మహతాపి చ ॥ 14 ॥

భస్మధారణసామర్థ్యాచ్ఛత్రుసైన్యం విజేష్యసి ।
ప్రాప్య సింహాసనం పైత్ర్యం గోప్తాసి పృథివీమిమామ్ ॥ 15 ॥

ఇతి భద్రాయుషం సమ్యగనుశాస్య సమాతృకమ్ ।
తాభ్యాం సంపూజితః సోఽథ యోగీ స్వైరగతిర్యయౌ ॥ 16 ॥

ఇతి శ్రీస్కాందమహాపురాణే బ్రహ్మోత్తరఖండే శివకవచ ప్రభావ వర్ణనం నామ ద్వాదశోఽధ్యాయః సంపూర్ణః ॥