Sacred Stotras & Deities

ఇంద్ర ఉవాచ -

నమస్తేఽస్తు మహామాయే శ్రీపీఠే సురపూజితే ।
శంఖచక్ర గదాహస్తే మహాలక్ష్మి నమోఽస్తు తే ॥ 1 ॥

నమస్తే గరుడారూఢే కోలాసుర భయంకరి ।
సర్వపాపహరే దేవి మహాలక్ష్మి నమోఽస్తు తే ॥ 2 ॥

సర్వజ్ఞే సర్వవరదే సర్వ దుష్ట భయంకరి ।
సర్వదుఃఖ హరే దేవి మహాలక్ష్మి నమోఽస్తు తే ॥ 3 ॥

సిద్ధి బుద్ధి ప్రదే దేవి భుక్తి ముక్తి ప్రదాయిని ।
మంత్ర మూర్తే సదా దేవి మహాలక్ష్మి నమోఽస్తు తే ॥ 4 ॥

ఆద్యంత రహితే దేవి ఆదిశక్తి మహేశ్వరి ।
యోగజ్ఞే యోగ సంభూతే మహాలక్ష్మి నమోఽస్తు తే ॥ 5 ॥

స్థూల సూక్ష్మ మహారౌద్రే మహాశక్తి మహోదరే ।
మహా పాప హరే దేవి మహాలక్ష్మి నమోఽస్తు తే ॥ 6 ॥

పద్మాసన స్థితే దేవి పరబ్రహ్మ స్వరూపిణి ।
పరమేశి జగన్మాతః మహాలక్ష్మి నమోఽస్తు తే ॥ 7 ॥

శ్వేతాంబరధరే దేవి నానాలంకార భూషితే ।
జగస్థితే జగన్మాతః మహాలక్ష్మి నమోఽస్తు తే ॥ 8 ॥

మహాలక్ష్మష్టకం స్తోత్రం యః పఠేద్ భక్తిమాన్ నరః ।
సర్వ సిద్ధి మవాప్నోతి రాజ్యం ప్రాప్నోతి సర్వదా ॥

ఏకకాలే పఠేన్నిత్యం మహాపాప వినాశనమ్ ।
ద్వికాలం యః పఠేన్నిత్యం ధన ధాన్య సమన్వితః ॥

త్రికాలం యః పఠేన్నిత్యం మహాశత్రు వినాశనమ్ ।
మహాలక్ష్మీ ర్భవేన్-నిత్యం ప్రసన్నా వరదా శుభా ॥

[ఇంత్యకృత శ్రీ మహాలక్ష్మ్యష్టక స్తోత్రం సంపూర్ణం]

యమునా ఆష్టకం

మురారికాయకాలిమాలలామవారిధారిణీ
తృణీకృతత్రివిష్టపా త్రిలోకశోకహారిణీ ।
మనోఽనుకూలకూలకుంజపుంజధూతదుర్మదా
ధునోతు మే మనోమలం కలిందనందినీ సదా ॥ 1 ॥

మలాపహారివారిపూరభూరిమండితామృతా
భృశం ప్రపాతకప్రవంచనాతిపండితానిశమ్ ।
సునందనందనాంగసంగరాగరంజితా హితా
ధునోతు మే మనోమలం కలిందనందినీ సదా ॥ 2 ॥

లసత్తరంగసంగధూతభూతజాతపాతకా
నవీనమాధురీధురీణభక్తిజాతచాతకా ।
తటాంతవాసదాసహంససంసృతా హి కామదా
ధునోతు మే మనోమలం కలిందనందినీ సదా ॥ 3 ॥

విహారరాసఖేదభేదధీరతీరమారుతా
గతా గిరామగోచరే యదీయనీరచారుతా ।
ప్రవాహసాహచర్యపూతమేదినీనదీనదా
ధునోతు మే మనోమలం కలిందనందినీ సదా ॥ 4 ॥

తరంగసంగసైకతాంచితాంతరా సదాసితా
శరన్నిశాకరాంశుమంజుమంజరీసభాజితా ।
భవార్చనాయ చారుణాంబునాధునా విశారదా
ధునోతు మే మనోమలం కలిందనందినీ సదా ॥ 5 ॥

జలాంతకేలికారిచారురాధికాంగరాగిణీ
స్వభర్తురన్యదుర్లభాంగసంగతాంశభాగినీ ।
స్వదత్తసుప్తసప్తసింధుభేదనాతికోవిదా
ధునోతు మే మనోమలం కలిందనందినీ సదా ॥ 6 ॥

జలచ్యుతాచ్యుతాంగరాగలంపటాలిశాలినీ
విలోలరాధికాకచాంతచంపకాలిమాలినీ ।
సదావగాహనావతీర్ణభర్తృభృత్యనారదా
ధునోతు మే మనోమలం కలిందనందినీ సదా ॥ 7 ॥

సదైవ నందనందకేలిశాలికుంజమంజులా
తటోత్థఫుల్లమల్లికాకదంబరేణుసూజ్జ్వలా ।
జలావగాహినాం నృణాం భవాబ్ధిసింధుపారదా
ధునోతు మే మనోమలం కలిందనందినీ సదా ॥ 8 ॥

శ్రీ గోవిందాష్టకం

సత్యం జ్ఞానమనంతం నిత్యమనాకాశం పరమాకాశం
గోష్ఠప్రాంగణరింఖణలోలమనాయాసం పరమాయాసమ్ ।
మాయాకల్పితనానాకారమనాకారం భువనాకారం
క్ష్మామానాథమనాథం ప్రణమత గోవిందం పరమానందమ్ ॥ 1 ॥

మృత్స్నామత్సీహేతి యశోదాతాడనశైశవసంత్రాసం
వ్యాదితవక్త్రాలోకితలోకాలోకచతుర్దశలోకాలిమ్ ।
లోకత్రయపురమూలస్తంభం లోకాలోకమనాలోకం
లోకేశం పరమేశం ప్రణమత గోవిందం పరమానందమ్ ॥ 2 ॥

త్రైవిష్టపరిపువీరఘ్నం క్షితిభారఘ్నం భవరోగఘ్నం
కైవల్యం నవనీతాహారమనాహారం భువనాహారమ్ ।
వైమల్యస్ఫుటచేతోవృత్తివిశేషాభాసమనాభాసం
శైవం కేవలశాంతం ప్రణమత గోవిందం పరమానందమ్ ॥ 3 ॥

గోపాలం ప్రభులీలావిగ్రహగోపాలం కులగోపాలం
గోపీఖేలనగోవర్ధనధృతిలీలాలాలితగోపాలమ్ ।
గోభిర్నిగదితగోవిందస్ఫుటనామానం బహునామానం
గోధీగోచరదూరం ప్రణమత గోవిందం పరమానందమ్ ॥ 4 ॥

గోపీమండలగోష్ఠీభేదం భేదావస్థమభేదాభం
శశ్వద్గోఖురనిర్ధూతోద్గతధూళీధూసరసౌభాగ్యమ్ ।
శ్రద్ధాభక్తిగృహీతానందమచింత్యం చింతితసద్భావం
చింతామణిమహిమానం ప్రణమత గోవిందం పరమానందమ్ ॥ 5 ॥

స్నానవ్యాకులయోషిద్వస్త్రముపాదాయాగముపారూఢం
వ్యాదిత్సంతీరథ దిగ్వస్త్రా దాతుముపాకర్షంతం తాః ।
నిర్ధూతద్వయశోకవిమోహం బుద్ధం బుద్ధేరంతఃస్థం
సత్తామాత్రశరీరం ప్రణమత గోవిందం పరమానందమ్ ॥ 6 ॥

కాంతం కారణకారణమాదిమనాదిం కాలఘనాభాసం
కాళిందీగతకాళియశిరసి సునృత్యంతం ముహురత్యంతమ్ ।
కాలం కాలకలాతీతం కలితాశేషం కలిదోషఘ్నం
కాలత్రయగతిహేతుం ప్రణమత గోవిందం పరమానందమ్ ॥ 7 ॥

బృందావనభువి బృందారకగణబృందారాధితవంద్యాయాం
కుందాభామలమందస్మేరసుధానందం సుమహానందమ్ ।
వంద్యాశేషమహామునిమానసవంద్యానందపదద్వంద్వం
నంద్యాశేషగుణాబ్ధిం ప్రణమత గోవిందం పరమానందమ్ ॥ 8 ॥

గోవిందాష్టకమేతదధీతే గోవిందార్పితచేతా యో
గోవిందాచ్యుత మాధవ విష్ణో గోకులనాయక కృష్ణేతి ।
గోవిందాంఘ్రిసరోజధ్యానసుధాజలధౌతసమస్తాఘో
గోవిందం పరమానందామృతమంతఃస్థం స తమభ్యేతి ॥ 9 ॥

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ శ్రీ గోవిందాష్టకమ్ ।

రంగనాథ అష్టకం

ఆనందరూపే నిజబోధరూపే
బ్రహ్మస్వరూపే శ్రుతిమూర్తిరూపే ।
శశాంకరూపే రమణీయరూపే
శ్రీరంగరూపే రమతాం మనో మే ॥ 1 ॥

కావేరితీరే కరుణావిలోలే
మందారమూలే ధృతచారుకేలే ।
దైత్యాంతకాలేఽఖిలలోకలీలే
శ్రీరంగలీలే రమతాం మనో మే ॥ 2 ॥

లక్ష్మీనివాసే జగతాం నివాసే
హృత్పద్మవాసే రవిబింబవాసే ।
కృపానివాసే గుణబృందవాసే
శ్రీరంగవాసే రమతాం మనో మే ॥ 3 ॥

బ్రహ్మాదివంద్యే జగదేకవంద్యే
ముకుందవంద్యే సురనాథవంద్యే ।
వ్యాసాదివంద్యే సనకాదివంద్యే
శ్రీరంగవంద్యే రమతాం మనో మే ॥ 4 ॥

బ్రహ్మాధిరాజే గరుడాధిరాజే
వైకుంఠరాజే సురరాజరాజే ।
త్రైలోక్యరాజేఽఖిలలోకరాజే
శ్రీరంగరాజే రమతాం మనో మే ॥ 5 ॥

అమోఘముద్రే పరిపూర్ణనిద్రే
శ్రీయోగనిద్రే ససముద్రనిద్రే ।
శ్రితైకభద్రే జగదేకనిద్రే
శ్రీరంగభద్రే రమతాం మనో మే ॥ 6 ॥

సచిత్రశాయీ భుజగేంద్రశాయీ
నందాంకశాయీ కమలాంకశాయీ ।
క్షీరాబ్ధిశాయీ వటపత్రశాయీ
శ్రీరంగశాయీ రమతాం మనో మే ॥ 7 ॥

ఇదం హి రంగం త్యజతామిహాంగం
పునర్న చాంగం యది చాంగమేతి ।
పాణౌ రథాంగం చరణేఽంబు గాంగం
యానే విహంగం శయనే భుజంగమ్ ॥ 8 ॥

రంగనాథాష్టకం పుణ్యం ప్రాతరుత్థాయ యః పఠేత్ ।
సర్వాన్కామానవాప్నోతి రంగిసాయుజ్యమాప్నుయాత్ ॥ 9 ॥

ఇతి శ్రీ రంగనాథాష్టకమ్ ।

త్రిపుర సుందరీ అష్టకం (స్తోత్రం)

కదంబవనచారిణీం మునికదంబకాదంబినీం
నితంబజితభూధరాం సురనితంబినీసేవితామ్ ।
నవాంబురుహలోచనామభినవాంబుదశ్యామలాం
త్రిలోచనకుటుంబినీం త్రిపురసుందరీమాశ్రయే ॥ 1 ॥

కదంబవనవాసినీం కనకవల్లకీధారిణీం
మహార్హమణిహారిణీం ముఖసముల్లసద్వారుణీమ్ ।
దయావిభవకారిణీం విశదరోచనాచారిణీం
త్రిలోచనకుటుంబినీం త్రిపురసుందరీమాశ్రయే ॥ 2 ॥

కదంబవనశాలయా కుచభరోల్లసన్మాలయా
కుచోపమితశైలయా గురుకృపాలసద్వేలయా ।
మదారుణకపోలయా మధురగీతవాచాలయా
కయాపి ఘననీలయా కవచితా వయం లీలయా ॥ 3 ॥

కదంబవనమధ్యగాం కనకమండలోపస్థితాం
షడంబురుహవాసినీం సతతసిద్ధసౌదామినీమ్ ।
విడంబితజపారుచిం వికచచంద్రచూడామణిం
త్రిలోచనకుటుంబినీం త్రిపురసుందరీమాశ్రయే ॥ 4 ॥

కుచాంచితవిపంచికాం కుటిలకుంతలాలంకృతాం
కుశేశయనివాసినీం కుటిలచిత్తవిద్వేషిణీమ్ ।
మదారుణవిలోచనాం మనసిజారిసమ్మోహినీం
మతంగమునికన్యకాం మధురభాషిణీమాశ్రయే ॥ 5 ॥

స్మరేత్ప్రథమపుష్పిణీం రుధిరబిందునీలాంబరాం
గృహీతమధుపాత్రికాం మదవిఘూర్ణనేత్రాంచలామ్ ।
ఘనస్తనభరోన్నతాం గలితచూలికాం శ్యామలాం
త్రిలోచనకుటుంబినీం త్రిపురసుందరీమాశ్రయే ॥ 6 ॥

సకుంకుమవిలేపనామలకచుంబికస్తూరికాం
సమందహసితేక్షణాం సశరచాపపాశాంకుశామ్ ।
అశేషజనమోహినీమరుణమాల్యభూషాంబరాం
జపాకుసుమభాసురాం జపవిధౌ స్మరామ్యంబికామ్ ॥ 7 ॥

పురందరపురంధ్రికాచికురబంధసైరంధ్రికాం
పితామహపతివ్రతాపటుపటీరచర్చారతామ్ ।
ముకుందరమణీమణీలసదలంక్రియాకారిణీం
భజామి భువనాంబికాం సురవధూటికాచేటికామ్ ॥ 8 ॥

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ త్రిపురసుందర్యష్టకమ్ ।

గోకుల అష్టకం

శ్రీమద్గోకులసర్వస్వం శ్రీమద్గోకులమండనమ్ ।
శ్రీమద్గోకులదృక్తారా శ్రీమద్గోకులజీవనమ్ ॥ 1 ॥

శ్రీమద్గోకులమాత్రేశః శ్రీమద్గోకులపాలకః ।
శ్రీమద్గోకులలీలాబ్ధిః శ్రీమద్గోకులసంశ్రయః ॥ 2 ॥

శ్రీమద్గోకులజీవాత్మా శ్రీమద్గోకులమానసః ।
శ్రీమద్గోకులదుఃఖఘ్నః శ్రీమద్గోకులవీక్షితః ॥ 3 ॥

శ్రీమద్గోకులసౌందర్యం శ్రీమద్గోకులసత్ఫలమ్ ।
శ్రీమద్గోకులగోప్రాణః శ్రీమద్గోకులకామదః ॥ 4 ॥

శ్రీమద్గోకులరాకేశః శ్రీమద్గోకులతారకః ।
శ్రీమద్గోకులపద్మాళిః శ్రీమద్గోకులసంస్తుతః ॥ 5 ॥

శ్రీమద్గోకులసంగీతః శ్రీమద్గోకులలాస్యకృత్ ।
శ్రీమద్గోకులభావాత్మా శ్రీమద్గోకులపోషకః ॥ 6 ॥

శ్రీమద్గోకులహృత్స్థానః శ్రీమద్గోకులసంవృతః ।
శ్రీమద్గోకులదృక్పుష్పః శ్రీమద్గోకులమోదితః ॥ 7 ॥

శ్రీమద్గోకులగోపీశః శ్రీమద్గోకులలాలితః ।
శ్రీమద్గోకులభోగ్యశ్రీః శ్రీమద్గోకులసర్వకృత్ ॥ 8 ॥

ఇమాని శ్రీగోకులేశనామాని వదనే మమ ।
వసంతు సంతతం చైవ లీలా చ హృదయే సదా ॥ 9 ॥

ఇతి శ్రీవిఠ్ఠలేశ్వర విరచితం శ్రీ గోకులాష్టకమ్ ।

శ్రీ కాల భైరవ స్తోత్రం

అథ సంకల్పః
ఓం ఐం శివ శక్తి సాయి సిద్ధగురు శ్రీ రమణానంద మహర్షి గురుభ్యో నమః
ఓం శ్రీ దశ మహావిద్యా దేవతాభ్యో నమః
ఓం శ్రీ దశ భైరవ దేవతాభ్యో నమః

అథ చతుర్వేద జ్ఞాన బ్రహ్మ సిద్ధగురు శ్రీ రమణానంద మహర్షి విరచిత
చతుర్వింశతి శ్లోకాత్మక శ్రీ కాల భైరవ స్తోత్రం

శివాయ పరమాత్మనే మహాతే పాపనాశినే ।
నీలలోహితదేహాయ భైరవాయ నమో నమః ॥

బ్రహ్మ శిరో విఖండినే బ్రహ్మ గర్వ నిపాతినే ।
కాలకాలాయ రుద్రాయ నమోభైరవ శూలినే ॥

విష్ణు మోహ వినాశినే విష్ణు సేవిత శంభవే ।
విష్ణు కీర్తిత సోమాయ కాలభైరవ తే నమః ॥

సర్వభూషిత సర్వేశం చతుర్భుజం సుతేజసే ।
శివ తేజోద్భవం హరం శ్రీ భైరవీపతిం భజే ॥

సద్రూపం సకలేశ్వరం చిద్ర్రూపం చిన్మయేశ్వరమ్ ।
తపోవంతం మహానందం మహాభైరవ తే నమః ॥

నీలాయ నీలకంఠాయ అనంతాయ పరాత్మనే ।
భీమాయ దుష్టమర్దినే కాలభైరవ తే నమః ॥

నమస్తే సర్వబీజాయ నమస్తే సుఖదాయినే ।
నమస్తే దుఃఖనాశినే భైరవాయ నమో నమః ॥

సుందరం కరుణానిధిం పావనం కరుణామయమ్ ।
అఘోరం కరుణాసింధుం శ్రిభైరవం నమామ్యహమ్ ॥

జటాధరం త్రిలోచనం జగత్ పతిం వృషధ్వజమ్ ।
జగన్మూర్తిం కపాలినిం శ్రీభైరవం నంమామితమ్ ॥

అసితాంగః కపాలశ్చ ఉన్మత్తః భీషణో రురుః ।
క్రోధః సంహార చండశ్చ అష్టభైరవ తే నమః ॥

కౌమారీ వైశ్ణవీ చండీ ఇంద్రాణీ బ్రాహ్మణీసుధా ।
అష్టమాతృక చాముండా శ్రీ వారాహీ మహేశ్వరీ ॥

కాశీ క్షేత్ర సదా స్థితం కాశీ క్షేత్ర సుపాలకమ్ ।
కాశీ జన సమారాధ్యం నమామి కాలభైరవమ్ ॥

అష్టభైరవ స్రష్టారం అష్టమాతృ సుపూజితమ్ ।
సర్వ భైరవ నాథం చ శ్రీ కాల భైరవం భజే ॥

విష్ణు కీర్తిత వేదేశం సర్వ ఋషి నమస్కృతమ్ ।
పంచ పాతక నాశకం శ్రీ కాల భైరవం భజే ॥

సమ్మోహన మహారూపం చేతుర్వేద ప్రకీర్తితమ్ ।
విరాట్ పురుష మహేశం శ్రీ కాల భైరవం భజే ॥

అసితాంగః చతుర్భుజః బ్రహ్మణీ మతృకాపతిః ।
శ్వేతవర్ణో హంసారూఢః ప్రాక్ దిశా రక్షకః శివః ॥

శ్రీరురుం వృషభారూఢం ఆగ్నేయ దిక్ సుపాలకమ్ ।
నీలవర్ణం మహాశూరం మహేశ్వరీపతిం భజే ॥

మయూర వాహనః చండః కౌమారీ మాతృకా ప్రియః ।
రక్తవర్ణో మహాకాలః దక్షిణా దిక్ సురక్షకః ॥

గరుడ వాహనః క్రోధః వైష్ణవీ మాతృకా ప్రభుః ।
ఈశానో నీలవర్ణశ్చ నిరుతీ దిక్ సురక్షకః ॥

ఉన్మత్తః ఖడ్గధారీ చ అశ్వారూఢో మహోదరః ।
శ్రీ వారాహీ మనోహరః పశ్చిమ దిక్ సురక్షకః ॥

కపాలో హస్తివాహనః ఇంద్రాణీ మాతృకాపతిః ।
స్వర్ణ వర్ణో మహాతేజాః వాయవ్యదిక్ సురక్షకః ॥

భీషణః ప్రేతవాహనః చాముండా మాతృకా విభుః ।
ఉత్తరదిక్ సుపాలకః రక్తవర్ణో భయంకరః ॥

సంహారః సింహవాహనః శ్రీ చండీ మాతృకాపతిః ।
అశభుజః ప్రాక్రమీ ఈశాన్యదిక్ సుపాలకః ॥

తంత్ర యోగీశ్వరేశ్వరం తంత్ర విద్యా ప్రదాయకమ్ ।
జ్ఞానదం సిద్ధిదం శివం మోక్షదం భైరవం భజే ॥

ఇతి చతుర్వేద జ్ఞాన బ్రహ్మ సిద్ధగురు శ్రీ రమణానంద మహర్షి విరచిత
చతుర్వింశతి శ్లోకాత్మక శ్రీ కాల భైరవ స్తోత్రమ్ ॥

శ్రీ శివ దండకం (తెలుగు)

శ్రీకంఠ లోకేశ లోకోద్భవస్థానసంహారకారీ పురారీ మురారి ప్రియా

చంద్రధారీ మహేంద్రాది బృందారకానందసందోహసంధాయి పుణ్యస్వరూపా

విరూపాక్ష దక్షాధ్వరధ్వంసకా దేవ నీదైవ తత్త్వంబు భేదించి

బుద్ధిం బ్రధానంబు గర్మంబు విజ్ఞాన మధ్యాత్మయోగంబు సర్వ

క్రియాకారణం బంచు నానాప్రకారంబుల్ బుద్ధిమంతుల్ విచారించుచున్

నిన్ను భావింతు రీశాన సర్వేశ్వరా శర్వ సర్వజ్ఞ సర్వాత్మకా నిర్వికల్ప ప్రభావా భవానీపతీ

నీవు లోకత్రయీవర్తనంబున్ మహీవాయుఖాత్మాగ్ని

సోమార్కతోయంబులం జేసి కావించి సంసారచక్ర క్రియాయంత్రవాహుండవై

తాదిదేవా మహాదేవ నిత్యంబు నత్యంతయోగస్థితిన్ నిర్మలజ్ఞానదీప

ప్రభాజాల విధ్వస్త నిస్సార సంసార మాయాంధకారుల్ జితక్రోధ

రాగాదిదోషుల్ యతాత్ముల్ యతీంద్రుల్ భవత్పాద పంకేరుహధ్యాన

పీయూష ధారానుభూతిన్ సదాతృప్తులై నిత్యులై రవ్య యాభవ్య సేవ్యాభవా

భర్గ భట్టారకా భార్గవాగస్త్యకుత్సాది

నానామునిస్తోత్రదత్తావధానా

లలాటేక్షణోగ్రాగ్నిభస్మీకృతానంగ భస్మానులిప్తాంగ గంగాధరా నీ

ప్రసాదంబున్ సర్వగీర్వాణగంధర్వులున్

సిద్ధసాధ్యోరగేంద్రా సురేంద్రాదులున్

శాశ్వతైశ్వర్య సంప్రాప్తులై రీశ్వరా విశ్వకర్తా సురాభ్యర్చితా నాకు

నభ్యర్థితంబుల్ ప్రసాదింపు కారుణ్యమూర్తీ త్రిలోకైకనాథా

నమస్తే నమస్తే నమః ॥

ఇతి శ్రీమహాభారతే నన్నయ్య విరచిత శివ దండకమ్ ॥

శ్రీశైల రగడ (తెలుగు)

శ్రీరమ్యంబుగ శ్రీగిరి యాత్రకు కూరిమి సతితో కూడి నడచితిని
పల్లెలు పురములు పట్టణంబులు పేటలు దాటితి అడవులు కొండలు అన్నీ దాటితి
కంటిని శ్రీగిరి కన్నుల నిండా వింటిని మహిమలు వీనుల నిండా
ఆ మహిమలు నేనేమని చెప్పదు ఈ మహిలోపల ఎన్నడు చూడము
ధారుణి లోపల ధౌతాచలమది మేరుని కంటెను మిక్కుట మైనది
బ్రహ్మ నిర్మల బ్రహిశృంగంబులు నిర్మలమగు మాణిక్య కూటములు
కోటలు కొమ్మలు గోపురంబులు తెఱపిలేని బహు దేవాలయములు
పుణ్య స్థలంబులు పుణ్య వనంబులు వాటమైన పూదోటలు మిక్కిలి
మాటలు నేర్చిన మంచి మృగంబులు కామధేనువులు కల్పవృక్షములు
క్షేమ కరంబగు చింతామణులు అమృత గుండంబులు
కడు నైష్ఠికమును కలిగిన విప్రులు విడువక శంభుని వేడెటి రాజులు
సంతత లింగార్చన గల శైవులు శాంతులైన వేదాంతులు సిద్ధులు
గణగణ మ్రోగెటి ఘంటనాదములు విజయ ఘోషయగు శంఖ నాదములు
వీర శైవులు వీరాంగంబులు సాధు బృందములు కామిత భక్తులు అగరు ధూపములు
జపములు చేసెటి జంగమోత్తములు తపములు చేసెటి తాపసోత్తములు
ప్రమథులు భక్తులు శైవ గణంబులు గట్టిగ ఇది భూకైలాసమ్మని
తప్పిపోక పాతాళ గంగలో తెప్పున తేలుచు తీర్థంబాడుచు
చెలగుచు మడి వస్త్రంబులు కట్టితి అనువుగ నుదుట విభూతి ధరిస్తిని
పొలుపుగ మెడ రుద్రాక్షలు దాల్చితి గురు కటాక్షమును గోప్యము చేసితి
గురు మంత్రంబును జపమును చేసితి అకళంకుడనై ఆశ జయిస్తిని
శివ పంచాక్షరి మనసున నిలిపితి శివ తత్త్వము పరిశీలన చేసితి
పంచేంద్రియంబులు పదిలము చేసితి పంచ ముద్రలభ్యాసము చేసితి
అంతర్ముఖుడనైతిని, నాదబ్రహ్మ నాదము వింటిని లోపల తుమ్మెద నాదము వింటిని
వెలుగులకెల్లా వెలుగై వెలిగెడు ఆ లోపల దీపము కంటిని
ఈవల చంద్రుండావల సూర్యుడు కలిగిన స్థావరమైన నిధానము కంటిని
కంటికి ఇంపగు పండు వెన్నెల విరిసిన షట్కమలంబులు పిండాండములో బ్రహ్మాండము కంటిని
అంతట అక్కడ చెంగల్వ కొలనులో ఆడుచున్న రాజహంసను పట్టితి
చాల వేయి స్తంభాల మేడలో బాలిక కూడుకు కేళి సలిపితిని
మల్లికార్జునుని మదిలో దలచితి ముందర భృంగికి మ్రొక్కి వేడితిని
నందికేశ్వరుని నమ్మి భజించితి చండీశ్వరునకు దండము పెట్టితి
మళ్ళీ మళ్ళీ మహిమను పొగడుచు పిళ్ళారయ్యకు ప్రియముగ మ్రొక్కితి
ద్వార పాలకుల దర్శన మాయను ద్వార మందు రతనాల గద్దెపై
చూచితి నెవ్వరు చూడని లింగం చూచితి కేవల సుందర లింగం
నిరుపద్రవమగు నిశ్చల లింగం ఆది తేజమగు ఐక్య లింగం
రాజితమైన విరాజిత లింగం పూజనీయమగు పురాణ లింగం
లింగము గనుగొని లింగ దేహినై లింగాంగులతో లింగ నిర్గుణ సంగతి కంటిని
లింగమందు మది లీనము చేసితి జీవన్ముక్తడనైతిని
అంకమంది భ్రమరాంబిక ఉండగా మల్లికార్జునిని కోరి పూజించితి
దీపము పెట్టితి దివ్య దేహునకు ధూపము వేసితి ధూర్జటి కప్పుడు
తుమ్మి పూలతో పూజిస్తిని కమ్మని నైవేద్యము పెట్టితి
సాగిలి మ్రొక్కితి సర్వేశ్వరునకు జయ జయ జయ జయ జంగమరాయ
ఆదిదేవుడవు ఆత్మ శరణ్య దయ తప్పక ధవళ శరీర భయము బాపు మీ భక్తనిధాన
ఎన్ని జన్మములు ఎత్తిన వాడను నిన్ను తలంపక నీచుడనైతిని
ఎన్నడు ఏ విధమెరుగని వాడను దుష్ట మానసుడ గౌరీ రమణ
తామస గుణములు తగులాటంబులు నియమము తప్పిన నీచవర్తనుడ
నిత్య దరిద్రుడ అత్యాశయుడను అజ్ఞాన పశువును
చేయరాని దుశ్చేష్టలు చేసితి బాయరాని మీ భక్తుల బాసితి
సంసారంబను సంకెళ్ళల్లో హింస పెట్టమిక ఏలుము తండ్రి
ముల్లోకంబులు ముంచెడి గంగను సలలితముగా జడ ధరియిస్తివి
గొప్ప చేసి నిను కొలిచిన బంటును తప్పక చంద్రుని తల ధరియిస్తివి
విన్నుని చేత కన్ను పూజగొని సన్నుతి కెక్కిన చక్ర మిచ్చితివి
ఆనక శైల కుమారిక కోరిన సగము శరీరము ఇస్తివి
మూడు లోకముల ముఖ్యము నీవే మూడు మూర్తులకు మూలము నీవే
దాతవు నీవే,భ్రాతవు నీవే,తల్లివి నీవే,తండ్రివి నీవే,బ్రహ్మము నీవే,సర్వము నీవే
పాల ముంచుమిక నీట ముంచు మీ పాల బడితనో ఫాలలోచన అనుచు ప్రణతుల నిడుచు

ఫలశృతి
కాలువలు త్రవ్వించి గన్నేర్లు వేసి పూలు కోసి శివునకు పూజించిన ఫలము
గంగి గోవులు తెచ్చి ప్రేమతో సాకి పాలు తీసి అభిషేకము చేసిన్న ఫలము
ఆకలితో నున్న అన్నార్తులకును కమ్మనీ భోజనంబిచ్చిన ఫలము
భీతితో నున్నట్టి కడు దీనులకును శరణిచ్చి రక్షించు విశేష ఫలము
అంత కన్నా ఫలము అధిక మయ్యుండు

పశుపత్యష్టకం

పశుపతీందుపతిం ధరణీపతిం భుజగలోకపతిం చ సతీపతిమ్ ।
ప్రణతభక్తజనార్తిహరం పరం భజత రే మనుజా గిరిజాపతిమ్ ॥1॥

న జనకో జననీ న చ సోదరో న తనయో న చ భూరిబలం కులమ్ ।
అవతి కోఽపి న కాలవశం గతం భజత రే మనుజా గిరిజాపతిమ్ ॥2॥

మురజడిండిమవాద్యవిలక్షణం మధురపంచమనాదవిశారదమ్ ।
ప్రమథభూతగణైరపి సేవితం భజత రే మనుజా గిరిజాపతిం  ॥3॥

శరణదం సుఖదం శరణాన్వితం శివ శివేతి శివేతి నతం నృణామ్ ।
అభయదం కరుణావరుణాలయం భజత రే మనుజా గిరిజాపతిం  ॥4॥

నరశిరోరచితం మణికుండలం భుజగహారముదం వృషభధ్వజమ్ ।
చితిరజోధవలీకృతవిగ్రహం భజత రే  మనుజా గిరిజాపతిం  ॥5॥

మఖవినాశకరం శశిశేఖరం సతతమధ్వరభాజిఫలప్రదమ్ ।
ప్రళయదగ్ధసురాసురమానవం భజత రే మనుజా గిరిజాపతిం  ॥6॥

మదమపాస్య చిరం హృది సంస్థితం మరణజన్మజరామయపీడితమ్ ।
జగదుదీక్ష్య సమీపభయాకులం భజత రే మనుజా గిరిజాపతిం  ॥7॥

హరివిరంచిసురాధిపపూజితం యమజనేశధనేశనమస్కౄతమ్ ।
త్రినయనం భువనత్రితయాధిపం భజత రే మనుజా గిరిజాపతిం  ॥8॥

పశుపతేరిదమష్టకమద్భుతం విరచితం పృథివీపతిసూరిణా ।
పఠతి సంశ‍ఋణుతే మనుజః సదా శివపురీం వసతే లభతే ముదమ్ ॥9॥

ఇతి శ్రీపశుపత్యష్టకం సంపూర్ణమ్ ॥

శ్రీ హర్యష్టకం (ప్రహ్లాద కృతం)

హరిర్హరతి పాపాని దుష్టచిత్తైరపి స్మృతః ।
అనిచ్ఛయాఽపి సంస్పృష్టో దహత్యేవ హి పావకః ॥ 1 ॥

స గంగా స గయా సేతుః స కాశీ స చ పుష్కరమ్ ।
జిహ్వాగ్రే వర్తతే యస్య హరిరిత్యక్షరద్వయమ్ ॥ 2 ॥

వారాణస్యాం కురుక్షేత్రే నైమిశారణ్య ఏవ చ ।
యత్కృతం తేన యేనోక్తం హరిరిత్యక్షరద్వయమ్ ॥ 3 ॥

పృథివ్యాం యాని తీర్థాని పుణ్యాన్యాయతనాని చ ।
తాని సర్వాణ్యశేషాణి హరిరిత్యక్షరద్వయమ్ ॥ 4 ॥

గవాం కోటిసహస్రాణి హేమకన్యాసహస్రకమ్ ।
దత్తం స్యాత్తేన యేనోక్తం హరిరిత్యక్షరద్వయమ్ ॥ 5 ॥

ఋగ్వేదోఽథ యజుర్వేదః సామవేదోఽప్యథర్వణః ।
అధీతస్తేన యేనోక్తం హరిరిత్యక్షరద్వయమ్ ॥ 6 ॥

అశ్వమేధైర్మహాయజ్ఞైర్నరమేధైస్తథైవ చ ।
ఇష్టం స్యాత్తేన యేనోక్తం హరిరిత్యక్షరద్వయమ్ ॥ 7 ॥

ప్రాణః ప్రయాణ పాథేయం సంసారవ్యాధినాశనమ్ ।
దుఃఖాత్యంత పరిత్రాణం హరిరిత్యక్షరద్వయమ్ ॥ 8 ॥

బద్ధః పరికరస్తేన మోక్షాయ గమనం ప్రతి ।
సకృదుచ్చారితం యేన హరిరిత్యక్షరద్వయమ్ ॥ 9 ॥

హర్యష్టకమిదం పుణ్యం ప్రాతరుత్థాయ యః పఠేత్ ।
ఆయుష్యం బలమారోగ్యం యశో వృద్ధిః శ్రియావహమ్ ॥ 10 ॥

ప్రహ్లాదేన కృతం స్తోత్రం దుఃఖసాగరశోషణమ్ ।
యః పఠేత్స నరో యాతి తద్విష్ణోః పరమం పదమ్ ॥ 11 ॥

ఇతి ప్రహ్లాదకృత శ్రీ హర్యష్టకమ్ ।

కామసికాష్టకం

శ్రుతీనాముత్తరం భాగం వేగవత్యాశ్చ దక్షిణమ్ ।
కామాదధివసన్ జీయాత్ కశ్చిదద్భుత కేసరీ ॥ 1 ॥

తపనేంద్వగ్నినయనః తాపానపచినోతు నః ।
తాపనీయరహస్యానాం సారః కామాసికా హరిః ॥ 2 ॥

ఆకంఠమాదిపురుషం
కంఠీరవముపరి కుంఠితారాతిమ్ ।
వేగోపకంఠసంగాత్
విముక్తవైకుంఠబహుమతిముపాసే ॥ 3 ॥

బంధుమఖిలస్య జంతోః
బంధురపర్యంకబంధరమణీయమ్ ।
విషమవిలోచనమీడే
వేగవతీపుళినకేళినరసింహమ్ ॥ 4 ॥

స్వస్థానేషు మరుద్గణాన్ నియమయన్ స్వాధీనసర్వేంద్రియః
పర్యంకస్థిరధారణా ప్రకటితప్రత్యఙ్ముఖావస్థితిః ।
ప్రాయేణ ప్రణిపేదుషః ప్రభురసౌ యోగం నిజం శిక్షయన్
కామానాతనుతాదశేషజగతాం కామాసికా కేసరీ ॥ 5 ॥

వికస్వరనఖస్వరుక్షతహిరణ్యవక్షఃస్థలీ-
-నిరర్గలవినిర్గలద్రుధిరసింధుసంధ్యాయితాః ।
అవంతు మదనాసికామనుజపంచవక్త్రస్య మాం
అహంప్రథమికామిథః ప్రకటితాహవా బాహవః ॥ 6 ॥

సటాపటలభీషణే సరభసాట్టహాసోద్భటే
స్ఫురత్ క్రుధిపరిస్ఫుట భ్రుకుటికేఽపి వక్త్రే కృతే ।
కృపాకపటకేసరిన్ దనుజడింభదత్తస్తనా
సరోజసదృశా దృశా వ్యతివిషజ్య తే వ్యజ్యతే ॥ 7 ॥

త్వయి రక్షతి రక్షకైః కిమన్యై-
-స్త్వయి చారక్షతి రక్షకైః కిమన్యైః ।
ఇతి నిశ్చితధీః శ్రయామి నిత్యం
నృహరే వేగవతీతటాశ్రయం త్వామ్ ॥ 8 ॥

ఇత్థం స్తుతః సకృదిహాష్టభిరేష పద్యైః
శ్రీవేంకటేశరచితైస్త్రిదశేంద్రవంద్యః ।
దుర్దాంతఘోరదురితద్విరదేంద్రభేదీ
కామాసికానరహరిర్వితనోతు కామాన్ ॥ 9 ॥

ఇతి శ్రీవేదాంతదేశికకృతం కామాసికాష్టకమ్ ।