LALITHA Stotras & Hymns - Read Sacred Verses

శ్రీ లలితోపనిషత్

శ్రీ లలితోపనిషత్.

Telugu

శ్రీ లలితోపనిషత్

ఓం పరమకారణభూతా శక్తిః కేన నవచక్రరూపో దేహః | నవచక్రశక్తిమయం శ్రీచక్రం వారాహీపితృరూపా కురుకుల్లా బలిదేవతా మాతా | | పురుషార్థాః సాగరాః | దేహో నవరత్నే ద్వీపః | ఆధారనవకముద్రాః శక్తయః | త్వగాదిసప్తధాతుభిరనేకైః సంయుక్తాః సంకల్పాః కల్పతరవః | తేజః కల్పకోద్యానం ||
రసనయా భాసమానా మధురాంలతిక్తకటుకషాయలవణరసాః షడ్రసాః | క్రియాశక్తిః పీఠం కుండలినీ జ్ఞానశక్తిరహమిచ్ఛాశక్తిః | మహాత్రిపురసుందరీ జ్ఞాతా హోతా | జ్ఞానమర్ధ్యం జ్ఞేయం హవిః
జ్ఞాతృజ్ఞానజ్ఞేయానాం నమోభేదభావనం శ్రీచక్రపూజనం ||
నియతిసహితశృంగారాదయో నవరసాః | అణిమాదయః కామక్రోధలోభమోహమదమాత్సర్యపుణ్యపాపమయా బ్రాహ్ంయాదయోఽష్టశక్తయః | ఆధారనవకముద్రా శక్తయః | పృథ్వ్యప్తేజోవాయ్వాకాశశ్రోత్రత్వక్చక్షుర్జిహ్వా-ప్రాణవాక్పాణిపాదపాయూపస్థమనోవికారాః షోడశశక్తయః | వచనాదానగమనవిసర్గానందాదానోపాదానోపేక్షా-బుద్ధయోఽనంగకుసుమాదిశక్తయోఽష్టౌ | అలంబుషాకుహూవిశ్వోదరీవరుణాహస్తిజిహ్వాయశస్వినీ-
గాంధారీపూషాసరస్వతీడాపింగలాసుషుంనా చేతి చతుర్దశనాడయః సర్వసంక్షోభిణ్యాదిచతుర్దశారదేవతాః ||
ప్రాణాపానవ్యానోదానసమాననాగకూర్మకృకలదేవదత్తధనంజయా దశవాయవః సర్వసిద్ధిప్రదాది బహిర్దశారదేవతాః | ఏతద్వాయుదశకసంసర్గోపాధిభేదేన రేచకపూరకపోషకదాహకాల్పావకామృతమితి ప్రాణః సంఖ్యత్వేన పంచవిధోఽస్తి | జఠరాగ్నిర్మనుష్యాణాం మోహకో భక్ష్యభోజ్యలేహ్యచోష్యాత్మకం చతుర్విధమన్నం పాచయతి | తదా
కాశవాన్సకలాః సర్వజ్ఞత్వాద్యంతర్దశారదేవతాః ||
శీతోష్ణసుఖదుఃఖేచ్ఛాసత్వరజస్తమోగుణాదయ వశిన్యాదిశక్తయోఽష్టౌ | శబ్దస్పర్శరూపరసగంధాః పంచతన్మాత్రాః పంచపుష్పబాణా మన ఇక్షుధనుర్వల్యో బాణో రాగః పాశో ద్వేషోఽంకుశః | అవ్యక్తమహత్తత్త్వాహంకారకామేశ్వరీవజ్రేశ్వరీ-భగమాలిన్యోఽంతస్త్రికోణాగ్రదేవతాః ||
పంచదశతిథిరూపేణ కాలస్య పరిణామావలోకనపంచదశనిత్యాః శుద్ధానురుపాధిదేవతాః | నిరుపాధిసార్వదేవకామేశ్వరీ సదాఽఽనందపూర్ణా | స్వాత్ంయైక్యరూపలలితాకామేశ్వరీ సదాఽఽనందఘనపూర్ణా స్వాత్మైక్యరూపా దేవతా లలితామితి ||
సాహిత్యకరణం సత్త్వం | కర్త్తవ్యమకర్త్తవ్యమితి భావనాముక్తా ఉపచారాః | అహం త్వమస్తి నాస్తి కర్త్తవ్యాకర్త్తవ్యముపాసితవ్యానుపాసితవ్యమితి వికల్పనా | మనోవిలాపనం హోమః ||
బాహ్యాభ్యంతరకరణానాం రూపగ్రహణయోగ్యతాస్తీత్యావాహనం | తస్య బాహ్యాభ్యంతరకరణానామేకరూపవిషయగ్రహణమాసనం | రక్తశుక్లపదైకీకరణం పాద్యం | ఉజ్జ్వలదామోదాఽఽనందాత్సానందనమర్ఘ్యం | స్వచ్ఛాస్వతః శక్తిరిత్యాచమనం | చిచ్చంద్రమయీస్మరణం స్నానం | చిదగ్నిస్వరూపపరమానందశక్తిస్మరణం వస్త్రం | ప్రత్యేకం సప్తవింశతిధాభిన్నత్వేన ఇచ్ఛాక్రియాత్మకబ్రహ్మగ్రంథిమయీ సతంతుబ్రహ్మనాడీ బ్రహ్మసూత్రం సవ్యాతిరిక్తవస్త్రం | సంగరహితం స్మరణం విభూషణం | స్వచ్ఛందపరిపూర్ణస్మరణం గంధః | సమస్తవిషయాణాం మనఃస్థైర్యేణానుసంధానం కుసుమం | తేషామేవ సర్వదా స్వీకరణం ధూపః | పవనాచ్ఛిన్నోర్ధ్వజ్వాలాసచ్చిదాహ్లాదాకాశదేహో దీపః | సమస్తయాతాయాతవర్జనం నైవేద్యం | అవస్థాత్రయైకీకరణం తాంబూలం | మూలాధారాదాబ్రహ్మరంధ్రపర్యంతం బ్రహ్మరంధ్రాదామూలాధారపర్యంతం గతాగతరూపేణ ప్రాదక్షిణ్యం | తురీయావస్థానం సంస్కారదేహశూన్యం ప్రమాదితావతిమజ్జనం బలిహరణం | సత్త్వమస్తి కర్త్తవ్యమకర్త్తవ్యమౌదాసీన్యమాత్మవిలాపనం హోమః | భావనావిషయాణామభేదభావనా తర్పణం | స్వయం తత్పాదుకానిమజ్జనం పరిపూర్ణధ్యానం ||
ఏవం మూర్తిత్రయం భావనయా యుక్తో ముక్తో భవతి | తస్య దేవతాత్మైక్యసిద్ధిశ్చితికార్యాణ్యప్రయత్నేన సిధ్యంతి స ఏవ శివయోగీతి కథ్యతే ||

శ్రీ లలితాష్టోత్తరశతనామ స్తోత్రం –2

శ్రీ లలితాష్టోత్తరశతనామ స్తోత్రం –2.

Telugu

Read Stotra

శ్రీ లలితాష్టోత్తరశతనామ స్తోత్రం –2

శివా భవానీ కళ్యాణీ గౌరీ కాళీ శివప్రియా |
కాత్యాయనీ మహాదేవీ దుర్గాఽఽర్యా చండికా భవా || 1 ||
చంద్రచూడా చంద్రముఖీ చంద్రమండలవాసినీ |
చంద్రహాసకరా చంద్రహాసినీ చంద్రకోటిభా || 2 ||
చిద్రూపా చిత్కళా నిత్యా నిర్మలా నిష్కళా కళా |
భవ్యా భవప్రియా భవ్యరూపిణీ కలభాషిణీ || 3 ||
కవిప్రియా కామకళా కామదా కామరూపిణీ |
కారుణ్యసాగరా కాళీ సంసారార్ణవతారకా || 4 ||
దూర్వాభా దుష్టభయదా దుర్జయా దురితాపహా |
లలితా రాజ్యదా సిద్ధా సిద్ధేశీ సిద్ధిదాయినీ || 5 ||
శర్మదా శాంతిరవ్యక్తా శంఖకుండలమండితా |
శారదా శాంకరీ సాధ్వీ శ్యామలా కోమలాకృతిః || 6 ||
పుష్పిణీ పుష్పబాణాంబా కమలా కమలాసనా |
పంచబాణస్తుతా పంచవర్ణరూపా సరస్వతీ || 7 ||
పంచమీ పరమా లక్ష్మీః పావనీ పాపహారిణీ |
సర్వజ్ఞా వృషభారూఢా సర్వలోకవశంకరీ || 8 ||
సర్వస్వతంత్రా సర్వేశీ సర్వమంగళకారిణీ |
నిరవద్యా నీరదాభా నిర్మలా నిశ్చయాత్మికా || 9 ||
నిర్మదా నియతాచారా నిష్కామా నిగమాలయా |
అనాదిబోధా బ్రహ్మాణీ కౌమారీ గురురూపిణీ || 10 ||
వైష్ణవీ సమయాచారా కౌళినీ కులదేవతా |
సామగానప్రియా సర్వవేదరూపా సరస్వతీ || 11 ||
అంతర్యాగప్రియాఽఽనందా బహిర్యాగపరార్చితా |
వీణాగానరసానందా చార్ధోన్మీలితలోచనా || 12 ||
దివ్యచందనదిగ్ధాంగీ సర్వసాంరాజ్యరూపిణీ |
తరంగీకృతస్వాపాంగవీక్షారక్షితసజ్జనా || 13 ||
సుధాపానసముద్వేలహేలామోహితధూర్జటిః |
మతంగమునిసంపూజ్యా మతంగకులభూషణా || 14 ||
మకుటాంగదమంజీరమేఖలాదామభూషితా |
ఊర్మికాకింకిణీరత్నకంకణాదిపరిష్కృతా || 15 ||
మల్లికామాలతీకుందమందారాంచితమస్తకా |
తాంబూలకవలోదంచత్కపోలతలశోభినీ || 16||
త్రిమూర్తిరూపా త్రైలోక్యసుమోహనతనుప్రభా |
శ్రీమచ్చక్రాధినగరీసాంరాజ్యశ్రీస్వరూపిణీ || 17 ||
ఇదం నాంనాం సాష్టశతం లలితాయాః మతిప్రదం |
విద్యాధనయశః కామపూర్తిదం సర్వమంగళం || 18 ||
ఇతి శ్రీలలితాష్టోత్తరశతనామస్తోత్రం |

శ్రీ లలితాష్టోత్తరశతనామావళిః 2

శ్రీ లలితాష్టోత్తరశతనామావళిః 2.

Telugu

Read Stotra

శ్రీ లలితాష్టోత్తరశతనామావళిః 2

శ్రీ రాజ్ఞీ స్తోత్రం-3

శ్రీ రాజ్ఞీ స్తోత్రం-3.

Telugu

Read Stotra

శ్రీ రాజ్ఞీ స్తోత్రం

యా త్రైలోక్యకుటుంబికా వరసుధాధారాభిసంతర్పిణీ
భూంయాదీంద్రియచిత్తచేతనపరా సంవిన్మయీ శాశ్వతీ |
బ్రహ్మేంద్రాచ్యుతవందితేశమహిషీ విజ్ఞానదాత్రీసతాం
తాం వందే హృదయత్రికోణనిలయాం శ్రీరాజరాజేశ్వరీం || 1 ||
యాం విద్యేతి వదంతి శుద్ధమతయో వాచాం పరాం దేవతాం
షట్చక్రాంతనివాసినీం కులపథప్రోత్సాహసంవర్ధినీం |
శ్రీచక్రాంకితరూపిణీం సురమణేర్వామాంకసంశోభినీం
తాం వందే హృదయత్రికోణనిలయాం శ్రీరాజరాజేశ్వరీం || 2 ||
యా సర్వేశ్వరనాయికేతి లలితేత్యానందసీమేశ్వరీ-
-త్యంబేతి త్రిపురేశ్వరీతి వచసాం వాగ్వాదినీత్యన్నదా |
ఇత్యేవం ప్రవదంతి సాధుమతయః స్వానందబోధోజ్జ్వలాః
తాం వందే హృదయత్రికోణనిలయాం శ్రీరాజరాజేశ్వరీం || 3 ||
యా ప్రాతః శిఖిమండలే మునిజనైర్గౌరీ సమారాధ్యతే
యా మధ్యే దివసస్య భానురుచిరా చండాంశుమధ్యే పరం |
యా సాయం శశిరూపిణీ హిమరుచేర్మధ్యే త్రిసంధ్యాత్మికా
తాం వందే హృదయత్రికోణనిలయాం శ్రీరాజరాజేశ్వరీం || 4 ||
యా మూలోత్థితనాదసంతతిలవైః సంస్తూయతే యోగిభిః
యా పూర్ణేందుకలామృతైః కులపథే సంసిచ్యతే సంతతం |
యా బంధత్రయకుంభితోన్మనిపథే సిద్ధ్యష్టకేనేడ్యతే
తాం వందే హృదయత్రికోణనిలయాం శ్రీరాజరాజేశ్వరీం || 5 ||
యా మూకస్య కవిత్వవర్షణసుధాకాదంబినీ శ్రీకరీ
యా లక్ష్మీతనయస్య జీవనకరీ సంజీవినీవిద్యయా |
యా ద్రోణీపురనాయికా ద్విజశిశోః స్తన్యప్రదాత్రీ ముదా
తాం వందే హృదయత్రికోణనిలయాం శ్రీరాజరాజేశ్వరీం || 6 ||
యా విశ్వప్రభవాదికార్యజననీ బ్రహ్మాదిమూర్త్యాత్మనా
యా చంద్రార్కశిఖిప్రభాసనకరీ స్వాత్మప్రభాసత్తయా |
యా సత్త్వాదిగుణత్రయేషు సమతాసంవిత్ప్రదాత్రీ సతాం
తాం వందే హృదయత్రికోణనిలయాం శ్రీరాజరాజేశ్వరీం || 7 ||
యా క్షిత్యంతశివాదితత్త్వవిలసత్ స్ఫూర్తిస్వరూపా పరం
యా బ్రహ్మాండకటాహభారనివహన్మండూకవిశ్వంభరీ |
యా విశ్వం నిఖిలం చరాచరమయం వ్యాప్య స్థితా సంతతం
తాం వందే హృదయత్రికోణనిలయాం శ్రీరాజరాజేశ్వరీం || 8 ||
యా వర్గాష్టకవర్ణపంజరశుకీ విద్యాక్షరాలాపినీ
నిత్యానందపయోఽనుమోదనకరీ శ్యామా మనోహారిణీ |
సత్యానందచిదీశ్వరప్రణయినీ స్వర్గాపవర్గప్రదా
తాం వందే హృదయత్రికోణనిలయాం శ్రీరాజరాజేశ్వరీం || 9 ||
యా శ్రుత్యంతసుశుక్తిసంపుటమహాముక్తాఫలం సాత్త్వికం
సచ్చిత్సౌఖ్యపయోదవృష్టిఫలితం సర్వాత్మనా సుందరం |
నిర్మూల్యం నిఖిలార్థదం నిరుపమాకారం భవాహ్లాదదం
తాం వందే హృదయత్రికోణనిలయాం శ్రీరాజరాజేశ్వరీం || 10 ||
యా నిత్యావ్రతమండలస్తుతపదా నిత్యార్చనాతత్పరా
నిత్యానిత్యవిమర్శినీ కులగురోర్వాయప్రకాశాత్మికా |
కృత్యాకృత్యమతిప్రభేదశమనీ కార్త్స్న్యాత్మలాభప్రదా
తాం వందే హృదయత్రికోణనిలయాం శ్రీరాజరాజేశ్వరీం || 11 ||
యాముద్దిశ్య యజంతి శుద్ధమతయో నిత్యం పరాగ్నౌ స్రుచా
మత్యా ప్రాణఘృతప్లుతేంద్రియచరుద్రవ్యైః సమంత్రాక్షరైః |
యత్పాదాంబుజభక్తిదార్ఢ్యసురసప్రాప్త్యై బుధాః సంతతం
తాం వందే హృదయత్రికోణనిలయాం శ్రీరాజరాజేశ్వరీం || 12 ||
యా సంవిన్మకరందపుష్పలతికాస్వానందదేశోత్థితా
సత్సంతానసువేష్టనాతిరుచిరా శ్రేయఃఫలం తన్వతీ |
నిర్ధూతాఖిలవృత్తిభక్తధిషణాభృంగాంగనాసేవితా
తాం వందే హృదయత్రికోణనిలయాం శ్రీరాజరాజేశ్వరీం || 13 ||
యామారాధ్య మునిర్భవాబ్ధిమతరత్ క్లేశోర్మిజాలావృతం
యాం ధ్యాత్వా న నివర్తతే శివపదానందాబ్ధిమగ్నః పరం |
యాం స్మృత్వా స్వపదైకబోధమయతే స్థూలేఽపి దేహే జనః
తాం వందే హృదయత్రికోణనిలయాం శ్రీరాజరాజేశ్వరీం || 14 ||
యా పాశాంకుశచాపసాయకకరా చంద్రార్ధచూడాలసత్
కాంచీదామవిభూషితా స్మితముఖీ మందారమాలాధరా |
నీలేందీవరలోచనా శుభకరీ త్యాగాధిరాజేశ్వరీ
తాం వందే హృదయత్రికోణనిలయాం శ్రీరాజరాజేశ్వరీం || 15 ||
యా భక్తేషు దదాతి సంతతసుఖం వాణీం చ లక్ష్మీం తథా
సౌందర్యం నిగమాగమార్థకవితాం సత్పుత్రసంపత్సుఖం |
సత్సంగం సుకలత్రతాం సువినయం సాయుజ్యముక్తిం పరాం
తాం వందే హృదయత్రికోణనిలయాం శ్రీరాజరాజేశ్వరీం || 16 ||
ఇతి త్యాగరాజ విరచితం శ్రీ రాజరాజేశ్వరీ స్తవః |

శ్రీ రాజ్ఞీ స్తోత్రం-2

శ్రీ రాజ్ఞీ స్తోత్రం-2.

Telugu

Read Stotra

శ్రీ రాజ్ఞీ స్తోత్రం

విశ్వేశ్వరీ నిఖిలదేవమహర్షిపూజ్యా
సింహాసనా త్రినయనా భుజగోపవీతా |
శంఖాంబుజాస్యఽమృతకుంభక పంచశాఖా
రాజ్ఞీ సదా భగవతీ భవతు ప్రసన్నా || 1 ||
జన్మాటవీప్రదహనే దవవహ్నిభూతా
తత్పాదపంకజరజోగత చేతసాం యా |
శ్రేయోవతాం సుకృతినాం భవపాశభేత్త్రీ
రాజ్ఞీ సదా భగవతీ భవతు ప్రసన్నా || 2 ||
దేవ్యా యయా దనుజరాక్షసదుష్టచేతో
న్యగ్భావితం చరణనూపురశింజితేన |
ఇంద్రాదిదేవహృదయం ప్రవికాసయంతీ
రాజ్ఞీ సదా భగవతీ భవతు ప్రసన్నా || 3 ||
దుఃఖార్ణవే హి పతితం శరణాగతం యా
చోద్ధత్య సా నయతి ధామ పరం దయాబ్ధిః |
విష్ణుర్గజేంద్రమివ భీతభయాపహర్త్రీ
రాజ్ఞీ సదా భగవతీ భవతు ప్రసన్నా || 4 ||
యస్యా విచిత్రమఖిలం హి జగత్ప్రపంచం
కుక్షౌ విలీనమపి సృష్టివిసృష్టిరూపాత్ |
ఆవిర్భవత్యవిరతం చిదచిత్స్వభావం
రాజ్ఞీ సదా భగవతీ భవతు ప్రసన్నా || 5 ||
యత్పాదపంకజరజఃకణజ ప్రసాదా-
-ద్యోగీశ్వరైర్విగతకల్మషమానసైస్తత్ |
ప్రాప్తం పదం జనివినాశహరం పరం సా
రాజ్ఞీ సదా భగవతీ భవతు ప్రసన్నా || 6 ||
యత్పాదపంకజరజాంసి మనోమలాని
సంమార్జయంతి శివవిష్ణువిరించిదేవైః |
మృగ్యాన్యఽపశ్చిమతనోః ప్రణుతాని మాతా
రాజ్ఞీ సదా భగవతీ భవతు ప్రసన్నా || 7 ||
యద్దర్శనామృతనదీ మహదోఘయుక్తా
సంప్లావయత్యఖిలభేదగుహాస్వఽనంతా |
తృష్ణాహరా సుకృతినాం భవతాపహర్త్రీ
రాజ్ఞీ సదా భగవతీ భవతు ప్రసన్నా || 8 ||
యత్పాదచింతన దివాకరరశ్మిమాలా
చాంతర్బహిష్కరణవర్గసరోజషండం |
జ్ఞానోదయే సతి వికాస్య తమోపహర్త్రీ
రాజ్ఞీ సదా భగవతీ భవతు ప్రసన్నా || 9 ||
హంసస్థితా సకలశబ్దమయీ భవానీ
వాగ్వాదినీ హృదయ పుష్కర చారిణీయా |
హంసీవ హంస రజనీశ్వర వహ్నినేత్రా
రాజ్ఞీ సదా భగవతీ భవతు ప్రసన్నా || 10 ||
యా సోమసూర్యవపుషా సతతం సరంతీ
మూలాశ్రయాత్తడిదివాఽఽవిధిరంధ్రమీఢ్యా |
మధ్యస్థితా సకలనాడిసమూహ పూర్ణా
రాజ్ఞీ సదా భగవతీ భవతు ప్రసన్నా || 11 ||
చైతన్యపూరిత సమస్తజగద్విచిత్రా
మాతృ ప్రమేయపరిమాణతయా చకాస్తి |
యా పూర్ణవృత్యహమితి స్వపదాధిరూఢా
రాజ్ఞీ సదా భగవతీ భవతు ప్రసన్నా || 12 ||
యా చిత్క్రమక్రమతయా ప్రవిభాతి నిత్యా
స్వాతంత్ర్య శక్తిరమలా గతభేదభావా |
స్వాత్మస్వరూపసువిమర్శపరైః సుగంయా
రాజ్ఞీ సదా భగవతీ భవతు ప్రసన్నా || 13 ||
యా కృత్యపంచకనిభాలనలాలసైస్తైః
సందృశ్యతే నిఖిలవేద్యగతాపి శశ్వత్ |
సాంతర్ధృతా పరప్రమాతృపదం విశంతీ
రాజ్ఞీ సదా భగవతీ భవతు ప్రసన్నా || 14 ||
యాఽనుత్తరాత్మని పదే పరమాఽమృతాబ్ధౌ
స్వాతంత్ర్యశక్తిలహరీవ బహిః సరంతీ |
సంలీయతే స్వరసతః స్వపదే సభావా
రాజ్ఞీ సదా భగవతీ భవతు ప్రసన్నా || 15 ||
మేరోః సదైవ హి దరీషువిచిత్రవాగ్భి-
-ర్గాయంతి యా భగవతీం పరివాదినీభిః |
విద్యాధరా హి పులకాంకిత విగ్రహాః సా
రాజ్ఞీ సదా భగవతీ భవతు ప్రసన్నా || 16 ||
రాజ్ఞీ సదా భగవతీ మనసా స్మరామి
రాజ్ఞీ సదా భగవతీ వచసా గృణామి |
రాజ్ఞీ సదా భగవతీ శిరసా నమామి
రాజ్ఞీ సదా భగవతీ శరణం ప్రపద్యే || 17 ||
రాజ్ఞ్యాః స్తోత్రమిదం పుణ్యం యః పఠేద్భక్తిమాన్నరః |
నిత్యం దేవ్యాః ప్రసాదేన శివసాయుజ్యమాప్నుయాత్ || 18 ||
ఇతి శ్రీవిద్యాధర విరచితం శ్రీ రాజ్ఞీ స్తోత్రం |

శ్రీ రాజ్ఞీ స్తోత్రం-1

శ్రీ రాజ్ఞీ స్తోత్రం-1.

Telugu

Read Stotra

శ్రీ రాజ్ఞీ స్తోత్రం

శ్రీ లలితా అష్టకారికా స్తోత్రం (ఆవిర్భావ స్తుతిః)

శ్రీ లలితా అష్టకారికా స్తోత్రం (ఆవిర్భావ స్తుతిః).

Telugu

Read Stotra

శ్రీ లలితా అష్టకారికా స్తోత్రం (ఆవిర్భావ స్తుతిః)

విశ్వరూపిణి సర్వాత్మే విశ్వభూతైకనాయకి |
లలితా పరమేశాని సంవిద్వహ్నేః సముద్భవ || 1 ||
ఆనందరూపిణి పరే జగదానందదాయిని |
లలితా పరమేశాని సంవిద్వహ్నేః సముద్భవ || 2 ||
జ్ఞాతృజ్ఞానజ్ఞేయరూపే మహాజ్ఞానప్రకాశిని |
లలితా పరమేశాని సంవిద్వహ్నేః సముద్భవ || 3 ||
లోకసంహారరసికే కాళికే భద్రకాళికే |
లలితా పరమేశాని సంవిద్వహ్నేః సముద్భవ || 4 ||
లోకసంత్రాణరసికే మంగళే సర్వమంగళే |
లలితా పరమేశాని సంవిద్వహ్నేః సముద్భవ || 5 ||
విశ్వసృష్టిపరాధీనే విశ్వనాథే విశంకటే |
లలితా పరమేశాని సంవిద్వహ్నేః సముద్భవ || 6 ||
సంవిద్వహ్ని హుతాశేష సృష్టిసంపాదితాకృతే |
లలితా పరమేశాని సంవిద్వహ్నేః సముద్భవ || 7 ||
భండాద్యైస్తారకాద్యైశ్చ పీడితానాం సతాం ముదే |
లలితా పరమేశాని సంవిద్వహ్నేః సముద్భవ || 8 ||
ఇతి శ్రీ లలితా అష్టకారికా స్తోత్రం |

శ్రీ లలితార్యా కవచ స్తోత్రం

శ్రీ లలితార్యా కవచ స్తోత్రం.

Telugu

Read Stotra

శ్రీ లలితార్యా కవచ స్తోత్రం

అగస్త్య ఉవాచ |
హయగ్రీవ మహాప్రాజ్ఞ మమ జ్ఞానప్రదాయక |
లలితా కవచం బ్రూహి కరుణామయి చేత్తవ || 1 ||
హయగ్రీవ ఉవాచ |
నిదానం శ్రేయసామేతల్లలితావర్మసంజ్ఞితం |
పఠతాం సర్వసిద్ధిస్స్యాత్తదిదం భక్తితశ్శృణు || 2 ||
లలితా పాతు శిరో మే లలాటమంబా మధుమతీరూపా |
భ్రూయుగ్మం చ భవానీ పుష్పశరా పాతు లోచనద్వంద్వం || 3 ||
పాయాన్నాసాం బాలా సుభగా దంతాంశ్చ సుందరీ జిహ్వాం |
అధరోష్ఠమాదిశక్తిశ్చక్రేశీ పాతు మే సదా చుబుకం || 4 ||
కామేశ్వర్యవతు కర్ణౌ కామాక్షీ పాతు మే గండయోర్యుగ్మం |
శృంగారనాయికాఖ్యా వక్త్రం సింహాసనేశ్వర్యవతు గళం || 5 ||
స్కందప్రసూశ్చ పాతు స్కంధౌ బాహూ చ పాటలాంగీ మే |
పాణీ చ పద్మనిలయా పాయాదనిశం నఖావళిం విజయా || 6 ||
కోదండినీ చ వక్షః కుక్షిం పాయాత్కులాచలాత్తభవా |
కల్యాణీత్వవతు లగ్నం కటిం చ పాయాత్కలాధరశిఖండా || 7 ||
ఊరుద్వయం చ పాయాదుమా మృడానీ చ జానునీ రక్షేత్ |
జంఘే చ షోడశీ మే పాయాత్పాదౌ చ పాశసృణిహస్తా || 8 ||
ప్రాతః పాతు పరా మాం మధ్యాహ్నే పాతు మాం మణిగృహాంతస్థా |
శర్వాణ్యవతు చ సాయం పాయాద్రాత్రౌ చ భైరవీ సతతం || 9 ||
భార్యాం రక్షతు గౌరీ పాయాత్పుత్రాంశ్చ బిందుగ్రహపీఠా |
శ్రీవిద్యా చ యశో మే శీలం చావ్యాచ్చిరం మహారాజ్ఞీ || 10 ||
పవనమయి పావకమయి క్షోణీమయి వ్యోమమయి కృపీటమయి |
శ్రీమయి శశిమయి రవిమయి సమయమయి ప్రాణమయి శివమయీత్యాది || 11 ||
కాలీ కపాలినీ శూలినీ భైరవీ మాతంగీ పంచమీ త్రిపురే |
వాగ్దేవీ వింధ్యవాసినీ బాలే భువనేశి పాలయ చిరం మాం || 12 ||
అభినవసిందూరాభామంబ త్వాం చింతయంతి యే హృదయే |
ఉపరి నిపతంతి తేషాముత్పలనయనా కటాక్షకల్లోలాః || 13 ||
వర్గాష్టపంక్తికాభిర్వశినీ ముఖాభిరధికృతాం భవతీం |
చింతయతాం పీతవర్ణాం పాపోనిర్యాత్య యత్నతో వదనాత్ || 14 ||
కనకలతావద్గౌరీం కర్ణ వ్యాలోల కుండల ద్వితయాం |
ప్రహసితముఖీం చ భవతీం ధ్యాయంతోయే భవంతి మూర్ధన్యాః || 15 ||
శీర్షాంభోరుహమధ్యే శీతలపీయూషవర్షిణీం భవతీం |
అనుదినమనుచింతయతామాయుష్యం భవతి పుష్కలమవన్యాం || 16 ||
మధురస్మితాం మదారుణనయనాం మాతంగకుంభవక్షోజాం |
చంద్రావతంసినీం త్వాం సతతం పశ్యంతి సుకృతినః కేచిత్ || 17 ||
లలితాయాః స్తవరత్నం లలితపదాభిః ప్రణీతమార్యాభిః |
అనుదినమనుచింతయతాం ఫలానివక్తుం ప్రగల్భతే న శివః || 18 ||
పూజా హోమస్తర్పణం స్యాన్మంత్రశక్తిప్రభావతః |
పుష్పాజ్య తోయాభావేపి జపమాత్రేణ సిద్ధ్యతి || 19 ||
ఇతి శ్రీలలితార్యాకవచస్తోత్రరత్నం |

శ్రీ లలితా కవచం

శ్రీ లలితా కవచం.

Telugu

Read Stotra

శ్రీ లలితా కవచం

సనత్కుమార ఉవాచ |
అథ తే కవచం దేవ్యా వక్ష్యే నవరతాత్మకం |
యేన దేవాసురనరజయీ స్యాత్సాధకః సదా || 1 ||
సర్వతః సర్వదాత్మానం లలితా పాతు సర్వగా |
కామేశీ పురతః పాతు భగమాలీ త్వనంతరం || 2 ||
దిశం పాతు తథా దక్షపార్శ్వం మే పాతు సర్వదా |
నిత్యక్లిన్నాథ భేరుండా దిశం మే పాతు కౌణపీం || 3 ||
తథైవ పశ్చిమం భాగం రక్షతాద్వహ్నివాసినీ |
మహావజ్రేశ్వరీ నిత్యా వాయవ్యే మాం సదావతు || 4 ||
వామపార్శ్వం సదా పాతు ఇతీమేలరితా తతః |
మాహేశ్వరీ దిశం పాతు త్వరితం సిద్ధిదాయినీ || 5 ||
పాతు మామూర్ధ్వతః శశ్వద్దేవతా కులసుందరీ |
అధో నీలపతాకాఖ్యా విజయా సర్వతశ్చ మాం || 6 ||
కరోతు మే మంగళాని సర్వదా సర్వమంగళా |
దేహేంద్రియమనఃప్రాణాంజ్వాలామాలినివిగ్రహా || 7 ||
పాలయత్వనిశం చిత్తా చిత్తం మే సర్వదావతు |
కామాత్క్రోధాత్తథా లోభాన్మోహాన్మానాన్మదాదపి || 8 ||
పాపాన్మాం సర్వతః శోకాత్సంక్షయాత్సర్వతః సదా |
అసత్యాత్క్రూరచింతాతో హింసాతశ్చౌరతస్తథా |
స్తైమిత్యాచ్చ సదా పాతు ప్రేరయంత్యః శుభం ప్రతి || 9 ||
నిత్యాః షోడశ మాం పాతు గజారూఢాః స్వశక్తిభిః |
తథా హయసమారూఢాః పాతు మాం సర్వతః సదా || 10 ||
సింహారూఢాస్తథా పాతు పాతు ఋక్షగతా అపి |
రథారూఢాశ్చ మాం పాతు సర్వతః సర్వదా రణే || 11 ||
తార్క్ష్యారూఢాశ్చ మాం పాతు తథా వ్యోమగతాశ్చ తాః |
భూతగాః సర్వగాః పాతు పాతు దేవ్యశ్చ సర్వదా || 12 ||
భూతప్రేతపిశాచాశ్చ పరకృత్యాదికాన్ గదాన్ |
ద్రావయంతు స్వశక్తీనాం భూషణైరాయుధైర్మమ || 13 ||
గజాశ్వద్వీపిపంచాస్యతార్క్ష్యారూఢాఖిలాయుధాః |
అసంఖ్యాః శక్తయో దేవ్యః పాతు మాం సర్వతః సదా || 14 ||
సాయం ప్రాతర్జపన్నిత్యాకవచం సర్వరక్షకం |
కదాచిన్నాశుభం పశ్యేత్సర్వదానందమాస్థితః || 15 ||
ఇత్యేతత్కవచం ప్రోక్తం లలితాయాః శుభావహం |
యస్య సంధారణాన్మర్త్యో నిర్భయో విజయీ సుఖీ || 16 ||
ఇతి శ్రీబృహన్నారదీయపురాణే పూర్వభాగే తృతీయపాదే
బృహదుపాఖ్యానే ఏకోననవతితమోఽధ్యాయే శ్రీ లలితా కవచం |

శ్రీ లలితా చాలీసా

శ్రీ లలితా చాలీసా.

Telugu

Read Stotra

శ్రీ లలితా చాలీసా

లలితామాతా శంభుప్రియా జగతికి మూలం నీవంమా
శ్రీ భువనేశ్వరి అవతారం జగమంతటికీ ఆధారం || 1 ||
హేరంబునికి మాతవుగా హరిహరాదులు సేవింప
చండునిముండుని సంహారం చాముండేశ్వరి అవతారం || 2 ||
పద్మరేకుల కాంతులలో బాలాత్రిపురసుందరిగా
హంసవాహనారూఢిణిగా వేదమాతవై వచ్చితివి || 3 ||
శ్వేతవస్త్రము ధరియించి అక్షరమాలను పట్టుకొని
భక్తిమార్గము చూపితివి జ్ఞానజ్యోతిని నింపితివి || 4 ||
నిత్య అన్నదానేశ్వరిగా కాశీపురమున కొలువుండ
ఆదిబిక్షువై వచ్చాడు సాక్షాదాపరమేశ్వరుడు || 5 ||
కదంబవన సంచారిణిగా కామేశ్వరుని కళత్రముగా
కామితార్థ ప్రదాయినిగా కంచి కామాక్షివైనావు || 6 ||
శ్రీచక్రరాజ నిలయినిగా శ్రీమత్ త్రిపురసుందరిగా
సిరి సంపదలు ఇవ్వంమా శ్రీమహాలక్ష్మిగా రావంమా || 7 ||
మణిద్వీపమున కొలువుండి మహాకాళి అవతారములో
మహిషాసురుని చంపితివి ముల్లోకాలను ఏలితివి || 8 ||
పసిడి వెన్నెల కాంతులలో పట్టువస్త్రపుధారణలో
పారిజాతపు మాలలలో పార్వతి దేవిగా వచ్చితివి || 9 ||
రక్తవస్త్రము ధరియించి రణరంగమున ప్రవేశించి
రక్తబీజుని హతమార్చి రంయకపర్దినివైనావు || 10 ||
కార్తికేయునికి మాతవుగా కాత్యాయినిగా కరుణించి
కలియుగమంతా కాపాడ కనకదుర్గవై వెలిసితివి || 11 ||
రామలింగేశ్వరు రాణివిగా రవికుల సోముని రమణివిగా
రమా వాణి సేవితగా రాజరాజేశ్వరివైనావు || 12 ||
ఖడ్గం శూలం ధరియించి పాశుపతాస్త్రము చేబూని
శుంభ నిశుంభుల దునుమాడి వచ్చింది శ్రీశ్యామలగా || 13 ||
మహామంత్రాధిదేవతగా లలితాత్రిపురసుందరిగా
దరిద్ర బాధలు తొలిగించి మహదానందము కలిగించే || 14 ||
అర్తత్రాణ పరాయణివే అద్వైతామృత వర్షిణివే
ఆదిశంకర పూజితవే అపర్ణాదేవి రావంమా || 15 ||
విష్ణు పాదమున జనియించి గంగావతారము ఎత్తితివి
భాగీరథుడు నిను కొలువ భూలోకానికి వచ్చితివి || 16 ||
ఆశుతోషుని మెప్పించి అర్ధశరీరం దాల్చితివి
ఆదిప్రకృతి రూపిణిగా దర్శనమిచ్చెను జగదంబా || 17 ||
దక్షుని ఇంట జనియించి సతీదేవిగా చాలించి
అష్టాదశ పీఠేశ్వరిగా దర్శనమిచ్చెను జగదంబా || 18 ||
శంఖు చక్రము ధరియించి రాక్షస సంహారమును చేసి
లోకరక్షణ చేసావు భక్తుల మదిలో నిలిచావు || 19 ||
పరాభట్టారిక దేవతగా పరమశాంత స్వరూపిణిగా
చిరునవ్వులను చిందిస్తూ చెఱుకు గడను ధరయించితివి || 20 ||
పంచదశాక్షరి మంత్రాధితగా పరమేశ్వర పరమేశ్వరితో
ప్రమథగణములు కొలువుండ కైలాసంబే పులకించే || 21 ||
సురులు అసురులు అందరును శిరసును వంచి ంరొక్కంగా
మాణిక్యాల కాంతులతో నీ పాదములు మెరిసినవి || 22 ||
మూలాధార చక్రములో యోగినులకు ఆదీశ్వరియై
అంకుశాయుధ ధారిణిగా భాసిల్లెను శ్రీ జగదంబా || 23 ||
సర్వదేవతల శక్తులచే సత్య స్వరూపిణి రూపొంది
శంఖనాదము చేసితివి సింహవాహినిగా వచ్చితివి || 24 ||
మహామేరువు నిలయినివి మందార కుసుమ మాలలతో
మునులందరు నిను కొలవంగ మోక్షమార్గము చూపితివి || 25 ||
చిదంబరేశ్వరి నీ లీల చిద్విలాసమే నీ సృష్టి
చిద్రూపీ పరదేవతగా చిరునవ్వులను చిందించే || 26 ||
అంబా శాంభవి అవతారం అమృతపానం నీ నామం
అద్భుతమైనది నీ మహిమ అతిసుందరము నీ రూపం || 27 ||
అంమలగన్న అంమవుగా ముగ్గురంమలకు మూలముగా
జ్ఞానప్రసూనా రావంమా జ్ఞానమునందరికివ్వంమా || 28 ||
నిష్ఠతో నిన్నే కొలిచెదము నీ పూజలనే చేసెదము
కష్టములన్నీ కడతేర్చి కనికరముతో మము కాపాడు || 29 ||
రాక్షస బాధలు పడలేక దేవతలంతా ప్రార్థింప
అభయహస్తము చూపితివి అవతారములు దాల్చితివి || 30 ||
అరుణారుణపు కాంతులలో అగ్ని వర్ణపు జ్వాలలలో
అసురులనందరి దునుమాడి అపరాజితవై వచ్చితివి || 31 ||
గిరిరాజునికి పుత్రికగా నందనందుని సోదరిగా
భూలోకానికి వచ్చితివి భక్తుల కోర్కెలు తీర్చితివి || 32 ||
పరమేశ్వరునికి ప్రియసతిగా జగమంతటికీ మాతవుగా
అందరి సేవలు అందుకొని అంతట నీవే నిండితివి || 33 ||
కరుణించంమా లలితంమా కాపాడంమా దుర్గంమా
దర్శనమియ్యగ రావంమా భక్తుల కష్టం తీర్చంమా || 34 ||
ఏ విధముగా నిను కొలిచినను ఏ పేరున నిను పిలిచినను
మాతృహృదయవై దయచూపు కరుణామూర్తిగా కాపాడు || 35 ||
మల్లెలు మొల్లలు తెచ్చితిమి మనసును నీకే ఇచ్చితిమి
మగువలమంతా చేరితిమి నీ పారాయణ చేసితిమి || 36 ||
త్రిమాతృరూపా లలితంమా సృష్టి స్థితి లయకారిణివి
నీ నామములు ఎన్నెన్నో లెక్కించుట మా తరమవునా || 37 ||
ఆశ్రితులందరు రారండి అంమరూపము చూడండి
అంమకు నీరాజనమిచ్చి అంమ దీవెన పొందుదము || 38 ||
సదాచార సంపన్నవుగా సామగాన ప్రియలోలినివి
సదాశివ కుటుంబినివి సౌభాగ్యమిచ్చే దేవతవు || 39 ||
మంగళగౌరీ రూపమును మనసుల నిండా నింపండి
మహాదేవికి మనమంతా మంగళ హారతులిద్దాము || 40 ||

శ్రీ లలితా పంచరత్నం

శ్రీ లలితా పంచరత్నం.

Telugu

Read Stotra

శ్రీ లలితా పంచరత్నం

ప్రాతః స్మరామి లలితావదనారవిందం
బింబాధరం పృథులమౌక్తికశోభినాసం |
ఆకర్ణదీర్ఘనయనం మణికుండలాఢ్యం
మందస్మితం మృగమదోజ్జ్వలఫాలదేశం || 1 ||
ప్రాతర్భజామి లలితాభుజకల్పవల్లీం
రక్తాంగుళీయలసదంగుళిపల్లవాఢ్యాం |
మాణిక్యహేమవలయాంగదశోభమానాం
పుండ్రేక్షుచాపకుసుమేషుసృణీర్దధానాం || 2 ||
ప్రాతర్నమామి లలితాచరణారవిందం
భక్తేష్టదాననిరతం భవసింధుపోతం |
పద్మాసనాదిసురనాయకపూజనీయం
పద్మాంకుశధ్వజసుదర్శనలాంఛనాఢ్యం || 3 ||
ప్రాతః స్తువే పరశివాం లలితాం భవానీం
త్రయ్యంతవేద్యవిభవాం కరుణానవద్యాం |
విశ్వస్య సృష్టివిలయస్థితిహేతుభూతాం
విద్యేశ్వరీం నిగమవాఙ్మనసాతిదూరాం || 4 ||
ప్రాతర్వదామి లలితే తవ పుణ్యనామ
కామేశ్వరీతి కమలేతి మహేశ్వరీతి |
శ్రీశాంభవీతి జగతాం జననీ పరేతి
వాగ్దేవతేతి వచసా త్రిపురేశ్వరీతి || 5 ||
యః శ్లోకపంచకమిదం లలితాంబికాయాః
సౌభాగ్యదం సులలితం పఠతి ప్రభాతే |
తస్మై దదాతి లలితా ఝటితి ప్రసన్నా
విద్యాం శ్రియం విమలసౌఖ్యమనంతకీర్తిం || 6 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ శ్రీ లలితా పంచరత్నం |

శ్రీ లలితా పంచవింశతినామ స్తోత్రం

శ్రీ లలితా పంచవింశతినామ స్తోత్రం.

Telugu

Read Stotra

శ్రీ లలితా పంచవింశతినామ స్తోత్రం

అగస్త్య ఉవాచ |
వాజివక్త్ర మహాబుద్ధే పంచవింశతినామభిః |
లలితాపరమేశాన్యా దేహి కర్ణరసాయనం || 1 ||
హయగ్రీవ ఉవాచ |
సింహాసనేశీ లలితా మహారాజ్ఞీ పరాంకుశా |
చాపినీ త్రిపురా చైవ మహాత్రిపురసుందరీ || 2 ||
సుందరీ చక్రనాథా చ సాంరాజీ చక్రిణీ తథా |
చక్రేశ్వరీ మహాదేవీ కామేశీ పరమేశ్వరీ || 3 ||
కామరాజప్రియా కామకోటికా చక్రవర్తినీ |
మహావిద్యా శివానంగవల్లభా సర్వపాటలా || 4 ||
కులనాథాఽఽంనాయనాథా సర్వాంనాయనివాసినీ |
శృంగారనాయికా చేతి పంచవింశతినామభిః || 5 ||
స్తువంతి యే మహాభాగాం లలితాం పరమేశ్వరీం |
తే ప్రాప్నువంతి సౌభాగ్యమష్టౌసిద్ధీర్మహద్యశః || 6 ||
ఇతి శ్రీబ్రహ్మాండపురాణే లలితోపాఖ్యానే అష్టాదశోఽధ్యాయే శ్రీలలితా పంచవింశతినామ స్తోత్రం |

Sign In

OTP Verification

Sacred Stotras & Deities

శ్రీ లలితోపనిషత్

శ్రీ లలితాష్టోత్తరశతనామ స్తోత్రం –2

శ్రీ లలితాష్టోత్తరశతనామావళిః 2

శ్రీ రాజ్ఞీ స్తోత్రం-3

శ్రీ రాజ్ఞీ స్తోత్రం-2

శ్రీ రాజ్ఞీ స్తోత్రం-1

శ్రీ లలితా అష్టకారికా స్తోత్రం (ఆవిర్భావ స్తుతిః)

శ్రీ లలితార్యా కవచ స్తోత్రం

శ్రీ లలితా కవచం

శ్రీ లలితా చాలీసా

శ్రీ లలితా పంచరత్నం

శ్రీ లలితా పంచవింశతినామ స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps