శ్రీ దక్షిణకాళికా త్రిశతీ స్తోత్రం
అస్య శ్రీసర్వమంగళవిద్యాయా నామ శ్రీదక్షిణకాళికా త్రిశతీస్తోత్ర మహామంత్రస్య శ్రీకాలభైరవ ఋషిః అనుష్టుప్ ఛందః శ్రీదక్షిణకాళికా దేవతా హ్రీం బీజం హూం శక్తిః క్రీం కీలకం శ్రీదక్షిణకాళికా ప్రసాదసిద్ధ్యర్థే జపే వినియోగః |
ఋష్యాదిన్యాసః –
శ్రీకాలభైరవర్షయే నమః శిరసి |
అనుష్టుప్ ఛందసే నమో ముఖే |
శ్రీదక్షిణకాళికాయై దేవతాయై నమో హృది |
హ్రీం బీజాయ నమో గుహ్యే |
హూం శక్తయే నమః పాదయోః |
క్రీం కీలకాయ నమో నాభౌ |
వినియోగాయ నమః సర్వాంగే |
కరన్యాసః –
క్రాం అంగుష్ఠాభ్యాం నమః |
క్రీం తర్జనీభ్యాం నమః |
క్రూం మధ్యమాభ్యాం నమః |
క్రైం అనామికాభ్యాం నమః |
క్రౌం కనిష్ఠికాభ్యాం నమః |
క్రః కరతల కరపృష్ఠాభ్యాం నమః |
హృదయాదిన్యాసః –
క్రాం హృదయాయ నమః |
క్రీం శిరసే స్వాహా |
క్రూం శిఖాయై వషట్ |
క్రైం కవచాయ హుం |
క్రౌం నేత్రత్రయాయ వౌషట్ |
క్రః అస్త్రాయ ఫట్ |
ధ్యానం –
శవారూఢాం మహాభీమాం ఘోరదంష్ట్రాం హసన్ముఖీం
చతుర్భుజాం ఖడ్గముండవరాభయకరాం శివాం |
ముండమాలాధరాం దేవీం లలజ్జిహ్వాం దిగంబరాం
ఏవం సంచింతయేత్కాళీం శ్మశానాలయవాసినీం || 1 ||
శ్యామాంగీం దిగ్వసనాం శవశివహృదయస్థాం సదా లోలజిహ్వాం
దోర్దండైః క్లుప్తకాంచీం వికసితవదనాం భీమదంష్ట్రాం త్రినేత్రాం |
ముండస్రగ్భూషణాం హస్తవిధృతవరదాభీతినిస్త్రింశముండాం
ధ్యాయేత్ప్రేంణా మహాకాలరతిపరసుఖీం దక్షిణాం కాళికాం తాం || 2 ||
పంచోపచార పూజా –
లం పృథివ్యాత్మనే గంధం కల్పయామి నమః |
హం ఆకాశాత్మనే పుష్పాణి కల్పయామి నమః |
యం వాయ్వాత్మనే ధూపం కల్పయామి నమః |
రం అగ్న్యాత్మనే దీపం కల్పయామి నమః |
వం అమృతాత్మనే అమృతం మహానైవేద్యం కల్పయామి నమః |
సం సర్వాత్మనే సర్వోపచారాన్ కల్పయామి నమః |
అథ స్తోత్రం |
క్రీంకారీ క్రీంపదాకారా క్రీంకారమంత్రపూరణా |
క్రీంమతీ క్రీంపదావాసా క్రీంబీజజపతోషిణీ || 1 ||
క్రీంకారసత్త్వా క్రీమాత్మా క్రీంభూషా క్రీంమనుస్వరాట్ |
క్రీంకారగర్భా క్రీంసంజ్ఞా క్రీంకారధ్యేయరూపిణీ || 2 ||
క్రీంకారాత్తమనుప్రౌఢా క్రీంకారచక్రపూజితా |
క్రీంకారలలనానందా క్రీంకారాలాపతోషిణీ || 3 ||
క్రీంకలానాదబిందుస్థా క్రీంకారచక్రవాసినీ |
క్రీంకారలక్ష్మీః క్రీంశక్తిః క్రీంకారమనుమండితా || 4 ||
క్రీంకారానందసర్వస్వా క్రీంజ్ఞేయలక్ష్యమాత్రగా |
క్రీంకారబిందుపీఠస్థా క్రీంకారనాదమోదినీ || 5 ||
క్రీంతత్త్వజ్ఞానవిజ్ఞేయా క్రీంకారయజ్ఞపాలినీ |
క్రీంకారలక్షణానందా క్రీంకారలయలాలసా || 6 ||
క్రీంమేరుమధ్యగాస్థానా క్రీంకారాద్యవరార్ణభూః |
క్రీంకారవరివస్యాఢ్యా క్రీంకారగానలోలుపా || 7 ||
క్రీంకారనాదసంపన్నా క్రీంకారైకాక్షరాత్మికా |
క్రీమాదిగుణవర్గాత్తత్రితయాద్యాహుతిప్రియా || 8 ||
క్రీంక్లిన్నరమణానందమహాకాలవరాంగనా |
క్రీంలాస్యతాండవానందా క్రీంకారభోగమోక్షదా || 9 ||
క్రీంకారయోగినీసాధ్యోపాస్తిసర్వస్వగోచరా |
క్రీంకారమాతృకాసిద్ధవిద్యారాజ్ఞీకలేవరా || 10 ||
హూంకారమంత్రా హూంగర్భా హూంకారనాదగోచరా |
హూంకారరూపా హూంకారజ్ఞేయా హూంకారమాతృకా || 11 ||
హూంఫట్కారమహానాదమయీ హూంకారశాలినీ |
హూంకారజపసంమోదా హూంకారజాపవాక్ప్రదా || 12 ||
హూంకారహోమసంప్రీతా హూంకారతంత్రవాహినీ |
హూంకారతత్త్వవిజ్ఞానజ్ఞాతృజ్ఞేయస్వరూపిణీ || 13 ||
హూంకారజాపజాడ్యఘ్నీ హూంకారజీవనాడికా |
హూంకారమూలమంత్రాత్మా హూంకారపారమార్థికా || 14 ||
హూంకారఘోషణాహ్లాదా హూంకారైకపరాయణా |
హూంకారబీజసంక్లుప్తా హూంకారవరదాయినీ || 15 ||
హూంకారద్యోతనజ్యోతిర్హూంకారనీలభారతీ |
హూంకారాలంబనాధారా హూంకారయోగసౌఖ్యదా || 16 ||
హూంకారఝంకృతాకారా హూంకారాంచితవాగ్ఝరీ |
హూంకారచండీపారీణానందఝిల్లీస్వరూపిణీ || 17 ||
హ్రీంకారమంత్రగాయత్రీ హ్రీంకారసార్వకామికీ |
హ్రీంకారసామసర్వస్వా హ్రీంకారరాజయోగినీ || 18 ||
హ్రీంకారజ్యోతిరుద్దామా హ్రీంకారమూలకారణా |
హ్రీంకారోత్తసపర్యాఢ్యా హ్రీంకారతంత్రమాతృకా || 19 ||
హ్రీంజహల్లక్షణాభృంగీ హ్రీంకారహంసనాదినీ |
హ్రీంకారతారిణీవిద్యా హ్రీంకారభువనేశ్వరీ || 20 ||
హ్రీంకారకాలికామూర్తిర్హ్రీంకారనాదసుందరీ |
హ్రీంకారజ్ఞానవిజ్ఞానా హ్రీంకారకాలమోహినీ || 21 ||
హ్రీంకారకామపీఠస్థా హ్రీంకారసంస్కృతాఖిలా |
హ్రీంకారవిశ్వసంభారా హ్రీంకారామృతసాగరా || 22 ||
హ్రీంకారమంత్రసన్నద్ధా హ్రీంకారరసపూర్ణగా |
హ్రీంకారమాయావిర్భావా హ్రీంకారసరసీరుహా || 23 ||
హ్రీంకారకలనాధారా హ్రీంకారవేదమాతృకా |
హ్రీంకారజ్ఞానమందారా హ్రీంకారరాజహంసినీ || 24 ||
దంతురా దక్షయజ్ఞఘ్నీ దయా దక్షిణకాళికా |
దక్షిణాచారసుప్రీతా దంశభీరుబలిప్రియా || 25 ||
దక్షిణాభిముఖీ దక్షా దత్రోత్సేకప్రదాయికా |
దర్పఘ్నీ దర్శకుహ్వష్టమీయాంయారాధనప్రియా || 26 ||
దర్శనప్రతిభూర్దంభహంత్రీ దక్షిణతల్లజా |
క్షిత్యాదితత్త్వసంభావ్యా క్షిత్యుత్తమగతిప్రదా || 27 ||
క్షిప్రప్రసాదితా క్షిప్రా క్షితివర్ధనసంస్థితా |
క్షిప్రాగంగాదినద్యంభఃప్రవాహవాసతోషిణీ || 28 ||
క్షితిజాహర్నిశోపాసాజపపారాయణప్రియా |
క్షిద్రాదిగ్రహనక్షత్రజ్యోతీరూపప్రకాశికా || 29 ||
క్షితీశాదిజనారాధ్యా క్షిప్రతాండవకారిణీ |
క్షిపాప్రణయనున్నాత్మప్రేరితాఖిలయోగినీ || 30 ||
క్షితిప్రతిష్ఠితారాధ్యా క్షితిదేవాదిపూజితా |
క్షితివృత్తిసుసంపన్నోపాసకప్రియదేవతా || 31 ||
ణేకారరూపిణీ నేత్రీ నేత్రాంతానుగ్రహప్రదా |
నేత్రసారస్వతోన్మేషా నేజితాఖిలసేవకా || 32 ||
ణేకారజ్యోతిరాభాసా నేత్రత్రయవిరాజితా |
నేత్రాంజనసవర్ణాంగీ నేత్రబిందూజ్జ్వలత్ప్రభా || 33 ||
ణేకారపర్వతేంద్రాగ్రసముద్యదమృతద్యుతిః |
నేత్రాతీతప్రకాశార్చిరశేషజనమోహినీ || 34 ||
ణేకారమూలమంత్రార్థరహస్యజ్ఞానదాయినీ |
ణేకారజపసుప్రీతా నేత్రానందస్వరూపిణీ || 35 ||
కాలీ కాలశవారూఢా కారుణ్యామృతసాగరా |
కాంతారపీఠసంస్థానా కాలభైరవపూజితా || 36 ||
కాశీకాశ్మీరకాంపిల్యకాంచీకైలాసవాసినీ |
కామాక్షీ కాలికా కాంతా కాష్ఠాంబరసుశోభనా || 37 ||
కాలహృన్నటనానందా కామాఖ్యాదిస్వరూపిణీ |
కావ్యామృతరసానందా కామకోటివిలాసినీ || 38 ||
లింగమూర్తిసుసంపృక్తా లిష్టాంగచంద్రశేఖరా |
లింపాకనాదసంతుష్టా లింగితాష్టకలేవరా || 39 ||
లికారమంత్రసంసిద్ధా లిగులాలనశాలినీ |
లిక్షామాత్రాణుసూక్ష్మాభా లింగిలింగప్రదీపినీ || 40 ||
లిఖితాక్షరవిన్యాసా లిప్తకాలాంగశోభనా |
లింగోపహితసూక్ష్మార్థద్యోతనజ్ఞానదాయినీ || 41 ||
లిపిలేఖ్యప్రమాణాదిలక్షితాత్మస్వరూపిణీ |
లికారాంచితమంత్రప్రజాపజీవనవర్ధనీ || 42 ||
లింగకేష్టాశషడ్వక్త్రప్రియసూనుమతల్లికా |
కేలిహాసప్రియస్వాంతా కేవలానందరూపిణీ || 43 ||
కేదారాదిస్థలావాసా కేకినర్తనలోలుపా |
కేనాద్యుపనిషత్సారా కేతుమాలాదివర్షపా || 44 ||
కేరలీయమతాంతస్థా కేంద్రబిందుత్వగోచరా |
కేనాత్యాద్యుజ్జ్వలక్రీడారసభావజ్ఞలాలసా || 45 ||
కేయూరనూపురస్థానమణిబంధాహిభూషితా |
కేనారమాలికాభూషా కేశవాదిసమర్చితా || 46 ||
కేశకాలాభ్రసౌందర్యా కేవలాత్మవిలాసినీ |
క్రీంకారభవనోద్యుక్తా క్రీంకారైకపరాయణా || 47 ||
క్రీంముక్తిదానమందారా క్రీంయోగినీవిలాసినీ |
క్రీంకారసమయాచారతత్పరప్రాణధారిణీ || 48 ||
క్రీంజపాసక్తహృద్దేశవాసినీ క్రీంమనోహరా |
క్రీంకారమంత్రాలంకారా క్రీంచతుర్వర్గదాయికా || 49 ||
క్రీంకౌలమార్గసంపన్నపురశ్చరణదోహదా |
క్రీంకారమంత్రకూపారోత్పన్నపీయూషశేవధిః || 50 ||
క్రీంకారాద్యంతహూంహ్రీంఫట్స్వాహాదిపరివర్తనీ |
క్రీంకారామృతమాధుర్యరసజ్ఞారసనాగ్రగా || 51 ||
క్రీంజాపదివ్యరాజీవభ్రమరీ క్రీంహుతాశనీ |
క్రీంకారహోమకుండాగ్నిజిహ్వాప్రత్యక్షరూపిణీ || 52 ||
క్రీంసంపుటార్చనాధారణానందస్వాంతలాసినీ |
క్రీంకారసుమనోగ్రంథమాలికాప్రియధారిణీ || 53 ||
క్రీంకారైకాక్షరీమంత్రస్వాధీనప్రాణవల్లభా |
క్రీంకారబీజసంధానజపధ్యానవశంవదా || 54 ||
క్రీంకారోజ్జృంభనాదాంతమంత్రమాత్రస్వతంత్రగా |
క్రీంకారోన్నతవిద్యాంగశాక్తాచారాభినందినీ || 55 ||
క్రీంరంధ్రగుహ్యభావజ్ఞయోగినీపరతంత్రగా |
క్రీంకాలీతారిణీసుందర్యాదివిద్యాస్వరూపిణీ || 56 ||
క్రీంకారపంచభూతాత్మప్రాపంచికకుటుంబినీ |
క్రీంకారోర్వ్యాదినిశ్శేషతత్త్వకూటవిజృంభిణీ || 57 ||
క్రీంకారమంత్రశక్తిప్రవిన్యస్తకృత్యపంచకా |
క్రీంనిర్వర్తితవిశ్వాండకల్పప్రళయసాక్షిణీ || 58 ||
క్రీంకారవిద్యుచ్ఛక్తిప్రణున్నసర్వజగత్క్రియా |
క్రీంకారమాత్రసత్యాదిసర్వలోకప్రచాలినీ || 59 ||
క్రీంకారయోగసంలీనదహరాకాశభాసినీ |
క్రీంసంలగ్నపరఃకోటిసంఖ్యామంత్రజపప్రియా || 60 ||
క్రీంకారబిందుషట్కోణనవకోణప్రతిష్ఠితా |
క్రీంకారవృత్తపద్మాష్టదలభూపురనిష్ఠితా || 61 ||
క్రీంకారజాపభక్తౌఘనిత్యనిస్సీమహర్షదా |
క్రీంత్రిపంచారచక్రస్థా క్రీంకాల్యుగ్రాదిసేవితా || 62 ||
క్రీంకారజాపహృద్వ్యోమచంద్రికా క్రీంకరాళికా |
క్రీంకారబ్రహ్మరంధ్రస్థబ్రహ్మజ్ఞేయస్వరూపిణీ || 63 ||
క్రీంబ్రాహ్మీనారసింహ్యాదియోగిన్యావృతసుందరీ |
క్రీంకారసాధకౌన్నత్యసామోదసిద్ధిదాయినీ || 64 ||
హూంకారతారా హూంబీజజపతత్పరమోక్షదా |
హూంత్రైవిద్యధరాంనాయాన్వీక్షిక్యాదిప్రదాయికా || 65 ||
హూంవిద్యాసాధనామాత్రచతుర్వర్గఫలప్రదా |
హూంజాపకత్రయస్త్రింశత్కోటిదేవప్రపూజితా || 66 ||
హూంకారబీజసంపన్నా హూంకారోత్తారణాంబికా |
హూంఫట్కారసుధామూర్తిర్హూంఫట్స్వాహాస్వరూపిణీ || 67 ||
హూంకారబీజగూఢాత్మవిజ్ఞానవైభవాంబికా |
హూంకారశ్రుతిశీర్షోక్తవేదాంతతత్త్వరూపిణీ || 68 ||
హూంకారబిందునాదాంతచంద్రార్ధవ్యాపికోన్మనీ |
హూంకారాజ్ఞాసహస్రారజాగ్రత్స్వప్నసుషుప్తిగా || 69 ||
హూంప్రాగ్దక్షిణపాశ్చాత్యోత్తరాన్వయచతుష్కగా |
హూంవహ్నిసూర్యసోమాఖ్యకుండలిన్యాత్తశక్తికా || 70 ||
హూంకారేచ్ఛాక్రియాజ్ఞానశక్తిత్రితయరూపిణీ |
హూంరసాస్థివసామాంసాసృఙ్మజ్జాశుక్రనిష్ఠితా || 71 ||
హూంకారవననీలాంశుమేఘనాదానులాసినీ |
హూంకారజపసానందపురశ్చరణకామదా || 72 ||
హూంకారకలనాకాలనైర్గుణ్యనిష్క్రియాత్మికా |
హూంకారబ్రహ్మవిద్యాదిగురూత్తమస్వరూపిణీ || 73 ||
హూంకారస్ఫోటనానందశబ్దబ్రహ్మస్వరూపిణీ |
హూంకారశాక్తతంత్రాదిపరమేష్ఠిగురూత్తమా || 74 ||
హూంకారవేదమంత్రోక్తమహావిద్యాప్రబోధినీ |
హూంకారస్థూలసూక్ష్మాత్పరబ్రహ్మస్వరూపిణీ || 75 ||
హూంకారనిర్గుణబ్రహ్మచిత్స్వరూపప్రకాశికా |
హూంనిర్వికారకాలాత్మా హూంశుద్ధసత్త్వభూమికా || 76 ||
హ్రీమష్టభైరవారాధ్యా హ్రీంబీజాదిమనుప్రియా |
హ్రీంజయాద్యంకపీఠాఖ్యశక్త్యారాధ్యపదాంబుజా || 77 ||
హ్రీంమహత్సింహధూంరాదిభైరవ్యర్చితపాదుకా |
హ్రీంజపాకరవీరార్కపుష్పహోమార్చనప్రియా || 78 ||
హ్రీంకారనైగమాకారా హ్రీంసర్వదేవరూపిణీ |
హ్రీంకూర్చకాలికాకూటవాక్ప్రసిద్ధిప్రదాయికా || 79 ||
హ్రీంకారబీజసంపన్నవిద్యారాజ్ఞీసమాధిగా |
హ్రీంకారసచ్చిదానందపరబ్రహ్మస్వరూపిణీ || 80 ||
హ్రీంహృల్లేఖాఖ్యమంత్రాత్మా హ్రీంకృష్ణరక్తమానినీ |
హ్రీంపిండకర్తరీబీజమాలాదిమంత్రరూపిణీ || 81 ||
హ్రీంనిర్వాణమయీ హ్రీంకారమహాకాలమోహినీ |
హ్రీంమతీ హ్రీంపరాహ్లాదా హ్రీం హ్రీంకారగుణావృతా || 82 ||
హ్రీమాదిసర్వమంత్రస్థా హ్రీంకారజ్వలితప్రభా |
హ్రీంకారోర్జితపూజేష్టా హ్రీంకారమాతృకాంబికా || 83 ||
హ్రీంకారధ్యానయోగేష్టా హ్రీంకారమంత్రవేగినీ |
హ్రీమాద్యంతవిహీనస్వరూపిణీ హ్రీంపరాత్పరా || 84 ||
హ్రీంభద్రాత్మజరోచిష్ణుహస్తాబ్జవరవర్ణినీ |
స్వాహాకారాత్తహోమేష్టా స్వాహా స్వాధీనవల్లభా || 85 ||
స్వాంతప్రసాదనైర్మల్యవరదానాభివర్షిణీ |
స్వాధిష్ఠానాదిపద్మస్థా స్వారాజ్యసిద్ధిదాయికా || 86 ||
స్వాధ్యాయతత్పరప్రీతా స్వామినీ స్వాదలోలుపా |
స్వాచ్ఛంద్యరమణక్లిన్నా స్వాద్వీఫలరసప్రియా || 87 ||
స్వాస్థ్యలీనజపప్రీతా స్వాతంత్ర్యచరితార్థకా |
స్వాదిష్ఠచషకాస్వాదప్రేమోల్లాసితమానసా || 88 ||
హాయనాద్యనిబద్ధాత్మా హాటకాద్రిప్రదాయినీ |
హారీకృతనృముండాలిర్హానివృద్ధ్యాదికారణా || 89 ||
హానదానాదిగాంభీర్యదాయినీ హారిరూపిణీ |
హారహారాదిమాధుర్యమదిరాపానలోలుపా || 90 ||
హాటకేశాదితీర్థస్థకాలకాలప్రియంకరీ |
హాహాహూహ్వాదిగంధర్వగానశ్రవణలాలసా || 91 ||
హారికంఠస్వరస్థాయ్యాలాపనాదిరసాత్మికా |
హార్దస్యందికటాక్షప్రపాలితోపాసకావలీ || 92 ||
హాలాహలాశనప్రేమఫలినీ హావశాలినీ |
హాసప్రకాశవదనాంభోరుహానందితాఖిలా || 93 ||
అథ ఫలశ్రుతిః –
విద్యారాజ్ఞీవర్ణమాలాక్రమకల్పితనామకం |
కాళీసాన్నిద్ధ్యసంపన్నం విద్యాగూఢార్థసంపుటం || 1 ||
ఏతద్యః పరయా భక్త్యా త్రిశతీస్తోత్రముత్తమం |
సర్వమంగళవిద్యాఖ్యం త్రిశతీసంఖ్యయా జపేత్ || 2 ||
విశ్వం కాలీమయం పశ్యన్ కాలోభావసమాహితః |
పూజాహోమజపధ్యానక్రమసంభృతసాధనః || 3 ||
గురువిద్యాకాళికాత్మతన్మయత్వపరిష్కృతః |
శుచిస్సౌశీల్యవాన్ యోగీ సమాధ్యానందతత్పరః || 4 ||
విద్యాతాదాత్ంయసంసిద్ధగుప్తతత్త్వజ్ఞమంత్రిణః |
తస్యాఽసాధ్యం క్వచిన్నాస్తి సర్వమంగళమాప్నుయాత్ || 5 ||
వర్ణగూఢార్థభావం యో ధ్యాయన్ మంత్రం జపేత్ సదా |
క్రీం స్వాహా దక్షిణే చైవ కాళికే కాళికాదళం || 6 ||
కాలభాగస్తు హూంకారో హ్రీంకాలకాలికాంశకః |
షట్కోణం నవకోణం చ కాళికాచక్రమీరితం || 7 ||
శేషం తు కాలచక్రం హి కాళీకాలమయం సమం |
గూఢం విజానతః కాళీ విహరేద్ధృది సర్వదా || 8 ||
సౌభాగ్యదాయినీ మాతా ప్రేమభక్తివశంవదా |
యోగినీమానసోల్లాసా శ్రీమహాకాలరంజనీ || 9 ||
శృంగారలోలాసంముగ్ధా లాలిత్యమత్తకాశినీ |
అసమానదయాశీలా భక్తలాలనలోలుపా || 10 ||
నైవ యచ్ఛేదభక్తాయ గోపనీయమిమం స్తవం |
యస్తు మోహవశాద్యచ్ఛేత్ పాపిష్ఠస్స భవేద్ధృవం || 11 ||
పారాయణాత్ ప్రేమభక్త్యా లభతే క్షేమముత్తమం |
కాళీమయః పుణ్యమూర్తిశ్చిరంజీవీ చ మోక్షభాక్ || 12 ||
ఇతి శ్రీకాళీతంత్రే శ్రీసర్వమంగళవిద్యా నామ శ్రీ దక్షిణకాళికా త్రిశతీ స్తోత్రం ||
.png){kind=avatar}
.png){kind=avatar}
.png){kind=avatar}
