NARASIMHA Stotras & Hymns - Read Sacred Verses

శ్రీ ఋణమోచన నృసింహ స్తోత్రం

శ్రీ ఋణమోచన నృసింహ స్తోత్రం.

Telugu

శ్రీ ఋణమోచన నృసింహ స్తోత్రం

ధ్యానం –
వాగీశా యస్య వదనే లక్ష్మీర్యస్య చ వక్షసి |
యస్యాస్తే హృదయే సంవిత్తం నృసింహమహం భజే ||
అథ స్తోత్రం –
దేవతాకార్యసిద్ధ్యర్థం సభాస్తంభసముద్భవం |
శ్రీనృసింహం మహావీరం నమామి ఋణముక్తయే || 1 ||
లక్ష్ంయాలింగిత వామాంకం భక్తానాం వరదాయకం |
శ్రీనృసింహం మహావీరం నమామి ఋణముక్తయే || 2 ||
ఆంత్రమాలాధరం శంఖచక్రాబ్జాయుధధారిణం |
శ్రీనృసింహం మహావీరం నమామి ఋణముక్తయే || 3 ||
స్మరణాత్ సర్వపాపఘ్నం కద్రూజవిషనాశనం |
శ్రీనృసింహం మహావీరం నమామి ఋణముక్తయే || 4 ||
సింహనాదేన మహతా దిగ్విదిగ్భయనాశనం | [దిగ్దంతి] శ్రీనృసింహం మహావీరం నమామి ఋణముక్తయే || 5 ||
ప్రహ్లాదవరద శ్రీశం దైత్యేశ్వరవిదారణం |
శ్రీనృసింహం మహావీరం నమామి ఋణముక్తయే || 6 ||
క్రూరగ్రహైః పీడితానాం భక్తానామభయప్రదం |
శ్రీనృసింహం మహావీరం నమామి ఋణముక్తయే || 7 ||
వేదవేదాంతయజ్ఞేశం బ్రహ్మరుద్రాదివందితం |
శ్రీనృసింహం మహావీరం నమామి ఋణముక్తయే || 8 ||
ఇత్థం యః పఠతే నిత్యం ఋణమోచన సిద్ధయే | [సంజ్ఞితం] అనృణో జాయతే శీఘ్రం ధనం విపులమాప్నుయాత్ || 9 ||
సర్వసిద్ధిప్రదం నృణాం సర్వైశ్వర్యప్రదాయకం |
తస్మాత్ సర్వప్రయత్నేన పఠేత్ స్తోత్రమిదం సదా || 10 ||
ఇతి శ్రీనృసింహపురాణే ఋణమోచన శ్రీ నృసింహ స్తోత్రం |

కామాసికాష్టకం

కామాసికాష్టకం.

Telugu

Read Stotra

కామాసికాష్టకం

శ్రుతీనాముత్తరం భాగం వేగవత్యాశ్చ దక్షిణం |
కామాదధివసన్ జీయాత్ కశ్చిదద్భుత కేసరీ || 1 ||
తపనేంద్వగ్నినయనః తాపానపచినోతు నః |
తాపనీయరహస్యానాం సారః కామాసికా హరిః || 2 ||
ఆకంఠమాదిపురుషం
కంఠీరవముపరి కుంఠితారాతిం |
వేగోపకంఠసంగాత్
విముక్తవైకుంఠబహుమతిముపాసే || 3 ||
బంధుమఖిలస్య జంతోః
బంధురపర్యంకబంధరమణీయం |
విషమవిలోచనమీడే
వేగవతీపుళినకేళినరసింహం || 4 ||
స్వస్థానేషు మరుద్గణాన్ నియమయన్ స్వాధీనసర్వేంద్రియః
పర్యంకస్థిరధారణా ప్రకటితప్రత్యఙ్ముఖావస్థితిః |
ప్రాయేణ ప్రణిపేదుషః ప్రభురసౌ యోగం నిజం శిక్షయన్
కామానాతనుతాదశేషజగతాం కామాసికా కేసరీ || 5 ||
వికస్వరనఖస్వరుక్షతహిరణ్యవక్షఃస్థలీ-
-నిరర్గలవినిర్గలద్రుధిరసింధుసంధ్యాయితాః |
అవంతు మదనాసికామనుజపంచవక్త్రస్య మాం
అహంప్రథమికామిథః ప్రకటితాహవా బాహవః || 6 ||
సటాపటలభీషణే సరభసాట్టహాసోద్భటే
స్ఫురత్ క్రుధిపరిస్ఫుట భ్రుకుటికేఽపి వక్త్రే కృతే |
కృపాకపటకేసరిన్ దనుజడింభదత్తస్తనా
సరోజసదృశా దృశా వ్యతివిషజ్య తే వ్యజ్యతే || 7 ||
త్వయి రక్షతి రక్షకైః కిమన్యై-
-స్త్వయి చారక్షతి రక్షకైః కిమన్యైః |
ఇతి నిశ్చితధీః శ్రయామి నిత్యం
నృహరే వేగవతీతటాశ్రయం త్వాం || 8 ||
ఇత్థం స్తుతః సకృదిహాష్టభిరేష పద్యైః
శ్రీవేంకటేశరచితైస్త్రిదశేంద్రవంద్యః |
దుర్దాంతఘోరదురితద్విరదేంద్రభేదీ
కామాసికానరహరిర్వితనోతు కామాన్ || 9 ||
ఇతి శ్రీవేదాంతదేశికకృతం కామాసికాష్టకం |

శ్రీ నరహర్యష్టకం

శ్రీ నరహర్యష్టకం.

Telugu

Read Stotra

శ్రీ నరహర్యష్టకం

యద్ధితం తవ భక్తానామస్మాకం నృహరే హరే |
తదాశు కార్యం కార్యజ్ఞ ప్రళయార్కాయుతప్రభ || 1 ||
రటత్సటోగ్ర భ్రుకుటీకఠోరకుటిలేక్షణ |
నృపంచాస్య జ్వలజ్జ్వాలోజ్జ్వలాస్యారీన్ హరే హర || 2 ||
ఉన్నద్ధకర్ణవిన్యాస వివృతానన భీషణ |
గతదూషణ మే శత్రూన్ హరే నరహరే హర || 3 ||
హరే శిఖిశిఖోద్భాస్వదురః క్రూరనఖోత్కర |
అరీన్ సంహర దంష్ట్రోగ్రస్ఫురజ్జిహ్వ నృసింహ మే || 4 ||
జఠరస్థ జగజ్జాల కరకోట్యుద్యతాయుధ |
కటికల్పతటిత్కల్పవసనారీన్ హరే హర || 5 ||
రక్షోధ్యక్షబృహద్వక్షోరూక్షకుక్షివిదారణ |
నరహర్యక్ష మే శత్రుపక్షకక్షం హరే దహ || 6 ||
విధిమారుతశర్వేంద్రపూర్వగీర్వాణపుంగవైః |
సదా నతాంఘ్రిద్వంద్వారీన్ నరసింహ హరే హర || 7 ||
భయంకరోర్వలంకార వరహుంకారగర్జిత |
హరే నరహరే శత్రూన్ మమ సంహర సంహర || 8 ||
వాదిరాజయతిప్రోక్తం నరహర్యష్టకం నవం |
పఠన్నృసింహకృపయా రిపూన్ సంహరతి క్షణాత్ || 9 ||
ఇతి శ్రీమద్వాదిరాజ పూజ్యచరణ విరచితం శ్రీ నరహర్యష్టకం |

శ్రీ నృసింహ సప్తకం

శ్రీ నృసింహ సప్తకం.

Telugu

Read Stotra

శ్రీ నృసింహ సప్తకం

అద్వైతవాస్తవమతేః ప్రణమజ్జనానాం
సంపాదనాయ ధృతమానవసింహరూపం |
ప్రహ్లాదపోషణరతం ప్రణతైకవశ్యం
దేవం ముదా కమపి నౌమి కృపాసముద్రం || 1 ||
నతజనవచనఋతత్వ-
-ప్రకాశకాలస్య దైర్ఘ్యమసహిష్ణుః |
ఆవిర్బభూవ తరసా
యః స్తంభాన్నౌమి తం మహావిష్ణుం || 2 ||
వక్షోవిదారణం య-
-శ్చక్రే హార్దం తమో హంతుం |
శత్రోరపి కరుణాబ్ధిం
నరహరివపుషం నమామి తం విష్ణుం || 3 ||
రిపుహృదయస్థితరాజస-
-గుణమేవాసృఙ్మిషేణ కరజాగ్రైః |
ధత్తే యస్తం వందే
ప్రహ్లాదపూర్వభాగ్యనిచయమహం || 4 ||
ప్రహ్లాదం ప్రణమజ్జన-
-పంక్తేః కుర్వంతి దివిషదో హ్యన్యే |
ప్రహ్లాదప్రహ్లాదం
చిత్రం కురుతే నమామి యస్తమహం || 5 ||
శరదిందుకుందధవలం
కరజప్రవిదారితాసురాధీశం |
చరణాంబుజరతవాక్యం
తరసైవ ఋతం ప్రకుర్వదహమీడే || 6 ||
ముఖేన రౌద్రో వపుషా చ సౌంయః
సన్కంచనార్థం ప్రకటీకరోషి |
భయస్య కర్తా భయహృత్త్వమేవే-
-త్యాఖ్యాప్రసిద్ధిర్యదసంశయాభూత్ || 7 ||
ఇతి శృంగేరి జగద్గురు శ్రీసచ్చిదానందశివాభినవనృసింహభారతీ స్వామిభిః విరచితం శ్రీ నృసింహ సప్తకం |

Sign In

OTP Verification

Sacred Stotras & Deities

శ్రీ ఋణమోచన నృసింహ స్తోత్రం

కామాసికాష్టకం

శ్రీ నరహర్యష్టకం

శ్రీ నృసింహ సప్తకం

MENU

LINKS

Astrologer Section

Vendor Section

GET ADVICE ON

Download Our Apps