Sacred Stotras & Deities

 శ్రీ దత్తాత్రేయ కరుణా త్రిపది (మరాఠీ)

శాంత హో శ్రీగురుదత్తా |
మమ చిత్తా శమవీ ఆతా ||
తూ కేవళ మాతా జనితా |
సర్వథా తూ హితకర్తా ||
తూ ఆప్త స్వజన భ్రాతా |
సర్వథా తూంచి త్రాతా ||
భయకర్తా తూ భయహర్తా |
దండధర్తా తూ పరిపాతా ||
తుజ వాచుని న దుజీ వార్తా |
తూ ఆర్తా ఆశ్రయ దత్తా || 1 ||
శాంత హో శ్రీగురుదత్తా |
మమ చిత్తా శమవీ ఆతా ||
అపరాధాస్తవ గురునాథా |
జరి దండా ధరిసీ యథార్థా ||
తరి ఆంహీ గాఉని గాథా |
తవ చరణీ నమవూం మాథా ||
తూ తథాపి దండిసీ దేవా |
కోణాచా మగ కరూం ధావా ||
సోడవితా దుసరా తేవ్హాం |
కోణ దత్తా ఆంహాం త్రాతా || 2 ||
శాంత హో శ్రీగురుదత్తా |
మమ చిత్తా శమవీ ఆతా ||
తూ నటసా హోఉని కోపీ |
దండితాహి ఆంహీ పాపీ ||
పునరపిహీ చుకత తథాపి |
ఆంహాంవరి న చ సంతాపీ ||
గచ్ఛతః స్ఖలనం క్వాపి |
అసేం మానుని నచ హో కోపీ ||
నిజకృపా లేశా ఓపీ |
ఆంహాంవరి తూ భగవంతా || 3 ||
శాంత హో శ్రీగురుదత్తా |
మమ చిత్తా శమవీ ఆతా ||
తవ పదరీం అసతా తాతా |
ఆడమార్గీ పాఊల పడతాం ||
సాంభాళుని మార్గావరతా |
ఆణితా న దూజా త్రాతా ||
నిజబిరుదా ఆణుని చిత్తా |
తూ పతితపావన దత్తా ||
వళే ఆతాం ఆంహాంవరతా |
కరుణాఘన తూ గురునాథా || 4 ||
శాంత హో శ్రీగురుదత్తా |
మమ చిత్తా శమవీ ఆతా ||
సహకుటుంబ సహపరివార |
దాస ఆంహీ హే ఘరదార ||
తవ పదీ అర్పు అసార |
సంసారాహిత హా భార ||
పరిహరిసీ కరుణాసింధో |
తూ దీనాదయాళ సుబంధో ||
ఆంహా అఘ లేశ న బాధో |
వాసుదేవ ప్రార్థిత దత్తా || 5 ||
శాంత హో శ్రీగురుదత్తా |
మమ చిత్తా శమవీ ఆతా ||
శ్రీగురుదత్తా జయ భగవంతా |
తే మన నిష్ఠుర న కరీ ఆతా ||
చోరేం ద్విజాసీ మారీతా మన జే |
కళవళలేం తే కళవళో ఆతా || 1 ||
శ్రీగురుదత్తా జయ భగవంతా |
తే మన నిష్ఠుర న కరీ ఆతా ||
పోటశుళానే ద్విజ తడఫడతా |
కళవళలేం తే కళవళో ఆతా || 2 ||
శ్రీగురుదత్తా జయ భగవంతా |
తే మన నిష్ఠుర న కరీ ఆతా ||
ద్విజసుత మరతా వళలే తే మన |
హో కీ ఉదాసీన న వళే ఆతా || 3 ||
శ్రీగురుదత్తా జయ భగవంతా |
తే మన నిష్ఠుర న కరీ ఆతా ||
సతిపతి మరతా కాకుళతీ యేతా |
వళలే తే మన న వళే కీ ఆతా || 4 ||
శ్రీగురుదత్తా జయ భగవంతా |
తే మన నిష్ఠుర న కరీ ఆతా ||
శ్రీగురుదత్తా త్యజి నిష్ఠురతా |
కోమల చిత్తా వళవీ ఆతా || 5 ||
శ్రీగురుదత్తా జయ భగవంతా |
తే మన నిష్ఠుర న కరీ ఆతా ||
జయ కరుణాఘన నిజజనజీవన |
అనసూయానందన పాహి జనార్దన ||
నిజ అపరాధే ఉఫరాటీ దృష్టీ |
హోఊని పోటీ భయ ధరూ పావన || 1 ||
జయ కరుణాఘన నిజజనజీవన |
అనసూయానందన పాహి జనార్దన ||
తూ కరుణాకర కధీ ఆంహావర |
రుసశీ న కింకర వరద కృపాఘన || 2 ||
జయ కరుణాఘన నిజజనజీవన |
అనసూయానందన పాహి జనార్దన ||
వారీ అపరాధ తూ మాయబాప |
తవ మనీ కోప లేశ న వామన || 3 ||
జయ కరుణాఘన నిజజనజీవన |
అనసూయానందన పాహి జనార్దన ||
బాలక అపరాధా గణే జరీ మాతా |
తరీ కోణ త్రాతా దేఈల జీవన || 4 ||
జయ కరుణాఘన నిజజనజీవన |
అనసూయానందన పాహి జనార్దన ||
ప్రార్థీ వాసుదేవ పదీ ఠేవీ భావ |
పదీ దేవో ఠావ దేవ అత్రినందన || 5 ||
జయ కరుణాఘన నిజజనజీవన |
అనసూయానందన పాహి జనార్దన ||

 శ్రీ దత్తాత్రేయ అష్టచక్రబీజ స్తోత్రం

మూలాధారే వారిజపత్రే చతురస్రం
వం శం షం సం వర్ణవిశాలైః సువిశాలైః |
రక్తం వర్ణం శ్రీగణనాథం భగవంతం
దత్తాత్రేయం శ్రీగురుమూర్తిం ప్రణతోఽస్మి || 1 ||
స్వాధిష్ఠానే షడ్దళపత్రే తనులింగే
బాలాం తావద్వర్ణవిశాలైః సువిశాలైః |
పీతం వర్ణం వాక్పతిరూపం ద్రుహిణం తం
దత్తాత్రేయం శ్రీగురుమూర్తిం ప్రణతోఽస్మి || 2 ||
నాభౌపద్మే పత్రదశాబ్దే డ ఫ వర్ణే
లక్ష్మీకాంతం గరుడారూఢం నరవీరం |
నీలం వర్ణం నిర్గుణరూపం నిగమాంతం
దత్తాత్రేయం శ్రీగురుమూర్తిం ప్రణతోఽస్మి || 3 ||
హృత్పద్మాంతే ద్వాదశపత్రే క ఠ వర్ణే
సాంబం శైవం హంసవిశేషం శమయంతం |
సర్గస్థిత్యంతం కుర్వంతం శివశక్తిం
దత్తాత్రేయం శ్రీగురుమూర్తిం ప్రణతోఽస్మి || 4 ||
కంఠస్థానే చక్రవిశుద్ధే కమలాంతే
చంద్రాకారే షోడశపత్రే స్వరవర్ణే |
మాయాధీశం బీజశివం తం నిజరూపం
దత్తాత్రేయం శ్రీగురుమూర్తిం ప్రణతోఽస్మి || 5 ||
ఆజ్ఞాచక్రే భృకుటిస్థానే ద్విదలాంతే
హం క్షం బీజం జ్ఞానసముద్రం గురుమూర్తిం |
విద్యుద్వర్ణం జ్ఞానమయం తం నిటిలాక్షం
దత్తాత్రేయం శ్రీగురుమూర్తిం ప్రణతోఽస్మి || 6 ||
మూర్ధ్నిస్థానే వారిజపత్రే శశిబీజే
శుభ్రం వర్ణం పద్మసహస్రం సువిశాలం |
హం బీజాఖ్యం వర్ణసహస్రం తురీయాంతం
దత్తాత్రేయం శ్రీగురుమూర్తిం ప్రణతోఽస్మి || 7 ||
బ్రహ్మానందం బ్రహ్మముకుందం భగవంతం
బ్రహ్మజ్ఞానం సత్యమనంతం భవరూపం |
పూర్ణం చిద్ఘనపంచమఖండం శివరూపం
దత్తాత్రేయం శ్రీగురుమూర్తిం ప్రణతోఽస్మి || 8 ||
శాంతాకారం శేషశయానం సురవంద్యం
కాంతానాథం కోమలగాత్రం కమలాక్షం |
చింతారత్నం చిద్ఘనపూర్ణం ద్విజరాజం
దత్తాత్రేయం శ్రీగురుమూర్తిం ప్రణతోఽస్మి || 9 ||
ఇతి శ్రీమచ్ఛంకరాచార్యవిరచితం అజపాజపస్తోత్రం నామ శ్రీ దత్తాత్రేయ అష్టచక్రబీజ స్తోత్రం |

శ్రీ దత్తాత్రేయ కవచం

శ్రీపాదః పాతు మే పాదౌ ఊరూ సిద్ధాసనస్థితః |
పాయాద్దిగంబరో గుహ్యం నృహరిః పాతు మే కటిం || 1 ||
నాభిం పాతు జగత్స్రష్టోదరం పాతు దలోదరః |
కృపాళుః పాతు హృదయం షడ్భుజః పాతు మే భుజౌ || 2 ||
స్రక్కుండీ శూలడమరుశంఖచక్రధరః కరాన్ |
పాతు కంఠం కంబుకంఠః సుముఖః పాతు మే ముఖం || 3 ||
జిహ్వాం మే వేదవాక్పాతు నేత్రం మే పాతు దివ్యదృక్ |
నాసికాం పాతు గంధాత్మా పాతు పుణ్యశ్రవాః శ్రుతీ || 4 ||
లలాటం పాతు హంసాత్మా శిరః పాతు జటాధరః |
కర్మేంద్రియాణి పాత్వీశః పాతు జ్ఞానేంద్రియాణ్యజః || 5 ||
సర్వాంతరోంతఃకరణం ప్రాణాన్మే పాతు యోగిరాట్ |
ఉపరిష్టాదధస్తాచ్చ పృష్ఠతః పార్శ్వతోఽగ్రతః || 6 ||
అంతర్బహిశ్చ మాం నిత్యం నానారూపధరోఽవతు |
వర్జితం కవచేనాన్యాత్ స్థానం మే దివ్యదర్శనః || 7 ||
రాజతః శత్రుతో హింసాత్ దుష్ప్రయోగాదితో మతః |
ఆధివ్యాధిభయార్తిభ్యో దత్తాత్రేయః సదాఽవతు || 8 ||
ధనధాన్యగృహక్షేత్రస్త్రీపుత్రపశుకింకరాన్ |
జ్ఞాతీంశ్చ పాతు మే నిత్యమనసూయానందవర్ధనః || 9 ||
బాలోన్మత్త పిశాచాభో ద్యునిట్ సంధిషు పాతు మాం |
భూతభౌతికమృత్యుభ్యో హరిః పాతు దిగంబరః || 10 ||
య ఏతద్దత్తకవచం సన్నహ్యాత్ భక్తిభావితః |
సర్వానర్థవినిర్ముక్తో గ్రహపీడావివర్జితః || 11 ||
భూతప్రేతపిశాచాద్యైః దేవైరప్యపరాజితః |
భుక్త్వాత్ర దివ్యాన్ భోగాన్ సః దేహాఽంతే తత్పదం వ్రజేత్ || 12 ||
ఇతి శ్రీవాసుదేవానందసరస్వతీ విరచితం శ్రీ దత్తాత్రేయ కవచం |

శ్రీ దత్తాత్రేయ చతుర్దశనామ స్తోత్రం

వరదః కార్తవీర్యాదిరాజరాజ్యప్రదోఽనఘః |
విశ్వశ్లాఘ్యోఽమితాచారో దత్తాత్రేయో మునీశ్వరః || 1 ||
పరాశక్తిపదాశ్లిష్టో యోగానందః సదోన్మదః |
సమస్తవైరితేజోహృత్ పరమామృతసాగరః || 2 ||
అనసూయాగర్భరత్నం భోగమోక్షసుఖప్రదః |
నామాన్యేతాని దేవస్య చతుర్దశ జగద్గురోః |
హరేః దత్తాభిధానస్య జప్తవ్యాని దినే దినే || 3 ||
ఇతి శ్రీ దత్తాత్రేయ చతుర్దశనామ స్తోత్రం |

శ్రీ దత్తాత్రేయ చిన్మయాష్టకం

దత్తాత్రేయం ప్రియదైవతం సర్వాత్మకం విశ్వంభరం |
కరుణార్ణవం విపదాహరం చిన్మయం ప్రణమాంయహం || 1 ||
బాలరూపం హాస్యవదనం శంఖచక్రయుతం ప్రభుం |
ధేనుసహితం త్రిశూలపాణిం చిన్మయం ప్రణమాంయహం || 2 ||
షడ్భుజం స్తవనప్రియం త్రిగుణాత్మకం భవతారకం |
శివకారకం సురవందితం చిన్మయం ప్రణమాంయహం || 3 ||
ప్రణవగాయనతోషితం ప్రణవపద్మైః పూజితం |
ప్రణవాత్మకం పరమేశ్వరం చిన్మయం ప్రణమాంయహం || 4 ||
కోటిభాస్కరసదృశం తేజస్వినం తేజోమయం |
సద్గురుం గురూణాం గురుం చిన్మయం ప్రణమాంయహం || 5 ||
విశ్వనాటకచాలకం జ్ఞానగంయం నిర్గుణం |
భక్తకారణసంభూతం చిన్మయం ప్రణమాంయహం || 6 ||
బాలయోగిధ్యానమగ్నం త్రివిధతాపనివారకం |
దీననాథం సిద్ధిదం చిన్మయం ప్రణమాంయహం || 7 ||
జనకజననీబంధుసుహృదాః ఆప్తసర్వాస్త్వం మమ |
ఏహి ఏహి స్మర్తృగామిన్ చిన్మయ ప్రకటీ భవ || 8 ||
ఇతి శ్రీ దత్తాత్రేయ చిన్మయాష్టకం ||

 శ్రీ దత్తాత్రేయ ద్వాదశనామ స్తోత్రం

అస్య శ్రీదత్తాత్రేయ ద్వాదశనామ స్తోత్రమంత్రస్య పరమహంస ఋషిః శ్రీదత్తాత్రేయ పరమాత్మా దేవతా అనుష్టుప్ఛందః సకలకామనాసిద్ధ్యర్థే జపే వినియోగః |
ప్రథమస్తు మహాయోగీ ద్వితీయః ప్రభురీశ్వరః |
తృతీయశ్చ త్రిమూర్తిశ్చ చతుర్థో జ్ఞానసాగరః || 1 ||
పంచమో జ్ఞానవిజ్ఞానం షష్ఠస్యాత్ సర్వమంగలం |
సప్తమో పుండరీకాక్షో అష్టమో దేవవల్లభః || 2 ||
నవమో నందదేవేశో దశమో నందదాయకః |
ఏకాదశో మహారుద్రో ద్వాదశో కరుణాకరః || 3 ||
ఏతాని ద్వాదశనామాని దత్తాత్రేయ మహాత్మనః |
మంత్రరాజేతి విఖ్యాతం దత్తాత్రేయ హరః పరః || 4 ||
క్షయోపస్మార కుష్ఠాది తాపజ్వరనివారణం |
రాజద్వారే పదే ఘోరే సంగ్రామేషు జలాంతరే || 5 ||
గిరే గుహాంతరేఽరణ్యే వ్యాఘ్రచోరభయాదిషు |
ఆవర్తనే సహస్రేషు లభతే వాంఛితం ఫలం || 6 ||
త్రికాలే యః పఠేన్నిత్యం మోక్షసిద్ధిమవాప్నుయాత్ |
దత్తాత్రేయ సదా రక్షేత్ యదా సత్యం న సంశయః || 7 ||
విద్యార్థీ లభతే విద్యాం రోగీ రోగాత్ ప్రముచ్యతే |
అపుత్రో లభతే పుత్రం దరిద్రో లభతే ధనం || 8 ||
అభార్యో లభతే భార్యాం సుఖార్థీ లభతే సుఖం |
ముచ్యతే సర్వపాపేభ్యో సర్వత్ర విజయీ భవేత్ || 9 ||
ఇతి శ్రీ దత్తాత్రేయ ద్వాదశనామ స్తోత్రం |

 శ్రీ దత్తాత్రేయ ద్వాదశనామావళిః

ఓం మహాయోగినే నమః |
ఓం ప్రభురీశ్వరాయ నమః |
ఓం త్రిమూర్తయే నమః |
ఓం జ్ఞానసాగరాయ నమః |
ఓం జ్ఞానవిజ్ఞానాయ నమః |
ఓం సర్వమంగళాయ నమః | 6
ఓం పుండరీకాక్షాయ నమః |
ఓం దేవవల్లభాయ నమః |
ఓం నందదేవేశాయ నమః |
ఓం నందదాయకాయ నమః |
ఓం మహారుద్రాయ నమః |
ఓం కరుణాకరాయ నమః | 12
ఇతి శ్రీ దత్తాత్రేయ ద్వాదశనామావళిః |

శ్రీ దత్తాత్రేయ ప్రాతః స్మరణ స్తోత్రం

ప్రాతః స్మరామి కరుణావరుణాలయం తం
శ్రీదత్తమార్తవరదం వరదండహస్తం |
సంతం నిజార్తిశమనం దమనం వినీత
స్వాంతర్గతాఖిలమలం విమలం ప్రశాంతం || 1 ||
ప్రాతర్భజామి భజదిష్టవరప్రదం తం
దత్తం ప్రసాదసదనం వరహీరదం తం |
కాంతం ముదాఽత్రితనయం భవమోక్షహేతుం
సేతుం వృషస్య పరమం జగదాదిహేతుం || 2 ||
ప్రాతర్నమామి ప్రయతోఽనసూయాః
పుత్రం స్వమిత్రం యమితోఽనసూయాః |
భూయాంస ఆప్తాస్తమిహార్తబంధుం
కారుణ్యసింధుం ప్రణమామి భక్త్యా || 3 ||
లోకత్రయగురోర్యస్తు శ్లోకత్రయమిదం పఠేత్ |
శ్రీదత్తాత్రేయ దేవస్య తస్య సంసారభీః కుతః || 4 ||
ఇతి శ్రీమత్పరమహంస పరివ్రాజకాచార్య శ్రీవాసుదేవానందసరస్వతీ విరచితం శ్రీ దత్తాత్రేయ ప్రాతః స్మరణ స్తోత్రం |

శ్రీ దత్తాత్రేయ ప్రార్థనా స్తోత్రం

సమస్తదోషశోషణం స్వభక్తచిత్తతోషణం
నిజాశ్రితప్రపోషణం యతీశ్వరాగ్ర్యభూషణం |
త్రయీశిరోవిభూషణం ప్రదర్శితార్థదూషణం
భజేఽత్రిజం గతైషణం విభుం విభూతిభూషణం || 1 ||
సమస్తలోకకారణం సమస్తజీవధారణం
సమస్తదుష్టమారణం కుబుద్ధిశక్తిజారణం |
భజద్భయాద్రిదారణం భజత్కుకర్మవారణం
హరిం స్వభక్తతారణం నమామి సాధుచారణం || 2 ||
నమాంయహం ముదాస్పదం నివారితాఖిలాపదం
సమస్తదుఃఖతాపదం మునీంద్రవంద్య తే పదం |
యదంచితాంతరా మదం విహాయ నిత్యసంమదం
ప్రయాంతి నైవ తే భిదం ముహుర్భజంతి చావిదం || 3 ||
ప్రసీద సర్వచేతనే ప్రసీద బుద్ధిచేతనే
స్వభక్తహృన్నికేతనే సదాంబ దుఃఖశాతనే |
త్వమేవ మే ప్రసూర్మతా త్వమేవ మే ప్రభో పితా
త్వమేవ మేఽఖిలేహితార్థదోఽఖిలార్తితోఽవితా || 4 ||
ఇతి శ్రీమద్వాసుదేవానందసరస్వతీ విరచితం శ్రీ దత్తాత్రేయ ప్రార్థనా స్తోత్రం |

శ్రీ దత్తాత్రేయ పంజర స్తోత్రం

అస్య శ్రీదత్తాత్రేయ పంజర మహామంత్రస్య శబరరూప మహారుద్ర ఋషిః, అనుష్టుప్ఛందః, శ్రీదత్తాత్రేయో దేవతా, ఆం బీజం, హ్రీం శక్తిః, క్రోం కీలకం, శ్రీదత్తాత్రేయ ప్రసాదసిద్ధ్యర్థే జపే వినియోగః | ద్రామిత్యాది న్యాసః కుర్యాత్ ||
ధ్యానం –
వ్యాఖ్యాముద్రాం కరసరసిజే దక్షిణేసందధానో
జానున్యస్తాపరకరసరోజాత్తవేత్రోన్నతాంసః |
ధ్యానాత్ సుఖపరవశాదర్ధమామీలితాక్షో
దత్తాత్రేయో భసిత ధవలః పాతు నః కృత్తివాసాః ||
అథ మంత్రః –
ఓం నమో భగవతే దత్తాత్రేయాయ, మహాగంభీరాయ, వైకుంఠవాసాయ, శంఖ చక్ర గదా త్రిశూలధారిణే, వేణునాదాయ, దుష్టసంహారకాయ, శిష్టపరిపాలకాయ, నారాయణాస్త్రధారిణే, చిద్రూపాయ, ప్రజ్ఞానబ్రహ్మమహావాక్యాయ, సకలకర్మనిర్మితాయ, సచ్చిదానందాయ, సకలలోకసంచారణాయ, సకలదేవతావశీకరణాయ, సకలలోకవశీకరణాయ, సకలభోగవశీకరణాయ, లక్ష్మీఐశ్వర్యసంపత్కరాయ, మహామాతృ పితృ పుత్రాది రక్షణాయ, గుడోదక కలశపూజాయ, అష్టదళపద్మపీఠాయ, బిందుమధ్యే లక్ష్మీనివాసాయ, ఓం ఓం ఓం ఓం ఓం ఓం ఓం ఓం అష్టదళబంధనాయ, హ్రీం హ్రీం హ్రీం హ్రీం చతుష్కోణబంధనాయ, హ్రాం హ్రాం హ్రాం హ్రాం చతుర్ద్వారబంధనాయ, ఋగ్యజుఃసామాథర్వణ ప్రణవ సమేతాయ, ఉదాత్తానుదాత్తస్వరిత ప్రవచనాయ, గాయత్రీ సావిత్రీ సరస్వతీ దేవతాయ, అవధూతాశ్రమాయ, ఆజపా గాయత్రీ సమేతాయ, సకలసంపత్కరాయ, పరమంత్ర పరతంత్ర పరతంత్రోచ్చాటనాయ, ఆత్మమంత్ర ఆత్మయంత్ర ఆత్మతంత్ర సంరక్షణాయ, సదోచిత సకలమత స్థాపితాయ, సద్గురు దత్తాత్రేయాయ హుం ఫట్ స్వాహా |
ఇతి శ్రీ దత్తాత్రేయ పంజర స్తోత్రం |

శ్రీ దత్తాత్రేయ మంత్రాత్మక శ్లోకాః

అనసూయాత్రిసంభూతో దత్తాత్రేయో దిగంబరః |
స్మర్తృగామీ స్వభక్తానాముద్ధర్తా భవ సంకటాత్ || 1 ||
దరిద్రవిప్రగేహే యః శాకం భుక్త్వోత్తమశ్రియం |
దదౌ శ్రీదత్తదేవః స దారిద్ర్యాచ్ఛ్రీప్రదోఽవతు || 2 ||
దూరీకృత్య పిశాచార్తిం జీవయిత్వా మృతం సుతం |
యోఽభూదభీష్టదః పాతు స నః సంతానవృద్ధికృత్ || 3 ||
జీవయామాస భర్తారం మృతం సత్యా హి మృత్యుహా |
మృత్యుంజయః స యోగీంద్రః సౌభాగ్యం మే ప్రయచ్ఛతు || 4 ||
అత్రేరాత్మప్రదానేన యో ముక్తో భగవాన్ ఋణాత్ |
దత్తాత్రేయం తమీశానం నమామి ఋణముక్తయే || 5 ||
జపేచ్ఛ్లోకమిమం దేవపిత్రర్షిపున్నృణాపహం |
సోఽనృణో దత్తకృపయా పరంబ్రహ్మాధిగచ్ఛతి || 6 ||
అత్రిపుత్రో మహాతేజో దత్తాత్రేయో మహామునిః |
తస్య స్మరణమాత్రేణ సర్వపాపైః ప్రముచ్యతే || 7 ||
నమస్తే భగవన్ దేవ దత్తాత్రేయ జగత్ప్రభో |
సర్వబాధాప్రశమనం కురు శాంతిం ప్రయచ్ఛ మే || 8 ||
అనసూయాసుత శ్రీశ జనపాతకనాశన |
దిగంబర నమో నిత్యం తుభ్యం మే వరదో భవ || 9 ||
శ్రీవిష్ణోరవతారోఽయం దత్తాత్రేయో దిగంబరః |
మాలాకమండలూచ్ఛూలడమరూశంఖచక్రధృక్ || 10 ||
నమస్తే శారదే దేవి సరస్వతి మతిప్రదే |
వస త్వం మమ జిహ్వాగ్రే సర్వవిద్యాప్రదా భవ || 11 ||
దత్తాత్రేయం ప్రపద్యే శరణమనుదినం దీనబంధుం ముకుందం
నైర్గుణ్యే సన్నివిష్టం పథి పరమపదం బోధయంతం మునీనాం |
భస్మాభ్యంగం జటాభిః సులలితముకుటం దిక్పటం దివ్యరూపం
సహ్యాద్రౌ నిత్యవాసం ప్రముదితమమలం సద్గురుం చారుశీలం || 12 ||
ఇతి శ్రీమత్పరమహంస పరివ్రాజకాచార్య శ్రీవాసుదేవానందసరస్వతీ విరచితం శ్రీ దత్తాత్రేయ మంత్రాత్మక శ్లోకాః |

శ్రీ దత్తాత్రేయ వజ్రకవచం

ఋషయః ఊచుః |
కథం సంకల్పసిద్ధిః స్యాద్వేదవ్యాస కలౌ యుగే |
ధర్మార్థకామమోక్షాణాం సాధనం కిముదాహృతం || 1 ||
వ్యాస ఉవాచ |
శృణ్వంతు ఋషయః సర్వే శీఘ్రం సంకల్పసాధనం |
సకృదుచ్చారమాత్రేణ భోగమోక్షప్రదాయకం || 2 ||
గౌరీశృంగే హిమవతః కల్పవృక్షోపశోభితం |
దీప్తే దివ్యమహారత్న హేమమండపమధ్యగం || 3 ||
రత్నసింహాసనాసీనం ప్రసన్నం పరమేశ్వరం |
మందస్మితముఖాంభోజం శంకరం ప్రాహ పార్వతీ || 4 ||
శ్రీదేవ్యువాచ |
దేవదేవ మహాదేవ లోకశంకర శంకర |
మంత్రజాలాని సర్వాణి యంత్రజాలాని కృత్స్నశః || 5 ||
తంత్రజాలాన్యనేకాని మయా త్వత్తః శ్రుతాని వై |
ఇదానీం ద్రష్టుమిచ్ఛామి విశేషేణ మహీతలం || 6 ||
ఇత్యుదీరితమాకర్ణ్య పార్వత్యా పరమేశ్వరః |
కరేణామృజ్య సంతోషాత్ పార్వతీం ప్రత్యభాషత || 7 ||
మయేదానీం త్వయా సార్ధం వృషమారుహ్య గంయతే |
ఇత్యుక్త్వా వృషమారుహ్య పార్వత్యా సహ శంకరః || 8 ||
యయౌ భూమండలం ద్రష్టుం గౌర్యాశ్చిత్రాణి దర్శయన్ |
క్వచిద్వింధ్యాచలప్రాంతే మహారణ్యే సుదుర్గమే || 9 ||
తత్ర వ్యాహర్తుమాయాంతం భిల్లం పరశుధారిణం |
వధ్యమానం మహావ్యాఘ్రం నఖదంష్ట్రాభిరావృతం || 10 ||
అతీవ చిత్రచారిత్ర్యం వజ్రకాయసమాయుతం |
అప్రయత్నమనాయాసమఖిన్నం సుఖమాస్థితం || 11 ||
పలాయంతం మృగం పశ్చాద్వ్యాఘ్రో భీత్యా పలాయితః |
ఏతదాశ్చర్యమాలోక్య పార్వతీ ప్రాహ శంకరం || 12 ||
శ్రీపార్వత్యువాచ |
కిమాశ్చర్యం కిమాశ్చర్యమగ్రే శంభో నిరీక్ష్యతాం |
ఇత్యుక్తః స తతః శంభుర్దృష్ట్వా ప్రాహ పురాణవిత్ || 13 ||
శ్రీశంకర ఉవాచ |
గౌరి వక్ష్యామి తే చిత్రమవాఙ్మానసగోచరం |
అదృష్టపూర్వమస్మాభిర్నాస్తి కించిన్న కుత్రచిత్ || 14 ||
మయా సంయక్ సమాసేన వక్ష్యతే శృణు పార్వతి |
అయం దూరశ్రవా నామ భిల్లః పరమధార్మికః || 15 ||
సమిత్కుశప్రసూనాని కందమూలఫలాదికం |
ప్రత్యహం విపినం గత్వా సమాదాయ ప్రయాసతః || 16 ||
ప్రియే పూర్వం మునీంద్రేభ్యః ప్రయచ్ఛతి న వాంఛతి |
తేఽపి తస్మిన్నపి దయాం కుర్వతే సర్వమౌనినః || 17 ||
దలాదనో మహాయోగీ వసన్నేవ నిజాశ్రమే |
కదాచిదస్మరత్ సిద్ధం దత్తాత్రేయం దిగంబరం || 18 ||
దత్తాత్రేయః స్మర్తృగామీ చేతిహాసం పరీక్షితుం |
తత్‍క్షణాత్ సోఽపి యోగీంద్రో దత్తాత్రేయః సముత్థితః || 19 ||
తం దృష్ట్వాఽఽశ్చర్యతోషాభ్యాం దలాదనమహామునిః |
సంపూజ్యాగ్రే నిషీదంతం దత్తాత్రేయమువాచ తం || 20 ||
మయోపహూతః సంప్రాప్తో దత్తాత్రేయ మహామునే |
స్మర్తృగామీ త్వమిత్యేతత్ కిం వదంతీం పరీక్షితుం || 21 ||
మయాద్య సంస్మృతోఽసి త్వమపరాధం క్షమస్వ మే |
దత్తాత్రేయో మునిం ప్రాహ మమ ప్రకృతిరీదృశీ || 22 ||
అభక్త్యా వా సుభక్త్యా వా యః స్మరేన్నామనన్యధీః |
తదానీం తముపాగంయ దదామి తదభీప్సితం || 23 ||
దత్తాత్రేయో మునిం ప్రాహ దలాదనమునీశ్వరం |
యదిష్టం తద్వృణీష్వ త్వం యత్ ప్రాప్తోఽహం త్వయా స్మృతః || 24 ||
దత్తాత్రేయం మునిం ప్రాహ మయా కిమపి నోచ్యతే |
త్వచ్చిత్తే యత్ స్థితం తన్మే ప్రయచ్ఛ మునిపుంగవ || 25 ||
శ్రీదత్తాత్రేయ ఉవాచ |
మమాస్తి వజ్రకవచం గృహాణేత్యవదన్మునిం |
తథేత్యంగీకృతవతే దలాదమునయే మునిః || 26 ||
స్వవజ్రకవచం ప్రాహ ఋషిచ్ఛందః పురః సరం |
న్యాసం ధ్యానం ఫలం తత్ర ప్రయోజనమశేషతః || 27 ||
అస్య శ్రీదత్తాత్రేయ వజ్రకవచ స్తోత్రమంత్రస్య, కిరాతరూపీ మహారుద్రఋషిః, అనుష్టుప్ ఛందః, శ్రీదత్తాత్రేయో దేవతా, ద్రాం బీజం, ఆం శక్తిః, క్రౌం కీలకం, ఓం ఆత్మనే నమః, ఓం ద్రీం మనసే నమః, ఓం ఆం ద్రీం శ్రీం సౌః ఓం క్లాం క్లీం క్లూం క్లైం క్లౌం క్లః, శ్రీ దత్తాత్రేయ ప్రసాద సిద్ధ్యర్థే జపే వినియోగః ||
కరన్యాసః –
ఓం ద్రాం అంగుష్ఠాభ్యాం నమః |
ఓం ద్రీం తర్జనీభ్యాం నమః |
ఓం ద్రూం మధ్యమాభ్యాం నమః |
ఓం ద్రైం అనామికాభ్యాం నమః |
ఓం ద్రౌం కనిష్ఠికాభ్యాం నమః |
ఓం ద్రః కరతలకరపృష్ఠాభ్యాం నమః |
హృదయాదిన్యాసః –
ఓం ద్రాం హృదయాయ నమః |
ఓం ద్రీం శిరసే స్వాహా |
ఓం ద్రూం శిఖాయై వషట్ |
ఓం ద్రైం కవచాయ హుం |
ఓం ద్రౌం నేత్రత్రయాయ వౌషట్ |
ఓం ద్రః అస్త్రాయ ఫట్ |
ఓం భూర్భువః సువరోమితి దిగ్బంధః |
ధ్యానం |
జగదంకురకందాయ సచ్చిదానందమూర్తయే |
దత్తాత్రేయాయ యోగీంద్రచంద్రాయ పరమాత్మనే || 1 ||
కదా యోగీ కదా భోగీ కదా నగ్నః పిశాచవత్ |
దత్తాత్రేయో హరిః సాక్షాద్భుక్తిముక్తిప్రదాయకః || 2 ||
వారాణసీపురస్నాయీ కొల్హాపురజపాదరః |
మాహురీపురభీక్షాశీ సహ్యశాయీ దిగంబరః || 3 ||
ఇంద్రనీలసమాకారశ్చంద్రకాంతిసమద్యుతిః |
వైడూర్యసదృశస్ఫూర్తిశ్చలత్కించిజ్జటాధరః || 4 ||
స్నిగ్ధధావల్యయుక్తాక్షోఽత్యంతనీలకనీనికః |
భ్రూవక్షఃశ్మశ్రునీలాంకః శశాంకసదృశాననః || 5 ||
హాసనిర్జితనీహారః కంఠనిర్జితకంబుకః |
మాంసలాంసో దీర్ఘబాహుః పాణినిర్జితపల్లవః || 6 ||
విశాలపీనవక్షాశ్చ తాంరపాణిర్దలోదరః |
పృథులశ్రోణిలలితో విశాలజఘనస్థలః || 7 ||
రంభాస్తంభోపమానోరుర్జానుపూర్వైకజంఘకః |
గూఢగుల్ఫః కూర్మపృష్ఠో లసత్పాదోపరిస్థలః || 8 ||
రక్తారవిందసదృశరమణీయపదాధరః |
చర్మాంబరధరో యోగీ స్మర్తృగామీ క్షణే క్షణే || 9 ||
జ్ఞానోపదేశనిరతో విపద్ధరణదీక్షితః |
సిద్ధాసనసమాసీన ఋజుకాయో హసన్ముఖః || 10 ||
వామహస్తేన వరదో దక్షిణేనాభయంకరః |
బాలోన్మత్తపిశాచీభిః క్వచిద్యుక్తః పరీక్షితః || 11 ||
త్యాగీ భోగీ మహాయోగీ నిత్యానందో నిరంజనః |
సర్వరూపీ సర్వదాతా సర్వగః సర్వకామదః || 12 ||
భస్మోద్ధూళితసర్వాంగో మహాపాతకనాశనః |
భుక్తిప్రదో ముక్తిదాతా జీవన్ముక్తో న సంశయః || 13 ||
ఏవం ధ్యాత్వాఽనన్యచిత్తో మద్వజ్రకవచం పఠేత్ |
మామేవ పశ్యన్ సర్వత్ర స మయా సహ సంచరేత్ || 14 ||
దిగంబరం భస్మసుగంధలేపనం
చక్రం త్రిశూలం డమరుం గదాయుధం |
పద్మాసనం యోగిమునీంద్రవందితం
దత్తేతి నామస్మరణేన నిత్యం || 15 ||
పంచోపచారపూజా –
ఓం లం పృథివీతత్త్వాత్మనే శ్రీదత్తాత్రేయాయ నమః గంధం పరికల్పయామి |
ఓం హం ఆకాశతత్త్వాత్మనే శ్రీదత్తాత్రేయాయ నమః పుష్పం పరికల్పయామి |
ఓం యం వాయుతత్త్వాత్మనే శ్రీదత్తాత్రేయాయ నమః ధూపం పరికల్పయామి |
ఓం రం వహ్నితత్త్వాత్మనే శ్రీదత్తాత్రేయాయ నమః దీపం పరికల్పయామి |
ఓం వం అమృతతత్త్వాత్మనే శ్రీదత్తాత్రేయాయ నమః అమృతనైవేద్యం పరికల్పయామి |
ఓం సం సర్వతత్త్వాత్మనే శ్రీదత్తాత్రేయాయ నమః సర్వోపచారాన్ పరికల్పయామి |
(ఓం ద్రాం ఇతి అష్టోత్తరశతవారం (108) జపేత్)
అథ వజ్రకవచం |
దత్తాత్రేయః శిరః పాతు సహస్రాబ్జేషు సంస్థితః |
భాలం పాత్వానసూయేయశ్చంద్రమండలమధ్యగః || 1 ||
కూర్చం మనోమయః పాతు హం క్షం ద్విదలపద్మభూః |
జ్యోతీరూపోఽక్షిణీ పాతు పాతు శబ్దాత్మకః శ్రుతీ || 2 ||
నాసికాం పాతు గంధాత్మా ముఖం పాతు రసాత్మకః |
జిహ్వాం వేదాత్మకః పాతు దంతోష్ఠౌ పాతు ధార్మికః || 3 ||
కపోలావత్రిభూః పాతు పాత్వశేషం మమాత్మవిత్ |
స్వరాత్మా షోడశారాబ్జస్థితః స్వాత్మాఽవతాద్గలం || 4 ||
స్కంధౌ చంద్రానుజః పాతు భుజౌ పాతు కృతాదిభూః |
జత్రుణీ శత్రుజిత్ పాతు పాతు వక్షఃస్థలం హరిః || 5 ||
కాదిఠాంతద్వాదశారపద్మగో మరుదాత్మకః |
యోగీశ్వరేశ్వరః పాతు హృదయం హృదయస్థితః || 6 ||
పార్శ్వే హరిః పార్శ్వవర్తీ పాతు పార్శ్వస్థితః స్మృతః |
హఠయోగాదియోగజ్ఞః కుక్షిం పాతు కృపానిధిః || 7 ||
డకారాది ఫకారాంత దశారసరసీరుహే |
నాభిస్థలే వర్తమానో నాభిం వహ్న్యాత్మకోఽవతు || 8 ||
వహ్నితత్త్వమయో యోగీ రక్షతాన్మణిపూరకం |
కటిం కటిస్థబ్రహ్మాండవాసుదేవాత్మకోఽవతు || 9 ||
వకారాది లకారాంత షట్పత్రాంబుజబోధకః |
జలతత్త్వమయో యోగీ స్వాధిష్ఠానం మమావతు || 10 ||
సిద్ధాసనసమాసీన ఊరూ సిద్ధేశ్వరోఽవతు |
వాదిసాంతచతుష్పత్రసరోరుహనిబోధకః || 11 ||
మూలాధారం మహీరూపో రక్షతాద్వీర్యనిగ్రహీ |
పృష్ఠం చ సర్వతః పాతు జానున్యస్తకరాంబుజః || 12 ||
జంఘే పాత్వవధూతేంద్రః పాత్వంఘ్రీ తీర్థపావనః |
సర్వాంగం పాతు సర్వాత్మా రోమాణ్యవతు కేశవః || 13 ||
చర్మ చర్మాంబరః పాతు రక్తం భక్తిప్రియోఽవతు |
మాంసం మాంసకరః పాతు మజ్జాం మజ్జాత్మకోఽవతు || 14 ||
అస్థీని స్థిరధీః పాయాన్మేధాం వేధాః ప్రపాలయేత్ |
శుక్రం సుఖకరః పాతు చిత్తం పాతు దృఢాకృతిః || 15 ||
మనోబుద్ధిమహంకారం హృషీకేశాత్మకోఽవతు |
కర్మేంద్రియాణి పాత్వీశః పాతు జ్ఞానేంద్రియాణ్యజః || 16 ||
బంధూన్ బంధూత్తమః పాయాచ్ఛత్రుభ్యః పాతు శత్రుజిత్ |
గృహారామధనక్షేత్రపుత్రాదీన్ శంకరోఽవతు || 17 ||
భార్యాం ప్రకృతివిత్ పాతు పశ్వాదీన్ పాతు శార్‍ఙ్గభృత్ |
ప్రాణాన్ పాతు ప్రధానజ్ఞో భక్ష్యాదీన్ పాతు భాస్కరః || 18 ||
సుఖం చంద్రాత్మకః పాతు దుఃఖాత్ పాతు పురాంతకః |
పశూన్ పశుపతిః పాతు భూతిం భూతేశ్వరో మమ || 19 ||
ప్రాచ్యాం విషహరః పాతు పాత్వాగ్నేయ్యాం మఖాత్మకః |
యాంయాం ధర్మాత్మకః పాతు నైరృత్యాం సర్వవైరిహృత్ || 20 ||
వరాహః పాతు వారుణ్యాం వాయవ్యాం ప్రాణదోఽవతు |
కౌబేర్యాం ధనదః పాతు పాత్వైశాన్యాం మహాగురుః || 21 ||
ఊర్ధ్వం పాతు మహాసిద్ధః పాత్వధస్తాజ్జటాధరః |
రక్షాహీనం తు యత్ స్థానం రక్షత్వాదిమునీశ్వరః || 22 ||
కరన్యాసః –
ఓం ద్రాం అంగుష్ఠాభ్యాం నమః |
ఓం ద్రీం తర్జనీభ్యాం నమః |
ఓం ద్రూం మధ్యమాభ్యాం నమః |
ఓం ద్రైం అనామికాభ్యాం నమః |
ఓం ద్రౌం కనిష్ఠికాభ్యాం నమః |
ఓం ద్రః కరతలకరపృష్ఠాభ్యాం నమః |
హృదయాదిన్యాసః –
ఓం ద్రాం హృదయాయ నమః |
ఓం ద్రీం శిరసే స్వాహా |
ఓం ద్రూం శిఖాయై వషట్ |
ఓం ద్రైం కవచాయ హుం |
ఓం ద్రౌం నేత్రత్రయాయ వౌషట్ |
ఓం ద్రః అస్త్రాయ ఫట్ |
ఓం భూర్భువః సువరోమితి దిగ్విమోకః |
అథ ఫలశృతిః |
ఏతన్మే వజ్రకవచం యః పఠేచ్ఛృణుయాదపి |
వజ్రకాయశ్చిరంజీవీ దత్తాత్రేయోఽహమబ్రువం || 23 ||
త్యాగీ భోగీ మహాయోగీ సుఖదుఃఖవివర్జితః |
సర్వత్ర సిద్ధసంకల్పో జీవన్ముక్తోఽద్య వర్తతే || 24 ||
ఇత్యుక్త్వాంతర్దధే యోగీ దత్తాత్రేయో దిగంబరః |
దలాదనోఽపి తజ్జప్త్వా జీవన్ముక్తః స వర్తతే || 25 ||
భిల్లో దూరశ్రవా నామ తదానీం శ్రుతవానిదం |
సకృచ్ఛ్రవణమాత్రేణ వజ్రాంగోఽభవదప్యసౌ || 26 ||
ఇత్యేతద్వజ్రకవచం దత్తాత్రేయస్య యోగినః |
శ్రుత్వాశేషం శంభుముఖాత్ పునరప్యాహ పార్వతీ || 27 ||
శ్రీపార్వత్యువాచ |
ఏతత్ కవచ మాహాత్ంయం వద విస్తరతో మమ |
కుత్ర కేన కదా జాప్యం కిం యజ్జాప్యం కథం కథం || 28 ||
ఉవాచ శంభుస్తత్సర్వం పార్వత్యా వినయోదితం |
శ్రీపరమేశ్వర ఉవాచ |
శృణు పార్వతి వక్ష్యామి సమాహితమనావిలం || 29 ||
ధర్మార్థకామమోక్షాణామిదమేవ పరాయణం |
హస్త్యశ్వరథపాదాతి సర్వైశ్వర్యప్రదాయకం || 30 ||
పుత్రమిత్రకళత్రాది సర్వసంతోషసాధనం |
వేదశాస్త్రాదివిద్యానాం నిధానం పరమం హి తత్ || 31 ||
సంగీత శాస్త్ర సాహిత్య సత్కవిత్వ విధాయకం |
బుద్ధి విద్యా స్మృతి ప్రజ్ఞా మతి ప్రౌఢిప్రదాయకం || 32 ||
సర్వసంతోషకరణం సర్వదుఃఖనివారణం |
శత్రుసంహారకం శీఘ్రం యశఃకీర్తివివర్ధనం || 33 ||
అష్టసంఖ్యా మహారోగాః సన్నిపాతాస్త్రయోదశ |
షణ్ణవత్యక్షిరోగాశ్చ వింశతిర్మేహరోగకాః || 34 ||
అష్టాదశ తు కుష్ఠాని గుల్మాన్యష్టవిధాన్యపి |
అశీతిర్వాతరోగాశ్చ చత్వారింశత్తు పైత్తికాః || 35 ||
వింశతి శ్లేష్మరోగాశ్చ క్షయచాతుర్థికాదయః |
మంత్రయంత్రకుయోగాద్యాః కల్పతంత్రాదినిర్మితాః || 36 ||
బ్రహ్మరాక్షసవేతాలకూష్మాండాది గ్రహోద్భవాః |
సంగజా దేశకాలస్థాస్తాపత్రయసముత్థితాః || 37 ||
నవగ్రహసముద్భూతా మహాపాతకసంభవాః |
సర్వే రోగాః ప్రణశ్యంతి సహస్రావర్తనాద్ధ్రువం || 38 ||
అయుతావృత్తిమాత్రేణ వంధ్యా పుత్రవతీ భవేత్ |
అయుతద్వితయావృత్త్యా హ్యపమృత్యుజయో భవేత్ || 39 ||
అయుతత్రితయాచ్చైవ ఖేచరత్వం ప్రజాయతే |
సహస్రాయుతదర్వాక్ సర్వకార్యాణి సాధయేత్ || 40 ||
లక్షావృత్త్యా కార్యసిద్ధిర్భవత్యేవ న సంశయః || 41 || [సర్వ] విషవృక్షస్య మూలేషు తిష్ఠన్ వై దక్షిణాముఖః |
కురుతే మాసమాత్రేణ వైరిణం వికలేంద్రియం || 42 ||
ఔదుంబరతరోర్మూలే వృద్ధికామేన జాప్యతే |
శ్రీవృక్షమూలే శ్రీకామీ తింత్రిణీ శాంతికర్మణి || 43 ||
ఓజస్కామోఽశ్వత్థమూలే స్త్రీకామః సహకారకే |
జ్ఞానార్థీ తులసీమూలే గర్భగేహే సుతార్థిభిః || 44 ||
ధనార్థిభిస్తు సుక్షేత్రే పశుకామైస్తు గోష్ఠకే |
దేవాలయే సర్వకామైస్తత్కాలే సర్వదర్శితం || 45 ||
నాభిమాత్రజలే స్థిత్వా భానుమాలోక్య యో జపేత్ |
యుద్ధే వా శాస్త్రవాదే వా సహస్రేణ జయో భవేత్ || 46 ||
కంఠమాత్రే జలే స్థిత్వా యో రాత్రౌ కవచం పఠేత్ |
జ్వరాపస్మారకుష్ఠాది తాపజ్వరనివారణం || 47 ||
యత్ర యత్ స్యాత్ స్థిరం యద్యత్ ప్రసన్నం తన్నివర్తతే |
తేన తత్ర హి జప్తవ్యం తతః సిద్ధిర్భవేద్ధ్రువం || 48 ||
ఇత్యుక్తవాన్ శివో గౌర్యై రహస్యం పరమం శుభం |
యః పఠేత్ వజ్రకవచం దత్తాత్రేయ సమో భవేత్ || 49 ||
ఏవం శివేన కథితం హిమవత్సుతాయై
ప్రోక్తం దలాదమునయేఽత్రిసుతేన పూర్వం |
యః కోఽపి వజ్రకవచం పఠతీహ లోకే
దత్తోపమశ్చరతి యోగివరశ్చిరాయుః || 50 ||
ఇతి శ్రీరుద్రయామలే హిమవత్ఖండే ఉమామహేశ్వరసంవాదే శ్రీ దత్తాత్రేయ వజ్రకవచ స్తోత్రం ||