Dathatreya Stotras & Hymns - Read Sacred Verses

శ్రీ అనఘదేవ అష్టోత్తరశతనామ స్తోత్రం

శ్రీ అనఘదేవ అష్టోత్తరశతనామ స్తోత్రం.

Telugu

శ్రీ అనఘదేవ అష్టోత్తరశతనామ స్తోత్రం

దత్తాత్రేయాయాఽనఘాయ త్రివిధాఘవిదారిణే |
లక్ష్మీరూపాఽనఘేశాయ యోగాధీశాయ తే నమః || 1 ||
ద్రాంబీజధ్యానగంయాయ విజ్ఞేయాయ నమో నమః |
గర్భాదితారణాయాఽస్తు దత్తాత్రేయాయ తే నమః || 2 ||
బీజస్థవటతుల్యాయ చైకార్ణమనుగామినే |
షడర్ణమనుపాలాయ యోగసంపత్కరాయ తే || 3 ||
అష్టార్ణమనుగంయాయ పూర్ణాఽఽనందవపుష్మతే |
ద్వాదశాక్షరమంత్రస్థాయాఽఽత్మసాయుజ్యదాయినే || 4 ||
షోడశార్ణమనుస్థాయ సచ్చిదానందశాలినే |
దత్తాత్రేయాయ హరయే కృష్ణాయాఽస్తు నమో నమః || 5 ||
ఉన్మత్తాయాఽఽనందదాయకాయ తేఽస్తు నమో నమః |
దిగంబరాయ మునయే బాలాయాఽస్తు నమో నమః || 6 ||
పిశాచాయ చ తే జ్ఞానసాగరాయ చ తే నమః |
ఆబ్రహ్మజన్మదోషౌఘప్రణాశాయ నమో నమః || 7 ||
సర్వోపకారిణే మోక్షదాయినే తే నమో నమః |
ఓంరూపిణే భగవతే దత్తాత్రేయాయ తే నమః || 8 ||
స్మృతిమాత్రసుతుష్టాయ మహాభయనివారిణే |
మహాజ్ఞానప్రదాయాఽస్తు చిదానందాఽఽత్మనే నమః || 9 ||
బాలోన్మత్తపిశాచాదివేషాయ చ నమో నమః |
నమో మహాయోగినే చాప్యవధూతాయ తే నమః || 10 ||
అనసూయాఽఽనందదాయ చాఽత్రిపుత్రాయ తే నమః |
సర్వకామఫలానీకప్రదాత్రే తే నమో నమః || 11 ||
ప్రణవాక్షరవేద్యాయ భవబంధవిమోచినే |
హ్రీంబీజాక్షరపారాయ సర్వైశ్వర్యప్రదాయినే || 12 ||
క్రోంబీజజపతుష్టాయ సాధ్యాకర్షణదాయినే |
సౌర్బీజప్రీతమనసే మనఃసంక్షోభహారిణే || 13 ||
ఐంబీజపరితుష్టాయ వాక్ప్రదాయ నమో నమః |
క్లీంబీజసముపాస్యాయ త్రిజగద్వశ్యకారిణే || 14 ||
శ్రీముపాసనతుష్టాయ మహాసంపత్ప్రదాయ చ |
గ్లౌమక్షరసువేద్యాయ భూసాంరాజ్యప్రదాయినే || 15 ||
ద్రాంబీజాక్షరవాసాయ మహతే చిరజీవినే |
నానాబీజాక్షరోపాస్య నానాశక్తియుజే నమః || 16 ||
సమస్తగుణసంపన్నాయాఽంతఃశత్రువిదాహినే |
భూతగ్రహోచ్చాటనాయ సర్వవ్యాధిహరాయ చ || 17 ||
పరాభిచారశమనాయాఽఽధివ్యాధినివారిణే |
దుఃఖత్రయహరాయాఽస్తు దారిద్ర్యద్రావిణే నమః || 18 ||
దేహదార్ఢ్యాభిపోషాయ చిత్తసంతోషకారిణే |
సర్వమంత్రస్వరూపాయ సర్వయంత్రస్వరూపిణే || 19 ||
సర్వతంత్రాఽఽత్మకాయాఽస్తు సర్వపల్లవరూపిణే |
శివాయోపనిషద్వేద్యాయాఽస్తు దత్తాయ తే నమః || 20 ||
నమో భగవతే తేఽస్తు దత్తాత్రేయాయ తే నమః |
మహాగంభీరరూపాయ వైకుంఠవాసినే నమః || 21 ||
శంఖచక్రగదాశూలధారిణే వేణునాదినే |
దుష్టసంహారకాయాఽథ శిష్టసంపాలకాయ చ || 22 ||
నారాయణాయాఽస్త్రధరాయాఽస్తు చిద్రూపిణే నమః |
ప్రజ్ఞారూపాయ చాఽఽనందరూపిణే బ్రహ్మరూపిణే || 23 ||
మహావాక్యప్రబోధాయ తత్త్వాయాఽస్తు నమో నమః |
నమః సకలకర్మౌఘనిర్మితాయ నమో నమః || 24 ||
నమస్తే సచ్చిదానందరూపాయ చ నమో నమః |
నమః సకలలోకౌఘసంచారాయ నమో నమః || 25 ||
నమః సకలదేవౌఘవశీకృతికరాయ చ |
కుటుంబవృద్ధిదాయాఽస్తు గుడపానకతోషిణే || 26 ||
పంచకర్జాయ సుప్రీతాయాఽస్తు కందఫలాదినే |
నమః సద్గురవే శ్రీమద్దత్తాత్రేయాయ తే నమః || 27 ||
ఇత్యేవమనఘేశస్య దత్తాత్రేయస్య సద్గురోః |
వేదాంతప్రతిపాద్యస్య నాంనామష్టోత్తరం శతం || 28 ||
ఇతి శ్రీ అనఘదేవ అష్టోత్తరశతనామ స్తోత్రం |

శ్రీ అనఘదేవాష్టోత్తరశతనామావళిః

శ్రీ అనఘదేవాష్టోత్తరశతనామావళిః.

Telugu

Read Stotra

శ్రీ అనఘదేవాష్టోత్తరశతనామావళిః

శ్రీ అనఘాదేవి అష్టోత్తరశతనామ స్తోత్రం

శ్రీ అనఘాదేవి అష్టోత్తరశతనామ స్తోత్రం.

Telugu

Read Stotra

శ్రీ అనఘాదేవి అష్టోత్తరశతనామ స్తోత్రం

అనఘాయై మహాదేవ్యై మహాలక్ష్ంయై నమో నమః |
అనఘస్వామిపత్న్యై చ యోగేశాయై నమో నమః || 1 ||
త్రివిధాఘవిదారిణ్యై త్రిగుణాయై నమో నమః |
అష్టపుత్రకుటుంబిన్యై సిద్ధసేవ్యపదే నమః || 2 ||
ఆత్రేయగృహదీపాయై వినీతాయై నమో నమః |
అనసూయాప్రీతిదాయై మనోజ్ఞాయై నమో నమః || 3 ||
యోగశక్తిస్వరూపిణ్యై యోగాతీతహృదే నమః |
భర్తృశుశ్రూషణోత్కాయై మతిమత్యై నమో నమః || 4 ||
తాపసీవేషధారిణ్యై తాపత్రయనుదే నమః |
చిత్రాసనోపవిష్టాయై పద్మాసనయుజే నమః || 5 ||
రత్నాంగుళీయకలసత్పదాంగుళ్యై నమో నమః |
పద్మగర్భోపమానాంఘ్రితలాయై చ నమో నమః || 6 ||
హరిద్రాంచత్ప్రపాదాయై మంజీరకలజత్రవే |
శుచివల్కలధారిణ్యై కాంచీదామయుజే నమః || 7 ||
గలేమాంగళ్యసూత్రాయై గ్రైవేయాళీధృతే నమః |
క్వణత్కంకణయుక్తాయై పుష్పాలంకృతయే నమః || 8 ||
అభీతిముద్రాహస్తాయై లీలాంభోజధృతే నమః |
తాటంకయుగదీప్రాయై నానారత్నసుదీప్తయే || 9 ||
ధ్యానస్థిరాక్ష్యై ఫాలాంచత్తిలకాయై నమో నమః |
మూర్ధాబద్ధజటారాజత్సుమదామాళయే నమః || 10 ||
భర్త్రాజ్ఞాపాలనాయై చ నానావేషధృతే నమః |
పంచపర్వాన్వితాఽవిద్యారూపికాయై నమో నమః || 11 ||
సర్వావరణశీలాయై స్వబలాఽఽవృతవేధసే |
విష్ణుపత్న్యై వేదమాత్రే స్వచ్ఛశంఖధృతే నమః || 12 ||
మందహాసమనోజ్ఞాయై మంత్రతత్త్వవిదే నమః |
దత్తపార్శ్వనివాసాయై రేణుకేష్టకృతే నమః || 13 ||
ముఖనిఃసృతశంపాఽఽభత్రయీదీప్త్యై నమో నమః |
విధాతృవేదసంధాత్ర్యై సృష్టిశక్త్యై నమో నమః || 14 ||
శాంతిలక్ష్మై గాయికాయై బ్రాహ్మణ్యై చ నమో నమః |
యోగచర్యారతాయై చ నర్తికాయై నమో నమః || 15 ||
దత్తవామాంకసంస్థాయై జగదిష్టకృతే నమః |
శూభాయై చారుసర్వాంగ్యై చంద్రాస్యాయై నమో నమః || 16 ||
దుర్మానసక్షోభకర్యై సాధుహృచ్ఛాంతయే నమః |
సర్వాంతఃసంస్థితాయై చ సర్వాంతర్గతయే నమః || 17 ||
పాదస్థితాయై పద్మాయై గృహదాయై నమో నమః |
సక్థిస్థితాయై సద్రత్నవస్త్రదాయై నమో నమః || 18 ||
గుహ్యస్థానస్థితాయై చ పత్నీదాయై నమో నమః |
క్రోడస్థాయై పుత్రదాయై వంశవృద్ధికృతే నమః || 19 ||
హృద్గతాయై సర్వకామపూరణాయై నమో నమః |
కంఠస్థితాయై హారాదిభూషాదాత్ర్యై నమో నమః || 20 ||
ప్రవాసిబంధుసంయోగదాయికాయై నమో నమః |
మిష్టాన్నదాయై వాక్ఛక్తిదాయై బ్రాహ్ంయై నమో నమః || 21 ||
ఆజ్ఞాబలప్రదాత్ర్యై చ సర్వైశ్వర్యకృతే నమః |
ముఖస్థితాయై కవితాశక్తిదాయై నమో నమః || 22 ||
శిరోగతాయై నిర్దాహకర్యై రౌద్ర్యై నమో నమః |
జంభాసురవిదాహిన్యై జంభవంశహృతే నమః || 23 ||
దత్తాంకసంస్థితాయై చ వైష్ణవ్యై చ నమో నమః |
ఇంద్రరాజ్యప్రదాయిన్యై దేవప్రీతికృతే నమః || 24 ||
నహుషాఽఽత్మజదాత్ర్యై చ లోకమాత్రే నమో నమః |
ధర్మకీర్తిసుబోధిన్యై శాస్త్రమాత్రే నమో నమః || 25 ||
భార్గవక్షిప్రతుష్టాయై కాలత్రయవిదే నమః |
కార్తవీర్యవ్రతప్రీతమతయే శుచయే నమః || 26 ||
కార్తవీర్యప్రసన్నాయై సర్వసిద్ధికృతే నమః |
ఇత్యేవమనఘాదేవ్యా దత్తపత్న్యా మనోహరం |
వేదంతప్రతిపాద్యాయా నాంనామష్టోత్తరం శతం || 27 ||
ఇతి శ్రీ అనఘాదేవి అష్టోత్తరశతనామ స్తోత్రం |

శ్రీ అనఘాదేవి అష్టోత్తరశతనామావళిః

శ్రీ అనఘాదేవి అష్టోత్తరశతనామావళిః.

Telugu

Read Stotra

శ్రీ అనఘాదేవి అష్టోత్తరశతనామావళిః

శ్రీ కార్తవీర్యార్జున అష్టోత్తరశతనామావళిః

శ్రీ కార్తవీర్యార్జున అష్టోత్తరశతనామావళిః.

Telugu

Read Stotra

శ్రీ కార్తవీర్యార్జున అష్టోత్తరశతనామావళిః

దకారాది శ్రీ దత్త సహస్రనామ స్తోత్రం

దకారాది శ్రీ దత్త సహస్రనామ స్తోత్రం.

Telugu

Read Stotra

దకారాది శ్రీ దత్త సహస్రనామ స్తోత్రం

ఓం దత్తాత్రేయో దయాపూర్ణో దత్తో దత్తకధర్మకృత్ |
దత్తాభయో దత్తధైర్యో దత్తారామో దరార్దనః || 1 ||
దవో దవఘ్నో దకదో దకపో దకదాధిపః |
దకవాసీ దకధరో దకశాయీ దకప్రియః || 2 ||
దత్తాత్మా దత్తసర్వస్వో దత్తభద్రో దయాఘనః |
దర్పకో దర్పకరుచిర్దర్పకాతిశయాకృతిః || 3 ||
దర్పకీ దర్పకకలాభిజ్ఞో దర్పకపూజితః |
దర్పకోనో దర్పకోక్షవేగహృద్దర్పకార్దనః || 4 ||
దర్పకాక్షీడ్ దర్పకాక్షీపూజితో దర్పకాధిభూః |
దర్పకోపరమో దర్పమాలీ దర్పకదర్పకః || 5 ||
దర్పహా దర్పదో దర్పత్యాగీ దర్పాతిగో దమీ |
దర్భధృగ్దర్భకృద్దర్భీ దర్భస్థో దర్భపీఠగః || 6 ||
దనుప్రియో దనుస్తుత్యో దనుజాత్మజమోహహృత్ |
దనుజఘ్నో దనుజజిద్దనుజశ్రీవిభంజనః || 7 ||
దమో దమీడ్ దమకరో దమివంద్యో దమిప్రియః |
దమాదియోగవిద్దంయో దంయలీలో దమాత్మకః || 8 ||
దమార్థీ దమసంపన్నలభ్యో దమనపూజితః |
దమదో దమసంభావ్యో దమమూలో దమీష్టదః || 9 ||
దమితో దమితాక్షశ్చ దమితేంద్రియవల్లభః |
దమూనా దమునాభశ్చ దమదేవో దమాలయః || 10 ||
దయాకరో దయామూలో దయావశ్యో దయావ్రతః |
దయావాన్ దయనీయేశో దయితో దయితప్రియః || 11 ||
దయనీయానసూయాభూర్దయనీయాత్రినందనః |
దయనీయప్రియకరో దయాత్మా చ దయానిధిః || 12 ||
దయార్ద్రో దయితాశ్వత్థో దయాశ్లిష్టో దయాఘనః |
దయావిష్టో దయాభీష్టో దయాప్తో దయనీయదృక్ || 13 ||
దయావృతో దయాపూర్ణో దయాయుక్తాంతరస్థితః |
దయాలుర్దయనీయేక్షో దయాసింధుర్దయోదయః || 14 ||
దరద్రావితవాతశ్చ దరద్రావితభాస్కరః |
దరద్రావితవహ్నిశ్చ దరద్రావితవాసవః || 15 ||
దరద్రావితమృత్యుశ్చ దరద్రావితచంద్రమాః |
దరద్రావితభూతౌఘో దరద్రావితదైవతః || 16 ||
దరాస్త్రధృగ్దరదరో దరాక్షో దరహేతుకః |
దరదూరో దరాతీతో దరమూలో దరప్రియః || 17 ||
దరవాద్యో దరదవో దరధృగ్దరవల్లభః |
దక్షిణావర్తదరపో దరోదస్నానతత్పరః || 18 ||
దరప్రియో దస్రవంద్యో దస్రేష్టో దస్రదైవతః |
దరకంఠో దరాభశ్చ దరహంతా దరానుగః || 19 ||
దరరావద్రావితారిర్దరరావార్దితాసురః |
దరరావమహామంత్రో దరరావార్పితధీర్దరీట్ || 20 ||
దరధృగ్దరవాసీ చ దరశాయీ దరాసనః |
దరకృద్దరహృచ్చాపి దరగర్భో దరాతిగః || 21 ||
దరిద్రపో దరిద్రీ చ దరిద్రజనశేవధిః |
దరీచరో దరీసంస్థో దరీక్రీడో దరీప్రియః || 22 ||
దరీలభ్యో దరీదేవో దరీకేతనహృత్స్థితిః |
దరార్తిహృద్దలనకృద్దలప్రీతిర్దలోదరః || 23 ||
దలాదర్ష్యనుగ్రాహీ చ దలాదనసుపూజితః |
దలాదగీతమహిమా దలాదలహరీప్రియః || 24 ||
దలాశనో దలచతుష్టయచక్రగతో దలీ |
ద్విత్ర్యస్రపద్మగతివిద్దశాస్రాజ్జీవభేదకః || 25 ||
ద్విషడ్దలాబ్జభేత్తా చ ద్వ్యష్టాస్రాబ్జవిభేదకః |
ద్విదలస్థో దశశతపత్రపద్మగతిప్రదః || 26 ||
ద్వ్యక్షరావృత్తికృద్ద్వ్యక్షో దశాస్యవరదర్పహా |
దవప్రియో దవచరో దవశాయీ దవాలయః || 27 ||
దవీయాన్ దవవక్త్రశ్చ దవిష్ఠాయనపారకృత్ |
దవమాలీ దవదవో దవదోషనిశాతనః || 28 ||
దవసాక్షీ దవత్రాణో దవారామో దవస్థగః |
దశహేతుర్దశాతీతో దశాధారో దశాకృతిః || 29 ||
దశషడ్బంధసంవిద్ధో దశషడ్బంధభేదనః |
దశాప్రదో దశాభిజ్ఞో దశాసాక్షీ దశాహరః || 30 ||
దశాయుధో దశమహావిద్యార్చ్యో దశపంచదృక్ |
దశలక్షణలక్ష్యాత్మా దశషడ్వాక్యలక్షితః || 31 ||
దర్దురవ్రాతవిహితధ్వనిజ్ఞాపితవృష్టికః |
దశపాలో దశబలో దశేంద్రియవిహారకృత్ || 32 ||
దశేంద్రియగణాధ్యక్షో దశేంద్రియదృగూర్ధ్వగః |
దశైకగుణగంయశ్చ దశేంద్రియమలాపహా || 33 ||
దశేంద్రియప్రేరకశ్చ దశేంద్రియనిబోధనః |
దశైకమామమేయశ్చ దశైకగుణచాలకః || 34 ||
దశభూర్దర్శనాభిజ్ఞో దర్శనాదర్శితాత్మకః |
దశాశ్వమేధతీర్థేష్టో దశాస్యరథచాలకః || 35 ||
దశాస్యగర్వహర్తా చ దశాస్యపురభంజనః |
దశాస్యకులవిధ్వంసీ దశాస్యానుజపూజితః || 36 ||
దర్శనప్రీతిదో దర్శయజనో దర్శనాదరః |
దర్శనీయో దశబలపక్షభిచ్చ దశార్తిహా || 37 ||
దశాతిగో దశాశాపో దశగ్రంథవిశారదః |
దశప్రాణవిహారీ చ దశప్రాణగతిర్దృశిః || 38 ||
దశాంగులాధికాత్మా చ దాశార్హో దశషట్సుభుక్ |
దశప్రాగాద్యంగులీకకరనంరద్విడంతకః || 39 ||
దశబ్రాహ్మణభేదజ్ఞో దశబ్రాహ్మణభేదకృత్ |
దశబ్రాహ్మణసంపూజ్యో దశనార్తినివారణః || 40 ||
దోషజ్ఞో దోషదో దోషాధిపబంధుర్ద్విషద్ధరః |
దోషైకదృక్పక్షఘాతీ దష్టసర్పార్తిశామకః || 41 ||
దధిక్రాశ్చ దధిక్రావగామీ దధ్యఙ్మునీష్టదః |
దధిప్రియో దధిస్నాతో దధిపో దధిసింధుగః || 42 ||
దధిభో దధిలిప్తాంగో దధ్యక్షతవిభూషణః |
దధిద్రప్సప్రియో దభ్రవేద్యవిజ్ఞాతవిగ్రహః || 43 ||
దహనో దహనాధారో దహరో దహరాలయః |
దహ్రదృగ్దహరాకాశో దహరాచ్ఛాదనాంతకః || 44 ||
దగ్ధభ్రమో దగ్ధకామో దగ్ధార్తిర్దగ్ధమత్సరః |
దగ్ధభేదో దగ్ధమదో దగ్ధాధిర్దగ్ధవాసనః || 45 ||
దగ్ధారిష్టో దగ్ధకష్టో దగ్ధార్తిర్దగ్ధదుష్క్రియః |
దగ్ధాసురపురో దగ్ధభువనో దగ్ధసత్క్రియః || 46 ||
దక్షో దక్షాధ్వరధ్వంసీ దక్షపో దక్షపూజితః |
దాక్షిణాత్యార్చితపదో దాక్షిణాత్యసుభావగః || 47 ||
దక్షిణాశో దక్షిణేశో దక్షిణాసాదితాధ్వరః |
దక్షిణార్పితసల్లోకో దక్షవామాదివర్జితః || 48 ||
దక్షిణోత్తరమార్గజ్ఞో దక్షిణ్యో దక్షిణార్హకః |
ద్రుమాశ్రయో ద్రుమావాసో ద్రుమశాయీ ద్రుమప్రియః || 49 ||
ద్రుమజన్మప్రదో ద్రుస్థో ద్రురూపభవశాతనః |
ద్రుమత్వగంబరో ద్రోణో ద్రోణీస్థో ద్రోణపూజితః || 50 ||
ద్రుఘణీ ద్రుద్యణాస్త్రశ్చ ద్రుశిష్యో ద్రుధర్మధృక్ |
ద్రవిణార్థో ద్రవిణదో ద్రావణో ద్రావిడప్రియః || 51 ||
ద్రావితప్రణతాఘో ద్రాక్ఫలో ద్రాక్కేంద్రమార్గవిత్ |
ద్రాఘీయ ఆయుర్దధానో ద్రాఘీయాన్ ద్రాక్ప్రసాదకృత్ || 52 ||
ద్రుతతోషో ద్రుతగతివ్యతీతో ద్రుతభోజనః |
ద్రుఫలాశీ ద్రుదలభుగ్దృషద్వత్యాప్లవాదరః || 53 ||
ద్రుపదేడ్యో ద్రుతమతిర్ద్రుతీకరణకోవిదః |
ద్రుతప్రమోదో ద్రుతిదృగ్ద్రుతిక్రీడావిచక్షణః || 54 ||
దృఢో దృఢాకృతిర్దార్ఢ్యో దృఢసత్త్వో దృఢవ్రతః |
దృఢచ్యుతో దృఢబలో దృఢార్థాసక్తిదారణః || 55 ||
దృఢధీర్దృఢభక్తిదృగ్దృఢభక్తివరప్రదః |
దృఢదృగ్దృఢభక్తిజ్ఞో దృఢభక్తో దృఢాశ్రయః || 56 ||
దృఢదండో దృఢయమో దృఢప్రదో దృఢాంగకృత్ |
దృఢకాయో దృఢధ్యానో దృఢాభ్యాసో దృఢాసనః || 57 ||
దృగ్దో దృగ్దోషహరణో దృష్టిద్వంద్వవిరాజితః |
దృక్పూర్వో దృఙ్మనోఽతీతో దృక్పూతగమనో దృగీట్ || 58 ||
దృగిష్టో దృష్ట్యవిషమో దృష్టిహేతుర్దృషత్తనుః |
దృగ్లభ్యో దృక్త్రయయుతో దృగ్బాహుల్యవిరాజితః || 59 ||
ద్యుపతిర్ద్యుపదృగ్ద్యుస్థో ద్యుమణిర్ద్యుప్రవర్తకః |
ద్యుదేహో ద్యుగమో ద్యుస్థో ద్యుభూర్ద్యుర్ద్యులయో ద్యుమాన్ || 60 ||
ద్యునిడ్గతి ద్యుతి ద్యూనస్థానదోషహరో ద్యుభుక్ |
ద్యూతకృద్ద్యూతహృద్ద్యూతదోషహృద్ద్యూతదూరగః || 61 ||
దృప్తో దృప్తార్దనో ద్యోస్థో ద్యోపాలో ద్యోనివాసకృత్ |
ద్రావితారిర్ద్రావితాల్పమృత్యుర్ద్రావితరైతవః || 62 ||
ద్యావాభూమిసంధిదర్శీ ద్యావాభూమిధరో ద్యుదృక్ |
ద్యోతకృద్ద్యోతహృద్ద్యోతీ ద్యోతాక్షో ద్యోతదీపనః || 63 ||
ద్యోతమూలో ద్యోతితాత్మా ద్యోతోద్యౌర్ద్యోతితాఖిలః |
ద్వయవాదిమతద్వేషీ ద్వయవాదిమతాంతకః || 64 ||
ద్వయవాదిజయీ దీక్షాద్వయవాదినివృంతనః |
ద్వ్యష్టవర్షవయా ద్వ్యష్టనృపవంద్యో ద్విషట్క్రియః || 65 ||
ద్విషత్కలానిధిర్ద్వీపిచర్మధృగ్ద్వ్యష్టజాతికృత్ |
ద్వ్యష్టోపచారదయితో ద్వ్యష్టస్వరతనుర్ద్విభిత్ || 66 ||
ద్వ్యక్షరాఖ్యో ద్వ్యష్టకోటిస్వజపీష్టార్థపూరకః |
ద్విపాద్ద్వ్యాత్మా ద్విగుర్ద్వీశో ద్వ్యతీతో ద్విప్రకాశకః || 67 ||
ద్వైతీభూతాత్మకో ద్వైతీభూతచిద్ద్వైధశామకః |
ద్విసప్తభువనాధారో ద్విసప్తభువనేశ్వరః || 68 ||
ద్విసప్తభువనాంతస్థో ద్విసప్తభువనాత్మకః |
ద్విసప్తలోకకర్తా ద్విసప్తలోకాధిపో ద్విషః || 69 ||
ద్విసప్తవిద్యాభిజ్ఞో ద్విసప్తవిద్యాప్రకాశకః |
ద్విసప్తవిద్యావిభవో ద్విసప్తేంద్రపదప్రదః || 70 ||
ద్విసప్తమనుమాన్యశ్చ ద్విసప్తమనుపూజితః |
ద్విసప్తమనుదేవో ద్విసప్తమన్వంతరర్థికృత్ || 71 ||
ద్విచత్వారింశదుద్ధర్తా ద్విచత్వారికలాస్తుతః |
ద్విస్తనీగోరసాస్పృగ్ద్విహాయనీపాలకో ద్విభుక్ || 72 ||
ద్విసృష్టిర్ద్వివిధో ద్వీడ్యో ద్విపథో ద్విజధర్మకృత్ |
ద్విజో ద్విజాతిమాన్యశ్చ ద్విజదేవో ద్విజాతికృత్ || 73 ||
ద్విజప్రేష్ఠో ద్విజశ్రేష్ఠో ద్విజరాజసుభూషణః |
ద్విజరాజాగ్రజో ద్విడ్ద్వీడ్ద్విజాననసుభోజనః || 74 ||
ద్విజాస్యో ద్విజభక్తో ద్విజాతభృద్ద్విజసత్కృతః |
ద్వివిధో ద్వ్యావృతిర్ద్వంద్వవారణో ద్విముఖాధనః || 75 ||
ద్విజపాలో ద్విజగురుర్ద్విజరాజాసనో ద్విపాత్ |
ద్విజిహ్వసూత్రో ద్విజిహ్వఫణచ్ఛత్రో ద్విజిహ్వభృత్ || 76 ||
ద్వాదశాత్మా ద్వాపరదృగ్ద్వాదశాదిత్యరూపకః |
ద్వాదశీశో ద్వాదశారచక్రదృగ్ద్వాదశాక్షరః || 77 ||
ద్వాదశీపారణో ద్వాదచ్చర్యో ద్వాదశషడ్బలః |
ద్వాసప్తతిసహస్రాంగనాడీగతివిచక్షణః || 78 ||
ద్వంద్వదో ద్వంద్వదో ద్వంద్వబీభత్సో ద్వంద్వతాపనః |
ద్వంద్వార్తిహృద్ద్వంద్వసహో ద్వయా ద్వంద్వాతిగో ద్విగః || 79 ||
ద్వారదో ద్వారవిద్ద్వా(ర)స్థో ద్వారధృగ్ద్వారికాప్రియః |
ద్వారకృద్ద్వారగో ద్వారనిర్గమక్రమముక్తిదః || 80 ||
ద్వారభృద్ద్వారనవకగతిసంస్కృతిదర్శకః |
ద్వైమాతురో ద్వైతహీనో ద్వైతారణ్యవినోదనః || 81 ||
ద్వైతాస్పృగ్ద్వైతగో ద్వైతాద్వైతమార్గవిశారదః |
దాతా దాతృప్రియో దావో దారుణో దారదాశనః || 82 ||
దానదో దారువసతిర్దాస్యజ్ఞో దాససేవితః |
దానప్రియో దానతోషో దానజ్ఞో దానవిగ్రహః || 83 ||
దాస్యప్రియో దాసపాలో దాస్యదో దాసతోషణః |
దావోష్ణహృద్దాంతసేవ్యో దాంతజ్ఞో దాంతవల్లభః || 84 ||
దాతదోషో దాతకేశో దావచారీ చ దావపః |
దాయకృద్దాయభుగ్దారస్వీకారవిధిదర్శకః || 85 ||
దారమాన్యో దారహీనో దారమేధిసుపూజితః |
దానవాన్ దానవారాతిర్దానవాభిజనాంతకః || 86 ||
దామోదరో దామకరో దారస్నేహాత్తచేతనః |
దర్వీలేపో దారమోహో దారికాకౌతుకాన్వితః || 87 ||
దారికాదోద్ధారకశ్చ దాతదారుకసారథిః |
దాహకృద్దాహశాంతిజ్ఞో దాక్షాయణ్యధిదైవతః || 88 ||
ద్రాంబీజో ద్రాంమనుర్దాంతశాంతోపరతవీక్షితః |
దివ్యకృద్దివ్యవిద్దివ్యో దివిస్పృగ్దివిజార్థతః || 89 ||
దిక్పో దిక్పతిపో దిగ్విద్దిగంతరలుఠద్యశః |
దిగ్దర్శనకరో దిష్టో దిష్టాత్మా దిష్టభావనః || 90 ||
దృష్టో దృష్టాంతదో దృష్టాతిగో దృష్టాంతవర్జితః |
దిష్టం దిష్టపరిచ్ఛేదహీనో దిష్టనియామకః || 91 ||
దిష్టాస్పృష్టగతిర్దిష్టేడ్దిష్టకృద్దిష్టచాలకః |
దిష్టదాతా దిష్టహంతా దుర్దిష్టఫలశామకః || 92 ||
దిష్టవ్యాప్తజగద్దిష్టశంసకో దిష్టయత్నవాన్ |
దితిప్రియో దితిస్తుత్యో దితిపూజ్యో దితీష్టదః || 93 ||
దితిపాఖండదావో దిగ్దినచర్యాపరాయణః |
దిగంబరో దివ్యకాంతిర్దివ్యగంధోఽపి దివ్యభుక్ || 94 ||
దివ్యభావో దీదివికృద్దోషహృద్దీప్తలోచనః |
దీర్ఘజీవీ దీర్ఘదృష్టిర్దీర్ఘాంగో దీర్ఘబాహుకః || 95 ||
దీర్ఘశ్రవా దీర్ఘగతిర్దీర్ఘవక్షాశ్చ దీర్ఘపాత్ |
దీనసేవ్యో దీనబంధుర్దీనపో దీపితాంతరః || 96 ||
దీనోద్ధర్తా దీప్తకాంతిర్దీప్రక్షురసమాయనః |
దీవ్యద్దీక్షితసంపూజ్యో దీక్షాదో దీక్షితోత్తమః || 97 ||
దీక్షణీయేష్టికృద్దీక్షాఽదీక్షాద్వయవిచక్షణః |
దీక్షాశీ దీక్షితాన్నాశీ దీక్షాకృద్దీక్షితాదరః || 98 ||
దీక్షితార్థ్యో దీక్షితాద్యో దీక్షితాభీష్టపూరకః |
దీక్షాపటుర్దీక్షితాత్మా దీద్యద్దీక్షితగర్వహృత్ || 99 ||
దుష్కర్మహా దుష్కృతజ్ఞో దుష్కృద్దుష్కృతిపావనః |
దుష్కృత్సాక్షీ దుష్కృతహృద్దుష్కృద్ధా దుష్కృదార్తిదః || 100 ||
దుష్క్రియాంతో దుష్కరకృద్దుష్క్రియాఘనివారకః |
దుష్కులత్యాజకో దుష్కృత్పావనో దుష్కులాంతకః || 101 ||
దుష్కులాషుహరో దుష్కృద్గతిదో దుష్కరక్రియః |
దుష్కలంకవినాశీ దుష్కోపో దుష్కంటకార్దనః || 102 ||
దుష్కారీ దుష్కరతపా దుఃఖదో దుఃఖహేతుకః |
దుఃఖత్రయహరో దుఃఖత్రయదో దుఃఖదుఃఖదః || 103 ||
దుఃఖత్రయార్తివిద్దుఃఖిపూజితో దుఃఖశామకః |
దుఃఖహీనో దుఃఖహీనభక్తో దుఃఖవిశోధనః || 104 ||
దుఃఖకృద్దుఃఖదమనో దుఃఖితారిశ్చ దుఃఖనుత్ |
దుఃఖాతిగో దుఃఖలహా దుఃఖేటార్తినివారణః || 105 ||
దుఃఖేటదృష్టిదోషఘ్నో దుఃఖగారిష్టనాశకః |
దుఃఖేచరదశార్తిఘ్నో దుష్టఖేటానుకూల్యకృత్ || 106 ||
దుఃఖోదర్కాచ్ఛాదకో దుఃఖోదర్కగతిసూచకః |
దుఃఖోదర్కార్థసంత్యాగీ దుఃఖోదర్కార్థదోషదృక్ || 107 ||
దుర్గా దుర్గార్తిహృద్దుర్గీ దుర్గేశో దుర్గసంస్థితః |
దుర్గమో దుర్గమగతిర్దుర్గారామశ్చ దుర్గభూః || 108 ||
దుర్గానవకసంపూజ్యో దుర్గానవకసంస్తుతః |
దుర్గభిద్దుర్గతిర్దుర్గమార్గగో దుర్గమార్థదః || 109 ||
దుర్గతిఘ్నో దుర్గతిదో దుర్గ్రహో దుర్గ్రహార్తిహృత్ |
దుర్గ్రహావేశహృద్దుష్టగ్రహనిగ్రహకారకః || 110 ||
దుర్గ్రహోచ్చాటకో దుష్టగ్రహజిద్దుర్గమాదరః |
దుర్దృష్టిబాధాశమనో దుర్దృష్టిభయహాపకః || 111 ||
దుర్గుణో దుర్గుణాతీతో దుర్గుణాతీతవల్లభః |
దుర్గంధనాశో దుర్ఘాతో దుర్ఘటో దుర్ఘటక్రియః || 112 ||
దుశ్చర్యో దుశ్చరిత్రారిర్దుశ్చికిత్స్యగదాంతకః |
దుశ్చిత్తాహ్లాదకో దుశ్చిచ్ఛాస్తా దుశ్చేష్టశిక్షకః || 113 ||
దుశ్చింతాశమనో దుశ్చిద్దుశ్ఛందవినివర్తకః |
దుర్జయో దుర్జరో దుర్జిజ్జయీ దుర్జేయచిత్తజిత్ || 114 ||
దుర్జాప్యహర్తా దుర్వార్తాశాంతిర్దుర్జాతిదోషహృత్ |
దుర్జనారిర్దుశ్చవనో దుర్జనప్రాంతహాపకః || 115 ||
దుర్జనార్తో దుర్జనార్తిహరో దుర్జలదోషహృత్ |
దుర్జీవహా దుష్టహంతా దుష్టార్తపరిపాలకః || 116 ||
దుష్టవిద్రావణో దుష్టమార్గభిద్దుష్టసంగహృత్ |
దుర్జీవహత్యాసంతోషో దుర్జనాననకీలనః || 117 ||
దుర్జీవవైరహృద్దుష్టోచ్చాటకో దుస్తరోద్ధరః |
దుష్టదండో దుష్టఖండో దుష్టధృగ్దుష్టముండనః || 118 ||
దుష్టభావోపశమనో దుష్టవిద్దుష్టశోధనః |
దుస్తర్కహృద్దుస్తర్కారిర్దుస్తాపపరిశాంతికృత్ || 119 ||
దుర్దైవహృద్దుందుభిఘ్నో దుందుభ్యాఘాతహర్షకృత్ |
దుర్ధీహరో దుర్నయహృద్దుఃపక్షిధ్వనిదోషహృత్ || 120 ||
దుష్ప్రయోగోపశమనో దుష్ప్రతిగ్రహదోషహృత్ |
దుర్బలాప్తో దుర్బోధాత్మా దుర్బంధచ్ఛిద్దురత్యయః || 121 ||
దుర్బాధాహృద్దుర్భయహృద్దుర్భ్రదోపశమాత్మకః |
దుర్భిక్షహృద్దుర్యశోహృద్దురుత్పాతోపశామకః || 122 ||
దుర్మంత్రయంత్రతంత్రచ్ఛిద్దుర్మిత్రపరితాపనః |
దుర్యోగహృద్దురాధర్షో దురారాధ్యో దురాసదః || 123 ||
దురత్యయస్వమాయాబ్ధితారకో దురవగ్రహః |
దుర్లభో దుర్లభతమో దురాలాపాఘశామకః || 124 ||
దుర్నామహృద్దురాచారపావనో దురపోహనః |
దురాశ్రమాఘహృద్దుర్గపథలభ్యచిదాత్మకః || 125 ||
దురధ్వపారదో దుర్భుక్పావనో దురితార్తిహా |
దురాశ్లేషాఘహర్తా దుర్మైథునైనోనిబర్హణః || 126 ||
దురామయాంతో దుర్వైరహర్తా దుర్వ్యసనాంతకృత్ |
దుఃసహో దుఃశకునహృద్దుఃశీలపరివర్తనః || 127 ||
దుఃశోకహృద్దుఃశంకాహృద్దుఃసంగభయవారణః |
దుఃసహాభో దుఃసహదృగ్దుఃస్వప్నభయనాశనః || 128 ||
దుఃసంగదోషసంజాతదుర్మనీషావిశోధనః |
దుఃసంగిపాపదహనో దుఃక్షణాఘనివర్తనః || 129 ||
దుఃక్షేత్రపావనో దుఃక్షుద్భయహృద్దుఃక్షయార్తిహృత్ |
దుఃక్షత్రహృచ్చ దుర్జ్ఞేయో దుర్జ్ఞానపరిశోధనః || 130 ||
దూతో దూతేరకో దూతప్రియో దూరశ్చ దూరదృక్ |
దూనచిత్తాహ్లాదకశ్చ దూర్వాభో దూష్యపావనః || 131 ||
దేదీప్యమాననయనో దేవో దేదీప్యమానభః |
దేదీప్యమానరదనో దేశ్యో దేదీప్యమానధీః || 132 ||
దేవేష్టో దేవగో దేవీ దేవతా దేవతార్చితః |
దేవమాతృప్రియో దేవపాలకో దేవవర్ధకః || 133 ||
దేవమాన్యో దేవవంద్యో దేవలోకప్రియంవదః |
దేవారిష్టహరో దేవాభీష్టదో దేవతాత్మకః || 134 ||
దేవభక్తప్రియో దేవహోతా దేవకులాదృతః |
దేవతంతుర్దేవసంసద్దేవద్రోహిసుశిక్షకః || 135 ||
దేవాత్మకో దేవమయో దేవపూర్వశ్చ దేవభూః |
దేవమార్గప్రదో దేవశిక్షకో దేవగర్వహృత్ || 136 ||
దేవమార్గాంతరాయఘ్నో దేవయజ్ఞాదిధర్మధృక్ |
దేవపక్షీ దేవసాక్షీ దేవదేవేశభాస్కరః || 137 ||
దేవారాతిహరో దేవదూతో దైవతదైవతః |
దేవభీతిహరో దేవగేయో దేవహవిర్భుజః || 138 ||
దేవశ్రావ్యో దేవదృశ్యో దేవర్ణీ దేవభోగ్యభుక్ |
దేవీశో దేవ్యభీష్టార్థో దేవీడ్యో దేవ్యభీష్టకృత్ || 139 ||
దేవీప్రియో దేవకీజో దేశికో దేశికార్చితః |
దేశికేడ్యో దేశికాత్మా దేవమాతృకదేశపః || 140 ||
దేహకృద్దేహధృగ్దేహీ దేహగో దేహభావనః |
దేహపో దేహదో దేహచతుష్టయవిహారకృత్ || 141 ||
దేహీతిప్రార్థనీయశ్చ దేహబీజనికృంతనః |
దేవనాస్పృగ్దేవనకృద్దేహాస్పృగ్దేహభావనః || 142 ||
దేవదత్తో దేవదేవో దేహాతీతోఽపి దేహభృత్ |
దేహదేవాలయో దేహాసంగో దేహరథేష్టగః || 143 ||
దేహధర్మా దేహకర్మా దేహసంబంధపాలకః |
దేయాత్మా దేయవిద్దేశాపరిచ్ఛిన్నశ్చ దేశకృత్ || 144 ||
దేశపో దేశవాన్ దేశీ దేశజ్ఞో దేశికాగమః |
దేశభాషాపరిజ్ఞానీ దేశభూర్దేశపావనః || 145 ||
దేశ్యపూజ్యో దేవకృతోపసర్గనివర్తకః |
దివిషద్విహితావర్షాతివృష్ట్యాదీతిశామకః || 146 ||
దైవీగాయత్రికాజాపీ దైవసంపత్తిపాలకః |
దైవీసంపత్తిసంపన్నముక్తికృద్దైవభావగః || 147 ||
దైవసంపత్త్యసంపన్నఛాయాస్పృగ్దైత్యభావహృత్ |
దైవదో దైవఫలదో దైవాదిత్రిక్రియేశ్వరః || 148 ||
దైవానుమోదనో దైన్యహరో దైవజ్ఞదేవతః |
దైవజ్ఞో దైవవిత్పూజ్యో దైవికో దైన్యకారణః || 149 ||
దైన్యాంజనహృతస్తంభో దోషత్రయశమప్రదః |
దోషహర్తా దైవభిషగ్దోషదో దోర్ద్వయాన్వితః || 150 ||
దోషజ్ఞో దోహదాశంసీ దోగ్ధా దోష్యంతితోషితః |
దౌరాత్ంయదూరో దౌరాత్ంయహృద్దౌరాత్ంయార్తిశాంతికృత్ || 151 ||
దౌరాత్ంయదోషసంహర్తా దౌరాత్ంయపరిశోధనః |
దౌర్మనస్యహరో దౌత్యకృద్దౌత్యోపాస్తశక్తికః || 152 ||
దౌర్భాగ్యదోఽపి దౌర్భాగ్యహృద్దౌర్భాగ్యార్తిశాంతికృత్ |
దౌష్ట్యత్ర్యో దౌష్కుల్యదోషహృద్దౌష్కుల్యాధిశామకః || 153 ||
దందశూకపరిష్కారో దందశూకకృతాయుధః |
దంతిచర్మపరిధానో దంతురో దంతురారిహృత్ || 154 ||
దంతురఘ్నో దండధారీ దండనీతిప్రకాశకః |
దాంపత్యార్థప్రదో దంపత్యర్చ్యో దంపత్యభీష్టదః || 155 ||
దంపతిద్వేషశమనో దంపతిప్రీతివర్ధనః |
దంతోలూఖలకో దంష్ట్రీ దంత్యాస్యో దంతిపూర్వగః || 156 ||
దంభోలిభృద్దంభహర్తా దండ్యవిద్దంశవారణః |
దంద్రంయమాణశరణో దంత్యశ్వరథపత్తిదః || 157 ||
దంద్రంయమాణలోకార్తికరో దండత్రయాశ్రితః |
దండపాణ్యర్చపద్దండివాసుదేవస్తుతోఽవతు || 158 ||
ఇతి శ్రీమద్దకారాది దత్తనామసహస్రకం |
పఠతాం శృణ్వతాం వాఽపి పరానందపదప్రదం || 159 ||
ఇతి శ్రీపరమహంస పరివ్రాజకాచార్య
శ్రీవాసుదేవానందసరస్వతీ విరచితం దకారాది శ్రీ దత్త సహస్రనామ స్తోత్రం ||

శ్రీ దత్త నామ భజనం

శ్రీ దత్త నామ భజనం.

Telugu

Read Stotra

శ్రీ దత్త నామ భజనం

వేదపాదనుతతోషిత దత్త |
శ్రావితశాస్త్రవిరోధక దత్త |
సంమతవేదశిరోమత దత్త |
సంపృష్టేశ్వరసత్క్రియ దత్త |
కర్మేట్తత్త్వజ్ఞాపక దత్త |
స్మృతితః సన్నిధికారక దత్త |
సహ్యమహీధరవాసిన్ దత్త |
కాశీగంగాస్నాయిన్ దత్త |
కమలాపత్తనభిక్షుక దత్త |
శాండిల్యానుగ్రాహక దత్త |
యోగాష్టాంగజ్ఞేశ్వర దత్త |
యోగఫలాభిజ్ఞేశ్వర దత్త || 1 ||
శిక్షితపాతంజలప్రద దత్త |
అర్పితసాయుజ్యామృత దత్త |
విక్షేపావృతివర్జిత దత్త |
అసంగ అక్రియ అవికృత దత్త |
స్వాశ్రయశక్త్యుద్బోధక దత్త |
స్వైకాంశాహితవిశ్వక దత్త |
జీవేశ్వరతాస్వీకృత దత్త |
వ్యష్టిసమష్ట్యంతర్గత దత్త |
గుణతోరూపత్రయధర దత్త |
నానాకర్మగతిప్రద దత్త |
స్వభక్తమాయానాశక దత్త |
అనసూయాత్ర్యాహ్లాదక దత్త |
మత్స్యాద్యవతారాత్మక దత్త |
ప్రహ్లాదానుగ్రాహక దత్త |
అసురసురోరగశిక్షక దత్త |
జ్ఞానకాండసందర్శక దత్త || 2 ||
నవవిధభక్తిపరాయణ దత్త |
స్వమంత్రజాపకతారక దత్త |
యోగభ్రష్టద్విజనుత దత్త |
సతీమాహాత్ంయప్రముదిత దత్త |
సత్యనసూయాత్ర్యర్భక దత్త |
కృతవీర్యానుగ్రాహక దత్త |
జంభాఖ్యాసురఘాతక దత్త |
దేవేంద్రాభీష్టార్పక దత్త |
అర్జునహృద్యవరప్రద దత్త |
మోక్షేచ్ఛ్వర్జునసంస్తుత దత్త |
శిల్పజ్ఞోద్గతిశంసక దత్త |
కామశాస్త్రవిజ్ఞాపక దత్త |
సప్తగ్రహవిద్రావక దత్త |
విష్ణుదత్తవరదాయక దత్త |
కర్మవిపాకాఖ్యాపక దత్త |
ఝుటింగపీడాహారక దత్త |
భీతప్రాజ్ఞాహ్లాదక దత్త || 3 ||
శ్రవణాదివిధిద్యోతక దత్త |
సయోగవిజ్ఞానార్పక దత్త |
విముక్తచర్యాజల్పక దత్త |
శక్తభక్తహితయోజక దత్త |
భార్గవరామాహ్లాదక దత్త |
అర్జునసాయుజ్యప్రద దత్త |
రేణుకాభీష్టార్థప్రద దత్త |
పాతితభూపకదంబక దత్త || 4 ||
ఋతధ్వజానుగ్రాహక దత్త |
మదాలసానుగ్రాహక దత్త |
అలర్కరాజ్యోత్కర్షక దత్త |
అలర్కరాజ్యత్యాజక దత్త |
యోగసిద్ధిసందర్శక దత్త |
యోగసుచర్యాభాషక దత్త |
మృత్యులక్ష్మసంజల్పక దత్త |
అలర్కగీతోత్తమగుణ దత్త |
విహితాలర్కనృపాశ్రయ దత్త || 5 ||
ఆయురాజవరప్రద దత్త |
నహుషాశేషారిష్టద దత్త |
ఆయుఃశోకద్రావక దత్త |
ఇందుమతీహృద్ధర్షక దత్త |
ప్రకటితనహుషసుతేజో దత్త |
ఘాతితహుండాసురబల దత్త |
ఆయుర్లిప్సాపూరక దత్త |
యదురాజానుగ్రాహక దత్త |
బహుగురుతత్త్వగ్రాహక దత్త |
శ్రీయదువంశాహ్లాదక దత్త |
మన్వంతరసత్కీర్తిగ దత్త |
సప్తద్వీపక్ష్మాప్రియ దత్త |
దినకరవంశోత్కర్షక దత్త |
హిమకరవంశోద్ధారక దత్త |
పూరితభక్తమనోరథ దత్త |
ఉపాసనాకాండప్రియ దత్త || 6 ||
దేహాధ్రౌవ్యోద్బోధక దత్త |
శరీరదోషాదర్శక దత్త |
తనుసాఫల్యద్యోతక దత్త |
ఋచీకతప ఆఖ్యాపక దత్త |
భాషితసుందాసురమృత దత్త |
జల్పితవైశ్యోత్తమగత దత్త |
అభిహితవిట్సుతదుర్గత దత్త |
నానాధర్మద్యోతక దత్త |
నిషేధవిధిసందర్శక దత్త |
వైష్ణవధర్మాదర్శక దత్త |
సన్మాహాత్ంయద్యోతక దత్త |
మాఘస్నానఖ్యాపక దత్త |
భాషితరాక్షసమోచన దత్త |
సుకృతోత్సుకజనరోచక దత్త || 7 ||
సోమకీర్తినృపతారక దత్త |
అధర్మసాధ్వసహారక దత్త |
వర్ణాశ్రమవృషకారక దత్త |
బ్రహ్మచారివృషబోధక దత్త |
గృహస్థధర్మద్యోతక దత్త |
శ్రాద్ధసుపద్ధతిదర్శక దత్త |
దర్శితసత్తిథినిర్ణయ దత్త |
కృతదుష్కర్మవినిర్ణయ దత్త |
ప్రాయశ్చిత్తస్థాపక దత్త |
కర్మవిపాకజ్ఞాపక దత్త |
సత్సంసారద్యోతక దత్త |
వనస్థతప ఆదర్శక దత్త |
పంచప్రలయాసంగత దత్త |
సంమతసన్న్యాసాశ్రమ దత్త || 8 ||
(స్వభక్తచిత్తాహ్లాదక దత్త |
సుకర్మయోగస్థాపక దత్త |)

శ్రీ దత్త ప్రార్థనా తారావళీ

శ్రీ దత్త ప్రార్థనా తారావళీ.

Telugu

Read Stotra

శ్రీ దత్త ప్రార్థనా తారావళీ

దత్తాత్రేయ మహామాయ వేదగేయ హతామయ |
అనసూయాత్రితనయ మమాపాయం నివారయ || 1 ||
నమో నమస్తే జగదేకనాథ
నమో నమస్తే సుపవిత్రగాథ |
నమో నమస్తే జగతామధీశ
నమో నమస్తేఽస్తు పరావరేశ || 2 ||
త్వత్తోఽఖిలం జాతమిదం హి విశ్వం
త్వమేవ సర్వం పరిపాసి విశ్వం |
త్వం శక్తితో ధారయసీహ విశ్వం
త్వమేవ భో సంహరసీశ విశ్వం || 3 ||
త్వం జీవరూపేణ హి సర్వ విశ్వం
ప్రవిశ్య సంచేష్టయసే న విశ్వం |
స్వతంత్రమత్రాఖిలలోకబంధో
కారుణ్యసింధో పరబోధసింధో || 4 ||
యో బ్రహ్మరూపేణ సృజత్యశేషం
యో విష్ణురూపేణ చ పాత్యశేషం |
యో రుద్రరూపేణ చ హంత్యశేషం
దుర్గాదిరూపైః శమయత్యశేషం || 5 ||
యో దేవతారూపధరోఽత్తి భాగం
యో వేదరూపోఽపి బిభర్తి యాగం |
యోఽధీశరూపేణ దదాతి భోగం
యో మౌనిరూపేణ తనోతి యోగం || 6 ||
గాయంతి యం నిత్యమశేషవేదాః
యజంతి నిత్యం మునయోఽస్తభేదాః |
బ్రహ్మాదిదేవా అపి యం నమంతి
సర్వేఽపి తే లబ్ధహితా భవంతి || 7 ||
యో ధర్మసేతూన్ సుదృఢాన్ బిభర్తి
నైకావతారాన్ సమయే బిభర్తి |
హత్వా ఖలాన్ యోఽపి సతో బిభర్తి
యో భక్తకార్యం స్వయమాతనోతి || 8 ||
స త్వం నూనం దేవదేవర్షిగేయో
దత్తాత్రేయో భావగంయోఽస్యమేయః |
ధ్యేయః సర్వైర్యోగిభిః సర్వమాన్యః
కోఽన్యస్త్రాతా తారకోఽధీశ ధన్యః || 9 ||
సజలజలదనీలో యోఽనసూయాత్రిబాలో
వినిహతనిజకాలో యోఽమలో దివ్యలీలః |
అమలవిపులకీర్తిః సచ్చిదానందమూర్తి-
-ర్హృతనిజభజకార్తిః పాత్వసౌ దివ్యమూర్తిః || 10 ||
భక్తానాం వరదః సతాం చ పరదః పాపాత్మనాం దండద-
-స్త్రస్తానామభయప్రదః కృతధియాం సన్న్యాసినాం మోక్షదః |
రుగ్ణానామగదః పరాకృతమదః స్వర్గార్థినాం స్వర్గదః
స్వచ్ఛందశ్చ వదోవదః పరముదో దద్యాత్ స నో బంధదః || 11 ||
నిజకృపార్ద్రకటాక్షనిరీక్షణా-
-ద్ధరతి యో నిజదుఃఖమపి క్షణాత్ |
స వరదో వరదోషహరో హరో
జయతి యో యతియోగిగతిః పరా || 12 ||
అజ్ఞః ప్రాజ్ఞో భవతి భవతి న్యస్తధీశ్చేత్ క్షణేన
ప్రాజ్ఞోఽప్యజ్ఞో భవతి భవతి వ్యస్తధీశ్చేత్ క్షణేన |
మర్త్యోఽమర్త్యో భవతి భవతః సత్కృపావీక్షణేన
ధన్యో మాన్యస్త్రిజగతి సమః శంభునా త్రీక్షణేన || 13 ||
త్వత్తో భీతో దేవ వాతోఽత్ర వాతి
త్వత్తో భీతో భాస్కరోఽత్రాప్యుదేతి |
త్వత్తో భీతో వర్షతీంద్రోదవాహ-
-స్త్వత్తో భీతోఽగ్నిస్తథా హవ్యవాహః || 14 ||
భీతస్త్వత్తో ధావతీశాంతకోఽత్ర
భీతస్త్వత్తోఽన్యేఽపి తిష్ఠంతి కోఽత్ర |
మర్త్యోఽమర్త్యోఽన్యేఽపి వా శాసనం తే
పాతాలే వాఽన్యత్ర వాఽతిక్రమంతే || 15 ||
అగ్నిరేకం తృణం దగ్ధుం న శశాక త్వయార్పితం |
వాతోఽపి తృణమాదాతుం న శశాక త్వయార్పితం || 16 ||
వినా తవాజ్ఞాం న చ వృక్షపర్ణం
చలత్యహో కోఽపి నిమేషమేకం |
కర్తుం సమర్థో భువనే కిమర్థం
కరోత్యహంతాం మనుజోఽవశస్తాం || 17 ||
పాషాణే కృష్ణవర్ణే కథమపి పరితశ్ఛిద్రహీనే న జానే
మండూకం జీవయస్యప్రతిహతమహిమాచింత్యసచ్ఛక్తిజానే |
కాష్ఠాశ్మాద్యుత్థవృక్షాంస్త్ర్యుదరకుహరగాన్ జారవీతాంశ్చ గర్భా-
-న్నూనం విశ్వంభరేశావసి కృతపయసా దంతహీనాంస్తథాఽర్భాన్ || 18 ||
కరోతి సర్వస్య భవానపేక్షా
కథం భవత్తోఽస్య భవేదుపేక్షా |
అథాపి మూఢః ప్రకరోతి తుచ్ఛాం
సేవాం తవోజ్ఝిత్య చ జీవితేచ్ఛాం || 19 ||
ద్వేష్యః ప్రియో వా న చ తేఽస్తి కశ్చిత్
త్వం వర్తసే సర్వసమోఽథ దుశ్చిత్ |
త్వామన్యథా భావయతి స్వదోషా-
-న్నిర్దోషతాయాం తవ వేదఘోషః || 20 ||
గృహ్ణాసి నో కస్యచిదీశ పుణ్యం
గృహ్ణాసి నో కస్యచిదప్యపుణ్యం |
క్రియాఫలం మాఽస్య చ కర్తృభావం
సృజస్యవిద్వేత్తి న చ స్వభావం || 21 ||
మాతుః శిశోర్దుర్గుణనాశనాయ
న తాడనే నిర్దయతా న దోషః |
తథా నియంతుర్గుణదోషయోస్తే
న దుష్టహత్యాఽదయతా న దోషః || 22 ||
దుర్గాదిరూపైర్మహిషాసురాద్యాన్
రామాదిరూపైరపి రావణాద్యాన్ |
అనేకహింసాదికపాపయుక్తాన్
క్రూరాన్ సదాచారకథావియుక్తాన్ || 23 ||
స్వపాపనాశార్థమనేకకల్పా-
-న్యాస్యంత ఏతాన్నిరయానకల్పాన్ |
స్వకీయముక్తౌ నిజశస్త్రకృత్తాన్
కృత్వా భవాన్ ద్యామనయత్ సుపూతాన్ || 24 ||
యాఽపాయయత్ స్తన్యమిషాద్విషం సా
లేభే గతిం మాత్రుచితాం దయాలుః |
త్వత్తోపరః కో నిజకార్యసక్త-
-స్త్వమేవ నిత్యం హ్యభిమానముక్తః || 25 ||
నో కార్యం కరణం చ తే పరగతే లింగం కలా నాపి తే
విజ్ఞాతా త్వదమేయ నాన్య ఇతి తే తత్త్వం ప్రసిద్ధం శ్రుతేః |
నేశస్తే జనితాధికః సమ ఉతాన్యః కశ్చనాస్తి ప్రభు-
-ర్దత్తాత్రేయ గురో నిజామరతరో త్వం సత్యమేకో విభుః || 26 ||
భోగార్థం సృజసీతి కోఽపి వదతి క్రీడార్థమిత్థం పరే
తే కేచ్ఛాస్తి సమాప్తకామ మహిమానం నో విదుర్హీతరే |
కేఽపీదం సదసద్వదంత్వితరథా వామాస్తు మేతత్కథా-
-పంథా మే శ్రుతిదర్శితస్తవ పదప్రాప్త్యై సుఖోఽన్యే వృథా || 27 ||
సోఽనన్యభక్తోఽస్య తు పర్యుపాసకో
నిత్యాభియుక్తో యముపైత్యభేదతః |
తత్ప్రీతయేఽసౌ భవతాత్సమర్థనా
తారావలీ తత్పదభక్తిభావనా || 28 ||
ఇతి శ్రీమత్పరమహంస పరివ్రాజకాచార్య శ్రీవాసుదేవానందసరస్వతీ విరచితం శ్రీ దత్త ప్రార్థనా తారావళీ |

Sign In

OTP Verification

Sacred Stotras & Deities

శ్రీ అనఘదేవ అష్టోత్తరశతనామ స్తోత్రం

శ్రీ అనఘదేవాష్టోత్తరశతనామావళిః

శ్రీ అనఘాదేవి అష్టోత్తరశతనామ స్తోత్రం

శ్రీ అనఘాదేవి అష్టోత్తరశతనామావళిః

శ్రీ కార్తవీర్యార్జున అష్టోత్తరశతనామావళిః

దకారాది శ్రీ దత్త సహస్రనామ స్తోత్రం

శ్రీ దత్త నామ భజనం

శ్రీ దత్త ప్రార్థనా తారావళీ

MENU

LINKS

Astrologer Section

Vendor Section

GET ADVICE ON

Download Our Apps