VISHNU Stotras & Hymns - Read Sacred Verses

శ్రీ విష్ణుః అష్టావింశతినామ స్తోత్రం

శ్రీ విష్ణుః అష్టావింశతినామ స్తోత్రం.

Telugu

శ్రీ విష్ణుః అష్టావింశతినామ స్తోత్రం

అర్జున ఉవాచ-
కిం ను నామ సహస్రాణి జపతే చ పునః పునః |
యాని నామాని దివ్యాని తాని చాచక్ష్వ కేశవ || 1 ||
శ్రీ భగవానువాచ-
మత్స్యం కూర్మం వరాహం చ వామనం చ జనార్దనం |
గోవిందం పుండరీకాక్షం మాధవం మధుసూదనం || 2 ||
పద్మనాభం సహస్రాక్షం వనమాలిం హలాయుధం |
గోవర్ధనం హృషీకేశం వైకుంఠం పురుషోత్తమం || 3 ||
విశ్వరూపం వాసుదేవం రామం నారాయణం హరిం |
దామోదరం శ్రీధరం చ వేదాంగం గరుడధ్వజం || 4 ||
అనంతం కృష్ణగోపాలం జపతో నాస్తి పాతకం |
గవాం కోటిప్రదానస్య అశ్వమేధశతస్య చ || 5 ||
కన్యాదానసహస్రాణాం ఫలం ప్రాప్నోతి మానవః |
అమాయాం వా పౌర్ణమాస్యామేకాదశ్యాం తథైవ చ || 6 ||
సంధ్యాకాలే స్మరేన్నిత్యం ప్రాతఃకాలే తథైవ చ |
మధ్యాహ్నే చ జపేన్నిత్యం సర్వపాపైః ప్రముచ్యతే || 7 ||

శ్రీ విష్ణు మహింనః స్తోత్రం

శ్రీ విష్ణు మహింనః స్తోత్రం.

Telugu

Read Stotra

శ్రీ విష్ణు మహింనః స్తోత్రం

మహింనస్తేఽపారం విధిహరఫణీంద్రప్రభృతయో
విదుర్నాద్యాప్యజ్ఞశ్చలమతిరహం నాథను కథం |
విజానీయామద్ధా నళిననయనాత్మీయవచసో
విశుద్ధ్యై వక్ష్యామీషదపి తు తథాపి స్వమతితః || 1 ||
యదాహుర్బ్రహ్మైకే పురుషమితరే కర్మ చ పరే-
ఽపరే బుద్ధం చాన్యే శివమపి చ ధాతారమపరే |
తథా శక్తిం కేచిద్గణపతిముతార్కం చ సుధియో
మతీనాం వై భేదాత్త్వమసి తదశేషం మమ మతిః || 2 ||
శివః పాదాంభస్తే శిరసి ధృతవానాదరయుతం
తథా శక్తిశ్చాసౌ తవ తనుజతేజోమయతనుః |
దినేశం చైవాముం తవ నయనమూచుస్తు నిగమా-
స్త్వదన్యః కో ధ్యేయో జగతి కిల దేవో వద విభో || 3 ||
క్వచిన్మత్స్యః కూర్మః క్వచిదపి వరాహో నరహరిః
క్వచిత్ఖర్వో రామో దశరథసుతో నందతనయః |
క్వచిద్బుద్ధః కల్కిర్విహరసి కుభారాపహతయే
స్వతంత్రోఽజో నిత్యో విభురపి తవాక్రీడనమిదం || 4 ||
హృతాంనాయేనోక్తం స్తవనవరమాకర్ణ్య విధినా
ద్రుతం మాత్స్యం ధృత్వా వపురజరశంకాసురమథో |
క్షయం నీత్వా మృత్యోర్నిగమగణముద్ధృత్య జలధే-
రశేషం సంగుప్తం జగదపి చ వేదైకశరణం || 5 ||
నిమజ్జంతం వార్ధౌ నగవరముపాలోక్యసహసా
హితార్థం దేవానాం కమఠవపుషా విశ్వగహనం |
పయోరాశిం పృష్ఠే తమజిత సలీలం ధృతవతో
జగద్ధాతుస్తేఽభూత్కిము సులభభారాయ గిరికః || 6 ||
హిరణ్యాక్షః క్షోణీమవిశదసురో నక్రనిలయం
సమాదాయామర్త్యైః కమలజముఖైరంబరగతైః |
స్తుతేనానంతాత్మన్నచిరమతిభాతి స్మ విధృతా
త్వయా దంష్ట్రాగ్రేఽసావవనిరఖిలా కందుక ఇవ || 7 ||
హరిః క్వాసీత్యుక్తే దనుజపతినాఽపూర్య నిఖిలం
జగన్నాదైః స్తంభాన్నరహరిశరీరేణ కరజైః |
సముత్పత్యాఽఽశూరావసురవరమాదారితవత-
స్తవాఖ్యాతా భూమాకిము జగతి నో సర్వగతతా || 8 ||
విలోక్యాజం ద్వార్గం కపటలఘుకాయం సురరిపు-
ర్నిషిద్ధోఽపి ప్రాదాదసురగురుణాత్మీయమఖిలం |
ప్రసన్నస్తద్భక్త్యా త్యజసి కిల నాద్యాపి భవనం
బలేర్భక్తాధీన్యం తవ విదితమేవామరపతే || 9 ||
సమాధావాసక్తం నృపతితనయైర్వీక్ష్య పితరం
హతం బాణై రోషాద్గురుతరముపాదాయ పరశుం |
వినా క్షత్రం విష్ణో క్షితితలమశేషం కృతవసో-
ఽసకృత్కిం భూభారోద్ధరణపటుతా తే న విదితా || 10 ||
సమారాధ్యోమేశం త్రిభువనమిదం వాసవముఖం
వశే చక్రే చక్రిన్నగణయదనీశం జగదిదం |
గతోఽసౌ లంకేశస్త్వచిరమథ తే బాణవిషయం
న కేనాప్తం త్వత్తః ఫలమవినయస్యాసురరిపో || 11 ||
క్వచిద్దివ్యం శౌర్యం క్వచిదపి రణే కాపురుషతా
క్వచిద్గీతాజ్ఞానం క్వచిదపి పరస్త్రీవిహరణం |
క్వచిన్మృత్స్నాశిత్వం క్వచిదపి చ వైకుంఠవిభవ-
శ్చరిత్రం తే నూనం శరణద విమోహాయ కుధియాం || 12 ||
న హింస్యాదిత్యేద్ధ్రువమవితథం వాక్యమబుధై-
రథాగ్నీషోమీయం పశుమితి తు విప్రైర్నిగదితం |
తవైతన్నాస్థానేఽసురగణవిమోహాయ గదతః
సమృద్ధిర్నీచానాం నయకర హి దుఃఖాయ జగతః || 13 ||
విభాగే వర్ణానాం నిగమనిచయే చాఽవనితలే
విలుప్తే సంజాతో ద్విజవరగృహే శంభలపురే |
సమారుహ్యాశ్వం స్వం లసదసికరో ంలేచ్ఛనికరా-
న్నిహంతాఽస్యున్మత్తాన్కిల కలియుగాంతే యుగపతే || 14 ||
గభీరే కాసారే జలచరవరాకృష్టచరణో
రణేఽశక్తో మజ్జన్నభయద జలేఽచింతయదసౌ |
యదా నాగేంద్రస్త్వాం సపది పదపాశాదపగతో
గతః స్వర్గం స్థానం భవతి విపదాం తే కిము జనః || 15 ||
సుతైః పృష్టో వేధాః ప్రతివచనదానేఽప్రభురసా-
వథాత్మన్యాత్మానం శరణమగమత్త్వాం త్రిజగతాం |
తతస్తేఽస్తాతంకా యయురథ ముదం హంసవపుషా
త్వయా తే సార్వజ్ఞ్యం ప్రథితమమరేశేహ కిము నో || 16 ||
సమావిద్ధో మాతుర్వచనవిశిఖైరాశు విపినం
తపశ్చక్రే గత్వా తవ పరమతోషాయ పరమం |
ధ్రువో లేభే దివ్యం పదమచలమల్పేఽపి వయసి
కిమస్త్యస్మిన్లోకే త్వయి వరద తుష్టే దురధిగం || 17 ||
వృకాద్భీతస్తూర్ణం స్వజనభయభిత్త్వాం పశుపతిః
భ్రమన్లోకాన్సర్వాన్ చరణముపయాతోఽథ దనుజః |
స్వయం భస్మీభూతస్తవ వచనభంగోద్గతమతిః
రమేశాహో మాయా తవ దురనుమేయాఽఖిలజనైః |18 ||
హృతం దైత్యైర్దృష్ట్వాఽమృతఘటమజయ్యైస్తు నయతః
కటాక్షైః సంమోహం యువతిపరవేషేణ దితిజాన్ |
సమగ్రం పీయూషం సుభగ సురపూగాయ దదతః
సమస్యాపి ప్రాయస్తవ ఖలు హి భృత్యేష్వభిరతిః || 19 ||
సమాకృష్టా దుష్టైర్ద్రుపదతనయాఽలబ్ధశరణా
సభాయాం సర్వాత్మంస్తవ చరణముచ్చైరుపగతా |
సమక్షం సర్వేషామభవదచిరం చీరనిచయః
స్మృతేస్తే సాఫల్యం నయనవిషయం నో కిము సతాం || 20 ||
వదంత్యేకే స్థానం తవ వరద వైకుంఠమపరే
గవాం లోకం లోకం ఫణినిలయపాతాళమితరే |
తథాన్యే క్షీరోదం హృదయనళినం చాపి తు సతాం
న మన్యే తత్ స్థానం త్వహమిహ చ యత్రాసి న విభో || 21 ||
శివోఽహం రుద్రాణామహమమరరాజో దివిషదాం
మునీనాం వ్యాసోఽహం సురవర సముద్రోఽస్మి సరసాం |
కుబేరో యక్షాణామితి తవ వచో మందమతయే
న జానే తజ్జాతం జగతి నను యన్నాసి భగవన్ || 22 ||
శిరో నాకో నేత్రే శశిదినకరావంబరమురో
అకూపారో వస్తిశ్చరణమపి పాతాళమితి వై
స్వరూపం తేఽజ్ఞాత్వా నృతనుమవజానంతి కుధియః || 23 ||
శరీరం వైకుంఠం హృదయనళినం వాససదనం
మనోవృత్తిస్తార్క్ష్యో మతిరియమథో సాగరసుతా |
విహారస్తేఽవస్థాత్రితయమసవః పార్షదగణో
న పశ్యత్యజ్ఞా త్వామిహ బహిరహో యాతి జనతా || 24 ||
సుఘోరం కాంతారం విశతి చ తటాకం సుగహనం
తథోత్తుంగం శృంగం సపది చ సమారోహతి గిరేః |
ప్రసూనార్థం చేతోంబుజమమలమేకం త్వయి విభో
సమర్ప్యాజ్ఞస్తూర్ణం బత న చ సుఖం విందతి జనః || 25 ||
కృతైకాంతావాసా విగతనిఖిలాశాః శమపరా
జితశ్వాసోచ్ఛ్వాసాస్త్రుటితభవపాశాః సుయమినః |
పరం జ్యోతిః పశ్యంత్యనఘ యది పశ్యంతు మమ తు
శ్రియాశ్లిష్టం భూయాన్నయనవిషయం తే కిల వపుః || 26 ||
కదా గంగోత్తుంగాఽమలతరతరంగాచ్చ పుళినే
వసన్నాశాపాశాదఖిలఖలదాశాదపగతః |
అయే లక్ష్మీకాంతాంబుజనయన తాతామరపతే
ప్రసీదేత్యాజల్పన్నమరవర నేష్యామి సమయం || 27 ||
కదా శృంగైః స్ఫీతే మునిగణపరీతే హిమనగే
ద్రుమావీతే శీతే సురమధురగీతే ప్రతివసన్ |
క్వచిద్ధ్యానాసక్తో విషయసువిరక్తో భవహరం
స్మరంస్తే పాదాబ్జం జనిహర సమేష్యామి విలయం || 28 ||
సుధాపానం జ్ఞానం న చ విపులదానం న నిగమో
న యాగో నో యోగో న చ నిఖిలభోగోపరమణం |
జపో నో నో తీర్థం వ్రతమిహ న చోగ్రం త్వయి తపో
వినా భక్తిం తేఽలం భవభయవినాశాయ మధుహన్ || 29 ||
నమః సర్వేష్టాయ శ్రుతిశిఖరదృష్టాయ చ నమో
నమః సంశ్లిష్టాయ త్రిభువననివిష్టాయ చ నమః |
నమో విస్పష్టాయ ప్రణవపరిమృష్టాయ చ నమో
నమస్తే సర్వాత్మన్పునరపి పునస్తే మమ నమః || 30 || [** నమస్తే **] కణాన్కశ్చిద్వృష్టేర్గణననిపుణస్తూర్ణమవనే-
స్తథాశేషాన్పాంసూనమిత కలయేచ్చాపి తు జనః |
నభః పిండీకుర్యాదచిరమపి చేచ్చర్మవదిదం
తథాపీశానస్తే కలయితుమలం నాఖిలగుణాన్ || 31 ||
క్వ మాహాత్ంయం సీమోజ్ఝితమవిషయం వేదవచసాం
విభో తే మే చేతః క్వ చ వివిధతాపాహతమిదం |
మయేదం యత్కించిద్గదితమథ బాల్యేన తు గురో
గృహాణైతచ్ఛ్రద్ధార్పితమిహ న హేయం హి మహతాం || 32 ||
ఇతి హరిస్తవనం సుమనోహరం
పరమహంసజనేన సమీరితం |
సుగమసుందరసారపదాస్పదం
తదిదమస్తు హరేరనిశం ముదే || 33 ||
గదారథాంగాంబుజకంబుధారిణో
రమాసమాశ్లిష్టతనోస్తనోతు నః |
బిలేశయాధీశశరీరశాయినః
శివం స్తవోఽజస్రమయం పరం హరేః || 34 ||
పఠేదిమం యస్తు నరః పరం స్తవం
సమాహితోఽఘౌఘఘనప్రభంజనం |
స విన్దతేఽత్రాఖిలభోగసంపదో
మహీయతే విష్ణుపదే తతో ధ్రువం || 35 ||
ఇతి శ్రీమత్పరమహంసస్వామిబ్రహ్మానందవిరచితం శ్రీవిష్ణుమహింనః స్తోత్రం |

శ్రీ విష్ణు మహింనః స్తోత్రం

శ్రీ విష్ణు మహింనః స్తోత్రం.

Telugu

Read Stotra

శ్రీ విష్ణు మహింనః స్తోత్రం

శ్రీ విష్ణోః షోడశనామ స్తోత్రం

శ్రీ విష్ణోః షోడశనామ స్తోత్రం.

Telugu

Read Stotra

శ్రీ విష్ణోః షోడశనామ స్తోత్రం

శ్రీ విష్ణోః షోడశనామ స్తోత్రం.

Telugu

Read Stotra

శ్రీ విష్ణోః షోడశనామ స్తోత్రం

శ్రీ విష్ణోః షోడశనామ స్తోత్రం.

Telugu

Read Stotra

శ్రీ విష్ణు స్తవనం

శ్రీ విష్ణు స్తవనం.

Telugu

Read Stotra

శ్రీ విష్ణు స్తవనం

మార్కండేయ ఉవాచ |
నరం నృసింహం నరనాథమచ్యుతం
ప్రలంబబాహుం కమలాయతేక్షణం |
క్షితీశ్వరైరర్చితపాదపంకజం
నమామి విష్ణుం పురుషం పురాతనం || 1 ||
జగత్పతిం క్షీరసముద్రమందిరం
తం శార్ఙ్గపాణిం మునివృందవందితం |
శ్రియః పతిం శ్రీధరమీశమీశ్వరం
నమామి గోవిందమనంతవర్చసం || 2 ||
అజం వరేణ్యం జనదుఃఖనాశనం
గురుం పురాణం పురుషోత్తమం ప్రభుం |
సహస్రసూర్యద్యుతిమంతమచ్యుతం
నమామి భక్త్యా హరిమాద్యమాధవం || 3 ||
పురస్కృతం పుణ్యవతాం పరాం గతిం
క్షితీశ్వరం లోకపతిం ప్రజాపతిం |
పరం పరాణామపి కారణం హరిం
నమామి లోకత్రయకర్మసాక్షిణం || 4 ||
భోగే త్వనంతస్య పయోదధౌ సురః
పురా హి శేతే భగవాననాదికృత్ |
క్షీరోదవీచీకణికాంబునోక్షితం
తం శ్రీనివాసం ప్రణతోఽస్మి కేశవం || 5 ||
యో నారసింహం వపురాస్థితో మహాన్
సురో మురారిర్మధుకైటభాంతకృత్ |
సమస్తలోకార్తిహరం హిరణ్యకం
నమామి విష్ణుం సతతం నమామి తం || 6 ||
అనంతమవ్యక్తమతీంద్రియం విభుం
స్వే స్వే హి రూపే స్వయమేవ సంస్థితం |
యోగేశ్వరైరేవ సదా నమస్కృతం
నమామి భక్త్యా సతతం జనార్దనం || 7 ||
ఆనందమేకం విరజం విదాత్మకం
వృందాలయం యోగిభిరేవ పూజితం |
అణోరణీయాంసమవృద్ధిమక్షయం
నమామి భక్తప్రియమీశ్వరం హరిం || 8 ||
ఇతి శ్రీనరసింహపురాణే మార్కండేయచరిత్రే దశమోఽధ్యాయే మార్కండేయప్రోక్త శ్రీవిష్ణు స్తవనం |

శ్రీ విష్ణు స్తుతిః (విప్ర కృతం)

శ్రీ విష్ణు స్తుతిః (విప్ర కృతం).

Telugu

Read Stotra

శ్రీ విష్ణు స్తుతిః (విప్ర కృతం)

నమస్తే దేవదేవేశ నమస్తే భక్తవత్సల |
నమస్తే కరుణారాశే నమస్తే నందవిక్రమ || 1 || [కరుణాంశే] గోవిందాయ సురేశాయ అచ్యుతాయావ్యయాయ చ |
కృష్ణాయ వాసుదేవాయ సర్వాధ్యక్షాయ సాక్షిణే || 2 ||
లోకస్థాయ హృదిస్థాయ అక్షరాయాత్మనే నమః |
అనంతాయాదిబీజాయ ఆద్యాయాఽఖిలరూపిణే || 3 ||
యజ్ఞాయ యజ్ఞపతయే మాధవాయ మురారయే |
జలస్థాయ స్థలస్థాయ సర్వగాయాఽమలాత్మనే || 4 ||
సచ్చిద్రూపాయ సౌంయాయ నమః సర్వాఘనాశినే |
నమః కాలాయ కలయే కామితార్థప్రదాయ చ || 5 ||
నమో దాంతాయ శాంతాయ విష్ణవే జిష్ణవే నమః |
విశ్వేశాయ విశాలాయ వేధసే విశ్వవాసినే || 6 ||
సురాధ్యక్షాయ సిద్ధాయ శ్రీధరాయ నమో నమః |
హృషీకేశాయ ధైర్యాయ నమస్తే మోక్షదాయినే || 7 ||
పురుషోత్తమాయ పుణ్యాయ పద్మనాభాయ భాస్వతే |
ఆగ్రేసరాయ తూలాయ ఆగ్రేసరాయాత్మనే నమః || 8 ||
జనార్దనాయ జైత్రాయ జితామిత్రాయ జీవినే |
వేదవేద్యాయ విశ్వాయ నారసింహాయ తే నమః || 9 ||
జ్ఞానాయ జ్ఞానరూపాయ జ్ఞానదాయాఖిలాత్మనే |
ధురంధరాయ ధుర్యాయ ధరాధారాయతే నమః || 10 ||
నారాయణాయ శర్వాయ రాక్షసానీకవైరిణే |
గుహ్యాయ గుహ్యపతయే గురవే గుణధారిణే || 11 ||
కారుణ్యాయ శరణ్యాయ కాంతాయామృతమూర్తయే |
కేశవాయ నమస్తేఽస్తు నమో దామోదరాయ చ || 12 ||
సంకర్షణాయ శర్వాయ నమస్త్రైలోక్యపాలినే |
భక్తప్రియాయ హరయే నమః సర్వార్తినాశినే || 13 ||
నానాభేదవిభేదాయ నానారూపధరాయ చ |
నమస్తే భగవాన్ విష్ణో పాహి మాం కరుణాకర || 14 ||

శ్రీ విష్ణు హృదయ స్తోత్రం

శ్రీ విష్ణు హృదయ స్తోత్రం.

Telugu

Read Stotra

శ్రీ విష్ణు హృదయ స్తోత్రం

అస్య శ్రీ విష్ణు హృదయ స్తోత్రస్య సఙ్కర్షణ ఋషిః, అనుష్టుప్ త్రిష్టుప్ గాయత్రీ చ యథాయోగం ఛన్దః, శ్రీమహావిష్ణుః పరమాత్మా దేవతా, భగవత్ప్రీత్యర్థే జపే వినియోగః
సఙ్కర్షణః ఉవాచ –
మమాగ్రతస్సదా విష్ణుః పృష్ఠతశ్చాపి కేశవః |
గోవిన్దో దక్షిణే పార్శ్వే వామే చ మధుసూధనః ||1||
ఉపరిష్టాత్తు వైకుణ్ఠో వరాహః పృథివీతలే |
అవాన్తరదిశో యాస్స్యుః తాసు సర్వాసు మాధవః ||2||
గచ్ఛతస్తిష్ఠతో వాపి జాగ్రతస్స్వప్నతోఽపి వా |
నరసింహకృతా గుప్తిః వాసుదేవమయో హ్యహం ||3||
అవ్యక్తం చైవాస్య యోనౌ వదన్తి
వ్యక్తం తేఽహం దీర్ఘమాయుర్గతిం చ |
వహ్నిం వక్త్రం చన్ద్రసూర్యౌ చ నేత్రే
దిశశ్శ్రోత్రే ప్రాణమాహుశ్చ వాయుం ||4||
వాచం వేదా హృదయం వై నభశ్చ
పృథ్వీ పాదౌ తారకా రోమకూపాః |
సాంగోపాంగా హ్యధిదేవతా చ విద్యా
హ్యుపస్థం తే సర్వ ఏతే సముద్రాః ||5||
తం దేవదేవం శరణం ప్రజానాం
యజ్ఞాత్మకం సర్వలోక ప్రతిష్ఠం |
యజ్ఞం వరేణ్యం వరదం వరిష్ఠం
బ్రహ్మాణమీశం పురుషం నమస్తే ||6||
ఆద్యం పురుషమీశానం పురుహూతం పురుష్టుతం |
ఋతేమేకాక్షరం బ్రహ్మ వ్యక్తావ్యక్తం సనాతనం ||7||
మహాభారతకాఖ్యానం కురుక్షేత్రం సరస్వతీం |
కేశవం గాఞ్చ గఙ్గాఞ్చ కీర్తయన్నావసీదతి ||8||
ఓం భూః పురుషాయ పురుషరూపాయ వాసుదేవాయ నమో నమః |
ఓం భువః పురుషాయ పురుషరూపాయ వాసుదేవాయ నమో నమః |
ఓం సువః పురుషాయ పురుషరూపాయ వాసుదేవాయ నమో నమః |
ఓం భూర్భువస్సువః పురుషాయ పురుషరూపాయ వాసుదేవాయ నమో నమః |
ఓం ప్రద్యుంనాయ పురుషాయ వాసుదేవాయ నమో నమః |
ఓం అనిరుద్ధాయ పురుషాయ వాసుదేవాయ నమో నమః |
ఓం భవోద్భవాయ పురుషాయ వాసుదేవాయ నమో నమః |
ఓం కేశవాయ పురుషాయ వాసుదేవాయ నమో నమః |
ఓం నారాయణాయ పురుషాయ వాసుదేవాయ నమో నమః |
ఓం మాధవాయ పురుషాయ వాసుదేవాయ నమో నమః |
ఓం గోవిన్దాయ పురుషాయ వాసుదేవాయ నమో నమః |
ఓం విష్ణవే పురుషాయ వాసుదేవాయ నమో నమః |
ఓం మధుసూదనాయ పురుషాయ వాసుదేవాయ నమో నమః |
ఓం త్రివిక్రమాయ పురుషాయ వాసుదేవాయ నమో నమః |
ఓం వామనాయ పురుషాయ వాసుదేవాయ నమో నమః |
ఓం శ్రీధరాయ పురుషాయ వాసుదేవాయ నమో నమః |
ఓం హృషీకేశాయ పురుషాయ వాసుదేవాయ నమో నమః |
ఓం పద్మనాభాయ పురుషాయ వాసుదేవాయ నమో నమః |
ఓం దామోదరాయ పురుషాయ వాసుదేవాయ నమో నమః |
ఓం సత్యాయ పురుషాయ వాసుదేవాయ నమో నమః |
ఓం ఈశానాయ పురుషాయ వాసుదేవాయ నమో నమః |
ఓం తత్పురుషాయ పురుషాయ వాసుదేవాయ నమో నమః |
ఓం సత్పురుషాయ పురుషాయ వాసుదేవాయ నమో నమః |
ఓం ప్రణవేన్ద్ర విష్ణో శతసహస్రనేత్రే పురుషాయ వాసుదేవాయ నమో నమః |
య ఇదం విష్ణుహృదయమధీయతే బ్రహ్మహత్యాయాః పూతో భవతి పతితసంభాషణాత్పూతో భవతి
సురాపానాత్పూతో భవతి సువర్ణస్తేయాత్పూతో భవతి అసత్యభాషణాత్పూతో భవతి అగంయాగమనాత్పూతో భవతి వృషలీగమనాత్పూతో భవతి అభక్ష్యభక్షణాత్పూతో భవతి బ్రహ్మచారీ సుబ్రహ్మచారీ భవతి అనేక క్రతుసహస్రేణేష్టం భవతి గాయత్ర్యాః షష్టిసహస్రాణి జప్తాని భవన్తి చత్వారో వేదాశ్చాధీతా భవన్తి సర్వవేదేషు జ్ఞాతో భవతి సర్వతీర్థేషు స్నాతో భవతి. యది కస్యచిన్నబ్రూయాచ్ఛ్విత్రీ భవతి. అష్టౌ బ్రాహ్మణాగ్ గ్రాహయిత్వా విష్ణులోకమాప్నోతి మానసేన గతిర్భవతి న నశ్యతి మన్త్రః యత్ర యత్రేచ్ఛేత్తత్ర తత్రోపజాయతే స్మరతి చాత్మానం భగవాన్మహావిష్ణురిత్యాహ |

శ్రీ విష్ణోర్దివ్యస్థల స్తోత్రం

శ్రీ విష్ణోర్దివ్యస్థల స్తోత్రం.

Telugu

Read Stotra

శ్రీ విష్ణోర్దివ్యస్థల స్తోత్రం

అర్జున ఉవాచ |
భగవన్సర్వభూతాత్మన్ సర్వభూతేషు వై భవాన్ |
పరమాత్మస్వరూపేణ స్థితం వేద్మి తదవ్యయం || 1
క్షేత్రేషు యేషు యేషు త్వం చింతనీయో మయాచ్యుత |
చేతసః ప్రణిధానార్థం తన్మమాఖ్యాతుమర్హసి || 2
యత్ర యత్ర చ యన్నామ ప్రీతయే భవతః స్తుతౌ |
ప్రసాదసుముఖో నాథ తన్మమాశేషతో వద || 3
శ్రీభగవానువాచ |
సర్వగః సర్వభూతోఽహం న హి కించిద్మయా వినా |
చరాచరే జగత్యస్మిన్ విద్యతే కురుసత్తమ || 4
తథాపి యేషు స్థానేషు చింతనీయోఽహమర్జున |
స్తోతవ్యో నామభిర్యైస్తు శ్రూయతాం తద్వదామి తే || 5
పుష్కరే పుండరీకాక్షం గయాయాం చ గదాధరం |
లోహదండే తథా విష్ణుం స్తువంస్తరతి దుష్కృతం || 6
రాఘవం చిత్రకూటే తు ప్రభాసే దైత్యసూదనం |
వృందావనే చ గోవిందం మా స్తువన్ పుణ్యభాగ్భవేత్ || 7
జయం జయంత్యాం తద్వచ్చ జయంతం హస్తినాపురే |
వరాహం కర్దమాలే తు కాశ్మీరే చక్రపాణినం || 8
జనార్దనం చ కుబ్జాంరే మథురాయాం చ కేశవం |
కుబ్జకే శ్రీధరం తద్వద్గంగాద్వారే సురోత్తమం || 9
శాలగ్రామే మహాయోగిం హరిం గోవర్ధనాచలే |
పిండారకే చతుర్బాహుం శంఖోద్ధారే చ శంఖినం || 10
వామనం చ కురుక్షేత్రే యమునాయాం త్రివిక్రమం |
విశ్వేశ్వరం తథా శోణే కపిలం పూర్వసాగరే || 11
శ్వేతద్వీపపతిం చాపి గంగాసాగరసంగమే |
భూధరం దేవికానద్యాం ప్రయాగే చైవ మాధవం || 12
నరనారాయణాఖ్యం చ తథా బదరికాశ్రమే |
సముద్రే దక్షిణే స్తవ్యం పద్మనాభేతి ఫాల్గున || 13
ద్వారకాయాం తథా కృష్ణం స్తువంస్తరతి దుర్గతిం |
రామనాథం మహేంద్రాద్రౌ హృషీకేశం తథార్బుదే || 14
అశ్వతీర్థే హయగ్రీవం విశ్వరూపం హిమాచలే |
నృసింహం కృతశౌచే తు విపాశాయాం ద్విజప్రియం || 15
నైమిషే యజ్ఞపురుషం జంబూమార్గే తథాచ్యుతం |
అనంతం సైంధవారణ్యే దండకే శార్ఙ్గధారిణం || 16
ఉత్పలావర్తకే శౌరిం నర్మదాయాం శ్రియః పతిం |
దామోదరం రైవతకే నందాయాం జలశాయినం || 17
సర్వయోగేశ్వరం చైవ సింధుసాగరసంగమే |
సహ్యాద్రౌ దేవదేవేశం వైకుంఠం మాధవే వనే || 18 [*మాగధే*] సర్వపాపహరం వింధ్యే చోడ్రేషు పురుషోత్తమం |
హృదయే చాపి కౌంతేయ పరమాత్మానమాత్మనః || 19
వటే వటే వైశ్రవణం చత్వరే చత్వరే శివం |
పర్వతే పర్వతే రామం సర్వత్ర మధుసూదనం || 20
నరం భూమౌ తథా వ్యోంని కౌంతేయ గరుడధ్వజం |
వాసుదేవం చ సర్వత్ర సంస్మరేజ్జ్యోతిషాం‍పతిం || 21
అర్చయన్ ప్రణమన్ స్తున్వన్ సంస్మరంశ్చ ధనంజయ |
ఏతేష్వేతాని నామాని నరః పాపాత్ప్రముచ్యతే || 22
స్థానేష్వేతేషు మన్నాంనామేతేషాం ప్రీణయేన్నరః |
ద్విజానాం ప్రీణనం కృత్వా స్వర్గలోకే మహీయతే || 23
నామాన్యేతాని కౌంతేయ స్థానాన్యేతాని చాత్మవాన్ |
జపన్వై పంచ పంచాశత్త్రిసంధ్యం మత్పరాయణః || 24
త్రీణి జన్మాని యత్పాపం చావస్థాత్రితయే కృతం |
తత్క్షాలయత్యసందిగ్ధం జాయతే చ సతాం కులే || 25
ద్వికాలం వా జపన్నేవ దివారాత్రౌ చ యత్కృతం |
తస్మాద్విముచ్యతే పాపాత్ సద్భావపరమో నరః || 26
జప్తాన్యేతాని కౌంతేయ సకృచ్ఛ్రద్ధాసమన్వితం |
మోచయంతి నరం పాపాద్యత్తత్రైవ దినే కృతం || 27
ధన్యం యశస్యం ఆయుష్యం జయం కురు కులోద్వహ |
గ్రహానుకూలతాం చైవ కరోత్యాశు న సంశయః || 28
ఉపోషితో మత్పరమః స్థానేష్వేతేషు మానవః |
కృతాయతనవాసశ్చ ప్రాప్నోత్యభిమతం ఫలం || 29
ఉత్క్రాంతిరప్యశేషేషు స్థానేష్వేతేషు శస్యతే |
అన్యస్థానాచ్ఛతగుణమేతేష్వనశనాదికం || 30
యస్తు మత్పరమః కాలం కరోత్యేతేషు మానవః |
దేవానామపి పూజ్యోఽసౌ మమ లోకే మహీయతే || 31
స్థానేష్వథైతేషు చ యే వసంతి
సంపూజయంతే మమ సర్వకాలం |
తదేహ చాంతే త్రిదివం ప్రయాంతి
నాకం చ లోకం సమవాప్నువంతి || 32
ఇతి శ్రీవిష్ణుధర్మోత్తరే తృతీయఖండే మార్కండేయవజ్రసంవాదే అర్జునం ప్రతి కృష్ణోపదేశే స్థానవిశేషకీర్తనమాహాత్ంయవర్ణనో నామ పంచవింశత్యుత్తరశతతమోఽధ్యాయః |

శాలిగ్రామ స్తోత్రం

శాలిగ్రామ స్తోత్రం.

Telugu

Read Stotra

శాలిగ్రామ స్తోత్రం

స్య శ్రీశాలిగ్రామస్తోత్రమంత్రస్య శ్రీభగవాన్ ఋషిః శ్రీనారాయణో దేవతా అనుష్టుప్ ఛందః శ్రీశాలిగ్రామస్తోత్రమంత్ర జపే వినియోగః |
యుధిష్ఠిర ఉవాచ |
శ్రీదేవదేవ దేవేశ దేవతార్చనముత్తమం |
తత్సర్వం శ్రోతుమిచ్ఛామి బ్రూహి మే పురుషోత్తమ || 1 ||
శ్రీభగవానువాచ |
గండక్యాం చోత్తరే తీరే గిరిరాజస్య దక్షిణే |
దశయోజనవిస్తీర్ణా మహాక్షేత్రవసుంధరా || 2 ||
శాలిగ్రామో భవేద్దేవో దేవీ ద్వారావతీ భవేత్ |
ఉభయోః సంగమో యత్ర ముక్తిస్తత్ర న సంశయః || 3 ||
శాలిగ్రామశిలా యత్ర యత్ర ద్వారావతీ శిలా |
ఉభయోః సంగమో యత్ర ముక్తిస్తత్ర న సంశయః || 4 ||
ఆజన్మకృతపాపానాం ప్రాయశ్చిత్తం య ఇచ్ఛతి |
శాలిగ్రామశిలావారి పాపహారి నమోఽస్తు తే || 5 ||
అకాలమృత్యుహరణం సర్వవ్యాధివినాశనం |
విష్ణోః పాదోదకం పీత్వా శిరసా ధారయాంయహం || 6 ||
శంఖమధ్యే స్థితం తోయం భ్రామితం కేశవోపరి |
అంగలగ్నం మనుష్యాణాం బ్రహ్మహత్యాదికం దహేత్ || 7 ||
స్నానోదకం పిబేన్నిత్యం చక్రాంకితశిలోద్భవం |
ప్రక్షాళ్య శుద్ధం తత్తోయం బ్రహ్మహత్యాం వ్యపోహతి || 8 ||
అగ్నిష్టోమసహస్రాణి వాజపేయశతాని చ |
సంయక్ ఫలమవాప్నోతి విష్ణోర్నైవేద్యభక్షణాత్ || 9 ||
నైవేద్యయుక్తాం తులసీం చ మిశ్రితాం
విశేషతః పాదజలేన విష్ణోః |
యోఽశ్నాతి నిత్యం పురతో మురారేః
ప్రాప్నోతి యజ్ఞాయుతకోటిపుణ్యం || 10 ||
ఖండితా స్ఫుటితా భిన్నా వహ్నిదగ్ధా తథైవ చ |
శాలిగ్రామశిలా యత్ర తత్ర దోషో న విద్యతే || 11 ||
న మంత్రః పూజనం నైవ న తీర్థం న చ భావనా |
న స్తుతిర్నోపచారశ్చ శాలిగ్రామశిలార్చనే || 12 ||
బ్రహ్మహత్యాదికం పాపం మనోవాక్కాయసంభవం |
శీఘ్రం నశ్యతి తత్సర్వం శాలిగ్రామశిలార్చనాత్ || 13 ||
నానావర్ణమయం చైవ నానాభోగేన వేష్టితం |
తథా వరప్రసాదేన లక్ష్మీకాంతం వదాంయహం || 14 ||
నారాయణోద్భవో దేవశ్చక్రమధ్యే చ కర్మణా |
తథా వరప్రసాదేన లక్ష్మీకాంతం వదాంయహం || 15 ||
కృష్ణే శిలాతలే యత్ర సూక్ష్మం చక్రం చ దృశ్యతే |
సౌభాగ్యం సంతతిం ధత్తే సర్వసౌఖ్యం దదాతి చ || 16 ||
వాసుదేవస్య చిహ్నాని దృష్ట్వా పాపైః ప్రముచ్యతే |
శ్రీధరః సూకరే వామే హరిద్వర్ణస్తు దృశ్యతే || 17 ||
వరాహరూపిణం దేవం కూర్మాంగైరపి చిహ్నితం |
గోపదం తత్ర దృశ్యేత వారాహం వామనం తథా || 18 ||
పీతవర్ణం తు దేవానాం రక్తవర్ణం భయావహం |
నారసింహోఽభవద్దేవో మోక్షదం చ ప్రకీర్తితం || 19 ||
శంఖచక్రగదాకూర్మాః శంఖో యత్ర ప్రదృశ్యతే |
శంఖవర్ణస్య దేవానాం వామే దేవస్య లక్షణం || 20 ||
దామోదరం తథా స్థూలం మధ్యే చక్రం ప్రతిష్ఠితం |
పూర్ణద్వారేణ సంకీర్ణా పీతరేఖా చ దృశ్యతే || 21 ||
ఛత్రాకారే భవేద్రాజ్యం వర్తులే చ మహాశ్రియః |
కపటే చ మహాదుఃఖం శూలాగ్రే తు రణం ధ్రువం || 22 ||
లలాటే శేషభోగస్తు శిరోపరి సుకాంచనం |
చక్రకాంచనవర్ణానాం వామదేవస్య లక్షణం || 23 ||
వామపార్శ్వే చ వై చక్రే కృష్ణవర్ణస్తు పింగళం |
లక్ష్మీనృసింహదేవానాం పృథగ్వర్ణస్తు దృశ్యతే || 24 ||
లంబోష్ఠే చ దరిద్రం స్యాత్పింగళే హానిరేవ చ |
లగ్నచక్రే భవేద్వ్యాధిర్విదారే మరణం ధ్రువం || 25 ||
పాదోదకం చ నిర్మాల్యం మస్తకే ధారయేత్సదా |
విష్ణోర్దృష్టం భక్షితవ్యం తులసీదళమిశ్రితం || 26 ||
కల్పకోటిసహస్రాణి వైకుంఠే వసతే సదా |
శాలిగ్రామశిలాబిందుర్హత్యాకోటివినాశనః || 27 ||
తస్మాత్సంపూజయేద్ధ్యాత్వా పూజితం చాపి సర్వదా |
శాలిగ్రామశిలాస్తోత్రం యః పఠేచ్చ ద్విజోత్తమః || 28 ||
స గచ్ఛేత్పరమం స్థానం యత్ర లోకేశ్వరో హరిః |
సర్వపాపవినిర్ముక్తో విష్ణులోకం స గచ్ఛతి || 29 ||
దశావతారో దేవానాం పృథగ్వర్ణస్తు దృశ్యతే |
ఈప్సితం లభతే రాజ్యం విష్ణుపూజామనుక్రమాత్ || 30 ||
కోట్యో హి బ్రహ్మహత్యానామగంయాగంయకోటయః |
తాః సర్వా నాశమాయాంతి విష్ణోర్నైవేద్యభక్షణాత్ || 31 ||
విష్ణోః పాదోదకం పీత్వా కోటిజన్మాఘనాశనం |
తస్మాదష్టగుణం పాపం భూమౌ బిందునిపాతనాత్ || 32 ||
ఇతి శ్రీభవిష్యోత్తరపురాణే గండకీశిలామాహాత్ంయే శ్రీకృష్ణయుధిష్ఠిరసంవాదే శాలిగ్రామ స్తోత్రం |

నారాయణోపనిషత్

నారాయణోపనిషత్.

Telugu

Read Stotra

నారాయణోపనిషత్

ఓం స॒హ నా॑వవతు | స॒హ నౌ॑ భునక్తు |
స॒హ వీ॒ర్య॑o కరవావహై |
తే॒జ॒స్వినా॒వధీ॑తమస్తు॒ మా వి॑ద్విషా॒వహై” ||
ఓం శాన్తి॒: శాన్తి॒: శాన్తి॑: ||
ఓం అథ పురుషో హ వై నారాయణోఽకామయత ప్రజాః సృ॑జేయే॒తి |
నా॒రా॒య॒ణాత్ప్రా॑ణో జా॒యతే | మనః సర్వేన్ద్రి॑యాణి॒ చ |
ఖం వాయుర్జ్యోతిరాపః పృథివీ విశ్వ॑స్య ధా॒రిణీ |
నా॒రా॒య॒ణాద్బ్ర॑హ్మా జా॒యతే |
నా॒రా॒య॒ణాద్రు॑ద్రో జా॒యతే |
నా॒రా॒య॒ణాది॑న్ద్రో జా॒యతే |
నా॒రా॒య॒ణాత్ప్రజాపతయః ప్ర॑జాయ॒న్తే |
నా॒రా॒య॒ణాద్ద్వాదశాదిత్యా రుద్రా వసవస్సర్వాణి
చ ఛ॑న్దాగ్॒oసి |
నా॒రా॒య॒ణాదేవ సము॑త్పద్య॒న్తే |
నా॒రా॒య॒ణే ప్ర॑వర్త॒న్తే |
నా॒రా॒య॒ణే ప్ర॑లీయ॒న్తే ||
ఓం | అథ నిత్యో నా॑రాయ॒ణః | బ్ర॒హ్మా నా॑రాయ॒ణః |
శి॒వశ్చ॑ నారాయ॒ణః | శ॒క్రశ్చ॑ నారాయ॒ణః |
ద్యా॒వా॒పృ॒థి॒వ్యౌ చ॑ నారాయ॒ణః | కా॒లశ్చ॑ నారాయ॒ణః |
ది॒శశ్చ॑ నారాయ॒ణః | ఊ॒ర్ధ్వశ్చ॑ నారాయ॒ణః |
అ॒ధశ్చ॑ నారాయ॒ణః | అ॒న్త॒ర్బ॒హిశ్చ॑ నారాయ॒ణః |
నారాయణ ఏవే॑దగ్ం స॒ర్వం |
యద్భూ॒తం యచ్చ॒ భవ్యం” |
నిష్కలో నిరఞ్జనో నిర్వికల్పో నిరాఖ్యాతః శుద్ధో దేవ
ఏకో॑ నారాయ॒ణః | న ద్వి॒తీయో”స్తి॒ కశ్చి॑త్ |
య ఏ॑వం వే॒ద |
స విష్ణురేవ భవతి స విష్ణురే॑వ భ॒వతి ||
ఓమిత్య॑గ్రే వ్యా॒హరేత్ | నమ ఇ॑తి ప॒శ్చాత్ |
నా॒రా॒య॒ణాయేత్యు॑పరి॒ష్టాత్ |
ఓమి॑త్యేకా॒క్షరం | నమ ఇతి॑ ద్వే అ॒క్షరే |
నా॒రా॒య॒ణాయేతి పఞ్చా”క్షరా॒ణి |
ఏతద్వై నారాయణస్యాష్టాక్ష॑రం ప॒దం |
యో హ వై నారాయణస్యాష్టాక్షరం పద॑మధ్యే॒తి |
అనపబ్రవస్సర్వమా॑యురే॒తి |
విన్దతే ప్రా॑జాప॒త్యగ్ం రాయస్పోష॑o గౌప॒త్యం |
తతోఽమృతత్వమశ్నుతే తతోఽమృతత్వమశ్ను॑త ఇ॒తి |
య ఏ॑వం వే॒ద ||
ప్రత్యగానన్దం బ్రహ్మ పురుషం ప్రణవ॑స్వరూ॒పం |
అకార ఉకార మకా॑ర ఇ॒తి |
తానేకధా సమభరత్తదేత॑దోమి॒తి |
యముక్త్వా॑ ముచ్య॑తే యో॒గీ॒ జ॒న్మ॒సంసా॑రబ॒న్ధనాత్ |
ఓం నమో నారాయణాయేతి మ॑న్త్రోపా॒సకః |
వైకుణ్ఠభువనలోక॑o గమి॒ష్యతి |
తదిదం పరం పుణ్డరీకం వి॑జ్ఞాన॒ఘనం |
తస్మాత్తదిదా॑వన్మా॒త్రం |
బ్రహ్మణ్యో దేవ॑కీపు॒త్రో॒ బ్రహ్మణ్యో మ॑ధుసూ॒దనోం |
సర్వభూతస్థమేక॑o నారా॒యణం |
కారణరూపమకార ప॑రబ్ర॒హ్మోం |
ఏతదథర్వ శిరో॑యోఽధీ॒తే ప్రా॒తర॑ధీయా॒నో॒
రాత్రికృతం పాప॑o నాశ॒యతి |
సా॒యమ॑ధీయా॒నో॒ దివసకృతం పాప॑o నాశ॒యతి | మాధ్యన్దినమాదిత్యాభిముఖో॑ఽధీయా॒న॒:
పఞ్చపాతకోపపాతకా”త్ప్రము॒చ్యతే |
సర్వ వేద పారాయణ పు॑ణ్యం ల॒భతే |
నారాయణసాయుజ్యమ॑వాప్నో॒తి॒ నారాయణ సాయుజ్యమ॑వాప్నో॒తి |
య ఏ॑వం వే॒ద | ఇత్యు॑ప॒నిష॑త్ ||
ఓం స॒హ నా॑వవతు | స॒హ నౌ॑ భునక్తు |
స॒హ వీ॒ర్య॑o కరవావహై |
తే॒జ॒స్వినా॒వధీ॑తమస్తు॒ మా వి॑ద్విషా॒వహై” ||
ఓం శాన్తి॒: శాన్తి॒: శాన్తి॑: ||

Sign In

OTP Verification

Sacred Stotras & Deities

శ్రీ విష్ణుః అష్టావింశతినామ స్తోత్రం

శ్రీ విష్ణు మహింనః స్తోత్రం

శ్రీ విష్ణు మహింనః స్తోత్రం

శ్రీ విష్ణోః షోడశనామ స్తోత్రం

శ్రీ విష్ణోః షోడశనామ స్తోత్రం

శ్రీ విష్ణోః షోడశనామ స్తోత్రం

శ్రీ విష్ణు స్తవనం

శ్రీ విష్ణు స్తుతిః (విప్ర కృతం)

శ్రీ విష్ణు హృదయ స్తోత్రం

శ్రీ విష్ణోర్దివ్యస్థల స్తోత్రం

శాలిగ్రామ స్తోత్రం

నారాయణోపనిషత్

MENU

LINKS

Astrologer Section

Vendor Section

GET ADVICE ON

Download Our Apps