DURGA DEVI Stotras & Hymns - Read Sacred Verses

శ్రీ దుర్గాష్టోత్తరశతనామ స్తోత్రం –1

శ్రీ దుర్గాష్టోత్తరశతనామ స్తోత్రం –1.

Telugu

శ్రీ దుర్గాష్టోత్తరశతనామ స్తోత్రం –1

ఈశ్వర ఉవాచ |
శతనామ ప్రవక్ష్యామి శృణుష్వ కమలాననే |
యస్య ప్రసాదమాత్రేణ దుర్గా ప్రీతా సదా భవేత్ || 1 ||
సతీ సాధ్వీ భవప్రీతా భవానీ భవమోచనీ |
ఆర్యా దుర్గా జయా ఆద్యా త్రినేత్రా శూలధారిణీ || 2 ||
పినాకధారిణీ చిత్రా చంద్రఘంటా మహాతపా |
మనోబుద్ధిరహంకారా చిత్తరూపా చితా చితిః || 3 ||
సర్వమంత్రమయీ సత్యా సత్యానందస్వరూపిణీ |
అనంతా భావినీ భావ్యా భవా భవ్యా సదాగతిః || 4 ||
శంభుపత్నీ దేవమాతా చింతా రత్నప్రియా సదా |
సర్వవిద్యా దక్షకన్యా దక్షయజ్ఞవినాశినీ || 5 ||
అపర్ణా చైవ పర్ణా చ పాటలా పాటలావతీ |
పట్టాంబరపరీధానా కలమంజీరరంజినీ || 6 ||
అమేయా విక్రమా క్రూరా సుందరీ సురసుందరీ |
వనదుర్గా చ మాతంగీ మతంగమునిపూజితా || 7 ||
బ్రాహ్మీ మాహేశ్వరీ చైంద్రీ కౌమారీ వైష్ణవీ తథా |
చాముండా చైవ వారాహీ లక్ష్మీశ్చ పురుషాకృతిః || 8 ||
విమలోత్కర్షిణీ జ్ఞానక్రియా సత్యా చ వాక్ప్రదా |
బహులా బహులప్రేమా సర్వవాహనవాహనా || 9 ||
నిశుంభశుంభహననీ మహిషాసురమర్దినీ |
మధుకైటభహంత్రీ చ చండముండవినాశినీ || 10 ||
సర్వాసురవినాశా చ సర్వదానవఘాతినీ |
సర్వశాస్త్రమయీ విద్యా సర్వాస్త్రధారిణీ తథా || 11 ||
అనేకశస్త్రహస్తా చ అనేకాస్త్రవిధారిణీ |
కుమారీ చైవ కన్యా చ కౌమారీ యువతీ యతిః || 12 ||
అప్రౌఢా చైవ ప్రౌఢా చ వృద్ధమాతా బలప్రదా |
శ్రద్ధా శాంతిర్ధృతిః కాంతిర్లక్ష్మీర్జాతిః స్మృతిర్దయా || 13 ||
తుష్టిః పుష్టిశ్చితిర్భ్రాంతిర్మాతా క్షుచ్చేతనా మతిః |
విష్ణుమాయా చ నిద్రా చ ఛాయా కామప్రపూరణీ || 14 ||
య ఇదం చ పఠేత్ స్తోత్రం దుర్గానామశతాష్టకం |
నాసాధ్యం విద్యతే దేవి త్రిషు లోకేషు పార్వతి || 15 ||
ధనం ధాన్యం సుతన్ జాయాం హయం హస్తినమేవ చ |
చతుర్వర్గం తథా చాంతే లభేన్ముక్తిం చ శాశ్వతీం || 16 ||
కుమారీః పూజయిత్వా తు ధ్యాత్వా దేవీం సురేశ్వరీం |
పూజయేత్పరయా భక్త్యా పఠేన్నామశతాష్టకం || 17 ||
తస్య సిద్ధిర్భవేద్దేవి సర్వైః సురవరైరపి |
రాజానో దాసతాం యాంతి రాజ్యశ్రియమవాప్నుయాత్ || 18 ||
గోరోచనాలక్తకకుంకుమేన సిందూరకర్పూరమధుత్రయేణ |
విలిఖ్య యంత్రం విధినా విధిజ్ఞో భవేత్సదా ధారయతా పురారిః || 19 ||
భౌమావాస్యా నిశాభాగే చంద్రే శతభిషాం గతే |
విలిఖ్య ప్రపఠేత్ స్తోత్రం స భవేత్ సంపదాం పదం || 20 ||
ఇతి శ్రీవిశ్వసారతంత్రే శ్రీ దుర్గాష్టోత్తరశతనామ స్తోత్రం |

శ్రీ దుర్గాష్టోత్తరశతనామావళిః 1

శ్రీ దుర్గాష్టోత్తరశతనామావళిః 1.

Telugu

Read Stotra

శ్రీ భైరవ ఉవాచ |
అధునా దేవి వక్ష్యేఽహం కవచం మంత్రగర్భకం |
దుర్గాయాః సారసర్వస్వం కవచేశ్వరసంజ్ఞకం || 1 ||
పరమార్థప్రదం నిత్యం మహాపాతకనాశనం |
యోగిప్రియం యోగిగంయం దేవానామపి దుర్లభం || 2 ||
వినా దానేన మంత్రస్య సిద్ధిర్దేవి కలౌ భవేత్ |
ధారణాదస్య దేవేశి శివస్త్రైలోక్యనాయకః || 3 ||
భైరవీ భైరవేశానీ విష్ణుర్నారాయణో బలీ |
బ్రహ్మా పార్వతి లోకేశో విఘ్నధ్వంసీ గజాననః || 4 ||
సేనానీశ్చ మహాసేనో జిష్ణుర్లేఖర్షభః ప్రియే |
సూర్యస్తమోఽపహో లోకే చంద్రోఽమృతవిధిస్తథా || 5 ||
బహునోక్తేన కిం దేవి దుర్గాకవచధారణాత్ |
మర్త్యోఽప్యమరతాం యాతి సాధకో మంత్రసాధకః || 6 ||
కవచస్యాస్య దేవేశి ఋషిః ప్రోక్తో మహేశ్వరః |
ఛందోఽనుష్టుప్ ప్రియే దుర్గా దేవతాఽష్టాక్షరా స్మృతా |
చక్రిబీజం చ బీజం స్యాన్మాయాశక్తిరితీరితా || 7 ||
ఓం మే పాతు శిరో దుర్గా హ్రీం మే పాతు లలాటకం |
దుం నేత్రేఽష్టాక్షరా పాతు చక్రీ పాతు శ్రుతీ మమ || 8 ||
మం ఠం గండౌ చ మే పాతు దేవేశీ రక్తకుండలా |
వాయుర్నాసాం సదా పాతు రక్తబీజనిషూదినీ || 9 ||
లవణం పాతు మే చోష్ఠౌ చాముండా చండఘాతినీ |
భేకీ బీజం సదా పాతు దంతాన్మే రక్తదంతికా || 10 ||
ఓం హ్రీం శ్రీం పాతు మే కంఠం నీలకంఠాంకవాసినీ |
ఓం ఐం క్లీం పాతు మే స్కంధౌ స్కందమాతా మహేశ్వరీ || 11 ||
ఓం సౌః క్లీం మే పాతు బాహూ దేవేశీ బగలాముఖీ |
ఐం శ్రీం హ్రీం పాతు మే హస్తౌ శివాశతనినాదినీ || 12 ||
సౌః ఐం హ్రీం పాతు మే వక్షో దేవతా వింధ్యవాసినీ |
ఓం హ్రీం శ్రీం క్లీం పాతు కుక్షిం మమ మాతంగినీ పరా || 13 ||
ఓం హ్రీం ఐం పాతు మే పార్శ్వే హిమాచలనివాసినీ |
ఓం స్త్రీం హ్రూం ఐం పాతు పృష్ఠం మమ దుర్గతినాశినీ || 14 ||
ఓం క్రీం హ్రుం పాతు మే నాభిం దేవీ నారాయణీ సదా |
ఓం ఐం క్లీం సౌః సదా పాతు కటిం కాత్యాయనీ మమ || 15 ||
ఓం హ్రీం శ్రీం పాతు శిశ్నం మే దేవీ శ్రీబగలాముఖీ |
ఐం సౌః క్లీం సౌః పాతు గుహ్యం గుహ్యకేశ్వరపూజితా || 16 ||
ఓం హ్రీం ఐం శ్రీం హ సౌః పాయాదూరూ మమ మనోన్మనీ |
ఓం జూం సః సౌః జాను పాతు జగదీశ్వరపూజితా || 17 ||
ఓం ఐం క్లీం పాతు మే జంఘే మేరుపర్వతవాసినీ |
ఓం హ్రీం శ్రీం గీం సదా పాతు గుల్ఫౌ మమ గణేశ్వరీ || 18 ||
ఓం హ్రీం దుం పాతు మే పాదౌ పార్వతీ షోడశాక్షరీ |
పూర్వే మాం పాతు బ్రహ్మాణీ వహ్నౌ పాతు చ వైష్ణవీ || 19 ||
దక్షిణే చండికా పాతు నైరృత్యే నారసింహికా |
పశ్చిమే పాతు వారాహీ వాయవ్యే మాపరాజితా || 20 ||
ఉత్తరే పాతు కౌమారీ చైశాన్యాం శాంభవీ తథా |
ఊర్ధ్వం దుర్గా సదా పాతు పాత్వధస్తాచ్ఛివా సదా || 21 ||
ప్రభాతే త్రిపురా పాతు నిశీథే ఛిన్నమస్తకా |
నిశాంతే భైరవీ పాతు సర్వదా భద్రకాళికా || 22 ||
అగ్నేరంబా చ మాం పాతు జలాన్మాం జగదంబికా |
వాయోర్మాం పాతు వాగ్దేవీ వనాద్వనజలోచనా || 23 ||
సింహాత్ సింహాసనా పాతు సర్పాత్ సర్పాంతకాసనా |
రోగాన్మాం రాజమాతంగీ భూతాద్భూతేశవల్లభా || 24 ||
యక్షేభ్యో యక్షిణీ పాతు రక్షోభ్యో రాక్షసాంతకా |
భూతప్రేతపిశాచేభ్యః సుముఖీ పాతు మాం సదా || 25 ||
సర్వత్ర సర్వదా పాతు ఓం హ్రీం దుర్గా నవాక్షరా |
ఇత్యేవం కవచం గుహ్యం దుర్గాసర్వస్వముత్తమం || 26 ||
మంత్రగర్భం మహేశాని కవచేశ్వరసంజ్ఞకం |
విత్తదం పుణ్యదం పుణ్యం వర్మ సిద్ధిప్రదం కలౌ || 27 ||
వర్మ సిద్ధిప్రదం గోప్యం పరాపరరహస్యకం |
శ్రేయస్కరం మనుమయం రోగనాశకరం పరం || 28 ||
మహాపాతకకోటిఘ్నం మానదం చ యశస్కరం |
అశ్వమేధసహస్రస్య ఫలదం పరమార్థదం || 29 ||
అత్యంతగోప్యం దేవేశి కవచం మంత్రసిద్ధిదం |
పఠనాత్సిద్ధిదం లోకే ధారణాన్ముక్తిదం శివే || 30 ||
రవౌ భూర్జే లిఖేద్ధీమాన్ కృత్వా కర్మాహ్నికం ప్రియే |
శ్రీచక్రాంగేఽష్టగంధేన సాధకో మంత్రసిద్ధయే || 31 ||
లిఖిత్వా ధారయేద్బాహౌ గుటికాం పుణ్యవర్ధినీం |
కిం కిం న సాధయేల్లోకే గుటికా వర్మణోఽచిరాత్ || 32 ||
గుటికాం ధారయన్మూర్ధ్ని రాజానం వశమానయేత్ |
ధనార్థీ ధారయేత్కంఠే పుత్రార్థీ కుక్షిమండలే || 33
తామేవ ధారయేన్మూర్ధ్ని లిఖిత్వా భూర్జపత్రకే |
శ్వేతసూత్రేణ సంవేష్ట్య లాక్షయా పరివేష్టయేత్ || 34 ||
సవర్ణేనాథ సంవేష్ట్య ధారయేద్రక్తరజ్జునా |
గుటికా కామదా దేవి దేవనామపి దుర్లభా || 35 ||
కవచస్యాస్య గుటికాం ధృత్వా ముక్తిప్రదాయినీం |
కవచస్యాస్య దేవేశి గుణితుం నైవ శక్యతే || 36 ||
మహిమా వై మహాదేవి జిహ్వాకోటిశతైరపి |
అదాతవ్యమిదం వర్మ మంత్రగర్భం రహస్యకం || 37 ||
అవక్తవ్యం మహాపుణ్యం సర్వసారస్వతప్రదం |
అదీక్షితాయ నో దద్యాత్కుచైలాయ దురాత్మనే || 38 ||
అన్యశిష్యాయ దుష్టాయ నిందకాయ కులార్థినాం |
దీక్షితాయ కులీనాయ గురుభక్తిరతాయ చ || 39 ||
శాంతాయ కులశాంతాయ శాక్తాయ కులవాసినే |
ఇదం వర్మ శివే దద్యాత్కులభాగీ భవేన్నరః || 40 ||
ఇదం రహస్యం పరమం దుర్గాకవచముత్తమం |
గుహ్యం గోప్యతమం గోప్యం గోపనీయం స్వయోనివత్ || 41 ||
ఇతి శ్రీదేవీరహస్యతంత్రే శ్రీ దుర్గా కవచం |

Sign In

OTP Verification

Sacred Stotras & Deities

శ్రీ దుర్గాష్టోత్తరశతనామ స్తోత్రం –1

శ్రీ దుర్గాష్టోత్తరశతనామావళిః 1

శ్రీ దుర్గాష్టోత్తరశతనామ స్తోత్రం 2

దకారాది శ్రీ దుర్గా సహస్రనామ స్తోత్రం

శ్రీ దుర్గా సహస్రనామ స్తోత్రం

శ్రీ దుర్గా సహస్రనామావళిః

శ్రీ దుర్గా సప్తశతీ పారాయణ విధి

దేవీ కవచం

ప్రాధానిక రహస్యం

వైకృతిక రహస్యం

మూర్తి రహస్యం

శ్రీ దుర్గాష్టాక్షర కవచం

MENU

LINKS

Astrologer Section

Vendor Section

GET ADVICE ON

Download Our Apps