Sacred Stotras & Deities

శ్రీ ప్రత్యంగిరా అష్టోత్తరశతనామావళిః

ఓం ప్రత్యంగిరాయై నమః |
ఓం ఓంకారరూపిణ్యై నమః |
ఓం క్షం హ్రాం బీజప్రేరితాయై నమః |
ఓం విశ్వరూపాస్త్యై నమః |
ఓం విరూపాక్షప్రియాయై నమః |
ఓం ఋఙ్మంత్రపారాయణప్రీతాయై నమః |
ఓం కపాలమాలాలంకృతాయై నమః |
ఓం నాగేంద్రభూషణాయై నమః |
ఓం నాగయజ్ఞోపవీతధారిణ్యై నమః | 9
ఓం కుంచితకేశిన్యై నమః |
ఓం కపాలఖట్వాంగధారిణ్యై నమః |
ఓం శూలిన్యై నమః |
ఓం రక్తనేత్రజ్వాలిన్యై నమః |
ఓం చతుర్భుజాయై నమః |
ఓం డమరుకధారిణ్యై నమః |
ఓం జ్వాలాకరాళవదనాయై నమః |
ఓం జ్వాలాజిహ్వాయై నమః |
ఓం కరాళదంష్ట్రాయై నమః | 18
ఓం ఆభిచారికహోమాగ్నిసముత్థితాయై నమః |
ఓం సింహముఖాయై నమః |
ఓం మహిషాసురమర్దిన్యై నమః |
ఓం ధూంరలోచనాయై నమః |
ఓం కృష్ణాంగాయై నమః |
ఓం ప్రేతవాహనాయై నమః |
ఓం ప్రేతాసనాయై నమః |
ఓం ప్రేతభోజిన్యై నమః |
ఓం రక్తప్రియాయై నమః | 27
ఓం శాకమాంసప్రియాయై నమః |
ఓం అష్టభైరవసేవితాయై నమః |
ఓం డాకినీపరిసేవితాయై నమః |
ఓం మధుపానప్రియాయై నమః |
ఓం బలిప్రియాయై నమః |
ఓం సింహావాహనాయై నమః |
ఓం సింహగర్జిన్యై నమః |
ఓం పరమంత్రవిదారిణ్యై నమః |
ఓం పరయంత్రవినాశిన్యై నమః | 36
ఓం పరకృత్యావిధ్వంసిన్యై నమః |
ఓం గుహ్యవిద్యాయై నమః |
ఓం సిద్ధవిద్యాయై నమః |
ఓం యోనిరూపిణ్యై నమః |
ఓం నవయోనిచక్రాత్మికాయై నమః |
ఓం వీరరూపాయై నమః |
ఓం దుర్గారూపాయై నమః |
ఓం మహాభీషణాయై నమః |
ఓం ఘోరరూపిణ్యై నమః | 45
ఓం మహాక్రూరాయై నమః |
ఓం హిమాచలనివాసిన్యై నమః |
ఓం వరాభయప్రదాయై నమః |
ఓం విషురూపాయై నమః |
ఓం శత్రుభయంకర్యై నమః |
ఓం విద్యుద్ఘాతాయై నమః |
ఓం శత్రుమూర్ధస్ఫోటనాయై నమః |
ఓం విధూమాగ్నిసమప్రభాయై నమః |
ఓం మహామాయాయై నమః | 54
ఓం మాహేశ్వరప్రియాయై నమః |
ఓం శత్రుకార్యహానికర్యై నమః |
ఓం మమకార్యసిద్ధికర్యే నమః |
ఓం శాత్రూణాం ఉద్యోగవిఘ్నకర్యై నమః |
ఓం మమసర్వోద్యోగవశ్యకర్యై నమః |
ఓం శత్రుపశుపుత్రవినాశిన్యై నమః |
ఓం త్రినేత్రాయై నమః |
ఓం సురాసురనిషేవితాయై నమః |
ఓం తీవ్రసాధకపూజితాయై నమః | 63
ఓం నవగ్రహశాసిన్యై నమః |
ఓం ఆశ్రితకల్పవృక్షాయై నమః |
ఓం భక్తప్రసన్నరూపిణ్యై నమః |
ఓం అనంతకళ్యాణగుణాభిరామాయై నమః |
ఓం కామరూపిణ్యై నమః |
ఓం క్రోధరూపిణ్యై నమః |
ఓం మోహరూపిణ్యై నమః |
ఓం మదరూపిణ్యై నమః |
ఓం ఉగ్రాయై నమః | 72
ఓం నారసింహ్యై నమః |
ఓం మృత్యుమృత్యుస్వరూపిణ్యై నమః |
ఓం అణిమాదిసిద్ధిప్రదాయై నమః |
ఓం అంతశ్శత్రువిదారిణ్యై నమః |
ఓం సకలదురితవినాశిన్యై నమః |
ఓం సర్వోపద్రవనివారిణ్యై నమః |
ఓం దుర్జనకాళరాత్ర్యై నమః |
ఓం మహాప్రాజ్ఞాయై నమః |
ఓం మహాబలాయై నమః | 81
ఓం కాళీరూపిణ్యై నమః |
ఓం వజ్రాంగాయై నమః |
ఓం దుష్టప్రయోగనివారిణ్యై నమః |
ఓం సర్వశాపవిమోచన్యై నమః |
ఓం నిగ్రహానుగ్రహ క్రియానిపుణాయై నమః |
ఓం ఇచ్ఛాజ్ఞానక్రియాశక్తిరూపిణ్యై నమః |
ఓం బ్రహ్మవిష్ణుశివాత్మికాయై నమః |
ఓం హిరణ్యసటాచ్ఛటాయై నమః |
ఓం ఇంద్రాదిదిక్పాలకసేవితాయై నమః | 90
ఓం పరప్రయోగ ప్రత్యక్ ప్రచోదిన్యై నమః |
ఓం ఖడ్గమాలారూపిణ్యై నమః |
ఓం నృసింహసాలగ్రామనివాసిన్యై నమః |
ఓం భక్తశత్రుభక్షిణ్యై నమః |
ఓం బ్రహ్మాస్త్రస్వరూపాయై నమః |
ఓం సహస్రారశక్యై నమః |
ఓం సిద్ధేశ్వర్యై నమః |
ఓం యోగీశ్వర్యై నమః |
ఓం ఆత్మరక్షణశక్తిదాయిన్యై నమః | 99
ఓం సర్వవిఘ్నవినాశిన్యై నమః |
ఓం సర్వాంతకనివారిణ్యై నమః |
ఓం సర్వదుష్టప్రదుష్టశిరశ్ఛేదిన్యై నమః |
ఓం అథర్వణవేదభాసితాయై నమః |
ఓం శ్మశానవాసిన్యై నమః |
ఓం భూతభేతాళసేవితాయై నమః |
ఓం సిద్ధమండలపూజితాయై నమః |
ఓం మహాభైరవప్రియాయ నమః |
ఓం ప్రత్యంగిరా భద్రకాళీ దేవతాయై నమః | 108

శ్రీ కాళీ ప్రత్యంగిరా మాలామంత్రం

శ్రీదేవ్యువాచ |
కథయేశాన సర్వజ్ఞ యతోఽహం తవ వల్లభా |
యా ప్రోక్తా త్వయా నాథ సిద్ధవిద్యా పురా దశ |
తాసాం ప్రత్యంగిరాఖ్యం తు కవచం చైకశః పరం || 1 ||
శ్రీశివ ఉవాచ |
శృణు ప్రియే ప్రవక్ష్యామి గుహ్యాద్గుహ్యతరం పరం |
వినా యేన న సిద్ధ్యంతి మంత్రాః కోటిక్రియాన్వితా || 2 ||
ప్రత్యంగ రక్షణకరీ తేన ప్రత్యంగిరా మతా |
కాళీ ప్రత్యంగిరా వక్ష్యే శృణుష్వావహితానఘే || 3 ||
శ్రీదేవ్యువాచ |
ప్రభో ప్రత్యంగిరావిద్యా సర్వవిద్యోత్తమా స్మృతా |
అభిచారాది దోషాణాం నాశినీ సిద్ధిదాయినీ |
మహ్యం తత్ కథయస్వాద్య కరుణా యది తే మయి || 4 ||
శ్రీశివ ఉవాచ |
సాధు సాధు మహాదేవి త్వం హి సంసారమోచినీ |
శృణుష్వ సుఖచిత్తేన వక్ష్యే దేవి సమాసతః || 5 ||
దేవి ప్రత్యంగిరావిద్యా సర్వగ్రహనివారిణీ |
మర్దినీ సర్వదుష్టానాం సర్వపాపప్రమోచినీ || 6 ||
స్త్రీ బాల ప్రభృతీనాం చ జంతూనాం హితకారిణీ |
సౌభాగ్యజననీ దేవి బలపుష్టికరీ సదా || 7 ||
అంగిరాస్య మునిప్రోక్తశ్ఛందోనుష్టుపుదాహృతః |
దేవతా చ స్వయం కాళీ కాంయేషు వినియోజయేత్ || 8 ||
వినియోగః –
ఓం ఓం ఓం అస్య శ్రీ ప్రత్యంగిరా మంత్రస్య శ్రీ అంగిరా ఋషిః అనుష్టుప్ ఛందః శ్రీ కాళీ ప్రత్యంగిరా దేవతా హూం బీజం హ్రీం శక్తిః క్రీం కీలకం మమాభీష్టసిద్ధయే పాఠే వినియోగః |
అంగన్యాసః –
శ్రీ అంగిరా ఋషయే నమః శిరసి |
అనుష్టుప్ ఛందసే నమః ముఖే |
శ్రీ కాళీ ప్రత్యంగిరా దేవతాయై నమః హృది |
హూం బీజాయ నమః గుహ్యే |
హ్రీం శక్తయే నమః పాదయోః |
క్రీం కీలకాయ నమః సర్వాంగే |
మమాభీష్టసిద్ధయే పాఠే వినియోగాయ నమః అంజలౌ ||
ధ్యానం –
భుజైశ్చతుర్భిర్ధృత తీక్ష్ణబాణ-
-ధనుర్వరాభీశ్చ శవాంఘ్రియుగ్మా |
రక్తాంబరా రక్తతనుస్త్రినేత్రా
ప్రత్యంగిరేయం ప్రణతం పునాతు ||
మాలామంత్రః –
ఓం నమః సహస్రసూర్యేక్షణాయ శ్రీకంఠానాదిరూపాయ పురుషాయ పురుహూతాయ ఐం మహాసుఖాయవ్యాపినే మహేశ్వరాయ జగత్సృష్టికారిణే ఈశానాయ సర్వవ్యాపినే మహాఘోరాతిఘోరాయ ఓం ఓం ఓం ప్రభావం దర్శయ దర్శయ | ఓం ఓం ఓం హిలి హిలి ఓం ఓం ఓం విద్యుజ్జిహ్వే బంధ బంధ మథ మథ ప్రమథ ప్రమథ విధ్వంసయ విధ్వంసయ గ్రస గ్రస పిబ పిబ నాశయ నాశయ త్రాసయ త్రాశయ విదారయ విదారయ మమ శత్రూన్ ఖాహి ఖాహి మారయ మారయ మాం సపరివారం రక్ష రక్ష కరికుంభస్తని సర్వాపద్రవేభ్యః | ఓం మహా మేఘౌఘ రాశి సంవర్తక విద్యుదంత కపర్దిని దివ్యకనకాంభోరుహ వికచమాలాధారిణి పరమేశ్వరప్రియే ఛింధి ఛింధి విద్రావయ విద్రావయ దేవి పిశాచ నాగాసుర గరుడ కిన్నర విద్యాధర గంధర్వ యక్ష రాక్షస లోకపాలాన్ స్తంభయ స్తంభయ కీలయ కీలయ ఘాతయ ఘాతయ విశ్వమూర్తి మహాతేజసే ఓం హూం సః మమ శత్రూణాం విద్యాం స్తంభయ స్తంభయ ఓం హూం సః మమ శత్రూణాం ముఖం స్తంభయ స్తంభయ ఓం హూం సః మమ శత్రూణాం హస్తౌ స్తంభయ స్తంభయ ఓం హూం సః మమ శత్రూణాం పాదౌ స్తంభయ స్తంభయ ఓం హూం సః మమ శత్రూణాం గృహాగత కుటుంబ ముఖాని స్తంభయ స్తంభయ స్థానం కీలయ కీలయ గ్రామం కీలయ కీలయ మండలం కీలయ కీలయ దేశం కీలయ కీలయ సర్వసిద్ధి మహాభాగే ధారకస్య సపరివారస్య శాంతిం కురు కురు ఫట్ స్వాహా || 1 ||
ఓం ఓం ఓం ఓం ఓం అం అం అం అం అం హూం హూం హూం హూం హూం ఖం ఖం ఖం ఖం ఖం ఫట్ స్వాహా || 2 ||
జయ ప్రత్యంగిరే ధారకస్య సపరివారస్య మమ రక్షాం కురు కురు ఓం హూం సః జయ జయ స్వాహా || 3 ||
ఓం ఐం హ్రీం శ్రీం బ్రహ్మాణి మమ శిరో రక్ష రక్ష హూం స్వాహా || 4 ||
ఓం ఐం హ్రీం శ్రీం కౌమారి మమ వక్త్రం రక్ష రక్ష హూం స్వాహా || 5 ||
ఓం ఐం హ్రీం శ్రీం వైష్ణవి మమ కంఠం రక్ష రక్ష హూం స్వాహా || 6 ||
ఓం ఐం హ్రీం శ్రీం నారసింహి మమ ఉదరం రక్ష రక్ష హూం స్వాహా || 7 ||
ఓం ఐం హ్రీం శ్రీం ఇంద్రాణి మమ నాభిం రక్ష రక్ష హూం స్వాహా || 8 ||
ఓం ఐం హ్రీం శ్రీం చాముండే మమ గుహ్యం రక్ష రక్ష హూం స్వాహా || 9 ||
ఓం నమో భగవతి ఉచ్ఛిష్టచాండాలిని త్రిశూలవజ్రాంకుశధరే మాంసభక్షిణి ఖట్వాంగ కపాల వజ్రాఽసిధారిణి దహ దహ ధమ ధమ సర్వ దుష్టాన్ గ్రస గ్రస ఓం ఐం హ్రీం శ్రీం ఫట్ స్వాహా || 10 ||
ఓం దంష్ట్రాకరాళి మమ మంత్రతంత్రబృందాదీన్ విషశాస్త్రాభిచారకేభ్యో రక్ష రక్ష స్వాహా || 11 ||
స్తంభినీ మోహినీ చైవ క్షోభిణీ ద్రావిణీ తథా |
జృంభిణీ త్రాసినీ రౌద్రీ తథా సంహారిణీతి చ || 12 ||
శక్తయః క్రమ యోగేన శత్రుపక్షే నియోజితాః |
ధారితాః సాధకేంద్రేణ సర్వశత్రునివారిణీ || 13 ||
ఓం స్తంభిని స్ఫ్రేం మమ శత్రూన్ స్తంభయ స్తంభయ స్వాహా |
ఓం మోహిని స్ఫ్రేం మమ శత్రూన్ మోహయ మోహయ స్వాహా |
ఓం క్షోభిణి స్ఫ్రేం మమ శత్రూన్ క్షోభయ క్షోభయ స్వాహా |
ఓం ద్రావిణి స్ఫ్రేం మమ శత్రూన్ ద్రావయ ద్రావయ స్వాహా |
ఓం జృంభిణి స్ఫ్రేం మమ శత్రూన్ జృంభయ జృంభయ స్వాహా |
ఓం త్రాసిని స్ఫ్రేం మమ శత్రూన్ త్రాసయ త్రాసయ స్వాహా |
ఓం రౌద్రి స్ఫ్రేం మమ శత్రూన్ సంతాపయ సంతాపయ స్వాహా |
ఓం సంహారిణి స్ఫ్రేం మమ శత్రూన్ సంహారయ సంహారయ స్వాహా || 14 ||
ఫలశ్రుతిః –
య ఇమాం ధారయేద్విద్యాం త్రిసంధ్యం వాఽపి యః పఠేత్ |
సోఽపి వ్యథాగతశ్చైవ హన్యాచ్ఛత్రూన్ న సంశయః || 1 ||
సర్వతో రక్షతో దేవి భయేషు చ విపత్తిషు |
మహాభయేషు సర్వేషు న భయం విద్యతే క్వచిత్ || 2 ||
విద్యానాముత్తమా విద్యా వాచితా ధారితా పునః |
లిఖిత్వా చ కరే కంఠే బాహో శిరసి ధారయేత్ || 3 ||
స ముచ్యతే మహాఘోరైర్మృత్యుతుల్యైర్దురాసదై |
దుష్ట గ్రహ వ్యాల చౌర రక్షో యక్ష గణాస్తథా || 4 ||
పీడాం న తస్య కుర్వంతి యే చాన్యే పీడకాగ్రహాః |
హరిచందనమిశ్రేణ గోరోచనకుంకమేన చ || 5 ||
లిఖిత్వా భూర్జపత్రే తు ధారణీయా సదా నృభిః |
పుష్పధూపవిచిత్రైశ్చ బల్యుపహార వందనైః || 6 ||
పూజయిత్వా యథా న్యాయం త్రిలోహేనైవ వేష్టయేత్ |
ధారయేద్య ఇమాం మంత్రీ లిఖిత్వా రిపునాశినీం || 7 ||
విలయం యాంతి రిపవః ప్రత్యంగిరా విధారణాత్ |
యం యం స్పృశతి హస్తేన యం యం ఖాదతి జిహ్వయా || 8 ||
అమృతత్వం భవేత్ తస్య మృత్యుర్నాస్తి కదాచన |
త్రిపురం తు మయా దగ్ధమిమం మంత్రం విజానతా || 9 ||
నిర్జితాస్తే సురాః సర్వే దేవైర్విద్యాధరాదిభిః |
దివ్యైర్మంత్రపదైర్గుహ్యైః సుఖోపాయైః సురక్షితైః || 10 ||
పఠేద్రక్షావిధానేన మంత్రరాజ ప్రకీర్తితః |
క్రాంతా దమనకం చైవ రోచనం కుంకుమం తథా || 11 ||
అరుష్కరం విషావిష్టం సిద్ధార్థం మాలతీం తథా |
ఏతద్ద్రవ్యగణం భద్రే గోలమధ్యే నిధాపయేత్ |
సంస్కృతం ధారయేన్మంత్రీ సాధకో బ్రహ్మవిత్ సదా || 12 ||
ఇతి శ్రీఅంగిరా ఋషి కృతం శ్రీ కాళీ ప్రత్యంగిరా మాలామంత్రం ||

శ్రీ తారా ప్రత్యంగిరా కవచం

తారాయాః స్తంభినీ దేవీ మోహినీ క్షోభిణీ తథా |
జృంభిణీ భ్రామిణీ రౌద్రీ సంహారిణ్యపి తారిణీ || 1 ||
శక్తయోరష్టౌ క్రమాదేతా శత్రుపక్షే నియోజితాః |
ధారితా సాధకేంద్రేణ సర్వశత్రునివారిణీ || 2 ||
ఓం స్తంభినీ స్త్రీం స్త్రీం మమ శత్రూన్ స్తంభయ స్తంభయ || 3 ||
ఓం మోహినీ స్త్రీం స్త్రీం మమ శత్రూన్ మోహయ మోహయ || 4 ||
ఓం క్షోభిణీ స్త్రీం స్త్రీం మమ శత్రూన్ క్షోభయ క్షోభయ || 5 ||
ఓం జృంభిణీ స్త్రీం స్త్రీం మమ శత్రూన్ జృంభయ జృంభయ || 6 ||
ఓం భ్రామిణీ స్త్రీం స్త్రీం మమ శత్రూన్ భ్రామయ భ్రామయ || 7 ||
ఓం రౌద్రీ స్త్రీం స్త్రీం మమ శత్రూన్ సంతాపయ సంతాపయ || 8 ||
ఓం సంహారిణీ స్త్రీం స్త్రీం మమ శత్రూన్ సంహారయ సంహారయ || 9 ||
ఓం తారిణీ స్త్రీం స్త్రీం సర్వాపద్భ్యః సర్వభూతేభ్యః సర్వత్ర మాం రక్ష రక్ష స్వాహా || 10 ||
ఫలశ్రుతిః –
య ఇమాం ధారయేద్విద్యాం త్రిసంధ్యం వాఽపి యః పఠేత్ |
స దుఃఖం దూరతస్త్యక్త్వా హన్యాచ్ఛత్రూన్ న సంశయః || 11 ||
రణే రాజకులే దుర్గే మహాభయే విపత్తిషు |
విద్యా ప్రత్యంగిరా హ్యేషా సర్వతో రక్షయేన్నరం || 12 ||
అనయా విద్యయా రక్షాం కృత్వా యస్తు పఠేత్ సుధీ |
మంత్రాక్షరమపి ధ్యాయన్ చింతయేన్నీలసరస్వతీం || 13 ||
అచిరేనైవ తస్యాసన్ కరస్థా సర్వసిద్ధయః |
ఓం హ్రీం ఉగ్రతారాయై నీలసరస్వత్యై నమః || 14 ||
ఇదం కవచం ధీయానో నిత్యం (యో) ధారయేన్నరః |
న క్వాపి భయమాప్నోతి సర్వత్ర జయమాప్నుయాత్ || 15 ||
ఇతి శ్రీరుద్రయామలే శ్రీమదుగ్రతరా ప్రత్యంగిరా కవచం |

శ్రీ ప్రత్యంగిరా ఆపన్నివారణ స్తుతిః

ప్రత్యంగిరే మహాకృత్యే దుస్తరాపన్నివారిణి |
సకలాపన్నివృత్తిం మే సర్వదా కురు సర్వదే || 1 ||
ప్రత్యంగిరే జగన్మాతర్జయశ్రీ పరమేశ్వరి |
తీవ్రదారిద్ర్యదుఃఖం మే క్షిప్రమేవ హరాంబికే || 2 ||
ప్రత్యంగిరే మహామాయే భీమే భీమపరాక్రమే |
మమ శత్రూనశేషాంస్త్వం దుష్టాన్నాశయ నాశయ || 3 ||
ప్రత్యంగిరే మహదేవి జ్వాలామాలోజ్జ్వలాననే |
క్రూరగ్రహానశేషాన్ త్వం దహ ఖాదాగ్నిలోచనే || 4 ||
ప్రత్యంగిరే మహాఘోరే పరమంత్రాంశ్చ కృత్రిమాన్ |
పరకృత్యా యంత్ర తంత్రజాలం ఛేదయ ఛేదయ || 5 ||
ప్రత్యంగిరే విశాలాక్షి పరాత్పరతరే శివే |
దేహి మే పుత్రపౌత్రాది పారంపర్యోఛ్ఛ్రితాం శ్రియం || 6 ||
ప్రత్యంగిరే మహాదుర్గే భోగమోక్షఫలప్రదే |
సకలాభీష్టసిద్ధిం మే దేహి సర్వేశ్వరేశ్వరి || 7 ||
ప్రత్యంగిరే మహాదేవి మహాదేవమనఃప్రియే |
మంగళం మే ప్రయచ్ఛాశు మనసా త్వాం నమాంయహం || 8 ||
ఇతి శ్రీ ప్రత్యంగిరా ఆపన్నివారణ స్తుతిః |

శ్రీ ప్రత్యంగిరా కవచం –1 (సర్వార్థసాధనం)

దేవ్యువాచ |
భగవన్ సర్వధర్మజ్ఞ సర్వశాస్త్రార్థపారగ |
దేవ్యాః ప్రత్యంగిరాయాశ్చ కవచం యత్ప్రకాశితం || 1 ||
సర్వార్థసాధనం నామ కథయస్వ మయి ప్రభో |
భైరవ ఉవాచ |
శృణు దేవి ప్రవక్ష్యామి కవచం పరమాద్భుతం || 2 ||
సర్వార్థసాధనం నామ త్రైలోక్యే చాఽతిదుర్లభం |
సర్వసిద్ధిమయం దేవి సర్వైశ్వర్యప్రదాయకం || 3 ||
పఠనాచ్ఛ్రవణాన్మర్త్యస్త్రైలోక్యైశ్వర్యభాగ్భవేత్ |
సర్వార్థసాధకస్యాఽస్య కవచస్య ఋషిః శివః || 4 ||
ఛందో విరాట్ పరాశక్తిర్జగద్ధాత్రీ చ దేవతా |
ధర్మాఽర్థకామమోక్షేషు వినియోగః ప్రకీర్తితః || 5 ||
న్యాసః –
శ్రీసర్వార్థసాధకకవచస్య శివ ఋషయే నమః శిరసి |
విరాట్ ఛందసే నమః ముఖే |
శ్రీమత్ప్రత్యంగిరా దేవతాయై నమః హృదయే |
ఐం బీజాయ నమః గుహ్యే |
హ్రీం శక్తయే నమః పాదౌ |
శ్రీం కీలకాయ నమః నాభౌ |
ధర్మార్థకామమోక్షేషు వినియోగాయ నమః సర్వాంగే ||
కవచం –
ప్రణవం మే శిరః పాతు వాగ్భవం చ లలాటకం |
హ్రీం పాతు దక్షనేత్రం మే లక్ష్మీర్వామ సురేశ్వరీ || 6 ||
ప్రత్యంగిరా దక్షకర్ణం వామే కామేశ్వరీ తథా |
లక్ష్మీః ప్రాణం సదా పాతు వదనం పాతు కేశవః || 7 ||
గౌరీ తు రసనాం పాతు కంఠం పాతు మహేశ్వరః |
స్కంధదేశం రతిః పాతు భుజౌ తు మకరధ్వజః || 8 ||
శంఖనిధిః కరౌ పాతు వక్షః పద్మనిధిస్తథా |
బ్రాహ్మీ మధ్యం సదా పాతు నాభిం పాతు మహేశ్వరీ || 9 ||
కౌమారీ పృష్ఠదేశం తు గుహ్యం రక్షతు వైష్ణవీ |
వారాహీ చ కటిం పాతు చైంద్రీ పాతు పదద్వయం || 10 ||
భార్యాం రక్షతు చాముండా లక్ష్మీ రక్షతు పుత్రకాన్ |
ఇంద్రః పూర్వే సదా పాతు ఆగ్నేయ్యామగ్నిదేవతా || 11 ||
యాంయే యమః సదా పాతు నైరృత్యాం నిరృతిస్తథా |
పశ్చిమే వరుణః పాతు వాయవ్యాం వాయుదేవతా || 12 ||
సౌంయాం సోమః సదా పాతు చైశాన్యామీశ్వరో విభుః |
ఊర్ధ్వం ప్రజాపతిః పాతు హ్యధశ్చాఽనంతదేవతా || 13 ||
రాజద్వారే శ్మశానే తు అరణ్యే ప్రాంతరే తథా |
జలే స్థలే చాఽంతరిక్షే శత్రూణాం నివహే తథా || 14 ||
ఏతాభిః సహితా దేవీ చతుర్బీజా మహేశ్వరీ |
ప్రత్యంగిరా మహాశక్తిః సర్వత్ర మాం సదాఽవతు || 15 ||
ఫలశ్రుతిః –
ఇతి తే కథితం దేవి సారాత్సారం పరాత్పరం |
సర్వార్థసాధనం నామ కవచం పరమాద్భుతం || 16 ||
అస్యాఽపి పఠనాత్సద్యః కుబేరోఽపి ధనేశ్వరః |
ఇంద్రాద్యాః సకలా దేవాః ధారణాత్పఠనాద్యతః || 17 ||
సర్వసిద్ధీశ్వరాః సంతః సర్వైశ్వర్యమవాప్నుయుః |
పుష్పాంజల్యష్టకం దత్త్వా మూలేనైవ సకృత్పఠేత్ || 18 ||
సంవత్సరకృతాయాస్తు పూజాయాః ఫలమాప్నుయాత్ |
ప్రీతిమన్యేఽన్యతః కృత్వా కమలా నిశ్చలా గృహే || 19 ||
వాణీ చ నివసేద్వక్త్రే సత్యం సత్యం న సంశయః |
యో ధారయతి పుణ్యాత్మా సర్వార్థసాధనాభిధం || 20 ||
కవచం పరమం పుణ్యం సోఽపి పుణ్యవతాం వరః |
సర్వైశ్వర్యయుతో భూత్వా త్రైలోక్యవిజయీ భవేత్ || 21 ||
పురుషో దక్షిణే బాహౌ నారీ వామభుజే తథా |
బహుపుత్రవతీ భూయాద్వంధ్యాఽపి లభతే సుతం || 22 ||
బ్రహ్మాస్త్రాదీని శస్త్రాణి నైవ కృంతంతి తత్తనుం |
ఏతత్కవచమజ్ఞాత్వా యో జపేత్పరమేశ్వరీం |
దారిద్ర్యం పరమం ప్రాప్య సోఽచిరాన్మృత్యుమాప్నుయాత్ || 23 ||
ఇతి శ్రీరుద్రయామలతంత్రే పంచాంగఖండే సర్వార్థసాధనం నామ శ్రీ ప్రత్యంగిరా కవచం |

శ్రీ ప్రత్యంగిరా కవచం –2 (జగన్మంగళం)

శ్రీదేవ్యువాచ |
దేవ దేవ మహాదేవ సర్వజ్ఞ కరుణానిధే |
ప్రత్యంగిరాయాః కవచం సర్వరక్షాకరం నృణాం || 1 ||
జగన్మంగళకం నామ ప్రసిద్ధం భువనత్రయే |
సర్వరక్షాకరం నృణాం రహస్యమపి తద్వద || 2 ||
శ్రీశివ ఉవాచ |
శృణు కళ్యాణి వక్ష్యామి కవచం శత్రునిగ్రహం |
పరప్రేషితకృత్యాది తంత్రశల్యాదిభక్షణం || 3 ||
మహాభిచారశమనం సర్వకార్యప్రదం నృణాం |
పరసేనాసమూహే చ రాజ్ఞాముద్దిశ్య మండలాత్ || 4 ||
జపమాత్రేణ దేవేశి సంయగుచ్చాటనం భవేత్ |
సర్వతంత్రప్రశమనం కారాగృహవిమోచనం || 5 ||
క్షయాపస్మారకుష్ఠాది తాపజ్వరనివారణం |
పుత్రదం ధనదం శ్రీదం పుణ్యదం పాపనాశనం || 6 ||
వశ్యప్రదం మహారాజ్ఞాం విశేషాచ్ఛత్రునాశనం |
సర్వరక్షాకరం శూన్యగ్రహపీడావినాశనం || 7 ||
బిందుత్రికోణం త్వథ పంచకోణం
దళాష్టకం షోడశపత్రయుక్తం |
మహీపురేణావృతమంబుజాక్షీ
లిఖేన్మనోరంజనమగ్రతోపి || 8 ||
మహేపురాత్వూర్వమేవ ద్వాత్రింశత్పత్రమాలిఖేత్ |
అంతరే భూపురం లేఖ్యం కోణాగ్రే క్షాం సమాలిఖేత్ || 9 ||
భద్రకాళీమనుం లేఖ్యం మంత్రం ప్రత్యంగిరాత్మకం |
భద్రకాళ్యుక్తమార్గేణ పూజ్యాం ప్రత్యంగిరాం శివాం || 10 ||
రక్తపుష్పైః సమభ్యర్చ్య కవచం జపమాచరేత్ |
సకృత్పఠనమాత్రేణ సర్వశత్రూన్ వినాశయేత్ || 11 ||
శత్రవశ్చ పలాయం తే తస్య దర్శనమాత్రతః |
మాసమాత్రం జపేద్దేవి సర్వశత్రూన్ వినాశయేత్ || 12 ||
అథ కవచం –
యాం కల్పయంతీ ప్రదిశం రక్షేత్కాళీ త్వథర్వణీ |
రక్షేత్కరాళాత్వాగ్నేయ్యాం సదా మాం సింహవాహినీ || 13 ||
యాంయాం దిశం సదా రక్షేత్కక్షజ్వాలాస్వరూపిణీ |
నైరృత్యాం రక్షతు సదా మాస్మానృచ్ఛో అనాగసః || 14 ||
వారుణ్యాం రక్షతు మమ ప్రజాం చ పురుషార్థినీ |
వాయవ్యం రక్షాతు సదా యాతుధాన్యో మమాఖిలాః || 15 ||
దంష్ట్రాకరాళవదనా కౌబేర్యాం బడబనలా |
ఈశాన్యాం మే సదా రక్షేద్వీరాంశ్చాన్యాన్నిబర్హయ || 16 ||
ఉగ్రా రక్షేదధోభాగే మాయామంత్రస్వరూపిణీ |
ఊర్ధ్వం కపాలినీ రక్షేత్ క్షం హ్రీం హుం ఫట్ స్వరూపిణీ || 17 ||
అధో మే విదశం రక్షేత్కురుకుళ్లా కపాలినీ |
విప్రచిత్తా సదా రక్షేత్ దివారాత్రం విరోధినీ || 18 ||
కురుకుళ్లా తు మే పుత్రాన్ బంధవానుగ్రరూపిణీ |
ప్రభాదీప్త గృహా రక్షేత్ మాతాపుత్రాన్ సమాతృకాన్ || 19 ||
స్వభృత్యాన్ మే సదా రక్షేత్పాయాత్ సా మే పశూన్ సదా |
అజితా మే సదా రక్షేదపరాజిత కామదా || 20 ||
కృత్యా రక్షేత్సదాప్రాణాన్ త్రినేత్రా కాళరాత్రికా |
ఫాలం పాతు మహాక్రూరా పింగకేశీ శిరోరుహాన్ || 21 ||
భ్రువౌ మే క్రూరవదనా పాయాచ్చండీ ప్రచండికా |
శ్రోత్రయోర్యుగళం పాతు తదా మే శంఖకుండలా || 22 ||
ప్రేతచిత్యాసనా దేవీ పాయాన్నేత్రయుగ్మం మమ |
మమ నాసాపుటద్వంద్వం బ్రహ్మరోచిష్ణ్వమిత్రహా || 23 ||
కపోలం మే సదా పాతు భృగవశ్చాప సేధిరే |
ఊర్ధ్వోష్ఠం తు సదా పాతు రథస్యేవ విభుర్ధియా || 24 ||
అధరోష్ఠం సదా పాతు ఆజ్ఞాతస్తే వశో జనః |
దంతపంక్తిద్వయం పాతు బ్రహ్మరూపా కరాళినీ || 25 ||
వాచం వాగీశ్వరీ రక్షేద్రసనాం జననీ మమ |
చుబుకం పాతు మేంద్రాణీ తనూం ఋచ్ఛస్వ హేళికా || 26 ||
కర్ణస్థానం మమ సదా రక్షతాం కంబుకంధరా |
కంఠధ్వనిం సదా పాతు నాదబ్రహ్మమయీ మమ || 27 ||
జఠరం మేంగిరః పుత్రీ మే వక్షః పాతు కాంచనీ |
పాతు మే భుజయోర్మూలం జాతవేదస్వరూపిణీ || 28 ||
దక్షిణం మే భుజం పాతు సతతం కాళరాత్రికా |
వామం భుజం వామకేశీ పరాయంతీ పరావతీ || 29 ||
పాతు మే కూర్పరద్వంద్వం మనస్తత్వాభిధా సతీ |
వాచం వాగీశ్వరీ రక్షేద్రసనాం జననీ మమ || 30 ||
వజ్రేశ్వరీ సదా పాతు ప్రకోష్ఠయుగళం మమ |
మణిద్వయం సదా పాతు ధూంరా శత్రుజిఘాంసయా || 31 ||
పాయాత్కరతలద్వంద్వం కదంబవనవాసినీ |
వామపాణ్యంగుళీ పాతు హినస్తి పరశాసనం || 32 ||
సవ్యపాణ్యంగుళీ పాతు యదవైషి చతుష్పదీ |
ముద్రిణీ పాతు వక్షో మే కుక్షిం మే వారుణీప్రియా ||
తలోదర్యుదరం పాతు యది వైషి చతుష్పదీ |
నాభిం నిత్యా సదా పాతు జ్వాలాభైరవరూపిణీ || 33 ||
పంచాస్యపీఠనిలయా పాతు మే పార్శ్వయోర్యుగం |
పృష్ఠం ప్రజ్ఞేశ్వరీ పాతు కటిం పృథునితంబినీ || 34 ||
గుహ్యమానందరూపావ్యాదండం బ్రహ్మాండనాయకీ |
పాయాన్మమ గుదస్థానమిందుమౌళిమనః శుభా || 35 ||
బీజం మమ సదా పాతు దుర్గా దుర్గార్తిహారిణీ |
ఊరూ మే పాతు క్షాంతాత్మా త్వం ప్రత్యస్య స్వమృత్యవే || 36 ||
వనదుర్గా సదా పాతు జానునీ వనవాసినీ |
జంఘికాండద్వయం పాతు యశ్చజామీశ పాతు నః || 37 ||
గుల్ఫయోర్యుగళం పాతు యోఽస్మాన్ద్వేష్టి వధస్వ తం |
పదద్వంద్వం సదావ్యాన్మే పదావిస్ఫార్య తచ్ఛిరః || 38 ||
అభిప్రేహి సహస్రాక్షం పాదయోర్యుగళం మమ |
పాయాన్మమ పదద్వంద్వం దహన్నగ్నిరివ హ్రదం || 39 ||
సర్వాంగం సర్వదా పాతు సర్వప్రకృతిరూపిణీ |
మంత్రం ప్రత్యంగిరా దేవీ కృత్యాశ్చ సహృదో సుహృత్ || 40 ||
పరాభిచారకృత్యాత్మ సమిద్ధం జాతవేదసం |
పరప్రేషితశల్యాత్మే తమితో నాశయామసి || 41 ||
వృక్షాది ప్రతిరూపాత్మా శివం దక్షిణతః కృధి |
అభయం సతతం పశ్చాద్భద్రముత్తరతో గృహే || 42 ||
భూతప్రేతపిశాచాది ప్రేషితాన్ జహి మాం ప్రతి |
భూతప్రేతపిశాచాది పరతంత్రవినాశినీ || 43 ||
పరాభిచారశమనీ ధారణాత్సర్వసిద్ధిదాం |
భూర్జపత్రే స్వర్ణపత్రే లిఖిత్వా ధారయేద్యది || 44 ||
సర్వసిద్ధిమవాప్నోతి సర్వత్ర విజయీ భవేత్ |
ఏకావృత్తిం జపేద్దేవి సర్వఋగ్జపదా భవేత్ || 45 ||
భద్రకాళీ ప్రసన్నా భూదభీష్టఫలదా భవేత్ |
బందీగృహే సప్తరాత్రం చోరద్రవ్యేఽష్టరాత్రకం || 46 ||
మహాజ్వరే సప్తరాత్రం ఉచ్చాటే మాసమాత్రకం |
మహావ్యాధినివృత్తిః స్యాన్మండలం జపమాచరేత్ || 47 ||
పుత్రకార్యే మాసమాత్రం మహాశతృత్వమండలాత్ |
యుద్ధకార్యే మండలం స్యాద్ధార్యం సర్వేషు కర్మసు || 48 ||
అస్మిన్యజ్ఞే సమావాహ్య రక్తపుష్పైః సమర్చయేత్ |
నత్వా న కుర్తు మర్హాసి ఇషురూపే గృహాత్సదా || 49 ||
శాస్తాలయే చతుష్పథే స్వగృహే గేహళీస్థలే |
నిఖనేద్యం త్రిశల్యాది తదర్థం ప్రాపయాశుమే || 50 ||
మాసోచ్ఛిష్టశ్చ ద్విపదమేతత్కించిచ్చతుష్పదం |
మాజ్ఞాతిరనుజానస్యాన్మాసావేశి ప్రవేశినః || 51 ||
బలే స్వప్నస్థలే రక్షేద్యో మే పాపం చికీర్షతి |
ఆపాదమస్తకం రక్షేత్తమేవ ప్రతిధావతు || 52 ||
ప్రతిసర ప్రతిధావ కుమారీవ పితుర్గృహం |
మూర్ధానమేషాం స్ఫోటయ వధాంయేషాం కులే జహీ || 53 ||
యే యే మనసా వాచా యశ్చ పాపం చికీర్షతి |
తత్సర్వం రక్షతాం దేవీ జహి శత్రూన్ సదా మమ || 54 ||
ఖట్ ఫట్ జహి మహాకృత్యే విధూమాగ్ని సమప్రభే |
దేవి దేవి మహాదేవి మమ శత్రూన్వినాశయ || 55 ||
త్రికాలం రక్ష మాం దేవి పఠతాం పాపనాశనం |
సర్వశత్రుక్షయకరం సర్వవ్యాధివినాశనం || 56 ||
ఇదం తు కవచం జ్ఞాత్వా జపేత్ప్రత్యంగిరా ఋచం |
శతలక్షం ప్రజప్త్వాపి తస్య విద్యా న సిధ్యతి || 57 ||
మంత్రస్వరూపకవచమేకకాలం పఠేద్యది |
భద్రకాళీ ప్రసన్నాత్మా సర్వభీష్టం దదాతి హి || 58 ||
మహాపన్నో మహారోగీ మహాగ్రంథ్యాదిపీడినే |
కవచం ప్రథమం జప్త్వా పశ్చాదృగ్జపమాచరేత్ || 59 ||
పక్షమాత్రాత్ సర్వరోగా నశ్యంత్యేవ హి నిశ్చయం |
మహాధనప్రదం పుంసాం మహాదుఃస్వప్ననాశనం || 60 ||
సర్వమంగళదం నిత్యం వాంఛితార్థఫలప్రదం |
కృత్యాది ప్రేషితే గ్రస్తే పురస్తాజ్జుహుయాద్యది || 61 ||
ప్రేషితం ప్రాప్య ఝడితి వినాశం ప్రదదాతి హి |
స్వగృహ్యోక్తవిధానేన ప్రతిష్ఠాప్య హూతాశనం || 62 ||
త్రికోణకుండే చావాహ్య షోడశైరుపచారతః |
యో మే కరోతి మంత్రేణ ఖట్ ఫట్ జహీతి మంత్రతః || 63 ||
హునేదయుతమాత్రేణ యంత్రస్య పురతో ద్విజః |
క్షణాదావేశమాప్నోతి భూతగ్రస్తకళేబరే || 64 ||
విభీతకమపామార్గం విషవృక్షసముద్భవం |
గుళూచీం వికతం కాంతమంకోలం నింబవృక్షకం || 65 ||
త్రికటుం సర్షపం శిగ్రుం లశునం భ్రామకం ఫలం |
పంచ ఋగ్భిః సుసంపాద్య ఆచార్యసహితః శుచిః || 66 ||
దినమేక సహస్రం తు హునేద్ధ్యాన పురః సరః |
సర్వారిష్టః సర్వశాంతిః భవిష్యతి న సంశయః || 67 ||
శత్రుకృత్యే చైవమేవ హునేద్యది సమాహితః |
స శత్రుర్మిత్రపుత్రాదియుక్తో యమపురీం వ్రజేత్ || 68 ||
బ్రహ్మాఽపి రక్షితుం నైవ శక్తిః ప్రతినివర్తనే |
మహత్కార్యసమాయోగే ఏవమేవం సమాచరేత్ || 69 ||
తత్కార్యం సఫలం ప్రాప్య వాంఛితాన్ లభతే సుధీః |
ఇదం రహస్యం దేవేశి మంత్రయుక్తం తవానఘే || 70 ||
శిష్యాయ భక్తియుక్తాయ వక్తవ్యం నాన్యమేవ హి |
నికుంభిళామింద్రజితా కృతం జయ రిపుక్షయే || 71 ||
ఇతి శ్రీమహాలక్ష్మీతన్త్రే ప్రత్యక్షసిద్ధిప్రదే ఉమామహేశ్వర సంవాదే శ్రీ శంకరేణ విరచితే శ్రీ ప్రత్యంగిరా కవచం ||

శ్రీ ప్రత్యంగిరా ఖడ్గమాలా స్తోత్రం

అస్య శ్రీ అథర్వణ భద్రకాళీ మహామహాప్రత్యంగిరా పరమేశ్వరి శుద్ధశక్తి సంబుద్ధ్యంత మాలా మహామంత్రస్య ఉపస్థేంద్రియాధిష్ఠాయీ వరుణాదిత్య అంగిరా ప్రత్యంగిరా విజయ భైరవాది స్వర్ణాకర్షణభైరవాత్మక ధ్యాన పరిపూర్ణానంద పరాశివ ఋషిః అనుష్టుప్ ఛందః మహోగ్ర క్షకార భట్టారక మహాపీఠస్థిత మహాకాలాంగనిలయా శ్రీ బ్రాహ్మీ నారాయణీ రౌద్రీ ఉగ్రకృత్యా మహాకృత్యాత్మక అథర్వణ భద్రకాళీ మహామహాప్రత్యంగిరా పరమేశ్వరీ శ్రీమాతా దేవతా క్షం బీజం ఫట్ శక్తిః స్వాహా కీలకం శ్రీమహాప్రత్యంగిరా ఖడ్గసిద్ధ్యర్థే వినియోగః ||
కరన్యాసః –
క్షాం అంగుష్ఠాభ్యాం నమః |
క్షీం తర్జనీభ్యాం నమః |
క్షూం మధ్యమాభ్యాం నమః |
క్షైం అనమికాభ్యాం నమః |
క్షౌం కనిష్ఠికాభ్యాం నమః |
క్షః కరతల కరపృష్ఠాభ్యాం నమః |
హృదయాదిన్యాసః –
క్షాం హృదయాయ నమః |
క్షీం శిరసే స్వాహా |
క్షూం శిఖాయై వషట్ |
క్షైం కవచాయ హుం |
క్షౌం నేత్రత్రయాయ వౌషట్ |
క్షః అస్త్రాయ ఫట్ |
ధ్యానం –
ఆశాంబరా ముక్తకచా ఘనచ్ఛవి-
-ర్ధ్యేయా సచర్మాసి కరా హి భూషణా |
దంష్ట్రోగ్రవక్త్రా గ్రసితా హితా త్వయా
ప్రత్యంగిరా శంకర తేజసేరితా || 1 ||
సింహీం సింహముఖీం సఖీం భగవతీం శ్రీభైరవోల్లసత్
శూలస్థూల కపాల పాశ డమరు వ్యాఘ్రాగ్ర హస్తాంబుజాం |
దంష్ట్రాకోటి విశంకటాస్య కుహరామారక్తనేత్రత్రయీం
బాలేందుద్యుతి మౌళికాం భగవతీం ప్రత్యంగిరాం భావయే || 2 ||
పంచపూజా –
లం పృథివ్యాత్మికాయై గంధం సమర్పయామి |
హం ఆకాశాత్మికాయై పుష్పైః పూజయామి |
యం వాయ్వాత్మికాయై ధూపమాఘ్రాపయామి |
రం అగ్న్యాత్మికాయై దీపం దర్శయామి |
వం అమృతాత్మికాయై అమృతం మహానైవేద్యం నివేదయామి |
సం సర్వాత్మికాయై సర్వోపచార పూజాం సమర్పయామి |
అథ ద్విసహస్రాక్షరీ ఖడ్గమాలా మంత్రః –
ఓం ఐం హ్రీం క్లీం క్ష్ంరౌం క్రీం శ్రీం లం క్షం హుం ఫట్ స్వాహా ||
ఓం నమో ప్రత్యంగిరే హృదయదేవి శిరోదేవి శిఖాదేవి కవచదేవి నేత్రదేవి అస్త్రదేవి కాళి కపాలిని కుల్లే కురుకుల్లే విరోధిని విప్రచిత్తే ఉగ్రే ఉగ్రప్రభే దీప్తే నీలే ఘనే బలాకే మాత్రే ముద్రే మితే పరమాత్మికే పరమేశ్వరపరమేశ్వరి అంగిరా ప్రత్యంగిరా మయి మహాదేవ్యంబే మహాదేవానందమయి త్రిపురానందమయి చలచ్చిత్తానందమయి చలాచలానందమయి కుమారానందమయి క్రోధానందమయి వరదానందమయి స్మరదీపానందమయి శ్రీమత్సేనానందమయి సుధాకరానందమయి ప్రహ్లాదానందమయి సనకానందమయి వసిష్ఠానందమయి భోగానందమయి మీనానందమయి గోరక్షకానందమయి భోజదేవానందమయి ప్రజాపత్యానందమయి మూలదేవానందమయి రంతిదేవానందమయి విఘ్నేశ్వరానందమయి హుతాశనానందమయి సమయానందమయి సంతోషానందమయి గణేశి దుర్గే వటుకేశ్వరి క్షేత్రపాలాంబే సరస్వతి లక్ష్మి శంఖనిధే పద్మనిధే క్షేత్రపాలేశ్వరి అఘోరే శరభేశ్వరి మహాసుదర్శనశక్తే ఐంద్రి ఆగ్నేయి యాంయే నైరృత్యే వారుణి వాయవ్యే కౌబేరి ఈశాని బ్రాహ్మి వైష్ణవి వాస్తుపురుషమయి వజ్రిణి శక్తిని దండిని ఖడ్గిని పాశిని అంకుశిని గదిని త్రిశూలిని పద్మిని చక్రిణి సర్వస్తంభిని ముద్రాశక్తే భూపురాత్మక త్రైలోక్య సర్వసంమోహన చక్రస్వామిని నీలకంఠభైరవశక్తిసహిత జయాది ప్రథమాష్టకోటియోగినీవృంద మయూకావృతే || 1 ||
కౌలానందమయి పరమాచార్యమయి పరమగురుమయి పరమేష్ఠి గురుమయి ప్రహ్లాదనాథమయి సకలానందనాథమయి కుమారానందనాథమయి దివ్యౌఘమయి వసిష్ఠానందనాథమయి క్రోధానందనాథమయి సురానందనాథమయి సిద్ధౌఘమయి ధ్యానానందనాథమయి బోధానందనాథమయి సుఖానందనాథమయి మానౌఘమయి సర్వసంమోహినీ ముద్రాశక్తే త్రివలయరూప గురుమండలాత్మక సృష్టిచక్రస్వామిని విశ్వరూపభైరవశక్తిసహిత ప్రేతాసనాది ద్వితీయాష్టకోటియోగినీవృంద మయూకావృతే || 2 ||
అసితాంగభైరవి బ్రాహ్మి రురుభైరవి మహేశ్వరి చండభైరవి కౌమారి క్రోధభైరవి వైష్ణవి ఉన్మత్తభైరవి వారాహి కపాలభైరవి మాహేంద్రి భీషణభైరవి చాముండే సంహారభైరవి నారసింహి సర్వసంక్షోభిణీ ముద్రాశక్తే షోడశదలరూప అష్టభైరవశక్తిసహిత అష్టమాతృకాత్మక సర్వాకర్షణచక్రస్వామిని మేఘనాథభైరవశక్తిసహిత ఊర్ధ్వకేశీత్యాది తృతీయాష్టకోటియోగినీవృంద మయూకావృతే || 3 ||
కామరూప పీఠశక్త్యాత్మికే మలయగిరి పీఠాత్మికే కొల్హాగిరి పీఠేశ్వరి కాలాంతక పీఠశక్తే చౌహార పీఠాంబే జాలంధర పీఠరూపిణీ ఉడ్డియాణ పీఠస్థితే దేవకూట పీఠశ్రీః సర్వవిద్రావిణీ ముద్రాశక్తే అష్టదళగ్రంథిస్థానరూప అష్టశక్తిపీఠాత్మకః అంతర్బహిర్-మహాశత్రుసంహారచక్రస్వామిని గదాధరభైరవశక్తిసహిత రాక్షసీత్యాది తురీయాష్టకోటియోగినీవృంద మయూకావృతే || 4 ||
హేతుకభైరవి వేతాళభైరవి త్రిపురాంతకభైరవి అగ్నిజిహ్వభైరవి కాలాంతకభైరవి ఏకపాదభైరవి కపాలభైరవి భీమరూపభైరవి మలయభైరవి హాటకేశ్వరభైరవి సర్వజృంభిణీ ముద్రాశక్తే వృత్తమండలరూప దశభైరవశక్త్యాత్మక సర్వస్థూలభేదనచక్రస్వామిని సంహారభైరవశక్తిసహిత భైరవీత్యాది పంచమాష్టకోటియోగినీవృంద మయూకావృతే || 5 ||
సర్వస్తంభిని సర్వసంక్షోభిణి సర్వవిద్రావిణి సర్వభ్రామిణి సర్వసంమోదిని సర్వజృంభిణి సర్వరౌద్రిణి సర్వసంహారిణి సర్వబీజముద్రాశక్తే ద్విచతురస్ర అష్టయోనిరూప అష్టముద్రాశక్త్యాత్మక సర్వసూక్ష్మోచ్చాటనచక్రస్వామిని కులభైరవశక్తిసహిత కాళీత్యాది షష్టాష్టకోటియోగినీవృంద మయూకావృతే || 6 ||
హృదయశక్తి వామిని శిరసశక్తి నీలిని శిఖాశక్తి చక్రిణి కవచశక్తి ఖడ్గిని నేత్రశక్తి పాశాంగి అస్త్రశక్తి కంపిని సర్వసంహారిణిముద్రాశక్తే షట్కోణరూప షడంగశక్త్యాత్మక సర్వలయాంగచక్రస్వామిని త్రినేత్రభైరవశక్తిసహిత కేశిన్యాది సప్తాష్టకోటియోగినీవృంద మయూకావృతే || 7 ||
మధురకాళి భద్రకాళి నిత్యకాళి సర్వయోనిముద్రాశక్తే మహాయోనిరూప అష్టోత్తరశత మహాకాళీశక్త్యాత్మక సర్వతిరోధానచక్రస్వామిని ఈశభైరవశక్తిసహిత ముండాగ్రధారిణీత్యాది అష్టమాష్టకోటియోగినీవృంద మయూకావృతే || 8 ||
విజయభైరవ మహావీరశక్తే సర్వాకర్షణ భైరవనాథే మహాకాలకాలభైరవ ప్రాణనాడి దక్షిణకాళి భద్రకాళి రుద్రభూకాళి కాలకాళి గుహ్యకాళి కామకళాకాళి ధనకాళి సిద్ధికాళి చండికాళి నవకన్యాదిరూపే శ్రీమచ్ఛ్రీప్రత్యంగిరే వటుకేశ్వరి యోగిన్యః క్షేత్రపాలమయి గణేశ సుధామయి ద్వాదశాదిత్యమయి ఏకాదశరుద్రమయి సర్వత్రిఖండాముద్రాశక్తే శూలిని కపాలిని డమరుకవతి బ్రాహ్మిప్రత్యంగిరే మహాకృత్యాప్రత్యంగిరే అక్షమాలా కుండికా పద్మ పానపాత్ర బాణ చాప ఖడ్గ చర్మ కులిశదండ గదా శక్తి చక్ర పాశ త్రిశూలదండ పరశు శంఖాది సహస్రకోట్యాయుధధారిణి శతసహస్రకోటిసింహాసనే సహస్రవదనే సింహవక్త్రే జ్వాలాజిహ్వే కరాళదంష్ట్రే అజితే అపరాజితే సర్వవిఘ్ననాశిని సర్వసంకటనివారిణి సర్వార్థసు మంత్రసిద్ధిప్రదే సర్వదుర్మంత్రవిధ్వంసిని పరమంత్రోచ్చాటిని పరమానుగ్రహ క్షిప్రప్రసాదిని సర్వానందపరిపూర్ణ శుద్ధచైతన్య మహామహాజ్వలజ్జ్వాలా మహాబిందుచక్రస్వామిని మహాచతుష్షష్టికోటిభైరవశక్తిసహిత మహాచతుష్షష్టికోటియోగినీవృంద మయూకావృతే || 9 ||
సర్వతంత్రాత్మికే సర్వయంత్రాత్మికే సర్వమంత్రాత్మికే సర్వనాదాత్మికే సర్వవిద్యాత్మికే సర్వసర్వాత్మికే శ్రీశారదే మహామహామాయే మహామహాకాళి మహామహామారి మహాయోగేశ్వరి మహాకాలరాత్రి మహామోహరాత్రి మహాకాలచక్రమహాసాంరాజ్ఞి మహేశ్వరమహాకల్పమహాతాండవమహాసాక్షిణి అఖిలాండకోటిబ్రహ్మాండనాయికే మహామహాప్రత్యంగిరే నమస్తే నమస్తే నమస్తే నమః ||
స్వాహా ఫట్ హుం క్షం లం శ్రీం క్రీం క్ష్ంరౌం క్లీం హ్రీం ఐం ఓం ||
ప్రార్థనా –
బ్రహ్మస్వరూపే బ్రహ్మేశి బ్రహ్మాస్త్రఖడ్గధారిణి |
బ్రాహ్మి ప్రత్యంగిరే దేవి అవ బ్రహ్మ ద్విషో జహి || 1 ||
విష్ణురూపే వైష్ణవి చక్రాస్త్రఖడ్గధారిణి |
నారాయణి ప్రత్యంగిరే మమ శత్రూన్ విద్వేషయ || 2 ||
రుద్రస్వరూపే రుద్రేశి రుద్రాస్త్రఖడ్గధారిణి |
రౌద్రి ప్రత్యంగిరే దేవి మమ శత్రూనుచ్చాటయ || 3 ||
ఉగ్రస్వరూపే ఉగ్రేశి ఉగ్రాస్త్రఖడ్గధారిణి |
ఉగ్రకృత్యా ప్రత్యంగిరే ఉగ్రాభిచార్యాన్నాశయ || 4 ||
అథర్వేశి భద్రకాళి అథర్వఖడ్గధారిణి |
మహాప్రత్యంగిరే దేవి రక్ష మాం శరణాగతం || 5 ||
మహాకృత్యే గౌరీశ్వరి మహాస్త్రఖడ్గధారిణి |
మహాకృత్యా ప్రత్యంగిరే మహాక్షుద్రాన్ వినాశయ || 6 ||
నవనాథావృతాత్మికాం షట్త్రింశత్తత్త్వనాయికాం |
నిత్యా షోడశికాన్ వందే ఘటికావరణోపేతం || 7 ||
తిథి వార నక్షత్రాది యోగ కరణ రూపిణీం |
కాలచక్రాత్మికాం ధ్యాయేత్ కాలస్యోల్లాసినీం సదా || 8 ||
యా దేవి సర్వభూతేషు బుద్ధిరూపేణ సంస్థితా |
నమస్తస్యై నమస్తస్యై నమస్తస్యై నమో నమః || 9 ||
ఫలశ్రుతిః –
స్మృతిమాత్రా హి విద్యైష భోగమోక్షప్రదాయిని |
సర్వకామరహస్యార్థాః స్మరణాత్ పాపనాశిని || 1 ||
అపస్మార జ్వర వ్యాధి మృత్యు క్షామాదిజే భయే |
ఆపత్కాలే గృహభయే వ్యసనేష్వాభిచారికే || 2 ||
అన్యేష్వపి చ దోషేషు మాలామంత్రం స్మరేన్నరః |
సర్వోపద్రవనిర్ముక్తో సాక్షాత్ శివమయో భవేత్ || 3 ||
మాలామంత్రమిదం గుహ్యం పూర్ణానందప్రకీర్తితం |
ఏకవారజపధ్యానాత్ సర్వపూజాఫలం లభేత్ || 4 ||
సర్వబాధాప్రశమనం ధాన్యగోత్రధనోచ్చయః |
ప్రత్యంగిరా ప్రసాదేన భవిష్యతి న సంశయః || 5 ||
బ్రాహ్మీ నారాయణీ రౌద్రీ ఉగ్రకృత్యా మహాకృతిః |
భద్రకాళ్యః ప్రసాదేన సర్వత్ర విజయీ భవేత్ || 6 ||
ఇతి శ్రీ ప్రత్యంగిరా ఖడ్గమాలా స్తోత్రం |

శ్రీ ప్రత్యంగిరా దండకం

ప్రార్థనా –
నివసతి కరవీరే సర్వదా యా శ్మశానే
వినతజనహితాయ ప్రేతరూఢే మహేశి |
హిమకర హిమశుభ్రాం పంచవక్త్రాం త్వమాద్యాం
దిశతు దశభుజాయా సా శ్రియం సిద్ధిలక్ష్మీః ||
దండకం –
ఐం ఖ్ఫ్రేం | జయ జయ జగదంబ ప్రణత హరిహరహిరణ్యగర్భ ప్రముఖ సురముకుట మందారమాలా పరిమలదతిపటల వాచాల చరణ పుండరీకేషు పుండరీకాక్ష ప్రముఖ కర కంబు విమల మందాకినీ శరదేందు కుందారవిందసందోహ సుందరశరీరప్రభే | జయ జయ మహాకాళి కాలనాశిని సమయచక్రే మేలాపకాశిని సిద్ధిగణయోగినీ వీరవిద్యాధరీ జననికర మునికురుంబినీ తుంబినీ కదంబ కిన్నరవారాధ్యమానే కరాళో విధానే సిద్ధిలక్ష్మీప్రదే విరూపాక్షచక్షుసంవాసే ఆనందరసదాయికే త్రిభువననాయికే స్ఫురదనర్ఘమణి ముక్తబలీకలాపమధ్యస్థితా చక్షుత్రవాభరణ ఝణఝణాయమాన తరువల్లరీవహల ప్రభా పటల పాలీకృత సకల దిఙ్మండల గండస్థలోల్లసిత రవిశశికుండలే పీత కఠిన కుచ కలశ యుగళాంతనువాలకులిత నర ముండావలీ మండితే, చండి రుధిరపానప్రమత్తే ప్రేతకలోత్తాల వేతాల కరతాలికా తాడన తాండవ ప్రముఖా నట డాకినీ చక్ర చంక్రమణ చకితవితాయ చమత్కార విస్ఫురిత పిశాచ ప్రలయ చిత్కార ధ్వని ముఖరకనవీర శ్మశానాధినివాసినీ రుద్రస్కంధాధిరుఢే, షడాధారమధ్యారవింద మందిరోదరాంకుచోన్నత ప్రసూతజగామమనాయమానకుల కుండలినీ శక్తిప్రభా ప్రదీపికా సఖమనాసవలేరిగమదాకాశ శశిమండలామృతధారా పయోనిధిగమన మానసైరుదిత హసైరఖిల సాధకైరవిభావ్యతే మాతృకాచక్ర సంభావితే మృగాంక కుంకుమాగురు మృగమదాంగరాగ పరిమలవాసితావాస మణిమండపే ఖండేందు మండితోరుజటాకలాపకలిత కరవీరోదార కరహార కనక కేతకీ నవమాలికా తాలికా మదయంతికా మాధవీ వివిధ గంధబంధుర గంధవాహ వహదరుణసవనాచలే ధ్యానాకార చకిత త్రినయనాచలే ఓం జయ జయ జగజ్జనని జయ జయ || 1 ||
ఖ్ఫ్రేం ఐం | జయ జయ నవాక్షరీ నవత్యధికశతాక్షర మంత్రమాలాధిదైవతే కాళి కాత్యాయని కపాలిని నరరుధిరవశాపిశిత పరిపూర్ణ కపాల కరవాల త్రిశూల ఖట్వాంగ ఘంటా ముండ పాశాంకుశ వరాఽభయ శోభితకరే సుకరే బద్ధవీరాసనే సిద్ధేశ్వరి సిద్ధవిద్యాధరోరగేంద్రకా ధ్యాయమానాంఘ్రి లయేశాంభవావేశ విభవే దేవదేవి మహాదేవి అనాఖ్యే ఉమాఖ్యే సదాపూర్ణిమారఖ్యే లసత్తారకాఖ్యే అకారాక్షరదోస్ఫురదంబరాకారే మహావ్యోంని వ్యోమవామేశ్వరీ కుండికే ఖేచరీ గోచరీ దిక్చరి శాంబరీ శక్తి చక్ర క్రియేచ్ఛాజ్ఞానరుప గుణాతీత నిత్యామృతే నిత్యభోగప్రదే సంధ్యావసానసమయే లాస్యవిలాసే టటమహానట జటాజూటాపగారి రసదలంకార సకలకావ్యకలాకలాప వహలధీ త్రిగుణ ప్రబంధ వివిధబంధు సుందర కవితా సిద్ధిదే ఋద్ధిదే బుద్ధిదే జ్ఞానదే మానదే శారదే షోడశాక్షరాధిరూఢ సకలసిద్ధి చతుర్వర్గఫలవిధాయిని ప్రణతజనహితకారిణి
జయ జయ జగదంబ ప్రత్యంగిరే ఖ్ఫ్రేం ఐం ఓం || 2 ||
మమ సకలదురితానపనుద అపనుద జయ జయ ప్రత్యంగిరే జయ జయ జయ హే ఐం ఓం హ్రీం శ్రీం క్లీం ఖ్ఫ్రేం ఓం || 3 ||

శ్రీ ప్రత్యంగిరా స్తవరాజః

అస్య శ్రీ ప్రత్యంగిరా ఉగ్రకృత్యాదేవీ మహామంత్రస్య ప్రత్యంగిరా ఋషిః అనుష్టుప్ఛందః శ్రీం శక్తిః ప్రత్యంగిరా ఉగ్రకృత్యాదేవీ దేవతా హ్రీం బీజం క్రోం శక్తిః శ్రీం కీలకం మమ సర్వశత్రుసంహరణార్థే పరమంత్ర పరయంత్ర పరతంత్ర పరకర్మ పరవిద్యాద్యాభిచారిక విధాన వినాశార్థే మమ సహకుటుంబస్య సపుత్రకస్య సబాంధవస్య సపరివారస్య క్షేమ స్థైర్యాయురారోగ్యైశ్వరాభివృద్ధ్యర్థే శ్రీ ప్రత్యంగిరా మహాదేవీ ప్రసాద సిద్ధ్యర్థే ప్రత్యంగిరా మంత్ర జపే వినియోగః |
కరన్యాసః –
ఓం అం హ్రాం హ్రీం సహస్రవదనాయై ఆం అంగుష్ఠాభ్యాం నమః |
ఓం ఇం హ్రీం హ్రీం అష్టాదశభుజాయై ఈం తర్జనీభ్యాం నమః |
ఓం ఉం హ్రూం హ్రీం త్రినేత్రాయై ఊం మధ్యమాభ్యాం నమః |
ఓం ఏం హ్రైం హ్రీం రక్తమాల్యాంబరధరాయై ఐం అనామికాభ్యాం నమః |
ఓం ఓం హ్రౌం హ్రీం సర్వాభరణభూషితాయై ఔం కనిష్ఠికాభ్యాం నమః |
ఓం అం హ్రః హ్రీం మహాభయనివారణాయై అః కరతలకరపృష్ఠాభ్యాం నమః |
హృదయాదిన్యాసః –
ఓం అం హ్రాం హ్రీం సహస్రవదనాయై ఆం హృదయాయ నమః |
ఓం ఇం హ్రీం హ్రీం అష్టాదశభుజాయై ఈం శిరసే స్వాహా |
ఓం ఉం హ్రూం హ్రీం త్రినేత్రాయై ఊం శిఖాయై వషట్ |
ఓం ఏం హ్రైం హ్రీం రక్తమాల్యాంబరధరాయై ఐం కవచాయ హుం |
ఓం ఓం హ్రౌం హ్రీం సర్వాభరణభూషితాయై ఔం నేత్రత్రయాయ వౌషట్ |
ఓం అం హ్రః హ్రీం మహాభయనివారణాయై అః అస్త్రాయ ఫట్ |
ధ్యానం –
సహస్రవదనాం దేవీం శతబాహూం త్రిలోచనాం
రక్తమాల్యాంబరధరాం సర్వాభరణభూషితాం |
శక్తిం ప్రత్యంగిరాం ధ్యాయేత్ సర్వకామార్థసిద్ధయే
నమః ప్రత్యంగిరాం దేవీ ప్రతికూలనివారిణీం |
మంత్రసిద్ధిం చ తాం దేవీం చింతయామి హృదంబుజే |
ప్రత్యంగిరాం శాపహరం భూతప్రేతవినాశినీం |
చింతయేదుగ్రకృత్యాం తాం పరమైశ్వర్యదాయినీం ||
మనుః –
ఓం హ్రీం ఈం గ్లౌ శ్రీం సౌం మైం హుం నమః కృష్ణవాససే శతసహస్రసింహవాదనే అష్టాదశభుజే మహాబలే శతపరాక్రమపూజితే అజితే అపరాజితే దేవి ప్రత్యంగిరే పరసైన్య పరకర్మ విధ్వంసిని పరమంత్రఛేదినీ పరయంత్రపరతంత్రోచ్చాటని పరవిద్యాగ్రాసకరే సర్వభూతదమని క్షం గ్లౌం సౌం ఈం హ్రీం క్రీం క్రాం ఏహ్యేహి ప్రత్యంగిరే చిదచిద్రూపే సర్వోపద్రవేభ్యః సర్వగ్రహదోషేభ్యః సర్వరోగేభ్యః ప్రత్యంగిరే మాం రక్ష రక్ష హ్రాం హ్రీం హ్రూం హ్రైం హ్రౌం హ్రః క్షాం క్షీం క్షూం క్షైం క్షౌం క్షః గ్లాం గ్లీం గ్లూం గ్లైం గ్లౌం గ్లః ప్రత్యంగిరే పరబ్రహ్మమహిషి పరమకారుణికే ఏహి మమ శరీరే ఆవేశయ ఆవేశయ మమ హృదయే స్ఫుర స్ఫుర మమాంసే ప్రస్ఫుర ప్రస్ఫుర సర్వదుష్టానాం వాచం ముఖం పదం స్తంభయ స్తంభయ జిహ్వాం కీలయ కీలయ బుద్ధిం వినాశయ వినాశయ ప్రత్యంగిరే మహాకుండలిని చంద్రకళావతంసిని భేతాళవాహనే ప్రత్యంగిరే కపాలమాలాధారిణి త్రిశూల వజ్రాంకుశ బాణ బాణాసన పాణిపాత్రపూరితం మమ శత్రు శోణితం పిబ పిబ మమ శత్రు మాంసం ఖాదయ ఖాదయ మమ శత్రూన్ తాడయ తడయ మమ వైరిజనాన్ దహ దహ మమ విద్వేషకారిణి శీఘ్రమేవ భక్షయ భక్షయ శ్రీప్రత్యంగిరే భక్తకారుణికే శీఘ్రమేవ దయాం కురు కురు సద్యో జ్వరజాడ్యముక్తిం కురు కురు భేతాళబ్రహ్మరాక్షసాదీన్ జహి జహి మమ శత్రూన్ తాడయ తాడయ ప్రారబ్ధసంచితక్రియమానాన్ దహ దహ దూషకాన్ సద్యో దీర్ఘరోగయుక్తాన్ కురు కురు ప్రత్యంగిరే ప్రాణశక్తిమయే మమ వైరిజనప్రాణాన్ హన హన మర్దయ మర్దయ నాశయ నాశయ ఓం శ్రీం హ్రీం క్రీం సౌం గ్లౌం ప్రత్యంగిరే మహామాయే దేవి దేవి మమ వాంఛితం కురు కురు కురు మాం రక్ష రక్ష ప్రత్యంగిరే స్వాహా ||
అథ స్తవరాజ స్తోత్రం –
మంత్రయంత్రసుఖాసీనం చంద్రచూడం మహేశ్వరం |
సహసాగత్య చరణే పార్వతీ పరిపృచ్ఛతి ||
ఈశ్వర ఉవాచ |
ధారణీం పరమాం విద్యాం ప్రత్యంగిరాం మహోత్తమాం |
యో జానాతి స్వహస్తేన సర్వం సాధ్యం హి జిహ్వయా ||
అమృతం పిబతే తస్య మృత్యుర్నాస్తి కదాచన |
త్రిపురాం చ సమాయాతాం సేమాం విద్యాం చ బిభ్రతీం ||
నిర్జితాశ్చామరాః సర్వే దేవీ విద్యాభిమానినీ |
గోళకం సంప్రవక్ష్యామి భైషజ్యమివ ధారణాత్ ||
త్రివృతం ధారయేన్మంత్రం ప్రత్యంగిరః సుభాషితం |
హరిచందనమిశ్రేణ రోచనైః కుంకుమేన చ ||
లిఖిత్వా భూర్జపత్రేణ ధారణీయం సదా నృపైః |
పుష్పధూపవిచిత్రైశ్చ భక్ష్యభోజ్యైర్నివేదనం ||
పూజయిత్వా యథాన్యాయం సప్తకుంభేన వైష్ణవీం |
య ఇమాం ధారయేద్విద్యాం లిఖిత్వా రిపునాశినీం |
విలయం యాంతి రిపవః ప్రత్యంగిరా సుధారణాత్ ||
అథ మంత్రపదాని భవంతి –
ఓం నమః సూర్యసహస్రేక్షణాయ, ఓం అనాదిరూపాయ, ఓం పురుహూతాయ, ఓం మహేశ్వరాయ, ఓం జగచ్ఛాంతికారిణే, ఓం శాంతాయ, ఓం మహాఘోరాయ, ఓం అతిఘోరాయ, ఓం ప్రభవ ప్రభవ, ఓం దర్శయ దర్శయ, ఓం మర్దయ మర్దయ, ఓం హి హి హి, ఓం కిలి కిలి కిలి, ఓం జ్వల జ్వల జ్వల, ఓం గ్రస గ్రస గ్రస, ఓం పిబ పిబ పిబ, ఓం నాశయ నాశయ నాశయ, ఓం జనయ జనయ జనయ, ఓం విదారయ విదారయ విదారయ, దేవి దేవి మాం రక్ష రక్ష రక్ష, హ్రీం దేవి దేవి పిశాచ కిన్నర కింపురుష ఉరగ విద్యాధర రుద్ర గరుడ గంధర్వ యక్ష రాక్షస లోకపాలాన్ స్తంభయ స్తంభయ స్తంభయ, యే చ శత్రవశ్చాభిచార కర్తారస్తేషాం శత్రూణాం మంత్ర యంత్ర తంత్రాణి చూర్ణయ చూర్ణయ చూర్ణయ, ఘాతయ ఘాతయ ఘాతయ, విశ్వమూర్తిం మహామూర్తిం జయ జయ జయ, మమ శత్రూణాం ముఖం స్తంభయ స్తంభయ స్తంభయ, మమ శత్రూణాం పాదం స్తంభయ స్తంభయ స్తంభయ, మమ శత్రూణాం గుహ్యం స్తంభయ స్తంభయ స్తంభయ, మమ శత్రూణాం జిహ్వాం స్తంభయ స్తంభయ స్తంభయ, మమ శత్రూణాం స్థానం కీలయ కీలయ కీలయ, మమ శత్రూణాం గ్రామం కీలయ కీలయ కీలయ, మమ శత్రూణాం దేశం కీలయ కీలయ కీలయ, యే చ పాఠకస్య పరివారకాస్తేషాం శాంతిం కురు కురు స్వాహా ||
ఓం నమో భగవతి ఉచ్ఛిష్టచాండాలి త్రిశూలవజ్రాంకుశధారిణి నరరుధిరమాంసభక్షిణి కపాలఖట్వాంగధారిణి మమ శత్రూన్ దహ దహ గ్రస గ్రస పిబ పిబ ఖాహి ఖాహి నాశయ నాశయ హూం ఫట్ స్వాహా ||
ఓం బ్రహ్మాణి మమ నేత్రే రక్ష రక్ష స్వాహా |
ఓం కౌమారి మమ వక్షస్థలం రక్ష రక్ష స్వాహా |
ఓం వారాహి మమ హృదయం రక్ష రక్ష స్వాహా |
ఓం ఇంద్రాణి మమ నాభిం రక్ష రక్ష స్వాహా |
ఓం చండికే మమ గుహ్యం రక్ష రక్ష స్వాహా |
ఓం మేఘవాహనే మమ ఊరుం రక్ష రక్ష స్వాహా |
ఓం చాముండి మమ జంఘే రక్ష రక్ష స్వాహా |
ఓం వసుంధరే మమ పాదౌ రక్ష రక్ష స్వాహా ||
ఓం ఝః ఝః ఝః ఓం థః థః థః ఓం స్ఫ్రైం స్ఫ్రైం ఓం స్తంభయ స్తంభయ క్షోభయ క్షోభయ హూం ఫట్ స్వాహా ||
శక్తిధ్యానం –
స్తంభినీం మోహినీం చైవోచ్చాటనీం క్షోభిణీం తథా |
జృంభిణీం ద్రావిణీం రౌద్రీం తథా సంహారిణీం శుభాం ||
శక్తయః క్రమ యోగేన శత్రుపక్షే నియోజితాః |
ధారితాః సాధకేంద్రేణ సర్వశత్రునివారిణీ ||
ఓం స్తంభిని ష్వేగ్నిం ష్వేగ్నిం మమ శత్రూన్ స్తంభయ స్తంభయ హూం ఫట్ స్వాహా |
ఓం మోహిని ష్వేగ్నిం ష్వేగ్నిం మమ శత్రూన్ మోహయ మోహయ హూం ఫట్ స్వాహా |
ఓం ఉచ్చాటని ష్వేగ్నిం ష్వేగ్నిం మమ శత్రూన్ ఉచ్చాటయ ఉచ్చాటయ హూం ఫట్ స్వాహా |
ఓం క్షోభిణి ష్వేగ్నిం ష్వేగ్నిం మమ శత్రూన్ క్షోభయ క్షోభయ హూం ఫట్ స్వాహా |
ఓం జృంభిణి ష్వేగ్నిం ష్వేగ్నిం మమ శత్రూన్ జృంభయ జృంభయ హూం ఫట్ స్వాహా |
ఓం ద్రావిణి ష్వేగ్నిం ష్వేగ్నిం మమ శత్రూన్ ద్రావయ ద్రావయ హూం ఫట్ స్వాహా |
ఓం రౌద్రి ష్వేగ్నిం ష్వేగ్నిం మమ శత్రూన్ సంతాపయ సంతాపయ హూం ఫట్ స్వాహా |
ఓం సంహారిణి ష్వేగ్నిం ష్వేగ్నిం మమ శత్రూన్ సంహారయ సంహారయ హూం ఫట్ స్వాహా |
ఓం సర్వసంహారకారిణి మహాప్రత్యంగిరే సర్వశస్త్రోన్మూలని స్వాహా ||
ఇతి శ్రీరుద్రయామళే శ్రీశూలపాణి విరచిత సర్వశక్తి శ్రీ ప్రత్యంగిరా స్తవరాజః ||

శ్రీ ప్రత్యంగిరా స్తోత్రం –1

అస్య శ్రీ ప్రత్యంగిరా స్తోత్రస్య అంగిరా ఋషిః అనుష్టుప్ ఛందః శ్రీప్రత్యంగిరా దేవతా ఓం బీజం హ్రీం శక్తిః మమాభీష్టసిద్ధ్యర్థే పాఠే వినియోగః ||
కరన్యాసః –
ఓం హ్రాం అంగుష్ఠాభ్యాం నమః |
ఓం హ్రీం తర్జనీభ్యాం నమః |
ఓం హ్రూం మధ్యమాభ్యాం నమః |
ఓం హ్రైం అనామికాభ్యాం నమః |
ఓం హ్రౌం కనిష్ఠికాభ్యాం నమః |
ఓం హ్రః కరతలకరపృష్ఠాభ్యాం నమః |
హృదయాదిన్యాసః –
ఓం హ్రాం హృదయాయ నమః |
ఓం హ్రీం శిరసే స్వాహా |
ఓం హ్రూం శిఖాయై వషట్ |
ఓం హ్రైం కవచాయ హుం |
ఓం హ్రౌం నేత్రత్రయాయ వౌషట్ |
ఓం హ్రః అస్త్రాయ ఫట్ |
ధ్యానం –
కృష్ణరూపాం బృహద్రూపాం రక్తకుంచితమూర్ధజాం |
శిరః కపాలమాలాం చ వికేశీం ఘూర్ణితాననాం || 1 ||
రక్తనేత్రామతిక్రుద్ధాం లంబజిహ్వామధోముఖీం |
దంష్ట్రాకరాళవదనాం నేత్రభ్రుకుటిలేక్షణాం || 2 ||
ఊర్ధ్వదక్షిణహస్తేన బిభ్రతీం చ పరష్యధం |
అధోదక్షిణహస్తేన బిభ్రాణాం శూలమద్భుతం || 3 ||
తతోర్ధ్వవామహస్తేన ధారయంతీం మహాంకుశాం |
అధోవామకరేణాథ బిభ్రాణాం పాశమేవ చ || 4 ||
ఏవం ధ్యాత్వా మహాకృత్యాం స్తోత్రమేతదుదీరయేత్ || 5 ||
ఈశ్వర ఉవాచ |
నమః ప్రత్యంగిరే దేవి ప్రతికూలవిధాయిని |
నమః సర్వగతే శాంతే పరచక్రవిమర్దినీ || 6 ||
నమో జగత్రయాధారే పరమంత్రవిదారిణీ |
నమస్తే చండికే చండీ మహామహిషవాహినీ || 7 ||
నమో బ్రహ్మాణి దేవేశి రక్తబీజనిపాతినీ |
నమః కౌమారికే కుంఠీ పరదర్పనిషూదినీ || 8 ||
నమో వారాహి చైంద్రాణి పరే నిర్వాణదాయినీ |
నమస్తే దేవి చాముండే చండముండవిదారిణీ || 9 ||
నమో మాతర్మహాలక్ష్మీ సంసారార్ణవతారిణీ |
నిశుంభదైత్యసంహారి కాలాంతకి నమోఽస్తు తే || 10 ||
ఓం కృష్ణాంబర శోభితే సకల సేవక జనోపద్రవకారక దుష్టగ్రహ రాజఘంటా సంహట్ట హారిహి కాలాంతకి నమోఽస్తు తే || 11 ||
దుర్గే సహస్రవదనే అష్టాదశభుజలతాభూషితే మహాబలపరాక్రమే అద్భుతే అపరాజితే దేవి ప్రత్యంగిరే సర్వార్తిశాయిని పరకర్మ విధ్వంసిని పరయంత్ర మంత్ర తంత్ర చూర్ణాది ప్రయోగకృత వశీకరణ స్తంభన జృంభణాది దోషాంచయాచ్ఛాదిని సర్వశత్రూచ్చాటిని మారిణి మోహిని వశీకరణి స్తంభిని జృంభిణి ఆకర్షిణి సర్వదేవగ్రహ యోగగ్రహ యోగినిగ్రహ దానవగ్రహ దైత్యగ్రహ రాక్షసగ్రహ సిద్ధగ్రహ యక్షగ్రహ గుహ్యకగ్రహ విద్యాధరగ్రహ కిన్నరగ్రహ గంధర్వగ్రహ అప్సరాగ్రహ భూతగ్రహ ప్రేతగ్రహ పిశాచగ్రహ కూష్మాండగ్రహ గజాదికగ్రహ మాతృగ్రహ పితృగ్రహ వేతాలగ్రహ రాజగ్రహ చౌరగ్రహ గోత్రగ్రహ అశ్వదేవతాగ్రహ గోత్రదేవతాగ్రహ ఆధిగ్రహ వ్యాధిగ్రహ అపస్మారగ్రహ నాసాగ్రహ గలగ్రహ యాంయగ్రహ డామరికాగ్రహోదకగ్రహ విద్యోరగ్రహారాతిగ్రహ ఛాయాగ్రహ శల్యగ్రహ సర్వగ్రహ విశల్యగ్రహ కాలగ్రహ సర్వదోషగ్రహ విద్రావిణీ సర్వదుష్టభక్షిణి సర్వపాపనిషూదిని సర్వయంత్రస్ఫోటిని సర్వశృంఖలాత్రోటిని సర్వముద్రాద్రావిణి జ్వాలాజిహ్వే కరాలవక్త్రే రౌద్రమూర్తే దేవి ప్రత్యంగిరే సర్వం దేహి యశో దేహి పుత్రం దేహి ఆరోగ్యం దేహి భుక్తిముక్త్యాదికం దేహి సర్వసిద్ధిం దేహి మమ సపరివారం రక్ష రక్ష పూజా జప హోమ ధ్యానార్చనాదికం కృతం న్యూనమధికం వా పరిపూర్ణం కురు కురు అభిముఖీ భవ రక్ష రక్ష క్షమ సర్వాపరాధం || 12 ||
ఫలశ్రుతిః –
ఏవం స్తుతా మహాలక్ష్మీ శివేన పరమాత్మనః |
ఉవాచేదం ప్రహృష్టాంగీ శృణుష్వ పరమేశ్వరః || 13 ||
ఏతత్ ప్రత్యంగిరా స్తోత్రం యే పఠంతి ద్విజోత్తమాః |
శృణ్వంతః సాధయంతాశ్చ తేషాం సిద్ధిప్రదా భవేత్ || 14 ||
శ్రీశ్చ కుబ్జీం మహాకుబ్జీ కాళికా గుహ్యకాళికా |
త్రిపురా త్వరితా నిత్యా త్రైలోక్యవిజయా జయా || 14 ||
జితాపరాజితా దేవీ జయంతీ భద్రకాళికా |
సిద్ధలక్ష్మీ మహాలక్ష్మీః కాలరాత్రి నమోఽస్తు తే || 15 ||
కాళీ కరాళవిక్రాంతే కాళికా పాపహారిణీ |
వికరాళముఖీ దేవి జ్వాలాముఖి నమోఽస్తు తే || 16 ||
ఇదం ప్రత్యంగిరా స్తోత్రం యః పఠేన్నియతః శుచిః |
తస్య సర్వార్థసిద్ధిస్యాన్నాత్రకార్యావిచరణా || 17 ||
శత్రవో నాశమాయాంతి మహానైశ్వర్యవాన్భవేత్ |
ఇదం రహస్యం పరమం నాఖ్యేయం యస్యకస్యచిత్ || 18 ||
సర్వపాపహరం పుణ్యం సద్యః ప్రత్యయకారకం |
గోపనీయం ప్రయత్నేన సర్వకామఫలప్రదం || 19 ||
ఇతి అథర్వణరహస్యే శ్రీ ప్రత్యంగిరా స్తోత్రం |

 శ్రీ ప్రత్యంగిరా స్తోత్రం –2

నమోఽస్తు తే మహామాయే దేహాతీతే నిరంజనే |
ప్రత్యంగిరా జగద్ధాత్రి రాజలక్ష్మి నమోఽస్తు తే || 1 ||
వర్ణదేహా మహాగౌరీ సాధకేచ్ఛాప్రవర్తితా |
పదదేహా మహాస్ఫాల మహాసిద్ధిసముత్థితా || 2 ||
తత్త్వదేహస్థితా దేవి సాధకానుగ్రహా స్మృతా |
మహాకుండలినీ భిత్త్వా సహస్రదళభేదినీ || 3 ||
ఇడాపింగళమధ్యస్థా వాయుభూతా ఖగామినీ |
మృణాలతంతురూపిణ్యా సుషుంణామధ్యచారిణీ || 4 ||
నాదాంతేనాదసంస్థానా నాదాతీతా నిరంజనా |
సూక్ష్మేస్థూలేతి సంపూజ్యే అచింత్యాచింత్యవిగ్రహే || 5 ||
పరాపరపరే శాంతే బ్రహ్మలీనే పరే శివే |
అచింత్యరూపచరితే అచింత్యార్థఫలప్రదే || 6 ||
ఏకాకినీ విశ్వమాతా కరవీరనివాసినీ |
మహాస్ఫాలప్రదా నిత్యా మహామేలాపకారిణీ || 7 ||
బిందుమధ్యే స్థితా దేవీ కుటిలే చార్ధచంద్రికే |
ద్వాదశాంతాలయా దేవీ షోడశాధారవాసినీ || 8 ||
కార్యకారణసంభిన్నా చైతన్యానాడిమధ్యగా |
శక్తిమూలే మహాచక్రే నవధా సంవ్యవస్థితా || 9 ||
అశరీరా పరాదేవీ శరీరే ప్రాణరూపిణీ |
సుధాద్రవసమాకారా ఓంకారపరవిగ్రహా || 10 ||
విద్యుల్లతనిభా దేవీ భావాభావవివర్జితా |
స్వాంతపద్మస్థితా నిత్యా పరేశీ శాంతవిగ్రహా || 11 ||
సత్త్వరూపా రజోరూపా తమోరూపా త్రయాత్మికా |
త్వమేవ దేవీ సర్వేషాం భూతానాం ప్రాణదాయినీ || 12 ||
త్వయైవ సృజ్యతే విశ్వం లీలయా బహుధా స్థితా |
మాలినీ పరమా దేవీ శ్మశానపరబంధనీ || 13 ||
హృత్తాలుభేదినీ చక్రే విచక్రే చక్రసుందరీ |
బిందుద్వారనిరోధేన దివ్యవ్యాప్తా నమోఽస్తు తే || 14 ||
సూర్యకోటిప్రతీకాశే చంద్రకోట్యతినిర్మలే |
కందర్పకోటిలావణ్యకోటిబ్రహ్మాండవిగ్రహే || 15 ||
నిరాకారే నిరాభాసే నిర్లేపే నిర్వినిగ్రహే |
సకలాఖ్యే మహామాయే వరదే సురపూజితే || 16 ||
ఖకారఫకారవహ్నిస్థైకారాంతర సుందరి |
మకారాంతర వర్గేషు పంచపిండాత్మకే శివే || 17 ||
సర్పవత్కుటిలాకార నాదశక్తిపరే మతే |
బిందుచక్రస్థితా దేవీ జాలంధరస్వరూపిణీ || 18 ||
భూర్యవైడూర్యపీఠస్థే పూర్ణపీఠవ్యవస్థితే |
కామస్థితే కళాతీతే కామాఖ్యే చ భగోద్భవే || 19 ||
బ్రహ్మగ్రంథికలాటోపమధ్యేస్రోతప్రవాహినీ |
శివే సర్వగతే సూక్ష్మే నిత్యానందమహోత్సవే || 20 ||
మంత్రనాయికి మంత్రజ్ఞే విద్యేకోశాంతవాసినీ |
పంచపీఠికమధ్యస్థే మేరునాయకి శర్వరీ || 21 ||
ఖేచరీ భూచరీ చైవ శక్తిత్రయప్రవాహినీ |
కాలాంతాగ్నిసముద్భూతా కాలకాలాంతకాలినీ || 22 ||
కాళికాక్రమసంబంధి కాళిద్వాదశమండలే |
త్రైలోక్యదహనీ దేవీ సా చ మూర్తిస్త్రయోదశీ || 23 ||
సృష్టి స్థితి చ సంహారే అనాఖ్యాఖ్యే మహాక్రమే |
భాసాఖ్యా గుహ్యకాళీ చ నిర్వాణేశీ పరేశ్వరీ || 24 ||
ఝంకారిణీ భైరవీ చ స్వర్ణకోటేశ్వరీ శివా |
రాజరాజేశ్వరీ చండా అఘోరేశీ నిశేశ్వరీ || 25 ||
సుందరీ త్రిపురా పద్మా తారా పూర్ణేశ్వరీ జయా |
క్రమమండలమధ్యస్థా క్రమేశీ కుబ్జికాంబికా || 26 ||
జ్యేష్ఠబాలవిభేదేన కుబ్జాఖ్యా ఉగ్రచండికా |
బ్రాహ్మాణీ రౌద్రీ కౌమారీ వైష్ణవీ దీర్ఘనాసికా || 27 ||
వజ్రిణీ చర్చికాలక్ష్మీ పూజయేద్దివ్యమాతరః |
అసితాంగోరురుశ్చండః క్రోధీశోన్మత్త సంజ్ఞకం || 28 ||
కపాలీ భీషణాఖ్యాశ్చ సంహారశ్చాష్టమస్తథా |
భక్తానాం సాధకానాం చ లక్ష్మీం సిద్ధిం ప్రయచ్ఛ మే || 29 ||
సిద్ధిలక్ష్మీర్మహాదేవీం భైరవేనానుకీర్తితా |
సాధకద్వేష్టకానాం చ సర్వకర్మవిభంజినీ || 30 ||
విపరీతకరీ దేవీ ప్రత్యంగిరా నమోఽస్తు తే |
కాలాది గ్రసితే సర్వం గ్రహభూతాది డాకినీ || 31 ||
సాధకం రక్షతే దేవీ కాలసంకర్షణీం నుమః |
శివం ప్రయచ్ఛతే దేవీ రక్షతే లీలయా జగత్ || 32 ||
రాజ్యలాభప్రదాం దేవీ రక్షణీ భక్తవత్సలాం |
ప్రత్యంగిరాం నమస్యామి అచింతితార్థసిద్ధయే || 33 ||
సర్వశత్రూన్ ప్రమర్దంతీ దురితక్లేశనాశినీం |
ప్రత్యంగిరాం నమస్యామి అచింతితార్థసిద్ధయే || 34 ||
ఆపదాంభోధితరణిం పరం నిర్వాణదాయినీం |
ప్రత్యంగిరాం నమస్యామి సిద్ధిలక్ష్మీం జయప్రదాం || 35 ||
రాజ్యదాం ధనదాం లక్ష్మీం మోక్షదాం దుఃఖనాశినీం |
ప్రత్యంగిరాం నమస్యామి సిద్ధిలక్ష్మీం జయప్రదాం || 36 ||
దుష్టశత్రుప్రశమనీం మహావ్యాధివినాశినీం |
ప్రత్యంగిరాం నమస్యామి సిద్ధిలక్ష్మీం జయప్రదాం || 37 ||
కలిదుఃఖప్రశమనీం మహాపాతకనాశినీం |
ప్రత్యంగిరాం నమస్యామి సిద్ధిలక్ష్మీం జయప్రదాం || 38 ||
అచింత్యసిద్ధిదాం దేవీ చింతితార్థఫలప్రదాం |
ప్రత్యంగిరాం నమస్యామి సిద్ధిలక్ష్మీం జయప్రదాం || 39 ||
రాజోపసర్గశమనీం మృత్యుపద్రవనాశినీం |
ప్రత్యంగిరాం నమస్యామి సిద్ధిలక్ష్మీం జయప్రదాం || 40 ||
రాజమాతాం రాజలక్ష్మీం రాజ్యేష్టఫలదాయినీం |
ప్రత్యంగిరాం నమస్యామి సిద్ధిలక్ష్మీం జయప్రదాం || 41 ||
ఫలశ్రుతిః –
సిద్ధిలక్ష్మీర్మహావిద్యా మహాసిద్ధిప్రదాయికా |
పఠేద్వా పాఠయేద్వాపి స్తోత్రం ప్రత్యంగిరాభిధం || 42 ||
పఠనాచ్ఛత్రుసైన్యాని స్తంభయేజ్జంభయేత్ క్షణాత్ |
అచింతితాని సిద్ధ్యంతి పఠనాత్ సిద్ధిమాప్నుయాత్ || 43 ||
మహాదోషప్రశమనం మహావ్యాధివినాశనం |
సింహవ్యాఘ్రగ్రహభయే రాజోపద్రవనాశనం || 44 ||
గ్రహపీడా జలాగ్నీనాం నాశనం దేవి శాంతిదం |
పూజాకాలే మహాస్తోత్రం యే పఠిష్యంతి సాధకాః || 45 ||
తేషాం సిద్ధిర్నదూరేఽస్తి దేవ్యాః సంతుష్టిదాయకం |
తే నాస్తి యన్నసిద్ధ్యేత కౌలికే కులశాసనే || 46 ||
యం యం చింతయతే కామం స స సిద్ధ్యతి లీలయా |
సత్యం సత్యం మహాదేవీ కౌలికే తత్సమో న హి || 47 ||
అర్ధరాత్రే సముత్థాయ దీపః ప్రజ్వల్యతే నిశి |
పఠ్యతే స్తోత్రమేతత్తు సర్వం సిద్ధ్యతి చింతితం || 48 ||
పురశ్చర్యాం వినానేన స్తోత్రపాఠేన సిద్ధ్యతి |
మండలే ప్రతిమాగ్రే వా మండలాగ్రే పఠేద్యది || 49 ||
ఇదం ప్రోక్తం మహాస్తోత్రం అచింతితార్థసిద్ధిదం |
అన్యదేవరతానాం తు న దేయం తు కదాచన || 50 ||
దాతవ్యం భక్తియుక్తాయ కులదీక్షారతాయ చ |
అన్యథా పతనం యాంతి ఇత్యాజ్ఞా పారమేశ్వరీ || 51 ||
ఇతి త్రిదశడామరే కానవీరే శ్రీసిద్ధినాథావతారితః శ్రీసిద్ధిలక్ష్మీ మహామాయా స్తవం నామ శ్రీ ప్రత్యంగిరా స్తోత్రం ||

శ్రీ బగళా ప్రత్యంగిరా కవచం

అస్య శ్రీ బగలా ప్రత్యంగిరా మంత్రస్య నారద ఋషిః త్రిష్టుప్ ఛందః ప్రత్యంగిరా దేవతా హ్లీం బీజం హూం శక్తిః హ్రీం కీలకం మమ శత్రునాశనే వినియోగః ||
మంత్రః –
ఓం ప్రత్యంగిరాయై నమః | ప్రత్యంగిరే సకల కామాన్ సాధయ మమ రక్షాం కురు కురు సర్వాన్ శత్రూన్ ఖాదయ ఖాదయ మారయ మారయ ఘాతయ ఘాతయ ఓం హ్రీం ఫట్ స్వాహా ||
కవచం –
భ్రామిణీ స్తంభినీ దేవీ క్షోభిణీ మోహినీ తథా |
సంహారిణీ ద్రావిణీ చ జృంభిణీ రౌద్రరూపిణీ || 1 ||
ఇత్యష్టౌ శక్తయో దేవి శత్రుపక్షే నియోజితాః |
ధారయేత్ కంఠదేశే చ సర్వశత్రువినాశినీ || 2 ||
ఓం హ్రీం భ్రామిణీ మమ శత్రూన్ భ్రామయ భ్రామయ ఓం హ్రీం స్వాహా |
ఓం హ్రీం స్తంభినీ మమ శత్రూన్ స్తంభయ స్తంభయ ఓం హ్రీం స్వాహా |
ఓం హ్రీం క్షోభిణీ మమ శత్రూన్ క్షోభయ క్షోభయ ఓం హ్రీం స్వాహా |
ఓం హ్రీం మోహినీ మమ శత్రూన్ మోహయ మోహయ ఓం హ్రీం స్వాహా |
ఓం హ్రీం సంహారిణీ మమ శత్రూన్ సంహారయ సంహారయ ఓం హ్రీం స్వాహా |
ఓం హ్రీం ద్రావిణీ మమ శత్రూన్ ద్రావయ ద్రావయ ఓం హ్రీం స్వాహా |
ఓం హ్రీం జృంభిణీ మమ శత్రూన్ జృంభయ జృంభయ ఓం హ్రీం స్వాహా |
ఓం హ్రీం రౌద్రీ మమ శత్రూన్ సంతాపయ సంతాపయ ఓం హ్రీం స్వాహా || 3 ||
ఫలశ్రుతిః –
ఇయం విద్యా మహావిద్యా సర్వశత్రునివారిణీ |
ధారితా సాధకేంద్రేణ సర్వాన్ దుష్టాన్ వినాశయేత్ || 4 ||
త్రిసంధ్యమేకసంధ్యం వా యః పఠేత్ స్థిరమానసః |
న తస్య దుర్లభం లోకే కల్పవృక్ష ఇవ స్థితః || 5 ||
యం యం స్పృశతి హస్తేన యం యం పశ్యతి చక్షుషా |
స ఏవ దాసతాం యాతి సారాత్సారామిమం మనుం || 6 ||
ఇతి శ్రీరుద్రయామలే శివపార్వతిసంవాదే శ్రీ బగళా ప్రత్యంగిరా కవచం ||