Sacred Stotras & Deities

శ్రీ వేంకటేశ ద్వాదశనామ స్తోత్రం

శ్రీ వేంకటేశ ద్వాదశనామ స్తోత్రం.

Telugu

శ్రీ వేంకటేశ ద్వాదశనామ స్తోత్రం

అస్య శ్రీ వేంకటేశ ద్వాదశనామ స్తోత్ర మహామంత్రస్య బ్రహ్మా ఋషిః అనుష్టుప్ ఛందః శ్రీ వేంకటేశ్వరో దేవతా ఇష్టార్థే వినియోగః |
నారాయణో జగన్నాథో వారిజాసనవందితః |
స్వామిపుష్కరిణీవాసీ శంఖచక్రగదాధరః || 1 ||
పీతాంబరధరో దేవో గరుడాసనశోభితః |
కందర్పకోటిలావణ్యః కమలాయతలోచనః || 2 ||
ఇందిరాపతిగోవిందః చంద్రసూర్యప్రభాకరః |
విశ్వాత్మా విశ్వలోకేశో జయ శ్రీవేంకటేశ్వరః || 3 ||
ఏతద్ద్వాదశనామాని త్రిసంధ్యం యః పఠేన్నరః |
దారిద్ర్యదుఃఖనిర్ముక్తో ధనధాన్యసమృద్ధిమాన్ || 4 ||
జనవశ్యం రాజవశ్యం సర్వకామార్థసిద్ధిదం |
దివ్యతేజః సమాప్నోతి దీర్ఘమాయుశ్చ విందతి || 5 ||
గ్రహరోగాదినాశం చ కామితార్థఫలప్రదం |
ఇహ జన్మని సౌఖ్యం చ విష్ణుసాయుజ్యమాప్నుయాత్ || 6 ||
ఇతి బ్రహ్మాండపురాణే బ్రహ్మనారదసంవాదే శ్రీ వేంకటేశద్వాదశనామస్తోత్రం |

శ్రీ వేంకటేశ దివ్య వర్ణన స్తోత్రం

శ్రీ వేంకటేశ దివ్య వర్ణన స్తోత్రం.

Telugu

Read Stotra

శ్రీ వేంకటేశ ప్రాతః స్మరణ

శ్రీ వేంకటేశ ప్రాతః స్మరణ.

Telugu

Read Stotra

శ్రీ వేంకటేశ ప్రాతః స్మరణ

ప్రాతః స్మరామి రమయా సహ వేంకటేశం
మందస్మితం ముఖసరోరుహకాంతిరంయం |
మాణిక్యకాంతివిలసన్మకుటోర్ధ్వపుండ్రం
పద్మాక్షలక్ష్యమణికుండలమండితాంగం || 1 ||
ప్రాతర్భజామి కరరంయసుశంఖచక్రం
భక్తాభయప్రదకటిస్థలదత్తపాణిం |
శ్రీవత్సకౌస్తుభలసన్మణిభూషణోద్యత్
పీతాంబరం మదనకోటిసుమోహనాంగం || 2 ||
ప్రాతర్నమామి పరమాత్మపదారవిందం
ఆనందసాంద్రనిలయం మణినూపురాఢ్యం |
ఏతత్సమస్తజగతామితి దర్శయంతం
వైకుంఠమత్ర భజతాం కరపల్లవేన || 3 ||
శ్లోకత్రయస్య పఠనం దినపూర్వకాలే
దుస్స్వప్నదుశ్శకునదుర్భయపాపశాంత్యై |
నిత్యం కరోతి మతిమాన్పరమాత్మరూపం
శ్రీవేంకటేశనిలయం వ్రజతి స్మ యోఽసౌ ||

శ్రీ వేంకటేశ భుజంగం

శ్రీ వేంకటేశ భుజంగం.

Telugu

Read Stotra

శ్రీ వేంకటేశ భుజంగం

ముఖే చారుహాసం కరే శంఖచక్రం
గలే రత్నమాలాం స్వయం మేఘవర్ణం |
తథా దివ్యశస్త్రం ప్రియం పీతవస్త్రం
ధరంతం మురారిం భజే వేంకటేశం || 1 ||
సదాభీతిహస్తం ముదాజానుపాణిం
లసన్మేఖలం రత్నశోభాప్రకాశం |
జగత్పాదపద్మం మహత్పద్మనాభం
ధరంతం మురారిం భజే వేంకటేశం || 2 ||
అహో నిర్మలం నిత్యమాకాశరూపం
జగత్కారణం సర్వవేదాంతవేద్యం |
విభుం తాపసం సచ్చిదానందరూపం
ధరంతం మురారిం భజే వేంకటేశం || 3 ||
శ్రియా విష్టితం వామపక్షప్రకాశం
సురైర్వందితం బ్రహ్మరుద్రస్తుతం తం |
శివం శంకరం స్వస్తినిర్వాణరూపం
ధరంతం మురారిం భజే వేంకటేశం || 4 ||
మహాయోగసాద్ధ్యం పరిభ్రాజమానం
చిరం విశ్వరూపం సురేశం మహేశం |
అహో శాంతరూపం సదాధ్యానగంయం
ధరంతం మురారిం భజే వేంకటేశం || 5 ||
అహో మత్స్యరూపం తథా కూర్మరూపం
మహాక్రోడరూపం తథా నారసింహం |
భజే కుబ్జరూపం విభుం జామదగ్న్యం
ధరంతం మురారిం భజే వేంకటేశం || 6 ||
అహో బుద్ధరూపం తథా కల్కిరూపం
ప్రభుం శాశ్వతం లోకరక్షామహంతం |
పృథక్కాలలబ్ధాత్మలీలావతారం
ధరంతం మురారిం భజే వేంకటేశం || 7 ||

శ్రీ వేంకటేశ మంగళాష్టకం

శ్రీ వేంకటేశ మంగళాష్టకం.

Telugu

Read Stotra

శ్రీ వేంకటేశ మంగళాష్టకం

శ్రీక్షోణ్యౌ రమణీయుగం సురమణీపుత్రోఽపి వాణీపతిః
పౌత్రశ్చంద్రశిరోమణిః ఫణిపతిః శయ్యా సురాః సేవకాః |
తార్క్ష్యో యస్య రథో మహశ్చ భవనం బ్రహ్మాండమాద్యః పుమాన్
శ్రీమద్వేంకటభూధరేంద్రరమణః కుర్యాద్ధరిర్మంగళం || 1 ||
యత్తేజో రవికోటికోటికిరణాన్ ధిక్కృత్య జేజీయతే
యస్య శ్రీవదనాంబుజస్య సుషమా రాకేందుకోటీరపి |
సౌందర్యం చ మనోభవానపి బహూన్ కాంతిశ్చ కాదంబినీం
శ్రీమద్వేంకటభూధరేంద్రరమణః కుర్యాద్ధరిర్మంగళం || 2 ||
నానారత్న కిరీటకుండలముఖైర్భూషాగణైర్భూషితః
శ్రీమత్కౌస్తుభరత్న భవ్యహృదయః శ్రీవత్ససల్లాంఛనః |
విద్యుద్వర్ణసువర్ణవస్త్రరుచిరో యః శంఖచక్రాదిభిః
శ్రీమద్వేంకటభూధరేంద్రరమణః కుర్యాద్ధరిర్మంగళం || 3 ||
యత్ఫాలే మృగనాభిచారుతిలకో నేత్రేఽబ్జపత్రాయతే
కస్తూరీఘనసారకేసరమిలచ్ఛ్రీగంధసారో ద్రవైః |
గంధైర్లిప్తతనుః సుగంధసుమనోమాలాధరో యః ప్రభుః
శ్రీమద్వేంకటభూధరేంద్రరమణః కుర్యాద్ధరిర్మంగళం || 4 ||
ఏతద్దివ్యపదం మమాస్తి భువి తత్సంపశ్యతేత్యాదరా-
-ద్భక్తేభ్యః స్వకరేణ దర్శయతి యద్దృష్ట్యాఽతిసౌఖ్యం గతః |
ఏతద్భక్తిమతో మహానపి భవాంభోధిర్నదీతి స్పృశన్
శ్రీమద్వేంకటభూధరేంద్రరమణః కుర్యాద్ధరిర్మంగళం || 5 ||
యః స్వామీ సరసస్తటే విహరతో శ్రీస్వామినాంనః సదా
సౌవర్ణాలయమందిరో విధిముఖైర్బర్హిర్ముఖైః సేవితః |
యః శత్రూన్ హనయన్ నిజానవతి చ శ్రీభూవరాహాత్మకః
శ్రీమద్వేంకటభూధరేంద్రరమణః కుర్యాద్ధరిర్మంగళం || 6 ||
యో బ్రహ్మాదిసురాన్ మునీంశ్చ మనుజాన్ బ్రహ్మోత్సవాయాగతాన్
దృష్ట్వా హృష్టమనా బభూవ బహుశస్తైరర్చితః సంస్తుతః |
తేభ్యో యః ప్రదదాద్వరాన్ బహువిధాన్ లక్ష్మీనివాసో విభుః
శ్రీమద్వేంకటభూధరేంద్రరమణః కుర్యాద్ధరిర్మంగళం || 7 ||
యో దేవో భువి వర్తతే కలియుగే వైకుంఠలోకస్థితో
భక్తానాం పరిపాలనాయ సతతం కారుణ్యవారాం నిధిః |
శ్రీశేషాఖ్యమహీంధ్రమస్తకమణిర్భక్తైకచింతామణిః
శ్రీమద్వేంకటభూధరేంద్రరమణః కుర్యాద్ధరిర్మంగళం || 8 ||
శేషాద్రిప్రభుమంగళాష్టకమిదం తుష్టేన యస్యేశితుః
ప్రీత్యర్థం రచితం రమేశచరణద్వంద్వైకనిష్ఠావతా |
వైవాహ్యాదిశుభక్రియాసు పఠితం యైః సాధు తేషామపి
శ్రీమద్వేంకటభూధరేంద్రరమణః కుర్యాద్ధరిర్మంగళం || 9 ||

శ్రీ వేంకటేశ విజయ స్తోత్రం

శ్రీ వేంకటేశ విజయ స్తోత్రం.

Telugu

Read Stotra

శ్రీ వేంకటేశ విజయ స్తోత్రం

దైవతదైవత మంగలమంగల
పావనపావన కారణకారణ |
వేంకటభూధరమౌలివిభూషణ
మాధవ భూధవ దేవ జయీభవ || 1 ||
వారిదసంనిభదేహ దయాకర
శారదనీరజచారువిలోచన |
దేవశిరోమణిపాదసరోరుహ
వేంకటశైలపతే విజయీభవ || 2 ||
అంజనశైలనివాస నిరంజన
రంజితసర్వజనాంజనమేచక |
మామభిషించ కృపామృతశీతల-
-శీకరవర్షిదృశా జగదీశ్వర || 3 ||
వీతసమాధిక సారగుణాకర
కేవలసత్త్వతనో పురుషోత్తమ |
భీమభవార్ణవతారణకోవిద
వేంకటశైలపతే విజయీభవ || 4 ||
స్వామిసరోవరతీరరమాకృత-
-కేలిమహారసలాలసమానస |
సారతపోధనచిత్తనికేతన
వేంకటశైలపతే విజయీభవ || 5 ||
ఆయుధభూషణకోటినివేశిత-
-శంఖరథాంగజితామతసం‍మత |
స్వేతరదుర్ఘటసంఘటనక్షమ
వేంకటశైలపతే విజయీభవ || 6 ||
పంకజనానిలయాకృతిసౌరభ-
-వాసితశైలవనోపవనాంతర |
మంద్రమహాస్వనమంగలనిర్జ్ఝర
వేంకటశైలపతే విజయీభవ || 7 ||
నందకుమారక గోకులపాలక
గోపవధూవర కృష్ణ పరాత్పర |
శ్రీవసుదేవ జన్మభయాపహ
వేంకటశైలపతే విజయీభవ || 8 ||
శైశవపాతితపాతకిపూతన
ధేనుకకేశిముఖాసురసూదన |
కాలియమర్దన కంసనిరాసక
మోహతమోపహ కృష్ణ జయీభవ || 9 ||
పాలితసంగర భాగవతప్రియ
సారథితాహితతోషపృథాసుత |
పాండవదూత పరాకృతభూభర
పాహి పరావరనాథ పరాయణ || 10 ||
శాతమఖాసువిభంజనపాటవ
సత్రిశిరఃఖరదూషణదూషణ |
శ్రీరఘునాయక రామ రమాసఖ
విశ్వజనీన హరే విజయీభవ || 11 ||
రాక్షససోదరభీతినివారక
శారదశీతమయూఖముఖాంబుజ |
రావణదారుణవారణదారణ-
-కేసరిపుంగవ దేవ జయీభవ || 12 ||
కాననవానరవీరవనేచర-
-కుంజరసింహమృగాదిషు వత్సల |
శ్రీవరసూరినిరస్తభవాదర
వేంకటశైలపతే విజయీభవ || 13 ||
వాదిసాధ్వసకృత్సూరికథితం స్తవనం మహత్ |
వృషశైలపతేః శ్రేయస్కామో నిత్యం పఠేత్సుధీః || 14 ||

శ్రీ వేంకటేశ విజయార్యా సప్తవిభక్తి స్తోత్రం

శ్రీ వేంకటేశ విజయార్యా సప్తవిభక్తి స్తోత్రం.

Telugu

Read Stotra

శ్రీ వేంకటేశ విజయార్యా సప్తవిభక్తి స్తోత్రం

శ్రీవేంకటాద్రిధామా భూమా భూమాప్రియః కృపాసీమా |
నిరవధికనిత్యమహిమా భవతు జయీ ప్రణతదర్శితప్రేమా || 1 ||
జయ జనతా విమలీకృతిసఫలీకృతసకలమంగళాకార |
విజయీ భవ విజయీ భవ విజయీ భవ వేంకటాచలాధీశ || 2 ||
కమనీయమందహసితం కంచన కందర్పకోటిలావణ్యం |
పశ్యేయమంజనాద్రౌ పుంసాం పూర్వతనపుణ్యపరిపాకం || 3 ||
మరతకమేచకరుచినా మదనాజ్ఞాగంధిమధ్యహృదయేన |
వృషశైలమౌలిసుహృదా మహసా కేనాపి వాసితం జ్ఞేయం || 4 ||
పత్యై నమో వృషాద్రేః కరయుగపరికర్మశంఖచక్రాయ |
ఇతరకరకమలయుగళీదర్శిత-కటిబంధదానముద్రాయ || 5 ||
సాంరాజ్యపిశునమకుటీసుఘటలలాటాత్ సుమంగలా పాంగాత్ |
స్మితరుచిఫుల్లకపోలాదపరో న పరోఽస్తి వేంకటాద్రీశాత్ || 6 ||
సర్వాభరణవిభూషితదివ్యావయవస్య వేంకటాద్రిపతేః |
పల్లవపుష్పవిభూషితకల్పతరోశ్చాపి కా భిదా దృష్టా || 7 ||
లక్ష్మీలలితపదాంబుజలాక్షారసరంజితాయతోరస్కే |
శ్రీవేంకటాద్రినాథే నాథే మమ నిత్యమర్పితో భారః || 8 ||
ఆర్యావృత్తసమేతా సప్తవిభక్తిర్వృషాద్రినాథస్య |
వాదీంద్రభీకృదాఖ్యైరార్యై రచితా జయత్వియం సతతం || 9 ||
ఇతి శ్రీవేంకటేశవిజయార్యాసప్తవిభక్తి స్తోత్రం సంపూర్ణం |

శ్రీ వేంకటేశ అష్టకం

శ్రీ వేంకటేశ అష్టకం.

Telugu

Read Stotra

శ్రీ వేంకటేశ అష్టకం

వేంకటేశో వాసుదేవః ప్రద్యుంనోఽమితవిక్రమః |
సంకర్షణోఽనిరుద్ధశ్చ శేషాద్రిపతిరేవ చ || 1 ||
జనార్దనః పద్మనాభో వేంకటాచలవాసినః |
సృష్టికర్తా జగన్నాథో మాధవో భక్తవత్సలః || 2 ||
గోవిందో గోపతిః కృష్ణః కేశవో గరుడధ్వజః |
వరాహో వామనశ్చైవ నారాయణ అధోక్షజః || 3 ||
శ్రీధరః పుండరీకాక్షః సర్వదేవస్తుతో హరిః |
శ్రీనృసింహో మహాసింహః సూత్రాకారః పురాతనః || 4 ||
రమానాథో మహీభర్తా భూధరః పురుషోత్తమః |
చోళపుత్రప్రియః శాంతో బ్రహ్మాదీనాం వరప్రదః || 5 ||
శ్రీనిధిః సర్వభూతానాం భయకృద్భయనాశనః |
శ్రీరామో రామభద్రశ్చ భవబంధైకమోచకః || 6 ||
భూతావాసో గిరివాసః శ్రీనివాసః శ్రియః పతిః |
అచ్యుతానంత గోవిందో విష్ణుర్వేంకటనాయకః || 7 ||
సర్వదేవైకశరణం సర్వదేవైకదైవతం |
సమస్తదేవకవచం సర్వదేవశిఖామణిః || 8 ||
ఇతీదం కీర్తితం యస్య విష్ణోరమితతేజసః |
త్రికాలే యః పఠేన్నిత్యం పాపం తస్య న విద్యతే || 9 ||
రాజద్వారే పఠేద్ఘోరే సంగ్రామే రిపుసంకటే |
భూతసర్పపిశాచాదిభయం నాస్తి కదాచన || 10 ||
అపుత్రో లభతే పుత్రాన్ నిర్ధనో ధనవాన్ భవేత్ |
రోగార్తో ముచ్యతే రోగాద్బద్ధో ముచ్యేత బంధనాత్ || 11 ||
యద్యదిష్టతమం లోకే తత్తత్ప్రాప్నోత్యసంశయః |
ఐశ్వర్యం రాజసంమానం భుక్తిముక్తిఫలప్రదం || 12 ||
విష్ణోర్లోకైకసోపానం సర్వదుఃఖైకనాశనం |
సర్వైశ్వర్యప్రదం నౄణాం సర్వమంగళకారకం || 13 ||
మాయావీ పరమానందం త్యక్త్వా వైకుంఠముత్తమం |
స్వామిపుష్కరిణీతీరే రమయా సహ మోదతే || 14 ||
కళ్యాణాద్భుతగాత్రాయ కామితార్థప్రదాయినే |
శ్రీమద్వేంకటనాథాయ శ్రీనివాసాయ తే నమః || 15 ||
ఇతి శ్రీ బ్రహ్మాండపురాణే బ్రహ్మనారదసంవాదే వేంకటగిరిమాహాత్ంయే శ్రీ వేంకటేశ అష్టకం |

శ్రీ శ్రీనివాస గద్యం

శ్రీ శ్రీనివాస గద్యం.

Telugu

Read Stotra

శ్రీ శ్రీనివాస గద్యం

శ్రీమదఖిల మహీమండల మండన ధరణిధర మండలాఖండలస్య, నిఖిల సురాసుర వందిత వరాహక్షేత్ర విభూషణస్య, శేషాచల గరుడాచల వృషభాచల నారాయణాచలాంజనాచలాది శిఖరిమాలాకులస్య, నాథముఖ బోధనిధి వీథిగుణసాభరణ సత్త్వనిధి తత్త్వనిధి భక్తిగుణపూర్ణ శ్రీశైలపూర్ణ గుణవశంవద పరమపురుష కృపాపూర విభ్రమదతుంగశృంగ గలద్గగన గంగాసమాలింగితస్య, సీమాతిగగుణ రామానుజముని నామాంకిత బహుభూమాశ్రయ సురధామాలయ వనరామాయత వనసీమాపరివృత విశంకటతట నిరంతర విజృంభిత భక్తిరస నిర్ఝరానంతార్యాహార్య ప్రస్రవణధారాపూర విభ్రమద సలిలభరభరిత మహాతటాక మండితస్య, కలికర్దమ (మలమర్దన) కలితోద్యమ విలసద్యమ నియమాదిమ మునిగణనిషేవ్యమాణ ప్రత్యక్షీభవన్నిజసలిల (స)మజ్జన నమజ్జన నిఖిలపాపనాశన పాపనాశన తీర్థాధ్యాసితస్య, మురారిసేవక జరాధిపీడిత నిరార్తిజీవన నిరాశభూసుర వరాతిసుందర సురాంగనారతి కరాంగసౌష్ఠవ కుమారతాకృతి కుమారతారక సమాపనోదయ దమానపాతక మహాపదామయ విహాపనోదిత సకలభువనవిదిత కుమారధారాభిధాన తీర్థాధిష్ఠితస్య, ధరణితలగత సకలహత కలిల శుభ సలిలగత బహుళ వివిధమలహతి చతుర రుచిరతర విలోకనమాత్ర విదళిత వివిధ మహాపాతక స్వామిపుష్కరిణీ సమేతస్య, బహుసంకట నరకావట పతదుత్కట కలికంకట కలుషోద్భట జనపాతక వినిపాతక రుచినాటక కరహాటక కలశాహృత కమలారత శుభమజ్జన జలసజ్జన భరిత నిజదురిత హతినిరత జనసతత నిరర్గళపేపీయమాన సలిల సంభృత విశంకట కటాహతీర్థ విభూషితస్య, ఏవమాదిమ భూరిమంజిమ సర్వపాతక గర్వహాపక సింధుడంబర హారిశంబర వివిధవిపుల పుణ్యతీర్థనివహ నివాసస్య, శ్రీమతో వేంకటాచలస్య శిఖరశేఖరమహాకల్పశాఖీ, ఖర్వీభవదతిగర్వీకృత గురుమేర్వీశగిరి ముఖోర్వీ ధర కులదర్వీ కరదయితోర్వీ ధర శిఖరోర్వీ సతత సదూర్వీ కృతిచరణనవఘన గర్వచర్వణ నిపుణ తను కిరణమసృణిత గిరిశిఖర శేఖరతరునికర తిమిరః, వాణీపతి శర్వాణీ దయితేంద్రాణీశ్వర-ముఖనాణీయోరసవేణీ నిభశుభవాణీ నుతమహిమాణీ యస్తర కోణీ భవదఖిల భువనభవనోదరః, వైమానికగురు భూమాధిక గుణరామానుజకృత ధామాకర కర ధామారి దర లలామాచ్ఛకనక దామాయిత నిజరామాలయ నవకిసలయమయ తోరణమాలాయిత వనమాలాధరః, కాలాంబుద మాలానిభ నీలాలక జాలావృత బాలాబ్జ సలీలామల ఫాలాంక సమూలామృత ధారాద్వయావధీరణ ధీరలలితతర విశదతర ఘన ఘనసారమయోర్ధ్వపుండ్ర రేఖాద్వయరుచిరః, సువికస్వర దళభాస్వర కమలోదరగతమేదుర నవకేసర తతిభాసుర పరిపింజర కనకాంబర కలితాదర లలితోదర తదాలంబ జంభరిపు మణిస్తంభ గంభీరి మదంభస్తంభన సముజ్జృంభమాణ పీవరోరుయుగళ తదాలంబ పృథుల కదళీ ముకుళ మదహరణ జంఘాల జంఘాయుగళః, నవ్యదళ భవ్యకల పీతమల శోణిమల సన్మృదుల సత్కిసలయాశ్రుజలకారి బల శోణతల పదకమల నిజాశ్రయ బలబందీకృత శరదిందుమండలీ విభ్రమదాదభ్ర శుభ్ర పునర్భవాధిష్ఠితాంగుళీగాఢ నిపీడిత పద్మాసనః, జానుతలావధి లంబి విడంబిత వారణ శుండాదండ విజృంభిత నీలమణిమయ కల్పకశాఖా విభ్రమదాయి మృణాళలతాయత సముజ్జ్వలతర కనకవలయవేల్లితైకతర బాహుదండయుగళః, యుగపదుదిత కోటి ఖరకర హిమకర మండల జాజ్వల్యమాన సుదర్శన పాంచజన్య సముత్తుంగిత శృంగాపర బాహుయుగళః, అభినవశాణ సముత్తేజిత మహామహా నీలఖండ మదఖండన నిపుణ నవీన పరితప్త కార్తస్వరకవచిత మహనీయ పృథుల సాలగ్రామ పరంపరా గుంఫిత నాభిమండల పర్యంత లంబమాన ప్రాలంబదీప్తి సమాలంబిత విశాలవక్షఃస్థలః, గంగాఝర తుంగాకృతి భంగావళి భంగావహ సౌధావళి బాధావహ ధారానిభ హారావళి దూరాహత గేహాంతర మోహావహ మహిమమసృణిత మహాతిమిరః, పింగాకృతి భృంగారు నిభాంగార దళాంగామల నిష్కాసిత దుష్కార్యఘ నిష్కావళి దీపప్రభ నీపచ్ఛవి తాపప్రద కనకమాలికా పిశంగిత సర్వాంగః, నవదళిత దళవలిత మృదులలిత కమలతతి మదవిహతి చతురతర పృథులతర సరసతర కనకసరమయ రుచిరకంఠికా కమనీయకంఠః, వాతాశనాధిపతిశయన కమన పరిచరణ రతిసమేతాఖిల ఫణధరతతి మతికర కనకమయ నాగాభరణ పరివీతాఖిలాంగావగమిత శయన భూతాహిరాజ జాతాతిశయః, రవికోటీ పరిపాటీ ధరకోటీ రవరాటీ కితవాటీ రసధాటీ ధర మణిగణ కిరణ విసరణ సతతవిధుత తిమిరమోహ గర్భగేహః, అపరిమిత వివిధభువన భరితాఖండ బ్రహ్మాండమండల పిచండిలః, ఆర్యధుర్యానంతార్య పవిత్ర ఖనిత్రపాత పాత్రీకృత నిజచుబుక గతవ్రణకిణ విభూషణవహనసూచిత శ్రితజనవత్సలతాతిశయః, మడ్డుడిండిమ డమరుఝర్ఝర కాహళీ పటహావళీ మృదుమర్దలాలి మృదంగ దుందుభి ఢక్కికాముఖ హృద్యవాద్యక మధురమంగళ నాదమేదుర విసృమర సరస గానరసరుచిర సంతత సంతన్యమాన నిత్యోత్సవ పక్షోత్సవ మాసోత్సవ సంవత్సరోత్సవాది వివిధోత్సవ కృతానందః, శ్రీమదానందనిలయ విమానవాసః, సతత పద్మాలయా పదపద్మరేణు సంచిత వక్షఃస్థల పటవాసః, శ్రీశ్రీనివాసః సుప్రసన్నో విజయతాం |
[*- నాటారభి భూపాల బిలహరి మాయామాళవగౌలా అసావేరీ సావేరీ శుద్ధసావేరీ దేవగాంధారీ ధన్యాసీ బేగడ హిందుస్తానీకాపీ తోడి నాటకురుంజీ శ్రీరాగ సహన అఠాణ సారంగీ దర్బారు పంతువరాళీ వరాళీ కల్యాణీ పూరికల్యాణీ యమునాకల్యాణీ హుశేనీ జంఝోఠీ కౌమారీ కన్నడ ఖరహరప్రియా కలహంస నాదనామక్రియా ముఖారీ తోడీ పున్నాగవరాలీ కాంభోది భైరవీ యదుకులకాంభోది ఆనందభైరవీ శంకరాభరణ మోహన రేగుప్తీ సౌరాష్ట్రీ నీలాంబరీ గుణక్రియా మేఘగర్జనీ హంసధ్వనీ శోకవరాళీ మధ్యమావతీ శెంజురుటీ సురటీ ద్విజావంతీ మలయాంబరీ కాపీ పరశు ధనాసరీ దేశికతోడీ ఆహిరీ వసంతగౌలీ కేదారగౌలా కనకాంగీ రత్నాంగీ గానమూర్తీ వనస్పతీ వాచస్పతీ దానవతీ రూపవతీ మానరూపీ సేనాపతీ హనుమత్తోడీ ధేనుకా నాటకప్రియా కోకిలప్రియా గాయకప్రియా వకుళాభరణ చక్రవాక సూర్యకాంత హాటకాంబరీ ఝంకారధ్వని నటభైరవీ గీర్వాణీ హరికాంభోది ధీరశంకరాభరణ నాగానందినీ యాగప్రియా విసృమర సరసగాన రసేత్యాది సంతత సంతన్యమాన నిత్యోత్సవ పక్షోత్సవ మాసోత్సవ సంవత్సరోత్సవాది వివిధోత్సవ కృతానందః, శ్రీమదానందనిలయవాసః, సతత పద్మాలయా పదపద్మరేణు సంచిత వక్షఃస్థల పటవాసః, శ్రీశ్రీనివాసః సుప్రసన్నో విజయతాం |
—
శ్రీ అలర్మేల్మంగా సమేత శ్రీశ్రీనివాసస్వామీ సుప్రీతః సుప్రసన్నో వరదో భూత్వా,
పనస పాటలీ పాలాశ బిల్వ పున్నాగ చూత కదళీ చందన చంపక మంజుళ మందార హింతాలాది తిలక మాతులుంగ నారికేళ క్రౌంచాశోక మాధూకామలక హిందుక నాగకేతక పూర్ణకుంద పూర్ణగంధ రసకంద వన వంజుళఖర్జూర సాల కోవిదార హింతాల పనస వికట వైకస వరుణ తరూణఘమరణ విచుళంకాశ్వత్థ యక్షవసుధ వర్మాధ మంత్రిణీ తింత్రిణీ బోధ న్యగ్రోధ ఘటపటల జంబూమతల్లీ వీరతచుల్లీ వసతి వాసతీ (వాతంగీ) జీవనీ పోషణీ ప్రముఖ నిఖిల సందోహ తమాల మాలామహిత విరాజమాన చషక మయూర హంస భారద్వాజ కోకిల చక్రవాక కపోత గరుడ నారాయణ నానావిధ పక్షిజాతి సమూహ బ్రహ్మ క్షత్రియ వైశ్య శూద్ర నానా జాత్యుద్భవ దేవతానిర్మాణ మాణిక్య వజ్ర వైడూర్య గోమేదిక పుష్యరాగ పద్మరాగేంద్రప్రవాళ మౌక్తిక స్ఫటిక హేమరత్న ఖచిత ధగద్ధగాయమాన రథగజతురగ పదాతి సేవాసమూహ భేరీ మర్దల మురవక ఝల్లరీ శంఖ కాహల నృత్య గీత తాళ వాద్య కుంభవాద్య పంచముఖవాద్య అహమీమార్గన్నటీవాద్య కిటికుంతలవాద్య సురటీచౌండోవాద్య తిమిలక వితాలవాద్య తక్కరాగ్రవాద్య ఘంటాతాడన బ్రహ్మతాళ సమతాళ కొట్టరీతాళ ఢక్కరీతాళ ఎక్కాళధారావాద్య పటహకాంశ్యవాద్య భరతనాట్యాలంకార కిన్నర కింపురుష రుద్రవీణా ముఖవీణా వాయువీణా తుంబురువీణా గాంధర్వ(వీణా) నారదవీణా సర్వమండల రావణ హస్తవీణాస్తలంక్రియాలంక్రియాలంకృతానేకవిధ వాద్య వాపీకూప తటాకాది గంగా యమునా రేవావరుణా శోణనదీ శోభనదీ సువర్ణముఖీ వేగవతీ వేత్రవతీ క్షీరనదీ బాహునదీ గరుడనదీ కావేరీ తాంరపర్ణీ ప్రముఖాః మహాపుణ్య నద్యః సకలతీర్థైస్సహోభయ కూలంగత సదాప్రవాహ ఋగ్యజుస్సామాథర్వణ వేద శాస్త్రేతిహాస పురాణ సకలవిద్యా ఘోష భానుకోటిప్రకాశ చంద్రకోటిసమాన నిత్యకళ్యాణ పరంపరోత్తరాభివృద్ధిర్భూయాదితి భవంతో మహాంతోఽనుగృహ్ణంతు, బ్రహ్మణ్యో రాజా ధార్మికోఽస్తు, దేశోఽయం నిరుపద్రవోఽస్తు, సర్వే సాధుజనాస్సుఖినో విలసంతు, సమస్త సన్మంగళాని సంతు, ఉత్తరోత్తరాభివృద్ధిరస్తు, సకలకళ్యాణ సమృద్ధిరస్తు | -*]

శ్రీ శ్రీనివాస తారావళీ (శ్రీదేవశర్మ కృతం)

శ్రీ శ్రీనివాస తారావళీ (శ్రీదేవశర్మ కృతం).

Telugu

Read Stotra

శ్రీ శ్రీనివాస తారావళీ (శ్రీదేవశర్మ కృతం)

శ్రీవేంకటేశం లక్ష్మీశమనిష్టఘ్నమభీష్టదం |
చతుర్ముఖాఖ్యతనయం శ్రీనివాసం భజేఽనిశం || 1 ||
యదపాంగలవేనైవ బ్రహ్మాద్యాః స్వపదం యయుః |
మహారాజాధిరాజం తం శ్రీనివాసం భజేఽనిశం || 2 ||
అనంతవేదసంవేద్యం నిర్దోషం గుణసాగరం |
అతీంద్రియం నిత్యముక్తం శ్రీనివాసం భజేఽనిశం || 3 ||
స్మరణాత్సర్వపాపఘ్నం స్తవనాదిష్టవర్షిణం |
దర్శనాత్ ముక్తిదం చేశం శ్రీనివాసం భజేఽనిశం || 4 ||
అశేషశయనం శేషశయనం శేషశాయినం |
శేషాద్రీశమశేషం చ శ్రీనివాసం భజేఽనిశం || 5 ||
భక్తానుగ్రాహకం విష్ణుం సుశాంతం గరుడధ్వజం |
ప్రసన్నవక్త్రనయనం శ్రీనివాసం భజేఽనిశం || 6 ||
భక్తభక్తిసుపాశేనబద్ధసత్పాదపంకజం |
సనకాదిధ్యానగంయం శ్రీనివాసం భజేఽనిశం || 7 ||
గంగాదితీర్థజనకపాదపద్మం సుతారకం |
శంఖచక్రాఽభయవరం శ్రీనివాసం భజేఽనిశం || 8 ||
సువర్ణముఖితీరస్థం సువర్ణేడ్యం సువర్ణదం |
సువర్ణాభం సువర్ణాంగం శ్రీనివాసం భజేఽనిశం || 9 ||
శ్రీవత్సవక్షసం శ్రీశం శ్రీలోలం శ్రీకరగ్రహం |
శ్రీమంతం శ్రీనిధిం శ్రీడ్యం శ్రీనివాసం భజేఽనిశం || 10 ||
వైకుంఠవాసం వైకుంఠత్యాగం వైకుంఠసోదరం |
వైకుంఠదం వికుంఠాజం శ్రీనివాసం భజేఽనిశం || 11 ||
వేదోద్ధారం మత్స్యరూపం స్వచ్ఛాకారం యదృచ్ఛయా |
సత్యవ్రతోద్ధారం సత్యం శ్రీనివాసం భజేఽనిశం || 12 ||
మహాగాధ జలాధారం కచ్ఛపం మందరోద్ధరం |
సుందరాంగం చ గోవిందం శ్రీనివాసం భజేఽనిశం || 13 ||
వరం శ్వేతవరాహాఖ్యం సంహారం ధరణీధరం |
స్వదంష్ట్రాభ్యాం ధరోద్ధారం శ్రీనివాసం భజేఽనిశం || 14 ||
ప్రహ్లాదాహ్లాదకం లక్ష్మీనృసింహం భక్తవత్సలం |
దైత్యమత్తేభదమనం శ్రీనివాసం భజేఽనిశం || 15 ||
( నమస్తే వాసుదేవాయ నమః సంకర్షణాయ చ |
వామనాయ నమస్తుభ్యం శ్రీనివాస స్వరూపిణే || )
వామనం వామనం పూర్ణకామం భానవమాణవం |
మాయినం బలిసంమోహం శ్రీనివాసం భజేఽనిశం || 16 ||
చంద్రాననం కుందదంతం కురాజఘ్నం కుఠారిణం |
సుకుమారం భృగుఋషేః శ్రీనివాసం భజేఽనిశం || 17 ||
శ్రీరామం దశదిగ్వ్యాప్తం దశేంద్రియనియామకం |
దశాస్యఘ్నం దాశరథిం శ్రీనివాసం భజేఽనిశం || 18 ||
గోవర్ధనోద్ధరం బాలం వాసుదేవం యదూత్తమం |
దేవకీతనయం కృష్ణం శ్రీనివాసం భజేఽనిశం || 19 ||
నందనందనమానందం ఇంద్రనీలం నిరంజనం |
శ్రీయశోదాయశోదం చ శ్రీనివాసం భజేఽనిశం || 20 ||
గోబృందావనగం బృందావనగం గోకులాధిపం |
ఉరుగాయం జగన్మోహం శ్రీనివాసం భజేఽనిశం || 21 ||
పారిజాతహరం పాపహరం గోపీమనోహరం |
గోపీవస్త్రహరం గోపం శ్రీనివాసం భజేఽనిశం || 22 ||
కంసాంతకం శంసనీయం సశాంతం సంసృతిచ్ఛిదం |
సంశయచ్ఛేదిసంవేద్యం శ్రీనివాసం భజేఽనిశం || 23 ||
కృష్ణాపతిం కృష్ణగురుం కృష్ణామిత్రమభీష్టదం |
కృష్ణాత్మకం కృష్ణసఖం శ్రీనివాసం భజేఽనిశం || 24 ||
కృష్ణాఽహిమర్దనం గోపైః కృష్ణోపవనలోలుపం |
కృష్ణాతాతం మహోత్కృష్టం శ్రీనివాసం భజేఽనిశం || 25 ||
బుద్ధం సుబోధం దుర్బోధం బోధాత్మానం బుధప్రియం |
విబుధేశం బుధైర్బోధ్యం శ్రీనివాసం భజేఽనిశం || 26 ||
కల్కినం తురగారూఢం కలికల్మషనాశనం |
కళ్యాణదం కలిఘ్నం చ శ్రీనివాసం భజేఽనిశం || 27 ||
శ్రీవేంకటేశం మత్స్వామిన్ జ్ఞానానంద దయానిధే |
భక్తవత్సల భో విశ్వకుటుంబిన్నధునాఽవ మాం || 28 ||
అనంత వేదసంవేద్య లక్ష్మీనాథాండకారణ |
జ్ఞానానందైశ్వర్యపూర్ణ నమస్తే కరుణాకర || 29 ||
ఇతి శ్రీ దేవశర్మ కృత శ్రీ శ్రీనివాస తారావళీ |

శ్రీ శ్రీనివాస స్మరణ (మనసా స్మరామి)

శ్రీ శ్రీనివాస స్మరణ (మనసా స్మరామి).

Telugu

Read Stotra

శ్రీ శ్రీనివాస స్మరణ (మనసా స్మరామి)

శ్రీ శ్రీనివాస స్తుతిః (స్కాందపురాణే)

శ్రీ శ్రీనివాస స్తుతిః (స్కాందపురాణే).

Telugu

Read Stotra

శ్రీ శ్రీనివాస స్తుతిః (స్కాందపురాణే)

నమో దేవాధిదేవాయ వేంకటేశాయ శార్ఙ్గిణే |
నారాయణాద్రివాసాయ శ్రీనివాసాయ తే నమః || 1 ||
నమః కల్మషనాశాయ వాసుదేవాయ విష్ణవే |
శేషాచలనివాసాయ శ్రీనివాసాయ తే నమః || 2 ||
నమస్త్రైలోక్యనాథాయ విశ్వరూపాయ సాక్షిణే |
శివబ్రహ్మాదివంద్యాయ శ్రీనివాసాయ తే నమః || 3 ||
నమః కమలనేత్రాయ క్షీరాబ్ధిశయనాయ తే |
దుష్టరాక్షససంహర్త్రే శ్రీనివాసాయ తే నమః || 4 ||
భక్తప్రియాయ దేవాయ దేవానాం పతయే నమః |
ప్రణతార్తివినాశాయ శ్రీనివాసాయ తే నమః || 5 ||
యోగినాం పతయే నిత్యం వేదవేద్యాయ విష్ణవే |
భక్తానాం పాపసంహర్త్రే శ్రీనివాసాయ తే నమః || 6 ||
ఇతి శ్రీస్కాందపురాణే వేంకటాచలమాహాత్ంయే త్రయోవింశోఽధ్యాయే పద్మనాభాఖ్యద్విజ కృత శ్రీనివాస స్తుతిః |

Sign In

OTP Verification

శ్రీ వేంకటేశ ద్వాదశనామ స్తోత్రం

శ్రీ వేంకటేశ దివ్య వర్ణన స్తోత్రం

శ్రీ వేంకటేశ ప్రాతః స్మరణ

శ్రీ వేంకటేశ భుజంగం

శ్రీ వేంకటేశ మంగళాష్టకం

శ్రీ వేంకటేశ విజయ స్తోత్రం

శ్రీ వేంకటేశ విజయార్యా సప్తవిభక్తి స్తోత్రం

శ్రీ వేంకటేశ అష్టకం

శ్రీ శ్రీనివాస గద్యం

శ్రీ శ్రీనివాస తారావళీ (శ్రీదేవశర్మ కృతం)

శ్రీ శ్రీనివాస స్మరణ (మనసా స్మరామి)

శ్రీ శ్రీనివాస స్తుతిః (స్కాందపురాణే)

MENU

LINKS

Astrologer Section

Vendor Section

GET ADVICE ON

Download Our Apps