శ్రీ శంకరాష్టకం

శీర్షజటాగణభారం గరలాహారం సమస్తసంహారం |
కైలాసాద్రివిహారం పారం భవవారిధేరహం వన్దే || 1 ||
చన్ద్రకలోజ్జ్వలఫాలం కణ్ఠవ్యాలం జగత్త్రయీపాలం |
కృతనరమస్తకమాలం కాలం కాలస్య కోమలం వన్దే || 2 ||
కోపేక్షణహతకామం స్వాత్మారామం నగేన్ద్రజావామం |
సంసృతిశోకవిరామం శ్యామం కణ్ఠేన కారణం వన్దే || 3 ||
కటితటవిలసితనాగం ఖణ్డితయాగం మహాద్భుతత్యాగం |
విగతవిషయరసరాగం భాగం యజ్ఞేషు బిభ్రతం వన్దే || 4 ||
త్రిపురాదికదనుజాన్తం గిరిజాకాన్తం సదైవ సంశాన్తం |
లీలావిజితకృతాన్తం భాన్తం స్వాంతేషు దేవానాం వన్దే || 5 ||
సురసరిదాప్లుతకేశం త్రిదశకులేశం హృదాలయావేశం |
విగతాశేషక్లేశం దేశం సర్వేష్టసంపదాం వన్దే || 6 ||
కరతలకలితపినాకం విగతజలాకం సుకర్మణాం పాకం |
పరపదవీతవరాకం నాకఙ్గమపూగవన్దితం వన్దే || 7 ||
భూతవిభూషితకాయం దుస్తరమాయం వివర్జితాపాయం |
ప్రమథసమూహసహాయం సాయం ప్రాతర్నిరన్తరం వన్దే || 8 ||
యస్తు పదాష్టకమేతద్బ్రహ్మానన్దేన నిర్మితం నిత్యం |
పఠతి సమాహితచేతాః ప్రాప్నోత్యన్తే స శైవమేవ పదం || 9 ||
ఇతి శ్రీమత్పరమహంస స్వామిబ్రహ్మానన్దవిరచితం శ్రీశంకరాష్టకం |

శ్రీ శంభుదేవ ప్రార్థన

బ్రహ్మాండ పురాణంలో చెప్పబడిన శంభుదేవ ప్రార్థన శివుని స్తుతిస్తూ ఉంటుంది.

జయ ఫాలనయన శ్రితలోలనయన సితశైలనయన శర్వా |
జయ కాలకాల జయ మృత్యుమృత్యు జయ దేవదేవ శంభో || 1 ||

జయ చంద్రమౌళి నమదింద్రమౌళి మణిసాంద్రహేళి చరణా |
జయ యోగమార్గ జితరాగదుర్గ మునియాగభాగ భర్గా || 2 ||

జయ స్వర్గవాసి మతివర్గభాసి ప్రతిసర్గసర్గ కల్పా |
జయ బంధుజీవ సుమబంధుజీవ సమసాంధ్య రాగ జూటా || 3 ||

జయ చండచండతర తాండవోగ్రభర కంపమాన భువనా |
జయ హార హీర ఘనసార సారతర శారదాభ్రరూపా || 4 ||

జయ శృంగి శృంగి శ్రుతి భృంగి భృంగి భృతి నంది నంది వినుతీ |
జయ కాలకంఠ కలకంఠకంఠ సురసుందరీస్తుత శ్రీ || 5 ||

జయ భావజాత సమభావజాత సుకళాజిత ప్రియాహ్రీ |
జయ దగ్ధభావ భవ స్నిగ్ధభావ భవ ముగ్ధభావ భవనా || 6 ||

జయ రుండమాలి జయ రూక్షవీక్ష రుచిరుంద్రరూప రుద్రా |
జయ నాసికాగ్ర నయనోగ్ర దృష్టి జనితాగ్ని భుగ్న విభవా || 7 ||

జయ ఘోర ఘోరతరతాపజాప తప ఉగ్రరూప విజితా |
జయ కాంతిమాలి జయ క్రాంతికేలి జయ శాంతిశాలి శూలీ || 8 ||

జయ సూర్యచంద్రశిఖి సూచనాగ్ర నయలోచనాగ్ర ఉగ్రా |
జయ బ్రహ్మ విష్ణు పురుహూత ముఖ్య సురసన్నుతాంఘ్రి యుగ్మా || 9 ||

జయ ఫాలనేత్ర జయ చంద్రశీర్ష జయ నాగభూష శూలీ |
జయ కాలకాల జయ మృత్యుమృత్యు జయ దేవదేవ శంభో || 10 ||

సువర్ణమాలా స్తుతిః

అథ కథమపి మద్రాసనాం త్వద్గుణలేశైర్విశోధయామి విభో |
సాంబ సదాశివ శంభో శంకర శరణం మే తవ చరణయుగం || 1 ||
ఆఖండలమదఖండనపండిత తండుప్రియ చండీశ విభో |
సాంబ సదాశివ శంభో శంకర శరణం మే తవ చరణయుగం || 2 ||
ఇభచర్మాంబర శంబరరిపువపురపహరణోజ్జ్వలనయన విభో |
సాంబ సదాశివ శంభో శంకర శరణం మే తవ చరణయుగం || 3 ||
ఈశ గిరీశ నరేశ పరేశ మహేశ బిలేశయభూషణ భో |
సాంబ సదాశివ శంభో శంకర శరణం మే తవ చరణయుగం || 4 ||
ఉమయా దివ్యసుమంగళవిగ్రహయాలింగితవామాంగ విభో |
సాంబ సదాశివ శంభో శంకర శరణం మే తవ చరణయుగం || 5 ||
ఊరీకురు మామజ్ఞమనాథం దూరీకురు మే దురితం భో |
సాంబ సదాశివ శంభో శంకర శరణం మే తవ చరణయుగం || 6 ||
ఋషివరమానసహంస చరాచరజననస్థితిలయకారణ భో |
సాంబ సదాశివ శంభో శంకర శరణం మే తవ చరణయుగం || 7 ||
ౠక్షాధీశకిరీట మహోక్షారూఢ విధృతరుద్రాక్ష విభో |
సాంబ సదాశివ శంభో శంకర శరణం మే తవ చరణయుగం || 8 ||
లువర్ణద్వంద్వమవృంతసుకుసుమమివాంఘ్రౌ తవార్పయామి విభో |
సాంబ సదాశివ శంభో శంకర శరణం మే తవ చరణయుగం || 9 ||
ఏకం సదితి శ్రుత్యా త్వమేవ సదసీత్యుపాస్మహే మృడ భో |
సాంబ సదాశివ శంభో శంకర శరణం మే తవ చరణయుగం || 10 ||
ఐక్యం నిజభక్తేభ్యో వితరసి విశ్వంభరోఽత్ర సాక్షీ భో |
సాంబ సదాశివ శంభో శంకర శరణం మే తవ చరణయుగం || 11 ||
ఓమితి తవ నిర్దేష్ట్రీ మాయాస్మాకం మృడోపకర్త్రీ భో |
సాంబ సదాశివ శంభో శంకర శరణం మే తవ చరణయుగం || 12 ||
ఔదాస్యం స్ఫుటయతి విషయేషు దిగంబరతా చ తవైవ విభో |
సాంబ సదాశివ శంభో శంకర శరణం మే తవ చరణయుగం || 13 ||
అంతఃకరణవిశుద్ధిం భక్తిం చ త్వయి సతీం ప్రదేహి విభో |
సాంబ సదాశివ శంభో శంకర శరణం మే తవ చరణయుగం || 14 ||
అస్తోపాధిసమస్తవ్యస్తై రూపైర్జగన్మయోఽసి విభో |
సాంబ సదాశివ శంభో శంకర శరణం మే తవ చరణయుగం || 15 ||
కరుణావరుణాలయ మయి దాస ఉదాసస్తవోచితో న హి భో |
సాంబ సదాశివ శంభో శంకర శరణం మే తవ చరణయుగం || 16 ||
ఖలసహవాసం విఘటయ ఘటయ సతామేవ సంగమనిశం భో |
సాంబ సదాశివ శంభో శంకర శరణం మే తవ చరణయుగం || 17 ||
గరళం జగదుపకృతయే గిలితం భవతా సమోఽస్తి కోఽత్ర విభో |
సాంబ సదాశివ శంభో శంకర శరణం మే తవ చరణయుగం || 18 ||
ఘనసారగౌరగాత్ర ప్రచురజటాజూటబద్ధగంగ విభో |
సాంబ సదాశివ శంభో శంకర శరణం మే తవ చరణయుగం || 19 ||
జ్ఞప్తిః సర్వశరీరేష్వఖండితా యా విభాతి సా త్వం భో |
సాంబ సదాశివ శంభో శంకర శరణం మే తవ చరణయుగం || 20 ||
చపలం మమ హృదయకపిం విషయద్రుచరం దృఢం బధాన విభో |
సాంబ సదాశివ శంభో శంకర శరణం మే తవ చరణయుగం || 21 ||
ఛాయా స్థాణోరపి తవ తాపం నమతాం హరత్యహో శివ భో |
సాంబ సదాశివ శంభో శంకర శరణం మే తవ చరణయుగం || 22 ||
జయ కైలాసనివాస ప్రమథగణాధీశ భూసురార్చిత భో |
సాంబ సదాశివ శంభో శంకర శరణం మే తవ చరణయుగం || 23 ||
ఝణుతకఝంకిణుఝణుతత్కిటతక-శబ్దైర్నటసి మహానట భో |
సాంబ సదాశివ శంభో శంకర శరణం మే తవ చరణయుగం || 24 ||
జ్ఞానం విక్షేపావృతిరహితం కురు మే గురుస్త్వమేవ విభో |
సాంబ సదాశివ శంభో శంకర శరణం మే తవ చరణయుగం || 25 ||
టంకారస్తవ ధనుషో దలయతి హృదయం ద్విషామశనిరివ భో |
సాంబ సదాశివ శంభో శంకర శరణం మే తవ చరణయుగం || 26 ||
ఠాకృతిరివ తవ మాయా బహిరంతః శూన్యరూపిణీ ఖలు భో |
సాంబ సదాశివ శంభో శంకర శరణం మే తవ చరణయుగం || 27 ||
డంబరమంబురుహామపి దలయత్యనఘం త్వదంఘ్రియుగళం భో |
సాంబ సదాశివ శంభో శంకర శరణం మే తవ చరణయుగం || 28 ||
ఢక్కాక్షసూత్రశూలద్రుహిణకరోటీసముల్లసత్కర భో |
సాంబ సదాశివ శంభో శంకర శరణం మే తవ చరణయుగం || 29 ||
ణాకారగర్భిణీ చేచ్ఛుభదా తే శరగతిర్నృణామిహ భో |
సాంబ సదాశివ శంభో శంకర శరణం మే తవ చరణయుగం || 30 ||
తవ మన్వతిసంజపతః సద్యస్తరతి నరో హి భవాబ్ధిం భో |
సాంబ సదాశివ శంభో శంకర శరణం మే తవ చరణయుగం || 31 ||
థూత్కారస్తస్య ముఖే భూయాత్తే నామ నాస్తి యస్య విభో |
సాంబ సదాశివ శంభో శంకర శరణం మే తవ చరణయుగం || 32 ||
దయనీయశ్చ దయాళుః కోఽస్తి మదన్యస్త్వదన్య ఇహ వద భో |
సాంబ సదాశివ శంభో శంకర శరణం మే తవ చరణయుగం || 33 ||
ధర్మస్థాపనదక్ష త్ర్యక్ష గురో దక్షయజ్ఞశిక్షక భో |
సాంబ సదాశివ శంభో శంకర శరణం మే తవ చరణయుగం || 34 ||
నను తాడితోఽసి ధనుషా లుబ్ధధియా త్వం పురా నరేణ విభో |
సాంబ సదాశివ శంభో శంకర శరణం మే తవ చరణయుగం || 35 ||
పరిమాతుం తవ మూర్తిం నాలమజస్తత్పరాత్పరోఽసి విభో |
సాంబ సదాశివ శంభో శంకర శరణం మే తవ చరణయుగం || 36 ||
ఫలమిహ నృతయా జనుషస్త్వత్పదసేవా సనాతనేశ విభో |
సాంబ సదాశివ శంభో శంకర శరణం మే తవ చరణయుగం || 37 ||
బలమారోగ్యం చాయుస్త్వద్గుణరుచితాం చిరం ప్రదేహి విభో |
సాంబ సదాశివ శంభో శంకర శరణం మే తవ చరణయుగం || 38 ||
భగవన్భర్గ భయాపహ భూతపతే భూతిభూషితాంగ విభో |
సాంబ సదాశివ శంభో శంకర శరణం మే తవ చరణయుగం || 39 ||
మహిమా తవ న హి మాతి శ్రుతిషు హిమానీధరాత్మజాధవ భో |
సాంబ సదాశివ శంభో శంకర శరణం మే తవ చరణయుగం || 40 ||
యమనియమాదిభిరంగైర్యమినో హృదయే భజంతి స త్వం భో |
సాంబ సదాశివ శంభో శంకర శరణం మే తవ చరణయుగం || 41 ||
రజ్జావహిరివ శుక్తౌ రజతమివ త్వయి జగంతి భాంతి విభో |
సాంబ సదాశివ శంభో శంకర శరణం మే తవ చరణయుగం || 42 ||
లబ్ధ్వా భవత్ప్రసాదాచ్చక్రం విధురవతి లోకమఖిలం భో |
సాంబ సదాశివ శంభో శంకర శరణం మే తవ చరణయుగం || 43 ||
వసుధాతద్ధరతచ్ఛయరథమౌర్వీశర పరాకృతాసుర భో |
సాంబ సదాశివ శంభో శంకర శరణం మే తవ చరణయుగం || 44 ||
శర్వ దేవ సర్వోత్తమ సర్వద దుర్వృత్తగర్వహరణ విభో |
సాంబ సదాశివ శంభో శంకర శరణం మే తవ చరణయుగం || 45 ||
షడ్రిపుషడూర్మిషడ్వికారహర సన్ముఖ షణ్ముఖజనక విభో |
సాంబ సదాశివ శంభో శంకర శరణం మే తవ చరణయుగం || 46 ||
సత్యం జ్ఞానమనంతం బ్రహ్మేత్యేతల్లక్షణలక్షిత భో |
సాంబ సదాశివ శంభో శంకర శరణం మే తవ చరణయుగం || 47 ||
హాహాహూహూముఖసురగాయకగీతాపదానపద్య విభో |
సాంబ సదాశివ శంభో శంకర శరణం మే తవ చరణయుగం || 48 ||
ళాదిర్న హి ప్రయోగస్తదంతమిహ మంగళం సదాస్తు విభో |
సాంబ సదాశివ శంభో శంకర శరణం మే తవ చరణయుగం || 49 ||
క్షణమివ దివసాన్నేష్యతి త్వత్పదసేవాక్షణోత్సుకః శివ భో |
సాంబ సదాశివ శంభో శంకర శరణం మే తవ చరణయుగం || 50 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ సువర్ణమాలా స్తుతిః సంపూర్ణా ||

 శ్రీ సోమసుందరాష్టకం

ఇంద్ర ఉవాచ |
ఏకం బ్రహ్మాద్వితీయం చ పరిపూర్ణం పరాపరం |
ఇతి యో గీయతే వేదైస్తం వందే సోమసుందరం || 1 ||
జ్ఞాతృజ్ఞానజ్ఞేయరూపం విశ్వవ్యాప్యం వ్యవస్థితం |
యం సర్వైరప్యదృశ్యోయస్తం వందే సోమసుందరం || 2 ||
అశ్వమేధాదియజ్ఞైశ్చ యః సమారాధ్యతే ద్విజైః |
దదాతి చ ఫలం తేషాం తం వందే సోమసుందరం || 3 ||
యం విదిత్వా బుధాః సర్వే కర్మబంధవివర్జితాః |
లభంతే పరమాం ముక్తిం తం వందే సోమసుందరం || 4 ||
దేవదేవం యమారాధ్య మృకండుతనయో మునిః |
నిత్యత్వమగమత్సద్యస్తం వందే సోమసుందరం || 5 ||
నిజనేత్రాంబుజకృతం పూజయా పరితోష్యయం |
శ్రీపతిర్లభతే చక్రం తం వందే సోమసుందరం || 6 ||
యేన సర్వం జగత్సృష్టం రక్షితం సంహృతం క్రమాత్ |
నత్వం విజ్ఞానమానందం తం వందే సోమసుందరం || 7 ||
యస్మాత్పరం చాపరం చ కించిద్వస్తు న విద్యతే |
ఈశ్వరం సర్వభూతానాం తం వందే సోమసుందరం || 8 ||
యస్మై వేదాశ్చ చత్వారో నమస్యంత వపుర్ధరాః |
ఈశానం సర్వవిద్యానాం తం వందే సోమసుందరం || 9 ||
యస్య ప్రణామమాత్రేణ సంతి సర్వాశ్చ సంపదః |
సర్వసిద్ధిప్రదం శంభుం తం వందే సోమసుందరం || 10 ||
యస్య దర్శనమాత్రేణ బ్రహ్మహత్యాది పాతకం |
అవశ్యం నశ్యతి క్షిప్రం తం వందే సోమసుందరం || 11 ||
ఉత్తమాంగం చ చరణం బ్రహ్మణా విష్ణునాపి చ |
న దృశ్యతే యస్య యత్నస్తం వందే సోమసుందరం || 12 ||
ఇతి శ్రీహాలాస్యమాహాత్ంయే ఇంద్రకృతం శ్రీసోమసుందరాష్టకం |

 శ్రీ హాలాస్యేశాష్టకం

కుండోదర ఉవాచ |
శైలాధీశసుతాసహాయ సకలాంనాయాంతవేద్య ప్రభో
శూలోగ్రాగ్రవిదారితాంధకసురారాతీంద్రవక్షస్థల |
కాలాతీత కలావిలాస కుశల త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 1 ||
కోలాచ్ఛచ్ఛదరూపమాధవ సురజ్యైష్ఠ్యాతిదూరాంఘ్రిక
నీలార్ధాంగ నివేశనిర్జరధునీభాస్వజ్జటామండల |
కైలాసాచలవాస కార్ముకహర త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 2 ||
ఫాలాక్షప్రభవప్రభంజనసఖ ప్రోద్యత్స్ఫులింగచ్ఛటా-
-తూలానంగకచారుసంహనన సన్మీనేక్షణావల్లభ |
శైలాదిప్రముఖైర్గణైః స్తుతగణ త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 3 ||
మాలాకల్పితమాలుధానఫణసన్మాణిక్యభాస్వత్తనో
మూలాధార జగత్త్రయస్య మురజిన్నేత్రారవిందార్చిత |
సారాకారభుజాసహస్ర గిరిశ త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 4 ||
బాలాదిత్యసహస్రకోటిసదృశోద్యద్వేగవత్యాపగా-
-వేలాభూమివిహారనిష్ఠ విబుధస్రోతస్వినీశేఖర |
బాలావర్ణ్యకవిత్వభూమిసుఖద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 5 ||
కీలాలావనిపావకానిలనభశ్చంద్రార్కయజ్వాకృతే
కీలానేకసహస్రసంకులశిఖస్తంభస్వరూపామిత |
చోళాదీష్టగృహాంగనావిభవద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 6 ||
లీలార్థాంజలిమేకమేవ చరతాం సాంరాజ్యలక్ష్మీప్రద
స్థూలాశేషచరాచరాత్మక జగత్ స్థూణాష్టమూర్తే గురో |
తాలాంకానుజ ఫల్గునప్రియకర త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 7 ||
హాలాస్యాగతదేవదైత్యమునిసంగీతాపదానక్వణ-
-త్తూలాకోటిమనోహరాంఘ్రికమలానందాపవర్గప్రద |
శ్రీలీలాకర పద్మనాభవరద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదం || 8 ||
లీలానాదరమోహతః కపటతో యద్వా కదంబాటవీ-
-హాలాస్యాధిపతీష్టమష్టకమిదం సర్వేష్టసందోహనం |
హాలాపానఫలాన్విహాయ సంతతం సంకీర్తయంతీహ యే
తే లాక్షార్ద్రపదాబలాభిరఖిలాన్ భోగాన్ లభంతే సదా || 9 ||
ఇతి శ్రీహాలాస్యమహాత్ంయే కుండోదరకృతం శ్రీహాలాస్యేశాష్టకం |

శ్రీ రుద్రప్రశ్నః లఘున్యాసః

ఓం అథాత్మానగ్ం శివాత్మానగ్ం శ్రీరుద్రరూపం ధ్యాయేత్ ||
శుద్ధస్ఫటికసంకాశం త్రినేత్రం పఞ్చవక్త్రకం |
గఙ్గాధరం దశభుజం సర్వాభరణభూషితం ||
నీలగ్రీవం శశాంకాంకం నాగయజ్ఞోపవీతినం |
వ్యాఘ్రచర్మోత్తరీయం చ వరేణ్యమభయప్రదం ||
కమణ్డల్వక్షసూత్రాణాం ధారిణం శూలపాణినం |
జ్వలన్తం పిఙ్గలజటాశిఖాముద్యోతధారిణం ||
వృషస్కన్ధసమారూఢం ఉమాదేహార్ధధారిణం |
అమృతేనాప్లుతం శాన్తం దివ్యభోగసమన్వితం ||
దిగ్దేవతాసమాయుక్తం సురాసురనమస్కృతం |
నిత్యం చ శాశ్వతం శుద్ధం ధ్రువమక్షరమవ్యయం ||
సర్వవ్యాపినమీశానం రుద్రం వై విశ్వరూపిణం |
ఏవం ధ్యాత్వా ద్విజస్సంయక్ తతో యజనమారభేత్ ||
అథాతో రుద్ర స్నానార్చనాభిషేక విధిం వ్యా”ఖ్యాస్యామః |
ఆదిత ఏవ తీర్థే స్నాత్వా ఉదేత్య శుచిః ప్రయతో
బ్రహ్మచారీ శుక్లవాసా దేవాభిముఖః స్థిత్వా
ఆత్మని దేవతాః స్థాపయేత్ |
ఓం ప్రజననే బ్రహ్మా తిష్ఠతు | పాదయోర్విష్ణుస్తిష్ఠతు |
హస్తయోర్హరస్తిష్ఠతు | బాహ్వోరిన్ద్రస్తిష్ఠతు |
జఠరే అగ్నిస్తిష్ఠతు | హృదయే శివస్తిష్ఠతు |
కణ్ఠే వసవస్తిష్ఠన్తు | వక్త్రే సరస్వతీ తిష్ఠతు |
నాసికయోర్వాయుస్తిష్ఠతు | నయనయోశ్చన్ద్రాదిత్యౌ తిష్ఠేతాం |
కర్ణయోరశ్వినౌ తిష్ఠేతాం |
లలాటే రుద్రాస్తిష్ఠన్తు | మూర్ధ్న్యాదిత్యాస్తిష్ఠన్తు |
శిరసి మహాదేవస్తిష్ఠతు | శిఖాయాం వామదేవస్తిష్ఠతు |
పృష్ఠే పినాకీ తిష్ఠతు | పురతశ్శూలీ తిష్ఠతు |
పార్శ్వయోశ్శివాశంకరౌ తిష్ఠేతాం |
సర్వతో వాయుస్తిష్ఠతు |
తతో బహిస్సర్వతోఽగ్నిజ్వాలామాలాః పరివృతాస్తిష్ఠతు |
సర్వేష్వఙ్గేషు సర్వాదేవతా యథాస్థానం తిష్ఠన్తు |
మాగ్ం రక్షన్తు ||
ఓం అ॒గ్నిర్మే॑ వా॒చి శ్రి॒తః |
వాగ్ధృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
వా॒యుర్మే” ప్రా॒ణే శ్రి॒తః |
ప్రా॒ణో హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
సూర్యో॑ మే॒ చక్షుషి శ్రి॒తః |
చక్షు॒ర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
చ॒న్ద్రమా॑ మే॒ మన॑సి శ్రి॒తః |
మనో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
దిశో॑ మే॒ శ్రోత్రే” శ్రి॒తాః |
శ్రోత్ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆపో॑ మే॒ రేత॑సి శ్రి॒తాః |
రేతో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పృ॒థి॒వీ మే॒ శరీ॑రే శ్రి॒తా |
శరీ॑ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఓ॒ష॒ధి॒వ॒న॒స్ప॒తయో॑ మే॒ లోమ॑సు శ్రి॒తాః |
లోమా॑ని॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఇన్ద్రో॑ మే॒ బలే” శ్రి॒తః |
బల॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ప॒ర్జన్యో॑ మే మూ॒ర్ధ్ని శ్రి॒తః |
మూ॒ర్ధా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఈశా॑నో మే మ॒న్యౌ శ్రి॒తః |
మ॒న్యుర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆ॒త్మా మ॑ ఆ॒త్మని॑ శ్రి॒తః |
ఆ॒త్మా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పున॑ర్మ ఆ॒త్మా పున॒రాయు॒రాగా”త్ |
పున॑: ప్రా॒ణః పున॒రాకూ॑త॒మాగా”త్ |
వై॒శ్వా॒న॒రో ర॒శ్మిభి॑ర్వావృధా॒నః |
అ॒న్తస్తి॑ష్ఠత్వ॒మృత॑స్య గో॒పాః ||
అస్య శ్రీ రుద్రాధ్యాయ ప్రశ్న మహామంత్రస్య అఘోర ఋషిః, అనుష్టుప్ ఛందః, సంకర్షణమూర్తిస్వరూపో యోఽసావాదిత్యః పరమపురుషః స ఏష రుద్రో దేవతా | నమః శివాయేతి బీజం | శివతరాయేతి శక్తిః | మహాదేవాయేతి కీలకం | శ్రీ సాంబసదాశివ ప్రసాద సిద్ధ్యర్థే జపే వినియోగః ||
ఓం అగ్నిహోత్రాత్మనే అఙ్గుష్ఠాభ్యాం నమః |
దర్శపూర్ణమాసాత్మనే తర్జనీభ్యాం నమః |
చాతుర్మాస్యాత్మనే మధ్యమాభ్యాం నమః |
నిరూఢపశుబన్ధాత్మనే అనామికాభ్యాం నమః |
జ్యోతిష్టోమాత్మనే కనిష్ఠికాభ్యాం నమః |
సర్వక్రత్వాత్మనే కరతలకరపృష్ఠాభ్యాం నమః |
అగ్నిహోత్రాత్మనే హృదయాయ నమః |
దర్శపూర్ణమాసాత్మనే శిరసే స్వాహా |
చాతుర్మాస్యాత్మనే శిఖాయై వషట్ |
నిరూఢపశుబన్ధాత్మనే కవచాయ హుం |
జ్యోతిష్టోమాత్మనే నేత్రత్రయాయ వౌషట్ |
సర్వక్రత్వాత్మనే అస్త్రాయ ఫట్ |
భూర్భువస్సువరోమితి దిగ్బంధః |
ధ్యానం ||
ఆపాతాళ నభః స్థలాంత భువన బ్రహ్మాండమావిస్ఫుర-
జ్జ్యోతిః స్ఫాటిక లింగ మౌళివిలసత్ పూర్ణేందు వాంతామృతైః |
అస్తోకాప్లుతమేకమీశమనిశం రుద్రానువాకాన్ జపన్
ధ్యాయేదీప్సితసిద్ధయే ధ్రువపదం విప్రోఽభిషించేచ్ఛివం ||
బ్రహ్మాండ వ్యాప్తదేహాః భసిత హిమరుచా భాసమానా భుజంగైః
కంఠే కాలాః కపర్దాః కలిత శశికలాశ్చండ కోదండ హస్తాః ||
త్ర్యక్షా రుద్రాక్షమాలాః సలలితవపుషాశ్శాంభవా మూర్తిభేదాః
రుద్రాః శ్రీరుద్రసూక్త ప్రకటిత విభవాః నః ప్రయచ్ఛంతు సౌఖ్యం ||
ఓం గ॒ణానా”o త్వా గ॒ణప॑తిగ్ం హవామహే
క॒విం క॑వీ॒నాము॑ప॒మశ్ర॑వస్తమం |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑స్సీద॒ సాద॑నం ||
మహాగణపతయే॒ నమః ||
ఓం శం చ॑ మే॒ మయ॑శ్చ మే ప్రి॒యం చ॑ మేఽనుకా॒మశ్చ॑ మే॒ కామ॑శ్చ మే సౌమన॒సశ్చ॑ మే భ॒ద్రం చ॑ మే॒ శ్రేయ॑శ్చ మే॒ వస్య॑శ్చ మే॒ యశ॑శ్చ మే॒ భగ॑శ్చ మే॒ ద్రవి॑ణం చ మే య॒న్తా చ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒ విశ్వ॑o చ మే॒ మహ॑శ్చ మే స॒oవిచ్చ॑ మే॒ జ్ఞాత్ర॑o చ మే॒ సూశ్చ॑ మే ప్ర॒సూశ్చ॑ మే॒ సీర॑o చ మే ల॒యశ్చ॑ మ ఋ॒తం చ॑ మే॒ఽమృత॑o చ మేఽయ॒క్ష్మం చ॒ మేఽనా॑మయచ్చ మే జీ॒వాతుశ్చ మే దీర్ఘాయు॒త్వం చ॑ మేఽనమి॒త్రం చ॒ మేఽభ॑యం చ మే సు॒గం చ॑ మే॒ శయ॑నం చ మే సూ॒షా చ॑ మే సు॒దిన॑o చ మే ||
నిధ॑నపతయే॒ నమః | నిధ॑నపతాన్తికాయ॒ నమః |
ఊర్ధ్వాయ॒ నమః | ఊర్ధ్వలిఙ్గాయ॒ నమః |
హిరణ్యాయ॒ నమః | హిరణ్యలిఙ్గాయ॒ నమః |
సువర్ణాయ॒ నమః | సువర్ణలిఙ్గాయ॒ నమః |
దివ్యాయ॒ నమః | దివ్యలిఙ్గాయ॒ నమః |
భవాయ॒ నమః | భవలిఙ్గాయ॒ నమః |
శర్వాయ॒ నమః | శర్వలిఙ్గాయ॒ నమః |
శివాయ॒ నమః | శివలిఙ్గాయ॒ నమః |
జ్వలాయ॒ నమః | జ్వలలిఙ్గాయ॒ నమః |
ఆత్మాయ॒ నమః | ఆత్మలిఙ్గాయ॒ నమః |
పరమాయ॒ నమః | పరమలిఙ్గాయ॒ నమః |
ఏతథ్సోమస్య॑ సూర్య॒స్య॒ సర్వలిఙ్గగ్గ్॑ స్థాప॒య॒తి॒ పాణిమన్త్ర॑o పవి॒త్రం ||
స॒ద్యోజా॒తం ప్ర॑పద్యా॒మి స॒ద్యోజా॒తాయ॒ వై నమో॒ నమ॑: |
భ॒వే భ॑వే॒ నాతి॑భవే భవస్వ॒ మాం | భ॒వోద్భ॑వాయ॒ నమ॑: ||
వా॒మ॒దే॒వాయ॒ నమో” జ్యే॒ష్ఠాయ॒ నమ॑శ్శ్రే॒ష్ఠాయ॒ నమో॑ రు॒ద్రాయ॒ నమ॒: కాలా॑య॒ నమ॒: కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒స్సర్వ॑భూతదమనాయ॒ నమో॑ మ॒నోన్మ॑నాయ॒ నమ॑: ||
అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
తత్పురు॑షాయ వి॒ద్మహే॑ మహాదే॒వాయ॑ ధీమహి | తన్నో॑ రుద్రః ప్రచో॒దయా”త్ ||
ఈశానస్స॑ర్వవిద్యా॒నా॒మీశ్వరస్సర్వ॑ భూతా॒నా॒o బ్రహ్మాఽధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోం ||

శ్రీ రుద్రప్రశ్నః చమకప్రశ్నః

|| ప్రథమ అనువాక ||
ఓం అగ్నా॑విష్ణూ స॒జోష॑సే॒మా వ॑ర్ధన్తు వా॒o గిర॑: |
ద్యు॒ంనైర్వాజే॑భి॒రాగ॑తం |
వాజ॑శ్చ మే ప్రస॒వశ్చ॑ మే॒ ప్రయ॑తిశ్చ మే॒ ప్రసి॑తిశ్చ మే
ధీ॒తిశ్చ॑ మే॒ క్రతు॑శ్చ మే॒ స్వర॑శ్చ మే॒ శ్లోక॑శ్చ మే
శ్రా॒వశ్చ॑ మే॒ శ్రుతి॑శ్చ మే॒ జ్యోతి॑శ్చ మే॒ సువ॑శ్చ మే
ప్రా॒ణశ్చ॑ మేఽపా॒నశ్చ॑ మే వ్యా॒నశ్చ॒ మేఽసు॑శ్చ మే
చి॒త్తం చ॑ మ॒ ఆధీ॑తం చ మే॒ వాక్చ॑ మే॒ మన॑శ్చ మే॒
చక్షు॑శ్చ మే॒ శ్రోత్ర॑o చ మే॒ దక్ష॑శ్చ మే॒ బల॑o చ మ॒
ఓజ॑శ్చ మే॒ సహ॑శ్చ మ॒ ఆయు॑శ్చ మే జ॒రా చ॑ మ
ఆ॒త్మా చ॑ మే త॒నూశ్చ॑ మే॒ శర్మ॑ చ మే॒ వర్మ॑ చ
మే॒ఽఙ్గా॑ని చ మే॒ఽస్థాని॑ చ మే॒ పరూగ్॑oషి చ మే॒
శరీ॑రాణి చ మే || 1 ||
|| ద్వితీయ అనువాక ||
జ్యైష్ఠ్య॑o చ మ॒ ఆధి॑పత్యం చ మే మ॒న్యుశ్చ॑ మే॒
భామ॑శ్చ॒ మేఽమ॑శ్చ॒ మేఽంభ॑శ్చ మే జే॒మా చ॑ మే
మహి॒మా చ॑ మే వరి॒మా చ॑ మే ప్రథి॒మా చ॑ మే
వ॒ర్ష్మా చ॑ మే ద్రాఘు॒యా చ॑ మే వృ॒ద్ధం చ॑ మే॒
వృద్ధి॑శ్చ మే స॒త్యం చ॑ మే శ్ర॒ద్ధా చ॑ మే॒ జగ॑చ్చ మే॒
ధన॑o చ మే॒ వశ॑శ్చ మే॒ త్విషి॑శ్చ మే క్రీ॒డా చ॑ మే॒
మోద॑శ్చ మే జా॒తం చ॑ మే జని॒ష్యమా॑ణం చ మే
సూ॒క్తం చ॑ మే సుకృ॒తం చ॑ మే వి॒త్తం చ॑ మే॒
వేద్య॑o చ మే భూ॒తం చ॑ మే భవి॒ష్యచ్చ॑ మే
సు॒గం చ॑ మే సు॒పథ॑o చ మ ఋ॒ద్ధం చ॑ మ॒
ఋద్ధి॑శ్చ మే క్ళు॒ప్తం చ॑ మే॒ క్ళుప్తి॑శ్చ మే
మ॒తిశ్చ॑ మే సుమ॒తిశ్చ॑ మే || 2 ||
|| తృతీయ అనువాక ||
శం చ॑ మే॒ మయ॑శ్చ మే ప్రి॒యం చ॑ మేఽనుకా॒మశ్చ॑ మే॒
కామ॑శ్చ మే సౌమన॒సశ్చ॑ మే భ॒ద్రం చ॑ మే॒ శ్రేయ॑శ్చ మే॒
వస్య॑శ్చ మే॒ యశ॑శ్చ మే॒ భగ॑శ్చ మే॒ ద్రవి॑ణం చ మే
య॒న్తా చ॑ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒
విశ్వ॑o చ మే॒ మహ॑శ్చ మే స॒oవిచ్చ॑ మే॒ జ్ఞాత్ర॑o చ మే॒
సూశ్చ॑ మే ప్ర॒సూశ్చ॑ మే॒ సీర॑o చ మే ల॒యశ్చ॑ మ
ఋ॒తం చ॑ మే॒ఽమృత॑o చ మేఽయ॒క్ష్మం చ॒
మేఽనా॑మయచ్చ మే జీ॒వాతు॑శ్చ మే దీర్ఘాయు॒త్వం చ॑
మేఽనమి॒త్రం చ॒ మేఽభ॑యం చ మే సు॒గం చ॑ మే॒
శయ॑నం చ మే సూ॒షా చ॑ మే సు॒దిన॑o చ మే || 3 ||
|| చతుర్థ అనువాక ||
ఊర్క్చ॑ మే సూ॒నృతా॑ చ మే॒ పయ॑శ్చ మే॒ రస॑శ్చ మే
ఘృ॒తం చ॑ మే॒ మధు॑ చ మే॒ సగ్ధి॑శ్చ మే॒ సపీ॑తిశ్చ మే
కృ॒షిశ్చ॑ మే॒ వృష్టి॑శ్చ మే॒ జైత్ర॑o చ మ॒ ఔద్భి॑ద్యం చ మే
ర॒యిశ్చ॑ మే॒ రాయ॑శ్చ మే పు॒ష్టం చ॑ మే॒ పుష్టి॑శ్చ మే
వి॒భు చ॑ మే ప్ర॒భు చ॑ మే బ॒హు చ॑ మే॒ భూయ॑శ్చ మే
పూ॒ర్ణం చ॑ మే పూ॒ర్ణత॑రం చ॒ మేఽక్షి॑తిశ్చ మే॒
కూయ॑వాశ్చ॒ మేఽన్న॑o చ॒ మేఽక్షు॑చ్చ మే వ్రీ॒హయ॑శ్చ మే॒
యవా”శ్చ మే॒ మాషా”శ్చ మే॒ తిలా”శ్చ మే ము॒ద్గాశ్చ॑ మే
ఖ॒ల్వా”శ్చ మే గో॒ధూమా”శ్చ మే మ॒సురా”శ్చ మే
ప్రి॒యంగ॑వశ్చ॒ మేఽణ॑వశ్చ మే శ్యా॒మకా”శ్చ మే
నీ॒వారా”శ్చ మే || 4 ||
|| పంచమ అనువాక ||
అశ్మా॑ చ మే॒ మృత్తి॑కా చ మే గి॒రయ॑శ్చ మే॒ పర్వ॑తాశ్చ మే॒
సిక॑తాశ్చ మే॒ వన॒స్పత॑యశ్చ మే॒ హిర॑ణ్యం చ॒
మేఽయ॑శ్చ మే॒ సీస॑o చ మే॒ త్రపు॑శ్చ మే శ్యా॒మం చ॑ మే
లో॒హం చ॑ మే॒ఽగ్నిశ్చ॑ మ॒ ఆప॑శ్చ మే వీ॒రుధ॑శ్చ మ॒
ఓష॑ధయశ్చ మే కృష్టప॒చ్యం చ॑ మేఽకృష్టప॒చ్యం చ॑ మే
గ్రా॒ంయాశ్చ॑ మే ప॒శవ॑ ఆర॒ణ్యాశ్చ॑ య॒జ్ఞేన॑ కల్పన్తాం
వి॒త్తం చ మే॒ విత్తి॑శ్చ మే భూ॒తం చ॑ మే॒ భూతి॑శ్చ మే॒
వసు॑ చ మే వస॒తిశ్చ॑ మే॒ కర్మ॑ చ మే॒ శక్తి॑శ్చ॒
మేఽర్థ॑శ్చ మ॒ ఏమ॑శ్చ మ॒ ఇతి॑శ్చ మే॒ గతి॑శ్చ మే || 5 ||
|| షష్ఠమ అనువాక ||
అ॒గ్నిశ్చ॑ మ॒ ఇన్ద్ర॑శ్చ మే॒ సోమ॑శ్చ మ॒ ఇన్ద్ర॑శ్చ మే
సవి॒తా చ॑ మ॒ ఇన్ద్ర॑శ్చ మే॒ సర॑స్వతీ చ మ॒ ఇన్ద్ర॑శ్చ మే
పూ॒షా చ॑ మ॒ ఇన్ద్ర॑శ్చ మే॒ బృహ॒స్పతి॑శ్చ మ॒ ఇన్ద్ర॑శ్చ మే
మి॒త్రశ్చ॑ మ॒ ఇన్ద్ర॑శ్చ మే॒ వరు॑ణశ్చ మ॒ ఇన్ద్ర॑శ్చ మే॒
త్వష్టా॑ చ మ॒ ఇన్ద్ర॑శ్చ మే ధా॒తా చ॑ మ॒ ఇన్ద్ర॑శ్చ మే॒
విష్ణు॑శ్చ మ॒ ఇన్ద్ర॑శ్చ మే॒ఽశ్వినౌ॑ చ మ॒ ఇన్ద్ర॑శ్చ మే
మ॒రుత॑శ్చ మ॒ ఇన్ద్ర॑శ్చ మే॒ విశ్వే॑ చ మే దే॒వా ఇన్ద్ర॑శ్చ మే
పృథి॒వీ చ॑ మ॒ ఇన్ద్ర॑శ్చ మే॒ఽన్తరి॑క్షం చ మ॒ ఇన్ద్ర॑శ్చ మే॒
ద్యౌశ్చ॑ మ॒ ఇన్ద్ర॑శ్చ మే॒ దిశ॑శ్చ మ॒ ఇన్ద్ర॑శ్చ మే
మూ॒ర్ధా చ॑ మ॒ ఇన్ద్ర॑శ్చ మే ప్ర॒జాప॑తిశ్చ మ॒ ఇన్ద్ర॑శ్చ మే || 6 ||
|| సప్తమ అనువాక ||
అ॒గ్॒oశుశ్చ॑ మే ర॒శ్మిశ్చ॒ మేఽదా”భ్యశ్చ॒ మేఽధి॑పతిశ్చ మ
ఉపా॒గ్॒oశుశ్చ॑ మేఽన్తర్యా॒మశ్చ॑ మ ఐన్ద్రవాయ॒వశ్చ॑ మే
మైత్రావరు॒ణశ్చ॑ మ ఆశ్వి॒నశ్చ॑ మే ప్రతిప్ర॒స్థాన॑శ్చ మే
శు॒క్రశ్చ॑ మే మ॒న్థీ చ॑ మ ఆగ్రయ॒ణశ్చ॑ మే వైశ్వదే॒వశ్చ॑ మే
ధ్రు॒వశ్చ॑ మే వైశ్వాన॒రశ్చ॑ మ ఋతుగ్ర॒హాశ్చ॑
మేఽతిగ్రా॒హ్యా”శ్చ మ ఐన్ద్రా॒గ్నశ్చ॑ మే వైశ్వదే॒వశ్చ॑ మే
మరుత్వ॒తీయా”శ్చ మే మాహే॒న్ద్రశ్చ॑ మ ఆది॒త్యశ్చ॑ మే
సావి॒త్రశ్చ॑ మే సారస్వ॒తశ్చ॑ మే పౌ॒ష్ణశ్చ॑ మే
పాత్నీవ॒తశ్చ॑ మే హారియోజ॒నశ్చ॑ మే || 7 ||
|| అష్టమ అనువాక ||
ఇ॒ధ్మశ్చ॑ మే బ॒ర్హిశ్చ॑ మే॒ వేది॑శ్చ మే॒ ధిష్ణి॑యాశ్చ మే॒
స్రుచ॑శ్చ మే చమ॒సాశ్చ॑ మే॒ గ్రావా॑ణశ్చ మే॒ స్వర॑వశ్చ మ
ఉపర॒వాశ్చ॑ మేఽధి॒షవ॑ణే చ మే ద్రోణకల॒శశ్చ॑ మే
వాయ॒వ్యా॑ని చ మే పూత॒భృచ్చ॑ మ ఆధవ॒నీయ॑శ్చ మ॒
ఆగ్నీ”ధ్రం చ మే హవి॒ర్ధాన॑o చ మే గృ॒హాశ్చ॑ మే॒
సద॑శ్చ మే పురో॒డాశా”శ్చ మే పచ॒తాశ్చ॑
మేఽవభృ॒థశ్చ॑ మే స్వగాకా॒రశ్చ॑ మే || 8 ||
|| నవమ అనువాక ||
అ॒గ్నిశ్చ॑ మే ఘ॒ర్మశ్చ॑ మే॒ఽర్కశ్చ॑ మే॒ సూర్య॑శ్చ మే
ప్రా॒ణశ్చ॑ మేఽశ్వమే॒ధశ్చ॑ మే పృథి॒వీ చ॒ మేఽది॑తిశ్చ మే॒
దితి॑శ్చ మే॒ ద్యౌశ్చ॑ మే॒ శక్క్వ॑రీర॒ఙ్గుల॑యో॒ దిశ॑శ్చ మే
య॒జ్ఞేన॑ కల్పన్తా॒మృక్చ॑ మే॒ సామ॑ చ మే॒ స్తోమ॑శ్చ మే॒
యజు॑శ్చ మే దీ॒క్షా చ॑ మే॒ తప॑శ్చ మ ఋ॒తుశ్చ॑ మే
వ్ర॒తం చ॑ మేఽహోరా॒త్రయో”ర్వృ॒ష్ట్యా బృ॑హద్రథన్త॒రే చ॑ మే
య॒జ్ఞేన॑ కల్పేతాం || 9 ||
|| దశమ అనువాక ||
గర్భా”శ్చ మే వ॒త్సాశ్చ॑ మే॒ త్ర్యవి॑శ్చ మే త్ర్య॒వీ చ॑ మే
దిత్య॒వాట్ చ॑ మే దిత్యౌ॒హీ చ॑ మే॒ పఞ్చా॑విశ్చ మే
పఞ్చా॒వీ చ॑ మే త్రివ॒త్సశ్చ॑ మే త్రివ॒త్సా చ॑ మే
తుర్య॒వాట్ చ॑ మే తుర్యౌ॒హీ చ॑ మే పష్ఠ॒వాట్ చ॑ మే
పష్ఠౌ॒హీ చ॑ మ ఉ॒క్షా చ॑ మే వ॒శా చ॑ మ ఋష॒భశ్చ॑ మే
వే॒హచ్చ॑ మేఽన॒డ్వాఞ్చ॑ మే ధే॒నుశ్చ॑ మ॒
ఆయు॑ర్య॒జ్ఞేన॑ కల్పతాం ప్రా॒ణో య॒జ్ఞేన॑ కల్పతామపా॒నో
య॒జ్ఞేన॑ కల్పతాం వ్యా॒నో య॒జ్ఞేన॑ కల్పతా॒o
చక్షు॑ర్య॒జ్ఞేన॑ కల్పతా॒గ్॒ శ్రోత్ర॑o య॒జ్ఞేన॑ కల్పతా॒o
మనో॑ య॒జ్ఞేన॑ కల్పతా॒o వాగ్య॒జ్ఞేన॑ కల్పతామా॒త్మా
య॒జ్ఞేన॑ కల్పతాం య॒జ్ఞో య॒జ్ఞేన॑ కల్పతాం || 10 ||
|| ఏకాదశ అనువాక ||
ఏకా॑ చ మే తి॒స్రశ్చ॑ మే॒ పఞ్చ॑ చ మే స॒ప్త చ॑ మే॒
నవ॑ చ మ॒ ఏకా॑దశ చ మే॒ త్రయో॑దశ చ మే॒
పఞ్చ॑దశ చ మే స॒ప్తద॑శ చ మే॒ నవ॑దశ చ మ॒
ఏక॑విగ్ంశతిశ్చ మే॒ త్రయో॑విగ్ంశతిశ్చ మే॒
పఞ్చ॑విగ్ంశతిశ్చ మే స॒ప్తవిగ్॑oశతిశ్చ మే॒ నవ॑విగ్ంశతిశ్చ మ॒
ఏక॑త్రిగ్ంశచ్చ మే॒ త్రయ॑స్త్రిగ్ంశచ్చ మే॒ చత॑స్రశ్చ
మే॒ఽష్టౌ చ॑ మే॒ ద్వాద॑శ చ మే॒ షోడ॑శ చ మే
విగ్ంశ॒తిశ్చ॑ మే॒ చతు॑ర్విగ్ంశతిశ్చ మే॒ఽష్టావిగ్॑oశతిశ్చ మే॒
ద్వాత్రిగ్॑oశచ్చ మే॒ షట్త్రిగ్॑oశచ్చ మే చత్వరి॒గ్॒oశచ్చ॑ మే॒
చతు॑శ్చత్వారిగ్ంశచ్చ మే॒ఽష్టాచ॑త్వారిగ్ంశచ్చ మే॒ వాజ॑శ్చ
ప్రస॒వశ్చా॑పి॒జశ్చ॒ క్రతు॑శ్చ॒ సువ॑శ్చ మూ॒ర్ధా చ॒
వ్యశ్ని॑యశ్చాన్త్యాయ॒నశ్చాన్త్య॑శ్చ భౌవ॒నశ్చ॒
భువ॑న॒శ్చాధి॑పతిశ్చ || 11 ||
ఓం ఇడా॑ దేవ॒హూర్మను॑ర్యజ్ఞ॒నీర్బృహ॒స్పతి॑రుక్థామ॒దాని॑
శగ్ంసిష॒ద్విశ్వే॑దే॒వాః సూ”క్త॒వాచ॒: పృథి॑వీమాత॒ర్మా మా॑
హిగ్ంసీ॒ర్మధు॑ మనిష్యే॒ మధు॑ జనిష్యే॒ మధు॑ వక్ష్యామి॒
మధు॑ వదిష్యామి॒ మధు॑మతీం దే॒వేభ్యో॒ వాచ॑ముద్యాసగ్ం
శుశ్రూ॒షేణ్యా”o మను॒ష్యే”భ్య॒స్తం మా॑ దే॒వా అ॑వన్తు
శో॒భాయై॑ పి॒తరోఽను॑మదన్తు ||

అర్ధనారీశ్వరాష్టోత్తరశతనామ స్తోత్రం

చాముండికాంబా శ్రీకంఠః పార్వతీ పరమేశ్వరః |
మహారాజ్ఞీ మహాదేవః సదారాధ్యా సదాశివః || 1 ||
శివార్ధాంగీ శివార్ధాంగో భైరవీ కాలభైరవః |
శక్తిత్రితయరూపాఢ్యా మూర్తిత్రితయరూపవాన్ || 2 ||
కామకోటిసుపీఠస్థా కాశీక్షేత్రసమాశ్రయః |
దాక్షాయణీ దక్షవైరి శూలినీ శూలధారకః || 3 ||
హ్రీంకారపంజరశుకీ హరిశంకరరూపవాన్ |
శ్రీమద్గణేశజననీ షడాననసుజన్మభూః || 4 ||
పంచప్రేతాసనారూఢా పంచబ్రహ్మస్వరూపభృత్ |
చండముండశిరశ్ఛేత్రీ జలంధరశిరోహరః || 5 ||
సింహవాహా వృషారూఢః శ్యామాభా స్ఫటికప్రభః |
మహిషాసురసంహర్త్రీ గజాసురవిమర్దనః || 6 ||
మహాబలాచలావాసా మహాకైలాసవాసభూః |
భద్రకాళీ వీరభద్రో మీనాక్షీ సుందరేశ్వరః || 7 ||
భండాసురాదిసంహర్త్రీ దుష్టాంధకవిమర్దనః |
మధుకైటభసంహర్త్రీ మధురాపురనాయకః || 8 ||
కాలత్రయస్వరూపాఢ్యా కార్యత్రయవిధాయకః |
గిరిజాతా గిరీశశ్చ వైష్ణవీ విష్ణువల్లభః || 9 ||
విశాలాక్షీ విశ్వనాధః పుష్పాస్త్రా విష్ణుమార్గణః |
కౌసుంభవసనోపేతా వ్యాఘ్రచర్మాంబరావృతః || 10 ||
మూలప్రకృతిరూపాఢ్యా పరబ్రహ్మస్వరూపవాన్ |
రుండమాలావిభూషాఢ్యా లసద్రుద్రాక్షమాలికః || 11 ||
మనోరూపేక్షుకోదండా మహామేరుధనుర్ధరః |
చంద్రచూడా చంద్రమౌళిర్మహామాయా మహేశ్వరః || 12 ||
మహాకాళీ మహాకాళో దివ్యరూపా దిగంబరః |
బిందుపీఠసుఖాసీనా శ్రీమదోంకారపీఠగః || 13 ||
హరిద్రాకుంకుమాలిప్తా భస్మోద్ధూళితవిగ్రహః |
మహాపద్మాటవీలోలా మహాబిల్వాటవీప్రియః || 14 ||
సుధామయీ విషధరో మాతంగీ ముకుటేశ్వరః |
వేదవేద్యా వేదవాజీ చక్రేశీ విష్ణుచక్రదః || 15 ||
జగన్మయీ జగద్రూపో మృడాణీ మృత్యునాశనః |
రామార్చితపదాంభోజా కృష్ణపుత్రవరప్రదః || 16 ||
రమావాణీసుసంసేవ్యా విష్ణుబ్రహ్మసుసేవితః |
సూర్యచంద్రాగ్నినయనా తేజస్త్రయవిలోచనః || 17 ||
చిదగ్నికుండసంభూతా మహాలింగసముద్భవః |
కంబుకంఠీ కాలకంఠో వజ్రేశీ వజ్రిపూజితః || 18 ||
త్రికంటకీ త్రిభంగీశో భస్మరక్షా స్మరాంతకః |
హయగ్రీవవరోద్ధాత్రీ మార్కండేయవరప్రదః || 19 ||
చింతామణిగృహావాసా మందరాచలమందిరః |
వింధ్యాచలకృతావాసా వింధ్యశైలార్యపూజితః || 20 ||
మనోన్మనీ లింగరూపో జగదంబా జగత్పితా |
యోగనిద్రా యోగగంయో భవానీ భవమూర్తిమాన్ || 21 ||
శ్రీచక్రాత్మరథారూఢా ధరణీధరసంస్థితః |
శ్రీవిద్యా వేద్యమహిమా నిగమాగమసంశ్రయః || 22 ||
దశశీర్షసమాయుక్తా పంచవింశతిశీర్షవాన్ |
అష్టాదశభుజాయుక్తా పంచాశత్కరమండితః || 23 ||
బ్రాహ్ంయాదిమాతృకారూపా శతాష్టేకాదశాత్మవాన్ |
స్థిరా స్థాణుస్తథా బాలా సద్యోజాత ఉమా మృడః || 24 ||
శివా శివశ్చ రుద్రాణీ రుద్రశ్చైవేశ్వరీశ్వరః |
కదంబకాననావాసా దారుకారణ్యలోలుపః || 25 ||
నవాక్షరీమనుస్తుత్యా పంచాక్షరమనుప్రియః |
నవావరణసంపూజ్యా పంచాయతనపూజితః || 26 ||
దేహస్థషట్చక్రదేవీ దహరాకాశమధ్యగః |
యోగినీగణసంసేవ్యా భృంగ్యాదిప్రమథావృతః || 27 ||
ఉగ్రతారా ఘోరరూపః శర్వాణీ శర్వమూర్తిమాన్ |
నాగవేణీ నాగభూషో మంత్రిణీ మంత్రదైవతః || 28 ||
జ్వలజ్జిహ్వా జ్వలన్నేత్రో దండనాథా దృగాయుధః |
పార్థాంజనాస్త్రసంధాత్రీ పార్థపాశుపతాస్త్రదః || 29 ||
పుష్పవచ్చక్రతాటంకా ఫణిరాజసుకుండలః |
బాణపుత్రీవరోద్ధాత్రీ బాణాసురవరప్రదః || 30 ||
వ్యాళకంచుకసంవీతా వ్యాళయజ్ఞోపవీతవాన్ |
నవలావణ్యరూపాఢ్యా నవయౌవనవిగ్రహః || 31 ||
నాట్యప్రియా నాట్యమూర్తిస్త్రిసంధ్యా త్రిపురాంతకః |
తంత్రోపచారసుప్రీతా తంత్రాదిమవిధాయకః || 32 ||
నవవల్లీష్టవరదా నవవీరసుజన్మభూః |
భ్రమరజ్యా వాసుకిజ్యో భేరుండా భీమపూజితః || 33 ||
నిశుంభశుంభదమనీ నీచాపస్మారమర్దనః |
సహస్రారాంబుజారూఢా సహస్రకమలార్చితః || 34 ||
గంగాసహోదరీ గంగాధరో గౌరీ త్రయంబకః |
శ్రీశైలభ్రమరాంబాఖ్యా మల్లికార్జునపూజితః || 35 ||
భవతాపప్రశమనీ భవరోగనివారకః |
చంద్రమండలమధ్యస్థా మునిమానసహంసకః || 36 ||
ప్రత్యంగిరా ప్రసన్నాత్మా కామేశీ కామరూపవాన్ |
స్వయంప్రభా స్వప్రకాశః కాళరాత్రీ కృతాంతహృత్ || 37 ||
సదాన్నపూర్ణా భిక్షాటో వనదుర్గా వసుప్రదః |
సర్వచైతన్యరూపాఢ్యా సచ్చిదానందవిగ్రహః || 38 ||
సర్వమంగళరూపాఢ్యా సర్వకళ్యాణదాయకః |
రాజరాజేశ్వరీ శ్రీమద్రాజరాజప్రియంకరః || 39 ||
అర్ధనారీశ్వరస్యేదం నాంనామష్టోత్తరం శతం |
పఠన్నర్చన్ సదా భక్త్యా సర్వసాంరాజ్యమాప్నుయాత్ || 40 ||
ఇతి శ్రీస్కాందమహాపురాణే అర్ధనారీశ్వరాష్టోత్తరశతనామ స్తోత్రం |

త్రిపురాతిలకం

శ్రీగణేశాయ నమః .

కల్పశాఖిగణసత్ప్రసూనమధుపానకేలికుతుకభ్రమత్

      షట్పదారవమనోహరే కనకభూధరే లలితమండపే .

అత్యుదారమణిపీఠమధ్యవినివాసినీమఖిలమోహినీం

      భక్తియోగసులభాం భజే భువనమాతరం త్రిపురసుందరీం .. 1..

ఏకకాలసముదీయమానతరుణార్కకోటిసదృశస్ఫుర-

      ద్దేహకాంతిభరధోరణీమిలనలోహితీకృతదిగంతరాం .

వాగధీతవిభవాం విపద్యభయదాయినీమఖిలమోహినీం

      ఆగమార్థమణిదీపికామనిశమాశ్రయే త్రిపురసుందరిం .. 2..

ఈషదున్మిషదమర్త్యశాఖికుసుమావలీవిమలతారకా-

      వృందసుందరసుధాంశుఖండసుభగీకృతాతిగురుకైశికాం .

నీలకుంచితఘనాలకాం నిటిలభుషణాయతవిలోచనాం

      నీలకంఠసుకృతోన్నతిం సతతమాశ్రయే త్రిపురసుందరీం .. 3..

లక్ష్మహీనవిధులక్షనిర్జితవిచక్షణాననసరోరుహాం

      ఇక్షుకార్ముకశరాసనోపమితచిల్లికాయుగమతల్లికాం .

లక్షయే మనసి సంతతం సకలదుష్కృతక్షయవిధాయినీం

      ఉక్షవాహనతపోవిభూతిమహదక్షరాం త్రిపురసుందరీం .. 4..

హ్రీమదప్రమదకామకౌతుకకృపాదిభావపిశునాయత-

      స్నిగ్ధముగ్ధవిశదత్రివర్ణవిమలాలసాలసవిలోచనాం .

సుందరాధరమణిప్రభామిలితమందహాసనవచంద్రికాం

      చంద్రశేఖరకుటుంబినీమనిశమాశ్రయే త్రిపురసుందరీం .. 5..

హస్తమృష్టమణిదర్పణోజ్జ్వలమనోజ్ఞదండఫలకద్వయే

      బింబితానుపమకుండలస్తబకమండితాననసరోరుహాం .

స్వర్ణపంకజదలాంతరుల్లసితకర్ణికాసదృశనాసికాం

      కర్ణవైరిసఖసోదరీమనిశమాశ్రయే త్రిపురసుందరీం .. 6..

సన్మరందరసమాధురీతులనకర్మఠాక్షరసముల్లస-

      న్నర్మపేశలవచోవిలాసపరిభూతనిర్మలసుధారసాం .

కమ్రవక్త్రపవనాగ్రహప్రచలదున్మిషద్భ్రమరమండలాం

      తుర్మహే మనసి శర్మదామనిశమంబికాం త్రిపురసుందరీం .. 7..

కమ్రకాంతిజితతారపూరమణిసూత్రమండలసముల్లసత్

      కంఠకాండకమనీయతాపహృతకంబురాజరుచిడంబరాం .

కించిదానతమనోహరాం సయుగచుంబిచారుమణికర్ణికాం

      పంచబాణపరిపంథిపుణ్యలహరీం భజే త్రిపురసుందరీం .. 8..

హస్తపద్మలసదిక్షుచాపసృణిపాశపుష్పవిశిఖోజ్జ్వలాం

      తప్తహేమరచితాభిరామకటకాంగులీయవలయాదికాం .

వృత్తనిస్తులనిరంతరాలకఠినోన్నతస్తనతృణీభవ-

      న్మత్తహస్తివరమస్తకాం మనసి చింతయే త్రిపురసుందరీం .. 9..

లక్షగాఢపరిరంభతుష్టహరహాసగౌరతరలోల్లసత్

      చారుహారనికరాభిరామకుచభారతాంతతనుమధ్యమాం .

రోమరాజిలలితోదరీమధికనిమ్ననాభిమవలోకయే

      కామరాజపరదేవతామనిశమాశ్రయే త్రిపురసుందరీం .. 10..

హీరమండలనిరంతరోల్లసితజాతరూపమయమేఖలా

      చారుకాంతిపరిరంభసుందరసుసూక్ష్మచీనవసనాంచితాం .

మారవీరరసచాతురీధృతధురీణతుంగజఘనస్థలాం

      ధారయే మనసి సంతతం త్రిదశవందితాం త్రిపురసుందరీం .. 11..

సప్తసప్తకిరణానభిజ్ఞపరివర్ధమానకదలీతను-

      స్పర్ధిముగ్ధమధురోరుదండయుగమందితేందుధరలోచనాం .

వృత్తజానుయుగవల్గుభావజితచిత్తసంభవసముద్గకాం

      నిత్యమేవ పరిశీలయే మనసి ముక్తిదాం త్రిపురసుందరీం .. 12..

కంఠకాండరుచికుండతాకరణలీలయా సకలకేకినాం

      జంఘయా తులితకేతకీముకులసంఘయా భృతముదంచితాం .

అంబుజోదరవిడంబిచారుపదపల్లవాం హృదయదర్పణే

      బింబితామివ విలోకయే సతతమంబికాం త్రిపురసుందరీం .. 13..

లభ్యమానకమలార్చనప్రణతితత్పరైరనిశమాస్థయా

      కల్పకోటిశతసంచితేన సుకృతేన కైశ్చన నరోత్తమైః .

కల్పశాఖిగణకల్ప్యమానకనకాభిషేకసుభగాకృతిం

      కల్పయామి హృది చిత్పయోజనవషట్పదీం త్రిపురసుందరీం .. 14..

హ్రీమితి ప్రథితమంత్రమూర్తిరచలాత్మజేత్యుదధికన్యకే-

      త్యంబుజాసనకుటుంబినీతి వివిధోపగీతమహిమోదయాం .

సేవకాభిమతకామధేనుమఖిలాగమావగమవైభవాం

      భావయామి హృది భావితాఖిలచరాచరాం త్రిపురసుందరీం .. 15..

స్తోత్రరాజమముమాత్తమోదమహరాగమే ప్రయతమానసో

      కీర్తయన్నిహ నరోత్తమో విజితవిత్తపో విపులసంపదాం .

ప్రార్థ్యమానపరిరంభకేలిరబలాజనైరపగతైషణో

      గాత్రమాత్రపతనావధావమృతమక్షరం పదమవాప్నుయాత్ ..

ఇతి త్రిపురాతిలకస్తోత్రం సమాప్తం ..

కల్పశాఖిస్తవః

త్రిపురా భారతీ లఘుస్తవః

   .. ఓం నమః త్రిపురాయై ..

ఐంద్రస్యేవ శరాసనస్య దధతీ మధ్యే లలాటం ప్రభాం

     శౌక్లీం కాంతిమనుష్ణగోరివ శిరస్యాతన్వతీ సర్వతః .

ఏషాఽసౌ త్రిపురా హృది ద్యుతిరివోష్ణాంశోః సదాహఃస్థితా

     ఛింద్యాన్నః సహసా పదైస్త్రిభిరఘం జ్యోతిర్మయీ వాఙ్మయీ .. 1..

యా మాత్రా త్రపుసీలతాతనులసత్తంతూత్థితిస్పర్ద్ధినీ

     వాగ్బీజే ప్రథమే స్థితా తవ సదా తాం మన్మహే తే వయం .

శక్తిః కుండలినీతి విశ్వజననవ్యాపారబద్ధోద్యమా

     జ్ఞాత్వేత్థం న పునః స్పృశంతి జననీగర్భేఽర్భకత్వం నరాః .. 2..

దృష్ట్వా సంభ్రమకారి వస్తు సహసా ఐ ఐ ఇతి వ్యాహృతం

     యేనాకూతవశాదపీహ వరదే ! బిందుం వినాఽప్యక్షరం .

తస్యాపి ధ్రువమేవ దేవి ! తరసా జాతే తవాఽనుగ్రహే

     వాచః సూక్తిసుధారసద్రవముచో నిర్యాంతి వక్త్రాంబుజాత్ .. 3..

యన్నిత్యే తవ కామరాజమపరం మంత్రాక్షరం నిష్కలం

     తత్ సారస్వతమిత్యవైతి విరలః కశ్చిద్ బుధశ్చేద్ భువి .

ఆఖ్యానం ప్రతిపర్వ సత్యతపసో యత్కీర్తయంతో ద్విజాః

     ప్రారంభే ప్రణవాస్పదం ప్రణయితాం నీత్వోచ్చరంతి స్ఫుటం .. 4..

యత్సద్యో వచసాం ప్రవృత్తికరణే దృష్టప్రభావం బుధై-

     స్తార్తీయీకమహం నమామి మనసా తద్బీజమిందుప్రభం .

అస్త్వౌర్వోఽపి సరస్వతీమనుగతో జాడ్యాంబువిచ్ఛిత్తయే

     గౌఃశబ్దో గిరి వర్తతే స నియతం యోగం వినా సిద్ధిదః .. 5..

ఏకైకం తవ దేవి ! బీజమనఘం సవ్యంజనావ్యంజనం

     కూటస్థం యది వా పృథక్క్రమగతం యద్వా స్థితం వ్యుత్క్రమాత్ .

యం యం కామమపేక్ష్య యేన విధినా కేనాపి వా చింతితం

     జప్తం వా సఫలీకరోతి తరసా తం తం సమస్తం నృణాం .. 6..

వామే పుస్తకధారిణీమభయదాం సాక్షస్రజం దక్షిణే

     భక్తేభ్యో వరదానపేశలకరాం కర్పూరకుందోజ్జ్వలాం .

ఉజ్జృంభాంబుజపత్రకాంతనయనస్నిగ్ధప్రభాలోకినీం

     యే త్వామంబ ! న శీలయంతి మనసా తేషాం కవిత్వం కుతః .. 7..

యే త్వాం పాండురపుండరీకపటలస్పష్టాభిరామప్రభాం

     సించంతీమమృతద్రవైరివ శిరో ధ్యాయంతి మూర్ధ్ని స్థితాం .

అశ్రాంతం వికటస్ఫుటాక్షరపదా నిర్యాతి వక్త్రాంబుజాత్

     తేషాం భారతి భారతీ సురసరిత్కల్లోలలోలోర్మ్మిభిః .. 8..

యే సిందూరపరాగపుంజపిహితాం త్వత్తేజసా ద్యామిమా-

     ముర్వీ చాపి విలీనయావకరసప్రస్తారమగ్నామివ .

పశ్యంతి క్షణమప్యనన్యమనసస్తేషామనంగజ్వర-

     క్లాంతాస్త్రస్తకురంగశావకదృశో వశ్యా భవంతి స్త్రియః .. 9..

చంచత్కాంచనకుండలాంగదధరామాబద్ధకాంచీస్రజం

     యే త్వాం చేతసి తద్గతే క్షణమపి ధ్యాయంతి కృత్వా స్థిరం .

తేషాం వేశ్మని విభ్రమాదహరహః స్ఫారీ భవంత్యశ్చిరాద్

     మాద్యత్కుంజరకర్ణతాలతరలాః స్థైర్యం భజంతే శ్రియః .. 10..

ఆర్భట్యా శశిఖండమండితజటాజూటాం నృముండస్రజం

     బంధూకప్రసవారుణాంబరధరాం ప్రేతాసనాధ్యాసినీం .

త్వాం ధ్యాయంతి చతుర్భుజాం త్రినయనామాపీనతుంగస్తనీం

     మధ్యే నిమ్నవలిత్రయాంకితతనుం త్వద్రూపసంపత్తయే .. 11..

జాతోఽప్యల్పపరిచ్ఛదే క్షితిభృతాం సామాన్యమాత్రే కులే

     నిఃశేషావనిచక్రవర్తిపదవీం లబ్ధ్వా ప్రతాపోన్నతః .

యద్విద్యాధరవృందవందితపదః శ్రీవత్సరాజోఽభవద్

     దేవి! త్వచ్చరణాంబుజప్రణతిజః సోఽయం ప్రసాదోదయః .. 12..

చండి ! త్వచ్చరణాంబుజార్చనకృతే బిల్వీదలోల్లుంటన-

     త్రుట్యత్కంటకకోటిభిః పరిచయం యేషాం న జగ్ముః కరాః .

తే దండాంకుశచక్రచాపకులిశశ్రీవత్సమత్స్యాంకితై-

     ర్జాయంతేపృథివీభుజః కథమివాంభోజప్రభైః పాణిభిః .. 13..

విప్రాః క్షోణిభుజో విశస్తదితరే క్షీరాజ్యమధ్వైక్షవై

     స్త్వాం దేవి ! త్రిపురే ! పరాపరకలాం సంతర్ప్య పూజావిధౌ .

యాం యాం ప్రార్థయతే మనః స్థిరధియాం తేషాం త ఏవ ధ్రువం

     తాం తాం సిద్ధిమవాప్నువంతి తరసా విఘ్నైరవిఘ్నీకృతా .. 14..

శబ్దానాం జననీ త్వమత్ర భువనే వాగ్వాదినీత్యుచ్యసే

     త్వత్తః కేశవవాసవప్రభృతయోఽప్యావిర్భవంతి ధ్రువం .

లీయంతే ఖలు యత్ర కల్పవిరతౌ బ్రహ్మాదయస్తేఽప్యమీ

     సా త్వం కాచిదచింత్యరూపమహిమా శక్తిః పరా గీయసే .. 15..

దేవానాం త్రితయం త్రయీ హుతభుజాం శక్తిత్రయం త్రిస్వరా

     స్త్రైలోక్యం త్రిపదీ త్రిపుష్కరమథ త్రిబ్రహ్మ వర్ణాస్త్రయః .

యత్కించిజ్జగతి త్రిధా నియమితం వస్తు త్రివర్గాదికం

     తత్సర్వం త్రిపురేతి నామ భగవత్యన్వేతి తే తత్త్వతః .. 16..

లక్ష్మీం రాజకులే జయాం రణముఖే క్షేమంకరీమధ్వని

     క్రవ్యాదద్విపసర్పభాజి శబరీం కాంతారదుర్గే గిరౌ .

భూతప్రేతపిశాచజృంభకభయే స్మృత్వా మహాభైరవీం

     వ్యామోహే త్రిపురాం తరంతి విపదస్తారాం చ తోయప్లవే .. 17..

మాయా కుండలినీ క్రియా మధుమతీ కాలీ కలామాలినీ

     మాతంగీ విజయా జయా భగవతీ దేవీ శివా శాంభవీ .

శక్తిః శంకరవల్లభా త్రినయనా వాగ్వాదినీ భైరవీ

     హ్రీంకారీ త్రిపురా పరాపరమయీ మాతా కుమారీత్యసి .. 18..

ఆ ఈ పల్లవితైః పరస్పరయుతైర్ద్వి-త్రిక్రమాద్యక్షరైః

     కాద్యైః క్షాంతగతైః స్వరాదిభిరథ క్షాంతైశ్చ తైః సస్వరైః .

నామాని త్రిపురే! భవంతి ఖలు యాన్యత్యంతగుహ్యాని తే

     తేభ్యో భైరవపత్ని వింశతిసహస్రేభ్యః పరేభ్యో నమః .. 19..

బోద్ధవ్యా నిపుణం బుధైస్తుతిరియం కృత్వా మనస్తద్గతం

     భారత్యాస్త్రిపురేత్యనన్యమనసో యత్రాద్యవృత్తే స్ఫుటం .

ఏక-ద్వి-త్రిపదక్రమేణ కథితస్తత్పాదసంఖ్యాక్షరై-

     ర్మంత్రోద్ధారవిధిర్విశేషసహితః సత్సంప్రదాయాన్వితః .. 20..

సావద్యం నిరవద్యమస్తు యది వా కింవాఽనయా చింతయా

     నూనం స్తోత్రమిదం పఠిష్యతి జనో యస్యాస్తి భక్తిస్త్వయి .

సంచింత్యాపి లఘుత్వమాత్మని దృఢం సంజాయమానం హఠాత్

     త్వద్భక్త్యా ముఖరీకృతేన రచితం యస్మాన్మయాపి ధ్రువం .. 21..

ఇతి శ్రీసోమతిలకసూరివిరచితః శ్రీత్రిపురా భారతీ లఘుస్తవః సమాప్తః .

త్రిపురసుందర్యష్టకం

అథ త్రిపురసుందరీ అష్టకం .

కదంబవనచారిణీం మునికదంబకాదంబినీం

నితంబజిత భూధరాం సురనితంబినీసేవితాం .

నవాంబురుహలోచనామభినవాంబుదశ్యామలాం

త్రిలోచనకుటుంబినీం త్రిపురసుందరీమాశ్రయే .. 1..

కదంబవనవాసినీం కనకవల్లకీధారిణీం

మహార్హమణిహారిణీం ముఖసముల్లసద్వారుణీం .

దయావిభవకారిణీం విశదలోచనీం చారిణీం

త్రిలోచనకుటుంబినీం త్రిపురసుందరీమాశ్రయే .. 2..

కదంబవనశాలయా కుచభరోల్లసన్మాలయా

కుచోపమితశైలయా గురుకృపాలసద్వేలయా .

మదారుణకపోలయా మధురగీతవాచాలయా

కయాఽపి ఘననీలయా కవచితా వయం లీలయా .. 3..

కదంబవనమధ్యగాం కనకమండలోపస్థితాం

షడంబురుహవాసినీం సతతసిద్ధసౌదామినీం .

విడంబితజపారుచిం వికచచంద్రచూడామణిం

త్రిలోచనకుటుంబినీం త్రిపురసుందరీమాశ్రయే .. 4..

కుచాంచితవిపంచికాం కుటిలకుంతలాలంకృతాం

కుశేశయనివాసినీం కుటిలచిత్తవిద్వేషిణీం .

మదారుణవిలోచనాం మనసిజారిసంమోహినీం

మతంగమునికన్యకాం మధురభాషిణీమాశ్రయే .. 5..

స్మరప్రథమపుష్పిణీం రుధిరబిందునీలాంబరాం

గృహీతమధుపాత్రికాం మదవిఘూర్ణనేత్రాంచలాం .

ఘనస్తనభరోన్నతాం గలితచూలికాం శ్యామలాం

త్రిలోచనకుటుంబినీం త్రిపురసుందరీమాశ్రయే .. 6..

సకుంకుమవిలేపనామలకచుంబికస్తూరికాం

సమందహసితేక్షణాం సశరచాపపాశాంకుశాం .

అశేషజనమోహినీమరుణమాల్య భూషాంబరాం

జపాకుసుమభాసురాం జపవిధౌ స్మరామ్యంబికాం .. 7..

పురందరపురంధ్రికా చికురబంధసైరంధ్రికాం

పితామహపతివ్రతా పుటపటీరచర్చారతాం .

ముకుందరమణీమణీలసదలంక్రియాకారిణీం

భజామి భువనాంబికాం సురవధూటికాచేటికాం .. 8..

.. ఇతి శ్రీమద్ శంకరాచార్యవిరచితం త్రిపురసుందర్యష్టకం సమాప్తం ..

కదంబవనవాసినీ స్తోత్రం చ

అర్ధనారీశ్వరాష్టోత్తరశతనామావళిః

ఓం చాముండికాంబాయై నమః |
ఓం శ్రీకంఠాయ నమః |
ఓం పార్వత్యై నమః |
ఓం పరమేశ్వరాయ నమః |
ఓం మహారాజ్ఞ్యై నమః |
ఓం మహాదేవాయ నమః |
ఓం సదారాధ్యాయై నమః |
ఓం సదాశివాయ నమః |
ఓం శివార్ధాంగ్యై నమః |
ఓం శివార్ధాంగాయ నమః | 10
ఓం భైరవ్యై నమః |
ఓం కాలభైరవాయ నమః |
ఓం శక్తిత్రితయరూపాఢ్యాయై నమః |
ఓం మూర్తిత్రితయరూపవతే నమః |
ఓం కామకోటిసుపీఠస్థాయై నమః |
ఓం కాశీక్షేత్రసమాశ్రయాయ నమః |
ఓం దాక్షాయణ్యై నమః |
ఓం దక్షవైరిణే నమః |
ఓం శూలిన్యై నమః |
ఓం శూలధారకాయ నమః | 20
ఓం హ్రీంకారపంజరశుక్యై నమః |
ఓం హరిశంకరరూపవతే నమః |
ఓం శ్రీమద్గణేశజనన్యై నమః |
ఓం షడాననసుజన్మభువే నమః |
ఓం పంచప్రేతాసనారూఢాయై నమః |
ఓం పంచబ్రహ్మస్వరూపభృతే నమః |
ఓం చండముండశిరశ్ఛేత్ర్యై నమః |
ఓం జలంధరశిరోహరాయ నమః |
ఓం సింహవాహిన్యై నమః |
ఓం వృషారూఢాయ నమః | 30
ఓం శ్యామాభాయై నమః |
ఓం స్ఫటికప్రభాయ నమః |
ఓం మహిషాసురసంహర్త్ర్యై నమః |
ఓం గజాసురవిమర్దనాయ నమః |
ఓం మహాబలాచలావాసాయై నమః |
ఓం మహాకైలాసవాసభువే నమః |
ఓం భద్రకాల్యై నమః |
ఓం వీరభద్రాయ నమః |
ఓం మీనాక్ష్యై నమః |
ఓం సుందరేశ్వరాయ నమః | 40
ఓం భండాసురాదిసంహర్త్ర్యై నమః |
ఓం దుష్టాంధకవిమర్దనాయ నమః |
ఓం మధుకైటభసంహర్త్ర్యై నమః |
ఓం మధురాపురనాయకాయ నమః |
ఓం కాలత్రయస్వరూపాఢ్యాయై నమః |
ఓం కార్యత్రయవిధాయకాయ నమః |
ఓం గిరిజాతాయై నమః |
ఓం గిరీశాయ నమః |
ఓం వైష్ణవ్యై నమః |
ఓం విష్ణువల్లభాయ నమః | 50
ఓం విశాలాక్ష్యై నమః |
ఓం విశ్వనాథాయ నమః |
ఓం పుష్పాస్త్రాయై నమః |
ఓం విష్ణుమార్గణాయ నమః |
ఓం కౌసుంభవసనోపేతాయై నమః |
ఓం వ్యాఘ్రచర్మాంబరావృతాయ నమః |
ఓం మూలప్రకృతిరూపాఢ్యాయై నమః |
ఓం పరబ్రహ్మస్వరూపవాతే నమః |
ఓం రుండమాలావిభూషాఢ్యాయై నమః |
ఓం లసద్రుద్రాక్షమాలికాయ నమః | 60
ఓం మనోరూపేక్షుకోదండాయై నమః |
ఓం మహామేరుధనుర్ధరాయ నమః |
ఓం చంద్రచూడాయై నమః |
ఓం చంద్రమౌళినే నమః |
ఓం మహామాయాయై నమః |
ఓం మహేశ్వరాయ నమః |
ఓం మహాకాళ్యై నమః |
ఓం మహాకాళాయ నమః |
ఓం దివ్యరూపాయై నమః |
ఓం దిగంబరాయ నమః | 70
ఓం బిందుపీఠసుఖాసీనాయై నమః |
ఓం శ్రీమదోంకారపీఠగాయ నమః |
ఓం హరిద్రాకుంకుమాలిప్తాయై నమః |
ఓం భస్మోద్ధూళితవిగ్రహాయ నమః |
ఓం మహాపద్మాటవీలోలాయై నమః |
ఓం మహాబిల్వాటవీప్రియాయ నమః |
ఓం సుధామయ్యై నమః |
ఓం విషధరాయ నమః |
ఓం మాతంగ్యై నమః |
ఓం ముకుటేశ్వరాయ నమః | 80
ఓం వేదవేద్యాయై నమః |
ఓం వేదవాజినే నమః |
ఓం చక్రేశ్యై నమః |
ఓం విష్ణుచక్రదాయ నమః |
ఓం జగన్మయ్యై నమః |
ఓం జగద్రూపాయ నమః |
ఓం మృడాణ్యై నమః |
ఓం మృత్యునాశనాయ నమః |
ఓం రామార్చితపదాంభోజాయై నమః |
ఓం కృష్ణపుత్రవరప్రదాయ నమః | 90
ఓం రమావాణీసుసంసేవ్యాయై నమః |
ఓం విష్ణుబ్రహ్మసుసేవితాయ నమః |
ఓం సూర్యచంద్రాగ్నినయనాయై నమః |
ఓం తేజస్త్రయవిలోచనాయ నమః |
ఓం చిదగ్నికుండసంభూతాయై నమః |
ఓం మహాలింగసముద్భవాయ నమః |
ఓం కంబుకంఠ్యై నమః |
ఓం కాలకంఠాయ నమః |
ఓం వజ్రేశ్యై నమః |
ఓం వజ్రిపూజితాయ నమః | 100
ఓం త్రికంటక్యై నమః |
ఓం త్రిభంగీశాయ నమః |
ఓం భస్మరక్షాయై నమః |
ఓం స్మరాంతకాయ నమః |
ఓం హయగ్రీవవరోద్ధాత్ర్యై నమః |
ఓం మార్కండేయవరప్రదాయ నమః |
ఓం చింతామణిగృహావాసాయై నమః |
ఓం మందరాచలమందిరాయ నమః |
ఓం వింధ్యాచలకృతావాసాయై నమః |
ఓం వింధ్యశైలార్యపూజితాయ నమః | 110
ఓం మనోన్మన్యై నమః |
ఓం లింగరూపాయ నమః |
ఓం జగదంబాయై నమః |
ఓం జగత్పిత్రే నమః |
ఓం యోగనిద్రాయై నమః |
ఓం యోగగంయాయ నమః |
ఓం భవాన్యై నమః |
ఓం భవమూర్తిమతే నమః |
ఓం శ్రీచక్రాత్మరథారూఢాయై నమః |
ఓం ధరణీధరసంస్థితాయ నమః | 120
ఓం శ్రీవిద్యావేద్యమహిమాయై నమః |
ఓం నిగమాగమసంశ్రయాయ నమః |
ఓం దశశీర్షసమాయుక్తాయై నమః |
ఓం పంచవింశతిశీర్షవతే నమః |
ఓం అష్టాదశభుజాయుక్తాయై నమః |
ఓం పంచాశత్కరమండితాయ నమః |
ఓం బ్రాహ్ంయాదిమాతృకారూపాయై నమః |
ఓం శతాష్టేకాదశాత్మవతే నమః |
ఓం స్థిరాయై నమః |
ఓం స్థాణవే నమః | 130
ఓం బాలాయై నమః |
ఓం సద్యోజాతాయ నమః |
ఓం ఉమాయై నమః |
ఓం మృడాయ నమః |
ఓం శివాయై నమః |
ఓం శివాయ నమః |
ఓం రుద్రాణ్యై నమః |
ఓం రుద్రాయ నమః |
ఓం శైవేశ్వర్యై నమః |
ఓం ఈశ్వరాయ నమః | 140
ఓం కదంబకాననావాసాయై నమః |
ఓం దారుకారణ్యలోలుపాయ నమః |
ఓం నవాక్షరీమనుస్తుత్యాయై నమః |
ఓం పంచాక్షరమనుప్రియాయ నమః |
ఓం నవావరణసంపూజ్యాయై నమః |
ఓం పంచాయతనపూజితాయ నమః |
ఓం దేహస్థషట్చక్రదేవ్యై నమః |
ఓం దహరాకాశమధ్యగాయ నమః |
ఓం యోగినీగణసంసేవ్యాయై నమః |
ఓం భృంగ్యాదిప్రమథావృతాయ నమః | 150
ఓం ఉగ్రతారాయై నమః |
ఓం ఘోరరూపాయ నమః |
ఓం శర్వాణ్యై నమః |
ఓం శర్వమూర్తిమతే నమః |
ఓం నాగవేణ్యై నమః |
ఓం నాగభూషాయ నమః |
ఓం మంత్రిణ్యై నమః |
ఓం మంత్రదైవతాయ నమః |
ఓం జ్వలజ్జిహ్వాయై నమః |
ఓం జ్వలన్నేత్రాయ నమః | 160
ఓం దండనాథాయై నమః |
ఓం దృగాయుధాయ నమః |
ఓం పార్థాంజనాస్త్రసందాత్ర్యై నమః |
ఓం పార్థపాశుపతాస్త్రదాయ నమః |
ఓం పుష్పవచ్చక్రతాటంకాయై నమః |
ఓం ఫణిరాజసుకుండలాయ నమః |
ఓం బాణపుత్రీవరోద్ధాత్ర్యై నమః |
ఓం బాణాసురవరప్రదాయ నమః |
ఓం వ్యాళకంచుకసంవీతాయై నమః |
ఓం వ్యాళయజ్ఞోపవీతవతే నమః | 170
ఓం నవలావణ్యరూపాఢ్యాయై నమః |
ఓం నవయౌవనవిగ్రహాయ నమః |
ఓం నాట్యప్రియాయై నమః |
ఓం నాట్యమూర్తయే నమః |
ఓం త్రిసంధ్యాయై నమః |
ఓం త్రిపురాంతకాయ నమః |
ఓం తంత్రోపచారసుప్రీతాయై నమః |
ఓం తంత్రాదిమవిధాయకాయ నమః |
ఓం నవవల్లీష్టవరదాయై నమః |
ఓం నవవీరసుజన్మభువే నమః | 180
ఓం భ్రమరజ్యాయై నమః |
ఓం వాసుకిజ్యాయ నమః |
ఓం భేరుండాయై నమః |
ఓం భీమపూజితాయ నమః |
ఓం నిశుంభశుంభదమన్యై నమః |
ఓం నీచాపస్మారమర్దనాయ నమః |
ఓం సహస్రారాంబుజారూఢాయై నమః |
ఓం సహస్రకమలార్చితాయ నమః |
ఓం గంగాసహోదర్యై నమః |
ఓం గంగాధరాయ నమః | 190
ఓం గౌర్యై నమః |
ఓం త్రయంబకాయ నమః |
ఓం శ్రీశైలభ్రమరాంబాఖ్యాయై నమః |
ఓం మల్లికార్జునపూజితాయ నమః |
ఓం భవతాపప్రశమన్యై నమః |
ఓం భవరోగనివారకాయ నమః |
ఓం చంద్రమండలమధ్యస్థాయై నమః |
ఓం మునిమానసహంసకాయ నమః |
ఓం ప్రత్యంగిరాయై నమః |
ఓం ప్రసన్నాత్మనే నమః | 200
ఓం కామేశ్యై నమః |
ఓం కామరూపవతే నమః |
ఓం స్వయంప్రభాయై నమః |
ఓం స్వప్రకాశాయ నమః |
ఓం కాళరాత్ర్యై నమః |
ఓం కృతాంతహృదే నమః |
ఓం సదాన్నపూర్ణాయై నమః |
ఓం భిక్షాటాయ నమః |
ఓం వనదుర్గాయై నమః |
ఓం వసుప్రదాయ నమః | 210
ఓం సర్వచైతన్యరూపాఢ్యాయై నమః |
ఓం సచ్చిదానందవిగ్రహాయ నమః |
ఓం సర్వమంగళరూపాఢ్యాయై నమః |
ఓం సర్వకళ్యాణదాయకాయ నమః |
ఓం రాజరాజేశ్వర్యై నమః |
ఓం శ్రీమద్రాజరాజప్రియంకరాయ నమః | 216