Sacred Stotras & Deities

శ్రీ గంగాధర స్తోత్రం

క్షీరాంభోనిధిమంథనోద్భవవిషాత్ సందహ్యమానాన్ సురాన్
బ్రహ్మాదీనవలోక్య యః కరుణయా హాలాహలాఖ్యం విషం |
నిఃశంకం నిజలీలయా కవలయన్లోకానురక్షాదరా-
-దార్తత్రాణపరాయణః స భగవాన్ గంగాధరో మే గతిః || 1 ||
క్షీరం స్వాదు నిపీయ మాతులగృహే గత్వా స్వకీయం గృహం
క్షీరాలాభవశేన ఖిన్నమనసే ఘోరం తపః కుర్వతే |
కారుణ్యాదుపమన్యవే నిరవధిం క్షీరాంబుధిం దత్తవాన్
ఆర్తత్రాణపరాయణః స భగవాన్ గంగాధరో మే గతిః || 2 ||
మృత్యుం వక్షసి తాడయన్ నిజపదధ్యానైకభక్తం మునిం
మార్కండేయమపాలయత్ కరుణయా లింగాద్వినిర్గత్య యః |
నేత్రాంభోజసమర్పణేన హరయేఽభీష్టం రథాంగం దదౌ
ఆర్తత్రాణపరాయణః స భగవాన్ గంగాధరో మే గతిః || 3 ||
వ్యూఢం ద్రోణజయద్రథాదిరథికైః సైన్యం మహత్ కౌరవం
దృష్ట్వా కృష్ణసహాయవంతమపి తం భీతం ప్రపన్నార్తిహా |
పార్థం రక్షితవానమోఘవిషయం దివ్యాస్త్రముద్బోధయన్
ఆర్తత్రాణపరాయణః స భగవాన్ గంగాధరో మే గతిః || 4 ||
బాలం శైవకులోద్భవం పరిహసత్ స్వజ్ఞాతిపక్షాకులం
ఖిద్యంతం తవ మూర్ధ్ని పుష్పనిచయం దాతుం సముద్యత్కరం |
దృష్ట్వాఽఽనంయ విరించిరంయనగరే పూజాం త్వదీయం భజన్
ఆర్తత్రాణపరాయణః స భగవాన్ గంగాధరో మే గతిః || 5 ||
సంత్రస్తేషు పురా సురాసురభయాదింద్రాదిబృందారకే-
-ఽశ్వారూఢో ధరణీరథం శ్రుతిహయం కృత్వా మురారిం శరం |
రక్షన్ యః కృపయా సమస్తవిబుధాన్ జిత్వా పురారీన్ క్షణాత్
ఆర్తత్రాణపరాయణః స భగవాన్ గంగాధరో మే గతిః || 6 ||
శ్రౌతస్మార్తపథే పరాఙ్ముఖమపి ప్రోద్యన్మహాపాతకం
విశ్వాతీతమపి త్వమేవ గతిరిత్యాలాపయంతం సకృత్ |
రక్షన్ యః కరుణాపయోనిధిరితి ప్రాప్తప్రసిద్ధిః పురా
ఆర్తత్రాణపరాయణః స భగవాన్ గంగాధరో మే గతిః || 7 ||
గాంగం వేగమవాప్య మాన్యవిబుధైః సోఢుం పురా యాచితో
దృష్ట్వా భక్తభగీరథేన వినతో రుద్రో జటామండలే |
కారుణ్యాదవనీతలే సురనదీమాపూరయత్ పావనీం
ఆర్తత్రాణపరాయణః స భగవాన్ గంగాధరో మే గతిః || 8 ||
ఇతి శ్రీమదప్పయదీక్షితవిరచితం శ్రీ గంగాధర స్తోత్రం |

లింగాష్టకం

బ్రహ్మమురారిసురార్చిత లింగం
నిర్మలభాసితశోభిత లింగం |
జన్మజదుఃఖవినాశక లింగం
తత్ప్రణమామి సదా శివ లింగం || 1 ||

దేవమునిప్రవరార్చిత లింగం
కామదహం కరుణాకర లింగం |
రావణదర్పవినాశన లింగం
తత్ప్రణమామి సదా శివ లింగం || 2 ||

సర్వసుగంధసులేపిత లింగం
బుద్ధివివర్ధనకారణ లింగం |
సిద్ధసురాసురవందిత లింగం
తత్ప్రణమామి సదా శివ లింగం || 3 ||

కనకమహామణిభూషిత లింగం
ఫణిపతివేష్టితశోభిత లింగం |
దక్షసుయజ్ఞవినాశన లింగం
తత్ప్రణమామి సదా శివ లింగం || 4 ||

కుంకుమచందనలేపిత లింగం
పంకజహారసుశోభిత లింగం |
సంచితపాపవినాశన లింగం
తత్ప్రణమామి సదా శివ లింగం || 5 ||

దేవగణార్చితసేవిత లింగం
భావైర్భక్తిభిరేవ చ లింగం |
దినకరకోటిప్రభాకర లింగం
తత్ప్రణమామి సదా శివ లింగం || 6 ||

అష్టదళోపరివేష్టిత లింగం
సర్వసముద్భవకారణ లింగం |
అష్టదరిద్రవినాశన లింగం
తత్ప్రణమామి సదా శివ లింగం || 7 ||

సురగురుసురవరపూజిత లింగం
సురవనపుష్పసదార్చిత లింగం |
పరాత్పరం పరమాత్మక లింగం
తత్ప్రణమామి సదా శివ లింగం || 8 ||

లింగాష్టకమిదం పుణ్యం యః పఠేచ్ఛివసన్నిధౌ |
శివలోకమవాప్నోతి శివేన సహ మోదతే ||

 శ్రీ విశ్వనాథాష్టకం

గంగాతరంగరమణీయజటాకలాపం
గౌరీనిరంతరవిభూషితవామభాగం |
నారాయణప్రియమనంగమదాపహారం
వారాణసీపురపతిం భజ విశ్వనాథం || 1 ||

వాచామగోచరమనేకగుణస్వరూపం
వాగీశవిష్ణుసురసేవితపాదపీఠం | [పద్మం]
వామేన విగ్రహవరేణ కలత్రవంతం
వారాణసీపురపతిం భజ విశ్వనాథం || 2 ||

భూతాధిపం భుజగభూషణభూషితాంగం
వ్యాఘ్రాజినాంబరధరం జటిలం త్రినేత్రం |
పాశాంకుశాభయవరప్రదశూలపాణిం
వారాణసీపురపతిం భజ విశ్వనాథం || 3 ||

శీతాంశుశోభితకిరీటవిరాజమానం
ఫాలేక్షణానలవిశోషితపంచబాణం |
నాగాధిపారచితభాసురకర్ణపూరం
వారాణసీపురపతిం భజ విశ్వనాథం || 4 ||

పంచాననం దురితమత్తమతంగజానాం
నాగాంతకం దనుజపుంగవపన్నగానాం |
దావానలం మరణశోకజరాటవీనాం
వారాణసీపురపతిం భజ విశ్వనాథం || 5 ||

తేజోమయం సగుణనిర్గుణమద్వితీయం
ఆనందకందమపరాజితమప్రమేయం |
నాగాత్మకం సకళనిష్కళమాత్మరూపం
వారాణసీపురపతిం భజ విశ్వనాథం || 6 ||

ఆశాం విహాయ పరిహృత్య పరస్య నిందాం
పాపే రతిం చ సునివార్య మనః సమాధౌ |
ఆదాయ హృత్కమలమధ్యగతం పరేశం
వారాణసీపురపతిం భజ విశ్వనాథం || 7 ||

రాగాదిదోషరహితం స్వజనానురాగం
వైరాగ్యశాంతినిలయం గిరిజాసహాయం |
మాధుర్యధైర్యసుభగం గరళాభిరామం
వారాణసీపురపతిం భజ విశ్వనాథం || 8 ||

వారాణసీపురపతేః స్తవనం శివస్య
వ్యాఖ్యాతమష్టకమిదం పఠతే మనుష్యః |
విద్యాం శ్రియం విపులసౌఖ్యమనంతకీర్తిం
సంప్రాప్య దేహవిలయే లభతే చ మోక్షం || 9 ||

తులస్యుపనిషత్

అధ తులస్యుపనిషదం వ్యాఖ్యాస్యామః . నారద ఋషిః .

అథర్వాంగిరాశ్ఛందః . అమృతా తులసీ దేవతా .

సుధాబీజం . వసుధా శక్తిః . నారాయణః కీలకం .

శ్యామాం శ్యామవపుర్ధరాం ఋక్స్వరూపాం యజుర్మనసం బ్రహ్మాథర్వప్రాణాం

కల్పహస్తాం పురాణపఠితాం అమృతోద్భవాం అమృతరసమంజరీం అనంతాం

అనంతరసభోగదాం వైష్ణవీం విష్ణువల్లభాం మృత్యుజన్మనిబర్హిణీం

దర్శనాత్పాపనాశినీం స్పర్శనాత్పావనీం అభివందనాద్ రోగనాశినీం సేవనాత్

మృత్యునాశినీం వైకుంఠార్చనాత్ విపద్ధంత్రీం, భక్షణాత్ వయునప్రదాం ,

ప్రాదక్షిణ్యాత్ దారిద్ర్యనాశినీం, మూలమృల్లేపనాత్ మహాపాపభంజినీం

ఘ్రాణతర్పణాత్ అంతర్మలనాశినీం య ఏవం వేద స వైష్ణవో భవతి .

వృథా న ఛింద్యాత్ . దృష్ట్వా ప్రదక్షిణం కుర్యాత్ .

ద్వాదశ్యాం న స్పృశేత్ . పర్వణి న విచిన్వేత్ .

యది విచన్వతి స విష్ణుహా భవతి . శ్రీ తులస్యై స్వాహా .

విష్ణుప్రియాయై స్వాహా . అమృతాయై స్వాహా .

శ్రీ తులస్యై విద్మహే విష్ణుప్రియాయై ధీమహి . తన్నో అమృతా ప్రచోదయాత్ .

అమృతేఽమృతరూపాఽసి అమృతత్వప్రదాయిని .

త్వం మాముద్ధర సంసారాత్ క్షీరసాగర కన్యకే .. 1

శ్రీసఖి త్వం సదానందే ముకుందస్య సదా ప్రియే .

వరదాభయహస్తాభ్యాం మాం విలోకయ దుర్లభే .. 2

అవృక్షవృక్షరూపాఽసి వృక్షత్చం మే వినాశయ .

తులస్యతులరూపాఽసి తులాకోటినిభేఽజరే .. 3

అతులే త్వత్తులాయాం హి హరిరేకోఽస్తి నాన్యథా .

త్వమేవ జగతాం ధాత్రీ త్వమేవ విష్ణువల్లభా .. 4

త్వమేవ సురసంసేవ్యా త్వమేవ మోక్షదాయినీ .

త్వచ్ఛాయాయాం వసేల్లక్ష్మీః త్చన్మూలే విష్ణురవ్యయః .

సమంతాద్ దేవతాః సర్వాః సిద్ధచారణపన్నగాః .. 5

యన్మూలే సర్వతీర్థాని యన్మధ్యే బ్రహ్మ దేవతాః .

యదయ్రే వేదశాస్రాణి తులసీం తాం నమామ్యహం .. 6

తులసి శ్రీసఖి శుభే పాపహారిణి పుణ్యదే .

నమస్తే నారదనుతే నారాయణమనః ప్రియే .. 7

బ్రహ్మానందాశ్రుసంజాతే వృందావననివాసిని .

సర్వావయసంపూర్ణే అమృతోపనిషద్రసే .. 8

త్వం మాముద్ధర కల్యాణి మహాపాపాబ్ధిదుస్తరాత్ .

సర్వేషామపి పాపానాం ప్రాయశ్చిత్తం త్వమేవ హి ..

దేవానాం చ ఋషీణాం చ పితౄణాం త్వం సదా ప్రియా .. 9

వినా శ్రీతులసీం విప్రా యేఽపి శ్రాద్ధం ప్రకుర్వతే .

వృథా భవతి తచ్ఛ్రాద్ధం పితౄణాం నోపగచ్ఛతి .. 10

తులసీపత్రముత్సృజ్య యది పూజాం కరోతి వై .

ఆసురీ సా భవేత్పూజా విష్ణుప్రీతికరీ న చ .. 11

యజ్ఞం దానం జపం తీర్థం శ్రాద్ధం వై దేవతార్చనం .

తర్పణం మార్జనం చాన్యన్న కుర్యాత్ తులసీం వినా .. 12

తులసీదారుమణిభిర్జపః సర్వార్థసాధకః .

ఏవం న వేద యః కశ్చిత్ స విప్రః శ్వపచాధమః .. 13

ఇత్యాహ భగవాన్ బ్రహ్మాణం నారాయణః ,బ్రహ్మా నారదసనకాదిభ్యః,

సనకాదయో వేదవ్యాసాయ, వేదవ్యాసః శుకాయ, శుకో వామదేవాయ, వామదేవో

మునిభ్యః , మునయో మనుభ్యః ప్రోచుః .

య ఏవం వేద, స స్రీహత్యాయాః ప్రముచ్యతే, స వీరహత్యాయాః ప్రముచ్యతే,

స బ్రహ్మహత్యాయాః ప్రముచ్యతే, స మహాభయాత్

ప్రముచ్యతే, స మహాదుఃఖాత్ప్రముచ్యతే, దేహాంతే వైకుంఠమవాప్నోతి

వైకుంఠమవాప్నోతి . ఇత్యుపనిషత్ .

(వైష్ణవ-ఉపనిషదః)

ఇతి తులస్యుపనిషత్ సమాప్తా .

తులస్యష్టోత్తరశతనామస్తోత్రం

ఓం తులసీ పావనీ పూజ్యా వృందావననివాసినీ .

జ్ఞానదాత్రీ జ్ఞానమయీ నిర్మలా సర్వపూజితా .. 1..

సతీ పతివ్రతా వృందా క్షీరాబ్ధిమథనోద్భవా .

కృష్ణవర్ణా రోగహంత్రీ త్రివర్ణా సర్వకామదా .. 2..

లక్ష్మీసఖీ నిత్యశుద్ధా సుదతీ భూమిపావనీ .

హరిద్రాన్నైకనిరతా హరిపాదకృతాలయా .. 3..

పవిత్రరూపిణీ ధన్యా సుగంధిన్యమృతోద్భవా .

సురూపాఽఽరోగ్యదా తుష్టా శక్తిత్రితయరూపిణీ .. 4..

దేవీ దేవర్షిసంస్తుత్యా కాంతా విష్ణుమనఃప్రియా.

భూతవేతాలభీతిఘ్నీ మహాపాతకనాశినీ .. 5..

మనోరథప్రదా మేధా కాంతిర్విజయదాయినీ .

శంఖచక్రగదాపద్మధారిణీ కామరూపిణీ .. 6..

అపవర్గప్రదా శ్యామా కృశమధ్యా సుకేశినీ .

వైకుంఠవాసినీ నందా బింబోష్ఠీ కోకిలస్వరా .. 7..

కపిలా నిమ్నగాజన్మభూమిరాయుష్యదాయినీ .

వనరూపా దుఃఖనాశిన్యవికారా చతుర్భుజా .. 8..

గరుత్మద్వాహనా శాంతా దాంతా విఘ్ననివారిణీ .

శ్రీవిష్ణుమూలికా పుష్టిస్త్రివర్గఫలదాయినీ .. 9..

మహాశక్తిర్మహామాయా లక్ష్మీవాణీసుపూజితా .

సుమంగల్యర్చనప్రీతా సౌమంగల్యవివర్ధినీ .. 10..

చాతుర్మాస్యోత్సవారాధ్యా విష్ణు సాన్నిధ్యదాయినీ .

ఉత్థానద్వాదశీపూజ్యా సర్వదేవప్రపూజితా .. 11..

గోపీరతిప్రదా నిత్యా నిర్గుణా పార్వతీప్రియా .

అపమృత్యుహరా రాధాప్రియా మృగవిలోచనా .. 12..

అమ్లానా హంసగమనా కమలాసనవందితా .

భూలోకవాసినీ శుద్ధా రామకృష్ణాదిపూజితా .. 13..

సీతాపూజ్యా రామమనఃప్రియా నందనసంస్థితా .

సర్వతీర్థమయీ ముక్తా లోకసృష్టివిధాయినీ .. 14..

ప్రాతర్దృశ్యా గ్లానిహంత్రీ వైష్ణవీ సర్వసిద్ధిదా .

నారాయణీ సంతతిదా మూలమృద్ధారిపావనీ .. 15..

అశోకవనికాసంస్థా సీతాధ్యాతా నిరాశ్రయా .

గోమతీసరయూతీరరోపితా కుటిలాలకా .. 16..

అపాత్రభక్ష్యపాపఘ్నీ దానతోయవిశుద్ధిదా

శ్రుతిధారణసుప్రీతా శుభా సర్వేష్టదాయినీ .. 17..

నామ్నాం శతం సాష్టకం తత్తులస్యాః సర్వమంగలం .

సౌమంగల్యప్రదం ప్రాతః పఠేద్భక్త్యా సుభాగ్యదం .

లక్ష్మీపతిప్రసాదేన సర్వవిద్యాప్రదం నృణాం .. 18..

ఇతి తులస్యష్టోత్తరశతనామస్తోత్రం సంపూర్ణం .

తులసీస్తోత్రం 2

శ్రీభగవానువాచ .

వృందారూపాశ్చ వృక్షాశ్చ యదైకత్ర భవంతి చ .

విదుర్బుధాస్తేన వృందాం మత్ప్రియాం తాం భజా మ్యహం .. 18..

పురా బభూవ యా దేవీ హ్యాదౌ వృందావనే వనే .

తేన వృందావనీ ఖ్యాతా తాం సౌభాగ్యాం భజామ్యహం .. 19..

అసంఖ్యేషు చ విశ్వేషు పూజితా యా నిరంతరం .

తేన విశ్వపూజితాఖ్యాం జగత్పూజ్యాం భజామ్యహం .. 20..

అసంఖ్యాని చ విశ్వాని పవిత్రాణి యయా సదా .

తాం విశ్వపావనీం దేవీం విరహేణ స్మరామ్యహం .. 21..

దేవా న తుష్టాః పుష్పాణాం సమూహేన యయా వినా .

తాం పుష్పసారాం శుద్ధాం చ ద్రష్టుమిచ్ఛామి శోకతః .. 22..

విశ్వే యత్ప్రాప్తిమాత్రేణ భక్త్యాఽఽనందో భవేద్ధ్రువం .

నందినీ తేన విఖ్యాతా సా ప్రీతా భవితా హి మే .. 23..

యస్యా దేవ్యా స్తులా నాస్తి విశ్వేషు నిఖిలేషు చ .

తులసీ తేన విఖ్యాతా తాం యామి శరణం ప్రియే .. 24..

కృష్ణజీవనరూపా యా శశ్వత్ప్రియతమా సతీ .

తేన కృష్ణజీవనీతి మమ రక్షతు జీవనం .. 25..

ఇత్యేవం స్తవనం కృత్వా తత్ర తస్థౌ రమాపతిః .

దదర్శ తులసీం సాక్షాత్పాద పద్మే నతాం సతీం .. 26..

రుదతీమభిమానేన మానినీం మానపూజితాం .

ప్రియాం దృష్ట్వా ప్రియః శీఘ్రం వాసయామాస వక్షసి .. 27..

వృందాం వృందావనీం విశ్వపావనీంవిశ్వపూజితాం .

పుష్పసారాం నందినీం చ తులసీం కృష్ణజీవనీం .. 32..

ఏతన్నామాష్టకం చైత త్స్తోత్రం నామార్థసంయుతం .

యః పఠేత్తాం చ సంపూజ్య సోఽశ్వమేధఫలం లభేత్ .. 33..

తులసీం పుష్పసారాం చ సతీం పూజ్యాం మనోహరాం .

కృత్స్నపాపేధ్మదాహాయ జ్వలదగ్నిశిఖోపమాం .. 41..

పుష్పేషు తులనాప్యస్యా నాసీద్దేవీషు వా మునే .

పవిత్రరూపా సర్వాసు తులసీ సా చ కీర్త్తితా .. 42..

శిరోధార్యా చ సర్వేషామీప్సితాం విశ్వపావనీం .

జీవన్ముక్తాం ముక్తిదాం చ భజ తాం హరిభక్తిదాం .. 43..

ఇతి బ్రహ్మవైవర్తపురాణే ప్రకృతిఖండే ద్వావింశాధ్యాయాంతర్గతం

         తులసీస్తోత్రం సమాప్తం .

బ్రహ్మవైవర్తపురాణ . ప్రకృతిఖండ . అధ్యాయ 22/18-25, 32-33, 41-43..

తులసీస్తుతిః

తులసి శ్రీసఖి శుభే పాపహారిణి పుణ్యదే .

నమస్తే నారదనుతే నారాయణమనఃప్రియే .. 1..

మనః ప్రసాదజనని సుఖసౌభాగ్యదాయిని .

ఆధివ్యాధిహరే దేవి తులసి త్వాం నమామ్యహం .. 2..

యన్మూలే సర్వతీర్థాని యన్మధ్యే సర్వదేవతాః .

యదగ్రే సర్వ వేదాశ్చ తులసి త్వాం నమామ్యహం .. 3..

అమృతాం సర్వకల్యాణీం శోకసంతాపనాశినీం .

ఆధివ్యాధిహరీం నౄణాం తులసి త్వాం నమ్రామ్యహం .. 4..

దేవైస్త్చం నిర్మితా పూర్వం అర్చితాసి మునీశ్వరైః .

నమో నమస్తే తులసి పాపం హర హరిప్రియే .. 5..

సౌభాగ్యం సంతతిం దేవి ధనం ధాన్యం చ సర్వదా .

ఆరోగ్యం శోకశమనం కురు మే మాధవప్రియే .. 6..

తులసీ పాతు మాం నిత్యం సర్వాపద్భయోఽపి సర్వదా .

కీర్తితాఽపి స్మృతా వాఽపి పవిత్రయతి మానవం .. 7..

యా దృష్టా నిఖిలాఘసంఘశమనీ స్పృష్టా వపుఃపావనీ

రోగాణామభివందితా నిరసనీ సిక్తాఽన్తకత్రాసినీ .

ప్రత్యాసత్తివిధాయినీ భగవతః కృష్ణస్య సంరోపితా

న్యస్తా తచ్చరణే విముక్తిఫలదా తస్యై తులస్యై నమః .. 8..

ఇతి తులసీస్తుతిః సమాప్తా .

తులసీస్తవరాజః

శౌనకః --

సూత సూత మహాప్రాజ్ఞ సర్వశాస్రవిశారద .

బ్రూహి మే స్తవరాజం తు తులస్యాః పుణ్యవర్ధనం .. 1..

శ్రీ సూతః --

సాధు సాధు మహాభాగ కృతః ప్రశ్నస్త్వయాఽనఘ .

తులస్యాః స్తవరాజం తు కో ను వర్ణయితుం క్షమః .. 2..

ఇహ లోకే పరత్రాపి బ్రహ్మణాఽపి న శక్యతే .

తులసీకాననం దృష్ట్వా యత్ర కుత్రాపి వై స్థలే .. 3..

స్మరణాత్కీర్తనాద్ ధ్యానాత్ సర్వపాపైః ప్రముచ్యతే .

కిముత స్తవరాజేన స్తువతో ముక్తిరస్య వై .. 4..

భవిశష్యతీతి సందేహో రౌరవం నరకం వ్రజేత్ .

తులసీస్తవరాజస్య ఛందోఽనుష్టుప్ ప్రకీర్తితం .

ఋషిర్నారాయణో దేవో దేవతా శ్రీరుదీరితా .. 5..

శ్రీరితి బీజం, తుమితి కీలకం, లమితి శక్తిః,

శ్రీమితి దిగ్బంధః . నమ ఇతి సర్వభూతోచ్వాటనం ..

అంగన్యాసః -

ఓం శ్రీ హృదయాయ నమః . ఓం తుం శిరసే స్వాహా .

ఓం లం శిఖాయై వషట్ . ఓం స్యైం కవచాయ హుం .

ఓం నం నేత్రత్రయాయ వౌషట్. ఓం మః అస్రాయ ఫట్ .

భూర్భువస్సువరోమితి దిగ్బంధః ..

ధ్యానం -

చతుర్బాహుయుతాం దేవీం శంఖపుస్తకధారిణీం .

పద్మాక్షమాలాం పుష్పం చ ధారిణీం పుణ్యదాయినీం .. 6..

అమృతాబ్ధిసముత్పన్నే సర్వశోకవినాశినీ .

సర్వసౌభాగ్యదాత్రీ(యీ ) త్వం తులసి (సీ) రక్షణం కురు .. 7..

దక్షిణే లోకవిఖ్యాతే విష్ణుధృతశరీరిణి .

విశ్వరూపీ విశ్వకర్త్రీ తులసీ రక్షణం కురు .. 8..

సర్వలోకమయే(యీ ) పూజ్యే సర్వసంపత్ప్రదాయిని .

సర్వతాపప్రశమని తులసీ రక్షణం కురు .. 9..

మహితా లోకపూజ్యా చ మహిషాసురభంజని .

కరవీరపురావాసే తులసీ రక్షణం కురు .. 10..

మాయావతీ భగవతీ మహిలా భద్రకాలికా .

మోహినీ సంగతా శౌరీ తులసీ రక్షణం కురు .. 11..

మహాలక్ష్మి మహాకాలీ సర్వత్ర విజయా జయా .

అశరీరీ శరీరీ చ తులసీ రక్షణం కురు .. 12..

బ్రహ్మాణీ శంకరీ సౌమ్యా వైష్ణవీ చ స్వధా తథా .

దేవసేనా మహారౌద్రీ తులసీ రక్షణం కురు .. 13..

చాముండా చంచలా భీమా రేణుకా మారికా తథా .

పద్మాక్షీ పఞ్మమాలా చ తులసీ రక్షణం కురు .. 14..

శుభాశుభప్రదాత్రీ త్వం వృషభాసురభంజనీ .

వంజులా జర్ఝరీ క్రూరా తులసీ రక్షణం కురు .. 15..

అతిగుహ్యతమం దివ్యం పుత్రపౌత్రప్రవర్ధనం .

నాస్తికాయ ప్రదేయం న నాభక్తాయ కదాచన .. 16..

శుశ్రూషవే చ భక్తాయ ప్రదేయం హితమిచ్ఛతా .

విష్ణుభక్తాయ పూజ్యాయ వైరాగ్య గుణశాలినే .. 17..

భృగువారే భౌమవారే ప్రదోషే చ విశేషతః .

ప్రభాతే సర్వదా జప్యం లిఖిత్వా పుస్తకం యది .. 18..

స్థాపితం పూజితం చేత్స్యాత్ సర్వరోగైః ప్రముచ్యతే .

మహాలక్ష్మీః సింధుతీరే విష్ణునా ప్రభవిష్ణునా .. 19..

సాఽపి విధయే ప్రోక్తవతీ తేనోక్తం నారదాయ వై .

నారదః ప్రోక్తవాన్మహ్యం తదేతత్ప్రోక్తవానహం .. 20..

ఏవం పరంపరాప్రాప్తం సర్వశాస్రార్థ సంగ్రహం .

తులసీకవచం పుణ్యం తస్మాత్స్తోత్రం మహాత్ఫలం .. 21..

తస్మాత్కోటిగుణం పుణ్యం తులసీస్తవరాజతః .

పుత్రార్థీ పుత్రమాప్నోతి రాజ్యార్థీ రాజ్యమాప్నుయాత్ .. 22..

కిం తేన బహునోక్తేన మోక్షార్థీ మోక్షామాప్నుయాత్త్ .

సప్తద్వీపవతీం పృథ్వీం దత్వా యత్ఫలమాప్నుయాత్ .

తత్ఫలం సమవాప్నోతి తులసీపత్రదానతః .. 23..

ఇతి బ్రహ్మపురాణాంతర్గతః తులసీస్తవరాజః సంపూర్ణః .

తులసీవివాహవిధిః

(ఇక్షుదండనిర్మితే పుష్పాద్యలంకృతే మంటపే వివాహః . తులసీ

హరిద్రాచందనకుంకుమపుష్పాద్యాలంకృతా స్వీయవేద్యాం ప్రథమం పూజ్యతే .

శుక్లాంబరధరం విష్ణుం శశివర్ణం చతుర్భుజం .

ప్రసన్నవదనం ధ్యాయేత్ సర్వవిఘ్నోపశాంతయే ..

పరమేశ్వరప్రీత్యర్థం శుభే శోభనే ముహూర్తే ... శుభతిథౌ

తులస్యాః విష్ణునా సహ వివాహోత్సవమాచరిష్యే . (అప ఉపస్పృశ్య)

విఘ్నేశ్వరపూజాం కలశపూజాం తులసీ పూజాం చ యథావిధి నిర్వర్త్య ...

విష్ణుం వివాహార్థే వరార్హ వస్రాలంకరణ పుష్పమాలాదిభిః అలంకృత్య

వాద్యధోషగీతపురస్సరం వివాహమంటపమానీయ కర్తా నారికేల-కదలీఫల -

తాంబూలాదిభిః ఉపసృత్య మండపే ఆసనే ప్రతిష్ఠాప్య ప్రార్థయేత్-

ఆగచ్ఛ భగవన్ దేవ అర్హయిష్యామి కేశవ .

తుభ్యం దదామి తులసీం ప్రతీచ్ఛన్ కామదో భవ ..

ఆసనమిదం, అలంక్రియతాం . పాద్యం సమర్పయామి .

అర్ఘ్యం సమర్పయామి, ఆచమనీయం సమర్పయామి .

మధుపర్కం సమర్పయామి . హరిద్రాలేప-మంగలవిధిం సమర్పయామి .

తైలాభ్యంగపూర్వకం మంగలస్నానం సమర్పయామి .

వస్రాలంకరణపుష్పమాలాః సమర్పయామి . గంధాంధారయామి . గంధోపరి

హరిద్రాకుంకమం సమర్పయామి . పుష్పై: పూజయామి . 12-24-108

నామభిరర్చయేత్ . (వధూవరౌ పరస్పరమభిముఖౌ స్థాపయిత్వా) ...

గోత్రోద్భవాం ... శర్మణః ప్రపౌత్రీం, ...

శర్మణః పౌత్రీం, శర్మణః పుత్రీం

తులసీనామ్నీం ఇమాం కన్యకాం అజాయ అనాదయే శ్రీ విష్ణవే వరాయ దదామి .

(త్రిరుక్త్వా)

అనాదిమధ్యనిధన త్రైలోక్య ప్రతిపాలక .

ఇమాం గృహాణ తులసీం వివాహ విధినేశ్వర .తులసీవివాహవిధి.ఇన్ఫ్

పార్వతీ బీజసంభూతాం బృందాభస్మని సంస్థితాం .

అనాదిమధ్యనిధనాం వల్లభాం తే దదామ్యహం ..

పయోఘృతైశ్చ సేవాభిః కన్యావద్వర్ధితాం మయా .

త్వత్ప్రియాం తులసీం తుభ్యం దదామి త్వం గృహాణ భోః ..

వాద్యఘోష - వేదస్వస్తివాచన - మంగలాశీర్భిః ఉభౌ మేలయిత్వా

గీతాదిభిః సంతోషయేత్ . సాయమపి పునః పూజాం కృత్వా స్రీధనం

యథాశక్తి దద్యాత్ .

వివాహోత్సవపూర్తౌ

వైకుంఠం గచ్ఛ భగవన్ తులస్యా సహితః ప్రభో .

మత్కృతం పూజనం గృహ్య సంతుష్టో భవ సర్వదా .

గచ్ఛ గచ్ఛ సురశ్రేష్ఠ స్వస్థానం పరమేశ్వర .

యత్ర బ్రహ్మాదయో దేవాః తత్ర గచ్ఛ జనార్దన .

ఇతి ఉభౌ అభ్యనుజ్ఞాపయేత్ మంగలారార్తికేన సహ .

తులసీం యథాపూర్వం రక్షేత్ .

తులసీమాహాత్మ్యస్తోత్రం

వాణ్యువాచ .

తులసీ రోపితా యేన గృహస్థేన మహాఫలా .

గృహే తస్య న దారిద్ర్యం జాయతే నాత్ర సంశయః .. 1..

తులస్యా దర్శనాదేవ పాపరాశిర్నివర్తతే .

శ్రియేఽమృతకణోత్పన్నా తులసీ హరివల్లభా .. 2..

పిబంత్యా రుచిరం పానం ప్రాణినాం పాపహారిణీ .

యస్యా రూపే వసేల్లక్ష్మీః స్కంధే సాగరసంభవా .. 3..

పత్రేషు సతతం శ్రీశ్చ శాఖాసు కమలా స్వయం .

ఇందిరా పుష్పగా నిత్యం ఫలే క్షీరాబ్ధిసంభవా .. 4..

తులసీ శుష్కకాష్ఠేషు యా రూపా విశ్వవ్యాపినీ .

మజ్జాయాం పద్మవాసా చ త్వచాసు చ హరిప్రియా .. 5..

సర్వరూపా చ సర్వేశా పరమానందదాయినీ .

తులసీప్రాశకో మర్త్యో యమలోకం న గచ్ఛతి .. 6..

శిరస్థా తులసీ యస్య న యామ్యైరనుభూయతే .

ముఖస్థా తులసీ యస్య నిర్వాణపదదాయినీ .. 7..

హస్తస్థాతులసీయస్య స తాపత్రయవర్జితః .

తులసీ హృదయస్థా చ ప్రాణినాం సర్వకామదా .. 8..

స్కంధస్థా తులసీ యస్య స పాపైర్న చ లిప్యతే .

కంఠగా తులసీ యస్య జీవన్ముక్తః సదా హి సః .. 9..

తులసీసంభవం పత్రం సదా వహతి యో నరః .

మనసా చింతితాం సిద్ధిం సంప్రాప్నోతి న సంశయః .. 10..

తులసీం సర్వకాయార్థసాధినీం దుష్టవారిణీం .

యో నరః ప్రత్యహం సించేన్న స యాతి యమాలయం .. 11..

చాతుర్మాస్యే విశేషేణ వందితాపి విముక్తిదా .

నారాయణం జలగతం జ్ఞాత్వా వృక్షగతం తథా .. 12..

ప్రాణినాం కృపయా లక్ష్మీస్తులసీవృక్షమాశ్రితా .

చాతుర్మాస్యే సమాయాతే తులసీ సేవితా యది .. 13..

తేషాం పాపసహస్రాణి యాంతి నిత్యం సహస్రధా .

గోవిందస్మరణం నిత్యం తులసీవనసేవనం .. 14..

తులసీసేచనం దుగ్ధైశ్చాతుర్మాస్యేఽతిదుర్లభం .

తులసీం వర్ద్ధయేద్యస్తు మానవో యది శ్రద్ధయా .. 15..

ఆలవాలాంబుదానైశ్చ పావితం సకలం కులం .

యథా శ్రీస్తులసీసంస్థా నిత్యమేవ హి వర్ద్ధతే .. 16..

తథా తథా గృహస్థస్య కామవృద్ధిః ప్రజాయతే .

బ్రహ్మచారీ గృహస్థశ్చ వానప్రస్థో యతిస్తథా .. 17..

తథా ప్రకృతయః సర్వాస్తులసీసేవనే రతాః .

శ్రద్ధయా యది జాయంతే న తాసాం దుఃఖదో హరిః .. 18..

ఏకో హరిః సకలవృక్షగతో విభాతి నానారసైస్తు పరిభావితమూర్తిరేవ .

వృక్షాధివాసమగమత్కమలా చ దేవీ దుఃఖాదినాశనకరీ సతతం స్మృతాఽపి .. 19..

ఇతి శ్రీస్కందపురాణే నాగరఖండే సప్తచత్వారింశాధికద్విశతతమాధ్యాయాంతర్గతం

         తులసీమహిమాస్తోత్రం సమాప్తం .

మాతాపద్మావత్యష్టోత్తరశతనామావలిః

ఓం హ్రీఀ మహాదేవ్యై పద్మావత్యై నమః .

ఓం హ్రీఀ కల్ణాత్యై పద్మావత్యై నమః .

ఓం హ్రీఀ భువనేశ్చర్య పద్మావత్యై నమః .

ఓం ద్రాం చండ్యై పద్మావత్యై నమః .

ఓం హ్రీఀ కాత్యాయన్యై పద్మావత్యై నమః .

ఓం హ్రీఀ గౌర్యై పద్మావత్యై నమః .

ఓం హ్రీఀ జినధర్మ పరాయణ్యై పద్మావత్యై నమః .

ఓం హ్రీఀ పంచబ్రహ్మపదారధ్యాయై పచవత్యై నమః .

ఓం హ్రీఀ పంచమంత్రోపదేశిన్యై పద్మావత్యై నమః .

ఓం హ్రీఀ పంయవ్రతగుణోపేతాయై పద్మావత్యై నమః . 10

ఓం హ్రీఀ పంచకల్యాణదర్శిన్యై పద్మావత్యై గమః

ఓం హ్రీఀ శ్రియై పద్మావత్యై నమః .

ఓం హ్రీఀ తోతలాయై పద్మావత్యై నమః .

ఓం హ్రీఀ నిత్యాయై పద్మావత్యై నమః .

ఓం హ్రీఀ త్రిపురాయై పద్మావత్యై నమః .

ఓం హ్రీఀ కామ్యసాధిన్యై పద్మావత్యై నమః .

ఓం హ్రీఀ మదనోన్మాలిన్యై పద్మావత్యై నమః .

ఓం హ్రీఀ విద్యాయై పద్మావత్యై నమః .

ఓం హ్రీఀ మహాలక్ష్మై పద్మావత్యై నమః .

ఓం హ్రీఀ సరస్వత్యై పద్మావత్యై నమః . 20

ఓం హ్రీఀ సారస్వతగణాధీశాయై పద్మావత్యై నమః .

ఓం హ్రీఀ సర్వశాస్త్రోపదేశిన్యై పద్మావత్యై నమః .

ఓం హ్రీఀ సర్వేశ్చర్యై పద్మావత్యై నమః .

ఓం హ్రీఀ మహాదుర్గాయై పద్మావత్యై నమః .

ఓం హ్రీఀ త్రినేత్రాయే పద్మావత్యై నమః .

ఓం హ్రీఀ ఫణిశేఖర్యై పద్మావత్యై నమః .

ఓం హ్రీఀ జటాబాలేందుముకుతాయై పద్మావత్యై నమః .

ఓం హ్రీఀ కుర్కుటోరగవాహిన్యై పద్మాయత్యై నమః .

ఓం హ్రీఀ చతుర్ముఖ్యై పద్మావత్యై నమః .

ఓం హ్రీఀ మహాయశాయై పద్మావత్యై నమః . 30

ఓం హ్రీఀ మహాదుర్గాయై పద్మావత్యై నమః .

ఓం హ్రీఀ గుహేశ్వరయి పద్మావత్యై నమః .

ఓం హ్రీఀ నాగరాజమహాపత్న్యై పద్మావత్యై నమః .

ఓం హ్రీఀ నాగిన్యై పద్మావత్యై నమః .

ఓం హ్రీఀ నాగదేవతాయై పద్మావత్యై నమః .

ఓం హ్రీఀ సిద్ధాంతసంపన్నాయే పద్మావత్యై నమః .

ఓం హ్రీఀ ద్వాదశాంగపరాయణ్యై పద్మావత్యై నమః .

ఓం హ్రీఀ చతుర్దశమహావిధాయై పద్మాయత్యై నమః .

ఓం హ్రీఀ అవధజ్ఞానలోచనాయై పద్మావత్యై నమః .

ఓం హ్రీఀ వాసంత్యై పద్మావత్యై నమః . 40

ఓం హ్రీఀ వనదేవ్యై పద్మావత్యై నమః .

ఓం హ్రీఀ వనమాలాయై పద్మావత్యై నమః .

ఓం హ్రీఀ మహేశ్వర్యే పద్మావత్యై నమః .

ఓం హ్రీఀ మహాఘోరాయై పద్మావత్యై నమః .

ఓం హ్రీఀ మహారౌద్రాయై పద్మావత్యై నమః .

ఓం హ్రీఀ వీతభీతాయై పద్మావత్యై నమః .

ఓం హ్రీఀ అభయంకర్యై పద్మావత్యై నమః .

ఓం హ్రీఀ కంకాలాయై పద్మావత్యై నమః .

ఓం హ్రీఀ కాలరాత్రయే పద్మావత్యై నమః .

ఓం హ్రీఀ గంగాయై పద్మావత్యై నమః . 50

ఓం హ్రీఀ గంధర్వనాయక్యై పద్మావత్యై నమః .

ఓం హ్రీఀ సమ్యగ్దర్శనసంపన్నాయై పద్మావత్యై నమః .

ఓం హ్రీఀ సమ్యగ జ్ఞాన పరాయణ్యై పద్మావత్యై నమః .

ఓం హ్రీఀ సమ్యగ్చారిత్రసంపన్నాయే పద్మావత్యై నమః .

ఓం హ్రీఀ నరోపకారిణ్యై పద్మావత్యై నమః .

ఓం హ్రీఀ అగణ్యపుఏయసంపన్నాయై పద్మావత్యై నమః .

ఓం హ్రీఀ గణన్యై పద్మావత్యై నమః .

ఓం హ్రీఀ గణనాయక్యై పద్మావత్యై నమః .

ఓం హ్రీఀ పాతాలవాసిన్యై పద్మావత్యై నమః .

ఓం హ్రీఀ పద్మాయై పద్మావత్యై నమః . 60

ఓం హ్రీఀ పద్మాస్యాయై పద్మావత్యై నమః .

ఓం ద్రాం పద్మలోచయనాయే పద్మావత్యై నమః .

ఓం హ్రీఀ ప్రజ్ఞప్త్యై పద్మావత్యై నమః .

ఓం హ్రీఀ రోహిణ్యై పద్మావత్యై నమః .

ఓం హ్రీఀ జృభాయై పద్మావత్యై నమః .

ఓం హ్రీఀ స్తంభిన్యై పద్మావత్యై నమః .

ఓం హ్రీఀ మోహిన్యై పద్మావత్యై నమః .

ఓం హ్రీఀ జయాయై పద్మావత్యై నమః .

ఓం హ్రీఀ యోగిన్యై పద్మావత్యై నమః .

ఓం హ్రీఀ యోగవిజ్ఞాన్యై పద్మావత్యై నమః . 70

ఓం హ్రీఀ మృత్యిదారిద్ర్యభంజిన్యై పద్మావత్యై నమః .

ఓం హ్రీఀ క్షమాయై పద్మావత్యై నమః .

ఓం హ్రీఀ సంపన్నధరణ్యై పద్మావత్యై నమః .

ఓం హ్రీఀ సర్వపాపనివారిణ్యై పద్మావత్యై నమః .

ఓం హ్రీఀ జ్వాలాముఖ్యై పద్మావత్యై నమః .

ఓం హ్రీఀ మహాజ్వాలామాలిన్యై పద్మావత్యై నమః .

ఓం హ్రీఀ వజ్రశృంఖలాయై పద్మావత్యై నమః .

ఓం హ్రీఀ నాగపాశధరాయై పద్మావత్యై నమః .

ఓం హ్రీఀ ధోర్యాయై పద్మావత్యై నమః .

ఓం హీః శ్రేణితానఫలాన్వితాయై పద్మావత్యై నమః . 80

ఓం హ్రీఀ హస్తాయై పద్మావత్యై నమః .

ఓం హ్రీఀ ప్రశస్తవిధాయై పద్మావత్యై నమః .

ఓం హ్రీఀ ఆర్యాయై పద్మావత్యై నమః .

ఓం హ్రీఀ హస్తిన్యై పద్మావత్యై నమః .

ఓం హ్రీఀ హస్తివాహిన్యై పద్మావత్యై నమః .

ఓం హ్రీఀ వసంతలక్ష్మ్యై పద్మావత్యై నమః .

ఓం హ్రీఀ గీర్వాణ్యై పద్మావత్యై నమః .

ఓం హ్రీఀ శర్వణ్యై పద్మావత్యై నమః .

ఓం హ్రీఀ పద్మవిష్టరాయై పద్మావత్యై నమః .

ఓం హ్రీఀ బాలార్కవర్ణసంకాశాయై పద్మావత్యై నమః . 90

ఓం హ్రీఀ శృంగారరసనాయక్యై పద్మాయత్యై నమః .

ఓం హ్రీఀ అనేకాంతాత్మతత్వజ్ఞాయై పద్మాయత్యై నమః .

ఓం హ్రీఀ చింతితార్థఫలప్రదాయై పద్మావత్యై నమః .

ఓం హ్రీఀ చింతామణ్యై పద్మావత్యై నమః .

ఓం హ్రీఀ కృపాపూర్ణాయై పద్మావత్యై నమః .

ఓం హ్రీఀ పాపారంభవిమోచిన్యై పద్మావత్యై నమః .

ఓం హ్రీఀ కల్పవల్లీసమాకారాయై పద్మావత్యై నమః .

ఓం హ్రీఀ కామధేనవే పద్మావత్యై నమః .

ఓం హ్రీఀ శుభంకర్యై పద్మావత్యై నమః .

ఓం హ్రీఀ సద్ధర్మోవత్సలాయై పద్మావత్యై నమః . 100

ఓం హ్రీఀ సర్వాయై పద్మావత్యై నమః .

ఓం హ్రీఀ సద్ధర్మోత్సవవర్ధిన్యై పద్మావత్యై నమః .

ఓం హ్రీఀ సర్వ పాపోపశమన్యై పద్మావత్యై నమః .

ఓం హ్రీఀ సర్వరోగనివారిణ్యై పద్మావత్యై నమః .

ఓం హ్రీఀ గంభీరాయై పద్మావత్యై నమః .

ఓం హ్రీఀ మోహిన్యై పద్మావత్యై నమః .

ఓం హ్రీఀ సిద్ధాయై పద్మావత్యై నమః .

ఓం హ్రీఀ శేఫాలీతరూవాసిన్యై పద్మావత్యై నమః .

ఇతి మాతాపద్మావత్యష్టోత్తరశతనామావలిః సమాప్తా .

తులసీమహిమా - గ్రహణాదౌ నియమశ్చ

ప్రసీద మమ దేవేశి ప్రసీద హరివల్లభే .

తులసీమితి సంప్రార్థ్య అర్చయేద్ధరిమవ్యయం .. 1..

అస్రాత్వా తులసీం ఛిత్వా దేవార్చన పరాయణః .

తత్సర్వం నిష్ఫలం చైవ పంచగవ్యేన శుద్ధ్యతి .. 2..

పాపాని యాని రవిసూనుపటస్థితాని

      గోబ్రహ్మబాలపితృమాతృవధాదికాని .

నశ్యంతి తాని తులసీవనదర్శనేన

      గోకోటిదానసదృశం ఫలమాప్నువంతి .. 3..

తులసీకాననం యత్ర యత్ర పద్మవనాని చ .

వసంతి వైష్ణవా యత్ర తత్ర సన్నిహితో హరిః .. 4..

తులసీమంజరీ గ్రాహ్యా తదభావే దలం స్మృతం .

దలాభావే తు పత్రం స్యాత్పత్రాభావే తు కాష్ఠకం .. 5..

కాష్ఠాభావే తు మూలం స్యాత్ మూలాభావే తు మృత్తికా .

మృత్తికాయా అభావే తు తులసీ శబ్ద ఇష్యతే .. 6..

పంకజం పంచరాత్రం స్యాత్సప్తరాత్రం తు బిల్వకం .

తులసీ దశరాత్రం స్యాత్తతః పర్యుషితం భవేత్ .. 7..

సంక్రాంతౌ పక్షయోరంతే ద్వాదశ్యాం నిశి సంధ్యయోః .

చిన్వంతి తులసీం యే వై నికృణ్వంతి హరే: శిరః .. 8..

గ్రహణే చ వ్యతీపాతే భౌమభార్గవభానుషు .

నాహరేత్తులసీపత్రం న మధ్యాహ్నే తతః పరం .. 9..

మధ్యాహ్నకే పరే యస్తు హరిపూజాపరాయణః .

చినోతి యస్తు తులసీం అధో గచ్ఛతి నాన్యథా .. 10..

నిర్మాల్యమపి వై గ్రాహ్యం తులస్యా హేమపుష్పవత్ .

శంఖోదకేన ప్రక్షాల్య విష్ణవే చ నివేదయేత్ .. 11..

తులస్యాః కోమలైః పత్రైః శ్రీహరే: పాదపంకజం .

పూజనం యే ప్రకుర్వంతి కృతార్థాః స్యుర్న సంశయః .. 12..

ద్వాదశ్యాం జాగరే రాత్రౌ ప్రాశయేత్తులసీదలం .

ద్వావింశదపరాధాంశ్చ క్షమతే హరిరవ్యయః .. 13..

విష్ణోర్విమానం యః కుర్యాత్తులస్యాః కోమలైర్దలై: .

హంసయుక్తవిమానేన విష్ణులోకం స గచ్ఛతి .. 14..

పక్షద్వయే చ సంక్రాంతౌ ద్వాదశ్యాం సూతకద్వయే .

సంగ్రహో నైవ కర్తవ్యో నిషిద్ధదివసేష్వపి .. 15..

త్యజేత్పర్యుషితం పుష్పం త్యజేత్పర్యుషితం జలం .

న త్యజేత్తులసీపత్రం న త్యజేజ్జాహ్నవీజలం .. 16..

పుష్కరాద్యాని తీర్థాని గంగాద్యాః సరితస్తథా .

వాసుదేవాదయో దేవా వసంతి తులసీవనే .. 17..

తులసీగంధమాఘ్రాథ పితరస్తుష్టమానసాః .

ప్రయాంతి గరుడారూఢాః సహితాశ్చక్రపాణినా .. 18..

రోపణాత్పాలనాత్సేకాద్ దర్శనాత్స్పర్శనాన్నృణాం .

తులసీ దహతే పాపం వాఙ్మనఃకాయసంచితం .. 19..

అమృతాం సర్వకల్యాణీం శోకసంతాపనాశినీం .

ఆధివ్యాధిహరీం నౄణాం తులసి త్వాం నమామ్యహం .. 20..

ఆమ్రారోపసహస్రాణి పిప్పలాని శతాని చ .

తత్ఫలం సమమేకేన తులసీ విటపేన చ .. 21..

రాజద్వారే సభామధ్యే సంగ్రామే శత్రుపీడనే .

తులసీస్మరణం కుర్యాత్ సర్వంత్ర విజయీ భవేత్ .. 22..

కృష్యారంభే తథా పుష్యే వివాహే చార్థసంగ్రహే .

సర్వకార్యేషు సిద్ధ్యర్థం ప్రస్థానే తులసీం స్మరేత్ .. 23..

యః స్మరేత్తులసీం సీతాం రామం సౌమిత్రిణా సహ .

వినిర్జిత్య రిపూన్ సర్వాన్ పునరాయాతి కార్యకృత్ .. 24..

ఖాదన్మాంసం పిబన్మద్యం సంగచ్ఛన్నంత్యజాదిభిః .

సద్యో భవతి పూతాత్మా కర్ణయోస్తులసీం ధరన్ .. 25..

చతుష్కర్ణే ముఖే చైకం నాభావేకం తథైవ చ .

శిరస్యేకం తథా ప్రోక్తం తీర్థే త్రయముదాహృతం .. 26..

అన్నోపరి తథా పంచ భోజనాంతే దలత్రయం .

ఏవం శ్రీతులసీ గ్రాహ్యా అష్టాదశదలా సదా .. 27..

పూజనానంతరం విష్ణోః అర్పితం తులసీదలం .

భక్షయేత్ దేహ శుద్ధ్యర్థం చాంద్రాయణశతాధికం .. 28..

నైవేద్మమన్నం తులసీవిమిశ్రితం

      విశేషతః పాదజలేన విష్ణోః .

యోఽశ్నాతి నిత్యం పురతో మురారేః

      ప్రాప్నోతి యజ్ఞాయుత కోటిపుణ్యం .. 29..

ద్రవ్యాంతరయుతం తైలం న దుష్యేద్ గ్రహణం వినా .

తులసీదలసంయుక్తం గ్రహణేఽపి న దుష్యతి .. 30..

ఇతి గ్రహణాదౌ నియమశ్చ తులసీమహిమా సంపూర్ణా .