Sacred Stotras & Deities

నమో॑ మి॒త్రస్య॒ వరు॑ణస్య॒ చక్ష॑సే మ॒హో దే॒వాయ॒ తదృ॒తం స॑పర్యత |
దూ॒రే॒దృశే॑ దే॒వజా॑తాయ కే॒తవే॑ ది॒వస్పు॒త్రాయ॒ సూ॒ర్యా॑య శంసత || 1
సా మా॑ స॒త్యోక్తి॒: పరి॑ పాతు వి॒శ్వతో॒ ద్యావా॑ చ॒ యత్ర॑ త॒తన॒న్నహా॑ని చ |
విశ్వ॑మ॒న్యన్ని వి॑శతే॒ యదేజ॑తి వి॒శ్వాహాపో॑ వి॒శ్వాహోదే॑తి॒ సూర్య॑: || 2
న తే॒ అదే॑వః ప్ర॒దివో॒ ని వా॑సతే॒ యదే॑త॒శేభి॑: పత॒రై ర॑థ॒ర్యసి॑ |
ప్రా॒చీన॑మ॒న్యదను॑ వర్తతే॒ రజ॒ ఉద॒న్యేన॒ జ్యాతి॑షా యాసి సూర్య || 3
యేన॑ సూర్య॒ జ్యోతి॑షా॒ బాధ॑సే॒ తమో॒ జగ॑చ్చ॒ విశ్వ॑ముది॒యర్షి॑ భా॒నునా॑ |
తేనా॒స్మద్విశ్వా॒మని॑రా॒మనా॑హుతి॒మపామీ॑వా॒మప॑ దు॒ష్ష్వప్న్య॑o సువ || 4
విశ్వ॑స్య॒ హి ప్రేషి॑తో॒ రక్ష॑సి వ్ర॒తమహే॑ళయన్ను॒చ్చర॑సి స్వ॒ధా అను॑ |
యద॒ద్య త్వా॑ సూర్యోప॒బ్రవా॑మహై॒ తం నో॑ దే॒వా అను॑ మంసీరత॒ క్రతు॑ం || 5
తం నో॒ ద్యావా॑పృథి॒వీ తన్న॒ ఆప॒ ఇన్ద్ర॑: శృణ్వన్తు మ॒రుతో॒ హవ॒o వచ॑: |
మా శూనే॑ భూమ॒ సూర్య॑స్య స॒oదృశి॑ భ॒ద్రం జీవ॑న్తో జర॒ణామ॑శీమహి || 6
వి॒శ్వాహా॑ త్వా సు॒మన॑సః సు॒చక్ష॑సః ప్ర॒జావ॑న్తో అనమీ॒వా అనా॑గసః |
ఉ॒ద్యన్త॑o త్వా మిత్రమహో ది॒వేది॑వే॒ జ్యోగ్జీ॒వాః ప్రతి॑ పశ్యేమ సూర్య || 7
మహి॒ జ్యోతి॒ర్బిభ్ర॑తం త్వా విచక్షణ॒ భాస్వ॑న్త॒o చక్షు॑షేచక్షుషే॒ మయ॑: |
ఆ॒రోహ॑న్తం బృహ॒తః పాజ॑స॒స్పరి॑ వ॒యం జీ॒వాః ప్రతి॑ పశ్యేమ సూర్య || 8
యస్య॑ తే॒ విశ్వా॒ భువ॑నాని కే॒తునా॒ ప్ర చేర॑తే॒ ని చ॑ వి॒శన్తే॑ అ॒క్తుభి॑: |
అ॒నా॒గా॒స్త్వేన॑ హరికేశ సూ॒ర్యాహ్నా॑హ్నా నో॒ వస్య॑సావస్య॒సోది॑హి || 9
శం నో॑ భవ॒ చక్ష॑సా॒ శం నో॒ అహ్నా॒ శం భా॒నునా॒ శం హి॒మా శం ఘృణేన॑ |
యథా॒ శమధ్వ॒ఞ్ఛమస॑ద్దురో॒ణే తత్సూ॑ర్య॒ ద్రవి॑ణం ధేహి చి॒త్రం || 10
అ॒స్మాక॑o దేవా ఉ॒భయా॑య॒ జన్మ॑నే॒ శర్మ॑ యచ్ఛత ద్వి॒పదే॒ చతు॑ష్పదే |
అ॒దత్పిబ॑దూ॒ర్జయ॑మాన॒మాశి॑త॒o తద॒స్మే శం యోర॑ర॒పో ద॑ధాతన || 11
యద్వో॑ దేవాశ్చకృ॒మ జి॒హ్వయా॑ గు॒రు మన॑సో వా॒ ప్రయు॑తీ దేవ॒హేళ॑నం |
అరా॑వా॒ యో నో॑ అ॒భి దు॑చ్ఛునా॒యతే॒ తస్మి॒న్తదేనో॑ వసవో॒ ని ధే॑తన || 12

ఆదిత్యః ప్రథమం నామం ద్వితీయం తు దివాకరః |
తృతీయం భాస్కరః ప్రోక్తం చతుర్థం తు ప్రభాకరః || 1 ||
పంచమం తు సహస్రాంశుః షష్ఠం చైవ త్రిలోచనః |
సప్తమం హరిదశ్వశ్చ అష్టమం తు విభావసుః || 2 ||
నవమం దినకృత్ ప్రోక్తం దశమం ద్వాదశాత్మకః |
ఏకాదశం త్రయీమూర్తిర్ద్వాదశం సూర్య ఏవ చ || 3 ||
ద్వాదశాదిత్యనామాని ప్రాతః కాలే పఠేన్నరః |
దుఃస్వప్నో నశ్యతే తస్య సర్వదుఃఖం చ నశ్యతి || 4 ||
దద్రుకుష్ఠహరం చైవ దారిద్ర్యం హరతే ధ్రువం |
సర్వతీర్థకరం చైవ సర్వకామఫలప్రదం || 5 ||
యః పఠేత్ ప్రాతరుత్థాయ భక్త్యా స్తోత్రమిదం నరః |
సౌఖ్యమాయుస్తథారోగ్యం లభతే మోక్షమేవ చ || 6 ||
ఇతి శ్రీ ఆదిత్య ద్వాదశనామ స్తోత్రం |

ఓం ఆదిత్యాయ నమః |
ఓం దివాకరాయ నమః |
ఓం భాస్కరాయ నమః |
ఓం ప్రభాకరాయ నమః |
ఓం సహస్రాంశవే నమః |
ఓం త్రిలోచనాయ నమః || 6 ||
ఓం హరిదశ్వాయ నమః |
ఓం విభావసవే నమః |
ఓం దినకృతే నమః |
ఓం ద్వాదశాత్మకాయ నమః |
ఓం త్రిమూర్తయే నమః |
ఓం సూర్యాయ నమః || 12 ||

పునః సంకల్పం –
పూర్వోక్త ఏవం గుణవిశేషణ విశిష్టాయాం శుభ తిథౌ, మమ శరీరే వర్తమాన వర్తిష్యమాన వాత పిత్త కఫోద్భవ నానా కారణ జనిత జ్వర క్షయ పాండు కుష్ఠ శూలాఽతిసార ధాతుక్షయ వ్రణ మేహ భగందరాది సమస్త రోగ నివారణార్థం, భూత బ్రహ్మ హత్యాది సమస్త పాప నివృత్త్యర్థం, క్షిప్రమేవ శరీరారోగ్య సిద్ధ్యర్థం, హరిహరబ్రహ్మాత్మకస్య, మిత్రాది ద్వాదశనామాధిపస్య, అరుణాది ద్వాదశ మాసాధిపస్య, ద్వాదశావరణ సహితస్య, త్రయీమూర్తేర్భగవతః శ్రీ ఉషాపద్మినీఛాయా సమేత శ్రీ సూర్యనారాయణ స్వామి పరబ్రహ్మణః ప్రసాద సిద్ధ్యర్థం, శ్రీ సూర్యనారాయణ స్వామి దేవతాం ఉద్దిశ్య, సంభవద్భిః ద్రవ్యైః, సంభవిత నియమేన, సంభవిత ప్రకారేణ పురుషసూక్త విధానేన యావచ్ఛక్తి ధ్యాన ఆవాహనాది షోడశోపచార పూజాం కరిష్యే ||
అస్మిన్ బింబే సపరివార సమేత పద్మినీ ఉషా ఛాయా సమేత శ్రీ సవితృ సూర్యనారాయణ స్వామినం ఆవాహయామి స్థాపయామి పూజయామి ||
ప్రాణప్రతిష్ఠ –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో” ధేహి॒ భోగ”ం |
జ్యోక్ప॑శ్యేమ॒ సూర్య॑ము॒చ్చర”న్త॒
మను॑మతే మృ॒డయా” నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||
ఆవాహితో భవ స్థాపితో భవ |
సుప్రసన్నో భవ వరదో భవ |
ధ్యానం –
ధ్యేయఃసదా సవితృమండలమధ్యవర్తీ
నారాయణస్సరసిజాసన సన్నివిష్టః |
కేయూరవాన్ మకరకుండలవాన్ కిరీటీ
హారీ హిరణ్మయవపుః ధృతశంఖచక్రః || 1 ||
అరుణోఽరుణపంకజే నిషణ్ణః
కమలేఽభీతివరౌ కరైర్దధానః |
స్వరుచాహిత మండలస్త్రినేత్రో
రవిరాకల్ప శతాకులోఽవతాన్నః || 2 ||
పద్మాసనః పద్మకరః పద్మగర్భసమద్యుతిః |
సప్తాశ్వః సప్తరజ్జుశ్చ ద్విభుజః స్యాత్ సదా రవిః || 3 ||
ఓం శ్రీ సూర్యనారాయణాయ నమః ధ్యాయామి |
ఆవాహనం –
స॒హస్ర॑శీర్షా॒ పురు॑షః |
స॒హ॒స్రా॒క్షః స॒హస్ర॑పాత్ |
స భూమి॑o వి॒శ్వతో॑ వృ॒త్వా |
అత్య॑తిష్ఠద్దశాఙ్గు॒లం |
ఆగచ్ఛ భగవన్ సూర్య మండపే చ స్థిరో భవ |
యావత్పూజా సమాప్యేత తావత్త్వం సన్నిధౌ భవ ||
ఓం శ్రీ సూర్యనారాయణాయ నమః ఆవాహయామి |
ఆసనం –
పురు॑ష ఏ॒వేదగ్ం సర్వం” |
యద్భూ॒తం యచ్చ॒ భవ్యం” |
ఉ॒తామృ॑త॒త్వస్యేశా॑నః |
య॒దన్నే॑నాతి॒రోహ॑తి |
హేమాసన మహద్దివ్యం నానారత్నవిభూషితం |
దత్తం మే గృహ్యతాం దేవ దివాకర నమోఽస్తు తే ||
ఓం శ్రీ సూర్యనారాయణాయ నమః నవరత్నఖచిత సువర్ణ సింహాసనం సమర్పయామి |
పాద్యం –
ఏ॒తావా॑నస్య మహి॒మా |
అతో॒ జ్యాయాగ్॑శ్చ॒ పూరు॑షః |
పాదో”ఽస్య॒ విశ్వా॑ భూ॒తాని॑ |
త్రి॒పాద॑స్యా॒మృత॑o ది॒వి |
గంగాజల సమానీతం పరమం పావనం మహత్ |
పాద్యం గృహాణ దేవేశ ధామరూప నమోఽస్తు తే ||
ఓం శ్రీ సూర్యనారాయణాయ నమః పాదయోః పాద్యం సమర్పయామి |
అర్ఘ్యం –
త్రి॒పాదూ॒ర్ధ్వ ఉదై॒త్పురు॑షః |
పాదో”ఽస్యే॒హాఽఽభ॑వా॒త్పున॑: |
తతో॒ విష్వ॒ఙ్వ్య॑క్రామత్ |
సా॒శ॒నా॒న॒శ॒నే అ॒భి |
భో సూర్య మహాద్భుత బ్రహ్మవిష్ణుస్వరూపదృక్ |
అర్ఘ్యం అంజలినా దత్తం గృహాణ పరమేశ్వర ||
ఓం శ్రీ సూర్యనారాయణాయ నమః హస్తయోః అర్ఘ్యం సమర్పయామి |
ఆచమనీయం –
తస్మా”ద్వి॒రాడ॑జాయత |
వి॒రాజో॒ అధి॒ పూరు॑షః |
స జా॒తో అత్య॑రిచ్యత |
ప॒శ్చాద్భూమి॒మథో॑ పు॒రః |
గంగాదితీర్థజం తోయం జాతీపుష్పైశ్చ వాసితం |
తాంరపాత్రే స్థితం దివ్యం గృహాణాచమనీయకం ||
ఓం శ్రీ సూర్యనారాయణాయ నమః ముఖే ఆచమనీయం సమర్పయామి |
పంచామృత స్నానం –
క్షీరం దధి ఘృతం చైవ మధుశర్కరయాన్వితం |
పంచామృతం గృహాణేదం జగన్నాథ నమోఽస్తు తే ||
గోక్షీరేణ సమర్పయామి దధినా క్షౌద్రేణ గో సర్పిషా
స్నానం శర్కరయా తవాహ మధునా శ్రీ నారికేళోదకైః |
స్వచ్ఛైశ్చేక్షురసైశ్చ కల్పితమిదం తత్త్వం గృహాణార్క భో
అజ్ఞానాంధ తమిస్రహన్ హృది భజే శ్రీ సూర్యనారాయణం ||
ఓం శ్రీ సూర్యనారాయణాయ నమః పంచామృత స్నానం సమర్పయామి |
శుద్ధోదక స్నానం –
యత్పురు॑షేణ హ॒విషా” |
దే॒వా య॒జ్ఞమత॑న్వత |
వ॒స॒న్తో అ॑స్యాసీ॒దాజ్యం” |
గ్రీ॒ష్మ ఇ॒ధ్మశ్శ॒రద్ధ॒విః |
గంగా గోదావరీ చైవ యమునా చ సరస్వతీ |
నర్మదా సింధుః కావేరీ తాభ్యం స్నానార్థమాహృతం |
ఓం శ్రీ సూర్యనారాయణాయ నమః శుద్ధోదక స్నానం సమర్పయామి |
స్నానానంతరం శుద్ధ ఆచమనీయం సమర్పయామి |
వస్త్రం –
స॒ప్తాస్యా॑సన్పరి॒ధయ॑: |
త్రిః స॒ప్త స॒మిధ॑: కృ॒తాః |
దే॒వా యద్య॒జ్ఞం త॑న్వా॒నాః |
అబ॑ధ్న॒న్పురు॑షం ప॒శుం |
రక్తపట్టయుగం దేవ సూక్ష్మతంతువినిర్మితం |
శుద్ధం చైవ మయా దత్తం గృహాణ కమలాకర ||
ఓం శ్రీ సూర్యనారాయణాయ నమః వస్త్రయుగ్మం సమర్పయామి |
యజ్ఞోపవీతం –
తం య॒జ్ఞం బ॒ర్హిషి॒ ప్రౌక్షన్॑ |
పురు॑షం జా॒తమ॑గ్ర॒తః |
తేన॑ దే॒వా అయ॑జన్త |
సా॒ధ్యా ఋష॑యశ్చ॒ యే |
నమః కమలహస్తాయ విశ్వరూపాయ తే నమః |
ఉపవీతం మయా దత్తం తద్గృహాణ దివాకర ||
ఓం శ్రీ సూర్యనారాయణాయ నమః యజ్ఞోపవీతం సమర్పయామి |
గంధం –
తస్మా”ద్య॒జ్ఞాత్స॑ర్వ॒హుత॑: |
సంభృ॑తం పృషదా॒జ్యం |
ప॒శూగ్‍స్తాగ్‍శ్చ॑క్రే వాయ॒వ్యాన్॑ |
ఆ॒ర॒ణ్యాన్గ్రా॒ంయాశ్చ॒ యే |
కుంకుమాగురుకస్తూరీ సుగంధోశ్చందనాదిభిః |
రక్తచందనసంయుక్తం గంధం గృహ్ణీష్వ భాస్కర ||
ఓం శ్రీ సూర్యనారాయణాయ నమః దివ్య శ్రీ చందనం సమర్పయామి |
అక్షతాన్ –
తస్మా”ద్య॒జ్ఞాత్స॑ర్వ॒హుత॑: |
ఋచ॒: సామా॑ని జజ్ఞిరే |
ఛన్దాగ్॑oసి జజ్ఞిరే॒ తస్మా”త్ |
యజు॒స్తస్మా॑దజాయత |
రక్తచందనసంమిశ్రాః అక్షతాశ్చ సుశోభనాః |
మయా దత్తం గృహాణ త్వం వరదో భవ భాస్కర ||
ఓం శ్రీ సూర్యనారాయణాయ నమః అక్షతాన్ సమర్పయామి |
పుష్పాణి –
తస్మా॒దశ్వా॑ అజాయన్త |
యే కే చో॑భ॒యాద॑తః |
గావో॑ హ జజ్ఞిరే॒ తస్మా”త్ |
తస్మా”జ్జా॒తా అ॑జా॒వయ॑: |
జపాకదంబకుసుమరక్తోత్పలయుతాని చ |
పుష్పాణి గృహ్యతాం దేవ సర్వకామప్రదో భవః ||
ఓం శ్రీ సూర్యనారాయణాయ నమః నానావిధ పరిమళ పుష్పాణి సమర్పయామి |
అంగపూజా –
ఓం మిత్రాయ నమః – పాదౌ పూజయామి |
ఓం రవయే నమః – జంఘే పూజయామి |
ఓం సూర్యాయ నమః – జానునీ పూజయామి |
ఓం ఖగాయ నమః – ఊరూ పూజయామి |
ఓం హిరణ్యగర్భాయ నమః – కటిం పూజయామి |
ఓం పూష్ణే నమః – గుహ్యం పూజయామి |
ఓం మరీచయే నమః – నాభిం పూజయామి |
ఓం ఆదిత్యాయ నమః – జఠరం పూజయామి |
ఓం సవిత్రే నమః – హృదయం పూజయామి |
ఓం అర్కాయ నమః – స్తనౌ పూజయామి |
ఓం భాస్కరాయ నమః – కంఠం పూజయామి |
ఓం అర్యంణే నమః – స్కంధౌ పూజయామి |
ఓం హంసాయ నమః – హస్తౌ పూజయామి |
ఓం అహస్కరాయ నమః – ముఖౌ పూజయామి |
ఓం బ్రధ్నే నమః – నాసికాం పూజయామి |
ఓం జగదేకచక్షుషే నమః – నేత్రాణి పూజయామి |
ఓం భానవే నమః – కర్ణౌ పూజయామి |
ఓం త్రిగుణాత్మధారిణే నమః – లలాటం పూజయామి |
ఓం విరించినారాయణాయ నమః – శిరః పూజయామి |
ఓం తిమిరనాశినే నమః – సర్వాణ్యంగాని పూజయామి |
ఓం శ్రీసూర్యనారాయణాయ నమః అంగపూజాం సమర్పయామి |
ద్వాదశ నామపూజా –
ఓం ఆదిత్యాయ నమః |
ఓం దివాకరాయ నమః |
ఓం భాస్కరాయ నమః |
ఓం ప్రభాకరాయ నమః |
ఓం సహస్రాంశవే నమః |
ఓం త్రిలోచనాయ నమః |
ఓం హరిదశ్వాయ నమః |
ఓం విభావసవే నమః |
ఓం దినకరాయ నమః |
ఓం ద్వాదశాత్మకాయ నమః |
ఓం త్రిమూర్తయే నమః |
ఓం సూర్యాయ నమః || 12 ||
ధూపం –
యత్పురు॑ష॒o వ్య॑దధుః |
క॒తి॒ధా వ్య॑కల్పయన్ |
ముఖ॒o కిమ॑స్య॒ కౌ బా॒హూ |
కావూ॒రూ పాదా॑వుచ్యేతే |
దశాంగోగుగ్గులోద్భూతః కాలాగరుసమన్వితః |
ఆఘ్రేయః సర్వదేవానాం ధూపోఽయం ప్రతిగృహ్యతాం ||
ఓం శ్రీ సూర్యనారాయణాయ నమః ధూపం ఆఘ్రాపయామి |
దీపం –
బ్రా॒హ్మ॒ణో”ఽస్య॒ ముఖ॑మాసీత్ |
బా॒హూ రా॑జ॒న్య॑: కృ॒తః |
ఊ॒రూ తద॑స్య॒ యద్వైశ్య॑: |
ప॒ద్భ్యాగ్ం శూ॒ద్రో అ॑జాయత |
కార్పాసవర్తికాయుక్తం గోఘృతేన సమన్వితం |
దీపం గృహాణ దేవేశ త్రైలోక్యతిమిరాపహ ||
ఓం శ్రీ సూర్యనారాయణాయ నమః దీపం దర్శయామి |
నైవేద్యం –
చ॒న్ద్రమా॒ మన॑సో జా॒తః |
చక్షో॒: సూర్యో॑ అజాయత |
ముఖా॒దిన్ద్ర॑శ్చా॒గ్నిశ్చ॑ |
ప్రా॒ణాద్వా॒యుర॑జాయత |
పాయసం ఘృతసంయుక్తం నానా పక్వాన్నసంయుతం |
నైవేద్యం చ మయా దత్తం శాంతిం కురు జగత్పతే ||
ఓం శ్రీ సూర్యనారాయణాయ నమః నైవేద్యం సమర్పయామి |
ఓం భూర్భువ॒స్సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
ఋతుఫలం –
ఇదం ఫలం మయా దత్తం మృదులం మధురం శుచిం |
దేవార్హం స్వీకురు స్వామిన్ సంపూర్ణఫలదో భవ ||
ఓం శ్రీ సూర్యనారాయణాయ నమః ఋతుఫలం సమర్పయామి |
తాంబూలం –
నాభ్యా॑ ఆసీద॒న్తరి॑క్షం |
శీ॒ర్ష్ణో ద్యౌః సమ॑వర్తత |
ప॒ద్భ్యాం భూమి॒ర్దిశ॒: శ్రోత్రా”త్ |
తథా॑ లో॒కాగ్ం అ॑కల్పయన్ |
ఏలాలవంగకర్పూరఖదిరైశ్చ సపూగకైః |
నాగవల్లీదళైర్యుక్తం తాంబూలం ప్రతిగృహ్యతాం |
ఓం శ్రీ సూర్యనారాయణాయ నమః తాంబూలం సమర్పయామి |
నీరాజనం –
వేదా॒హమే॒తం పురు॑షం మ॒హాన్తం” |
ఆ॒ది॒త్యవ॑ర్ణం॒ తమ॑స॒స్తు పా॒రే |
సర్వా॑ణి రూ॒పాణి॑ వి॒చిత్య॒ ధీర॑: |
నామా॑ని కృ॒త్వాఽభి॒వద॒న్॒ యదాస్తే” |
పంచవర్తిసమాయుక్తం సర్వమంగళదాయకం |
నీరాజనం గృహాణేదం సర్వసౌఖ్యకరో భవః ||
ఓం శ్రీ సూర్యనారాయణాయ నమః కర్పూర నీరాజనం సమర్పయామి |
నీరాజనానంతరం శుద్ధాచమనీయం సమర్పయామి | నమస్కరోమి |
ధా॒తా పు॒రస్తా॒ద్యము॑దాజ॒హార॑ |
శ॒క్రః ప్రవి॒ద్వాన్ప్ర॒దిశ॒శ్చత॑స్రః |
తమే॒వం వి॒ద్వాన॒మృత॑ ఇ॒హ భ॑వతి |
నాన్యః పన్థా॒ అయ॑నాయ విద్యతే |
ఓం భా॒స్క॒రాయ॑ వి॒ద్మహే॑ మహద్ద్యుతిక॒రాయ॑ ధీమహి |
తన్నో॑ ఆదిత్యః ప్రచో॒దయా”త్ ||
చంపకైః శతపత్రైశ్చ కల్హారైః కరవీరకైః |
పాటలైర్బకుళైర్యుక్తం గృహాణ కుసుమాంజలిం ||
ఓం శ్రీ సూర్యనారాయణాయ నమః సువర్ణ దివ్య మంత్రపుష్పం సమర్పయామి |
ప్రదక్షిణ నమస్కారం –
యాని కాని చ పాపాని జన్మాంతరకృతాని చ
తాని తాని వినశ్యంతి ప్రదక్షిణ పదే పదే |
పాపోఽహం పాపకర్మాఽహం పాపాత్మా పాపసంభవ |
త్రాహి మాం కృపయా దేవ శరణాగతవత్సలా |
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష జనార్దన |
ఓం శ్రీ సూర్యనారాయణాయ నమః ప్రదక్షిణ నమస్కారాన్ సమర్పయామి |
సాష్టాంగ నమస్కారం –
ఉద్యన్నద్యవివస్వానారోహన్నుత్తరాం దివం దేవః |
హృద్రోగం మమ సూర్యో హరిమాణం చాఽఽశు నాశయతు ||
ఓం శ్రీ సూర్యనారాయణాయ నమః సాష్టాంగ నమస్కారాన్ సమర్పయామి |
ద్వాదశార్ఘ్యాణి –
దివాకర నమస్తుభ్యం పాపం నాశయ భాస్కర |
త్రయీమయాయ విశ్వాత్మన్ గృహాణార్ఘ్యం నమోఽస్తు తే ||
సిందూరవర్ణాయ సుమండలాయ
నమోఽస్తు వజ్రాభరణాయ తుభ్యం |
పద్మాభనేత్రాయ సుపంకజాయ
బ్రహ్మేంద్రనారాయణకారణాయ ||
సరక్తవర్ణం ససువర్ణతోయం
సకుంకుమాద్యం సకుశం సపుష్పం |
ప్రదత్తమాదాయ సహేమపాత్రం
ప్రశస్తమర్ఘ్యం భగవన్ ప్రసీద ||
ఓం మిత్రాయ నమః ఇదమర్ఘ్యం సమర్పయామి | 1
ఓం రవయే నమః ఇదమర్ఘ్యం సమర్పయామి | 2
ఓం సూర్యాయ నమః ఇదమర్ఘ్యం సమర్పయామి | 3
ఓం భానవే నమః ఇదమర్ఘ్యం సమర్పయామి | 4
ఓం ఖగాయ నమః ఇదమర్ఘ్యం సమర్పయామి | 5
ఓం పూష్ణే నమః ఇదమర్ఘ్యం సమర్పయామి | 6
ఓం హిరణ్యగర్భాయ నమః ఇదమర్ఘ్యం సమర్పయామి | 7
ఓం మరీచయే నమః ఇదమర్ఘ్యం సమర్పయామి | 8
ఓం ఆదిత్యాయ నమః ఇదమర్ఘ్యం సమర్పయామి | 9
ఓం సవిత్రే నమః ఇదమర్ఘ్యం సమర్పయామి | 10
ఓం అర్కాయ నమః ఇదమర్ఘ్యం సమర్పయామి | 11
ఓం భాస్కరాయ నమః ఇదమర్ఘ్యం సమర్పయామి || 12 ||
ప్రార్థన –
వినతాతనయో దేవః సర్వసాక్షీ జగత్పతిః |
సప్తాశ్వః సప్తరజ్జుశ్చ అరుణో మే ప్రసీదతు || 1 ||
నమః పంకజహస్తాయ నమః పంకజమాలినే
నమః పంకజనేత్రాయ భాస్కరాయ నమో నమః |
నమస్తే పద్మహస్తాయ నమస్తే వేదమూర్తయే
నమస్తే దేవదేవేశ నమస్తే సర్వకామద || 2 ||
క్షమా ప్రార్థన –
మంత్రహీనం క్రియాహీనం భక్తిహీనం జనార్దన |
యత్పూజితం మయా దేవ పరిపూర్ణం తదస్తు తే ||
అజ్ఞానాద్వా ప్రమాదాద్వా వైకల్యాత్సాధనస్య వా |
యన్న్యూనమతిరిక్తం చ తత్సర్వం క్షంతుమర్హసి ||
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే తమచ్యుతం ||
సమర్పణ –
కాయేన వాచా మనసేంద్రియైర్వా
బుద్ధ్యాత్మనా వా ప్రకృతేః స్వభావాత్ |
కరోమి యద్యత్సకలం పరస్మై
నారాయణాయేతి సమర్పయామి ||
అనేన మయా కృత పురుషసూక్త విధాన పూర్వక ధ్యాన ఆవాహనాది షోడశోపచార పూజనేన సపరివార సమేత పద్మినీ ఉషా ఛాయా సమేత శ్రీ సవితృ సూర్యనారాయణ స్వామి సుప్రీతా సుప్రసన్నా వరదా భవంతు ||
తీర్థప్రసాద గ్రహణం –
అకాలమృత్యహరణం సర్వవ్యాధినివారణం |
సమస్తపాపక్షయకరం శ్రీ సూర్యనారాయణ పాదోదకం పావనం శుభం ||
ఓం శ్రీ సూర్యనారాయణాయ నమః ప్రసాదం శిరసా గృహ్ణామి |

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ సూర్య గ్రహపీడా పరిహారార్థం సూర్య గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యకం సూర్య గ్రహస్య న్యాసపూర్వక వేదోక్త మంత్రజపం కరిష్యే ||
ఆ కృష్ణేనేత్యస్య మంత్రస్య హిరణ్యస్తూప ఋషిః విరాట్ త్రిష్టుప్ ఛందః సూర్యో దేవతా రజసేతి బీజం వర్తమాన ఇతి శక్తిః సూర్య ప్రీత్యర్థే జపే వినియోగః |
న్యాసః –
ఓం హిరణ్యస్తూప ఋషయే నమః శిరసి |
ఓం విరాట్ త్రిష్టుప్ ఛందసే నమః ముఖే |
ఓం సూర్య దేవతాయై నమః హృదయే |
ఓం రజసేతి బీజాయ నమః గుహ్యే |
ఓం వర్తమాన శక్తయే నమః పాదయోః |
ఓం సూర్య ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం ఆకృష్ణేనేతి అంగుష్ఠాభ్యాం నమః |
ఓం రజసేతి తర్జనీభ్యాం నమః |
ఓం వర్తమాన ఇతి మధ్యమాభ్యాం నమః |
ఓం నివేశయన్నమృతం మర్త్యం చేతి అనామికాభ్యాం నమః |
ఓం హిరణ్యయేన సవితా రథేనేతి కనిష్ఠికాభ్యాం నమః |
ఓం ఆదేవో యాతి భువనా విపశ్యన్నితి కరతలకరపృష్ఠాభ్యాం నమః |
హృదయాదిన్యాసః –
ఓం ఆకృష్ణేనేతి హృదయాయ నమః |
ఓం రజసేతి శిరసే స్వాహా |
ఓం వర్తమాన ఇతి శిఖాయై వషట్ |
ఓం నివేశయన్నమృతం మర్త్యం చేతి కవచాయ హుం |
ఓం హిరణ్యయేన సవితా రథేనేతి నేత్రత్రయాయ వౌషట్ |
ఓం ఆదేవో యాతి భువనా విపశ్యన్నితి అస్త్రాయ ఫట్ |
ధ్యానం –
పద్మాసనః పద్మకరో ద్విబాహుః
పద్మద్యుతిః సప్తతురంగవాహః |
దివాకరో లోకగురుః కిరీటీ
మయి ప్రసాదం విదధాతు దేవః ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
(య.వే.33-43)
ఓం ఆ కృ॒ష్ణేన॒ రజ॑సా॒ వర్త॑మానో నివే॒శయ॑న్న॒మృత॒o మర్త్య॑o చ |
హి॒ర॒ణ్యయే॑న సవి॒తా రథే॒నా దే॒వో యా॑తి॒ భువ॑నాని॒ పశ్య॑న్ ||
ఓం సూర్యాయ నమః |
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత సూర్య గ్రహస్య మంత్ర జపేన సూర్య సుప్రీతో సుప్రసన్నో వరదో భవంతు |

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్టాయాం శుభతిథౌ మమ సూర్య గ్రహపీడాపరిహారార్థం సూర్య గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం సూర్య గ్రహస్య బీజమంత్ర జపం కరిష్యే ||
ధ్యానం –
పద్మాసనః పద్మకరో ద్విబాహుః
పద్మద్యుతిః సప్తతురంగవాహః |
దివాకరో లోకగురుః కిరీటీ
మయి ప్రసాదం విదధాతు దేవః ||
జపాకుసుమసంకాశం కాశ్యపేయం మహాద్యుతిం |
తమోఽరిం సర్వపాపఘ్నం ప్రణతోఽస్మి దివాకరం ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం హ్రాం హ్రీం హ్రౌం సః సూర్యాయ నమః | (7000)
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత సూర్య గ్రహస్య మంత్రజపేన సూర్య గ్రహదేవతా సుప్రీతో సుప్రసన్నో వరదో భవంతు |

ఆచంయ | ప్రాణానాయంయ | దేశకాలౌ సంకీర్త్య | గణపతి పూజాం కృత్వా |
సంకల్పః –
పూర్వోక్త ఏవం గుణవిశేషణ విశిష్టాయాం శుభతిథౌ శ్రుతి స్మృతి పురాణోక్త ఫలప్రాప్త్యర్థం శ్రీసవితృసూర్యనారాయణ ప్రీత్యర్థం భవిష్యోత్తరపురాణోక్త తృచకల్పవిధినా ఏకావృత్త్యా నమస్కారాఖ్యం కర్మ కరిష్యే ||
ధ్యానం –
ధ్యేయః సదా సవితృమండలమధ్యవర్తీ
నారాయణః సరసిజాసనసన్నివిష్టః |
కేయూరవాన్ మకరకుండలవాన్ కిరీటీ
హారీ హిరణ్మయవపుర్ధృతశంఖచక్రః ||
ఉరసా శిరసా దృష్ట్యా మనసా వచసా తథా |
పద్భ్యాం కరాభ్యాం కర్ణాభ్యం ప్రణామోఽష్టాంగ ఉచ్యతే ||
ఓం భూర్భువ॒స్సువ॑: | ఓం హ్రాం ఉ॒ద్యన్న॒ద్య మి॑త్రమహః హ్రాం ఓం | మిత్రాయ నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 1 ||
ఓం భూర్భువ॒స్సువ॑: | ఓం హ్రీం ఆ॒రోహ॒న్నుత్త॑రా॒o దివ”ం హ్రీం ఓం | రవయే నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 2 ||
ఓం భూర్భువ॒స్సువ॑: | ఓం హ్రూం హృ॒ద్రో॒గం మమ॑ సూర్య హ్రూం ఓం | సూర్యాయ నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 3 ||
ఓం భూర్భువ॒స్సువ॑: | ఓం హ్రైం హరి॒మాణ”o చ నాశయ హ్రైం ఓం | భానవే నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 4 ||
ఓం భూర్భువ॒స్సువ॑: | ఓం హ్రౌం శుకే”షు మే హరి॒మాణ”o హ్రౌం ఓం | ఖగాయ నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 5 ||
ఓం భూర్భువ॒స్సువ॑: | ఓం హ్రః రోప॒ణాకా”సు దధ్మసి హ్రః ఓం | పూష్ణే నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 6 ||
ఓం భూర్భువ॒స్సువ॑: | ఓం హ్రాం అథో” హారిద్ర॒వేషు॑ మే హ్రాం ఓం | హిరణ్యగర్భాయ నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 7 ||
ఓం భూర్భువ॒స్సువ॑: | ఓం హ్రీం హరి॒మాణ॒o నిద॑ధ్మసి హ్రీం ఓం | మరీచయే నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 8 ||
ఓం భూర్భువ॒స్సువ॑: | ఓం హ్రూం ఉద॑గాద॒యమా”ది॒త్యః హ్రూం ఓం | ఆదిత్యాయ నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 9 ||
ఓం భూర్భువ॒స్సువ॑: | ఓం హ్రైం విశ్వే”న॒ సహ॑సా స॒హ హ్రైం ఓం | సవిత్రే నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 10 ||
ఓం భూర్భువ॒స్సువ॑: | ఓం హ్రౌం ద్వి॒షన్త॒o మహ్య”o ర॒న్ధయ॒న్న్॑ హ్రౌం ఓం | అర్కాయ నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 11 ||
ఓం భూర్భువ॒స్సువ॑: | ఓం హ్రః మో అ॒హం ద్వి॑ష॒తే ర॑ధం హ్రః ఓం | భాస్కరాయ నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 12 ||
ఓం భూర్భువ॒స్సువ॑: | ఓం హ్రాం హ్రీం ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రా॒o దివ”ం హ్రాం హ్రీం ఓం | మిత్రరవిభ్యాం నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 13 ||
ఓం భూర్భువ॒స్సువ॑: | ఓం హ్రూం హైం హృ॒ద్రో॒గం మమ॑ సూర్య హరి॒మాణ”o చ నాశయ హ్రూం హ్రైం ఓం | సూర్యభానుభ్యాం నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 14 ||
ఓం భూర్భువ॒స్సువ॑: | ఓం హ్రౌం హ్రః శుకే”షు మే హరి॒మాణ”o రోప॒ణాకా”సు దధ్మసి హ్రౌం హ్రః ఓం | ఖగపూషభ్యాం నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 15 ||
ఓం భూర్భువ॒స్సువ॑: | ఓం హ్రాం హ్రీం అథో” హారిద్ర॒వేషు॑ మే హరి॒మాణ॒o ని ద॑ధ్మసి హ్రాం హ్రీం ఓం | హిరణ్యగర్భమరీచిభ్యాం నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 16 ||
ఓం భూర్భువ॒స్సువ॑: | ఓం హ్రూం హ్రైం ఉద॑గాద॒యమా”ది॒త్యో విశ్వే”న॒ సహ॑సా స॒హ హ్రూం హ్రైం ఓం | ఆదిత్యసవితృభ్యాం నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 17 ||
ఓం భూర్భువ॒స్సువ॑: | ఓం హ్రౌం హ్రః ద్వి॒షన్త॒o మహ్య”o ర॒న్ధయ॒న్మో అ॒హం ద్వి॑ష॒తే ర॑ధం హ్రౌం హ్రః ఓం | అర్కభాస్కరాభ్యాం నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 18 ||
ఓం భూర్భువ॒స్సువ॑: | ఓం హ్రాం హ్రీం హ్రూం హ్రైం ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రా॒o దివ”ం | హృ॒ద్రో॒గం మమ॑ సూర్య హరి॒మాణ”o చ నాశయ | హ్రాం హ్రీం హ్రూం హ్రైం ఓం | మిత్రరవిసూర్యభానుభ్యో నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 19 ||
ఓం భూర్భువ॒స్సువ॑: | ఓం హ్రౌం హ్రః హ్రాం హ్రీం శుకే”షు మే హరి॒మాణ”o రోప॒ణాకా”సు దధ్మసి | అథో” హారిద్ర॒వేషు॑ మే హరి॒మాణ॒o ని ద॑ధ్మసి | హ్రౌం హ్రః హ్రాం హ్రీం ఓం | ఖగపూషహిరణ్యగర్భమరీచిభ్యో నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 20 ||
ఓం భూర్భువ॒స్సువ॑: | ఓం హ్రూం హ్రైం హ్రౌం హ్రః ఉద॑గాద॒యమా”ది॒త్యో విశ్వే”న॒ సహ॑సా స॒హ | ద్వి॒షన్త॒o మహ్య”o ర॒న్ధయ॒న్మో అ॒హం ద్వి॑ష॒తే ర॑ధం | హ్రూం హ్రైం హ్రౌం హ్రః ఓం | ఆదిత్యసవిత్రర్కభాస్కరేభ్యో నమః | శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 21 ||
ఓం భూర్భువ॒స్సువ॑: | ఓం హ్రాం హ్రీం హ్రూం హ్రైం హ్రౌం హ్రః హ్రాం హ్రీం హ్రూం హ్రైం హ్రౌం హ్రః
ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రా॒o దివ”ం |
హృ॒ద్రో॒గం మమ॑ సూర్య హరి॒మాణ”o చ నాశయ |
శుకే”షు మే హరి॒మాణ”o రోప॒ణాకా”సు దధ్మసి |
అథో” హారిద్ర॒వేషు॑ మే హరి॒మాణ॒o ని ద॑ధ్మసి |
ఉద॑గాద॒యమా”ది॒త్యో విశ్వే”న॒ సహ॑సా స॒హ |
ద్వి॒షన్త॒o మహ్య”o ర॒న్ధయ॒న్మో అ॒హం ద్వి॑ష॒తే ర॑ధం |
హ్రాం హ్రీం హ్రూం హ్రైం హ్రౌం హ్రః హ్రాం హ్రీం హ్రూం హ్రైం హ్రౌం హ్రః ఓం | మిత్ర రవి సూర్య భాను ఖగ పూష హిరణ్యగర్భ మరీచ్యాదిత్యసవిత్రర్క భాస్కరేభ్యో నమః |
శ్రీసవితృసూర్యనారాయణ పరబ్రహ్మణే నమః సాష్టాంగ నమస్కారాన్ సమర్పయామి || 22, 23, 24 || (ఇతి త్రిః)
అనేన మయా కృత తృచాకల్పనమస్కారేణ భగవాన్ సర్వాత్మకః శ్రీపద్మినీ ఉషా ఛాయా సమేత శ్రీసవితృసూర్యనారాయణ సుప్రీతో సుప్రసన్నో భవంతు ||

ఆచంయ | ప్రాణానాయంయ | దేశకాలౌ సంకీర్త్య | గణపతి పూజాం కృత్వా |
సంకల్పః –
పూర్వోక్త ఏవం గుణవిశేషణ విశిష్టాయాం శుభతిథౌ శ్రుతి స్మృతి పురాణోక్త ఫలప్రాప్త్యర్థం శ్రీసవితృసూర్యనారాయణ ప్రీత్యర్థం భవిష్యోత్తరపురాణోక్త తృచార్ఘ్య పూర్వక ప్రసన్నార్ఘ్యప్రదానాని చ కరిష్యే |
ధ్యానం –
ధ్యేయః సదా సవితృమండలమధ్యవర్తీ
నారాయణః సరసిజాసనసన్నివిష్టః |
కేయూరవాన్ మకరకుండలవాన్ కిరీటీ
హారీ హిరణ్మయవపుర్ధృతశంఖచక్రః ||
ఓం భూర్భువ॒స్సువ॑: | ఓం హ్రాం ఉ॒ద్యన్న॒ద్య మి॑త్రమహః హ్రాం ఓం | మిత్రాయ నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 1 ||
ఓం భూర్భువ॒స్సువ॑: | ఓం హ్రీం ఆ॒రోహ॒న్నుత్త॑రా॒o దివ”ం హ్రీం ఓం | రవయే నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 2 ||
ఓం భూర్భువ॒స్సువ॑: | ఓం హ్రూం హృ॒ద్రో॒గం మమ॑ సూర్య హ్రూం ఓం | సూర్యాయ నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 3 ||
ఓం భూర్భువ॒స్సువ॑: | ఓం హ్రైం హరి॒మాణ”o చ నాశయ హ్రైం ఓం | భానవే నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 4 ||
ఓం భూర్భువ॒స్సువ॑: | ఓం హ్రౌం శుకే”షు మే హరి॒మాణ”o హ్రౌం ఓం | ఖగాయ నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 5 ||
ఓం భూర్భువ॒స్సువ॑: | ఓం హ్రః రోప॒ణాకా”సు దధ్మసి హ్రః ఓం | పూష్ణే నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 6 ||
ఓం భూర్భువ॒స్సువ॑: | ఓం హ్రాం అథో” హారిద్ర॒వేషు॑ మే హ్రాం ఓం | హిరణ్యగర్భాయ నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 7 ||
ఓం భూర్భువ॒స్సువ॑: | ఓం హ్రీం హరి॒మాణ॒o నిద॑ధ్మసి హ్రీం ఓం | మరీచయే నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 8 ||
ఓం భూర్భువ॒స్సువ॑: | ఓం హ్రూం ఉద॑గాద॒యమా”ది॒త్యః హ్రూం ఓం | ఆదిత్యాయ నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 9 ||
ఓం భూర్భువ॒స్సువ॑: | ఓం హ్రైం విశ్వే”న॒ సహ॑సా స॒హ హ్రైం ఓం | సవిత్రే నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 10 ||
ఓం భూర్భువ॒స్సువ॑: | ఓం హ్రౌం ద్వి॒షన్త॒o మహ్య”o ర॒న్ధయ॒న్న్॑ హ్రౌం ఓం | అర్కాయ నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 11 ||
ఓం భూర్భువ॒స్సువ॑: | ఓం హ్రః మో అ॒హం ద్వి॑ష॒తే ర॑ధం హ్రః ఓం | భాస్కరాయ నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 12 ||
ఓం భూర్భువ॒స్సువ॑: | ఓం హ్రాం హ్రీం ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రా॒o దివ”ం హ్రాం హ్రీం ఓం | మిత్రరవిభ్యాం నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 13 ||
ఓం భూర్భువ॒స్సువ॑: | ఓం హ్రూం హైం హృ॒ద్రో॒గం మమ॑ సూర్య హరి॒మాణ”o చ నాశయ హ్రూం హ్రైం ఓం | సూర్యభానుభ్యాం నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 14 ||
ఓం భూర్భువ॒స్సువ॑: | ఓం హ్రౌం హ్రః శుకే”షు మే హరి॒మాణ”o రోప॒ణాకా”సు దధ్మసి హ్రౌం హ్రః ఓం | ఖగపూషభ్యాం నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 15 ||
ఓం భూర్భువ॒స్సువ॑: | ఓం హ్రాం హ్రీం అథో” హారిద్ర॒వేషు॑ మే హరి॒మాణ॒o ని ద॑ధ్మసి హ్రాం హ్రీం ఓం | హిరణ్యగర్భమరీచిభ్యాం నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 16 ||
ఓం భూర్భువ॒స్సువ॑: | ఓం హ్రూం హ్రైం ఉద॑గాద॒యమా”ది॒త్యో విశ్వే”న॒ సహ॑సా స॒హ హ్రూం హ్రైం ఓం | ఆదిత్యసవితృభ్యాం నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 17 ||
ఓం భూర్భువ॒స్సువ॑: | ఓం హ్రౌం హ్రః ద్వి॒షన్త॒o మహ్య”o ర॒న్ధయ॒న్మో అ॒హం ద్వి॑ష॒తే ర॑ధం హ్రౌం హ్రః ఓం | అర్కభాస్కరాభ్యాం నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 18 ||
ఓం భూర్భువ॒స్సువ॑: | ఓం హ్రాం హ్రీం హ్రూం హ్రైం ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రా॒o దివ”ం | హృ॒ద్రో॒గం మమ॑ సూర్య హరి॒మాణ”o చ నాశయ | హ్రాం హ్రీం హ్రూం హ్రైం ఓం | మిత్రరవిసూర్యభానుభ్యో నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 19 ||
ఓం భూర్భువ॒స్సువ॑: | ఓం హ్రౌం హ్రః హ్రాం హ్రీం శుకే”షు మే హరి॒మాణ”o రోప॒ణాకా”సు దధ్మసి | అథో” హారిద్ర॒వేషు॑ మే హరి॒మాణ॒o ని ద॑ధ్మసి | హ్రౌం హ్రః హ్రాం హ్రీం ఓం | ఖగపూషహిరణ్యగర్భమరీచిభ్యో నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 20 ||
ఓం భూర్భువ॒స్సువ॑: | ఓం హ్రూం హ్రైం హ్రౌం హ్రః ఉద॑గాద॒యమా”ది॒త్యో విశ్వే”న॒ సహ॑సా స॒హ | ద్వి॒షన్త॒o మహ్య”o ర॒న్ధయ॒న్మో అ॒హం ద్వి॑ష॒తే ర॑ధం | హ్రూం హ్రైం హ్రౌం హ్రః ఓం | ఆదిత్యసవిత్రర్కభాస్కరేభ్యో నమః | శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 21 ||
ఓం భూర్భువ॒స్సువ॑: | ఓం హ్రాం హ్రీం హ్రూం హ్రైం హ్రౌం హ్రః హ్రాం హ్రీం హ్రూం హ్రైం హ్రౌం హ్రః
ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రా॒o దివ”ం |
హృ॒ద్రో॒గం మమ॑ సూర్య హరి॒మాణ”o చ నాశయ |
శుకే”షు మే హరి॒మాణ”o రోప॒ణాకా”సు దధ్మసి |
అథో” హారిద్ర॒వేషు॑ మే హరి॒మాణ॒o ని ద॑ధ్మసి |
ఉద॑గాద॒యమా”ది॒త్యో విశ్వే”న॒ సహ॑సా స॒హ |
ద్వి॒షన్త॒o మహ్య”o ర॒న్ధయ॒న్మో అ॒హం ద్వి॑ష॒తే ర॑ధం |
హ్రాం హ్రీం హ్రూం హ్రైం హ్రౌం హ్రః హ్రాం హ్రీం హ్రూం హ్రైం హ్రౌం హ్రః ఓం | మిత్ర రవి సూర్య భాను ఖగ పూష హిరణ్యగర్భ మరీచ్యాదిత్యసవిత్రర్క భాస్కరేభ్యో నమః |
శ్రీసవితృసూర్యనారాయణ పరబ్రహ్మణే నమః ఇదమర్ఘ్యం సమర్పయామి || 22, 23, 24 || (ఇతి త్రిః)
ఓం అ॒గ్నిమీ”ళే పు॒రోహి॑తం య॒జ్ఞస్య॑ దే॒వమృ॒త్విజ”ం | హోతా”రం రత్న॒ధాత॑మం ||
శ్రీసవితృసూర్యనారాయణ పరబ్రహ్మణే నమః ఋగ్వేదాత్మనే ప్రార్థన ప్రసన్నార్ఘ్యం సమర్పయామి || 1 ||
ఓం ఇ॒షే త్వో॒ర్జే త్వా॑ వా॒యవ॑: స్థోపా॒యవ॑: స్థ దే॒వో వ॑: సవి॒తా ప్రార్ప॑యతు॒ శ్రేష్ఠ॑తమాయ॒ కర్మ॑ణ॒ ఆ ప్యా॑యధ్వమఘ్నియా దేవభా॒గమూర్జ॑స్వతీ॒: పయ॑స్వతీః ప్ర॒జావ॑తీరనమీ॒వా అ॑య॒క్ష్మాః మా వ॑: స్తే॒న ఈ॑శత॒ మాఽఘశగ్॑oసో రు॒ద్రస్య॑ హే॒తిః పరి॑ వో వృణక్తు ధ్రు॒వా అ॒స్మిన్ గోప॑తౌ స్యాత బ॒హ్వీర్యజ॑మానస్య ప॒శూన్ పా॑హి ||
శ్రీసవితృసూర్యనారాయణ పరబ్రహ్మణే నమః యజుర్వేదాత్మనే ప్రార్థన ప్రసన్నార్ఘ్యం సమర్పయామి || 2 ||
ఓం అగ్న॒ ఆ యా”హి వీ॒తయే” గృణా॒నో హ॒వ్యదా”తయే | ని హోతా” సత్సి బ॒ర్హిషి॑ ||
శ్రీసవితృసూర్యనారాయణ పరబ్రహ్మణే నమః సామవేదాత్మనే ప్రార్థన ప్రసన్నార్ఘ్యం సమర్పయామి || 3 ||
ఓం శం నో॑ దే॒వీర॒భిష్ట॑య॒ ఆపో॑ భవన్తు పీ॒తయే” | శం యోర॒భిస్ర॑వన్తు నః ||
శ్రీసవితృసూర్యనారాయణ పరబ్రహ్మణే నమః అథర్వవేదాత్మనే ప్రార్థన ప్రసన్నార్ఘ్యం సమర్పయామి || 4 ||
ఓం స॒హ నా॑వవతు | స॒హ నౌ॑ భునక్తు | స॒హ వీ॒ర్య॑o కరవావహై |
తే॒జ॒స్వినా॒వధీ॑తమస్తు॒ మా వి॑ద్విషా॒వహై” ||
శ్రీసవితృసూర్యనారాయణ పరబ్రహ్మణే నమః ఉపనిషదాత్మనే ప్రార్థన ప్రసన్నార్ఘ్యం సమర్పయామి || 5 ||
ఓం ఆ స॒త్యేన॒ రజ॑సా॒ వర్త॑మానో నివే॒శయ॑న్న॒మృత॒o మర్త్య॑ఞ్చ |
హి॒ర॒ణ్యయే॑న సవి॒తా రథే॒నాఽఽదే॒వో యా॑తి॒ భువ॑నా వి॒పశ్యన్॑ ||
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 6 ||
ఓం ఉదు॒ త్యం జా॒తవే”దసం దే॒వం వ॑హన్తి కే॒తవ॑: | దృ॒శే విశ్వా”య॒ సూర్య”ం |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 7 ||
ఓం ఉద్వ॒యం తమ॑స॒స్పరి॒ జ్యోతి॒ష్పశ్య”న్త॒ ఉత్త॑రం |
దే॒వం దే”వ॒త్రా సూర్య॒మగ”న్మ॒ జ్యోతి॑రుత్త॒మం |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 8 ||
ఓం చి॒త్రం దే॒వానా॒ముద॑గా॒దనీ”క॒o చక్షు”ర్మి॒త్రస్య॒ వరు॑ణస్యా॒గ్నేః |
ఆప్రా॒ ద్యావా”పృథి॒వీ అ॒న్తరి॑క్ష॒o సూర్య॑ ఆ॒త్మా జగ॑తస్త॒స్థుష॑శ్చ |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 9 ||
ఓం హ॒oసః శు॑చి॒షద్వసు॑రన్తరిక్ష॒సద్ధోతా” వేది॒షదతి॑థిర్దురోణ॒సత్ |
నృ॒షద్వ॑ర॒సదృ॑త॒సద్వ్యో”మ॒సద॒బ్జా గో॒జా ఋ॑త॒జా అ॑ద్రి॒జా ఋ॒తం |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 10 ||
ఓం స॒వి॒తా ప॒శ్చాతా”త్సవి॒తా పు॒రస్తా”త్సవి॒తోత్త॒రాత్తా”త్సవి॒తాధ॒రాత్తా”త్ |
స॒వి॒తా న॑: సువతు స॒ర్వతా”తిం సవి॒తా నో” రాసతాం దీ॒ర్ఘమాయు॑: |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 11 ||
ఓం ఆ॒ది॒త్యో వా ఏ॒ష ఏ॒తన్మ॒ణ్డల॒o తప॑తి॒ తత్ర॒ తా ఋచ॒స్తదృ॒చా మ॑ణ్డల॒గ్॒o స ఋ॒చాం లో॒కోఽథ॒ య ఏ॒ష ఏ॒తస్మి॑న్మ॒ణ్డలే॒ఽర్చిర్దీ॒ప్యతే॒ తాని॒ సామా॑ని॒ స సా॒ంనాం లో॒కోఽథ॒ య ఏ॒ష ఏ॒తస్మి॑న్మ॒ణ్డలే॒ఽర్చిషి॒ పురు॑ష॒స్తాని॒ యజూగ్॑oషి॒ స యజు॑షా మణ్డల॒గ్॒o స యజు॑షాం లో॒కః సైషా త్ర॒య్యేవ॑ వి॒ద్యా త॑పతి॒ య ఏ॒షో”ఽన్తరా॑ది॒త్యే హి॑ర॒ణ్మయ॒: పురు॑షః |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 12 ||
ఓం ఆ॒ది॒త్యో వై తేజ॒ ఓజో॒ బల॒o యశ॒శ్చక్షు॒: శ్రోత్ర॑మా॒త్మా మనో॑ మ॒న్యుర్మను॑ర్మృ॒త్యుః
స॒త్యో మి॒త్రో వా॒యురా॑కా॒శః ప్రా॒ణో లో॑కపా॒లః కః కిం కం తత్స॒త్యమన్న॑మ॒మృతో॑
జీ॒వో విశ్వ॑: కత॒మః స్వయ॒ంభు బ్రహ్మై॒తదమృ॑త ఏ॒ష పురు॑ష ఏ॒ష భూ॒తానా॒మధి॑పతి॒ర్బ్రహ్మ॑ణ॒: సాయు॑జ్యగ్ం సలో॒కతా॑మాప్నోత్యే॒తాసా॑మే॒వ
దే॒వతా॑నా॒గ్ం సాయు॑జ్యగ్ం సా॒ర్ష్టితాగ్॑o సమానలో॒కతా॑మాప్నోతి॒ య ఏ॒వం వేదే”త్యుప॒నిషత్ |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 13 ||
ఓం ఘృణి॒: సూర్య॑ ఆది॒త్యో న ప్రభా॑ వా॒త్యక్ష॑రం | మధు॑ క్షరన్తి॒ తద్ర॑సం |
స॒త్యం వై తద్రస॒మాపో॒ జ్యోతీ॒ రసో॒ఽమృత॒o బ్రహ్మ॒ భూర్భువ॒స్సువ॒రోం |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 14 ||
ఓం భా॒స్క॒రాయ॑ వి॒ద్మహే॑ మహద్ద్యుతిక॒రాయ॑ ధీమహి | తన్నో॑ ఆదిత్యః ప్రచో॒దయా”త్ |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 15 ||
ఓం ఆ॒ది॒త్యాయ॑ వి॒ద్మహే॑ సహస్రక॒రాయ॑ ధీమహి | తన్న॑: సూర్యః ప్రచో॒దయా”త్ |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 16 ||
ఓం హ॒oస॒ హ॒oసాయ॑ వి॒ద్మహే॑ పరమహ॒oసాయ॑ ధీమహి | తన్నో॑ హంసః ప్రచో॒దయా”త్ |
శ్రీసవితృసూర్యనారాయణ పరబ్రహ్మణే నమః ప్రార్థన ప్రసన్నార్ఘ్యం సమర్పయామి || 17 ||
అనేన తృచార్ఘ్యపూర్వక ప్రార్థన ప్రసన్నార్ఘ్యప్రదానైశ్చ భగవాన్ సర్వాత్మకః శ్రీపద్మినీ ఉషా ఛాయా సమేత శ్రీసవితృసూర్యనారాయణ సుప్రీతో సుప్రసన్నో భవంతు ||

శ్రీ సూర్యనారాయణా! వేదపారాయణా! లోకరక్షామణీ! దైవ చూడామణీ! ||
ఆత్మరక్షా నమః పాపశిక్షా నమో విశ్వకర్తా నమో విశ్వభర్తా నమో దేవతా చక్రవర్తీ పరబ్రహ్మమూర్తీ త్రిలోకైకనాథాధినాథా మహాభూతప్రేతంబులున్ నీవయై బ్రోవుమెల్లప్పుడున్ భాస్కరాఽహస్కరా ||
పద్మినీవల్లభా వల్లకీగానలోలా త్రిమూర్తిస్వరూపా విరూపాక్షనేత్రా మహాదివ్యగాత్రా అచింత్యావతారా నిరాకార ధీరా పరాకయ్య ఓయయ్య దుర్దాంత నిర్ధూత తాపత్రయాభీల దావాగ్ని రుద్రా తనూద్భూత నిస్సార గంభీర సంభావితానేక కామాద్యనీకంబులన్ దాకి యేకాకినై చిక్కి యేదిక్కునున్ గానగా లేక యున్నాడ నీ వాడనో తండ్రీ ||
జేగీయమానా కటాక్షంబునన్ నన్ గృపాదృష్టి వీక్షించి రక్షించు వేగన్ మునీంద్రాదివంద్యా జగన్నేత్రమూర్తీ ప్రచండస్వరూపుండవై యుండి చండాంశు సారధ్యమన్ గొంటి నాకుంటి యశ్వంబు లేడింటి చక్రంబులున్ దాల్చి త్రోలంగ మార్తాండ రూపుండవై చెండవా రాక్షసాధీశులన్ కాంచి కర్మానుసారాగ్ర దోషంబులన్ ద్రుంచి కీర్తి ప్రతాపంబులన్ మించి నీ దాసులన్ గాంచి యిష్టార్థముల్ కూర్తువో ||
దృష్టివేల్పా మహాపాప కర్మాలకున్నాలయంబైన యీ దేహభారంబ భారంబుగానీక శూరోత్తమా ఒప్పులన్ తప్పులన్ నేరముల్ మాని పాలింపవే సహస్రాంశుండవైనట్టి నీ కీర్తి కీర్తింపనే నేర్తునా ద్వాదశాత్మా దయాళుత్వమున్ తత్త్వమున్ జూపి నా ఆత్మ భేదంబులన్ బాపి పోషింప నీవంతు నిన్నున్ బ్రశంసింప నా వంతు ఆశేషభాషాధిపుల్ గానగా లేరు నీ దివ్యరూప ప్రభావంబు కానంగ నేనంత ఎల్లప్పుడున్ స్వల్పజీవుండనౌదున్ మహాకష్టుడన్ నిష్టయున్ లేదు నీ పాదపద్మంబులే సాక్షి దుశ్చింతలన్ బాపి నిశ్చింతుగన్ చేయవే కామితార్థప్రదా ||
శ్రీమహాదైవరాయా పరావస్తులైనట్టి మూడక్షరాలన్ స్వరూపంబు నీ దండకంబింమహిన్ వ్రాయ కీర్తించి విన్నన్ మహాజన్మ జన్మాంతర వ్యాధి దారిద్ర్యముల్ పోయి కాంయార్థముల్ కొంగు బంగారు తంగేడు జున్నై ఫలించున్ మహాదేవ దేవా నమస్తే నమస్తే నమస్తే నమః ||

దృష్ట్వైవం దేవదేవస్య రూపం భానోర్మహాత్మనః |
విస్మయోత్ఫుల్లనయనాస్తుష్టవుస్తే దివాకరం || 1 ||
కృతాంజలిపుటో భూత్వా బ్రహ్మా స్తోతుం ప్రచక్రమే |
ప్రణంయ శిరసా భానుమిదం వచనమబ్రవీత్ || 2 ||
బ్రహ్మోవాచ |
నమస్తే దేవదేవేశ సహస్రకిరణోజ్జ్వల |
లోకదీప నమస్తేఽస్తు నమస్తే కోణవల్లభ || 3 ||
భాస్కరాయ నమో నిత్యం ఖషోల్కాయ నమో నమః |
విష్ణవే కాలచక్రాయ సోమాయామితతేజసే || 4 ||
నమస్తే పంచకాలాయ ఇంద్రాయ వసురేతసే |
ఖగాయ లోకనాథాయ ఏకచక్రరథాయ చ || 5 ||
జగద్ధితాయ దేవాయ శివాయామితతేజసే |
తమోఘ్నాయ సురూపాయ తేజసాం నిధయే నమః || 6 ||
అర్థాయ కామరూపాయ ధర్మాయామితతేజసే |
మోక్షాయ మోక్షరూపాయ సూర్యాయ చ నమో నమః || 7 ||
క్రోధలోభవిహీనాయ లోకానాం స్థితిహేతవే |
శుభాయ శుభరూపాయ శుభదాయ శుభాత్మనే || 8 ||
శాంతాయ శాంతరూపాయ శాంతయేఽస్మాసు వై నమః |
నమస్తే బ్రహ్మరూపాయ బ్రాహ్మణాయ నమో నమః || 9 ||
బ్రహ్మదేవాయ బ్రహ్మరూపాయ బ్రహ్మణే పరమాత్మనే |
బ్రహ్మణే చ ప్రసాదం వై కురు దేవ జగత్పతే || 10 ||
ఏవం స్తుత్వా రవిం బ్రహ్మా శ్రద్ధయా పరయా విభో |
తూష్ణీమాసీన్మహాభాగ ప్రహృష్టేనాంతరాత్మనా || 11 ||
బ్రహ్మణోఽనంతరం రుద్రః స్తోత్రం చక్రే విభావసోః |
త్రిపురారిర్మహాతేజాః ప్రణంయ శిరసా రవిం || 12 ||
మహాదేవ ఉవాచ |
జయ భావ జయాజేయ జయ హంస దివాకర |
జయ శంభో మహాబాహో ఖగ గోచర భూధర || 13 ||
జయ లోకప్రదీపేన జయ భానో జగత్పతే |
జయ కాల జయాఽనంత సంవత్సర శుభానన || 14 ||
జయ దేవాఽదితేః పుత్ర కశ్యపానందవర్ధన |
తమోఘ్న జయ సప్తేశ జయ సప్తాశ్వవాహన || 15 ||
గ్రహేశ జయ కాంతీశ జయ కాలేశ శంకర |
అర్థకామేశ ధర్మేశ జయ మోక్షేశ శర్మద || 16 ||
జయ వేదాంగరూపాయ గ్రహరూపాయ వై గతః |
సత్యాయ సత్యరూపాయ సురూపాయ శుభాయ చ || 17 ||
క్రోధలోభవినాశాయ కామనాశాయ వై జయ |
కల్మాషపక్షిరూపాయ యతిరూపాయ శంభవే || 18 ||
విశ్వాయ విశ్వరూపాయ విశ్వకర్మాయ వై జయ |
జయోంకార వషట్కార స్వాహాకార స్వధాయ చ || 19 ||
జయాశ్వమేధరూపాయ చాగ్నిరూపార్యమాయ చ |
సంసారార్ణవపీతాయ మోక్షద్వారప్రదాయ చ || 20 ||
సంసారార్ణవమగ్నస్య మమ దేవ జగత్పతే |
హస్తావలంబనో దేవ భవ త్వం గోపతేఽద్భుత || 21 ||
ఈశోఽప్యేవమహీనాంగం స్తుత్వా భానుం ప్రయత్నతః |
విరరాజ మహారాజ ప్రణంయ శిరసా రవిం || 22 ||
అథ విష్ణుర్మహాతేజాః కృతాంజలిపుటో రవిం |
ఉవాచ రాజశార్దూల భక్త్యా శ్రద్ధాసమన్వితః || 23 ||
విష్ణురువాచ |
నమామి దేవదేవేశం భూతభావనమవ్యయం |
దివాకరం రవిం భానుం మార్తండం భాస్కరం భగం || 24 ||
ఇంద్రం విష్ణుం హరిం హంసమర్కం లోకగురుం విభుం |
త్రినేత్రం త్ర్యక్షరం త్ర్యంగం త్రిమూర్తిం త్రిగతిం శుభం || 25 ||
షణ్ముఖాయ నమో నిత్యం త్రినేత్రాయ నమో నమః |
చతుర్వింశతిపాదాయ నమో ద్వాదశపాణినే || 26 ||
నమస్తే భూతపతయే లోకానాం పతయే నమః |
దేవానాం పతయే నిత్యం వర్ణానాం పతయే నమః || 27 ||
త్వం బ్రహ్మా త్వం జగన్నాథో రుద్రస్త్వం చ ప్రజాపతిః |
త్వం సోమస్త్వం తథాదిత్యస్త్వమోంకారక ఏవ హి || 28 ||
బృహస్పతిర్బుధస్త్వం హి త్వం శుక్రస్త్వం విభావసుః |
యమస్త్వం వరుణస్త్వం హి నమస్తే కశ్యపాత్మజ || 29 ||
త్వయా తతమిదం సర్వం జగత్ స్థావరజంగమం |
త్వత్త ఏవ సముత్పన్నం సదేవాసురమానుషం || 30 ||
బ్రహ్మా చాహం చ రుద్రశ్చ సముత్పన్నా జగత్పతే |
కల్పాదౌ తు పురా దేవ స్థితయే జగతోఽనఘ || 31 ||
నమస్తే వేదరూపాయ అహ్నరూపాయ వై నమః |
నమస్తే జ్ఞానరూపాయ యజ్ఞాయ చ నమో నమః || 32 ||
ప్రసీదాస్మాసు దేవేశ భూతేశ కిరణోజ్జ్వల |
సంసారార్ణవమగ్నానాం ప్రసాదం కురు గోపతే |
వేదాంతాయ నమో నిత్యం నమో యజ్ఞకలాయ చ || 33 ||
ఇతి శ్రీభవిష్యే మహాపురాణే బ్రాహ్మేపర్వణి త్రిపంచాశదుత్తరశతతమోఽధ్యాయే త్రిదేవకృత శ్రీ రవి స్తుతిః |

త్వం దేవ ఋషికర్తా చ ప్రకృతిః పురుషః ప్రభుః |
ఛాయా సంజ్ఞా ప్రతిష్ఠాపి నిరాలంబో నిరాశ్రయః || 1 ||
ఆశ్రయః సర్వభూతానాం నమస్తేఽస్తు సదా మమ |
త్వం దేవ సర్వతశ్చక్షుః సర్వతః సర్వదా గతిః || 2 ||
సర్వదః సర్వదా సర్వః సర్వసేవ్యస్త్వమార్తిహా |
త్వం దేవ ధ్యానినాం ధ్యానం యోగినాం యోగ ఉత్తమః || 3 ||
త్వం భాషాఫలదః సర్వః సద్యః పాపహరో విభుః |
సర్వార్తినాశం నో నాశీకరణం కరుణా విభుః || 4 ||
దయాశక్తిః క్షమావాసః సఘృణిర్ఘృణిమూర్తిమాన్ |
త్వం దేవ సృష్టిసంహారస్థితిరూపః సురాధిపః || 5 ||
బకః శోషో వృకోదాహస్తుషారో దహనాత్మకః |
ప్రణతార్తిహరో యోగీ యోగమూర్తే నమోఽస్తు తే || 6 ||
త్వం దేవ హృదయానంద శిరోరత్నప్రభామణిః |
బోధకః పాఠకో ధ్యాయీ గ్రాహకో గ్రహణాత్మకః || 7 ||
త్వం దేవ నియమో న్యాయీ న్యాయకో న్యాయవర్ధనః |
అనిత్యో నియతో నిత్యో న్యాయమూర్తే నమోఽస్తు తే || 8 ||
త్వం దేవ త్రాయసే ప్రాప్తాన్ పాలయస్యర్పవస్థితాన్ |
ఊర్ద్వత్రాణార్దితాన్ లోకాన్ లోకచక్షుర్నమోఽస్తు తే || 9 ||
దమనోఽసి త్వం దుర్దాంతః సాధ్యానాం చైవ సాధకః |
బంధుః స్వబంధుహీనానాం నమస్తే బంధురూపిణే || 10 ||
ఇతి శ్రీసాంబపురాణే త్రిచత్వారింశోఽధ్యాయే రవి స్తోత్రం ||

ఓం భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ంస॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు ||
ఓం శాన్తి॒: శాన్తి॒: శాన్తి॑: || 1-0-0
ఓం భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ంస॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు |
ఆప॑మాపామ॒పః సర్వా”: |
అ॒స్మాద॒స్మాది॒తోఽముత॑: || 1 || 1-1-1
అ॒గ్నిర్వా॒యుశ్చ॒ సూర్య॑శ్చ |
స॒హ స॑oచరస్క॒రర్ద్ధి॑యా |
వా॒య్వశ్వా॑ రశ్మి॒పత॑యః |
మరీ”చ్యాత్మానో॒ అద్రు॑హః |
దే॒వీర్భు॑వన॒సూవ॑రీః |
పు॒త్ర॒వ॒త్వాయ॑ మే సుత |
మహానాంనీర్మ॑హామా॒నాః |
మ॒హ॒సో మ॑హస॒స్స్వ॑: |
దే॒వీః ప॑ర్జన్య॒సూవ॑రీః |
పు॒త్ర॒వ॒త్వాయ॑ మే సుత || 2 || 1-1-2
అ॒పాశ్న్యు॑ష్ణిమ॒పా రక్ష॑: |
అ॒పాశ్న్యు॑ష్ణిమ॒పారఘం” |
అపా”ఘ్రా॒మప॑ చా॒వర్తిం” |
అప॑దే॒వీరి॒తో హి॑త |
వజ్ర॑o దే॒వీరజీ॑తాగ్‍శ్చ |
భువ॑నం దేవ॒సూవ॑రీః |
ఆ॒ది॒త్యానది॑తిం దే॒వీం |
యోని॑నోర్ధ్వము॒దీష॑త |
శి॒వాన॒శ్శన్త॑మా భవన్తు |
ది॒వ్యా ఆప॒ ఓష॑ధయః |
సు॒మృ॒డీ॒కా సర॑స్వతి |
మా తే॒ వ్యో॑మ స॒oదృశి॑ || 3 || 1-1-3
స్మృతి॑: ప్ర॒త్యక్ష॑మైతి॒హ్యం” |
అను॑మానశ్చతుష్ట॒యం |
ఏ॒తైరాది॑త్యమణ్డలం |
సర్వై॑రేవ॒ విధా”స్యతే |
సూర్యో॒ మరీ॑చి॒మాద॑త్తే |
సర్వస్మా”ద్భువ॑నాద॒ధి |
తస్యాః పాకవి॑శేషే॒ణ |
స్మృ॒తం కా॑లవి॒శేష॑ణం |
న॒దీవ॒ ప్రభ॑వాత్కా॒చిత్ |
అ॒క్షయ్యా”త్స్యన్ద॒తే య॑థా || 4 || 1-2-1
తాన్నద్యోఽభిస॑మాయ॒న్తి |
సో॒రుస్సతీ॑ న ని॒వర్త॑తే |
ఏ॒వన్నా॒నాస॑ముత్థా॒నాః |
కా॒లాస్స॑oవత్స॒రగ్గ్ శ్రి॑తాః |
అణుశశ్చ మ॑హశ॒శ్చ |
సర్వే॑ సమవ॒యన్త్రి॑తం |
సతై”స్స॒ర్వైస్స॑మావి॒ష్టః |
ఊ॒రుస్స॑న్న ని॒వర్త॑తే |
అధిసంవత్స॑రం వి॒ద్యాత్ |
తదేవ॑ లక్ష॒ణే || 5 || 1-2-2
అణుభిశ్చ మ॑హద్భి॒శ్చ |
స॒మారూ॑ఢః ప్ర॒దృశ్య॑తే |
సంవత్సరః ప్ర॑త్యక్షే॒ణ |
నా॒ధిస॑త్వః ప్ర॒దృశ్య॑తే |
ప॒టరో॑ విక్లి॑ధః పి॒ఙ్గః |
ఏ॒తద్వ॑రుణ॒లక్ష॑ణం |
యత్రైత॑దుప॒దృశ్య॑తే |
స॒హస్ర॑o తత్ర॒ నీయ॑తే |
ఏకగ్ంహి శిరో నా॑నా ము॒ఖే |
కృ॒త్స్నం త॑దృతు॒లక్ష॑ణం || 6 || 1-2-3
ఉభయతస్సప్తే”న్ద్రియా॒ణి |
జ॒ల్పిత॑o త్వేవ॒ దిహ్య॑తే |
శుక్లకృష్ణే సంవ॑త్సర॒స్య |
దక్షిణవామ॑యోః పా॒ర్శ్వయోః |
తస్యై॒షా భవ॑తి |
శు॒క్రం తే॑ అ॒న్యద్య॑జ॒తం తే॑ అ॒న్యత్ |
విషు॑రూపే॒ అహ॑నీ॒ ద్యౌరి॑వాసి |
విశ్వా॒ హి మా॒యా అవ॑సి స్వధావః |
భ॒ద్రా తే॑ పూషన్ని॒హ రా॒తిర॒స్త్వితి॑ |
నాత్ర॒ భువ॑నం |
న పూ॒షా | న ప॒శవ॑: |
నాదిత్యస్సంవత్సర ఏవ ప్రత్యక్షేణ ప్రియత॑మం వి॒ద్యాత్ |
ఏతద్వై సంవత్సరస్య ప్రియత॑మగ్ం రూ॒పం |
యోఽస్య మహానర్థ ఉత్పత్స్యమా॑నో భ॒వతి |
ఇదం పుణ్యం కు॑రుష్వే॒తి |
తమాహర॑ణం ద॒ద్యాత్ || 7 || 1-2-4
సా॒క॒oజానాగ్॑o స॒ప్తథ॑మాహురేక॒జం |
షడు॑ద్య॒మా ఋష॑యో దేవ॒జా ఇతి॑ |
తేషా॑మి॒ష్టాని॒ విహి॑తాని ధామ॒శః |
స్థా॒త్రే రే॑జన్తే॒ వికృ॑తాని రూప॒శః |
కో ను॑ మర్యా॒ అమి॑థితః |
సఖా॒ సఖా॑యమబ్రవీత్ |
జహా॑కో అ॒స్మదీ॑షతే |
యస్తి॒త్యాజ॑ సఖి॒విద॒గ్॒o సఖా॑యం |
న తస్య॑ వా॒చ్యపి॑ భా॒గో అ॑స్తి |
యదీగ్॑o శృ॒ణోత్య॒లకగ్॑o శృణోతి || 8 || 1-3-1
న హి ప్ర॒వేద॑ సుకృ॒తస్య॒ పన్థా॒మితి॑ |
ఋ॒తురృ॑తునా ను॒ద్యమా॑నః |
విన॑నాదా॒భిధా॑వః |
షష్టిశ్చ త్రిగ్ంశ॑కా వ॒ల్గాః |
శు॒క్లకృ॑ష్ణౌ చ॒ షాష్టి॑కౌ |
సా॒రా॒గ॒వ॒స్త్రైర్జ॒రద॑క్షః |
వ॒స॒న్తో వసు॑భిస్స॒హ |
స॒oవ॒త్స॒రస్య॑ సవి॒తుః |
ప్రై॒ష॒కృత్ప్ర॑థ॒మః స్మృ॑తః |
అ॒మూనా॒దయ॑తేత్య॒న్యాన్ || 9 || 1-3-2
అ॒మూగ్‍శ్చ॑ పరి॒రక్ష॑తః |
ఏ॒తా వా॒చః ప్ర॑యుజ్య॒న్తే |
యత్రైత॑దుప॒దృశ్య॑తే |
ఏ॒తదే॒వ వి॑జానీ॒యాత్ |
ప్ర॒మాణ॑o కాల॒పర్య॑యే |
వి॒శే॒ష॒ణం తు॑ వక్ష్యా॒మః |
ఋ॒తూనా”o తన్ని॒బోధ॑త |
శుక్లవాసా॑ రుద్ర॒గణః |
గ్రీ॒ష్మేణా॑ఽఽవర్త॒తే స॑హ |
ని॒జహ॑న్పృథి॑వీగ్ం స॒ర్వాం || 10 || 1-3-3
జ్యో॒తిషా”ఽప్రతి॒ఖ్యేన॑ సః |
వి॒శ్వ॒రూ॒పాణి॑ వాసా॒గ్॒oసి |
ఆ॒ది॒త్యానా”o ని॒బోధ॑త |
సంవత్సరీణ॑o కర్మ॒ఫలం |
వర్షాభిర్ద॑దతా॒గ్॒o సహ |
అదుఃఖో॑ దుఃఖచ॑క్షురి॒వ |
తద్మా॑ పీత ఇవ॒ దృశ్య॑తే |
శీతేనా”వ్యథ॑యన్ని॒వ |
రు॒రుద॑క్ష ఇవ॒ దృశ్య॑తే |
హ్లాదయతే” జ్వల॑తశ్చై॒వ |
శా॒ంయత॑శ్చాస్య॒ చక్షు॑షీ |
యా వై ప్రజా భ్ర॑గ్గ్‍శ్య॒న్తే |
సంవత్సరాత్తా భ్ర॑గ్గ్‍శ్య॒న్తే |
యా॒: ప్రతి॑తిష్ఠ॒న్తి |
సంవత్సరే తాః ప్రతి॑తిష్ఠ॒న్తి |
వ॒ర్షాభ్య॑ ఇత్య॒ర్థః || 11 || 1-3-4
అక్షి॑దు॒:ఖోత్థి॑తస్యై॒వ |
వి॒ప్రస॑న్నే క॒నీని॑కే |
ఆఙ్క్తే చాద్గ॑ణం నా॒స్తి |
ఋ॒భూణా”o తన్ని॒బోధ॑త |
క॒న॒కా॒భాని॑ వాసా॒గ్॒oసి |
అ॒హతా॑ని ని॒భోద॑త |
అన్నమశ్నీత॑ మృజ్మీ॒త |
అ॒హం వో॑ జీవ॒నప్ర॑దః |
ఏ॒తా వా॒చః ప్ర॑యుజ్య॒న్తే |
శ॒రద్య॑త్రోప॒దృశ్య॑తే || 12 || 1-4-1
అభిధూన్వన్తోఽభిఘ్న॑న్త ఇ॒వ |
వా॒తవ॑న్తో మ॒రుద్గ॑ణాః |
అముతో జేతుమిషుము॑ఖమి॒వ |
సన్నద్ధాస్సహ ద॑దృశే॒ హ |
అపధ్వస్తైర్వస్తివ॑ర్ణైరి॒వ |
వి॒శి॒ఖాస॑: కప॒ర్దినః |
అక్రుద్ధస్య యోత్స్య॑మాన॒స్య |
క్రు॒ద్ధస్యే॑వ॒ లోహి॑నీ |
హేమతశ్చక్షు॑షీ వి॒ద్యాత్ |
అ॒క్ష్ణయో”: క్షిప॒ణోరి॑వ || 13 || 1-4-2
దుర్భిక్షం దేవ॑లోకే॒షు |
మ॒నూనా॑ముద॒కం గృ॑హే |
ఏ॒తా వా॒చః ప్ర॑వద॒న్తీః |
వై॒ద్యుతో॑ యాన్తి॒ శైశి॑రీః |
తా అ॒గ్నిః పవ॑మానా॒ అన్వై”క్షత |
ఇ॒హ జీ॑వి॒కామప॑రిపశ్యన్ |
తస్యై॒షా భవ॑తి |
ఇ॒హేహవ॑స్స్వత॒పసః |
మరు॑త॒స్సూర్య॑త్వచః |
శర్మ॑ స॒ప్రథా॒ ఆవృ॑ణే || 14 || 1-4-3
అతి॑తా॒ంరాణి॑ వాసా॒గ్॒oసి |
అ॒ష్టివ॑జ్రిశ॒తఘ్ని॑ చ |
విశ్వే దేవా విప్ర॑హర॒న్తి |
అ॒గ్నిజి॑హ్వా అ॒సశ్చ॑త |
నైవ దేవో॑ న మ॒ర్త్యః |
న రాజా వ॑రుణో॒ విభుః |
నాగ్నిర్నేన్ద్రో న ప॑వమా॒నః |
మా॒తృక్క॑చ్చన॒ విద్య॑తే |
ది॒వ్యస్యైకా॒ ధను॑రార్త్నిః |
పృ॒థి॒వ్యామప॑రా శ్రి॒తా || 15 || 1-5-1
తస్యేన్ద్రో వంరి॑రూపే॒ణ |
ధ॒నుర్జ్యా॑మచ్ఛి॒నథ్స్వ॑యం |
తది॑న్ద్ర॒ధను॑రిత్య॒జ్యం |
అ॒భ్రవ॑ర్ణేషు॒ చక్ష॑తే |
ఏతదేవ శంయోర్బార్హ॑స్పత్య॒స్య |
ఏ॒తద్రు॑ద్రస్య॒ ధనుః |
రు॒ద్రస్య॑ త్వేవ॒ ధను॑రార్త్నిః |
శిర॒ ఉత్పి॑పేష |
స ప్ర॑వ॒ర్గ్యో॑ఽభవత్ |
తస్మా॒ద్యస్సప్ర॑వ॒ర్గ్యేణ॑ య॒జ్ఞేన॒ యజ॑తే |
రు॒ద్రస్య॒ స శిర॒: ప్రతి॑దధాతి |
నైనగ్॑o రు॒ద్ర ఆరు॑కో భవతి |
య ఏ॒వం వేద॑ || 16 || 1-5-2
అ॒త్యూ॒ర్ధ్వా॒క్షోఽతి॑రశ్చాత్ |
శిశి॑రః ప్ర॒దృశ్య॑తే |
నైవ రూపం న॑ వాసా॒గ్॒oసి |
న చక్షు॑: ప్రతి॒దృశ్య॑తే |
అ॒న్యోన్య॒o తు న॑ హిగ్గ్ స్రా॒తః |
స॒తస్త॑ద్దేవ॒లక్ష॑ణం |
లోహితోఽక్ష్ణి శా॑రశీ॒ర్ష్ణిః |
సూ॒ర్యస్యో॑దయ॒నం ప్ర॑తి |
త్వం కరోషి॑న్యఞ్జ॒లికాం |
త్వ॒o కరో॑షి ని॒జాను॑కాం || 17 || 1-6-1
నిజానుకా మే”న్యఞ్జ॒లికా |
అమీ వాచముపాస॑తామి॒తి |
తస్మై సర్వ ఋతవో॑ నమ॒న్తే |
మర్యాదాకరత్వాత్ప్ర॑పురో॒ధాం |
బ్రాహ్మణ॑ ఆప్నో॒తి |
య ఏ॑వం వే॒ద |
స ఖలు సంవత్సర ఏతైస్సేనానీ॑భిస్స॒హ |
ఇన్ద్రాయ సర్వాన్కామాన॑భివ॒హతి |
స ద్ర॒ప్సః |
తస్యై॒షా భవ॑తి || 18 || 1-6-2
అవ॑ద్ర॒ప్సో అగ్॑oశు॒మతీ॑మతిష్ఠత్ |
ఇ॒యా॒నః కృ॒ష్ణో ద॒శభి॑: స॒హస్రై”: |
ఆవ॒ర్తమిన్ద్ర॒: శచ్యా॒ ధమ॑న్తం |
ఉపస్నుహి తం నృమణామథ॑ద్రామి॒తి |
ఏతయైవేన్ద్రః సలావృ॑క్యా స॒హ |
అసురాన్ప॑రివృ॒శ్చతి |
పృథి॑వ్య॒గ్॒oశుమ॑తీ |
తామ॒న్వవ॑స్థితః సంవత్స॒రో ది॒వం చ॑ |
నైవం విదుషాఽఽచార్యా”న్తేవా॒సినౌ |
అన్యోన్యస్మై” ద్రుహ్యా॒తాం |
యో ద్రు॒హ్యతి |
భ్రశ్యతే స్వ॑ర్గాల్లో॒కాత్ |
ఇత్యృతుమ॑ణ్డలా॒ని |
సూర్యమణ్డలా”న్యాఖ్యా॒యికాః |
అత ఊర్ధ్వగ్ం స॑నిర్వ॒చనాః || 19 || 1-6-3
ఆరోగో భ్రాజః పటర॑: పత॒ఙ్గః |
స్వర్ణరో జ్యోతిషీమాన్॑ విభా॒సః |
తే అస్మై సర్వే దివమా॑తప॒న్తి |
ఊర్జం దుహానా అనపస్ఫుర॑న్త ఇ॒తి |
కశ్య॑పోఽష్ట॒మః |
స మహామేరుం న॑ జహా॒తి |
తస్యై॒షా భవ॑తి |
యత్తే॒ శిల్ప॑o కశ్యప రోచ॒నావ॑త్ |
ఇ॒న్ద్రి॒యావ॑త్పుష్క॒లం చి॒త్రభా॑ను |
యస్మి॒న్త్సూర్యా॒ అర్పి॑తాస్స॒ప్త సా॒కం || 20 || 1-7-1
తస్మిన్రాజానమధివిశ్రయే॑మమి॒తి |
తే అస్మై సర్వే కశ్యపాజ్జ్యోతి॑ర్లభ॒న్తే |
తాన్సోమః కశ్యపాదధి॑నిర్ద్ధ॒మతి |
భ్రస్తాకర్మకృ॑దివై॒వం |
ప్రాణో జీవానీన్ద్రియ॑జీవా॒ని |
సప్త శీర్ష॑ణ్యాః ప్రా॒ణాః |
సూర్యా ఇ॑త్యాచా॒ర్యాః |
అపశ్యమహమేతాన్త్సప్త సూ”ర్యాని॒తి |
పఞ్చకర్ణో॑ వాత్స్యా॒యనః |
సప్తకర్ణ॑శ్చ ప్లా॒క్షిః || 21 || 1-7-2 [16*33] ఆనుశ్రవిక ఏవ నౌ కశ్య॑ప ఇ॒తి |
ఉభౌ॑ వేద॒యితే |
న హి శేకుమివ మహామే॑రుం గ॒న్తుం |
అపశ్యమహమేతత్సూర్యమణ్డలం పరివ॑ర్తమా॒నం |
గా॒ర్గ్యః ప్రా॑ణత్రా॒తః |
గచ్ఛన్త మ॑హామే॒రుం |
ఏక॑o చాజ॒హతం |
భ్రాజపటరపత॑ఙ్గా ని॒హనే |
తిష్ఠన్నా॑తప॒న్తి |
తస్మా॑ది॒హ తప్త్రి॑తపాః || 22 || 1-7-3
అ॒ముత్రే॒తరే |
తస్మా॑ది॒హాతప్త్రి॑తపాః |
తేషా॑మేషా॒ భవ॑తి |
స॒ప్త సూర్యా॒ దివ॒మను॒ప్రవి॑ష్టాః |
తాన॒న్వేతి॑ ప॒థిభి॑ర్దక్షి॒ణావాన్॑ |
తే అస్మై సర్వే ఘృతమా॑తప॒న్తి |
ఊర్జం దుహానా అనపస్ఫుర॑న్త ఇ॒తి |
సప్తర్త్విజస్సూర్యా ఇ॑త్యాచా॒ర్యాః |
తేషా॑మేషా॒ భవ॑తి |
స॒ప్త దిశో॒ నానా॑సూర్యాః || 23 || 1-7-4
స॒ప్త హోతా॑ర ఋ॒త్విజ॑: |
దేవా ఆదిత్యా॑ యే స॒ప్త |
తేభిస్సోమాభీరక్ష॑ణ ఇ॒తి |
తద॑ప్యాంనా॒యః |
దిగ్భ్రాజః ఋతూ”న్ కరో॒తి |
ఏత॑యైవా॒వృతా సహస్రసూర్యతాయా ఇతి వై॑శంపా॒యనః |
తస్యై॒షా భవ॑తి |
యద్ద్యావ॑ ఇన్ద్ర తే శ॒తగ్ంశ॒తం భూమీ”: |
ఉ॒త స్యుః |
నత్వా॑ వజ్రిన్స॒హస్ర॒గ్॒o సూర్యా”: || 24 || 1-7-5
అనునజాతమష్ట రోద॑సీ ఇ॒తి |
నానాలిఙ్గత్వాదృతూనాం నానా॑సూర్య॒త్వం |
అష్టౌ తు వ్యవసి॑తా ఇ॒తి |
సూర్యమణ్డలాన్యష్టా॑త ఊ॒ర్ధ్వం |
తేషా॑మేషా॒ భవ॑తి |
చి॒త్రం దే॒వానా॒ముద॑గా॒దనీ॑కం |
చక్షు॑ర్మి॒త్రస్య॒ వరు॑ణస్యా॒గ్నేః |
ఆప్రా॒ ద్యావా॑పృథి॒వీ అ॒న్తరి॑క్షం |
సూర్య ఆత్మా జగతస్తస్థు॑షశ్చే॒తి || 25 || 1-7-6
క్వేదమభ్ర॑న్నివి॒శతే |
క్వాయగ్॑o సంవత్స॒రో మి॑థః |
క్వాహః క్వేయన్దే॑వ రా॒త్రీ |
క్వ మాసా ఋ॑తవ॒: శ్రితాః |
అర్ధమాసా॑ ముహూ॒ర్తాః |
నిమేషాస్తు॑టిభి॒స్సహ |
క్వేమా ఆపో ని॑విశ॒న్తే |
య॒దీతో॑ యాన్తి॒ సంప్ర॑తి |
కాలా అప్సు ని॑విశ॒న్తే |
ఆ॒పస్సూర్యే॑ స॒మాహి॑తాః || 26 || 1-8-1
అభ్రా”ణ్య॒పః ప్ర॑పద్య॒న్తే |
వి॒ద్యుత్సూర్యే॑ స॒మాహి॑తా |
అనవర్ణే ఇ॑మే భూ॒మీ |
ఇ॒యం చా॑సౌ చ॒ రోద॑సీ |
కిగ్గ్‍స్విదత్రాన్త॑రా భూ॒తం |
యే॒నేమే వి॑ధృతే॒ ఉభే |
వి॒ష్ణునా॑ విధృ॑తే భూ॒మీ |
ఇ॒తి వ॑త్సస్య॒ వేద॑నా |
ఇరా॑వతీ ధేను॒మతీ॒ హి భూ॒తం |
సూ॒య॒వ॒సినీ॒ మను॑షే దశ॒స్యే” || 27 || 1-8-2
వ్య॑ష్టభ్నా॒ద్రోద॑సీ॒ విష్ణ॑వే॒తే |
దా॒ధర్థ॑ పృథి॒వీమ॒భితో॑ మ॒యూఖై”: |
కిం తద్విష్ణోర్బ॑లమా॒హుః |
కా॒ దీప్తి॑: కిం ప॒రాయ॑ణం |
ఏకో॑ య॒ద్ధార॑యద్దే॒వః |
రే॒జతీ॑ రోద॒సీ ఉ॑భే |
వాతాద్విష్ణోర్బ॑లమా॒హుః |
అ॒క్షరా”ద్దీప్తి॒రుచ్య॑తే |
త్రి॒పదా॒ద్ధార॑యద్దే॒వః |
యద్విష్ణో॑రేక॒ముత్త॑మం || 28 || 1-8-3
అ॒గ్నయో॑ వాయ॑వశ్చై॒వ |
ఏ॒తద॑స్య ప॒రాయ॑ణం |
పృచ్ఛామి త్వా ప॑రం మృ॒త్యుం |
అ॒వమ॑o మధ్య॒మఞ్చ॑తుం |
లో॒కఞ్చ॒ పుణ్య॑పాపా॒నాం |
ఏ॒తత్పృ॑చ్ఛామి॒ సంప్ర॑తి |
అ॒ముమా॑హుః ప॑రం మృ॒త్యుం |
ప॒వమా॑నం తు॒ మధ్య॑మం |
అ॒గ్నిరే॒వావ॑మో మృ॒త్యుః |
చ॒న్ద్రమా”శ్చతు॒రుచ్య॑తే || 29 || 1-8-4
అ॒నా॒భో॒గాః ప॑రం మృ॒త్యుం |
పా॒పాస్స॑oయన్తి॒ సర్వ॑దా |
ఆభోగాస్త్వేవ॑ సంయ॒న్తి |
య॒త్ర పు॑ణ్యకృ॒తో జ॑నాః |
తతో॑ మ॒ధ్యమ॑మాయ॒న్తి |
చ॒తుమ॑గ్నిం చ॒ సంప్ర॑తి |
పృచ్ఛామి త్వా॑ పాప॒కృతః |
య॒త్ర యా॑తయ॒తే య॑మః |
త్వం నస్తద్బ్రహ్మ॑న్ ప్రబూ॒హి |
య॒ది వే”త్థాఽస॒తో గృ॑హాన్ || 30 || 1-8-5
క॒శ్యపా॑దుది॑తాస్సూ॒ర్యాః |
పా॒పాన్ని॑ర్ఘ్నన్తి॒ సర్వ॑దా |
రోదస్యోరన్త॑ర్దేశే॒షు |
తత్ర న్యస్యన్తే॑ వాస॒వైః |
తేఽశరీరాః ప్ర॑పద్య॒న్తే |
య॒థాఽపు॑ణ్యస్య॒ కర్మ॑ణః |
అపా”ణ్య॒పాద॑కేశా॒సః |
త॒త్ర తే॑ఽయోని॒జా జ॑నాః |
మృత్వా పునర్మృత్యుమా॑పద్య॒న్తే |
అ॒ద్యమా॑నాస్స్వ॒కర్మ॑భిః || 31 || 1-8-6
ఆశాతికాః క్రిమ॑య ఇ॒వ |
తతః పూయన్తే॑ వాస॒వైః |
అపై॑తం మృ॒త్యుం జ॑యతి |
య ఏ॒వం వేద॑ |
స ఖల్వైవ॑o విద్బ్రా॒హ్మణః |
దీ॒ర్ఘశ్రు॑త్తమో॒ భవ॑తి |
కశ్య॑ప॒స్యాతి॑థి॒స్సిద్ధగ॑మన॒స్సిద్ధాగ॑మనః |
తస్యై॒షా భవ॑తి |
ఆ యస్మి”న్థ్స॒ప్త వా॑స॒వాః |
రోహ॑న్తి పూ॒ర్వ్యా॑ రుహ॑: || 32 || 1-8-7
ఋషి॑ర్హ దీర్ఘ॒శ్రుత్త॑మః |
ఇన్ద్రస్య ఘర్మో అతి॑థిరి॒తి |
కశ్యపః పశ్య॑కో భ॒వతి |
యత్సర్వం పరిపశ్యతీ॑తి సౌ॒క్ష్ంయాత్ |
అథాగ్నే॑రష్టపు॑రుష॒స్య |
తస్యై॒షా భవ॑తి |
అగ్నే॒ నయ॑ సు॒పథా॑ రా॒యే అ॒స్మాన్ |
విశ్వా॑ని దేవ వ॒యునా॑ని వి॒ద్వాన్ |
యు॒యో॒ధ్య॑స్మజ్జు॑హురా॒ణమేన॑: |
భూయిష్ఠాన్తే నమ ఉక్తిం వి॑ధేమే॒తి || 33 || 1-8-8
అగ్నిశ్చ జాత॑వేదా॒శ్చ |
సహోజా అ॑జిరా॒ప్రభుః |
వైశ్వానరో న॑ర్యాపా॒శ్చ |
ప॒ఙ్క్తిరా॑ధాశ్చ॒ సప్త॑మః
విసర్పేవాఽష్ట॑మోఽగ్నీ॒నాం |
ఏతేఽష్టౌ వసవః క్షి॑తా ఇ॒తి |
యథర్త్వేవాగ్నేరర్చిర్వర్ణ॑విశే॒షాః |
నీలార్చిశ్చ పీతకా”ర్చిశ్చే॒తి |
అథ వాయోరేకాదశపురుషస్యైకాదశ॑స్త్రీక॒స్య |
ప్రభ్రాజమానా వ్య॑వదా॒తాః || 34 || 1-9-1
యాశ్చ వాసు॑కివై॒ద్యుతాః |
రజతాః పరు॑షాః శ్యా॒మాః |
కపిలా అ॑తిలో॒హితాః |
ఊర్ధ్వా అవప॑తన్తా॒శ్చ |
వైద్యుత ఇ॑త్యేకా॒దశ |
నైనం వైద్యుతో॑ హిన॒స్తి |
య ఏ॑వం వే॒ద |
స హోవాచ వ్యాసః పా॑రాశ॒ర్యః |
విద్యుద్వధమేవాహం మృత్యుమై”చ్ఛమి॒తి |
న త్వకా॑మగ్ం హ॒న్తి || 35 || 1-9-2
య ఏ॑వం వే॒ద |
అథ గ॑న్ధర్వ॒గణాః |
స్వాన॒భ్రాట్ |
అఙ్ఘా॑రి॒ర్బంభా॑రిః |
హస్త॒స్సుహ॑స్తః |
కృశా॑నుర్వి॒శ్వావ॑సుః |
మూర్ధన్వాన్థ్సూ”ర్యవ॒ర్చాః |
కృతిరిత్యేకాదశ గ॑న్ధర్వ॒గణాః |
దేవాశ్చ మ॑హాదే॒వాః |
రశ్మయశ్చ దేవా॑ గర॒గిరః || 36 || 1-9-3
నైనం గరో॑ హిన॒స్తి |
య ఏ॑వం వే॒ద |
గౌ॒రీమి॑మాయ సలి॒లాని॒ తక్ష॑తీ |
ఏక॑పదీ ద్వి॒పదీ॒ సా చతు॑ష్పదీ |
అ॒ష్టాపదీ॒ నవ॑పదీ బభూ॒వుషీ” |
సహస్రాక్షరా పరమే వ్యో॑మన్ని॒తి |
వాచో॑ విశే॒షణం |
అథ నిగద॑వ్యాఖ్యా॒తాః |
తాననుక్ర॑మిష్యా॒మః |
వ॒రాహవ॑స్సవత॒పసః || 37 || 1-9-4
వి॒ద్యున్మ॑హసో॒ ధూప॑యః |
శ్వాపయో గృహమేధా”శ్చేత్యే॒తే |
యే॒ చేమేఽశి॑మివి॒ద్విషః |
పర్జన్యాస్సప్త పృథివీమభివ॑ర్ష॒న్తి |
వృష్టి॑భిరి॒తి |
ఏతయైవ విభక్తివి॑పరీ॒తాః |
స॒ప్తభి॒ర్వాతై॑రుదీ॒రితాః |
అమూఁల్లోకానభివ॑ర్ష॒న్తి |
తేషా॑మేషా॒ భవ॑తి |
స॒మా॒నమే॒తదుద॑కం || 38 || 1-9-5
ఉ॒చ్చైత్య॑వ॒చాహ॑భిః |
భూమి॑o ప॒ర్జన్యా॒ జిన్వ॑న్తి |
దివం జిన్వన్త్యగ్న॑య ఇ॒తి |
యదక్ష॑రం భూ॒తకృ॑తం |
విశ్వే॑ దేవా ఉ॒పాస॑తే |
మ॒హర్షి॑మస్య గో॒ప్తారం” |
జ॒మద॑గ్ని॒మకు॑ర్వత |
జ॒మద॑గ్ని॒రాప్యా॑యతే |
ఛన్దో॑భిశ్చతురుత్త॒రైః |
రాజ్ఞ॒స్సోమ॑స్య తృ॒ప్తాస॑: || 39 || 1-9-6
బ్రహ్మ॑ణా వీ॒ర్యా॑వతా |
శి॒వా న॑: ప్ర॒దిశో॒ దిశ॑: |
తచ్ఛ॒oయోరావృ॑ణీమహే |
గా॒తుం య॒జ్ఞాయ॑ |
గా॒తుం య॒జ్ఞప॑తయే |
దైవీ”స్వ॒స్తిర॑స్తు నః |
స్వ॒స్తిర్మాను॑షేభ్యః |
ఊ॒ర్ధ్వం జి॑గాతు భేష॒జం |
శన్నో॑ అస్తు ద్వి॒పదే” |
శం చతు॑ష్పదే |
సోమపా 3 అసోమపా 3 ఇతి నిగద॑వ్యాఖ్యా॒తాః || 40 || 1-9-7
స॒హ॒స్ర॒వృది॑యం భూ॒మిః |
ప॒రం వ్యో॑మ స॒హస్ర॑వృత్ |
అ॒శ్వినా॑ భుజ్యూ॑ నాస॒త్యా |
వి॒శ్వస్య॑ జగ॒తస్ప॑తీ |
జాయా భూమిః ప॑తిర్వ్యో॒మ |
మి॒థున॑న్తా అ॒తుర్య॑థుః |
పుత్రో బృహస్ప॑తీ రు॒ద్రః |
స॒రమా॑ ఇతి॑ స్త్రీపు॒మం |
శు॒క్రం వా॑మ॒న్యద్య॑జ॒తం వా॑మ॒న్యత్ |
విషు॑రూపే॒ అహ॑నీ॒ ద్యౌరి॑వ స్థః || 41 || 1-10-1
విశ్వా॒ హి మా॒యా అవ॑థః స్వధావన్తౌ |
భ॒ద్రా వా”o పూషణావి॒హ రా॒తిర॑స్తు |
వాసా”త్యౌ చి॒త్రౌ జగ॑తో ని॒ధానౌ” |
ద్యావా॑భూమీ చ॒రథ॑: స॒గ్॒o సఖా॑యౌ |
తావ॒శ్వినా॑ రా॒సభా”శ్వా॒ హవ॑o మే |
శు॒భ॒స్ప॒తీ॒ ఆ॒గతగ్॑o సూ॒ర్యయా॑ స॒హ |
త్యుగ్రో॑హ భు॒జ్యుమ॑శ్వినోదమే॒ఘే |
ర॒యిన్న కశ్చి॑న్మమృ॒వాం 2 అవా॑హాః |
తమూ॑హథుర్నౌ॒భిరా”త్మ॒న్వతీ॑భిః |
అ॒న్త॒రి॒క్ష॒ప్రుడ్భి॒రపో॑దకాభిః || 42 || 1-10-2
తి॒స్రః క్షప॒స్త్రిరహా॑ఽతి॒వ్రజ॑ద్భిః |
నాస॑త్యా భు॒జ్యుమూ॑హథుః పత॒ఙ్గైః |
స॒ము॒ద్రస్య॒ ధన్వ॑న్నా॒ర్ద్రస్య॑ పా॒రే |
త్రి॒భీరథై”శ్శ॒తప॑ద్భి॒: షడ॑శ్వై॒: |
స॒వి॒తార॒o విత॑న్వన్తం |
అను॑బధ్నాతి శాంబ॒రః |
ఆపపూరుషంబ॑రశ్చై॒వ |
స॒వితా॑ఽరేప॒సో॑ భవత్ |
త్యగ్ం సుతృప్తం వి॑దిత్వై॒వ |
బ॒హుసో॑మ గి॒రం వ॑శీ || 43 || 1-10-3
అన్వేతి తుగ్రో వ॑క్రియా॒న్తం |
ఆయసూయాన్త్సోమ॑తృప్సు॒షు |
స సంగ్రామస్తమో”ద్యోఽత్యో॒తః |
వాచో గాః పి॑పాతి॒ తత్ |
స తద్గోభిస్స్త్వా”ఽత్యేత్య॒న్యే |
ర॒క్షసా॑ఽనన్వి॒తాశ్చ॑ యే |
అ॒న్వేతి॒ పరి॑వృత్యా॒ఽస్తః |
ఏ॒వమే॒తౌ స్థో॑ అశ్వినా |
తే ఏ॒తే ద్యు॑:పృథి॒వ్యోః |
అహ॑రహ॒ర్గర్భ॑న్దధాథే || 44 || 1-10-4
తయో॑రే॒తౌ వ॒త్సావ॑హోరా॒త్రే |
పృ॒థి॒వ్యా అహ॑: |
ది॒వో రాత్రి॑: |
తా అవి॑సృష్ఠౌ |
దంప॑తీ ఏ॒వ భ॑వతః |
తయో॑రే॒తౌ వ॒త్సౌ |
అ॒గ్నిశ్చా॑దిత్య॒శ్చ॑ |
రా॒త్రేర్వ॒త్సః |
శ్వే॒త ఆ॑ది॒త్యః |
అహ్నో॒ఽగ్నిః || 45 || 1-10-5
తా॒ంరో అ॑రు॒ణః |
తా అవి॑సృష్టౌ |
దంప॑తీ ఏ॒వ భ॑వతః |
తయో॑రే॒తౌ వ॒త్సౌ |
వృ॒త్రశ్చ॑ వైద్యు॒తశ్చ॑ |
అ॒గ్నేర్వృ॒త్రః |
వై॒ద్యుత॑ ఆది॒త్యస్య॑ |
తా అవి॑సృష్టౌ |
దంప॑తీ ఏ॒వ భ॑వతః |
తయో॑రే॒తౌ వ॒త్సౌ || 46 || 1-10-6
ఉ॒ష్మా చ॑ నీహా॒రశ్చ॑ |
వృ॒త్రస్యో॒ష్మా |
వై॒ద్యు॒తస్య॑ నీహా॒రః |
తౌ తావే॒వ ప్రతి॑పద్యేతే |
సేయగ్ం రాత్రీ॑ గ॒ర్భిణీ॑ పు॒త్రేణ॒ సంవ॑సతి |
తస్యా॒ వా ఏ॒తదు॒ల్బణం” |
యద్రాత్రౌ॑ ర॒శ్మయ॑: |
యథా॒ గోర్గ॒ర్భిణ్యా॑ ఉ॒ల్బణం” |
ఏ॒వమే॒తస్యా॑ ఉ॒ల్బణం” |
ప్రజయిష్ణుః ప్రజయా చ పశుభి॑శ్చ భ॒వతి |
య ఏ॑వం వే॒ద |
ఏతముద్యన్తమపియ॑న్తం చే॒తి |
ఆదిత్యః పుణ్య॑స్య వ॒త్సః |
అథ పవి॑త్రాఙ్గి॒రసః || 47 || 1-10-7
ప॒విత్ర॑వన్త॒: పరి॒వాజ॒మాస॑తే |
పి॒తైషా”o ప్ర॒త్నో అ॒భిర॑క్షతి వ్ర॒తం |
మ॒హస్స॑ముద్రం వరు॑ణస్తి॒రోద॑ధే |
ధీరా॑ ఇచ్ఛేకు॒ర్ధరు॑ణేష్వా॒రభం” |
ప॒వి॑త్రం తే॒ విత॑త॒o బ్రహ్మ॑ణ॒స్పతే” |
ప్రభు॒ర్గాత్రా॑ణి॒ పర్యే॑షి వి॒శ్వత॑: |
అత॑ప్తతనూ॒ర్న తదా॒మో అ॑శ్నుతే |
శృ॒తాస॒ ఇద్వహ॑న్త॒స్తత్సమా॑శత |
బ్ర॒హ్మా దే॒వానా”ం |
అస॑తస్స॒ద్యే తత॑క్షుః || 48 || 1-11-1
ఋష॑యస్స॒ప్తాత్రి॑శ్చ॒ యత్ |
సర్వేఽత్రయో అ॑గస్త్య॒శ్చ |
నక్ష॑త్రై॒శ్శంకృ॑తోఽవసన్ |
అథ॑ సవితు॒: శ్యావాశ్వ॒స్యాఽవర్తి॑కామస్య |
అ॒మీ య ఋక్షా॒ నిహి॑తాస ఉ॒చ్చా |
నక్త॒o దదృ॑శ్రే॒ కుహా॑చి॒ద్దివే॑యుః |
అద॑బ్ధాని॒ వరు॑ణస్య వ్ర॒తాని॑ |
వి॒చా॒కశ॑చ్చ॒న్ద్రమా॒ నక్ష॑త్రమేతి |
తత్స॑వి॒తుర్వరే”ణ్యం |
భర్గో॑ దే॒వస్య॑ ధీమహి || 49 || 1-11-2
ధియో॒ యో న॑: ప్రచో॒దయా”త్ |
తత్స॑వి॒తుర్వృ॑ణీమహే |
వ॒యన్దే॒వస్య॒ భోజ॑నం |
శ్రేష్ఠగ్॑oసర్వ॒ధాత॑మం |
తుర॒o భగ॑స్య ధీమహి |
అపా॑గూహత సవితా॒ తృభీన్॑ |
సర్వా”న్ది॒వో అన్ధ॑సః |
నక్త॒న్యాన్య॑భవన్దృ॒శే |
అస్థ్య॒స్థ్నా సంభ॑విష్యామః |
నామ॒ నామై॒వ నా॒మ మే” || 50 || 1-11-3
నపుగ్‍ంస॑క॒o పుమా॒గ్॒‍ంస్త్ర్య॑స్మి |
స్థావ॑రోఽస్ంయథ॒ జఙ్గ॑మః |
య॒జేఽయక్షి॒ యష్టా॒హే చ॑ |
మయా॑ భూ॒తాన్య॑యక్షత |
ప॒శవో॑ మమ॑ భూతా॒ని |
అనూబన్ధ్యోఽస్ంయ॑హం వి॒భుః |
స్త్రియ॑స్స॒తీః |
తా ఉ॑ మే పు॒గ్॒‍ంస ఆ॑హుః |
పశ్య॑దక్ష॒ణ్వాన్నవిచే॑తద॒న్ధః |
క॒విర్యః పు॒త్రస్స ఇ॒మా చి॑కేత || 51 || 1-11-4
యస్తా వి॑జా॒నాథ్స॑వి॒తుః పి॒తా స॑త్ |
అ॒న్ధో మణిమ॑విన్దత్ |
తమ॑నఙ్గులి॒రావ॑యత్ |
అ॒గ్రీ॒వః ప్రత్య॑ముఞ్చత్ |
తమజి॑హ్వా అ॒సశ్చ॑త |
ఊర్ధ్వమూలమ॑వాక్ఛా॒ఖం |
వృ॒క్షం యో॑ వేద॒ సంప్ర॑తి |
న స జాతు జన॑: శ్రద్ద॒ధ్యాత్ |
మృ॒త్యుర్మా॑ మార॒యాది॑తిః |
హసితగ్‍ం రుది॑తఙ్గీ॒తం || 52 || 1-11-5
వీణా॑పణవ॒లాసి॑తం |
మృ॒తఞ్జీ॒వం చ॑ యత్కి॒oచిత్ |
అ॒ఙ్గాని॑ స్నేవ॒ విద్ధి॑ తత్ |
అతృ॑ష్య॒గ్గ్॒స్తృష్య॑ ధ్యాయత్ |
అ॒స్మాజ్జా॒తా మే॑ మిథూ॒ చరన్॑ |
పుత్రో నిరృత్యా॑ వైదే॒హః |
అ॒చేతా॑ యశ్చ॒ చేత॑నః |
స॒ తం మణిమ॑విన్దత్ |
సో॑ఽనఙ్గులి॒రావ॑యత్ |
సో॒ఽగ్రీ॒వః ప్రత్య॑ముఞ్చత్ || 53 || 1-11-6
సోఽజి॑హ్వో అ॒సశ్చ॑త |
నైతమృషిం విదిత్వా నగ॑రం ప్ర॒విశేత్ |
య॑ది ప్ర॒విశేత్ |
మి॒థౌ చరి॑త్వా ప్ర॒విశేత్ |
తథ్సంభవ॑స్య వ్ర॒తం |
ఆ॒తమ॑గ్నే ర॒థన్తి॑ష్ఠ |
ఏకా”శ్వమేక॒యోజ॑నం |
ఏకచక్ర॑మేక॒ధురం |
వా॒తధ్రా॑జిగ॒తిం వి॑భో |
న॒ రి॒ష్యతి॑ న వ్య॒థతే || 54 || 1-11-7
నా॒స్యాక్షో॑ యాతు॒ సజ్జ॑తి |
యచ్ఛ్వేతా”న్రోహి॑తాగ్‍ంశ్చా॒గ్నేః |
ర॒థే యు॑క్త్వాఽధి॒తిష్ఠ॑తి |
ఏకయా చ దశభిశ్చ॑ స్వభూ॒తే |
ద్వాభ్యామిష్టయే విగ్॑‍ంశత్యా॒ చ |
తిసృభిశ్చ వహసే త్రిగ్॑‍ంశతా॒ చ |
నియుద్భిర్వాయవిహితా॑ విము॒ఞ్చ || 55 || 1-11-8
ఆత॑నుష్వ॒ ప్రత॑నుష్వ |
ఉ॒ద్ధమాఽఽధ॑మ॒ సన్ధ॑మ |
ఆదిత్యే చన్ద్ర॑వర్ణా॒నాం |
గర్భ॒మాధే॑హి॒ యః పుమాన్॑ |
ఇ॒తస్సి॒క్తగ్‍ం సూర్య॑గతం |
చ॒న్ద్రమ॑సే॒ రస॑ఙ్కృధి |
వారాదఞ్జన॑యాగ్రే॒ఽగ్నిం |
య ఏకో॑ రుద్ర॒ ఉచ్య॑తే |
అ॒స॒oఖ్యా॒తాస్స॑హస్రా॒ణి |
స్మ॒ర్యతే॑ న చ॒ దృశ్య॑తే || 56 || 1-12-1
ఏ॒వమే॒తన్ని॑బోధత |
ఆమ॒న్ద్రైరి॑న్ద్ర॒ హరి॑భిః |
యా॒హి మ॒యూర॑రోమభిః |
మా త్వా కేచిన్నియేమురి॑న్న పా॒శినః |
ద॒ధ॒న్వేవ॒ తా ఇ॑హి |
మా మ॒న్ద్రైరి॑న్ద్ర॒ హరి॑భిః |
యా॒మి మ॒యూర॑రోమభిః |
మా మా కేచిన్న్యేమురి॑న్న పా॒శినః |
ని॒ధ॒న్వేవ॒ తాం 2 ఇ॑మి |
అణుభిశ్చ మ॑హద్భి॒శ్చ || 57 || 1-12-2
ని॒ఘృష్వై॑రస॒మాయు॑తైః |
కాలైర్హరిత్వ॑మాప॒న్నైః |
ఇన్ద్రాయా॑హి స॒హస్ర॑యుక్ |
అ॒గ్నిర్వి॒భ్రాష్టి॑వసనః |
వా॒యుశ్శ్వేత॑సికద్రు॒కః |
స॒oవ॒థ్స॒రో వి॑షూ॒వర్ణై॑: |
నిత్యా॒స్తేఽనుచ॑రాస్త॒వ |
సుబ్రహ్మణ్యోగ్‍ం సుబ్రహ్మణ్యోగ్‍ం సు॑బ్రహ్మ॒ణ్యోం |
ఇన్ద్రాగచ్ఛ హరివ ఆగచ్ఛ మే॑ధాతి॒థేః |
మేష వృషణశ్వ॑స్య మే॒నే || 58 || 1-12-3
గౌరావస్కన్దిన్నహల్యా॑యై జా॒ర |
కౌశికబ్రాహ్మణ గౌతమ॑బ్రువా॒ణ |
అ॒రు॒ణాశ్వా॑ ఇ॒హాగ॑తాః |
వస॑వః పృథివి॒క్షిత॑: |
అ॒ష్టౌ ది॒గ్వాస॑సో॒ఽగ్నయ॑: |
అగ్నిశ్చ జాతవేదా”శ్చేత్యే॒తే |
తాంరాశ్వా”స్తాంర॒రథాః |
తాంరవర్ణా”స్తథా॒ఽసితాః |
దణ్డహస్తా”: ఖాద॒గ్దతః |
ఇతో రుద్రా”: పరా॒ఙ్గతాః || 59 || 1-12-4
ఉక్తగ్గ్‍ స్థానం ప్రమాణఞ్చ॑ పుర॒ ఇత |
బృహ॒స్పతి॑శ్చ సవి॒తా చ॑ |
వి॒శ్వరూ॑పైరి॒హాగ॑తాం |
రథే॑నోదక॒వర్త్మ॑నా |
అ॒ప్సుషా॑ ఇతి॒ తద్ద్వ॑యోః |
ఉక్తో వేషో॑ వాసా॒గ్॒‍ంసి చ |
కాలావయవానామిత॑: ప్రతీ॒చ్యా |
వాసాత్యా॑ ఇత్య॒శ్వినోః |
కోఽన్తరిక్షే శబ్దఙ్క॑రోతీ॒తి |
వాసిష్ఠౌ రౌహిణో మీమాగ్॑‍ంసాఞ్చ॒క్రే |
తస్యై॒షా భవ॑తి |
వా॒శ్రేవ॑ వి॒ద్యుదితి॑ |
బ్రహ్మ॑ణ ఉ॒దర॑ణమసి |
బ్రహ్మ॑ణ ఉదీ॒రణ॑మసి |
బ్రహ్మ॑ణ ఆ॒స్తర॑ణమసి |
బ్రహ్మ॑ణ ఉప॒స్తర॑ణమసి || 60 || 1-12-5
అ॒ష్టయో॑నీమ॒ష్టపు॑త్రాం |
అ॒ష్టప॑త్నీమి॒మాం మహీ”ం |
అ॒హం వేద॒ న మే॑ మృత్యుః |
నచామృ॑త్యుర॒ఘాఽహ॑రత్ |
అ॒ష్టయో”న్య॒ష్టపు॑త్రం |
అ॒ష్టప॑ది॒దమ॒న్తరి॑క్షం |
అ॒హం వేద॒ న మే॑ మృత్యుః |
నచామృ॑త్యుర॒ఘాఽహ॑రత్ |
అ॒ష్టయో॑నీమ॒ష్టపు॑త్రాం |
అ॒ష్టప॑త్నీమ॒మూన్దివం” || 61 || 1-13-1
అ॒హం వేద॒ న మే॑ మృత్యుః |
నచామృ॑త్యుర॒ఘాఽఽహ॑రత్ |
సు॒త్రామా॑ణం మ॒హీమూ॒షు |
అది॑తి॒ర్ద్యౌరది॑తిర॒న్తరి॑క్షం |
అది॑తిర్మా॒తా స పి॒తా స పు॒త్రః |
విశ్వే॑ దే॒వా అది॑తి॒: పఞ్చ॒జనా”: |
అది॑తిర్జా॒తమది॑తి॒ర్జని॑త్వం |
అ॒ష్టౌ పు॒త్రాసో॒ అది॑తేః |
యే జా॒తాస్త॒న్వ॑: పరి॑ |
దే॒వాం 2 ఉప॑ప్రైత్స॒ప్తభి॑: || 62 || 1-13-2
ప॒రా॒ మా॒ర్తా॒ణ్డమాస్య॑త్ |
స॒ప్తభి॑: పు॒త్రైరది॑తిః |
ఉప॒ప్రైత్పూ॒ర్వ్య॑o యుగం” |
ప్ర॒జాయై॑ మృ॒త్యవే త॑త్ |
ప॒రా॒ మా॒ర్తా॒ణ్డమాభ॑ర॒దితి॑ |
తాననుక్ర॑మిష్యా॒మః |
మి॒త్రశ్చ॒ వరు॑ణశ్చ |
ధా॒తా చా”ర్యా॒మా చ॑ |
అగ్‍ంశ॑శ్చ॒ భగ॑శ్చ |
ఇన్ద్రశ్చ వివస్వాగ్॑‍ంశ్చేత్యే॒తే |
హి॒ర॒ణ్య॒గ॒ర్భో హ॒గ్॒‍ంసశ్శు॑చి॒షత్ |
బ్రహ్మ॑జజ్ఞా॒నం తదిత్ప॒దమితి॑ |
గ॒ర్భః ప్రా॑జాప॒త్యః |
అథ॒ పురు॑షః స॒ప్తపురు॑షః || 63 || 1-13-3
యోఽసౌ॑ త॒పన్ను॒దేతి॑ |
స సర్వే॑షాం భూ॒తానా”o ప్రా॒ణానా॒దాయో॒దేతి॑ |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణానా॒దాయోద॑గాః |
అ॒సౌ యో”ఽస్త॒మేతి॑ |
స సర్వే॑షాం భూ॒తానా”o ప్రా॒ణానా॒దాయా॒స్తమేతి॑ |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణానా॒దాయాఽస్త॑ఙ్గాః |
అ॒సౌ య ఆ॒పూర్య॑తి |
స సర్వే॑షాం భూ॒తానా”o ప్రా॒ణైరా॒పూర్య॑తి || 64 || 1-14-1
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరా॒పూరి॑ష్ఠాః |
అ॒సౌ యో॑ఽప॒క్షీయ॑తి |
స సర్వే॑షాం భూ॒తానా”o ప్రా॒ణైరప॑క్షీయతి |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరప॑క్షేష్ఠాః |
అ॒మూని॒ నక్ష॑త్రాణి |
సర్వే॑షాం భూ॒తానా”o ప్రా॒ణైరప॑ప్రసర్పన్తి॒ చోథ్స॑ర్పన్తి చ |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరప॑ప్రసృపత॒ మోథ్సృ॑పత || 65 || 1-14-2
ఇ॒మే మాసా”శ్చార్ధమా॒సాశ్చ॑ |
సర్వే॑షాం భూ॒తానా”o ప్రా॒ణైరప॑ప్రసర్పన్తి॒ చోథ్స॑ర్పన్తి చ |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరప॑ప్రసృపత॒ మోథ్సృ॑పత |
ఇ॒మ ఋ॒తవ॑: |
సర్వే॑షాం భూ॒తానా”o ప్రా॒ణైరప॑ప్రసర్పన్తి॒ చోథ్స॑ర్పన్తి చ |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరప॑ప్రసృపత॒ మోథ్సృ॑పత |
అ॒యగ్‍ం స॑oవథ్స॒రః |
సర్వే॑షాం భూ॒తానా”o ప్రా॒ణైరప॑ప్రసర్పతి॒ చోథ్స॑ర్పతి చ || 66 || 1-14-3
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరప॑ప్రసృప॒ మోథ్సృ॑ప |
ఇ॒దమహ॑: |
సర్వే॑షాం భూ॒తానా”o ప్రా॒ణైరప॑ప్రసర్పతి॒ చోథ్స॑ర్పతి చ |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరప॑ప్రసృప॒ మోథ్సృ॑ప |
ఇ॒యగ్‍ంరాత్రి॑: |
సర్వే॑షాం భూ॒తానా”o ప్రా॒ణైరప॑ప్రసర్పతి॒ చోథ్స॑ర్పతి చ |
మా మే” ప్ర॒జయా॒ మా ప॑శూ॒నాం |
మా మమ॑ ప్రా॒ణైరప॑ప్రసృప॒ మోథ్సృ॑ప |
ఓం భూర్భువ॒స్స్వ॑: |
ఏతద్వో మిథునం మానో మిథు॑నగ్‍ం రీ॒ఢ్వం || 67 || 1-14-4
అథాదిత్యస్యాష్టపు॑రుష॒స్య |
వసూనామాదిత్యానాగ్‍ స్థానే స్వతేజ॑సా భా॒ని |
రుద్రాణామాదిత్యానాగ్‍ స్థానే స్వతేజ॑సా భా॒ని |
ఆదిత్యానామాదిత్యానాగ్‍ స్థానే స్వతేజ॑సా భా॒ని |
సతాగ్॑‍ంసత్యా॒నాం |
ఆదిత్యానాగ్‍ స్థానే స్వతేజ॑సా భా॒ని |
అభిధూన్వతా॑మభి॒ఘ్నతాం |
వాతవ॑తాం మ॒రుతాం |
ఆదిత్యానాగ్‍ స్థానే స్వతేజ॑సా భా॒ని |
ఋభూణామాదిత్యానాగ్‍ స్థానే స్వతేజ॑సా భా॒ని |
విశ్వేషా”న్దేవా॒నాం |
ఆదిత్యానాగ్‍ స్థానే స్వతేజ॑సా భా॒ని |
సంవథ్సర॑స్య స॒వితుః |
ఆదిత్యస్య స్థానే స్వతేజ॑సా భా॒ని |
ఓం భూర్భువ॒స్స్వ॑: |
రశ్మయో వో మిథునం మా నో మిథు॑నగ్‍ం రీ॒ఢ్వం || 68 || 1-15-1
ఆరోగస్య స్థానే స్వతేజ॑సా భా॒ని |
భ్రాజస్య స్థానే స్వతేజ॑సా భా॒ని |
పటరస్య స్థానే స్వతేజ॑సా భా॒ని |
పతఙ్గస్య స్థానే స్వతేజ॑సా భా॒ని |
స్వర్ణరస్య స్థానే స్వతేజ॑సా భా॒ని |
జ్యోతిషీమతస్య స్థానే స్వతేజ॑సా భా॒ని |
విభాసస్య స్థానే స్వతేజ॑సా భా॒ని |
కశ్యపస్య స్థానే స్వతేజ॑సా భా॒ని |
ఓం భూర్భువ॒స్స్వ॑: |
ఆపో వో మిథునం మా నో మిథు॑నగ్‍ం రీ॒ఢ్వం || 69 || 1-16-1
అథ వాయోరేకాదశపురుషస్యైకాదశ॑స్త్రీక॒స్య |
ప్రభ్రాజమానానాగ్‍ం రుద్రాణాగ్ స్థానే స్వతేజ॑సా భా॒ని |
వ్యవదాతానాగ్‍ం రుద్రాణాగ్ స్థానే స్వతేజ॑సా భా॒ని |
వాసుకివైద్యుతానాగ్‍ం రుద్రాణాగ్ స్థానే స్వతేజ॑సా భా॒ని |
రజతానాగ్‍ం రుద్రాణాగ్ స్థానే స్వతేజ॑సా భా॒ని |
పరుషాణాగ్‍ం రుద్రాణాగ్ స్థానే స్వతేజ॑సా భా॒ని |
శ్యామానాగ్‍ం రుద్రాణాగ్ స్థానే స్వతేజ॑సా భా॒ని |
కపిలానాగ్‍ం రుద్రాణాగ్ స్థానే స్వతేజ॑సా భా॒ని |
అతిలోహితానాగ్‍ం రుద్రాణాగ్ స్థానే స్వతేజ॑సా భా॒ని |
ఊర్ధ్వానాగ్‍ం రుద్రాణాగ్ స్థానే స్వతేజ॑సా భా॒ని || 70 || 1-17-1
అవపతన్తానాగ్‍ం రుద్రాణాగ్ స్థానే స్వతేజ॑సా భా॒ని |
వైద్యుతానాగ్‍ం రుద్రాణాగ్ స్థానే స్వతేజ॑సా భా॒ని |
ప్రభ్రాజమానీనాగ్‍ం రుద్రాణీనాగ్ స్థానే స్వతేజ॑సా భా॒ని |
వ్యవదాతీనాగ్‍ం రుద్రాణీనాగ్ స్థానే స్వతేజ॑సా భా॒ని |
వాసుకివైద్యుతీనాగ్‍ం రుద్రాణీనాగ్ స్థానే స్వతేజ॑సా భా॒ని |
రజతానాగ్‍ం రుద్రాణీనాగ్ స్థానే స్వతేజ॑సా భా॒ని |
పరుషాణాగ్‍ం రుద్రాణీనాగ్ స్థానే స్వతేజ॑సా భా॒ని |
శ్యామానాగ్‍ం రుద్రాణీనాగ్ స్థానే స్వతేజ॑సా భా॒ని |
కపిలానాగ్‍ం రుద్రాణీనాగ్ స్థానే స్వతేజ॑సా భా॒ని |
అతిలోహితీనాగ్‍ం రుద్రాణీనాగ్ స్థానే స్వతేజ॑సా భా॒ని |
ఊర్ధ్వానాగ్‍ం రుద్రాణీనాగ్ స్థానే స్వతేజ॑సా భా॒ని |
అవపతన్తీనాగ్‍ం రుద్రాణీనాగ్ స్థానే స్వతేజ॑సా భా॒ని |
వైద్యుతీనాగ్‍ం రుద్రాణీనాగ్ స్థానే స్వతేజ॑సా భా॒ని |
ఓం భూర్భువ॒స్స్వ॑: |
రూపాణి వో మిథునం మా నో మిథు॑నగ్‍ం రీ॒ఢ్వం || 71 || 1-17-2
అథాగ్నే॑రష్టపు॑రుష॒స్య |
అగ్నేః పూర్వదిశ్యస్య స్థానే స్వతేజ॑సా భా॒ని |
జాతవేదస ఉపదిశ్యస్య స్థానే స్వతేజ॑సా భా॒ని |
సహోజసో దక్షిణదిశ్యస్య స్థానే స్వతేజ॑సా భా॒ని |
అజిరాప్రభవ ఉపదిశ్యస్య స్థానే స్వతేజ॑సా భా॒ని |
వైశ్వానరస్యాపరదిశ్యస్య స్థానే స్వతేజ॑సా భా॒ని |
నర్యాపస ఉపదిశ్యస్య స్థానే స్వతేజ॑సా భా॒ని |
పఙ్క్తిరాధస ఉదగ్దిశ్యస్య స్థానే స్వతేజ॑సా భా॒ని |
విసర్పిణ ఉపదిశ్యస్య స్థానే స్వతేజ॑సా భా॒ని |
ఓం భూర్భువ॒స్స్వ॑: |
దిశో వో మిథునం మా నో మిథు॑నగ్‍ం రీ॒ఢ్వం || 72 || 1-18-1
దక్షిణపూర్వస్యాన్దిశి విస॑ర్పీ న॒రకః |
తస్మాన్నః ప॑రిపా॒హి |
దక్షిణాస్యాన్దిశ్యవిస॑ర్పీ న॒రకః |
తస్మాన్నః ప॑రిపా॒హి |
ఉత్తరపూర్వస్యాన్దిశి విషా॑దీ న॒రకః |
తస్మాన్నః ప॑రిపా॒హి |
ఉత్తరాపరస్యాన్దిశ్యవిషా॑దీ న॒రకః |
తస్మాన్నః ప॑రిపా॒హి |
ఆయస్మిన్థ్సప్త వాసవా ఇన్ద్రియాణి శతక్రత॑విత్యే॒తే || 73 || 1-19-1
ఇ॒న్ద్ర॒ఘో॒షా వో॒ వసు॑భిః పు॒రస్తా॒దుప॑దధతాం |
మనో॑జవసో వః పి॒తృభి॑ర్దక్షిణ॒త ఉప॑దధతాం |
ప్రచే॑తా వో రు॒ద్రైః ప॒శ్చాదుప॑దధతాం |
వి॒శ్వక॑ర్మా వ ఆది॒త్యైరు॑త్తర॒త ఉప॑దధతాం |
త్వష్టా॑ వో రూ॒పైరు॒పరి॑ష్టా॒దుప॑దధతాం |
సంజ్ఞానం వః ప॑శ్చాది॒తి |
ఆ॒ది॒త్యస్సర్వో॒ఽగ్నిః పృ॑థి॒వ్యాం |
వా॒యుర॒న్తరి॑క్షే |
సూర్యో॑ ది॒వి |
చ॒న్ద్రమా॑ ది॒క్షు |
నక్ష॑త్రాణి॒ స్వలో॒కే |
ఏ॒వా హ్యే॑వ |
ఏ॒వా హ్య॑గ్నే |
ఏ॒వా హి వా॑యో |
ఏ॒వా హీ”న్ద్ర |
ఏ॒వా హి పూ॑షన్ |
ఏ॒వా హి దే॑వాః || 74 || 1-20-1
ఆప॑మాపామ॒పః సర్వా”: |
అ॒స్మాద॒స్మాది॒తోఽముత॑: |
అ॒గ్నిర్వా॒యుశ్చ॒ సూర్య॑శ్చ |
స॒హ స॑ఞ్చస్క॒రర్ద్ధి॑యా |
వా॒య్వశ్వా॑ రశ్మి॒పత॑యః |
మరీ”చ్యాత్మానో॒ అద్రు॑హః |
దే॒వీర్భు॑వన॒సూవ॑రీః |
పు॒త్ర॒వ॒త్త్వాయ॑ మే సుత |
మహానాంనీర్మ॑హామా॒నాః |
మ॒హ॒సో మ॑హస॒స్స్వ॑: || 75 || 1-21-1
దే॒వీః ప॑ర్జన్య॒సూవ॑రీః |
పు॒త్ర॒వ॒త్త్వాయ॑ మే సుత |
అ॒పాఽశ్న్యు॑ష్ణిమ॒పారక్ష॑: |
అ॒పాఽశ్న్యు॑ష్ణిమ॒పారఘం” |
అపా”ఘ్రా॒మప॑చా॒ఽవర్తిం” |
అప॑దే॒వీరి॒తో హి॑త |
వజ్ర॑న్దే॒వీరజీ॑తాగ్‍ంశ్చ |
భువ॑నన్దేవ॒సూవ॑రీః |
ఆ॒ది॒త్యానది॑తిన్దే॒వీం |
యోని॑నోర్ధ్వము॒దీష॑త || 76 || 1-21-2
భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ం స॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు ||
కే॒తవో॒ అరు॑ణాసశ్చ |
ఋ॒ష॒యో వాత॑రశ॒నాః |
ప్ర॒తి॒ష్ఠాగ్‍ం శ॒తధా॑ హి |
స॒మాహి॑తాసో సహస్ర॒ధాయ॑సం |
శి॒వా న॒శ్శన్త॑మా భవన్తు |
ది॒వ్యా ఆప॒ ఓష॑ధయః |
సు॒మృ॒డీ॒కా సర॑స్వతి |
మా తే॒ వ్యో॑మ స॒oదృశి॑ || 77 || 1-21-3
యో॑ఽపాం పుష్ప॒o వేద॑ |
పుష్ప॑వాన్ ప్ర॒జావా”న్ పశు॒మాన్ భ॑వతి |
చ॒న్ద్రమా॒ వా అ॒పాం పుష్పం” |
పుష్ప॑వాన్ ప్ర॒జావా”న్ పశు॒మాన్ భ॑వతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
అ॒గ్నిర్వా అ॒పామా॒యత॑నం |
ఆ॒యత॑నవాన్ భవతి |
యో”ఽగ్నేరా॒యత॑న॒o వేద॑ || 78 || 1-22-1
ఆ॒యత॑నవాన్ భవతి |
ఆపో॒ వా అ॒గ్నేరా॒యత॑నం |
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
వా॒యుర్వా అ॒పామా॒యత॑నం |
ఆ॒యత॑నవాన్ భవతి |
యో వా॒యోరా॒యత॑న॒o వేద॑ |
ఆ॒యత॑నవాన్ భవతి || 79 || 1-22-2
ఆపో॒ వై వా॒యోరా॒యత॑నం |
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
అ॒సౌ వై తప॑న్న॒పామా॒యత॑నం |
ఆ॒యత॑నవాన్ భవతి |
యో॑ఽముష్య॒ తప॑త ఆ॒యత॑న॒o వేద॑ |
ఆ॒యత॑నవాన్ భవతి |
ఆపో॒ వా అ॒ముష్య॒ తప॑త ఆ॒యత॑నం || 80 || 1-22-3
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
చ॒న్ద్రమా॒ వా అ॒పామా॒యత॑నం |
ఆ॒యత॑నవాన్ భవతి |
యశ్చ॒న్ద్రమ॑స ఆ॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై చ॒న్ద్రమ॑స ఆ॒యత॑నం|
ఆ॒యత॑నవాన్ భవతి || 81 || 1-22-4
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
నక్ష॑త్రాణి॒ వా అ॒పామా॒యత॑నం |
ఆ॒యత॑నవాన్ భవతి |
యో నక్ష॑త్రాణామా॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై నక్ష॑త్రాణామా॒యత॑నం |
ఆ॒యత॑నవాన్ భవతి |
య ఏ॒వం వేద॑ || 82 || 1-22-5
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
ప॒ర్జన్యో॒ వా అ॒పామా॒యత॑నం |
ఆ॒యత॑నవాన్ భవతి |
యః ప॒ర్జన్య॑స్యా॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై ప॒ర్జన్య॑స్యా॒ఽఽయత॑నం |
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ || 83 || 1-22-6
ఆ॒యత॑నవాన్ భవతి |
స॒oవ॒థ్స॒రో వా అ॒పామా॒యత॑నం |
ఆ॒యత॑నవాన్ భవతి |
యస్స॑oవథ్స॒రస్యా॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై స॑oవథ్స॒రస్యా॒ఽఽయత॑నం |
ఆ॒యత॑నవాన్ భవతి |
య ఏ॒వం వేద॑ |
యో”ఽప్సు నావ॒o ప్రతి॑ష్ఠితా॒o వేద॑ |
ప్రత్యే॒వ తి॑ష్ఠతి || 84 || 1-22-7
ఇ॒మే వై లో॒కా అ॒ప్సు ప్రతి॑ష్ఠితాః |
తదే॒షాఽభ్యనూ”క్తా |
అ॒పాగ్‍ం రస॒ముద॑యగ్‍ం సన్ |
సూర్యే॑ శు॒క్రగ్‍ం స॒మాభృ॑తం |
అ॒పాగ్‍ం రస॑స్య॒ యో రస॑: |
తం వో॑ గృహ్ణాంయుత్త॒మమితి॑ |
ఇ॒మే వై లో॒కా అ॒పాగ్‍ం రస॑: |
తే॑ఽముష్మి॑న్నాది॒త్యే స॒మాభృ॑తాః |
జా॒ను॒ద॒ఘ్నీము॑త్తరవే॒దీఙ్ఖా॒త్వా |
అ॒పాం పూ॑రయి॒త్వా గు॑ల్ఫద॒ఘ్నం || 85 || 1-22-8
పుష్కరపర్ణైః పుష్కరదణ్డైః పుష్కరైశ్చ॑ సగ్గ్‍స్తీ॒ర్య |
తస్మి॑న్విహా॒యసే |
అ॒గ్నిం ప్ర॒ణీయో॑పసమా॒ధాయ॑ |
బ్ర॒హ్మ॒వా॒దినో॑ వదన్తి |
కస్మా”త్ప్రణీ॒తేఽయమ॒గ్నిశ్చీ॒యతే” |
సాప్ర॑ణీ॒తేఽయమ॒ప్సు హ్యయ॑ఞ్చీ॒యతే” |
అ॒సౌ భువ॑నే॒ఽప్యనా॑హితాగ్నిరే॒తాః |
తమ॒భిత॑ ఏ॒తా అ॒బీష్ట॑కా॒ ఉప॑దధాతి |
అ॒గ్ని॒హో॒త్రే ద॑ర్శపూర్ణమా॒సయో”: |
ప॒శు॒బ॒న్ధే చా॑తుర్మా॒స్యేషు॑ || 86 || 1-22-9
అథో॑ ఆహుః |
సర్వే॑షు యజ్ఞక్ర॒తుష్వితి॑ |
ఏ॒తద్ధ॑ స్మ॒ వా ఆ॑హుశ్శణ్డి॒లాః |
కమ॒గ్నిఞ్చి॑నుతే |
స॒త్రి॒యమ॒గ్నిఞ్చి॑న్వా॒నః |
స॒oవ॒థ్స॒రం ప్ర॒త్యక్షే॑ణ |
కమ॒గ్నిఞ్చి॑నుతే |
సా॒వి॒త్రమ॒గ్నిఞ్చి॑న్వా॒నః |
అ॒ముమా॑ది॒త్యం ప్ర॒త్యక్షే॑ణ |
కమ॒గ్నిఞ్చి॑నుతే || 87 || 1-22-10
నా॒చి॒కే॒తమ॒గ్నిఞ్చి॑న్వా॒నః |
ప్రా॒ణాన్ప్ర॒త్యక్షే॑ణ |
కమ॒గ్నిఞ్చి॑నుతే |
చా॒తు॒ర్హో॒త్రి॒యమ॒గ్నిఞ్చి॑న్వా॒నః |
బ్రహ్మ॑ ప్ర॒త్యక్షే॑ణ |
కమ॒గ్నిఞ్చి॑నుతే |
వై॒శ్వ॒సృ॒జమ॒గ్నిఞ్చి॑న్వా॒నః |
శరీ॑రం ప్ర॒త్యక్షే॑ణ |
కమ॒గ్నిఞ్చి॑నుతే |
ఉ॒పా॒ను॒వా॒క్య॑మా॒శుమ॒గ్నిఞ్చి॑న్వా॒నః || 88 || 1-22-11
ఇ॒మాఁల్లో॒కాన్ప్ర॒త్యక్షే॑ణ |
కమ॒గ్నిఞ్చి॑నుతే |
ఇ॒మమా॑రుణకేతుకమ॒గ్నిఞ్చి॑న్వా॒నః ఇతి॑ |
య ఏ॒వాసౌ |
ఇ॒తశ్చా॒ముత॑శ్చాఽవ్యతీపా॒తీ |
తమితి॑ |
యో”ఽగ్నేర్మి॑థూ॒యా వేద॑ |
మి॒థు॒న॒వాన్భ॑వతి |
ఆపో॒ వా అ॒గ్నేర్మి॑థూ॒యాః |
మి॒థు॒న॒వాన్భ॑వతి |
య ఏ॒వం వేద॑ || 89 || 1-22-12
ఆపో॒ వా ఇ॒దమా॑సన్థ్సలి॒లమే॒వ |
స ప్ర॒జాప॑తి॒రేక॑: పుష్కరప॒ర్ణే సమ॑భవత్ |
తస్యాన్త॒ర్మన॑సి కామ॒స్సమ॑వర్తత |
ఇ॒దగ్‍ం సృ॑జేయ॒మితి॑ |
తస్మా॒ద్యత్పురు॑షో॒ మన॑సాఽభి॒గచ్ఛ॑తి |
తద్వా॒చా వ॑దతి |
తత్కర్మ॑ణా కరోతి |
తదే॒షాఽభ్యనూ”క్తా |
కామ॒స్తదగ్రే॒ సమ॑వర్త॒తాధి॑ |
మన॑సో॒ రేత॑: ప్రథ॒మం యదాసీ”త్ || 90 || 1-23-1
స॒తో బన్ధు॒మస॑తి॒ ని॑రవిన్దన్ |
హృ॒ది ప్ర॒తీష్యా॑ క॒వయో॑ మనీ॒షేతి॑ |
ఉపై॑న॒న్తదుప॑నమతి |
యత్కా॑మో॒ భవ॑తి |
య ఏ॒వం వేద॑ |
స తపో॑ఽతప్యత |
స తప॑స్త॒ప్త్వా |
శరీ॑రమధూనుత |
తస్య॒ యన్మా॒గ్॒‍ంసమాసీ”త్ |
తతో॑ఽరు॒ణాః కే॒తవో॒ వాత॑రశ॒నా ఋష॑య॒ ఉద॑తిష్ఠన్ || 91 || 1-23-2
యే నఖా”: |
తే వై॑ఖాన॒సాః |
యే వాలా”: |
తే వా॑లఖి॒ల్యాః |
యో రస॑: |
సో॑ఽపాం |
అ॒న్త॒ర॒తః కూ॒ర్మం భూ॒తగ్‍ం సర్ప॑న్తం |
తమ॑బ్రవీత్ |
మమ॒ వైత్వఙ్మా॒గ్॒‍ంసా |
సమ॑భూత్ || 92 || 1-23-3
నేత్య॑బ్రవీత్ |
పూర్వ॑మే॒వాహమి॒హాస॒మితి॑ |
తత్పురు॑షస్య పురుష॒త్వం |
స స॒హస్ర॑శీర్షా॒ పురు॑షః |
స॒హ॒స్రా॒క్షస్స॒హస్ర॑పాత్ |
భూ॒త్వోద॑తిష్ఠత్ |
తమ॑బ్రవీత్ |
త్వం వై పూర్వగ్॑‍ం సమ॑భూః |
త్వమి॒దం పూర్వ॑: కురు॒ష్వేతి॑ |
స ఇ॒త ఆ॒దాయాప॑: || 93 || 1-23-4
అ॒ఞ్జ॒లినా॑ పు॒రస్తా॑దు॒పాద॑ధాత్ |
ఏ॒వాహ్యే॒వేతి॑ |
తత॑ ఆది॒త్య ఉద॑తిష్ఠత్ |
సా ప్రాచీ॒ దిక్ |
అథా॑రు॒ణః కే॒తుర్ద॑క్షిణ॒త ఉ॒పాద॑ధాత్ |
ఏ॒వాహ్యగ్న॒ ఇతి॑ |
తతో॒ వా అ॒గ్నిరుద॑తిష్ఠత్ |
సా ద॑క్షి॒ణా దిక్ |
అథా॑రు॒ణః కే॒తుః ప॒శ్చాదు॒పాద॑ధాత్ |
ఏ॒వాహి వాయో॒ ఇతి॑ || 94 || 1-23-5
తతో॑ వా॒యురుద॑తిష్ఠత్ |
సా ప్ర॒తీచీ॒ దిక్ |
అథా॑రు॒ణః కే॒తురు॑త్తర॒త ఉ॒పాద॑ధాత్ |
ఏ॒వాహీన్ద్రేతి॑ |
తతో॒ వా ఇన్ద్ర॒ ఉద॑తిష్ఠత్ |
సోదీ॑చీ॒ దిక్ |
అథా॑రు॒ణః కే॒తుర్మధ్య॑ ఉ॒పాద॑ధాత్ |
ఏ॒వాహి పూష॒న్నితి॑ |
తతో॒ వై పూ॒షోద॑తిష్ఠత్ |
సేయన్దిక్ || 95 || 1-23-6
అథా॑రు॒ణః కే॒తురు॒పరి॑ష్టాదు॒పాద॑ధాత్ |
ఏ॒వాహి దే॒వా ఇతి॑ |
తతో॑ దేవమను॒ష్యాః పి॒తర॑: |
గ॒న్ధ॒ర్వా॒ప్స॒రస॒శ్చోద॑తిష్ఠన్ |
సోర్ధ్వా దిక్ |
యా వి॒ప్రుషో॑ వి॒పరా॑పతన్ |
తాభ్యోఽసు॑రా॒ రక్షాగ్॑‍ంసి పిశా॒చాశ్చోద॑తిష్ఠన్ |
తస్మా॒త్తే పరా॑భవన్ |
వి॒ప్రుడ్భ్యో॒ హి తే సమ॑భవన్ |
తదే॒షాఽభ్యనూ”క్తా || 96 || 1-23-7
ఆపో॑ హ॒ యద్బృ॑హ॒తీర్గర్భా॒మాయన్॑ |
దక్ష॒న్దధా॑నా జ॒నయ॑న్తీస్స్వయ॒oభుం |
తత॑ ఇ॒మేఽద్ధ్యసృ॑జ్యన్త॒ సర్గా”: |
అద్భ్యో॒ వా ఇ॒దగ్‍ం సమ॑భూత్ |
తస్మా॑ది॒దగ్‍ం సర్వ॒o బ్రహ్మ॑ స్వయ॒oభ్వితి॑ |
తస్మా॑ది॒దగ్‍ం సర్వ॒గ్॒‍ం శిథి॑లమి॒వాద్ధ్రువ॑మివాభవత్ |
ప్ర॒జాప॑తి॒ర్వావ తత్ |
ఆ॒త్మనా॒త్మాన॑o వి॒ధాయ॑ |
తదే॒వాను॒ప్రావి॑శత్ |
తదే॒షాఽభ్యనూ”క్తా || 97 || 1-23-8
వి॒ధాయ॑ లో॒కాన్వి॒ధాయ॑ భూ॒తాని॑ |
వి॒ధాయ॒ సర్వా”: ప్ర॒దిశో॒ దిశ॑శ్చ |
ప్ర॒జాప॑తిః ప్రథమ॒జా ఋ॒తస్య॑ |
ఆ॒త్మనా॒త్మాన॑మ॒భిసంవి॑వే॒శేతి॑ |
సర్వ॑మే॒వేదమా॒ప్త్వా |
సర్వ॑మవ॒రుద్ధ్య॑ |
తదే॒వాను॒ప్రవి॑శతి |
య ఏ॒వం వేద॑ || 98 || 1-23-9
చతు॑ష్టయ్య॒ ఆపో॑ గృహ్ణాతి |
చ॒త్వారి॒ వా అ॒పాగ్‍ం రూ॒పాణి॑ |
మేఘో॑ వి॒ద్యుత్ |
స్త॒న॒యి॒త్నుర్వృ॒ష్టిః |
తాన్యే॒వావ॑రున్ధే |
ఆ॒తప॑తి॒ వర్ష్యా॑ గృహ్ణాతి |
తాః పు॒రస్తా॒దుప॑దధాతి |
ఏ॒తా వై బ్ర॑హ్మవర్చ॒స్యా ఆప॑: |
ము॒ఖ॒త ఏ॒వ బ్ర॑హ్మవర్చ॒సమవ॑రున్ధే |
తస్మా”న్ముఖ॒తో బ్ర॑హ్మవర్చ॒సిత॑రః || 99 || 1-24-1
కూప్యా॑ గృహ్ణాతి |
తా ద॑క్షిణ॒త ఉప॑దధాతి |
ఏ॒తా వై తే॑జ॒స్వినీ॒రాప॑: |
తేజ॑ ఏ॒వాస్య॑ దక్షిణ॒తో ద॑ధాతి |
తస్మా॒ద్దక్షి॒ణోఽర్ధ॑స్తేజ॒స్విత॑రః |
స్థా॒వ॒రా గృ॑హ్ణాతి |
తాః ప॒శ్చాదుప॑దధాతి |
ప్రతి॑ష్ఠితా॒ వై స్థా॑వ॒రాః |
ప॒శ్చాదే॒వ ప్రతి॑తిష్ఠతి |
వహ॑న్తీర్గృహ్ణాతి || 100 || 1-24-2
తా ఉ॑త్తర॒త ఉప॑దధాతి |
ఓజ॑సా॒ వా ఏ॒తా వహ॑న్తీరి॒వోద్గ॑తీరి॒వ ఆకూజ॑తీరి॒వ ధావ॑న్తీః |
ఓజ॑ ఏ॒వాస్యో”త్తర॒తో ద॑ధాతి |
తస్మా॒దుత్త॒రోఽర్ధ॑ ఓజ॒స్విత॑రః |
స॒oభా॒ర్యా గృ॑హ్ణాతి |
తా మధ్య॒ ఉప॑దధాతి |
ఇ॒యం వై స॑oభా॒ర్యాః |
అ॒స్యామే॒వ ప్రతి॑తిష్ఠతి |
ప॒ల్వ॒ల్యా గృ॑హ్ణాతి |
తా ఉ॒పరి॑ష్టాదు॒పాద॑ధాతి || 101 || 1-24-3
అ॒సౌ వై ప॑ల్వ॒ల్యాః |
అ॒ముష్యా॑మే॒వ ప్రతి॑తిష్ఠతి |
ది॒క్షూప॑దధాతి |
ది॒క్షు వా ఆప॑: |
అన్న॒o వా ఆప॑: |
అ॒ద్భ్యో వా అన్న॑ఞ్జాయతే |
యదే॒వాద్భ్యోఽన్న॒ఞ్జాయ॑తే |
తదవ॑రున్ధే |
తం వా ఏ॒తమ॑రు॒ణాః కే॒తవో॒ వాత॑రశ॒నా ఋష॑యోఽచిన్వన్ |
తస్మా॑దారుణకే॒తుక॑: || 102 || 1-24-4
తదే॒షాఽభ్యనూ”క్తా |
కే॒తవో॒ అరు॑ణాసశ్చ |
ఋ॒ష॒యో వాత॑రశ॒నాః |
ప్ర॒తి॒ష్ఠాగ్‍ం శ॒తధా॑హి |
స॒మాహి॑తాసో సహస్ర॒ధాయ॑స॒మితి॑ |
శ॒తశ॑శ్చై॒వ స॒హస్ర॑శశ్చ॒ ప్రతి॑తిష్ఠతి |
య ఏ॒తమ॒గ్నిఞ్చి॑నుతే |
య ఉ॑చైనమే॒వం వేద॑ || 103 || 1-24-5
జా॒ను॒ద॒ఘ్నీము॑త్తరవే॒దీఙ్ఖా॒త్వా |
అ॒పాం పూ॑రయతి |
అ॒పాగ్‍ం స॑ర్వ॒త్వాయ॑ |
పు॒ష్క॒ర॒ప॒ర్ణగ్‍ం రు॒క్మం పురు॑ష॒మిత్యుప॑దధాతి |
తపో॒ వై పు॑ష్కరప॒ర్ణం |
స॒త్యగ్‍ం రు॒క్మః |
అ॒మృత॒o పురు॑షః |
ఏ॒తావ॒ద్వావా”స్తి |
యావ॑దే॒తత్ |
యావ॑దే॒వాస్తి॑ || 104 || 1-25-1
తదవ॑రున్ధే |
కూ॒ర్మముప॑దధాతి |
అ॒పామే॒వ మేధ॒మవ॑రున్ధే |
అథో” స్వ॒ర్గస్య॑ లో॒కస్య॒ సమ॑ష్ట్యై |
ఆప॑మాపామ॒పస్సర్వా”: |
అ॒స్మాద॒స్మాది॒తోఽముత॑: |
అ॒గ్నిర్వా॒యుశ్చ॒ సూర్య॑శ్చ |
స॒హస॑ఞ్చస్క॒రర్ద్ధి॑యా॒ ఇతి॑ |
వా॒య్వశ్వా॑ రశ్మి॒పత॑యః |
లో॒కం పృ॑ణచ్ఛి॒ద్రం పృ॑ణ || 105 || 1-25-2
యాస్తి॒స్రః ప॑రమ॒జాః |
ఇ॒న్ద్ర॒ఘో॒షా వో॒ వసు॑భిరే॒వాహ్యే॒వేతి॑ |
పఞ్చ॒చిత॑య॒ ఉపద॑ధాతి |
పాఙ్క్తో॒ఽగ్నిః |
యావ॑నే॒వాగ్నిః |
తఞ్చి॑నుతే |
లో॒కంపృ॑ణయా ద్వి॒తీయా॒ముప॑దధాతి |
పఞ్చ॑పదా॒ వై వి॒రాట్ |
తస్యా॒ వా ఇ॒యం పాద॑: |
అ॒న్తరి॑క్ష॒o పాద॑: |
ద్యౌః పాద॑: |
దిశ॒: పాద॑: |
ప॒రోర॑జా॒: పాద॑: |