అంబాష్టకం అథవా నవరత్నమంజరీ

చేటీభవన్నిఖిలఖేటీకదంబతరువాటీషు నాకపటలీ-  var  వనవాటీషు

కోటీరచారుతరకోటీమణీకిరణకోటీకరంబితపదా .

పాటీరగంధికుచశాటీకవిత్వపరిపాటీమగాధిపసుతా

ఘోటీకులాదధికధాటీముదారముఖవీటీరసేన తనుతాం .. 1..

    కూలాతిగామిభయతూలావలీజ్వలనకీలా నిజస్తుతివిధౌ

    కోలాహలక్షపితకాలామరీకుశలకీలాలపోషణనభః .  var  కలశకీలాల

    స్థూలా కుచే జలదనీలా కచే కలితలీలా కదంబవిపినే

    శూలాయుధప్రణతిశీలా విభాతు హృది శైలాధిరాజతనయా .. 2..   var  భవతు

యత్రాశయో లగతి తన్నాగజా వసతు కుత్రాపి నిస్తులశుకా  var  తత్రాగజా

సుత్రామకాలముఖసత్రాశనప్రకరసుత్రాణకారిచరణా .

ఛత్రానిలాతిరయపత్రాభిరామగుణమిత్రామరీసమవధూః

కుత్రాసహన్మణివిచిత్రాకృతిః స్ఫురితపుత్రాదిదాననిపుణా .. 3..

    ద్వైపాయనప్రభృతిశాపాయుధత్రిదివసోపానధూలిచరణా

    పాపాపహస్వమనుజాపానులీనజనతాపాపనోదనిపుణా .

    నీపాలయా సురభిధూపాలికా దురితకూపాదుదంచయతు మాం  var  సురభుధూపాలకా

    రూపాభికా శిఖరిభూపాలవంశమణిదీపాయితా భగవతీ .. 4..

యాఽఽలీభిరాత్మతనుతాలీసకృత్ప్రియకపాలీషు ఖేలతి భవ-  var  భయ-

వ్యాలీనకుల్యసితచూలీభరా చరణధూలీలసన్మునివరా .

బాలీభృతి శ్రవసి తాలీదలం వహతి యాలీకశోభితిలకా  var  యాలికా

సాఽఽలీకరోతు మమ కాలీ మనః స్వపదనాలీకసేవనవిధౌ .. 5..

    న్యంకాకరే వపుషి కంకాలరక్తపుషి కంకాదిపక్షివిషయే    var  పక్షవిషయే

    త్వం కామనామయసి కిం కారణం హృదయపంకారిమేహి గిరిజాం .

    శంకాశిలానిశితటంకాయమానపదసంకాశమానసుమనో-

    ఝంకారిమానతతిమంకానుపేతశశిసంకాశివక్త్రకమలాం .. 6..

కంబావతీసమవిడుంబా గలేన నవతుంబాభవీణసవిధా

శం బాహులేయశశిబింబాభిరామముఖసంబాధితస్తనభరా .  var  బింబాధరా

అంబా కురంగమదజంబాలరోచిరిహ లంబాలకా దిశతు మే  var  రహ

బింబాధరా వినతశంబాయుధాదినికురుంబా కదంబవిపినే .. 7..

    ఇంధానకీరమణిబంధా భవే హృదయబంధావతీవ రసికా

    సంధావతీ భువనసంధారణేఽప్యమృతసింధావుదారనిలయా .

    గంధానుభానముహురంధాలివీతకచబంధా సమర్పయతు మే

    శం ధామ భానుమపి సంధానమాశు పదసంధానమప్యగసుతా .. 8..  var  భానుమతిసంధా

ఇతి శ్రీమచ్ఛంకరాచార్యవిరచితమంబాష్టకం సంపూర్ణం ..

అంబాస్తవం

అంబికే! ప్రణమామి ``త్వామాయరే'' గ్రామదేవతే .

సర్వశక్తే, ప్రసీద త్వం సచ్చిదానందరూపిణి .. 1..

        గ్రామరక్షాబద్ధదీక్షే, గ్రామపుష్టిప్రదాయిని! .

        ఆపన్నివారకే దేవి! దయామయి, నమోఽస్తు తే .. 2..

ప్రసన్నకరుణాపూర్ణవిలోలనయనాంబుజాం .

ఆకుంచితమనోహారిస్ఫురచ్చిల్లీమత్లికాం .. 3..

        సిందూరతిలకోద్భాసివిశాలనిటిలాంచితాం .

        కపోలబింబితారమ్యమణికుండలభూషితాం .. 4..

మందస్మితమనోహారి మధురాధరశోభితాం .

ఆనీలపట్టవసనసమావృతకలేవరాం .. 5..

        ప్రశాంతదివ్యమహసా పరివేషితవిగ్రహాం .

        ధ్యాయామి త్వాం మహాదేవీం శ్రీవిద్యాశక్తిరూపిణీం .. 6..

ప్రసీద త్వం శివే, దేవి, లక్ష్మి, దుర్గే, సరస్వతి .

రమ్యం భవద్రూపమిదం భాసతాం హృదయే సదా .. 7..

        విపదస్త్రాహి నో దేవి! సంపదో దేహి నః శివే! .

        అస్మాసు ధేహి కరుణాం భక్తాన్ నః పాహి సర్వదా .. 8..

గ్రామాంబికాస్తోత్రమిదం యే పఠంతి సమాహితాః .

శృణ్వంతి వా తథా తేషు ప్రసీదతి మహేశ్వరీ! .. 9..

ఇతి శ్రీవాసుదేవన్ ఏలయథేన విరచితం అంబాస్తవం సంపూర్ణం .

అంబాపంచరత్నస్తోత్రం

అంబాశంబరవైరితాతభగినీ శ్రీచంద్రబింబాననా

బింబోష్ఠీ స్మితభాషిణీ శుభకరీ కాదంబవాట్యాశ్రితా .

హ్రీంకారాక్షరమంత్రమధ్యసుభగా శ్రోణీనితంబాంకితా

మామంబాపురవాసినీ భగవతీ హేరంబమాతావతు .. 1..

కల్యాణీ కమనీయసుందరవపుః కాత్యాయనీ కాలికా

కాలా శ్యామలమేచకద్యుతిమతీ కాదిత్రిపంచాక్షరీ .

కామాక్షీ కరుణానిధిః కలిమలారణ్యాతిదావానలా

మామంబాపురవాసినీ భగవతీ హేరంబమాతావతు .. 2..

కాంచీకంకణహారకుండలవతీ కోటీకిరీటాన్వితా

కందర్పద్యుతికోటికోటిసదనా పీయూషకుంభస్తనా .

కౌసుంభారుణకాంచనాంబరవృతా కైలాసవాసప్రియా

మామంబాపురవాసినీ భగవతీ హేరంబమాతావతు .. 3..

యా సా శుంభనిశుంభదైత్యశమనీ యా రక్తబీజాశనీ

యా శ్రీ విష్ణుసరోజనేత్రభవనా యా బ్రహ్మవిద్యాఽఽసనీ .

యా దేవీ మధుకైటభాసురరిపుర్యా మాహిషధ్వంసినీ

మామంబాపురవాసినీ భగవతీ హేరంబమాతావతు .. 4..

శ్రీవిద్యా పరదేవతాఽఽదిజననీ దుర్గా జయా చండికా

బాలా శ్రీత్రిపురేశ్వరీ శివసతీ శ్రీరాజరాజేశ్వరీ .

శ్రీరాజ్ఞీ శివదూతికా శ్రుతినుతా శృంగారచూడామణిః

మామంబాపురవాసినీ భగవతీ హేరంబమాతావతు .. 5..

అంబాపంచకమద్భుతం పఠతి చేద్యో వా ప్రభాతేఽనిశం

దివ్యైశ్వర్యశతాయురుత్తమమిదం విద్యాం శ్రియం శాశ్వతం .

లబ్ధ్వా భూమితలే స్వధర్మనిరతాం శ్రీసుందరీం భామినీం

అంతే స్వర్గఫలం లభేత్స విబుధైః సంస్తూయమానో నరః .. 6..

ఇతి అంబాపంచరత్నస్తోత్రం సమాప్తం ..

అంబాన్నపూర్ణాస్తుతిపంచకం

అంబాన్నపూర్ణే జగదంబికే శివే

       దుర్గేభవానీ శివప్రాణ వల్లభే .

అనాథనాథేనిజభృత్యవత్సలే

       మాంపాహి నిత్యం పతితం త్వదాశ్రయే .. 1..

హే దుర్గహంత్రీజనదుఃఖనాశినీ

       మాముద్ధరాశు చరణౌ ప్రదాయ హి .

భుక్తించముక్తించదదాతునః శివే

       పాదాబ్జరేణుం శిరసినిధేహివః .. 2..

శివస్య వామాంగమలంకృతాంగీ

       త్వమన్నపూర్ణా శుభదాయినీంచ .

శంభో సదా ప్రాణసమప్రియాత్వం

       మనన్యభావాం ప్రణమామి నిత్యం .. 3..

మాతాన్నపూర్ణే జనమన్నదాత్రీం

       సురాసురైసర్వజనైః సుపూజితాం .

భిక్షాన్నదత్త్వా త్రిజగత్ సుపాలినీం

       అంబాన్నపూర్ణే ప్రణమామినిత్యం .. 4..

శివస్య త్వం నిత్య సుసేవికాఽసి

       సదాశివః సర్వజనాయముక్తిః .

దదాతి శాశ్వత్ మరణేన కాశ్యాం

       జీవాంత్వమన్నం ప్రదదాసినిత్యం .. 5..

అంబాన్నపూర్ణే ప్రణమామి నిత్యం ..

ఇతి శ్రీ స్వామీ ఉమేశ్వరానందతీర్థవిరచితం

     అంబాన్నపూర్ణాస్తుతిపంచకం సంపూర్ణం .

శ్రీమత్త్రిపురాంబికాయై నమః .

శ్రితజనశిశిరాపాంగీ శివవామాంగీ శిరీషమృదులాంగీ .

సంగీతసరసభంగీ ముదితకురంగీ కరోతు మయి కరుణాం .. 1..

బాలాం సురుచిరఫాలాం ముకురకపోలాం విచిత్రతరచైలాం .

లీలాహతాఘజాలాం సులలితమాలాం నమామి శివలోలాం .. 2..

అంబా సుగుణకదంబా పులిననితంబా శిరోజలోలంబా .

బింబాధరా మృగాక్షీ హిమరుచిబింబాననా హి మామవతాత్ .. 3..

కాలీమసురకరాలీం కరధృతఖడ్గాశులూనరిపుమౌలిం .

ధూలీకృతదితిజాలీం దురితోద్ధూలీకృతే శ్రితోఽస్మ్యనిశం .. 4..

భద్రాం సుజనసుభద్రామమృతసముద్రాంతరీపకృతభద్రాం .

ముద్రాం నతాభయకరీం దధతీం రుద్రాంగనామహం వందే .. 5..

లలితా శ్రితజనఫలితామరతరుతులితా భజత్కృపాకలితా .

వలితాపాంగనిపాతైః కలయతు కల్యాణసంతతిం మయి తాం .. 6..

విద్యా తటిదివ హృద్యా నఖరుచివిద్యోతితాత్మజనవేద్యా .

వేద్యాగమైశ్చిదాద్యా సుభృశమవిద్యాం లునాతు మమసద్యః .. 7..

వాణీం కిసలయపాణీం పృథులశ్రోణీం నతామరశ్రేణీం .

వాణీజితకలవాణీం భుజగసువేణీం నమామి శుకపాణీం .. 8..

మాయాం సురుచిరకాయాం సుగుణనికాయాం సురాసురోద్గేయాం .

ధ్యేయాం యోగిభిరనిశం జగదభిధేయాం నమామి శివజాయాం .. 9..

నవరత్నమాలికాఖ్యామేతామార్యాముదారసవిశేషాం .

గురురాజసుకృతిరచితాం దయయా సాంగీకరోతు నిజహృదయే .. 10..

ఇతి అంబానవరత్నమాలికా (1) సంపూర్ణా .

శ్రీమద్భిరణ్ణయాచార్యైః విరచితా

అంబా నవమణిమాలా అథవా ఆర్యా నవకం

వాణీం జితశుకవాణీమలికులవేణీం భవాంబుధిద్రోణీం .

వీణాశుకశిశుపాణీం నతగీర్వాణీం నమామి శర్వాణీం .. 1..

కువలయదలనీలాంగీం కువలయరక్షైకదీక్షితాపాంగీం .

లోచనవిజితకురంగీం మాతంగీం నౌమి శంకరార్ధాంగీం .. 2..

కమలాకమలజకాంతాకరసారసదత్తకాంతకరకమలాం .

కరయుగలవిధృతకమలాం విమలాం కమలాంకచూడసకలకలాం .. 3..

సుందరహిమకరవదనాం కుందసురదనాం ముకుందనిధిసదనాం .

కరుణోజ్జీవితమదనాం సురకుశలాయాఽసురేషుకృతకదనాం .. 4..

అరుణాధరజితబింబాం జగదంబాం గమనవిజితకాదంబాం .

పాలితసుజనకదంబాం పృథులనితంబాం భజే సహేరంబాం .. 5..

శరణాగతజనభరణాం కరుణావరుణాలయాం నవావరణాం .

మణిమయదివ్యాభరణాం చరణాంభోజాతసేవకోద్ధరణాం .. 6..

తుంగస్తనజితకుంభాం కృతపరిరంభాంశివేన గుహడింభాం .

దారితశుంభనిశుంభాం నర్తితరంభాం పురో విగతదంభాం .. 7..

నతజనరక్షాదీక్షాం ప్రత్యక్షదైవతాధ్యక్షాం .

వాహీకృతహర్యక్షాం క్షపితవిపక్షాం సురేషుకృతరక్షాం .. 8..

ధన్యాం సురవరమాన్యాం హిమిగిరికన్యాం త్రిలోకమూర్ద్ధన్యాం .

విహృతసురద్రుమవన్యాం వేద్మి వినా త్వాం న దేవతాస్వన్యాం .. 9..

ఏతాం నవమణిమాలాం పఠంతి భక్త్యేహ యే పరాశక్త్యాః .

తేషాం వదనే సదనే నృత్యతి వాణీ రమా చ పరమముదా .. 10..

పాతయ వా పాతాలే స్థాపయ వా సకలభువనసామ్రాజ్యే .

మాతస్తవ పదయుగలం నాహం ముంచామి నైవ ముంచామి .. 11..

ఇతి అంబా నవమణిమాలా సమాప్తా .

నవరత్నమాలికా

ఆర్యా నవకం

అంధకకృతా గౌరీస్తుతిః

అంధక ఉవాచ.

ఓం నమస్యే భవానీం భూతభవ్యప్రియాం లోకధాత్రీం జనిత్రీం స్కందమాతరం మహాదేవప్రియాం ధారిణీం స్యందినీం చేతనాం త్రైలోక్యమాతరం ధరిత్రీం దేవమాతరమథేజ్యాం శ్రుతిం స్మృతిం దయాం లజ్జాం కాంతిమగ్ర్యామసూయాం మతిం సదాపావనీం దైత్యసైన్యక్షయకరీం మహామాయాం వైజయంతీం సుశుభాం కాలరాత్రిం గోవిందభగినీం శైలరాజపుత్రీం సర్వదేవార్చితాం సర్వభూతార్చితాం విద్యాం సరస్వతీం త్రినయనమహిషీం నమస్యామి మృడానీం శరణ్యాం శరణముపాగతోఽహం నమో నమస్తే .. 91

ఇతి శ్రీవామనపురాణే సప్తతితమోఽధ్యాయే అంధకకృతా గౌరీస్తుతిః .

అంధకకృతం పార్వతీస్తోత్రం

అంతర్విమర్శః

మూలే దీపాంకురాకారామగ్రే పద్మానుకారిణీం .

కిరంతీమమృత-జ్యోత్స్నాం కలయే బోధ-సారిణీం .. 1..

         యాతాయాత-పరాక్రాంత-చక్రాంత-పరివర్తినీం .

         గాహే జ్ఞప్తి-సుధా-సూతిం సిద్ధి-సాధన-వర్తినీం .. 2..

ప్రత్యక్షీ-క్రియతే యాంతరసంప్రజ్ఞాత-వర్త్మనా .

తాం వ్యామృశామి విశ్వేశీం దహరాకాశ-రూపిణీమ్మ్ .. 3..

         యదాజ్ఞయా స్వస్వ-కృత్యే పంచ-భూతాని జాగ్రతి .

         తాం సిద్ధి-పాణి-గ్రహణ-కల్యాణ-కలశీం స్తువే .. 4..

శ్యామామపి పరిస్ఫూర్జత్తడిత్కాంత-కలేవరాం .

వందే త్రివిగ్రహాం నానా-విగ్రహామప్యవిగ్రహాం .. 5..

         సంసార-సర్ప-సందష్ట-స్వాస్థ్య-సంపాదనోద్యతాం .

         ఉద్యత్సాంద్ర-దయా-దృష్టి-దృష్ట-భక్త-కులాం శ్రయే .. 6..

దుర్వాసనా-సరిన్మగ్న-సముద్ధరణ-తత్పరాం .

ఉపాసే పరమేశానీం స్థాస్ను-సౌహిత్య-సాధనీం .. 7..

         అంతరూర్ధ్వమధో-విశ్వగ్వికసన్మహిమాశ్రయాం .

         విద్యామవిద్యా-హతయే ప్రతిపద్యే మహేశ్వరీం .. 8..

యే చైకతాన-మనసః సముదీరయంతి దుర్గాప్రసాద-గదితం స్తవ-రత్నమేతత్ .

తేఽన్తః-ప్రమాదమవహత్య సమూల-ఘాతం దుర్గా-ప్రసాదన-కృతే ప్రగుణీభవంతి .. 9..

ఇతి శ్రీదుర్గాప్రసాదద్వివేదీవిరచితః అంతర్విమర్శః సంపూర్ణః ..

“ఓం గం గణపతయే నమః” అని జపించడం హృదయాన్ని సానుకూలతతో మరియు స్థిరత్వంతో నింపుతుంది. శ్రీ గణేశుడు ప్రతి అడ్డంకి ఒక పాఠమని, ప్రతి ఆలస్యం దైవీయ సిద్ధత అని బోధిస్తాడు. గణేశునిపై ఉన్న భక్తి ద్వారా భక్తులు జీవిత మార్గంలో ఆత్మవిశ్వాసం, వినయం మరియు అచంచల భక్తితో నడవడం నేర్చుకుంటారు. ఈ విధంగా ఆయన అన్ని ఆరంభాలకు శాశ్వత మార్గదర్శి మరియు రక్షకుడిగా నిలుస్తాడు.

श्री गणेश जी, जिन्हें प्रेमपूर्वक विघ्नहर्ता कहा जाता है, ज्ञान, विनम्रता और नए आरंभों के दिव्य स्वरूप हैं। उनकी पूजा सभी देवताओं से पहले की जाती है, क्योंकि उनका आशीर्वाद सभी बाधाओं को दूर करता है और हर शुभ कार्य में सफलता प्रदान करता है। हाथी के मस्तक और बालक के हृदय के साथ, गणेश जी यह सिखाते हैं कि सच्ची बुद्धि पवित्रता, धैर्य और करुणा से मार्गदर्शित होती है।

अपने विशाल कानों के साथ शांत भाव से विराजमान गणेश जी अपने भक्तों की प्रार्थनाओं को ध्यानपूर्वक सुनते हैं और हमें अधिक सुनने तथा कम बोलने की सीख देते हैं। उनकी वक्र सूंड अनुकूलनशीलता और कुशलता का प्रतीक है, जबकि उनका एकदंत त्याग और उच्च ज्ञान के लिए अहंकार को छोड़ने की शक्ति को दर्शाता है। उनके हाथ में धरा मोदक अनुशासन और भक्ति के मधुर फल का संकेत है, और उनका छोटा वाहन मूषक इच्छाओं एवं चंचल विचारों पर नियंत्रण का प्रतीक है।

Clad in ashes, seated in deep meditation, and adorned with the crescent moon, Bhole Nath symbolizes detachment from material desires and mastery over the mind. The sacred Ganga flowing from His matted locks signifies purity, while the third eye reflects divine awareness that destroys ignorance and ego. The serpent around His neck represents control over fear and time, reminding devotees to rise above worldly anxieties.

భోళేనాథుడు, శాశ్వత మహాదేవుడు, విశ్వానికి వెనుకనున్న మౌన శక్తి మరియు సమస్త ప్రాణులకు కరుణామయ రక్షకుడు. ఆయన అత్యంత సరళమైనదిగా, అదే సమయంలో అత్యంత శక్తివంతమైన దైవ స్వరూపంగా పూజింపబడతాడు—భవ్య అర్పణలను కాదు, హృదయపూర్వకతను, భక్తిని మరియు సత్యాన్ని విలువ చేసే దేవుడు. భోళేనాథుడు వినాశనం మరియు సృష్టి మధ్య సమతుల్యతను ప్రతిబింబిస్తూ, అంతాలు నష్టాలు కావని, కొత్త ఆరంభాల కోసం అవసరమైన పరివర్తనలని బోధిస్తాడు.