Sacred Stotras & Deities

Immerse yourself in divine chants, devotional hymns, and sacred verses dedicated to holy deities.

Mooka Pancha Sathi

Sri Rama Charita Manasa

Tripura Bhairavi

TRIPURA SUNDARI DEVI

శ్రీ లక్ష్మీనారాయణాష్టోత్తరశతనామ స్తోత్రం

శ్రీ లక్ష్మీనారాయణాష్టోత్తరశతనామ స్తోత్రం.

Telugu

Read Stotra

శ్రీ లక్ష్మీనారాయణాష్టోత్తరశతనామ స్తోత్రం

శ్రీర్విష్ణుః కమలా శార్ఙ్గీ లక్ష్మీర్వైకుంఠనాయకః |
పద్మాలయా చతుర్బాహుః క్షీరాబ్ధితనయాఽచ్యుతః || 1 ||
ఇందిరా పుండరీకాక్షా రమా గరుడవాహనః |
భార్గవీ శేషపర్యంకో విశాలాక్షీ జనార్దనః || 2 ||
స్వర్ణాంగీ వరదో దేవీ హరిరిందుముఖీ ప్రభుః |
సుందరీ నరకధ్వంసీ లోకమాతా మురాంతకః || 3 ||
భక్తప్రియా దానవారిః అంబికా మధుసూదనః |
వైష్ణవీ దేవకీపుత్రో రుక్మిణీ కేశిమర్దనః || 4 ||
వరలక్ష్మీ జగన్నాథః కీరవాణీ హలాయుధః |
నిత్యా సత్యవ్రతో గౌరీ శౌరిః కాంతా సురేశ్వరః || 5 ||
నారాయణీ హృషీకేశః పద్మహస్తా త్రివిక్రమః |
మాధవీ పద్మనాభశ్చ స్వర్ణవర్ణా నిరీశ్వరః || 6 ||
సతీ పీతాంబరః శాంతా వనమాలీ క్షమాఽనఘః |
జయప్రదా బలిధ్వంసీ వసుధా పురుషోత్తమః || 7 ||
రాజ్యప్రదాఽఖిలాధారో మాయా కంసవిదారణః |
మహేశ్వరీ మహాదేవో పరమా పుణ్యవిగ్రహః || 8 ||
రమా ముకుందః సుముఖీ ముచుకుందవరప్రదః |
వేదవేద్యాఽబ్ధిజామాతా సురూపాఽర్కేందులోచనః || 9 ||
పుణ్యాంగనా పుణ్యపాదో పావనీ పుణ్యకీర్తనః |
విశ్వప్రియా విశ్వనాథో వాగ్రూపీ వాసవానుజః || 10 ||
సరస్వతీ స్వర్ణగర్భో గాయత్రీ గోపికాప్రియః |
యజ్ఞరూపా యజ్ఞభోక్తా భక్తాభీష్టప్రదా గురుః || 11 ||
స్తోత్రక్రియా స్తోత్రకారః సుకుమారీ సవర్ణకః |
మానినీ మందరధరో సావిత్రీ జన్మవర్జితః || 12 ||
మంత్రగోప్త్రీ మహేష్వాసో యోగినీ యోగవల్లభః |
జయప్రదా జయకరః రక్షిత్రీ సర్వరక్షకః || 13 ||
అష్టోత్తరశతం నాంనాం లక్ష్ంయా నారాయణస్య చ |
యః పఠేత్ ప్రాతరుత్థాయ సర్వదా విజయీ భవేత్ || 14 ||
ఇతి శ్రీ లక్ష్మీనారాయణాష్టోత్తరశతనామ స్తోత్రం |

శ్రీ లక్ష్మీనారాయణాష్టకం

శ్రీ లక్ష్మీనారాయణాష్టకం.

Telugu

Read Stotra

శ్రీ లక్ష్మీనారాయణాష్టకం

ఆర్తానాం దుఃఖశమనే దీక్షితం ప్రభుమవ్యయం |
అశేషజగదాధారం లక్ష్మీనారాయణం భజే || 1 ||
అపారకరుణాంభోధిం ఆపద్బాంధవమచ్యుతం |
అశేషదుఃఖశాంత్యర్థం లక్ష్మీనారాయణం భజే || 2 ||
భక్తానాం వత్సలం భక్తిగంయం సర్వగుణాకరం |
అశేషదుఃఖశాంత్యర్థం లక్ష్మీనారాయణం భజే || 3 ||
సుహృదం సర్వభూతానాం సర్వలక్షణసంయుతం |
అశేషదుఃఖశాంత్యర్థం లక్ష్మీనారాయణం భజే || 4 ||
చిదచిత్సర్వజంతూనాం ఆధారం వరదం పరం |
అశేషదుఃఖశాంత్యర్థం లక్ష్మీనారాయణం భజే || 5 ||
శంఖచక్రధరం దేవం లోకనాథం దయానిధిం |
అశేషదుఃఖశాంత్యర్థం లక్ష్మీనారాయణం భజే || 6 ||
పీతాంబరధరం విష్ణుం విలసత్సూత్రశోభితం |
అశేషదుఃఖశాంత్యర్థం లక్ష్మీనారాయణం భజే || 7 ||
హస్తేన దక్షిణేనాజం అభయప్రదమక్షరం |
అశేషదుఃఖశాంత్యర్థం లక్ష్మీనారాయణం భజే || 8 ||
యః పఠేత్ ప్రాతరుత్థాయ లక్ష్మీనారాయణాష్టకం |
విముక్తః సర్వపాపేభ్యః విష్ణులోకం స గచ్ఛతి || 9 ||

శ్రీ దత్తాత్రేయ మాలా మంత్రః

శ్రీ దత్తాత్రేయ మాలా మంత్రః.

Telugu

Read Stotra

శ్రీ దత్తాత్రేయ మాలా మంత్రః

అస్య శ్రీదత్తాత్రేయ మాలామహామంత్రస్య సదాశివ ఋషిః, అనుష్టుప్ఛందః, శ్రీదత్తాత్రేయో దేవతా, ఓమితి బీజం, స్వాహేతి శక్తిః, ద్రామితి కీలకం, శ్రీదత్తాత్రేయ ప్రసాదసిద్ధ్యర్థే జపే వినియోగః
ధ్యానం |
కాశీ కోల్హామాహురీ సహ్యకేషు
స్నాత్వా జప్త్వా ప్రాశ్యతే చాన్వహం యః |
దత్తాత్రేయస్మరణాత్ స్మర్తృగామీ
త్యాగీ భోగీ దివ్యయోగీ దయాళుః ||
అథ మంత్రః |
ఓం ఆం హ్రీం క్రోం ఐం క్లీం సౌః శ్రీం గ్లౌం ద్రాం ఓం నమో భగవతే దత్తాత్రేయాయ, స్మరణమాత్రసంతుష్టాయ, మహాభయనివారణాయ మహాజ్ఞానప్రదాయ, సచ్చిదానందాత్మనే బాలోన్మత్తపిశాచవేషాయ, మహాయోగినేఽవధూతాయ, అనసూయానందవర్ధనాయ, అత్రిపుత్రాయ, సర్వకామఫలప్రదాయ, ఓం భవబంధవిమోచనాయ, ఆం సాధ్యబంధనాయ, హ్రీం సర్వవిభూతిదాయ, క్రోం సాధ్యాకర్షణాయ, ఐం వాక్ప్రదాయ, క్లీం జగత్త్రయవశీకరణాయ, సౌః సర్వమనఃక్షోభణాయ, శ్రీం మహాసంపత్ప్రదాయ, గ్లౌం భూమండలాధిపత్యప్రదాయ, ద్రాం చిరంజీవినే, వషట్ వశీకురు వశీకురు, వౌషట్ ఆకర్షయ ఆకర్షయ, హుం విద్వేషయ విద్వేషయ, ఫట్ ఉచ్చాటయ ఉచ్చాటయ, ఠ ఠ స్తంభయ స్తంభయ, ఖే ఖే మారయ మారయ, నమః సంపన్నాయ సంపన్నాయ, స్వాహా పోషయ పోషయ, పరమంత్ర పరయంత్ర పరతంత్రాణి ఛింధి ఛింధి, గ్రహాన్ నివారయ నివారయ, వ్యాధీన్ వినాశయ వినాశయ, దుఃఖం హరయ హరయ, దారిద్ర్యం విద్రావయ విద్రావయ, మమ చిత్తం సంతోషయ సంతోషయ, సర్వమంత్రస్వరూపాయ, సర్వయంత్రస్వరూపిణే, సర్వతంత్రస్వరూపాయ, సర్వపల్లవరూపిణే,
ఓం నమో మహాసిద్ధాయ స్వాహా |

శ్రీ దత్త వేదపాద స్తుతిః

శ్రీ దత్త వేదపాద స్తుతిః.

Telugu

Read Stotra

శ్రీ దత్త వేదపాద స్తుతిః

అగ్నిమీలే పరం దేవం యజ్ఞస్య త్వాం త్ర్యధీశ్వరం |
స్తోమోఽయమగ్రియోఽర్థ్యస్తే హృదిస్పృగస్తు శంతమః || 1 ||
అయం దేవాయ దూరాయ గిరాం స్వాధ్యాయ సాత్వతాం |
స్తోమోఽస్త్వనేన విందేయం తద్విష్ణోః పరమం పదం || 2 ||
ఏతా యా లౌకికాః సంతు హీనా వాచోఽపి నః ప్రియాః |
బాలస్యేవ పితుష్టే త్వం స నో మృళ మహాఁ అసి || 3 ||
అయం వాం నాత్మనోస్తత్త్వమధిగంయాస్తి దుర్మనాః |
హృద్రోగం మమ సూర్య త్వం హరిమాణం చ నాశయ || 4 ||
ప్రమన్మహేఽస్మాన్విద్ధీతి స్తోతారస్తే వయం నమః |
భగవో దేవ తే స్తోమమారే అస్మే చ శృణ్వతే || 5 ||
ఇంద్రో మదాయ యాతీహ సత్వరం సోమినో యథా |
స్తోతౄనేహి తథాఽస్మాఁస్తే మాధ్వీర్గావో భవంతు నః || 6 ||
ద్వే విరూపేఽత్ర మాయాయాస్తేఽత్ర మగ్నోఽస్మి పీడితః |
మాభితః సంతపంతీహ సపత్నీరివ పర్శవః || 7 ||
ఇదం శ్రేష్ఠమపి ప్రాప్య జన్మ గంతాఽధ ఏవ తత్ |
కురు ప్రసాదం జ్ఞాత్వైతత్తేనాహం భూరి చాకన || 8 ||
ప్రవస్తుజ్ఞానాజ్జహాతి నిష్కామశ్చేన్మృతిం త్వహం |
న తాదృశోఽతః కామాది సర్వం రక్షో నిబర్హయ || 9 ||
సుషుమామూర్ధియః స్తోమైరాగచ్ఛైతే వయం విభో |
త్వదంశాస్త్వం పతిర్నోఽసి దేవో దేవేషు మేధిరః || 10 ||
వసూ రూపం రూపమిహ ప్రతిరూపోఽసి నో పృథక్ |
ఏతాని భూతాని విదుర్బ్రాహ్మణా యే మనీషిణః || 11 ||
తం ను త్వాం కిం బ్రువేఽల్పజ్ఞో భగవంతం క్షమస్వ భోః |
ఓషమాగహి మాం త్వం చేత్సఖా సన్నతిమన్యసే || 12 ||
తా వాసనా ఘ్నంతి యథా వృశ్చికస్యారసం విషం |
అతో మాం పాహి భూయిష్ఠాం నమ ఉక్తిం విధేమ తే || 13 ||
ని హోతా సీదసి విభో యస్త్వం యష్టుర్గృహే ప్రియ |
తం త్వా హ్వయే జ్యేష్ఠరాజం బ్రహ్మణాం బ్రహ్మణస్పతే || 14 ||
సేమావిడ్ఢి ప్రభృతిమీశిషే యోఽవ మానిశం |
త్వం విశ్వేషాం యదీశానో బ్రహ్మణా వేషి మే హవం || 15 ||
మందః స్వకోఽయం దీనోఽజ్ఞ ఇతి విద్వాన్భవాన్ప్రభుః |
ఇంద్ర ఆశాభ్యః పరి మాం సర్వాభ్యో అభయం కరత్ || 16 ||
ప్ర య ఆరూపితాం భ్రాంతిం త్వత్ప్రసాదాజ్జహాతి సః |
విముచ్యతే తద్విప్రాస్త్వాం జాగృవాంసః సమింధతే || 17 ||
ఇచ్ఛంతి దేవా అపి తే ప్రసాదాయ నృజన్మ తత్ |
విద్వాన్నామాని తే దత్త విశ్వాభిర్గీర్భిరీమహే || 18 ||
ఇంద్ర త్వా భజతః సూరేర్దుర్లభం కిం తరామి తత్ |
భక్త్యా క్లేశాది తే నావా గంభీరాఁ ఉదధీరివ || 19 ||
న తా రోద్ధుం ధియః శక్తా యోగేనాపి తతః సదా |
త్రాతారం ధీమహీశ త్వాం ధియో యో నః ప్రచోదయాత్ || 20 ||
వైశ్వానరాయ దత్త్వాఽన్నం విధిలబ్ధం సదైవ తే |
భవామో భజనే సక్తా అస్మాకం శృణుధీ హవం || 21 ||
ఏవా త్వామింద్ర విప్రాసో జాగృవాంసో విపన్యవః |
స్తువంత్యేభ్యో హి తే కోఽపి న జ్యాయాఁ అస్తి వృత్రహన్ || 22 ||
ప్రఋభుభ్యో గృణద్భ్యస్తే మర్త్యేభ్యోఽప్యమృతత్వమిత్ |
దత్తం స్మృత్వా తవ మనోరథ ఆయాతు పాజసా || 23 ||
ఇతముత్యదిషం శ్రేయో యజ్జగ్ధ్వా పరితృప్యతి |
సాధుస్తద్భజనం తేఽస్మే ఇషం స్తోతృభ్య ఆభర || 24 ||
త్వామగ్నే మాయినం మాయాం జేతారమపరాజితం |
హిత్వా కం శరణం యామః స నో బోధి శ్రుధీ హవం || 25 ||
మహీ మహేశోఽజ్ఞానేన భవానవతు మావృతం |
యథా వై సూర్యం స్వర్భానుస్తమసావిధ్యదాసురః || 26 ||
ప్రయుంజతీ యదాత్మానం మనీషా మనసా సహ |
తదైవ భవతైకాంతం జానతా సంగమేమహి || 27 ||
ఋతస్య గోపాస్త్వం దేహి మహ్యం శం యుంజతే ధియః |
భీతాయ నాధమానాయ ఋషయే సప్తవధ్రయే || 28 ||
త్వం హి పాతాసి నో దత్త పరిబాధస్వ దుష్కృతం |
కామాదీన్యస్య బీజాని జహి రక్షాంసి సుక్రతో || 29 ||
పిబా సోమమితి శ్రుత్వా యష్టుర్హూతిం శుభం ద్రవత్ |
ఆయాసి పురురూప త్వామాసు గోషూపపృచ్యతాం || 30 ||
ఇంద్రం వోతాన్యం న పృథఙ్మన్యే మాయాభిరిద్భవాన్ |
పురురూప ఇతీక్షే త్వమమిత్రాఁ సుషహాన్కృధి || 31 ||
యజ్ఞా యజ్ఞాధీశ సర్వే త్వన్మయా అపి తేషు నః |
జపయజ్ఞో మతస్తేన సము పూష్ణా గమేమహి || 32 ||
స్తుషే నరాప్యం తుష్టః సన్నథో యస్యా అయోముఖం |
మాయాం జిత్వా భవాంతాం మే విశ్వాహా శర్మ యచ్ఛతు || 33 ||
జుషస్వ స్తోమమీశైతే ప్రియాసః సంతు సూరయః |
వయం స్తోమప్రియానేన యచ్ఛా నః శర్మ దీర్ఘశ్రుత్ || 34 ||
ఉగ్రో జజ్ఞే మృత్యురయమదుగ్ధా ఇవ ధేనవః |
ధియో మేఽనేనేదృగీశ న జాతో న జనిష్యతే || 35 ||
ప్రబ్రహ్మైహీదమాకర్ణ్యోర్వారుకమివ బంధనాత్ |
మృత్యుంజయ ప్రమాదాఖ్యాన్మృత్యోర్ముక్షీయ మాఽమృతాత్ || 36 ||
యదద్య వర్ష్మ తేనైవ పశ్యేమ శరదః శతం |
స్తోత్రాయ తే హతే మృత్యౌ జీవేమ శరదః శతం || 37 ||
ప్రత్యుత్తమం మహేశం త్వాం మనామహ ఇహాగహి |
మృళా సుక్షత్ర మృలయ మా నో దుఃశంస ఈశత || 38 ||
తిస్రో వాచస్తేఽత్ర వరాం క ఈశానం న యాచిషత్ |
భక్త్యా గృణీమస్త్వాం స్తోత్రైస్తేభిర్నస్తూయమాగహి || 39 ||
దూరాద్విహాయ సర్వం త్వామృషయో యే చ తుష్టువుః |
మర్తా అమర్త్యస్య తే తద్భూరి నామ మనామహే || 40 ||
య ఇంద్ర త్వం యో నమసా స్వధ్వరో హీతి సంస్తుతః |
ఇంద్రో బ్రహ్మేంద్ర ఋషిరిత్యుప బ్రహ్మాణి నః శృణు || 41 ||
వయము త్వా వరం దేవమస్మభ్యం శర్మ సప్రథః |
మనామహే పృణంతం తదభిత్వామింద్ర నోనుమః || 42 ||
ప్రకృతాన్యపి సూక్తాని శృణ్వంతం జాతవేదసం |
త్వాం గృణంతి న కే త్వం హి యేషామింద్రో యువా సఖా || 43 ||
త్వావతః పాహి నో మర్త్యాన్యత ఇంద్ర భయామహే |
ఆదిశ్య పదభక్తిం తే తతో నో అభయం కృధి || 44 ||
ఆ త్వా రథం న తురగైః స్తోత్రైస్త్వా వర్తయామసి |
స త్వం న ఇంద్ర మృలయ యస్య తే స్వాదు సఖ్యమిత్ || 45 ||
ఆ ప్రబోధం భవోఽబోధః స్వప్నవద్దుఃఖదోఽశుచిః |
పతితాన్ దుఃఖితాన్నౄన్నః పాహి త్వం శృణుధీ గిరః || 46 ||
ఇంద్రాయ సామ తే గాతుం న క్షమో నామ తే గృణే |
బణ్మహాఁఅసి సూర్య త్వం సత్రాదేవ మహాఁఅసి || 47 ||
సోమః పునానోంతారామో మయా త్వం నాధిలక్షితః |
ఈక్షే తుచ్ఛాన్బహిర్భోగాన్యోషా జారమివ ప్రియం || 48 ||
ప్రణ ఇందోరపి స్మరం రూపం తే దర్శయామలం |
నౄన్ స్తోతౄన్ పాహ్యంహసో నో జహి రక్షాంసి సుక్రతో || 49 ||
హిన్వంతి ద్వైతమస్త్యస్మాద్భయం విందతి మామిహ |
యదంతి దూరకే యచ్చ పవమాన వి తజ్జహి || 50 ||
ధర్తా కారకశక్తీనాం సర్వేషాం త్వమిహైక ఇత్ |
యశోఽత్రేదం పవిత్రం తే వితతం బ్రహ్మణస్పతే || 51 ||
అసర్జి భవతా విశ్వమనిత్యమవశం బృహత్ |
త్వం సంస్మర జ్ఞ శరణ వత్సం జాతం న ధేనవః || 52 ||
పురోజితీశ భో భూమన్ తత్ర మామమృతం కృధి |
యత్రానందాశ్చ మోదాశ్చ ముదః ప్రముద ఆసతే || 53 ||
అయం స ఇతి విద్వాంత్సన్యమాయ ఘృతవద్ధవిః |
కుతో జుహోంయతోఽదేవా యమాయ జుహుతా హవిః || 54 ||
నివర్తధ్వమితో దేవా భద్రం నో అపి వాతయ |
మనో హరే మాం పాహ్యార్తం పితా పుత్రమివ ప్రియం || 55 ||
ప్రమా ప్రమాతా ప్రమేయం త్రిపుటీహ న విద్యతే |
రూపం తేఽవికృతం సత్త్వం మధుమన్మే పరాయణం || 56 ||
ప్రహోతారోఽత్రైవ మనోన్వాహువామహ ఇత్యతః |
గమాది మనసో నాస్య యో యజ్ఞస్య ప్రసాధనః || 57 ||
యే యజ్ఞేనార్చంత్యనేన సర్వే నందంతి తే త్వయా |
నాన్యేఽతస్త్వత్ప్రియా ఏవ విరూపాసో దివస్పరి || 58 ||
దేవానాం ను వశే యోఽస్య సుమంగలీరియం వధూః |
స్నేహేషు త్వచ్యుతో భోగీ పతిర్బంధేషు బధ్యతే || 59 ||
విహితం సర్వమిత్తే త్వమతో జ్యాయాంశ్చ పూరుషః |
పాదోఽస్య విశ్వా భూతాని త్రిపాదస్యామృతం దివి || 60 ||
హయే జాయే ఇతి వదన్యా సాలావృకహృత్సమా |
తన్మయో న స వేదాముమాత్మానం తవ పూరుష || 61 ||
ఉభా ఉపాధితోఽత్రైకః పాకేన మనసాన్వితః |
త్వాం యదీక్షేత తం మాతా రేహ్లి స ఉ రేహ్లి మాతరం || 62 ||
తదిదాత్మన్హృది వపుః పశ్యంతస్తే మనీషయా |
మునయో వాతరశనాః పిశంగా వసతేఽమలాః || 63 ||
త్యం చిన్మయం బుధా రూపం సంజానానా ఉపాసతే |
యో అస్య పారే రజసః స నః పర్షదతి ద్విషః || 64 ||
ఇషే త్వోర్జే చౌదనేన నిత్యహోమేఽపి గవ్యతః |
యజంత్యహం త్వకామస్త్వాం శ్రేష్ఠతమాయ కర్మణే || 65 ||
అగ్న ఆయాహీతి గాతుం త్వాఽక్షమః స్తౌమి కేవలం |
నిషీద మే హృది యథా నిహోతా సత్సి బర్హిషి || 66 ||
శం నో దేవీః ప్రసాదాత్తే సంతు ధీవృత్తయోఽనిశం |
ఆత్మప్రవాహాః స్వారస్యాచ్ఛంయోరభిస్రవంతు నః || 67 ||
జ్ఞాతేఽస్మిన్పాశముక్తిః సకలవిదితి తత్స్యాదనిర్దేశ్యమేకం
సూక్ష్మం చాతీంద్రియం సత్తదయమితి గిరా శాబ్దనిర్దేశ్యమేవ |
వాక్యైస్తత్త్వం విరోధేఽపి సతి సుమతిభిః సోఽయమిత్యాదివత్త-
-ద్భాగత్యాగేన లక్ష్యం వరగురుకృపయా లభ్యమైక్యం హి తజ్జ్ఞైః || 68 ||
ఇతి శ్రీదత్తపురాణే శ్రీ దత్త వేదపాద స్తుతిః |

శ్రీమన్నారాయణ

శ్రీమన్నారాయణ.

Telugu

Read Stotra

శ్రీ గదాధర స్తోత్రం (వరాహ పురాణే)

శ్రీ గదాధర స్తోత్రం (వరాహ పురాణే).

Telugu

Read Stotra

శ్రీ గదాధర స్తోత్రం (వరాహ పురాణే)

రైభ్య ఉవాచ |
గదాధరం విబుధజనైరభిష్టుతం
ధృతక్షమం క్షుధిత జనార్తినాశనం |
శివం విశాలాఽసురసైన్యమర్దనం
నమాంయహం హతసకలాఽశుభం స్మృతౌ || 1 ||
పురాణపూర్వం పురుషం పురుష్టుతం
పురాతనం విమలమలం నృణాం గతిం |
త్రివిక్రమం హృతధరణిం బలోర్జితం
గదాధరం రహసి నమామి కేశవం || 2 ||
విశుద్ధభావం విభవైరుపావృతం
శ్రియావృతం విగతమలం విచక్షణం |
క్షితీశ్వరైరపగతకిల్బిషైః స్తుతం
గదాధరం ప్రణమతి యః సుఖం వసేత్ || 3 ||
సురాఽసురైరర్చితపాదపంకజం
కేయూరహారాంగదమౌలిధారిణం |
అబ్ధౌ శయానం చ రథాంగపాణినం
గదాధరం ప్రణమతి యః సుఖం వసేత్ || 4 ||
సితం కృతే త్రేతయుగేఽరుణం విభుం
తథా తృతీయే పీతవర్ణమచ్యుతం |
కలౌ ఘనాలిప్రతిమం మహేశ్వరం
గదాధరం ప్రణమతి యః సుఖం వసేత్ || 5 ||
బీజోద్భవో యః సృజతే చతుర్ముఖం
తథైవ నారాయణరూపతో జగత్ |
ప్రపాలయేద్రుద్రవపుస్తథాంతకృ-
-ద్గదాధరో జయతు షడర్ధమూర్తిమాన్ || 6 ||
సత్త్వం రజశ్చైవ తమో గుణాస్త్రయ-
-స్త్వేతేషు నాన్యస్య సముద్భవః కిల |
స చైక ఏవ త్రివిధో గదాధరో
దధాతు ధైర్యం మమ ధర్మమోక్షయోః || 7 ||
సంసారతోయార్ణవదుఃఖతంతుభి-
-ర్వియోగనక్రక్రమణైః సుభీషణైః |
మజ్జంతముచ్చైః సుతరాం మహాప్లవే
గదాధరో మాముదధౌ తు పోతవత్ || 8 ||
స్వయం త్రిమూర్తిః స్వమివాత్మనాత్మని
స్వశక్తితశ్చాండమిదం ససర్జ హ |
తస్మిఞ్జలోత్థాసనమార్య తైజసం
ససర్జ యస్తం ప్రణతోఽస్మి భూధరం || 9 ||
మత్స్యాదినామాని జగత్సు కేవలం
సురాదిసంరక్షణతో వృషాకపిః |
ముఖ్యస్వరూపేణ సమంతతో విభు-
-ర్గదాధరో మే విదధాతు సద్గతిం || 10 ||
ఇతి శ్రీవరాహపురాణే సప్తమోఽధ్యాయే రభ్యకృత గదాధర స్తోత్రం ||

శ్రీ నారాయణ కవచం

శ్రీ నారాయణ కవచం.

Telugu

Read Stotra

శ్రీ నారాయణ కవచం

శ్రీ శుక ఉవాచ |
వృతః పురోహితస్త్వాష్ట్రో మహేంద్రాయానుపృచ్ఛతే |
నారాయణాఖ్యం వర్మాహ తదిహైకమనాః శృణు || 3 ||
శ్రీవిశ్వరూప ఉవాచ |
ధౌతాంఘ్రిపాణిరాచంయ సపవిత్ర ఉదఙ్ముఖః |
కృతస్వాంగకరన్యాసో మంత్రాభ్యాం వాగ్యతః శుచిః || 4 ||
నారాయణమయం వర్మ సన్నహ్యేద్భయ ఆగతే |
దైవభూతాత్మకర్మభ్యో నారాయణమయః పుమాన్ || 5 ||
పాదయోర్జానునోరూర్వోరుదరే హృద్యథోరసి |
ముఖే శిరస్యానుపూర్వ్యాదోంకారాదీని విన్యసేత్ || 6 ||
ఓం నమో నారాయణాయేతి విపర్యయమథాపి వా |
కరన్యాసం తతః కుర్యాద్ద్వాదశాక్షరవిద్యయా || 7 ||
ప్రణవాదియకారాన్తమంగుల్యంగుష్ఠపర్వసు |
న్యసేద్ధృదయ ఓంకారం వికారమను మూర్ధని || 8 ||
షకారం తు భ్రువోర్మధ్యే ణకారం శిఖయా న్యసేత్ |
వేకారం నేత్రయోర్యుంజ్యాన్నకారం సర్వసంధిషు || 9 ||
మకారమస్త్రముద్దిశ్య మంత్రమూర్తిర్భవేద్బుధః |
సవిసర్గం ఫడన్తం తత్సర్వదిక్షు వినిర్దిశేత్ || 10 ||
ఇత్యాత్మానం పరం ధ్యాయేద్ధ్యేయం షట్ఛక్తిభిర్యుతం |
విద్యాతేజస్తపోమూర్తిమిమం మంత్రముదాహరేత్ || 11 ||
ఓం హరిర్విదధ్యాన్మమ సర్వరక్షాం
న్యస్తాంఘ్రిపద్మః పతగేంద్ర పృష్ఠే |
దరారిచర్మాసిగదేషుచాప-
-పాశాన్దధానోఽష్టగుణోఽష్టబాహుః || 12 ||
జలేషు మాం రక్షతు మత్స్యమూర్తి-
-ర్యాదోగణేభ్యో వరుణస్య పాశాత్ |
స్థలేషు మాయావటువామనోఽవ్యా-
-త్త్రివిక్రమః ఖేఽవతు విశ్వరూపః || 13 ||
దుర్గేష్వటవ్యాజిముఖాదిషు ప్రభుః
పాయాన్నృసింహోఽసురయూథపారిః |
విముంచతో యస్య మహాట్టహాసం
దిశో వినేదుర్న్యపతంశ్చ గర్భాః || 14 ||
రక్షత్వసౌ మాధ్వని యజ్ఞకల్పః
స్వదంష్ట్రయోన్నీతధరో వరాహః |
రామోఽద్రికూటేష్వథ విప్రవాసే
సలక్ష్మణోఽవ్యాద్భరతాగ్రజోఽస్మాన్ || 15 ||
మాముగ్రధర్మాదఖిలాత్ప్రమాదా-
-న్నారాయణః పాతు నరశ్చ హాసాత్ |
దత్తస్త్వయోగాదథ యోగనాథః
పాయాద్గుణేశః కపిలః కర్మబంధాత్ || 16 ||
సనత్కుమారోఽవతు కామదేవా-
-ద్ధయాననో మాం పథి దేవహేలనాత్ |
దేవర్షివర్యః పురుషార్చనాంతరా-
-త్కూర్మో హరిర్మాం నిరయాదశేషాత్ || 17 ||
ధన్వంతరిర్భగవాన్పాత్వపథ్యా-
-ద్ద్వంద్వాద్భయాదృషభో నిర్జితాత్మా |
యజ్ఞశ్చ లోకాదవతాజ్జనాంతా-
-ద్బలో గణాత్క్రోధవశాదహీంద్రః || 18 ||
ద్వైపాయనో భగవానప్రబోధా-
-ద్బుద్ధస్తు పాషండగణాత్ప్రమాదాత్ |
కల్కిః కలేః కాలమలాత్ప్రపాతు
ధర్మావనాయోరుకృతావతారః || 19 ||
మాం కేశవో గదయా ప్రాతరవ్యా-
-ద్గోవింద ఆసంగవమాత్తవేణుః |
నారాయణః ప్రాహ్ణ ఉదాత్తశక్తి-
-ర్మధ్యందినే విష్ణురరీంద్రపాణిః || 20 ||
దేవోఽపరాహ్ణే మధుహోగ్రధన్వా
సాయం త్రిధామావతు మాధవో మాం |
దోషే హృషీకేశ ఉతార్ధరాత్రే
నిశీథ ఏకోఽవతు పద్మనాభః || 21 ||
శ్రీవత్సధామాఽపరరాత్ర ఈశః
ప్రత్యుష ఈశోఽసిధరో జనార్దనః |
దామోదరోఽవ్యాదనుసంధ్యం ప్రభాతే
విశ్వేశ్వరో భగవాన్కాలమూర్తిః || 22 ||
చక్రం యుగాంతానలతిగ్మనేమి
భ్రమత్సమంతాద్భగవత్ప్రయుక్తం |
దందగ్ధి దందగ్ధ్యరిసైన్యమాశు
కక్షం యథా వాతసఖో హుతాశః || 23 ||
గదేఽశనిస్పర్శనవిస్ఫులింగే
నిష్పింఢి నిష్పింఢ్యజితప్రియాసి |
కూష్మాండవైనాయకయక్షరక్షో
భూతగ్రహాంశ్చూర్ణయ చూర్ణయారీన్ || 24 ||
త్వం యాతుధానప్రమథప్రేతమాతృ-
-పిశాచవిప్రగ్రహఘోరదృష్టీన్ |
దరేంద్ర విద్రావయ కృష్ణపూరితో
భీమస్వనోఽరేర్హృదయాని కంపయన్ || 25 ||
త్వం తిగ్మధారాసివరారిసైన్య-
-మీశప్రయుక్తో మమ ఛింధి ఛింధి |
చక్షూంషి చర్మన్ శతచంద్ర ఛాదయ
ద్విషామఘోనాం హర పాపచక్షుషాం || 26 ||
యన్నో భయం గ్రహేభ్యోఽభూత్కేతుభ్యో నృభ్య ఏవ చ |
సరీసృపేభ్యో దంష్ట్రిభ్యో భూతేభ్యోఽఘేభ్య ఏవ చ || 27 ||
సర్వాణ్యేతాని భగవన్నామరూపాస్త్రకీర్తనాత్ |
ప్రయాంతు సంక్షయం సద్యో యే నః శ్రేయఃప్రతీపకాః || 28 ||
గరుడో భగవాన్ స్తోత్రస్తోమశ్ఛందోమయః ప్రభుః |
రక్షత్వశేషకృచ్ఛ్రేభ్యో విష్వక్సేనః స్వనామభిః || 29 ||
సర్వాపద్భ్యో హరేర్నామరూపయానాయుధాని నః |
బుద్ధీంద్రియమనఃప్రాణాన్పాంతు పార్షదభూషణాః || 30 ||
యథా హి భగవానేవ వస్తుతః సదసచ్చ యత్ |
సత్యేనానేన నః సర్వే యాంతు నాశముపద్రవాః || 31 ||
యథైకాత్ంయానుభావానాం వికల్పరహితః స్వయం |
భూషణాయుధలింగాఖ్యా ధత్తే శక్తీః స్వమాయయా || 32 ||
తేనైవ సత్యమానేన సర్వజ్ఞో భగవాన్ హరిః |
పాతు సర్వైః స్వరూపైర్నః సదా సర్వత్ర సర్వగః || 33 ||
విదిక్షు దిక్షూర్ధ్వమధః సమంతా-
-దంతర్బహిర్భగవాన్నారసింహః |
ప్రహాపయఁల్లోకభయం స్వనేన
స్వతేజసా గ్రస్తసమస్తతేజాః || 34 ||
మఘవన్నిదమాఖ్యాతం వర్మ నారాయణాత్మకం |
విజేష్యస్యంజసా యేన దంశితోఽసురయూథపాన్ || 35 ||
ఏతద్ధారయమాణస్తు యం యం పశ్యతి చక్షుషా |
పదా వా సంస్పృశేత్సద్యః సాధ్వసాత్స విముచ్యతే || 36 ||
న కుతశ్చిద్భయం తస్య విద్యాం ధారయతో భవేత్ |
రాజదస్యుగ్రహాదిభ్యో వ్యాధ్యాదిభ్యశ్చ కర్హిచిత్ || 37 ||
ఇమాం విద్యాం పురా కశ్చిత్కౌశికో ధారయన్ ద్విజః |
యోగధారణయా స్వాంగం జహౌ స మరుధన్వని || 38 ||
తస్యోపరి విమానేన గంధర్వపతిరేకదా |
యయౌ చిత్రరథః స్త్రీభిర్వృతో యత్ర ద్విజక్షయః || 39 ||
గగనాన్న్యపతత్సద్యః సవిమానో హ్యవాక్ఛిరాః |
స వాలఖిల్యవచనాదస్థీన్యాదాయ విస్మితః |
ప్రాప్య ప్రాచ్యాం సరస్వత్యాం స్నాత్వా ధామ స్వమన్వగాత్ || 40 ||
శ్రీశుక ఉవాచ |
య ఇదం శృణుయాత్కాలే యో ధారయతి చాదృతః |
తం నమస్యంతి భూతాని ముచ్యతే సర్వతో భయాత్ || 41 ||
ఏతాం విద్యామధిగతో విశ్వరూపాచ్ఛతక్రతుః |
త్రైలోక్యలక్ష్మీం బుభుజే వినిర్జిత్య మృధేఽసురాన్ || 42 ||
ఇతి శ్రీమద్భాగవతే మహాపురాణే షష్ఠస్కంధే నారాయణవర్మోపదేశో నామాష్టమోఽధ్యాయః |

శ్రీ నారాయణ స్తోత్రం

శ్రీ నారాయణ స్తోత్రం.

Telugu

Read Stotra

శ్రీ నారాయణ స్తోత్రం

నారాయణ నారాయణ జయ గోవింద హరే ||
నారాయణ నారాయణ జయ గోపాల హరే ||
కరుణాపారావార వరుణాలయ గంభీర నారాయణ || 1
నవనీరదసంకాశ కృతకలికల్మషనాశన నారాయణ || 2
యమునాతీరవిహార ధృతకౌస్తుభమణిహార నారాయణ || 3
పీతాంబరపరిధాన సురకళ్యాణనిధాన నారాయణ || 4
మంజులగుంజాభూష మాయామానుషవేష నారాయణ || 5
రాధాఽధరమధురసిక రజనీకరకులతిలక నారాయణ || 6
మురళీగానవినోద వేదస్తుతభూపాద నారాయణ || 7
[* బర్హినిబర్హాపీడ నటనాటకఫణిక్రీడ నారాయణ *] వారిజభూషాభరణ రాజీవరుక్మిణీరమణ నారాయణ || 8
జలరుహదళనిభనేత్ర జగదారంభకసూత్ర నారాయణ || 9
పాతకరజనీసంహార కరుణాలయ మాముద్ధర నారాయణ || 10
అఘబకక్షయకంసారే కేశవ కృష్ణ మురారే నారాయణ || 11
హాటకనిభపీతాంబర అభయం కురు మే మావర నారాయణ || 12
దశరథరాజకుమార దానవమదసంహార నారాయణ || 13
గోవర్ధనగిరి రమణ గోపీమానసహరణ నారాయణ || 14
సరయూతీరవిహార సజ్జనఋషిమందార నారాయణ || 15
విశ్వామిత్రమఖత్ర వివిధపరాసుచరిత్ర నారాయణ || 16
ధ్వజవజ్రాంకుశపాద ధరణీసుతసహమోద నారాయణ || 17
జనకసుతాప్రతిపాల జయ జయ సంస్మృతిలీల నారాయణ || 18
దశరథవాగ్ధృతిభార దండకవనసంచార నారాయణ || 19
ముష్టికచాణూరసంహార మునిమానసవిహార నారాయణ || 20
వాలినిగ్రహశౌర్య వరసుగ్రీవహితార్య నారాయణ || 21
మాం మురళీకర ధీవర పాలయ పాలయ శ్రీధర నారాయణ || 22
జలనిధిబంధనధీర రావణకంఠవిదార నారాయణ || 23
తాటకమర్దన రామ నటగుణవివిధధనాఢ్య నారాయణ || 24
గౌతమపత్నీపూజన కరుణాఘనావలోకన నారాయణ || 25
సంభ్రమసీతాహార సాకేతపురవిహార నారాయణ || 26
అచలోద్ధృతిచంచత్కర భక్తానుగ్రహతత్పర నారాయణ || 27
నైగమగానవినోద రక్షితసుప్రహ్లాద నారాయణ || 28
[* భారతియతివరశంకర నామామృతమఖిలాంతర నారాయణ *] ఇతి శ్రీమచ్ఛంకరాచార్య విరచిత నారాయణస్తోత్రం |

శ్రీ నారాయణ స్తోత్రం 3 (మహాభారతే)

శ్రీ నారాయణ స్తోత్రం 3 (మహాభారతే).

Telugu

Read Stotra

శ్రీ నారాయణ స్తోత్రం 3 (మహాభారతే)

నారాయణాయ శుద్ధాయ శాశ్వతాయ ధ్రువాయ చ |
భూతభవ్యభవేశాయ శివాయ శివమూర్తయే || 1 ||
శివయోనేః శివాద్యాయి శివపూజ్యతమాయ చ |
ఘోరరూపాయ మహతే యుగాంతకరణాయ చ || 2 ||
విశ్వాయ విశ్వదేవాయ విశ్వేశాయ మహాత్మనే |
సహస్రోదరపాదాయ సహస్రనయనాయ చ || 3 ||
సహస్రబాహవే చైవ సహస్రవదనాయ చ |
శుచిశ్రవాయ మహతే ఋతుసంవత్సరాయ చ || 4 ||
ఋగ్యజుఃసామవక్త్రాయ అథర్వశిరసే నమః |
హృషీకేశాయ కృష్ణాయ ద్రుహిణోరుక్రమాయ చ || 5 ||
బృహద్వేగాయ తార్క్ష్యాయ వరాహాయైకశృంగిణే |
శిపివిష్టాయ సత్యాయ హరయేఽథ శిఖండినే || 6 ||
హుతాశాయోర్ధ్వవక్త్రాయ రౌద్రానీకాయ సాధవే |
సింధవే సింధువర్షఘ్నే దేవానాం సింధవే నమః || 7 ||
గరుత్మతే త్రినేత్రాయ సుధర్మాయ వృషాకృతే |
సంరాడుగ్రే సంకృతయే విరజే సంభవే భవే || 8 ||
వృషాయ వృషరూపాయ విభవే భూర్భువాయ చ |
దీప్తసృష్టాయ యజ్ఞాయ స్థిరాయ స్థవిరాయ చ || 9 ||
అచ్యుతాయ తుషారాయ వీరాయ చ సమాయ చ |
జిష్ణవే పురుహూతాయ వసిష్ఠాయ వరాయ చ || 10 ||
సత్యేశాయ సురేశాయ హరయేఽథ శిఖండినే |
బర్హిషాయ వరేణ్యాయ వసవే విశ్వవేధసే || 11 ||
కిరీటినే సుకేశాయ వాసుదేవాయ శుష్మిణే |
బృహదుక్థ్యసుషేణాయ యుగ్మే దుందుభయే తథా || 12 ||
భయేసఖాయ విభవే భరద్వాజాభయాయ చ |
భాస్కరాయ చ చంద్రాయ పద్మనాభాయ భూరిణే || 13 ||
పునర్వసుభృతత్వాయ జీవప్రభవిషాయ చ |
వషట్కారాయ స్వాహాయ స్వధాయ నిధనాయ చ || 14 ||
ఋచే చ యజుషే సాంనే త్రైలోక్యపతయే నమః |
శ్రీపద్మాయాత్మసదృశే ధరణీధారణే పరే || 15 ||
సౌంయాసౌంయస్వరూపాయ సౌంయే సుమనసే నమః |
విశ్వాయ చ సువిశ్వాయ విశ్వరూపధరాయ చ || 16 ||
కేశవాయ సుకేశాయ రశ్మికేశాయ భూరిణే |
హిరణ్యగర్భాయ నమః సౌంయాయ వృషరూపిణే || 17 ||
నారాయణాగ్ర్యవపుషే పురుహూతాయ వజ్రిణే |
వర్మిణే వృషసేనాయ ధర్మసేనాయ రోధసే || 18 ||
మునయే జ్వరముక్తాయి జ్వరాధిపతయే నమః |
అనేత్రాయ త్రినేత్రాయ పింగలాయ విడూర్మిణే || 19 ||
తపోబ్రహ్మనిధానాయ యుగపర్యాయిణే నమః |
శరణాయ శరణ్యాయ శక్తేష్టశరణాయ చ || 20 ||
నమః సర్వభవేశాయ భూతభవ్యభవాయ చ |
పాహి మాం దేవదేవేశ కోఽప్యజోఽసి సనాతనః || 21 ||
ఏవం గతోఽస్మి శరణం శరణ్యం బ్రహ్మయోనినాం |
స్తవ్యం స్తవం స్తుతవతస్తత్తమో మే ప్రణశ్యత || 23 ||
ఇతి శ్రీమన్మహాభారతే అనుశాసనపర్వణి నారాయణస్తోత్రం సంపూర్ణం

శ్రీ నారాయణ హృదయ స్తోత్రం

శ్రీ నారాయణ హృదయ స్తోత్రం.

Telugu

Read Stotra

శ్రీ నారాయణ హృదయ స్తోత్రం

అస్య శ్రీనారాయణహృదయస్తోత్రమంత్రస్య భార్గవ ఋషిః, అనుష్టుప్ఛందః, శ్రీలక్ష్మీనారాయణో దేవతా, ఓం బీజం, నమశ్శక్తిః, నారాయణాయేతి కీలకం, శ్రీలక్ష్మీనారాయణ ప్రీత్యర్థే జపే వినియోగః |
కరన్యాసః |
ఓం నారాయణః పరం జ్యోతిరితి అంగుష్ఠాభ్యాం నమః |
నారాయణః పరం బ్రహ్మేతి తర్జనీభ్యాం నమః |
నారాయణః పరో దేవ ఇతి మధ్యమాభ్యాం నమః |
నారాయణః పరం ధామేతి అనామికాభ్యాం నమః |
నారాయణః పరో ధర్మ ఇతి కనిష్ఠికాభ్యాం నమః |
విశ్వం నారాయణ ఇతి కరతలకరపృష్ఠాభ్యాం నమః |
అంగన్యాసః |
నారాయణః పరం జ్యోతిరితి హృదయాయ నమః |
నారాయణః పరం బ్రహ్మేతి శిరసే స్వాహా |
నారాయణః పరో దేవ ఇతి శిఖాయై వౌషట్ |
నారాయణః పరం ధామేతి కవచాయ హుం |
నారాయణః పరో ధర్మ ఇతి నేత్రాభ్యాం వౌషట్ |
విశ్వం నారాయణ ఇతి అస్త్రాయ ఫట్ |
దిగ్బంధః |
ఓం ఐంద్ర్యాదిదశదిశం ఓం నమః సుదర్శనాయ సహస్రారాయ హుం ఫట్ బధ్నామి నమశ్చక్రాయ స్వాహా | ఇతి ప్రతిదిశం యోజ్యం |
అథ ధ్యానం |
ఉద్యాదాదిత్యసంకాశం పీతవాసం చతుర్భుజం |
శంఖచక్రగదాపాణిం ధ్యాయేల్లక్ష్మీపతిం హరిం || 1 ||
త్రైలోక్యాధారచక్రం తదుపరి కమఠం తత్ర చానంతభోగీ
తన్మధ్యే భూమిపద్మాంకుశశిఖరదళం కర్ణికాభూతమేరుం |
తత్రస్థం శాంతమూర్తిం మణిమయమకుటం కుండలోద్భాసితాంగం
లక్ష్మీనారాయణాఖ్యం సరసిజనయనం సంతతం చింతయామి || 2 ||
అథ మూలాష్టకం |
ఓం || నారాయణః పరం జ్యోతిరాత్మా నారాయణః పరః |
నారాయణః పరం బ్రహ్మ నారాయణ నమోఽస్తు తే || 1 ||
నారాయణః పరో దేవో ధాతా నారాయణః పరః |
నారాయణః పరో ధాతా నారాయణ నమోఽస్తు తే || 2 ||
నారాయణః పరం ధామ ధ్యానం నారాయణః పరః |
నారాయణ పరో ధర్మో నారాయణ నమోఽస్తు తే || 3 ||
నారాయణః పరోవేద్యః విద్యా నారాయణః పరః |
విశ్వం నారాయణః సాక్షాన్నారాయణ నమోఽస్తు తే || 4 ||
నారాయణాద్విధిర్జాతో జాతో నారాయణాద్భవః |
జాతో నారాయణాదింద్రో నారాయణ నమోఽస్తు తే || 5 ||
రవిర్నారాయణస్తేజః చంద్రో నారాయణో మహః |
వహ్నిర్నారాయణః సాక్షాన్నారాయణ నమోఽస్తు తే || 6 ||
నారాయణ ఉపాస్యః స్యాద్గురుర్నారాయణః పరః |
నారాయణః పరో బోధో నారాయణ నమోఽస్తు తే || 7 ||
నారాయణః ఫలం ముఖ్యం సిద్ధిర్నారాయణః సుఖం |
సేవ్యోనారాయణః శుద్ధో నారాయణ నమోఽస్తు తే || 8 || [హరి] అథ ప్రార్థనాదశకం |
నారాయణ త్వమేవాసి దహరాఖ్యే హృది స్థితః |
ప్రేరకః ప్రేర్యమాణానాం త్వయా ప్రేరితమానసః || 9 ||
త్వదాజ్ఞాం శిరసా ధృత్వా జపామి జనపావనం |
నానోపాసనమార్గాణాం భవకృద్భావబోధకః || 10 ||
భావార్థకృద్భవాతీతో భవ సౌఖ్యప్రదో మమ |
త్వన్మాయామోహితం విశ్వం త్వయైవ పరికల్పితం || 11 ||
త్వదధిష్ఠానమాత్రేణ సా వై సర్వార్థకారిణీ |
త్వమేతాం చ పురస్కృత్య సర్వకామాన్ప్రదర్శయ || 12 ||
న మే త్వదన్యస్త్రాతాస్తి త్వదన్యన్న హి దైవతం |
త్వదన్యం న హి జానామి పాలకం పుణ్యవర్ధనం || 13 ||
యావత్సాంసారికో భావో మనస్స్థో భావనాత్మకః |
తావత్సిద్ధిర్భవేత్సాధ్యా సర్వథా సర్వదా విభో || 14 ||
పాపినామహమేవాగ్ర్యో దయాళూనాం త్వమగ్రణీః |
దయనీయో మదన్యోఽస్తి తవ కోఽత్ర జగత్త్రయే || 15 ||
త్వయాహం నైవ సృష్టశ్చేన్న స్యాత్తవ దయాళుతా |
ఆమయో వా న సృష్టశ్చేదౌషధస్య వృథోదయః || 16 ||
పాపసంఘపరిశ్రాంతః పాపాత్మా పాపరూపధృత్ |
త్వదన్యః కోఽత్ర పాపేభ్యస్త్రాతాస్తి జగతీతలే || 17 ||
త్వమేవ మాతా చ పితా త్వమేవ
త్వమేవ బంధుశ్చ సఖా త్వమేవ |
త్వమేవ సేవ్యశ్చ గురుస్త్వమేవ
త్వమేవ సర్వం మమ దేవ దేవ || 18 ||
ప్రార్థనాదశకం చైవ మూలాష్టకమతః పరం |
యః పఠేచ్ఛృణుయాన్నిత్యం తస్య లక్ష్మీః స్థిరా భవేత్ || 19 ||
నారాయణస్య హృదయం సర్వాభీష్టఫలప్రదం |
లక్ష్మీహృదయకం స్తోత్రం యది చేత్తద్వినాకృతం || 20 ||
తత్సర్వం నిష్ఫలం ప్రోక్తం లక్ష్మీః క్రుద్ధ్యతి సర్వదా |
ఏతత్సంకలితం స్తోత్రం సర్వకామఫలప్రదం || 21 ||
లక్ష్మీహృదయకం చైవ తథా నారాయణాత్మకం |
జపేద్యః సంకలీకృత్య సర్వాభీష్టమవాప్నుయాత్ || 22 ||
నారాయణస్య హృదయమాదౌ జప్త్వా తతః పరం |
లక్ష్మీహృదయకం స్తోత్రం జపేన్నారాయణం పునః || 23 ||
పునర్నారాయణం జప్త్వా పునర్లక్ష్మీనుతిం జపేత్ |
పునర్నారాయణం జాప్యం సంకలీకరణం భవేత్ || 24 ||
ఏవం మధ్యే ద్వివారేణ జపేత్సంకలితం తు తత్ |
లక్ష్మీహృదయకం స్తోత్రం సర్వకామప్రకాశితం || 25 ||
తద్వజ్జపాదికం కుర్యాదేతత్సంకలితం శుభం |
సర్వాన్కామానవాప్నోతి ఆధివ్యాధిభయం హరేత్ || 26 ||
గోప్యమేతత్సదా కుర్యాన్న సర్వత్ర ప్రకాశయేత్ |
ఇతి గుహ్యతమం శాస్త్రం ప్రాప్తం బ్రహ్మాదికైః పురా || 27 ||
తస్మాత్సర్వప్రయత్నేన గోపయేత్సాధయేసుధీః |
యత్రైతత్పుస్తకం తిష్ఠేల్లక్ష్మీనారాయణాత్మకం || 28 ||
భూతపైశాచవేతాళ భయం నైవ తు సర్వదా |
లక్ష్మీహృదయకం ప్రోక్తం విధినా సాధయేత్సుధీః || 29 ||
భృగువారే చ రాత్రౌ చ పూజయేత్పుస్తకద్వయం |
సర్వథా సర్వదా సత్యం గోపయేత్సాధయేత్సుధీః |
గోపనాత్సాధనాల్లోకే ధన్యో భవతి తత్త్వతః || 30 ||
ఇత్యథర్వరహస్యే ఉత్తరభాగే నారాయణహృదయం సంపూర్ణం |

శ్రీ నారాయణాష్టకం

శ్రీ నారాయణాష్టకం.

Telugu

Read Stotra

శ్రీ నారాయణాష్టకం

వాత్సల్యాదభయప్రదానసమయాదార్తార్తినిర్వాపణా-
-దౌదార్యాదఘశోషణాదగణితశ్రేయః పదప్రాపణాత్ |
సేవ్యః శ్రీపతిరేక ఏవ జగతామేతేఽభవత్సాక్షిణః
ప్రహ్లాదశ్చ విభీషణశ్చ కరిరాట్ పాంచాల్యహల్యాధ్రువః || 1 ||
ప్రహ్లాదాస్తి యదీశ్వరో వద హరిః సర్వత్ర మే దర్శయ
స్తంభే చైవమితి బ్రువంతమసురం తత్రావిరాసీద్ధరిః |
వక్షస్తస్య విదారయన్నిజనఖైర్వాత్సల్యమాపాదయ-
-నార్తత్రాణపరాయణః స భగవాన్నారాయణో మే గతిః || 2 ||
శ్రీరామోఽత్ర విభీషణోఽయమనఘో రక్షోభయాదాగతః
సుగ్రీవానయ పాలయైనమధునా పౌలస్త్యమేవాగతం |
ఇత్యుక్త్వాఽభయమస్య సర్వవిదితం యో రాఘవో దత్తవాన్
ఆర్తత్రాణపరాయణః స భగవాన్నారాయణో మే గతిః || 3 ||
నక్రగ్రస్తపదం సముద్ధృతకరం బ్రహ్మాదయో భోః సురా
రక్షంతామితి దీనవాక్యకరిణం దేవేష్వశక్తేషు యః |
మా భైషీరితి తస్య నక్రహననే చక్రాయుధః శ్రీధరో
హ్యార్తత్రాణపరాయణః స భగవాన్నారాయణో మే గతిః || 4 ||
భో కృష్ణాచ్యుత భో కృపాలయ హరే భో పాండవానాం సఖే
క్వాసి క్వాసి సుయోధనాద్యపహృతాం భో రక్ష మామాతురాం |
ఇత్యుక్తోఽక్షయవస్త్రసంభృతతనుర్యోఽపాలయద్ద్రౌపదీం
ఆర్తత్రాణపరాయణః స భగవాన్నారాయణో మే గతిః || 5 ||
యత్పాదాబ్జనఖోదకం త్రిజగతాం పాపౌఘవిధ్వంసనం
యన్నామామృతపూరకం చ పిబతాం సంసారసంతారకం |
పాషాణోఽపి యదంఘ్రిపద్మరజసా శాపాన్మునేర్మోచితో
హ్యార్తత్రాణపరాయణః స భగవాన్నారాయణో మే గతిః || 6 ||
పిత్రా భ్రాతరముత్తమాసనగతం హ్యౌత్తానపాదిర్ధ్రువో
దృష్ట్వా తత్సమమారురుక్షురధికం మాత్రాఽవమానం గతః |
యం గత్వా శరణం యదాప తపసా హేమాద్రిసింహాసనం
హ్యార్తత్రాణపరాయణః స భగవాన్నారాయణో మే గతిః || 7 ||
ఆర్తా విషణ్ణాః శిథిలాశ్చ భీతా
ఘోరేషు చ వ్యాధిషు వర్తమానాః |
సంకీర్త్య నారాయణశబ్దమాత్రం
విముక్తదుఃఖాః సుఖినో భవంతి || 8
ఇతి శ్రీ కూరేశస్వామి కృత శ్రీ నారాయణాష్టకం |

శ్రీ మహావిష్ణు స్తోత్రం (గరుడగమన తవ)

శ్రీ మహావిష్ణు స్తోత్రం (గరుడగమన తవ).

Telugu

Read Stotra

శ్రీ మహావిష్ణు స్తోత్రం (గరుడగమన తవ)

గరుడగమన తవ చరణకమలమిహ మనసి లసతు మమ నిత్యం |
మమ తాపమపాకురు దేవ, మమ పాపమపాకురు దేవ ||
జలజనయన విధినముచిహరణముఖ విబుధవినుతపదపద్మ |
మమ తాపమపాకురు దేవ, మమ పాపమపాకురు దేవ || 1 ||
భుజగశయన భవ మదనజనక మమ జననమరణభయహారి |
మమ తాపమపాకురు దేవ, మమ పాపమపాకురు దేవ || 2 ||
శంఖచక్రధర దుష్టదైత్యహర సర్వలోకశరణ |
మమ తాపమపాకురు దేవ, మమ పాపమపాకురు దేవ || 3 ||
అగణితగుణగణ అశరణశరణద విదళితసురరిపుజాల |
మమ తాపమపాకురు దేవ, మమ పాపమపాకురు దేవ || 4 ||
భక్తవర్యమిహ భూరికరుణయా పాహి భారతీతీర్థం |
మమ తాపమపాకురు దేవ, మమ పాపమపాకురు దేవ || 5 ||
ఇతి జగద్గురు శ్రీభారతీతీర్థస్వామినా విరచితం శ్రీమహావిష్ణు స్తోత్రం