Sacred Stotras & Deities

శ్రీ విష్ణు షట్పదీ స్తోత్రం.

Telugu

Read Stotra

శ్రీ విష్ణు షట్పదీ స్తోత్రం

అవినయమపనయ విష్ణో
దమయ మనః శమయ విషయమృగతృష్ణాం |
భూతదయాం విస్తారయ
తారయ సంసారసాగరతః || 1 ||
దివ్యధునీమకరందే
పరిమళపరిభోగసచ్చిదానందే |
శ్రీపతిపదారవిందే
భవభయఖేదచ్ఛిదే వందే || 2 ||
సత్యపి భేదాపగమే
నాథ తవాఽహం న మామకీనస్త్వం |
సాముద్రో హి తరంగః
క్వచన సముద్రో న తారంగః || 3 ||
ఉద్ధృతనగ నగభిదనుజ
దనుజకులామిత్ర మిత్రశశిదృష్టే |
దృష్టే భవతి ప్రభవతి
న భవతి కిం భవతిరస్కారః || 4 ||
మత్స్యాదిభిరవతారై-
-రవతారవతావతా సదా వసుధాం |
పరమేశ్వర పరిపాల్యో
భవతా భవతాపభీతోఽహం || 5 ||
దామోదర గుణమందిర
సుందరవదనారవింద గోవింద |
భవజలధిమథనమందర
పరమం దరమపనయ త్వం మే || 6 ||
నారాయణ కరుణామయ
శరణం కరవాణి తావకౌ చరణౌ |
ఇతి షట్పదీ మదీయే
వదనసరోజే సదా వసతు || 7 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ షట్పదీ స్తోత్రం సంపూర్ణం |

Sign In

OTP Verification

శ్రీ రమాపత్యష్టకం

సంకష్టనాశన విష్ణు స్తోత్రం

శ్రీ దత్త షోడశావతార ధ్యాన శ్లోకాః

శ్రీమన్నారాయణాష్టాక్షరీ స్తుతి

శ్రీ దత్త షోడశీ (షోడశ క్షేత్ర స్తవం)

శ్రీ నారాయణ స్తోత్రం (మృగశృంగ కృతం)

శ్రీ దత్త స్తవరాజః

శ్రీ విష్ణు భుజంగ ప్రయాత స్తోత్రం

శ్రీ విష్ణు కవచ స్తోత్రం

శ్రీ విష్ణు పాదాదికేశాంతవర్ణన స్తోత్రం

శ్రీ దత్త స్తవం

శ్రీ విష్ణు షట్పదీ స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps