Sacred Stotras & Deities

కామాసికాష్టకం

కామాసికాష్టకం.

Telugu

కామాసికాష్టకం

శ్రుతీనాముత్తరం భాగం వేగవత్యాశ్చ దక్షిణం |
కామాదధివసన్ జీయాత్ కశ్చిదద్భుత కేసరీ || 1 ||
తపనేంద్వగ్నినయనః తాపానపచినోతు నః |
తాపనీయరహస్యానాం సారః కామాసికా హరిః || 2 ||
ఆకంఠమాదిపురుషం
కంఠీరవముపరి కుంఠితారాతిం |
వేగోపకంఠసంగాత్
విముక్తవైకుంఠబహుమతిముపాసే || 3 ||
బంధుమఖిలస్య జంతోః
బంధురపర్యంకబంధరమణీయం |
విషమవిలోచనమీడే
వేగవతీపుళినకేళినరసింహం || 4 ||
స్వస్థానేషు మరుద్గణాన్ నియమయన్ స్వాధీనసర్వేంద్రియః
పర్యంకస్థిరధారణా ప్రకటితప్రత్యఙ్ముఖావస్థితిః |
ప్రాయేణ ప్రణిపేదుషః ప్రభురసౌ యోగం నిజం శిక్షయన్
కామానాతనుతాదశేషజగతాం కామాసికా కేసరీ || 5 ||
వికస్వరనఖస్వరుక్షతహిరణ్యవక్షఃస్థలీ-
-నిరర్గలవినిర్గలద్రుధిరసింధుసంధ్యాయితాః |
అవంతు మదనాసికామనుజపంచవక్త్రస్య మాం
అహంప్రథమికామిథః ప్రకటితాహవా బాహవః || 6 ||
సటాపటలభీషణే సరభసాట్టహాసోద్భటే
స్ఫురత్ క్రుధిపరిస్ఫుట భ్రుకుటికేఽపి వక్త్రే కృతే |
కృపాకపటకేసరిన్ దనుజడింభదత్తస్తనా
సరోజసదృశా దృశా వ్యతివిషజ్య తే వ్యజ్యతే || 7 ||
త్వయి రక్షతి రక్షకైః కిమన్యై-
-స్త్వయి చారక్షతి రక్షకైః కిమన్యైః |
ఇతి నిశ్చితధీః శ్రయామి నిత్యం
నృహరే వేగవతీతటాశ్రయం త్వాం || 8 ||
ఇత్థం స్తుతః సకృదిహాష్టభిరేష పద్యైః
శ్రీవేంకటేశరచితైస్త్రిదశేంద్రవంద్యః |
దుర్దాంతఘోరదురితద్విరదేంద్రభేదీ
కామాసికానరహరిర్వితనోతు కామాన్ || 9 ||
ఇతి శ్రీవేదాంతదేశికకృతం కామాసికాష్టకం |

శ్రీ నరహర్యష్టకం

శ్రీ నరహర్యష్టకం.

Telugu

Read Stotra

శ్రీ నరహర్యష్టకం

యద్ధితం తవ భక్తానామస్మాకం నృహరే హరే |
తదాశు కార్యం కార్యజ్ఞ ప్రళయార్కాయుతప్రభ || 1 ||
రటత్సటోగ్ర భ్రుకుటీకఠోరకుటిలేక్షణ |
నృపంచాస్య జ్వలజ్జ్వాలోజ్జ్వలాస్యారీన్ హరే హర || 2 ||
ఉన్నద్ధకర్ణవిన్యాస వివృతానన భీషణ |
గతదూషణ మే శత్రూన్ హరే నరహరే హర || 3 ||
హరే శిఖిశిఖోద్భాస్వదురః క్రూరనఖోత్కర |
అరీన్ సంహర దంష్ట్రోగ్రస్ఫురజ్జిహ్వ నృసింహ మే || 4 ||
జఠరస్థ జగజ్జాల కరకోట్యుద్యతాయుధ |
కటికల్పతటిత్కల్పవసనారీన్ హరే హర || 5 ||
రక్షోధ్యక్షబృహద్వక్షోరూక్షకుక్షివిదారణ |
నరహర్యక్ష మే శత్రుపక్షకక్షం హరే దహ || 6 ||
విధిమారుతశర్వేంద్రపూర్వగీర్వాణపుంగవైః |
సదా నతాంఘ్రిద్వంద్వారీన్ నరసింహ హరే హర || 7 ||
భయంకరోర్వలంకార వరహుంకారగర్జిత |
హరే నరహరే శత్రూన్ మమ సంహర సంహర || 8 ||
వాదిరాజయతిప్రోక్తం నరహర్యష్టకం నవం |
పఠన్నృసింహకృపయా రిపూన్ సంహరతి క్షణాత్ || 9 ||
ఇతి శ్రీమద్వాదిరాజ పూజ్యచరణ విరచితం శ్రీ నరహర్యష్టకం |

శ్రీ షణ్ముఖ షట్పదీ స్తవః

శ్రీ షణ్ముఖ షట్పదీ స్తవః.

Telugu

Read Stotra

శ్రీ షణ్ముఖ షట్పదీ స్తవః

మయూరాచలాగ్రే సదారం వసంతం
ముదారం దదానం నతేభ్యో వరాంశ్చ |
దధానం కరాంభోజమధ్యే చ శక్తిం
సదా షణ్ముఖం భావయే హృత్సరోజే || 1 ||
గిరీశాస్యవారాశిపూర్ణేందుబింబం
కురంగాంకధిక్కారివక్త్రారవిందం |
సురేంద్రాత్మజాచిత్తపాథోజభానుం
సదా షణ్ముఖం భావయే హృత్సరోజే || 2 ||
నతానాం హి రాజ్ఞాం గుణానాం చ షణ్ణాం
కృపాభారతో యో ద్రుతం బోధనాయ |
షడాస్యాంబుజాతాన్యగృహ్ణాత్పరం తం
సదా షణ్ముఖం భావయే హృత్సరోజే || 3 ||
పురా తారకం యో విజిత్యాజిమధ్యే
సురాన్దుఃఖముక్తాంశ్చకారాశు మోదాత్ |
తమానందకందం కృపావారిరాశిం
సదా షణ్ముఖం భావయే హృత్సరోజే || 4 ||
శరాణాం వనే జాతమేనం హి బాలం
యతః కృత్తికాః పాయయంతి స్మ దుగ్ధం |
తతః కార్తికేయం వదంతీహ యం తం
సదా షణ్ముఖం భావయే హృత్సరోజే || 5 ||
హరంతం చ బాఢం తమో హార్దగాఢం
గవానాద్యయా చాతిమోదేన లీఢం |
సురేంద్రస్య పుత్ర్యా చ గాఢోపగూఢం
సదా షణ్ముఖం భావయే హృత్సరోజే || 6 ||
ఇయం షట్పదీ యస్య వక్త్రారవిందే
విహారం కరోత్యాదరాన్నిత్యమేవ |
షడాస్యః కృపాతః సమస్తాశ్చ విద్యా
వితీర్యాశు తస్మై స్వభక్తిం దదాతి || 7 ||
ఇతి శ్రీశృంగేరిజగద్గురు శ్రీసచ్చిదానంద శివాభినవనృసింహభారతీ స్వామిభిః విరచితం శ్రీ షణ్ముఖ షట్పదీ స్తవః |

శ్రీ నరహర్యష్టకం

శ్రీ నరహర్యష్టకం.

Telugu

Read Stotra

శ్రీ నరహర్యష్టకం

శ్రీ షణ్ముఖ స్తోత్రం

శ్రీ షణ్ముఖ స్తోత్రం.

Telugu

Read Stotra

శ్రీ షణ్ముఖ స్తోత్రం

నారదాదిదేవయోగిబృందహృన్నికేతనం
బర్హివర్యవాహమిందుశేఖరేష్టనందనం |
భక్తలోకరోగదుఃఖపాపసంఘభంజనం
భావయామి సింధుతీరవాసినం షడాననం || 1 ||
తారకారీమింద్రముఖ్యదేవబృందవందితం
చంద్రచందనాది శీతలాంకమాత్మభావితం |
యక్షసిద్ధకిన్నరాదిముఖ్యదివ్యపూజితం
భావయామి సింధుతీరవాసినం షడాననం || 2 ||
చంపకాబ్జమాలతీసుమాదిమాల్యభూషితం
దివ్యషట్కిరీటహారకుండలాద్యలంకృతం |
కుంకుమాదియుక్తదివ్యగంధపంకలేపితం
భావయామి సింధుతీరవాసినం షడాననం || 3 ||
ఆశ్రితాఖిలేష్టలోకరక్షణామరాంఘ్రిపం
శక్తిపాణిమచ్యుతేంద్రపద్మసంభవాధిపం |
శిష్టలోకచింతితార్థసిద్ధిదానలోలుపం
భావయామి సింధుతీరవాసినం షడాననం || 4 ||
వీరబాహు పూర్వకోటివీరసంఘసౌఖ్యదం
శూరపద్మముఖ్యలక్షకోటిశూరముక్తిదం |
ఇంద్రపూర్వదేవసంఘసిద్ధనిత్యసౌఖ్యదం
భావయామి సింధుతీరవాసినం షడాననం || 5 ||
జంబవైరికామినీమనోరథాభిపూరకం
కుంభసంభవాయ సర్వధర్మసారదాయకం |
తం భవాబ్ధిపోతమంబికేయమాశు సిద్ధిదం
భావయామి సింధుతీరవాసినం షడాననం || 6 ||
పూర్ణచంద్రబింబకోటితుల్యవక్త్రపంకజం
వర్ణనీయసచ్చరిత్రమిష్టసిద్ధిదాయకం |
స్వర్ణవర్ణగాత్రముగ్రసిద్ధలోకశిక్షకం
భావయామి సింధుతీరవాసినం షడాననం || 7 ||
పూర్వజన్మసంచితాఘసంఘభంగతత్పరం
సర్వధర్మదానకర్మపూర్వపుణ్యసిద్ధిదం |
సర్వశత్రుసంఘభంగదక్షమింద్రజాపతిం
భావయామి సింధుతీరవాసినం షడాననం || 8 ||
ఇతి శ్రీమచ్ఛంకరభగవతః కృతౌ తిరుచేందూర్ శ్రీ షణ్ముఖ స్తోత్రం |

శ్రీ సుబ్రహ్మణ్య అపరాధక్షమాపణ స్తోత్రం

శ్రీ సుబ్రహ్మణ్య అపరాధక్షమాపణ స్తోత్రం.

Telugu

Read Stotra

శ్రీ సుబ్రహ్మణ్య అపరాధక్షమాపణ స్తోత్రం

నమస్తే నమస్తే గుహ తారకారే
నమస్తే నమస్తే గుహ శక్తిపాణే |
నమస్తే నమస్తే గుహ దివ్యమూర్తే
క్షమస్వ క్షమస్వ సమస్తాపరాధం || 1 ||
నమస్తే నమస్తే గుహ దానవారే
నమస్తే నమస్తే గుహ చారుమూర్తే |
నమస్తే నమస్తే గుహ పుణ్యమూర్తే
క్షమస్వ క్షమస్వ సమస్తాపరాధం || 2 ||
నమస్తే నమస్తే మహేశాత్మపుత్ర
నమస్తే నమస్తే మయూరాసనస్థ |
నమస్తే నమస్తే సరోర్భూత దేవ
క్షమస్వ క్షమస్వ సమస్తాపరాధం || 3 ||
నమస్తే నమస్తే స్వయం జ్యోతిరూప
నమస్తే నమస్తే పరం జ్యోతిరూప |
నమస్తే నమస్తే జగం జ్యోతిరూప
క్షమస్వ క్షమస్వ సమస్తాపరాధం || 4 ||
నమస్తే నమస్తే గుహ మంజుగాత్ర
నమస్తే నమస్తే గుహ సచ్చరిత్ర |
నమస్తే నమస్తే గుహ భక్తమిత్ర
క్షమస్వ క్షమస్వ సమస్తాపరాధం || 5 ||
నమస్తే నమస్తే గుహ లోకపాల
నమస్తే నమస్తే గుహ ధర్మపాల |
నమస్తే నమస్తే గుహ సత్యపాల
క్షమస్వ క్షమస్వ సమస్తాపరాధం || 6 ||
నమస్తే నమస్తే గుహ లోకదీప
నమస్తే నమస్తే గుహ బోధరూప |
నమస్తే నమస్తే గుహ గానలోల
క్షమస్వ క్షమస్వ సమస్తాపరాధం || 7 ||
నమస్తే నమస్తే మహాదేవసూనో
నమస్తే నమస్తే మహామోహహారిన్ |
నమస్తే నమస్తే మహారోగహారిన్
క్షమస్వ క్షమస్వ సమస్తాపరాధం || 8 ||
ఇతి శ్రీ సుబ్రహ్మణ్య అపరాధక్షమాపణ స్తోత్రం ||

శ్రీ నృసింహ సప్తకం

శ్రీ నృసింహ సప్తకం.

Telugu

Read Stotra

శ్రీ నృసింహ సప్తకం

అద్వైతవాస్తవమతేః ప్రణమజ్జనానాం
సంపాదనాయ ధృతమానవసింహరూపం |
ప్రహ్లాదపోషణరతం ప్రణతైకవశ్యం
దేవం ముదా కమపి నౌమి కృపాసముద్రం || 1 ||
నతజనవచనఋతత్వ-
-ప్రకాశకాలస్య దైర్ఘ్యమసహిష్ణుః |
ఆవిర్బభూవ తరసా
యః స్తంభాన్నౌమి తం మహావిష్ణుం || 2 ||
వక్షోవిదారణం య-
-శ్చక్రే హార్దం తమో హంతుం |
శత్రోరపి కరుణాబ్ధిం
నరహరివపుషం నమామి తం విష్ణుం || 3 ||
రిపుహృదయస్థితరాజస-
-గుణమేవాసృఙ్మిషేణ కరజాగ్రైః |
ధత్తే యస్తం వందే
ప్రహ్లాదపూర్వభాగ్యనిచయమహం || 4 ||
ప్రహ్లాదం ప్రణమజ్జన-
-పంక్తేః కుర్వంతి దివిషదో హ్యన్యే |
ప్రహ్లాదప్రహ్లాదం
చిత్రం కురుతే నమామి యస్తమహం || 5 ||
శరదిందుకుందధవలం
కరజప్రవిదారితాసురాధీశం |
చరణాంబుజరతవాక్యం
తరసైవ ఋతం ప్రకుర్వదహమీడే || 6 ||
ముఖేన రౌద్రో వపుషా చ సౌంయః
సన్కంచనార్థం ప్రకటీకరోషి |
భయస్య కర్తా భయహృత్త్వమేవే-
-త్యాఖ్యాప్రసిద్ధిర్యదసంశయాభూత్ || 7 ||
ఇతి శృంగేరి జగద్గురు శ్రీసచ్చిదానందశివాభినవనృసింహభారతీ స్వామిభిః విరచితం శ్రీ నృసింహ సప్తకం |

శ్రీ సుబ్రహ్మణ్య కవచ స్తోత్రం

శ్రీ సుబ్రహ్మణ్య కవచ స్తోత్రం.

Telugu

Read Stotra

శ్రీ సుబ్రహ్మణ్య కవచ స్తోత్రం

అస్య శ్రీసుబ్రహ్మణ్యకవచస్తోత్రమహామంత్రస్య, బ్రహ్మా ఋషిః, అనుష్టుప్ఛందః, శ్రీసుబ్రహ్మణ్యో దేవతా, ఓం నమ ఇతి బీజం, భగవత ఇతి శక్తిః, సుబ్రహ్మణ్యాయేతి కీలకం, శ్రీసుబ్రహ్మణ్య ప్రసాదసిద్ధ్యర్థే జపే వినియోగః ||
కరన్యాసః –
ఓం సాం అంగుష్ఠాభ్యాం నమః |
ఓం సీం తర్జనీభ్యాం నమః |
ఓం సూం మధ్యమాభ్యాం నమః |
ఓం సైం అనామికాభ్యాం నమః |
ఓం సౌం కనిష్ఠికాభ్యాం నమః |
ఓం సః కరతలకరపృష్ఠాభ్యాం నమః ||
అంగన్యాసః –
ఓం సాం హృదయాయ నమః |
ఓం సీం శిరసే స్వాహా |
ఓం సూం శిఖాయై వషట్ |
ఓం సైం కవచాయ హుం |
ఓం సౌం నేత్రత్రయాయ వౌషట్ |
ఓం సః అస్త్రాయ ఫట్ |
భూర్భువస్సువరోమితి దిగ్బంధః ||
ధ్యానం |
సిందూరారుణమిందుకాంతివదనం కేయూరహారాదిభిః
దివ్యైరాభరణైర్విభూషితతనుం స్వర్గాదిసౌఖ్యప్రదం |
అంభోజాభయశక్తికుక్కుటధరం రక్తాంగరాగోజ్జ్వలం
సుబ్రహ్మణ్యముపాస్మహే ప్రణమతాం భీతిప్రణాశోద్యతం ||
లమిత్యాది పంచపూజా |
ఓం లం పృథివ్యాత్మనే సుబ్రహ్మణ్యాయ గంధం సమర్పయామి |
ఓం హం ఆకాశాత్మనే సుబ్రహ్మణ్యాయ పుష్పాణి సమర్పయామి |
ఓం యం వాయ్వాత్మనే సుబ్రహ్మణ్యాయ ధూపమాఘ్రాపయామి |
ఓం రం అగ్న్యాత్మనే సుబ్రహ్మణ్యాయ దీపం దర్శయామి |
ఓం వం అమృతాత్మనే సుబ్రహ్మణ్యాయ స్వాదన్నం నివేదయామి |
కవచం |
సుబ్రహ్మణ్యోఽగ్రతః పాతు సేనానీః పాతు పృష్ఠతః |
గుహో మాం దక్షిణే పాతు వహ్నిజః పాతు వామతః || 1 ||
శిరః పాతు మహాసేనః స్కందో రక్షేల్లలాటకం |
నేత్రే మే ద్వాదశాక్షశ్చ శ్రోత్రే రక్షతు విశ్వభృత్ || 2 ||
ముఖం మే షణ్ముఖః పాతు నాసికాం శంకరాత్మజః |
ఓష్ఠౌ వల్లీపతిః పాతు జిహ్వాం పాతు షడాననః || 3 ||
దేవసేనాపతిర్దంతాన్ చిబుకం బహులోద్భవః |
కంఠం తారకజిత్పాతు బాహూ ద్వాదశబాహుకః || 4 ||
హస్తౌ శక్తిధరః పాతు వక్షః పాతు శరోద్భవః |
హృదయం వహ్నిభూః పాతు కుక్షిం పాత్వంబికాసుతః || 5 ||
నాభిం శంభుసుతః పాతు కటిం పాతు హరాత్మజః |
ఊరూ పాతు గజారూఢో జానూ మే జాహ్నవీసుతః || 6 ||
జంఘే విశాఖో మే పాతు పాదౌ మే శిఖివాహనః |
సర్వాణ్యంగాని భూతేశః సర్వధాతూంశ్చ పావకిః || 7 ||
సంధ్యాకాలే నిశీథిన్యాం దివా ప్రాతర్జలేఽగ్నిషు |
దుర్గమే చ మహారణ్యే రాజద్వారే మహాభయే || 8 ||
తుములే రణ్యమధ్యే చ సర్వదుష్టమృగాదిషు |
చోరాదిసాధ్వసేఽభేద్యే జ్వరాదివ్యాధిపీడనే || 9 ||
దుష్టగ్రహాదిభీతౌ చ దుర్నిమిత్తాదిభీషణే |
అస్త్రశస్త్రనిపాతే చ పాతు మాం క్రౌంచరంధ్రకృత్ || 10 ||
యః సుబ్రహ్మణ్యకవచం ఇష్టసిద్ధిప్రదం పఠేత్ |
తస్య తాపత్రయం నాస్తి సత్యం సత్యం వదాంయహం || 11 ||
ధర్మార్థీ లభతే ధర్మమర్థార్థీ చార్థమాప్నుయాత్ |
కామార్థీ లభతే కామం మోక్షార్థీ మోక్షమాప్నుయాత్ || 12 ||
యత్ర యత్ర జపేద్భక్త్యా తత్ర సన్నిహితో గుహః |
పూజాప్రతిష్ఠాకాలే చ జపకాలే పఠేదిదం || 13 ||
తేషామేవ ఫలావాప్తిః మహాపాతకనాశనం |
యః పఠేచ్ఛృణుయాద్భక్త్యా నిత్యం దేవస్య సన్నిధౌ |
సర్వాన్కామానిహ ప్రాప్య సోఽంతే స్కందపురం వ్రజేత్ || 14 ||
ఉత్తరన్యాసః ||
కరన్యాసః –
ఓం సాం అంగుష్ఠాభ్యాం నమః |
ఓం సీం తర్జనీభ్యాం నమః |
ఓం సూం మధ్యమాభ్యాం నమః |
ఓం సైం అనామికాభ్యాం నమః |
ఓం సౌం కనిష్ఠికాభ్యాం నమః |
ఓం సః కరతలకరపృష్ఠాభ్యాం నమః ||
అంగన్యాసః –
ఓం సాం హృదయాయ నమః |
ఓం సీం శిరసే స్వాహా |
ఓం సూం శిఖాయై వషట్ |
ఓం సైం కవచాయ హుం |
ఓం సౌం నేత్రత్రయాయ వౌషట్ |
ఓం సః అస్త్రాయ ఫట్ |
భూర్భువస్సువరోమితి దిగ్విమోకః ||
ఇతి శ్రీ సుబ్రహ్మణ్య కవచ స్తోత్రం

శ్రీ సుబ్రహ్మణ్య గద్యం

శ్రీ సుబ్రహ్మణ్య గద్యం.

Telugu

Read Stotra

శ్రీ సుబ్రహ్మణ్య గద్యం

పురహరనందన, రిపుకులభంజన, దినకరకోటిరూప, పరిహృతలోకతాప, శిఖీంద్రవాహన, మహేంద్రపాలన, విధృతసకలభువనమూల, విధుతనిఖిలదనుజతూల, తాపససమారాధిత, పాపజవికారాజిత, తారుణ్యవిజితమారాకార, కారుణ్యసలిలపూరాధార, మయూరవరవాహన, మహేంద్రగిరికేతన, భక్తిపరగంయ, శక్తికరరంయ, పరిపాలితనాక, పురశాసనపాక, నిఖిలలోకనాయక, గిరివిదారిసాయక, మహాదేవభాగధేయ, మహాపుణ్యనామధేయ, వినతశోకవారణ, వివిధలోకకారణ, సురవైరికాల, పురవైరిబాల, భవబంధవిమోచన, దళదంబువిలోచన, కరుణామృతరససాగర, తరుణామృతకరశేఖర, వల్లీమానహారివేష, మల్లీమాలభారికేశ, పరిపాలితవిబుధలోక, పరికాలితవినతశోక, ముఖవిజితచంద్ర, నిఖిలగుణమందిర, భానుకోటిసదృశరూప, భానుకోపభయదచాప, పితృమనోహారిమందహాస, రిపుశిరోదారిచంద్రహాస, శ్రుతికలితమణికుండల, రుచివిజితరవిమండల, భుజవరవిజితసాల, భజనపరమనుజపాల, నవవీరసంసేవిత, రణధీరసంభావిత, మనోహారిశీల, మహేంద్రారికీల, కుసుమవిశదహాస, కులశిఖరినివాస, విజితకరణమునిసేవిత, విగతమరణజనిభాషిత, స్కందపురనివాస, నందనకృతవిలాస, కమలాసనవినత, చతురాగమవినుత, కలిమలవిహీనకృతసేవన, సరసిజనికాశశుభలోచన, అహార్యవరధీర, అనార్యనరదూర, విదళితరోగజాల, విరచితభోగమూల, భోగీంద్రభాసిత, యోగీంద్రభావిత, పాకశాసనపరిపూజిత, నాకవాసినికరసేవిత, విద్రుతవిద్యాధర, విద్రుమహృద్యాధర, దలితదనుజవేతండ, విబుధవరదకోదండ, పరిపాలితభూసుర, మణిభూషణభాసుర, అతిరంయస్వభావ, శ్రుతిగంయప్రభావ, లీలావిశేషతోషిత శంకర, హేలావిశేషకలితసంగర, సుమసమరదన, శశధరవదన, సుబ్రహ్మణ్య విజయీ భవ, విజయీ భవ |

శ్రీ సుబ్రహ్మణ్య దండకం

శ్రీ సుబ్రహ్మణ్య దండకం.

Telugu

Read Stotra

శ్రీ సుబ్రహ్మణ్య దండకం

జయ వజ్రిసుతాకాంత జయ శంకరనందన |
జయ మారశతాకార జయ వల్లీమనోహర ||
జయ భుజబలనిర్జితానేక విద్యాండభీకారిసంగ్రామ కృత్తరకావాప్త గీర్వాణభీడ్వాంత మార్తాండ షడ్వక్త్ర గౌరీశ ఫాలాక్షి సంజాత తేజః సముద్భూత దేవాపగా పద్మషండోథిత స్వాకృతే, సూర్యకోటిద్యుతే, భూసురాణాంగతే, శరవణభవ, కృత్యకాస్తన్యపానాప్తషడ్వక్త్రపద్మాద్రిజాతా కరాంభోజ సంలాలనాతుష్ట కాళీసముత్పన్న వీరాగ్ర్యసంసేవితానేకబాలోచిత క్రీడితాకీర్ణవారాశిభూభృద్వనీసంహతే, దేవసేనారతే దేవతానాం పతే, సురవరనుత దర్శితాత్మీయ దివ్యస్వరూపామరస్తోమసంపూజ్య కారాగృహావాప్తకజ్జాతస్తుతాశ్చర్యమాహాత్ంయ శక్త్యగ్రసంభిన్న శైలేంద్ర దైతేయ సంహార సంతోషితామార్త్య సంక్లుప్త దివ్యాభిషేకోన్నతే, తోషితశ్రీపతే, సుమశరసమదేవరాజాత్మ భూదేవసేనాకరగ్రాహ సంప్రాప్త సంమోదవల్లీ మనోహారి లీలావిశేషేంద్రకోదండభాస్వత్కలాపోచ్య బర్హీంద్ర వాహాధిరూఢాతిదీనం కృపాదృష్టిపాతేన మాం రక్ష
తుభ్యం నమో దేవ తుభ్యం నమః ||

శ్రీ సుబ్రహ్మణ్య పంచరత్నం

శ్రీ సుబ్రహ్మణ్య పంచరత్నం.

Telugu

Read Stotra

శ్రీ సుబ్రహ్మణ్య పంచరత్నం

షడాననం చందనలేపితాంగం
మహోరసం దివ్యమయూరవాహనం |
రుద్రస్యసూనుం సురలోకనాథం
బ్రహ్మణ్యదేవం శరణం ప్రపద్యే || 1 ||
జాజ్వల్యమానం సురబృందవంద్యం
కుమారధారాతట మందిరస్థం |
కందర్పరూపం కమనీయగాత్రం
బ్రహ్మణ్యదేవం శరణం ప్రపద్యే || 2 ||
ద్విషడ్భుజం ద్వాదశదివ్యనేత్రం
త్రయీతనుం శూలమసీ దధానం |
శేషావతారం కమనీయరూపం
బ్రహ్మణ్యదేవం శరణం ప్రపద్యే || 3 ||
సురారిఘోరాహవశోభమానం
సురోత్తమం శక్తిధరం కుమారం |
సుధార శక్త్యాయుధ శోభిహస్తం
బ్రహ్మణ్యదేవం శరణం ప్రపద్యే || 4 ||
ఇష్టార్థసిద్ధిప్రదమీశపుత్రం
ఇష్టాన్నదం భూసురకామధేనుం |
గంగోద్భవం సర్వజనానుకూలం
బ్రహ్మణ్యదేవం శరణం ప్రపద్యే || 5 ||
యః శ్లోకపంచకమిదం పఠతీహ భక్త్యా
బ్రహ్మణ్యదేవ వినివేశిత మానసః సన్ |
ప్రాప్నోతి భోగమఖిలం భువి యద్యదిష్టం
అంతే స గచ్ఛతి ముదా గుహసాంయమేవ || 6 ||

శ్రీ సుబ్రహ్మణ్య పంచరత్నం

శ్రీ సుబ్రహ్మణ్య పంచరత్నం.

Telugu

Read Stotra

Sign In

OTP Verification

కామాసికాష్టకం

శ్రీ నరహర్యష్టకం

శ్రీ షణ్ముఖ షట్పదీ స్తవః

శ్రీ నరహర్యష్టకం

శ్రీ షణ్ముఖ స్తోత్రం

శ్రీ సుబ్రహ్మణ్య అపరాధక్షమాపణ స్తోత్రం

శ్రీ నృసింహ సప్తకం

శ్రీ సుబ్రహ్మణ్య కవచ స్తోత్రం

శ్రీ సుబ్రహ్మణ్య గద్యం

శ్రీ సుబ్రహ్మణ్య దండకం

శ్రీ సుబ్రహ్మణ్య పంచరత్నం

శ్రీ సుబ్రహ్మణ్య పంచరత్నం

MENU

LINKS

Astrologer Section

Vendor Section

GET ADVICE ON

Download Our Apps