Sacred Stotras & Deities

శ్రీ శ్యామలా దండకం

శ్రీ శ్యామలా దండకం.

Telugu

శ్రీ శ్యామలా దండకం

ధ్యానం –
మాణిక్యవీణాముపలాలయంతీం
మదాలసాం మంజులవాగ్విలాసాం |
మాహేంద్రనీలద్యుతికోమలాంగీం
మాతంగకన్యాం మనసా స్మరామి || 1 ||
చతుర్భుజే చంద్రకళావతంసే
కుచోన్నతే కుంకుమరాగ శోణే |
పుండ్రేక్షుపాశాంకుశపుష్పబాణ-
-హస్తే నమస్తే జగదేకమాతః || 2 ||
మాతా మరకతశ్యామా మాతంగీ మదశాలినీ |
కుర్యాత్కటాక్షం కళ్యాణీ కదంబవనవాసినీ || 3 ||
జయ మాతంగతనయే జయ నీలోత్పలద్యుతే |
జయ సంగీతరసికే జయ లీలాశుకప్రియే || 4 ||
దండకం –
జయ జనని సుధా సముద్రాంతరుద్యన్ మణిద్వీప సంరూఢ బిల్వాటవీమధ్యకల్పద్రుమాకల్ప కాదంబకాంతార వాసప్రియే కృత్తివాసఃప్రియే సర్వలోకప్రియే |
సాదరారబ్ధ సంగీత సంభావనా సంభ్రమాలోల నీపస్రగాబద్ధచూలీ సనాథత్రికే సానుమత్పుత్రికే | శేఖరీభూత శీతాంశురేఖా మయూఖావలీ బద్ధ సుస్నిగ్ధ నీలాలకశ్రేణిశృంగారితే లోకసంభావితే | కామలీలా ధనుఃసన్నిభ భ్రూలతాపుష్ప సందోహ సందేహ కృల్లోచనే వాక్సుధాసేచనే | చారు గోరోచనా పంక కేలీ లలామాభిరామే సురామే రమే | ప్రోల్లసద్వాలికా మౌక్తికశ్రేణికా చంద్రికా మండలోద్భాసి లావణ్యగండస్థల న్యస్తకస్తూరికాపత్రరేఖా సముద్భూత సౌరభ్య సంభ్రాంత భృంగాంగనా గీతసాంద్రీభవన్మంద్ర తంత్రీస్వరే సుస్వరే భాస్వరే | వల్లకీ వాదన ప్రక్రియా లోల తాలీదలాబద్ధతాటంక భూషావిశేషాన్వితే సిద్ధసంమానితే | దివ్య హాలామదోద్వేల హేలాలసచ్చక్షురాందోలన శ్రీసమాక్షిప్త కర్ణైక నీలోత్పలే పూరితాశేష లోకాభివాంఛా ఫలే శ్రీఫలే | స్వేద బిందూల్లసత్ఫాల లావణ్య నిష్యంద సందోహ సందేహకృన్నాసికా మౌక్తికే సర్వవిశ్వాత్మికే కాలికే | ముగ్ధ మందస్మితోదార వక్త్రస్ఫురత్పూగ తాంబూలకర్పూర ఖండోత్కరే జ్ఞానముద్రాకరే సర్వసంపత్కరే పద్మభాస్వత్కరే | కుందపుష్పద్యుతి స్నిగ్ధ దంతావలీ నిర్మలాలోల కల్లోల సంమేలన స్మేరశోణాధరే చారువీణాధరే పక్వబింబాధరే |
సులలిత నవయౌవనారంభ చంద్రోదయోద్వేల లావణ్య దుగ్ధార్ణవావిర్భవత్కంబుబిబ్బోక భృత్కంధరే సత్కలామందిరే మంథరే | దివ్యరత్నప్రభా బంధురచ్ఛన్న హారాదిభూషా సముద్యోతమానానవద్యాంశు శోభే శుభే | రత్నకేయూర రశ్మిచ్ఛటా పల్లవప్రోల్లసద్దోర్లతా రాజితే యోగిభిః పూజితే | విశ్వదిఙ్మండలవ్యాపి మాణిక్యతేజః స్ఫురత్కంకణాలంకృతే విభ్రమాలంకృతే సాధకైః సత్కృతే | వాసరారంభ వేలా సముజ్జృంభమాణారవింద ప్రతిద్వంద్విపాణిద్వయే సంతతోద్యద్దయే అద్వయే | దివ్య రత్నోర్మికాదీధితి స్తోమసంధ్యాయమానాంగులీ పల్లవోద్యన్నఖేందు ప్రభామండలే సన్నతాఖండలే చిత్ప్రభామండలే ప్రోల్లసత్కుండలే | తారకారాజినీకాశ హారావలిస్మేర చారుస్తనాభోగ భారానమన్మధ్యవల్లీవలిచ్ఛేద వీచీసముల్లాస సందర్శితాకార సౌందర్య రత్నాకరే వల్లకీభృత్కరే కింకర శ్రీకరే | హేమకుంభోపమోత్తుంగ వక్షోజ భారావనంరే త్రిలోకావనంరే | లసద్వృత్త గంభీర నాభీ సరస్తీర శైవాల శంకాకర శ్యామ రోమావలీభూషణే మంజు సంభాషణే | చారు శింజత్కటీ సూత్ర నిర్భర్త్సితానంగ లీలా ధనుః శింజినీడంబరే దివ్యరత్నాంబరే |
పద్మరాగోల్లసన్మేఖలా భాస్వర శ్రోణి శోభా జిత స్వర్ణభూభృత్తలే చంద్రికాశీతలే |
వికసిత నవ కింశుకాతాంర దివ్యాంశుకచ్ఛన్న చారూరుశోభా పరాభూతసిందూర శోణాయమానేంద్ర మాతంగ హస్తార్గలే వైభవానర్గలే శ్యామలే | కోమల స్నిగ్ధ నీలోపలోత్పాదితానంగ తూణీర శంకాకరోదార జంఘాలతే చారులీలాగతే | నంర దిక్పాల సీమంతినీ కుంతల స్నిగ్ధ నీల ప్రభా పుంజ సంజాత దూర్వాంకురాశంక సారంగ సంయోగ రింఖన్నఖేందూజ్జ్వలే ప్రోజ్జ్వలే నిర్మలే | ప్రహ్వ దేవేశ లక్ష్మీశ భూతేశ తోయేశ వాణీశ కీనాశ దైత్యేశ యక్షేశ వాయ్వగ్నికోటీర మాణిక్య సంఘృష్ట బాలాతపోద్దామ లాక్షారసారుణ్య తారుణ్య లక్ష్మీగృహీతాంఘ్రి పద్మే సుపద్మే ఉమే |
సురుచిర నవరత్న పీఠస్థితే సుస్థితే | రత్నపద్మాసనే రత్నసింహాసనే శంఖపద్మద్వయోపాశ్రితే | తత్ర విఘ్నేశ దుర్గా వటు క్షేత్రపాలైర్యుతే | మత్తమాతంగ కన్యాసమూహాన్వితే మంజులా మేనకాద్యంగనా మానితే భైరవైరష్టభిర్వేష్టితే | దేవి వామాదిభిః శక్తిభిః సేవితే | ధాత్రిలక్ష్ంయాది శక్త్యష్టకైః సంయుతే | మాతృకామండలైర్మండితే | యక్ష గంధర్వ సిద్ధాంగనా మండలైరర్చితే | పంచబాణాత్మికే | పంచబాణేన రత్యా చ సంభావితే | ప్రీతిభాజా వసంతేన చానందితే | భక్తిభాజాం పరం శ్రేయసే కల్పసే | యోగినాం మానసే ద్యోతసే | ఛందసామోజసా భ్రాజసే | గీతవిద్యా వినోదాతితృష్ణేన కృష్ణేన సంపూజ్యసే | భక్తిమచ్చేతసా వేధసా స్తూయసే | విశ్వహృద్యేన వాద్యేన విద్యాధరైర్గీయసే |
శ్రవణహరణ దక్షిణక్వాణయా వీణయా కిన్నరైర్గీయసే | యక్ష గంధర్వ సిద్ధాంగనా మండలైరర్చ్యసే | సర్వసౌభాగ్యవాంఛావతీభిర్వధూభిః సురాణాం సమారాధ్యసే | సర్వవిద్యావిశేషాత్మకం చాటుగాథాసముచ్చారణం కంఠమూలోల్లసద్వర్ణరాజిత్రయం కోమలశ్యామలోదారపక్షద్వయం తుండశోభాతిదూరీభవత్కింశుకం తం శుకం లాలయంతీ పరిక్రీడసే | పాణిపద్మద్వయేనాక్షమాలామపి స్ఫాటికీం జ్ఞానసారాత్మకం పుస్తకం చాంకుశం పాశమాబిభ్రతీ యేన సంచింత్యసే తస్య వక్త్రాంతరాత్ గద్యపద్యాత్మికా భారతీ నిస్సరేత్ | యేన వా యావకాభాకృతిర్భావ్యసే తస్య వశ్యా భవంతి స్త్రియః పూరుషాః | యేన వా శాతకుంభద్యుతిర్భావ్యసే సోఽపి లక్ష్మీసహస్రైః పరిక్రీడతే | కిం న సిద్ధ్యేద్వపుః శ్యామలం కోమలం చంద్రచూడాన్వితం తావకం ధ్యాయతః | తస్య లీలాసరో వారిధిః, తస్య కేలీవనం నందనం, తస్య భద్రాసనం భూతలం, తస్య గీర్దేవతా కింకరీ, తస్య చాజ్ఞాకరీ శ్రీః స్వయం | సర్వతీర్థాత్మికే, సర్వమంత్రాత్మికే, సర్వతంత్రాత్మికే, సర్వయంత్రాత్మికే, సర్వపీఠాత్మికే, సర్వతత్త్వాత్మికే, సర్వశక్త్యాత్మికే, సర్వవిద్యాత్మికే, సర్వయోగాత్మికే, సర్వనాదాత్మికే, సర్వశబ్దాత్మికే, సర్వవిశ్వాత్మికే, సర్వదీక్షాత్మికే, సర్వసర్వాత్మికే, సర్వగే, పాహి మాం పాహి మాం పాహి మాం, దేవి తుభ్యం నమో, దేవి తుభ్యం నమో, దేవి తుభ్యం నమః ||
ఇతి శ్రీకాళిదాస కృత శ్రీ శ్యామలా దండకం |

శ్రీ శ్యామలా నవరత్నమాలికా స్తోత్రం

శ్రీ శ్యామలా నవరత్నమాలికా స్తోత్రం.

Telugu

Read Stotra

శ్రీ శ్యామలా నవరత్నమాలికా స్తోత్రం

ఓంకారపంజరశుకీం ఉపనిషదుద్యానకేలికలకంఠీం |
ఆగమవిపినమయూరీం ఆర్యామంతర్విభావయే గౌరీం || 1 ||
దయమానదీర్ఘనయనాం దేశికరూపేణ దర్శితాభ్యుదయాం |
వామకుచనిహితవీణాం వరదాం సంగీతమాతృకాం వందే || 2 ||
శ్యామతనుసౌకుమార్యాం సౌందర్యానందసంపదున్మేషాం |
తరుణిమకరుణాపూరాం మదజలకల్లోలలోచనాం వందే || 3 ||
నఖముఖముఖరితవీణానాదరసాస్వాదనవనవోల్లాసం |
ముఖమంబ మోదయతు మాం ముక్తాతాటంకముగ్ధహసితం తే || 4 ||
సరిగమపధనిరతాం తాం వీణాసంక్రాంతకాంతహస్తాం తాం |
శాంతాం మృదులస్వాంతాం కుచభరతాంతాం నమామి శివకాంతాం || 5 ||
అవటుతటఘటితచూలీతాడితతాలీపలాశతాటంకాం |
వీణావాదనవేలాకంపితశిరసం నమామి మాతంగీం || 6 ||
వీణారవానుషంగం వికచముఖాంభోజమాధురీభృంగం |
కరుణాపూరతరంగం కలయే మాతంగకన్యకాపాంగం || 7 ||
మణిభంగమేచకాంగీం మాతంగీం నౌమి సిద్ధమాతంగీం |
యౌవనవనసారంగీం సంగీతాంభోరుహానుభవభృంగీం || 8 ||
మేచకమాసేచనకం మిథ్యాదృష్టాంతమధ్యభాగం తే |
మాతస్తవ స్వరూపం మంగళసంగీతసౌరభం మన్యే || 9 ||
నవరత్నమాల్యమేతద్రచితం మాతంగకన్యకాభరణం |
యః పఠతి భక్తియుక్తః సః భవేద్వాగీశ్వరః సాక్షాత్ || 10 ||
ఇతి కాళిదాస కృత శ్రీ శ్యామలా నవరత్నమాలికా స్తోత్రం |

శ్రీ శ్యామలా పంచాశత్స్వరవర్ణమాలికా స్తోత్రం

శ్రీ శ్యామలా పంచాశత్స్వరవర్ణమాలికా స్తోత్రం.

Telugu

Read Stotra

శ్రీ శ్యామలా పంచాశత్స్వరవర్ణమాలికా స్తోత్రం

వందేఽహం వనజేక్షణాం వసుమతీం వాగ్దేవి తాం వైష్ణవీం
శబ్దబ్రహ్మమయీం శశాంకవదనాం శాతోదరీం శాంకరీం |
షడ్బీజాం సశివాం సమంచితపదామాధారచక్రేస్థితాం
చిద్రూపాం సకలేప్సితార్థవరదాం బాలాం భజే శ్యామలాం || 1 ||
బాలాం భాస్కరభాసమప్రభయుతాం భీమేశ్వరీం భారతీం
మాణిక్యాంచితహారిణీమభయదాం యోనిస్థితేయం పదాం |
హ్రాం హ్రాం హ్రీం కమయీం రజస్తమహరీం లంబీజమోంకారిణీం
చిద్రూపాం సకలేప్సితార్థవరదాం బాలాం భజే శ్యామలాం || 2 ||
డం ఢం ణం త థమక్షరీం తవ కళాంతాద్యాకృతీతుర్యగాం
దం ధం నం నవకోటిమూర్తిసహితాం నాదం సబిందూకలాం |
పం ఫం మన్త్రఫలప్రదాం ప్రతిపదాం నాభౌ సచక్రేస్థితాం
చిద్రూపాం సకలేప్సితార్థవరదాం బాలాం భజే శ్యామలాం || 3 ||
కం ఖం గం ఘ మయీం గజాస్యజననీం గానప్రియామాగమీం
చం ఛం జం ఝం ఝణ క్వణి ఘణు ఘిణూ ఝంకారపాదాం రమాం |
ఞం టం ఠం హృదయే స్థితాం కిణికిణీ నాదౌ కరౌ కంకణాం
చిద్రూపాం సకలేప్సితార్థవరదాం బాలాం భజే శ్యామలాం || 4 ||
అం ఆం ఇం ఇమయీం ఇహైవ సుఖదామీకార ఉ ఊపమాం
ఋం ౠం లుం సహవర్ణపీఠనిలయే లూంకార ఏం ఐం సదా |
ఓం ఔం అన్నమయే అః స్తవనుతామానందమానందినీం
చిద్రూపాం సకలేప్సితార్థవరదాం బాలాం భజే శ్యామలాం || 5 ||
హం క్షం బ్రహ్మమయీం ద్విపత్రకమలాం భ్రూమధ్యపీఠేస్థితాం
ఇడాపింగళమధ్యదేశగమనామిష్టార్థసందాయినీం |
ఆరోహప్రతిరోహయంత్రభరితాం సాక్షాత్సుషుంనా కలాం
చిద్రూపాం సకలేప్సితార్థవరదాం బాలాం భజే శ్యామలాం || 6 ||
బ్రహ్మేశాది సమస్త మౌనిఋషిభిర్దేవైః సదా ధ్యాయినీం
బ్రహ్మస్థాననివేశినీం తవ కలాం తారం సహస్రాంశకే |
ఖవ్యం ఖవ్యమయీం ఖగేశవినుతాం ఖం రూపిమోంకారిణీం
చిద్రూపాం సకలేప్సితార్థవరదాం బాలాం భజే శ్యామలాం || 7 ||
చక్రాణ్యే సతు సప్తమంతరగతే వర్ణాత్మికే తాం శ్రియం
నాదం బిందుకలామయీంశ్చరహితే నిఃశబ్ద నిర్వ్యాపకే |
నిర్వ్యక్తాం చ నిరంజనీం నిరవయాం శ్రీయంత్రమాత్రాం పరాం
చిద్రూపాం సకలేప్సితార్థవరదాం బాలాం భజే శ్యామలాం || 8 ||
బాలామాలమనోహరాం ప్రతిదినం వాంఛంతి వాచ్యం పఠేత్
వేదే శాస్త్ర వివాదకాలసమయే స్థిత్వా సభామధ్యమే |
పంచాశత్స్వరవర్ణమాలికమియాం జిహ్వాగ్ర సంస్థా పఠే-
-ద్ధర్మార్థాఖిలకామవిక్షితకృపాః సిధ్యంతి మోక్షం తథా || 9 ||
ఇతి శ్రీ శ్యామలా పంచాశత్స్వరవర్ణమాలికా స్తోత్రం |

శ్రీ శ్యామలా షోడశనామ స్తోత్రం

శ్రీ శ్యామలా షోడశనామ స్తోత్రం.

Telugu

Read Stotra

శ్రీ శ్యామలా స్తోత్రం

శ్రీ శ్యామలా స్తోత్రం.

Telugu

Read Stotra

శ్రీ శ్యామలా స్తోత్రం

జయ మాతర్విశాలాక్షి జయ సంగీతమాతృకే |
జయ మాతంగి చండాలి గృహీతమధుపాత్రకే || 1 ||
నమస్తేఽస్తు మహాదేవి నమో భగవతీశ్వరి |
నమస్తేఽస్తు జగన్మాతర్జయ శంకరవల్లభే || 2 ||
జయ త్వం శ్యామలే దేవి శుకశ్యామే నమోఽస్తు తే |
మహాశ్యామే మహారామే జయ సర్వమనోహరే || 3 ||
జయ నీలోత్పలప్రఖ్యే జయ సర్వవశంకరి |
జయ త్వజాత్వసంస్తుత్యే లఘుశ్యామే నమోఽస్తు తే || 4 ||
నమో నమస్తే రక్తాక్షి జయ త్వం మదశాలిని |
జయ మాతర్మహాలక్ష్మి వాగీశ్వరి నమోఽస్తు తే || 5 ||
నమ ఇంద్రాదిసంస్తుత్యే నమో బ్రహ్మాదిపూజితే |
నమో మరకతప్రఖ్యే శంఖకుండలశోభితే || 6 ||
జయ త్వం జగదీశాని లోకమోహిని తే నమః |
నమస్తేఽస్తు మహాకృష్ణే నమో విశ్వేశవల్లభే || 7 ||
మహేశ్వరి నమస్తేఽస్తు నీలాంబరసమన్వితే |
నమః కళ్యాణి కృష్ణాంగి నమస్తే పరమేశ్వరి || 8 ||
మహాదేవప్రియకరి నమః సర్వవశంకరి |
మహాసౌభాగ్యదే నౄణాం కదంబవనవాసిని || 9 ||
జయ సంగీతరసికే వీణాహస్తే నమోఽస్తు తే |
జనమోహిని వందే త్వాం బ్రహ్మవిష్ణుశివాత్మికే || 10 ||
వాగ్వాదిని నమస్తుభ్యం సర్వవిద్యాప్రదే నమః |
నమస్తే కులదేవేశి నమో నారీవశంకరి || 11 ||
అణిమాదిగుణాధారే జయ నీలాద్రిసన్నిభే |
శంఖపద్మాదిసంయుక్తే సిద్ధిదే త్వాం భజాంయహం || 12 ||
జయ త్వం వరభూషాంగి వరాంగీం త్వాం భజాంయహం |
దేవీం వందే యోగివంద్యే జయ లోకవశంకరి || 13 ||
సర్వాలంకారసంయుక్తే నమస్తుభ్యం నిధీశ్వరి |
సర్గపాలనసంహారహేతుభూతే సనాతని || 14 ||
జయ మాతంగతనయే జయ నీలోత్పలప్రభే |
భజే శక్రాదివంద్యే త్వాం జయ త్వం భువనేశ్వరి || 15 ||
జయ త్వం సర్వభక్తానాం సకలాభీష్టదాయిని |
జయ త్వం సర్వభద్రాంగీ భక్తాఽశుభవినాశిని || 16 ||
మహావిద్యే నమస్తుభ్యం సిద్ధలక్ష్మి నమోఽస్తు తే |
బ్రహ్మవిష్ణుశివస్తుత్యే భక్తానాం సర్వకామదే || 17 ||
మాతంగీశ్వరవంద్యే త్వాం ప్రసీద మమ సర్వదా |
ఇత్యేతచ్ఛ్యామలాస్తోత్రం సర్వకామసమృద్ధిదం || 18 ||
శుద్ధాత్మా ప్రజపేద్యస్తు నిత్యమేకాగ్రమానసః |
స లభేత్సకలాన్కామాన్ వశీకుర్యాజ్జగత్త్రయం || 19 ||
శీఘ్రం దాసా భవంత్యస్య దేవా యోగీశ్వరాదయః |
రంభోర్వశ్యాద్యప్సరసామవ్యయో మదనో భవేత్ || 20 ||
నృపాశ్చ మర్త్యాః సర్వేఽస్య సదా దాసా భవంతి హి |
లభేదష్టగుణైశ్వర్యం దారిద్ర్యేణ విముచ్యతే || 21 ||
శంఖాది నిధయో ద్వార్స్థాః సాన్నిధ్యం పర్యుపాసతే |
వ్యాచష్టే సర్వశాస్త్రాణి సర్వవిద్యానిధిర్భవేత్ || 22 ||
విముక్తః సకలాపద్భిః లభేత్సంపత్తిముత్తమాం |
మహాపాపోపపాపౌఘైః సశీఘ్రం ముచ్యతే నరః || 23 ||
జాతిస్మరత్వమాప్నోతి బ్రహ్మజ్ఞానమనుత్తమం |
సదాశివత్వమాప్నోతి సోంతే నాత్ర విచారణా || 24 ||

శ్రీ మాతంగీ అష్టోత్తరశతనామ స్తోత్రం

శ్రీ మాతంగీ అష్టోత్తరశతనామ స్తోత్రం.

Telugu

Read Stotra

శ్రీ మాతంగీ అష్టోత్తరశతనామ స్తోత్రం

శ్రీభైరవ్యువాచ |
భగవన్ శ్రోతుమిచ్ఛామి మాతంగ్యాః శతనామకం |
యద్గుహ్యం సర్వతంత్రేషు కేనాపి న ప్రకాశితం || 1 ||
శ్రీభైరవ ఉవాచ |
శృణు దేవి ప్రవక్ష్యామి రహస్యాతిరహస్యకం |
నాఖ్యేయం యత్ర కుత్రాపి పఠనీయం పరాత్పరం || 2 ||
యస్యైకవారపఠనాత్సర్వే విఘ్నా ఉపద్రవాః |
నశ్యంతి తత్క్షణాద్దేవి వహ్నినా తూలరాశివత్ || 3 ||
ప్రసన్నా జాయతే దేవీ మాతంగీ చాస్య పాఠతః |
సహస్రనామపఠనే యత్ఫలం పరికీర్తితం |
తత్కోటిగుణితం దేవీనామాష్టశతకం శుభం || 4 ||
అస్య శ్రీమాతంగ్యష్టోత్తరశతనామస్తోత్రస్య భగవాన్మతంగ ఋషిః అనుష్టుప్ఛందః శ్రీమాతంగీ దేవతా శ్రీమాతంగీ ప్రీతయే జపే వినియోగః |
మహామత్తమాతంగినీ సిద్ధిరూపా
తథా యోగినీ భద్రకాళీ రమా చ |
భవానీ భవప్రీతిదా భూతియుక్తా
భవారాధితా భూతిసంపత్కరీ చ || 1 ||
ధనాధీశమాతా ధనాగారదృష్టి-
-ర్ధనేశార్చితా ధీరవాపీ వరాంగీ |
ప్రకృష్టా ప్రభారూపిణీ కామరూపా
ప్రహృష్టా మహాకీర్తిదా కర్ణనాలీ || 2 ||
కరాళీ భగా ఘోరరూపా భగాంగీ
భగాహ్వా భగప్రీతిదా భీమరూపా |
భవానీ మహాకౌశికీ కోశపూర్ణా
కిశోరీ కిశోరప్రియా నందఈహా || 3 ||
మహాకారణాఽకారణా కర్మశీలా
కపాలీ ప్రసిద్ధా మహాసిద్ధఖండా |
మకారప్రియా మానరూపా మహేశీ
మలోల్లాసినీ లాస్యలీలాలయాంగీ || 4 ||
క్షమా క్షేమశీలా క్షపాకారిణీ చా-
-ఽక్షయప్రీతిదా భూతియుక్తా భవానీ |
భవారాధితా భూతిసత్యాత్మికా చ
ప్రభోద్భాసితా భానుభాస్వత్కరా చ || 5 ||
ధరాధీశమాతా ధరాగారదృష్టి-
-ర్ధరేశార్చితా ధీవరా ధీవరాంగీ |
ప్రకృష్టా ప్రభారూపిణీ ప్రాణరూపా
ప్రకృష్టస్వరూపా స్వరూపప్రియా చ || 6 ||
చలత్కుండలా కామినీ కాంతయుక్తా
కపాలాఽచలా కాలకోద్ధారిణీ చ |
కదంబప్రియా కోటరీ కోటదేహా
క్రమా కీర్తిదా కర్ణరూపా చ కాక్ష్మీః || 7 ||
క్షమాంగీ క్షయప్రేమరూపా క్షయా చ
క్షయాక్షా క్షయాహ్వా క్షయప్రాంతరా చ |
క్షవత్కామినీ క్షారిణీ క్షీరపూర్ణా
శివాంగీ చ శాకంభరీ శాకదేహా || 8 ||
మహాశాకయజ్ఞా ఫలప్రాశకా చ
శకాహ్వాఽశకాహ్వా శకాఖ్యా శకా చ |
శకాక్షాంతరోషా సురోషా సురేఖా
మహాశేషయజ్ఞోపవీతప్రియా చ || 9 ||
జయంతీ జయా జాగ్రతీ యోగ్యరూపా
జయాంగా జపధ్యానసంతుష్టసంజ్ఞా |
జయప్రాణరూపా జయస్వర్ణదేహా
జయజ్వాలినీ యామినీ యాంయరూపా || 10 ||
జగన్మాతృరూపా జగద్రక్షణా చ
స్వధావౌషడంతా విలంబాఽవిలంబా |
షడంగా మహాలంబరూపాసిహస్తా-
పదాహారిణీహారిణీ హారిణీ చ || 11 ||
మహామంగళా మంగళప్రేమకీర్తి-
-ర్నిశుంభచ్ఛిదా శుంభదర్పాపహా చ |
తథాఽఽనందబీజాదిముక్తిస్వరూపా
తథా చండముండాపదా ముఖ్యచండా || 12 ||
ప్రచండాఽప్రచండా మహాచండవేగా
చలచ్చామరా చామరా చంద్రకీర్తిః |
సుచామీకరా చిత్రభూషోజ్జ్వలాంగీ
సుసంగీతగీతా చ పాయాదపాయాత్ || 13 ||
ఇతి తే కథితం దేవి నాంనామష్టోత్తరం శతం |
గోప్యం చ సర్వతంత్రేషు గోపనీయం చ సర్వదా || 14 ||
ఏతస్య సతతాభ్యాసాత్సాక్షాద్దేవో మహేశ్వరః |
త్రిసంధ్యం చ మహాభక్త్యా పఠనీయం సుఖోదయం || 15 ||
న తస్య దుష్కరం కించిజ్జాయతే స్పర్శతః క్షణాత్ |
సుకృతం యత్తదేవాప్తం తస్మాదావర్తయేత్సదా || 16 ||
సదైవ సన్నిధౌ తస్య దేవీ వసతి సాదరం |
అయోగా యే త ఏవాగ్రే సుయోగాశ్చ భవంతి వై || 17 ||
త ఏవ మిత్రభూతాశ్చ భవంతి తత్ప్రసాదతః |
విషాణి నోపసర్పంతి వ్యాధయో న స్పృశంతి తాన్ || 18 ||
లూతావిస్ఫోటకాః సర్వే శమం యాంతి చ తత్క్షణాత్ |
జరాపలితనిర్ముక్తః కల్పజీవీ భవేన్నరః || 19 ||
అపి కిం బహునోక్తేన సాన్నిధ్యం ఫలమాప్నుయాత్ |
యావన్మయా పురా ప్రోక్తం ఫలం సాహస్రనామకం |
తత్సర్వం లభతే మర్త్యో మహామాయాప్రసాదతః || 20 ||
ఇతి శ్రీరుద్రయామలే శ్రీమాతంగీశతనామస్తోత్రం |

శ్రీ శ్యామలాష్టోత్తరశతనామ స్తోత్రం -1

శ్రీ శ్యామలాష్టోత్తరశతనామ స్తోత్రం -1.

Telugu

Read Stotra

శ్రీ శ్యామలాష్టోత్తరశతనామ స్తోత్రం -1

మాతంగీ విజయా శ్యామా సచివేశీ శుకప్రియా |
నీపప్రియా కదంబేశీ మదఘూర్ణితలోచనా || 1 ||
భక్తానురక్తా మంత్రేశీ పుష్పిణీ మంత్రిణీ శివా |
కలావతీ రక్తవస్త్రాఽభిరామా చ సుమధ్యమా || 2 ||
త్రికోణమధ్యనిలయా చారుచంద్రావతంసినీ |
రహఃపూజ్యా రహఃకేలిః యోనిరూపా మహేశ్వరీ || 3 ||
భగప్రియా భగారాధ్యా సుభగా భగమాలినీ |
రతిప్రియా చతుర్బాహుః సువేణీ చారుహాసినీ || 4 ||
మధుప్రియా శ్రీజననీ శర్వాణీ చ శివాత్మికా |
రాజ్యలక్ష్మీప్రదా నిత్యా నీపోద్యాననివాసినీ || 5 ||
వీణావతీ కంబుకంఠీ కామేశీ యజ్ఞరూపిణీ |
సంగీతరసికా నాదప్రియా నీలోత్పలద్యుతిః || 6 ||
మతంగతనయా లక్ష్మీః వ్యాపినీ సర్వరంజినీ |
దివ్యచందనదిగ్ధాంగీ యావకార్ద్రపదాంబుజా || 7 ||
కస్తూరీతిలకా సుభ్రూర్బింబోష్ఠీ చ మదాలసా |
విద్యారాజ్ఞీ భగవతీ సుధాపానానుమోదినీ || 8 ||
శంఖతాటంకినీ గుహ్యా యోషిత్పురుషమోహినీ |
కింకరీభూతగీర్వాణీ కౌళిన్యక్షరరూపిణీ || 9 ||
విద్యుత్కపోలఫలికా ముక్తారత్నవిభూషితా |
సునాసా తనుమధ్యా చ శ్రీవిద్యా భువనేశ్వరీ || 10 ||
పృథుస్తనీ బ్రహ్మవిద్యా సుధాసాగరవాసినీ |
గుహ్యవిద్యాఽనవద్యాంగీ యంత్రిణీ రతిలోలుపా || 11 ||
త్రైలోక్యసుందరీ రంయా స్రగ్విణీ కీరధారిణీ |
ఆత్మైక్యసుముఖీభూతజగదాహ్లాదకారిణీ || 12 ||
కల్పాతీతా కుండలినీ కలాధారా మనస్వినీ |
అచింత్యానంతవిభవా రత్నసింహాసనేశ్వరీ || 13 ||
పద్మాసనా కామకళా స్వయంభూకుసుమప్రియా |
కళ్యాణీ నిత్యపుష్పా చ శాంభవీ వరదాయినీ || 14 ||
సర్వవిద్యాప్రదా వాచ్యా గుహ్యోపనిషదుత్తమా |
నృపవశ్యకరీ భోక్త్రీ జగత్ప్రత్యక్షసాక్షిణీ || 15 ||
బ్రహ్మవిష్ణ్వీశజననీ సర్వసౌభాగ్యదాయినీ |
గుహ్యాతిగుహ్యగోప్త్రీ చ నిత్యక్లిన్నాఽమృతోద్భవా || 16 ||
కైవల్యదాత్రీ వశినీ సర్వసంపత్ప్రదాయినీ |
శ్యామలాయా నామశతం సాష్టకం పఠతో వశే |
శ్రీః కీర్తిర్వాక్పటుత్వం చ విద్వత్సంమాననం జయః || 17 ||
ఇతి శ్రీ శ్యామలాష్టోత్తరశతనామ స్తోత్రం |

శ్రీ శ్యామలాష్టోత్తరశతనామావళిః 1

శ్రీ శ్యామలాష్టోత్తరశతనామావళిః 1.

Telugu

Read Stotra

శ్రీ శ్యామలాష్టోత్తరశతనామావళిః 1

శ్రీ శ్యామలాష్టోత్తరశతనామావళిః –2

శ్రీ శ్యామలాష్టోత్తరశతనామావళిః –2.

Telugu

Read Stotra

శ్రీ శ్యామలాష్టోత్తరశతనామావళిః –2

శ్రీ మాతంగీ సహస్రనామ స్తోత్రం

శ్రీ మాతంగీ సహస్రనామ స్తోత్రం.

Telugu

Read Stotra

శ్రీ మాతంగీ సహస్రనామ స్తోత్రం

ఈశ్వర ఉవాచ |
శృణు దేవి ప్రవక్ష్యామి సాంప్రతం తత్త్వతః పరం |
నాంనాం సహస్రం పరమం సుముఖ్యాః సిద్ధయే హితం || 1 ||
సహస్రనామపాఠీ యః సర్వత్ర విజయీ భవేత్ |
పరాభవో న తస్యాస్తి సభాయాం వా మహారణే || 2 ||
యథా తుష్టా భవేద్దేవీ సుముఖీ చాస్య పాఠతః |
తథా భవతి దేవేశి సాధకః శివ ఏవ సః || 3 ||
అశ్వమేధసహస్రాణి వాజపేయస్య కోటయః |
సకృత్పాఠేన జాయంతే ప్రసన్నా సుముఖీ భవేత్ || 4 ||
మతంగోఽస్య ఋషిశ్ఛందోఽనుష్టుబ్దేవీ సమీరితా |
సుముఖీ వినియోగః స్యాత్సర్వసంపత్తిహేతవే |
ఏవం ధ్యాత్వా పఠేదేతద్యదీచ్ఛేత్సిద్ధిమాత్మనః || 5 ||
ధ్యానం |
దేవీం షోడశవార్షికీం శవగతాం మాధ్వీరసాఘూర్ణితాం
శ్యామాంగీమరుణాంబరాం పృథుకుచాం గుంజావలీశోభితాం |
హస్తాభ్యాం దధతీం కపాలమమలం తీక్ష్ణాం తథా కర్త్రికాం
ధ్యాయేన్మానసపంకజే భగవతీముచ్ఛిష్టచాండాలినీం || 1 ||
స్తోత్రం |
ఓం సుముఖీ శేముషీ సేవ్యా సురసా శశిశేఖరా |
సమానాస్యా సాధనీ చ సమస్తసురసంముఖీ || 2 ||
సర్వసంపత్తిజననీ సంపదా సింధుసేవినీ |
శంభుసీమంతినీ సౌంయా సమారాధ్యా సుధారసా || 3 ||
సారంగా సవలీ వేలా లావణ్యవనమాలినీ |
వనజాక్షీ వనచరీ వనీ వనవినోదినీ || 4 ||
వేగినీ వేగదా వేగా బగలస్థా బలాధికా |
కాలీ కాలప్రియా కేలీ కమలా కాలకామినీ || 5 ||
కమలా కమలస్థా చ కమలస్థా కలావతీ |
కులీనా కుటిలా కాంతా కోకిలా కలభాషిణీ || 6 ||
కీరా కేలికరా కాలీ కపాలిన్యపి కాలికా |
కేశినీ చ కుశావర్తా కౌశాంభీ కేశవప్రియా || 7 ||
కాలీ కాశీ మహాకాలసంకాశా కేశదాయినీ |
కుండలా చ కులస్థా చ కుండలాంగదమండితా || 8 ||
కుండపద్మా కుముదినీ కుముదప్రీతివర్ధినీ |
కుండప్రియా కుండరుచిః కురంగనయనాకులా || 9 ||
కుందబింబాలినదినీ కుసుంభకుసుమాకరా |
కాంచీ కనకశోభాఢ్యా క్వణత్కింకిణికాకటిః || 10 ||
కఠోరకరణా కాష్ఠా కౌముదీ కండవత్యపి |
కపర్దినీ కపటినీ కఠినీ కలకండినీ || 11 ||
కీరహస్తా కుమారీ చ కురూఢకుసుమప్రియా |
కుంజరస్థా కుజరతా కుంభీ కుంభస్తనీ కలా || 12 ||
కుంభీకాంగా కరభోరూః కదలీకుశశాయినీ |
కుపితా కోటరస్థా చ కంకాలీ కందలాలయా || 13 ||
కపాలవాసినీ కేశీ కంపమానశిరోరుహా |
కాదంబరీ కదంబస్థా కుంకుమప్రేమధారిణీ || 14 ||
కుటుంబినీ కృపాయుక్తా క్రతుః క్రతుకరప్రియా |
కాత్యాయనీ కృత్తికా చ కార్తికీ కుశవర్తినీ || 15 ||
కామపత్నీ కామదాత్రీ కామేశీ కామవందితా |
కామరూపా కామరతిః కామాఖ్యా జ్ఞానమోహినీ || 16 ||
ఖడ్గినీ ఖేచరీ ఖంజా ఖంజరీటేక్షణా ఖగా |
ఖరగా ఖరనాదా చ ఖరస్థా ఖేలనప్రియా || 17 ||
ఖరాంశుః ఖేలినీ ఖట్వా ఖరా ఖట్వాంగధారిణీ |
ఖరఖండిన్యపి ఖ్యాతిః ఖండితా ఖండనప్రియా || 18 ||
ఖండప్రియా ఖండఖాద్యా ఖండసింధుశ్చ ఖండినీ |
గంగా గోదావరీ గౌరీ గౌతంయపి చ గోమతీ || 19 ||
గంగా గయా గగనగా గారుడీ గరుడధ్వజా |
గీతా గీతప్రియా గేయా గుణప్రీతిర్గురుర్గిరీ || 20 ||
గౌర్గౌరీ గండసదనా గోకులా గోప్రతారిణీ |
గోప్తా గోవిందినీ గూఢా గూఢవిగ్రస్తగుంజినీ || 21 ||
గజగా గోపినీ గోపీ గోక్షా జయప్రియా గణా |
గిరిభూపాలదుహితా గోగా గోకులవాసినీ || 22 ||
ఘనస్తనీ ఘనరుచిర్ఘనోరుర్ఘననిఃస్వనా |
ఘుంకారిణీ ఘుక్షకరీ ఘూఘూకపరివారితా || 23 ||
ఘంటానాదప్రియా ఘంటా ఘోటా ఘోటకవాహినీ |
ఘోరరూపా చ ఘోరా చ ఘృతప్రీతిర్ఘృతాంజనీ || 24 ||
ఘృతాచీ ఘృతవృష్టిశ్చ ఘంటాఘటఘటావృతా |
ఘటస్థా ఘటనా ఘాతకరీ ఘాతనివారిణీ || 25 ||
చంచరీకీ చకోరీ చ చాముండా చీరధారిణీ |
చాతురీ చపలా చంచుశ్చితా చింతామణిస్థితా || 26 ||
చాతుర్వర్ణ్యమయీ చంచుశ్చోరాచార్యా చమత్కృతిః |
చక్రవర్తివధూశ్చిత్రా చక్రాంగీ చక్రమోదినీ || 27 ||
చేతశ్చరీ చిత్తవృత్తిశ్చేతనా చేతనప్రియా |
చాపినీ చంపకప్రీతిశ్చండా చండాలవాసినీ || 28 ||
చిరంజీవినీ తచ్చిత్తా చించామూలనివాసినీ |
ఛురికా ఛత్రమధ్యస్థా ఛిందా ఛిందకరీ ఛిదా || 29 ||
ఛుచ్ఛుందరీ ఛలప్రీతిశ్ఛుచ్ఛుందరినిభస్వనా |
ఛలినీ ఛత్రదా ఛిన్నా ఛింటిచ్ఛేదకరీ ఛటా || 30 ||
ఛద్మినీ ఛాందసీ ఛాయా ఛరుచ్ఛందకరీత్యపి |
జయదాజయదా జాతీ జాయినీ జామలా జతుః || 31 ||
జంబూప్రియా జీవనస్థా జంగమా జంగమప్రియా |
జపాపుష్పప్రియా జప్యా జగజ్జీవా జగజ్జనిః || 32 ||
జగజ్జంతుప్రధానా చ జగజ్జీవపరా జవా |
జాతిప్రియా జీవనస్థా జీమూతసదృశీరుచిః || 33 ||
జన్యా జనహితా జాయా జన్మభూర్జంభసీ జభూః |
జయదా జగదావాసా జాయినీ జ్వరకృచ్ఛ్రజిత్ || 34 ||
జపా చ జపతీ జప్యా జపార్హా జాయినీ జనా |
జాలంధరమయీ జానుర్జాలౌకా జాప్యభూషణా || 35 ||
జగజ్జీవమయీ జీవా జరత్కారుర్జనప్రియా |
జగతీజననిరతా జగచ్ఛోభాకరీ జవా || 36 ||
జగతీత్రాణకృజ్జంఘా జాతీఫలవినోదినీ |
జాతీపుష్పప్రియా జ్వాలా జాతిహా జాతిరూపిణీ || 37 ||
జీమూతవాహనరుచిర్జీమూతా జీర్ణవస్త్రకృత్ |
జీర్ణవస్త్రధరా జీర్ణా జ్వలతీ జాలనాశినీ || 38 ||
జగత్క్షోభకరీ జాతిర్జగత్క్షోభవినాశినీ |
జనాపవాదా జీవా చ జననీగృహవాసినీ || 39 ||
జనానురాగా జానుస్థా జలవాసా జలార్తికృత్ |
జలజా జలవేలా చ జలచక్రనివాసినీ || 40 ||
జలముక్తా జలారోహా జలసా జలజేక్షణా |
జలప్రియా జలౌకా చ జలశోభావతీ తథా || 41 ||
జలవిస్ఫూర్జితవపుర్జ్వలత్పావకశోభినీ |
ఝింఝా ఝిల్లమయీ ఝింఝాఝణత్కారకరీ జయా || 42 ||
ఝంఝీ ఝంపకరీ ఝంపా ఝంపత్రాసనివారిణీ |
టంకారస్థా టంకకరీ టంకారకరణాంహసా || 43 ||
టంకారోట్టకృతష్ఠీవా డిండీరవసనావృతా |
డాకినీ డామరీ చైవ డిండిమధ్వనినాదినీ || 44 ||
డకారనిఃస్వనరుచిస్తపినీ తాపినీ తథా |
తరుణీ తుందిలా తుందా తామసీ చ తమఃప్రియా || 45 ||
తాంరా తాంరవతీ తంతుస్తుందిలా తులసంభవా |
తులాకోటిసువేగా చ తుల్యకామా తులాశ్రయా || 46 ||
తుదనీ తుననీ తుంబీ తులాకాలా తులాశ్రవా |
తుములా తులజా తుల్యా తులాదానకరీ తథా || 47 ||
తుల్యవేగా తుల్యగతిస్తులాకోటినినాదినీ |
తాంరోష్ఠా తాంరపర్ణీ చ తమఃసంక్షోభకారిణీ || 48 ||
త్వరితా జ్వరహా తీరా తారకేశీ తమాలినీ |
తమోదానవతీ తాంరతాలస్థానవతీ తమీ || 49 ||
తామసీ చ తమిస్రా చ తీవ్రా తీవ్రపరాక్రమా |
తటస్థా తిలతైలాక్తా తరుణీ తపనద్యుతిః || 50 ||
తిలోత్తమా చ తిలకృత్తారకాధీశశేఖరా |
తిలపుష్పప్రియా తారా తారకేశీ కుటుంబినీ || 51 ||
స్థాణుపత్నీ స్థిరకరీ స్థూలసంపద్వివర్ధినీ |
స్థితిః స్థైర్యస్థవిష్ఠా చ స్థపతిః స్థూలవిగ్రహా || 52 ||
స్థూలస్థలవతీ స్థాలీ స్థలసంగవివర్ధినీ |
దండినీ దంతినీ దామా దరిద్రా దీనవత్సలా || 53 ||
దేవీ దేవవధూర్దిత్యా దామినీ దేవభూషణా |
దయా దమవతీ దీనవత్సలా దాడిమస్తనీ || 54 ||
దేవమూర్తికరా దైత్యా దారిణీ దేవతానతా |
దోలాక్రీడా దయాలుశ్చ దంపతీ దేవతామయీ || 55 ||
దశాదీపస్థితా దోషా దోషహా దోషకారిణీ |
దుర్గా దుర్గార్తిశమనీ దుర్గంయా దుర్గవాసినీ || 56 ||
దుర్గంధనాశినీ దుఃస్థా దుఃఖప్రశమకారిణీ |
దుర్గంధా దుందుభిధ్వాంతా దూరస్థా దూరవాసినీ || 57 ||
దరదా దరదాత్రీ చ దుర్వ్యాధదయితా దమీ |
ధురంధరా ధురీణా చ ధౌరేయీ ధనదాయినీ || 58 ||
ధీరారవా ధరిత్రీ చ ధర్మదా ధీరమానసా |
ధనుర్ధరా చ ధమనీ ధమనీధూర్తవిగ్రహా || 59 ||
ధూంరవర్ణా ధూంరపానా ధూమలా ధూమమోదినీ |
నందినీనందినీ నందా నందినీ నందబాలికా || 60 ||
నవీనా నర్మదా నర్మనమిర్నియమనిఃస్వనా |
నిర్మలా నిగమాధారా నింనగా నగ్నకామినీ || 61 ||
నీలా నిరత్నా నిర్వాణా నిర్లోభా నిర్గుణా నతిః |
నీలగ్రీవా నిరీహా చ నిరంజనజనానవా || 62 ||
నిర్గుండికా చ నిర్గుండా నిర్నాసా నాసికాభిధా |
పతాకినీ పతాకా చ పత్రప్రీతిః పయస్వినీ || 63 ||
పీనా పీనస్తనీ పత్నీ పవనాశా నిశామయీ |
పరా పరపరా కాలీ పారకృత్యభుజప్రియా || 64 ||
పవనస్థా చ పవనా పవనప్రీతివర్ధినీ |
పశువృద్ధికరీ పుష్పపోషికా పుష్టివర్ధినీ || 65 ||
పుష్పిణీ పుస్తకకరా పూర్ణిమాఽతలవాసినీ |
పేశీ పాశకరీ పాశా పాంశుహా పాంశులా పశుః || 66 ||
పటుః పరాశా పరశుధారిణీ పాశినీ తథా |
పాపఘ్నీ పతిపత్నీ చ పతితా పతితాపనీ || 67 ||
పిశాచీ చ పిశాచఘ్నీ పిశితాశనతోషిణీ |
పానదా పానపాత్రీ చ పానదానకరోద్యతా || 68 ||
పేయా ప్రసిద్ధా పీయూషా పూర్ణా పూర్ణమనోరథా |
పతంగాభా పతంగా చ పౌనఃపున్యమివాపరా || 69 ||
పంకిలా పంకమగ్నా చ పానీయా పంజరస్థితా |
పంచమీ పంచయజ్ఞా చ పంచతా పంచమప్రియా || 70 ||
పిచుమందా పుండరీకా పికీ పింగలలోచనా |
ప్రియంగుమంజరీ పిండీ పండితా పాండురప్రభా || 71 ||
ప్రేతాసనా ప్రియాలస్థా పాండుఘ్నీ పీనసాపహా |
ఫలినీ ఫలదాత్రీ చ ఫలశ్రీః ఫలభూషణా || 72 ||
ఫూత్కారకారిణీ స్ఫారీ ఫుల్లా ఫుల్లాంబుజాననా |
స్ఫులింగహా స్ఫీతమతిః స్ఫీతకీర్తికరీ తథా || 73 ||
బలమాయా బలారాతిర్బలినీ బలవర్ధినీ |
వేణువాద్యా వనచరీ విరంచిజనయిత్ర్యపి || 74 ||
విద్యాప్రదా మహావిద్యా బోధినీ బోధదాయినీ |
బుద్ధమాతా చ బుద్ధా చ వనమాలావతీ వరా || 75 ||
వరదా వారుణీ వీణా వీణావాదనతత్పరా |
వినోదినీ వినోదస్థా వైష్ణవీ విష్ణువల్లభా || 76 ||
వైద్యా వైద్యచికిత్సా చ వివశా విశ్వవిశ్రుతా |
విద్యౌఘవిహ్వలా వేలా విత్తదా విగతజ్వరా || 77 ||
విరావా వివరీకారా బింబోష్ఠీ బింబవత్సలా |
వింధ్యస్థా వరవంద్యా చ వీరస్థానవరా చ విత్ || 78 ||
వేదాంతవేద్యా విజయా విజయా విజయప్రదా |
విరోగీవందినీ వంధ్యా వంద్యబంధనివారిణీ || 79 ||
భగినీ భగమాలా చ భవానీ భవనాశినీ |
భీమా భీమాననాభీమా భంగురా భీమదర్శనా || 80 ||
భిల్లీ భిల్లధరా భీరుర్భరుండా భీర్భయావహా |
భగసర్పిణ్యపి భగా భగరూపా భగాలయా || 81 ||
భగాసనా భగాభోగా భేరీఝంకారరంజితా |
భీషణా భీషణారావా భగవత్యహిభూషణా || 82 ||
భారద్వాజా భోగదాత్రీ భూతిఘ్నీ భూతిభూషణా |
భూమిదా భూమిదాత్రీ చ భూపతిర్భరదాయినీ || 83 ||
భ్రమరీ భ్రామరీ భాలా భూపాలకులసంస్థితా |
మాతా మనోహరా మాయా మానినీ మోహినీ మహీ || 84 ||
మహాలక్ష్మీర్మదక్షీబా మదిరా మదిరాలయా |
మదోద్ధతా మతంగస్థా మాధవీ మధుమర్దినీ || 85 ||
మోదా మోదకరీ మేధా మేధ్యా మధ్యాధిపస్థితా |
మద్యపా మాంసలోమస్థా మోదినీ మైథునోద్యతా || 86 ||
మూర్ధావతీ మహామాయా మాయామహిమమందిరా |
మహామాలా మహావిద్యా మహామారీ మహేశ్వరీ || 87 ||
మహాదేవవధూర్మాన్యా మథురా మేరుమండితా |
మేదస్వినీ మిలిందాక్షీ మహిషాసురమర్దినీ || 88 ||
మండలస్థా భగస్థా చ మదిరారాగగర్వితా |
మోక్షదా ముండమాలా చ మాలా మాలావిలాసినీ || 89 ||
మాతంగినీ చ మాతంగీ మాతంగతనయాపి చ |
మధుస్రవా మధురసా బంధూకకుసుమప్రియా || 90 ||
యామినీ యామినీనాథభూషా యావకరంజితా |
యవాంకురప్రియా యామా యవనీ యవనార్దినీ || 91 ||
యమఘ్నీ యమకల్పా చ యజమానస్వరూపిణీ |
యజ్ఞా యజ్ఞయజుర్యక్షీ యశోనిష్కంపకారిణీ || 92 ||
యక్షిణీ యక్షజననీ యశోదాయాసధారిణీ |
యశఃసూత్రపదా యామా యజ్ఞకర్మకరీత్యపి || 93 ||
యశస్వినీ యకారస్థా యూపస్తంభనివాసినీ |
రంజితా రాజపత్నీ చ రమా రేఖా రవీరణా || 94 ||
రజోవతీ రజశ్చిత్రా రంజనీ రజనీపతిః |
రోగిణీ రజనీ రాజ్ఞో రాజ్యదా రాజ్యవర్ధినీ || 95 ||
రాజన్వతీ రాజనీతిస్తథా రజతవాసినీ |
రమణీ రమణీయా చ రామా రామావతీ రతిః || 96 ||
రేతోరతీ రతోత్సాహా రోగఘ్నీ రోగకారిణీ |
రంగా రంగవతీ రాగా రాగజ్ఞా రాగకృద్దయా || 97 ||
రామికా రజకీ రేవా రజనీ రంగలోచనా |
రక్తచర్మధరా రంగీ రంగస్థా రంగవాహినీ || 98 ||
రమా రంభాఫలప్రీతీ రంభోరూ రాఘవప్రియా |
రంగా రంగాంగమధురా రోదసీ చ మహారవా || 99 ||
రోగకృద్రోగహంత్రీ చ రోగభృద్రోగస్రావిణీ |
వందీ వందిస్తుతా బంధుర్బంధూకకుసుమాధరా || 100 ||
వందితా వంద్యమానా చ వైద్రావీ వేదవిద్విధా |
వికోపా వికపాలా చ వికస్థా వింకవత్సలా || 101 ||
వేదిర్విలగ్నలగ్నా చ విధివింకకరీ విధా |
శంఖినీ శంఖవలయా శంఖమాలావతీ శమీ || 102 ||
శంఖపాత్రాశినీ శంఖస్వనా శంఖగలా శశీ |
శబరీ శాంబరీ శంభుః శంభుకేశా శరాసినీ || 103 ||
శవా శ్యేనవతీ శ్యామా శ్యామాంగీ శ్యామలోచనా |
శ్మశానస్థా శ్మశానా చ శ్మశానస్థానభూషణా || 104 ||
శమదా శమహంత్రీ చ శంఖినీ శంఖరోషణా |
శాంతిః శాంతిప్రదా శేషా శేషాఖ్యా శేషశాయినీ || 105 ||
శేముషీ శోషిణీ శేషా శౌర్యా శౌర్యశరా శరీ |
శాపదా శాపహా శాపా శాపపంథాః సదాశివా || 106 ||
శృంగిణీ శృంగిపలభుక్ శంకరీ శాంకరీ శివా |
శవస్థా శవభుక్ శాంతా శవకర్ణా శవోదరీ || 107 ||
శావినీ శవశింశాశ్రీః శవా చ శవశాయినీ |
శవకుండలినీ శైవా శీకరా శిశిరాశనా || 108 ||
శవకాంచీ శవశ్రీకా శవమాలా శవాకృతిః |
స్రవంతీ సంకుచా శక్తిః శంతనుః శవదాయినీ || 109 ||
సింధుః సరస్వతీ సింధుః సుందరీ సుందరాననా |
సాధుః సిద్ధిప్రదాత్రీ చ సిద్ధా సిద్ధసరస్వతీ || 110 ||
సంతతిః సంపదా సంవిచ్ఛంకిసంపత్తిదాయినీ |
సపత్నీ సరసా సారా సారస్వతకరీ సుధా || 111 ||
సురా సమాంసాశనా చ సమారాధ్యా సమస్తదా |
సమధీః సామదా సీమా సంమోహా సమదర్శనా || 112 ||
సామతిః సామదా సీమా సావిత్రీ సవిధా సతీ |
సవనా సవనాసారా సవరా సావరా సమీ || 113 ||
సిమరా సతతా సాధ్వీ సధ్రీచీ ససహాయినీ |
హంసీ హంసగతిర్హంసీ హంసోజ్జ్వలనిచోలయుక్ || 114 ||
హలినీ హాలినీ హాలా హలశ్రీర్హరవల్లభా |
హలా హలవతీ హ్యేషా హేలా హర్షవివర్ధినీ || 115 ||
హంతిర్హంతా హయా హాహాహతాఽహంతాతికారిణీ |
హంకారీ హంకృతిర్హంకా హీహీహాహాహితా హితా || 116 ||
హీతిర్హేమప్రదా హారారావిణీ హరిసంమతా |
హోరా హోత్రీ హోలికా చ హోమా హోమహవిర్హవిః || 117 ||
హరిణీ హరిణీనేత్రా హిమాచలనివాసినీ |
లంబోదరీ లంబకర్ణా లంబికా లంబవిగ్రహా || 118 ||
లీలా లీలావతీ లోలా లలనా లలితా లతా |
లలామలోచనా లోభ్యా లోలాక్షీ సత్కులాలయా || 119 ||
లపత్నీ లపతీ లంయా లోపాముద్రా లలంతికా |
లతికా లంఘినీ లంఘా లాలిమా లఘుమధ్యమా || 120 ||
లఘీయసీ లఘూదర్యా లూతా లూతావినాశినీ |
లోమశా లోమలంబీ చ లలంతీ చ లులుంపతీ || 121 ||
లులాయస్థా చ లహరీ లంకాపురపురందరా |
లక్ష్మీర్లక్ష్మీప్రదా లభ్యా లాక్షాక్షీ లులితప్రభా || 122 ||
క్షణా క్షణక్షుః క్షుత్క్షిణీ క్షమా క్షాంతిః క్షమావతీ |
క్షామా క్షామోదరీ క్షేంయా క్షౌమభృత్క్షత్రియాంగనా || 123 ||
క్షయా క్షయాకరీ క్షీరా క్షీరదా క్షీరసాగరా |
క్షేమంకరీ క్షయకరీ క్షయకృత్క్షయదా క్షతిః || 124 ||
క్షుద్రికాఽక్షుద్రికా క్షుద్రా క్షుత్క్షమా క్షీణపాతకా |
మాతుః సహస్రనామేదం సుముఖ్యాః సిద్ధిదాయకం || 125 ||
యః పఠేత్ప్రయతో నిత్యం స ఏవ స్యాన్మహేశ్వరః |
అనాచారాత్పఠేన్నిత్యం దరిద్రో ధనవాన్భవేత్ || 126 ||
మూకః స్యాద్వాక్పతిర్దేవి రోగీ నీరోగతాం వ్రజేత్ |
పుత్రార్థీ పుత్రమాప్నోతి త్రిషు లోకేషు విశ్రుతం || 127 ||
వంధ్యాపి సూతే సత్పుత్రం విదుషః సదృశం గురోః |
సత్యం చ బహుధా భూయాద్గావశ్చ బహుదుగ్ధదాః || 128 ||
రాజానః పాదనంరాః స్యుస్తస్య హాసా ఇవ స్ఫుటాః |
అరయః సంక్షయం యాంతి మానసా సంస్మృతా అపి || 129 ||
దర్శనాదేవ జాయంతే నరా నార్యోఽపి తద్వశాః |
కర్తా హర్తా స్వయం వీరో జాయతే నాత్ర సంశయః || 130 ||
యం యం కామయతే కామం తం తం ప్రాప్నోతి నిశ్చితం |
దురితం న చ తస్యాస్తి నాస్తి శోకః కథంచన || 131 ||
చతుష్పథేఽర్ధరాత్రే చ యః పఠేత్సాధకోత్తమః |
ఏకాకీ నిర్భయో వీరో దశవారం స్తవోత్తమం || 132 ||
మనసా చింతితం కార్యం తస్య సిద్ధ్యేన్న సంశయః |
వినా సహస్రనాంనాం యో జపేన్మంత్రం కదాచన || 133 ||
న సిద్ధిర్జాయతే తస్య కల్పకోటిశతైరపి |
కుజవారే శ్మశానే వా మధ్యాహ్నే యో జపేత్సదా || 134 ||
కృతకృత్యః స జాయేత కర్తా హర్తా నృణామిహ |
రోగార్తోఽర్ధనిశాయాం యః పఠేదాసనసంస్థితః || 135 ||
సద్యో నీరోగతామేతి యది స్యాన్నిర్భయస్తదా |
అర్ధరాత్రే శ్మశానే వా శనివారే జపేన్మనుం || 136 ||
అష్టోత్తరసహస్రం తు దశవారం జపేత్తతః |
సహస్రనామ చైతద్ధి తదా యాతి స్వయం శివా || 137 ||
మహాపవనరూపేణ ఘోరగోమాయునాదినీ |
తతో యది న భీతిః స్యాత్తదా దేహీతి వాగ్భవేత్ || 138 ||
తదా పశుబలిం దద్యాత్స్వయం గృహ్ణాతి చండికా |
యథేష్టం చ వరం దత్త్వా ప్రయాతి సుముఖీ శివా || 139 ||
రోచనాగురుకస్తూరీకర్పూరైశ్చ సచందనైః |
కుంకుమేన దినే శ్రేష్ఠే లిఖిత్వా భూర్జపత్రకే || 140 ||
శుభనక్షత్రయోగే చ కృతమారుతసత్క్రియః |
కృత్వా సంపాతనవిధిం ధారయేద్దక్షిణే కరే || 141 ||
సహస్రనామ స్వర్ణస్థం కంఠే వా విజితేంద్రియః |
తదా యం ప్రణమేన్మంత్రీ క్రుద్ధః స ంరియతే నరః || 142 ||
దుష్టశ్వాపదజంతూనాం న భీః కుత్రాపి జాయతే |
బాలకానామియం రక్షా గర్భిణీనామపి ప్రియే || 143 ||
మోహనస్తంభనాకర్షమారణోచ్చాటనాని చ |
యంత్రధారణతో నూనం జాయంతే సాధకస్య తు || 144 ||
నీలవస్త్రే విలిఖ్యైతత్తద్ధ్వజే స్థాపయేద్యది |
తదా నష్టా భవత్యేవ ప్రచండాప్యరివాహినీ || 145 ||
ఏతజ్జప్తం మహాభస్మ లలాటే యది ధారయేత్ |
తద్విలోకన ఏవ స్యుః ప్రాణినస్తస్య కింకరాః || 146 ||
రాజపత్న్యోఽపి వివశాః కిమన్యాః పురయోషితః |
ఏతజ్జప్తం పిబేత్తోయం మాసేన స్యాన్మహాకవిః || 147 ||
పండితశ్చ మహావాదీ జాయతే నాత్ర సంశయః |
అయుతం చ పఠేత్ స్తోత్రం పురశ్చరణసిద్ధయే || 148 ||
దశాంశం కమలైర్హుత్వా త్రిమధ్వక్తైర్విధానతః |
స్వయమాయాతి కమలా వాణ్యా సహ తదాలయే || 149 ||
మంత్రో నిష్కీలతామాత సుముఖీ సుముఖీ భవేత్ |
అనంతం చ భవేత్పుణ్యమపుణ్యం చ క్షయం వ్రజేత్ || 150 ||
పుష్కరాదిషు తీర్థేషు స్నానతో యత్ఫలం భవేత్ |
తత్ఫలం లభతే జంతుః సుముఖ్యాః స్తోత్రపాఠతః || 151 ||
ఏతదుక్తం రహస్యం తే స్వసర్వస్వం వరాననే |
న ప్రకాశ్యం త్వయా దేవి యది సిద్ధిం త్వమిచ్ఛసి || 152 ||
ప్రకాశనాదసిద్ధిః స్యాత్కుపితా సుముఖీ భవేత్ |
నాతః పరతరం లోకే సిద్ధిదం ప్రాణినామిహ || 153 ||
వందే శ్రీసుముఖీం ప్రసన్నవదనాం పూర్ణేందుబింబాననాం
సిందూరాంకితమస్తకాం మధుమదోల్లోలాం చ ముక్తావలీం |
శ్యామాం కజ్జలికాకరాం కరగతం చాధ్యాపయంతీం శుకం
గుంజాపుంజవిభూషణాం సకరుణామాముక్తవేణీలతాం || 154 ||
ఇతి శ్రీనంద్యావర్తతంత్రే ఉత్తరఖండే మాతంగీ సహస్రనామ స్తోత్రం ||

శ్రీ శ్యామలా సహస్రనామ స్తోత్రం

శ్రీ శ్యామలా సహస్రనామ స్తోత్రం.

Telugu

Read Stotra

శ్రీ శ్యామలా సహస్రనామ స్తోత్రం

సర్వశృంగారశోభాఢ్యాం తుంగపీనపయోధరాం |
గంగాధరప్రియాం దేవీం మాతంగీం నౌమి సంతతం || 1 ||
శ్రీమద్వైకుంఠనిలయం శ్రీపతిం సిద్ధసేవితం |
కదాచిత్స్వప్రియం లక్ష్మీర్నారాయణమపృచ్ఛత || 2 ||
లక్ష్మీరువాచ |
కిం జప్యం పరమం నౄణాం భోగమోక్షఫలప్రదం |
సర్వవశ్యకరం చైవ సర్వైశ్వర్యప్రదాయకం || 3 ||
సర్వరక్షాకరం చైవ సర్వత్ర విజయప్రదం |
బ్రహ్మజ్ఞానప్రదం పుంసాం తన్మే బ్రూహి జనార్దన || 4 ||
భగవానువాచ |
నామసారస్తవం పుణ్యం పఠేన్నిత్యం ప్రయత్నతః |
తేన ప్రీతా శ్యామలాంబా త్వద్వశం కురుతే జగత్ || 5 ||
తంత్రేషు లలితాదీనాం శక్తీనాం నామకోశతః |
సారముద్ధృత్య రచితో నామసారస్తవో హ్యయం || 6 ||
నామసారస్తవం మహ్యం దత్తవాన్ పరమేశ్వరః |
తవ నామసహస్రం తత్ శ్యామలాయా వదాంయహం || 7 ||
అస్య శ్రీశ్యామలాపరమేశ్వరీనామసాహస్రస్తోత్రమాలా మంత్రస్య, సదాశివ ఋషిః, అనుష్టుప్ఛందః, శ్రీరాజరాజేశ్వరీ శ్యామలా పరమేశ్వరీ దేవతా, చతుర్విధపురుషార్థసిద్ధ్యర్థే నామపారాయణే వినియోగః |
ధ్యానం |
ధ్యాయేఽహం రత్నపీఠే శుకకలపఠితం శృణ్వతీం శ్యామగాత్రీం
న్యస్తైకాంఘ్రిం సరోజే శశిశకలధరాం వల్లకీం వాదయంతీం |
కల్హారాబద్ధమౌలిం నియమితలసచ్చూలికాం రక్తవస్త్రాం
మాతంగీం భూషితాంగీం మధుమదముదితాం చిత్రకోద్భాసిఫాలాం ||
అథ స్తోత్రం |
ఓం సౌభాగ్యలక్ష్మీః సౌందర్యనిధిః సమరసప్రియా |
సర్వకల్యాణనిలయా సర్వేశీ సర్వమంగళా || 1 ||
సర్వవశ్యకరీ సర్వా సర్వమంగళదాయినీ |
సర్వవిద్యాదానదక్షా సంగీతోపనిషత్ప్రియా || 2 ||
సర్వభూతహృదావాసా సర్వగీర్వాణపూజితా |
సమృద్ధా సంగముదితా సర్వలోకైకసంశ్రయా || 3 ||
సప్తకోటిమహామంత్రస్వరూపా సర్వసాక్షిణీ |
సర్వాంగసుందరీ సర్వగతా సత్యస్వరూపిణీ || 4 ||
సమా సమయసంవేద్యా సమయజ్ఞా సదాశివా |
సంగీతరసికా సర్వకలామయశుకప్రియా || 5 ||
చందనాలేపదిగ్ధాంగీ సచ్చిదానందరూపిణీ |
కదంబవాటీనిలయా కమలాకాంతసేవితా || 6 ||
కటాక్షోత్పన్నకందర్పా కటాక్షితమహేశ్వరా |
కల్యాణీ కమలాసేవ్యా కల్యాణాచలవాసినీ || 7 ||
కాంతా కందర్పజననీ కరుణారససాగరా |
కలిదోషహరా కాంయా కామదా కామవర్ధినీ || 8 ||
కదంబకలికోత్తంసా కదంబకుసుమప్రియా |
కదంబమూలరసికా కామాక్షీ కమలాననా || 9 ||
కంబుకంఠీ కలాలాపా కమలాసనపూజితా |
కాత్యాయనీ కేలిపరా కమలాక్షసహోదరీ || 10 ||
కమలాక్షీ కలారూపా కోకాకారకుచద్వయా |
కోకిలా కోకిలారావా కుమారజననీ శివా || 11 ||
సర్వజ్ఞా సంతతోన్మత్తా సర్వైశ్వర్యప్రదాయినీ |
సుధాప్రియా సురారాధ్యా సుకేశీ సురసుందరీ || 12 ||
శోభనా శుభదా శుద్ధా శుద్ధచిత్తైకవాసినీ |
వేదవేద్యా వేదమయీ విద్యాధరగణార్చితా || 13 ||
వేదాంతసారా విశ్వేశీ విశ్వరూపా విరూపిణీ |
విరూపాక్షప్రియా విద్యా వింధ్యాచలనివాసినీ || 14 ||
వీణావాదవినోదజ్ఞా వీణాగానవిశారదా |
వీణావతీ బిందురూపా బ్రహ్మాణీ బ్రహ్మరూపిణీ || 15 ||
పార్వతీ పరమాఽచింత్యా పరాశక్తిః పరాత్పరా |
పరానందా పరేశానీ పరవిద్యా పరాపరా || 16 ||
భక్తప్రియా భక్తిగంయా భక్తానాం పరమా గతిః |
భవ్యా భవప్రియా భీరుర్భవసాగరతారిణీ || 17 ||
భయఘ్నీ భావుకా భవ్యా భామినీ భక్తపాలినీ |
భేదశూన్యా భేదహంత్రీ భావనా మునిభావితా || 18 ||
మాయా మహేశ్వరీ మాన్యా మాతంగీ మలయాలయా |
మహనీయా మదోన్మత్తా మంత్రిణీ మంత్రనాయికా || 19 ||
మహానందా మనోగంయా మతంగకులమండనా |
మనోజ్ఞా మానినీ మాధ్వీ సింధుమధ్యకృతాలయా || 20 ||
మధుప్రీతా నీలకచా మాధ్వీరసమదాలసా |
పూర్ణచంద్రాభవదనా పూర్ణా పుణ్యఫలప్రదా || 21 ||
పులోమజార్చితా పూజ్యా పురుషార్థప్రదాయినీ |
నారాయణీ నాదరూపా నాదబ్రహ్మస్వరూపిణీ || 22 ||
నిత్యా నవనవాకారా నిత్యానందా నిరాకులా |
నిటిలాక్షప్రియా నేత్రీ నీలేందీవరలోచనా || 23 ||
తమాలకోమలాకారా తరుణీ తనుమధ్యమా |
తటిత్పిశంగవసనా తటిత్కోటిసమద్యుతిః || 24 ||
మధురా మంగళా మేధ్యా మధుపానప్రియా సఖీ |
చిత్కలా చారువదనా సుఖరూపా సుఖప్రదా || 25 ||
కూటస్థా కౌలినీ కూర్మపీఠస్థా కుటిలాలకా |
శాంతా శాంతిమతీ శాంతిః శ్యామలా శ్యామలాకృతిః || 26 ||
శంఖినీ శంకరీ శైవీ శంఖకుండలమండితా |
కుందదంతా కోమలాంగీ కుమారీ కులయోగినీ || 27 ||
నిగర్భయోగినీసేవ్యా నిరంతరరతిప్రియా |
శివదూతీ శివకరీ జటిలా జగదాశ్రయా || 28 ||
శాంభవీ యోగినిలయా పరచైతన్యరూపిణీ |
దహరాకాశనిలయా దండినీపరిపూజితా || 29 ||
సంపత్కరీగజారూఢా సాంద్రానందా సురేశ్వరీ |
చంపకోద్భాసితకచా చంద్రశేఖరవల్లభా || 30 ||
చారురూపా చారుదతీ చంద్రికా శంభుమోహినీ |
విమలా విదుషీ వాణీ కమలా కమలాసనా || 31 ||
కరుణాపూర్ణహృదయా కామేశీ కంబుకంధరా |
రాజరాజేశ్వరీ రాజమాతంగీ రాజవల్లభా || 32 ||
సచివా సచివేశానీ సచివత్వప్రదాయినీ |
పంచబాణార్చితా బాలా పంచమీ పరదేవతా || 33 ||
ఉమా మహేశ్వరీ గౌరీ సంగీతజ్ఞా సరస్వతీ |
కవిప్రియా కావ్యకలా కలౌ సిద్ధిప్రదాయినీ || 34 ||
లలితామంత్రిణీ రంయా లలితారాజ్యపాలినీ |
లలితాసేవనపరా లలితాజ్ఞావశంవదా || 35 ||
లలితాకార్యచతురా లలితాభక్తపాలినీ |
లలితార్ధాసనారూఢా లావణ్యరసశేవధిః || 36 ||
రంజనీ లాలితశుకా లసచ్చూలీవరాన్వితా |
రాగిణీ రమణీ రామా రతీ రతిసుఖప్రదా || 37 ||
భోగదా భోగ్యదా భూమిప్రదా భూషణశాలినీ |
పుణ్యలభ్యా పుణ్యకీర్తిః పురందరపురేశ్వరీ || 38 ||
భూమానందా భూతికరీ క్లీంకారీ క్లిన్నరూపిణీ |
భానుమండలమధ్యస్థా భామినీ భారతీ ధృతిః || 39 ||
నారాయణార్చితా నాథా నాదినీ నాదరూపిణీ |
పంచకోణస్థితా లక్ష్మీః పురాణీ పురరూపిణీ || 40 ||
చక్రస్థితా చక్రరూపా చక్రిణీ చక్రనాయికా |
షట్చక్రమండలాంతఃస్థా బ్రహ్మచక్రనివాసినీ || 41 ||
అంతరభ్యర్చనప్రీతా బహిరర్చనలోలుపా |
పంచాశత్పీఠమధ్యస్థా మాతృకావర్ణరూపిణీ || 42 ||
మహాదేవీ మహాశక్తిః మహామాయా మహామతిః |
మహారూపా మహాదీప్తిః మహాలావణ్యశాలినీ || 43 ||
మాహేంద్రీ మదిరాదృప్తా మదిరాసింధువాసినీ |
మదిరామోదవదనా మదిరాపానమంథరా || 44 ||
దురితఘ్నీ దుఃఖహంత్రీ దూతీ దూతరతిప్రియా |
వీరసేవ్యా విఘ్నహరా యోగినీ గణసేవితా || 45 ||
నిజవీణారవానందనిమీలితవిలోచనా |
వజ్రేశ్వరీ వశ్యకరీ సర్వచిత్తవిమోహినీ || 46 ||
శబరీ శంబరారాధ్యా శాంబరీ సామసంస్తుతా |
త్రిపురామంత్రజపినీ త్రిపురార్చనతత్పరా || 47 ||
త్రిలోకేశీ త్రయీమాతా త్రిమూర్తిస్త్రిదివేశ్వరీ |
ఐంకారీ సర్వజననీ సౌఃకారీ సంవిదీశ్వరీ || 48 ||
బోధా బోధకరీ బోధ్యా బుధారాధ్యా పురాతనీ |
భండసోదరసంహర్త్రీ భండసైన్యవినాశినీ || 49 ||
గేయచక్రరథారూఢా గురుమూర్తిః కులాంగనా |
గాంధర్వశాస్త్రమర్మజ్ఞా గంధర్వగణపూజితా || 50 ||
జగన్మాతా జయకరీ జననీ జనదేవతా |
శివారాధ్యా శివార్ధాంగీ శింజన్మంజీరమండితా || 51 ||
సర్వాత్మికా హృషీకేశీ సర్వపాపవినాశినీ |
సర్వరోగహరా సాధ్యా ధర్మిణీ ధర్మరూపిణీ || 52 ||
ఆచారలభ్యా స్వాచారా ఖేచరీ యోనిరూపిణీ |
పతివ్రతా పాశహంత్రీ పరమార్థస్వరూపిణీ || 53 ||
పండితా పరివారాఢ్యా పాషండమతభంజనీ |
శ్రీకరీ శ్రీమతీ దేవీ బిందునాదస్వరూపిణీ || 54 ||
అపర్ణా హిమవత్పుత్రీ దుర్గా దుర్గతిహారిణీ |
వ్యాలోలశంఖతాటంకా విలసద్గండపాలికా || 55 ||
సుధామధురసాలాపా సిందూరతిలకోజ్జ్వలా |
అలక్తకారక్తపాదా నందనోద్యానవాసినీ || 56 ||
వాసంతకుసుమాపీడా వసంతసమయప్రియా |
ధ్యాననిష్ఠా ధ్యానగంయా ధ్యేయా ధ్యానస్వరూపిణీ || 57 ||
దారిద్ర్యహంత్రీ దౌర్భాగ్యశమనీ దానవాంతకా |
తీర్థరూపా త్రినయనా తురీయా దోషవర్జితా || 58 ||
మేధాప్రదాయినీ మేధ్యా మేదినీ మదశాలినీ |
మధుకైటభసంహర్త్రీ మాధవీ మాధవప్రియా || 59 ||
మహిలా మహిమాసారా శర్వాణీ శర్మదాయినీ |
రుద్రాణీ రుచిరా రౌద్రీ రుక్మభూషణభూషితా || 60 ||
అంబికా జగతాం ధాత్రీ జటినీ ధూర్జటిప్రియా |
సూక్ష్మస్వరూపిణీ సౌంయా సురుచిః సులభా శుభా || 61 ||
విపంచీకలనిక్వాణవిమోహితజగత్త్రయా |
భైరవప్రేమనిలయా భైరవీ భాసురాకృతిః || 62 ||
పుష్పిణీ పుణ్యనిలయా పుణ్యశ్రవణకీర్తనా |
కురుకుల్లా కుండలినీ వాగీశీ నకులేశ్వరీ || 63 ||
వామకేశీ గిరిసుతా వార్తాలీపరిపూజితా |
వారుణీమదరక్తాక్షీ వందారువరదాయినీ || 64 ||
కటాక్షస్యందికరుణా కందర్పమదవర్ధినీ |
దూర్వాశ్యామా దుష్టహంత్రీ దుష్టగ్రహవిభేదినీ || 65 ||
సర్వశత్రుక్షయకరీ సర్వసంపత్ప్రవర్ధినీ |
కబరీశోభికల్హారా కలశింజితమేఖలా || 66 ||
మృణాలీతుల్యదోర్వల్లీ మృడానీ మృత్యువర్జితా |
మృదులా మృత్యుసంహర్త్రీ మంజులా మంజుభాషిణీ || 67 ||
కర్పూరవీటీకబలా కమనీయకపోలభూః |
కర్పూరక్షోదదిగ్ధాంగీ కర్త్రీ కారణవర్జితా || 68 ||
అనాదినిధనా ధాత్రీ ధాత్రీధరకులోద్భవా |
స్తోత్రప్రియా స్తుతిమయీ మోహినీ మోహహారిణీ || 69 ||
జీవరూపా జీవకారీ జీవన్ముక్తిప్రదాయినీ |
భద్రపీఠస్థితా భద్రా భద్రదా భర్గభామినీ || 70 ||
భగానందా భగమయీ భగలింగా భగేశ్వరీ |
మత్తమాతంగగమనా మాతంగకులమంజరీ || 71 ||
రాజహంసగతీ రాజ్ఞీ రాజరాజ సమర్చితా |
భవానీ పావనీ కాలీ దక్షిణా దక్షకన్యకా || 72 ||
హవ్యవాహా హవిర్భోక్త్రీ హారిణీ దుఃఖహారిణీ |
సంసారతారిణీ సౌంయా సర్వేశీ సమరప్రియా || 73 ||
స్వప్నవతీ జాగరిణీ సుషుప్తా విశ్వరూపిణీ |
తైజసీ ప్రాజ్ఞకలనా చేతనా చేతనావతీ || 74 ||
చిన్మాత్రా చిద్ఘనా చేత్యా చిచ్ఛాయా చిత్స్వరూపిణీ |
నివృత్తిరూపిణీ శాంతిః ప్రతిష్ఠా నిత్యరూపిణీ || 75 ||
విద్యారూపా శాంత్యతీతా కలాపంచకరూపిణీ |
హ్రీంకారీ హ్రీమతీ హృద్యా హ్రీచ్ఛాయా హరివాహనా || 76 ||
మూలప్రకృతిరవ్యక్తా వ్యక్తావ్యక్తవినోదినీ |
యజ్ఞరూపా యజ్ఞభోక్త్రీ యజ్ఞాంగీ యజ్ఞరూపిణీ || 77 ||
దీక్షితా క్షమణా క్షామా క్షితిః క్షాంతిః శ్రుతిః స్మృతిః |
ఏకాఽనేకా కామకలా కల్యా కాలస్వరూపిణీ || 78 ||
దక్షా దాక్షాయణీ దీక్షా దక్షయజ్ఞవినాశినీ |
గాయత్రీ గగనాకారా గీర్దేవీ గరుడాసనా || 79 ||
సావిత్రీ సకలాధ్యక్షా బ్రహ్మాణీ బ్రాహ్మణప్రియా |
జగన్నాథా జగన్మూర్తిః జగన్మృత్యునివారిణీ || 80 ||
దృగ్రూపా దృశ్యనిలయా ద్రష్ట్రీ మంత్రీ చిరంతనీ |
విజ్ఞాత్రీ విపులా వేద్యా వృద్ధా వర్షీయసీ మహీ || 81 ||
ఆర్యా కుహరిణీ గుహ్యా గౌరీ గౌతమపూజితా |
నందినీ నలినీ నిత్యా నీతిర్నయవిశారదా || 82 ||
గతాగతజ్ఞా గంధర్వీ గిరిజా గర్వనాశినీ |
ప్రియవ్రతా ప్రమా ప్రాణా ప్రమాణజ్ఞా ప్రియంవదా || 83 ||
అశరీరా శరీరస్థా నామరూపవివర్జితా |
వర్ణాశ్రమవిభాగజ్ఞా వర్ణాశ్రమవివర్జితా || 84 ||
నిత్యముక్తా నిత్యతృప్తా నిర్లేపా నిరవగ్రహా |
ఇచ్ఛాజ్ఞానక్రియాశక్తిః ఇందిరా బంధురాకృతిః || 85 ||
మనోరథప్రదా ముఖ్యా మానినీ మానవర్జితా |
నీరాగా నిరహంకారా నిర్నాశా నిరుపప్లవా || 86 ||
విచిత్రా చిత్రచారిత్రా నిష్కలా నిగమాలయా |
బ్రహ్మవిద్యా బ్రహ్మనాడీ బంధహంత్రీ బలిప్రియా || 87 ||
సులక్షణా లక్షణజ్ఞా సుందరభ్రూలతాంచితా |
సుమిత్రా మాలినీ సీమా ముద్రిణీ ముద్రికాంచితా || 88 ||
రజస్వలా రంయమూర్తిర్జయా జన్మవివర్జితా |
పద్మాలయా పద్మపీఠా పద్మినీ పద్మవర్ణినీ || 89 ||
విశ్వంభరా విశ్వగర్భా విశ్వేశీ విశ్వతోముఖీ |
అద్వితీయా సహస్రాక్షీ విరాడ్రూపా విమోచినీ || 90 ||
సూత్రరూపా శాస్త్రకరీ శాస్త్రజ్ఞా శస్త్రధారిణీ |
వేదవిద్వేదకృద్వేద్యా విత్తజ్ఞా విత్తశాలినీ || 91 ||
విశదా వైష్ణవీ బ్రాహ్మీ వైరించీ వాక్ప్రదాయినీ |
వ్యాఖ్యాత్రీ వామనా వృద్ధిః విశ్వనాథా విశారదా || 92 ||
ముద్రేశ్వరీ ముండమాలా కాలీ కంకాలరూపిణీ |
మహేశ్వరప్రీతికరీ మహేశ్వర పతివ్రతా || 93 ||
బ్రహ్మాండమాలినీ బుధ్న్యా మతంగమునిపూజితా |
ఈశ్వరీ చండికా చండీ నియంత్రీ నియమస్థితా || 94 ||
సర్వాంతర్యామిణీ సేవ్యా సంతతిః సంతతిప్రదా |
తమాలపల్లవశ్యామా తాంరోష్ఠీ తాండవప్రియా || 95 ||
నాట్యలాస్యకరీ రంభా నటరాజప్రియాంగనా |
అనంగరూపాఽనంగశ్రీరనంగేశీ వసుంధరా || 99 ||
సాంరాజ్యదాయినీ సిద్ధా సిద్ధేశీ సిద్ధిదాయినీ |
సిద్ధమాతా సిద్ధపూజ్యా సిద్ధార్థా వసుదాయినీ || 97 ||
భక్తిమత్కల్పలతికా భక్తిదా భక్తవత్సలా |
పంచశక్త్యర్చితపదా పరమాత్మస్వరూపిణీ || 98 ||
అజ్ఞానతిమిరజ్యోత్స్నా నిత్యాహ్లాదా నిరంజనా |
ముగ్ధా ముగ్ధస్మితా మైత్రీ ముగ్ధకేశీ మధుప్రియా || 99 ||
కలాపినీ కామకలా కామకేలిః కలావతీ |
అఖండా నిరహంకారా ప్రధానపురుషేశ్వరీ || 100 ||
రహఃపూజ్యా రహఃకేలీ రహఃస్తుత్యా హరప్రియా |
శరణ్యా గహనా గుహ్యా గుహాంతఃస్థా గుహప్రసూః || 101 ||
స్వసంవేద్యా స్వప్రకాశా స్వాత్మస్థా స్వర్గదాయినీ |
నిష్ప్రపంచా నిరాధారా నిత్యానిత్యస్వరూపిణీ || 102 ||
నిర్మదా నర్తకీ కీర్తిః నిష్కామా నిష్కలా కలా |
అష్టమూర్తిరమోఘోమా నంద్యాదిగణపూజితా || 103 ||
యంత్రరూపా తంత్రరూపా మంత్రరూపా మనోన్మనీ |
శివకామేశ్వరీ దేవీ చిద్రూపా చిత్తరంగిణీ || 104 ||
చిత్స్వరూపా చిత్ప్రకాశా చిన్మూర్తిశ్చిన్మయీ చితిః |
మూర్ఖదూరా మోహహంత్రీ ముఖ్యా క్రోడముఖీసఖీ || 105 ||
జ్ఞానజ్ఞాతృజ్ఞేయరూపా వ్యోమాకారా విలాసినీ |
విమర్శరూపిణీ వశ్యా విధానజ్ఞా విజృంభితా || 106 ||
కేతకీకుసుమాపీడా కస్తూరీతిలకోజ్జ్వలా |
మృగ్యా మృగాక్షీ రసికా మృగనాభిసుగంధినీ || 107 ||
యక్షకర్దమలిప్తాంగీ యక్షిణీ యక్షపూజితా |
లసన్మాణిక్యకటకా కేయూరోజ్జ్వలదోర్లతా || 108 ||
సిందూరరాజత్సీమంతా సుభ్రూవల్లీ సునాసికా |
కైవల్యదా కాంతిమతీ కఠోరకుచమండలా || 109 ||
తలోదరీ తమోహంత్రీ త్రయస్త్రింశత్సురాత్మికా |
స్వయంభూః కుసుమామోదా స్వయంభుకుసుమప్రియా || 110 ||
స్వాధ్యాయినీ సుఖారాధ్యా వీరశ్రీర్వీరపూజితా |
ద్రావిణీ విద్రుమాభోష్ఠీ వేగినీ విష్ణువల్లభా || 111 ||
హాలామదాలసద్వాణీ లోలా లీలావతీ రతిః |
లోపాముద్రార్చితా లక్ష్మీరహల్యాపరిపూజితా || 112 ||
ఆబ్రహ్మకీటజననీ కైలాసగిరివాసినీ |
నిధీశ్వరీ నిరాతంకా నిష్కలంకా జగన్మయీ || 113 ||
ఆదిలక్ష్మీరనంతశ్రీరచ్యుతా తత్త్వరూపిణీ |
నామజాత్యాదిరహితా నరనారాయణార్చితా || 114 ||
గుహ్యోపనిషదుద్గీతా లక్ష్మీవాణీనిషేవితా |
మతంగవరదా సిద్ధా మహాయోగీశ్వరీ గురుః || 115 ||
గురుప్రియా కులారాధ్యా కులసంకేతపాలినీ |
చిచ్చంద్రమండలాంతఃస్థా చిదాకాశస్వరూపిణీ || 116 ||
అనంగశాస్త్రతత్త్వజ్ఞా నానావిధరసప్రియా |
నిర్మలా నిరవద్యాంగీ నీతిజ్ఞా నీతిరూపిణీ || 117 ||
వ్యాపినీ విబుధశ్రేష్ఠా కులశైలకుమారికా |
విష్ణుప్రసూర్వీరమాతా నాసామణివిరాజితా || 118 ||
నాయికా నగరీసంస్థా నిత్యతుష్టా నితంబినీ |
పంచబ్రహ్మమయీ ప్రాంచీ బ్రహ్మాత్మైక్యస్వరూపిణీ || 119 ||
సర్వోపనిషదుద్గీతా సర్వానుగ్రహకారిణీ |
పవిత్రా పావనా పూతా పరమాత్మస్వరూపిణీ || 120 ||
సూర్యేందువహ్నినయనా సూర్యమండలమధ్యగా |
గాయత్రీ గాత్రరహితా సుగుణా గుణవర్జితా || 121 ||
రక్షాకరీ రంయరుపా సాత్త్వికా సత్త్వదాయినీ |
విశ్వాతీతా వ్యోమరూపా సదార్చనజపప్రియా || 122 ||
ఆత్మభూరజితా జిష్ణురజా స్వాహా స్వధా సుధా |
నందితాశేషభువనా నామసంకీర్తనప్రియా || 123 ||
గురుమూర్తిర్గురుమయీ గురుపాదార్చనప్రియా |
గోబ్రాహ్మణాత్మికా గుర్వీ నీలకంఠీ నిరామయా || 124 ||
మానవీ మంత్రజననీ మహాభైరవపూజితా |
నిత్యోత్సవా నిత్యపుష్టా శ్యామా యౌవనశాలినీ || 125 ||
మహనీయా మహామూర్తిర్మహతీ సౌఖ్యసంతతిః |
పూర్ణోదరీ హవిర్ధాత్రీ గణారాధ్యా గణేశ్వరీ || 126 ||
గాయనా గర్వరహితా స్వేదబిందూల్లసన్ముఖీ |
తుంగస్తనీ తులాశూన్యా కన్యా కమలవాసినీ || 127 ||
శృంగారిణీ శ్రీః శ్రీవిద్యా శ్రీప్రదా శ్రీనివాసినీ |
త్రైలోక్యసుందరీ బాలా త్రైలోక్యజననీ సుధీః || 128 ||
పంచక్లేశహరా పాశధారిణీ పశుమోచనీ |
పాషండహంత్రీ పాపఘ్నీ పార్థివశ్రీకరీ ధృతిః || 129 ||
నిరపాయా దురాపా యా సులభా శోభనాకృతిః |
మహాబలా భగవతీ భవరోగనివారిణీ || 130 ||
భైరవాష్టకసంసేవ్యా బ్రాహ్ంయాదిపరివారితా |
వామాదిశక్తిసహితా వారుణీమదవిహ్వలా || 131 ||
వరిష్ఠా వశ్యదా వశ్యా భక్తార్తిదమనా శివా |
వైరాగ్యజననీ జ్ఞానదాయినీ జ్ఞానవిగ్రహా || 132 ||
సర్వదోషవినిర్ముక్తా శంకరార్ధశరీరిణీ |
సర్వేశ్వరప్రియతమా స్వయంజ్యోతిః స్వరూపిణీ || 133 ||
క్షీరసాగరమధ్యస్థా మహాభుజగశాయినీ |
కామధేనుర్బృహద్గర్భా యోగనిద్రా యుగంధరా || 134 ||
మహేంద్రోపేంద్రజననీ మాతంగకులసంభవా |
మతంగజాతిసంపూజ్యా మతంగకులదేవతా || 135 ||
గుహ్యవిద్యా వశ్యవిద్యా సిద్ధవిద్యా శివాంగనా |
సుమంగళా రత్నగర్భా సూర్యమాతా సుధాశనా || 136 ||
ఖడ్గమండలసంపూజ్యా సాలగ్రామనివాసినీ |
దుర్జయా దుష్టదమనా దుర్నిరీక్ష్యా దురత్యయా || 137 ||
శంఖచక్రగదాహస్తా విష్ణుశక్తిర్విమోహినీ |
యోగమాతా యోగగంయా యోగనిష్ఠా సుధాస్రవా || 138 ||
సమాధినిష్ఠైః సంవేద్యా సర్వభేదవివర్జితా |
సాధారణా సరోజాక్షీ సర్వజ్ఞా సర్వసాక్షిణీ || 139 ||
మహాశక్తిర్మహోదారా మహామంగళదేవతా |
కలౌ కృతావతరణా కలికల్మషనాశినీ || 140 ||
సర్వదా సర్వజననీ నిరీశా సర్వతోముఖీ |
సుగూఢా సర్వతో భద్రా సుస్థితా స్థాణువల్లభా || 141 ||
చరాచరజగద్రూపా చేతనాచేతనాకృతిః |
మహేశ్వరప్రాణనాడీ మహాభైరవమోహినీ || 142 ||
మంజులా యౌవనోన్మత్తా మహాపాతకనాశినీ |
మహానుభావా మాహేంద్రీ మహామరకతప్రభా || 143 ||
సర్వశక్త్యాసనా శక్తిర్నిరాభాసా నిరింద్రియా |
సమస్తదేవతామూర్తిః సమస్తసమయార్చితా || 144 ||
సువర్చలా వియన్మూర్తిః పుష్కలా నిత్యపుష్పిణీ |
నీలోత్పలదళశ్యామా మహాప్రళయసాక్షిణీ || 145 ||
సంకల్పసిద్ధా సంగీతరసికా రసదాయినీ |
అభిన్నా బ్రహ్మజననీ కాలక్రమవివర్జితా || 146 ||
అజపా జాడ్యరహితా ప్రసన్నా భగవత్ప్రియా |
ఇందిరా జగతీకందా సచ్చిదానందకందలీ |
శ్రీచక్రనిలయా దేవీ శ్రీవిద్యా శ్రీప్రదాయినీ || 147 ||
ఫలశ్రుతిః |
ఇతి తే కథితో లక్ష్మి నామసారస్తవో మయా |
శ్యామలాయా మహాదేవ్యాః సర్వవశ్యప్రదాయకః || 148 ||
య ఇమం పఠతే నిత్యం నామసారస్తవం పరం |
తస్య నశ్యంతి పాపాని మహాంత్యపి న సంశయః || 149 ||
త్రిసంధ్యం యః పఠేన్నిత్యం వర్షమేకమతంద్రితః |
సార్వభౌమో మహీపాలస్తస్య వశ్యో భవేద్ధ్రువం || 150 ||
మూలమంత్రజపాంతే యః పఠేన్నామసహస్రకం |
మంత్రసిద్ధిర్భవేత్తస్య శీఘ్రమేవ వరాననే || 151 ||
జగత్త్రయం వశీకృత్య సాక్షాత్కామసమో భవేత్ |
దినే దినే దశావృత్త్యా మండలం యో జపేన్నరః || 152 ||
సచివః స భవేద్దేవి సార్వభౌమస్య భూపతేః |
షణ్మాసం యో జపేన్నిత్యం ఏకవారం దృఢవ్రతః || 153 ||
భవంతి తస్య ధాన్యానాం ధనానాం చ సమృద్ధయః |
చందనం కుంకుమం వాపి భస్మ వా మృగనాభికం || 154 ||
అనేనైవ త్రిరావత్త్యా నామసారేణ మంత్రితం |
యో లలాటే ధారయతే తస్య వక్త్రావలోకనాత్ || 155 ||
హంతుముద్యతఖడ్గోఽపి శత్రుర్వశ్యో భవేద్ధ్రువం |
అనేన నామసారేణ మంత్రితం ప్రాశయేజ్జలం || 156 ||
మాసమాత్రం వరారోహే గాంధర్వనిపుణో భవేత్ |
సంగీతే కవితాయాం చ నాస్తి తత్సదృశో భువి || 157 ||
బ్రహ్మజ్ఞానమవాప్నోతి మోక్షం చాప్యధిగచ్ఛతి |
ప్రీయతే శ్యామలా నిత్యం ప్రీతాఽభీష్టం ప్రయచ్ఛతి || 158 ||
ఇతి సౌభాగ్యలక్ష్మీకల్పతాంతర్గతే లక్ష్మీనారాయణసంవాదే అష్టసప్తితమే ఖండే శ్రీ శ్యామలా సహస్రనామ స్తోత్రం |

శ్రీ శ్యామలా సహస్రనామావళిః

శ్రీ శ్యామలా సహస్రనామావళిః.

Telugu

Read Stotra

శ్రీ శ్యామలా సహస్రనామావళిః

Sign In

OTP Verification

శ్రీ శ్యామలా దండకం

శ్రీ శ్యామలా నవరత్నమాలికా స్తోత్రం

శ్రీ శ్యామలా పంచాశత్స్వరవర్ణమాలికా స్తోత్రం

శ్రీ శ్యామలా షోడశనామ స్తోత్రం

శ్రీ శ్యామలా స్తోత్రం

శ్రీ మాతంగీ అష్టోత్తరశతనామ స్తోత్రం

శ్రీ శ్యామలాష్టోత్తరశతనామ స్తోత్రం -1

శ్రీ శ్యామలాష్టోత్తరశతనామావళిః 1

శ్రీ శ్యామలాష్టోత్తరశతనామావళిః –2

శ్రీ మాతంగీ సహస్రనామ స్తోత్రం

శ్రీ శ్యామలా సహస్రనామ స్తోత్రం

శ్రీ శ్యామలా సహస్రనామావళిః

MENU

LINKS

Astrologer Section

Vendor Section

GET ADVICE ON

Download Our Apps