Sacred Stotras & Deities

అష్టాక్షర శ్రీరామ మంత్ర స్తోత్రం

అష్టాక్షర శ్రీరామ మంత్ర స్తోత్రం.

Telugu

అష్టాక్షర శ్రీరామ మంత్ర స్తోత్రం

స సర్వం సిద్ధిమాసాద్య హ్యంతే రామపదం వ్రజేత్ |
చింతయేచ్చేతసా నిత్యం శ్రీరామః శరణం మమ || 1 ||
విశ్వస్య చాత్మనో నిత్యం పారతంత్ర్యం విచింత్య చ |
చింతయేచ్చేతసా నిత్యం శ్రీరామః శరణం మమ || 2 ||
అచింత్యోఽపి శరీరాదేః స్వాతంత్ర్యేణైవ విద్యతే |
చింతయేచ్చేతసా నిత్యం శ్రీరామః శరణం మమ || 3 ||
ఆత్మాధారం స్వతంత్రం చ సర్వశక్తిం విచింత్య చ |
చింతయేచ్చేతసా నిత్యం శ్రీరామః శరణం మమ || 4 ||
నిత్యాత్మగుణసంయుక్తో నిత్యాత్మతనుమండితః |
నిత్యాత్మకేలినిరతః శ్రీరామః శరణం మమ || 5 ||
గుణలీలాస్వరూపైశ్చ మితిర్యస్య న విద్యతే |
అతోఽవాఙ్మనసా వేద్యః శ్రీరామః శరణం మమ || 6 ||
కర్తా సర్వస్య జగతో భర్తా సర్వస్య సర్వగః |
ఆహర్తా కార్య జాతస్య శ్రీరామః శరణం మమ || 7 ||
వాసుదేవాదిమూర్తీనాం చతుర్ణాం కారణం పరం |
చతుర్వింశతి మూర్తీనాం శ్రీరామః శరణం మమ || 8 ||
నిత్యముక్తజనైర్జుష్టో నివిష్టః పరమే పదే |
పదం పరమభక్తానాం శ్రీరామః శరణం మమ || 9 ||
మహదాదిస్వరూపేణ సంస్థితః ప్రాకృతే పదే |
బ్రహ్మాదిదేవరూపైశ్చ శ్రీరామః శరణం మమ || 10 ||
మన్వాదినృపరూపేణ శ్రుతిమార్గం బిభర్తియః |
యః ప్రాకృత స్వరూపేణ శ్రీరామః శరణం మమ || 11 ||
ఋషిరూపేణ యో దేవో వన్యవృత్తిమపాలయత్ |
యోఽంతరాత్మా చ సర్వేషాం శ్రీరామః శరణం మమ || 12 ||
యోఽసౌ సర్వతనుః సర్వః సర్వనామా సనాతనః |
ఆస్థితః సర్వభావేషు శ్రీరామః శరణం మమ || 13 ||
బహిర్మత్స్యాదిరూపేణ సద్ధర్మమనుపాలయన్ |
పరిపాతి జనాన్ దీనాన్ శ్రీరామః శరణం మమ || 14 ||
యశ్చాత్మానం పృథక్కృత్య భావేన పురుషోత్తమః |
అర్చాయామాస్థితో దేవః శ్రీరామః శరణం మమ || 15 ||
అర్చావతార రూపేణ దర్శనస్పర్శనాదిభిః |
దీనానుద్ధరతే యోఽసౌ శ్రీరామః శరణం మమ || 16 ||
కౌశల్యాశుక్తిసంజాతో జానకీకంఠభూషణః |
ముక్తాఫలసమో యోఽసౌ శ్రీరామః శరణం మమ || 17 ||
విశ్వామిత్రమఖత్రాతా తాటకాగతిదాయకః |
అహల్యాశాపశమనః శ్రీరామః శరణం మమ || 18 ||
పినాకభంజనః శ్రీమాన్ జానకీప్రేమపాలకః |
జామదగ్న్యప్రతాపఘ్నః శ్రీరామః శరణం మమ || 19 ||
రాజ్యాభిషేకసంహృష్టః కైకేయీ వచనాత్పునః |
పితృదత్తవనక్రీడః శ్రీరామః శరణం మమ || 20 ||
జటాచీరధరోధన్వీ జానకీలక్ష్మణాన్వితః |
చిత్రకూటకృతావాసః శ్రీరామః శరణం మమ || 21 ||
మహాపంచవటీలీలా సంజాతపరమోత్సవః |
దండకారణ్యసంచారీ శ్రీరామః శరణం మమ || 22 ||
ఖరదూషణవిచ్ఛేదీ దుష్టరాక్షసభంజనః |
హృతశూర్పణఖాశోభః శ్రీరామః శరణం మమ || 23 ||
మాయామృగవిభేత్తా చ హృతసీతానుతాపకృత్ |
జానకీవిరహాక్రోశీ శ్రీరామః శరణం మమ || 24 ||
లక్ష్మణానుచరోధన్వీ లోకయాత్రావిడంబకృత్ |
పంపాతీరకృతాన్వేషః శ్రీరామః శరణం మమ || 25 ||
జటాయుగతి దాతా చ కబంధగతిదాయకః |
హనుమత్కృతసాహిత్య శ్రీరామః శరణం మమ || 26 ||
సుగ్రీవరాజ్యదః శ్రీశో వాలినిగ్రహకారకః |
అంగదాశ్వాసనకరః శ్రీరామః శరణం మమ || 27 ||
సీతాన్వేషణనిర్ముక్తహనుమత్ప్రముఖవ్రజః |
ముద్రానివేశితబలః శ్రీరామః శరణం మమ || 28 ||
హేలోత్తరితపాథోధిర్బలనిర్ధూతరాక్షసః |
లంకాదాహకరో ధీరః శ్రీరామః శరణం మమ || 29 ||
రోషసంబద్ధపాథోధిర్లంకాప్రాసాదరోధకః |
రావణాదిప్రభేత్తా చ శ్రీరామః శరణం మమ || 30 ||
జానకీ జీవనత్రాతా విభీషణసమృద్ధిదః |
పుష్పకారోహణాసక్తః శ్రీరామః శరణం మమ || 31 ||
రాజ్యసింహాసనారూఢః కౌశల్యానందవర్ధనః |
నామనిర్ధూతనిరయః శ్రీరామః శరణం మమ || 32 ||
యజ్ఞకర్తా యజ్ఞభోక్తా యజ్ఞభర్తామహేశ్వరః |
అయోధ్యాముక్తిదః శాస్తా శ్రీరామః శరణం మమ || 33 ||
ప్రపఠేద్యః శుభం స్తోత్రం ముచ్యేత భవబంధనాత్ |
మంత్రశ్చాష్టాక్షరో దేవః శ్రీరామః శరణం మమ || 34 ||
ప్రపన్నః సర్వధర్మేభ్యోః మామేకం శరణం గతః |
పఠేన్నిదం మమ స్తోత్రం ముచ్యతే భవ బంధనాత్ || 35 ||
ఇతి బృహద్బ్రహ్మసంహితాంతర్గత అష్టాక్షర శ్రీరామ మంత్ర స్తోత్రం |

శ్రీ రామ సహస్రనామావళిః

శ్రీ రామ సహస్రనామావళిః.

Telugu

Read Stotra

శ్రీరామం మునివిశ్రామం జనసద్ధామం హృదయారామం
సీతారంజన సత్యసనాతన రాజారామం ఘనశ్యామం |
నారీసంస్తుత కాళిందీనత నిద్రాప్రార్థిత భూపాలం
రామం త్వాం శిరసా సతతం ప్రణమామి చ్ఛేదిత సత్తాలం || 1 ||
నానారాక్షసహంతారం శరధర్తారం జనతాధారం
వాలీమర్దన సాగరబంధన నానాకౌతుకకర్తారం |
పౌరానందద నారీతోషక కస్తూరీయుత సత్ఫాలం
రామం త్వాం శిరసా సతతం ప్రణమామి చ్ఛేదిత సత్తాలం || 2 ||
శ్రీకాంతం జగతీకాంతం స్తుతసద్భక్తం బహుసద్భక్తం
సద్భక్తహృదయేప్సితపూరక పద్మాక్షం నృపజాకాంతం |
పృథ్వీజాపతి విశ్వామిత్రసువిద్యాదర్శితసచ్ఛీలం
రామం త్వాం శిరసా సతతం ప్రణమామి చ్ఛేదిత సత్తాలం || 3 ||
సీతారంజితవిశ్వేశం ధరపృథ్వీశం సురలోకేశం
గ్రావోద్ధారణ రావణమర్దన తద్భ్రాతృకృతలంకేశం |
కిష్కింధాకృతసుగ్రీవం ప్లవగబృందాధిప సత్పాలం
రామం త్వాం శిరసా సతతం ప్రణమామి చ్ఛేదిత సత్తాలం || 4 ||
శ్రీనాథం జగతాంనాథం జగతీనాథం నృపతీనాథం
భూదేవాసురనిర్జరపన్నగ-గంధర్వాదికసన్నాథం |
కోదండధృత తూణీరాన్విత సంగ్రామేకృత భూపాలం
రామం త్వాం శిరసా సతతం ప్రణమామి చ్ఛేదిత సత్తాలం || 5 ||
రామేశం జగతామీశం జంబుద్వీపేశం నతలోకేశం
వాల్మీకికృతసంస్తవహర్షిత సీతాలాలిత వాగీశం |
పృథ్వీశం హృతభూభారం సతయోగీంద్రం జగతీపాలం
రామం త్వాం శిరసా సతతం ప్రణమామి చ్ఛేదిత సత్తాలం || 6 ||
చిద్రూపం జితసద్భూపం నతసద్భక్తం నతసద్భూపం
సప్తద్వీపజవర్షజకామినిసంనీరాజిత పృథ్వీశం |
నానాపార్థివ నానోపాయన సంయక్తోషిత సద్భూపం
రామం త్వాం శిరసా సతతం ప్రణమామి చ్ఛేదిత సత్తాలం || 7 ||
సంసేవ్యం మునిభిర్గేయం కవిభిః స్తవ్యం హృది సంధ్యారం
నానాపండితతర్కపురాణజవాక్యైర్ధిక్కృతసత్కావ్యం |
సాకేతస్థిత కౌసల్యాసుత గంధాద్యంకిత సత్ఫాలం
రామం త్వాం శిరసా సతతం ప్రణమామి చ్ఛేదిత సత్తాలం || 8 ||
భూపాలం ఘనసన్నీలం నృపసద్బాలం కలిసంకాలం
సీతాజానిం వరోత్పలలోచన మంత్రీమోచిత తత్కాలం |
శ్రీసీతాకృతపద్మాస్వాదన సంయక్శిక్షిత తత్కాలం
రామం త్వాం శిరసా సతతం ప్రణమామి చ్ఛేదిత సత్తాలం || 9 ||
హే రాజన్ నవభిః శ్లోకైః భువిపాపహరం నవకం రంయం
మే బుద్ధ్యాకృతముత్తమ నూతనమేతద్రాఘవమర్త్యానం |
స్త్రీపౌత్రాన్నాదికక్షేమప్రదమస్మత్సద్వరదం బాలం
రామం త్వాం శిరసా సతతం ప్రణమామి చ్ఛేదిత సత్తాలం || 10 ||

శ్రీ రామ స్తుతిః (తులసీదాస కృతం)

శ్రీ రామ స్తుతిః (తులసీదాస కృతం).

Telugu

Sign In

OTP Verification

అష్టాక్షర శ్రీరామ మంత్ర స్తోత్రం

శ్రీ రామ సహస్రనామావళిః

శ్రీ రామకృష్ణ అష్టోత్తరశతనామ స్తోత్రం

శ్రీ సీతా రామ స్తోత్రం

శ్రీ రామాష్టకం 1

శ్రీ రామానుస్మృతి స్తోత్రం

శ్రీ రామ స్తుతిః (నారద కృతం)

శ్రీ రామ స్తుతిః (తులసీదాస కృతం)

శ్రీ రామ స్తవరాజ స్తోత్రం

శ్రీ రామ స్తవః (శంభు కృతం)

శ్రీ రామ రక్షా స్తోత్రం

శ్రీ రామ మాలా మంత్రః

MENU

LINKS

Astrologer Section

Vendor Section

GET ADVICE ON

Download Our Apps