Sacred Stotras & Deities

శ్రీ కామాక్షీ స్తోత్రం –4 (పరమాచార్య కృతం)

మంగళచరణే మంగళవదనే మంగళదాయిని కామాక్షి |
గురుగుహజనని కురు కల్యాణం కుంజరిజనని కామాక్షి || 1 ||
హిమగిరితనయే మమ హృదినిలయే సజ్జనసదయే కామాక్షి |
గురుగుహజనని కురు కల్యాణం కుంజరిజనని కామాక్షి || 2 ||
గ్రహనుతచరణే గృహసుతదాయిని నవ నవ భవతే కామాక్షి |
గురుగుహజనని కురు కల్యాణం కుంజరిజనని కామాక్షి || 3 ||
శివముఖవినుతే భవసుఖదాయిని నవ నవ భవతే కామాక్షి |
గురుగుహజనని కురు కల్యాణం కుంజరిజనని కామాక్షి || 4 ||
భక్త సుమానస తాపవినాశిని మంగళదాయిని కామాక్షి |
గురుగుహజనని కురు కల్యాణం కుంజరిజనని కామాక్షి || 5 ||
కేనోపనిషద్వాక్యవినోదిని దేవి పరాశక్తి కామాక్షి |
గురుగుహజనని కురు కల్యాణం కుంజరిజనని కామాక్షి || 6 ||
పరశివజాయే వరమునిభావ్యే అఖిలాండేశ్వరి కామాక్షి |
గురుగుహజనని కురు కల్యాణం కుంజరిజనని కామాక్షి || 7 ||
హరిద్రామండలవాసిని నిత్యమంగళదాయిని కామాక్షి |
గురుగుహజనని కురు కల్యాణం కుంజరిజనని కామాక్షి || 8 ||
ఇతి పరమాచార్య కృత శ్రీ కామాక్షీ స్తోత్రం |

మూకపంచశతి – ఆర్యాశతకం

కారణపరచిద్రూపా కాంచీపురసీంని కామపీఠగతా |
కాచన విహరతి కరుణా కాశ్మీరస్తబకకోమలాంగలతా || 1 ||
కంచన కాంచీనిలయం కరధృతకోదండబాణసృణిపాశం |
కఠినస్తనభరనంరం కైవల్యానందకందమవలంబే || 2 ||
చింతితఫలపరిపోషణచింతామణిరేవ కాంచినిలయా మే |
చిరతరసుచరితసులభా చిత్తం శిశిరయతు చిత్సుఖాధారా || 3 ||
కుటిలకచం కఠినకుచం కుందస్మితకాంతి కుంకుమచ్ఛాయం |
కురుతే విహృతిం కాంచ్యాం కులపర్వతసార్వభౌమసర్వస్వం || 4 ||
పంచశరశాస్త్రబోధనపరమాచార్యేణ దృష్టిపాతేన |
కాంచీసీంని కుమారీ కాచన మోహయతి కామజేతారం || 5 ||
పరయా కాంచీపురయా పర్వతపర్యాయపీనకుచభరయా |
పరతంత్రా వయమనయా పంకజసబ్రహ్మచారిలోచనయా || 6 ||
ఐశ్వర్యమిందుమౌళేరైకాత్ంయప్రకృతి కాంచిమధ్యగతం |
ఐందవకిశోరశేఖరమైదంపర్యం చకాస్తి నిగమానాం || 7 ||
శ్రితకంపాసీమానం శిథిలితపరమశివధైర్యమహిమానం |
కలయే పాటలిమానం కంచన కంచుకితభువనభూమానం || 8 ||
ఆదృతకాంచీనిలయామాద్యామారూఢయౌవనాటోపాం |
ఆగమవతంసకలికామానందాద్వైతకందలీం వందే || 9 ||
తుంగాభిరామకుచభరశృంగారితమాశ్రయామి కాంచిగతం |
గంగాధరపరతంత్రం శృంగారాద్వైతతంత్రసిద్ధాంతం || 10 ||
కాంచీరత్నవిభూషాం కామపి కందర్పసూతికాపాంగీం |
పరమాం కలాముపాసే పరశివవామాంకపీఠికాసీనాం || 11 ||
కంపాతీరచరాణాం కరుణాకోరకితదృష్టిపాతానాం |
కేళీవనం మనో మే కేషాంచిద్భవతు చిద్విలాసానాం || 12 ||
ఆంరతరుమూలవసతేరాదిమపురుషస్య నయనపీయూషం |
ఆరబ్ధయౌవనోత్సవమాంనాయరహస్యమంతరవలంబే || 13 ||
అధికాంచి పరమయోగిభిరాదిమపరపీఠసీంని దృశ్యేన |
అనుబద్ధం మమ మానసమరుణిమసర్వస్వసంప్రదాయేన || 14 ||
అంకితశంకరదేహామంకురితోరోజకంకణాశ్లేషైః |
అధికాంచి నిత్యతరుణీమద్రాక్షం కాంచిదద్భుతాం బాలాం || 15 ||
మధురధనుషా మహీధరజనుషా నందామి సురభిబాణజుషా |
చిద్వపుషా కాంచిపురే కేళిజుషా బంధుజీవకాంతిముషా || 16 ||
మధురస్మితేన రమతే మాంసలకుచభారమందగమనేన |
మధ్యేకాంచి మనో మే మనసిజసాంరాజ్యగర్వబీజేన || 17 ||
ధరణిమయీం తరణిమయీం పవనమయీం గగనదహనహోతృమయీం |
అంబుమయీమిందుమయీమంబామనుకంపమాదిమామీక్షే || 18 ||
లీనస్థితిమునిహృదయే ధ్యానస్తిమితం తపస్యదుపకంపం |
పీనస్తనభరమీడే మీనధ్వజతంత్రపరమతాత్పర్యం || 19 ||
శ్వేతా మంథరహసితే శాతా మధ్యే చ వాఙ్మనోఽతీతా |
శీతా లోచనపాతే స్ఫీతా కుచసీంని శాశ్వతీ మాతా || 20 ||
పురతః కదానుకరవై పురవైరివిమర్దపులకితాంగలతాం |
పునతీం కాంచీదేశం పుష్పాయుధవీర్యసరసపరిపాటీం || 21 ||
పుణ్యా కాఽపి పురంధ్రీ పుంఖితకందర్పసంపదా వపుషా |
పులినచరీ కంపాయాః పురమథనం పులకనిచులితం కురుతే || 22 ||
తనిమాద్వైతవలగ్నం తరుణారుణసంప్రదాయతనులేఖం |
తటసీమని కంపాయాస్తరుణిమసర్వస్వమాద్యమద్రాక్షం || 23 ||
పౌష్టికకర్మవిపాకం పౌష్పశరం సవిధసీంని కంపాయాః |
అద్రాక్షమాత్తయౌవనమభ్యుదయం కంచిదర్ధశశిమౌళేః || 24 ||
సంశ్రితకాంచీదేశే సరసిజదౌర్భాగ్యజాగ్రదుత్తంసే |
సంవిన్మయే విలీయే సారస్వతపురుషకారసాంరాజ్యే || 25 ||
మోదితమధుకరవిశిఖం స్వాదిమసముదాయసారకోదండం |
ఆదృతకాంచీఖేలనమాదిమమారుణ్యభేదమాకలయే || 26 ||
ఉరరీకృతకాంచిపురీముపనిషదరవిందకుహరమధుధారాం |
ఉన్నంరస్తనకలశీముత్సవలహరీముపాస్మహే శంభోః || 27 ||
ఏణశిశుదీర్ఘలోచనమేనఃపరిపంథి సంతతం భజతాం |
ఏకాంరనాథజీవితమేవంపదదూరమేకమవలంబే || 28 ||
స్మయమానముఖం కాంచీమయమానం కమపి దేవతాభేదం |
దయమానం వీక్ష్యముహుర్వయమానందామృతాంబుధౌ మగ్నాః || 29 ||
కుతుకజుషి కాంచిదేశే కుముదతపోరాశిపాకశేఖరితే |
కురుతే మనోవిహారం కులగిరిపరిబృఢకులైకమణిదీపే || 30 ||
వీక్షేమహి కాంచిపురే విపులస్తనకలశగరిమపరవశితం |
విద్రుమసహచరదేహం విభ్రమసమవాయసారసన్నాహం || 31 ||
కురువిందగోత్రగాత్రం కూలచరం కమపి నౌమి కంపాయాః |
కూలంకషకుచకుంభం కుసుమాయుధవీర్యసారసంరంభం || 32 ||
కుట్మలితకుచకిశోరైః కుర్వాణైః కాంచిదేశసౌహార్దం |
కుంకుమశోణైర్నిచితం కుశలపథం శంభుసుకృతసంభారైః || 33 ||
అంకితకచేన కేనచిదంధంకరణౌషధేన కమలానాం |
అంతఃపురేణ శంభోరలంక్రియా కాఽపి కల్ప్యతే కాంచ్యాం || 34 ||
ఊరీకరోమి సంతతమూష్మలఫాలేన లాలితం పుంసా |
ఉపకంపముచితఖేలనముర్వీధరవంశసంపదున్మేషం || 35 ||
అంకురితస్తనకోరకమంకాలంకారమేకచూతపతేః |
ఆలోకేమహి కోమలమాగమసల్లాపసారయాథార్థ్యం || 36 ||
పుంజితకరుణముదంచితశింజితమణికాంచి కిమపి కాంచిపురే |
మంజరితమృదులహాసం పింజరతనురుచి పినాకిమూలధనం || 37 ||
లోలహృదయోఽస్మి శంభోర్లోచనయుగళేన లేహ్యమానాయాం |
లాలితపరమశివాయాం లావణ్యామృతతరంగమాలాయాం || 38 ||
మధుకరసహచరచికురైర్మదనాగమసమయదీక్షితకటాక్షైః |
మండితకంపాతీరైః మంగళకందైర్మమాస్తు సారూప్యం || 39 ||
వదనారవిందవక్షోవామాంకతటీవశంవదీభూతా |
పూరుషత్రితయే త్రేధా పురంధ్రిరూపా త్వమేవ కామాక్షి || 40 ||
బాధాకరీం భవాబ్ధేరాధారాద్యంబుజేషు విచరంతీం |
ఆధారీకృతకాంచీం బోధామృతవీచిమేవ విమృశామః || 41 ||
కలయాంయంతః శశధరకలయాఽంకితమౌళిమమలచిద్వలయాం |
అలయామాగమపీఠీనిలయాం వలయాంకసుందరీమంబాం || 42 ||
శర్వాదిపరమసాధకగుర్వానీతాయ కామపీఠజుషే |
సర్వాకృతయే శోణిమగర్వాయాస్మై సమర్ప్యతే హృదయం || 43 ||
సమయా సాంధ్యమయూఖైః సమయా బుద్ధ్యా సదైవ శీలితయా |
ఉమయా కాంచీరతయా న మయా లభ్యత కిం ను తాదాత్ంయం || 44 ||
జంతోస్తవ పదపూజనసంతోషతరంగితస్య కామాక్షి |
బంధో యది భవతి పునః సింధోరంభస్సుబంభ్రమీతి శిలా || 45 ||
కుండలి కుమారి కుటిలే చండి చరాచరసవిత్రి చాముండే |
గుణిని గుహారిణి గుహ్యే గురుమూర్తే త్వాం నమామి కామాక్షి || 46 ||
అభిదాకృతిర్భిదాకృతిరచిదాకృతిరపి చిదాకృతిర్మాతః |
అనహంతా త్వమహంతా భ్రమయసి కామాక్షి శాశ్వతీ విశ్వం || 47 ||
శివ శివ పశ్యంతి సమం శ్రీకామాక్షీకటాక్షితాః పురుషాః |
విపినం భవనమమిత్రం మిత్రం లోష్టం చ యువతిబింబోష్ఠం || 48 ||
కామపరిపంథికామిని కామేశ్వరి కామపీఠమధ్యగతే |
కామదుఘా భవ కమలే కామకలే కామకోటి కామాక్షి || 49 ||
మధ్యేహృదయం మధ్యేనిటిలం మధ్యేశిరోఽపి వాస్తవ్యాం |
చండకరశక్రకార్ముకచంద్రసమాభాం నమామి కామాక్షీం || 50 ||
అధికాంచి కేళిలోలైరఖిలాగమయంత్రమంత్రతంత్రమయైః |
అతిశీతం మమ మానసమసమశరద్రోహిజీవనోపాయైః || 51 ||
నందతి మమ హృది కాచన మందిరయంతీ నిరంతరం కాంచీం |
ఇందురవిమండలకుచా బిందువియన్నాదపరిణతా తరుణీ || 52 ||
శంపాలతాసవర్ణం సంపాదయితుం భవజ్వరచికిత్సాం |
లింపామి మనసి కించన కంపాతటరోహి సిద్ధభైషజ్యం || 53 ||
అనుమితకుచకాఠిన్యామధివక్షఃపీఠమంగజన్మరిపోః |
ఆనందదాం భజే తామానంగబ్రహ్మతత్వబోధసిరాం || 54 ||
ఐక్షిషి పాశాంకుశధరహస్తాంతం విస్మయార్హవృత్తాంతం |
అధికాంచి నిగమవాచాం సిద్ధాంతం శూలపాణిశుద్ధాంతం || 55 ||
ఆహితవిలాసభంగీమాబ్రహ్మస్తంబశిల్పకల్పనయా |
ఆశ్రితకాంచీమతులామాద్యాం విస్ఫూర్తిమాద్రియే విద్యాం || 56 ||
మూకోఽపి జటిలదుర్గతిశోకోఽపి స్మరతి యః క్షణం భవతీం |
ఏకో భవతి స జంతుర్లోకోత్తరకీర్తిరేవ కామాక్షి || 57 ||
పంచదశవర్ణరూపం కంచన కాంచీవిహారధౌరేయం |
పంచశరీయం శంభోర్వంచనవైదగ్ధ్యమూలమవలంబే || 58 ||
పరిణతిమతీం చతుర్ధా పదవీం సుధియాం సమేత్య సౌషుంనీం |
పంచాశదర్ణకల్పితమదశిల్పాం త్వాం నమామి కామాక్షి || 59 ||
ఆదిక్షన్మమ గురురాడాదిక్షాంతాక్షరాత్మికాం విద్యాం |
స్వాదిష్ఠచాపదండాం నేదిష్ఠామేవ కామపీఠగతాం || 60 ||
తుష్యామి హర్షితస్మరశాసనయా కాంచిపురకృతాసనయా |
స్వాసనయా సకలజగద్భాసనయా కలితశంబరాసనయా || 61 ||
ప్రేమవతీ కంపాయాం స్థేమవతీ యతిమనస్సు భూమవతీ |
సామవతీ నిత్యగిరా సోమవతీ శిరసి భాతి హైమవతీ || 62 ||
కౌతుకినా కంపాయాం కౌసుమచాపేన కీలితేనాంతః |
కులదైవతేన మహతా కుట్మలముద్రాం ధునోతు నఃప్రతిభా || 63 ||
యూనా కేనాపి మిలద్దేహా స్వాహాసహాయతిలకేన |
సహకారమూలదేశే సంవిద్రూపా కుటుంబినీ రమతే || 64 ||
కుసుమశరగర్వసంపత్కోశగృహం భాతి కాంచిదేశగతం |
స్థాపితమస్మిన్కథమపి గోపితమంతర్మయా మనోరత్నం || 65 ||
దగ్ధషడధ్వారణ్యం దరదలితకుసుంభసంభృతారుణ్యం |
కలయే నవతారుణ్యం కంపాతటసీంని కిమపి కారుణ్యం || 66 ||
అధికాంచి వర్ధమానామతులాం కరవాణి పారణామక్ష్ణోః |
ఆనందపాకభేదామరుణిమపరిణామగర్వపల్లవితాం || 67 ||
బాణసృణిపాశకార్ముకపాణిమముం కమపి కామపీఠగతం |
ఏణధరకోణచూడం శోణిమపరిపాకభేదమాకలయే || 68 ||
కిం వా ఫలతి మమాన్యైర్బింబాధరచుంబిమందహాసముఖీ |
సంబాధకరీ తమసామంబా జాగర్తి మనసి కామాక్షీ || 69 ||
మంచే సదాశివమయే పరిశివమయలలితపౌష్పపర్యంకే |
అధిచక్రమధ్యమాస్తే కామాక్షీ నామ కిమపి మమ భాగ్యం || 70 ||
రక్ష్యోఽస్మి కామపీఠీలాసికయా ఘనకృపాంబురాశికయా |
శ్రుతియువతికుంతలీమణిమాలికయా తుహినశైలబాలికయా || 71 ||
లీయే పురహరజాయే మాయే తవ తరుణపల్లవచ్ఛాయే |
చరణే చంద్రాభరణే కాంచీశరణే నతార్తిసంహరణే || 72 ||
మూర్తిమతి ముక్తిబీజే మూర్ధ్ని స్తబకితచకోరసాంరాజ్యే |
మోదితకంపాకూలే ముహుర్ముహుర్మనసి ముముదిషాఽస్మాకం || 73 ||
వేదమయీం నాదమయీం బిందుమయీం పరపదోద్యదిందుమయీం |
మంత్రమయీం తంత్రమయీం ప్రకృతిమయీం నౌమి విశ్వవికృతిమయీం || 74 ||
పురమథనపుణ్యకోటీ పుంజితకవిలోకసూక్తిరసధాటీ |
మనసి మమ కామకోటీ విహరతు కరుణావిపాకపరిపాటీ || 75 ||
కుటిలం చటులం పృథులం మృదులం కచనయనజఘనచరణేషు |
అవలోకితమవలంబితమధికంపాతటమమేయమస్మాభిః || 76 ||
ప్రత్యఙ్ముఖ్యా దృష్ట్యా ప్రసాదదీపాంకురేణ కామాక్ష్యాః |
పశ్యామి నిస్తులమహో పచేలిమం కమపి పరశివోల్లాసం || 77 ||
విద్యే విధాతృవిషయే కాత్యాయని కాళి కామకోటికలే |
భారతి భైరవి భద్రే శాకిని శాంభవి శివే స్తువే భవతీం || 78 ||
మాలిని మహేశచాలిని కాంచీఖేలిని విపక్షకాలిని తే |
శూలిని విద్రుమశాలిని సురజనపాలిని కపాలిని నమోఽస్తు || 79 ||
దేశిక ఇతి కిం శంకే తత్తాదృక్తవ ను తరుణిమోన్మేషః |
కామాక్షి శూలపాణేః కామాగమసమయతంత్రదీక్షాయాం || 80 ||
వేతండకుంభడంబరవైతండికకుచభరార్తమధ్యాయ |
కుంకుమరుచే నమస్యాం శంకరనయనామృతాయ రచయామః || 81 ||
అధికాంచితమణికాంచనకాంచీమధికాంచి కాంచిదద్రాక్షం |
అవనతజనానుకంపామనుకంపాకూలమస్మదనుకూలాం || 82 ||
పరిచితకంపాతీరం పర్వతరాజన్యసుకృతసన్నాహం |
పరగురుకృపయా వీక్షే పరమశివోత్సంగమంగళాభరణం || 83 ||
దగ్ధమదనస్య శంభోః ప్రథీయసీం బ్రహ్మచర్యవైదగ్ధీం |
తవ దేవి తరుణిమశ్రీచతురిమపాకో న చక్షమే మాతః || 84 ||
మదజలతమాలపత్రా వసనితపత్రా కరాదృతఖానిత్రా |
విహరతి పుళిందయోషా గుంజాభూషా ఫణీంద్రకృతవేషా || 85 ||
అంకే శుకినీ గీతే కౌతుకినీ పరిసరే చ గాయకినీ |
జయసి సవిధేఽంబ భైరవమండలినీ శ్రవసి శంఖకుండలినీ || 86 ||
ప్రణతజనతాపవర్గా కృతబహుసర్గా ససింహసంసర్గా |
కామాక్షి ముదితభర్గా హతరిపువర్గా త్వమేవ సా దుర్గా || 87 ||
శ్రవణచలద్వేతండా సమరోద్దండా ధుతాసురశిఖండా |
దేవి కలితాంత్రషండా ధృతనరముండా త్వమేవ చాముండా || 88 ||
ఉర్వీధరేంద్రకన్యే దర్వీభరితేన భక్తపూరేణ |
గుర్వీమకించనార్తిం ఖర్వీకురుషే త్వమేవ కామాక్షి || 89 ||
తాడితరిపుపరిపీడనభయహరణ నిపుణహలముసలా |
క్రోడపతిభీషణముఖీ క్రీడసి జగతి త్వమేవ కామాక్షి || 90 ||
స్మరమథనవరణలోలా మన్మథహేలావిలాసమణిశాలా |
కనకరుచిచౌర్యశీలా త్వమంబ బాలా కరాబ్జధృతమాలా || 91 ||
విమలపటీ కమలకుటీ పుస్తకరుద్రాక్షశస్తహస్తపుటీ |
కామాక్షి పక్ష్మలాక్షీ కలితవిపంచీ విభాసి వైరించీ || 92 ||
కుంకుమరుచిపింగమసృక్పంకిలముండాలిమండితం మాతః |
జయతి తవ రూపధేయం జపపటపుస్తకవరాభయకరాబ్జం || 93 ||
కనకమణికలితభూషాం కాలాయసకలహశీలకాంతికలాం |
కామాక్షి శీలయే త్వాం కపాలశూలాభిరామకరకమలాం || 94 ||
లోహితిమపుంజమధ్యే మోహితభువనే ముదా నిరీక్షంతే |
వదనం తవ కుచయుగళం కాంచీసీమాం చ కేఽపి కామాక్షి || 95 ||
జలధిద్విగుణితహుతవహదిశాదినేశ్వరకళాశ్వినేయదళైః |
నళినైర్మహేశి గచ్ఛసి సర్వోత్తరకరకమలదళమమలం || 96 ||
సత్కృతదేశికచరణాః సబీజనిర్బీజయోగనిశ్శ్రేణ్యా |
అపవర్గసౌధవలభీమారోహంత్యంబ కేఽపి తవ కృపయా || 97 ||
అంతరపి బహిరపి త్వం జంతుతతేరంతకాంతకృదహంతే |
చింతితసంతానవతాం సంతతమపి తంతనీషి మహిమానం || 98 ||
కళమంజుళవాగనుమితగలపంజరగతశుకగ్రహౌత్కంఠ్యాత్ |
అంబ రదనాంబరం తే బింబఫలం శంబరారిణా న్యస్తం || 99 ||
జయ జయ జగదంబ శివే జయ జయ కామాక్షి జయ జయాద్రిసుతే |
జయ జయ మహేశదయితే జయ జయ చిద్గగనకౌముదీధారే || 100 ||
ఆర్యాశతకం భక్త్యా పఠతామార్యాకృపాకటాక్షేణ |
నిస్సరతి వదనకమలాద్వాణీ పీయూషధోరణీ దివ్యా || 101 ||
సంపూర్ణ మూకపంచశతి చూడండి. మరిన్ని దేవీ స్తోత్రాలు చూడండి.

మణిద్వీపవర్ణన

మహాశక్తి మణిద్వీప నివాసినీ
ముల్లోకాలకు మూలప్రకాశినీ |
మణిద్వీపములో మంత్రరూపిణీ
మన మనసులలో కొలువైయుంది || 1 ||
సుగంధ పుష్పాలెన్నో వేలు
అనంత సుందర సువర్ణ పూలు |
అచంచలంబగు మనో సుఖాలు
మణిద్వీపానికి మహానిధులు || 2 ||
లక్షల లక్షల లావణ్యాలు
అక్షర లక్షల వాక్సంపదలు |
లక్షల లక్షల లక్ష్మీపతులు
మణిద్వీపానికి మహానిధులు || 3 ||
పారిజాతవన సౌగంధాలు
సూరాధినాధుల సత్సంగాలు |
గంధర్వాదుల గానస్వరాలు
మణిద్వీపానికి మహానిధులు || 4 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||
పద్మరాగములు సువర్ణమణులు
పది ఆమడల పొడవున గలవు |
మధుర మధురమగు చందనసుధలు
మణిద్వీపానికి మహానిధులు || 5 ||
అరువది నాలుగు కళామతల్లులు
వరాలనొసగే పదారు శక్తులు |
పరివారముతో పంచబ్రహ్మలు
మణిద్వీపానికి మహానిధులు || 6 ||
అష్టసిద్ధులు నవనవనిధులు
అష్టదిక్కులు దిక్పాలకులు |
సృష్టికర్తలు సురలోకాలు
మణిద్వీపానికి మహానిధులు || 7 ||
కోటిసూర్యుల ప్రచండ కాంతులు
కోటిచంద్రుల చల్లని వెలుగులు |
కోటితారకల వెలుగు జిలుగులు
మణిద్వీపానికి మహానిధులు || 8 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||
కంచు గోడల ప్రాకారాలు
రాగి గోడల చతురస్రాలు |
ఏడామడల రత్నరాశులు
మణిద్వీపానికి మహానిధులు || 9 ||
పంచామృతమయ సరోవరాలు
పంచలోహమయ ప్రాకారాలు |
ప్రపంచమేలే ప్రజాధిపతులు
మణిద్వీపానికి మహానిధులు || 10 ||
ఇంద్రనీలమణి ఆభరణాలు
వజ్రపుకోటలు వైఢూర్యాలు |
పుష్యరాగమణి ప్రాకారాలు
మణిద్వీపానికి మహానిధులు || 11 ||
సప్తకోటిఘన మంత్రవిద్యలు
సర్వశుభప్రద ఇచ్ఛాశక్తులు |
శ్రీ గాయత్రీ జ్ఞానశక్తులు
మణిద్వీపానికి మహానిధులు || 12 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||
మిలమిలలాడే ముత్యపు రాశులు
తళతళలాడే చంద్రకాంతములు |
విద్యుల్లతలు మరకతమణులు
మణిద్వీపానికి మహానిధులు || 13 ||
కుబేర ఇంద్ర వరుణ దేవులు
శుభాల నొసగే అగ్నివాయువులు |
భూమి గణపతి పరివారములు
మణిద్వీపానికి మహానిధులు || 14 ||
భక్తి జ్ఞాన వైరాగ్య సిద్ధులు
పంచభూతములు పంచశక్తులు |
సప్తఋషులు నవగ్రహాలు
మణిద్వీపానికి మహానిధులు || 15 ||
కస్తూరి మల్లిక కుందవనాలు
సూర్యకాంతి శిల మహాగ్రహాలు |
ఆరు ఋతువులు చతుర్వేదాలు
మణిద్వీపానికి మహానిధులు || 16 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||
మంత్రిణి దండిని శక్తిసేనలు
కాళి కరాళీ సేనాపతులు |
ముప్పదిరెండు మహాశక్తులు
మణిద్వీపానికి మహానిధులు || 17 ||
సువర్ణ రజిత సుందరగిరులు
అనంగదేవి పరిచారికలు |
గోమేధికమణి నిర్మితగుహలు
మణిద్వీపానికి మహానిధులు || 18 ||
సప్తసముద్రములనంత నిధులు
యక్ష కిన్నెర కింపురుషాదులు |
నానాజగములు నదీనదములు
మణిద్వీపానికి మహానిధులు || 19 ||
మానవ మాధవ దేవగణములు
కామధేనువు కల్పతరువులు |
సృష్టి స్థితి లయ కారణమూర్తులు
మణిద్వీపానికి మహానిధులు || 20 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||
కోటి ప్రకృతుల సౌందర్యాలు
సకల వేదములు ఉపనిషత్తులు |
పదారురేకుల పద్మశక్తులు
మణిద్వీపానికి మహానిధులు || 21 ||
దివ్యఫలములు దివ్యాస్త్రములు
దివ్యపురుషులు ధీరమాతలు |
దివ్యజగములు దివ్యశక్తులు
మణిద్వీపానికి మహానిధులు || 22 ||
శ్రీ విఘ్నేశ్వర కుమారస్వాములు
జ్ఞానముక్తి ఏకాంత భవనములు |
మణినిర్మితమగు మండపాలు
మణిద్వీపానికి మహానిధులు || 23 ||
పంచభూతములు యాజమాన్యాలు
ప్రవాళసాలం అనేక శక్తులు |
సంతానవృక్ష సముదాయాలు
మణిద్వీపానికి మహానిధులు || 24 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||
చింతామణులు నవరత్నాలు
నూరామడల వజ్రపురాశులు |
వసంతవనములు గరుడపచ్చలు
మణిద్వీపానికి మహానిధులు || 25 ||
దుఃఖము తెలియని దేవీసేనలు
నటనాట్యాలు సంగీతాలు |
ధనకనకాలు పురుషార్ధాలు
మణిద్వీపానికి మహానిధులు || 26 ||
పదునాలుగు లోకాలన్నిటి పైన
సర్వలోకమను లోకము కలదు |
సర్వలోకమే ఈ మణిద్వీపము
సర్వేశ్వరికది శాశ్వత స్థానం || 27 ||
చింతామణుల మందిరమందు
పంచబ్రహ్మల మంచముపైన |
మహాదేవుడు భువనేశ్వరితో
నివసిస్తాడు మణిద్వీపములో || 28 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||
మణిగణఖచిత ఆభరణాలు
చింతామణి పరమేశ్వరిదాల్చి |
సౌందర్యానికి సౌందర్యముగా
అగుపడుతుంది మణిద్వీపములో || 29 ||
పరదేవతను నిత్యముకొలచి
మనసర్పించి అర్చించినచో |
అపారధనము సంపదలిచ్చి
మణిద్వీపేశ్వరి దీవిస్తుంది || 30 ||
నూతన గృహములు కట్టినవారు
మణిద్వీపవర్ణన తొంమిదిసార్లు |
చదివిన చాలు అంతా శుభమే
అష్టసంపదల తులతూగేరు || 31 ||
శివకవితేశ్వరి శ్రీచక్రేశ్వరి
మణిద్వీప వర్ణన చదివిన చోట |
తిష్టవేసుకుని కూర్చొనునంట
కోటిశుభాలను సమకూర్చుటకై || 32 ||
భువనేశ్వరి సంకల్పమే జనియించే మణిద్వీపము |
దేవదేవుల నివాసము అదియే మనకు కైవల్యము ||

కళ్యాణవృష్టి స్తవః

కల్యాణవృష్టిభిరివామృతపూరితాభి-
-ర్లక్ష్మీస్వయంవరణమంగలదీపికాభిః |
సేవాభిరంబ తవ పాదసరోజమూలే
నాకారి కిం మనసి భాగ్యవతాం జనానాం || 1 ||
ఏతావదేవ జనని స్పృహణీయమాస్తే
త్వద్వందనేషు సలిలస్థగితే చ నేత్రే |
సాంనిధ్యముద్యదరుణాయుతసోదరస్య
త్వద్విగ్రహస్య పరయా సుధయాప్లుతస్య || 2 ||
ఈశత్వనామకలుషాః కతి వా న సంతి
బ్రహ్మాదయః ప్రతిభవం ప్రలయాభిభూతాః |
ఏకః స ఏవ జనని స్థిరసిద్ధిరాస్తే
యః పాదయోస్తవ సకృత్ప్రణతిం కరోతి || 3 ||
లబ్ధ్వా సకృత్త్రిపురసుందరి తావకీనం
కారుణ్యకందలితకాంతిభరం కటాక్షం |
కందర్పకోటిసుభగాస్త్వయి భక్తిభాజః
సంమోహయంతి తరుణీర్భువనత్రయేఽపి || 4 ||
హ్రీం‍కారమేవ తవ నామ గృణంతి వేదా
మాతస్త్రికోణనిలయే త్రిపురే త్రినేత్రే |
త్వత్సంస్మృతౌ యమభటాభిభవం విహాయ
దీవ్యంతి నందనవనే సహ లోకపాలైః || 5 ||
హంతుః పురామధిగలం పరిపీయమానః
క్రూరః కథం న భవితా గరలస్య వేగః |
నాశ్వాసనాయ యది మాతరిదం తవార్థం
దేహస్య శశ్వదమృతాప్లుతశీతలస్య || 6 ||
సర్వజ్ఞతాం సదసి వాక్పటుతాం ప్రసూతే
దేవి త్వదంఘ్రిసరసీరుహయోః ప్రణామః |
కిం చ స్ఫురన్మకుటముజ్జ్వలమాతపత్రం
ద్వే చామరే చ మహతీం వసుధాం దదాతి || 7 ||
కల్పద్రుమైరభిమతప్రతిపాదనేషు
కారుణ్యవారిధిభిరంబ భవాత్కటాక్షైః |
ఆలోకయ త్రిపురసుందరి మామనాథం
త్వయ్యేవ భక్తిభరితం త్వయి బద్ధతృష్ణం || 8 ||
హంతేతరేష్వపి మనాంసి నిధాయ చాన్యే
భక్తిం వహంతి కిల పామరదైవతేషు |
త్వామేవ దేవి మనసా సమనుస్మరామి
త్వామేవ నౌమి శరణం జనని త్వమేవ || 9 ||
లక్ష్యేషు సత్స్వపి కటాక్షనిరీక్షణానా-
-మాలోకయ త్రిపురసుందరి మాం కదాచిత్ |
నూనం మయా తు సదృశః కరుణైకపాత్రం
జాతో జనిష్యతి జనో న చ జాయతే వా || 10 ||
హ్రీం హ్రీమితి ప్రతిదినం జపతాం తవాఖ్యాం
కిం నామ దుర్లభమిహ త్రిపురాధివాసే |
మాలాకిరీటమదవారణమాననీయా
తాన్సేవతే వసుమతీ స్వయమేవ లక్ష్మీః || 11 ||
సంపత్కరాణి సకలేంద్రియనందనాని
సాంరాజ్యదాననిరతాని సరోరుహాక్షి |
త్వద్వందనాని దురితాహరణోద్యతాని
మామేవ మాతరనిశం కలయంతు నాన్యం || 12 ||
కల్పోపసంహృతిషు కల్పితతాండవస్య
దేవస్య ఖండపరశోః పరభైరవస్య |
పాశాంకుశైక్షవశరాసనపుష్పబాణా
సా సాక్షిణీ విజయతే తవ మూర్తిరేకా || 13 ||
లగ్నం సదా భవతు మాతరిదం తవార్ధం
తేజః పరం బహులకుంకుమపంకశోణం |
భాస్వత్కిరీటమమృతాంశుకలావతంసం
మధ్యే త్రికోణనిలయం పరమామృతార్ద్రం || 14 ||
హ్రీం‍కారమేవ తవ నామ తదేవ రూపం
త్వన్నామ దుర్లభమిహ త్రిపురే గృణంతి |
త్వత్తేజసా పరిణతం వియదాదిభూతం
సౌఖ్యం తనోతి సరసీరుహసంభవాదేః || 15 ||
హ్రీం‍కారత్రయసంపుటేన మహతా మంత్రేణ సందీపితం
స్తోత్రం యః ప్రతివాసరం తవ పురో మాతర్జపేన్మంత్రవిత్ |
తస్య క్షోణిభుజో భవంతి వశగా లక్ష్మీశ్చిరస్థాయినీ
వాణీ నిర్మలసూక్తిభారభారితా జాగర్తి దీర్ఘం వయః || 16 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ కల్యాణవృష్టి స్తవః |

ప్రాదుర్బభూవ పరమం తేజః పుంజమనూపమం |
కోటిసూర్యప్రతీకాశం చంద్రకోటిసుశీతలం || 1 ||
తన్మధ్యమే సముదభూచ్చక్రాకారమనుత్తమం |
తన్మధ్యమే మహాదేవిముదయార్కసమప్రభాం || 2 ||
జగదుజ్జీవనాకారాం బ్రహ్మవిష్ణుశివాత్మికాం |
సౌందర్యసారసీమాంతామానందరససాగరాం || 3 ||
జపాకుసుమసంకాశాం దాడిమీకుసుమాంబరాం |
సర్వాభరణసంయుక్తాం శృంగారైకరసాలయాం || 4 ||
కృపాతారంగితాపాంగ నయనాలోక కౌముదీం |
పాశాంకుశేక్షుకోదండ పంచబాణలసత్కరాం || 5 ||
తాం విలోక్య మహాదేవీం దేవాః సర్వే స వాసవాః |
ప్రణేముర్ముదితాత్మానో భూయో భూయోఽఖిలాత్మికాం || 6 ||

శ్రీ లక్ష్మీ నృసింహాష్టోత్తర శతనామ స్తోత్రం

నారసింహో మహాసింహో దివ్యసింహో మహాబలః ।
ఉగ్రసింహో మహాదేవస్స్తంభజశ్చోగ్రలోచనః ॥ 1 ॥

రౌద్రస్సర్వాద్భుతః శ్రీమాన్ యోగానందస్త్రివిక్రమః ।
హరిః కోలాహలశ్చక్రీ విజయో జయవర్ధనః ॥ 2 ॥

పంచాననః పరబ్రహ్మ చాఽఘోరో ఘోరవిక్రమః ।
జ్వలన్ముఖో జ్వాలమాలీ మహాజ్వాలో మహాప్రభుః ॥ 3 ॥

నిటిలాక్షస్సహస్రాక్షో దుర్నిరీక్షః ప్రతాపనః ।
మహాదంష్ట్రాయుధః ప్రాజ్ఞశ్చండకోపీ సదాశివః ॥ 4 ॥

హిరణ్యకశిపుధ్వంసీ దైత్యదానవభంజనః ।
గుణభద్రో మహాభద్రో బలభద్రస్సుభద్రకః ॥ 5 ॥

కరాళో వికరాళశ్చ వికర్తా సర్వకర్తృకః ।
శింశుమారస్త్రిలోకాత్మా ఈశస్సర్వేశ్వరో విభుః ॥ 6 ॥

భైరవాడంబరో దివ్యశ్చాఽచ్యుతః కవి మాధవః ।
అధోక్షజోఽక్షరశ్శర్వో వనమాలీ వరప్రదః ॥ 7 ॥

విశ్వంభరోఽద్భుతో భవ్యః శ్రీవిష్ణుః పురుషోత్తమః ।
అనఘాస్త్రో నఖాస్త్రశ్చ సూర్యజ్యోతిస్సురేశ్వరః ॥ 8 ॥

సహస్రబాహుఃస్సర్వజ్ఞస్సర్వసిద్ధిప్రదాయకః ।
వజ్రదంష్ట్రో వజ్రనఖో మహానందః పరంతపః ॥ 9 ॥

సర్వమంత్రైకరూపశ్చ సర్వయంత్రవిదారణః ।
సర్వతంత్రాత్మకోఽవ్యక్తస్సువ్యక్తో భక్తవత్సలః ॥ 10 ॥

వైశాఖశుక్లభూతోత్థః శరణాగతవత్సలః ।
ఉదారకీర్తిః పుణ్యాత్మా మహాత్మా చండవిక్రమః ॥ 11 ॥

వేదత్రయప్రపూజ్యశ్చ భగవాన్పరమేశ్వరః ।
శ్రీవత్సాంకః శ్రీనివాసో జగద్వ్యాపీ జగన్మయః ॥ 12 ॥

జగత్పాలో జగన్నాథో మహాకాయో ద్విరూపభృత్ ।
పరమాత్మా పరంజ్యోతిర్నిర్గుణశ్చ నృకేసరీ ॥ 13 ॥

పరతత్త్వః పరంధామ సచ్చిదానందవిగ్రహః ।
లక్ష్మీనృసింహస్సర్వాత్మా ధీరః ప్రహ్లాదపాలకః ॥ 14 ॥

ఇదం శ్రీమన్నృసింహస్య నామ్నామష్టోత్తరం శతమ్ ।
త్రిసంధ్యం యః పఠేద్భక్త్యా సర్వాభీష్టమవాప్నుయాత్ ॥ 15 ॥

ఇతి శ్రీనృసింహపూజాకల్పే శ్రీ లక్ష్మీనృసింహాష్టోత్తరశతనామ స్తోత్రమ్ ।

శ్రీకృష్ణాష్టోత్తరశత నామస్తోత్రం

శ్రీగోపాలకృష్ణాయ నమః ॥

శ్రీశేష ఉవాచ ॥

ఓం అస్య శ్రీకృష్ణాష్టోత్తరశతనామస్తోత్రస్య।
శ్రీశేష ఋషిః ॥ అనుష్టుప్ ఛందః ॥ శ్రీకృష్ణోదేవతా ॥
శ్రీకృష్ణాష్టోత్తరశతనామజపే వినియోగః ॥

ఓం శ్రీకృష్ణః కమలానాథో వాసుదేవః సనాతనః ।
వసుదేవాత్మజః పుణ్యో లీలామానుషవిగ్రహః ॥ 1 ॥

శ్రీవత్సకౌస్తుభధరో యశోదావత్సలో హరిః ।
చతుర్భుజాత్తచక్రాసిగదా శంఖాద్యుదాయుధః ॥ 2 ॥

దేవకీనందనః శ్రీశో నందగోపప్రియాత్మజః ।
యమునావేగసంహారీ బలభద్రప్రియానుజః ॥ 3 ॥

పూతనాజీవితహరః శకటాసురభంజనః ।
నందవ్రజజనానందీ సచ్చిదానందవిగ్రహః ॥ 4 ॥

నవనీతవిలిప్తాంగో నవనీతనటోఽనఘః ।
నవనీతనవాహారో ముచుకుందప్రసాదకః ॥ 5 ॥

షోడశస్త్రీ సహస్రేశ స్రిభంగి మధురాకృతిః ।
శుకవాగమృతాబ్ధీందుర్గోవిందో గోవిదాంపతిః ॥ 6 ॥

వత్సవాటచరోఽనంతో ధేనుకాసురభంజనః ।
తృణీకృతతృణావర్తో యమళార్జునభంజనః ॥ 7 ॥

ఉత్తానతాలభేత్తా చ తమాలశ్యామలాకృతిః ।
గోపగోపీశ్వరో యోగీ సూర్యకోటిసమప్రభః ॥ 8 ॥

ఇలాపతిః పరంజ్యోతిర్యాదవేంద్రో యదూద్వహః ।
వనమాలీ పీతవాసాః పారిజాతాపహారకః ॥ 9 ॥

గోవర్ధనాచలోద్ధర్తా గోపాలః సర్వపాలకః ।
అజో నిరంజనః కామజనకః కంజలోచనః ॥ 10 ॥

మధుహా మథురానాథో ద్వారకానాయకో బలీ ।
వృందావనాంతసంచారీ తులసీదామభూషణః ॥ 11 ॥

శ్యమంతకమణేర్హర్తా నరనారాయణాత్మకః ।
కుబ్జాకృష్ణాంబరధరో మాయీ పరమపూరుషః ॥ 12 ॥

ముష్టికాసురచాణూరమహాయుద్ధవిశారదః ।
సంసారవైరీ కంసారిర్మురారిర్నరకాంతకః ॥ 13 ॥

అనాదిబ్రహ్మచారీ చ కృష్ణావ్యసనకర్షకః ।
శిశుపాలశిరశ్ఛేత్తా దుర్యోధనకులాంతకః ॥ 14 ॥

విదురాక్రూరవరదో విశ్వరూపప్రదర్శకః ।
సత్యవాక్ సత్యసంకల్పః సత్యభామారతో జయీ ॥ 15 ॥

సుభద్రాపూర్వజో విష్ణుర్భీష్మముక్తిప్రదాయకః ।
జగద్గురుర్జగన్నాథో వేణునాదవిశారదః ॥ 16 ॥

వృషభాసురవిధ్వంసీ బాణాసురబలాంతకః ।
యుధిష్ఠిరప్రతిష్ఠాతా బర్హిబర్హావతంసకః ॥ 17 ॥

పార్థసారథిరవ్యక్తో గీతామృతమహోదధిః ।
కాలీయఫణిమాణిక్యరంజితశ్రీపదాంబుజః ॥ 18 ॥

దామోదరో యజ్ఞభోక్తా దానవేంద్రవినాశకః ।
నారాయణః పరంబ్రహ్మ పన్నగాశనవాహనః ॥ 19 ॥

జలక్రీడాసమాసక్త గోపీవస్త్రాపహారకః ।
పుణ్యశ్లోకస్తీర్థపాదో వేదవేద్యో దయానిధిః ॥ 20 ॥

సర్వతీర్థాత్మకః సర్వగ్రహరుపీ పరాత్పరః ।
ఏవం శ్రీకృష్ణదేవస్య నామ్నామష్టోత్తరం శతమ్ ॥ 21 ॥

కృష్ణనామామృతం నామ పరమానందకారకమ్ ।
అత్యుపద్రవదోషఘ్నం పరమాయుష్యవర్ధనమ్ ॥ 22 ॥

॥ ఇతి శ్రీనారదపంచరాత్రే జ్ఞానామృతసారే చతుర్థరాత్రే ఉమామహేశ్వరసంవాదే
ధరణీశేషసంవాదే శ్రీకృష్ణాష్టోత్తరశతనామస్తోత్రం సంపూర్ణమ్ ॥

శ్రీ వేంకటేశ్వర అష్టోత్తరశత నామస్తోత్రం

ఓం శ్రీవేంకటేశః శ్రీనివాసో లక్ష్మీ పతిరనామయః ।
అమృతాంశో జగద్వంద్యో గోవింద శ్శాశ్వతః ప్రభుః ॥ 1 ॥

శేషాద్రినిలయో దేవః కేశవో మధుసూదనః
అమృతో మాధవః కృష్ణః శ్రీహరిర్ జ్ఞానపంజరః ॥ 2 ॥

శ్రీవత్సవక్షాః సర్వేశో గోపాలః పురుషోత్తమః ।
గోపీశ్వరః పరంజ్యోతి-ర్వైకుంఠపతి-రవ్యయః ॥ 3 ॥

సుధాతను-ర్యాదవేంద్రో నిత్యయౌవనరూపవాన్‌ ।
చతుర్వేదాత్మకో విష్ణు-రచ్యుతః పద్మినీప్రియః ॥ 4 ॥

ధరాపతి-స్సురపతి-ర్నిర్మలో దేవ పూజితః ।
చతుర్భుజ-శ్చక్రధర-స్త్రిధామా త్రిగుణాశ్రయః ॥ 5 ॥

నిర్వికల్పో నిష్కళంకో నిరాంతకో నిరంజనః ।
నిరాభాసో నిత్యతృప్తో నిర్గుణో నిరుపద్రవః ॥ 6 ॥

గదాధర-శ్శార్ఙ్గపాణి-ర్నందకీ శంఖధారకః ।
అనేకమూర్తి-రవ్యక్తః కటిహస్తో వరప్రదః ॥ 7 ॥

అనేకాత్మా దీనబంధు-రార్తలోకాభయప్రదః ।
ఆకాశరాజవరదో యోగిహృత్పద్మమందిరః ॥ 8 ॥

దామోదరో జగత్పాలః పాపఘ్నో భక్తవత్సలః ।
త్రివిక్రమ-శ్శింశుమారో జటామకుటశోభితః ॥ 9 ॥

శంఖమధ్యోల్లసన్మంజు కింకిణాఢ్యకరంఢకః ।
నీలమేఘశ్యామతను-ర్బిల్వపత్రార్చనప్రియః ॥ 10 ॥

జగద్వ్యాపీ జగత్కర్తా జగత్సాక్షీ జగత్పతిః ।
చింతితార్థప్రదో జిష్ణు-ర్దాశార్హో దశరూపవాన్‌ ॥ 11 ॥

దేవకీనందన-శ్శౌరి-ర్హయగ్రీవో జనార్దనః ।
కన్యాశ్రవణతారేజ్యః పీతాంబరధరోఽనఘః ॥ 12 ॥

వనమాలీ పద్మనాభో మృగయాసక్త మానసః ।
అశ్వారూఢః ఖడ్గధారీ ధనార్జన సముత్సుకః ॥ 13 ॥

ఘనసారలసన్మధ్య కస్తూరీ తిలకోజ్జ్వలః ।
సచ్చిదానందరూపశ్చ జగన్మంగళదాయకః ॥ 14 ॥

యజ్ఞరూపో యజ్ఞభోక్తా చిన్మయః పరమేశ్వరః ।
పరమార్థప్రదః శాంతః శ్రీమాన్‌ దోర్దండవిక్రమః ॥ 15 ॥

పరాత్పరః పరంబ్రహ్మ శ్రీవిభు-ర్జగదీశ్వరః ।
ఏవం శ్రీవేంకటేశస్య నామ్నా-మష్టోత్తరం శతమ్ ॥

పఠతాం శృణ్వతాం భక్త్యా సర్వాభీష్టప్రదం శుభమ్ ।
త్రిసంధ్యం యః పఘేన్నిష్యం సర్వాన్‌ కామివాప్ను యాత్‌ ॥

॥ శ్రీ వేంకటేశ్వరార్పణమస్తు ॥

సుబ్రహ్మణ్యష్టోత్తరశత నామస్తోత్రం

శక్తిహస్తం విరూపాక్షం శిఖివాహం షడాననమ్ ।
దారుణం రిపురోగఘ్నం భావయే కుక్కుటధ్వజమ్ ॥

ఇతి ధ్యానం

స్కందో గుహః షణ్ముఖశ్చ ఫాలనేత్రసుతః ప్రభుః ।
పింగళః కృత్తికాసూనుః శిఖివాహో ద్విషడ్భుజః ॥ 1 ॥

ద్విషణ్ణేత్ర-శ్శక్తిధరః పిశితాశ ప్రభంజనః ।
తారకాసురసంహారీ రక్షోబలవిమర్దనః ॥ 2 ॥

మత్తః ప్రమత్త ఉన్మత్తః సురసైన్యసురక్షకః ।
దేవసేనాపతిః ప్రాజ్ఞః కృపాళు ర్భక్తవత్సలః ॥ 3 ॥

ఉమాసుత-శ్శక్తిధరః కుమారః క్రౌంచధారణః ।
సేనానీ-రగ్నిజన్మా చ విశాఖః శంకరాత్మజః ॥ 4 ॥

శివస్వామీ గణస్వామీ సర్వస్వామీ సనాతనః ।
అనంతమూర్తి రక్షోభ్యః పార్వతీప్రియనందనః ॥ 5 ॥

గంగాసుత-శ్శరోద్భూత ఆహూతః పావకాత్మజః ।
జృంభః ప్రజృంభ ఉజ్జృంభః కమలాసనసంస్తుతః ॥ 6 ॥

ఏకవర్ణో ద్వివర్ణశ్చ త్రివర్ణః సుమనోహరః ।
చతుర్వర్ణః పంచవర్ణః ప్రజాపతి-రహస్పతిః ॥ 7 ॥

అగ్నిగర్భ-శ్శమీగర్భో విశ్వరేతా-స్సురారిహా ।
హరిద్వర్ణ-శ్శుభకరో పటుశ్చ వటువేషభృత్ ॥ 8 ॥

పూషా గభస్తి-ర్గహన శ్చంద్రవర్ణః కళాధరః ।
మాయాధరో మహామాయీ కైవల్య-శ్శంకరాత్మజః ॥ 9 ॥

విశ్వయోని-రమేయాత్మా తేజోనిధి-రనామయః ।
పరమేష్ఠీ పరంబ్రహ్మ వేదగర్భో విరాట్సుతః ॥ 10 ॥

పుళిందకన్యాభర్తా చ మహాసారస్వతావృతః ।
అశ్రితోఖిలదాతా చ చోరఘ్నో రోగనాశనః ॥ 11 ॥

అనంతమూర్తి-రానంద-శ్శిఖండీకృతకేతనః ।
డంభః పరమడంభశ్చ మహాడంభో వృషాకపిః ॥ 12 ॥

కారణోపాత్తదేహశ్చ కారణాతీతవిగ్రహః ।
అనీశ్వరోఽమృతః ప్రాణః ప్రాణాయామపరాయణః ॥ 13 ॥

విరుద్ధహంతా వీరఘ్నో రక్తశ్యామగళోఽపి చ ।
సుబ్రహ్మణ్యో గుహః ప్రీతో బ్రహ్మణ్యో బ్రాహ్మణప్రియః ॥ 14 ॥

వంశవృద్ధికరో వేదో వేద్యోఽక్షయఫలప్రదః ॥ 15 ॥

ఇతి శ్రీ సుబ్రహ్మణ్యాష్టోత్తర శతనామస్తోత్రం సంపూర్ణమ్ ।

గాయత్ర్యష్టోత్తరశత నామస్తోత్రం

తరుణాదిత్యసంకాశా సహస్రనయనోజ్జ్వలా ।
విచిత్రమాల్యాభరణా తుహినాచలవాసినీ ॥ 1 ॥

వరదాభయహస్తాబ్జా రేవాతీరనివాసినీ ।
ప్రణిత్యయవిశేషజ్ఞా యంత్రాకృతవిరాజిత ॥ 2 ॥

భద్రపాదప్రియా చైవ గోవిందపథగామినీ ।
దేవర్షిగణసంస్తుత్యా వనమాలావిభూషితా ॥ 3 ॥

స్యందనోత్తమసంస్థా చ ధీరజీమూతనిస్వనా ।
మత్తమాతంగగమనా హిరణ్యకమలాసనా ॥ 4 ॥

దీనజనోద్ధారనిరతా యోగినీ యోగధారిణీ ।
నటనాట్యైకనిరతా ప్రణవాద్యక్షరాత్మికా ॥ 5 ॥

చోరచారక్రియాసక్తా దారిద్ర్యచ్ఛేదకారిణీ ।
యాదవేంద్రకులోద్భూతా తురీయపథగామినీ ॥ 6 ॥

గాయత్రీ గోమతీ గంగా గౌతమీ గరుడాసనా ।
గేయగానప్రియా గౌరీ గోవిందపదపూజితా ॥ 7 ॥

గంధర్వనగరాగారా గౌరవర్ణా గణేశ్వరీ ।
గదాశ్రయా గుణవతీ గహ్వరీ గణపూజితా ॥ 8 ॥

గుణత్రయసమాయుక్తా గుణత్రయవివర్జితా ।
గుహావాసా గుణాధారా గుహ్యా గంధర్వరూపిణీ ॥ 9 ॥

గార్గ్యప్రియా గురుపదా గుహలింగాంగధారిణీ ।
సావిత్రీ సూర్యతనయా సుషుమ్నానాడిభేదినీ ॥ 10 ॥

సుప్రకాశా సుఖాసీనా సుమతి-స్సురపూజితా ।
సుషుప్త్యవస్థా సుదతీ సుందరీ సాగరాంబరా ॥ 11 ॥

సుధాంశుబింబవదనా సుస్తనీ సువిలోచనా ।
సీతా సత్త్వాశ్రయా సంధ్యా సుఫలా సువిధాయినీ ॥ 12 ॥

సుభ్రూ-స్సువాసా సుశ్రోణీ సంసారార్ణవతారిణీ ।
సామగానప్రియా సాధ్వీ సర్వాభరణభూషితా ॥ 13 ॥

వైష్ణవీ విమలాకారా మహేంద్రీ మంత్రరూపిణీ ।
మహలక్ష్మీ-ర్మహాసిద్ధి-ర్మహామాయా మహేశ్వరీ ॥ 14 ॥

మోహినీ మదనాకారా మధుసూదనచోదితా ।
మీనాక్షీ మధురావాసా నగేంద్రతనయా ఉమా ॥ 15 ॥

త్రివిక్రమపదాక్రాంతా త్రిస్వరా త్రివిలోచనా ।
సూర్యమండలమధ్యస్థా చంద్రమండలసంస్థితా ॥ 16 ॥

వహ్నిమండలమధ్యస్థా వాయుమండలసంస్థితా ।
వ్యోమమండలమధ్యస్థా చక్రిణీ చక్రరూపిణీ ॥ 17 ॥

కాలచక్రవితానస్థా చంద్రమండలదర్పణా ।
జ్యోత్స్నాతపాసులిప్తాంగీ మహామారుతవీజితా ॥ 18 ॥

సర్వమంత్రాశ్రయా ధేనుః పాపఘ్నీ పరమేశ్వరీ ।
నమస్తేఽస్తు మహాలక్ష్మీ-ర్మహాసంపత్తిదాయిని ॥ 19 ॥

నమస్తే కరుణామూర్తే నమస్తే భక్తవత్సలే ।
గాయత్ర్యాః ప్రజపేద్యస్తు నామ్నామష్టోత్తరం శతమ్ ॥ 20 ॥

తస్య పుణ్యఫలం వక్తుం బ్రహ్మణాపి న శక్యతే ।

ఇతి శ్రీగాయత్ర్యష్టోత్తరశతనామస్తోత్రం సంపూర్ణమ్ ।

సరస్వత్యష్టోత్తరశత నామస్తోత్రం

సరస్వతీ మహాభద్రా మహామాయా వరప్రదా ।
శ్రీప్రదా పద్మనిలయా పద్మాక్షీ పద్మవక్త్రిగా ॥ 1 ॥

శివానుజా పుస్తకహస్తా జ్ఞానముద్రా రమా చ వై ।
కామరూపా మహావిద్యా మహాపాతకనాశినీ ॥ 2 ॥

మహాశ్రయా మాలినీ చ మహాభోగా మహాభుజా ।
మహాభాగా మహోత్సాహా దివ్యాంగా సురవందితా ॥ 3 ॥

మహాకాళీ మహాపాశా మహాకారా మహాంకుశా ।
సీతా చ విమలా విశ్వా విద్యున్మాలా చ వైష్ణవీ ॥ 4 ॥

చంద్రికా చంద్రలేఖావిభూషితా చ మహాఫలా ।
సావిత్రీ సురసాదేవీ దివ్యాలంకారభూషితా ॥ 5 ॥

వాగ్దేవీ వసుధా తీవ్రా మహాభద్రా చ భోగదా ।
గోవిందా భారతీ భామా గోమతీ జటిలా తథా ॥ 6 ॥

వింధ్యవాసా చండికా చ సుభద్రా సురపూజితా ।
వినిద్రా వైష్ణవీ బ్రాహ్మీ బ్రహ్మజ్ఞానైకసాధనా ॥ 7 ॥

సౌదామినీ సుధామూర్తి స్సువీణా చ సువాసినీ ।
విద్యారూపా బ్రహ్మజాయా విశాలా పద్మలోచనా ॥ 8 ॥

శుంభాసురప్రమథినీ ధూమ్రలోచనమర్దనా ।
సర్వాత్మికా త్రయీమూర్తి శ్శుభదా శాస్త్రరూపిణీ ॥ 9 ॥

సర్వదేవస్తుతా సౌయా సురాసురనమస్కృతా ।
రక్తబీజనిహంత్రీ చ చాముండా ముండకాంబికా ॥ 10 ॥

కాళరాత్రిః ప్రహరణా కళాధారా నిరంజనా ।
వరారోహా చ వాగ్దేవీ వారాహీ వారిజాసనా ॥ 11 ॥

చిత్రాంబరా చిత్రగంధా చిత్రమాల్యవిభూషితా ।
కాంతా కామప్రదా వంద్యా రూపసౌభాగ్యదాయినీ ॥ 12 ॥

శ్వేతాసనా రక్తమధ్యా ద్విభుజా సురపూజితా ।
నిరంజనా నీలజంఘా చతుర్వర్గఫలప్రదా ॥ 13 ॥

చతురాననసామ్రాజ్ఞీ బ్రహ్మవిష్ణుశివాత్మికా ।
హంసాననా మహావిద్యా మంత్రవిద్యా సరస్వతీ ॥ 14 ॥

మహాసరస్వతీ తంత్రవిద్యా జ్ఞానైకతత్పరా ।

ఇతి శ్రీసరస్వత్యష్టోత్తరశతనామస్తోత్రం సంపూర్ణమ్ ।

శ్రీ అన్నపూర్ణా అష్టోత్తరశత నామ్స్తోత్రం

అస్య శ్రీ అన్నపూర్ణాష్టోత్తర శతనామస్తోత్ర మహామంత్రస్య బ్రహ్మా ఋషిః అనుష్టుప్ఛందః శ్రీ అన్నపూర్ణేశ్వరీ దేవతా స్వధా బీజం స్వాహా శక్తిః ఓం కీలకం మమ సర్వాభీష్టప్రసాదసిద్ధ్యర్థే జపే వినియోగః ।

ఓం అన్నపూర్ణా శివా దేవీ భీమా పుష్టిస్సరస్వతీ ।
సర్వజ్ఞా పార్వతీ దుర్గా శర్వాణీ శివవల్లభా ॥ 1 ॥

వేదవేద్యా మహావిద్యా విద్యాదాత్రీ విశారదా ।
కుమారీ త్రిపురా బాలా లక్ష్మీశ్శ్రీర్భయహారిణీ ॥ 2 ॥

భవానీ విష్ణుజననీ బ్రహ్మాదిజననీ తథా ।
గణేశజననీ శక్తిః కుమారజననీ శుభా ॥ 3 ॥

భోగప్రదా భగవతీ భక్తాభీష్టప్రదాయినీ ।
భవరోగహరా భవ్యా శుభ్రా పరమమంగలా ॥ 4 ॥

భవానీ చంచలా గౌరీ చారుచంద్రకలాధరా ।
విశాలాక్షీ విశ్వమాతా విశ్వవంద్యా విలాసినీ ॥ 5 ॥

ఆర్యా కల్యాణనిలయా రుద్రాణీ కమలాసనా ।
శుభప్రదా శుభాఽనంతా వృత్తపీనపయోధరా ॥ 6 ॥

అంబా సంహారమథనీ మృడానీ సర్వమంగలా ।
విష్ణుసంసేవితా సిద్ధా బ్రహ్మాణీ సురసేవితా ॥ 7 ॥

పరమానందదా శాంతిః పరమానందరూపిణీ ।
పరమానందజననీ పరానందప్రదాయినీ ॥ 8 ॥

పరోపకారనిరతా పరమా భక్తవత్సలా ।
పూర్ణచంద్రాభవదనా పూర్ణచంద్రనిభాంశుకా ॥ 9 ॥

శుభలక్షణసంపన్నా శుభానందగుణార్ణవా ।
శుభసౌభాగ్యనిలయా శుభదా చ రతిప్రియా ॥ 10 ॥

చండికా చండమథనీ చండదర్పనివారిణీ ।
మార్తాండనయనా సాధ్వీ చంద్రాగ్నినయనా సతీ ॥ 11 ॥

పుండరీకహరా పూర్ణా పుణ్యదా పుణ్యరూపిణీ ।
మాయాతీతా శ్రేష్ఠమాయా శ్రేష్ఠధర్మాత్మవందితా ॥ 12 ॥

అసృష్టిస్సంగరహితా సృష్టిహేతు కపర్దినీ ।
వృషారూఢా శూలహస్తా స్థితిసంహారకారిణీ ॥ 13 ॥

మందస్మితా స్కందమాతా శుద్ధచిత్తా మునిస్తుతా ।
మహాభగవతీ దక్షా దక్షాధ్వరవినాశినీ ॥ 14 ॥

సర్వార్థదాత్రీ సావిత్రీ సదాశివకుటుంబినీ ।
నిత్యసుందరసర్వాంగీ సచ్చిదానందలక్షణా ॥ 15 ॥

నామ్నామష్టోత్తరశతమంబాయాః పుణ్యకారణమ్ ।
సర్వసౌభాగ్యసిద్ధ్యర్థం జపనీయం ప్రయత్నతః ॥ 16 ॥

ఇదం జపాధికారస్తు ప్రాణమేవ తతస్స్తుతః ।
ఆవహంతీతి మంత్రేణ ప్రత్యేకం చ యథాక్రమమ్ ॥ 17 ॥

కర్తవ్యం తర్పణం నిత్యం పీఠమంత్రేతి మూలవత్ ।
తత్తన్మంత్రేతిహోమేతి కర్తవ్యశ్చేతి మాలవత్ ॥ 18 ॥

ఏతాని దివ్యనామాని శ్రుత్వా ధ్యాత్వా నిరంతరమ్ ।
స్తుత్వా దేవీం చ సతతం సర్వాన్కామానవాప్నుయాత్ ॥ 19 ॥

ఇతి శ్రీ బ్రహ్మోత్తరఖండే ఆగమప్రఖ్యాతిశివరహస్యే అన్నపూర్ణాష్టోత్తర శతనామస్తోత్రమ్ ॥