Sacred Stotras & Deities

శని అష్టోత్తర శత నామ స్తోత్రం

శనైశ్చరాయ శాంతాయ సర్వాభీష్టప్రదాయినే ।
శరణ్యాయ వరేణ్యాయ సర్వేశాయ నమో నమః ॥ 1 ॥

సౌమ్యాయ సురవంద్యాయ సురలోకవిహారిణే ।
సుఖాసనోపవిష్టాయ సుందరాయ నమో నమః ॥ 2 ॥

ఘనాయ ఘనరూపాయ ఘనాభరణధారిణే ।
ఘనసారవిలేపాయ ఖద్యోతాయ నమో నమః ॥ 3 ॥

మందాయ మందచేష్టాయ మహనీయగుణాత్మనే ।
మర్త్యపావనపాదాయ మహేశాయ నమో నమః ॥ 4 ॥

ఛాయాపుత్రాయ శర్వాయ శరతూణీరధారిణే ।
చరస్థిరస్వభావాయ చంచలాయ నమో నమః ॥ 5 ॥

నీలవర్ణాయ నిత్యాయ నీలాంజననిభాయ చ ।
నీలాంబరవిభూషాయ నిశ్చలాయ నమో నమః ॥ 6 ॥

వేద్యాయ విధిరూపాయ విరోధాధారభూమయే ।
భేదాస్పదస్వభావాయ వజ్రదేహాయ తే నమః ॥ 7 ॥

వైరాగ్యదాయ వీరాయ వీతరోగభయాయ చ ।
విపత్పరంపరేశాయ విశ్వవంద్యాయ తే నమః ॥ 8 ॥

గృధ్నవాహాయ గూఢాయ కూర్మాంగాయ కురూపిణే ।
కుత్సితాయ గుణాఢ్యాయ గోచరాయ నమో నమః ॥ 9 ॥

అవిద్యామూలనాశాయ విద్యాఽవిద్యాస్వరూపిణే ।
ఆయుష్యకారణాయాఽఽపదుద్ధర్త్రే చ నమో నమః ॥ 10 ॥

విష్ణుభక్తాయ వశినే వివిధాగమవేదినే ।
విధిస్తుత్యాయ వంద్యాయ విరూపాక్షాయ తే నమః ॥ 11 ॥

వరిష్ఠాయ గరిష్ఠాయ వజ్రాంకుశధరాయ చ ।
వరదాఽభయహస్తాయ వామనాయ నమో నమః ॥ 12 ॥

జ్యేష్ఠాపత్నీసమేతాయ శ్రేష్ఠాయ మితభాషిణే ।
కష్టౌఘనాశకర్యాయ పుష్టిదాయ నమో నమః ॥ 13 ॥

స్తుత్యాయ స్తోత్రగమ్యాయ భక్తివశ్యాయ భానవే ।
భానుపుత్రాయ భవ్యాయ పావనాయ నమో నమః ॥ 14 ॥

ధనుర్మండలసంస్థాయ ధనదాయ ధనుష్మతే ।
తనుప్రకాశదేహాయ తామసాయ నమో నమః ॥ 15 ॥

అశేషజనవంద్యాయ విశేషఫలదాయినే ।
వశీకృతజనేశాయ పశూనాం పతయే నమః ॥ 16 ॥

ఖేచరాయ ఖగేశాయ ఘననీలాంబరాయ చ ।
కాఠిన్యమానసాయాఽఽర్యగణస్తుత్యాయ తే నమః ॥ 17 ॥

నీలచ్ఛత్రాయ నిత్యాయ నిర్గుణాయ గుణాత్మనే ।
నిరామయాయ నింద్యాయ వందనీయాయ తే నమః ॥ 18 ॥

ధీరాయ దివ్యదేహాయ దీనార్తిహరణాయ చ ।
దైన్యనాశకరాయాఽఽర్యజనగణ్యాయ తే నమః ॥ 19 ॥

క్రూరాయ క్రూరచేష్టాయ కామక్రోధకరాయ చ ।
కళత్రపుత్రశత్రుత్వకారణాయ నమో నమః ॥ 20 ॥

పరిపోషితభక్తాయ పరభీతిహరాయ చ ।
భక్తసంఘమనోఽభీష్టఫలదాయ నమో నమః ॥ 21 ॥

ఇత్థం శనైశ్చరాయేదం నామ్నామష్టోత్తరం శతమ్ ।
ప్రత్యహం ప్రజపన్మర్త్యో దీర్ఘమాయురవాప్నుయాత్ ॥ 22 ॥

ఇతి శ్రీ శని అష్టోత్తరశతనామ స్తోత్రమ్ ।

రాహు అష్టోత్తర శత నామ స్తోత్రం

శృణు నామాని రాహోశ్చ సైంహికేయో విధుంతుదః ।
సురశత్రుస్తమశ్చైవ ఫణీ గార్గ్యాయణస్తథా ॥ 1 ॥

సురాగుర్నీలజీమూతసంకాశశ్చ చతుర్భుజః ।
ఖడ్గఖేటకధారీ చ వరదాయకహస్తకః ॥ 2 ॥

శూలాయుధో మేఘవర్ణః కృష్ణధ్వజపతాకవాన్ ।
దక్షిణాశాముఖరతః తీక్ష్ణదంష్ట్రధరాయ చ ॥ 3 ॥

శూర్పాకారాసనస్థశ్చ గోమేదాభరణప్రియః ।
మాషప్రియః కశ్యపర్షినందనో భుజగేశ్వరః ॥ 4 ॥

ఉల్కాపాతజనిః శూలీ నిధిపః కృష్ణసర్పరాట్ ।
విషజ్వలావృతాస్యోఽర్ధశరీరో జాద్యసంప్రదః ॥ 5 ॥

రవీందుభీకరశ్ఛాయాస్వరూపీ కఠినాంగకః ।
ద్విషచ్చక్రచ్ఛేదకోఽథ కరాళాస్యో భయంకరః ॥ 6 ॥

క్రూరకర్మా తమోరూపః శ్యామాత్మా నీలలోహితః ।
కిరీటీ నీలవసనః శనిసామంతవర్త్మగః ॥ 7 ॥

చాండాలవర్ణోఽథాశ్వ్యర్క్షభవో మేషభవస్తథా ।
శనివత్ఫలదః శూరోఽపసవ్యగతిరేవ చ ॥ 8 ॥

ఉపరాగకరః సూర్యహిమాంశుచ్ఛవిహారకః ।
నీలపుష్పవిహారశ్చ గ్రహశ్రేష్ఠోఽష్టమగ్రహః ॥ 9 ॥

కబంధమాత్రదేహశ్చ యాతుధానకులోద్భవః ।
గోవిందవరపాత్రం చ దేవజాతిప్రవిష్టకః ॥ 10 ॥

క్రూరో ఘోరః శనేర్మిత్రం శుక్రమిత్రమగోచరః ।
మానేగంగాస్నానదాతా స్వగృహేప్రబలాఢ్యకః ॥ 11 ॥

సద్గృహేఽన్యబలధృచ్చతుర్థే మాతృనాశకః ।
చంద్రయుక్తే తు చండాలజన్మసూచక ఏవ తు ॥ 12 ॥

జన్మసింహే రాజ్యదాతా మహాకాయస్తథైవ చ ।
జన్మకర్తా విధురిపు మత్తకో జ్ఞానదశ్చ సః ॥ 13 ॥

జన్మకన్యారాజ్యదాతా జన్మహానిద ఏవ చ ।
నవమే పితృహంతా చ పంచమే శోకదాయకః ॥ 14 ॥

ద్యూనే కళత్రహంతా చ సప్తమే కలహప్రదః ।
షష్ఠే తు విత్తదాతా చ చతుర్థే వైరదాయకః ॥ 15 ॥

నవమే పాపదాతా చ దశమే శోకదాయకః ।
ఆదౌ యశః ప్రదాతా చ అంతే వైరప్రదాయకః ॥ 16 ॥

కాలాత్మా గోచరాచారో ధనే చాస్య కకుత్ప్రదః ।
పంచమే ధిషణాశృంగదః స్వర్భానుర్బలీ తథా ॥ 17 ॥

మహాసౌఖ్యప్రదాయీ చ చంద్రవైరీ చ శాశ్వతః ।
సురశత్రుః పాపగ్రహః శాంభవః పూజ్యకస్తథా ॥ 18 ॥

పాటీరపూరణశ్చాథ పైఠీనసకులోద్భవః ।
దీర్ఘకృష్ణోఽతనుర్విష్ణునేత్రారిర్దేవదానవౌ ॥ 19 ॥

భక్తరక్షో రాహుమూర్తిః సర్వాభీష్టఫలప్రదః ।
ఏతద్రాహుగ్రహస్యోక్తం నామ్నామష్టోత్తరం శతమ్ ॥ 20 ॥

శ్రద్ధయా యో జపేన్నిత్యం ముచ్యతే సర్వసంకటాత్ ।
సర్వసంపత్కరస్తస్య రాహురిష్టప్రదాయకః ॥ 21 ॥

ఇతి శ్రీ రాహు అష్టోత్తరశతనామ స్తోత్రమ్ ।

కేతు అష్టోత్తర శత నామ స్తోత్రం

శృణు నామాని జప్యాని కేతో రథ మహామతే ।
కేతుః స్థూలశిరాశ్చైవ శిరోమాత్రో ధ్వజాకృతిః ॥ 1 ॥

నవగ్రహయుతః సింహికాసురీగర్భసంభవః ।
మహాభీతికరశ్చిత్రవర్ణో వై పింగళాక్షకః ॥ 2 ॥

స ఫలోధూమ్రసంకాశః తీక్ష్ణదంష్ట్రో మహోరగః ।
రక్తనేత్రశ్చిత్రకారీ తీవ్రకోపో మహాసురః ॥ 3 ॥

క్రూరకంఠః క్రోధనిధిశ్ఛాయాగ్రహవిశేషకః ।
అంత్యగ్రహో మహాశీర్షో సూర్యారిః పుష్పవద్గ్రహీ ॥ 4 ॥

వరహస్తో గదాపాణిశ్చిత్రవస్త్రధరస్తథా ।
చిత్రధ్వజపతాకశ్చ ఘోరశ్చిత్రరథః శిఖీ ॥ 5 ॥

కుళుత్థభక్షకశ్చైవ వైడూర్యాభరణస్తథా ।
ఉత్పాతజనకః శుక్రమిత్రం మందసఖస్తథా ॥ 6 ॥

గదాధరః నాకపతిః అంతర్వేదీశ్వరస్తథా ।
జైమినీగోత్రజశ్చిత్రగుప్తాత్మా దక్షిణాముఖః ॥ 7 ॥

ముకుందవరపాత్రం చ మహాసురకులోద్భవః ।
ఘనవర్ణో లంబదేహో మృత్యుపుత్రస్తథైవ చ ॥ 8 ॥

ఉత్పాతరూపధారీ చాఽదృశ్యః కాలాగ్నిసన్నిభః ।
నృపీడో గ్రహకారీ చ సర్వోపద్రవకారకః ॥ 9 ॥

చిత్రప్రసూతో హ్యనలః సర్వవ్యాధివినాశకః ।
అపసవ్యప్రచారీ చ నవమే పాపదాయకః ॥ 10 ॥

పంచమే శోకదశ్చోపరాగఖేచర ఏవ చ ।
అతిపురుషకర్మా చ తురీయే (తు) సుఖప్రదః ॥ 11 ॥

తృతీయే వైరదః పాపగ్రహశ్చ స్ఫోటకారకః ।
ప్రాణనాథః పంచమే తు శ్రమకారక ఏవ చ ॥ 12 ॥

ద్వితీయేఽస్ఫుటవాగ్దాతా విషాకులితవక్త్రకః ।
కామరూపీ సింహదంతః సత్యేప్యనృతవానపి ॥ 13 ॥

చతుర్థే మాతృనాశశ్చ నవమే పితృనాశకః ।
అంత్యే వైరప్రదశ్చైవ సుతానందనబంధకః ॥ 14 ॥

సర్పాక్షిజాతోఽనంగశ్చ కర్మరాశ్యుద్భవస్తథా ।
ఉపాంతే కీర్తిదశ్చైవ సప్తమే కలహప్రదః ॥ 15 ॥

అష్టమే వ్యాధికర్తా చ ధనే బహుసుఖప్రదః ।
జననే రోగదశ్చోర్ధ్వమూర్ధజో గ్రహనాయకః ॥ 16 ॥

పాపదృష్టిః ఖేచరశ్చ శాంభవోఽశేషపూజితః ।
శాశ్వతశ్చ నటశ్చైవ శుభాఽశుభఫలప్రదః ॥ 17 ॥

ధూమ్రశ్చైవ సుధాపాయీ హ్యజితో భక్తవత్సలః ।
సింహాసనః కేతుమూర్తీ రవీందుద్యుతినాశకః ॥ 18 ॥

అమరః పీడకోఽమర్త్యో విష్ణుదృష్టోఽసురేశ్వరః ।
భక్తరక్షోఽథ వైచిత్ర్యకపటస్యందనస్తథా ॥ 19 ॥

విచిత్రఫలదాయీ చ భక్తాభీష్టఫలప్రదః ।
ఏతత్కేతుగ్రహస్యోక్తం నామ్నామష్టోత్తరం శతమ్ ॥ 20 ॥

యో భక్త్యేదం జపేత్కేతుర్నామ్నామష్టోత్తరం శతమ్ ।
స తు కేతోః ప్రసాదేన సర్వాభీష్టం సమాప్నుయాత్ ॥ 21 ॥

ఇతి శ్రీ కేతు అష్టోత్తరశతనామ స్తోత్రమ్ ।

శ్రీ త్రిపుర భైరవీ అష్టోత్తర శత నామావళిః

ఓం భైరవ్యై నమః ।
ఓం భైరవారాధ్యాయై నమః ।
ఓం భూతిదాయై నమః ।
ఓం భూతభావనాయై నమః ।
ఓం ఆర్యాయై నమః ।
ఓం బ్రాహ్మ్యై నమః ।
ఓం కామధేనవే నమః ।
ఓం సర్వసంపత్ప్రదాయిన్యై నమః ।
ఓం త్రైలోక్యవందితదేవ్యై నమః ।
ఓం దేవ్యై నమః । 10 ।

ఓం మహిషాసురమర్దిన్యై నమః ।
ఓం మోహఘ్న్యై నమః ।
ఓం మాలత్యై నమః ।
ఓం మాలాయై నమః ।
ఓం మహాపాతకనాశిన్యై నమః ।
ఓం క్రోధిన్యై నమః ।
ఓం క్రోధనిలయాయై నమః ।
ఓం క్రోధరక్తేక్షణాయై నమః ।
ఓం కుహ్వే నమః ।
ఓం త్రిపురాయై నమః । 20 ।

ఓం త్రిపురాధారాయై నమః ।
ఓం త్రినేత్రాయై నమః ।
ఓం భీమభైరవ్యై నమః ।
ఓం దేవక్యై నమః ।
ఓం దేవమాత్రే నమః ।
ఓం దేవదుష్టవినాశిన్యై నమః ।
ఓం దామోదరప్రియాయై నమః ।
ఓం దీర్ఘాయై నమః ।
ఓం దుర్గాయై నమః ।
ఓం దుర్గతినాశిన్యై నమః । 30 ।

ఓం లంబోదర్యై నమః ।
ఓం లంబకర్ణాయై నమః ।
ఓం ప్రలంబితపయోధరాయై నమః ।
ఓం ప్రత్యంగిరాయై నమః ।
ఓం ప్రతిపదాయై నమః ।
ఓం ప్రణతక్లేశనాశిన్యై నమః ।
ఓం ప్రభావత్యై నమః ।
ఓం గుణవత్యై నమః ।
ఓం గణమాత్రే నమః ।
ఓం గుహ్యేశ్వర్యై నమః । 40 ।

ఓం క్షీరాబ్ధితనయాయై నమః ।
ఓం క్షేమ్యాయై నమః ।
ఓం జగత్త్రాణవిధాయిన్యై నమః ।
ఓం మహామార్యై నమః ।
ఓం మహామోహాయై నమః ।
ఓం మహాక్రోధాయై నమః ।
ఓం మహానద్యై నమః ।
ఓం మహాపాతకసంహర్త్ర్యై నమః ।
ఓం మహామోహప్రదాయిన్యై నమః ।
ఓం వికరాలాయై నమః । 50 ।

ఓం మహాకాలాయై నమః ।
ఓం కాలరూపాయై నమః ।
ఓం కలావత్యై నమః ।
ఓం కపాలఖట్వాంగధరాయై నమః ।
ఓం ఖడ్గఖర్పరధారిణ్యై నమః ।
ఓం కుమార్యై నమః ।
ఓం కుంకుమప్రీతాయై నమః ।
ఓం కుంకుమారుణరంజితాయై నమః ।
ఓం కౌమోదక్యై నమః ।
ఓం కుముదిన్యై నమః । 60 ।

ఓం కీర్త్యాయై నమః ।
ఓం కీర్తిప్రదాయిన్యై నమః ।
ఓం నవీనాయై నమః ।
ఓం నీరదాయై నమః ।
ఓం నిత్యాయై నమః ।
ఓం నందికేశ్వరపాలిన్యై నమః ।
ఓం ఘర్ఘరాయై నమః ।
ఓం ఘర్ఘరారావాయై నమః ।
ఓం ఘోరాయై నమః ।
ఓం ఘోరస్వరూపిణ్యై నమః । 70 ।

ఓం కలిఘ్న్యై నమః ।
ఓం కలిధర్మఘ్న్యై నమః ।
ఓం కలికౌతుకనాశిన్యై నమః ।
ఓం కిశోర్యై నమః ।
ఓం కేశవప్రీతాయై నమః ।
ఓం క్లేశసంఘనివారిణ్యై నమః ।
ఓం మహోన్మత్తాయై నమః ।
ఓం మహామత్తాయై నమః ।
ఓం మహావిద్యాయై నమః ।
ఓం మహీమయ్యై నమః । 80 ।

ఓం మహాయజ్ఞాయై నమః ।
ఓం మహావాణ్యై నమః ।
ఓం మహామందరధారిణ్యై నమః ।
ఓం మోక్షదాయై నమః ।
ఓం మోహదాయై నమః ।
ఓం మోహాయై నమః ।
ఓం భుక్తిముక్తిప్రదాయిన్యై నమః ।
ఓం అట్టాట్టహాసనిరతాయై నమః ।
ఓం క్వణన్నూపురధారిణ్యై నమః ।
ఓం దీర్ఘదంష్ట్రాయై నమః । 90 ।

ఓం దీర్ఘముఖ్యై నమః ।
ఓం దీర్ఘఘోణాయై నమః ।
ఓం దీర్ఘికాయై నమః ।
ఓం దనుజాంతకర్యై నమః ।
ఓం దుష్టాయై నమః ।
ఓం దుఃఖదారిద్ర్యభంజిన్యై నమః ।
ఓం దురాచారాయై నమః ।
ఓం దోషఘ్న్యై నమః ।
ఓం దమపత్న్యై నమః ।
ఓం దయాపరాయై నమః । 100 ।

ఓం మనోభవాయై నమః ।
ఓం మనుమయ్యై నమః ।
ఓం మనువంశప్రవర్ధిన్యై నమః ।
ఓం శ్యామాయై నమః ।
ఓం శ్యామతనవే నమః ।
ఓం శోభాయై నమః ।
ఓం సౌమ్యాయై నమః ।
ఓం శంభువిలాసిన్యై నమః । 108 ।

లక్ష్మీ నరసింహ అష్టోత్తర శత నామ స్తోత్రం

నారసింహో మహాసింహో దివ్యసింహో మహాబలః ।
ఉగ్రసింహో మహాదేవస్స్తంభజశ్చోగ్రలోచనః ॥ 1 ॥

రౌద్రస్సర్వాద్భుతః శ్రీమాన్ యోగానందస్త్రివిక్రమః ।
హరిః కోలాహలశ్చక్రీ విజయో జయవర్ధనః ॥ 2 ॥

పంచాననః పరబ్రహ్మ చాఽఘోరో ఘోరవిక్రమః ।
జ్వలన్ముఖో జ్వాలమాలీ మహాజ్వాలో మహాప్రభుః ॥ 3 ॥

నిటిలాక్షస్సహస్రాక్షో దుర్నిరీక్షః ప్రతాపనః ।
మహాదంష్ట్రాయుధః ప్రాజ్ఞశ్చండకోపీ సదాశివః ॥ 4 ॥

హిరణ్యకశిపుధ్వంసీ దైత్యదానవభంజనః ।
గుణభద్రో మహాభద్రో బలభద్రస్సుభద్రకః ॥ 5 ॥

కరాళో వికరాళశ్చ వికర్తా సర్వకర్తృకః ।
శింశుమారస్త్రిలోకాత్మా ఈశస్సర్వేశ్వరో విభుః ॥ 6 ॥

భైరవాడంబరో దివ్యశ్చాఽచ్యుతః కవి మాధవః ।
అధోక్షజోఽక్షరశ్శర్వో వనమాలీ వరప్రదః ॥ 7 ॥

విశ్వంభరోఽద్భుతో భవ్యః శ్రీవిష్ణుః పురుషోత్తమః ।
అనఘాస్త్రో నఖాస్త్రశ్చ సూర్యజ్యోతిస్సురేశ్వరః ॥ 8 ॥

సహస్రబాహుఃస్సర్వజ్ఞస్సర్వసిద్ధిప్రదాయకః ।
వజ్రదంష్ట్రో వజ్రనఖో మహానందః పరంతపః ॥ 9 ॥

సర్వమంత్రైకరూపశ్చ సర్వయంత్రవిదారణః ।
సర్వతంత్రాత్మకోఽవ్యక్తస్సువ్యక్తో భక్తవత్సలః ॥ 10 ॥

వైశాఖశుక్లభూతోత్థః శరణాగతవత్సలః ।
ఉదారకీర్తిః పుణ్యాత్మా మహాత్మా చండవిక్రమః ॥ 11 ॥

వేదత్రయప్రపూజ్యశ్చ భగవాన్పరమేశ్వరః ।
శ్రీవత్సాంకః శ్రీనివాసో జగద్వ్యాపీ జగన్మయః ॥ 12 ॥

జగత్పాలో జగన్నాథో మహాకాయో ద్విరూపభృత్ ।
పరమాత్మా పరంజ్యోతిర్నిర్గుణశ్చ నృకేసరీ ॥ 13 ॥

పరతత్త్వః పరంధామ సచ్చిదానందవిగ్రహః ।
లక్ష్మీనృసింహస్సర్వాత్మా ధీరః ప్రహ్లాదపాలకః ॥ 14 ॥

ఇదం శ్రీమన్నృసింహస్య నామ్నామష్టోత్తరం శతమ్ ।
త్రిసంధ్యం యః పఠేద్భక్త్యా సర్వాభీష్టమవాప్నుయాత్ ॥ 15 ॥

ఇతి శ్రీనృసింహపూజాకల్పే శ్రీ లక్ష్మీనృసింహాష్టోత్తరశతనామ స్తోత్రమ్ ।

శ్రీ భువనేశ్వరీ అష్టోత్తర శత నామావళిః

ఓం మహామాయాయై నమః ।
ఓం మహావిద్యాయై నమః ।
ఓం మహాయోగాయై నమః ।
ఓం మహోత్కటాయై నమః ।
ఓం మాహేశ్వర్యై నమః ।
ఓం కుమార్యై నమః ।
ఓం బ్రహ్మాణ్యై నమః ।
ఓం బ్రహ్మరూపిణ్యై నమః ।
ఓం వాగీశ్వర్యై నమః ।
ఓం యోగరూపాయై నమః । 10 ।

ఓం యోగినీకోటిసేవితాయై నమః ।
ఓం జయాయై నమః ।
ఓం విజయాయై నమః ।
ఓం కౌమార్యై నమః ।
ఓం సర్వమంగళాయై నమః ।
ఓం హింగుళాయై నమః ।
ఓం విలాస్యై నమః ।
ఓం జ్వాలిన్యై నమః ।
ఓం జ్వాలరూపిణ్యై నమః ।
ఓం ఈశ్వర్యై నమః । 20 ।

ఓం క్రూరసంహార్యై నమః ।
ఓం కులమార్గప్రదాయిన్యై నమః ।
ఓం వైష్ణవ్యై నమః ।
ఓం సుభగాకారాయై నమః ।
ఓం సుకుల్యాయై నమః ।
ఓం కులపూజితాయై నమః ।
ఓం వామాంగాయై నమః ।
ఓం వామచారాయై నమః ।
ఓం వామదేవప్రియాయై నమః ।
ఓం డాకిన్యై నమః । 30 ।

ఓం యోగినీరూపాయై నమః ।
ఓం భూతేశ్యై నమః ।
ఓం భూతనాయికాయై నమః ।
ఓం పద్మావత్యై నమః ।
ఓం పద్మనేత్రాయై నమః ।
ఓం ప్రబుద్ధాయై నమః ।
ఓం సరస్వత్యై నమః ।
ఓం భూచర్యై నమః ।
ఓం ఖేచర్యై నమః ।
ఓం మాయాయై నమః । 40 ।

ఓం మాతంగ్యై నమః ।
ఓం భువనేశ్వర్యై నమః ।
ఓం కాంతాయై నమః ।
ఓం పతివ్రతాయై నమః ।
ఓం సాక్ష్యై నమః ।
ఓం సుచక్షుషే నమః ।
ఓం కుండవాసిన్యై నమః ।
ఓం ఉమాయై నమః ।
ఓం కుమార్యై నమః ।
ఓం లోకేశ్యై నమః । 50 ।

ఓం సుకేశ్యై నమః ।
ఓం పద్మరాగిణ్యై నమః ।
ఓం ఇంద్రాణ్యై నమః ।
ఓం బ్రహ్మచండాల్యై నమః ।
ఓం చండికాయై నమః ।
ఓం వాయువల్లభాయై నమః ।
ఓం సర్వధాతుమయ్యై నమః ।
ఓం మూర్తయే నమః ।
ఓం జలరూపాయై నమః ।
ఓం జలోదర్యై నమః । 60 ।

ఓం ఆకాశ్యై నమః ।
ఓం రణగాయై నమః ।
ఓం నృకపాలవిభూషణాయై నమః ।
ఓం నర్మదాయై నమః ।
ఓం మోక్షదాయై నమః ।
ఓం ధర్మకామార్థదాయిన్యై నమః ।
ఓం గాయత్ర్యై నమః ।
ఓం సావిత్ర్యై నమః ।
ఓం త్రిసంధ్యాయై నమః ।
ఓం తీర్థగామిన్యై నమః । 70 ।

ఓం అష్టమ్యై నమః ।
ఓం నవమ్యై నమః ।
ఓం దశమ్యై నమః ।
ఓం ఏకాదశ్యై నమః ।
ఓం పౌర్ణమాస్యై నమః ।
ఓం కుహూరూపాయై నమః ।
ఓం తిథిమూర్తిస్వరూపిణ్యై నమః ।
ఓం సురారినాశకార్యై నమః ।
ఓం ఉగ్రరూపాయై నమః ।
ఓం వత్సలాయై నమః । 80 ।

ఓం అనలాయై నమః ।
ఓం అర్ధమాత్రాయై నమః ।
ఓం అరుణాయై నమః ।
ఓం పీతలోచనాయై నమః ।
ఓం లజ్జాయై నమః ।
ఓం సరస్వత్యై నమః ।
ఓం విద్యాయై నమః ।
ఓం భవాన్యై నమః ।
ఓం పాపనాశిన్యై నమః ।
ఓం నాగపాశధరాయై నమః । 90 ।

ఓం మూర్తయే నమః ।
ఓం అగాధాయై నమః ।
ఓం ధృతకుండలాయై నమః ।
ఓం క్షత్రరూపాయై నమః ।
ఓం క్షయకర్యై నమః ।
ఓం తేజస్విన్యై నమః ।
ఓం శుచిస్మితాయై నమః ।
ఓం అవ్యక్తాయై నమః ।
ఓం వ్యక్తలోకాయై నమః ।
ఓం శంభురూపాయై నమః । 100 ।

ఓం మనస్విన్యై నమః ।
ఓం మాతంగ్యై నమః ।
ఓం మత్తమాతంగ్యై నమః ।
ఓం సదామహాదేవప్రియాయై నమః ।
ఓం దైత్యఘ్న్యై నమః ।
ఓం వారాహ్యై నమః ।
ఓం సర్వశాస్త్రమయ్యై నమః ।
ఓం శుభాయై నమః । 108 ।

ఇతి శ్రీ భువనేశ్వర్యష్టోత్తరశతనామావళిః ।

శ్రీ షోడశీ (త్రిపుర సుందరీ) అష్టోత్తర శత నామావళిః

ఓం త్రిపురాయై నమః ।
ఓం షోడశ్యై నమః ।
ఓం మాత్రే నమః ।
ఓం త్ర్యక్షరాయై నమః ।
ఓం త్రితయాయై నమః ।
ఓం త్రయ్యై నమః ।
ఓం సుందర్యై నమః ।
ఓం సుముఖ్యై నమః ।
ఓం సేవ్యాయై నమః ।
ఓం సామవేదపరాయణాయై నమః । 10 ।

ఓం శారదాయై నమః ।
ఓం శబ్దనిలయాయై నమః ।
ఓం సాగరాయై నమః ।
ఓం సరిదంబరాయై నమః ।
ఓం శుద్ధాయై నమః ।
ఓం శుద్ధతనవే నమః ।
ఓం సాధ్వ్యై నమః ।
ఓం శివధ్యానపరాయణాయై నమః ।
ఓం స్వామిన్యై నమః ।
ఓం శంభువనితాయై నమః । 20 ।

ఓం శాంభవ్యై నమః ।
ఓం సరస్వత్యై నమః ।
ఓం సముద్రమథిన్యై నమః ।
ఓం శీఘ్రగామిన్యై నమః ।
ఓం శీఘ్రసిద్ధిదాయై నమః ।
ఓం సాధుసేవ్యాయై నమః ।
ఓం సాధుగమ్యాయై నమః ।
ఓం సాధుసంతుష్టమానసాయై నమః ।
ఓం ఖట్వాంగధారిణ్యై నమః ।
ఓం ఖర్వాయై నమః । 30 ।

ఓం ఖడ్గఖర్పరధారిణ్యై నమః ।
ఓం షడ్వర్గభావరహితాయై నమః ।
ఓం షడ్వర్గపరిచారికాయై నమః ।
ఓం షడ్వర్గాయై నమః ।
ఓం షడంగాయై నమః ।
ఓం షోఢాయై నమః ।
ఓం షోడశవార్షిక్యై నమః ।
ఓం క్రతురూపాయై నమః ।
ఓం క్రతుమత్యై నమః ।
ఓం ఋభుక్షక్రతుమండితాయై నమః । 40 ।

ఓం కవర్గాదిపవర్గాంతాయై నమః ।
ఓం అంతఃస్థాయై నమః ।
ఓం అనంతరూపిణ్యై నమః ।
ఓం అకారాకారరహితాయై నమః ।
ఓం కాలమృత్యుజరాపహాయై నమః ।
ఓం తన్వ్యై నమః ।
ఓం తత్త్వేశ్వర్యై నమః ।
ఓం తారాయై నమః ।
ఓం త్రివర్షాయై నమః ।
ఓం జ్ఞానరూపిణ్యై నమః । 50 ।

ఓం కాల్యై నమః ।
ఓం కరాల్యై నమః ।
ఓం కామేశ్యై నమః ।
ఓం ఛాయాయై నమః ।
ఓం సంజ్ఞాయై నమః ।
ఓం అరుంధత్యై నమః ।
ఓం నిర్వికల్పాయై నమః ।
ఓం మహావేగాయై నమః ।
ఓం మహోత్సాహాయై నమః ।
ఓం మహోదర్యై నమః । 60 ।

ఓం మేఘాయై నమః ।
ఓం బలాకాయై నమః ।
ఓం విమలాయై నమః ।
ఓం విమలజ్ఞానదాయిన్యై నమః ।
ఓం గౌర్యై నమః ।
ఓం వసుంధరాయై నమః ।
ఓం గోప్త్ర్యై నమః ।
ఓం గవాం పతినిషేవితాయై నమః ।
ఓం భగాంగాయై నమః ।
ఓం భగరూపాయై నమః । 70 ।

ఓం భక్తిపరాయణాయై నమః ।
ఓం భావపరాయణాయై నమః ।
ఓం ఛిన్నమస్తాయై నమః ।
ఓం మహాధూమాయై నమః ।
ఓం ధూమ్రవిభూషణాయై నమః ।
ఓం ధర్మకర్మాదిరహితాయై నమః ।
ఓం ధర్మకర్మపరాయణాయై నమః ।
ఓం సీతాయై నమః ।
ఓం మాతంగిన్యై నమః ।
ఓం మేధాయై నమః । 80 ।

ఓం మధుదైత్యవినాశిన్యై నమః ।
ఓం భైరవ్యై నమః ।
ఓం భువనాయై నమః ।
ఓం మాత్రే నమః ।
ఓం అభయదాయై నమః ।
ఓం భవసుందర్యై నమః ।
ఓం భావుకాయై నమః ।
ఓం బగలాయై నమః ।
ఓం కృత్యాయై నమః ।
ఓం బాలాయై నమః । 90 ।

ఓం త్రిపురసుందర్యై నమః ।
ఓం రోహిణ్యై నమః ।
ఓం రేవత్యై నమః ।
ఓం రమ్యాయై నమః ।
ఓం రంభాయై నమః ।
ఓం రావణవందితాయై నమః ।
ఓం శతయజ్ఞమయ్యై నమః ।
ఓం సత్త్వాయై నమః ।
ఓం శతక్రతువరప్రదాయై నమః ।
ఓం శతచంద్రాననాయై నమః । 100 ।

ఓం దేవ్యై నమః ।
ఓం సహస్రాదిత్యసన్నిభాయై నమః ।
ఓం సోమసూర్యాగ్నినయనాయై నమః ।
ఓం వ్యాఘ్రచర్మాంబరావృతాయై నమః ।
ఓం అర్ధేందుధారిణ్యై నమః ।
ఓం మత్తాయై నమః ।
ఓం మదిరాయై నమః ।
ఓం మదిరేక్షణాయై నమః । 108 ।

గోదా దేవీ అష్టోత్తర శత స్తోత్రం

ధ్యానమ్ ।
శతమఖమణి నీలా చారుకల్హారహస్తా
స్తనభరనమితాంగీ సాంద్రవాత్సల్యసింధుః ।
అలకవినిహితాభిః స్రగ్భిరాకృష్టనాథా
విలసతు హృది గోదా విష్ణుచిత్తాత్మజా నః ॥

అథ స్తోత్రమ్ ।
శ్రీరంగనాయకీ గోదా విష్ణుచిత్తాత్మజా సతీ ।
గోపీవేషధరా దేవీ భూసుతా భోగశాలినీ ॥ 1 ॥

తులసీకాననోద్భూతా శ్రీధన్విపురవాసినీ ।
భట్టనాథప్రియకరీ శ్రీకృష్ణహితభోగినీ ॥ 2 ॥

ఆముక్తమాల్యదా బాలా రంగనాథప్రియా పరా ।
విశ్వంభరా కలాలాపా యతిరాజసహోదరీ ॥ 3 ॥

కృష్ణానురక్తా సుభగా సులభశ్రీః సులక్షణా ।
లక్ష్మీప్రియసఖీ శ్యామా దయాంచితదృగంచలా ॥ 4 ॥

ఫల్గున్యావిర్భవా రమ్యా ధనుర్మాసకృతవ్రతా ।
చంపకాశోకపున్నాగమాలతీవిలసత్కచా ॥ 5 ॥

ఆకారత్రయసంపన్నా నారాయణపదాశ్రితా ।
శ్రీమదష్టాక్షరీమంత్రరాజస్థితమనోరథా ॥ 6 ॥

మోక్షప్రదాననిపుణా మనురత్నాధిదేవతా ।
బ్రహ్మణ్యా లోకజననీ లీలామానుషరూపిణీ ॥ 7 ॥

బ్రహ్మజ్ఞానప్రదా మాయా సచ్చిదానందవిగ్రహా ।
మహాపతివ్రతా విష్ణుగుణకీర్తనలోలుపా ॥ 8 ॥

ప్రపన్నార్తిహరా నిత్యా వేదసౌధవిహారిణీ ।
శ్రీరంగనాథమాణిక్యమంజరీ మంజుభాషిణీ ॥ 9 ॥

పద్మప్రియా పద్మహస్తా వేదాంతద్వయబోధినీ ।
సుప్రసన్నా భగవతీ శ్రీజనార్దనదీపికా ॥ 10 ॥

సుగంధావయవా చారురంగమంగలదీపికా ।
ధ్వజవజ్రాంకుశాబ్జాంకమృదుపాదలతాంచితా ॥ 11 ॥

తారకాకారనఖరా ప్రవాలమృదులాంగుళీ ।
కూర్మోపమేయపాదోర్ధ్వభాగా శోభనపార్ష్ణికా ॥ 12 ॥

వేదార్థభావతత్త్వజ్ఞా లోకారాధ్యాంఘ్రిపంకజా ।
ఆనందబుద్బుదాకారసుగుల్ఫా పరమాణుకా ॥ 13 ॥

తేజఃశ్రియోజ్జ్వలధృతపాదాంగుళిసుభూషితా ।
మీనకేతనతూణీరచారుజంఘావిరాజితా ॥ 14 ॥

కకుద్వజ్జానుయుగ్మాఢ్యా స్వర్ణరంభాభసక్థికా ।
విశాలజఘనా పీనసుశ్రోణీ మణిమేఖలా ॥ 15 ॥

ఆనందసాగరావర్తగంభీరాంభోజనాభికా ।
భాస్వద్వలిత్రికా చారుజగత్పూర్ణమహోదరీ ॥ 16 ॥

నవవల్లీరోమరాజీ సుధాకుంభాయితస్తనీ ।
కల్పమాలానిభభుజా చంద్రఖండనఖాంచితా ॥ 17 ॥

సుప్రవాశాంగుళీన్యస్తమహారత్నాంగులీయకా ।
నవారుణప్రవాలాభపాణిదేశసమంచితా ॥ 18 ॥

కంబుకంఠీ సుచుబుకా బింబోష్ఠీ కుందదంతయుక్ ।
కారుణ్యరసనిష్యందనేత్రద్వయసుశోభితా ॥ 19 ॥

ముక్తాశుచిస్మితా చారుచాంపేయనిభనాసికా ।
దర్పణాకారవిపులకపోలద్వితయాంచితా ॥ 20 ॥

అనంతార్కప్రకాశోద్యన్మణితాటంకశోభితా ।
కోటిసూర్యాగ్నిసంకాశనానాభూషణభూషితా ॥ 21 ॥

సుగంధవదనా సుభ్రూ అర్ధచంద్రలలాటికా ।
పూర్ణచంద్రాననా నీలకుటిలాలకశోభితా ॥ 22 ॥

సౌందర్యసీమా విలసత్కస్తూరీతిలకోజ్జ్వలా ।
ధగద్ధగాయమానోద్యన్మణిసీమంతభూషణా ॥ 23 ॥

జాజ్వల్యమానసద్రత్నదివ్యచూడావతంసకా ।
సూర్యార్ధచంద్రవిలసత్ భూషణాంచితవేణికా ॥ 24 ॥

అత్యర్కానలతేజోధిమణికంచుకధారిణీ ।
సద్రత్నాంచితవిద్యోతవిద్యుత్కుంజాభశాటికా ॥ 25 ॥

నానామణిగణాకీర్ణహేమాంగదసుభూషితా ।
కుంకుమాగరుకస్తూరీదివ్యచందనచర్చితా ॥ 26 ॥

స్వోచితౌజ్జ్వల్యవివిధవిచిత్రమణిహారిణీ ।
అసంఖ్యేయసుఖస్పర్శసర్వాతిశయభూషణా ॥ 27 ॥

మల్లికాపారిజాతాదిదివ్యపుష్పస్రగంచితా ।
శ్రీరంగనిలయా పూజ్యా దివ్యదేశసుశోభితా ॥ 28 ॥

ఇతి శ్రీగోదాష్టోత్తరశతనామస్తోత్రమ్ ।

సుదర్శన అష్టోత్తర శత నామ స్తోత్రం

సుదర్శనశ్చక్రరాజః తేజోవ్యూహో మహాద్యుతిః ।
సహస్రబాహు-ర్దీప్తాంగః అరుణాక్షః ప్రతాపవాన్ ॥ 1॥

అనేకాదిత్యసంకాశః ప్రోద్యజ్జ్వాలాభిరంజితః ।
సౌదామినీ-సహస్రాభః మణికుండల-శోభితః ॥ 2॥

పంచభూతమనోరూపో షట్కోణాంతర-సంస్థితః ।
హరాంతః కరణోద్భూత-రోషభీషణ-విగ్రహః ॥ 3॥

హరిపాణిలసత్పద్మవిహారారమనోహరః ।
శ్రాకారరూపస్సర్వజ్ఞః సర్వలోకార్చితప్రభుః ॥ 4॥

చతుర్దశసహస్రారః చతుర్వేదమయో-ఽనలః ।
భక్తచాంద్రమసజ్యోతిః భవరోగ-వినాశకః ॥ 5॥

రేఫాత్మకో మకారశ్చ రక్షోసృగ్రూషితాంగకః ।
సర్వదైత్యగ్రీవనాల-విభేదన-మహాగజః ॥ 6॥

భీమదంష్ట్రోజ్జ్వలాకారో భీమకర్మా విలోచనః ।
నీలవర్త్మా నిత్యసుఖో నిర్మలశ్రీ-ర్నిరంజనః ॥ 7॥

రక్తమాల్యాంబరధరో రక్తచందనరూషితః ।
రజోగుణాకృతిశ్శూరో రక్షఃకుల-యమోపమః ॥ 8॥

నిత్యక్షేమకరః ప్రాజ్ఞః పాషండజనఖండనః ।
నారాయణాజ్ఞానువర్తీ నైగమాంతఃప్రకాశకః ॥ 9॥

బలినందనదోర్దండ-ఖండనో విజయాకృతిః ।
మిత్రభావీ సర్వమయో తమోవిధ్వంసకస్తథా ॥ 10॥

రజస్సత్త్వతమోద్వర్తీ త్రిగుణాత్మా త్రిలోకధృత్ ।
హరిమాయాగుణోపేతో-ఽవ్యయో-ఽక్షస్వరూపభాక్ ॥ 11॥

పరమాత్మా పరంజ్యోతిః పంచకృత్య-పరాయణః ।
జ్ఞానశక్తి-బలైశ్వర్య-వీర్య-తేజః-ప్రభామయః ॥ 12॥

సదసత్పరమః పూర్ణో వాఙ్మయో వరదోఽచ్యుతః ।
జీవో గురుర్హంసరూపః పంచాశత్పీఠరూపకః ॥ 13॥

మాతృకామండలాధ్యక్షో మధుధ్వంసీ మనోమయః ।
బుద్ధిరూపశ్చిత్తసాక్షీ సారో హంసాక్షరద్వయః ॥ 14॥

మంత్ర-యంత్ర-ప్రభావజ్ఞో మంత్ర-యంత్ర-మయో విభుః ।
స్రష్టా క్రియాస్పద-శ్శుద్ధః ఆధారశ్చక్ర-రూపకః ॥ 15॥

నిరాయుధో హ్యసంరంభః సర్వాయుధ-సమన్వితః ।
ఓమ్కారరూపీ పూర్ణాత్మా ఆంకారస్సాధ్య-బంధనః ॥ 16॥

ఐంకారో వాక్ప్రదో వగ్మీ శ్రీంకారైశ్వర్యవర్ధనః ।
క్లీంకారమోహనాకారో హుంఫట్క్షోభణాకృతిః ॥ 17॥

ఇంద్రార్చిత-మనోవేగో ధరణీభార-నాశకః ।
వీరారాధ్యో విశ్వరూపః వైష్ణవో విష్ణురూపకః ॥ 18॥

సత్యవ్రతః సత్యధరః సత్యధర్మానుషంగకః'
నారాయణకృపావ్యూహ-తేజశ్చక్ర-స్సుదర్శనః ॥ 19॥

॥ శ్రీ సుదర్శనాష్టోత్తరశతనామ స్తోత్రం సంపూర్ణం॥

వినాయక అష్టోత్తర శత నామ స్తోత్రం

వినాయకో విఘ్నరాజో గౌరీపుత్రో గణేశ్వరః ।
స్కందాగ్రజోఽవ్యయః పూతో దక్షోఽధ్యక్షో ద్విజప్రియః ॥ 1 ॥

అగ్నిగర్వచ్ఛిదింద్రశ్రీప్రదో వాణీప్రదాయకః ।
సర్వసిద్ధిప్రదః శర్వతనయః శర్వరీప్రియః ॥ 2 ॥

సర్వాత్మకః సృష్టికర్తా దేవానీకార్చితః శివః ।
సిద్ధిబుద్ధిప్రదః శాంతో బ్రహ్మచారీ గజాననః ॥ 3 ॥

ద్వైమాతురో మునిస్తుత్యో భక్తవిఘ్నవినాశనః ।
ఏకదంతశ్చతుర్బాహుశ్చతురః శక్తిసంయుతః ॥ 4 ॥

లంబోదరః శూర్పకర్ణో హరిర్బ్రహ్మవిదుత్తమః ।
కావ్యో గ్రహపతిః కామీ సోమసూర్యాగ్నిలోచనః ॥ 5 ॥

పాశాంకుశధరశ్చండో గుణాతీతో నిరంజనః ।
అకల్మషః స్వయం సిద్ధః సిద్ధార్చితపదాంబుజః ॥ 6 ॥

బీజాపూరఫలాసక్తో వరదః శాశ్వతః కృతీ ।
ద్విజప్రియో వీతభయో గదీ చక్రీక్షుచాపధృత్ ॥ 7 ॥

శ్రీదోఽజ ఉత్పలకరః శ్రీపతిస్తుతిహర్షితః ।
కులాద్రిభేత్తా జటిలశ్చంద్రచూడోఽమరేశ్వరః ॥ 8 ॥

నాగయజ్ఞోపవీతీ చ కలికల్మషనాశనః ।
స్థూలకంఠః స్వయంకర్తా సామఘోషప్రియః పరః ॥ 9 ॥

స్థూలతుండోఽగ్రణీర్ధీరో వాగీశః సిద్ధిదాయకః ।
దూర్వాబిల్వప్రియః కాంతః పాపహారీ సమాహితః ॥ 10 ॥

ఆశ్రితశ్రీకరః సౌమ్యో భక్తవాంఛితదాయకః ।
శాంతోఽచ్యుతార్చ్యః కైవల్యో సచ్చిదానందవిగ్రహః ॥ 11 ॥

జ్ఞానీ దయాయుతో దాంతో బ్రహ్మద్వేషవివర్జితః ।
ప్రమత్తదైత్యభయదో వ్యక్తమూర్తిరమూర్తిమాన్ ॥ 12 ॥

శైలేంద్రతనుజోత్సంగఖేలనోత్సుకమానసః ।
స్వలావణ్యసుధాసారజితమన్మథవిగ్రహః ॥ 13 ॥

సమస్తజగదాధారో మాయీ మూషకవాహనః ।
రమార్చితో విధిశ్చైవ శ్రీకంఠో విబుధేశ్వరః ॥ 14 ॥

చింతామణిద్వీపపతిః పరమాత్మా గజాననః ।
హృష్టస్తుష్టః ప్రసన్నాత్మా సర్వసిద్ధిప్రదాయకః ॥ 15 ॥

అష్టోత్తరశతేనైవం నామ్నాం విఘ్నేశ్వరం విభుమ్ ।
యః పూజయేదనేనైవ భక్త్యా సిద్ధివినాయకమ్ ॥ 16 ॥

దూర్వాదళైః బిల్వపత్రైః పుష్పైర్వా చందనాక్షతైః ।
సర్వాన్కామానవాప్నోతి సర్వవిఘ్నైః ప్రముచ్యతే ॥ 17 ॥

ఇతి భవిష్యోత్తరపురాణే వినాయకాష్టోత్తరశతనామ స్తోత్రమ్ ।

శ్రీ రంగనాథ అష్టోత్తర శత నామ స్తోత్రం

అస్య శ్రీరంగనాథాష్టోత్తరశతనామస్తోత్రమహామంత్రస్య వేదవ్యాసో భగవానృషిః అనుష్టుప్ఛందః భగవాన్ శ్రీమహావిష్ణుర్దేవతా, శ్రీరంగశాయీతి బీజం శ్రీకాంత ఇతి శక్తిః శ్రీప్రద ఇతి కీలకం మమ సమస్తపాపనాశార్థే శ్రీరంగరాజప్రసాద సిద్ధ్యర్థే జపే వినియోగః ।

ధౌమ్య ఉవాచ ।
శ్రీరంగశాయీ శ్రీకాంతః శ్రీప్రదః శ్రితవత్సలః ।
అనంతో మాధవో జేతా జగన్నాథో జగద్గురుః ॥ 1 ॥

సురవర్యః సురారాధ్యః సురరాజానుజః ప్రభుః ।
హరిర్హతారిర్విశ్వేశః శాశ్వతః శంభురవ్యయః ॥ 2 ॥

భక్తార్తిభంజనో వాగ్మీ వీరో విఖ్యాతకీర్తిమాన్ ।
భాస్కరః శాస్త్రతత్త్వజ్ఞో దైత్యశాస్తాఽమరేశ్వరః ॥ 3 ॥

నారాయణో నరహరిర్నీరజాక్షో నరప్రియః ।
బ్రహ్మణ్యో బ్రహ్మకృద్బ్రహ్మా బ్రహ్మాంగో బ్రహ్మపూజితః ॥ 4 ॥

కృష్ణః కృతజ్ఞో గోవిందో హృషీకేశోఽఘనాశనః ।
విష్ణుర్జిష్ణుర్జితారాతిః సజ్జనప్రియ ఈశ్వరః ॥ 5 ॥

త్రివిక్రమస్త్రిలోకేశః త్రయ్యర్థస్త్రిగుణాత్మకః ।
కాకుత్స్థః కమలాకాంతః కాళీయోరగమర్దనః ॥ 6 ॥

కాలాంబుదశ్యామలాంగః కేశవః క్లేశనాశనః ।
కేశిప్రభంజనః కాంతో నందసూనురరిందమః ॥ 7 ॥

రుక్మిణీవల్లభః శౌరిర్బలభద్రో బలానుజః ।
దామోదరో హృషీకేశో వామనో మధుసూదనః ॥ 8 ॥

పూతః పుణ్యజనధ్వంసీ పుణ్యశ్లోకశిఖామణిః ।
ఆదిమూర్తిర్దయామూర్తిః శాంతమూర్తిరమూర్తిమాన్ ॥ 9 ॥

పరంబ్రహ్మ పరంధామ పావనః పవనో విభుః ।
చంద్రశ్ఛందోమయో రామః సంసారాంబుధితారకః ॥ 10 ॥

ఆదితేయోఽచ్యుతో భానుః శంకరశ్శివ ఊర్జితః ।
మహేశ్వరో మహాయోగీ మహాశక్తిర్మహత్ప్రియః ॥ 11 ॥

దుర్జనధ్వంసకోఽశేషసజ్జనోపాస్తసత్ఫలమ్ ।
పక్షీంద్రవాహనోఽక్షోభ్యః క్షీరాబ్ధిశయనో విధుః ॥ 12 ॥

జనార్దనో జగద్ధేతుర్జితమన్మథవిగ్రహః ।
చక్రపాణిః శంఖధారీ శారంగీ ఖడ్గీ గదాధరః ॥ 13 ॥

ఏవం విష్ణోశ్శతం నామ్నామష్టోత్తరమిహేరితమ్ ।
స్తోత్రాణాముత్తమం గుహ్యం నామరత్నస్తవాభిధమ్ ॥ 14 ॥

సర్వదా సర్వరోగఘ్నం చింతితార్థఫలప్రదమ్ ।
త్వం తు శీఘ్రం మహారాజ గచ్ఛ రంగస్థలం శుభమ్ ॥ 15 ॥

స్నాత్వా తులార్కే కావేర్యాం మాహాత్మ్య శ్రవణం కురు ।
గవాశ్వవస్త్రధాన్యాన్నభూమికన్యాప్రదో భవ ॥ 16 ॥

ద్వాదశ్యాం పాయసాన్నేన సహస్రం దశ భోజయ ।
నామరత్నస్తవాఖ్యేన విష్ణోరష్టశతేన చ ।
స్తుత్వా శ్రీరంగనాథం త్వమభీష్టఫలమాప్నుహి ॥ 17 ॥

ఇతి తులాకావేరీమాహాత్మ్యే శంతనుం ప్రతి ధౌమ్యోపదిష్ట శ్రీరంగనాథాష్టోత్తరశతనామ స్తోత్రమ్ ।

దేవీ వైభవాశ్చర్య అష్టోత్తర శత నామ స్తోత్రం

అస్య శ్రీ దేవీవైభవాశ్చర్యాష్టోత్తరశతదివ్యనామ స్తోత్రమహామంత్రస్య ఆనందభైరవ ఋషిః, అనుష్టుప్ ఛందః, శ్రీ ఆనందభైరవీ శ్రీమహాత్రిపురసుందరీ దేవతా, ఐం బీజం, హ్రీం శక్తిః, శ్రీం కీలకం, మమ శ్రీఆనందభైరవీ శ్రీమహాత్రిపురసుందరీ ప్రసాదసిద్ధ్యర్థే జపే వినియోగః ।

ధ్యానం
కుంకుమపంకసమాభా-
-మంకుశపాశేక్షుకోదండశరామ్ ।
పంకజమధ్యనిషణ్ణాం
పంకేరుహలోచనాం పరాం వందే ॥

పంచపూజా
లం పృథివ్యాత్మికాయై గంధం సమర్పయామి ।
హం ఆకాశాత్మికాయై పుష్పైః పూజయామి ।
యం వాయ్వాత్మికాయై ధూపమాఘ్రాపయామి ।
రం అగ్న్యాత్మికాయై దీపం దర్శయామి ।
వం అమృతాత్మికాయై అమృతం మహానైవేద్యం నివేదయామి ।
సం సర్వాత్మికాయై సర్వోపచారాన్ సమర్పయామి ॥

ఓం ఐం హ్రీం శ్రీమ్ ।
పరమానందలహరీ పరచైతన్యదీపికా ।
స్వయంప్రకాశకిరణా నిత్యవైభవశాలినీ ॥ 1 ॥

విశుద్ధకేవలాఖండసత్యకాలాత్మరూపిణీ ।
ఆదిమధ్యాంతరహితా మహామాయావిలాసినీ ॥ 2 ॥

గుణత్రయపరిచ్ఛేత్రీ సర్వతత్త్వప్రకాశినీ ।
స్త్రీపుంసభావరసికా జగత్సర్గాదిలంపటా ॥ 3 ॥

అశేషనామరూపాదిభేదచ్ఛేదరవిప్రభా ।
అనాదివాసనారూపా వాసనోద్యత్ప్రపంచికా ॥ 4 ॥

ప్రపంచోపశమప్రౌఢా చరాచరజగన్మయీ ।
సమస్తజగదాధారా సర్వసంజీవనోత్సుకా ॥ 5 ॥

భక్తచేతోమయానంతస్వార్థవైభవవిభ్రమా ।
సర్వాకర్షణవశ్యాదిసర్వకర్మధురంధరా ॥ 6 ॥

విజ్ఞానపరమానందవిద్యా సంతానసిద్ధిదా ।
ఆయురారోగ్యసౌభాగ్యబలశ్రీకీర్తిభాగ్యదా ॥ 7 ॥

ధనధాన్యమణీవస్త్రభూషాలేపనమాల్యదా ।
గృహగ్రామమహారాజ్యసామ్రాజ్యసుఖదాయినీ ॥ 8 ॥

సప్తాంగశక్తిసంపూర్ణసార్వభౌమఫలప్రదా ।
బ్రహ్మవిష్ణుశివేంద్రాదిపదవిశ్రాణనక్షమా ॥ 9 ॥

భుక్తిముక్తిమహాభక్తివిరక్త్యద్వైతదాయినీ ।
నిగ్రహానుగ్రహాధ్యక్షా జ్ఞాననిర్ద్వైతదాయినీ ॥ 10 ॥

పరకాయప్రవేశాదియోగసిద్ధిప్రదాయినీ ।
శిష్టసంజీవనప్రౌఢా దుష్టసంహారసిద్ధిదా ॥ 11 ॥

లీలావినిర్మితానేకకోటిబ్రహ్మాండమండలా ।
ఏకానేకాత్మికా నానారూపిణ్యర్ధాంగనేశ్వరీ ॥ 12 ॥

శివశక్తిమయీ నిత్యశృంగారైకరసప్రియా ।
తుష్టా పుష్టాఽపరిచ్ఛిన్నా నిత్యయౌవనమోహినీ ॥ 13 ॥

సమస్తదేవతారూపా సర్వదేవాధిదేవతా ।
దేవర్షిపితృసిద్ధాదియోగినీభైరవాత్మికా ॥ 14 ॥

నిధిసిద్ధిమణీముద్రా శస్త్రాస్త్రాయుధభాసురా ।
ఛత్రచామరవాదిత్రపతాకావ్యజనాంచితా ॥ 15 ॥

హస్త్యశ్వరథపాదాతామాత్యసేనాసుసేవితా ।
పురోహితకులాచార్యగురుశిష్యాదిసేవితా ॥ 16 ॥

సుధాసముద్రమధ్యోద్యత్సురద్రుమనివాసినీ ।
మణిద్వీపాంతరప్రోద్యత్కదంబవనవాసినీ ॥ 17 ॥

చింతామణిగృహాంతఃస్థా మణిమంటపమధ్యగా ।
రత్నసింహాసనప్రోద్యచ్ఛివమంచాధిశాయినీ ॥ 18 ॥

సదాశివమహాలింగమూలసంఘట్టయోనికా ।
అన్యోన్యాలింగసంఘర్షకండూసంక్షుబ్ధమానసా ॥ 19 ॥

కళోద్యద్బిందుకాళిన్యాతుర్యనాదపరంపరా ।
నాదాంతానందసందోహస్వయంవ్యక్తవచోఽమృతా ॥ 20 ॥

కామరాజమహాతంత్రరహస్యాచారదక్షిణా ।
మకారపంచకోద్భూతప్రౌఢాంతోల్లాససుందరీ ॥ 21 ॥

శ్రీచక్రరాజనిలయా శ్రీవిద్యామంత్రవిగ్రహా ।
అఖండసచ్చిదానందశివశక్త్యైక్యరూపిణీ ॥ 22 ॥

త్రిపురా త్రిపురేశానీ మహాత్రిపురసుందరీ ।
త్రిపురావాసరసికా త్రిపురాశ్రీస్వరూపిణీ ॥ 23 ॥

మహాపద్మవనాంతస్థా శ్రీమత్త్రిపురమాలినీ ।
మహాత్రిపురసిద్ధాంబా శ్రీమహాత్రిపురాంబికా ॥ 24 ॥

నవచక్రక్రమాదేవీ మహాత్రిపురభైరవీ ।
శ్రీమాతా లలితా బాలా రాజరాజేశ్వరీ శివా ॥ 25 ॥

ఉత్పత్తిస్థితిసంహారక్రమచక్రనివాసినీ ।
అర్ధమేర్వాత్మచక్రస్థా సర్వలోకమహేశ్వరీ ॥ 26 ॥

వల్మీకపురమధ్యస్థా జంబూవననివాసినీ ।
అరుణాచలశృంగస్థా వ్యాఘ్రాలయనివాసినీ ॥ 27 ॥

శ్రీకాలహస్తినిలయా కాశీపురనివాసినీ ।
శ్రీమత్కైలాసనిలయా ద్వాదశాంతమహేశ్వరీ ॥ 28 ॥

శ్రీషోడశాంతమధ్యస్థా సర్వవేదాంతలక్షితా ।
శ్రుతిస్మృతిపురాణేతిహాసాగమకలేశ్వరీ ॥ 29 ॥

భూతభౌతికతన్మాత్రదేవతాప్రాణహృన్మయీ ।
జీవేశ్వరబ్రహ్మరూపా శ్రీగుణాఢ్యా గుణాత్మికా ॥ 30 ॥

అవస్థాత్రయనిర్ముక్తా వాగ్రమోమామహీమయీ ।
గాయత్రీభువనేశానీదుర్గాకాళ్యాదిరూపిణీ ॥ 31 ॥

మత్స్యకూర్మవరాహాదినానారూపవిలాసినీ ।
మహాయోగీశ్వరారాధ్యా మహావీరవరప్రదా ॥ 32 ॥

సిద్ధేశ్వరకులారాధ్యా శ్రీమచ్చరణవైభవా ॥ 33 ॥

పునర్ధ్యానం
కుంకుమపంకసమాభా-
-మంకుశపాశేక్షుకోదండశరామ్ ।
పంకజమధ్యనిషణ్ణాం
పంకేరుహలోచనాం పరాం వందే ॥

ఇతి శ్రీగర్భకులార్ణవతంత్రే దేవీ వైభవాశ్చర్యాష్టోత్తరశతనామ స్తోత్రమ్ ।