పార్వతీ వల్లభ అష్టకం

నమో భూతనాథం నమో దేవదేవం
నమః కాలకాలం నమో దివ్యతేజమ్ ।
నమః కామభస్మం నమః శాంతశీలం
భజే పార్వతీవల్లభం నీలకంఠమ్ ॥ 1 ॥

సదా తీర్థసిద్ధం సదా భక్తరక్షం
సదా శైవపూజ్యం సదా శుభ్రభస్మమ్ ।
సదా ధ్యానయుక్తం సదా జ్ఞానతల్పం
భజే పార్వతీవల్లభం నీలకంఠమ్ ॥ 2 ॥

శ్మశానే శయానం మహాస్థానవాసం
శరీరం గజానాం సదా చర్మవేష్టమ్ ।
పిశాచాదినాథం పశూనాం ప్రతిష్ఠం
భజే పార్వతీవల్లభం నీలకంఠమ్ ॥ 3 ॥

ఫణీనాగకంఠే భుజంగాద్యనేకం
గళే రుండమాలం మహావీర శూరమ్ ।
కటివ్యాఘ్రచర్మం చితాభస్మలేపం
భజే పార్వతీవల్లభం నీలకంఠమ్ ॥ 4 ॥

శిరః శుద్ధగంగా శివా వామభాగం
వియద్దీర్ఘకేశం సదా మాం త్రిణేత్రమ్ ।
ఫణీనాగకర్ణం సదా ఫాలచంద్రం
భజే పార్వతీవల్లభం నీలకంఠమ్ ॥ 5 ॥

కరే శూలధారం మహాకష్టనాశం
సురేశం పరేశం మహేశం జనేశమ్ ।
ధనేశామరేశం ధ్వజేశం గిరీశం [ధనేశస్యమిత్రం]
భజే పార్వతీవల్లభం నీలకంఠమ్ ॥ 6 ॥

ఉదాసం సుదాసం సుకైలాసవాసం
ధరానిర్ఝరే సంస్థితం హ్యాదిదేవమ్ ।
అజం హేమకల్పద్రుమం కల్పసేవ్యం
భజే పార్వతీవల్లభం నీలకంఠమ్ ॥ 7 ॥

మునీనాం వరేణ్యం గుణం రూపవర్ణం
ద్విజైః సంపఠంతం శివం వేదశాస్త్రమ్ ।
అహో దీనవత్సం కృపాలుం శివం తం
భజే పార్వతీవల్లభం నీలకంఠమ్ ॥ 8 ॥

సదా భావనాథం సదా సేవ్యమానం
సదా భక్తిదేవం సదా పూజ్యమానమ్ ।
మహాతీర్థవాసం సదా సేవ్యమేకం
భజే పార్వతీవల్లభం నీలకంఠమ్ ॥ 9 ॥

ఇతి శ్రీమచ్ఛంకరయోగీంద్ర విరచితం పార్వతీవల్లభాష్టకం నామ నీలకంఠ స్తవః ॥

ధన్యాష్టకం

(ప్రహర్షణీవృత్తం -)
తజ్జ్ఞానం ప్రశమకరం యదింద్రియాణాం
తజ్జ్ఞేయం యదుపనిషత్సు నిశ్చితార్థమ్ ।
తే ధన్యా భువి పరమార్థనిశ్చితేహాః
శేషాస్తు భ్రమనిలయే పరిభ్రమంతః ॥ 1॥

(వసంతతిలకావృత్తం -)
ఆదౌ విజిత్య విషయాన్మదమోహరాగ-
ద్వేషాదిశత్రుగణమాహృతయోగరాజ్యాః ।
జ్ఞాత్వా మతం సమనుభూయపరాత్మవిద్యా-
కాంతాసుఖం వనగృహే విచరంతి ధన్యాః ॥ 2॥

త్యక్త్వా గృహే రతిమధోగతిహేతుభూతాం
ఆత్మేచ్ఛయోపనిషదర్థరసం పిబంతః ।
వీతస్పృహా విషయభోగపదే విరక్తా
ధన్యాశ్చరంతి విజనేషు విరక్తసంగాః ॥ 3॥

త్యక్త్వా మమాహమితి బంధకరే పదే ద్వే
మానావమానసదృశాః సమదర్శినశ్చ ।
కర్తారమన్యమవగమ్య తదర్పితాని
కుర్వంతి కర్మపరిపాకఫలాని ధన్యాః ॥ 4॥

త్యక్త్వీషణాత్రయమవేక్షితమోక్షమర్గా
భైక్షామృతేన పరికల్పితదేహయాత్రాః ।
జ్యోతిః పరాత్పరతరం పరమాత్మసంజ్ఞం
ధన్యా ద్విజారహసి హృద్యవలోకయంతి ॥ 5॥

నాసన్న సన్న సదసన్న మహసన్నచాణు
న స్త్రీ పుమాన్న చ నపుంసకమేకబీజమ్ ।
యైర్బ్రహ్మ తత్సమముపాసితమేకచిత్తైః
ధన్యా విరేజురిత్తరేభవపాశబద్ధాః ॥ 6॥

అజ్ఞానపంకపరిమగ్నమపేతసారం
దుఃఖాలయం మరణజన్మజరావసక్తమ్ ।
సంసారబంధనమనిత్యమవేక్ష్య ధన్యా
జ్ఞానాసినా తదవశీర్య వినిశ్చయంతి ॥ 7॥

శాంతైరనన్యమతిభిర్మధురస్వభావైః
ఏకత్వనిశ్చితమనోభిరపేతమోహైః ।
సాకం వనేషు విజితాత్మపదస్వరుపం
తద్వస్తు సమ్యగనిశం విమృశంతి ధన్యాః ॥ 8॥

(మాలినీవృత్తం -)
అహిమివ జనయోగం సర్వదా వర్జయేద్యః
కుణపమివ సునారీం త్యక్తుకామో విరాగీ ।
విషమివ విషయాన్యో మన్యమానో దురంతాన్
జయతి పరమహంసో ముక్తిభావం సమేతి ॥ 9॥

(శార్దూలవిక్రీడితవృత్తం -)
సంపూర్ణం జగదేవ నందనవనం సర్వేఽపి కల్పద్రుమా
గాంగం వరి సమస్తవారినివహః పుణ్యాః సమస్తాః క్రియాః ।
వాచః ప్రాకృతసంస్కృతాః శ్రుతిశిరోవారాణసీ మేదినీ
సర్వావస్థితిరస్య వస్తువిషయా దృష్టే పరబ్రహ్మణి ॥ 10॥

॥ ఇతి శ్రీమద్ శంకరాచార్యవిరచితం ధన్యాష్టకం సమాప్తమ్ ॥

శరభేశాష్టకం

శ్రీ శివ ఉవాచ

శృణు దేవి మహాగుహ్యం పరం పుణ్యవివర్ధనం .
శరభేశాష్టకం మంత్రం వక్ష్యామి తవ తత్త్వతః ॥

ఋషిన్యాసాదికం యత్తత్సర్వపూర్వవదాచరేత్ .
ధ్యానభేదం విశేషేణ వక్ష్యామ్యహమతః శివే ॥

ధ్యానం

జ్వలనకుటిలకేశం సూర్యచంద్రాగ్నినేత్రం
నిశితతరనఖాగ్రోద్ధూతహేమాభదేహమ్ ।
శరభమథ మునీంద్రైః సేవ్యమానం సితాంగం
ప్రణతభయవినాశం భావయేత్పక్షిరాజమ్ ॥

అథ స్తోత్రం

దేవాదిదేవాయ జగన్మయాయ శివాయ నాలీకనిభాననాయ ।
శర్వాయ భీమాయ శరాధిపాయ నమోఽస్తు తుభ్యం శరభేశ్వరాయ ॥ 1 ॥

హరాయ భీమాయ హరిప్రియాయ భవాయ శాంతాయ పరాత్పరాయ ।
మృడాయ రుద్రాయ విలోచనాయ నమోఽస్తు తుభ్యం శరభేశ్వరాయ ॥ 2 ॥

శీతాంశుచూడాయ దిగంబరాయ సృష్టిస్థితిధ్వంసనకారణాయ ।
జటాకలాపాయ జితేంద్రియాయ నమోఽస్తు తుభ్యం శరభేశ్వరాయ ॥ 3 ॥

కలంకకంఠాయ భవాంతకాయ కపాలశూలాత్తకరాంబుజాయ ।
భుజంగభూషాయ పురాంతకాయ నమోఽస్తు తుభ్యం శరభేశ్వరాయ ॥ 4 ॥

శమాదిషట్కాయ యమాంతకాయ యమాదియోగాష్టకసిద్ధిదాయ ।
ఉమాధినాథాయ పురాతనాయ నమోఽస్తు తుభ్యం శరభేశ్వరాయ ॥ 5 ॥

ఘృణాదిపాశాష్టకవర్జితాయ ఖిలీకృతాస్మత్పథి పూర్వగాయ ।
గుణాదిహీనాయ గుణత్రయాయ నమోఽస్తు తుభ్యం శరభేశ్వరాయ ॥ 6 ॥

కాలాయ వేదామృతకందలాయ కల్యాణకౌతూహలకారణాయ ।
స్థూలాయ సూక్ష్మాయ స్వరూపగాయ నమోఽస్తు తుభ్యం శరభేశ్వరాయ ॥ 7 ॥

పంచాననాయానిలభాస్కరాయ పంచాశదర్ణాద్యపరాక్షయాయ ।
పంచాక్షరేశాయ జగద్ధితాయ నమోఽస్తు తుభ్యం శరభేశ్వరాయ ॥ 8 ॥

ఇతి శ్రీ శరభేశాష్టకమ్ ॥

కలితకనకచేలం ఖండితాపత్కుచేలం
గళధృతవనమాలం గర్వితారాతికాలమ్ ।
కలిమలహరశీలం కాంతిధూతేంద్రనీలం
వినమదవనశీలం వేణుగోపాలమీడే ॥ 1 ॥

వ్రజయువతివిలోలం వందనానందలోలం
కరధృతగురుశైలం కంజగర్భాదిపాలమ్ ।
అభిమతఫలదానం శ్రీజితామర్త్యసాలం
వినమదవనశీలం వేణుగోపాలమీడే ॥ 2 ॥

ఘనతరకరుణాశ్రీకల్పవల్ల్యాలవాలం
కలశజలధికన్యామోదకశ్రీకపోలమ్ ।
ప్లుషితవినతలోకానంతదుష్కర్మతూలం
వినమదవనశీలం వేణుగోపాలమీడే ॥ 3 ॥

శుభదసుగుణజాలం సూరిలోకానుకూలం
దితిజతతికరాలం దివ్యదారాయితేలమ్ ।మృదుమధురవచఃశ్రీ దూరితశ్రీరసాలం
వినమదవనశీలం వేణుగోపాలమీడే ॥ 4 ॥

మృగమదతిలకశ్రీమేదురస్వీయఫాలం
జగదుదయలయస్థిత్యాత్మకాత్మీయఖేలమ్ ।
సకలమునిజనాళీమానసాంతర్మరాళం
వినమదవనశీలం వేణుగోపాలమీడే ॥ 5 ॥

అసురహరణఖేలనం నందకోత్క్షేపలీలం
విలసితశరకాలం విశ్వపూర్ణాంతరాళమ్ ।
శుచిరుచిరయశశ్శ్రీధిక్కృత శ్రీమృణాలం
వినమదవనశీలం వేణుగోపాలమీడే ॥ 6 ॥

స్వపరిచరణలబ్ధ శ్రీధరాశాధిపాలం
స్వమహిమలవలీలాజాతవిధ్యండగోళమ్ ।
గురుతరభవదుఃఖానీక వాఃపూరకూలం
వినమదవనశీలం వేణుగోపాలమీడే ॥ 7 ॥

చరణకమలశోభాపాలిత శ్రీప్రవాళం
సకలసుకృతిరక్షాదక్షకారుణ్య హేలమ్ ।
రుచివిజితతమాలం రుక్మిణీపుణ్యమూలం
వినమదవనశీలం వేణుగోపాలమీడే ॥ 8 ॥

శ్రీవేణుగోపాల కృపాలవాలాం
శ్రీరుక్మిణీలోలసువర్ణచేలామ్ ।
కృతిం మమ త్వం కృపయా గృహీత్వా
స్రజం యథా మాం కురు దుఃఖదూరమ్ ॥ 9 ॥

ఇతి శ్రీ వేణుగోపాలాష్టకమ్ ।

శ్రీ పాండురంగ అష్టకం

మహాయోగపీఠే తటే భీమరథ్యా
వరం పుండరీకాయ దాతుం మునీంద్రైః ।
సమాగత్య తిష్ఠంతమానందకందం
పరబ్రహ్మలింగం భజే పాండురంగమ్ ॥ 1 ॥

తటిద్వాససం నీలమేఘావభాసం
రమామందిరం సుందరం చిత్ప్రకాశమ్ ।
వరం త్విష్టకాయాం సమన్యస్తపాదం
పరబ్రహ్మలింగం భజే పాండురంగమ్ ॥ 2 ॥

ప్రమాణం భవాబ్ధేరిదం మామకానాం
నితంబః కరాభ్యాం ధృతో యేన తస్మాత్ ।
విధాతుర్వసత్యై ధృతో నాభికోశః
పరబ్రహ్మలింగం భజే పాండురంగమ్ ॥ 3 ॥

స్ఫురత్కౌస్తుభాలంకృతం కంఠదేశే
శ్రియా జుష్టకేయూరకం శ్రీనివాసమ్ ।
శివం శాంతమీడ్యం వరం లోకపాలం
పరబ్రహ్మలింగం భజే పాండురంగమ్ ॥ 4 ॥

శరచ్చంద్రబింబాననం చారుహాసం
లసత్కుండలాక్రాంతగండస్థలాంతమ్ ।
జపారాగబింబాధరం కంజనేత్రం
పరబ్రహ్మలింగం భజే పాండురంగమ్ ॥ 5 ॥

కిరీటోజ్జ్వలత్సర్వదిక్ప్రాంతభాగం
సురైరర్చితం దివ్యరత్నైరనర్ఘైః ।
త్రిభంగాకృతిం బర్హమాల్యావతంసం
పరబ్రహ్మలింగం భజే పాండురంగమ్ ॥ 6 ॥

విభుం వేణునాదం చరంతం దురంతం
స్వయం లీలయా గోపవేషం దధానమ్ ।
గవాం బృందకానందదం చారుహాసం
పరబ్రహ్మలింగం భజే పాండురంగమ్ ॥ 7 ॥

అజం రుక్మిణీప్రాణసంజీవనం తం
పరం ధామ కైవల్యమేకం తురీయమ్ ।
ప్రసన్నం ప్రపన్నార్తిహం దేవదేవం
పరబ్రహ్మలింగం భజే పాండురంగమ్ ॥ 8 ॥

స్తవం పాండురంగస్య వై పుణ్యదం యే
పఠంత్యేకచిత్తేన భక్త్యా చ నిత్యమ్ ।
భవాంభోనిధిం తేఽపి తీర్త్వాంతకాలే
హరేరాలయం శాశ్వతం ప్రాప్నువంతి ॥ 9 ॥

ఇతి శ్రీమత్పరమహంస పరివ్రాజకాచార్య శ్రీమచ్ఛంకరభగవత్పాదాచార్య విరచితం శ్రీ పాండురంగాష్టకమ్ ।

నంద కుమార అష్టకం

సుందరగోపాలం ఉరవనమాలం నయనవిశాలం దుఃఖహరం
బృందావనచంద్రమానందకందం పరమానందం ధరణిధరమ్ ।
వల్లభఘనశ్యామం పూర్ణకామం అత్యభిరామం ప్రీతికరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 1 ॥

సుందరవారిజవదనం నిర్జితమదనం ఆనందసదనం ముకుటధరం
గుంజాకృతిహారం విపినవిహారం పరమోదారం చీరహరమ్ ।
వల్లభపటపీతం కృత ఉపవీతం కరనవనీతం విబుధవరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 2 ॥

శోభితసుఖమూలం యమునాకూలం నిపట అతూలం సుఖదతరం
ముఖమండితరేణుం చారితధేనుం వాదితవేణుం మధురసురమ్ ।
వల్లభమతివిమలం శుభపదకమలం నఖరుచి అమలం తిమిరహరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 3 ॥

శిరముకుటసుదేశం కుంచితకేశం నటవరవేషం కామవరం
మాయాకృతమనుజం హలధర అనుజం ప్రతిహతదనుజం భారహరమ్ ।
వల్లభవ్రజపాలం సుభగసుచాలం హితమనుకాలం భావవరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 4 ॥

ఇందీవరభాసం ప్రకటసరాసం కుసుమవికాసం వంశధరం
హృత్మన్మథమానం రూపనిధానం కృతకలగానం చిత్తహరమ్ ।
వల్లభమృదుహాసం కుంజనివాసం వివిధవిలాసం కేళికరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 5 ॥

అతిపరమప్రవీణం పాలితదీనం భక్తాధీనం కర్మకరం
మోహనమతిధీరం ఫణిబలవీరం హతపరవీరం తరళతరమ్ ।
వల్లభవ్రజరమణం వారిజవదనం హలధరశమనం శైలధరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 6 ॥

జలధరద్యుతిఅంగం లలితత్రిభంగం బహుకృతిరంగం రసికవరం
గోకులపరివారం మదనాకారం కుంజవిహారం గూఢతరమ్ ।
వల్లభవ్రజచంద్రం సుభగసుఛందం కృత ఆనందం భ్రాంతిహరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 7 ॥

వందితయుగచరణం పావనకరణం జగదుద్ధరణం విమలధరం
కాళియశిరగమనం కృతఫణినమనం ఘాతితయమనం మృదులతరమ్ ।
వల్లభదుఃఖహరణం నిర్మలచరణం అశరణశరణం ముక్తికరం
భజ నందకుమారం సర్వసుఖసారం తత్త్వవిచారం బ్రహ్మపరమ్ ॥ 8 ॥

ఇతి శ్రీమద్వల్లభాచార్యవిరచితం శ్రీనందకుమారాష్టకమ్ ॥

గణేశ అష్టకం

సర్వే ఉచుః ।
యతోఽనంతశక్తేరనంతాశ్చ జీవా
యతో నిర్గుణాదప్రమేయా గుణాస్తే ।
యతో భాతి సర్వం త్రిధా భేదభిన్నం
సదా తం గణేశం నమామో భజామః ॥ 1 ॥

యతశ్చావిరాసీజ్జగత్సర్వమేత-
-త్తథాబ్జాసనో విశ్వగో విశ్వగోప్తా ।
తథేంద్రాదయో దేవసంఘా మనుష్యాః
సదా తం గణేశం నమామో భజామః ॥ 2 ॥

యతో వహ్నిభానూ భవో భూర్జలం చ
యతః సాగరాశ్చంద్రమా వ్యోమ వాయుః ।
యతః స్థావరా జంగమా వృక్షసంఘాః
సదా తం గణేశం నమామో భజామః ॥ 3 ॥

యతో దానవాః కిన్నరా యక్షసంఘా
యతశ్చారణా వారణాః శ్వాపదాశ్చ ।
యతః పక్షికీటా యతో వీరుధశ్చ
సదా తం గణేశం నమామో భజామః ॥ 4 ॥

యతో బుద్ధిరజ్ఞాననాశో ముముక్షో-
-ర్యతః సంపదో భక్తసంతోషదాః స్యుః ।
యతో విఘ్ననాశో యతః కార్యసిద్ధిః
సదా తం గణేశం నమామో భజామః ॥ 5 ॥

యతః పుత్రసంపద్యతో వాంఛితార్థో
యతోఽభక్తవిఘ్నాస్తథాఽనేకరూపాః ।
యతః శోకమోహౌ యతః కామ ఏవ
సదా తం గణేశం నమామో భజామః ॥ 6 ॥

యతోఽనంతశక్తిః స శేషో బభూవ
ధరాధారణేఽనేకరూపే చ శక్తః ।
యతోఽనేకధా స్వర్గలోకా హి నానా
సదా తం గణేశం నమామో భజామః ॥ 7 ॥

యతో వేదవాచో వికుంఠా మనోభిః
సదా నేతి నేతీతి యత్తా గృణంతి ।
పరబ్రహ్మరూపం చిదానందభూతం
సదా తం గణేశం నమామో భజామః ॥ 8 ॥

శ్రీగణేశ ఉవాచ ।
పునరూచే గణాధీశః స్తోత్రమేతత్పఠేన్నరః ।
త్రిసంధ్యం త్రిదినం తస్య సర్వకార్యం భవిష్యతి ॥ 9 ॥

యో జపేదష్టదివసం శ్లోకాష్టకమిదం శుభమ్ ।
అష్టవారం చతుర్థ్యాం తు సోఽష్టసిద్ధీరవాప్నుయాత్ ॥ 10 ॥

యః పఠేన్మాసమాత్రం తు దశవారం దినే దినే ।
స మోచయేద్బంధగతం రాజవధ్యం న సంశయః ॥ 11 ॥

విద్యాకామో లభేద్విద్యాం పుత్రార్థీ పుత్రమాప్నుయాత్ ।
వాంఛితాఁల్లభతే సర్వానేకవింశతివారతః ॥ 12 ॥

యో జపేత్పరయా భక్త్యా గజాననపరో నరః ।
ఏవముక్త్వా తతో దేవశ్చాంతర్ధానం గతః ప్రభుః ॥ 13 ॥

ఇతి శ్రీగణేశపురాణే ఉపాసనాఖండే శ్రీగణేశాష్టకమ్ ।

సుదర్శన అష్టకం (వేదాంతాచార్య కృతం)

ప్రతిభటశ్రేణిభీషణ వరగుణస్తోమభూషణ
జనిభయస్థానతారణ జగదవస్థానకారణ ।
నిఖిలదుష్కర్మకర్శన నిగమసద్ధర్మదర్శన
జయ జయ శ్రీసుదర్శన జయ జయ శ్రీసుదర్శన ॥ 1 ॥

శుభజగద్రూపమండన సురజనత్రాసఖండన
శతమఖబ్రహ్మవందిత శతపథబ్రహ్మనందిత ।
ప్రథితవిద్వత్సపక్షిత భజదహిర్బుధ్న్యలక్షిత
జయ జయ శ్రీసుదర్శన జయ జయ శ్రీసుదర్శన ॥ 2 ॥

నిజపదప్రీతసద్గణ నిరుపథిస్ఫీతషడ్గుణ
నిగమనిర్వ్యూఢవైభవ నిజపరవ్యూహవైభవ ।
హరిహయద్వేషిదారణ హరపురప్లోషకారణ
జయ జయ శ్రీసుదర్శన జయ జయ శ్రీసుదర్శన ॥ 3 ॥

స్ఫుటతటిజ్జాలపింజర పృథుతరజ్వాలపంజర
పరిగతప్రత్నవిగ్రహ పరిమితప్రజ్ఞదుర్గ్రహ ।
ప్రహరణగ్రామమండిత పరిజనత్రాణపండిత
జయ జయ శ్రీసుదర్శన జయ జయ శ్రీసుదర్శన ॥ 4 ॥

భువననేతస్త్రయీమయ సవనతేజస్త్రయీమయ
నిరవధిస్వాదుచిన్మయ నిఖిలశక్తేజగన్మయ ।
అమితవిశ్వక్రియామయ శమితవిశ్వగ్భయామయ
జయ జయ శ్రీసుదర్శన జయ జయ శ్రీసుదర్శన ॥ 5 ॥

మహితసంపత్సదక్షర విహితసంపత్షడక్షర
షడరచక్రప్రతిష్ఠిత సకలతత్త్వప్రతిష్ఠిత ।
వివిధసంకల్పకల్పక విబుధసంకల్పకల్పక
జయ జయ శ్రీసుదర్శన జయ జయ శ్రీసుదర్శన ॥ 6 ॥

ప్రతిముఖాలీఢబంధుర పృథుమహాహేతిదంతుర
వికటమాలాపరిష్కృత వివిధమాయాబహిష్కృత ।
స్థిరమహాయంత్రయంత్రిత దృఢదయాతంత్రయంత్రిత
జయ జయ శ్రీసుదర్శన జయ జయ శ్రీసుదర్శన ॥ 7 ॥

దనుజవిస్తారకర్తన దనుజవిద్యావికర్తన
జనితమిస్రావికర్తన భజదవిద్యానికర్తన ।
అమరదృష్టస్వవిక్రమ సమరజుష్టభ్రమిక్రమ
జయ జయ శ్రీసుదర్శన జయ జయ శ్రీసుదర్శన ॥ 8 ॥

ద్విచతుష్కమిదం ప్రభూతసారం
పఠతాం వేంకటనాయకప్రణీతమ్ ।
విషమేఽపి మనోరథః ప్రధావన్
న విహన్యేత రథాంగధుర్యగుప్తః ॥ 9 ॥

ఇతి శ్రీ వేదాంతాచార్యస్య కృతిషు సుదర్శనాష్టకమ్ ।

హరివరాసనం (హరిహరాత్మజ అష్టకం)

హరివరాసనం విశ్వమోహనం
హరిదధీశ్వరం ఆరాధ్యపాదుకమ్ ।
అరివిమర్దనం నిత్యనర్తనం
హరిహరాత్మజం దేవమాశ్రయే ॥ 1 ॥

శరణకీర్తనం భక్తమానసం
భరణలోలుపం నర్తనాలసమ్ ।
అరుణభాసురం భూతనాయకం
హరిహరాత్మజం దేవమాశ్రయే ॥ 2 ॥

ప్రణయసత్యకం ప్రాణనాయకం
ప్రణతకల్పకం సుప్రభాంచితమ్ ।
ప్రణవమందిరం కీర్తనప్రియం
హరిహరాత్మజం దేవమాశ్రయే ॥ 3 ॥

తురగవాహనం సుందరాననం
వరగదాయుధం వేదవర్ణితమ్ ।
గురుకృపాకరం కీర్తనప్రియం
హరిహరాత్మజం దేవమాశ్రయే ॥ 4 ॥

త్రిభువనార్చితం దేవతాత్మకం
త్రినయనప్రభుం దివ్యదేశికమ్ ।
త్రిదశపూజితం చింతితప్రదం
హరిహరాత్మజం దేవమాశ్రయే ॥ 5 ॥

భవభయాపహం భావుకావకం
భువనమోహనం భూతిభూషణమ్ ।
ధవళవాహనం దివ్యవారణం
హరిహరాత్మజం దేవమాశ్రయే ॥ 6 ॥

కళమృదుస్మితం సుందరాననం
కళభకోమలం గాత్రమోహనమ్ ।
కళభకేసరీవాజివాహనం
హరిహరాత్మజం దేవమాశ్రయే ॥ 7 ॥

శ్రితజనప్రియం చింతితప్రదం
శ్రుతివిభూషణం సాధుజీవనమ్ ।
శ్రుతిమనోహరం గీతలాలసం
హరిహరాత్మజం దేవమాశ్రయే ॥ 8 ॥

శరణం అయ్యప్పా స్వామి శరణం అయ్యప్పా ।
శరణం అయ్యప్పా స్వామి శరణం అయ్యప్పా ॥

భవానీ అష్టకం

న తాతో న మాతా న బంధుర్న దాతా
న పుత్రో న పుత్రీ న భృత్యో న భర్తా
న జాయా న విద్యా న వృత్తిర్మమైవ
గతిస్త్వం గతిస్త్వం త్వమేకా భవాని ॥ 1 ॥

భవాబ్ధావపారే మహాదుఃఖభీరు
పపాత ప్రకామీ ప్రలోభీ ప్రమత్తః
కుసంసారపాశప్రబద్ధః సదాహం
గతిస్త్వం గతిస్త్వం త్వమేకా భవాని ॥ 2 ॥

న జానామి దానం న చ ధ్యానయోగం
న జానామి తంత్రం న చ స్తోత్రమంత్రం
న జానామి పూజాం న చ న్యాసయోగం
గతిస్త్వం గతిస్త్వం త్వమేకా భవాని ॥ 3 ॥

న జానామి పుణ్యం న జానామి తీర్థం
న జానామి ముక్తిం లయం వా కదాచిత్
న జానామి భక్తిం వ్రతం వాపి మాతః
గతిస్త్వం గతిస్త్వం త్వమేకా భవాని ॥ 4 ॥

కుకర్మీ కుసంగీ కుబుద్ధిః కుదాసః
కులాచారహీనః కదాచారలీనః
కుదృష్టిః కువాక్యప్రబంధః సదాహం
గతిస్త్వం గతిస్త్వం త్వమేకా భవాని ॥ 5 ॥

ప్రజేశం రమేశం మహేశం సురేశం
దినేశం నిశీథేశ్వరం వా కదాచిత్
న జానామి చాన్యత్ సదాహం శరణ్యే
గతిస్త్వం గతిస్త్వం త్వమేకా భవాని ॥ 6 ॥

వివాదే విషాదే ప్రమాదే ప్రవాసే
జలే చానలే పర్వతే శత్రుమధ్యే
అరణ్యే శరణ్యే సదా మాం ప్రపాహి
గతిస్త్వం గతిస్త్వం త్వమేకా భవాని ॥ 7 ॥

అనాథో దరిద్రో జరారోగయుక్తో
మహాక్షీణదీనః సదా జాడ్యవక్త్రః
విపత్తౌ ప్రవిష్టః ప్రనష్టః సదాహం
గతిస్త్వం గతిస్త్వం త్వమేకా భవాని ॥ 8 ॥

॥ ఇతి శ్రీమదాదిశంకరాచార్యవిరచితం భవాన్యష్టకం సంపూర్ణమ్ ॥

శ్రీ శివ చాలీసా

దోహా
జై గణేశ గిరిజాసువన ।
మంగలమూల సుజాన ॥
కహాతాయోధ్యాదాసతుమ ।
దే ఉ అభయవరదాన ॥

చౌపాయి
జై గిరిజాపతి దీనదయాల ।
సదాకరత సంతన ప్రతిపాల ॥

భాల చంద్ర మాసోహతనీకే ।
కాననకుండల నాగఫనీకే ॥

అంగగౌర శిర గంగ బహాయే ।
ముండమాల తన ఛారలగాయే ॥

వస్త్ర ఖాల బాఘంబర సో హై ।
ఛబి కోదేఖి నాగమునిమోహై ॥

మైనా మాతుకిహవై దులారీ ।
వామ అంగ సో హత ఛ బి న్యారీ ॥

కర త్రిశూల సోహత ఛ బి భారీ ।
కరత సదా శత్రు న క్షయకారి ॥

నందిగణేశ సోహైత హ కై సే ।
సాగరమధ్య కమలహై జై సే ॥

కార్తీక శ్యామ ఔర గణరావు ।
యా ఛబికౌ కహి జాత న కావు ॥

దేవన జబహి జాయ పుకారా ।
తబహిదుఖప్రభు ఆపనినారా ॥

కియా ఉపద్రవ తారకభారీ ।
దేవన సబమిలి తుం హి జుహారీ ॥

తురత షడానన ఆప పఠాయవు ।
లవనిమేష మహ మారి గిరాయవు ॥

ఆపజలంధర అసుర సంహారా ।
సు యశ తుం హార విదిత సంసారా ॥

త్రిపురాసుర సన యుద్ధమ చా ఈ ।
స బహి కృపా కర లీన బచా ఈ ॥

కియా తపహి భగీరథభారీ ।
పురవ ప్రతిజ్ఞా తాసు పురారీ ॥

దానిన మహ తుమ సమతోవునహీ ।
నేవకస్తుతి కరత సదాహి ॥

వేదనామ మహిమా తవగా ఈ ।
అకధ అనాది భేదన హి పా ఈ ॥

ప్రగటీ ఉదథి మథన మే జ్వాలా ।
జరతసురాసుర భయే నిహాలా ॥

కీన్హదయా తహ కరీ సహా ఈ ।
నీలకంఠ తవనామ క హా ఈ ॥

పూజన రామచంద్ర జబకిన్హ ।
జీతకే లంక విభీషణ దీన్హ ॥

సహస కమలమే హోరహేధారీ ।
కీన్హ పరీక్షా త బహి పురారీ ॥

ఏకకమల ప్రభురాఖెవు జో ఈ ।
కమలనయన పూజన చహ సో ఈ ॥

కఠినభక్తి దేఖీ ప్రభు శంకర ।
భయే ప్రసన్నదియో ఇచ్ఛితివర ॥

జయ జయ జయ అనంత అవినాసీ ।
కరతకృపా సబకే ఘటవాసీ ॥

దుష్టసకల నితమోహి సతావై ।
భ్రమత రహేమెహిచైన న ఆనై ॥

త్రాహి త్రాహిమై నాధపుకారో ।
యాహి అవసరమోహి ఆన ఉబారో ॥

వైత్రిశూల శత్రున కోమారో ।
సంకట నేమోహి ఆని ఉబారో ॥

మాతపితా భ్రాతా సబకో ఈ ।
సంకటమే పూఛత నహికో ఈ ॥

స్వామి ఏకహై ఆశతుమ్హారీ ।
ఆయ హరహు అబసంకట భారీ ॥

ధన నిరధనకో దేత సదాహి ।
జో కో ఈ బాంబేవోఫల పాహీ ॥

స్తుతికెహివిధి కరౌ తుమ్హారీ ।
క్షమహనాథ అబచూక హమారీ ॥

శంకరహో సంకటకే నాశన ।
విఘ్న వినాశన మంగళ కారన ॥

యోగీ యతి మునిధ్యాన లగా ।
వైశారద నారద శీశనవావై ॥

నమో నమో జై నమః శివాయ ।
సురబ్రహ్మాదిక పార న పాయె ॥

జో యహ పాఠ క రై మనలా ఈ ।
తాపర హోతహై శంభు సహా ఈ ॥

ఋనియా జో కో ఈ హోఅధికారీ ।
పాఠక రై సో పావన హారీ ॥

పుత్రహోనకర ఇచ్ఛాకోఈ ।
నిశ్చయ శివ ప్రశాదతెహిహో ఈ ॥

పండిత త్రయోదశీ కోలావై ।
ధ్యానపూర్వ క రా వై ॥

త్రయోదశీ వ్రత కరైహమేశా ।
తన నహి తాకేరహై కలేశా ॥

ధూపదీప నైవేద్య చఢావై ।
శంకర సన్ముఖ పాఠసునావై ॥

జన్మ జన్మకే పాపవసావై ।
అంతవాస శివపురమే పాలై ॥

దోహా
నిత నేమ కరిప్రాతహి పాఠకలౌ చాలీస
తుమమేరీ మనకామనా పూర్ణ హు జగదేశ ॥
మగకర ఛఠి హేమంత ఋతు సంవత్ చౌంసఠ జాన
స్తుతి చాలీసా శివ జి పూర్ణ కేన కల్యాన ॥

నమః పార్వతీ పతయేనమః

నటరాజ స్తోత్రం (పతంజలి కృతం)

అథ చరణశృంగరహిత శ్రీ నటరాజ స్తోత్రం

సదంచిత-ముదంచిత నికుంచిత పదం ఝలఝలం-చలిత మంజు కటకమ్ ।
పతంజలి దృగంజన-మనంజన-మచంచలపదం జనన భంజన కరమ్ ।
కదంబరుచిమంబరవసం పరమమంబుద కదంబ కవిడంబక గలం
చిదంబుధి మణిం బుధ హృదంబుజ రవిం పర చిదంబర నటం హృది భజ ॥ 1 ॥

హరం త్రిపుర భంజన-మనంతకృతకంకణ-మఖండదయ-మంతరహితం
విరించిసురసంహతిపురంధర విచింతితపదం తరుణచంద్రమకుటమ్ ।
పరం పద విఖండితయమం భసిత మండితతనుం మదనవంచన పరం
చిరంతనమముం ప్రణవసంచితనిధిం పర చిదంబర నటం హృది భజ ॥ 2 ॥

అవంతమఖిలం జగదభంగ గుణతుంగమమతం ధృతవిధుం సురసరిత్-
తరంగ నికురుంబ ధృతి లంపట జటం శమనదంభసుహరం భవహరమ్ ।
శివం దశదిగంతర విజృంభితకరం కరలసన్మృగశిశుం పశుపతిం
హరం శశిధనంజయపతంగనయనం పర చిదంబర నటం హృది భజ ॥ 3 ॥

అనంతనవరత్నవిలసత్కటకకింకిణిఝలం ఝలఝలం ఝలరవం
ముకుందవిధి హస్తగతమద్దల లయధ్వనిధిమిద్ధిమిత నర్తన పదమ్ ।
శకుంతరథ బర్హిరథ నందిముఖ భృంగిరిటిసంఘనికటం భయహరం
సనంద సనక ప్రముఖ వందిత పదం పర చిదంబర నటం హృది భజ ॥ 4 ॥

అనంతమహసం త్రిదశవంద్య చరణం ముని హృదంతర వసంతమమలం
కబంధ వియదింద్వవని గంధవహ వహ్నిమఖ బంధురవిమంజు వపుషమ్ ।
అనంతవిభవం త్రిజగదంతర మణిం త్రినయనం త్రిపుర ఖండన పరం
సనంద ముని వందిత పదం సకరుణం పర చిదంబర నటం హృది భజ ॥ 5 ॥

అచింత్యమలివృంద రుచి బంధురగలం కురిత కుంద నికురుంబ ధవలం
ముకుంద సుర వృంద బల హంతృ కృత వందన లసంతమహికుండల ధరమ్ ।
అకంపమనుకంపిత రతిం సుజన మంగలనిధిం గజహరం పశుపతిం
ధనంజయ నుతం ప్రణత రంజనపరం పర చిదంబర నటం హృది భజ ॥ 6 ॥

పరం సురవరం పురహరం పశుపతిం జనిత దంతిముఖ షణ్ముఖమముం
మృడం కనక పింగల జటం సనక పంకజ రవిం సుమనసం హిమరుచిమ్ ।
అసంఘమనసం జలధి జన్మగరలం కవలయంత మతులం గుణనిధిం
సనంద వరదం శమితమిందు వదనం పర చిదంబర నటం హృది భజ ॥ 7 ॥

అజం క్షితిరథం భుజగపుంగవగుణం కనక శృంగి ధనుషం కరలసత్
కురంగ పృథు టంక పరశుం రుచిర కుంకుమ రుచిం డమరుకం చ దధతమ్ ।
ముకుంద విశిఖం నమదవంధ్య ఫలదం నిగమ వృంద తురగం నిరుపమం
స చండికమముం ఝటితి సంహృతపురం పర చిదంబర నటం హృది భజ ॥ 8 ॥

అనంగపరిపంథినమజం క్షితి ధురంధరమలం కరుణయంతమఖిలం
జ్వలంతమనలం దధతమంతకరిపుం సతతమింద్ర సురవందితపదమ్ ।
ఉదంచదరవిందకుల బంధుశత బింబరుచి సంహతి సుగంధి వపుషం
పతంజలి నుతం ప్రణవ పంజర శుకం పర చిదంబర నటం హృది భజ ॥ 9 ॥

ఇతి స్తవమముం భుజగపుంగవ కృతం ప్రతిదినం పఠతి యః కృతముఖః
సదః ప్రభుపద ద్వితయదర్శనపదం సులలితం చరణ శృంగ రహితమ్ ।
సరః ప్రభవ సంభవ హరిత్పతి హరిప్రముఖ దివ్యనుత శంకరపదం
స గచ్ఛతి పరం న తు జనుర్జలనిధిం పరమదుఃఖజనకం దురితదమ్ ॥ 10 ॥

ఇతి శ్రీ పతంజలిముని ప్రణీతం చరణశృంగరహిత నటరాజ స్తోత్రం సంపూర్ణమ్ ॥