Sacred Stotras & Deities

శ్రీ చంద్ర అష్టావింశతి నామ స్తోత్రం

శ్రీ చంద్ర అష్టావింశతి నామ స్తోత్రం.

Telugu

శ్రీ చంద్ర అష్టావింశతి నామ స్తోత్రం

చంద్రస్య శృణు నామాని శుభదాని మహీపతే |
యాని శృత్వా నరో దుఃఖాన్ముచ్యతే నాత్ర సంశయః || 1 ||
సుధాకరో విధుః సోమో గ్లౌరబ్జః కుముదప్రియః |
లోకప్రియః శుభ్రభానుశ్చంద్రమా రోహిణీపతిః || 2 ||
శశీ హిమకరో రాజా ద్విజరాజో నిశాకరః |
ఆత్రేయ ఇందుః శీతాంశురోషధీశః కళానిధిః || 3 ||
జైవాతృకో రమాభ్రాతా క్షీరోదార్ణవసంభవః |
నక్షత్రనాయకః శంభుశ్శిరశ్చూడామణిర్విభుః || 4 ||
తాపహర్తా నభోదీపో నామాన్యేతాని యః పఠేత్ |
ప్రత్యహం భక్తిసంయుక్తస్తస్య పీడా వినశ్యతి || 5 ||
తద్దినే చ పఠేద్యస్తు లభేత్సర్వం సమీహితం |
గ్రహాదీనాం చ సర్వేషాం భవేచ్చంద్రబలం సదా || 6 ||
ఇతి శ్రీ చంద్ర అష్టావింశతినామ స్తోత్రం ||

శ్రీ చంద్ర కవచం

శ్రీ చంద్ర కవచం.

Telugu

Read Stotra

శ్రీ చంద్ర కవచం

అస్య శ్రీచంద్ర కవచస్తోత్ర మహామంత్రస్య గౌతమ ఋషిః, అనుష్టుప్ ఛందః, సోమో దేవతా, రం బీజం, సం శక్తిః, ఓం కీలకం, సోమగ్రహ ప్రసాదసిద్ధ్యర్థే జపే వినియోగః |
కరన్యాసః |
వాం అంగుష్ఠాభ్యాం నమః |
వీం తర్జనీభ్యాం నమః |
వూం మధ్యమాభ్యాం నమః |
వైం అనామికాభ్యాం నమః |
వౌం కనిష్ఠికాభ్యాం నమః |
వః కరతలకరపృష్ఠాభ్యాం నమః |
అంగన్యాసః |
వాం హృదయాయ నమః |
వీం శిరసే స్వాహా |
వూం శిఖాయై వషట్ |
వైం కవచాయ హుం |
వౌం నేత్రత్రయాయ వౌషట్ |
వః అస్త్రాయ ఫట్ |
ధ్యానం –
సోమం ద్విభుజపద్మం చ శుక్లాంబరధరం శుభం
శ్వేతగంధానులేపం చ ముక్తాభరణభూషణం |
శ్వేతాశ్వరథమారూఢం మేరుం చైవ ప్రదక్షిణం
సోమం చతుర్భుజం దేవం కేయూరమకుటోజ్జ్వలం || 1 ||
వాసుదేవస్య నయనం శంకరస్య చ భూషణం |
ఏవం ధ్యాత్వా జపేన్నిత్యం చంద్రస్య కవచం ముదా || 2 ||
అథ కవచం –
శశీ పాతు శిరోదేశే ఫాలం పాతు కలానిధిః |
చక్షుషీ చంద్రమాః పాతు శ్రుతీ పాతు కలాత్మకః || 1 ||
ఘ్రాణం పక్షకరః పాతు ముఖం కుముదబాంధవః |
సోమః కరౌ తు మే పాతు స్కంధౌ పాతు సుధాత్మకః || 2 ||
ఊరూ మైత్రీనిధిః పాతు మధ్యం పాతు నిశాకరః |
కటిం సుధాకరః పాతు ఉరః పాతు శశంధరః || 3 ||
మృగాంకో జానునీ పాతు జంఘే పాత్వమృతాబ్ధిజః |
పాదౌ హిమకరః పాతు పాతు చంద్రోఽఖిలం వపుః || 4 ||
ఏతద్ధి కవచం పుణ్యం భుక్తిముక్తిప్రదాయకం |
యః పఠేచ్ఛృణుయాద్వాపి సర్వత్ర విజయీ భవేత్ || 5 ||
ఇతి శ్రీబ్రహ్మవైవర్త మహాపురాణే దక్షిణఖండే శ్రీ చంద్ర కవచం |

శ్రీ చంద్ర స్తోత్రం 1

శ్రీ చంద్ర స్తోత్రం 1.

Telugu

Read Stotra

శ్రీ చంద్ర స్తోత్రం 1

నమశ్చంద్రాయ సోమాయేందవే కుముదబంధవే |
విలోహితాయ శుభ్రాయ శుక్లాంబరధరాయ చ || 1 ||
త్వమేవ సర్వలోకానామాప్యాయనకరః సదా |
క్షీరోద్భవాయ దేవాయ నమః శంకరశేఖర || 2 ||
యుగానాం యుగకర్తా త్వం నిశానాథో నిశాకరః |
సంవత్సరాణాం మాసానామృతూనాం తు తథైవ చ || 3 ||
గ్రహాణాం చ త్వమేకోఽసి సౌంయః సోమకరః ప్రభుః |
ఓషధీపతయే తుభ్యం రోహిణీపతయే నమః || 4 ||
ఇదం తు పఠతే స్తోత్రం ప్రాతరుత్థాయ యో నరః |
దివా వా యది వా రాత్రౌ బద్ధచిత్తో హి యో నరః || 5 ||
న భయం విద్యతే తస్య కార్యసిద్ధిర్భవిష్యతి |
అహోరాత్రకృతం పాపం పఠనాదేవ నశ్యతి || 6 ||
ద్విజరాజో మహాపుణ్యస్తారాపతిర్విశేషతః |
ఓషధీనాం చ యో రాజా స సోమః ప్రీయతాం మమ || 7 ||

శ్రీ చంద్ర అష్టోత్తరశతనామ స్తోత్రం

శ్రీ చంద్ర అష్టోత్తరశతనామ స్తోత్రం.

Telugu

Read Stotra

శ్రీ చంద్ర అష్టోత్తరశతనామ స్తోత్రం

శ్రీమాన్ శశధరశ్చంద్రో తారాధీశో నిశాకరః |
సుధానిధిః సదారాధ్యః సత్పతిః సాధుపూజితః || 1 ||
జితేంద్రియో జగద్యోనిః జ్యోతిశ్చక్రప్రవర్తకః |
వికర్తనానుజో వీరో విశ్వేశో విదుషాం పతిః || 2 ||
దోషాకరో దుష్టదూరః పుష్టిమాన్ శిష్టపాలకః |
అష్టమూర్తిప్రియోఽనంతకష్టదారుకుఠారకః || 3 ||
స్వప్రకాశః ప్రకాశాత్మా ద్యుచరో దేవభోజనః |
కళాధరః కాలహేతుః కామకృత్కామదాయకః || 4 ||
మృత్యుసంహారకోఽమర్త్యో నిత్యానుష్ఠానదాయకః |
క్షపాకరః క్షీణపాపః క్షయవృద్ధిసమన్వితః || 5 ||
జైవాతృకః శుచీ శుభ్రో జయీ జయఫలప్రదః |
సుధామయః సురస్వామీ భక్తనామిష్టదాయకః || 6 ||
భుక్తిదో ముక్తిదో భద్రో భక్తదారిద్ర్యభంజకః |
సామగానప్రియః సర్వరక్షకః సాగరోద్భవః || 7 ||
భయాంతకృద్భక్తిగంయో భవబంధవిమోచకః |
జగత్ప్రకాశకిరణో జగదానందకారణః || 8 ||
నిస్సపత్నో నిరాహారో నిర్వికారో నిరామయః |
భూచ్ఛాయాఽఽచ్ఛాదితో భవ్యో భువనప్రతిపాలకః || 9 ||
సకలార్తిహరః సౌంయజనకః సాధువందితః |
సర్వాగమజ్ఞః సర్వజ్ఞో సనకాదిమునిస్తుతః || 10 ||
సితచ్ఛత్రధ్వజోపేతః సితాంగో సితభూషణః |
శ్వేతమాల్యాంబరధరః శ్వేతగంధానులేపనః || 11 ||
దశాశ్వరథసంరూఢో దండపాణిః ధనుర్ధరః |
కుందపుష్పోజ్జ్వలాకారో నయనాబ్జసముద్భవః || 12 ||
ఆత్రేయగోత్రజోఽత్యంతవినయః ప్రియదాయకః |
కరుణారససంపూర్ణః కర్కటప్రభురవ్యయః || 13 ||
చతురశ్రాసనారూఢశ్చతురో దివ్యవాహనః |
వివస్వన్మండలాగ్నేయవాసో వసుసమృద్ధిదః || 14 ||
మహేశ్వరప్రియో దాంతః మేరుగోత్రప్రదక్షిణః |
గ్రహమండలమధ్యస్థో గ్రసితార్కో గ్రహాధిపః || 15 ||
ద్విజరాజో ద్యుతిలకో ద్విభుజో ద్విజపూజితః |
ఔదుంబరనగావాస ఉదారో రోహిణీపతిః || 16 ||
నిత్యోదయో మునిస్తుత్యో నిత్యానందఫలప్రదః |
సకలాహ్లాదనకరః పలాశసమిధప్రియః || 17 ||
ఏవం నక్షత్రనాథస్య నాంనామష్టోత్తరం శతం ||
ఇతి శ్రీ చంద్ర అష్టోత్తరశతనామ స్తోత్రం |

శ్రీ చంద్ర అష్టోత్తరశతనామావళిః

శ్రీ చంద్ర అష్టోత్తరశతనామావళిః.

Telugu

Read Stotra

శ్రీ చంద్ర అష్టోత్తరశతనామావళిః

శ్రీ చంద్ర స్తోత్రం 2

శ్రీ చంద్ర స్తోత్రం 2.

Telugu

Read Stotra

చంద్ర గ్రహస్య వేదోక్త మంత్రం

చంద్ర గ్రహస్య వేదోక్త మంత్రం.

Telugu

Read Stotra

చంద్ర గ్రహస్య వేదోక్త మంత్రం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ చంద్ర గ్రహపీడాపరిహారార్థం చంద్ర గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యకం చంద్ర గ్రహస్య న్యాసపూర్వక వేదోక్త మంత్రజపం కరిష్యే ||
ఇమం దేవా ఇతి మంత్రస్య దేవావాత ఋషిః స్వరాట్ బ్రాహ్మీ త్రిష్టుప్ ఛందః సోమో దేవతా అసపత్నమితి బీజం సోమ ప్రీత్యర్థే జపే వినియోగః |
న్యాసః –
ఓం దేవావాత ఋషయే నమః శిరసి |
ఓం స్వరాట్ బ్రాహ్మీ త్రిష్టుప్ ఛందసే నమః ముఖే |
ఓం సోమ దేవతాయై నమః హృదయే |
ఓం అసపత్నమితి బీజాయ నమః గుహ్యే |
ఓం సోమ ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం ఇమం దేవాఽఅసపత్నగ్ం సువధ్వమితి అంగుష్ఠాభ్యాం నమః |
ఓం మహతే క్షత్రాయేతి తర్జనీభ్యాం నమః |
ఓం మహతే జ్యైష్ఠ్యాయేతి మధ్యమాభ్యాం నమః |
ఓం మహతే జానరాజ్యాయేన్ద్రస్యేన్ద్రియాయేతి అనామికాభ్యాం నమః |
ఓం ఇమమముష్య పుత్రమముష్యై ఇతి కనిష్ఠికాభ్యాం నమః |
ఓం పుత్రమస్యై విశఽఏష వోఽమీ రాజా సోమోఽస్మాకం బ్రాహ్మణానాగ్ం రాజేతి కరతలకరపృష్ఠాభ్యాం నమః |
హృదయాదిన్యాసః –
ఓం ఇమం దేవాఽఅసపత్నగ్ం సువధ్వమితి హృదయాయ నమః |
ఓం మహతే క్షత్రాయేతి శిరసే స్వాహా |
ఓం మహతే జ్యైష్ఠ్యాయేతి శిఖాయై వషట్ |
ఓం మహతే జానరాజ్యాయేన్ద్రస్యేన్ద్రియాయేతి కవచాయ హుం |
ఓం ఇమమముష్య పుత్రమముష్యై ఇతి నేత్రత్రయాయ వౌషట్ |
ఓం పుత్రమస్యై విశఽఏష వోఽమీ రాజా సోమోఽస్మాకం బ్రాహ్మణానాగ్ం రాజేతి అస్త్రాయ ఫట్ |
ధ్యానం –
శ్వేతాంబరః శ్వేతవపుః కిరీటీ
శ్వేతద్యుతిర్దండధరో ద్విబాహుః |
చంద్రోఽమృతాత్మా వరదః కిరీటీ
శ్రేయాంసి మహ్యం విదధాతు దేవః ||
(య.వే.10-18)
ఓం ఇ॒మం దే॑వాఽఅసప॒త్నగ్ం సు॑వధ్వం మహ॒తే క్ష॒త్రా॑య మహ॒తే జ్యైష్ఠ్యా॑య మహ॒తే జాన॑రాజ్యా॒యేన్ద్ర॑స్యేన్ద్రి॒యాయ॑ | ఇ॒మమ॒ముష్య॑ పు॒త్రమ॒ముష్యై॑ పు॒త్రమ॒స్యై వి॒శఽ ఏ॒ష వో॑ఽమీ॒ రాజా॒ సోమో॒ఽస్మాక॑o బ్రాహ్మ॒ణానా॒o(గ్) రాజా॑ ||
ఓం సోమాయ నమః |
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత చంద్ర గ్రహస్య మంత్ర జపేన చంద్ర సుప్రీతో సుప్రసన్నో వరదో భవంతు |

చంద్ర గ్రహస్య బీజ మంత్ర జపం

చంద్ర గ్రహస్య బీజ మంత్ర జపం.

Telugu

Read Stotra

చంద్ర గ్రహస్య బీజ మంత్ర జపం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్టాయాం శుభతిథౌ మమ చంద్ర గ్రహపీడాపరిహారార్థం చంద్ర గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం చంద్ర గ్రహస్య బీజమంత్ర జపం కరిష్యే ||
ధ్యానం –
శ్వేతాంబరః శ్వేతవపుః కిరీటీ
శ్వేతద్యుతిర్దండధరో ద్విబాహుః |
చంద్రోఽమృతాత్మా వరదః కిరీటీ
శ్రేయాంసి మహ్యం విదధాతు దేవః ||
దధిశంఖతుషారాభం క్షీరోదార్ణవసంభవం |
నమామి శశినం సోమం శంభోర్ముకుటభూషణం ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం శ్రాం శ్రీం శ్రౌం సః చంద్రాయ నమః | (11000)
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత చంద్ర గ్రహస్య మంత్రజపేన చంద్ర గ్రహదేవతా సుప్రీతో సుప్రసన్నో వరదో భవంతు |

శ్రీ కేతు కవచం

శ్రీ కేతు కవచం.

Telugu

Read Stotra

శ్రీ కేతు కవచం

అస్య శ్రీ కేతుకవచస్తోత్రస్య త్ర్యంబక ఋషిః, అనుష్టుప్ ఛందః, కేతుర్దేవతా, కం బీజం, నమః శక్తిః, కేతురితి కీలకం, కేతు ప్రీత్యర్థే జపే వినియోగః |
ధ్యానం –
ధూంరవర్ణం ధ్వజాకారం ద్విభుజం వరదాంగదం
చిత్రాంబరధరం కేతుం చిత్రగంధానులేపనం |
వైడూర్యాభరణం చైవ వైడూర్య మకుటం ఫణిం
చిత్రం కఫాధికరసం మేరుం చైవాప్రదక్షిణం ||
కేతుం కరాళవదనం చిత్రవర్ణం కిరీటినం |
ప్రణమామి సదా దేవం ధ్వజాకారం గ్రహేశ్వరం || 1 ||
అథ కవచం –
చిత్రవర్ణః శిరః పాతు ఫాలం ధూంరసమద్యుతిః |
పాతు నేత్రే పింగళాక్షః శ్రుతీ మే రక్తలోచనః || 2 ||
ఘ్రాణం పాతు సువర్ణాభశ్చిబుకం సింహికాసుతః |
పాతు కంఠం చ మే కేతుః స్కంధౌ పాతు గ్రహాధిపః || 3 ||
హస్తౌ పాతు సురశ్రేష్ఠః కుక్షిం పాతు మహోగ్రహః |
సింహాసనః కటిం పాతు మధ్యం పాతు మహాసురః || 4 ||
ఊరూ పాతు మహాశీర్షో జానునీ మేఽతికోపనః |
పాతు పాదౌ చ మే క్రూరః సర్వాంగం నరపింగళః || 5 || [రవిమర్దకః] య ఇదం కవచం దివ్యం సర్వరోగవినాశనం |
సర్వశత్రువినాశం చ ధారణాద్విజయీ భవేత్ || 6 ||
ఇతి శ్రీబ్రహ్మాండపురాణే శ్రీ కేతు కవచం |

శ్రీ కేతు ద్వాదశనామ స్తోత్రం

శ్రీ కేతు ద్వాదశనామ స్తోత్రం.

Telugu

Read Stotra

శ్రీ కేతు ద్వాదశనామ స్తోత్రం

అస్య శ్రీ కేతుస్తోత్రస్య వామదేవ ఋషిః, అనుష్టుప్ ఛందః, కేతుర్దేవతా, శ్రీ కేతుగ్రహ ప్రసాదసిద్ధ్యర్థే జపే వినియోగః |
గౌతమ ఉవాచ |
మునీంద్ర సూత తత్త్వజ్ఞ సర్వశాస్త్రవిశారదః |
సర్వరోగహరం బ్రూహి కేతోః స్తోత్రమనుత్తమం || 1 ||
సూత ఉవాచ |
శృణు గౌతమ వక్ష్యామి స్తోత్రమేతదనుత్తమం |
గుహ్యాద్గుహ్యతమం కేతోః బ్రహ్మణా కీర్తితం పురా || 2 ||
ఆద్యః కరాళవదనో ద్వితీయో రక్తలోచనః |
తృతీయః పింగళాక్షశ్చ చతుర్థో జ్ఞానదాయకః || 3 ||
పంచమః కపిలాక్షశ్చ షష్ఠః కాలాగ్నిసన్నిభః |
సప్తమో హిమగర్భశ్చ ధూంరవర్ణోఽష్టమస్తథా || 4 ||
నవమః కృత్తకంఠశ్చ దశమో నరపీడకః |
ఏకాదశస్తు శ్రీకంఠః ద్వాదశస్తు గదాయుధః || 5 ||
ద్వాదశైతే మహాక్రూరాః సర్వోపద్రవకారకాః |
పర్వకాలే పీడయంతి దివాకరనిశాకరౌ || 6 ||
నామద్వాదశకం స్తోత్రం కేతోరేతన్మహాత్మనః |
పఠంతి యేఽన్వహం భక్త్యా తేభ్యః కేతుః ప్రసీదతి || 7 ||
కుళుత్థధాన్యే విలిఖేత్ షట్కోణం మండలం శుభం |
పద్మమష్టదళం తత్ర విలిఖేచ్చ విధానతః || 8 ||
నీలం ఘటం చ సంస్థాప్య దివాకరనిశాకరౌ |
కేతుం చ తత్ర నిక్షిప్య పూజయిత్వా విధానతః || 9 ||
స్తోత్రమేతత్ పఠిత్వా చ ధ్యాయేత్ కేతుం వరప్రదం |
బ్రహ్మణం శ్రోత్రియం శాంతం పూజయిత్వా కుటుంబినం || 10 ||
కేతోః కరాళవక్త్రస్య ప్రతిమాం వస్త్రసంయుతాం |
కుంభాదిభిశ్చ సంయుక్తాం చిత్రాధారే ప్రదాపయేత్ || 11 ||
దానేనానేన సుప్రీతః కేతుః స్యాత్తస్య సౌఖ్యదః |
వత్సరం ప్రయతో భూత్వా పూజయిత్వా విధానతః || 12 ||
మూలమష్టోత్తరశతం యే జపంతి నరోత్తమాః |
తేషాం కేతుప్రసాదేన న కదాచిద్భయం భవేత్ || 13 ||
ఇతి శ్రీ కేతు ద్వాదశనామ స్తోత్రం |

శ్రీ కేతు పంచవింశతినామ స్తోత్రం

శ్రీ కేతు పంచవింశతినామ స్తోత్రం.

Telugu

Read Stotra

శ్రీ కేతు పంచవింశతినామ స్తోత్రం

కేతుః కాలః కలయితా ధూంరకేతుర్వివర్ణకః |
లోకకేతుర్మహాకేతుః సర్వకేతుర్భయప్రదః || 1 ||
రౌద్రో రుద్రప్రియో రుద్రః క్రూరకర్మా సుగంధధృక్ |
పలాశధూమసంకాశశ్చిత్రయజ్ఞోపవీతధృక్ || 2 ||
తారాగణవిమర్దీ చ జైమినేయో గ్రహాధిపః |
గణేశదేవో విఘ్నేశో విషరోగార్తినాశనః || 3 ||
ప్రవ్రజ్యాదో జ్ఞానదశ్చ తీర్థయాత్రాప్రవర్తకః |
పంచవింశతినామాని కేతోర్యః సతతం పఠేత్ || 4 ||
తస్య నశ్యతి బాధా చ సర్వాః కేతుప్రసాదతః |
ధనధాన్యపశూనాం చ భవేద్వృద్ధిర్న సంశయః || 5 ||
ఇతి శ్రీస్కందపురాణే శ్రీ కేతు పంచవింశతినామ స్తోత్రం ||

శ్రీ కేతు షోడశనామ స్తోత్రం

శ్రీ కేతు షోడశనామ స్తోత్రం.

Telugu

Read Stotra

శ్రీ కేతు షోడశనామ స్తోత్రం

స్కంద ఉవాచ |
మృత్యుపుత్రః శిఖీ కేతుశ్చానలోత్పాతరూపధృక్ |
బహురూపశ్చ ధూంరాభః శ్వేతః కృష్ణశ్చ పీతభృత్ || 1 ||
ఛాయారూపీ ధ్వజః పుచ్ఛో జగత్ప్రళయకృత్సదా |
అదృష్టరూపో దృష్టశ్చేజ్జంతూనాం భయకారకః || 2 ||
నామాన్యేతాని కేతోశ్చ నిత్యం యః ప్రయతః పఠేత్ |
కేతుపీడా న తస్యాస్తి సర్పచోరాగ్నిభిర్భయం || 3 ||
దానం దద్యాద్గృహజ్ఞాయ వైడూర్యం కేతవే తదా |
యః పఠేత్ ప్రయతో నిత్యం పక్షం పక్షార్ధమేవ వా |
ముక్తః సర్వభయేభ్యోపి సర్వాన్ కామానవాప్నుయాత్ || 4 ||
ఇతి శ్రీస్కందపూరాణే శ్రీ కేతు షోడశనామ స్తోత్రం |

Sign In

OTP Verification

శ్రీ చంద్ర అష్టావింశతి నామ స్తోత్రం

శ్రీ చంద్ర కవచం

శ్రీ చంద్ర స్తోత్రం 1

శ్రీ చంద్ర అష్టోత్తరశతనామ స్తోత్రం

శ్రీ చంద్ర అష్టోత్తరశతనామావళిః

శ్రీ చంద్ర స్తోత్రం 2

చంద్ర గ్రహస్య వేదోక్త మంత్రం

చంద్ర గ్రహస్య బీజ మంత్ర జపం

శ్రీ కేతు కవచం

శ్రీ కేతు ద్వాదశనామ స్తోత్రం

శ్రీ కేతు పంచవింశతినామ స్తోత్రం

శ్రీ కేతు షోడశనామ స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps