Sacred Stotras & Deities

శ్రీ కేతు స్తోత్రం

శ్రీ కేతు స్తోత్రం.

Telugu

శ్రీ కేతు స్తోత్రం

ధూంరా ద్విబాహవః సర్వే గోదానో వికృతాననాః |
గృధ్రయానాసనస్థాశ్చ పాంతు నః శిఖినందనాః || 1 ||
శ్రీభైరవ్యువాచ |
ధన్యా చానుగృహీతాస్మి కృతార్థాస్మి జగత్ప్రభో |
యచ్ఛ్రుతం త్వన్ముఖాద్దేవ కేతుస్తోత్రమిదం శుభం || 2 ||
శ్రీపరమేశ్వర ఉవాచ |
శృణు దేవి ప్రవక్ష్యామి కేతుస్తవమిమం పరం |
సర్వపాపవిశుద్ధాత్మా స రోగైర్ముచ్యతే ధ్రువం || 3 ||
శ్వేతపీతారుణః కృష్ణః క్వచిచ్చామీకరప్రభః |
శివార్చనరతః కేతుర్గ్రహపీడాం వ్యపోహతు || 4 ||
నమో ఘోరాయాఘోరాయ మహాఘోరస్వరూపిణే |
ఆనందేశాయ దేవాయ జగదానందదాయినే || 5 ||
నమో భక్తజనానందదాయినే విశ్వభావినే |
విశ్వేశాయ మహేశాయ కేతురూపాయ వై నమః || 6 ||
నమో రుద్రాయ సర్వాయ వరదాయ చిదాత్మనే |
త్ర్యక్షాయ త్రినివాసాయ నమః సంకటనాశినే || 7 ||
త్రిపురేశాయ దేవాయ భైరవాయ మహాత్మనే |
అచింత్యాయ చితిజ్ఞాయ నమశ్చైతన్యరూపిణే || 8 ||
నమః శర్వాయ చర్చ్యాయ దర్శనీయాయ తే నమః |
ఆపదుద్ధరణాయాపి భైరవాయ నమో నమః || 9 ||
నమో నమో మహాదేవ వ్యాపినే పరమాత్మనే |
నమో లఘుమతే తుభ్యం గ్రాహిణే సూర్యసోమయోః || 10 ||
నమశ్చాపద్వినాశాయ భూయో భూయో నమో నమః |
నమస్తే రుద్రరూపాయ చోగ్రరూపాయ కేతవే || 11 ||
నమస్తే సౌరరూపాయ శత్రుక్షయకరాయ చ |
మహాతేజాయ వై తుభ్యం పూజాఫలవివర్ధినే || 12 ||
వహ్నిపుత్రాయ తే దివ్యరూపిణే ప్రియకారిణే |
సర్వభక్ష్యాయ సర్వాయ సర్వగ్రహాంతకాయ తే || 13 ||
నమః పుచ్ఛస్వరూపాయ మహామృత్యుకరాయ చ |
నమస్తే సర్వదా క్షోభకారిణే వ్యోమచారిణే || 14 ||
నమస్తే చిత్రరూపాయ మీనదానప్రియాయ చ |
దైత్యదానవగంధర్వవంద్యాయ మహతే నమః || 15 ||
య ఇదం పఠతే నిత్యం ప్రాతరుత్థాయ మానవః |
గ్రహశాంతిర్భవేత్తస్య కేతురాజస్య కీర్తనాత్ || 16 ||
యః పఠేదర్ధరాత్రే తు వశం తస్య జగత్త్రయం |
ఇదం రహస్యమఖిలం కేతుస్తోత్రం తు కీర్తితం || 17 ||
సర్వసిద్ధిప్రదం గుహ్యమాయురారోగ్యవర్ధనం |
గుహ్యం మంత్రం రహస్యం తు తవ భక్త్యా ప్రకాశితం || 18 ||
అభక్తాయ న దాతవ్యమిత్యాజ్ఞా పారమేశ్వరి || 19 ||
శ్రీదేవ్యువాచ |
భగవన్భవతానేన కేతుస్తోత్రస్య మే ప్రభో |
కథనేన మహేశాన సత్యం ప్రీతాస్ంయహం త్వయా || 20 ||
శ్రీఈశ్వర ఉవాచ |
ఇదం రహస్యం పరమం న దేయం యస్య కస్యచిత్ |
గుహ్యం గోప్యతమం దేయం గోపనీయం స్వయోనివత్ || 21 ||
అగ్నిపుత్రో మహాతేజాః కేతుః సర్వగ్రహాంతకః |
క్షోభయన్యః ప్రజాః సర్వాః స కేతుః ప్రీయతాం మమ || 22 ||

శ్రీ కేతు అష్టోత్తరశతనామ స్తోత్రం

శ్రీ కేతు అష్టోత్తరశతనామ స్తోత్రం.

Telugu

Read Stotra

శ్రీ కేతు అష్టోత్తరశతనామ స్తోత్రం

శృణు నామాని జప్యాని కేతో రథ మహామతే |
కేతుః స్థూలశిరాశ్చైవ శిరోమాత్రో ధ్వజాకృతిః || 1 ||
నవగ్రహయుతః సింహికాసురీగర్భసంభవః |
మహాభీతికరశ్చిత్రవర్ణో వై పింగళాక్షకః || 2 ||
స ఫలోధూంరసంకాశః తీక్ష్ణదంష్ట్రో మహోరగః |
రక్తనేత్రశ్చిత్రకారీ తీవ్రకోపో మహాసురః || 3 ||
క్రూరకంఠః క్రోధనిధిశ్ఛాయాగ్రహవిశేషకః |
అంత్యగ్రహో మహాశీర్షో సూర్యారిః పుష్పవద్గ్రహీ || 4 ||
వరహస్తో గదాపాణిశ్చిత్రవస్త్రధరస్తథా |
చిత్రధ్వజపతాకశ్చ ఘోరశ్చిత్రరథః శిఖీ || 5 ||
కుళుత్థభక్షకశ్చైవ వైడూర్యాభరణస్తథా |
ఉత్పాతజనకః శుక్రమిత్రం మందసఖస్తథా || 6 ||
గదాధరః నాకపతిః అంతర్వేదీశ్వరస్తథా |
జైమినీగోత్రజశ్చిత్రగుప్తాత్మా దక్షిణాముఖః || 7 ||
ముకుందవరపాత్రం చ మహాసురకులోద్భవః |
ఘనవర్ణో లంబదేహో మృత్యుపుత్రస్తథైవ చ || 8 ||
ఉత్పాతరూపధారీ చాఽదృశ్యః కాలాగ్నిసన్నిభః |
నృపీడో గ్రహకారీ చ సర్వోపద్రవకారకః || 9 ||
చిత్రప్రసూతో హ్యనలః సర్వవ్యాధివినాశకః |
అపసవ్యప్రచారీ చ నవమే పాపదాయకః || 10 ||
పంచమే శోకదశ్చోపరాగఖేచర ఏవ చ |
అతిపురుషకర్మా చ తురీయే (తు) సుఖప్రదః || 11 ||
తృతీయే వైరదః పాపగ్రహశ్చ స్ఫోటకారకః |
ప్రాణనాథః పంచమే తు శ్రమకారక ఏవ చ || 12 ||
ద్వితీయేఽస్ఫుటవాగ్దాతా విషాకులితవక్త్రకః |
కామరూపీ సింహదంతః సత్యేప్యనృతవానపి || 13 ||
చతుర్థే మాతృనాశశ్చ నవమే పితృనాశకః |
అంత్యే వైరప్రదశ్చైవ సుతానందనబంధకః || 14 ||
సర్పాక్షిజాతోఽనంగశ్చ కర్మరాశ్యుద్భవస్తథా |
ఉపాంతే కీర్తిదశ్చైవ సప్తమే కలహప్రదః || 15 ||
అష్టమే వ్యాధికర్తా చ ధనే బహుసుఖప్రదః |
జననే రోగదశ్చోర్ధ్వమూర్ధజో గ్రహనాయకః || 16 ||
పాపదృష్టిః ఖేచరశ్చ శాంభవోఽశేషపూజితః |
శాశ్వతశ్చ నటశ్చైవ శుభాఽశుభఫలప్రదః || 17 ||
ధూంరశ్చైవ సుధాపాయీ హ్యజితో భక్తవత్సలః |
సింహాసనః కేతుమూర్తీ రవీందుద్యుతినాశకః || 18 ||
అమరః పీడకోఽమర్త్యో విష్ణుదృష్టోఽసురేశ్వరః |
భక్తరక్షోఽథ వైచిత్ర్యకపటస్యందనస్తథా || 19 ||
విచిత్రఫలదాయీ చ భక్తాభీష్టఫలప్రదః |
ఏతత్కేతుగ్రహస్యోక్తం నాంనామష్టోత్తరం శతం || 20 ||
యో భక్త్యేదం జపేత్కేతుర్నాంనామష్టోత్తరం శతం |
స తు కేతోః ప్రసాదేన సర్వాభీష్టం సమాప్నుయాత్ || 21 ||
ఇతి శ్రీ కేతు అష్టోత్తరశతనామ స్తోత్రం |

శ్రీ కేతు అష్టోత్తరశతనామావళిః

శ్రీ కేతు అష్టోత్తరశతనామావళిః.

Telugu

Read Stotra

శ్రీ కేతు అష్టోత్తరశతనామావళిః

కేతు గ్రహస్య వేదోక్త మంత్రం

కేతు గ్రహస్య వేదోక్త మంత్రం.

Telugu

Read Stotra

కేతు గ్రహస్య వేదోక్త మంత్రం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ కేతు గ్రహపీడాపరిహారార్థం కేతు గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం కేతు గ్రహస్య న్యాసపూర్వక వేదోక్త మంత్రజపం కరిష్యే ||
కేతుం కృణ్వన్నిత్యస్య మంత్రస్య మధుచ్ఛంచ్ఛా ఋషిః గాయత్రీ ఛందః కేతుర్దేవతా అపేశసే ఇతి బీజం మర్యా శక్తిః కేతు ప్రీత్యర్థే జపే వినియోగః |
న్యాసః –
ఓం మధు ఋషయే నమః శిరసి |
ఓం గాయత్రీ ఛందసే నమః ముఖే |
ఓం కేతు దేవతాయై నమః హృదయే |
ఓం అపేశసే ఇతి బీజాయ నమః గుహ్యే |
ఓం మర్యా శక్తయే నమః పాదయోః |
ఓం కేతు ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం కేతుం కృణ్వన్ ఇతి అంగుష్ఠాభ్యాం నమః |
ఓం కేతవే ఇతి తర్జనీభ్యాం నమః |
ఓం పేశోమర్యా ఇతి మధ్యమాభ్యాం నమః |
ఓం అపేశసే ఇతి అనామికాభ్యాం నమః |
ఓం సముషద్భిః ఇతి కనిష్ఠికాభ్యాం నమః |
ఓం అజాయథాః ఇతి కరతలకరపృష్ఠాభ్యాం నమః |
హృదయాదిన్యాసః –
ఓం కేతుం కృణ్వన్ ఇతి హృదయాయ నమః |
ఓం కేతవే ఇతి శిరసే స్వాహా |
ఓం పేశోమర్యా ఇతి శిఖాయై వషట్ |
ఓం అపేశసే ఇతి కవచాయ హుం |
ఓం సముషద్భిః ఇతి నేత్రత్రయాయ వౌషట్ |
ఓం అజాయథాః ఇతి అస్త్రాయ ఫట్ |
ధ్యానం –
ధూంరో ద్విబాహుర్వరదో గదాభృ-
-ద్గృధ్రాసనస్థో వికృతాననశ్చ |
కిరీటకేయూరవిభూషితాంగః
సదాస్తు మే కేతుగణః ప్రశాంతః ||
(య.వే.29-37)
ఓం కే॒తుం కృ॒ణ్వన్న॑కే॒తవే॒ పేశో॑ మర్యాఽఅపే॒శసే॑ |
సము॒షద్భి॑రజాయథాః ||
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత కేతు గ్రహస్య మంత్ర జపేన కేతు సుప్రీతో సుప్రసన్నో వరదో భవంతు |

కేతు గ్రహస్య బీజ మంత్ర జపం

కేతు గ్రహస్య బీజ మంత్ర జపం.

Telugu

Read Stotra

కేతు గ్రహస్య బీజ మంత్ర జపం

శ్రీ అంగారక కవచం

శ్రీ అంగారక కవచం.

Telugu

Read Stotra

శ్రీ అంగారక కవచం

అస్య శ్రీఅంగారక కవచస్తోత్ర మంత్రస్య విరూపాక్ష ఋషిః, అనుష్టుప్ ఛందః, అంగారకో దేవతా, అం బీజం, గం శక్తిః, రం కీలకం, మమ అంగారకగ్రహ ప్రసాదసిద్ధ్యర్థే జపే వినియోగః ||
కరన్యాసః –
ఆం అంగుష్ఠాభ్యాం నమః |
ఈం తర్జనీభ్యాం నమః |
ఊం మధ్యమాభ్యాం నమః |
ఐం అనామికాభ్యాం నమః |
ఔం కనిష్ఠికాభ్యాం నమః |
అః కరతలకరపృష్ఠాభ్యాం నమః |
అంగన్యాసః –
ఆం హృదయాయ నమః |
ఈం శిరసే స్వాహా |
ఊం శిఖాయై వషట్ |
ఐం కవచాయ హుం |
ఔం నేత్రత్రయాయ వౌషట్ |
అః అస్త్రాయ ఫట్ |
ధ్యానం –
నమాంయంగారకం దేవం రక్తాంగం వరభూషణం
జానుస్థం వామహస్తాభ్యాం చాపేషువరపాణినం |
చతుర్భుజం మేషవాహం వరదం వసుధాప్రియం
శక్తిశూలగదాఖడ్గం జ్వాలపుంజోర్ధ్వకేశకం ||
మేరుం ప్రదక్షిణం కృత్వా సర్వదేవాత్మసిద్ధిదం |
అథ కవచం –
అంగారకః శిరో రక్షేన్ముఖం వై ధరణీసుతః |
కర్ణౌ రక్తాంబరః పాతు నేత్రే మే రక్తలోచనః || 1 ||
నాసికాం మే శక్తిధరః కంఠం మే పాతు భౌమకః |
భుజౌ తు రక్తమాలీ చ హస్తౌ శూలధరస్తథా || 2 ||
చతుర్భుజో మే హృదయం కుక్షిం రోగాపహారకః |
కటిం మే భూమిజః పాతు ఊరూ పాతు గదాధరః || 3 ||
జానుజంఘే కుజః పాతు పాదౌ భౌమః సదా మమ |
సర్వాణి యాని చాంగాని రక్షేన్మే మేషవాహనః || 4 ||
య ఇదం కవచం దివ్యం సర్వశత్రువినాశనం |
భూతప్రేతపిశాచానాం నాశనం సర్వసిద్ధిదం || 5 ||
సర్వరోగహరం చైవ సర్వసంపత్ప్రదం శుభం |
భుక్తిముక్తిప్రదం నౄణాం సర్వసౌభాగ్యవర్ధనం || 6 ||
ఋణబంధనముక్తిర్వై సత్యమేవ న సంశయః |
స్తోత్రపాఠస్తు కర్తవ్యో దేవస్యాగ్రే సమాహితః || 7 ||
రక్తగంధాక్షతైః పుష్పైర్ధూపదీపగుడోదనైః |
మంగళం పూజయిత్వా తు మంగళేఽహని సర్వదా || 8 ||
బ్రాహ్మణాన్భోజయేత్పశ్చాచ్చతురో ద్వాదశాథవా |
అనేన విధినా యస్తు కృత్వా వ్రతమనుత్తమం || 9 ||
వ్రతం తదేవం కుర్వీత సప్తవారేషు వా యది |
తేషాం శస్త్రాణ్యుత్పలాని వహ్నిః స్యాచ్చంద్రశీతలః || 10 ||
న చైనం వ్యథయంత్యస్మాన్మృగపక్షిగజాదయః |
మహాంధతమసే ప్రాప్రే మార్తాండస్యోదయాదివ |
విలయం యాంతి పాపాని శతజన్మార్జితాని వై || 11 ||

శ్రీ అంగారక అష్టోత్తరశతనామావళిః

శ్రీ అంగారక అష్టోత్తరశతనామావళిః.

Telugu

Read Stotra

శ్రీ అంగారక అష్టోత్తరశతనామావళిః

శ్రీ అంగారక స్తోత్రం

శ్రీ అంగారక స్తోత్రం.

Telugu

Read Stotra

శ్రీ అంగారక స్తోత్రం

అంగారకః శక్తిధరో లోహితాంగో ధరాసుతః |
కుమారో మంగళో భౌమో మహాకాయో ధనప్రదః || 1 ||
ఋణహర్తా దృష్టికర్తా రోగకృద్రోగనాశనః |
విద్యుత్ప్రభో వ్రణకరః కామదో ధనహృత్ కుజః || 2 ||
సామగానప్రియో రక్తవస్త్రో రక్తాయతేక్షణః |
లోహితో రక్తవర్ణశ్చ సర్వకర్మావరోధకః || 3 ||
రక్తమాల్యధరో హేమకుండలీ గ్రహనాయకః |
నామాన్యేతాని భౌమస్య యః పఠేత్సతతం నరః || 4 ||
ఋణం తస్య చ దౌర్భాగ్యం దారిద్ర్యం చ వినశ్యతి |
ధనం ప్రాప్నోతి విపులం స్త్రియం చైవ మనోరమాం || 5 ||
వంశోద్యోతకరం పుత్రం లభతే నాత్ర సంశయః |
యోఽర్చయేదహ్ని భౌమస్య మంగళం బహుపుష్పకైః |
సర్వాః నశ్యతి పీడా చ తస్య గ్రహకృతా ధ్రువం || 6 ||
ఇతి శ్రీస్కాందపురాణే శ్రీ అంగారక స్తోత్రం ||

ఋణ విమోచన అంగారక స్తోత్రం

ఋణ విమోచన అంగారక స్తోత్రం.

Telugu

Read Stotra

ఋణ విమోచన అంగారక స్తోత్రం

స్కంద ఉవాచ |
ఋణగ్రస్తనరాణాం తు ఋణముక్తిః కథం భవేత్ |
బ్రహ్మోవాచ |
వక్ష్యేఽహం సర్వలోకానాం హితార్థం హితకామదం ||
అస్య శ్రీ అంగారక స్తోత్ర మహామంత్రస్య గౌతమ ఋషిః, అనుష్టుప్ ఛందః, అంగారకో దేవతా మమ ఋణ విమోచనార్థే జపే వినియోగః |
ధ్యానం –
రక్తమాల్యాంబరధరః శూలశక్తిగదాధరః |
చతుర్భుజో మేషగతో వరదశ్చ ధరాసుతః || 1 ||
అథ స్తోత్రం –
మంగళో భూమిపుత్రశ్చ ఋణహర్తా ధనప్రదః |
స్థిరాసనో మహాకాయః సర్వకర్మావబోధకః || 2 ||
లోహితో లోహితాంగశ్చ సామగాయీ కృపాకరః |
ధర్మరాజః కుజో భౌమో భూమిజో భూమినందనః || 3 ||
అంగారకో యమశ్చైవ సర్వరోగాపహారకః |
సృష్టికర్తాఽపహర్తా చ సర్వకామఫలప్రదః || 4 ||
భూతిదో గ్రహపూజ్యశ్చ వక్త్రో రక్తవపుః ప్రభుః |
ఏతాని కుజనామాని యో నిత్యం ప్రయతః పఠేత్ |
ఋణం న జాయతే తస్య ధనం ప్రాప్నోత్యసంశయం || 5 ||
రక్తపుష్పైశ్చ గంధైశ్చ దీపధూపాదిభిస్తథా |
మంగళం పూజయిత్వా తు మంగళేఽహని సర్వదా || 6 ||
ఋణరేఖాః ప్రకర్తవ్యాః దగ్ధాంగారైస్తదగ్రతః |
సప్తవింశతినామాని పఠిత్వా తు తదంతికే || 7 ||
తాశ్చ ప్రమార్జయేత్పశ్చాద్వామపాదేన సంస్పృశన్ |
ఏవం కృత్వా న సందేహో ఋణహీనో ధనీ భవేత్ || 8 ||
భూమిజస్య ప్రసాదేన గ్రహపీడా వినశ్యతి |
యేనార్జితా జగత్కీర్తిర్భూమిపుత్రేణ శాశ్వతీ || 9 ||
శత్రవశ్చ హతా యేన భౌమేన మహితాత్మనా |
స ప్రీయతాం తు భౌమోఽద్య తుష్టో భూయాత్ సదా మమ || 10 ||
మూలమంత్రః –
అంగారక మహీపుత్ర భగవన్ భక్తవత్సల |
నమోఽస్తు తే మమాశేష ఋణమాశు విమోచయ || 11 ||
అర్ఘ్యం –
భూమిపుత్ర మహాతేజః స్వేదోద్భవ పినాకినః |
ఋణార్తస్త్వాం ప్రపన్నోఽస్మి గృహాణార్ఘ్యం నమోఽస్తు తే || 12 ||

శ్రీ అంగారక అష్టోత్తరశతనామ స్తోత్రం

శ్రీ అంగారక అష్టోత్తరశతనామ స్తోత్రం.

Telugu

Read Stotra

శ్రీ అంగారక అష్టోత్తరశతనామ స్తోత్రం

మహీసుతో మహాభాగో మంగళో మంగళప్రదః |
మహావీరో మహాశూరో మహాబలపరాక్రమః || 1 ||
మహారౌద్రో మహాభద్రో మాననీయో దయాకరః |
మానదోఽమర్షణః క్రూరస్తాపపాపవివర్జితః || 2 ||
సుప్రతీపః సుతాంరాక్షః సుబ్రహ్మణ్యః సుఖప్రదః |
వక్రస్తంభాదిగమనో వరేణ్యో వరదః సుఖీ || 3 ||
వీరభద్రో విరూపాక్షో విదూరస్థో విభావసుః |
నక్షత్రచక్రసంచారీ క్షత్రపః క్షాత్రవర్జితః || 4 ||
క్షయవృద్ధివినిర్ముక్తః క్షమాయుక్తో విచక్షణః |
అక్షీణఫలదః చక్షుర్గోచరః శుభలక్షణః || 5 ||
వీతరాగో వీతభయో విజ్వరో విశ్వకారణః |
నక్షత్రరాశిసంచారో నానాభయనికృంతనః || 6 ||
కమనీయో దయాసారః కనత్కనకభూషణః |
భయఘ్నో భవ్యఫలదో భక్తాభయవరప్రదః || 7 ||
శత్రుహంతా శమోపేతః శరణాగతపోషకః |
సాహసః సద్గుణాఽధ్యక్షః సాధుః సమరదుర్జయః || 8 ||
దుష్టదూరః శిష్టపూజ్యః సర్వకష్టనివారకః |
దుశ్చేష్టవారకో దుఃఖభంజనో దుర్ధరో హరిః || 9 ||
దుఃస్వప్నహంతా దుర్ధర్షో దుష్టగర్వవిమోచకః |
భరద్వాజకులోద్భూతో భూసుతో భవ్యభూషణః || 10 ||
రక్తాంబరో రక్తవపుర్భక్తపాలనతత్పరః |
చతుర్భుజో గదాధారీ మేషవాహోఽమితాశనః || 11 ||
శక్తిశూలధరః శక్తః శస్త్రవిద్యావిశారదః |
తార్కికస్తామసాధారస్తపస్వీ తాంరలోచనః || 12 ||
తప్తకాంచనసంకాశో రక్తకింజల్కసన్నిభః |
గోత్రాధిదేవో గోమధ్యచరో గుణవిభూషణః || 13 ||
అసృగంగారకోఽవంతీదేశాధీశో జనార్దనః |
సూర్యయాంయప్రదేశస్థో యౌవనో యాంయదిఙ్ముఖః || 14 ||
త్రికోణమండలగతస్త్రిదశాధిపసన్నుతః |
శుచిః శుచికరః శూరో శుచివశ్యః శుభావహః || 15 ||
మేషవృశ్చికరాశీశో మేధావీ మితభాషణః |
సుఖప్రదః సురూపాక్షః సర్వాభీష్టఫలప్రదః || 16 ||
ఇతి శ్రీ అంగారకాష్టోత్తరశతనామ స్తోత్రం |

అంగారక గ్రహస్య వేదోక్త మంత్రం

అంగారక గ్రహస్య వేదోక్త మంత్రం.

Telugu

Read Stotra

అంగారక గ్రహస్య వేదోక్త మంత్రం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ అంగారక గ్రహపీడాపరిహారార్థం అంగారక గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం అంగారక గ్రహస్య న్యాసపూర్వక వేదోక్త మంత్రజపం కరిష్యే ||
అగ్నిర్మూర్ధైత్యస్య మంత్రస్య విరూప ఋషిః నిచృద్గాయత్రీ ఛందః భౌమో దేవతా కకుదితి బీజం భౌమ ప్రీత్యర్థే జపే వినియోగః |
న్యాసః –
ఓం విరూప ఋషయే నమః శిరసి |
ఓం నిచృద్గాయత్రీ ఛందసే నమః ముఖే |
ఓం భౌమ దేవతాయై నమః హృదయే |
ఓం కకుదితి బీజాయ నమః గుహ్యే |
ఓం భౌమ ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం అగ్నిర్మూర్ధేతి అంగుష్ఠాభ్యాం నమః |
ఓం దివః కకుదితి తర్జనీభ్యాం నమః |
ఓం పతిః పృథివ్యా అయమితి మధ్యమాభ్యాం నమః |
ఓం అపామితి అనామికాభ్యాం నమః |
ఓం రేతాంసీతి కనిష్ఠికాభ్యాం నమః |
ఓం జిన్వతీతి కరతలకరపృష్ఠాభ్యాం నమః |
హృదయాదిన్యాసః –
ఓం అగ్నిర్మూర్ధేతి హృదయాయ నమః |
ఓం దివః కకుదితి శిరసే స్వాహా |
ఓం పతిః పృథివ్యా అయమితి శిఖాయై వషట్ |
ఓం అపామితి కవచాయ హుం |
ఓం రేతాంసీతి నేత్రత్రయాయ వౌషట్ |
ఓం జిన్వతీతి అస్త్రాయ ఫట్ |
ధ్యానం –
రక్తాంబరో రక్తవపుః కిరీటీ
చతుర్భుజో మేషగమో గదాభృత్ |
ధరాసుతః శక్తిధరశ్చ శూలీ
సదా మమ స్యాద్వరదః ప్రశాంతః ||
(య.వే.3-12)
ఓం అ॒గ్నిర్మూ॒ర్ధా ది॒వః క॒కుత్పతి॑: పృథి॒వ్యాఽ అ॒యం |
అ॒పాగ్ం రేతా॑oగ్ంసి జిన్వతి ||
ఓం భౌమాయ నమః |
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత అంగారక గ్రహస్య మంత్ర జపేన అంగారక సుప్రీతో సుప్రసన్నో వరదో భవంతు |

అంగారక గ్రహస్య బీజ మంత్ర జపం

అంగారక గ్రహస్య బీజ మంత్ర జపం.

Telugu

Read Stotra

అంగారక గ్రహస్య బీజ మంత్ర జపం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్టాయాం శుభతిథౌ మమ అంగారక గ్రహపీడాపరిహారార్థం అంగారక గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం అంగారక గ్రహస్య బీజమంత్ర జపం కరిష్యే ||
ధ్యానం –
రక్తాంబరో రక్తవపుః కిరీటీ
చతుర్భుజో మేషగమో గదాభృత్ |
ధరాసుతః శక్తిధరశ్చ శూలీ
సదా మమ స్యాద్వరదః ప్రశాంతః ||
ధరణీగర్భసంభూతం విద్యుత్కాంతిసమప్రభం |
కుమారం శక్తిహస్తం తం మంగళం ప్రణమాంయహం ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం క్రాం క్రీం క్రౌం సః భౌమాయ నమః | (10000)
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత అంగారక గ్రహస్య మంత్రజపేన అంగారక గ్రహదేవతా సుప్రీతో సుప్రసన్నో వరదో భవంతు |

Sign In

OTP Verification

శ్రీ కేతు స్తోత్రం

శ్రీ కేతు అష్టోత్తరశతనామ స్తోత్రం

శ్రీ కేతు అష్టోత్తరశతనామావళిః

కేతు గ్రహస్య వేదోక్త మంత్రం

కేతు గ్రహస్య బీజ మంత్ర జపం

శ్రీ అంగారక కవచం

శ్రీ అంగారక అష్టోత్తరశతనామావళిః

శ్రీ అంగారక స్తోత్రం

ఋణ విమోచన అంగారక స్తోత్రం

శ్రీ అంగారక అష్టోత్తరశతనామ స్తోత్రం

అంగారక గ్రహస్య వేదోక్త మంత్రం

అంగారక గ్రహస్య బీజ మంత్ర జపం

MENU

LINKS

Astrologer Section

Vendor Section

GET ADVICE ON

Download Our Apps