Sacred Stotras & Deities

అష్టలక్ష్మీ స్తోత్రం

ఆదిలక్ష్మీ –
సుమనసవందిత సుందరి మాధవి చంద్రసహోదరి హేమమయే
మునిగణవందిత మోక్షప్రదాయిని మంజులభాషిణి వేదనుతే |
పంకజవాసిని దేవసుపూజిత సద్గుణవర్షిణి శాంతియుతే
జయ జయ హే మధుసూదనకామిని ఆదిలక్ష్మి సదా పాలయ మాం || 1 ||
ధాన్యలక్ష్మీ –
అయి కలికల్మషనాశిని కామిని వైదికరూపిణి వేదమయే
క్షీరసముద్భవ మంగళరూపిణి మంత్రనివాసిని మంత్రనుతే |
మంగళదాయిని అంబుజవాసిని దేవగణాశ్రిత పాదయుతే
జయ జయ హే మధుసూదనకామిని ధాన్యలక్ష్మి సదా పాలయ మాం || 2 ||
ధైర్యలక్ష్మీ –
జయ వరవర్ణిని వైష్ణవి భార్గవి మంత్రస్వరూపిణి మంత్రమయే
సురగణపూజిత శీఘ్రఫలప్రద జ్ఞానవికాసిని శాస్త్రనుతే |
భవభయహారిణి పాపవిమోచని సాధుజనాశ్రిత పాదయుతే
జయ జయ హే మధుసూదనకామిని ధైర్యలక్ష్మి సదా పాలయ మాం || 3 ||
గజలక్ష్మీ –
జయ జయ దుర్గతినాశిని కామిని సర్వఫలప్రద శాస్త్రమయే
రథగజ తురగపదాది సమావృత పరిజనమండిత లోకనుతే |
హరిహర బ్రహ్మ సుపూజిత సేవిత తాపనివారణ పాదయుతే
జయ జయ హే మధుసూదనకామిని గజలక్ష్మి రూపేణ పాలయ మాం || 4 ||
సంతానలక్ష్మీ –
అయి ఖగవాహిని మోహిని చక్రిణి రాగవివర్ధిని జ్ఞానమయే
గుణగణవారిధి లోకహితైషిణి స్వరసప్తభూషిత గాననుతే |
సకల సురాసుర దేవమునీశ్వర మానవ వందిత పాదయుతే
జయ జయ హే మధుసూదనకామిని సంతానలక్ష్మి సదా పాలయ మాం || 5 ||
విజయలక్ష్మీ –
జయ కమలాసని సద్గతిదాయిని జ్ఞానవికాసిని గానమయే
అనుదినమర్చిత కుంకుమధూసరభూషిత వాసిత వాద్యనుతే |
కనకధరాస్తుతి వైభవ వందిత శంకర దేశిక మాన్యపదే
జయ జయ హే మధుసూదనకామిని విజయలక్ష్మి సదా పాలయ మాం || 6 ||
విద్యాలక్ష్మీ –
ప్రణత సురేశ్వరి భారతి భార్గవి శోకవినాశిని రత్నమయే
మణిమయభూషిత కర్ణవిభూషణ శాంతిసమావృత హాస్యముఖే |
నవనిధిదాయిని కలిమలహారిణి కామిత ఫలప్రద హస్తయుతే
జయ జయ హే మధుసూదనకామిని విద్యాలక్ష్మి సదా పాలయ మాం || 7 ||
ధనలక్ష్మీ –
ధిమిధిమి ధింధిమి ధింధిమి ధింధిమి దుందుభినాద సుపూర్ణమయే
ఘుమఘుమ ఘుంఘుమ ఘుంఘుమ ఘుంఘుమ శంఖనినాద సువాద్యనుతే |
వేదపురాణేతిహాస సుపూజిత వైదికమార్గ ప్రదర్శయుతే
జయ జయ హే మధుసూదనకామిని ధనలక్ష్మి రూపేణ పాలయ మాం || 8 ||

మార్గశిర లక్ష్మివార వ్రతం

పూర్వకాలమున సుశీల అను ఒక బాలిక కలదు. ఆమె చిన్నతనములో కన్నతల్లి కాలముచేసిన తరువాత తన తండ్రి వేరొక వివాహము చేసుకొనెను. వచ్చిన ఆ సవతి తల్లి సుశీలతో ఇంటిపనులు చేయించుచూ తను విశ్రాంతి తీసుకొనుచుండెను. కాలక్రమములో సుశీల సవతి తల్లికి ఒక పిల్లవాడు జన్మించినాడు. ప్రతిరోజు ఆ పిల్లవాడిని కూడా ఆడించమని సుశీలను పురమాయించి, బదులుగా ఒక చిన్న బెల్లపు ముక్క తినమని ఇస్తూ ఉండెను.
ఇంటిపనులు చేయుచూ మరియు శిశువుతో కష్టపడుచున్న సుశీల స్థితికి విచారించి, ఇరుగు పొరుగు వారు ఆమెను శ్రీమహాలక్ష్మిని ఆరాధింపుమని చెప్పిరి. ఆ మాటవినిన సుశీల మట్టితో శ్రీమహాలక్ష్మి యొక్క బొంమను చేసి, తన కన్నతల్లి వలె భావించి నిత్యము పూజించుచుండెను. తన సవతి తల్లి ఇచ్చిన బెల్లపు ముక్కను అంమవారికి నివేదన చేయుచుండెను.
కొంతకాలముకు సుశీలకు యుక్త వయస్సు వచ్చినది. తన తల్లిదండ్రులు ఆమెకు తగిన యువకునికిచ్చి వివాహము చేసిరి. ఆమె తన అత్తవారింటికి వెళుతూ తనతోపాటుగా నిత్యము పూజచేయు శ్రీమహాలక్ష్మి యొక్క బొంమను కూడా తీసుకుని వెళ్ళెను. అంతనా పుట్టింటిన గల సిరిసంపదలు కూడా సుశీల వెంట వెడలిపోయెను. అత్తింటివారు అకస్మాత్తుగా వృద్ధిచెందిన సిరిసంపదలు చూసి ఆశ్చర్యపడుచు, తమ కోడలి అదృష్టమును మెచ్చుకుని ఆమెను ఆప్యాయముగా చూసుకొనుచుండిరి.
కొంతకాలమునకు సుశీలకు తన పుట్టింటివారు దారిద్ర్యమును అనుభవించుచున్నారన్న తెలియవచ్చినది. వారికి సహాయము చేయదలచి తన భర్తను అడుగగా, అతను సంమతించెను. అంత తన సవతి తంముడిని పిలిపించి, ఒక కర్రకు జోలె కట్టి, ఆ జోలెయందు బంగారునాణెములను పోసి ఇంటికి తీసుకువెళ్ళమని చెప్పెను. తన అక్క చేసిన సహాయానికి ఆనందభరితుడైన ఆ తంముడు తిరుగుప్రయాణము చేసెను. మార్గమధ్యమున కాలకృత్యములు తీర్చుకుని చూసుకొనిన బంగారునాణెములు గల జోలెకర్ర కనిపించలేదు. ఎవరో దొంగతనము చేసినారని గ్రహించి, బాధతో తన ఇంటికి వెళ్ళిపోయెను.
తరువాత కొంతకాలమునకు ఆ తంముడు సుశీలను కలువగా, సంభాషణ మధ్యలో తను బంగారునాణెముల జోలెను పోగొట్టుకొనిన విషయము చెప్పి దుఃఖించెను. అంతా ఆ సుశీల దిగులుచెందకుమని ఊరడించి, మరల సహాయము చేయదలచి, ఒక చెప్పుల జోడునిండా వరహాలు పోసి తన తండ్రికి ఇవ్వమని చెప్పెను. కాగా తిరుగుప్రయాణమున ఒక కుక్క వరహాలు కల ఆతని చెప్పును నోట కరచుకొని పారిపోయెను. మరల దుఃఖించుచూ అతను ఇంటికిచేరెను. కొంతకాలము తరువాత సుశీలకు ఈ విషయముకూడా తెలియవచ్చి, ఈసారి బాగా ఆలోచించి, తన తంముడికి ఒక గుంమడికాయ నిండా రత్నాలు పోయించి తన సవతితల్లికి ఇవ్వమని చెప్పెను. ఆ తంముడు తిరుగుప్రయాణమున ఒక చోటకూర్చుని చద్దితినుచుండ అక్కడకు వచ్చిన ఒక వ్యక్తి ఆ గుంమడికాయ దొంగతనము చేసి పారిపోయెను. ఇది గ్రహించిన ఆ తంముడు బాధపడి, తన దురదృష్టమును నిందించుకొనుచు తిరిగి ఇంటికి చేరెను.
ఇట్లుండ, తన పుట్టింటివారిని చూడవలెనను కోరికగలిగి, సుశీల ఒకనాడు ఆమె పుట్టింటికి వెళ్ళెను. తన తంముడి ద్వారా జరిగిన విషయములు తెలుసుకుని విచారించెను. తన పుట్టింటివారి దారిద్ర్యమును పోగొట్టుటకు యేమి చేయవలెనోయని తీవ్రముగా ఆలోచించి, తను నిత్యము పూజించు శ్రీమహాలక్షిని పూజించిన సంపదలు కలుగగలవని గ్రహించి తన సవతి తల్లిచే ఆ శ్రీమహాలక్ష్మి వ్రతము చేయుటకు నిశ్చయించుకున్నది. తన పుట్టింటివారిని తనతో పాటుగా అత్తవారింటికి తీసుకుని వెళ్ళినది.
ఇంతలో మార్గశిర మాసము ప్రారంభమై మొదటి లక్ష్మివారము వచ్చినది. నియమ నిష్ఠలతో సాయంకాలమున శ్రీమహాలక్ష్మి పూజ చేయవలసి ఉన్నదిగాన ఆరోజు యేమియును తినవద్దని సుశీల తన సవతి తల్లికి చెప్పెను. కాని ఆ సవతితల్లి పిల్లలకు భోజనముపెడుతూ ఆకలికి తట్టుకొనలేక తను కూడా చద్దన్నము తినెను. ఉపవాస దీక్షను ఆమె పాటించలేదు కనుక పూజ చేయరాదని, మరుసటి లక్ష్మివారము చేసెదమని సుశీల చెప్పెను.
రెండవ లక్ష్మివారపు సాయంత్రము ఆ సవతితల్లి స్నానము చేసుకుని తలకు నూనె రాసుకొనెను. ఇది అమంగళ సూచిక కనుక పూజను మరుసటివారము చేసెదమని సుశీల చెప్పెను. మూడవ లక్ష్మివారపు సాయంత్రం ఆ సవతితల్లి పిల్లలకు జడవేయుచూ, తను కూడా తలదువ్వుకొనెను. సంధ్యా సమయమున కేశాలంకరణ అమంగళకరము కనుక ఆ పనికి సుశీల విచారించెను. మరుసటి లక్ష్మివారము తన సవతితల్లిని నిష్ఠగా ఉంచతలచి, ఆమెను ఒక గృహమున కూర్చుండబెట్టి బయట గడియ వేసెను. కాసేపటికి అక్కడకు పిల్లలు ఆడుకొనుచూ వచ్చి అరటిపండు తిని, వాటి తొక్కలను ఆ గృహద్వారము వద్ద వేసిరి. ఆకలికి తట్టుకొనలేక ఆ సవతి తల్లి ఆ తొక్కలను తినెను. ఈ విషయము తెలిసి సుశీల బాధపడెను.
ఇంతలో ఆఖరి లక్ష్మివారము వచ్చెను. శ్రీమహాలక్ష్మి పూజకు శ్రేష్ఠమైన మార్గశిర మాసము వెడలిపోయిన మంచి అవకాశము చేజారిపోగలదని గ్రహించి, ఈసారి ఎటులనైనా తన సవతితల్లితో పూజ చేయించవలెనను పట్టుదలతో, వ్రత భంగము కాకుండా, తన తల్లి కొంగును తన చీర కొంగుతో ముడివేసుకుని, యే విధమైన నియమభంగము కలుగకుండా జాగ్రత్తపడినది. ఆనాటి సాయంత్రము తనతోపాటు, తన సవతితల్లితో కూడా శ్రీమహాలక్ష్మి పూజ చేయించెను.
పూజాంతమున ప్రసన్నురాలైన శ్రీమహాలక్ష్మి, సుశీల పెట్టిన నివేదనను స్వీకరించి, ఆ సవతి తల్లి పెట్టిన నివేదనను తిరస్కరించినది. భక్తి శ్రద్ధలతో సుశీల ఇది యేమని అడుగగా ఆ శ్రీమహాలక్ష్మి, “ఓ సుశీలా, నీ చిన్నతనమున నువ్వు నా పూజచేయునపుడు ఈ నీ సవతితల్లి కోపగించి, చీపురుతో నిన్ను కొట్టినది. ఆ దోషము వలన నేను ఆమె నివేదనము స్వీకరింపలేను” అని చెప్పెను. దానికి ఆ సుశీల తన సవతితల్లి చేసిన పనిని మన్నింపుమని ప్రార్థింపగా, అటులనే యని అంమవారు పలికి నివేదనము స్వీకరించి, వారిరువురి ఇంట సుఖసంపదలు వృద్ధి చెందగలవని వరము ఇచ్చెను. ఆ ప్రభావంమున తన సవతి తల్లి ఇంట సంపదలు క్రమముగా వృద్ధి చెందసాగెను.
అటుపింమట, ప్రతి సంవత్సరము వచ్చు మార్గశిర మాసమున అయిదు లక్ష్మివారములు నియమ నిష్ఠలతో శ్రీమహాలక్ష్మి పూజచేసి, తమ విభవము కొలది పరమాన్నము, పులగము, బూరెలు, అప్పాలు మొదలగువాటిని నివేదనము చేయుచూ వారిరువురి కుటుంబములు సుఖసంపదలతో ఆనందముగనుండిరి.

శ్రీ లక్ష్మీ స్తోత్రం (త్రైలోక్య మంగళం)

నమః కల్యాణదే దేవి నమోఽస్తు హరివల్లభే |
నమో భక్తిప్రియే దేవి లక్ష్మీదేవి నమోఽస్తు తే || 1 ||
నమో మాయాగృహీతాంగి నమోఽస్తు హరివల్లభే |
సర్వేశ్వరి నమస్తుభ్యం లక్ష్మీదేవి నమోఽస్తు తే || 2 ||
మహామాయే విష్ణుధర్మపత్నీరూపే హరిప్రియే |
వాంఛాదాత్రి సురేశాని లక్ష్మీదేవి నమోఽస్తు తే || 3 ||
ఉద్యద్భానుసహస్రాభే నయనత్రయభూషితే |
రత్నాధారే సురేశాని లక్ష్మీదేవి నమోఽస్తు తే || 4 ||
విచిత్రవసనే దేవి భవదుఃఖవినాశిని |
కుచభారనతే దేవి లక్ష్మీదేవి నమోఽస్తు తే || 5 ||
సాధకాభీష్టదే దేవి అన్నదానరతేఽనఘే |
విష్ణ్వానందప్రదే మాతర్లక్ష్మీదేవి నమోఽస్తు తే || 6 ||
షట్కోణపద్మమధ్యస్థే షడంగయువతీమయే |
బ్రహ్మాణ్యాదిస్వరూపే చ లక్ష్మీదేవి నమోఽస్తు తే || 7 ||
దేవి త్వం చంద్రవదనే సర్వసాంరాజ్యదాయిని |
సర్వానందకరే దేవి లక్ష్మీదేవి నమోఽస్తు తే || 8 ||
పూజాకాలే పఠేద్యస్తు స్తోత్రమేతత్సమాహితః |
తస్య గేహే స్థిరా లక్ష్మీర్జాయతే నాత్ర సంశయః || 9 ||
ఇతి త్రైలోక్యమంగళం నామ శ్రీ లక్ష్మీ స్తోత్రం |

శ్రీ మహాలక్ష్మీ అక్షరమాలికా నామావళిః

ఓం అకారలక్ష్ంయై నమః |
ఓం అచ్యుతలక్ష్ంయై నమః |
ఓం అన్నలక్ష్ంయై నమః |
ఓం అనంతలక్ష్ంయై నమః |
ఓం అనుగ్రహలక్ష్ంయై నమః |
ఓం అమరలక్ష్ంయై నమః |
ఓం అమృతలక్ష్ంయై నమః |
ఓం అమోఘలక్ష్ంయై నమః |
ఓం అష్టలక్ష్ంయై నమః | 9
ఓం అక్షరలక్ష్ంయై నమః |
ఓం ఆత్మలక్ష్ంయై నమః |
ఓం ఆదిలక్ష్ంయై నమః |
ఓం ఆనందలక్ష్ంయై నమః |
ఓం ఆర్ద్రలక్ష్ంయై నమః |
ఓం ఆరోగ్యలక్ష్ంయై నమః |
ఓం ఇచ్ఛాలక్ష్ంయై నమః |
ఓం ఇభలక్ష్ంయై నమః |
ఓం ఇందులక్ష్ంయై నమః | 18
ఓం ఇష్టలక్ష్ంయై నమః |
ఓం ఈడితలక్ష్ంయై నమః |
ఓం ఉకారలక్ష్ంయై నమః |
ఓం ఉత్తమలక్ష్ంయై నమః |
ఓం ఉద్యానలక్ష్ంయై నమః |
ఓం ఉద్యోగలక్ష్ంయై నమః |
ఓం ఉమాలక్ష్ంయై నమః |
ఓం ఊర్జాలక్ష్ంయై నమః |
ఓం ఋద్ధిలక్ష్ంయై నమః | 27
ఓం ఏకాంతలక్ష్ంయై నమః |
ఓం ఐశ్వర్యలక్ష్ంయై నమః |
ఓం ఓంకారలక్ష్ంయై నమః |
ఓం ఔదార్యలక్ష్ంయై నమః |
ఓం ఔషధిలక్ష్ంయై నమః |
ఓం కనకలక్ష్ంయై నమః |
ఓం కలాలక్ష్ంయై నమః |
ఓం కాంతాలక్ష్ంయై నమః |
ఓం కాంతిలక్ష్ంయై నమః | 36
ఓం కీర్తిలక్ష్ంయై నమః |
ఓం కుటుంబలక్ష్ంయై నమః |
ఓం కోశలక్ష్ంయై నమః |
ఓం కౌతుకలక్ష్ంయై నమః |
ఓం ఖ్యాతిలక్ష్ంయై నమః |
ఓం గజలక్ష్ంయై నమః |
ఓం గానలక్ష్ంయై నమః |
ఓం గుణలక్ష్ంయై నమః |
ఓం గృహలక్ష్ంయై నమః | 45
ఓం గోలక్ష్ంయై నమః |
ఓం గోత్రలక్ష్ంయై నమః |
ఓం గోదాలక్ష్ంయై నమః |
ఓం గోపలక్ష్ంయై నమః |
ఓం గోవిందలక్ష్ంయై నమః |
ఓం చంపకలక్ష్ంయై నమః |
ఓం ఛందోలక్ష్ంయై నమః |
ఓం జనకలక్ష్ంయై నమః |
ఓం జయలక్ష్ంయై నమః | 54
ఓం జీవలక్ష్ంయై నమః |
ఓం తారకలక్ష్ంయై నమః |
ఓం తీర్థలక్ష్ంయై నమః |
ఓం తేజోలక్ష్ంయై నమః |
ఓం దయాలక్ష్ంయై నమః |
ఓం దివ్యలక్ష్ంయై నమః |
ఓం దీపలక్ష్ంయై నమః |
ఓం దుర్గాలక్ష్ంయై నమః |
ఓం ద్వారలక్ష్ంయై నమః | 63
ఓం ధనలక్ష్ంయై నమః |
ఓం ధర్మలక్ష్ంయై నమః |
ఓం ధాన్యలక్ష్ంయై నమః |
ఓం ధీరలక్ష్ంయై నమః |
ఓం ధృతిలక్ష్ంయై నమః |
ఓం ధైర్యలక్ష్ంయై నమః |
ఓం ధ్వజలక్ష్ంయై నమః |
ఓం నాగలక్ష్ంయై నమః |
ఓం నాదలక్ష్ంయై నమః | 72
ఓం నాట్యలక్ష్ంయై నమః |
ఓం నిత్యలక్ష్ంయై నమః |
ఓం పద్మలక్ష్ంయై నమః |
ఓం పూర్ణలక్ష్ంయై నమః |
ఓం ప్రజాలక్ష్ంయై నమః |
ఓం ప్రణవలక్ష్ంయై నమః |
ఓం ప్రసన్నలక్ష్ంయై నమః |
ఓం ప్రసాదలక్ష్ంయై నమః |
ఓం ప్రీతిలక్ష్ంయై నమః | 81
ఓం భద్రలక్ష్ంయై నమః |
ఓం భవనలక్ష్ంయై నమః |
ఓం భవ్యలక్ష్ంయై నమః |
ఓం భాగ్యలక్ష్ంయై నమః |
ఓం భువనలక్ష్ంయై నమః |
ఓం భూతిలక్ష్ంయై నమః |
ఓం భూరిలక్ష్ంయై నమః |
ఓం భూషణలక్ష్ంయై నమః |
ఓం భోగ్యలక్ష్ంయై నమః | 90
ఓం మకారలక్ష్ంయై నమః |
ఓం మంత్రలక్ష్ంయై నమః |
ఓం మహాలక్ష్ంయై నమః |
ఓం మాన్యలక్ష్ంయై నమః |
ఓం మేధాలక్ష్ంయై నమః |
ఓం మోహనలక్ష్ంయై నమః |
ఓం మోక్షలక్ష్ంయై నమః |
ఓం యంత్రలక్ష్ంయై నమః |
ఓం యజ్ఞలక్ష్ంయై నమః | 99
ఓం యాగలక్ష్ంయై నమః |
ఓం యోగలక్ష్ంయై నమః |
ఓం యోగక్షేమలక్ష్ంయై నమః |
ఓం రంగలక్ష్ంయై నమః |
ఓం రక్షాలక్ష్ంయై నమః |
ఓం రాజలక్ష్ంయై నమః |
ఓం లావణ్యలక్ష్ంయై నమః |
ఓం లీలాలక్ష్ంయై నమః |
ఓం వరలక్ష్ంయై నమః | 108
ఓం వరదలక్ష్ంయై నమః |
ఓం వరాహలక్ష్ంయై నమః |
ఓం వసంతలక్ష్ంయై నమః |
ఓం వసులక్ష్ంయై నమః |
ఓం వారలక్ష్ంయై నమః |
ఓం వాహనలక్ష్ంయై నమః |
ఓం విత్తలక్ష్ంయై నమః |
ఓం విజయలక్ష్ంయై నమః |
ఓం వీరలక్ష్ంయై నమః | 117
ఓం వేదలక్ష్ంయై నమః |
ఓం వేత్రలక్ష్ంయై నమః |
ఓం వ్యోమలక్ష్ంయై నమః |
ఓం శాంతలక్ష్ంయై నమః |
ఓం శుభలక్ష్ంయై నమః |
ఓం శుభ్రలక్ష్ంయై నమః |
ఓం సత్యలక్ష్ంయై నమః |
ఓం సంతానలక్ష్ంయై నమః |
ఓం సిద్ధలక్ష్ంయై నమః | 126
ఓం సిద్ధిలక్ష్ంయై నమః |
ఓం సూత్రలక్ష్ంయై నమః |
ఓం సౌంయలక్ష్ంయై నమః |
ఓం హేమాబ్జలక్ష్ంయై నమః |
ఓం హృదయలక్ష్ంయై నమః |
ఓం క్షేత్రలక్ష్ంయై నమః |
ఓం జ్ఞానలక్ష్ంయై నమః |
ఓం అకించినాశ్రయాయై నమః |
ఓం దృష్టాదృష్టఫలప్రదాయై నమః |
ఓం సర్వాభీష్టఫలప్రదాయై నమః | 136
ఇతి శ్రీమహాలక్ష్మీ అక్షరమాలికా నామావళిః |

కనకధారా స్తోత్రం

వందే వందారు మందారమిందిరానందకందలం |
అమందానందసందోహ బంధురం సింధురాననం ||
అంగం హరేః పులకభూషణమాశ్రయంతీ
భృంగాంగనేవ ముకుళాభరణం తమాలం |
అంగీకృతాఖిలవిభూతిరపాంగలీలా
మాంగళ్యదాస్తు మమ మంగళదేవతాయాః || 1 ||
ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని |
మాలాదృశోర్మధుకరీవ మహోత్పలే యా
సా మే శ్రియం దిశతు సాగరసంభవాయాః || 2 ||
విశ్వామరేంద్రపదవిభ్రమదానదక్ష-
-మానందహేతురధికం మురవిద్విషోఽపి |
ఈషన్నిషీదతు మయి క్షణమీక్షణార్థ-
-మిందీవరోదరసహోదరమిందిరాయాః || 3 ||
ఆమీలితాక్షమధిగంయ ముదా ముకుంద-
-మానందకందమనిమేషమనంగతంత్రం |
ఆకేకరస్థితకనీనికపక్ష్మనేత్రం
భూత్యై భవేన్మమ భుజంగశయాంగనాయాః || 4 ||
బాహ్వంతరే మధుజితః శ్రితకౌస్తుభే యా
హారావళీవ హరినీలమయీ విభాతి |
కామప్రదా భగవతోఽపి కటాక్షమాలా
కళ్యాణమావహతు మే కమలాలయాయాః || 5 ||
కాలాంబుదాళిలలితోరసి కైటభారే-
-ర్ధారాధరే స్ఫురతి యా తటిదంగనేవ |
మాతుస్సమస్తజగతాం మహనీయమూర్తిః
భద్రాణి మే దిశతు భార్గవనందనాయాః || 6 ||
ప్రాప్తం పదం ప్రథమతః ఖలు యత్ప్రభావా-
-న్మాంగళ్యభాజి మధుమాథిని మన్మథేన |
మయ్యాపతేత్తదిహ మంథరమీక్షణార్ధం
మందాలసం చ మకరాలయకన్యకాయాః || 7 ||
దద్యాద్దయానుపవనో ద్రవిణాంబుధారా-
-మస్మిన్న కించన విహంగశిశౌ విషణ్ణే |
దుష్కర్మఘర్మమపనీయ చిరాయ దూరం
నారాయణప్రణయినీనయనాంబువాహః || 8 ||
ఇష్టావిశిష్టమతయోఽపి యయా దయార్ద్ర-
-దృష్ట్యా త్రివిష్టపపదం సులభం లభంతే |
దృష్టిః ప్రహృష్టకమలోదరదీప్తిరిష్టాం
పుష్టిం కృషీష్ట మమ పుష్కరవిష్టరాయాః || 9 ||
గీర్దేవతేతి గరుడధ్వజసుందరీతి
శాకంభరీతి శశిశేఖరవల్లభేతి |
సృష్టిస్థితిప్రళయకేళిషు సంస్థితాయై
తస్యై నమస్త్రిభువనైకగురోస్తరుణ్యై || 10 ||
శ్రుత్యై నమోఽస్తు శుభకర్మఫలప్రసూత్యై
రత్యై నమోఽస్తు రమణీయగుణార్ణవాయై |
శక్త్యై నమోఽస్తు శతపత్రనికేతనాయై
పుష్ట్యై నమోఽస్తు పురుషోత్తమవల్లభాయై || 11 ||
నమోఽస్తు నాళీకనిభాననాయై
నమోఽస్తు దుగ్ధోదధిజన్మభూంయై |
నమోఽస్తు సోమామృతసోదరాయై
నమోఽస్తు నారాయణవల్లభాయై || 12 ||
[* అధిక శ్లోకాః –
నమోఽస్తు హేమాంబుజపీఠికాయై
నమోఽస్తు భూమండలనాయికాయై |
నమోఽస్తు దేవాదిదయాపరాయై
నమోఽస్తు శార్ఙ్గాయుధవల్లభాయై ||
నమోఽస్తు దేవ్యై భృగునందనాయై
నమోఽస్తు విష్ణోరురసిస్థితాయై |
నమోఽస్తు లక్ష్ంయై కమలాలయాయై
నమోఽస్తు దామోదరవల్లభాయై ||
నమోఽస్తు కాంత్యై కమలేక్షణాయై
నమోఽస్తు భూత్యై భువనప్రసూత్యై |
నమోఽస్తు దేవాదిభిరర్చితాయై
నమోఽస్తు నందాత్మజవల్లభాయై ||
*] సంపత్కరాణి సకలేంద్రియనందనాని
సాంరాజ్యదానవిభవాని సరోరుహాక్షి |
త్వద్వందనాని దురితాహరణోద్యతాని
మామేవ మాతరనిశం కలయంతు మాన్యే || 13 ||
యత్కటాక్షసముపాసనావిధిః
సేవకస్య సకలార్థసంపదః |
సంతనోతి వచనాంగమానసై-
-స్త్వాం మురారిహృదయేశ్వరీం భజే || 14 ||
సరసిజనిలయే సరోజహస్తే
ధవళతమాంశుకగంధమాల్యశోభే |
భగవతి హరివల్లభే మనోజ్ఞే
త్రిభువనభూతికరి ప్రసీద మహ్యం || 15 ||
దిగ్ఘస్తిభిః కనకకుంభముఖావసృష్ట-
-స్వర్వాహినీవిమలచారుజలప్లుతాంగీం |
ప్రాతర్నమామి జగతాం జననీమశేష-
-లోకాధినాథగృహిణీమమృతాబ్ధిపుత్రీం || 16 ||
కమలే కమలాక్షవల్లభే త్వం
కరుణాపూరతరంగితైరపాంగైః |
అవలోకయ మామకించనానాం
ప్రథమం పాత్రమకృత్రిమం దయాయాః || 17 ||
[* అధిక శ్లోకాః –
బిల్వాటవీమధ్యలసత్సరోజే
సహస్రపత్రే సుఖసన్నివిష్టాం |
అష్టాపదాంభోరుహపాణిపద్మాం
సువర్ణవర్ణాం ప్రణమామి లక్ష్మీం ||
కమలాసనపాణినా లలాటే
లిఖితామక్షరపంక్తిమస్య జంతోః |
పరిమార్జయ మాతరంఘ్రిణా తే
ధనికద్వారనివాస దుఃఖదోగ్ధ్రీం ||
అంభోరుహం జన్మగృహం భవత్యాః
వక్షఃస్థలం భర్తృగృహం మురారేః |
కారుణ్యతః కల్పయ పద్మవాసే
లీలాగృహం మే హృదయారవిందం ||
*] స్తువంతి యే స్తుతిభిరమూభిరన్వహం
త్రయీమయీం త్రిభువనమాతరం రమాం |
గుణాధికా గురుతరభాగ్యభాజినో
భవంతి తే భువి బుధభావితాశయాః || 18 ||
[* అధిక శ్లోకం –
సువర్ణధారాస్తోత్రం యచ్ఛంకరాచార్య నిర్మితం |
త్రిసంధ్యం యః పఠేన్నిత్యం స కుబేరసమో భవేత్ ||
*] ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ కనకధారాస్తోత్రం సంపూర్ణం |

కనకధారా స్తోత్రం (పాఠాంతరం)

అంగం హరేః పులకభూషణమాశ్రయంతీ
భృంగాంగనేవ ముకుళాభరణం తమాలం |
అంగీకృతాఖిలవిభూతిరపాంగలీలా
మాంగళ్యదాస్తు మమ మంగళదేవతాయాః || 1 ||
ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని |
మాలా దృశోర్మధుకరీవ మహోత్పలే యా
సా మే శ్రియం దిశతు సాగరసంభవాయాః || 2 ||
ఆమీలితాక్షమధిగంయ ముదా ముకుందం-
ఆనందకందమనిమేషమనంగతంత్రం |
ఆకేకరస్థితకనీనికపక్ష్మనేత్రం
భూత్యై భవేన్మమ భుజంగశయాంగనాయాః || 3 ||
బాహ్వంతరే మధుజితః శ్రితకౌస్తుభే యా
హారావళీవ హరినీలమయీ విభాతి |
కామప్రదా భగవతోఽపి కటాక్షమాలా
కళ్యాణమావహతు మే కమలాలయాయాః || 4 ||
కాలాంబుదాళిలలితోరసి కైటభారేః
ధారాధరే స్ఫురతి యా తటిదంగనేవ |
మాతుస్సమస్తజగతాం మహనీయమూర్తిః
భద్రాణి మే దిశతు భార్గవనందనాయాః || 5 ||
ప్రాప్తం పదం ప్రథమతః ఖలు యత్ప్రభావాత్
మాంగళ్యభాజి మధుమాథిని మన్మథేన |
మయ్యాపతేత్తదిహ మంథరమీక్షణార్ధం
మందాలసం చ మకరాలయకన్యకాయాః || 6 ||
విశ్వామరేంద్రపదవిభ్రమదానదక్షం
ఆనందహేతురధికం మురవిద్విషోఽపి |
ఈషన్నిషీదతు మయి క్షణమీక్షణార్థం
ఇందీవరోదరసహోదరమిందిరాయాః || 7 ||
ఇష్టా విశిష్టమతయోఽపి యయా దయార్ద్ర
దృష్ట్యా త్రివిష్టపపదం సులభం లభంతే |
దృష్టిః ప్రహృష్ట కమలోదరదీప్తిరిష్టాం
పుష్టిం కృషీష్ట మమ పుష్కరవిష్టరాయాః || 8 ||
దద్యాద్దయానుపవనో ద్రవిణాంబుధారా-
మస్మిన్న కించన విహంగశిశౌ విషణ్ణే |
దుష్కర్మఘర్మమపనీయ చిరాయ దూరం
నారాయణప్రణయినీనయనాంబువాహః || 9 ||
గీర్దేవతేతి గరుడధ్వజసుందరీతి
శాకంభరీతి శశిశేఖరవల్లభేతి |
సృష్టిస్థితిప్రళయకేలిషు సంస్థితాయై
తస్యై నమస్త్రిభువనైకగురోస్తరుణ్యై || 10 ||
శ్రుత్యై నమోఽస్తు శుభకర్మఫలప్రసూత్యై
రత్యై నమోఽస్తు రమణీయగుణార్ణవాయై |
శక్త్యై నమోఽస్తు శతపత్రనికేతనాయై
పుష్ట్యై నమోఽస్తు పురుషోత్తమవల్లభాయై || 11 ||
నమోఽస్తు నాళీకనిభాననాయై
నమోఽస్తు దుగ్ధోదధిజన్మభూంయై |
నమోఽస్తు సోమామృతసోదరాయై
నమోఽస్తు నారాయణవల్లభాయై || 12 ||
నమోఽస్తు హేమాంబుజపీఠికాయై
నమోఽస్తు భూమండలనాయికాయై |
నమోఽస్తు దేవాదిదయాపరాయై
నమోఽస్తు శార్ఙ్గాయుధవల్లభాయై || 13 ||
నమోఽస్తు దేవ్యై భృగునందనాయై
నమోఽస్తు విష్ణోరురసిస్థితాయై |
నమోఽస్తు లక్ష్ంయై కమలాలయాయై
నమోఽస్తు దామోదరవల్లభాయై || 14 ||
నమోఽస్తు కాంత్యై కమలేక్షణాయై
నమోఽస్తు భూత్యై భువనప్రసూత్యై |
నమోఽస్తు దేవాదిభిరర్చితాయై
నమోఽస్తు నందాత్మజవల్లభాయై || 15 ||
సంపత్కరాణి సకలేంద్రియనందనాని
సాంరాజ్యదానవిభవాని సరోరుహాక్షి |
త్వద్వందనాని దురితోద్ధరణోద్యతాని
మామేవ మాతరనిశం కలయంతు నాన్యే || 16 ||
యత్కటాక్షసముపాసనావిధిః
సేవకస్య సకలార్థసంపదః |
సంతనోతి వచనాంగమానసైః
త్వాం మురారిహృదయేశ్వరీం భజే || 17 ||
సరసిజనిలయే సరోజహస్తే
ధవళతమాంశుకగంధమాల్యశోభే |
భగవతి హరివల్లభే మనోజ్ఞే
త్రిభువనభూతికరి ప్రసీద మహ్యం || 18 ||
దిగ్ఘస్తిభిః కనకకుంభముఖావసృష్ట
స్వర్వాహినీ విమలచారుజలప్లుతాంగీం |
ప్రాతర్నమామి జగతాం జననీమశేష
లోకాధినాథగృహిణీమమృతాబ్ధిపుత్రీం || 19 ||
కమలే కమలాక్షవల్లభే త్వం
కరుణాపూరతరంగితైరపాంగైః |
అవలోకయ మామకించనానాం
ప్రథమం పాత్రమకృత్రిమం దయాయాః || 20 ||
[* అధికశ్లోకం –
దేవి ప్రసీద జగదీశ్వరి లోకమాతః
కళ్యాణదాత్రి కమలేక్షణజీవనాథే |
దారిద్ర్యభీతిహృదయం శరణాగతం మాం
ఆలోకయ ప్రతిదినం సదయైరపాంగైః || 21 ||
*] స్తువంతి యే స్తుతిభిరమూభిరన్వహం
త్రయీమయీం త్రిభువనమాతరం రమాం |
గుణాధికా గురుతరభాగ్యభాగినో
భవంతి తే భువి బుధభావితాశయాః || 22 ||

శ్రీ పద్మా కవచం

నారాయణ ఉవాచ |
శృణు విప్రేంద్ర పద్మాయాః కవచం పరమం శుభం |
పద్మనాభేన యద్దత్తం బ్రహ్మణే నాభిపద్మకే || 1 ||
సంప్రాప్య కవచం బ్రహ్మ తత్పద్మే ససృజే జగత్ |
పద్మాలయాప్రసాదేన సలక్ష్మీకో బభూవ సః || 2 ||
పద్మాలయావరం ప్రాప్య పాద్మశ్చ జగతాం ప్రభుః |
పాద్మేన పద్మకల్పే చ కవచం పరమాద్భుతం || 3 ||
దత్తం సనత్కుమారాయ ప్రియపుత్రాయ ధీమతే |
కుమారేణ చ యద్దత్తం పుష్కరాక్షాయ నారద || 4 ||
యద్ధృత్వా పఠనాద్బ్రహ్మా సర్వసిద్ధేశ్వరో మహాన్ |
పరమైశ్వర్యసంయుక్తః సర్వసంపత్సమన్వితః || 5 ||
యద్ధృత్వా చ ధనాధ్యక్షః కుబేరశ్చ ధనాధిపః |
స్వాయంభువో మనుః శ్రీమాన్పఠనాద్ధారణాద్యతః || 6 ||
ప్రియవ్రతోత్తానపాదౌ లక్ష్మీవంతౌ యతో మునే |
పృథుః పృథ్వీపతిః సద్యో హ్యభవద్ధారణాద్యతః || 7 ||
కవచస్య ప్రసాదేన స్వయం దక్షః ప్రజాపతిః |
ధర్మశ్చ కర్మణాం సాక్షీ పాతా యస్య ప్రసాదతః || 8 ||
యద్ధృత్వా దక్షిణే బాహౌ విష్ణుః క్షీరోదశాయితః |
భక్త్యా విధత్తే కంఠే చ శేషో నారాయణాంశకః || 9 ||
యద్ధృత్వా వామనం లేభే కశ్యపశ్చ ప్రజాపతిః |
సర్వదేవాధిపః శ్రీమాన్మహేంద్రో ధారణాద్యతః || 10 ||
రాజా మరుత్తో భగవానభవద్ధారణాద్యతః |
త్రైలోక్యాధిపతిః శ్రీమాన్నహుషో యస్య ధారణాత్ || 11 ||
విశ్వం విజిగ్యే ఖట్వాంగః పఠనాద్ధారణాద్యతః |
ముచుకుందో యతః శ్రీమాన్మాంధాతృతనయో మహాన్ || 12 ||
సర్వసంపత్ప్రదస్యాస్య కవచస్య ప్రజాపతిః |
ఋషిశ్ఛందశ్చ బృహతీ దేవీ పద్మాలయా స్వయం || 13 ||
ధర్మార్థకామమోక్షేషు వినియోగః ప్రకీర్తితః |
పుణ్యబీజం చ మహతాం కవచం పరమాద్భుతం || 14 ||
ఓం హ్రీం కమలవాసిన్యై స్వాహా మే పాతు మస్తకం |
శ్రీం మే పాతు కపాలం చ లోచనే శ్రీం శ్రియై నమః || 15 ||
ఓం శ్రీం శ్రియై స్వాహేతి చ కర్ణయుగ్మం సదాఽవతు |
ఓం [హ్రీం] శ్రీం క్లీం మహాలక్ష్ంయై స్వాహా మే పాతు నాసికాం || 16 ||
ఓం శ్రీం పద్మాలయాయై చ స్వాహా దంతాన్సదాఽవతు |
ఓం శ్రీం కృష్ణప్రియాయై చ దంతరంధ్రం సదాఽవతు || 17 ||
ఓం శ్రీం నారాయణేశాయై మమ కంఠం సదాఽవతు |
ఓం శ్రీం కేశవకాంతాయై మమ స్కంధం సదాఽవతు || 18 ||
ఓం శ్రీం పద్మనివాసిన్యై స్వాహా నాభిం సదాఽవతు |
ఓం హ్రీం శ్రీం సంసారమాత్రే మమ వక్షః సదాఽవతు || 19 ||
ఓం శ్రీం ఓం కృష్ణకాంతాయై స్వాహా పృష్ఠం సదాఽవతు |
ఓం హ్రీం శ్రీం శ్రియై స్వాహా చ మమ హస్తౌ సదాఽవతు || 20 ||
ఓం శ్రీనివాసకాంతాయై మమ పాదౌ సదాఽవతు |
ఓం హ్రీం శ్రీం క్లీం శ్రియై స్వాహా సర్వాంగం మే సదాఽవతు || 21 ||
ప్రాచ్యాం పాతు మహాలక్ష్మీరాగ్నేయ్యాం కమలాలయా |
పద్మా మాం దక్షిణే పాతు నైరృత్యాం శ్రీహరిప్రియా || 22 ||
పద్మాలయా పశ్చిమే మాం వాయవ్యాం పాతు సా స్వయం |
ఉత్తరే కమలా పాతు చైశాన్యాం సింధుకన్యకా || 23 ||
నారాయణీ చ పాతూర్ధ్వమధో విష్ణుప్రియాఽవతు |
సంతతం సర్వతః పాతు విష్ణుప్రాణాధికా మమ || 24 ||
ఇతి తే కథితం వత్స సర్వమంత్రౌఘవిగ్రహం |
సర్వైశ్వర్యప్రదం నామ కవచం పరమాద్భుతం || 25 ||
సువర్ణపర్వతం దత్వా మేరుతుల్యం ద్విజాతయే |
యత్ఫలం లభతే ధర్మీ కవచేన తతోఽధికం || 26 ||
గురుమభ్యర్చ్య విధివత్కవచం ధారయేత్తు యః |
కంఠే వా దక్షిణే బాహౌ స శ్రీమాన్ప్రతిజన్మని || 27 ||
అస్తి లక్ష్మీర్గృహే తస్య నిశ్చలా శతపూరుషం |
దేవేంద్రైశ్చాసురేంద్రైశ్చ సోఽవధ్యో నిశ్చితం భవేత్ || 28 ||
స సర్వపుణ్యవాన్ ధీమాన్ సర్వయజ్ఞేషు దీక్షితః |
స స్నాతః సర్వతీర్థేషు యస్యేదం కవచం గలే || 29 ||
యస్మై కస్మై న దాతవ్యం లోభమోహభయైరపి |
గురుభక్తాయ శిష్యాయ శరణ్యాయ ప్రకాశయేత్ || 30 ||
ఇదం కవచమజ్ఞాత్వా జపేల్లక్ష్మీం జగత్ప్రసూం |
కోటిసంఖ్యం ప్రజప్తోఽపి న మంత్రః సిద్ధిదాయకః || 31 ||
ఇతి శ్రీబ్రహ్మవైవర్తే మహాపురాణే తృతీయే గణపతిఖండే అష్టాత్రింశత్తమోఽధ్యాయే నారదనారాయణసంవాదే శ్రీ లక్ష్మీ కవచం ||

శ్రీస్తుతిః

శ్రీమాన్వేంకటనాథార్యః కవితార్కికకేసరీ |
వేదాంతాచార్యవర్యో మే సన్నిధత్తాం సదా హృది ||
ఈశానాం జగతోఽస్య వేంకటపతేర్విష్ణోః పరాం ప్రేయసీం
తద్వక్షఃస్థలనిత్యవాసరసికాం తత్క్షాంతిసంవర్ధినీం |
పద్మాలంకృత పాణిపల్లవయుగాం పద్మాసనస్థాం శ్రియం
వాత్సల్యాది గుణోజ్జ్వలాం భగవతీం వందే జగన్మాతరం ||
మానాతీతప్రథితవిభవాం మంగళం మంగళానాం
వక్షఃపీఠీం మధువిజయినో భూషయంతీం స్వకాంత్యా |
ప్రత్యక్షానుశ్రవికమహిమప్రార్థినీనాం ప్రజానాం
శ్రేయోమూర్తిం శ్రియమశరణస్త్వాం శరణ్యాం ప్రపద్యే || 1 ||
ఆవిర్భావః కలశజలధావధ్వరే వాఽపి యస్యాః
స్థానం యస్యాః సరసిజవనం విష్ణువక్షఃస్థలం వా |
భూమా యస్యా భువనమఖిలం దేవి దివ్యం పదం వా
స్తోకప్రజ్ఞైరనవధిగుణా స్తూయసే సా కథం త్వం || 2 ||
స్తోతవ్యత్వం దిశతి భవతీ దేహిభిః స్తూయమానా
తామేవ త్వామనితరగతిః స్తోతుమాశంసమానః |
సిద్ధారంభః సకలభువనశ్లాఘనీయో భవేయం
సేవాపేక్షా తవ చరణయోః శ్రేయసే కస్య న స్యాత్ || 3 ||
యత్సంకల్పాద్భవతి కమలే యత్ర దేహిన్యమీషాం
జన్మస్థేమప్రళయరచనా జంగమాజంగమానాం |
తత్కల్యాణం కిమపి యమినామేకలక్ష్యం సమాధౌ
పూర్ణం తేజః స్ఫురతి భవతీపాదలాక్షారసాంకం || 4 ||
నిష్ప్రత్యూహప్రణయఘటితం దేవి నిత్యానపాయం
విష్ణుస్త్వం చేత్యనవధిగుణం ద్వంద్వమన్యోన్యలక్ష్యం |
శేషశ్చిత్తం విమలమనసాం మౌలయశ్చ శ్రుతీనాం
సంపద్యంతే విహరణవిధౌ యస్య శయ్యావిశేషాః || 5 ||
ఉద్దేశ్యత్వం జనని భజతోరుజ్ఝితోపాధిగంధం
ప్రత్యగ్రూపే హవిషి యువయోరేకశేషిత్వయోగాత్ |
పద్మే పత్యుస్తవ చ నిగమైర్నిత్యమన్విష్యమాణో
నావచ్ఛేదం భజతి మహిమా నర్తయన్మానసం నః || 6 ||
పశ్యంతీషు శ్రుతిషు పరితః సూరిబృందేన సార్థం
మధ్యేకృత్య త్రిగుణఫలకం నిర్మితస్థానభేదం |
విశ్వాధీశప్రణయినీ సదా విభ్రమద్యూతవృత్తౌ
బ్రహ్మేశాద్యా దధతి యువయోరక్షశారప్రచారం || 7 ||
అస్యేశానా త్వమసి జగతః సంశ్రయంతీ ముకుందం
లక్ష్మీః పద్మా జలధితనయా విష్ణుపత్నీందిరేతి |
యన్నామాని శ్రుతిపరిపణాన్యేవమావర్తయంతో
నావర్తంతే దురితపవనప్రేరితే జన్మచక్రే || 8 ||
త్వామేవాహుః కతిచిదపరే త్వత్ప్రియం లోకనాథం
కిం తైరంతఃకలహమలినైః కించిదుత్తీర్య మగ్నైః |
త్వత్సంప్రీత్యై విహరతి హరౌ సంముఖీనాం శ్రుతీనాం
భావారూఢౌ భగవతి యువాం దంపతీ దైవతం నః || 9 ||
ఆపన్నార్తిప్రశమనవిధౌ బద్ధదీక్షస్య విష్ణో-
-రాచఖ్యుస్త్వాం ప్రియసహచరీమైకమత్యోపపన్నాం |
ప్రాదుర్భావైరపి సమతనుః ప్రాధ్వమన్వీయసే త్వం
దూరోత్క్షిప్తైరివ మధురతా దుగ్ధరాశేస్తరంగైః || 10 ||
ధత్తే శోభాం హరిమరకతే తావకీ మూర్తిరాద్యా
తన్వీ తుంగస్తనభరనతా తప్తజాంబూనదాభా |
యస్యాం గచ్ఛంత్యుదయవిలయైర్నిత్యమానందసింధా-
-విచ్ఛావేగోల్లసితలహరీవిభ్రమం వ్యక్తయస్తే || 11 ||
ఆసంసారం వితతమఖిలం వాఙ్మయం యద్విభూతి-
-ర్యద్భ్రూభంగాత్కుసుమధనుషః కింకరో మేరుధన్వా |
యస్యాం నిత్యం నయనశతకైరేకలక్ష్యో మహేంద్రః
పద్మే తాసాం పరిణతిరసౌ భావలేశైస్త్వదీయైః || 12 ||
అగ్రే భర్తుః సరసిజమయే భద్రపీఠే నిషణ్ణా-
-మంభోరాశేరధిగతసుధాసంప్లవాదుత్థితాం త్వాం |
పుష్పాసారస్థగితభువనైః పుష్కలావర్తకాద్యైః
క్లుప్తారంభాః కనకకలశైరభ్యషించన్గజేంద్రాః || 13 ||
ఆలోక్య త్వామమృతసహజే విష్ణువక్షఃస్థలస్థాం
శాపాక్రాంతాః శరణమగమన్సావరోధాః సురేంద్రాః |
లబ్ధ్వా భూయస్త్రిభువనమిదం లక్షితం త్వత్కటాక్షైః
సర్వాకారస్థిరసముదయాం సంపదం నిర్విశంతి || 14 ||
ఆర్తత్రాణవ్రతిభిరమృతాసారనీలాంబువాహై-
-రంభోజానాముషసి మిషతామంతరంగైరపాంగైః |
యస్యాం యస్యాం దిశి విహరతే దేవి దృష్టిస్త్వదీయా
తస్యాం తస్యామహమహమికాం తన్వతే సంపదోఘాః || 15 ||
యోగారంభత్వరితమనసో యుష్మదైకాంత్యయుక్తం
ధర్మం ప్రాప్తుం ప్రథమమిహ యే ధారయంతే ధనాయాం |
తేషాం భూమేర్ధనపతిగృహాదంబరాదంబుధేర్వా
ధారా నిర్యాంత్యధికమధికం వాంఛితానాం వసూనాం || 16 ||
శ్రేయస్కామాః కమలనిలయే చిత్రమాంనాయవాచాం
చూడాపీడం తవ పదయుగం చేతసా ధారయంతః |
ఛత్రచ్ఛాయాసుభగశిరసశ్చామరస్మేరపార్శ్వాః
శ్లాఘాశబ్దశ్రవణముదితాః స్రగ్విణః సంచరంతి || 17 ||
ఊరీకర్తుం కుశలమఖిలం జేతుమాదీనరాతీన్
దూరీకర్తుం దురితనివహం త్యక్తుమాద్యామవిద్యాం |
అంబ స్తంబావధికజననగ్రామసీమాంతరేఖా-
-మాలంబంతే విమలమనసో విష్ణుకాంతే దయాం తే || 18 ||
జాతాకాంక్షా జనని యువయోరేకసేవాధికారే
మాయాలీఢం విభవమఖిలం మన్యమానాస్తృణాయ |
ప్రీత్యై విష్ణోస్తవ చ కృతినః ప్రీతిమంతో భజంతే
వేలాభంగప్రశమనఫలం వైదికం ధర్మసేతుం || 19 ||
సేవే దేవి త్రిదశమహిళామౌళిమాలార్చితం తే
సిద్ధిక్షేత్రం శమితవిపదాం సంపదాం పాదపద్మం |
యస్మిన్నీషన్నమితశిరసో యాపయిత్వా శరీరం
వర్తిష్యంతే వితమసి పదే వాసుదేవస్య ధన్యాః || 20 ||
సానుప్రాసప్రకటితదయైః సాంద్రవాత్సల్యదిగ్ధై-
-రంబ స్నిగ్ధైరమృతలహరీలబ్ధసబ్రహ్మచర్యైః |
ఘర్మే తాపత్రయవిరచితే గాఢతప్తం క్షణం మా-
-మాకించన్యగ్లపితమనఘైరాద్రియేథాః కటాక్షైః || 21 ||
సంపద్యంతే భవభయతమీభానవస్త్వత్ప్రసాదా-
-ద్భావాః సర్వే భగవతి హరౌ భక్తిముద్వేలయంతః |
యాచే కిం త్వామహమతిభయశ్శీతలోదారశీలా-
-న్భూయో భూయో దిశసి మహతాం మంగళానాం ప్రబంధాన్ || 22 ||
మాతా దేవి త్వమసి భగవాన్వాసుదేవః పితా మే
జాతః సోఽహం జనని యువయోరేకలక్ష్యం దయాయాః |
దత్తో యుష్మత్పరిజనతయా దేశికైరప్యతస్త్వం
కిం తే భూయః ప్రియమితి కిల స్మేరవక్రా విభాసి || 23 ||
కల్యాణానామవికలనిధిః కాఽపి కారుణ్యసీమా
నిత్యామోదా నిగమవచసాం మౌళిమందారమాలా |
సంపద్దివ్యా మధువిజయినః సన్నిధత్తాం సదా మే
సైషా దేవీ సకలభువనప్రార్థనాకామధేనుః || 24 ||
ఉపచితగురుభక్తేరుత్థితం వేంకటేశా-
-త్కలికలుషనివృత్త్యై కల్ప్యమానం ప్రజానాం |
సరసిజనిలయాయాః స్తోత్రమేతత్పఠంతః
సకలకుశలసీమా సార్వభౌమా భవంతి || 25 ||
ఇతి శ్రీమద్వేదాంతదేశికవిరచితా శ్రీస్తుతిః |

 శ్రీ స్తోత్రం (అగ్నిపురాణం)

పుష్కర ఉవాచ |
రాజ్యలక్ష్మీస్థిరత్వాయ యథేంద్రేణ పురా శ్రియః |
స్తుతిః కృతా తథా రాజా జయార్థం స్తుతిమాచరేత్ || 1 ||
ఇంద్ర ఉవాచ |
నమస్యే సర్వలోకానాం జననీమబ్ధిసంభవాం |
శ్రియమున్నిద్రపద్మాక్షీం విష్ణువక్షఃస్థలస్థితాం || 2 ||
త్వం సిద్ధిస్త్వం స్వధా స్వాహా సుధా త్వం లోకపావని |
సంధ్యా రాత్రిః ప్రభా భూతిర్మేధా శ్రద్ధా సరస్వతీ || 3 ||
యజ్ఞవిద్యా మహావిద్యా గుహ్యవిద్యా చ శోభనే |
ఆత్మవిద్యా చ దేవి త్వం విముక్తిఫలదాయినీ || 4 ||
ఆన్వీక్షికీ త్రయీ వార్తా దండనీతిస్త్వమేవ చ |
సౌంయా సౌంయైర్జగద్రూపైస్త్వయైతద్దేవి పూరితం || 5 ||
కా త్వన్యా త్వామృతే దేవి సర్వయజ్ఞమయం వపుః |
అధ్యాస్తే దేవ దేవస్య యోగిచింత్యం గదాభృతః || 6 ||
త్వయా దేవి పరిత్యక్తం సకలం భువనత్రయం |
వినష్టప్రాయమభవత్ త్వయేదానీం సమేధితం || 7 ||
దారాః పుత్రాస్తథాగారం సుహృద్ధాన్యధనాదికం |
భవత్యేతన్మహాభాగే నిత్యం త్వద్వీక్షణాన్నృణాం || 8 ||
శరీరారోగ్యమైశ్వర్యమరిపక్షక్షయః సుఖం |
దేవి త్వద్దృష్టిదృష్టానాం పురుషాణాం న దుర్లభం || 9 ||
త్వమంబా సర్వభూతానాం దేవదేవో హరిః పితా |
త్వయైతద్విష్ణునా చాంబ జగద్వ్యాప్తం చరాచరం || 10 ||
మానం కోశం తథా గోష్ఠం మా గృహం మా పరిచ్ఛదం |
మా శరీరం కలత్రం చ త్యజేథాః సర్వపావని || 11 ||
మా పుత్రాన్ మా సుహృద్వర్గాన్ మా పశూన్ మా విభూషణం |
త్యజేథా మమ దేవస్య విష్ణోర్వక్షఃస్థలాలయే || 12 ||
సత్త్వేన సత్యశౌచాభ్యాం తథా శీలాదిభిర్గుణైః |
త్యజంతే తే నరాః సద్యః సంత్యక్తా యే త్వయామలే || 13 ||
త్వయావలోకితాః సద్యః శీలాద్యైరఖిలైర్గుణైః |
కులైశ్వర్యైశ్చ యుజ్యంతే పురుషా నిర్గుణా అపి || 14 ||
స శ్లాఘ్యః స గుణీ ధన్యః స కులీనః స బుద్ధిమాన్ |
స శూరః స చ విక్రాంతో యస్త్వయా దేవి వీక్షితః || 15 ||
సద్యో వైగుణ్యమాయాంతి శీలాద్యాః సకలా గుణాః |
పరాఙ్ముఖీ జగద్ధాత్రీ యస్య త్వం విష్ణువల్లభే || 16 ||
న తే వర్ణయితుం శక్తా గుణాన్ జిహ్వాపి వేధసః |
ప్రసీద దేవి పద్మాక్షి మాఽస్మాంస్త్యాక్షీః కదాచన || 17 ||
పుష్కర ఉవాచ |
ఏవం స్తుతా దదౌ శ్రీశ్చ వరమింద్రాయ చేప్సితం |
సుస్థిరత్వం చ రాజ్యస్య సంగ్రామవిజయాదికం || 18 ||
స్వస్తోత్రపాఠశ్రవణకర్తౄణాం భుక్తిముక్తిదం |
శ్రీస్తోత్రం సతతం తస్మాత్పఠేచ్చ శృణుయాన్నరః || 19 ||
ఇత్యగ్నిపురాణే సప్తత్రింశదధికద్విశతతమోఽధ్యాయే శ్రీస్తోత్రం |

 శ్రీ ఇందిరాష్టోత్తరశతనామ స్తోత్రం

ఇందిరా విష్ణుహృదయమందిరా పద్మసుందరా |
నందితాఽఖిలభక్తశ్రీర్నందికేశ్వరవందితా || 1 ||
కేశవప్రియచారిత్రా కేవలానందరూపిణీ |
కేయూరహారమంజీరా కేతకీపుష్పధారణీ || 2 ||
కారుణ్యకవితాపాంగీ కామితార్థప్రదాయనీ |
కామధుక్సదృశా శక్తిః కాలకర్మవిధాయినీ || 3 ||
జితదారిద్ర్యసందోహా ధృతపంకేరుహద్వయీ |
కృతవిద్ధ్యండసంరక్షా నతాపత్పరిహారిణీ || 4 ||
నీలాభ్రాంగసరోనేత్రా నీలోత్పలసుచంద్రికా |
నీలకంఠముఖారాధ్యా నీలాంబరముఖస్తుతా || 5 ||
సర్వవేదాంతసందోహశుక్తిముక్తాఫలాయితా |
సముద్రతనయా సర్వసురకాంతోపసేవితా || 6 ||
భార్గవీ భానుమత్యాదిభావితా భార్గవాత్మజా |
భాస్వత్కనకతాటంకా భానుకోట్యధికప్రభా || 7 ||
పద్మసద్మపవిత్రాంగీ పద్మాస్యా చ పరాత్పరా |
పద్మనాభప్రియసతీ పద్మభూస్తన్యదాయినీ || 8 ||
భక్తదారిద్ర్యశమనీ ముక్తిసాధకదాయినీ |
భుక్తిభోగ్యప్రదా భవ్యశక్తిమదీశ్వరీ || 9 ||
జన్మమృత్యుజ్వరత్రస్తజనజీవాతులోచనా |
జగన్మాతా జయకరీ జయశీలా సుఖప్రదా || 10 ||
చారుసౌభాగ్యసద్విద్యా చామరద్వయశోభితా |
చామీకరప్రభా సర్వచాతుర్యఫలరూపిణీ || 11 ||
రాజీవనయనారంయా రామణీయకజన్మభూః |
రాజరాజార్చితపదా రాజముద్రాస్వరూపిణీ || 12 ||
తారుణ్యవనసారంగీ తాపసార్చితపాదుకా |
తాత్త్వికీ తారకేశార్కతాటంకద్వయమండితా || 13 ||
భవ్యవిశ్రాణనోద్యుక్తా సవ్యక్తసుఖవిగ్రహా |
దివ్యవైభవసంపూర్ణా నవ్యభక్తిశుభోదయా || 14 ||
తరుణాదిత్యతాంరశ్రీః కరుణారసవాహినీ |
శరణాగతసంత్రాణచరణా కరుణేక్షణా || 15 ||
విత్తదారిద్ర్యశమనీ విత్తక్లేశనివారిణీ |
మత్తహంసగతిః సర్వసత్తాసామాన్యరూపిణీ || 16 ||
వాల్మీకివ్యాసదుర్వాసోవాలఖిల్యాదివాంఛితా |
వారిజేక్షణహృత్కేకివారిదాయితవిగ్రహా || 17 ||
దృష్ట్యాఽఽసాదితవిద్ధ్యండా సృష్ట్యాదిమహిమోచ్ఛ్రయా |
ఆస్తిక్యపుష్పభృంగీ చ నాస్తికోన్మూలనక్షమా || 18 ||
కృతసద్భక్తిసంతోషా కృత్తదుర్జనపౌరుషా |
సంజీవితాశేషభాషా సర్వాకర్షమతిస్నుషా || 19 ||
నిత్యశుద్ధా పరా బుద్ధా సత్యా సంవిదనామయా |
విజయా విష్ణురమణీ విమలా విజయప్రదా || 20 ||
శ్రీంకారకామదోగ్ధ్రీ చ హ్రీంకారతరుకోకిలా |
ఐంకారపద్మలోలంబా క్లీంకారామృతనింనగా || 21 ||
తపనీయాభసుతనుః కమనీయస్మితాననా |
గణనీయగుణగ్రామా శయనీయోరగేశ్వరా || 22 ||
రమణీయసువేషాఢ్యా కరణీయక్రియేశ్వరీ |
స్మరణీయచరిత్రా చ తరుణీ యజ్ఞరూపిణీ || 23 ||
శ్రీవృక్షవాసినీ యోగిధీవృత్తిపరిభావితా |
ప్రావృడ్భార్గవవారార్చ్యా సంవృతామరభామినీ || 24 ||
తనుమధ్యా భగవతీ మనుజాపివరప్రదా |
లక్ష్మీ బిల్వాశ్రితా పాతు సోఽష్టోత్తరశతస్తుతా || 25 ||
ఇతి ఇందిరాష్టోత్తరశతనామ స్తోత్రం |

శ్రీ ఇందిరాష్టోత్తరశతనామావళిః

ఓం ఇందిరాయై నమః |
ఓం విష్ణుహృదయమందిరాయై నమః |
ఓం పద్మసుందరాయై నమః |
ఓం నందితాఖిలభక్తశ్రియై నమః |
ఓం నందికేశ్వరవందితాయై నమః |
ఓం కేశవప్రియచారిత్రాయై నమః |
ఓం కేవలానందరూపిణ్యై నమః |
ఓం కేయూరహారమంజీరాయై నమః |
ఓం కేతకీపుష్పధారణ్యై నమః | 9
ఓం కారుణ్యకవితాపాంగ్యై నమః |
ఓం కామితార్థప్రదాయన్యై నమః |
ఓం కామధుక్సదృశా శక్త్యై నమః |
ఓం కాలకర్మవిధాయిన్యై నమః |
ఓం జితదారిద్ర్యసందోహాయై నమః |
ఓం ధృతపంకేరుహద్వయ్యై నమః |
ఓం కృతవిద్ధ్యండసంరక్షాయై నమః |
ఓం నతాపత్పరిహారిణ్యై నమః |
ఓం నీలాభ్రాంగసరోనేత్రాయై నమః | 18
ఓం నీలోత్పలసుచంద్రికాయై నమః |
ఓం నీలకంఠముఖారాధ్యాయై నమః |
ఓం నీలాంబరముఖస్తుతాయై నమః |
ఓం సర్వవేదాంతసందోహశుక్తిముక్తాఫలాయితాయై నమః |
ఓం సముద్రతనయాయై నమః |
ఓం సర్వసురకాంతోపసేవితాయై నమః |
ఓం భార్గవ్యై నమః |
ఓం భానుమత్యాదిభావితాయై నమః |
ఓం భార్గవాత్మజాయై నమః | 27
ఓం భాస్వత్కనకతాటంకాయై నమః |
ఓం భానుకోట్యధికప్రభాయై నమః |
ఓం పద్మసద్మపవిత్రాంగ్యై నమః |
ఓం పద్మాస్యాయై నమః |
ఓం పరాత్పరాయై నమః |
ఓం పద్మనాభప్రియసత్యై నమః |
ఓం పద్మభూస్తన్యదాయిన్యై నమః |
ఓం భక్తదారిద్ర్యశమన్యై నమః |
ఓం ముక్తిసాధకదాయిన్యై నమః | 36
ఓం భుక్తిభోగ్యప్రదాయై నమః |
ఓం భవ్యశక్తిమదీశ్వర్యై నమః |
ఓం జన్మమృత్యుజ్వరత్రస్తజనజీవాతులోచనాయై నమః |
ఓం జగన్మాత్రే నమః |
ఓం జయకర్యై నమః |
ఓం జయశీలాయై నమః |
ఓం సుఖప్రదాయై నమః |
ఓం చారుసౌభాగ్యసద్విద్యాయై నమః |
ఓం చామరద్వయశోభితాయై నమః | 45
ఓం చామీకరప్రభాయై నమః |
ఓం సర్వచాతుర్యఫలరూపిణ్యై నమః |
ఓం రాజీవనయనారంయాయై నమః |
ఓం రామణీయకజన్మభువే నమః |
ఓం రాజరాజార్చితపదాయై నమః |
ఓం రాజముద్రాస్వరూపిణ్యై నమః |
ఓం తారుణ్యవనసారంగ్యై నమః |
ఓం తాపసార్చితపాదుకాయై నమః |
ఓం తాత్త్విక్యై నమః | 54
ఓం తారకేశార్కతాటంకద్వయమండితాయై నమః |
ఓం భవ్యవిశ్రాణనోద్యుక్తాయై నమః |
ఓం సవ్యక్తసుఖవిగ్రహాయై నమః |
ఓం దివ్యవైభవసంపూర్ణాయై నమః |
ఓం నవ్యభక్తిశుభోదయాయై నమః |
ఓం తరుణాదిత్యతాంరశ్రియై నమః |
ఓం కరుణారసవాహిన్యై నమః |
ఓం శరణాగతసంత్రాణచరణాయై నమః |
ఓం కరుణేక్షణాయై నమః | 63
ఓం విత్తదారిద్ర్యశమన్యై నమః |
ఓం విత్తక్లేశనివారిణ్యై నమః |
ఓం మత్తహంసగతయే నమః |
ఓం సర్వసత్తాయై నమః |
ఓం సామాన్యరూపిణ్యై నమః |
ఓం వాల్మీకివ్యాసదుర్వాసోవాలఖిల్యాదివాంఛితాయై నమః |
ఓం వారిజేక్షణహృత్కేకివారిదాయితవిగ్రహాయై నమః |
ఓం దృష్ట్యాఽఽసాదితవిద్ధ్యండాయై నమః |
ఓం సృష్ట్యాదిమహిమోచ్ఛ్రయాయై నమః | 72
ఓం ఆస్తిక్యపుష్పభృంగ్యై నమః |
ఓం నాస్తికోన్మూలనక్షమాయై నమః |
ఓం కృతసద్భక్తిసంతోషాయై నమః |
ఓం కృత్తదుర్జనపౌరుషాయై నమః |
ఓం సంజీవితాశేషభాషాయై నమః |
ఓం సర్వాకర్షమతిస్నుషాయై నమః |
ఓం నిత్యశుద్ధాయై నమః |
ఓం పరాయై బుద్ధాయై నమః |
ఓం సత్యాయై నమః | 81
ఓం సంవిదనామయాయై నమః |
ఓం విజయాయై నమః |
ఓం విష్ణురమణ్యై నమః |
ఓం విమలాయై నమః |
ఓం విజయప్రదాయై నమః |
ఓం శ్రీంకారకామదోగ్ధ్ర్యై నమః |
ఓం హ్రీంకారతరుకోకిలాయై నమః |
ఓం ఐంకారపద్మలోలంబాయై నమః |
ఓం క్లీంకారామృతనింనగాయై నమః | 90
ఓం తపనీయాభసుతనవే నమః |
ఓం కమనీయస్మితాననాయై నమః |
ఓం గణనీయగుణగ్రామాయై నమః |
ఓం శయనీయోరగేశ్వరాయై నమః |
ఓం రమణీయసువేషాఢ్యాయై నమః |
ఓం కరణీయక్రియేశ్వర్యై నమః |
ఓం స్మరణీయచరిత్రాయై నమః |
ఓం తరుణ్యై నమః |
ఓం యజ్ఞరూపిణ్యై నమః | 99
ఓం శ్రీవృక్షవాసిన్యై నమః |
ఓం యోగిధీవృత్తిపరిభావితాయై నమః |
ఓం ప్రావృడ్భార్గవవారార్చ్యాయై నమః |
ఓం సంవృతామరభామిన్యై నమః |
ఓం తనుమధ్యాయై నమః |
ఓం భగవత్యై నమః |
ఓం మనుజాపివరప్రదాయై నమః |
ఓం లక్ష్ంయై నమః |
ఓం బిల్వాశ్రితాయై నమః | 108
ఇతి శ్రీ ఇందిరాష్టోత్తరశతనామావళిః |

శ్రీ హనుమత్ కవచం 1

అస్య శ్రీ హనుమత్ కవచస్తోత్రమహామంత్రస్య వసిష్ఠ ఋషిః అనుష్టుప్ ఛందః శ్రీ హనుమాన్ దేవతా మారుతాత్మజ ఇతి బీజం అంజనాసూనురితి శక్తిః వాయుపుత్ర ఇతి కీలకం హనుమత్ప్రసాద సిద్ధ్యర్థే జపే వినియోగః ||
ఉల్లంఘ్య సింధోస్సలిలం సలీలం
యశ్శోకవహ్నిం జనకాత్మజాయాః |
ఆదాయ తేనైవ దదాహ లంకాం
నమామి తం ప్రాంజలిరాంజనేయం || 1
మనోజవం మారుతతుల్యవేగం
జితేంద్రియం బుద్ధిమతాం వరిష్ఠం |
వాతాత్మజం వానరయూథముఖ్యం
శ్రీరామదూతం శిరసా నమామి || 2
ఉద్యదాదిత్యసంకాశం ఉదారభుజవిక్రమం |
కందర్పకోటిలావణ్యం సర్వవిద్యావిశారదం || 3
శ్రీరామహృదయానందం భక్తకల్పమహీరుహం |
అభయం వరదం దోర్భ్యాం కలయే మారుతాత్మజం || 4
శ్రీరామ రామ రామేతి రమే రామే మనోరమే |
సహస్రనామ తత్తుల్యం రామనామ వరాననే || 5
పాదౌ వాయుసుతః పాతు రామదూతస్తదంగుళీః |
గుల్ఫౌ హరీశ్వరః పాతు జంఘే చార్ణవలంఘనః || 6
జానునీ మారుతిః పాతు ఊరూ పాత్వసురాంతకః |
గుహ్యం వజ్రతనుః పాతు జఘనం తు జగద్ధితః || 7
ఆంజనేయః కటిం పాతు నాభిం సౌమిత్రిజీవనః |
ఉదరం పాతు హృద్గేహీ హృదయం చ మహాబలః || 8
వక్షో వాలాయుధః పాతు స్తనౌ చాఽమితవిక్రమః |
పార్శ్వౌ జితేంద్రియః పాతు బాహూ సుగ్రీవమంత్రకృత్ || 9
కరావక్ష జయీ పాతు హనుమాంశ్చ తదంగుళీః |
పృష్ఠం భవిష్యద్ర్బహ్మా చ స్కంధౌ మతి మతాం వరః || 10
కంఠం పాతు కపిశ్రేష్ఠో ముఖం రావణదర్పహా |
వక్త్రం చ వక్తృప్రవణో నేత్రే దేవగణస్తుతః || 11
బ్రహ్మాస్త్రసన్మానకరో భ్రువౌ మే పాతు సర్వదా |
కామరూపః కపోలే మే ఫాలం వజ్రనఖోఽవతు || 12
శిరో మే పాతు సతతం జానకీశోకనాశనః |
శ్రీరామభక్తప్రవరః పాతు సర్వకళేబరం || 13
మామహ్ని పాతు సర్వజ్ఞః పాతు రాత్రౌ మహాయశాః |
వివస్వదంతేవాసీ చ సంధ్యయోః పాతు సర్వదా || 14
బ్రహ్మాదిదేవతాదత్తవరః పాతు నిరంతరం |
య ఇదం కవచం నిత్యం పఠేచ్చ శృణుయాన్నరః || 15
దీర్ఘమాయురవాప్నోతి బలం దృష్టిం చ విందతి |
పాదాక్రాంతా భవిష్యంతి పఠతస్తస్య శత్రవః |
స్థిరాం సుకీర్తిమారోగ్యం లభతే శాశ్వతం సుఖం || 16
ఇతి నిగదితవాక్యవృత్త తుభ్యం
సకలమపి స్వయమాంజనేయ వృత్తం |
అపి నిజజనరక్షణైకదీక్షో
వశగ తదీయ మహామనుప్రభావః || 17