Sacred Stotras & Deities

తారాసహస్రనామస్తోత్రం బృహన్నీలతంత్రార్గతం

శ్రీదేవ్యువాచ .

దేవ దేవ మహాదేవ సృష్టిస్థిత్యంతకారక .

ప్రసంగేన మహాదేవ్యా విస్తరం కథితం మయి .. 18-1..

దేవ్యా నీలసరస్వత్యాః సహస్రం పరమేశ్వర .

నామ్నాం శ్రోతుం మహేశాన ప్రసాదః క్రియతాం మయి .

కథయస్వ మహాదేవ యద్యహం తవ వల్లభా .. 18-2..

శ్రీభైరవ ఉవాచ .

సాధు పృష్టం మహాదేవి సర్వతంత్రేషు గోపితం .

నామ్నాం సహస్రం తారాయాః కథితుం నైవ శక్యతే .. 18-3..

ప్రకాశాత్ సిద్ధిహానిః స్యాత్ శ్రియా చ పరిహీయతే .

ప్రకాశయతి యో మోహాత్ షణ్మాసాద్ మృత్యుమాప్నుయాత్ .. 18-4..

అకథ్యం పరమేశాని అకథ్యం చైవ సుందరి .

క్షమస్వ వరదే దేవి యది స్నేహోఽస్తి మాం ప్రతి .. 18-5..

సర్వస్వం శృణు హే దేవి సర్వాగమవిదాం వరే .

ధనసారం మహాదేవి గోప్తవ్యం పరమేశ్వరి .. 18-6..

ఆయుర్గోప్యం గృహచ్ఛిద్రం గోప్యం న పాపభాగ్ భవేత్ .

సుగోప్యం పరమేశాని గోపనాత్ సిద్ధిమశ్నుతే .. 18-7..

ప్రకాశాత్ కార్యహానిశ్చ ప్రకాశాత్ ప్రలయం భవేత్ .

తస్మాద్ భద్రే మహేశాని న ప్రకాశ్యం కదాచన .. 18-8..

ఇతి దేవవచః శ్రుత్వా దేవీ పరమసుందరీ .

విస్మితా పరమేశానీ విషణా తత్ర జాయతే .. 18-9..

శృణు హే పరమేశాన కృపాసాగరపారగ .

తవ స్నేహో మహాదేవ మయి నాస్త్యత్ర నిశ్చితం .. 18-10..

భద్రం భద్రం మహాదేవ ఇతి కృత్వా మహేశ్వరీ .

విముఖీభూయ దేవేశీ తత్రాస్తే శైలజా శుభా .. 18-11..

విలోక్య విముఖీం దేవీం మహాదేవో మహేశ్వరః .

ప్రహస్య పరమేశానీం పరిష్వజ్య ప్రియాం కథాం .. 18-12..

కథయామాస తత్రైవ మహాదేవ్యై మహేశ్వరి .

మమ సర్వస్వరూపా త్వం జానీహి నగనందిని .. 18-13..

త్వాం వినాహం మహాదేవి పూర్వోక్తశవరూపవాన్ .

క్షమస్వ పరమానందే క్షమస్వ నగనందిని .. 18-14..

యథా ప్రాణో మహేశాని దేహే తిష్ఠతి సుందరి .

తథా త్వం జగతామాద్యే చరణే పతితోఽస్మ్యహం .. 18-15..

ఇతి మత్వా మహాదేవి రక్ష మాం తవ కింకరం .

తతో దేవీ మహేశానీ త్రైలోక్యమోహినీ శివా .. 18-16..

మహాదేవం పరిష్వజ్య ప్రాహ గద్గదయా గిరా .

సదా దేహస్వరూపాహం దేహీ త్వం పరమేశ్వర .. 18-17..

తథాపి వంచనాం కర్తుం మామిత్థం వదసి ప్రియం .

మహాదేవః పునః ప్రాహ భైరవి ప్రాణవల్లభే .. 18-18..

నామ్నాం సహస్రం తారాయాః శ్రోతుమిచ్ఛస్యశేషతః .

శ్రీదేవ్యువాచ .

న శ్రుతం పరమేశాన తారానామసహస్రకం .

కథయస్వ మహాభాగ సత్యం పరమసుందరం .. 18-19..

శ్రీపార్వత్యువాచ .

కథమీశాన సర్వజ్ఞ లభంతే సిద్ధిముత్తమాం .

సాధకాః సర్వదా యేన తన్మే కథయ సుందర .. 18-20..

యస్మాత్ పరతరం నాస్తి స్తోత్రం తంత్రేషు నిశ్చితం .

సర్వపాపహరం దివ్యం సర్వాపద్వినివారకం .. 18-21..

సర్వజ్ఞానకరం పుణ్యం సర్వమంగలసంయుతం .

పురశ్చర్యాశతైస్తుల్యం స్తోత్రం సర్వప్రియంకరం .. 18-22..

వశ్యప్రదం మారణదముచ్చాటనప్రదం మహత్ .

నామ్నాం సహస్రం తారాయాః కథయస్వ సురేశ్వర .. 18-23..

శ్రీమహాదేవ ఉవాచ .

నామ్నాం సహస్రం తారాయాః స్తోత్రపాఠాద్ భవిష్యతి .

నామ్నాం సహస్రం తారాయాః కథయిష్యామ్యశేషతః .. 18-24..

శృణు దేవి సదా భక్త్యా భక్తానాం పరమం హితం .

వినా పూజోపహారేణ వినా జా(ప్యేన యత్ ఫలం .. 18-25..

తత్ ఫలం సకలం దేవి కథయిష్యామి తచ్ఛృణు .

ఓం అస్య శ్రీతారాసహస్రనామస్తోత్రమహామంత్రస్య,

అక్షోభ్య ఋషిః, బృహతీ-ఉష్ణిక్ ఛందః,

శ్రీ ఉగ్రతారా శ్రీమదేకజటా శ్రీనీలసరస్వతీ దేవతా,

పురుషార్థచతుష్టయసిద్ధ్యర్థే వినియోగః ..

తారా రాత్రిర్మహారాత్రిర్కాలరాత్రిర్మహామతిః  .

కాలికా కామదా మాయా మహామాయా మహాస్మృతిః .. 18-26..

మహాదానరతా యజ్ఞా యజ్ఞోత్సవవిభూషితా .

చంద్రవ్వజ్రా చకోరాక్షీ చారునేత్రా సులోచనా .. 18-27..

త్రినేత్రా మహతీ దేవీ కురంగాక్షీ మనోరమా .

బ్రాహ్మీ నారాయణీ జ్యోత్స్నా చారుకేశీ సుమూర్ధజా .. 18-28..

వారాహీ వారుణీ విద్యా మహావిద్యా మహేశ్వరీ .

సిద్ధా కుంచితకేశా చ మహాయజ్ఞస్వరూపిణీ .. 18-29..

గౌరీ చంపకవర్ణా చ కృశాంగీ శివమోహినీ .

సర్వానందస్వరూపా చ సర్వశంకైకతారిణీ .. 18-30..

విద్యానందమయీ నందా భద్రకాలీస్వరూపిణీ .

గాయత్రీ సుచరిత్రా చ కౌలవ్రతపరాయణా .. 18-31..

హిరణ్యగర్భా భూగర్భా మహాగర్భా సులోచనీ .

హిమవత్తనయా దివ్యా మహామేఘస్వరూపిణీ .. 18-32..

జగన్మాతా జగద్ధాత్రీ జగతాముపకారిణీ .

ఐంద్రీ సౌమ్యా తథా ఘోరా వారుణీ మాధవీ తథా .. 18-33..

ఆగ్నేయీ నైరృతీ చైవ ఐశానీ చండికాత్మికా .

సుమేరుతనయా నిత్యా సర్వేషాముపకారిణీ .. 18-34..

 లలజ్జిహ్వా సరోజాక్షీ ముండస్రక్పరిభూషితా .

సర్వానందమయీ సర్వా సర్వానందస్వరూపిణీ .. 18-35..

ధృతిర్మేధా తథా లక్ష్మీః శ్రద్ధా పన్నగగామినీ .

రుక్మిణీ జానకీ దుర్గాంబికా సత్యవతీ రతిః .. 18-36.. 18-

కామాఖ్యా కామదా నందా నారసింహీ సరస్వతీ .

మహాదేవరతా చండీ చండదోర్దండఖండినీ .. 18-37..

దీర్ఘకేశీ సుకేశీ చ పింగకేశీ మహాకచా .

భవానీ భవపత్నీ చ భవభీతిహరా సతీ .. 18-38..

పౌరందరీ తథా విష్ణోర్జాయా మాహేశ్వరీ తథా .

సర్వేషాం జననీ విద్యా చార్వంగీ దైత్యనాశినీ .. 18-39..

సర్వరూపా మహేశాని కామినీ వరవర్ణినీ .

మహావిద్యా మహామాయా మహామేధా మహోత్సవా .. 18-40..

విరూపా విశ్వరూపా చ మృడానీ మృడవల్లభా .

కోటిచంద్రప్రతీకాశా శతసూర్యప్రకాశినీ .. 18-41..

జహ్నుకన్యా మహోగ్రా చ పార్వతీ విశ్వమోహినీ .

కామరూపా మహేశానీ నిత్యోత్సాహా మనస్వినీ .. 18-42..

వైకుంఠనాథపత్నీ చ తథా శంకరమోహినీ .

కాశ్యపీ కమలా కృష్ణా కృష్ణరూపా చ కాలినీ .. 18-43..

మాహేశ్వరీ వృషారూఢా సర్వవిస్మయకారిణీ .

మాన్యా మానవతీ శుద్ధా కన్యా హిమగిరేస్తథా .. 18-44..

అపర్ణా పద్మపత్రాక్షీ నాగయజ్ఞోపవీతినీ .

మహాశంఖధరా కాంతా కమనీయా నగాత్మజా .. 18-45..

బ్రహ్మాణీ వైష్ణవీ శంభోర్జాయా గంగా జలేశ్వరీ .

భాగీరథీ మనోబుద్ధిర్నిత్యా విద్యామయీ తథా .. 18-46..

 హరప్రియా గిరిసుతా హరపత్నీ తపస్వినీ .

మహావ్యాధిహరా దేవీ మహాఘోరస్వరూపిణీ .. 18-47..

మహాపుణ్యప్రభా భీమా మధుకైటభనాశినీ .

శంఖినీ వజ్రిణీ ధాత్రీ తథా పుస్తకధారిణీ .. 18-48..

చాముండా చపలా తుంగా శుంబదైత్యనికృంతనీ .

శాంతిర్నిద్రా మహానిద్రా పూర్ణనిద్రా చ రేణుకా .. 18-49..

కౌమారీ కులజా కాంతీ కౌలవ్రతపరాయణా .

వనదుర్గా సదాచారా ద్రౌపదీ ద్రుపదాత్మజా .. 18-50..

యశస్వినీ యశస్యా చ యశోధాత్రీ యశఃప్రదా .

సృష్టిరూపా మహాగౌరీ నిశుంబప్రాణనాశినీ .. 18-51..

పద్మినీ వసుధా పృథ్వీ రోహిణీ వింధ్యవాసినీ .

శివశక్తిర్మహాశక్తిః శంఖినీ శక్తినిర్గతా .. 18-52..

దైత్యప్రాణహరా దేవీ సర్వరక్షణకారిణీ .

క్షాంతిః క్షేమంకరీ చైవ బుద్ధిరూపా మహాధనా .. 18-53..

శ్రీవిద్యా భైరవి భవ్యా భవానీ భవనాశినీ .

తాపినీ భావినీ సీతా తీక్ష్ణతేజఃస్వరూపిణీ .. 18-54..

దాత్రీ దానపరా కాలీ దుర్గా దైత్యవిభూషణా .

మహాపుణ్యప్రదా భీమా మధుకైటభనాశినీ .. 18-55..

పద్మా పద్మావతీ కృష్ణా తుష్టా పుష్టా తథోర్వశీ .

వజ్రిణీ వజ్రహస్తా చ తథా నారాయణీ శివా .. 18-56..

ఖడ్గినీ ఖడ్గహస్తా చ ఖడ్గఖర్పరధారిణీ .

దేవాంగనా దేవకన్యా దేవమాతా పులోమజా .. 18-57..

సుఖినీ స్వర్గదాత్రీ చ సర్వసౌఖ్యవివర్ధినీ .

శీలా శీలావతీ సూక్ష్మా సూక్ష్మాకారా వరప్రదా .. 18-58..

వరేణ్యా వరదా వాణీ జ్ఞానినీ జ్ఞానదా సదా .

ఉగ్రకాలీ మహాకాలీ భద్రకాలీ చ దక్షిణా .. 18-59..

భృగువంశసముద్భూతా భార్గవీ భృగువల్లభా .

శూలినీ శూలహస్తా చ కర్త్రీఖర్పరధారిణీ .. 18-60..

మహావంశసముద్భూతా మయూరవరవాహనా .

మహాశంఖరతా రక్తా రక్తఖర్పరధారిణీ .. 18-61..

రక్తాంబరధరా రామా రమణీ సురనాయికా .

మోక్షదా శివదా శ్యామా మదవిభ్రమమంథరా .. 18-62..

పరమానందదా జ్యేష్ఠా యోగినీ గణసేవితా .

సారా జాంబవతీ చైవ సత్యభామా నగాత్మజా .. 18-63..

రౌద్రా రౌద్రబలా ఘోరా రుద్రసారారుణాత్మికా .

రుద్రరూపా మహారౌద్రీ రౌద్రదైత్యవినాశినీ .. 18-64..

కౌమారీ కౌశికీ చండా కాలదైత్యవినాశినీ .

శంభుపత్నీ శంభురతా శంబుజాయా మహోదరీ .. 18-65..

శివపత్నీ శివరతా శివజాయా శివప్రియా .

హరపత్నీ హరరతా హరజాయా హరప్రియా .. 18-66..

మదనాంతకకాంతా చ మదనాంతకవల్లభా .

గిరిజా గిరికన్యా చ గిరీశస్య చ వల్లభా .. 18-67..

భూతా భవ్యా భవా స్పష్టా పావనీ పరపాలినీ .

అదృశ్యా చ వ్యక్తరూపా ఇష్టానిష్టప్రవర్ద్ధినీ .. 18-68..

అచ్యుతా ప్రచ్యుతప్రాణా ప్రమదా వాసవేశ్వరీ .

అపాంనిధిసముద్భూతా ధారిణీ చ ప్రతిష్ఠితా .. 18-69..

ఉద్భవా క్షోభణా క్షేమా శ్రీగర్భా పరమేశ్వరీ .

కమలా పుష్పదేహా చ కామినీ కంజలోచనా .. 18-70..

శరణ్యా కమలా ప్రీతిర్విమలానందవర్ధినీ .

కపర్దినీ కరాలా చ నిర్మలా దేవరూపిణీ .. 18-71..

ఉదీర్ణభూషణా భవ్యా సురసేనా మహోదరీ .

శ్రీమతీ శిశిరా నవ్యా శిశిరాచలకన్యకా .. 18-72..

సురమాన్యా సురశ్రేష్ఠా జ్యేష్ఠా ప్రాణేశ్వరీ స్థిరా .

తమోఘ్నీ ధ్వాంతసంహంత్రీ ప్రయతాత్మా పతివ్రతా .. 18-73..

ప్రద్యోతినీ రథారూఢా సర్వలోకప్రకాశినీ .

మేధావినీ మహావీర్యా హంసీ సంసారతారిణీ .. 18-74..

ప్రణతప్రాణినామార్తిహారిణీ దైత్యనాశినీ .

డాకినీ శాకినీదేవీ వరఖట్వాంగధారిణీ .. 18-75..

కౌముదీ కుముదా కుందా కౌలికా కులజామరా .

గర్వితా గుణసంపన్నా నగజా ఖగవాహినీ .. 18-76..

చంద్రాననా మహోగ్రా చ చారుమూర్ధజశోభనా .

మనోజ్ఞా మాధవీ మాన్యా మాననీయా సతాం సుహృత్ .. 18-77..

జ్యేష్ఠా శ్రేష్ఠా మఘా పుష్యా ధనిష్ఠా పూర్వఫాల్గునీ .

రక్తబీజనిహంత్రీ చ రక్తబీజవినాశినీ .. 18-78..

చండముండనిహంత్రీ చ చండముండవినాశినీ .

కర్త్రీ హర్త్రీ సుకర్త్రీ చ విమలామలవాహినీ .. 18-79..

విమలా భాస్కరీ వీణా మహిషాసురఘాతినీ .

కాలిందీ యమునా వృద్ధా సురభిః బాలికా సతీ .. 18-80..

కౌశల్యా కౌముదీ మైత్రీరూపిణీ చాప్యరుంధతీ .

పురారిగృహిణీ పూర్ణా పూర్ణానందస్వరూపిణీ .. 18-81..

పుండరీకాక్షపత్నీ చ పుండరీకాక్షవల్లభా .

సంపూర్ణచంద్రవదనా బాలచంద్రసమప్రభా .. 18-82..

రేవతీ రమణీ చిత్రా చిత్రాంబరవిభూషణాం .

సీతా వీణావతీ చైవ యశోదా విజయా ప్రియా .. 18-83..

నవపుష్పసముద్భూతా నవపుష్పోత్సవోత్సవా .

నవపుష్పస్రజామాలా మాల్యభూషణభూషితా .. 18-84..

నవపుష్పసమప్రాణా నవపుష్పోత్సవప్రియా .

ప్రేతమండలమధ్యస్తా సర్వాంగసుందరీ శివా .. 18-85..

నవపుష్పాత్మికా షష్ఠీ పుష్పస్తవకమండలా .

నవపుష్పగుణోపేతా శ్మశానభైరవప్రియా .. 18-86..

కులశాస్త్రప్రదీపా చ కులమార్గప్రవర్ద్ధినీ .

శ్మశానభైరవీ కాలీ భైరవీ భైరవప్రియా .. 18-87..

ఆనందభైరవీ ధ్యేయా భైరవీ కురుభైరవీ .

మహాభైరవసంప్రీతా భైరవీకులమోహినీ .. 18-88..

శ్రీవిద్యాభైరవీ నీతిభైరవీ గుణభైరవీ .

సమ్మోహభైరవీ పుష్టిభైరవీ తుష్టిభైరవీ .. 18-89..

సంహారభైరవీ సృష్టిభైరవీ స్థితిభైరవీ .

ఆనందభైరవీ వీరా సుందరీ స్థితిసుందరీ .. 18-90..

గుణానందస్వరూపా చ సుందరీ కాలరూపిణీ .

శ్రీమాయాసుందరీ సౌమ్యసుందరీ లోకసుందరీ .. 18-91..

శ్రీవిద్యామోహినీ బుద్ధిర్మహాబుద్ధిస్వరూపిణీ .

మల్లికా హారరసికా హారాలంబనసుందరీ .. 18-92..

నీలపంకజవర్ణా చ నాగకేసరభూషితా .

జపాకుసుమసంకాశా జపాకుసుమశోభితా .. 18-93..

ప్రియా ప్రియంకరీ విష్ణోర్దానవేంద్రవినాశినీ .

జ్ఞానేశ్వరీ జ్ఞానదాత్రీ జ్ఞానానందప్రదాయినీ .. 18-94..

గుణగౌరవసంపన్నా గుణశీలసమన్వితా .

రూపయౌవనసంపన్నా రూపయౌవనశోభితా .. 18-95..

గుణాశ్రయా గుణరతా గుణగౌరవసుందరీ .

మదిరామోదమత్తా చ తాటంకద్వయశోభితా .. 18-96..

వృక్షమూలస్థితా దేవీ వృక్షశాఖోపరిస్థితా .

తాలమధ్యాగ్రనిలయా వృక్షమధ్యనివాసినీ .. 18-97..

స్వయంభూపుష్పసంకాశా స్వయంభూపుష్పధారిణీ .

స్వయంభూకుసుమప్రీతా స్వయంభూపుష్పశోభినీ .. 18-98..

స్వయంభూపుష్పరసికా నగ్నా ధ్యానవతీ సుధా .

శుక్రప్రియా శుక్రరతా శుక్రమజ్జనతత్పరా .. 18-99..

పూర్ణపర్ణా సుపర్ణా చ నిష్పర్ణా పాపనాశినీ .

మదిరామోదసంపన్నా మదిరామోదధారిణీ .. 18-100..

సర్వాశ్రయా సర్వగుణా నందనందనధారిణీ .

నారీపుష్పసముద్భూతా నారీపుష్పోత్సవోత్సవా .. 18-101..

నారీపుష్పసమప్రాణా నారీపుష్పరతా మృగీ .

సర్వకాలోద్భవప్రీతా సర్వకాలోద్భవోత్సవా .. 18-102..

చతుర్భుజా దశభుజా అష్టాదశభుజా తథా .

ద్విభుజా షడ్భుజా ప్రీతా రక్తపంకజశోభితా .. 18-103..

కౌబేరీ కౌరవీ కౌర్యా కురుకుల్లా కపాలినీ .

సుదీర్ఘకదలీజంఘా రంభోరూ రామవల్లభా .. 18-104..

నిశాచరీ నిశామూర్తిర్నిశాచంద్రసమప్రభా .

చాంద్రీ చాంద్రకలా చంద్రా చారుచంద్రనిభాననా .. 18-105..

స్రోతస్వతీ స్రుతిమతీ సర్వదుర్గతినాశినీ .

సర్వాధారా సర్వమయీ సర్వానందస్వరూపిణీ .. 18-106..

సర్వచక్రేశ్వరీ సర్వా సర్వమంత్రమయీ శుభా .

సహస్రనయనప్రాణా సహస్రనయనప్రియా .. 18-107..

సహస్రశీర్షా సుషమా సదంభా సర్వభక్షికా .

యష్టికా యష్టిచక్రస్థా షద్వర్గఫలదాయినీ .. 18-108..

షడ్వింశపద్మమధ్యస్థా షడ్వింశకులమధ్యగా .

హూఀకారవర్ణనిలయా హూఀకారాక్షరభూషణా .. 18-109..

హకారవర్ణనిలయా హకారాక్షరభూషణా .

హారిణీ హారవలితా హారహీరకభూషణా .. 18-110..

హ్రీంకారబీజసహితా హ్రీంకారైరుపశోభితా .

కందర్పస్య కలా కుందా కౌలినీ కులదర్పితా .. 18-111..

కేతకీకుసుమప్రాణా కేతకీకృతభూషణా .

కేతకీకుసుమాసక్తా కేతకీపరిభూషితా .. 18-112..

కర్పూరపూర్ణవదనా మహామాయా మహేశ్వరీ .

కలా కేలిః క్రియా కీర్ణా కదంబకుసుమోత్సుకా .. 18-113..

కాదంబినీ కరిశుండా కుంజరేశ్వరగామినీ .

ఖర్వా సుఖంజనయనా ఖంజనద్వంద్వభూషణా .. 18-114..

ఖద్యోత ఇవ దుర్లక్షా ఖద్యోత ఇవ చంచలా .

మహామాయా జ్గద్ధాత్రీ గీతవాద్యప్రియా రతిః .. 18-115..

గణేశ్వరీ గణేజ్యా చ గుణపూజ్యా గుణప్రదా .

గుణాఢ్యా గుణసంపన్నా గుణదాత్రీ గుణాత్మికా .. 18-116..

గుర్వీ గురుతరా గౌరీ గాణపత్యఫలప్రదా .

మహావిద్యా మహామేధా తులినీ గణమోహినీ .. 18-117..

భవ్యా భవప్రియా భావ్యా భావనీయా భవాత్మికా .

ఘర్ఘరా ఘోరవదనా ఘోరదైత్యవినాశినీ .. 18-118..

ఘోరా ఘోరవతీ ఘోషా ఘోరపుత్రీ ఘనాచలా .

చర్చరీ చారునయనా చారువక్త్రా చతుర్గుణా .. 18-119..

చతుర్వేదమయీ చండీ చంద్రాస్యా చతురాననా .

చలచ్చకోరనయనా చలత్ఖంజనలోచనా .. 18-120..

చలదంభోజనిలయా చలదంభోజలోచనా .

ఛత్రీ ఛత్రప్రియా ఛత్రా ఛత్రచామరశోభితా .. 18-121..

ఛిన్నఛదా ఛిన్నశిరాశ్ఛిన్ననాసా ఛలాత్మికా .

ఛలాఢ్యా ఛలసంత్రస్తా ఛలరూపా ఛలస్థిరా .. 18-122..

ఛకారవర్ణనిలయా ఛకారాఢ్యా ఛలప్రియా .

ఛద్మినీ ఛద్మనిరతా ఛద్మచ్ఛద్మనివాసినీ .. 18-123..

జగన్నాథప్రియా జీవా జగన్ముక్తికరీ మతా .

జీర్ణా జీమూతవనితా జీమూతైరుపశోభితా .. 18-124..

జామాతృవరదా జంభా జమలార్జునభంజినీ .

ఝర్ఝరీ ఝాకృతిర్ఝల్లీ ఝరీ ఝర్ఝరికా తథా .. 18-125..

టంకారకారిణీ టీకా సర్వటంకారకారిణీ .

ఠంకరాంగీ డమరుకా డాకారా డమరుప్రియా .. 18-126..

ఢక్కారావరతా నిత్యా తులసీ మణిభూషితా .

తులా చ తోలికా తీర్ణా తారా తారణికా తథా .. 18-127..

తంత్రవిజ్ఞా తంత్రరతా తంత్రవిద్యా చ తంత్రదా .

తాంత్రికీ తంత్రయోగ్యా చ తంత్రసారా చ తంత్రికా .. 18-128..

తంత్రధారీ తంత్రకరీ సర్వతంత్రస్వరూపిణీ .

తుహినాంశుసమానాస్యా తుహినాంశుసమప్రభా .. 18-129..

తుషారాకరతుల్యాంగీ తుషారాధారసుందరీ .

తంత్రసారా తంత్రకరో తంత్రసారస్వరూపిణీ .. 18-130..

తుషారధామతుల్యాస్యా తుషారాంశుసమప్రభా .

తుషారాద్రిసుతా తార్క్ష్యా తారాంగీ తాలసుందరీ .. 18-131..

తారస్వరేణ సహితా తారస్వరవిభూషితా .

థకారకూటనిలయా థకారాక్షరమాలినీ .. 18-132..

దయావతీ దీనరతా దుఃఖదారిద్ర్యనాశినీ .

దౌర్భాగ్యదుఃఖదలినీ దౌర్భాగ్యపదనాశినీ .. 18-133..

దుహితా దీనబంధుశ్చ దానవేంద్రవినాశినీ .

దానపాత్రీ దానరతా దానసమ్మానతోషితా .. 18-134..

దాంత్యాదిసేవితా దాంతా దయా దామోదరప్రియా .

దధీచివరదా తుష్టా దానవేంద్రవిమర్దినీ .. 18-135..

దీర్ఘనేత్రా దీర్ఘకచా దీర్ఘనాసా చ దీర్ఘికా .

దారిద్ర్యదుఃఖసంనాశా దారిద్ర్యదుఃఖనాశినీ .. 18-136..

దాంభికా దంతురా దంభా దంభాసురవరప్రదా .

ధనధాన్యప్రదా ధన్యా ధనేశ్వరధనప్రదా .. 18-137..

ధర్మపత్నీ ధర్మరతా ధర్మాధర్మవివివర్ద్ధినీ .

ధర్మిణీ ధర్మికా ధర్మ్యా ధర్మాధర్మవివర్ద్ధినీ .. 18-138..

ధనేశ్వరీ ధర్మరతా ధర్మానందప్రవర్ద్ధినీ .

ధనాధ్యక్షా ధనప్రీతా ధనాఢ్యా ధనతోషితా .. 18-139..

ధీరా ధైర్యవతీ ధిష్ణ్యా ధవలాంభోజసంనిభా .

ధరిణీ ధారిణీ ధాత్రీ ధూరణీ ధరణీ ధరా .. 18-140..

ధార్మికా ధర్మసహితా ధర్మనిందకవర్జితా .

నవీనా నగజా నిమ్నా నిమ్ననాభిర్నగేశ్వరీ .. 18-141..

నూతనాంభోజనయనా నవీనాంభోజసుందరీ .

నాగరీ నగరజ్యేష్ఠా నగరాజసుతా నగా .. 18-142..

నాగరాజకృతతోషా నాగరాజవిభూషితా .

నాగేశ్వరీ నాగరూఢా నాగరాజకులేశ్వరీ .. 18-143..

నవీనేందుకలా నాందీ నందికేశ్వరవల్లభా .

నీరజా నీరజాక్షీ చ నీరజద్వంద్వలోచనా .. 18-144..

నీరా నీరభవా వాణీ నీరనిర్మలదేహినీ .

నాగయజ్ఞోపవీతాఢ్యా నాగయజ్ఞోపవీతికా .. 18-145..

నాగకేసరసంతుష్టా నాగకేసరమాలినీ .

నవీనకేతకీకుంద ? మల్లికాంభోజభూషితా .. 18-146..

నాయికా నాయకప్రీతా నాయకప్రేమభూషితా .

నాయకప్రేమసహితా నాయకప్రేమభావితా .. 18-147..

నాయకానందనిలయా నాయకానందకారిణీ .

నర్మకర్మరతా నిత్యం నర్మకర్మఫలప్రదా .. 18-148..

నర్మకర్మప్రియా నర్మా నర్మకర్మకృతాలయా .

నర్మప్రీతా నర్మరతా నర్మధ్యానపరాయణా .. 18-149..

పౌష్ణప్రియా చ పౌష్పేజ్యా పుష్పదామవిభూషితా .

పుణ్యదా పూర్ణిమా పూర్ణా కోటిపుణ్యఫలప్రదా .. 18-150..

పురాణాగమగోప్యా చ పురాణాగమగోపితా .

పురాణగోచరా పూర్ణా పూర్వా ప్రౌఢా విలాసినీ .. 18-151..

ప్రహ్లాదహృదయాహ్లాదగేహినీ పుణ్యచారిణీ .

ఫాల్గునీ ఫాల్గునప్రీతా ఫాల్గునప్రేధారిణీ .. 18-152..

ఫాల్గునప్రేమదా చైవ ఫణిరాజవిభూషితా .

ఫణికాంచీ ఫణిప్రీతా ఫణిహారవిభూషితా .. 18-153..

ఫణీశకృతసర్వాంగభూషణా ఫణిహారిణీ .

ఫణిప్రీతా ఫణిరతా ఫణికంకణధారిణీ .. 18-154..

ఫలదా త్రిఫలా శక్తా ఫలాభరణభూషితా .

ఫకారకూటసర్వాంగీ ఫాల్గునానందవర్ద్ధినీ .. 18-155..

వాసుదేవరతా విజ్ఞా విజ్ఞవిజ్ఞానకారిణీ .

వీణావతీ బలాకీర్ణా బాలపీయూషరోచికా .. 18-156..

బాలావసుమతీ విద్యా విద్యాహారవిభూషితా .

విద్యావతీ వైద్యపదప్రీతా వైవస్వతీ బలిః .. 18-157..

బలివిధ్వంసినీ చైవ వరాంగస్థా వరాననా .

విష్ణోర్వక్షఃస్థలస్థా చ వాగ్వతీ వింధ్యవాసినీ .. 18-158..

భీతిదా భయదా భానోరంశుజాలసమప్రభా .

భార్గవేజ్యా భృగోః పూజ్యా భరద్వారనమస్కృతా .. 18-159..

భీతిదా భయసంహంత్రీ భీమాకారా చ సుందరీ .

మాయావతీ మానరతా మానసమ్మానతత్పరా .. 18-160..

మాధవానందదా మాధ్వీ మదిరాముదితేక్షణా .

మహోత్సవగుణోపేతా మహతీ చ మహద్గుణా .. 18-161..

మదిరామోదనిరతా మదిరామజ్జనే రతా .

యశోధరీ యశోవిద్యా యశోదానందవర్ద్ధినీ .. 18-162..

యశఃకర్పూరధవలా యశోదామవిభూషితా .

యమరాజప్రియా యోగమార్గానందప్రవర్ద్ధినీ .. 18-163..

యమస్వసా చ యమునా యోగమార్గప్రవర్ద్ధినీ .

యాదవానందకర్త్రీ చ యాదవానందవర్ద్ధినీ .. 18-164..

యజ్ఞప్రీతా యజ్ఞమయీ యజ్ఞకర్మవిభూషితా .

రామప్రీతా రామరతా రామతోషణతత్పరా .. 18-165..

రాజ్ఞీ రాజకులేజ్యా చ రాజరాజేశ్వరీ రమా .

రమణీ రామణీ రమ్యా రామానందప్రదాయినీ .. 18-166..

రజనీకరపూర్ణాస్యా రక్తోత్పలవిలోచనా .

లాంగలిప్రేమసంతుష్టా లాంగలిప్రణయప్రియా .. 18-167..

లాక్షారుణా చ లలనా లీలా లీలావతీ లయా .

లంకేశ్వరగుణప్రీతా లంకేశవరదాయినీ .. 18-168..

లవంగీకుసుమప్రీతా లవంగకుసుమస్రజా .

ధాతా వివస్వద్గృహిణీ వివస్వత్ప్రేమధారిణీ .. 18-169..

శవోపరిసమాసీనా శవవక్షఃస్థలస్థితా .

శరణాగతరక్షిత్రీ శరణ్యా శ్రీః శరద్గుణా .. 18-170..

షట్కోణచక్రమధ్యస్థా సంపదార్థనిషేవితా .

హూంకారాకారిణీ దేవీ హూంకారరూపశోభితా .. 18-171..

క్షేమంకరీ తథా క్షేమా క్షేమధామవివర్ద్ధినీ .

క్షేమామ్నాయా తథాజ్ఞా చ ఇడా ఇశ్వరవల్లభా .. 18-172..

ఉగ్రదక్షా తథా చోగ్రా అకారాదిస్వరోద్భవా .

ఋకారవర్ణకూటస్థా ౠకారస్వరభూషితా .. 18-173..

ఏకారా చ తథా చైకా ఏకారాక్షరవాసితా .

ఐష్టా చైషా తథా చౌషా ఔకారాక్షరధారిణీ .. 18-174..

అం అఃకారస్వరూపా చ సర్వాగమసుగోపితా .

ఇత్యేతత్ కథితం దేవి తారానామసహస్రకం .. 18-175..

య ఇదం పఠతి స్తోత్రం ప్రత్యహం భక్తిభావతః .

దివా వా యది వా రాత్రౌ సంధ్యయోరుభయోరపి .. 18-176..

స్తవరాజస్య పాఠేన రాజా భవతి కింకరః .

సర్వాగమేషు పూజ్యః స్యాత్ సర్వతంత్రే స్వయం హరః .. 18-177..

శివస్థానే శ్మశానే చ శూన్యాగారే చతుష్పథే .

య పఠేచ్ఛృణుయాద్ వాపి స యోగీ నాత్ర సంశయః .. 18-178..

యాని నామాని సంత్యస్మిన్ ప్రసంగాద్ మురవైరిణః .

గ్రాహ్యాణి తాని కల్యాణి నాన్యాన్యపి కదాచన .. 18-179..

హరేర్నామ న గృహ్ణీయాద్ న స్పృశేత్ తులసీదలం .

నాన్యచింతా ప్రకర్తవ్యా నాన్యనిందా కదాచన .. 18-180..

సిందూరకరవీరాద్యైః పుష్పైర్లోహితకైస్తథా .

యోఽర్చయేద్ భక్తిభావేన తస్యాసాధ్యం న కించన .. 18-181..

వాతస్తంభం జలస్తంభం గతిస్తంభం వివస్వతః .

వహ్నేః స్తంభం కరోత్యేవ స్తవస్యాస్య ప్రకీర్తనాత్ .. 18-

182..

శ్రియమాకర్షయేత్ తూర్ణమానృణ్యం జాయతే హఠాత్ .

యథా తృణం దహేద్ వహ్నిస్తథారీన్ మర్దయేత్ క్షణాత్ .. 18-183..

మోహయేద్ రాజపత్నీశ్చ దేవానపి వశం నయేత్ .

యః పఠేత్ శృణుయాద్ వాపి ఏకచిత్తేన సర్వదా .. 18-184..

దీర్ఘాయుశ్చ సుఖీ వాగ్మీ వాణీ తస్య వశంకరీ .

సర్వతీర్థాభిషేకేణ గయాశ్రాద్ధేన యత్ ఫలం .. 18-185..

తత్ఫలం లభతే సత్యం యః పఠేదేకచిత్తతః .

యేషామారాధనే శ్రద్ధా యే తు సాధితుముద్యతాః .. 18-186..

తేషాం కృతిత్వం సర్వం స్యాద్ గతిర్దేవి పరా చ సా .

ఋతుయుక్తలతాగారే స్థిత్వా దండేన తాడయేత్ .. 18-187..

జప్త్వా స్తుత్వా చ భక్త్యా చ గచ్ఛేద్ వై తారిణీపదం .

అష్టమ్యాం చ చతుర్దశ్యాం నవమ్యాం శనివాసరే .. 18-188..

సంక్రాంత్యాం మండలే రాత్రౌ అమావాస్యాం చ యోఽర్చయేత్ .

వర్షం వ్యాప్య చ దేవేశి తస్యాధీనాశ్చ సిద్ధయః .. 18-189..

సుతహీనా చ యా నారీ దౌర్భాగ్యామయపీడితా .

వంధ్యా వా కాకవంధ్యా వా మృతగర్భా చ యాంగనా .. 18-190..

ధనధాన్యవిహీనా చ రోగశోకాకులా చ యా .

సాపి చైతద్ మహాదేవి భూర్జపత్రే లిఖేత్తతః .. 18-191..

సవ్యే భుజే చ బధ్నీయాత్ సర్వసౌఖ్యవతీ భవేత్ .

ఏవం పుమానపి ప్రాయో దుఃఖేన పరిపీడితః .. 18-192..

సభాయాం వ్యసనే ఘోరే వివాదే శత్రుసంకటే .

చతురంగే చ తథా యుద్ధే సర్వత్రారిప్రపీడితే .. 18-193..

స్మరణాదేవ కల్యాణి సంక్షయం యాంతి దూరతః .

పూజనీయం ప్రయత్నేన శూన్యాగారే శివాలయే .. 18-194..

బిల్వమూలే శ్మశానే చ తటే వా కులమండలే .

శర్కరాసవసంయుక్తైర్భక్తైర్దుగ్ధైః సపాయసైః .. 18-195..

అపూపాపిష్టసంయుక్తైర్నైవేద్యైశ్చ యథోచితైః .

నివేదితం చ యద్ద్రవ్యం భోక్తవ్యం చ విధానతః .. 18-196..

తన్న చేద్ భుజ్యతే మోహాద్ భోక్తుం నేచ్ఛంతి దేవతాః .

అనేనైవ విధానేన యోఽర్చయేత్ పరమేశ్వరీం .. 18-197..

స భూమివలయే దేవి సాక్షాదీశో న సంశయః .

మహాశంఖేన దేవేశి సర్వం కార్యం జపాదికం .. 18-198..

కులసర్వస్వకస్యైవం ప్రభావో వర్ణితో మయా .

న శక్యతే సమాఖ్యాతుం వర్షకోటిశతైరపి .. 18-199..

కించిద్ మయా చ చాపల్యాత్ కథితం పరమేశ్వరి .

జన్మాంతరసహస్రేణ వర్ణితుం నైవ శక్యతే .. 18-200..

కులీనాయ ప్రదాతవ్యం తారాభక్తిపరాయ చ .

అన్యభక్తాయ నో దేయం వైష్ణవాయ విశేషతః .. 18-201..

కులీనాయ మహేచ్ఛాయ భక్తిశ్రద్ధాపరాయ చ .

మహాత్మనే సదా దేయం పరీక్షితగుణాయ చ .. 18-202..

నాభక్తాయ ప్రదాతవ్యం పథ్యంతరపరాయ చ .

న దేయం దేవదేవేశి గోప్యం సర్వాగమేషు చ .. 18-203..

పూజాజపవిహీనాయ స్త్రీసురానిందకాయ చ .

న స్తవం దర్శయేత్ క్వాపి సందర్శ్య శివహా భవేత్ .. 18-204..

పఠనీయం సదా దేవి సర్వావస్థాసు సర్వదా .

యః స్తోత్రం కులనాయికే ప్రతిదినం భక్త్యా పఠేద్ మానవః

స స్యాద్విత్తచయైర్ధనేశ్వరసమో విద్యామదైర్వాక్పతిః .

సౌందర్యేణ చ మూర్తిమాన్ మనసిజః కీర్త్యా చ నారాయణః

శక్త్యా శంకర ఏవ సౌఖ్యవిభవైర్భూమేః పతిర్నాన్యథా .. 18-205..

ఇతి తే కథితం గుహ్యం తారానామసహస్రకం .

అస్మాత్ పరతరం స్తోత్రం నాస్తి తంత్రేషు నిశ్చయః .. 18-206..

ఇతి శ్రీబృహన్నీలతంత్రే భైరవభైరవీసంవాదే తారాసహస్రనామనిరూపణం

అష్టాదశః పటలః .. 18..

తారాశతనామావలిః బృహన్నీలతంత్రాంతర్గతా

ఓం తారిణ్యై నమః .

ఓం తారసంయోగాయై నమః .

ఓం మహాతారస్వరూపిణ్యై నమః .

ఓం తారకప్రాణహర్త్ర్యై నమః .

ఓం తారానందస్వరూపిణ్యై నమః .

ఓం మహానీలాయై నమః .

ఓం మహేశాన్యై నమః .

ఓం మహానీలసరస్వత్యై నమః .

ఓం ఉగ్రతారాయై నమః .

ఓం సత్యై నమః .

ఓం సాధ్వ్యై నమః .

ఓం భవాన్యై నమః .

ఓం భవమోచిన్యై నమః .

ఓం మహాశంఖరతాయై నమః .

ఓం భీమాయై నమః .

ఓం శాంకర్యై నమః .

ఓం శంకరప్రియాయై నమః .

ఓం మహాదానరతాయై నమః .

ఓం చండ్యై నమః .

ఓం చండాసురవినాశిన్యై నమః . 20

ఓం చంద్రవద్రూపవదనాయై నమః .

ఓం చారుచంద్రమహోజ్జ్వలాయై నమః .

ఓం ఏకజటాయై నమః .

ఓం కురంగాక్ష్యై నమః .

ఓం వరదాభయదాయిన్యై నమః .

ఓం మహాకాల్యై నమః .

ఓం మహాదేవ్యై నమః .

ఓం గుహ్యకాల్యై నమః .

ఓం వరప్రదాయై నమః .

ఓం మహాకాలరతాయై నమః .

ఓం సాధ్వ్యై నమః .

ఓం మహైశ్వర్యప్రదాయిన్యై నమః .

ఓం ముక్తిదాయై నమః .

ఓం స్వర్గదాయై నమః .

ఓం సౌమ్యాయై నమః .

ఓం సౌమ్యరూపాయై నమః .

ఓం సురారిహాయై నమః .

ఓం శఠవిజ్ఞాయై నమః .

ఓం మహానాదాయై నమః .

ఓం కమలాయై నమః . 40

ఓం బగలాముఖ్యై నమః .

ఓం మహాముక్తిప్రదాయై నమః .

ఓం కాల్యై నమః .

ఓం కాలరాత్రిస్వరూపిణ్యై నమః .

ఓం సరస్వత్యై నమః .

ఓం సరిచ్శ్రేష్ఠాయై నమః .

ఓం స్వర్గంగాయై నమః .

ఓం స్వర్గవాసిన్యై నమః .

ఓం హిమాలయసుతాయై నమః .

ఓం కన్యాయై నమః .

ఓం కన్యారూపవిలాసిన్యై నమః .

ఓం శవోపరిసమాసీనాయై నమః .

ఓం ముండమాలావిభూషితాయై నమః .

ఓం దిగంబరాయై నమః .

ఓం పతిరతాయై నమః .

ఓం విపరీతరతాతురాయై నమః .

ఓం రజస్వలాయై నమః .

ఓం రజఃప్రీతాయై నమః .

ఓం స్వయంభూకుసుమప్రియాయై నమః .

ఓం స్వయంభూకుసుమప్రాణాయై నమః . 60

ఓం స్వయంభూకుసుమోత్సుకాయై నమః .

ఓం శివప్రాణాయై నమః .

ఓం శివరతాయై నమః .

ఓం శివదాత్ర్యై నమః .

ఓం శివాసనాయై నమః .

ఓం అట్టహాసాయై నమః .

ఓం ఘోరరూపాయై నమః .

ఓం నిత్యానందస్వరూపిణ్యై నమః .

ఓం మేఘవర్ణాయై నమః .

ఓం కిశోర్యై నమః .

ఓం యువతీస్తనకుంకుమాయై నమః .

ఓం ఖర్వాయై నమః .

ఓం ఖర్వజనప్రీతాయై నమః .

ఓం మణిభూషితమండనాయై నమః .

ఓం కింకిణీశబ్దసంయుక్తాయై నమః .

ఓం నృత్యంత్యై నమః .

ఓం రక్తలోచనాయై నమః .

ఓం కృశాంగ్యై నమః .

ఓం కృసరప్రీతాయై నమః .

ఓం శరాసనగతోత్సుకాయై నమః . 80

ఓం కపాలఖర్పరధరాయై నమః .

ఓం పంచాశన్ముండమాలికాయై నమః .

ఓం హవ్యకవ్యప్రదాయై నమః .

ఓం తుష్ట్యై నమః .

ఓం పుష్ట్యై నమః .

ఓం వరాంగనాయై నమః .

ఓం శాంత్యై నమః .

ఓం క్షాంత్యై నమః .

ఓం మనసే నమః .

ఓం బుద్ధ్యై నమః .

ఓం సర్వబీజస్వరూపిణ్యై నమః .

ఓం ఉగ్రాపతారిణ్యై నమః .

ఓం తీర్ణాయై నమః .

ఓం నిస్తీర్ణగుణవృందకాయై నమః .

ఓం రమేశ్యై నమః .

ఓం రమణ్యై నమః .

ఓం రమ్యాయై నమః .

ఓం రామానందస్వరూపిణ్యై నమః .

ఓం రజనీకరసంపూర్ణాయై నమః .

ఓం రక్తోత్పలవిలోచనాయై నమః . 100

ఇతి బృహన్నీలతంత్రాంతర్గతా తారాశతనామావలిః సమాప్తా .

తారాశతనామస్తోత్రం బృహన్నీలతంత్రార్గతం

శ్రీదేవ్యువాచ .

సర్వం సంసూచితం దేవ నామ్నాం శతం మహేశ్వర .

యత్నైః శతైర్మహాదేవ మయి నాత్ర ప్రకాశితం .. 1..

పఠిత్వా పరమేశాన హఠాత్ సిద్ధ్యతి సాధకః .

నామ్నాం శతం మహాదేవ కథయస్వ సమాసతః .. 2..

శ్రీభైరవ ఉవాచ .

శృణు దేవి ప్రవక్ష్యామి భక్తానాం హితకారకం .

యజ్జ్ఞాత్వా సాధకాః సర్వే జీవన్ముక్తిముపాగతాః .. 3..

కృతార్థాస్తే హి విస్తీర్ణా యాంతి దేవీపురే స్వయం .

నామ్నాం శతం ప్రవక్ష్యామి జపాత్ స(అ)ర్వజ్ఞదాయకం .. 4..

నామ్నాం సహస్రం సంత్యజ్య నామ్నాం శతం పఠేత్ సుధీః .

కలౌ నాస్తి మహేశాని కలౌ నాన్యా గతిర్భవేత్ .. 5..

శృణు సాధ్వి వరారోహే శతం నామ్నాం పురాతనం .

సర్వసిద్ధికరం పుంసాం సాధకానాం సుఖప్రదం .. 6..

ఓం తారిణీ తారసంయోగా మహాతారస్వరూపిణీ .

తారకప్రాణహర్త్రీ చ తారానందస్వరూపిణీ .. 7..

మహానీలా మహేశానీ మహానీలసరస్వతీ .

ఉగ్రతారా సతీ సాధ్వీ భవానీ భవమోచినీ .. 8..

మహాశంఖరతా భీమా శాంకరీ శంకరప్రియా .

మహాదానరతా చండీ చండాసురవినాశినీ .. 9..

చంద్రవద్రూపవదనా చారుచంద్రమహోజ్జ్వలా .

ఏకజటా కురంగాక్షీ వరదాభయదాయినీ .. 10..

మహాకాలీ మహాదేవీ గుహ్యకాలీ వరప్రదా .

మహాకాలరతా సాధ్వీ మహైశ్వర్యప్రదాయినీ .. 11..

ముక్తిదా స్వర్గదా సౌమ్యా సౌమ్యరూపా సురారిహా .

శఠవిజ్ఞా మహానాదా కమలా బగలాముఖీ .. 12..

మహాముక్తిప్రదా కాలీ కాలరాత్రిస్వరూపిణీ .

సరస్వతీ సరిచ్శ్రేష్ఠా స్వర్గంగా స్వర్గవాసినీ .. 13..

హిమాలయసుతా కన్యా కన్యారూపవిలాసినీ .

శవోపరిసమాసీనా ముండమాలావిభూషితా .. 14..

దిగంబరా పతిరతా విపరీతరతాతురా .

రజస్వలా రజఃప్రీతా స్వయంభూకుసుమప్రియా .. 15..

స్వయంభూకుసుమప్రాణా స్వయంభూకుసుమోత్సుకా .

శివప్రాణా శివరతా శివదాత్రీ శివాసనా .. 16..

అట్టహాసా ఘోరరూపా నిత్యానందస్వరూపిణీ .

మేఘవర్ణా కిశోరీ చ యువతీస్తనకుంకుమా .. 17..

ఖర్వా ఖర్వజనప్రీతా మణిభూషితమండనా .

కింకిణీశబ్దసంయుక్తా నృత్యంతీ రక్తలోచనా .. 18..

కృశాంగీ కృసరప్రీతా శరాసనగతోత్సుకా .

కపాలఖర్పరధరా పంచాశన్ముండమాలికా .. 19..

హవ్యకవ్యప్రదా తుష్టిః పుష్టిశ్చైవ వరాంగనా .

శాంతిః క్షాంతిర్మనో బుద్ధిః సర్వబీజస్వరూపిణీ .. 20..

ఉగ్రాపతారిణీ తీర్ణా నిస్తీర్ణగుణవృందకా .

రమేశీ రమణీ రమ్యా రామానందస్వరూపిణీ .. 21..

రజనీకరసంపూర్ణా రక్తోత్పలవిలోచనా .

ఇతి తే కథితం దివ్యం శతం నామ్నాం మహేశ్వరి .. 22..

ప్రపఠేద్ భక్తిభావేన తారిణ్యాస్తారణక్షమం .

సర్వాసురమహానాదస్తూయమానమనుత్తమం .. 23..

షణ్మాసాద్ మహదైశ్వర్యం లభతే పరమేశ్వరి .

భూమికామేన జప్తవ్యం వత్సరాత్తాం లభేత్ ప్రియే .. 24..

ధనార్థీ ప్రాప్నుయాదర్థం మోక్షార్థీ మోక్షమాప్నుయాత్ .

దారార్థీ ప్రాప్నుయాద్ దారాన్ సర్వాగమ(పురో?ప్రచో)దితాన్ .. 25..

అష్టమ్యాం చ శతావృత్త్యా ప్రపఠేద్ యది మానవః .

సత్యం సిద్ధ్యతి దేవేశి సంశయో నాస్తి కశ్చన .. 26..

ఇతి సత్యం పునః సత్యం సత్యం సత్యం మహేశ్వరి .

అస్మాత్ పరతరం నాస్తి స్తోత్రమధ్యే న సంశయః .. 27..

నామ్నాం శతం పఠేద్ మంత్రం సంజప్య భక్తిభావతః .

ప్రత్యహం ప్రపఠేద్ దేవి యదీచ్ఛేత్ శుభమాత్మనః .. 28..

ఇదానీం కథయిష్యామి విద్యోత్పత్తిం వరాననే .

యేన విజ్ఞానమాత్రేణ విజయీ భువి జాయతే .. 29..

యోనిబీజత్రిరావృత్త్యా మధ్యరాత్రౌ వరాననే .

అభిమంత్ర్య జలం స్నిగ్ధం అష్టోత్తరశతేన చ .. 30..

తజ్జలం తు పిబేద్ దేవి షణ్మాసం జపతే యది .

సర్వవిద్యామయో భూత్వా మోదతే పృథివీతలే .. 31..

శక్తిరూపాం మహాదేవీం శృణు హే నగనందిని .

వైష్ణవః శైవమార్గో వా శాక్తో వా గాణపోఽపి వా .. 32..

తథాపి శక్తేరాధిక్యం శృణు భైరవసుందరి .

సచ్చిదానందరూపాచ్చ సకలాత్ పరమేశ్వరాత్ .. 33..

శక్తిరాసీత్ తతో నాదో నాదాద్ బిందుస్తతః పరం .

అథ బింద్వాత్మనః కాలరూపబిందుకలాత్మనః .. 34..

జాయతే చ జగత్సర్వం సస్థావరచరాత్మకం .

శ్రోతవ్యః స చ మంతవ్యో నిర్ధ్యాతవ్యః స ఏవ హి .. 35..

సాక్షాత్కార్యశ్చ దేవేశి ఆగమైర్వివిధైః శివే .

శ్రోతవ్యః శ్రుతివాక్యేభ్యో మంతవ్యో మననాదిభిః .. 36..

ఉపపత్తిభిరేవాయం ధ్యాతవ్యో గురుదేశతః .

తదా స ఏవ సర్వాత్మా ప్రత్యక్షో భవతి క్షణాత్ .. 37..

తస్మిన్ దేవేశి ప్రత్యక్షే శృణుష్వ పరమేశ్వరి .

భావైర్బహువిధైర్దేవి భావస్తత్రాపి నీయతే .. 38..

భక్తేభ్యో నానాఘాసేభ్యో గవి చైకో యథా రసః .

సదుగ్ధాఖ్యసంయోగే నానాత్వం లభతే ప్రియే .. 39..

తృణేన జాయతే దేవి రసస్తస్మాత్ పరో రసః .

తస్మాత్ దధి తతో హవ్యం తస్మాదపి రసోదయః .. 40..

స ఏవ కారణం తత్ర తత్కార్యం స చ లక్ష్యతే .

దృశ్యతే చ మహాదే(వ?వి)న కార్యం న చ కారణం .. 41..

తథైవాయం స ఏవాత్మా నానావిగ్రహయోనిషు .

జాయతే చ తతో జాతః కాలభేదో హి భావ్యతే .. 42..

స జాతః స మృతో బద్ధః స ముక్తః స సుఖీ పుమాన్ .

స వృద్ధః స చ విద్వాంశ్చ న స్త్రీ పుమాన్ నపుంసకః .. 43..

నానాధ్యాససమాయోగాదాత్మనా జాయతే శివే .

ఏక ఏవ స ఏవాత్మా సర్వరూపః సనాతనః .. 44..

అవ్యక్తశ్చ స చ వ్యక్తః ప్రకృత్యా జ్ఞాయతే ధ్రువం .

తస్మాత్ ప్రకృతియోగేన వినా న జ్ఞాయతే క్వచిత్ .. 45..

వినా ఘటత్వయోగేన న ప్రత్యక్షో యథా ఘటః .

ఇతరాద్ భిద్యమానోఽపి స భేదముపగచ్ఛతి .. 46..

మాం వినా పురుషే భేదో న చ యాతి కథంచన .

న ప్రయోగైర్న చ జ్ఞానైర్న శ్రుత్యా న గురుక్రమైః .. 47..

న స్నానైస్తర్పణైర్వాపి నచ దానైః కదాచన .

ప్రకృత్యా జ్ఞాయతే హ్యాత్మా ప్రకృత్యా లుప్యతే పుమాన్ .. 48..

ప్రకృత్యాధిష్ఠితం సర్వం ప్రకృత్యా వంచితం జగత్ .

ప్రకృత్యా భేదమాప్నోతి ప్రకృత్యాభేదమాప్నుయాత్ .. 49..

నరస్తు ప్రకృతిర్నైవ న పుమాన్ పరమేశ్వరః .

ఇతి తే కథితం తత్త్వం సర్వసారమనోరమం .. 50..

ఇతి శ్రీబృహన్నీలతంత్రే భైరవభైరవీసంవాదే తారాశతనామ

తత్త్వసారనిరూపణం వింశః పటలః .. 20..

తారాకవచం

శ్రీగణేశాయ నమః .

ఈశ్వర ఉవాచ .

కోటితంత్రేషు గోప్యా హి విద్యాతిభయమోచినీ .

దివ్యం హి కవచం తస్యాః శృణుష్వ సర్వకామదం .. 1..

అస్య తారాకవచస్య అక్షోభ్య ఋషిః , త్రిష్టుప్ ఛందః ,

భగవతీ తారా దేవతా , సర్వమంత్రసిద్ధిసమృద్ధయే జపే వినియోగః .

ప్రణవో మే శిరః పాతు బ్రహ్మరూపా మహేశ్వరీ .

లలాటే పాతు హ్రీంకారో బీజరూపా మహేశ్వరీ .. 2..

స్త్రీంకారో వదనే నిత్యం లజ్జారూపా మహేశ్వరీ .

హూఀకారః పాతు హృదయే భవానీరూపశక్తిధృక్ .. 3..

ఫట్కారః పాతు సర్వాంగే సర్వసిద్ధిఫలప్రదా .

ఖర్వా మాం పాతు దేవేశీ గండయుగ్మే భయాపహా .. 4..

నిమ్నోదరీ సదా స్కంధయుగ్మే పాతు మహేశ్వరీ .

వ్యాఘ్రచర్మావృతా కట్యాం పాతు దేవీ శివప్రియా .. 5..

పీనోన్నతస్తనీ పాతు పార్శ్వయుగ్మే మహేశ్వరీ .

రక్తవర్తులనేత్రా చ కటిదేశే సదాఽవతు .. 6..

లలజిహ్వా సదా పాతు నాభౌ మాం భువనేశ్వరీ .

కరాలాస్యా సదా పాతు లింగే దేవీ హరప్రియా .. 7..

పింగోగ్రైకజటా పాతు జంఘాయాం విఘ్ననాశినీ .

ప్రేతఖర్పరభృద్దేవీ జానుచక్రే మహేశ్వరీ .. 8..

నీలవర్ణా సదా పాతు జానునీ సర్వదా మమ .

నాగకుండలధర్త్రీ చ పాతు పాదయుగే తతః .. 9..

నాగహారధరా దేవీ సర్వాంగం పాతు సర్వదా .

నాగకంకధరా దేవీ పాతు ప్రాంతరదేశతః .. 10..

చతుర్భుజా సదా పాతు గమనే శత్రునాశినీ .

ఖడ్గహస్తా మహాదేవీ శ్రవణే పాతు సర్వదా .. 11..

నీలాంబరధరా దేవీ పాతు మాం విఘ్ననాశినీ .

కర్త్రిహస్తా సదా పాతు వివాదే శత్రుమధ్యతః .. 12..

బ్రహ్మరూపధరా దేవీ సంగ్రామే పాతు సర్వదా .

నాగకంకణధర్త్రీ చ భోజనే పాతు సర్వదా .. 13..

శవకర్ణా మహాదేవీ శయనే పాతు సర్వదా .

వీరాసనధరా దేవీ నిద్రాయాం పాతు సర్వదా .. 14..

ధనుర్బాణధరా దేవీ పాతు మాం విఘ్నసంకులే .

నాగాంచితకటీ పాతు దేవీ మాం సర్వకర్మసు .. 15..

ఛిన్నముండధరా దేవీ కాననే పాతు సర్వదా .

చితామధ్యస్థితా దేవీ మారణే పాతు సర్వదా .. 16..

ద్వీపిచర్మధరా దేవీ పుత్రదారధనాదిషు .

అలంకారాన్వితా దేవీ పాతు మాం హరవల్లభా .. 17..

రక్ష రక్ష నదీకుంజే హూం హూం ఫట్ సుసమన్వితే .

బీజరూపా మహాదేవీ పర్వతే పాతు సర్వదా .. 18..

మణిభృద్వజ్రిణీ దేవీ మహాప్రతిసరే తథా .

రక్ష రక్ష సదా హూం హూం ఓం హ్రీం స్వాహా మహేశ్వరీ .. 19..

పుష్పకేతురజార్హేతి కాననే పాతు సర్వదా .

ఓం హ్రీం వజ్రపుష్పం హుం ఫట్ ప్రాంతరే సర్వకామదా .. 20..

ఓం పుష్పే పుష్పే మహాపుష్పే పాతు పుత్రాన్మహేశ్వరీ .

హూం స్వాహా శక్తిసంయుక్తా దారాన్ రక్షతు సర్వదా .. 21..

ఓం ఆం హూం స్వాహా మహేశానీ పాతు ద్యూతే హరప్రియా .

ఓం హ్రీం సర్వవిఘ్నోత్సారిణీ దేవీ విఘ్నాన్మాం సదాఽవతు .. 22..

ఓం పవిత్రవజ్రభూమే హుంఫట్స్వాహా సమన్వితా .

పూరికా పాతు మాం దేవీ సర్వవిఘ్నవినాశినీ .. 23..

ఓం ఆః సురేఖే వజ్రరేఖే హుంఫట్స్వాహాసమన్వితా .

పాతాలే పాతు సా దేవీ లాకినీ నామసంజ్ఞికా .. 24..

హ్రీంకారీ పాతు మాం పూర్వే శక్తిరూపా మహేశ్వరీ .

స్త్రీంకారీ పాతు దేవేశీ వధూరూపా మహేశ్వరీ .. 25..

హూంస్వరూపా మహాదేవీ పాతు మాం క్రోధరూపిణీ .

ఫట్స్వరూపా మహామాయా ఉత్తరే పాతు సర్వదా .. 26..

పశ్చిమే పాతు మాం దేవీ ఫట్స్వరూపా హరప్రియా .

మధ్యే మాం పాతు దేవేశీ హూంస్వరూపా నగాత్మజా .. 27..

నీలవర్ణా సదా పాతు సర్వతో వాగ్భవా సదా .

భవానీ పాతు భవనే సర్వైశ్వర్యప్రదాయినీ .. 28..

విద్యాదానరతా దేవీ వక్త్రే నీలసరస్వతీ .

శాస్త్రే వాదే చ సంగ్రామే జలే చ విషమే గిరౌ .. 29..

భీమరూపా సదా పాతు శ్మశానే భయనాశినీ .

భూతప్రేతాలయే ఘోరే దుర్గమా శ్రీఘనాఽవతు .. 30..

పాతు నిత్యం మహేశానీ సర్వత్ర శివదూతికా .

కవచస్య మాహాత్మ్యం నాహం వర్షశతైరపి .. 31..

శక్నోమి గదితుం దేవి భవేత్తస్య ఫలం చ యత్ .

పుత్రదారేషు బంధూనాం సర్వదేశే చ సర్వదా .. 32..

న విద్యతే భయం తస్య నృపపూజ్యో భవేచ్చ సః .

శుచిర్భూత్వాఽశుచిర్వాపి కవచం సర్వకామదం .. 33..

ప్రపఠన్ వా స్మరన్మర్త్యో దుఃఖశోకవివర్జితః .

సర్వశాస్త్రే మహేశాని కవిరాడ్ భవతి ధ్రువం .. 34..

సర్వవాగీశ్వరో మర్త్యో లోకవశ్యో ధనేశ్వరః .

రణే ద్యూతే వివాదే చ జయస్తత్ర భవేద్ ధ్రువం .. 35..

పుత్రపౌతాన్వితో మర్త్యో విలాసీ సర్వయోషితాం .

శత్రవో దాసతాం యాంతి సర్వేషాం వల్లభః సదా .. 36..

గర్వీ ఖర్వీ భవత్యేవ వాదీ స్ఖలతి దర్శనాత్ .

మృత్యుశ్చ వశ్యతాం యాతి దాసాస్తస్యావనీభుజః .. 37..

ప్రసంగాత్కథితం సర్వం కవచం సర్వకామదం .

ప్రపఠన్వా స్మరన్మర్త్యః శాపానుగ్రహణే క్షమః .. 38..

ఆనందవృందసింధూనామధిపః కవిరాడ్ భవేత్ .

సర్వవాగిశ్వరో మర్త్యో లోకవశ్యః సదా సుఖీ .. 39..

గురోః ప్రసాదమాసాద్య విద్యాం ప్రాప్య సుగోపితాం .

తత్రాపి కవచం దేవి దుర్లభం భువనత్రయే .. 40..

గురుర్దేవో హరః సాక్షాత్తత్పత్నీ తు హరప్రియా .

అభేదేన భజేద్యస్తు తస్య సిద్ధిదూరతః .. 41..

మంత్రాచారా మహేశాని కథితాః పూర్వవత్ప్రియే .

నాభౌ జ్యోతిస్తథా రక్తం హృదయోపరి చింతయేత్ .. 42..

ఐశ్వర్యం సుకవిత్వం చ మహావాగిశ్వరో నృపః .

నిత్యం తస్య మహేశాని మహిలాసంగమం చరేత్ .. 43..

పంచాచారరతో మర్త్యః సిద్ధో భవతి నాన్యథా .

శక్తియుక్తో భవేన్మర్త్యః సిద్ధో భవతి నాన్యథా .. 44..

బ్రహ్మా విష్ణుశ్చ రుద్రశ్చ యే దేవాసురమానుషాః .

తం దృష్ట్వా సాధకం దేవి లజ్జాయుక్తా భవంతి తే .. 45..

స్వర్గే మర్త్యే చ పాతాలే యే దేవాః సిద్ధిదాయకాః .

ప్రశంసంతి సదా దేవి తం దృష్ట్వా సాధకోత్తమం .. 46..

విఘ్నాత్మకాశ్చ యే దేవాః స్వర్గే మర్త్యే రసాతలే .

ప్రశంసంతి సదా సర్వే తం దృష్ట్వా సాధకోత్తమం .. 47..

ఇతి తే కథితం దేవి మయా సమ్యక్ప్రకీర్తితం .

భుక్తిముక్తికరం సాక్షాత్కల్పవృక్షస్వరూపకం .. 48..

ఆసాద్యాద్యగురుం ప్రసాద్య య ఇదం కల్పద్రుమాలంబనం

మోహేనాపి మదేన చాపి రహితో జాడ్యేన వా యుజ్యతే .

సిద్ధోఽసౌ భువి సర్వదుఃఖవిపదాం పారం ప్రయాత్యంతకే

మిత్రం తస్య నృపాశ్చ దేవి విపదో నశ్యంతి తస్యాశు చ .. 49..

తద్గాత్రం ప్రాప్య శస్త్రాణి బ్రహ్మాస్త్రాదీని వై భువి .

తస్య గేహే స్థిరా లక్ష్మీర్వాణీ వక్త్రే వసేద్ ధ్రువం .. 50..

ఇదం కవచమజ్ఞాత్వా తారాం యో భజతే నరః .

అల్పాయుర్నిర్ద్ధనో మూర్ఖో భవత్యేవ న సంశయః .. 51..

లిఖిత్వా ధారయేద్యస్తు కంఠే వా మస్తకే భుజే .

తస్య సర్వార్థసిద్ధిః స్యాద్యద్యన్మనసి వర్తతే .. 52..

గోరోచనాకుంకుమేన రక్తచందనకేన వా .

యావకైర్వా మహేశాని లిఖేన్మంత్రం సమాహితః .. 53..

అష్టమ్యాం మంగలదినే చతుర్ద్దశ్యామథాపి వా .

సంధ్యాయాం దేవదేవేశి లిఖేద్యంత్రం సమాహితః .. 54..

మఘాయాం శ్రవణే వాపి రేవత్యాం వా విశేషతః .

సింహరాశౌ గతే చంద్రే కర్కటస్థే దివాకరే .. 55..

మీనరాశౌ గురౌ యాతే వృశ్చికస్థే శనైశ్చరే .

లిఖిత్వా ధారయేద్యస్తు ఉత్తరాభిముఖో భవేత్ .. 56..

శ్మశానే ప్రాంతరే వాపి శూన్యాగారే విశేషతః .

నిశాయాం వా లిఖేన్మంత్రం తస్య సిద్ధిరచంచలా .. 57..

భూర్జపత్రే లిఖేన్మంత్రం గురుణా చ మహేశ్వరి .

ధ్యానధారణయోగేన ధారయేద్యస్తు భక్తితః .. 58..

అచిరాత్తస్య సిద్ధిః స్యాన్నాత్ర కార్యా విచారణా .. 59..

.. ఇతి శ్రీరుద్రయామలే తంత్రే ఉగ్రతారాకవచం సంపూర్ణం ..

తారాకర్పూరస్తోత్రం

ఓం నమస్తారిణ్యై .

శ్రీకంఠామృతకేశవర్ణఘటితం చంద్రార్ధచూడోజ్జ్వలం

     బీజం యత్పరమం గుణత్రయమయం కామప్రదం ముక్తిదం .

మాతః ! శంకరవల్లభే ! ప్రతిదినం ధ్యాయంతి యే యే సదా

     తే తే యాంతి చిదాత్మకం హరిహరబ్రహ్మాదిసామ్యం ముదా .. 1..

వ్యోమార్ణం వామనేత్రాన్వితమనలయుతం బిందుచంద్రార్ధయుక్తం

     బీజం తే గుహ్యమేతత్త్రిభువనజనని ! త్రిక్షణే యే జపంతి .   var  త్ర్యక్షరం యే జపంతి

తేషాం వక్త్రారవిందే విహరతి మధురా గద్యపద్యావలీ గీ-

     ర్మాతశ్చంద్రార్ధచూడే ! సకలభయహరే ! సిద్ధిభాజాం నరాణాం .. 2..

శుక్రార్ణం పూతనాస్థం కలితశశికలాబిందుభూషం సవహ్ని

     భ్రాజద్వామాక్షియుక్తం జనని ! తవ వధూబీజమేతజ్జపంతి .

తే తే లోలేక్షణానాం విగలితరసనాపీనవక్షోజవాసః

     కేశానాం చిత్తమాశు స్మరహరమహిలే ! మోహయంతి ప్రకామం .. 3..

ఈశానం వామకర్ణోల్లసితశశికలాబిందుయుక్తం సుగుహ్యం

     ᳚బీజం మాతస్త్వదీయం᳚ యది జపతి జనో వారమేకం జడాత్మా .   var  బీజం కూర్చాఖ్యమన్యద్

చంచత్పంచాశదుగ్రగ్రథితనరశిరోమాలికాక్రాంతకంఠే !

     మాతః శైలేంద్రపుత్రి ! త్రిభువనమపి స క్షోభయత్యేవ శీఘ్రం .. 4..

పశ్చాదస్త్రం తదన్యత్పురహరమహిలే! బీజమత్యంతగుహ్యం

     భాలోద్యత్పంచముద్రే ప్రకటవికటదంష్ట్రోగ్రవక్రారవిందే .

నిత్యం యే భావయంతి ప్రతిదినమమలే! ఘోరరూపాట్టహాసే!

     తే నూనం భావయంతి త్రిజగదఘహరే ! చక్రవద్విశ్వమేతత్ .. 5..

మాయాస్త్రీకూర్చబీజైర్నవతపనహరిత్సార్ధచంద్రాంశువర్ణే

     మాతర్నీలాఖ్యమేతత్తవ మనుమనిశం యే ప్రకామం జపంతి .

విత్తే విత్తేశతుల్యాః శుకగురుసదృశాస్తర్కకావ్యాగమాదౌ

     తే తే నీలాంబుదాలీరుచిరుచిరతనో! కామతుల్యా భవంతి .. 6..

భవాన్యేభిర్బిజైర్హిమగిరిసుతే ! చాస్త్రసహితై-

     ర్నిగూఢం యే మాతర్మనుమనుజపంత్యేకజటిలే!.

త్రియామానాథార్ధప్రవిలసితభాలే ! త్రినయనే!

     గృహే తేషాం నిత్యం నివసతి సదా సింధుతనయా .. 7..

అమీభిర్బీజైస్తే ప్రణవసహితైః శైలతనయే !

     నిజస్వాంతే చాస్త్రం పరిజపతి పంచాక్షరమితి .  5 akSharas  ఓం హ్రీం స్త్రీం హూం ఫట్

స సాక్షాత్తే న్యాసీ స తు పురహరోఽసౌ మురహరః

     స ధాతా యం ముక్తో భవతి హి చిదానందరసికే ! .. 8..

శవాసీనాం కంఠాకలితనృకరోటీం కరలసత్

     కపాలాసిశ్యామోత్పలరుచిరకర్త్రీం త్రినయనాం .

నవాంభోదశ్యామాన్వికటరదభీమాన్పృథుకుచాం

     సదైవ త్వాం ధ్యాయన్ జనని! చ జడో వాక్పతిసమః .. 9..

తటే నద్యాః సింధోర్గిరిశిరసి మాలూరగహనే

     శ్మశానే గోష్ఠే వా గిరిశభవనే శూన్యసదనే .

హవిష్యాశీ లక్షం ప్రజపతి వశీ భావనపరః

     స సర్వజ్ఞో వాగ్మీ భవతి సుఘనాపీనజఘనే! .. 10..

ముదా మాతః శుద్ధోదకరుచిరగంధాఢ్యసలిలైః

     స్వయంభూపుష్పస్రక్కులతనుభగచ్ఛాలన జలైః .  var  క్షాలనం

శివే ! త్వాం సంధ్యాయన్ హరమహిషి ! సంతర్పయతి యః

     స దైవస్త్రీవృందం వశయతి స విద్యాధరపతిః .. 11..

జపాపుష్పైర్బిల్వైర్మరుబకులవర్గైశ్చ కుసుమైః

     సుగంధైః కర్పూరైరగరుసహితైర్ధూపనికరైః .

ప్రదీపైరుజ్జ్వాలైర్ఘృతరచితనైవేద్యనికరై-

     స్తవార్చాం యః కుర్యాత్స భవతి కవీంద్రః క్షితితలే .. 12..

సదూర్వాభిః పద్మైస్త్రిమధులలితైః శ్రీఫలదలై-

     ర్ఘృతైర్గవ్యై రక్తైః సుకులభగలింగామృతరసైః .

త్రికోణే కుండే యో హుతవహమఖే హోమవిధినా

     జుహోతి త్వాం మాతః! స భవతి కవీంద్రః క్షితిపతిః .. 13..

నిశీథే కల్యాణి ! ప్రముదితమనా యః పితృవనే

     బలిం తే మేషాద్యైః సనరమహిషైర్వా పరిచరేత్ .

స రాజానం క్షిప్రం వశయతి మృగాక్షీసముదయం

     త్రిలోకీం వా భూమౌ స భవతి జనః సత్కవివరః .. 14..

మహాపూజాం మాతస్తవ వితనుతే యస్తు మధునా

     తథా మాంసైర్మత్స్యైర్వివిధనవముద్రాదిభిరపి .

వరస్త్రీభిః సార్ధం నిధువనవినోదేన ముదితో

     నిశీథే సంసారాత్స భవతి విముక్తః పశుభయాత్ .. 15..

త్రికోణే పీఠే త్వాం వరనిధువనాసంగహృదయాం

     మహాకాలేనోద్యత్పులకనిచయాం స్మేరవదనాం .

స్వయం నక్తం కాంతారతిరససమాసక్తహృదయో

     మనుష్యో యో ధ్యాయేద్భవతి శివతుల్యః స ధరణౌ .. 16..

సముత్తుంగాపీనస్తనజఘనరాజత్కులవధూ-

     వ్యవాయవ్యాసక్తో జపతి తవ భక్తో యది మనుం .

గలద్వాసఃకేశో జనని ! మనుజో మేదినితలే

     స సిద్ధీశః శక్త్యా జయతి సుచిరం సర్వసుజనం .. 17..

భవాని ! శ్రీర్మాతర్నిజగలితవీర్యాప్తచికుర-

     మథ ప్రేమ్ణా లబ్ధ్వా వచనభువనేశీయుతమనుం .

సముచ్చార్య క్షోణీతనయదివసే ప్రేతసదనే

     స దీర్ఘాయుర్వాగ్మీ భవతి శతహోమాత్క్షితితలే .. 18..

అజస్రం యో మంత్రం తవ జపతి భూమీధరసుతే

     విచింత్యాగ్రే మాతః ! కుసుమలలితం మారభవనం .

ధరణ్యాం కందర్పప్రతిమతనుభూతః స సకలా-

     న్నిజేష్టానాప్నోతి ప్రవిశతి ముదా తారిణిపదం .. 19..

తమోగ్రస్తే చంద్రే యది జపతి లోకస్తవ మనుం

     నవమ్యాం వా మాతర్ధరణిధరకన్యే ! వితనుతే .

తథా సూర్యే పృథ్వీవలయతిలకః కావ్యతటినీ

     పయోధిః సిద్ధీనాం భవతి భవనం సర్వవిదితః .. 20..

సదా పాదాంభోజే భజతు హృదయం భృంగ ఇవ మే

     సదా పాణిద్వంద్వం పరిచరతు కర్ణస్తవ కథాం .

శృణోతు త్వకీర్తిం హరమహిషి ! గీర్గాయతు సదా

     సదా దృష్టిర్భూయాద్భవదనుచరాలోకనపరా .. 21..

కదాకాలే శైలేశ్వరతనుభవే ! పాదయుగలం

     ముదా ద్రక్ష్యే బ్రహ్మప్రముఖవిబుధానాం పరిణుతం .

కృపాపారావారే ! భవజననభీతైకశరణే!

     శరణ్యే ! కారుణ్యం మయి వితర దీనే భగవతి ! .. 22..

సదైవ స్తోత్రం యః పఠతి ముదితః సాధకవరో

     న దారిద్ర్యం తస్య ప్రభవతి కదాచిత్క్షితితలే .

త్రివర్గో హస్తే స్యాజ్జగదఖిలమేతచ్చ వశగం

     చిరం జీవన్నంతే జనని ! లభతే మోక్షపదవీం .. 23..

ఇదం స్తోత్రం మాతః ప్రపఠతి దివారాత్రిమనిశం

     స సర్వజ్ఞో యోగీశ్వరనికరచూడామణిసమే ! .

జడోఽపి త్వద్రూపం జపతి యది సంచిత్య మనసా

     త్వదగ్రే భూయోచ్చైః క్షితిపతిసమానః క్షితితలే .. 24..

మహాపుణ్యం ధన్యం సకలపురుషార్థైకనిలయం

     యశస్యం చాయుష్యం సతతభవతాపాపహమిదం .

రహస్యం ప్రాకాశ్యన్న హి ఖలు కదాచిత్పశుజనే

     పఠేత్పూజాకాలే జనని ! లభతే మోక్షపదవీం .. 25..

.. ఇతి శ్రీఫేత్కారీతంత్రే తారాకర్పూరస్తోత్రం ..

తారా ప్రత్యంగిరాకవచం

ఓం ప్రత్యంగిరాయై నమః .

ఈశ్వర ఉవాచ -

ఓం తారాయాః స్తంభినీ దేవీ మోహినీ క్షోభినీ తథా .

హస్తినీ భ్రామినీ రౌద్రీ సంహారణ్యాపి తారిణీ .. 1..

శక్తయోహష్టౌ క్రమాదేతా శత్రుపక్షే నియోజితాః .

ధారితా సాధకేంద్రేణ సర్వశత్రునివారిణీ .. 2..

ఓం స్తంభినీ స్త్రేం స్త్రేం మమ శత్రూన్ స్తంభయ స్తంభయ .. 3..

ఓం క్షోభిణీ స్త్రేం స్త్రేం మమ శత్రూన్ క్షోభయ క్షోభయ .. 4..

ఓం మోహినీ స్త్రేం స్త్రేం మమ శత్రూన్ మోహయ మోహయ .. 5..

ఓం జృంభిణీ స్త్రేం స్త్రేం మమ శత్రూన్ జృంభయ జృంభయ .. 6..

ఓం భ్రామినీ స్త్రేం స్త్రేం మమ శత్రూన్ భ్రామయ భ్రామయ .. 7..

ఓం రౌద్రీ స్త్రేం స్త్రేం మమ శత్రూన్ సంతాపయ సంతాపయ .. 8..

ఓం సంహారిణీ స్త్రేం స్త్రేం మమ శత్రూన్ సంహారయ సంహారయ .. 9..

ఓం తారిణీ స్త్రేం స్త్రేం సర్వపద్భ్యః సర్వభూతేభ్యః సర్వత్ర

రక్ష రక్ష మాం స్వాహా .. 10..

య ఇమాం ధారయేత్ విద్యాం త్రిసంధ్యం వాపి యః పఠేత్ .

స దుఃఖం దూరతస్త్యక్త్వా హ్యన్యాచ్ఛ్త్రూన్ న సంశయః .. 11..

రణే రాజకులే దుర్గే మహాభయే విపత్తిషు .

విద్యా ప్రత్యంగిరా హ్యేషా సర్వతో రక్షయేన్నరం .. 12..

అనయా విద్యయా రక్షాం కృత్వా యస్తు పఠేత్ సుధీ .

మంత్రాక్షరమపి ధ్యాయన్ చింతయేత్ నీలసరస్వతీం .

అచిరే నైవ తస్యాసన్ కరస్థా సర్వసిద్ధయః

ఓం హ్రీం ఉగ్రతారాయై నీలసరస్వత్యై నమః .. 13..

ఇమం స్తవం ధీయానో నిత్యం ధారయేన్నరః .

సర్వతః సుఖమాప్నోతి సర్వత్రజయమాప్నుయాత్ .. 14..

నక్కాపి భయమాప్నోతి సర్వత్రసుఖమాప్నుయాత్ .. 15..

ఇతి రుద్రయామలే శ్రీమదుగ్రతారాయా ప్రత్యంగిరా కవచం సమాప్తం ..

శ్రీపార్వత్యష్టోత్తరశతనామావలిః

ఓం మహేశ్వర్యై నమః . మహాదేవ్యై . మహేశ్వరవిమోహిన్యై .

మహాప్రభాయై . మహామాయాయై . మహాసురనిషూదన్యై . ఉమాయై .

కుమారజనన్యై . హిమాచలతనూద్భవాయై . భవాన్యై . భావనాగమ్యాయై .

భవపాశవిమోచిన్యై . శివాయై . భవాంకనిలయాయై .

మృగాంకసదృశాననాయై . అపాంకాయై . శంకర్యై . శాంతాయై .

హృదయాంతఃప్రకాశిన్యై . విజయాయై నమః . 20

ఓం దుర్జయాయై నమః . అమేయాయై . జయదాయై . జగదీశ్వర్యై . ఆర్యాయై .

పరాపరమయ్యై . త్రిపురాయై . పరమేశ్వర్యై . కాత్యాయన్యై . హైమవత్యై .

శాంభవ్యై . శుంభమర్దిన్యై . శాకంభర్యై . కలాయై . కాల్యై .

భైరవ్యై . భయహారిణ్యై . నారాయణ్యై . ప్రాణమయ్యై . శర్వాణ్యై నమః . 40

ఓం సర్వమంగలాయై నమః . అరుణాయై . భూరికరుణాయై .

శరణాగతవత్సలాయై . హరిణాంకకలాభూషాయై . హరిణాక్షాయై .

హరప్రియాయై . భక్తప్రియాయై . భగవత్యై . సుదయాయై .

దనుజాదయాయై . పంకజాక్షసమారాధ్యాయై . పంకజాక్షసహోదర్యై .

కింకరీభూతగీర్వాణాయై . పంకజాస్త్రోద్భవేక్షణాయై . హ్రీంకార్యై .

శబర్యై . తారాయై . మాతంగ్యై . మంగలప్రదాయై నమః . 60

ఓం అంగీకృతహరార్ద్ధాంగాయై నమః . శృంగారశరణాననాయై .

శృంగారనాయికాయై . బాలాయై . జయాయై . సింహాసనేశ్వర్యై .

కామేశ్వర్యై . కల్యాణ్యై . సుందర్యై . సురసేవితాయై . చక్రేశ్వర్యై .

మధుమత్యై . పార్వత్యై . పద్మలోచనాయై . కోదండిన్యై . కుండలిన్యై .

చాముండాయై . చండికాంబికాయై . చర్చ్చికాయై . గిరిజాయై నమః . 80

ఓం దుర్గాయై నమః . సర్గస్థిత్యంతకారిణ్యై . సుభగాయై . లలితాయై .

గౌర్యై . మాతామణయే . గృహేశ్వర్యై . లోకేశ్వర్యై . మహారాజ్ఞ్యై .

మాలిన్యై . మేనకాత్మజాయై . రుద్రాణ్యై . శంకర్యై . శర్మదాయిన్యై .

సర్వసాక్షిణ్యై . శ్రీవిద్యాయై . శ్రీకర్యై . శక్తయే . షోడశ్యై .

శ్రీదిపూజితాయై నమః . 100

ఓం వాగ్వాదిన్యై నమః . విందుగృహాయై . భవసంకటహారణ్యై .

కరపంకజసంస్పర్శప్రధూతసురశాసనాయై .

పాదపల్లవనిష్పిష్టమహిషాసురవిగ్రహాయై .

తరుణార్కసహస్రాభతనుచ్ఛాయావిజృంభణాయై .

వదనామోదబిభ్రామ్యదలిపాలినిభాలకాయై .

నవకుంకుమకస్తూరీతిలకాలంకృతాలికాయై .

అధరారుణిమారక్తముక్తాశోభితనాసికాయై .

కనత్కపోలయుగలప్రతిబింబితకుండలాయై .

తమఃప్రవాహప్రతిమచికురభ్రాజిదిఙ్ముఖాయై నమః . 111

ఇతి పార్వత్యష్టోత్తరశతనామావలిః సమాప్తా .

ఇతి పార్వత్యష్టోత్తరశతనామావలిః సమాప్తా .

తాపీస్తోత్రం

ఛాయా వివస్వద్దుహితా హితార్థా పురాతనీ త్వత్ర ధునీ కృతార్థా .

యయాఽఽస భూరన్యవిభూషితాపి తాపీసరిత్సాఽవతు మాం స్మృతాపి .. 1..

తపతీ పతిమాప్తుముద్గతా వరవింధ్యాద్రిపదాన్మహోన్నతా .

ప్రయయౌ నవయౌవనాంచితా జలధిం పశ్చిమకం హ్యవంచితా .. 2..

పునానాపి నానాజనానంహసోఽత్ర పదం రాతి యాతి ప్రశస్తం పరత్ర .

యదీయే ప్రతీరేఽత్ర పాపీ న తాపీ న కోపీయమస్మానవత్వత్ర తాపీ .. 3..

భుజంగప్రయాతోపమా యద్గతిర్యా మతిం నః పునానా దదానా గతిం యా .

వరం పశ్చిమాబ్ధి సుఖేనోపమేయే హతత్వద్య తాన్ పాప్మనః సంతి యే మే .. 4..

అవరజా వరజాతిసుపూజితా ద్యుమణిజా మణిజాతివిభూషితా .

సుతపతీ తపతీ పతితాన్నతావతీ సా యశసా పయసాన్వితా .. 5..

యా వారయత్యాశు యదింద్రవజ్రలేపోపమం పాతకమాప్లవేన .

ప్లవేన యజ్ఞేన తథా గతిర్న యథా నదీ రాతి సహాప్లవేన .. 6..

జగతి తపనశీలా యాహి తాపీ సుశీలా,

     చలతి భువి విశాలా ముక్తిపానీయశాలా .

పరిహృతజనకాలా ఖేలదుచ్చోర్మిమాలా,

     నిఖిలసుకృతపాలా పాతు నః సూర్యబాలా .. 7..

అయే తాపీహాపి ప్రశమితభయే తే సుఖమయే,

     సదా దత్తాత్రేయో నివసతి సతిప్రార్పితనయే .

న యే త్వాం సేవంతే త ఇహ జనిభాజోఽత్ర భజతే,

     గతిః సద్యో రాసీత్యత ఋషిగణస్త్వాం హి భజతే .. 8..

దత్తాత్రేయాదృతాం తాపీం పాపినిర్ముక్తిమష్టభిః .

పద్యైస్తుష్టావ సుకృతీ వాసుదేవసరస్వతీ .. 9..

ఇతి శ్రీవాసుదేవానందసరస్వతీవిరచితం తాపీస్తోత్రం సంపూర్ణం .

శ్రీపార్వత్యష్టోత్తరశతనామస్తోత్రం

మహేశ్వరీ మహాదేవీ మహేశ్వరవిమోహినీ .

మహాప్రభా మహామాయా మహాసురనిషూదనీ .. 1..

ఉమా కుమారజననీ హిమాచలతనూభవా .

భవానీ భావనాగమ్యా భవపాశవిమోచినీ .. 2..

శివా భవాంకనిలయా మృగాంకసదృశాననా .

అపంకా శంకరీ శాంతా హృదయాంతఃప్రకాశినీ .. 3..

విజయా దుర్జయామేయా జయదా జగదీశ్వరీ .

ఆర్యా పరాపరమయీ త్రిపురా పరమేశ్వరీ .. 4..

కాత్యాయనీ హైమవతీ శాంభవీ సుంభమర్దినీ .

శాకంభరీ కలా కాలి భైరవీ భయహారిణీ .. 5..

నారాయణీ ప్రాణమయీ శర్వాణీ సర్వమంగలా .

అరుణా భూరికరుణా శరణాగతవత్సలా .. 6..

హరిణాంకకలాభూషా హరిణాక్షా హరప్రియా .

భక్తప్రియా భగవతీ సుదయా దనుజాదయా .. 7..

పంకజాక్షసమారాధ్యా పంకజాక్షసహోదరీ .

కింకరీమూతగీర్వాణా పంకజాస్త్రోద్భవేక్షణా .. 8..

హ్రీంకారీ శబరీ తారా మాతంగీ మంగలప్రదా .

అంగీకృతహరార్ద్ధాంగా శృంగారశరణాననా .. 9..

శృంగారనాయికా బాలా జయా సింహాసనేశ్వరీ .

కామేశ్వరీ చ కల్యాణీ సుందరీ సురసేవితా .. 10..

చక్రేశ్వరీ మధుమతీ పార్వతీ పద్మలోచనా .

కోదండినీ కుండలినీ చాముండా చండికాంబికా .. 11..

చర్చ్చికా గిరిజా దుర్గా సర్గస్థిత్యంతకారిణీ .

సుభగా లలితా గౌరీ మాతామణిర్గృహేశ్వరీ .. 12..

లోకేశ్వరీ మహారాజ్ఞీ మాలినీ మేనకాత్మజా .

రుద్రాణీ శంకరీ శర్మదాయినీ సర్వసాక్షిణీ .. 13..

శ్రీవిద్యా శ్రీకరీ శక్తిష్షోడశీ శ్రీదిపూజితా .

వాగ్వాదినీ విందుగృహా భవసంకటహారణీ .. 14..

కరపంకజసంస్పర్శప్రధూతసురశాసనా .

పాదపల్లవనిష్పిష్టమహిషాసురవిగ్రహా .. 15..

తరుణార్కసహస్రాభతనుచ్ఛాయావిజృంభణా .

వదనామోదబిభ్రామ్యదలిపాలినిభాలకా .. 16..

నవకుంకుమకస్తూరీతిలకాలంకృతాలికా .

అధరారుణిమారక్తముక్తాశోభితనాసికా .. 17..

కనత్కపోలయుగలప్రతిబింబితకుండలా .

తమఃప్రవాహప్రతిమచికురభ్రాజిదిఙ్ముఖా .. 18..

ఇదమష్టోత్తరశతం పార్వత్యాస్సర్వకామదం .

సర్వసంపత్ప్రదం శ్రేష్ఠం సర్వసౌభాగ్యపుష్టిదం .. 19..

సర్వవిద్యాప్రదం సర్వపురుషార్థప్రదం పరం .

రహస్యమిదముత్కృష్టం న మీమాంసమితస్తతః .. 20..

యః పఠేత్పరయా భక్త్యా సంధ్యాకాలే సమాహితః .

స్మరన్నపి మహాదేవం పార్వతీసహితం శివం .

స భుక్త్వాత్ర మహాభోగాన్ శివలోకే మహీయతే .. 21..

ఇతి పార్వత్యష్టోత్తరశతం సంపూర్ణం .

శ్రీపార్వత్యష్టకం

ఓం శ్రీగణేశాయ నమః .

మహారజతచేలయా మహితమల్లికామాలయా

    తులారహితఫాలయా తులితవారిభృజ్జాలయా .

శివాభిమతశీలయా శిశిరభానుచూడాలయా

    మహీధ్రవరబాలయా మమ హృతం మనో లీలయా .. 1..

నమజ్జనభవాంతయా నలినశోభినేత్రాంతయా

    నిరీతికృదుదంతయా నిజనివాసవేదాంతయా .

లసచ్ఛుకశకుంతయా లలితకుందజిద్దంతయా

    మనో మమ హృతం తయా మనసిజాంతకృత్కాంతయా .. 2..

సుర్వర్ణసుమనాసయా సురమహీధరావాసయా

    శశాంకరుచిహాసయా శరబిషక్తబాణాసయా .

కృపాకలితదాసయా కృతజగత్త్రయోల్లాసయా

    విభిన్నపురశాసయా వివశితోఽహమత్రాసయా .. 3..

కచాలిజితభృంగయా కమలజిత్త్వరాపాంగయా

    కుతూహలికురంగయా కుచయుగే మహాతుంగయా .

కనద్రుచితరంగయా కలితవిద్విషద్భంగయా

    ప్రసక్తహరసంగయా పరవశోఽస్మి వామాంగయా .. 4..

వతంసితకదంబయా వదనలోభిలోలంబయా

    కరాదృతకలంబయా క్రమవిధూతకాదంబయా .

ప్రణమ్రధృతశంబయా ప్రకటితాఖిలలంబయా

    హృతోఽస్మి జగదంబయా హృతశశాంకభృద్బింబయా .. 5..

జనీలసదహార్యయా జనిమతాం మనోధార్యయా

    సురారివధకార్యయా సుకృతివైదితౌదార్యయా .

పరిత్రయివిచార్యయా ప్రియకవృక్షభూచర్యయా

    ప్రకాశితహృదార్యయా పశుపతేరహం భార్యయా .. 6..

ప్రణమ్రసురవర్గయా ప్రకటితాత్మభూసర్గయా

    స్తువానమునిగర్గయా స్తుతికృదర్పితస్వర్గయా .

హిమాద్రికులనిర్గయా హితతరత్నయీమార్గయా

    మదాకులితభర్గయా మనసి మే స్థితం దుర్గయా .. 7..

పురో నటితరంభయా పురహరే స్థితారంభయా

    సమగ్రకుచకుంభయా సకలవంద్యవాగ్గుంభయా .

శరాహతనిశుంభయా శమితదుర్జనోజ్జృంభయా

    భవామ్యహమదంభయా పరవశో గణేడ్డింభయా .. 8..

ఇతి పార్వత్యష్టకం సంపూర్ణం ..

ప్రద్యుమ్నకృతం పార్వతీస్తోత్రం

ప్రద్యుమ్న ఉవాచ .

ఓం నమః కాత్యాయన్యై గుహస్య జనన్యై నమః .

నమస్త్రైలోక్యమాయాయై కాత్యాయన్యై నమో నమః .. 1..

నమః శత్రువినాశిన్యై నమో గార్గ్యై గిరీశయే .

నమస్యే శుంభహననీం నిశుంభహృదిదారణీం .. 2..

కాలరాత్రిం నమస్యేఽహం కుమారీం చాపి నిత్యశః .

కాంతారవాసినీం దేవీం నమస్యామి కృతాంజలిః .. 3..

వింధ్యవాసినీం దుర్గఘ్నీం రణదుర్గాం రణప్రియాం .

నమస్యామి మహాదేవీం జయాం చ విజయాం తథా .. 4..

అపరాజితాం నమస్యేఽహమజితాం శత్రుతాపనీం .

ఘంటాహస్తాం నమస్యామి ఘంటామాలాకులాం తథా .. 5..

త్రిశూలినీం నమస్యామి మహిషాసురఘాతినీం .

సింహవాహాం నమస్యామి సింహప్రవరకేతనాం .. 6..

ఏకానంశాం(?) నమస్యామి గాయత్రీం యజ్ఞసత్క్రియాం .

సావిత్రీం చాపి విప్రాణాం నమస్యేఽహం కృతాంజలిః .

రక్ష మాం దేవి సతతం సంగ్రామే విజయం కురు .. 7..

ఇతి హరివంశాంతర్గతం ప్రద్యుమ్నకృతం పార్వతీస్తోత్రం సంపూర్ణం .

హరివంశ . అనుబంధ - పరిశిష్ట . అధ్యాయ అ30.361..

పితృశర్మకృతం పార్వతీస్తోత్రం 6

పితృశర్మోవాచ .

నమః ప్రకృత్యై సర్వాయై కైవల్యాయై నమో నమః .

త్రిగుణైక్యస్వరూపాయై తురీయాయై నమో నమః .. 10..

మహత్తత్త్వజనన్యై చ ద్వన్న్ద్వకర్త్ర్యై నమో నమః .

బ్రహ్మమాతర్నమస్తుభ్యం సాహంకారపితామహి .. 11..

పృథగ్గుణాయై శుద్ధాయై నమో మాతర్నమో నమః .

విద్యాయై శుద్ధసత్త్వాయై లక్ష్మ్యై సత్త్వరజోమయి .. 12..

నమో మాతరవిద్యాయై తతః శుద్ధ్యై నమో నమః .

కాల్యై సత్త్వతమోభూత్యై నమో మాతర్నమో నమః .. 13..

స్త్రియై శుద్ధరజోమూర్త్యై నమస్త్రైలోక్యవాసిని .

నమో రజస్తమోమూర్త్యై దుర్గాయై చ నమో నమః .. 14..

ఇతి భవిష్యపురాణే ప్రతిసర్గపర్వణి ద్వతీయఖండే త్రింశాధ్యాయాంతర్గతం

         పితృశర్మకృతం పార్వతీస్తోత్రం సమాప్తం .

భవిష్యపురాణ . ప్రతిసర్గపర్వ . ద్వితీయఖండ . అధ్యాయ 30/10-14..