Sacred Stotras & Deities

అనిర్వాచ్యం రూపం స్తవననికరో యత్ర గలిత-
-స్తథా వక్ష్యే స్తోత్రం ప్రథమపురుషస్యాత్ర మహతః |
యతో జాతం విశ్వం స్థితమపి సదా యత్ర విలయః
స కీదృగ్గీర్వాణః సునిగమనుతః శ్రీగణపతిః || 1 ||
గణేశం గాణేశాః శివమితి చ శైవాశ్చ విబుధాః
రవిం సౌరా విష్ణుం ప్రథమపురుషం విష్ణుభజకాః |
వదంత్యేకం శాక్తాః జగదుదయమూలాం పరిశివాం
న జానే కిం తస్మై నమ ఇతి పరం బ్రహ్మ సకలం || 2 ||
తథేశం యోగజ్ఞా గణపతిమిమం కర్మ నిఖిలం
సమీమాంసా వేదాంతిన ఇతి పరం బ్రహ్మ సకలం |
అజాం సాంఖ్యో బ్రూతే సకలగుణరూపాం చ సతతం
ప్రకర్తారం న్యాయస్త్వథ జగతి బౌద్ధా ధియమితి || 3 ||
కథం జ్ఞేయో బుద్ధేః పరతర ఇయం బాహ్యసరణి-
-ర్యథా ధీర్యస్య స్యాత్స చ తదనురూపో గణపతిః |
మహత్కృత్యం తస్య స్వయమపి మహాన్సూక్ష్మమణువ-
-ద్ధ్వనిర్జ్యోతిర్బిందుర్గగనసదృశః కిం చ సదసత్ || 4 ||
అనేకాస్యోఽపారాక్షికరచరణోఽనంతహృదయ-
-స్తథా నానారూపో వివిధవదనః శ్రీగణపతిః |
అనంతాహ్వః శక్త్యా వివిధగుణకర్మైకసమయే
త్వసంఖ్యాతానంతాభిమతఫలదోఽనేకవిషయే || 5 ||
న యస్యాంతో మధ్యో న చ భవతి చాదిః సుమహతా-
-మలిప్తః కృత్వేత్థం సకలమపి ఖంవత్స చ పృథక్ |
స్మృతః సంస్మర్తౄణాం సకలహృదయస్థః ప్రియకరో
నమస్తస్మై దేవాయ సకలసువంద్యాయ మహతే || 6 ||
గణేశాద్యం బీజం దహనవనితాపల్లవయుతం
మనుశ్చైకార్ణోఽయం ప్రణవసహితోఽభీష్టఫలదః |
సబిందుశ్చాంగాద్యాం గణకఋషిఛందోఽస్య చ నిచృ-
-త్స దేవః ప్రాగ్బీజం విపదపి చ శక్తిర్జపకృతాం || 7 ||
గకారో హేరంబః సగుణ ఇతి పుంనిర్గుణమయో
ద్విధాప్యేకో జాతః ప్రకృతిపురుషో బ్రహ్మ హి గణః |
స చేశశ్చోత్పత్తిస్థితిలయకరోఽయం ప్రథమకో
యతో భూతం భవ్యం భవతి పతిరీశో గణపతిః || 8 ||
గకారః కంఠోర్ధ్వం గజముఖసమో మర్త్యసదృశో
ణకారః కంఠాధో జఠరసదృశాకార ఇతి చ |
అధోభావః కట్యాం చరణ ఇతి హీశోఽస్య చ తను-
-ర్విభాతీత్థం నామ త్రిభువనసమం భూర్భువః సువః || 9 ||
గణేశేతి త్ర్యర్ణాత్మకమపి వరం నామ సుఖదం
సకృత్ప్రోచ్చైరుచ్చారితమితి నృభిః పావనకరం |
గణేశస్యైకస్య ప్రతిజపకరస్యాస్య సుకృతం
న విజ్ఞాతో నాంనః సకలమహిమా కీదృశవిధః || 10 ||
గణేశేత్యాహ్వాం యః ప్రవదతి ముహుస్తస్య పురతః
ప్రపశ్యంస్తద్వక్త్రం స్వయమపి గణస్తిష్ఠతి తదా |
స్వరూపస్య జ్ఞానం త్వముక ఇతి నాంనాస్య భవతి
ప్రబోధః సుప్తస్య త్వఖిలమిహ సామర్థ్యమమునా || 11 ||
గణేశో విశ్వేఽస్మిన్ స్థిత ఇహ చ విశ్వం గణపతౌ
గణేశో యత్రాస్తే ధృతిమతిరమైశ్వర్యమఖిలం |
సముక్తం నామైకం గణపతిపదం మంగళమయం
తదేకాస్యే దృష్టే సకలవిబుధాస్యేక్షణసమం || 12 ||
బహుక్లేశైర్వ్యాప్తః స్మృత ఉత గణేశే చ హృదయే
క్షణాత్ క్లేశాన్ముక్తోభవతి సహసా త్వభ్రచయవత్ |
వనే విద్యారంభే యుధి రిపుభయే కుత్ర గమనే
ప్రవేశే ప్రాణాంతే గణపతిపదం చాశు విశతి || 13 ||
గణాధ్యక్షో జ్యేష్ఠః కపిల అపరో మంగళనిధి-
-ర్దయాలుర్హేరంబో వరద ఇతి చింతామణిరజః |
వరానీశో ఢుంఢిర్గజవదననామా శివసుతో
మయూరేశో గౌరీతనయ ఇతి నామాని పఠతి || 14 ||
మహేశోఽయం విష్ణుః సకవిరవిరిందుః కమలజః
క్షితిస్తోయం వహ్నిః శ్వసన ఇతి ఖం త్వద్రిరుదధిః |
కుజస్తారః శుక్రో పురురుడుబుధోఽగుశ్చ ధనదో
యమః పాశీ కావ్యః శనిరఖిలరూపో గణపతిః || 15 ||
ముఖం వహ్నిః పాదౌ హరిరపి విధాతా ప్రజననం
రవిర్నేత్రే చంద్రో హృదయమపి కామోఽస్య మదనః |
కరౌ శక్రః కట్యామవనిరుదరం భాతి దశనం
గణేశస్యాసన్వై క్రతుమయవపుశ్చైవ సకలం || 16 ||
అనర్ఘ్యాలంకారైరరుణవసనైర్భూషితతనుః
కరీంద్రాస్యః సింహాసనముపగతో భాతి బుధరాట్ |
స్మితాస్యాత్తన్మధ్యేఽప్యుదితరవిబింబోపమరుచిః
స్థితా సిద్ధిర్వామే మతిరితరగా చామరకరా || 17 ||
సమంతాత్తస్యాసన్ ప్రవరమునిసిద్ధాః సురగణాః
ప్రశంసంతీత్యగ్రే వివిధనుతిభిః సాంజలిపుటాః |
బిడౌజాద్యైర్బ్రహ్మాదిభిరనువృతో భక్తనికరై-
-ర్గణక్రీడామోదప్రముదవికటాద్యైః సహచరైః || 18 ||
వశిత్వాద్యష్టాష్టాదశదిగఖిలాల్లోలమనువా-
-గ్ధృతిః పాదూః ఖడ్గోంజనరసబలాః సిద్ధయ ఇమాః |
సదా పృష్ఠే తిష్ఠంత్యనిమిషదృశస్తన్ముఖలయాః
గణేశం సేవంతేఽప్యతినికటసూపాయనకరాః || 19 ||
మృగాంకాస్యా రంభాప్రభృతిగణికా యస్య పురతః
సుసంగీతం కుర్వంత్యపి కుతుకగంధర్వసహితాః |
ముదః పారో నాత్రేత్యనుపమపదే దౌర్విగలితా
స్థిరం జాతం చిత్తం చరణమవలోక్యాస్య విమలం || 20 ||
హరేణాయం ధ్యాతస్త్రిపురమథనే చాసురవధే
గణేశః పార్వత్యా బలివిజయకాలేఽపి హరిణా |
విధాత్రా సంసృష్టావురగపతినా క్షోణిధరణే
నరైః సిద్ధౌ ముక్తౌ త్రిభువనజయే పుష్పధనుషా || 21 ||
అయం సుప్రాసాదే సుర ఇవ నిజానందభువనే
మహాన్ శ్రీమానాద్యో లఘుతరగృహే రంకసదృశః |
శివద్వారే ద్వాఃస్థో నృప ఇవ సదా భూపతిగృహే
స్థితో భూత్వోమాంకే శిశుగణపతిర్లాలనపరః || 22 ||
అముష్మిన్ సంతుష్టే గజవదన ఏవాపి విబుధే
తతస్తే సంతుష్టాస్త్రిభువనగతాః స్యుర్బుధగణాః |
దయాళుర్హేరంబో న చ భవతి యస్మింశ్చ పురుషే
వృథా సర్వం తస్య ప్రజననమతః సాంద్రతమసి || 23 ||
వరేణ్యో భూశుండిర్భృగుగురుకుజా ముద్గలముఖా
హ్యపారాస్తద్భక్తా జపహవనపూజాస్తుతిపరాః |
గణేశోఽయం భక్తప్రియ ఇతి చ సర్వత్ర గదితం
విభక్తిర్యత్రాస్తే స్వయమపి సదా తిష్ఠతి గణః || 24 ||
మృదః కాశ్చిద్ధాతోశ్ఛదవిలిఖితా వాపి దృషదః
స్మృతా వ్యాజాన్మూర్తిః పథి యది బహిర్యేన సహసా |
అశుద్ధోఽద్ధా ద్రష్టా ప్రవదతి తదాహ్వాం గణపతేః
శ్రుతా శుద్ధో మర్త్యో భవతి దురితాద్విస్మయ ఇతి || 25 ||
బహిర్ద్వారస్యోర్ధ్వం గజవదనవర్ష్మేంధనమయం
ప్రశస్తం వా కృత్వా వివిధకుశలైస్తత్ర నిహతం |
ప్రభావాత్తన్మూర్త్యా భవతి సదనం మంగళమయం
విలోక్యానందస్తాం భవతి జగతో విస్మయ ఇతి || 26 ||
సితే భాద్రే మాసే ప్రతిశరది మధ్యాహ్నసమయే
మృదో మూర్తిం కృత్వా గణపతితిథౌ ఢుంఢిసదృశీం |
సమర్చత్యుత్సాహః ప్రభవతి మహాన్ సర్వసదనే
విలోక్యానందస్తాం ప్రభవతి నృణాం విస్మయ ఇతి || 27 ||
తథా హ్యేకః శ్లోకో వరయతి మహింనో గణపతేః
కథం స శ్లోకేఽస్మిన్ స్తుత ఇతి భవేత్సంప్రపతితే |
స్మృతం నామాస్యైకం సకృదిదమనంతాహ్వయసమం
యతో యస్యైకస్య స్తవనసదృశం నాన్యదపరం || 28 ||
గజవదన విభో యద్వర్ణితం వైభవం తే
త్విహ జనుషి మమేత్థం చారు తద్దర్శయాశు |
త్వమసి చ కరుణాయాః సాగరః కృత్స్నదాతా-
-ప్యతి తవ భృతకోఽహం సర్వదా చింతకోఽస్మి || 29 ||
సుస్తోత్రం ప్రపఠతు నిత్యమేతదేవ
స్వానందం ప్రతి గమనేఽప్యయం సుమార్గః |
సంచింత్యం స్వమనసి తత్పదారవిందం
స్థాప్యాగ్రే స్తవనఫలం నతీః కరిష్యే || 30 ||
గణేశదేవస్య మాహాత్ంయమేత-
-ద్యః శ్రావయేద్వాపి పఠేచ్చ తస్య |
క్లేశా లయం యాంతి లభేచ్చ శీఘ్రం
స్త్రీపుత్రవిద్యార్థగృహం చ ముక్తిం || 31 ||
ఇతి శ్రీపుష్పదంతవిరచితం శ్రీగణేశమహింనః స్తోత్రం |

అంగిరస ఉవాచ |
అనంతా అవతారాశ్చ గణేశస్య మహాత్మనః |
న శక్యతే కథాం వక్తుం మయా వర్షశతైరపి || 1 ||
సంక్షేపేణ ప్రవక్ష్యామి ముఖ్యానాం ముఖ్యతాం గతాన్ |
అవతారాంశ్చ తస్యాష్టౌ విఖ్యాతాన్ బ్రహ్మధారకాన్ || 2 ||
వక్రతుండావతారశ్చ దేహినాం బ్రహ్మధారకః |
మత్సురాసురహంతా స సింహవాహనగః స్మృతః || 3 ||
ఏకదంతావతారో వై దేహినాం బ్రహ్మధారకః |
మదాసురస్య హంతా స ఆఖువాహనగః స్మృతః || 4 ||
మహోదర ఇతి ఖ్యాతో జ్ఞానబ్రహ్మప్రకాశకః |
మోహాసురస్య శత్రుర్వై ఆఖువాహనగః స్మృతః || 5 ||
గజాననః స విజ్ఞేయః సాంఖ్యేభ్యః సిద్ధిదాయకః |
లోభాసురప్రహర్తా చ మూషకగః ప్రకీర్తితః || 6 ||
లంబోదరావతారో వై క్రోధాసురనిబర్హణః |
ఆఖుగః శక్తిబ్రహ్మా సన్ తస్య ధారక ఉచ్యతే || 7 ||
వికటో నామ విఖ్యాతః కామాసురప్రదాహకః |
మయూరవాహనశ్చాయం సౌరమాత్మధరః స్మృతః || 8 ||
విఘ్నరాజావతారశ్చ శేషవాహన ఉచ్యతే |
మమాసురప్రహంతా స విష్ణుబ్రహ్మేతి వాచకః || 9 ||
ధూంరవర్ణావతారశ్చాభిమానాసురనాశకః |
ఆఖువాహనతాం ప్రాప్తః శివాత్మకః స ఉచ్యతే || 10 ||
ఏతేఽష్టౌ తే మయా ప్రోక్తా గణేశాంశా వినాయకాః |
ఏషాం భజనమాత్రేణ స్వస్వబ్రహ్మప్రధారకాః || 11 ||
స్వానందవాసకారీ స గణేశానః ప్రకథ్యతే |
స్వానందే యోగిభిర్దృష్టో బ్రహ్మణి నాత్ర సంశయః || 12 ||
తస్యావతారరూపాశ్చాష్టౌ విఘ్నహరణాః స్మృతాః |
స్వానందభజనేనైవ లీలాస్తత్ర భవంతి హి || 13 ||
మాయా తత్ర స్వయం లీనా భవిష్యతి సుపుత్రక |
సంయోగే మౌనభావశ్చ సమాధిః ప్రాప్యతే జనైః || 14 ||
అయోగే గణరాజస్య భజనే నైవ సిద్ధ్యతి |
మాయాభేదమయం బ్రహ్మ నిర్వృత్తిః ప్రాప్యతే పరా || 15 ||
యోగాత్మకగణేశానో బ్రహ్మణస్పతివాచకః |
తత్ర శాంతిః సమాఖ్యాతా యోగరూపా జనైః కృతా || 16 ||
నానాశాంతిప్రమోదశ్చ స్థానే స్థానే ప్రకథ్యతే |
శాంతీనాం శాంతిరూపా సా యోగశాంతిః ప్రకీర్తితా || 17 ||
యోగస్య యోగతాదృష్టా సర్వబ్రహ్మ సుపుత్రక |
న యోగాత్పరమం బ్రహ్మ బ్రహ్మభూతేన లభ్యతే || 18 ||
ఏతదేవ పరం గుహ్యం కథితం వత్స తేఽలిఖం |
భజ త్వం సర్వభావేన గణేశం బ్రహ్మనాయకం || 19 ||
పుత్రపౌత్రాదిప్రదం స్తోత్రమిదం శోకవినాశనం |
ధనధాన్యసమృద్ధ్యాదిప్రదం భావి న సంశయః || 20 ||
ధర్మార్థకామమోక్షాణాం సాధనం బ్రహ్మదాయకం |
భక్తిదృఢకరం చైవ భవిష్యతి న సంశయః || 21 ||
ఇతి శ్రీముద్గలపురాణే గణేశావతారస్తోత్రం సంపూర్ణం |

1 ) సామూహిక శుభప్రాప్తికి :

దేవ్యా యయా తతమిదం జగదాత్మశక్త్యా.

తామంబికామఖిలదేవమహర్షిపూజ్యాం

నిశ్శేషదేవగణశక్తిసమూహమూర్త్యా।

భక్త్యా సతాః స్మ విదధాతు శుభాని సా నః ॥ 4-3 

2 ప్రపంచంలోగల అశుభములను, భయమును వినాశము చేయుటకు:

యస్యాః ప్రభావమతులం భగవాననంతో బ్రహ్మా హరశ్చ న హి వక్తుమలం బలం చ|

సా చండికాఖిలజగత్పరిపాలనాయ నాశాయ చాశుభభయస్య మతిం కరోతు ॥ 4-4

3) విశ్వ రక్షణ కొరకు :

యా శ్రీః స్వయం సుకృతినాం భవనేష్వలక్ష్మీః పాపాత్మనాం కృతధియాం హృదయేషు బుద్ధిః ।

శ్రద్ధా సతాం కులజనప్రభవస్య లజ్జా తాం త్వాం నతాః స్మ పరిపాలయ దేవి విశ్వమ్ || 4-5

4) విశ్వ అభ్యుదయము కొరకు :

విశ్వేశ్వరి త్వం పరిపాసి విశ్వం విశ్వాత్మికా ధారయసీతి విశ్వమ్ ।

విశ్వేశవంద్యా భవతీ భవంతి విశ్వాశ్రయా యే త్వయి భక్తినమ్రాః ॥ 11-33

5) విశ్వవ్యాప్తమైన విపత్తునాశము కొరకు :

దేవి ప్రపన్నార్తిహరే ప్రసీద ప్రసీద మాతర్జగతో ఖిలస్య |

ప్రసీద విశ్వేశ్వరి పాహి విశ్వం త్వమీశ్వరీ దేవి చరాచరస్య ॥ 11-3

6) విశ్వమునందుగల పాప - తాపముల - నివారణకు :

దేవి ప్రసీద పరిపాలయ నో2 రిభీతే-ర్నిత్యం యథాసురవధాదధునైవ సద్యః ।

పాపాని సర్వజగతాం ప్రశమం నయాశు ఉత్పాతపాకజనితాంశ్చ మహోపసర్గాన్ ॥ 11-34

7) విపత్తి నాశమునకు :

శరణాగతదీనార్తపరిత్రాణపరాయణే

 సర్వస్యార్తిహరే దేవి నారాయణి నమోస్తు తే ॥ 11-12

8) విపత్తినాశమునకు శుభప్రాప్తికి :

కరోతు సః సా శుభహేతురీశ్వరి |

శుభాని భద్రాణ్యభిహంతు చాపద : 5-81

9) భయ-నాశమునకు :

(క) సర్వస్వరూపే సర్వేశే సర్వశక్తిసమన్వితే । భయేభ్యస్త్రాహి నో

దేవి దుర్గే దేవి నమోస్తు తే || 11-24

(ఖ) ఏతత్తే వదనం సౌమ్యం లోచనత్రయభూషితమ్ |

పాతు నః సర్వభీతిభ్యః కాత్యాయని నమోస్తు తే || 11-25

(గ) జ్వాలాకరాలమత్యుగ్రమశేషాసురసూదనమ్ 1

త్రిశూలం పాతు నో భీతేర్భద్రకాళి నమోస్తు తే || 11-26

10) పాప-నాశమునకు

హినస్తి దైత్యతేజాంసి స్వనేనాపూర్య యా జగత్ | సా ఘంటా పాతు నో దేవి పాపేభ్యోనః సుతానివ ॥ 11-27

11) రోగ-నాశమునకు :

రోగానశేషానపహంసి తుష్టా రుష్టా తు కామాన్ సకలానభీష్టాన్ ।

త్వామాశ్రితానాం న విపన్నరాణాం త్వామాశ్రితా హ్యాశ్రయతాం ప్రయాంతి ॥ 11-29

12) మహామారీ - నాశమునకు

జయంతీ మంగళా కాళీ భద్రకాళీ కపాలినీ।

దుర్గా క్షమా శివా ధాత్రీ స్వాహా స్వధా నమోస్తు తే || అర్గలా-1

13) ఆరోగ్యము సౌభాగ్యము లభించుటకు :

దేహి సౌభాగ్యమారోగ్యం దేహి మే పరమం సుఖమ్ |

రూపం దేహి జయం దేహి యశో దేహి ద్విషో జహి ॥ అర్గలా-12

14) సులక్షణయగు పత్ని లభించుటకు :

పత్నీం మనోరమాం దేహి మనోవృత్తానుసారిణీమ్ |

 తారిణీం దుర్గసంసారసాగరస్య కులోద్భవామ్ ॥ అర్గలా-24

15) బాధా - శాంతి కొరకు

సర్వాబాధాప్రశమనంత్రైలోక్యస్యాఖిలేశ్వరి |

ఏవమేవ త్వయా కార్యమస్మద్వైరివినాశనమ్ || 11-39

16) సర్వవిధ అభ్యుదయముల కొరకు :

తే సమ్మతా జనపదేషు ధనాని తేషాం తేషాం యశాంసి న చ సీదతి ధర్మవర్గః |

ధన్యాస్త ఏవ నిభృతాత్మజభృత్యదారా యేషాం సదాభ్యుదయదా భవతీ ప్రసన్నా॥ 4-15

17) దారిద్య్ర దుఃఖాదినాశమునకు :

దుర్గే స్మృతా హరసి భీతిమశేషజంతోః

స్వస్టైః స్మృతా మతిమతీవ శుభాం దదాసి ।

దారిద్య్ర దుఃఖభయహారిణి కా త్వదన్యా

సర్వోపకారకరణాయ సదా 2 ర్ధచిత్తా ॥ 4-17

18) రక్షణ పొందుటకొరకు :

శూలేన పాహి నో దేవి పాహి ఖడ్గన చాంబికే

ఘంటాస్వనేన నః పాహి చాపజ్యానిఃస్వనేన ໖ ।। 4-24

19) సమస్త విద్యాప్రాప్తికి, సకలస్త్రీలయందు మాతృభావము కలుగుట కొరకు:

విద్యాః సమస్తాస్తవ దేవి భేదాః స్త్రియః సమస్తాః సకలా జగత్సు ।

త్వయైకయా పూరితమంబయైతత్ కా తే స్తుతిః స్తవ్యపరా పరోక్తిః ॥ 11-6

20) సకల శుభములకొరకు :

సర్వమంగళమాంగళ్యే శివే సర్వార్థసాధికే |

శరణ్యే త్ర్యంబకే గౌరి నారాయణి నమోస్తు తే ॥ 11-10

21) శక్తి-ప్రాప్తి కొరకు :

సృష్టిస్థితివినాశానాం శక్తిభూతే సనాతని |

గుణాశ్రయే గుణమయే నారాయణి నమోస్తు తే || 11-11

22) ప్రసన్నతా ప్రాప్తి కొరకు :

ప్రణతానాం ప్రసీద త్వం దేవి విశ్వార్తిహారిణి ।

త్రైలోక్యవాసినామీద్యే లోకానాం వరదా ລ້ = 11-35

23) వివిధ ఉపద్రవములనుండి రక్షింపబడుటకు :

రక్షాంసి యత్రోగ్రవిషాశ్చ నాగా యత్రారయో దస్యుబలాని యత్ర |

దావానలో యత్ర తథాబ్ధిమధ్యే తత్ర స్థితా త్వం పరిపాసి విశ్వమ్ ॥ 11-32

24) బాధా నివృత్తికి, ధనపుత్రాది ప్రాప్తికి :

సర్వాబాధావినిర్ముక్తో ధనధాన్యసుతాన్వితః |

మనుష్యో మత్ప్రసాదేన భవిష్యతి న సంశయః || 12-13

25) భుక్తి-ముక్తి ప్రాప్తికి

విధేహి దేవి కళ్యాణం విధేహి పరమాం శ్రియమ్ |

రూపం దేహి జయం దేహి యశో దేహి ద్విషో జహి || అర్గలా-14

26) పాపము నశించుటకు, భక్తి లభించుటకు :

నతేభ్యః సర్వదా భక్త్యా చండికే దురితాపహే ।

రూపం దేహి జయం దేహి యశో దేహి ద్విషో జహి ॥ అర్గలా-9

27) స్వర్గ, మోక్షప్రాప్తికి :

సర్వభూతా యదా స్వర్గముక్తిప్రదాయిని |

త్వం స్తుతా స్తుతయే కా వా భవంతు పరమోక్తయః ॥ 11-7

28) స్వర్గము మరియు ముక్తికొరకు

సర్వస్య బుద్ధిరూపేణ జనస్య హృది సంస్థితే |

స్వర్గాపవర్గదే దేవి నారాయణి నమోస్తు తే || 11-8

29) మోక్షప్రాప్తికి :

త్వం వైష్ణవీ శక్తిరనంతవీర్యా

                       విశ్వస్య బీజం పరమాసి మాయా ।

సమ్మోహితం దేవి సమస్తమేతత్

                        త్వం వై ప్రసన్నా భువి ముక్తిహేతుః || 11-5

30) స్వప్నమున సిద్ధ్యసిద్ధులను తెలియుటకు :

దుర్గే  దేవి నమస్తుభ్యం సర్వకామార్థసాధికే |

మమ సిద్ధిమసిద్ధిం వా స్వప్నే సర్వం ప్రదర్శయ ॥

31) సమస్త కార్యసిద్ధికి :

నమో దేవ్యై మహాదేవ్యై శివాయై సతతం నమః ।

నమః ప్రకృత్యై భద్రాయై నియతాః ప్రణతాః స్మ తామ్ || 5-9
 

శివ ఉవాచ |
గణేశహృదయం వక్ష్యే సర్వసిద్ధిప్రదాయకం |
సాధకాయ మహాభాగాః శీఘ్రేణ శాంతిదం పరం || 1 ||
అస్య శ్రీగణేశహృదయస్తోత్రమంత్రస్య శంభురృషిః | నానావిధాని ఛందాంసి | శ్రీమత్స్వానందేశో గణేశో దేవతా | గమితి బీజం | జ్ఞానాత్మికా శక్తిః | నాదః కీలకం | శ్రీగణపతిప్రీత్యర్థమభీష్టసిద్ధ్యర్థం జపే వినియోగః | గాం గీమితి న్యాసః |
ధ్యానం |
సిందూరాభం త్రినేత్రం పృథుతరజఠరం రక్తవస్త్రావృతం తం
పాశం చైవాంకుశం వై రదనమభయదం పాణిభిః సందధానం ||
సిద్ధ్యా బుద్ధ్యా చ శ్లిష్టం గజవదనమహం చింతయే హ్యేకదంతం
నానాభూషాభిరామం నిజజనసుఖదం నాభిశేషం గణేశం || 2 ||
ఓం గణేశమేకదంతం చ చింతామణిం వినాయకం |
ఢుంఢిరాజం మయూరేశం లంబోదరం గజాననం || 1 ||
హేరంబం వక్రతుండం చ జ్యేష్ఠరాజం నిజస్థితం |
ఆశాపూరం తు వరదం వికటం ధరణీధరం || 2 ||
సిద్ధిబుద్ధిపతిం వందే బ్రహ్మణస్పతిసంజ్ఞితం |
మాంగల్యేశం సర్వపూజ్యం విఘ్నానాం నాయకం పరం || 3 ||
ఏకవింశతి నామాని గణేశస్య మహాత్మనః |
అర్థేన సంయూతాన్యేవ హృదయం పరికీర్తితం || 4 ||
గకారరూపం వివిధం చరాచరం
ణకారగం బ్రహ్మ తథా పరాత్పరం |
తయోః స్థితాస్తస్య గణాః ప్రకీర్తితా
గణేశమేకం ప్రణమాంయహం పరం || 5 ||
మాయాస్వరూపం తు సదైకవాచకం
దంతః పరో మాయికరూపధారకః |
యోగే తయోరేకరదం సుమానిని
ధీస్థం నతోఽహం జనభక్తిలాలసం || 6 ||
చిత్తప్రకాశం వివిధేషు సంస్థం
లేపావలేపాదివివర్జితం చ |
భోగైర్విహీనం త్వథ భోగకారకం
చింతామణిం తం ప్రణమామి నిత్యం || 7 ||
వినాయకం నాయకవర్జితం ప్రియే
విశేషతో నాయకమీశ్వరాత్మనాం |
నిరంకుశం తం ప్రణమామి సర్వదం
సదాత్మకం భావయుతేన చేతసా || 8 ||
వేదాః పురాణాని మహేశ్వరాదికాః
శాస్త్రాణి యోగీశ్వరదేవమానవాః |
నాగాసురా బ్రహ్మగణాశ్చ జంతవో
ఢుంఢంతి వందే త్వథ ఢుంఢిరాజకం || 9 ||
మాయార్థవాచ్యో మయూరప్రభావో
నానాభ్రమార్థం ప్రకరోతి తేన |
తస్మాన్మయూరేశమథో వదంతి
నమామి మాయాపతిమాసమంతాత్ || 10 ||
యస్యోదరాద్విశ్వమిదం ప్రసూతం
బ్రహ్మాణి తద్వజ్జఠరే స్థితాని |
ఆనంత్యరూపం జఠరం హి యస్య
లంబోదరం తం ప్రణతోఽస్మి నిత్యం || 11 ||
జగద్గలాధో గణనాయకస్య
గజాత్మకం బ్రహ్మ శిరః పరేశం |
తయోశ్చ యోగే ప్రవదంతి సర్వే
గజాననం తం ప్రణమామి నిత్యం || 12 ||
దీనార్థవాచ్యస్త్వథ హేర్జగచ్చ
బ్రహ్మార్థవాచ్యో నిగమేషు రంబః |
తత్పాలకత్వాచ్చ తయోః ప్రయోగే
హేరంబమేకం ప్రణమామి నిత్యం || 13 ||
విశ్వాత్మకం యస్య శరీరమేకం
తస్మాచ్చ వక్త్రం పరమాత్మరూపం |
తుండం తదేవం హి తయోః ప్రయోగే
తం వక్రతుండం ప్రణమామి నిత్యం || 14 ||
మాతాపితాఽయం జగతాం పరేషాం
తస్యాపి మాతాజనకాదికం న |
శ్రేష్ఠం వదంతి నిగమాః పరేశం
తం జ్యేష్ఠరాజం ప్రణమామి నిత్యం || 15 ||
నానా చతుఃస్థం వివిధాత్మకేన
సంయోగరూపేణ నిజస్వరూపం |
పూర్యస్య సా పూర్ణసమాధిరూపా
స్వానందనాథం ప్రణమామి చాతః || 16 ||
మనోరథాన్ పూరయతీహ గంగే
చరాచరాణాం జగతాం పరేషాం |
అతో గణేశం ప్రవదంతి చాశా-
-ప్రపూరకం తం ప్రణమామి నిత్యం || 17 ||
వరైః సమస్థాపితమేవ సర్వం
విశ్వం తథా బ్రహ్మవిహారిణా చ |
అతః పరం విప్రముఖా వదంతి
వరప్రదం తం వరదం నతోఽస్మి || 18 ||
మాయామయం సర్వమిదం విభాతి
మిథ్యాస్వరూపం భ్రమదాయకం చ |
తస్మాత్పరం బ్రహ్మ వదంతి సత్య-
-మేనం పరేశం వికటం నమామి || 19 ||
చిత్తస్య ప్రోక్తా మునిభిః పృథివ్యో
నానావిధా యోగిభిరేవ గంగే |
తాసాం సదా ధారక ఏష వందే
చాహం హి ధరణీధరమాదిభూతం || 20 ||
విశ్వాత్మికా బ్రహ్మమయీ హి బుద్ధిః
తస్యా విమోహప్రదికా చ సిద్ధిః |
తాభ్యాం సదా ఖేలతి యోగనాథః
తం సిద్ధిబుద్ధీశమథో నమామి || 21 ||
అసత్యసత్సాంయతురీయనైజ-
-గనివృత్తిబ్రహ్మాణి విరచ్య ఖేలకః |
సదా స్వయం యోగమయేన భాతి
తమానతోఽహం త్వథ బ్రహ్మణస్పతిం || 22 ||
అమంగలం విశ్వమిదం సహాత్మభిః
అయోగసంయోగయుతం ప్రణశ్వరం |
తతః పరం మంగలరూపధారకం
నమామి మాంగల్యపతిం సుశాంతిదం || 23 ||
సర్వత్రమాన్యం సకలావభాసకం
సుజ్ఞైః శుభాదావశుభాదిపూజితం |
పూజ్యం న తస్మాన్నిగమాదిసంమతం
తం సర్వపూజ్యం ప్రణతోఽస్మి నిత్యం || 24 ||
భుక్తిం చ ముక్తిం చ దదాతి తుష్టో
యో విఘ్నహా భక్తిప్రియో నిజేభ్యః |
భక్త్యా విహీనాయ దదాతి విఘ్నాన్
తం విఘ్నరాజం ప్రణమామి నిత్యం || 25 ||
నామార్థయుక్తం కథితం ప్రియే తే
విఘ్నేశ్వరస్యైవ పరం రహస్యం |
సప్తత్రినాంనాం హృదయం నరో యో
జ్ఞాత్వా పరం బ్రహ్మమయో భవేదిహ || 26 ||
ఇతి శ్రీముద్గలపురాణే గణేశహృదయ స్తోత్రం ||

నమస్తస్మై గణేశాయ సర్వవిఘ్నవినాశినే |
కార్యారంభేషు సర్వేషు పూజితో యః సురైరపి || 1 ||
పార్వత్యువాచ |
భగవన్ దేవదేవేశ లోకానుగ్రహకారకః |
ఇదానీం శ్రోతృమిచ్ఛామి కవచం యత్ప్రకాశితం || 2 ||
ఏకాక్షరస్య మంత్రస్య త్వయా ప్రీతేన చేతసా |
వదైతద్విధివద్దేవ యది తే వల్లభాస్ంయహం || 3 ||
ఈశ్వర ఉవాచ |
శృణు దేవి ప్రవక్ష్యామి నాఖ్యేయమపి తే ధ్రువం |
ఏకాక్షరస్య మంత్రస్య కవచం సర్వకామదం || 4 ||
యస్య స్మరణమాత్రేణ న విఘ్నాః ప్రభవంతి హి |
త్రికాలమేకకాలం వా యే పఠంతి సదా నరాః || 5 ||
తేషాం క్వాపి భయం నాస్తి సంగ్రామే సంకటే గిరౌ |
భూతవేతాలరక్షోభిర్గ్రహైశ్చాపి న బాధ్యతే || 6 ||
ఇదం కవచమజ్ఞాత్వా యో జపేద్గణనాయకం |
న చ సిద్ధిమవాప్నోతి మూఢో వర్షశతైరపి || 7 ||
అఘోరో మే యథా మంత్రో మంత్రాణాముత్తమోత్తమః |
తథేదం కవచం దేవి దుర్లభం భువి మానవైః || 8 ||
గోపనీయం ప్రయత్నేన నాజ్యేయం యస్య కస్యచిత్ |
తవ ప్రీత్యా మహేశాని కవచం కథ్యతేఽద్భుతం || 9 ||
ఏకాక్షరస్య మంత్రస్య గణకశ్చర్షిరీరితః |
త్రిష్టుప్ ఛందస్తు విఘ్నేశో దేవతా పరికీర్తితా || 10 ||
గం బీజం శక్తిరోంకారః సర్వకామార్థసిద్ధయే |
సర్వవిఘ్నవినాశాయ వినియోగస్తు కీర్తితః || 11 ||
ధ్యానం |
రక్తాంభోజస్వరూపం లసదరుణసరోజాధిరూఢం త్రినేత్రం
పాశం చైవాంకుశం వా వరదమభయదం బాహుభిర్ధారయంతం |
శక్త్యా యుక్తం గజాస్యం పృథుతరజఠరం నాగయజ్ఞోపవీతం
దేవం చంద్రార్ధచూడం సకలభయహరం విఘ్నరాజం నమామి || 12 ||
కవచం |
గణేశో మే శిరః పాతు ఫాలం పాతు గజాననః |
నేత్రే గణపతిః పాతు గజకర్ణః శ్రుతీ మమ || 13 ||
కపోలౌ గణనాథస్తు ఘ్రాణం గంధర్వపూజితః |
ముఖం మే సుముఖః పాతు చిబుకం గిరిజాసుతః || 14 ||
జిహ్వాం పాతు గణక్రీడో దంతాన్ రక్షతు దుర్ముఖః |
వాచం వినాయకః పాతు కంఠం పాతు మదోత్కటః || 15 ||
స్కంధౌ పాతు గజస్కంధో బాహూ మే విఘ్ననాశనః |
హస్తౌ రక్షతు హేరంబో వక్షః పాతు మహాబలః || 16 ||
హృదయం మే గణపతిరుదరం మే మహోదరః |
నాభిం గంభీరహృదయో పృష్ఠం పాతు సురప్రియః || 17 ||
కటిం మే వికటః పాతు గుహ్యం మే గుహపూజితః |
ఊరూ మే పాతు కౌమారం జానునీ చ గణాధిపః || 18 ||
జంఘే జయప్రదః పాతు గుల్ఫౌ మే ధూర్జటిప్రియః |
చరణౌ దుర్జయః పాతు సాంగం మే గణనాయకః || 19 ||
ఆమోదో మేఽగ్రతః పాతు ప్రమోదః పాతు పృష్ఠతః |
దక్షిణే పాతు సిద్ధీశో వామే విద్యాధరార్చితః || 20 ||
ప్రాచ్యాం రక్షతు మాం నిత్యం చింతామణివినాయకః |
ఆగ్నేయ్యాం వక్రతుండో మే దక్షిణస్యాముమాసుతః || 21 ||
నైరృత్యాం సర్వవిఘ్నేశో పాతు నిత్యం గణేశ్వరః |
ప్రతీచ్యాం సిద్ధిదః పాతు వాయవ్యాం గజకర్ణకః || 22 ||
కౌబేర్యాం సర్వసిద్ధీశో ఈశాన్యామీశనందనః |
ఊర్ధ్వం వినాయకః పాతు అధో మూషకవాహనః || 23 ||
దివా గోక్షీరధవళః పాతు నిత్యం గజాననః |
రాత్రౌ పాతు గణక్రీడో సంధ్యయో సురవందితః || 24 ||
పాశాంకుశాభయకరః సర్వతః పాతు మాం సదా |
గ్రహభూతపిశాచేభ్యో పాతు నిత్యం గణేశ్వరః || 25 ||
సత్త్వం రజస్తమో వాచం బుద్ధిం జ్ఞానం స్మృతిం దయాం |
ధర్మం చతుర్విధం లక్ష్మీం లజ్జాం కీర్తిం కులం వపుః || 26 ||
ధనధాన్యగృహాన్దారాన్ పుత్రాన్పౌత్రాన్ సఖీంస్తథా |
ఏకదంతోఽవతు శ్రీమాన్ సర్వతః శంకరాత్మజః || 27 ||
సిద్ధిదం కీర్తిదం దేవి ప్రపఠేన్నియతః శుచిః |
ఏకకాలం ద్వికాలం వా త్రికాలం వాపి భక్తితః || 28 ||
న తస్య దుర్లభం కించిత్ త్రిషు లోకేషు విద్యతే |
సర్వపాపవినిర్ముక్తో జాయతే భువి మానవః || 29 ||
యం యం కామయతే మర్త్యః సుదుర్లభమనోరథం |
తం తం ప్రాప్నోతి సకలం షణ్మాసాన్నాత్ర సంశయః || 30 ||
మోహనస్తంభనాకర్షమారణోచ్చాటనం వశం |
స్మరణాదేవ జాయంతే నాత్ర కార్యా విచారణా || 31 ||
సర్వవిఘ్నహరేద్దేవీం గ్రహపీడానివారణం |
సర్వశత్రుక్షయకరం సర్వాపత్తినివారణం || 32 ||
ధృత్వేదం కవచం దేవి యో జపేన్మంత్రముత్తమం |
న వాచ్యతే స విఘ్నౌఘైః కదాచిదపి కుత్రచిత్ || 33 ||
భూర్జే లిఖిత్వా విధివద్ధారయేద్యో నరః శుచిః |
ఏకబాహో శిరః కంఠే పూజయిత్వా గణాధిపం || 34 ||
ఏకాక్షరస్య మంత్రస్య కవచం దేవి దుర్లభం |
యో ధారయేన్మహేశాని న విఘ్నైరభిభూయతే || 35 ||
గణేశహృదయం నామ కవచం సర్వసిద్ధిదం |
పఠేద్వా పాఠయేద్వాపి తస్య సిద్ధిః కరే స్థితా || 36 ||
న ప్రకాశ్యం మహేశాని కవచం యత్ర కుత్రచిత్ |
దాతవ్యం భక్తియుక్తాయ గురుదేవపరాయ చ || 37 ||
ఇతి శ్రీరుద్రయామలే పార్వతీపరమేశ్వర సంవాదే శ్రీ గణేశ హృదయ కవచం సంపూర్ణం |

ధ్యానం |
త్రినేత్రం గజాస్యం చతుర్బాహుధారం
పరశ్వాదిశస్త్రైర్యుతం భాలచంద్రం |
నరాకారదేహం సదా యోగశాంతం
గణేశం భజే సర్వవంద్యం పరేశం || 1 ||
బిందురూపో వక్రతుండో రక్షతు మే హృది స్థితః |
దేహాంశ్చతుర్విధాంస్తత్త్వాంస్తత్త్వాధారః సనాతనః || 2 ||
దేహమోహయుతం హ్యేకదంతః సోఽహం స్వరూపధృక్ |
దేహినం మాం విశేషేణ రక్షతు భ్రమనాశకః || 3 ||
మహోదరస్తథా దేవో నానాబోధాన్ ప్రతాపవాన్ |
సదా రక్షతు మే బోధానందసంస్థో హ్యహర్నిశం || 4 ||
సాంఖ్యాన్ రక్షతు సాంఖ్యేశో గజాననః సుసిద్ధిదః |
అసత్యేషు స్థితం మాం స లంబోదరశ్చ రక్షతు || 5 ||
సత్సు స్థితం సుమోహేన వికటో మాం పరాత్పరః |
రక్షతు భక్తవాత్సల్యాత్ సదైకామృతధారకః || 6 ||
ఆనందేషు స్థితం నిత్యం మాం రక్షతు సమాత్మకః |
విఘ్నరాజో మహావిఘ్నైర్నానాఖేలకరః ప్రభుః || 7 ||
అవ్యక్తేషు స్థితం నిత్యం ధూంరవర్ణః స్వరూపధృక్ |
మాం రక్షతు సుఖాకారః సహజః సర్వపూజితః || 8 ||
స్వసంవేద్యేషు సంస్థం మాం గణేశః స్వస్వరూపధృక్ |
రక్షతు యోగభావేన సంస్థితో భవనాయకః || 9 ||
అయోగేషు స్థితం నిత్యం మాం రక్షతు గణేశ్వరః |
నివృత్తిరూపధృక్ సాక్షాదసమాధిసుఖే రతః || 10 ||
యోగశాంతిధరో మాం తు రక్షతు యోగసంస్థితం |
గణాధీశః ప్రసన్నాత్మా సిద్ధిబుద్ధిసమన్వితః || 11 ||
పురో మాం గజకర్ణశ్చ రక్షతు విఘ్నహారకః |
వాహ్న్యాం యాంయాం చ నైరృత్యాం చింతామణిర్వరప్రదః || 12 ||
రక్షతు పశ్చిమే ఢుంఢిర్హేరంబో వాయుదిక్ స్థితం |
వినాయకశ్చోత్తరే తు ప్రమోదశ్చేశదిక్ స్థితం || 13 ||
ఊర్ధ్వం సిద్ధిపతిః పాతు బుద్ధీశోఽధః స్థితం సదా |
సర్వాంగేషు మయూరేశః పాతు మాం భక్తిలాలసః || 14 ||
యత్ర తత్ర స్థితం మాం తు సదా రక్షతు యోగపః |
పురశుపాశసంయుక్తో వరదాభయధారకః || 15 ||
ఇదం గణపతేః ప్రోక్తం వజ్రపంజరకం పరం |
ధారయస్వ మహాదేవ విజయీ త్వం భవిష్యసి || 16 ||
య ఇదం పంజరం ధృత్వా యత్ర కుత్ర స్థితో భవేత్ |
న తస్య జాయతే క్వాపి భయం నానాస్వభావజం || 17 ||
యః పఠేత్ పంజరం నిత్యం స ఈప్సితమవాప్నుయాత్ |
వజ్రసారతనుర్భూత్వా చరేత్సర్వత్ర మానవః || 18 ||
త్రికాలం యః పఠేన్నిత్యం స గణేశ ఇవాపరః |
నిర్విఘ్నః సర్వకార్యేషు బ్రహ్మభూతో భవేన్నరః || 19 ||
యః శృణోతి గణేశస్య పంజరం వజ్రసంజ్ఞకం |
ఆరోగ్యాదిసమాయుక్తో భవతే గణపప్రియః || 20 ||
ధనం ధాన్యం పశూన్ విద్యామాయుష్యం పుత్రపౌత్రకం |
సర్వసంపత్సమాయుక్తమైశ్వర్యం పఠనాల్లభేత్ || 21 ||
న భయం తస్య వజ్రాత్తు చక్రాచ్ఛూలాద్భవేత్ కదా |
శంకరాదేర్మహాదేవ పఠనాదస్య నిత్యశః || 22 ||
యం యం చింతయతే మర్త్యస్తం తం ప్రాప్నోతి శాశ్వతం |
పఠనాదస్య విఘ్నేశ పంజరస్య నిరంతరం || 23 ||
లక్షావృత్తిభిరేవం స సిద్ధపంజరకో భవేత్ |
స్తంభయేదపి సూర్యం తు బ్రహ్మాండం వశమానయేత్ || 24 ||
ఏవముక్త్వా గణేశానోఽంతర్దధే మునిసత్తమ |
శివో దేవాదిభిర్యుక్తో హర్షితః సంబభూవ హ || 25 ||
ఇతి శ్రీమన్ముద్గలే మహాపురాణే ధూంరవర్ణచరితే వజ్రపంజరకథనం నామ త్రయోవింశోఽధ్యాయః |

ఓమిత్యాదౌ వేదవిదో యం ప్రవదంతి
బ్రహ్మాద్యా యం లోకవిధానే ప్రణమంతి |
యోఽంతర్యామీ ప్రాణిగణానాం హృదయస్థః
తం విఘ్నేశం దుఃఖవినాశం కలయామి || 1 ||
గంగాగౌరీశంకరసంతోషకవృత్తం
గంధర్వాలీగీతచరిత్రం సుపవిత్రం |
యో దేవానామాదిరనాదిర్జగదీశః
తం విఘ్నేశం దుఃఖవినాశం కలయామి || 2 ||
గచ్ఛేత్సిద్ధిం యన్మనుజాపీ కార్యాణాం
గంతా పారం సంసృతిసింధోర్యద్వేత్తా |
గర్వగ్రంథేర్యః కిల భేత్తా గణరాజః
తం విఘ్నేశం దుఃఖవినాశం కలయామి || 3 ||
తణ్యేత్యుచ్చైర్వర్ణజమాదౌ పూజార్థం
యద్యంత్రాంతః పశ్చిమకోణే నిర్దిష్టం |
బీజం ధ్యాతుః పుష్టిదమాథ్వరణవాక్యైః
తం విఘ్నేశం దుఃఖవినాశం కలయామి || 4 ||
పద్భ్యాం పద్మశ్రీమదహృద్భ్యాం ప్రత్యూషే
మూలాధారాంభోరుహ భాస్వద్భానుభ్యాం |
యోగీ యస్య ప్రత్యహమజపార్పణదక్షః
తం విఘ్నేశం దుఃఖవినాశం కలయామి || 5 ||
తత్త్వం యస్య శ్రుతిగురువాక్యైరధిగత్య
జ్ఞానీ ప్రారబ్ధానుభవాంతే నిజధామ |
శాంతావిద్యస్తత్కృతబోధః స్వయమీయాత్
తం విఘ్నేశం దుఃఖవినాశం కలయామి || 6 ||
యే యే భోగా లోకహితార్థాః సపుమార్థాః
యే యే యోగాః సాధ్యసులోకాః సుకృతార్థాః |
తే సర్వే స్యుర్యన్మనుజపతః పురుషాణాం
తం విఘ్నేశం దుఃఖవినాశం కలయామి || 7 ||
నత్వా నిత్యం యస్య పదాబ్జం ముహురర్థీ
నిర్ద్వైతాత్మాఖండసుఖః స్యాద్ధతమోహః |
కామాన్ప్రాప్నోతీతి కిమాశ్చర్యమిదానీం
తం విఘ్నేశం దుఃఖవినాశం కలయామి || 8 ||
మస్తప్రోద్యచ్చంద్రకిశోరం కరివక్త్రం
పుస్తాక్షస్రక్పాశ సృణీస్ఫీతకరాబ్జం |
శూర్పశ్రోత్రం సుందరగాత్రం శివపుత్రం
తం విఘ్నేశం దుఃఖవినాశం కలయామి || 9 ||
సిద్ధాంతార్థాం సిద్ధిగణేశస్తుతిమేనాం
సుబ్రహ్మణ్యాహ్వయసూర్యుక్తామనుయుక్తాం |
ఉక్త్వా శ్రుత్వాపేక్షితకార్యం నిర్విఘ్నం
ముక్త్వా మోహం బోధముపేయాత్తద్భక్తః || 10 ||
ఇతి శ్రీసుబ్రహ్మణ్యయోగి కృత శ్రీగణేశమంత్రప్రభావ స్తుతిః |

ఓమిత్యేతదజస్య కంఠవివరం భిత్వా బహిర్నిర్గతం
చోమిత్యేవ సమస్తకర్మ ఋషిభిః ప్రారభ్యతే మానుషైః |
ఓమిత్యేవ సదా జపంతి యతయః స్వాత్మైకనిష్ఠాః పరం
చోం‍కారాకృతివక్త్రమిందునిటిలం విఘ్నేశ్వరం భవాయే || 1 ||
శ్రీం బీజం శ్రమదుఃఖజన్మమరణవ్యాధ్యాధిభీనాశకం
మృత్యుక్రోధనశాంతిబిందువిలసద్వర్ణాకృతి శ్రీప్రదం |
స్వాంతస్థాత్మశరస్య లక్ష్యమజరస్వాత్మావబోధప్రదం
శ్రీశ్రీనాయకసేవితేభవదనప్రేమాస్పదం భావయే || 2 ||
హ్రీం బీజం హృదయత్రికోణవిలసన్మధ్యాసనస్థం సదా
చాకాశానలవామలోచననిశానాథార్ధవర్ణాత్మకం |
మాయాకార్యజగత్ప్రకాశకముమారూపం స్వశక్తిప్రదం
మాయాతీతపదప్రదం హృది భజే లోకేశ్వరారాధితం || 3 ||
క్లీం బీజం కలిధాతువత్కలయతాం సర్వేష్టదం దేహినాం
ధాతృక్ష్మాయుతశాంతిబిందువిలసద్వర్ణాత్మకం కామదం |
శ్రీకృష్ణప్రియమిందిరాసుతమనఃప్రీత్యేకహేతుం పరం
హృత్పద్మే కలయే సదా కలిహరం కాలారిపుత్రప్రియం || 4 ||
గ్లౌం బీజం గుణరూపనిర్గుణపరబ్రహ్మాదిశక్తేర్మహా-
-హంకారాకృతిదండినీప్రియమజశ్రీనాథరుద్రేష్టదం |
సర్వాకర్షిణిదేవరాజభువనార్ణేంద్వాత్మకం శ్రీకరం
చిత్తే విఘ్ననివారణాయ గిరిజాజాతప్రియం భావయే || 5 ||
గంగాసుతం గంధముఖోపచార-
-ప్రియం ఖగారోహణభాగినేయం |
గంగాసుతాద్యం వరగంధతత్త్వ-
-మూలాంబుజస్థం హృది భావయేఽహం || 6 ||
గణపతయే వరగుణనిధయే
సురగణపతయే నతజనతతయే |
మణిగణభూషితచరణయుగా-
-శ్రితమలహరణే చణ తే నమః || 7 ||
వరాభయే మోదకమేకదంతం
కరాంబుజాతైః సతతం ధరంతం |
వరాంగచంద్రం పరభక్తిసాంద్రై-
-ర్జనైర్భజంతం కలయే సదాఽంతః || 8 ||
వరద నతజనానాం సంతతం వక్రతుండ
స్వరమయనిజగాత్ర స్వాత్మబోధైకహేతో |
కరలసదమృతాంభః పూర్ణపత్రాద్య మహ్యం
గరగలసుత శీఘ్రం దేహి మద్బోధమీడ్యం || 9 ||
సర్వజనం పరిపాలయ శర్వజ
పర్వసుధాకరగర్వహర |
పర్వతనాథసుతాసుత పాలయ
ఖర్వం మా కురు దీనమిమం || 10 ||
మేదోఽస్థిమాంసరుధిరాంత్రమయే శరీరే
మేదిన్యబగ్నిమరుదంబరలాస్యమానే |
మే దారుణం మదముఖాఘముమాజ హృత్వా
మేధాహ్వయాసనవరే వస దంతివక్త్ర || 11 ||
వశం కురు త్వం శివజాత మాం తే
వశీకృతాశేషసమస్తలోక |
వసార్ణసంశోభితమూలపద్మ-
-లసచ్ఛ్రియాఽలింగిత వారణాస్య || 12 ||
ఆనయాశు పదవారిజాంతికం
మాం నయాదిగుణవర్జితం తవ |
హానిహీనపదజామృతస్య తే
పానయోగ్యమిభవక్త్ర మాం కురు || 13 ||
స్వాహాస్వరూపేణ విరాజసే త్వం
సుధాశనానాం ప్రియకర్మణీడ్య |
స్వధాస్వరూపేణ తు పిత్ర్యకర్మ-
-ణ్యుమాసుతేజ్యామయ విశ్వమూర్తే || 14 ||
అష్టావింశతివర్ణపత్రలసితం హారం గణేశప్రియం
కష్టాఽనిష్టహరం చతుర్దశపదైః పుష్పైర్మనోహారకం |
తుష్ట్యాదిప్రదసద్గురూత్తమపదాంభోజే చిదానందదం
శిష్టేష్టోఽహమనంతసూత్రహృదయాబద్ధం సుభక్త్యార్పయే || 15 ||
ఇతి శ్రీఅనంతానందనాథకృత శ్రీ గణేశ మూలమంత్రపదమాలా స్తోత్రం |

రణత్క్షుద్రఘంటానినాదాభిరామం
చలత్తాండవోద్దండవత్పద్మతాలం |
లసత్తుందిలాంగోపరివ్యాలహారం
గణాధీశమీశానసూనుం తమీడే || 1 ||
ధ్వనిధ్వంసవీణాలయోల్లాసివక్త్రం
స్ఫురచ్ఛుండదండోల్లసద్బీజపూరం |
గలద్దర్పసౌగంధ్యలోలాలిమాలం
గణాధీశమీశానసూనుం తమీడే || 2 ||
ప్రకాశజ్జపారక్తరత్నప్రసూన-
-ప్రవాలప్రభాతారుణజ్యోతిరేకం |
ప్రలంబోదరం వక్రతుండైకదంతం
గణాధీశమీశానసూనుం తమీడే || 3 ||
విచిత్రస్ఫురద్రత్నమాలాకిరీటం
కిరీటోల్లసచ్చంద్రరేఖావిభూషం |
విభూషైకభూషం భవధ్వంసహేతుం
గణాధీశమీశానసూనుం తమీడే || 4 ||
ఉదంచద్భుజావల్లరీదృశ్యమూలో-
-చ్చలద్భ్రూలతావిభ్రమభ్రాజదక్షం |
మరుత్సుందరీచామరైః సేవ్యమానం
గణాధీశమీశానసూనుం తమీడే || 5 ||
స్ఫురన్నిష్ఠురాలోలపింగాక్షితారం
కృపాకోమలోదారలీలావతారం |
కలాబిందుగం గీయతే యోగివర్యై-
-ర్గణాధీశమీశానసూనుం తమీడే || 6 ||
యమేకాక్షరం నిర్మలం నిర్వికల్పం
గుణాతీతమానందమాకారశూన్యం |
పరం పారమోంకారమాంనాయగర్భం
వదంతి ప్రగల్భం పురాణం తమీడే || 7 ||
చిదానందసాంద్రాయ శాంతాయ తుభ్యం
నమో విశ్వకర్త్రే చ హర్త్రే చ తుభ్యం |
నమోఽనంతలీలాయ కైవల్యభాసే
నమో విశ్వబీజ ప్రసీదేశసూనో || 8 ||
ఇమం సుస్తవం ప్రాతరుత్థాయ భక్త్యా
పఠేద్యస్తు మర్త్యో లభేత్సర్వకామాన్ |
గణేశప్రసాదేన సిధ్యంతి వాచో
గణేశే విభౌ దుర్లభం కిం ప్రసన్నే || 9 ||
ఇతి శ్రీమచ్ఛంకరాచార్య కృత శ్రీగణేశ భుజంగం |

శుక్లాంబరధరం విష్ణుం శశివర్ణం చతుర్భుజం
ప్రసన్నవదనం ధ్యాయేత్ సర్వ విఘ్నోపశాంతయే ||
అగజానన పద్మార్కం గజాననమహర్నిశం
అనేకదం తం భక్తానాం ఏకదంతముపాస్మహే ||
వక్రతుండ మహాకాయ సూర్యకోటి సమప్రభ |
నిర్విఘ్నం కురు మే దేవ సర్వకార్యేషు సర్వదా ||
గజాననం భూతగణాదిసేవితం
కపిత్థ జంబూ ఫలసార భక్షణం |
ఉమాసుతం శోకవినాశకారకం
నమామి విఘ్నేశ్వర పాదపంకజం ||
విఘ్నేశ్వరాయ వరదాయ సురప్రియాయ
లంబోదరాయ సకలాయ జగద్ధితాయ |
నాగాననాయ శృతియజ్ఞ-విభూషితాయ
గౌరీసుతాయ గణనాథ నమో నమస్తే ||

నమోఽస్తు గణనాథాయ సిద్ధిబుద్ధియుతాయ చ |
సర్వప్రదాయ దేవాయ పుత్రవృద్ధిప్రదాయ చ || 1 ||
గురూదరాయ గురవే గోప్త్రే గుహ్యాసితాయ తే |
గోప్యాయ గోపితాశేషభువనాయ చిదాత్మనే || 2 ||
విశ్వమూలాయ భవ్యాయ విశ్వసృష్టికరాయ తే |
నమో నమస్తే సత్యాయ సత్యపూర్ణాయ శుండినే || 3 ||
ఏకదంతాయ శుద్ధాయ సుముఖాయ నమో నమః |
ప్రపన్నజనపాలాయ ప్రణతార్తివినాశినే || 4 ||
శరణం భవ దేవేశ సంతతిం సుదృఢా కురు |
భవిష్యంతి చ యే పుత్రా మత్కులే గణనాయక || 5 ||
తే సర్వే తవ పూజార్థం నిరతాః స్యుర్వరోమతః |
పుత్రప్రదమిదం స్తోత్రం సర్వసిద్ధిప్రదాయకం || 6 ||

స్మరామి దేవదేవేశం వక్రతుండం మహాబలం |
షడక్షరం కృపాసింధుం నమామి ఋణముక్తయే || 1 ||
ఏకాక్షరం హ్యేకదంతం ఏకం బ్రహ్మ సనాతనం |
ఏకమేవాద్వితీయం చ నమామి ఋణముక్తయే || 2 ||
మహాగణపతిం దేవం మహాసత్త్వం మహాబలం |
మహావిఘ్నహరం శంభోః నమామి ఋణముక్తయే || 3 ||
కృష్ణాంబరం కృష్ణవర్ణం కృష్ణగంధానులేపనం |
కృష్ణసర్పోపవీతం చ నమామి ఋణముక్తయే || 4 ||
రక్తాంబరం రక్తవర్ణం రక్తగంధానులేపనం |
రక్తపుష్పప్రియం దేవం నమామి ఋణముక్తయే || 5 ||
పీతాంబరం పీతవర్ణం పీతగంధానులేపనం |
పీతపుష్పప్రియం దేవం నమామి ఋణముక్తయే || 6 ||
ధూంరాంబరం ధూంరవర్ణం ధూంరగంధానులేపనం |
హోమధూమప్రియం దేవం నమామి ఋణముక్తయే || 7 ||
ఫాలనేత్రం ఫాలచంద్రం పాశాంకుశధరం విభుం |
చామరాలంకృతం దేవం నమామి ఋణముక్తయే || 8 ||
ఇదం త్వృణహరం స్తోత్రం సంధ్యాయాం యః పఠేన్నరః |
షణ్మాసాభ్యంతరేణైవ ఋణముక్తో భవిష్యతి || 9 ||