Sacred Stotras & Deities

శ్రీ దుర్గా ఆర్యా స్తవం

శ్రీ దుర్గా ఆర్యా స్తవం.

Telugu

శ్రీ దుర్గా ఆర్యా స్తవం

వైశంపాయన ఉవాచ |
ఆర్యాస్తవం ప్రవక్ష్యామి యథోక్తమృషిభిః పురా |
నారాయణీం నమస్యామి దేవీం త్రిభువనేశ్వరీం || 1 ||
త్వం హి సిద్ధిర్ధృతిః కీర్తిః శ్రీర్విద్యా సన్నతిర్మతిః |
సంధ్యా రాత్రిః ప్రభా నిద్రా కాలరాత్రిస్తథైవ చ || 2 ||
ఆర్యా కాత్యాయనీ దేవీ కౌశికీ బ్రహ్మచారిణీ |
జననీ సిద్ధసేనస్య ఉగ్రచారీ మహాబలా || 3 ||
జయా చ విజయా చైవ పుష్టిస్తుష్టిః క్షమా దయా |
జ్యేష్ఠా యమస్య భగినీ నీలకౌశేయవాసినీ || 4 ||
బహురూపా విరూపా చ అనేకవిధిచారిణీ |
విరూపాక్షీ విశాలాక్షీ భక్తానాం పరిరక్షిణీ || 5 ||
పర్వతాగ్రేషు ఘోరేషు నదీషు చ గుహాసు చ |
వాసస్తే చ మహాదేవి వనేషూపవనేషు చ || 6 ||
శబరైర్బర్బరైశ్చైవ పులిందైశ్చ సుపూజితా |
మయూరపిచ్ఛధ్వజినీ లోకాన్ క్రమసి సర్వశః || 7 ||
కుకుటైశ్ఛాగలైర్మేషైః సింహైర్వ్యాఘ్రైః సమాకులా |
ఘంటానినాదబహులా వింధ్యవాసిన్యభిశ్రుతా || 8 ||
త్రిశూలీ పట్టిశధరా సూర్యచంద్రపతాకినీ |
నవమీ కృష్ణపక్షస్య శుక్లస్యైకాదశీ తథా || 9 ||
భగినీ బలదేవస్య రజనీ కలహప్రియా |
ఆవాసః సర్వభూతానాం నిష్ఠా చ పరమా గతిః || 10 ||
నందగోపసుతా చైవ దేవానాం విజయావహా |
చీరవాసాః సువాసాశ్చ రౌద్రీ సంధ్యాచరీ నిశా || 11 ||
ప్రకీర్ణకేశీ మృత్యుశ్చ సురామాంసబలిప్రియా |
లక్ష్మీరలక్ష్మీరూపేణ దానవానాం వధాయ చ || 12 ||
సావిత్రీ చాపి దేవానాం మాతా మంత్రగణస్య చ |
కన్యానాం బ్రహ్మచర్యా త్వం సౌభాగ్యం ప్రమదాసు చ || 13 ||
అంతర్వేదీ చ యజ్ఞానామృత్విజాం చైవ దక్షిణా |
కర్షకాణాం చ సీతేతి భూతానాం ధరణీతి చ || 14 ||
సిద్ధిః సాంయాత్రికాణాం తు వేలా త్వం సాగరస్య చ || |
యక్షాణాం ప్రథమా యక్షీ నాగానాం సురసేతి చ || 15 ||
బ్రహ్మవాదిన్యథో దీక్షా శోభా చ పరమా తథా |
జ్యోతిషాం త్వం ప్రభా దేవి నక్షత్రాణాం చ రోహిణీ || 16 ||
రాజద్వారేషు తీర్థేషు నదీనాం సంగమేషు చ |
పూర్ణా చ పూర్ణిమా చంద్రే కృత్తివాసా ఇతి స్మృతా || 17 ||
సరస్వతీ చ వాల్మీకే స్మృతిర్ద్వైపాయనే తథా |
ఋషీణాం ధర్మబుద్ధిస్తు దేవానాం మానసీ తథా || 18 ||
సురా దేవీ తు భూతేషు స్తూయసే త్వం స్వకర్మభిః |
ఇంద్రస్య చారుదృష్టిస్త్వం సహస్రనయనేతి చ || 19 ||
తాపసానాం చ దేవీ త్వమరణీ చాగ్నిహోత్రిణాం |
క్షుధా చ సర్వభూతానాం తృప్తిస్త్వం దైవతేషు చ || 20 ||
స్వాహా తృప్తిర్ధృతిర్మేధా వసూనాం త్వం వసూమతీ |
ఆశా త్వం మానుషాణాం చ పుష్టిశ్చ కృతకర్మణాం || 21 ||
దిశశ్చ విదిశశ్చైవ తథా హ్యగ్నిశిఖా ప్రభా |
శకునీ పూతనా త్వం చ రేవతీ చ సుదారుణా || 22 ||
నిద్రాపి సర్వభూతానాం మోహినీ క్షత్రియా తథా |
విద్యానాం బ్రహ్మవిద్యా త్వమోంకారోఽథ వషట్ తథా || 23 ||
నారీణాం పార్వతీం చ త్వాం పౌరాణీమృషయో విదుః |
అరుంధతీ చ సాధ్వీనాం ప్రజాపతివచో యథా || 24 ||
పర్యాయనామభిర్దివ్యైరింద్రాణీ చేతి విశ్రుతా |
త్వయా వ్యాప్తమిదం సర్వం జగత్ స్థావరజంగమం || 25 ||
సంగ్రామేషు చ సర్వేషు అగ్నిప్రజ్వలితేషు చ |
నదీతీరేషు చౌరేషు కాంతారేషు భయేషు చ || 26 ||
ప్రవాసే రాజబంధే చ శత్రూణాం చ ప్రమర్దనే |
ప్రయాణాద్యేషు సర్వేషు త్వం హి రక్షా న సంశయః || 27 ||
త్వయి మే హదయం దేవి త్వయి చిత్తం మనస్త్వయి |
రక్ష మాం సర్వపాపేభ్యః ప్రసాదం కర్తుమర్హసి || 28 ||
ఇమం యః సుస్తవం దివ్యమితి వ్యాసప్రకల్పితం |
యః పఠేత్ ప్రాతరుత్థాయ శుచిః ప్రయతమానసః || 29 ||
త్రిభిర్మాసైః కాంక్షితం చ ఫలం వై సంప్రయచ్ఛసి |
షడ్భిర్మాసైర్వరిష్ఠం తు వరమేకం ప్రయచ్ఛసి || 30 ||
అర్చితా తు త్రిభిర్మాసైర్దివ్యం చక్షుః ప్రయచ్ఛసి |
సంవత్సరేణ సిద్ధిం తు యథాకామం ప్రయచ్ఛసి || 31 ||
సత్యం బ్రహ్మ చ దివ్యం చ ద్వైపాయనవచో యథా |
నృణాం బంధం వధం ఘోరం పుత్రనాశం ధనక్షయం || 32 ||
వ్యాధిమృత్యుభయం చైవ పూజితా శమయిష్యసి |
భవిష్యసి మహాభాగే వరదా కామరూపిణీ || 33 ||
మోహయిత్వా చ తం కంసమేకా త్వం భోక్ష్యసే జగత్ |
అహమప్యాత్మనో వృత్తిం విధాస్యే గోషు గోపవత్ || 34 ||
స్వవృద్ధ్యర్థమహం చైవ కరిష్యే కంసగోపతాం |
ఏవం తాం స సమాదిశ్య గతోంతర్ధానమీశ్వరః || 35 ||
సా చాపి తం నమస్కృత్య తథాస్త్వితి చ నిశ్చితా |
యశ్చైతత్పఠతే స్తోత్రం శృణుయాద్వాప్యభీక్ష్ణశః |
సర్వార్థసిద్ధిం లభతే నరో నాస్త్యత్ర సంశయః || 36 ||
ఇతి శ్రీమహాభారతే ఖిలభాగే హరివంశే విష్ణుపర్వణి తృతీయోఽధ్యాయే ఆర్యా స్తవం |

శ్రీ దుర్గా దేవి కవచం

శ్రీ దుర్గా దేవి కవచం.

Telugu

Read Stotra

శ్రీ దుర్గా దేవి కవచం

ఈశ్వర ఉవాచ |
శృణు దేవి ప్రవక్ష్యామి కవచం సర్వసిద్ధిదం |
పఠిత్వా పాఠయిత్వా చ నరో ముచ్యేత సంకటాత్ || 1 ||
అజ్ఞాత్వా కవచం దేవి దుర్గామంత్రం చ యో జపేత్ |
స నాప్నోతి ఫలం తస్య పరత్ర నరకం వ్రజేత్ || 2 ||
ఉమా దేవీ శిరః పాతు లలాటే శూలధారిణీ |
చక్షుషీ ఖేచరీ పాతు కర్ణౌ చత్వరవాసినీ || 3 ||
సుగంధా నాసికే పాతు వదనం సర్వధారిణీ |
జిహ్వాం చ చండికాదేవీ గ్రీవాం సౌభద్రికా తథా || 4 ||
అశోకవాసినీ చేతో ద్వౌ బాహూ వజ్రధారిణీ |
హృదయం లలితాదేవీ ఉదరం సింహవాహినీ || 5 ||
కటిం భగవతీ దేవీ ద్వావూరూ వింధ్యవాసినీ |
మహాబలా చ జంఘే ద్వే పాదౌ భూతలవాసినీ || 6 ||
ఏవం స్థితాఽసి దేవి త్వం త్రైలోక్యరక్షణాత్మికే |
రక్ష మాం సర్వగాత్రేషు దుర్గే దేవి నమోఽస్తు తే || 7 ||
ఇతి కుబ్జికాతంత్రోక్తం శ్రీ దుర్గా కవచం |

శ్రీ దుర్గా కవచం (బ్రహ్మాండమోహనం)

శ్రీ దుర్గా కవచం (బ్రహ్మాండమోహనం).

Telugu

Read Stotra

శ్రీ దుర్గా కవచం (బ్రహ్మాండమోహనం)

నారాయణ ఉవాచ |
ఓం దుర్గేతి చతుర్థ్యంతః స్వాహాంతో మే శిరోఽవతు |
మంత్రః షడక్షరోఽయం చ భక్తానాం కల్పపాదపః || 1 ||
విచారో నాస్తి వేదేషు గ్రహణేఽస్య మనోర్మునే |
మంత్రగ్రహణమాత్రేణ విష్ణుతుల్యో భవేన్నరః || 2 ||
మమ వక్త్రం సదా పాతు ఓం దుర్గాయై నమోఽంతతః |
ఓం దుర్గే రక్షయతి చ కంఠం పాతు సదా మమ || 3 ||
ఓం హ్రీం శ్రీమితి మంత్రోఽయం స్కంధం పాతు నిరంతరం |
హ్రీం శ్రీం క్లీమితి పృష్ఠం చ పాతు మే సర్వతః సదా || 4 ||
హ్రీం మే వక్షఃస్థలం పాతు హస్తం శ్రీమితి సంతతం |
శ్రీం హ్రీం క్లీం పాతు సర్వాంగం స్వప్నే జాగరణే తథా || 5 ||
ప్రాచ్యాం మాం ప్రకృతిః పాతుః పాతు వహ్నౌ చ చండికా |
దక్షిణే భద్రకాలీ చ నైరృత్యాం చ మహేశ్వరీ || 6 ||
వారుణ్యాం పాతు వారాహీ వాయవ్యాం సర్వమంగలా |
ఉత్తరే వైష్ణవీ పాతు తథైశాన్యాం శివప్రియా || 7 ||
జలే స్థలే చాంతరిక్షే పాతు మాం జగదంబికా |
ఇతి తే కథితం వత్స కవచం చ సుదుర్లభం || 8 ||
యస్మై కస్మై న దాతవ్యం ప్రవక్తవ్యం న కస్యచిత్ |
గురుమభ్యర్చ్య విధివద్వస్త్రాలంకారచందనైః |
కవచం ధారయేద్యస్తు సోఽపి విష్ణుర్న సంశయః || 9 ||
ఇతి శ్రీబ్రహ్మవైవర్తే మహాపురాణే ప్రకృతిఖండే నారదనారాయణసంవాదే దుర్గోపాఖ్యానే సప్తషష్టితమోఽధ్యాయే బ్రహ్మాండమోహనం నామ శ్రీ దుర్గా కవచం |

శ్రీ దుర్గా చాలీసా

శ్రీ దుర్గా చాలీసా.

Telugu

Read Stotra

శ్రీ దుర్గా చాలీసా

నమో నమో దుర్గే సుఖ కరనీ |
నమో నమో అంబే దుఃఖ హరనీ || 1 ||
నిరంకార హై జ్యోతి తుంహారీ |
తిహూఁ లోక ఫైలీ ఉజియారీ || 2 ||
శశి లలాట ముఖ మహావిశాలా |
నేత్ర లాల భృకుటి వికరాలా || 3 ||
రూప మాతు కో అధిక సుహావే |
దరశ కరత జన అతి సుఖ పావే || 4 ||
తుమ సంసార శక్తి లయ కీనా |
పాలన హేతు అన్న ధన దీనా || 5 ||
అన్నపూర్ణా హుయి జగ పాలా |
తుమ హీ ఆది సుందరీ బాలా || 6 ||
ప్రలయకాల సబ నాశన హారీ |
తుమ గౌరీ శివ శంకర ప్యారీ || 7 ||
శివ యోగీ తుంహరే గుణ గావేం |
బ్రహ్మా విష్ణు తుంహేం నిత ధ్యావేం || 8 ||
రూప సరస్వతీ కా తుమ ధారా |
దే సుబుద్ధి ఋషి మునిన ఉబారా || 9 ||
ధరా రూప నరసింహ కో అంబా |
పరగట భయి ఫాడ కే ఖంబా || 10 ||
రక్షా కర ప్రహ్లాద బచాయో |
హిరణ్యాక్ష కో స్వర్గ పఠాయో || 11 ||
లక్ష్మీ రూప ధరో జగ మాహీం |
శ్రీ నారాయణ అంగ సమాహీం || 12 ||
క్షీరసింధు మేం కరత విలాసా |
దయాసింధు దీజై మన ఆసా || 13 ||
హింగలాజ మేం తుంహీం భవానీ |
మహిమా అమిత న జాత బఖానీ || 14 ||
మాతంగీ ధూమావతి మాతా |
భువనేశ్వరీ బగలా సుఖదాతా || 15 ||
శ్రీ భైరవ తారా జగ తారిణీ |
ఛిన్న భాల భవ దుఃఖ నివారిణీ || 16 ||
కేహరి వాహన సోహ భవానీ |
లాంగుర వీర చలత అగవానీ || 17 ||
కర మేం ఖప్పర ఖడగ విరాజే |
జాకో దేఖ కాల డర భాజే || 18 ||
తోహే కర మేం అస్త్ర త్రిశూలా |
జాతే ఉఠత శత్రు హియ శూలా || 19 ||
నగరకోటి మేం తుంహీం విరాజత |
తిహుఁ లోక మేం డంకా బాజత || 20 ||
శుంభ నిశుంభ దానవ తుమ మారే |
రక్తబీజ శంఖన సంహారే || 21 ||
మహిషాసుర నృప అతి అభిమానీ |
జేహి అఘ భార మహీ అకులానీ || 22 ||
రూప కరాల కాలికా ధారా |
సేన సహిత తుమ తిహి సంహారా || 23 ||
పడీ భీఢ సంతన పర జబ జబ |
భయి సహాయ మాతు తుమ తబ తబ || 24 ||
అమరపురీ అరు బాసవ లోకా |
తబ మహిమా సబ కహేం అశోకా || 25 ||
జ్వాలా మేం హై జ్యోతి తుంహారీ |
తుంహేం సదా పూజేం నర నారీ || 26 ||
ప్రేమ భక్తి సే జో యశ గావేం |
దుఃఖ దారిద్ర నికట నహిం ఆవేం || 27 ||
ధ్యావే తుంహేం జో నర మన లాయి |
జన్మ మరణ తే సౌం ఛుట జాయి || 28 ||
జోగీ సుర ముని కహత పుకారీ |
యోగ న హోయి బిన శక్తి తుంహారీ || 29 ||
శంకర ఆచారజ తప కీనో |
కామ అరు క్రోధ జీత సబ లీనో || 30 ||
నిశిదిన ధ్యాన ధరో శంకర కో |
కాహు కాల నహిం సుమిరో తుమకో || 31 ||
శక్తి రూప కో మరమ న పాయో |
శక్తి గయీ తబ మన పఛతాయో || 32 ||
శరణాగత హుయి కీర్తి బఖానీ |
జయ జయ జయ జగదంబ భవానీ || 33 ||
భయి ప్రసన్న ఆది జగదంబా |
దయి శక్తి నహిం కీన విలంబా || 34 ||
మోకో మాతు కష్ట అతి ఘేరో |
తుమ బిన కౌన హరై దుఃఖ మేరో || 35 ||
ఆశా తృష్ణా నిపట సతావేం |
రిపు మూరఖ మొహి అతి దర పావైం || 36 ||
శత్రు నాశ కీజై మహారానీ |
సుమిరౌం ఇకచిత తుంహేం భవానీ || 37 ||
కరో కృపా హే మాతు దయాలా |
ఋద్ధి-సిద్ధి దే కరహు నిహాలా | 38 ||
జబ లగి జియూఁ దయా ఫల పావూఁ |
తుంహరో యశ మైం సదా సునావూఁ || 39 ||
దుర్గా చాలీసా జో గావై |
సబ సుఖ భోగ పరమపద పావై || 40 ||
దేవీదాస శరణ నిజ జానీ |
కరహు కృపా జగదంబ భవానీ ||

శ్రీ దుర్గా చంద్రకళా స్తుతిః

శ్రీ దుర్గా చంద్రకళా స్తుతిః.

Telugu

Read Stotra

శ్రీ దుర్గా చంద్రకళా స్తుతిః

వేధోహరీశ్వరస్తుత్యాం విహర్త్రీం వింధ్యభూధరే |
హరప్రాణేశ్వరీం వందే హంత్రీం విబుధవిద్విషాం || 1 ||
అభ్యర్థనేన సరసీరుహసంభవస్య
త్యక్త్వోదితా భగవదక్షిపిధానలీలాం |
విశ్వేశ్వరీ విపదపాకరణే పురస్తాత్
మాతా మమాస్తు మధుకైటభయోర్నిహంత్రీ || 2 ||
ప్రాఙ్నిర్జరేషు నిహతైర్నిజశక్తిలేశైః
ఏకీభవద్భిరుదితాఽఖిలలోకగుప్త్యై |
సంపన్నశస్త్రనికరా చ తదాయుధస్థైః
మాతా మమాస్తు మహిషాంతకరీ పురస్తాత్ || 3 ||
ప్రాలేయశైలతనయా తనుకాంతిసంపత్
కోశోదితా కువలయచ్ఛవిచారుదేహా |
నారాయణీ నమదభీప్సితకల్పవల్లీ
సుప్రీతిమావహతు శుంభనిశుంభహంత్రీ || 4 ||
విశ్వేశ్వరీతి మహిషాంతకరీతి యస్యాః
నారాయణీత్యపి చ నామభిరంకితాని |
సూక్తాని పంకజభువా చ సురర్షిభిశ్చ
దృష్టాని పావకముఖైశ్చ శివాం భజే తాం || 5 ||
ఉత్పత్తిదైత్యహననస్తవనాత్మకాని
సంరక్షకాణ్యఖిలభూతహితాయ యస్యాః |
సూక్తాన్యశేషనిగమాంతవిదః పఠంతి
తాం విశ్వమాతరమజస్రమభిష్టవీమి || 6 ||
యే వైప్రచిత్తపునరుత్థితశుంభముఖ్యైః
దుర్భిక్షఘోరసమయేన చ కారితాసు |
ఆవిష్కృతాస్త్రిజగదార్తిషు రూపభేదాః
తైరంబికా సమభిరక్షతు మాం విపద్భ్యః || 7 ||
సూక్తం యదీయమరవిందభవాది దృష్టం
ఆవర్త్య దేవ్యనుపదం సురథః సమాధిః |
ద్వావప్యవాపతురభీష్టమనన్యలభ్యం
తామాదిదేవతరుణీం ప్రణమామి మూర్ధ్నా || 8 ||
మాహిష్మతీతనుభవం చ రురుం చ హంతుం
ఆవిష్కృతైర్నిజరసాదవతారభేదైః |
అష్టాదశాహతనవాహతకోటిసంఖ్యైః
అంబా సదా సమభిరక్షతు మాం విపద్భ్యః || 9 ||
ఏతచ్చరిత్రమఖిలం లిఖితం హి యస్యాః
సంపూజితం సదన ఏవ నివేశితం వా |
దుర్గం చ తారయతి దుస్తరమప్యశేషం
శ్రేయః ప్రయచ్ఛతి చ సర్వముమాం భజే తాం || 10 ||
యత్పూజనస్తుతినమస్కృతిభిర్భవంతి
ప్రీతాః పితామహరమేశహరాస్త్రయోఽపి |
తేషామపి స్వకగుణైర్దదతీ వపూంషి
తామీశ్వరస్య తరుణీం శరణం ప్రపద్యే || 11 ||
కాంతారమధ్యదృఢలగ్నతయాఽవసన్నాః
మగ్నాశ్చ వారిధిజలే రిపుభిశ్చ రుద్ధాః |
యస్యాః ప్రపద్య చరణౌ విపదస్తరంతి
సా మే సదాఽస్తు హృది సర్వజగత్సవిత్రీ || 12 ||
బంధే వధే మహతి మృత్యుభయే ప్రసక్తే
విత్తక్షయే చ వివిధే య మహోపతాపే |
యత్పాదపూజనమిహ ప్రతికారమాహుః
సా మే సమస్తజననీ శరణం భవానీ || 13 ||
బాణాసురప్రహితపన్నగబంధమోక్షః
తద్బాహుదర్పదలనాదుషయా చ యోగః |
ప్రాద్యుంనినా ద్రుతమలభ్యత యత్ప్రసాదాత్
సా మే శివా సకలమప్యశుభం క్షిణోతు || 14 ||
పాపః పులస్త్యతనయః పునరుత్థితో మాం
అద్యాపి హర్తుమయమాగత ఇత్యుదీతం |
యత్సేవనేన భయమిందిరయాఽవధూతం
తామాదిదేవతరుణీం శరణం గతోఽస్మి || 15 ||
యద్ధ్యానజం సుఖమవాప్యమనంతపుణ్యైః
సాక్షాత్తమచ్యుత పరిగ్రహమాశ్వవాపుః |
గోపాంగనాః కిల యదర్చనపుణ్యమాత్రాః
సా మే సదా భగవతీ భవతు ప్రసన్నా || 16 ||
రాత్రిం ప్రపద్య ఇతి మంత్రవిదః ప్రపన్నాన్
ఉద్బోధ్య మృత్యువధిమన్యఫలైః ప్రలోభ్య |
బుద్ధ్వా చ తద్విముఖతాం ప్రతనం నయంతీం
ఆకాశమాదిజననీం జగతాం భజే తాం || 17 ||
దేశకాలేషు దుష్టేషు దుర్గాచంద్రకలాస్తుతిః |
సంధ్యయోరనుసంధేయా సర్వాపద్వినివృత్తయే || 18 ||
ఇతి శ్రీమదపయ్యదీక్షితవిరచితా దుర్గాచంద్రకళాస్తుతిః ||

శ్రీ దుర్గా ద్వాత్రింశన్నామ స్తోత్రం

శ్రీ దుర్గా ద్వాత్రింశన్నామ స్తోత్రం.

Telugu

Read Stotra

శ్రీ దుర్గా ద్వాత్రింశన్నామ స్తోత్రం

దుర్గా దుర్గార్తిశమనీ దుర్గాఽఽపద్వినివారిణీ |
దుర్గమచ్ఛేదినీ దుర్గసాధినీ దుర్గనాశినీ || 1 ||
దుర్గతోద్ధారిణీ దుర్గనిహంత్రీ దుర్గమాపహా |
దుర్గమజ్ఞానదా దుర్గదైత్యలోకదవానలా || 2 ||
దుర్గమా దుర్గమాలోకా దుర్గమాత్మస్వరూపిణీ |
దుర్గమార్గప్రదా దుర్గమవిద్యా దుర్గమాశ్రితా || 3 ||
దుర్గమజ్ఞానసంస్థానా దుర్గమధ్యానభాసినీ |
దుర్గమోహా దుర్గమగా దుర్గమార్థస్వరూపిణీ || 4 ||
దుర్గమాసురసంహంత్రీ దుర్గమాయుధధారిణీ |
దుర్గమాంగీ దుర్గమాతా దుర్గంయా దుర్గమేశ్వరీ || 5 ||
దుర్గభీమా దుర్గభామా దుర్గభా దుర్గధారిణీ |
నామావళిమిమాం యస్తు దుర్గాయా మమ మానవః || 6 ||
పఠేత్సర్వభయాన్ముక్తో భవిష్యతి న సంశయః |
శత్రుభిః పీడ్యమానో వా దుర్గబంధగతోఽపి వా |
ద్వాత్రింశన్నామపాఠేన ముచ్యతే నాత్ర సంశయః || 7 ||
ఇతి శ్రీ దుర్గా ద్వాత్రింశన్నామావళి స్తోత్రం |

శ్రీ దుర్గా పంచరత్నం

శ్రీ దుర్గా పంచరత్నం.

Telugu

Read Stotra

శ్రీ దుర్గా పంచరత్నం

తే ధ్యానయోగానుగతా అపశ్యన్
త్వామేవ దేవీం స్వగుణైర్నిగూఢాం |
త్వమేవ శక్తిః పరమేశ్వరస్య
మాం పాహి సర్వేశ్వరి మోక్షదాత్రి || 1 ||
దేవాత్మశక్తిః శ్రుతివాక్యగీతా
మహర్షిలోకస్య పురః ప్రసన్నా |
గుహా పరం వ్యోమ సతః ప్రతిష్ఠా
మాం పాహి సర్వేశ్వరి మోక్షదాత్రి || 2 ||
పరాస్య శక్తిః వివిధైవ శ్రూయసే
శ్వేతాశ్వవాక్యోదితదేవి దుర్గే |
స్వాభావికీ జ్ఞానబలక్రియా తే
మాం పాహి సర్వేశ్వరి మోక్షదాత్రి || 3 ||
దేవాత్మశబ్దేన శివాత్మభూతా
యత్కూర్మవాయవ్యవచోవివృత్యా
త్వం పాశవిచ్ఛేదకరీ ప్రసిద్ధా
మాం పాహి సర్వేశ్వరి మోక్షదాత్రి || 4 ||
త్వం బ్రహ్మపుచ్ఛా వివిధా మయూరీ
బ్రహ్మప్రతిష్ఠాస్యుపదిష్టగీతా |
జ్ఞానస్వరూపాత్మతయాఖిలానాం
మాం పాహి సర్వేశ్వరి మోక్షదాత్రి || 5 ||
ఇతి పరమపూజ్య శ్రీచంద్రశేఖరేంద్రసరస్వతీ స్వామి కృతం దుర్గా పంచరత్నం సంపూర్ణం |

శ్రీ దుర్గా పరమేశ్వరీ స్తోత్రం

శ్రీ దుర్గా పరమేశ్వరీ స్తోత్రం.

Telugu

Read Stotra

శ్రీ దుర్గా పరమేశ్వరీ స్తోత్రం

[** అధునా సర్వత్ర జగతి ప్రసరతః జనానం ప్రాణాపాయకరస్య కొరోనా నామకస్య రోగవిశేషస్య నివారణార్థం శృంగేరీ జగద్గురు విరచిత శ్రీ దుర్గా పరమేశ్వరీ స్తోత్ర పారాయణం కరిష్యే | **] ఏతావంతం సమయం
సర్వాపద్భ్యోఽపి రక్షణం కృత్వా |
దేశస్య పరమిదానీం
తాటస్థ్యం కేన వహసి దుర్గాంబ || 1 ||
అర్థం – ఇప్పటి వరకు దేశమును అన్ని ఆపదల నుంచి కాపాడావు. ఓ దుర్గాంబా, ఇప్పుడు నువ్వు ఏమీ పట్టించుకోనట్టుగా ఉన్నావు.
అపరాధా బహుశః ఖలు
పుత్రాణాం ప్రతిపదం భవంత్యేవ |
కో వా సహతే లోకే
సర్వాంస్తాన్మాతరం విహాయైకాం || 2 ||
అర్థం – పిల్లలు అడుగడుగునా చాలా తప్పటడుగులు వేస్తారు. ఈ లోకంలో వారిని కన్నతల్లి కాకుండా అవన్నీ ఇంకెవరు సహించగలరు?
మా భజ మా భజ దుర్గే
తాటస్థ్యం పుత్రకేషు దీనేషు |
కే వా గృహ్ణంతి సుతాన్
మాత్రా త్యక్తాన్వదాంబికే లోకే || 3 ||
అర్థం – అలాంటి కన్నతల్లులు కూడా వదిలేసిన దీనావస్థలో ఉన్న పిల్లలను, ఓ దుర్గంమా, నీవు కూడా పట్టించుకోకుండా ఉంటే ఇంకెవరు రక్షిస్తారు?
ఇతః పరం వా జగదంబ జాతు
దేశస్య రోగప్రముఖాపదోఽస్య |
న స్యుస్తథా కుర్వచలాం కృపాం
ఇత్యభ్యర్థనాం మే సఫలీకురుష్వ || 4 ||
అర్థం – కాబట్టి, ఓ జగదంబా (లోకాన్ని కన్నతల్లీ), ఈ రోగంతో దేశానికి వచ్చిన ముఖ్యమైన ఆపదను తొలగించు. నీ కరుణను స్థిరముగా చూపుము. నా ఈ అభ్యర్థనను (కోరిక) సఫలము చేయి.
పాపహీనజనతావనదక్షాః
సంతి నిర్జరవరా న కియంతః |
పాపపూర్ణజనరక్షణదక్షాం
త్వాం వినా భువి పరాం న విలోకే || 5 ||
అర్థం – ఏటువంటి పాపము లేకుండా, నశించిపోకుండా, జనులను రక్షించేవారు (దేవతలు) ఎవరైనా ఉన్నరా? ఓ దుర్గంమా, నువ్వు తప్ప పాపము చేసిన జనులను కూడా రక్షించగల సమర్థత ఉన్నవారు ఎవరూ కనిపించడం లేదు. కాబట్టి రక్షించు.
ఇతి శృంగేరీ జగద్గురు విరచితం శ్రీ దుర్గా పరమేశ్వరీ స్తోత్రం ||

శ్రీ దుర్గా మానస పూజా

శ్రీ దుర్గా మానస పూజా.

Telugu

Read Stotra

శ్రీ దుర్గా మానస పూజా

ఉద్యచ్చందనకుంకుమారుణపయోధారాభిరాప్లావితాం
నానానర్ఘ్యమణిప్రవాలఘటితాం దత్తాం గృహాణాంబికే |
ఆమృష్టాం సురసుందరీభిరభితో హస్తాంబుజైర్భక్తితో
మాతః సుందరి భక్తకల్పలతికే శ్రీపాదుకామాదరాత్ || 1 ||
దేవేంద్రాదిభిరర్చితం సురగణైరాదాయ సింహాసనం
చంచత్కాంచనసంచయాభిరచితం చారుప్రభాభాస్వరం |
ఏతచ్చంపకకేతకీపరిమలం తైలం మహానిర్మలం
గంధోద్వర్తనమాదరేణ తరుణీదత్తం గృహాణాంబికే || 2 ||
పశ్చాద్దేవి గృహాణ శంభుగృహిణి శ్రీసుందరి ప్రాయశో
గంధద్రవ్యసమూహనిర్భరతరం ధాత్రీఫలం నిర్మలం |
తత్కేశాన్ పరిశోధ్య కంకతికయా మందాకినీస్రోతసి
స్నాత్వా ప్రోజ్జ్వలగంధకం భవతు హే శ్రీసుందరి త్వన్ముదే || 3 ||
సురాధిపతికామినీకరసరోజనాలీధృతాం
సచందనసకుంకుమాగురుభరేణ విభ్రాజితాం |
మహాపరిమలోజ్జ్వలాం సరసశుద్ధకస్తూరికాం
గృహాణ వరదాయిని త్రిపురసుందరి శ్రీప్రదే || 4 ||
గంధర్వామరకిన్నరప్రియతమాసంతానహస్తాంబుజ-
-ప్రస్తారైర్ధ్రియమాణముత్తమతరం కాశ్మీరజాపింజరం |
మాతర్భాస్వరభానుమండలలసత్కాంతిప్రదానోజ్జ్వలం
చైతన్నిర్మలమాతనోతు వసనం శ్రీసుందరి త్వన్ముదం || 5 ||
స్వర్ణాకల్పితకుండలే శ్రుతియుగే హస్తాంబుజే ముద్రికా
మధ్యే సారసనా నితంబఫలకే మంజీరమంఘ్రిద్వయే |
హారో వక్షసి కంకణౌ క్వణరణత్కారౌ కరద్వంద్వకే
విన్యస్తం ముకుటం శిరస్యనుదినం దత్తోన్మదం స్తూయతాం || 6 ||
గ్రీవాయాం ధృతకాంతికాంతపటలం గ్రైవేయకం సుందరం
సిందూరం విలసల్లలాటఫలకే సౌందర్యముద్రాధరం |
రాజత్కజ్జలముజ్జ్వలోత్పలదలశ్రీమోచనే లోచనే
తద్దివ్యౌషధినిర్మితం రచయతు శ్రీశాంభవి శ్రీప్రదే || 7 ||
అమందతరమందరోన్మథితదుగ్ధసింధూద్భవం
నిశాకరకరోపమం త్రిపురసుందరి శ్రీప్రదే |
గృహాణ ముఖమీక్షతుం ముకురబింబమావిద్రుమై-
-ర్వినిర్మితమఘచ్ఛిదే రతికరాంబుజస్థాయినం || 8 ||
కస్తూరీద్రవచందనాగురుసుధాధారాభిరాప్లావితం
చంచచ్చంపకపాటలాదిసురభిద్రవ్యైః సుగంధీకృతం |
దేవస్త్రీగణమస్తకస్థితమహారత్నాదికుంభవ్రజై-
-రంభఃశాంభవి సంభ్రమేణ విమలం దత్తం గృహాణాంబికే || 9 ||
కహ్లారోత్పలనాగకేసరసరోజాఖ్యావలీమాలతీ-
-మల్లీకైరవకేతకాదికుసుమై రక్తాశ్వమారాదిభిః |
పుష్పైర్మాల్యభరేణ వై సురభిణా నానారసస్రోతసా
తాంరాంభోజనివాసినీం భగవతీం శ్రీచండికాం పూజయే || 10 ||
మాంసీగుగ్గులచందనాగురురజః కర్పూరశైలేయజై-
-ర్మాధ్వీకైః సహ కుంకుమైః సురచితైః సర్పిర్భిరామిశ్రితైః |
సౌరభ్యస్థితిమందిరే మణిమయే పాత్రే భవేత్ ప్రీతయే
ధూపోఽయం సురకామినీవిరచితః శ్రీచండికే త్వన్ముదే || 11 ||
ఘృతద్రవపరిస్ఫురద్రుచిరరత్నయష్ట్యాన్వితో
మహాతిమిరనాశనః సురనితంబినీనిర్మితః |
సువర్ణచషకస్థితః సఘనసారవర్త్యాన్విత-
-స్తవ త్రిపురసుందరి స్ఫురతి దేవి దీపో ముదే || 12 ||
జాతీసౌరభనిర్భరం రుచికరం శాల్యోదనం నిర్మలం
యుక్తం హింగుమరీచజీరసురభిర్ద్రవ్యాన్వితైర్వ్యంజనైః |
పక్వాన్నేన సపాయసేన మధునా దధ్యాజ్యసంమిశ్రితం
నైవేద్యం సురకామినీవిరచితం శ్రీచండికే త్వన్ముదే || 13 ||
లవంగకలికోజ్జ్వలం బహులనాగవల్లీదలం
సజాతిఫలకోమలం సఘనసారపూగీఫలం |
సుధామధురిమాకులం రుచిరరత్నపాత్రస్థితం
గృహాణ ముఖపంకజే స్ఫురితమంబ తాంబూలకం || 14 ||
శరత్ప్రభవచంద్రమః స్ఫురితచంద్రికాసుందరం
గలత్సురతరంగిణీలలితమౌక్తికాడంబరం |
గృహాణ నవకాంచనప్రభవదండఖండోజ్జ్వలం
మహాత్రిపురసుందరి ప్రకటమాతపత్రం మహత్ || 15 ||
మాతస్త్వన్ముదమాతనోతు సుభగస్త్రీభిః సదాఽఽందోలితం
శుభ్రం చామరమిందుకుందసదృశం ప్రస్వేదదుఃఖాపహం |
సద్యోఽగస్త్యవసిష్ఠనారదశుకవ్యాసాదివాల్మీకిభిః
స్వే చిత్తే క్రియమాణ ఏవ కురుతాం శర్మాణి వేదధ్వనిః || 16 ||
స్వర్గాంగణే వేణుమృదంగశంఖ-
-భేరీనినాదైరూపగీయమానా |
కోలాహలైరాకలితా తవాస్తు
విద్యాధరీనృత్యకలా సుఖాయ || 17 ||
దేవి భక్తిరసభావితవృత్తే
ప్రీయతాం యది కుతోఽపి లభ్యతే |
తత్ర లౌల్యమపి సత్ఫలమేకం
జన్మకోటిభిరపీహ న లభ్యం || 18 ||
ఏతైః షోడశభిః పద్యైరుపచారోపకల్పితైః |
యః పరాం దేవతాం స్తౌతి స తేషాం ఫలమాప్నుయాత్ || 19 ||
ఇతి దుర్గాతంత్రే శ్రీ దుర్గా మానస పూజా స్తోత్రం ||

శ్రీ దుర్గా షోడశనామ స్తోత్రం

శ్రీ దుర్గా షోడశనామ స్తోత్రం.

Telugu

Read Stotra

శ్రీ దుర్గా స్తోత్రం (అర్జున కృతం)

శ్రీ దుర్గా స్తోత్రం (అర్జున కృతం).

Telugu

Read Stotra

శ్రీ దుర్గా స్తోత్రం (అర్జున కృతం)

అర్జున ఉవాచ |
నమస్తే సిద్ధసేనాని ఆర్యే మందరవాసిని |
కుమారి కాళి కాపాలి కపిలే కృష్ణపింగళే || 1 ||
భద్రకాళి నమస్తుభ్యం మహాకాళి నమోఽస్తు తే |
చండి చండే నమస్తుభ్యం తారిణి వరవర్ణిని || 2 ||
కాత్యాయని మహాభాగే కరాళి విజయే జయే |
శిఖిపింఛధ్వజధరే నానాభరణభూషితే || 3 ||
అట్టశూలప్రహరణే ఖడ్గఖేటకధారిణి |
గోపేంద్రస్యానుజే జ్యేష్ఠే నందగోపకులోద్భవే || 4 ||
మహిషాసృక్ప్రియే నిత్యం కౌశికి పీతవాసిని |
అట్టహాసే కోకముఖే నమస్తేఽస్తు రణప్రియే || 5 ||
ఉమే శాకంభరి శ్వేతే కృష్ణే కైటభనాశిని |
హిరణ్యాక్షి విరూపాక్షి సుధూంరాక్షి నమోఽస్తు తే || 6 ||
వేదశ్రుతిమహాపుణ్యే బ్రహ్మణ్యే జాతవేదసి |
జంబూకటకచైత్యేషు నిత్యం సన్నిహితాలయే || 7 ||
త్వం బ్రహ్మవిద్యా విద్యానాం మహానిద్రా చ దేహినాం |
స్కందమాతర్భగవతి దుర్గే కాంతారవాసిని || 8 ||
స్వాహాకారః స్వధా చైవ కలా కాష్ఠా సరస్వతీ |
సావిత్రీ వేదమాతా చ తథా వేదాంత ఉచ్యతే || 9 ||
స్తుతాసి త్వం మహాదేవి విశుద్ధేనాంతరాత్మనా |
జయో భవతు మే నిత్యం త్వత్ప్రసాదాద్రణాజిరే || 10 ||
కాంతారభయదుర్గేషు భక్తానాం చాలయేషు చ |
నిత్యం వససి పాతాళే యుద్ధే జయసి దానవాన్ || 11 ||
త్వం జంభనీ మోహినీ చ మాయా హ్రీః శ్రీస్తథైవ చ |
సంధ్యా ప్రభావతీ చైవ సావిత్రీ జననీ తథా || 12 ||
తుష్టిః పుష్టిర్ధృతిర్దీప్తిశ్చంద్రాదిత్యవివర్ధినీ |
భూతిర్భూతిమతాం సంఖ్యే వీక్ష్యసే సిద్ధచారణైః || 13 ||
ఇతి శ్రీమన్మహాభారతే భీష్మపర్వణి త్రయోవింశోఽధ్యాయే అర్జున కృత శ్రీ దుర్గా స్తోత్రం |

శ్రీ దుర్గా స్తోత్రం (మహాదేవ కృతం)

శ్రీ దుర్గా స్తోత్రం (మహాదేవ కృతం).

Telugu

Read Stotra

శ్రీ దుర్గా స్తోత్రం (మహాదేవ కృతం)

మహాదేవ ఉవాచ |
రక్ష రక్ష మహాదేవి దుర్గే దుర్గతినాశిని |
మాం భక్తమనురక్తం చ శత్రుగ్రస్తం కృపామయి || 1 ||
విష్ణుమాయే మహాభాగే నారాయణి సనాతని |
బ్రహ్మస్వరూపే పరమే నిత్యానందస్వరూపిణీ || 2 ||
త్వం చ బ్రహ్మాదిదేవానామంబికే జగదంబికే |
త్వం సాకారే చ గుణతో నిరాకారే చ నిర్గుణాత్ || 3 ||
మాయయా పురుషస్త్వం చ మాయయా ప్రకృతిః స్వయం |
తయోః పరం బ్రహ్మ పరం త్వం బిభర్షి సనాతని || 4 ||
వేదానాం జననీ త్వం చ సావిత్రీ చ పరాత్పరా |
వైకుంఠే చ మహాలక్ష్మీః సర్వసంపత్స్వరూపిణీ || 5 ||
మర్త్యలక్ష్మీశ్చ క్షీరోదే కామినీ శేషశాయినః |
స్వర్గేషు స్వర్గలక్ష్మీస్త్వం రాజలక్ష్మీశ్చ భూతలే || 6 ||
నాగాదిలక్ష్మీః పాతాలే గృహేషు గృహదేవతా |
సర్వసస్యస్వరూపా త్వం సర్వైశ్వర్యవిధాయినీ || 7 ||
రాగాధిష్ఠాతృదేవీ త్వం బ్రహ్మణశ్చ సరస్వతీ |
ప్రాణానామధిదేవీ త్వం కృష్ణస్య పరమాత్మనః || 8 ||
గోలోకే చ స్వయం రాధా శ్రీకృష్ణస్యైవ వక్షసి |
గోలోకాధిష్ఠితా దేవీ వృందా వృందావనే వనే || 9 ||
శ్రీరాసమండలే రంయా వృందావనవినోదినీ |
శతశృంగాధిదేవీ త్వం నాంనా చిత్రావలీతి చ || 10 ||
దక్షకన్యా కుత్రకల్పే కుత్రకల్పే చ శైలజా |
దేవమాతాఽదితిస్త్వం చ సర్వాధారా వసుంధరా || 11 ||
త్వమేవ గంగా తులసీ త్వం చ స్వాహా స్వధా సతీ |
త్వదంశాంశాంశకలయా సర్వదేవాదియోషితః || 12 ||
స్త్రీరూపం చాపి పురుషం దేవి త్వం చ నపుంసకం |
వృక్షాణాం వృక్షరూపా త్వం సృష్టా చాంకురరూపిణీ || 13 ||
వహ్నౌ చ దాహికా శక్తిర్జలే శైత్యస్వరూపిణీ |
సూర్యే తేజఃస్వరూపా చ ప్రభారూపా చ సంతతం || 14 ||
గంధరూపా చ భూమౌ చ ఆకాశే శబ్దరూపిణీ |
శోభాస్వరూపా చంద్రే చ పద్మసంఘే చ నిశ్చితం || 15 ||
సృష్టౌ సృష్టిస్వరూపా చ పాలనే పరిపాలికా |
మహామారీ చ సంహారే జలే చ జలరూపిణీ || 16 ||
క్షుత్ త్వం దయా త్వం నిద్రా త్వం తృష్ణా త్వం బుద్ధిరూపిణీ |
తుష్టిస్త్వం చాపి పుష్టిస్త్వం శ్రద్ధాస్త్వం చ క్షమా స్వయం || 17 ||
శాంతిస్త్వం చ స్వయం భ్రాంతిః కాంతిస్త్వం కీర్తిరేవ చ |
లజ్జా త్వం చ తథా మాయా భుక్తిముక్తిస్వరూపిణీ || 18 ||
సర్వశక్తిస్వరూపా త్వం సర్వసంపత్ప్రదాయినీ |
వేదేఽనిర్వచనీయా త్వం త్వాం న జానాతి కశ్చన || 19 ||
సహస్రవక్త్రస్త్వాం స్తోతుం న శక్తః సురేశ్వరి |
వేదా న శక్తాః కో విద్వాన్ న చ శక్తా సరస్వతీ || 20 ||
స్వయం విధాతా శక్తో న న చ విష్ణుః సనాతనః |
కిం స్తౌమి పంచవక్త్రైస్తు రణత్రస్తో మహేశ్వరి |
కృపాం కురు మహామాయే మమ శత్రుక్షయం కురు || 21 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే నారదనారాయణసంవాదే అష్టాశీతితమోఽధ్యాయే మహాదేవ కృత శ్రీ దుర్గా స్తోత్రం |

Sign In

OTP Verification

శ్రీ దుర్గా ఆర్యా స్తవం

శ్రీ దుర్గా దేవి కవచం

శ్రీ దుర్గా కవచం (బ్రహ్మాండమోహనం)

శ్రీ దుర్గా చాలీసా

శ్రీ దుర్గా చంద్రకళా స్తుతిః

శ్రీ దుర్గా ద్వాత్రింశన్నామ స్తోత్రం

శ్రీ దుర్గా పంచరత్నం

శ్రీ దుర్గా పరమేశ్వరీ స్తోత్రం

శ్రీ దుర్గా మానస పూజా

శ్రీ దుర్గా షోడశనామ స్తోత్రం

శ్రీ దుర్గా స్తోత్రం (అర్జున కృతం)

శ్రీ దుర్గా స్తోత్రం (మహాదేవ కృతం)

MENU

LINKS

Astrologer Section

Vendor Section

GET ADVICE ON

Download Our Apps