Sacred Stotras & Deities

శ్రీపాద శ్రీవల్లభ స్తోత్రం 1

శ్రీపాద శ్రీవల్లభ స్తోత్రం 1.

Telugu

శ్రీపాద శ్రీవల్లభ స్తోత్రం 1

బ్రాహ్మణ్యై యో మంక్షు భిక్షాన్నతోభూ-
-త్ప్రీతస్తస్యా యః కృపార్ద్రః సుతోఽభూత్ |
విస్మృత్యాస్మాన్ కిం స గాఢం నిదద్రౌ
శ్రీపాదద్రౌ వాపదాహానిదద్రౌ || 1 ||
ఆశ్వాస్యాంబాం ప్రవ్రజన్నగ్రజాన్యః
కృత్వా స్వంగాన్ సంచచారార్యమాన్యః |
విస్మృత్యాస్మాన్ కిం స గాఢం నిదద్రౌ
శ్రీపాదద్రౌ వాపదాహానిదద్రౌ || 2 ||
సార్భా మర్తుం యోద్యతా స్త్రీస్తు తస్యా
దుఃఖం హర్తుం త్వం స్వయం తత్సుతః స్యాః |
విస్మృత్యాస్మాన్ కిం స గాఢం నిదద్రౌ
శ్రీపాదద్రౌ వాపదాహానిదద్రౌ || 3 ||
రాజ్యం యోఽదాదాశు నిర్ణేజకాయ
ప్రీతో నత్యా యః స్వగుప్త్యై నృకాయః |
విస్మృత్యాస్మాన్ కిం స గాఢం నిదద్రౌ
శ్రీపాదద్రౌ వాపదాహానిదద్రౌ || 4 ||
ప్రేతం విప్రం జీవయిత్వాఽస్తజూర్తి
యశ్చక్రే దిక్శాలినీం స్వీయకీర్తిం |
విస్మృత్యాస్మాన్ కిం స గాఢం నిదద్రౌ
శ్రీపాదద్రౌ వాపదాహానిదద్రౌ || 5 ||
ఇతి శ్రీవాసుదేవానందసరస్వతీ విరచితం శ్రీపాదశ్రీవల్లభ స్తోత్రం |

శ్రీ గరుడ దండకం

శ్రీ గరుడ దండకం.

Telugu

Read Stotra

శ్రీ గరుడ దండకం

శ్రీమాన్ వేంకటనాథార్యః కవితార్కికకేసరీ |
వేదాంతాచార్యవర్యో మే సన్నిధత్తాం సదాహృది ||
నమః పన్నగనద్ధాయ వైకుంఠవశవర్తినే |
శ్రుతిసింధుసుధోత్పాదమందరాయ గరుత్మతే ||
గరుడమఖిలవేదనీడాధిరూఢం ద్విషత్పీడనోత్కంఠితాకుంఠ వైకుంఠపీఠీకృత స్కంధమీడే స్వనీడా గతిప్రీతరుద్రా సుకీర్తిస్తనాభోగ గాఢోపగూఢం స్ఫురత్కంటక వ్రాత వేధవ్యథా వేపమాన ద్విజిహ్వాధిపా కల్పవిష్ఫార్యమాణ స్ఫటావాటికా రత్నరోచిశ్ఛటా రాజినీరాజితం కాంతికల్లోలినీ రాజితం || 1 ||
జయ గరుడ సుపర్ణ దర్వీకరాహార దేవాధిపా హారహారిన్ దివౌకస్పతి క్షిప్తదంభోళి ధారాకిణా కల్పకల్పాంత వాతూల కల్పోదయానల్ప వీరాయితోద్యత్ చమత్కార దైత్యారి జైత్రధ్వజారోహ నిర్ధారితోత్కర్ష సంకర్షణాత్మన్ గరుత్మన్ మరుత్పంచకాధీశ సత్యాదిమూర్తే న కశ్చిత్ సమస్తే నమస్తే పునస్తే నమః || 2 ||
నమ ఇదమజహత్ సపర్యాయ పర్యాయనిర్యాత పక్షానిలాస్ఫాలనోద్వేలపాథోధి వీచీ చపేటాహతా గాధ పాతాళ భాంకార సంక్రుద్ధ నాగేంద్ర పీడా సృణీభావ భాస్వన్నఖశ్రేణయే చండ తుండాయ నృత్యద్భుజంగభ్రువే వజ్రిణే దంష్ట్రయా తుభ్యమధ్యాత్మవిద్యా విధేయా విధేయా భవద్దాస్యమాపాదయేథా దయేథాశ్చ మే || 3 ||
మనురనుగత పక్షివక్త్ర స్ఫురత్తారకస్తావకశ్చిత్రభానుప్రియా శేఖరస్త్రాయతాం నస్త్రివర్గాపవర్గ ప్రసూతిః పరవ్యోమధామన్ వలద్వేషిదర్ప జ్వలద్వాలఖిల్య ప్రతిజ్ఞావతీర్ణ స్థిరాం తత్త్వబుద్ధిం పరాం భక్తిధేనుం జగన్మూలకందే ముకుందే మహానందదోగ్ధ్రీం దధీథా ముధా కామహీనామహీనామహీనాంతక || 4 ||
షట్త్రింశద్గణచరణో నరపరిపాటీనవీనగుంభగణః |
విష్ణురథదండకోఽయం విఘటయతు విపక్షవాహినీవ్యూహం || 5 ||
విచిత్రసిద్ధిదః సోఽయం వేంకటేశవిపశ్చితా |
గరుడధ్వజతోషాయ గీతో గరుడదండకః || 6 ||
కవితార్కికసింహాయ కళ్యాణగుణశాలినే |
శ్రీమతే వేంకటేశాయ వేదాంతగురవే నమః ||

సిద్ధమంగళ స్తోత్రం

సిద్ధమంగళ స్తోత్రం.

Telugu

Read Stotra

సిద్ధమంగళ స్తోత్రం

శ్రీమదనంత శ్రీవిభూషిత అప్పలలక్ష్మీనరసింహరాజా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 1 ||
శ్రీవిద్యాధరి రాధా సురేఖ శ్రీరాఖీధర శ్రీపాదా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 2 ||
మాతా సుమతీ వాత్సల్యామృత పరిపోషిత జయ శ్రీపాదా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 3 ||
సత్య ఋషీశ్వర దుహితానందన బాపనార్యనుత శ్రీచరణా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 4 ||
సవితృకాఠకచయన పుణ్యఫల భరద్వాజ ఋషి గోత్రసంభవా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 5 ||
దో చౌపాతీ దేవ్ లక్ష్మీ ఘన సంఖ్యా బోధిత శ్రీచరణా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 6 ||
పుణ్యరూపిణీ రాజమాంబసుత గర్భపుణ్యఫల సంజాతా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 7 ||
సుమతీనందన నరహరినందన దత్తదేవ ప్రభు శ్రీపాదా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 8 ||
పీఠికాపుర నిత్య విహారా మధుమతి దత్తా మంగళరూపా
జయ విజయీభవ దిగ్విజయీభవ శ్రీమదఖండ శ్రీవిజయీభవ || 9 ||

శ్రీ గరుడ ద్వాదశనామ స్తోత్రం

శ్రీ గరుడ ద్వాదశనామ స్తోత్రం.

Telugu

Read Stotra

కార్తవీర్యార్జున స్తోత్రం

కార్తవీర్యార్జున స్తోత్రం.

Telugu

Read Stotra

కార్తవీర్యార్జున స్తోత్రం

స్మరణ –
అర్జునః కృతవీర్యస్య సప్తద్వీపేశ్వరోఽభవత్ |
దత్తాత్రేయాద్ధరేరంశాత్ ప్రాప్తయోగమహాగుణః ||
న నూనం కార్తవీర్యస్య గతిం యాస్యంతి పార్థివాః |
యజ్ఞదానతపోయోగైః శ్రుతవీర్యదయాదిభిః ||
పంచాశీతిసహస్రాణి హ్యవ్యాహతబలః సమాః |
అనష్టవిత్తస్మరణో బుభుజేఽక్షయ్యషడ్వసు ||
ధ్యానం –
సహస్రబాహుం మహితం సశరం సచాపం
రక్తాంబరం వివిధ రక్తకిరీటభూషం |
చోరాదిదుష్టభయనాశనమిష్టదం తం
ధ్యాయేన్మహాబలవిజృంభితకార్తవీర్యం ||
మంత్రం –
ఓం కార్తవీర్యార్జునో నామ రాజా బాహుసహస్రవాన్ |
తస్య సంస్మరణాదేవ హృతం నష్టం చ లభ్యతే ||
ద్వాదశనామాని –
కార్తవీర్యః ఖలద్వేషీ కృతవీర్యసుతో బలీ | [సహస్రాక్షః] సహస్రబాహుః శత్రుఘ్నో రక్తవాసా ధనుర్ధరః || 2 ||
రక్తగంధో రక్తమాల్యో రాజా స్మర్తురభీష్టదః |
ద్వాదశైతాని నామాని కార్తవీర్యస్య యః పఠేత్ || 3 ||
[ అనష్టద్రవ్యతా తస్య నష్టస్య పునరాగమః | ] సంపదస్తస్య జాయంతే జనాస్తస్య వశం గతః |
ఆనయత్యాశు దూరస్థం క్షేమలాభయుతం ప్రియం || 4 ||
యస్య స్మరణమాత్రేణ సర్వదుఃఖక్షయో భవేత్ |
యన్నామాని మహావీర్యశ్చార్జునః కృతవీర్యవాన్ || 6 ||
హైహయాధిపతేః స్తోత్రం సహస్రావృత్తికారితం |
వాంచితార్థప్రదం నౄణాం స్వరాజ్యం సుకృతం యది || 7 ||

శ్రీ గరుడాష్టోత్తరశతనామ స్తోత్రం

శ్రీ గరుడాష్టోత్తరశతనామ స్తోత్రం.

Telugu

Read Stotra

శ్రీ గరుడాష్టోత్తరశతనామ స్తోత్రం

శ్రీదేవ్యువాచ |
దేవదేవ మహాదేవ సర్వజ్ఞ కరుణానిధే |
శ్రోతుమిచ్ఛామి తార్క్ష్యస్య నాంనామష్టోత్తరం శతం |
ఈశ్వర ఉవాచ |
శృణు దేవి ప్రవక్ష్యామి గరుడస్య మహాత్మనః |
నాంనామష్టోత్తరశతం పవిత్రం పాపనాశనం ||
అస్య శ్రీగరుడనామాష్టోత్తరశతమహామంత్రస్య బ్రహ్మా ఋషిః అనుష్టుప్ఛందః గరుడో దేవతా ప్రణవో బీజం విద్యా శక్తిః వేదాదిః కీలకం పక్షిరాజప్రీత్యర్థే జపే వినియోగః |
ధ్యానం |
అమృతకలశహస్తం కాంతిసంపూర్ణదేహం
సకలవిబుధవంద్యం వేదశాస్త్రైరచింత్యం |
కనకరుచిరపక్షోద్ధూయమానాండగోలం
సకలవిషవినాశం చింతయేత్పక్షిరాజం ||
స్తోత్రం |
వైనతేయః ఖగపతిః కాశ్యపేయో మహాబలః |
తప్తకాంచనవర్ణాభః సుపర్ణో హరివాహనః || 1 ||
ఛందోమయో మహాతేజాః మహోత్సాహో మహాబలః |
బ్రహ్మణ్యో విష్ణుభక్తశ్చ కుందేందుధవళాననః || 2 ||
చక్రపాణిధరః శ్రీమాన్ నాగారిర్నాగభూషణః |
విద్వన్మయో విశేషజ్ఞః విద్యానిధిరనామయః || 3 ||
భూతిదో భువనత్రాతా భయహా భక్తవత్సలః |
సప్తఛందోమయః పక్షిః సురాసురసుపూజితః || 4 ||
భుజంగభుక్ కచ్ఛపాశీ దైత్యహంతాఽరుణానుజః |
నిగమాత్మా నిరాధారో నిస్త్రైగుణ్యో నిరంజనః || 5 ||
నిర్వికల్పః పరంజ్యోతిః పరాత్పరతరః పరః |
శుభాంగః శుభదః శూరః సూక్ష్మరూపీ బృహత్తనుః || 6 ||
విషాశీ విజితాత్మా చ విజయో జయవర్ధనః |
అజాస్యో జగదీశశ్చ జనార్దనమహాధ్వజః || 7 ||
ఘనసంతాపవిచ్ఛేత్తా జరామరణవర్జితః |
కళ్యాణదః కళాతీతః కళాధరసమప్రభః || 8 ||
సోమపః సురసంఘేశః యజ్ఞాంగో యజ్ఞభూషణః |
వజ్రాంగో వరదో వంద్యో వాయువేగో వరప్రదః || 9 ||
మహాజవో విదారీ చ మన్మథప్రియబాంధవః |
యజుర్నామానుష్టభజః మారకోఽసురభంజనః || 10 ||
కాలజ్ఞః కమలేష్టశ్చ కలిదోషనివారణః |
స్తోమాత్మా చ త్రివృన్మూర్ధా భూమా గాయత్రిలోచనః || 11 ||
సామగానరతః స్రగ్వీ స్వచ్ఛందగతిరగ్రణీః |
వినతానందనః శ్రీమాన్ విజితారాతిసంకులః || 12 ||
పతద్వరిష్ఠః సర్వేశః పాపహా పాపమోచకః |
అమృతాంశోఽమృతవపుః ఆనందగతిరగ్రణీః || 13 ||
సుధాకుంభధరః శ్రీమాన్ దుర్ధరోఽసురభంజనః |
అగ్రిజిజ్జయగోపశ్చ జగదాహ్లాదకారకః || 14 ||
గరుడో భగవాన్ స్తోత్రః స్తోభస్స్వర్ణవపు స్వరాట్ |
విద్యున్నిభో విశాలాంగో వినతాదాస్యమోచకః || 15 ||
ఇతీదం పరమం గుహ్యం గరుడస్య మహాత్మనః |
నాంనామష్టోత్తరం పుణ్యం పవిత్రం పాపనాశనం || 16 ||
గీయమానం మయా గీతం విష్ణునా సముదీరితం |
సర్వజ్ఞత్వం మనోజ్ఞత్వం కామరూపత్వమేవ వా || 17 ||
అమరత్వం ఋషిత్వం వా గంధర్వత్వమథాపి వా |
అణిమాదిగుణం చైవ అష్టభోగం తథా భవేత్ || 18 ||
ఇదం తు దివ్యం పరమం రహస్యం
సదా సుజప్యం పరమత్మయోగిభిః |
మనోహరం హర్షకరం సుఖప్రదం
ఫలప్రదం మోక్షఫలప్రదం చ || 19 ||
ఇతి బ్రహ్మాండపురాణాంతర్గతం గరుడాష్టోత్తరశతనామస్తోత్రం సంపూర్ణం |

శ్రీ కార్తవీర్యార్జున మాలామంత్రః

శ్రీ కార్తవీర్యార్జున మాలామంత్రః.

Telugu

Read Stotra

శ్రీ కార్తవీర్యార్జున మాలామంత్రః

అస్య శ్రీకార్తవీర్యార్జున మాలామంత్రస్య దత్తాత్రేయ ఋషిః గాయత్రీ ఛందః శ్రీకార్తవీర్యార్జునో దేవతా, దత్తాత్రేయ ప్రియతమాయ హృత్, మాహిష్మతీనాథాయ శిరః, రేవానదీజలక్రీడాతృప్తాయ శిఖా, హైహయాధిపతయే కవచం, సహస్రబాహవే అస్త్రం, కార్తవీర్యార్జున ప్రసాద సిద్ధ్యర్థే జపే వినియోగః |
ధ్యానం –
దోర్దండేషు సహస్రసంమితతరేష్వేతేష్వజస్రం లసత్
కోదండైశ్చ శరైరుదగ్రనిశితైరుద్యద్వివస్వత్ప్రభః |
బ్రహ్మాండం పరిపూరయన్ స్వనినదైర్గండద్వయాందోళిత
ద్యోతత్కుండలమండితో విజయతే శ్రీకార్తవీర్యో విభుః ||
అథ మాలామంత్రః –
ఓం నమో భగవతే కార్తవీర్యార్జునాయ హైహయాధిపతయే సహస్రకవచాయ సహస్రకరసదృశాయ సర్వదుష్టాంతకాయ సర్వశిష్టేష్టాయ | సర్వత్రోదధేరాగంతుకాన్ అస్మద్వసులుంపకాన్ చోరసమూహాన్ స్వకరసహస్రైః నివారయ నివారయ రోధయ రోధయ పాశసహస్రైః బంధయ బంధయ అంకుశసహస్రైరాకుండయాకుండయ స్వచాపోద్గతైర్బాణసహస్రైః భింధి భింధి స్వహస్తోద్గత ఖడ్గసహస్రైశ్ఛింది ఛింది స్వహస్తోద్గతముసలసహస్రైర్మర్దయ మర్దయ స్వశంఖోద్గతనాదసహస్రైర్భీషయ భీషయ స్వహస్తోద్గతచక్రసహస్రైః కృంతయ కృంతయ త్రాసయ త్రాసయ గర్జయ గర్జయ ఆకర్షయాకర్షయ మోహయ మోహయ మారయ మారయ ఉన్మాదయోన్మాదయ తాపయ తాపయ విదారయ విదారయ స్తంభయ స్తంభయ జృంభయ జృంభయ వారయ వారయ వశీకురు వశీకురు ఉచ్చాటయోచ్చాటయ వినాశయ వినాశయ దత్తాత్రేయ శ్రీపాదప్రియతమ కార్తవీర్యార్జున సర్వత్రోదధేరాగంతుకాన్ అస్మద్వసులుంపకాన్ చోరసమూహాన్ సమగ్రమున్మూలయోన్మూలయ హుం ఫట్ స్వాహా ||
అనేన మంత్రరాజేన సర్వకామాంశ్చ సాధయేత్ |
మాలామంత్రజపాచ్చోరాన్ మారీంశ్చైవ విశేషతః |
క్షపయేత్ క్షోభయేచ్చైవోచ్చాటయేన్మారయేత్తథా ||
వశయేత్తత్క్షణాదేవ త్రైలోక్యమపి మంత్రవిత్ ||
ఇతి శ్రీ కార్తవీర్యార్జున మాలా మంత్రః |

శ్రీ అనఘదేవ అష్టోత్తరశతనామ స్తోత్రం

శ్రీ అనఘదేవ అష్టోత్తరశతనామ స్తోత్రం.

Telugu

Read Stotra

శ్రీ అనఘదేవ అష్టోత్తరశతనామ స్తోత్రం

దత్తాత్రేయాయాఽనఘాయ త్రివిధాఘవిదారిణే |
లక్ష్మీరూపాఽనఘేశాయ యోగాధీశాయ తే నమః || 1 ||
ద్రాంబీజధ్యానగంయాయ విజ్ఞేయాయ నమో నమః |
గర్భాదితారణాయాఽస్తు దత్తాత్రేయాయ తే నమః || 2 ||
బీజస్థవటతుల్యాయ చైకార్ణమనుగామినే |
షడర్ణమనుపాలాయ యోగసంపత్కరాయ తే || 3 ||
అష్టార్ణమనుగంయాయ పూర్ణాఽఽనందవపుష్మతే |
ద్వాదశాక్షరమంత్రస్థాయాఽఽత్మసాయుజ్యదాయినే || 4 ||
షోడశార్ణమనుస్థాయ సచ్చిదానందశాలినే |
దత్తాత్రేయాయ హరయే కృష్ణాయాఽస్తు నమో నమః || 5 ||
ఉన్మత్తాయాఽఽనందదాయకాయ తేఽస్తు నమో నమః |
దిగంబరాయ మునయే బాలాయాఽస్తు నమో నమః || 6 ||
పిశాచాయ చ తే జ్ఞానసాగరాయ చ తే నమః |
ఆబ్రహ్మజన్మదోషౌఘప్రణాశాయ నమో నమః || 7 ||
సర్వోపకారిణే మోక్షదాయినే తే నమో నమః |
ఓంరూపిణే భగవతే దత్తాత్రేయాయ తే నమః || 8 ||
స్మృతిమాత్రసుతుష్టాయ మహాభయనివారిణే |
మహాజ్ఞానప్రదాయాఽస్తు చిదానందాఽఽత్మనే నమః || 9 ||
బాలోన్మత్తపిశాచాదివేషాయ చ నమో నమః |
నమో మహాయోగినే చాప్యవధూతాయ తే నమః || 10 ||
అనసూయాఽఽనందదాయ చాఽత్రిపుత్రాయ తే నమః |
సర్వకామఫలానీకప్రదాత్రే తే నమో నమః || 11 ||
ప్రణవాక్షరవేద్యాయ భవబంధవిమోచినే |
హ్రీంబీజాక్షరపారాయ సర్వైశ్వర్యప్రదాయినే || 12 ||
క్రోంబీజజపతుష్టాయ సాధ్యాకర్షణదాయినే |
సౌర్బీజప్రీతమనసే మనఃసంక్షోభహారిణే || 13 ||
ఐంబీజపరితుష్టాయ వాక్ప్రదాయ నమో నమః |
క్లీంబీజసముపాస్యాయ త్రిజగద్వశ్యకారిణే || 14 ||
శ్రీముపాసనతుష్టాయ మహాసంపత్ప్రదాయ చ |
గ్లౌమక్షరసువేద్యాయ భూసాంరాజ్యప్రదాయినే || 15 ||
ద్రాంబీజాక్షరవాసాయ మహతే చిరజీవినే |
నానాబీజాక్షరోపాస్య నానాశక్తియుజే నమః || 16 ||
సమస్తగుణసంపన్నాయాఽంతఃశత్రువిదాహినే |
భూతగ్రహోచ్చాటనాయ సర్వవ్యాధిహరాయ చ || 17 ||
పరాభిచారశమనాయాఽఽధివ్యాధినివారిణే |
దుఃఖత్రయహరాయాఽస్తు దారిద్ర్యద్రావిణే నమః || 18 ||
దేహదార్ఢ్యాభిపోషాయ చిత్తసంతోషకారిణే |
సర్వమంత్రస్వరూపాయ సర్వయంత్రస్వరూపిణే || 19 ||
సర్వతంత్రాఽఽత్మకాయాఽస్తు సర్వపల్లవరూపిణే |
శివాయోపనిషద్వేద్యాయాఽస్తు దత్తాయ తే నమః || 20 ||
నమో భగవతే తేఽస్తు దత్తాత్రేయాయ తే నమః |
మహాగంభీరరూపాయ వైకుంఠవాసినే నమః || 21 ||
శంఖచక్రగదాశూలధారిణే వేణునాదినే |
దుష్టసంహారకాయాఽథ శిష్టసంపాలకాయ చ || 22 ||
నారాయణాయాఽస్త్రధరాయాఽస్తు చిద్రూపిణే నమః |
ప్రజ్ఞారూపాయ చాఽఽనందరూపిణే బ్రహ్మరూపిణే || 23 ||
మహావాక్యప్రబోధాయ తత్త్వాయాఽస్తు నమో నమః |
నమః సకలకర్మౌఘనిర్మితాయ నమో నమః || 24 ||
నమస్తే సచ్చిదానందరూపాయ చ నమో నమః |
నమః సకలలోకౌఘసంచారాయ నమో నమః || 25 ||
నమః సకలదేవౌఘవశీకృతికరాయ చ |
కుటుంబవృద్ధిదాయాఽస్తు గుడపానకతోషిణే || 26 ||
పంచకర్జాయ సుప్రీతాయాఽస్తు కందఫలాదినే |
నమః సద్గురవే శ్రీమద్దత్తాత్రేయాయ తే నమః || 27 ||
ఇత్యేవమనఘేశస్య దత్తాత్రేయస్య సద్గురోః |
వేదాంతప్రతిపాద్యస్య నాంనామష్టోత్తరం శతం || 28 ||
ఇతి శ్రీ అనఘదేవ అష్టోత్తరశతనామ స్తోత్రం |

శ్రీ దేవరాజాష్టకం

శ్రీ దేవరాజాష్టకం.

Telugu

Read Stotra

శ్రీ దేవరాజాష్టకం

శ్రీమత్కాఞ్చీమునిం వన్దే కమలాపతినన్దనం |
వరదాఙ్ఘ్రిసదాసఙ్గరసాయనపరాయణం
దేవరాజదయాపాత్రం శ్రీకాఞ్చీపూర్ణముత్తమం |
రామానుజమునేర్మాన్యం వన్దేఽహం సజ్జనాశ్రయం
నమస్తే హస్తిశైలేశ శ్రీమన్నంబుజలోచనః |
శరణం త్వాం ప్రపన్నోఽస్మి ప్రణతార్తిహరాచ్యుత || 1 ||
సమస్తప్రాణిసన్త్రాణప్రవీణ కరుణోల్బణ |
విలసన్తు కటాక్షస్తే మయ్యస్మిన్ జగతాంపతే || 2 ||
నిన్దితాచారకరణం నివృత్తం కృత్యకర్మణః |
పాపీయాంస మమర్యాదం పాహి మాం వరదప్రభో || 3 ||
సంసారమరుకాన్తారే దుర్వ్యాధివ్యాఘ్రభీషణే |
విషయక్షుద్రగుల్మాఢ్యే తృషాపాదపశాలిని || 4 ||
పుత్రదారగృహక్షేత్రమృగతృష్ణాంబుపుష్కలే |
కృత్యాకృత్యవివేకాన్ధం పరిభ్రాన్తమితస్తతః || 5 ||
అజస్రం జాతతృష్ణార్తమవసన్నాఙ్గమక్షమం |
క్షీణశక్తిబలారోగ్యం కేవలం క్లేశసంశ్రయం || 6 ||
సన్తప్తం వివిధైర్దుఃఖైర్దుర్వచై రేవమాదిభిః |
దేవరాజ దయాసిన్ధో దేవదేవ జగత్పతే || 7 ||
త్వదీక్షణసుధాసిన్ధువీచివిక్షేపశీకరైః |
కారుణ్యమారుతానీతైః శీతలైరభిషిఞ్చ మాం || 8 ||

శ్రీ ధన్వంతరీ మహామంత్రం

శ్రీ ధన్వంతరీ మహామంత్రం.

Telugu

Read Stotra

శ్రీ ధన్వంతరీ మహామంత్రం

ధ్యానం |
అచ్యుతానంత గోవింద విష్ణో నారాయణాఽమృత
రోగాన్మే నాశయాఽశేషానాశు ధన్వంతరే హరే |
ఆరోగ్యం దీర్ఘమాయుష్యం బలం తేజో ధియం శ్రియం
స్వభక్తేభ్యోఽనుగృహ్ణంతం వందే ధన్వంతరిం హరిం ||
ధన్వంతరేరిమం శ్లోకం భక్త్యా నిత్యం పఠంతి యే |
అనారోగ్యం న తేషాం స్యాత్ సుఖం జీవంతి తే చిరం ||
మంత్రం |
ఓం నమో భగవతే వాసుదేవాయ ధన్వంతరయే అమృతకలశహస్తాయ [వజ్రజలౌకహస్తాయ] సర్వామయవినాశనాయ త్రైలోక్యనాథాయ శ్రీమహావిష్ణవే స్వాహా |
గాయత్రీ |
ఓం వాసుదేవాయ విద్మహే సుధాహస్తాయ ధీమహి తన్నో ధన్వన్తరిః ప్రచోదయాత్ |
[** పాఠాంతరం –
ధ్యానం |
శంఖం చక్రం జలౌకాం దధదమృతఘటం చారుదోర్భిశ్చతుర్భిః
సూక్ష్మస్వచ్ఛాతిహృద్యాంశుక పరివిలసన్మౌళిమంభోజనేత్రం |
కాలాంభోదోజ్జ్వలాంగం కటితటవిలసచ్చారుపీతాంబరాఢ్యం
వందే ధన్వంతరిం తం నిఖిలగదవనప్రౌఢదావాగ్నిలీలం ||
మంత్రః |
ఓం నమో భగవతే మహాసుదర్శనాయ వాసుదేవాయ ధన్వంతరయే అమృతకలశహస్తాయ సర్వభయవినాశాయ సర్వరోగనివారణాయ త్రైలోక్యపతయే త్రైలోక్యనిధయే శ్రీమహావిష్ణుస్వరూప శ్రీధన్వంతరీస్వరూప శ్రీ శ్రీ శ్రీ ఔషధచక్ర నారాయణాయ స్వాహా |
**]

శ్రీ అనఘదేవాష్టోత్తరశతనామావళిః

శ్రీ అనఘదేవాష్టోత్తరశతనామావళిః.

Telugu

Read Stotra

శ్రీ అనఘదేవాష్టోత్తరశతనామావళిః

న్యాస దశకం

న్యాస దశకం.

Telugu

Read Stotra

న్యాస దశకం

శ్రీమాన్ వేంకటనాథార్యః కవితార్కిక కేసరీ |
వేదాంతాచార్య వర్యో మే సన్నిధత్తాం సదా హృది ||
అహం మద్రక్షణభరో మద్రక్షణ ఫలం తథా |
న మమ శ్రీపతేరేవేత్యాత్మానం నిక్షిపేత్ బుధః || 1 ||
న్యస్యాంయకించనః శ్రీమన్ అనుకూలోన్యవర్జితః |
విశ్వాస ప్రార్థనాపూర్వం ఆత్మరక్షాభరం త్వయి || 2 ||
స్వామీ స్వశేషం స్వవశం స్వభరత్వేన నిర్భరం |
స్వదత్త స్వధియా స్వార్థం స్వస్మిన్ న్యస్యతి మాం స్వయం || 3 ||
శ్రీమన్ అభీష్ట వరద త్వామస్మి శరణం గతః |
ఏతద్దేహావసానే మాం త్వత్పాదం ప్రాపయ స్వయం || 4 ||
త్వచ్ఛేషత్వే స్థిరధియం త్వత్ ప్రాప్త్యేక ప్రయోజనం |
నిషిద్ధ కాంయరహితం కురు మాం నిత్య కింకరం || 5 ||
దేవీ భూషణ హేత్యాది జుష్టస్య భగవంస్తవ |
నిత్యం నిరపరాధేషు కైంకర్యేషు నియుంక్ష్వ మాం || 6 ||
మాం మదీయం చ నిఖిలం చేతనాఽచేతనాత్మకం |
స్వకైంకర్యోపకరణం వరద స్వీకురు స్వయం || 7 ||
త్వదేక రక్ష్యస్య మమ త్వమేవ కరుణాకర |
న ప్రవర్తయ పాపాని ప్రవృత్తాని నివర్తయ || 8 ||
అకృత్యానాం చ కరణం కృత్యానాం వర్జనం చ మే |
క్షమస్వ నిఖిలం దేవ ప్రణతార్తిహర ప్రభో || 9 ||
శ్రీమాన్ నియత పంచాంగం మద్రక్షణ భరార్పణం |
అచీకరత్ స్వయం స్వస్మిన్ అతోహమిహ నిర్భరః || 10 ||
సంసారావర్తవేగ ప్రశమన శుభదృగ్దేశిక ప్రేక్షితోహం
సంత్యక్తోన్యైరుపాయైరనుచితచరితేశ్వద్య శాంతాభిసంధిః |
నిశ్శంక స్తత్త్వదృష్ట్వా నిరవధికదయం ప్రాప్య సంరక్షకం
త్వాం న్యస్యత్వత్పాదపద్మే వరద నిజభరం నిర్భరో నిర్భయోస్మి || 11 ||
ఇతి కవితార్కికసింహస్య సర్వతంత్రస్వతంత్రస్య శ్రీమద్వేంకటనాథస్య

Sign In

OTP Verification

శ్రీపాద శ్రీవల్లభ స్తోత్రం 1

శ్రీ గరుడ దండకం

సిద్ధమంగళ స్తోత్రం

శ్రీ గరుడ ద్వాదశనామ స్తోత్రం

కార్తవీర్యార్జున స్తోత్రం

శ్రీ గరుడాష్టోత్తరశతనామ స్తోత్రం

శ్రీ కార్తవీర్యార్జున మాలామంత్రః

శ్రీ అనఘదేవ అష్టోత్తరశతనామ స్తోత్రం

శ్రీ దేవరాజాష్టకం

శ్రీ ధన్వంతరీ మహామంత్రం

శ్రీ అనఘదేవాష్టోత్తరశతనామావళిః

న్యాస దశకం

MENU

LINKS

Astrologer Section

Vendor Section

GET ADVICE ON

Download Our Apps