Sacred Stotras & Deities

ఏకశ్లోకీ భారతం

ఏకశ్లోకీ భారతం.

Telugu

Read Stotra

శ్రీ అనంతపద్మనాభ మంగళ స్తోత్రం

శ్రీ అనంతపద్మనాభ మంగళ స్తోత్రం.

Telugu

Read Stotra

శ్రీ అనంతపద్మనాభ మంగళ స్తోత్రం

శ్రియఃకాంతాయ కళ్యాణనిధయే నిధయేఽర్థినాం |
శ్రీశేషశాయినే అనంతపద్మనాభాయ మంగళం || 1 ||
స్యానందూరపురీభాగ్యభవ్యరూపాయ విష్ణవే |
ఆనందసింధవే అనంతపద్మనాభాయ మంగళం || 2 ||
హేమకూటవిమానాంతః భ్రాజమానాయ హారిణే |
హరిలక్ష్మీసమేతాయ పద్మనాభాయ మంగళం || 3 ||
శ్రీవైకుంఠవిరక్తాయ శంఖతీర్థాంబుధేః తటే |
రమయా రమమాణాయ పద్మనాభాయ మంగళం || 4 ||
అశేష చిదచిద్వస్తుశేషిణే శేషశాయినే |
అశేషదాయినే అనంతపద్మనాభాయ మంగళం || 5 ||
యత్పదం పరమం సేవ్యం సదా పశ్యంతి సూరయః |
సేనాపతిముఖాస్తస్మై పద్మనాభాయ మంగళం || 6 ||
చుతుర్ముఖేశ్వరముఖైః పుత్రపౌత్రాదిశాలినే |
సమస్తపరివారాయ పద్మనాభాయ మంగళం || 7 ||
దివాకరయతీశానయోగిహృత్పద్మభానవే |
పరస్మై బ్రహ్మణే అనంతపద్మనాభాయ మంగళం || 8 ||
పరాంకుశప్రబంధోక్తిప్రథితాయ పరమాత్మనే |
పూర్ణాయ మహతే అనంతపద్మనాభాయ మంగళం || 9 ||
వంచిభూపశిరోరత్నరశ్మినీరాజితాంఘ్రయే |
వాంఛితాఖిలదాయాస్తు పద్మనాభాయ మంగళం || 10 ||
సర్వావయవసౌందర్య సౌవర్ణసుషమా జుషే |
సదా సంమోహనాయాస్తు పద్మనాభాయ మంగళం || 11 ||
యోగేశ్వరాయ కృష్ణాయ నరసింహాయ యోగినే |
యోగముద్రాభిరామాయ పద్మనాభాయ మంగళం || 12 ||
అనంతపురనాథాయ నిరంతరదయాముచే |
అనంతపద్మనాభాయ నిత్యశ్రీః నిత్యమంగళం || 13 ||
ఇతి శ్రీ అనంతపద్మనాభ మంగళ స్తోత్రం |

భగవన్మానసపూజా

భగవన్మానసపూజా.

Telugu

Read Stotra

భగవన్మానసపూజా

హృదంభోజే కృష్ణః సజలజలదశ్యామలతనుః
సరోజాక్షః స్రగ్వీ ముకుటకటకాద్యాభరణవాన్ |
శరద్రాకానాథప్రతిమవదనః శ్రీమురళికాం
వహన్ ధ్యేయో గోపీగణపరివృతః కుంకుమచితః || 1 ||
పయోంభోధేర్ద్వీపాన్మమ హృదయమాయాహి భగవ-
-న్మణివ్రాతభ్రాజత్కనకవరపీఠం భజ హరే |
సుచిహ్నౌ తే పాదౌ యదుకులజ నేనేజ్మి సుజలై-
-ర్గృహాణేదం దూర్వాఫలజలవదర్ఘ్యం మురరిపో || 2 ||
త్వమాచామోపేంద్ర త్రిదశసరిదంభోఽతిశిశిరం
భజస్వేమం పంచామృతఫలరసాప్లావమఘహన్ |
ద్యునద్యాః కాళింద్యా అపి కనకకుంభస్థితమిదం
జలం తేన స్నానం కురు కురు కురుష్వాఽచమనకం || 3 ||
తటిద్వర్ణే వస్త్రే భజ విజయకాంతాధిహరణ
ప్రలంబారిభ్రాతర్మృదులముపవీతం కురు గళే |
లలాటే పాటీరం మృగమదయుతం ధారయ హరే
గృహాణేదం మాల్యం శతదళతులస్యాదిరచితం || 4 ||
దశాంగం ధూపం సద్వరద చరణాగ్రేఽర్పితమిదం
ముఖం దీపేనేందుప్రభవరజసం దేవ కలయే |
ఇమౌ పాణీ వాణీపతినుత సకర్పూరరజసా
విశోధ్యాగ్రే దత్తం సలిలమిదమాచామ నృహరే || 5 ||
సదా తృప్తాన్నం షడ్రసవదఖిలవ్యంజనయుతం
సువర్ణామత్రే గోఘృతచషకయుక్తే స్థితమిదం |
యశోదాసూనో తత్పరమదయయాశాన సఖిభిః
ప్రసాదం వాంఛద్భిః సహ తదను నీరం పిబ విభో || 6 ||
సచూర్ణం తాంబూలం ముఖశుచికరం భక్షయ హరే
ఫలం స్వాదు ప్రీత్యా పరిమళవదాస్వాదయ చిరం |
సపర్యాపర్యాప్త్యై కనకమణిజాతం స్థితమిదం
ప్రదీపైరారార్తిం జలధితనయాశ్లిష్ట రుచయే || 7 ||
విజాతీయైః పుష్పైరతిసురభిభిర్బిల్వతులసీ
యుతైశ్చేమం పుష్పాంజలిమజిత తే మూర్ధ్ని నిదధే |
తవ ప్రాదక్షిణ్యక్రమణమఘవిధ్వంసి రచితం
చతుర్వారం విష్ణో జనిపథగతేశ్చాంతవిదుషా || 8 ||
నమస్కారోఽష్టాంగః సకలదురితధ్వంసనపటుః
కృతం నృత్యం గీతం స్తుతిరపి రమాకాంత త ఇయం |
తవ ప్రీత్యై భూయాదహమపి చ దాసస్తవ విభో
కృతం ఛిద్రం పూర్ణం కురు కురు నమస్తేఽస్తు భగవన్ || 9 ||
సదా సేవ్యః కృష్ణః సజలఘననీలః కరతలే
దధానో దధ్యన్నం తదను నవనీతం మురళికం |
కదాచిత్కాంతానాం కుచకలశపత్రాళిరచనా
సమాసక్తః స్నిగ్ధైః సహ శిశువిహారం విరచయన్ || 10 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ భగవన్మానసపూజా సంపూర్ణం |

భజ గోవిందం (మోహముద్గరః)

భజ గోవిందం (మోహముద్గరః).

Telugu

Read Stotra

భజ గోవిందం (మోహముద్గరః)

భజ గోవిందం భజ గోవిందం
గోవిందం భజ మూఢమతే |
సంప్రాప్తే సన్నిహితే కాలే
న హి న హి రక్షతి డుకృఞ్ కరణే || 1 ||
మూఢ జహీహి ధనాగమతృష్ణాం
కురు సద్బుద్ధిం మనసి వితృష్ణాం |
యల్లభసే నిజకర్మోపాత్తం
విత్తం తేన వినోదయ చిత్తం || 2 ||
నారీస్తనభరనాభీదేశం
దృష్ట్వా మా గా మోహావేశం |
ఏతన్మాంసవసాదివికారం
మనసి విచింతయ వారం వారం || 3 ||
నలినీదళగతజలమతితరళం
తద్వజ్జీవితమతిశయచపలం |
విద్ధి వ్యాధ్యభిమానగ్రస్తం
లోకం శోకహతం చ సమస్తం || 4 ||
యావద్విత్తోపార్జనసక్త-
-స్తావన్నిజపరివారో రక్తః |
పశ్చాజ్జీవతి జర్జరదేహే
వార్తాం కోఽపి న పృచ్ఛతి గేహే || 5 ||
యావత్పవనో నివసతి దేహే
తావత్పృచ్ఛతి కుశలం గేహే |
గతవతి వాయౌ దేహాపాయే
భార్యా బిభ్యతి తస్మిన్కాయే || 6 ||
బాలస్తావత్క్రీడాసక్త-
-స్తరుణస్తావత్తరుణీసక్తః |
వృద్ధస్తావచ్చింతాసక్తః
పరే బ్రహ్మణి కోఽపి న సక్తః || 7 ||
కా తే కాంతా కస్తే పుత్రః
సంసారోఽయమతీవ విచిత్రః |
కస్య త్వం కః కుత ఆయాత-
-స్తత్త్వం చింతయ యదిదం భ్రాంతః || 8 ||
సత్సంగత్వే నిఃసంగత్వం
నిఃసంగత్వే నిర్మోహత్వం |
నిర్మోహత్వే నిశ్చలతత్త్వం
నిశ్చలతత్త్వే జీవన్ముక్తిః || 9 ||
వయసి గతే కః కామవికారః
శుష్కే నీరే కః కాసారః |
క్షీణే విత్తే కః పరివారో
జ్ఞాతే తత్త్వే కః సంసారః || 10 ||
మా కురు ధనజనయౌవనగర్వం
హరతి నిమేషాత్కాలః సర్వం |
మాయామయమిదమఖిలం హిత్వా
బ్రహ్మపదం త్వం ప్రవిశ విదిత్వా || 11 ||
దినయామిన్యౌ సాయం ప్రాతః
శిశిరవసంతౌ పునరాయాతః |
కాలః క్రీడతి గచ్ఛత్యాయు-
-స్తదపి న ముంచత్యాశావాయుః || 12 ||
కా తే కాంతాధనగతచింతా
వాతుల కిం తవ నాస్తి నియంతా |
త్రిజగతి సజ్జనసంగతిరేకా
భవతి భవార్ణవతరణే నౌకా || 13 ||
జటిలీ ముండీ లుంచితకేశః
కాషాయాంబరబహుకృతవేషః |
పశ్యన్నపి చ న పశ్యతి మూఢో
హ్యుదరనిమిత్తం బహుకృతవేషః || 14 ||
అంగం గలితం పలితం ముండం
దశనవిహీనం జాతం తుండం |
వృద్ధో యాతి గృహీత్వా దండం
తదపి న ముంచత్యాశాపిండం || 15 ||
అగ్రే వహ్నిః పృష్ఠే భానూ
రాత్రౌ చుబుకసమర్పితజానుః |
కరతలభిక్షస్తరుతలవాస-
-స్తదపి న ముంచత్యాశాపాశః || 16 ||
కురుతే గంగాసాగరగమనం
వ్రతపరిపాలనమథవా దానం |
జ్ఞానవిహినః సర్వమతేన
ముక్తిం న భజతి జన్మశతేన || 17 ||
సురమందిరతరుమూలనివాసః
శయ్యా భూతలమజినం వాసః |
సర్వపరిగ్రహభోగత్యాగః
కస్య సుఖం న కరోతి విరాగః || 18 ||
యోగరతో వా భోగరతో వా
సంగరతో వా సంగవీహినః |
యస్య బ్రహ్మణి రమతే చిత్తం
నందతి నందతి నందత్యేవ || 19 ||
భగవద్గీతా కించిదధీతా
గంగాజలలవకణికా పీతా |
సకృదపి యేన మురారిసమర్చా
క్రియతే తస్య యమేన న చర్చా || 20 ||
పునరపి జననం పునరపి మరణం
పునరపి జననీజఠరే శయనం |
ఇహ సంసారే బహుదుస్తారే
కృపయాపారే పాహి మురారే || 21 ||
రథ్యాకర్పటవిరచితకంథః
పుణ్యాపుణ్యవివర్జితపంథః |
యోగీ యోగనియోజితచిత్తో
రమతే బాలోన్మత్తవదేవ || 22 ||
కస్త్వం కోఽహం కుత ఆయాతః
కా మే జననీ కో మే తాతః |
ఇతి పరిభావయ సర్వమసారం
విశ్వం త్యక్త్వా స్వప్నవిచారం || 23 ||
త్వయి మయి చాన్యత్రైకో విష్ణు-
-ర్వ్యర్థం కుప్యసి మయ్యసహిష్ణుః |
సర్వస్మిన్నపి పశ్యాత్మానం
సర్వత్రోత్సృజ భేదాజ్ఞానం || 24 ||
శత్రౌ మిత్రే పుత్రే బంధౌ
మా కురు యత్నం విగ్రహసంధౌ |
భవ సమచిత్తః సర్వత్ర త్వం
వాంఛస్యచిరాద్యది విష్ణుత్వం || 25 ||
కామం క్రోధం లోభం మోహం
త్యక్త్వాత్మానం భావయ కోఽహం |
ఆత్మజ్ఞానవిహీనా మూఢా-
-స్తే పచ్యంతే నరకనిగూఢాః || 26 ||
గేయం గీతానామసహస్రం
ధ్యేయం శ్రీపతిరూపమజస్రం |
నేయం సజ్జనసంగే చిత్తం
దేయం దీనజనాయ చ విత్తం || 27 ||
సుఖతః క్రియతే రామాభోగః
పశ్చాద్ధంత శరీరే రోగః |
యద్యపి లోకే మరణం శరణం
తదపి న ముంచతి పాపాచరణం || 28 ||
అర్థమనర్థం భావయ నిత్యం
నాస్తి తతః సుఖలేశః సత్యం |
పుత్రాదపి ధనభాజాం భీతిః
సర్వత్రైషా విహితా రీతిః || 29 ||
ప్రాణాయామం ప్రత్యాహారం
నిత్యానిత్యవివేకవిచారం |
జాప్యసమేతసమాధివిధానం
కుర్వవధానం మహదవధానం || 30 ||
గురుచరణాంబుజనిర్భరభక్తః
సంసారాదచిరాద్భవ ముక్తః |
సేంద్రియమానసనియమాదేవ
ద్రక్ష్యసి నిజహృదయస్థం దేవం || 31 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ మోహముద్గరః సంపూర్ణం

దీనబంధ్వష్టకం

దీనబంధ్వష్టకం.

Telugu

Read Stotra

దీనబంధ్వష్టకం

యస్మాదిదం జగదుదేతి చతుర్ముఖాద్యం
యస్మిన్నవస్థితమశేషమశేషమూలే |
యత్రోపయాతి విలయం చ సమస్తమంతే
దృగ్గోచరో భవతు మేఽద్య స దీనబంధుః || 1 ||
చక్రం సహస్రకరచారు కరారవిందే
గుర్వీ గదా దరవరశ్చ విభాతి యస్య |
పక్షీంద్రపృష్ఠపరిరోపితపాదపద్మో
దృగ్గోచరో భవతు మేఽద్య స దీనబంధుః || 2 ||
యేనోద్ధృతా వసుమతీ సలిలే నిమగ్నా
నగ్నా చ పాండవవధూః స్థగితా దుకూలైః |
సంమోచితో జలచరస్య ముఖాద్గజేంద్రో
దృగ్గోచరో భవతు మేఽద్య స దీనబంధుః || 3 ||
యస్యార్ద్రదృష్టివశతస్తు సురాః సమృద్ధిం
కోపేక్షణేన దనుజా విలయం వ్రజంతి |
భీతాశ్చరంతి చ యతోఽర్కయమానిలాద్యాః
దృగ్గోచరో భవతు మేఽద్య స దీనబంధుః || 4 ||
గాయంతి సామకుశలా యమజం మఖేషు
ధ్యాయంతి ధీరమతయో యతయో వివిక్తే |
పశ్యంతి యోగిపురుషాః పురుషం శరీరే
దృగ్గోచరో భవతు మేఽద్య స దీనబంధుః || 5 ||
ఆకారరూపగుణయోగవివర్జితోఽపి
భక్తానుకంపననిమిత్తగృహీతమూర్తిః |
యః సర్వగోఽపి కృతశేషశరీరశయ్యో
దృగ్గోచరో భవతు మేఽద్య స దీనబంధుః || 6 ||
యస్యాంఘ్రిపంకజమనిద్రమునీంద్రబృందై-
-రారాధ్యతే భవదవానలదాహశాంత్యై |
సర్వాపరాధమవిచింత్య మమాఖిలాత్మా
దృగ్గోచరో భవతు మేఽద్య స దీనబంధుః || 7 ||
యన్నామకీర్తనపరః శ్వపచోఽపి నూనం
హిత్వాఖిలం కలిమలం భువనం పునాతి |
దగ్ధ్వా మమాఘమఖిలం కరుణేక్షణేన
దృగ్గోచరో భవతు మేఽద్య స దీనబంధుః || 8 ||
దీనబంధ్వష్టకం పుణ్యం బ్రహ్మానందేన భాషితం |
యః పఠేత్ ప్రయతో నిత్యం తస్య విష్ణుః ప్రసీదతి || 9 ||
ఇతి శ్రీమత్పరమహంస స్వామి బ్రహ్మానంద విరచితం దీనబంధ్వష్టకం |

శ్రీ హరి నామమాలా స్తోత్రం

శ్రీ హరి నామమాలా స్తోత్రం.

Telugu

Read Stotra

శ్రీ హరి నామమాలా స్తోత్రం

గోవిందం గోకులానందం గోపాలం గోపివల్లభం |
గోవర్ధనోద్ధరం ధీరం తం వందే గోమతీప్రియం || 1 ||
నారాయణం నిరాకారం నరవీరం నరోత్తమం |
నృసింహం నాగనాథం చ తం వందే నరకాంతకం || 2 ||
పీతాంబరం పద్మనాభం పద్మాక్షం పురుషోత్తమం |
పవిత్రం పరమానందం తం వందే పరమేశ్వరం || 3 ||
రాఘవం రామచంద్రం చ రావణారిం రమాపతిం |
రాజీవలోచనం రామం తం వందే రఘునందనం || 4 ||
వామనం విశ్వరూపం చ వాసుదేవం చ విఠ్ఠలం |
విశ్వేశ్వరం విభుం వ్యాసం తం వందే వేదవల్లభం || 5 ||
దామోదరం దివ్యసింహం దయాళుం దీననాయకం |
దైత్యారిం దేవదేవేశం తం వందే దేవకీసుతం || 6 ||
మురారిం మాధవం మత్స్యం ముకుందం ముష్టిమర్దనం |
ముంజకేశం మహాబాహుం తం వందే మధుసూదనం || 7 ||
కేశవం కమలాకాంతం కామేశం కౌస్తుభప్రియం |
కౌమోదకీధరం కృష్ణం తం వందే కౌరవాంతకం || 8 ||
భూధరం భువనానందం భూతేశం భూతనాయకం |
భావనైకం భుజంగేశం తం వందే భవనాశనం || 9 ||
జనార్దనం జగన్నాథం జగజ్జాడ్యవినాశకం |
జామదగ్న్యం పరం జ్యోతిస్తం వందే జలశాయినం || 10 ||
చతుర్భుజం చిదానందం మల్లచాణూరమర్దనం |
చరాచరగురుం దేవం తం వందే చక్రపాణినం || 11 ||
శ్రియఃకరం శ్రియోనాథం శ్రీధరం శ్రీవరప్రదం |
శ్రీవత్సలధరం సౌంయం తం వందే శ్రీసురేశ్వరం || 12 ||
యోగీశ్వరం యజ్ఞపతిం యశోదానందదాయకం |
యమునాజలకల్లోలం తం వందే యదునాయకం || 13 ||
సాలగ్రామశిలాశుద్ధం శంఖచక్రోపశోభితం |
సురాసురైః సదా సేవ్యం తం వందే సాధువల్లభం || 14 ||
త్రివిక్రమం తపోమూర్తిం త్రివిధాఘౌఘనాశనం |
త్రిస్థలం తీర్థరాజేంద్రం తం వందే తులసీప్రియం || 15 ||
అనంతమాదిపురుషమచ్యుతం చ వరప్రదం |
ఆనందం చ సదానందం తం వందే చాఘనాశనం || 16 ||
లీలయా ధృతభూభారం లోకసత్త్వైకవందితం |
లోకేశ్వరం చ శ్రీకాంతం తం వందే లక్ష్మణప్రియం || 17 ||
హరిం చ హరిణాక్షం చ హరినాథం హరప్రియం |
హలాయుధసహాయం చ తం వందే హనుమత్ప్రియం || 18 ||
హరినామకృతా మాలా పవిత్రా పాపనాశినీ |
బలిరాజేంద్రేణ చోక్తా కంఠే ధార్యా ప్రయత్నతః ||
ఇతి బలిరాజేంద్రేణోక్తం శ్రీ హరి నామమాలా స్తోత్రం

శ్రీ హరి నామాష్టకం

శ్రీ హరి నామాష్టకం.

Telugu

Read Stotra

శ్రీ హరి నామాష్టకం

శ్రీకేశవాచ్యుత ముకుంద రథాంగపాణే
గోవింద మాధవ జనార్దన దానవారే |
నారాయణామరపతే త్రిజగన్నివాస
జిహ్వే జపేతి సతతం మధురాక్షరాణి || 1 ||
శ్రీదేవదేవ మధుసూదన శార్ఙ్గపాణే
దామోదరార్ణవనికేతన కైటభారే |
విశ్వంభరాభరణభూషిత భూమిపాల
జిహ్వే జపేతి సతతం మధురాక్షరాణి || 2 ||
శ్రీపద్మలోచన గదాధర పద్మనాభ
పద్మేశ పద్మపద పావన పద్మపాణే |
పీతాంబరాంబరరుచే రుచిరావతార
జిహ్వే జపేతి సతతం మధురాక్షరాణి || 3 ||
శ్రీకాంత కౌస్తుభధరార్తిహరాప్రమేయ
విష్ణో త్రివిక్రమ మహీధర ధర్మసేతో |
వైకుంఠవాస వసుధాధిప వాసుదేవ
జిహ్వే జపేతి సతతం మధురాక్షరాణి || 4 ||
శ్రీనారసింహ నరకాంతక కాంతమూర్తే
లక్ష్మీపతే గరుడవాహన శేషశాయిన్ |
కేశిప్రణాశన సుకేశ కిరీటమౌళే
జిహ్వే జపేతి సతతం మధురాక్షరాణి || 5 ||
శ్రీవత్సలాంఛన సురర్షభ శంఖపాణే
కల్పాంతవారిధివిహార హరే మురారే |
యజ్ఞేశ యజ్ఞమయ యజ్ఞభుగాదిదేవ
జిహ్వే జపేతి సతతం మధురాక్షరాణి || 6 ||
శ్రీరామ రావణరిపో రఘువంశకేతో
సీతాపతే దశరథాత్మజ రాజసింహ |
సుగ్రీవమిత్ర మృగవేధక చాపపాణే
జిహ్వే జపేతి సతతం మధురాక్షరాణి || 7 ||
శ్రీకృష్ణ వృష్ణివర యాదవ రాధికేశ
గోవర్ధనోద్ధరణ కంసవినాశ శౌరే |
గోపాల వేణుధర పాండుసుతైకబంధో
జిహ్వే జపేతి సతతం మధురాక్షరాణి || 8 ||
ఇత్యష్టకం భగవతః సతతం నరో యో
నామాంకితం పఠతి నిత్యమనన్యచేతాః |
విష్ణోః పరం పదముపైతి పునర్న జాతు
మాతుః పయోధరరసం పిబతీహ సత్యం || 9 ||
ఇతి శ్రీమత్పరమహంస స్వామి బ్రహ్మానంద విరచితం హరినామాష్టకం |

శ్రీ హరి నామాష్టకం

శ్రీ హరి నామాష్టకం.

Telugu

Read Stotra

శ్రీ హరి నామాష్టకం

శ్రీ హరి శరణాష్టకం

శ్రీ హరి శరణాష్టకం.

Telugu

Read Stotra

శ్రీ హరి శరణాష్టకం

ధ్యేయం వదంతి శివమేవ హి కేచిదన్యే
శక్తిం గణేశమపరే తు దివాకరం వై |
రూపైస్తు తైరపి విభాసి యతస్త్వమేవ
తస్మాత్త్వమేవ శరణం మమ శంఖపాణే || 1 ||
నో సోదరో న జనకో జననీ న జాయా
నైవాత్మజో న చ కులం విపులం బలం వా |
సందృశ్యతే న కిల కోఽపి సహాయకో మే
తస్మాత్త్వమేవ శరణం మమ శంఖపాణే || 2 ||
నోపాసితా మదమపాస్య మయా మహాంత-
-స్తీర్థాని చాస్తికధియా నహి సేవితాని |
దేవార్చనం చ విధివన్న కృతం కదాపి
తస్మాత్త్వమేవ శరణం మమ శంఖపాణే || 3 ||
దుర్వాసనా మమ సదా పరికర్షయంతి
చిత్తం శరీరమపి రోగగణా దహంతి |
సంజీవనం చ పరహస్తగతం సదైవ
తస్మాత్త్వమేవ శరణం మమ శంఖపాణే || 4 ||
పూర్వం కృతాని దురితాని మయా తు యాని
స్మృత్వాఽఖిలాని హృదయం పరికంపతే మే |
ఖ్యాతా చ తే పతితపావనతా తు యస్మా-
-త్తస్మాత్త్వమేవ శరణం మమ శంఖపాణే || 5 ||
దుఃఖం జరాజననజం వివిధాశ్చ రోగాః
కాకశ్వసూకరజనిర్నిచయే చ పాతః |
తద్విస్మృతేః ఫలమిదం వితతం హి లోకే
తస్మాత్త్వమేవ శరణం మమ శంఖపాణే || 6 ||
నీచోఽపి పాపవలితోఽపి వినిందితోఽపి
బ్రూయాత్తవాహమితి యస్తు కిలైకవారం |
తస్మై దదాసి నిజలోకమితి వ్రతం తే
తస్మాత్త్వమేవ శరణం మమ శంఖపాణే || 7 ||
వేదేషు ధర్మవచనేషు తథాగమేషు
రామాయణేఽపి చ పురాణకదంబకే వా |
సర్వత్ర సర్వవిధినా గదితస్త్వమేవ
తస్మాత్త్వమేవ శరణం మమ శంఖపాణే || 8 ||
ఇతి శ్రీమత్పరమహంస స్వామి బ్రహ్మానంద విరచితం శ్రీ హరి శరణాష్టకం |

శ్రీ హరి స్తోత్రం

శ్రీ హరి స్తోత్రం.

Telugu

Read Stotra

శ్రీ హరి స్తోత్రం

జగజ్జాలపాలం కచత్కంఠమాలం
శరచ్చంద్రఫాలం మహాదైత్యకాలం |
నభో నీలకాయం దురావారమాయం
సుపద్మాసహాయం భజేఽహం భజేఽహం || 1 ||
సదాంభోధివాసం గలత్పుష్పహాసం
జగత్సన్నివాసం శతాదిత్యభాసం |
గదాచక్రశస్త్రం లసత్పీతవస్త్రం
హసచ్చారువక్త్రం భజేఽహం భజేఽహం || 2 ||
రమాకంఠహారం శ్రుతివ్రాతసారం
జలాంతర్విహారం ధరాభారహారం |
చిదానందరూపం మనోహారిరూపం
ధృతానేకరూపం భజేఽహం భజేఽహం || 3 ||
జరాజన్మహీనం పరానందపీనం
సమాధానలీనం సదైవానవీనం |
జగజ్జన్మహేతుం సురానీకకేతుం
దృఢం విశ్వసేతుం భజేఽహం భజేఽహం || 4 ||
కృతాంనాయగానం ఖగాధీశయానం
విముక్తేర్నిదానం హరారాతిమానం |
స్వభక్తానుకూలం జగద్వృక్షమూలం
నిరస్తార్తశూలం భజేఽహం భజేఽహం || 5 ||
సమస్తామరేశం ద్విరేఫాభకేశం
జగద్బింబలేశం హృదాకాశదేశం |
సదా దివ్యదేహం విముక్తాఖిలేహం
సువైకుంఠగేహం భజేఽహం భజేఽహం || 6 ||
సురాలీబలిష్ఠం త్రిలోకీవరిష్ఠం
గురూణాం గరిష్ఠం స్వరూపైకనిష్ఠం |
సదా యుద్ధధీరం మహావీరవీరం
భవాంభోధితీరం భజేఽహం భజేఽహం || 7 ||
రమావామభాగం తలావిష్టనాగం
కృతాధీనయాగం గతారాగరాగం |
మునీంద్రైః సుగీతం సురైః సంపరీతం
గుణౌఘైరతీతం భజేఽహం భజేఽహం || 8 ||
ఇదం యస్తు నిత్యం సమాధాయ చిత్తం
పఠేదష్టకం కంఠహారం మురారేః |
స విష్ణోర్విశోకం ధ్రువం యాతి లోకం
జరాజన్మశోకం పునర్విందతే నో || 9 ||
ఇతి శ్రీమత్పరమహంస స్వామి బ్రహ్మానంద విరచితం శ్రీ హరి స్తోత్రం ||

శ్రీ హరి స్తుతిః (హరిమీడే స్తోత్రం)

శ్రీ హరి స్తుతిః (హరిమీడే స్తోత్రం).

Telugu

Read Stotra

శ్రీ హరి స్తుతిః (హరిమీడే స్తోత్రం)

స్తోష్యే భక్త్యా విష్ణుమనాదిం జగదాదిం
యస్మిన్నేతత్సంసృతిచక్రం భ్రమతీత్థం |
యస్మిన్ దృష్టే నశ్యతి తత్సంసృతిచక్రం
తం సంసారధ్వాంతవినాశం హరిమీడే || 1 ||
యస్యైకాంశాదిత్థమశేషం జగదేత-
-త్ప్రాదుర్భూతం యేన పినద్ధం పునరిత్థం |
యేన వ్యాప్తం యేన విబుద్ధం సుఖదుఃఖై-
-స్తం సంసారధ్వాంతవినాశం హరిమీడే || 2 ||
సర్వజ్ఞో యో యశ్చ హి సర్వః సకలో యో
యశ్చానందోఽనంతగుణో యో గుణధామా |
యశ్చావ్యక్తో వ్యస్తసమస్తః సదసద్య-
-స్తం సంసారధ్వాంతవినాశం హరిమీడే || 3 ||
యస్మాదన్యన్నాస్త్యపి నైవం పరమార్థం
దృశ్యాదన్యో నిర్విషయజ్ఞానమయత్వాత్ |
జ్ఞాతృజ్ఞానజ్ఞేయవిహీనోఽపి సదా జ్ఞ-
-స్తం సంసారధ్వాంతవినాశం హరిమీడే || 4 ||
ఆచార్యేభ్యో లబ్ధసుసూక్ష్మాచ్యుతతత్త్వా
వైరాగ్యేణాభ్యాసబలాచ్చైవ ద్రఢింనా |
భక్త్యైకాగ్ర్యధ్యానపరా యం విదురీశం
తం సంసారధ్వాంతవినాశం హరిమీడే || 5 ||
ప్రాణానాయంయోమితి చిత్తం హృది రుద్ధ్వా
నాన్యత్స్మృత్వా తత్పునరత్రైవ విలాప్య |
క్షీణే చిత్తే భాదృశిరస్మీతి విదుర్యం
తం సంసారధ్వాంతవినాశం హరిమీడే || 6 ||
యం బ్రహ్మాఖ్యం దేవమనన్యం పరిపూర్ణం
హృత్స్థం భక్తైర్లభ్యమజం సూక్ష్మమతర్క్యం |
ధ్యాత్వాత్మస్థం బ్రహ్మవిదో యం విదురీశం
తం సంసారధ్వాంతవినాశం హరిమీడే || 7 ||
మాత్రాతీతం స్వాత్మవికాసాత్మవిబోధం
జ్ఞేయాతీతం జ్ఞానమయం హృద్యుపలభ్యం |
భావగ్రాహ్యానందమనన్యం చ విదుర్యం
తం సంసారధ్వాంతవినాశం హరిమీడే || 8 ||
యద్యద్వేద్యం వస్తుసతత్త్వం విషయాఖ్యం
తత్తద్బ్రహ్మైవేతి విదిత్వా తదహం చ |
ధ్యాయంత్యేవం యం సనకాద్యా మునయోఽజం
తం సంసారధ్వాంతవినాశం హరిమీడే || 9 ||
యద్యద్వేద్యం తత్తదహం నేతి విహాయ
స్వాత్మజ్యోతిర్జ్ఞానమయానందమవాప్య |
తస్మిన్నస్మీత్యాత్మవిదో యం విదురీశం
తం సంసారధ్వాంతవినాశం హరిమీడే || 10 ||
హిత్వాహిత్వా దృశ్యమశేషం సవికల్పం
మత్వా శిష్టం భాదృశిమాత్రం గగనాభం |
త్యక్త్వా దేహం యం ప్రవిశంత్యచ్యుతభక్తా-
-స్తం సంసారధ్వాంతవినాశం హరిమీడే || 11 ||
సర్వత్రాస్తే సర్వశరీరీ న చ సర్వః
సర్వం వేత్త్యేవేహ న యం వేత్తి చ సర్వః |
సర్వత్రాంతర్యామితయేత్థం యమయన్ య-
-స్తం సంసారధ్వాంతవినాశం హరిమీడే || 12 ||
సర్వం దృష్ట్వా స్వాత్మని యుక్త్యా జగదేత-
-ద్దృష్ట్వాత్మానం చైవమజం సర్వజనేషు |
సర్వాత్మైకోఽస్మీతి విదుర్యం జనహృత్స్థం
తం సంసారధ్వాంతవినాశం హరిమీడే || 13 ||
సర్వత్రైకః పశ్యతి జిఘ్రత్యథ భుంక్తే
స్పృష్టా శ్రోతా బుధ్యతి చేత్యాహురిమం యం |
సాక్షీ చాస్తే కర్తృషు పశ్యన్నితి చాన్యే
తం సంసారధ్వాంతవినాశం హరిమీడే || 14 ||
పశ్యఞ్శృణ్వన్నత్ర విజానన్రసయన్స
జిఘ్రద్బిభ్రద్దేహమిమం జీవతయేత్థం |
ఇత్యాత్మానం యం విదురీశం విషయజ్ఞం
తం సంసారధ్వాంతవినాశం హరిమీడే || 15 ||
జాగ్రద్దృష్ట్వా స్థూలపదార్థానథ మాయాం
దృష్ట్వా స్వప్నేఽథాపి సుషుప్తౌ సుఖనిద్రాం |
ఇత్యాత్మానం వీక్ష్య ముదాస్తే చ తురీయే
తం సంసారధ్వాంతవినాశం హరిమీడే || 16 ||
పశ్యఞ్శుద్ధోఽప్యక్షర ఏకో గుణభేదా-
-న్నానాకారాన్స్ఫాటికవద్భాతి విచిత్రః |
భిన్నశ్ఛిన్నశ్చాయమజః కర్మఫలైర్య-
-స్తం సంసారధ్వాంతవినాశం హరిమీడే || 17 ||
బ్రహ్మా విష్ణూ రుద్రహుతాశౌ రవిచంద్రా-
-వింద్రో వాయుర్యజ్ఞ ఇతీత్థం పరికల్ప్య |
ఏకం సంతం యం బహుధాహుర్మతిభేదా-
-త్తం సంసారధ్వాంతవినాశం హరిమీడే || 18 ||
సత్యం జ్ఞానం శుద్ధమనంతం వ్యతిరిక్తం
శాంతం గూఢం నిష్కలమానందమనన్యం |
ఇత్యాహాదౌ యం వరుణోఽసౌ భృగవేఽజం
తం సంసారధ్వాంతవినాశం హరిమీడే || 19 ||
కోశానేతాన్పంచరసాదీనతిహాయ
బ్రహ్మాస్మీతి స్వాత్మని నిశ్చిత్య దృశిస్థం |
పిత్రా శిష్టో వేద భృగుర్యం యజురంతే
తం సంసారధ్వాంతవినాశం హరిమీడే || 20 ||
యేనావిష్టో యస్య చ శక్త్యా యదధీనః
క్షేత్రజ్ఞోఽయం కారయితా జంతుషు కర్తుః |
కర్తా భోక్తాత్మాత్ర హి యచ్ఛక్త్యధిరూఢ-
-స్తం సంసారధ్వాంతవినాశం హరిమీడే || 21 ||
సృష్ట్వా సర్వం స్వాత్మతయైవేత్థమతర్క్యం
వ్యాప్యాథాంతః కృత్స్నమిదం సృష్టమశేషం |
సచ్చ త్యచ్చాభూత్పరమాత్మా స య ఏక-
-స్తం సంసారధ్వాంతవినాశం హరిమీడే || 22 ||
వేదాంతైశ్చాధ్యాత్మికశాస్త్రైశ్చ పురాణైః
శాస్త్రైశ్చాన్యైః సాత్త్వతతంత్రైశ్చ యమీశం |
దృష్ట్వాథాంతశ్చేతసి బుద్ధ్వా వివిశుర్యం
తం సంసారధ్వాంతవినాశం హరిమీడే || 23 ||
శ్రద్ధాభక్తిధ్యానశమాద్యైర్యతమానై-
-ర్జ్ఞాతుం శక్యో దేవ ఇహైవాశు య ఈశః |
దుర్విజ్ఞేయో జన్మశతైశ్చాపి వినా తై-
-స్తం సంసారధ్వాంతవినాశం హరిమీడే || 24 ||
యస్యాతర్క్యం స్వాత్మవిభూతేః పరమార్థం
సర్వం ఖల్విత్యత్ర నిరుక్తం శ్రుతివిద్భిః |
తజ్జాతిత్వాదబ్ధితరంగాభమభిన్నం
తం సంసారధ్వాంతవినాశం హరిమీడే || 25 ||
దృష్ట్వా గీతాస్వక్షరతత్త్వం విధినాజం
భక్త్యా గుర్వ్యా లభ్య హృదిస్థం దృశిమాత్రం |
ధ్యాత్వా తస్మిన్నస్ంయహమిత్యత్ర విదుర్యం
తం సంసారధ్వాంతవినాశం హరిమీడే || 26 ||
క్షేత్రజ్ఞత్వం ప్రాప్య విభుః పంచముఖైర్యో
భుంక్తేఽజస్రం భోగ్యపదార్థాన్ ప్రకృతిస్థః |
క్షేత్రే క్షేత్రేఽప్స్విందువదేకో బహుధాస్తే
తం సంసారధ్వాంతవినాశం హరిమీడే || 27 ||
యుక్త్యాలోడ్య వ్యాసవచాంస్యత్ర హి లభ్యః
క్షేత్రక్షేత్రజ్ఞాంతరవిద్భిః పురుషాఖ్యః |
యోఽహం సోఽసౌ సోఽస్ంయహమేవేతి విదుర్యం
తం సంసారధ్వాంతవినాశం హరిమీడే || 28 ||
ఏకీకృత్యానేకశరీరస్థమిమం జ్ఞం
యం విజ్ఞాయేహైవ స ఏవాశు భవంతి |
యస్మింల్లీనా నేహ పునర్జన్మ లభంతే
తం సంసారధ్వాంతవినాశం హరిమీడే || 29 ||
ద్వంద్వైకత్వం యచ్చ మధుబ్రాహ్మణవాక్యైః
కృత్వా శక్రోపాసనమాసాద్య విభూత్యా |
యోఽసౌ సోఽహం సోఽస్ంయహమేవేతి విదుర్యం
తం సంసారధ్వాంతవినాశం హరిమీడే || 30 ||
యోఽయం దేహే చేష్టయితాఽంతఃకరణస్థః
సూర్యే చాసౌ తాపయితా సోఽస్ంయహమేవ |
ఇత్యాత్మైక్యోపాసనయా యం విదురీశం
తం సంసారధ్వాంతవినాశం హరిమీడే || 31 ||
విజ్ఞానాంశో యస్య సతః శక్త్యధిరూఢో
బుద్ధిర్బుధ్యత్యత్ర బహిర్బోధ్యపదార్థాన్ |
నైవాంతఃస్థం బుధ్యతి యం బోధయితారం
తం సంసారధ్వాంతవినాశం హరిమీడే || 32 ||
కోఽయం దేహే దేవ ఇతీత్థం సువిచార్య
జ్ఞాతా శ్రోతా మంతయితా చైష హి దేవః |
ఇత్యాలోచ్య జ్ఞాంశ ఇహాస్మీతి విదుర్యం
తం సంసారధ్వాంతవినాశం హరిమీడే || 33 ||
కో హ్యేవాన్యాదాత్మని న స్యాదయమేష
హ్యేవానందః ప్రాణితి చాపానితి చేతి |
ఇత్యస్తిత్వం వక్త్యుపపత్త్యా శ్రుతిరేషా
తం సంసారధ్వాంతవినాశం హరిమీడే || 34 ||
ప్రాణో వాఽహం వాక్ఛ్రవణాదీని మనో వా
బుద్ధిర్వాహం వ్యస్త ఉతాహోఽపి సమస్తః |
ఇత్యాలోచ్య జ్ఞప్తిరిహాస్మీతి విదుర్యం
తం సంసారధ్వాంతవినాశం హరిమీడే || 35 ||
నాహం ప్రాణో నైవ శరీరం న మనోఽహం
నాహం బుద్ధిర్నాహమహంకారధియౌ చ |
యోఽత్ర జ్ఞాంశః సోఽస్ంయహమేవేతి విదుర్యం
తం సంసారధ్వాంతవినాశం హరిమీడే || 36 ||
సత్తామాత్రం కేవలవిజ్ఞానమజం స-
-త్సూక్ష్మం నిత్యం తత్త్వమసీత్యాత్మసుతాయ |
సాంనామంతే ప్రాహ పితా యం విభుమాద్యం
తం సంసారధ్వాంతవినాశం హరిమీడే || 37 ||
మూర్తామూర్తే పూర్వమపోహ్యాథ సమాధౌ
దృశ్యం సర్వం నేతి చ నేతీతి విహాయ |
చైతన్యాంశే స్వాత్మని సంతం చ విదుర్యం
తం సంసారధ్వాంతవినాశం హరిమీడే || 38 ||
ఓతం ప్రోతం యత్ర చ సర్వం గగనాంతం
యోఽస్థూలానణ్వాదిషు సిద్ధోఽక్షరసంజ్ఞః |
జ్ఞాతాతోఽన్యో నేత్యుపలభ్యో న చ వేద్య-
-స్తం సంసారధ్వాంతవినాశం హరిమీడే || 39 ||
తావత్సర్వం సత్యమివాభాతి యదేత-
-ద్యావత్సోఽస్మీత్యాత్మని యో జ్ఞో న హి దృష్టః |
దృష్టే యస్మిన్సర్వమసత్యం భవతీదం
తం సంసారధ్వాంతవినాశం హరిమీడే || 40 ||
రాగాముక్తం లోహయుతం హేమ యథాగ్నౌ
యోగాష్టాంగేరుజ్జ్వలితజ్ఞానమయాగ్నౌ |
దగ్ధ్వాత్మానం జ్ఞం పరిశిష్టం చ విదుర్యం
తం సంసారధ్వాంతవినాశం హరిమీడే || 41 ||
యం విజ్ఞానజ్యోతిషమాద్యం సువిభాంతం
హృద్యర్కేంద్వగ్న్యోకసమీడ్యం తటిదాభం |
భక్త్యారాధ్యేహైవ విశంత్యాత్మని సంతం
తం సంసారధ్వాంతవినాశం హరిమీడే || 42 ||
పాయాద్భక్తం స్వాత్మని సంతం పురుషం యో
భక్త్యా స్తౌతీత్యాంగిరసం విష్ణురిమం మాం |
ఇత్యాత్మానం స్వాత్మని సంహృత్య సదైక-
-స్తం సంసారధ్వాంతవినాశం హరిమీడే || 43 ||
[* అధికశ్లోకః –
ఇత్థం స్తోత్రం భక్తజనేడ్యం భవభీతి-
-ధ్వాంతార్కాభం భగవత్పాదీయమిదం యః |
విష్ణోర్లోకం పఠతి శృణోతి వ్రజతి జ్ఞో
జ్ఞానం జ్ఞేయం స్వాత్మని చాప్నోతి మనుష్యః || 44 ||
*] ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ శ్రీ హరి స్తుతిః సంపూర్ణం |

శ్రీ గోవింద దామోదర స్తోత్రం

శ్రీ గోవింద దామోదర స్తోత్రం.

Telugu

Read Stotra

శ్రీ గోవింద దామోదర స్తోత్రం

శ్రీకృష్ణ గోవింద హరే మురారే
హే నాథ నారాయణ వాసుదేవ |
జిహ్వే పిబస్వామృతమేతదేవ
గోవింద దామోదర మాధవేతి || 1
విక్రేతుకామాఖిలగోపకన్యా
మురారిపాదార్పితచిత్తవృత్తిః |
దధ్యాదికం మోహవశాదవోచత్
గోవింద దామోదర మాధవేతి || 2
గృహే గృహే గోపవధూకదంబాః
సర్వే మిలిత్వా సమవాప్య యోగం |
పుణ్యాని నామాని పఠంతి నిత్యం
గోవింద దామోదర మాధవేతి || 3
సుఖం శయానా నిలయే నిజేఽపి
నామాని విష్ణోః ప్రవదంతి మర్త్యాః |
తే నిశ్చితం తన్మయతాం వ్రజంతి
గోవింద దామోదర మాధవేతి || 4
జిహ్వే సదైవం భజ సుందరాణి
నామాని కృష్ణస్య మనోహరాణి |
సమస్త భక్తార్తివినాశనాని
గోవింద దామోదర మాధవేతి || 5
సుఖావసానే ఇదమేవ సారం
దుఃఖావసానే ఇదమేవ జ్ఞేయం |
దేహావసానే ఇదమేవ జాప్యం
గోవింద దామోదర మాధవేతి || 6
జిహ్వే రసజ్ఞే మధురప్రియే త్వం
సత్యం హితం త్వాం పరమం వదామి |
అవర్ణయేథా మధురాక్షరాణి
గోవింద దామోదర మాధవేతి || 7
త్వామేవ యాచే మమ దేహి జిహ్వే
సమాగతే దండధరే కృతాంతే |
వక్తవ్యమేవం మధురం సుభక్త్యా
గోవింద దామోదర మాధవేతి || 8
శ్రీకృష్ణ రాధావర గోకులేశ
గోపాల గోవర్ధననాథ విష్ణో |
జిహ్వే పిబస్వామృతమేతదేవ
గోవింద దామోదర మాధవేతి || 9

Sign In

OTP Verification

ఏకశ్లోకీ భారతం

శ్రీ అనంతపద్మనాభ మంగళ స్తోత్రం

భగవన్మానసపూజా

భజ గోవిందం (మోహముద్గరః)

దీనబంధ్వష్టకం

శ్రీ హరి నామమాలా స్తోత్రం

శ్రీ హరి నామాష్టకం

శ్రీ హరి నామాష్టకం

శ్రీ హరి శరణాష్టకం

శ్రీ హరి స్తోత్రం

శ్రీ హరి స్తుతిః (హరిమీడే స్తోత్రం)

శ్రీ గోవింద దామోదర స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps