Sacred Stotras & Deities

 శ్రీ నృసింహ స్తోత్రం 2 

కుందేందుశంఖవర్ణ కృతయుగభగవాన్ పద్మపుష్పప్రదాతా
త్రేతాయాం కాంచనాభః పునరపి సమయే ద్వాపరే రక్తవర్ణః |
శంకే సంప్రాప్తకాలే కలియుగసమయే నీలమేఘశ్చ నాభౌ
ప్రద్యోత సృష్టికర్తా పరబలమదనః పాతు మాం నారసింహః || 1 ||
నాసాగ్రం పీనగండం పరబలమదనం బద్ధకేయురహారం
వజ్రం దంష్ట్రాకరాళం పరిమితగణనః కోటిసూర్యాగ్నితేజః |
గాంభీర్యం పింగళాక్షం భ్రుకిటితటముఖం కేశకేశార్ధభాగం
వందే భీమాట్టహాసం త్రిభువనవిజయః పాతు మాం నారసింహః || 2 ||
పాదద్వంద్వం ధరిత్ర్యాం పటుతరవిపులం మేరు మధ్యాహ్నసేతుం
నాభిం బ్రహ్మాండసింధో హృదయమభిముఖం భూతవిధ్వంసనేతః |
ఆహుశ్చక్రంతస్యబాహుం కులిశనఖముఖం చంద్రసూర్యాగ్నినేత్రం |
వక్త్రం వహ్న్యస్య విద్వత్సురగణవినుతః పాతు మాం నారసింహః || 3 ||
ఘోరం భీమం మహోగ్రం స్ఫటికకుటిలతా భీమపాలం పలాక్షం
చోర్ధ్వం కేశం ప్రళయశశిముఖం వజ్రదంష్ట్రాకరాళం |
ద్వాత్రింశద్బాహుయుగ్మం పరిఖగదాశూలపాశాగ్నిధారం
వందే భీమాట్టహాసం నఖగుణవిజయః పాతు మాం నారసింహః || 4 ||
గోకంఠం దారుణాంతం వనవరవిటపీ డిండిడిండోటడింభం
డింభం డింభం డిడింభం దహమపి దహమః ఝంప్రఝంప్రేస్తు ఝంప్రైః |
తుల్యస్తుల్యస్తుతుల్య త్రిఘుమ ఘుమఘుమాం కుంకుమాం కుంకుమాంగం
ఇత్యేవం నారసింహం వహతి కకుభతః పాతు మాం నారసింహః || 5 ||
భూభృద్భూభృద్భుజంగం మకరకరకర ప్రజ్వలజ్జ్వాలమాలం
ఖర్జంతం ఖర్జఖర్జం ఖజఖజఖజితం ఖర్జఖర్జర్జయంతం |
భూభాగం భోగభాగం గగగగ గహనం కద్రుమధృత్యకంఠం
స్వచ్ఛం పుచ్ఛం సుకచ్ఛం స్వచితహితకరః పాతు మాం నారసింహః || 6 ||
ఝుంఝుంఝుంకారకారం జటిమటిజననం జానురూపం జకారం
హంహం హంసస్వరూపం హయశతకకుభం అట్టహాసం వివేశం |
వంవంవం వాయువేగం సురవరవినుతం వామనాక్షం సురేశం
లంలంలం లాలితాక్షం నఖగుణవిజయః పాతు మాం నారసింహః || 7 ||
యం దృష్ట్వా నారసింహం వికృతనఖముఖం తీక్ష్ణదంష్ట్రాకరాళం
పింగాక్షం స్నిగ్ధవర్ణం జితవపుసదృశః కుంచితాగ్రోగ్రతేజాః |
భీతాఽమీదానవేంద్రాః సురభయవినుతిః శక్తినిర్ముక్తహస్తం
నాసాస్యం కిం కిమేతం క్షం వితజనకజః పాతు మాం నారసింహః || 8 ||
శ్రీవత్సాంకం త్రినేత్రం శశిధరధవళం చక్రహస్తం సురేశం
వేదాంగం వేదనాదం వినుతతనువిదం వేదరూపం స్వరూపం |
హోంహోంహోంకారకారం హుతవహనయనం ప్రజ్వలజ్వాలఫాలం
క్షంక్షంక్షం బీజరూపం నరహరివినుతః పాతు మాం నారసింహః || 9 ||
అహో వీర్యమహో శౌర్యం మహాబలపరాక్రమం |
నారసింహం మహాదేవం అహోబలమహాబలం || 10 ||
జ్వాలాఽహోబల మాలోలః క్రోడ కారంజ భార్గవం |
యోగానందశ్ఛత్రవట పావనా నవమూర్తయః || 11 ||
శ్రీమన్నృసింహ విభవే గరుడధ్వజాయ
తాపత్రయోపశమనాయ భవౌషధాయ |
తృష్ణాదివృశ్చికజలాగ్నిభుజంగరోగ-
-క్లేశవ్యయాయ హరయే గురవే నమస్తే ||

 శ్రీ నృసింహ స్తోత్రం –3 (రామసత్కవి కృతం)

శ్రీరమాకుచాగ్రభాసికుంకుమాంకితోరసం
తాపనాంఘ్రిసారసం సదాదయాసుధారసం |
కుందశుభ్రశారదారవిందచంద్రసుందరం
సింహశైలమందిరం నృసింహదేవమాశ్రయే || 1 ||
పాపపాశమోచనం విరోచనేందులోచనం
ఫాలలోచనాదిదేవసన్నుతం మహోన్నతం |
శేషతల్పశాయినం మనోరథప్రదాయినం
సింహశైలమందిరం నృసింహదేవమాశ్రయే || 2 ||
సంచరస్సటాజటాభిరున్నమేఘమండలం
భైరవారవాటహాసభేదిదామిహోదరం |
దీనలోకసాదరం ధరాభరం జటాధరం
సింహశైలమందిరం నృసింహదేవమాశ్రయే || 3 ||
శాకినీపిశాచిఘోరఢాకినీభయంకరం
బ్రహ్మరాక్షసవ్యథా క్షయంకరం శివంకరం |
దేవతాసుహృత్తమం దివాకరం సుధాకరం
సింహశైలమందిరం నృసింహదేవమాశ్రయే || 4 ||
మత్స్యకూర్మక్రోడనారసింహవామనాకృతిం
భార్గవం రఘూద్వహం ప్రలంభగర్పురాపహం |
బుద్ధకల్కివిగ్రహం జగద్విరోధినిగ్రహం
సింహశైలమందిరం నృసింహదేవమాశ్రయే || 5 ||
ధారుణీ వధూమణీ గృహీతపాదపల్లవం
నందగోష్ట్రవల్లవీసతీమనోజ్ఞవల్లభం |
మాయినాం విశారదం భవాంబురాశిపారదం
సింహశైలమందిరం నృసింహదేవమాశ్రయే || 6 ||
మోహతాపహారిణం గదారథాంగధారిణం
శ్రీమనోవిహారిణం విదేహజోర్నివారిణం |
దానవేంద్రవైరిణం తపోధనేష్టకారిణం
సింహశైలమందిరం నృసింహదేవమాశ్రయే || 7 ||
రామసత్కవిప్రణీతమేతదష్టకా శివం
దేవసారసంగ్రహం మహోగ్రపాతకాంతకం |
జల్పితాం నిరంతరం సమస్తకామపూరకం
సింహశైలమందిరం నృసింహదేవమాశ్రయే || 8 ||
ఇతి రామసత్కవి కృత శ్రీ నృసింహ అష్టక స్తోత్రం ||

 శ్రీ నృసింహ స్తోత్రం –4 (బ్రహ్మ కృతం) 

బ్రహ్మోవాచ |
భవానక్షరమవ్యక్తమచింత్యం గుహ్యముత్తమం |
కూటస్థమకృతం కర్తృ సనాతనమనామయం || 1 ||
సాంఖ్యయోగే చ యా బుద్ధిస్తత్త్వార్థపరినిష్ఠితా |
తాం భవాన్ వేదవిద్యాత్మా పురుషః శాశ్వతో ధ్రువః || 2 ||
త్వం వ్యక్తశ్చ తథాఽవ్యక్తస్త్వత్తః సర్వమిదం జగత్ |
భవన్మయా వయం దేవ భవానాత్మా భవాన్ ప్రభుః || 3 ||
చతుర్విభక్తమూర్తిస్త్వం సర్వలోకవిభుర్గురుః |
చతుర్యుగసహస్రేణ సర్వలోకాంతకాంతకః || 4 ||
ప్రతిష్ఠా సర్వభూతానామనంతబలపౌరుషః |
కపిలప్రభృతీనాం చ యతీనాం పరమా గతిః || 5 ||
అనాదిమధ్యనిధనః సర్వాత్మా పురుషోత్తమః |
స్రష్టా త్వం త్వం చ సంహర్తా త్వమేకో లోకభావనః || 6 ||
భవాన్ బ్రహ్మా చ రుద్రశ్చ మహేంద్రో వరుణో యమః |
భవాన్ కర్తా వికర్తా చ లోకానాం ప్రభురవ్యయః || 7 ||
పరాం చ సిద్ధిం పరమం చ దేవం
పరం చ మంత్రం పరమం మనశ్చ |
పరం చ ధర్మం పరమం యశశ్చ
త్వామాహురగ్ర్యం పురుషం పురాణం || 8 ||
పరం చ సత్యం పరమం హవిశ్చ
పరం పవిత్రం పరమం చ మార్గం |
పరం చ హోత్రం పరమం చ యజ్ఞం
త్వామాహురగ్ర్యం పురుషం పురాణం || 9 ||
పరం శరీరం పరమం చ ధామ
పరం చ యోగం పరమాం చ వాణీం |
పరం రహస్యం పరమాం గతిం చ
త్వామాహురగ్ర్యం పురుషం పురాణం || 10 ||
పరం పరస్యాపి పరం చ యత్పరం
పరం పరస్యాపి పరం చ దేవం |
పరం పరస్యాపి పరం ప్రభుం చ
త్వామాహురగ్ర్యం పురుషం పురాణం || 11 ||
పరం పరస్యాపి పరం ప్రధానం
పరం పరస్యాపి పరం చ తత్త్వం |
పరం పరస్యాపి పరం చ ధాతా
త్వామాహురగ్ర్యం పురుషం పురాణం || 12 ||
పరం పరస్యాపి పరం రహస్యం
పరం పరస్యాపి పరం పరం యత్ |
పరం పరస్యాపి పరం తపో యత్
త్వామాహురగ్ర్యం పురుషం పురాణం || 13 ||
పరం పరస్యాపి పరం పరాయణం
పరం చ గుహ్యం చ పరం చ ధామ |
పరం చ యోగం పరమం ప్రభుత్వం
త్వామాహురగ్ర్యం పురుషం పురాణం || 14 ||
ఇతి శ్రీహరివంశే భవిష్యపర్వణి సప్తచత్వారింశోఽధ్యాయే బ్రహ్మ కృత శ్రీ నరసింహ స్తోత్రం |

 శ్రీ నృసింహ స్తోత్రం –5 (శ్రీవాసుదేవానంద సరస్వతి కృతం) 

 జయ జయ భయహారిన్ భక్తచిత్తాబ్జచారిన్
జయ జయ నయచారిన్ దృప్తమత్తారిమారిన్ |
జయ జయ జయశాలిన్ పాహి నః శూరసింహ
జయ జయ దయయార్ద్ర త్రాహి నః శ్రీనృసింహ || 1 ||
అసురసమరధీరస్త్వం మహాత్మాసి జిష్ణో
అమరవిసరవీరస్త్వం పరాత్మాసి విష్ణో |
సదయహృదయ గోప్తా త్వన్న చాన్యో విమోహ
జయ జయ దయయార్ద్ర త్రాహి నః శ్రీనృసింహ || 2 ||
ఖరతరనఖరాస్త్రం స్వారిహత్యై విధత్సే
పరతరవరహస్తం స్వావనాయైవ ధత్సే |
భవభయభయకర్తా కోఽపరాస్తార్క్ష్యవాహ
జయ జయ దయయార్ద్ర త్రాహి నః శ్రీనృసింహ || 3 ||
అసురకులబలారిః స్వేష్టచేతస్తమోఽరిః
సకలఖలబలారిస్త్వం స్వభక్తారివైరీ |
త్వదిత స ఇనదృక్ సత్పక్షపాతీ న చేహ
జయ జయ దయయార్ద్ర త్రాహి నః శ్రీనృసింహ || 4 ||
సకలసురబలారిః ప్రాణిమాత్రాపకారీ
తవ భజకవరారిర్ధర్మవిధ్వంసకారీ |
సురవరవరదృప్తః సోఽప్యరిస్తే హతో హ
జయ జయ దయయార్ద్ర త్రాహి నః శ్రీనృసింహ || 5 ||
దహనాదహహాబ్ధిపాతనా-
-ద్గరదానాద్భృగుపాతనాదపి |
నిజభక్త ఇహావితో యథా
నరసింహాపి సదావ నస్తథా || 6 ||
నిజభృత్యవిభాషితం మితం
ఖలు కర్తుం త్వమృతం దయాకర |
ప్రకటీకృతమిధ్మమధ్యతో
నిజరూపం నరసింహ ధీశ్వర || 7 ||
నారాధనం న హవనం న తపో జపో వా
తీర్థం వ్రతం న చ కృతం శ్రవణాది నో వా |
సేవా కుటుంబభరణాయ కృతాదిదీనా
దీనార్తిహన్ నరహరేఽఘహరే హ నోఽవ || 8 ||
ఇతి శ్రీమత్పరమహంస పరివ్రాజకాచార్య శ్రీవాసుదేవానందసరస్వతీ విరచితం శ్రీ నరసింహ స్తోత్రం |

శ్రీ సుబ్రహ్మణ్యాక్షరమాలికా స్తోత్రం

శరవణభవ గుహ శరవణభవ గుహ
శరవణభవ గుహ పాహి గురో గుహ ||
అఖిలజగజ్జనిపాలననిలయన
కారణ సత్సుఖచిద్ఘన భో గుహ || 1 ||
ఆగమనిగదితమంగళగుణగణ
ఆదిపురుషపురుహూత సుపూజిత || 2 ||
ఇభవదనానుజ శుభసముదయయుత
విభవకరంబిత విభుపదజృంభిత || 3 ||
ఈతిభయాపహ నీతినయావహ
గీతికలాఖిలరీతివిశారద || 4 ||
ఉపపతిరివకృతవల్లీసంగమ –
కుపిత వనేచరపతిహృదయంగమ || 5 ||
ఊర్జితశాసనమార్జితభూషణ
స్ఫూర్జథుఘోషణ ధూర్జటితోషణ || 6 ||
ఋషిగణవిగణితచరణకమలయుత
ఋజుసరణిచరిత మహదవనమహిత || 7 ||
ౠకారాక్షరరూప పురాతన
రాకాచంద్రనికాశ షడానన || 8 ||
ఌకారరూపోపకారసునిరత
వికారరహితాపకారసువిరత || 9 ||
ౡకారాకృతి శోకాపోహన
కేకారవయుత కేకివినోదన || 10 ||
ఏడకవాహన మూఢవిమోహన
ఊఢసమభువన సోఢసదకరణ || 11 ||
ఐలబిలాదిదిగీశబలావృత
కైలాసాచలలీలాలాలస || 12 ||
ఓజోరేజిత తేజోరాజిత
ఆజివిరాజదరాత్యపరాజిత || 13 ||
ఔపనిషదపరమాత్మపదోదిత
ఔపాధికవిగ్రహతాముపగత || 14 ||
అంహోనాశన రంహోగాహన
బ్రహ్మోద్బోధన సింహోన్మేషణ || 15 ||
అస్తవిశస్తసమస్తమహాసుర
హస్తసతతధృతశక్తిభృతామర || 16 ||
కరుణావిగ్రహ కలితానుగ్రహ
కటుసుతిదుర్గ్రహ పటుయతిసుగ్రహ || 17 ||
ఖండితచండమహాసురమండల-
మండితనిబిడశ్యామళకుంతల || 18 ||
గంగాసంభవ గిరిశతనూభవ
రంగపురోభవ తుంగకుచాధవ || 19 ||
ఘనవాహనముఖ సురవరవందిత
ఘననాదోదిత శిఖినటనందిత || 20 ||
ఙవమానధనుర్మౌర్వీరవరత
పవమానధృతవ్యజనకృతిముదిత || 21 ||
చరణాయుధధర కరణావృతిహర
తరుణాకృతివర కరుణాసాగర || 22 ||
ఛేదిత తారక భేదిత పాతక
ఖేదిత ఘాతక వాంఛితదాయక || 23 ||
జలజనిభనయన ఖలమనుజమథన
బలిదనుజమదన కలికలుషశమన || 24 ||
ఝషకేతనసమ వృషకేతనరమ
మిషచేతనయమ వృషకారిసుగమ || 25 ||
జ్ఞాతాగమచయ ధూతాఘనిచయ
వీతషడరిరయ గీతగుణోదయ || 26 ||
టంకారాగత కంకాత్తాహిత
ఝంకారాఢ్యాలంకారావృత || 27 ||
ఠాకృతిరాజిత హాటకకుండల
స్వాకృతిరేజిత ఘోటకమండల || 28 ||
డింభాకృతియుత రంభానటరత
జంభారివినుత కుంభోద్భవనుత || 29 ||
ఢక్కారవకృత ధిక్కారాహిత
దిక్కాలామిత హిక్కాదిరహిత || 30 ||
ణకారతరుసుమ నికారరతిదమ
ణకారయుతమనుజపవిహితాగమ || 31 ||
తాపత్రయహర కాలత్రయచర
లోకత్రయధర వర్గత్రయకర || 32 ||
స్థిరపదదాయక సురవరనాయక
నిరసితసాయక నిరుపమగాయక || 33 ||
దాంతదయాపర కాంతకళేబర
భ్రాంతం మాం తర శాంతహృదయవర || 34 ||
ధీరోదాత్త గుణోత్తర జిత్వర |
ధీరోపాసిత విత్తమహత్తర || 35 ||
నవవీరాహిత సవయోవిహసిత
భవరోగావృతమనుజజిహాసిత || 36 ||
పుష్కరమాలావాసితవిగ్రహ
పుణ్యపరాయణ విహితపరిగ్రహ || 37 ||
ఫాలలసన్మృగమదతిలకోజ్జ్వల
కలిమలతూల సువాతూలాతుల || 38 ||
బందీకృతసురబృందానందన
వందారు మనుజ మందారద్రుమ || 39 ||
భవతాగమితః కారాగారం
ప్రణవావిదితశ్చతురాస్యోరం || 40 ||
మహనీయమహావాక్యోద్ఘోషిత
కమనీయమహామకుటోద్భూషిత || 41 ||
యోగిహృదయసరసీరుహభాస్వర
యోగాధీశ్వర భోగవికస్వర || 42 ||
రక్షోశిక్షణకృత్యవిచక్షణ
రక్షణదక్షకటాక్షనిరీక్షణ || 43 ||
లోలదుకూలాంచలవాదాంచల
బాలకుతూహల లీలాపేశల || 44 ||
వలవైరిసుతాచరితాపహసిత
లవలీతిమతా భవతో వనితా || 45 ||
శూలాయుధధర కాలాయుతహర
మాలాయుతభర హేలాయుతకర || 46 ||
షట్కోణస్థిత షట్తారకసుత
షడ్భావరహిత షడూర్మిఘాతక || 47 ||
సుబ్రహ్మణ్యోమితి నిగమాంతో
వదతి భవంతం ప్రణవపదార్థం || 48 ||
హారావళియుతకారాహృతసుర
ధారారతహయ నియుత నియుతరథ || 49 ||
లళితకరకమల లుళితవరవలయ
దళితాసురచయ మిళితామరచయ || 50 ||
క్షణభంగురజగదుపపాదనచణ
వేదవినిశ్చిత తత్త్వజనావన || 51 ||
నీలకంఠకృత వర్ణమాలికా
ప్రీతయే భవతు పార్వతీభువః ||
ఇతి నీలకంఠకృత శ్రీసుబ్రహ్మణ్యాక్షరమాలికా స్తోత్రం |

శ్రీ నృసింహ స్తోత్రం –6 (నారకా కృతం) 

నారకా ఊచుః |
ఓం నమో భగవతే తస్మై కేశవాయ మహాత్మనే |
యన్నామకీర్తనాత్సద్యో నరకాగ్నిః ప్రశాంయతి || 1 ||
భక్తప్రియాయ దేవాయ పరస్మై హరయే నమః | [రక్షాయ] లోకనాథాయ శాంతాయ యజ్ఞేశాయాదిమూర్తయే || 2 ||
అనంతాయాప్రమేయాయ నరసింహాయ తే నమః |
నారాయణాయ గురవే శంఖచక్రగదాభృతే || 3 ||
వేదప్రియాయ మహతే విక్రమాయ నమో నమః |
వరాహాయాప్రతర్క్యాయ వేదాంగాయ మహీభృతే || 4 ||
నమో ద్యుతిమతే నిత్యం బ్రాహ్మణాయ నమో నమః |
వామనాయ బహుజ్ఞాయ వేదవేదాంగధారిణే || 5 ||
బలిబంధనదక్షాయ వేదపాలాయ తే నమః |
విష్ణవే సురనాథాయ వ్యాపినే పరమాత్మనే || 6 ||
చతుర్భుజాయ శుద్ధాయ శుద్ధద్రవ్యాయ తే నమః |
జామదగ్న్యాయ రామాయ దుష్టక్షత్రాంతకారిణే || 7 ||
రామాయ రావణాంతాయ నమస్తుభ్యం మహాత్మనే |
అస్మానుద్ధర గోవింద పూతిగంధాన్నమోఽస్తు తే || 8 ||
ఇతి శ్రీనృసింహపురాణే అష్టమోఽధ్యాయే నారకాకృత శ్రీ నృసింహ స్తోత్రం |

శ్రీ సుబ్రహ్మణ్య మూలమంత్ర స్తవః

సుబ్రహ్మణ్య స్వామి మూల మంత్రాన్ని జపించడం ద్వారా భక్తులు సుబ్రహ్మణ్య స్వామి అనుగ్రహాన్ని పొందుతారని, కష్టాలు తొలగిపోయి, విజయం, ధైర్యం సిద్ధిస్తాయని విశ్వాసం.

అథాతః సంప్రవక్ష్యామి మూలమంత్రస్తవం శివం |
జపతాం శృణ్వతాం నౄణాం భుక్తిముక్తిప్రదాయకం || 1 ||

సర్వశత్రుక్షయకరం సర్వరోగనివారణం |
అష్టైశ్వర్యప్రదం నిత్యం సర్వలోకైకపావనం || 2 ||

శరారణ్యోద్భవం స్కందం శరణాగతపాలకం |
శరణం త్వాం ప్రపన్నస్య దేహి మే విపులాం శ్రియం || 3 ||

రాజరాజసఖోద్భూతం రాజీవాయతలోచనం |
రతీశకోటిసౌందర్యం దేహి మే విపులాం శ్రియం || 4 ||

వలారిప్రముఖైర్వంద్య వల్లీంద్రాణీసుతాపతే |
వరదాశ్రితలోకానాం దేహి మే విపులాం శ్రియం || 5 ||

నారదాదిమహాయోగిసిద్ధగంధర్వసేవితం |
నవవీరైః పూజితాంఘ్రే దేహి మే విపులాం శ్రియం || 6 ||

భగవన్ పార్వతీసూనో స్వామిన్ భక్తార్తిభంజన |
భవత్పాదాబ్జయోర్భక్తిం దేహి మే విపులాం శ్రియం || 7 ||

వసు ధాన్యం యశః కీర్తిం అవిచ్ఛేదం చ సంతతేః |
శత్రునాశనమద్యాశు దేహి మే విపులాం శ్రియం || 8 ||

ఇదం షడక్షరం స్తోత్రం సుబ్రహ్మణ్యస్య సంతతం |
యః పఠేత్తస్య సిద్ధ్యంతి సంపదశ్చింతితాధికాః || 9 ||

హృదబ్జే భక్తితో నిత్యం సుబ్రహ్మణ్యం స్మరన్ బుధః |
యో జపేత్ ప్రాతరుత్థాయ సర్వాన్కామానవాప్నుయాత్ || 10 ||

ఇతి కుమారతంత్రార్గతం శ్రీసుబ్రహ్మణ్య మూలమంత్ర స్తవః |

షడాననాష్టకం

అగస్తిరువాచ |
నమోఽస్తు వృందారకవృందవంద్య-
పాదారవిందాయ సుధాకరాయ |
షడాననాయామితవిక్రమాయ
గౌరీహృదానందసముద్భవాయ || 1 ||
నమోఽస్తు తుభ్యం ప్రణతార్తిహంత్రే
కర్త్రే సమస్తస్య మనోరథానాం |
దాత్రే రథానాం పరతారకస్య
హంత్రే ప్రచండాసుర తారకస్య || 2 ||
అమూర్తమూర్తాయ సహస్రమూర్తయే
గుణాయ గుణ్యాయ పరాత్పరాయ |
అపారపారాయ పరాపరాయ
నమోఽస్తు తుభ్యం శిఖివాహనాయ || 3 ||
నమోఽస్తు తే బ్రహ్మవిదాం వరాయ
దిగంబరాయాంబర సంస్థితాయ |
హిరణ్యవర్ణాయ హిరణ్యబాహవే
నమో హిరణ్యాయ హిరణ్యరేతసే || 4 ||
తపఃస్వరూపాయ తపోధనాయ
తపఃఫలానాం ప్రతిపాదకాయ |
సదా కుమారాయ హిమారమారిణే
తృణీకృతైశ్వర్య విరాగిణే నమః || 5 ||
నమోఽస్తు తుభ్యం శరజన్మనే విభో
ప్రభాతసూర్యారుణదంతపంక్తయే |
బాలాయ చాబాలపరాక్రమాయ
షాణ్మాతురాయాలమనాతురాయ || 6 ||
మీఢుష్టమాయోత్తరమీఢుషే నమో
నమో గణానాం పతయే గణాయ |
నమోఽస్తు తే జన్మజరాతిగాయ
నమో విశాఖాయ సుశక్తిపాణయే || 7 ||
సర్వస్య నాథస్య కుమారకాయ
క్రౌంచారయే తారకమారకాయ |
స్వాహేయ గాంగేయ చ కార్తికేయ
శైవేయ తుభ్యం సతతం నమోఽస్తు || 8 ||
ఇతి స్కాందపురాణే కాశీఖండే పంచవింశతితమోఽధ్యాయే అగస్త్యప్రోక్తం షడాననాష్టకం |

  శ్రీ నృసింహ సంస్తుతిః

భైరవాడంబరం బాహుదంష్ట్రాయుధం
చండకోపం మహాజ్వాలమేకం ప్రభుం |
శంఖచక్రాబ్జహస్తం స్మరాత్సుందరం
హ్యుగ్రమత్యుష్ణకాంతిం భజేఽహం ముహుః || 1 ||
దివ్యసింహం మహాబాహుశౌర్యాన్వితం
రక్తనేత్రం మహాదేవమాశాంబరం |
రౌద్రమవ్యక్తరూపం చ దైత్యాంబరం
వీరమాదిత్యభాసం భజేఽహం ముహుః || 2 ||
మందహాసం మహేంద్రేంద్రమాదిస్తుతం
హర్షదం శ్మశ్రువంతం స్థిరజ్ఞప్తికం |
విశ్వపాలైర్వివంద్యం వరేణ్యాగ్రజం
నాశితాశేషదుఃఖం భజేఽహం ముహుః || 3 ||
సవ్యజూటం సురేశం వనేశాయినం
ఘోరమర్కప్రతాపం మహాభద్రకం |
దుర్నిరీక్ష్యం సహస్రాక్షముగ్రప్రభం
తేజసా సంజ్వలంతం భజేఽహం ముహుః || 4 ||
సింహవక్త్రం శరీరేణ లోకాకృతిం
వారణం పీడనానాం సమేషాం గురుం |
తారణం లోకసింధోర్నరాణాం పరం
ముఖ్యమస్వప్నకానాం భజేఽహం ముహుః || 5 ||
పావనం పుణ్యమూర్తిం సుసేవ్యం హరిం
సర్వవిజ్ఞం భవంతం మహావక్షసం |
యోగినందం చ ధీరం పరం విక్రమం
దేవదేవం నృసింహం భజేఽహం ముహుః || 6 ||
సర్వమంత్రైకరూపం సురేశం శుభం
సిద్ధిదం శాశ్వతం సత్త్రిలోకేశ్వరం |
వజ్రహస్తేరుహం విశ్వనిర్మాపకం
భీషణం భూమిపాలం భజేఽహం ముహుః || 7 ||
సర్వకారుణ్యమూర్తిం శరణ్యం సురం
దివ్యతేజఃసమానప్రభం దైవతం |
స్థూలకాయం మహావీరమైశ్వర్యదం
భద్రమాద్యంతవాసం భజేఽహం ముహుః || 8 ||
భక్తవాత్సల్యపూర్ణం చ సంకర్షణం
సర్వకామేశ్వరం సాధుచిత్తస్థితం |
లోకపూజ్యం స్థిరం చాచ్యుతం చోత్తమం
మృత్యుమృత్యుం విశాలం భజేఽహం ముహుః || 9 ||
భక్తిపూర్ణాం కృపాకారణాం సంస్తుతిం
నిత్యమేకైకవారం పఠన్ సజ్జనః |
సర్వదాఽఽప్నోతి సిద్ధిం నృసింహాత్ కృపాం
దీర్ఘమాయుష్యమారోగ్యమప్యుత్తమం || 10 ||

శ్రీ కార్తికేయ కరావలంబ స్తోత్రం

ఓం‍కారరూప శరణాశ్రయ శర్వసూనో
సింగార వేల సకలేశ్వర దీనబంధో |
సంతాపనాశన సనాతన శక్తిహస్త
శ్రీకార్తికేయ మమ దేహి కరావలంబం || 1
పంచాద్రివాస సహజా సురసైన్యనాథ
పంచామృతప్రియ గుహ సకలాధివాస |
గంగేందు మౌళి తనయ మయిల్వాహనస్థ
శ్రీకార్తికేయ మమ దేహి కరావలంబం || 2
ఆపద్వినాశక కుమారక చారుమూర్తే
తాపత్రయాంతక దాయాపర తారకారే |
ఆర్తాఽభయప్రద గుణత్రయ భవ్యరాశే
శ్రీకార్తికేయ మమ దేహి కరావలంబం || 3
వల్లీపతే సుకృతదాయక పుణ్యమూర్తే
స్వర్లోకనాథ పరిసేవిత శంభు సూనో |
త్రైలోక్యనాయక షడానన భూతపాద
శ్రీకార్తికేయ మమ దేహి కరావలంబం || 4
జ్ఞానస్వరూప సకలాత్మక వేదవేద్య
జ్ఞానప్రియాఽఖిలదురంత మహావనఘ్నే |
దీనవనప్రియ నిరమయ దానసింధో
శ్రీకార్తికేయ మమ దేహి కరావలంబం || 5
ఇతి శ్రీ కార్తికేయ కరావలంబ స్తోత్రం 

శ్రీ కార్తికేయ పంచకం

విమలనిజపదాబ్జం వేదవేదాంతవేద్యం
మమ కులగురునాథం వాద్యగానప్రమోదం |
రమణసుగుణజాలం రంగరాడ్భాగినేయం
కమలజనుతపాదం కార్తికేయం నమామి || 1 ||
శివశరవణజాతం శైవయోగప్రభావం
భవహితగురునాథం భక్తబృందప్రమోదం |
నవరసమృదుపాదం నాథ హ్రీంకారరూపం
కవనమధురసారం కార్తికేయం భజామి || 2 ||
పాకారాతిసుతాముఖాబ్జమధుపం బాలేందుమౌళీశ్వరం
లోకానుగ్రహకారణం శివసుతం లోకేశతత్త్వప్రదం |
రాకాచంద్రసమానచారువదనం రంభోరువల్లీశ్వరం
హ్రీంకారప్రణవస్వరూపలహరీం శ్రీకార్తికేయం భజే || 3 ||
మహాదేవాజ్జాతం శరవణభవం మంత్రశరభం
మహత్తత్త్వానందం పరమలహరీ మంత్రమధురం |
మహాదేవాతీతం సురగణయుతం మంత్రవరదం
గుహం వల్లీనాథం మమ హృది భజే గృధ్రగిరిశం || 4 ||
నిత్యాకారం నిఖిలవరదం నిర్మలం బ్రహ్మతత్త్వం
నిత్యం దేవైర్వినుతచరణం నిర్వికల్పాదియోగం |
నిత్యానందం నిగమవిదితం నిర్గుణం దేవదేవం
నిత్యం వందే మమ గురువరం నిర్మమం కార్తికేయం || 5 ||
పంచకం కార్తికేయస్య యః పఠేచ్ఛృణుయాదపి |
కార్తికేయ ప్రసాదాత్స సర్వాభీష్టమవాప్నుయాత్ || 6 ||

శ్రీ నృసింహాష్టకం 2  

ధ్యాయామి నారసింహాఖ్యం బ్రహ్మవేదాంతగోచరం |
భవాబ్ధితరణోపాయం శంఖచక్రధరం పదం ||
నీళాం రమాం చ పరిభూయ కృపారసేన
స్తంభే స్వశక్తిమనఘాం వినిధాయ దేవీం |
ప్రహ్లాదరక్షణవిధాయవతీ కృపా తే
శ్రీనారసింహ పరిపాలయ మాం చ భక్తం || 1 ||
ఇంద్రాదిదేవనికరస్య కిరీటకోటి-
-ప్రత్యుప్తరత్నప్రతిబింబితపాదపద్మ |
కల్పాంతకాలఘనగర్జనతుల్యనాద
శ్రీనారసింహ పరిపాలయ మాం చ భక్తం || 2 ||
ప్రహ్లాద ఈడ్య ప్రళయార్కసమానవక్త్ర
హుంకారనిర్జితనిశాచరబృందనాథ |
శ్రీనారదాదిమునిసంఘసుగీయమాన
శ్రీనారసింహ పరిపాలయ మాం చ భక్తం || 3 ||
రాత్రించరాద్రిజఠరాత్పరిస్రంస్యమాన
రక్తం నిపీయ పరికల్పితసాంత్రమాల |
విద్రావితాఽఖిలసురోగ్రనృసింహరూప
శ్రీనారసింహ పరిపాలయ మాం చ భక్తం || 4 ||
యోగీంద్ర యోగపరిరక్షక దేవదేవ
దీనార్తిహారి విభవాగమ గీయమాన |
మాం వీక్ష్య దీనమశరణ్యమగణ్యశీల
శ్రీనారసింహ పరిపాలయ మాం చ భక్తం || 5 ||
ప్రహ్లాదశోకవినివారణ భద్రసింహ
నక్తంచరేంద్ర మదఖండన వీరసింహ |
ఇంద్రాదిదేవజనసన్నుతపాదపద్మ
శ్రీనారసింహ పరిపాలయ మాం చ భక్తం || 6 ||
తాపత్రయాబ్ధిపరిశోషణబాడబాగ్నే
తారాధిపప్రతినిభానన దానవారే |
శ్రీరాజరాజవరదాఖిలలోకనాథ
శ్రీనారసింహ పరిపాలయ మాం చ భక్తం || 7 ||
జ్ఞానేన కేచిదవలంబ్య పదాంబుజం తే
కేచిత్ సుకర్మనికరేణ పరే చ భక్త్యా |
ముక్తిం గతాః ఖలు జనా కృపయా మురారే
శ్రీనారసింహ పరిపాలయ మాం చ భక్తం || 8 ||
నమస్తే నారసింహాయ నమస్తే మధువైరిణే |
నమస్తే పద్మనేత్రాయ నమస్తే దుఃఖహారిణే ||