ప్రజ్ఞావివర్ధన కార్తికేయ స్తోత్రం

స్కంద ఉవాచ |
యోగీశ్వరో మహాసేనః కార్తికేయోఽగ్నినందనః |
స్కందః కుమారః సేనానీః స్వామీ శంకరసంభవః || 1 ||
గాంగేయస్తాంరచూడశ్చ బ్రహ్మచారీ శిఖిధ్వజః |
తారకారిరుమాపుత్రః క్రౌంచారిశ్చ షడాననః || 2 ||
శబ్దబ్రహ్మసముద్రశ్చ సిద్ధః సారస్వతో గుహః |
సనత్కుమారో భగవాన్ భోగమోక్షఫలప్రదః || 3 ||
శరజన్మా గణాధీశపూర్వజో ముక్తిమార్గకృత్ |
సర్వాగమప్రణేతా చ వాంఛితార్థప్రదర్శనః || 4 ||
అష్టావింశతినామాని మదీయానీతి యః పఠేత్ |
ప్రత్యూషే శ్రద్ధయా యుక్తో మూకో వాచస్పతిర్భవేత్ || 5 ||
మహామంత్రమయానీతి మమ నామానుకీర్తనం |
మహాప్రజ్ఞామవాప్నోతి నాత్ర కార్యా విచారణా || 6 ||
ఇతి శ్రీరుద్రయామలే ప్రజ్ఞావివర్ధనాఖ్యం శ్రీమత్కార్తికేయస్తోత్రం ||

శరవణభవ దేవసేనేశ షట్కం

కరతలరాజచ్ఛక్తే స్వరదపరాభూతకుందసుమగర్వ |
సురవరనిషేవితాంఘ్రే శరవణభవ పాహి దేవసేనేశ || 1 ||
తటిదాభదేహకాంతే కటివిలసత్పీతవర్ణకౌశేయ |
పాటితశూరాసుర భో శరవణభవ పాహి దేవసేనేశ || 2 ||
నీలగ్రీవతనూద్భవ బాలదినేశానకోటినిభదేహ |
కాలప్రతిభటమోదద శరవణభవ పాహి దేవసేనేశ || 3 ||
పదజితపంకజ పంకజభవపంకజనేత్రముఖ్యసురవంద్య |
పదవీం ప్రాపయ మహతీం శరవణభవ పాహి దేవసేనేశ || 4 ||
తారకదైత్యనివారక తారాపతిగర్వహారిషడ్వక్త్ర |
తారక భవాంబురాశేః శరవణభవ పాహి దేవసేనేశ || 5 ||
పర్వతసుతామనోఽంబుజసద్యఃసంజాతవాసరేశతతే |
సర్వశ్రుతిగీతవిభో శరవణభవ పాహి దేవసేనేశ || 6 ||
ఇతి శృంగేరిజగద్గురు శ్రీసచ్చిదానందశివాభినవనృసింహభారతీ స్వామిభిః విరచితం శ్రీ శరవణభవ దేవసేనేశ షట్కం |

శ్రీ షోడశబాహు నృసింహాష్టకం

భూఖండం వారణాండం పరవరవిరటం డంపడంపోరుడంపం
డిం డిం డిం డిం డిడింబం దహమపి దహమైః ఝంపఝంపైశ్చఝంపైః |
తుల్యాస్తుల్యాస్తు తుల్యాః ధుమధుమధుమకైః కుంకుమాంకైః కుమాంకైః
ఏతత్తే పూర్ణయుక్తమహరహకరహః పాతు మాం నారసింహః || 1 ||
భూభృద్భూభృద్భుజంగం ప్రలయరవవరం ప్రజ్వలజ్జ్వాలమాలం
ఖర్జర్జం ఖర్జదుర్జం ఖిఖచఖచఖచిత్ఖర్జదుర్జర్జయంతం |
భూభాగం భోగభాగం గగగగగగనం గర్దమర్త్యుగ్రగండం
స్వచ్ఛం పుచ్ఛం స్వగచ్ఛం స్వజనజననుతః పాతు మాం నారసింహః || 2 ||
ఏనాభ్రం గర్జమానం లఘులఘుమకరో బాలచంద్రార్కదంష్ట్రో
హేమాంభోజం సరోజం జటజటజటిలో జాడ్యమానస్తుభీతిః |
దంతానాం బాధమానాం ఖగటఖగటవో భోజజానుస్సురేంద్రో
నిష్ప్రత్యూహం సరాజా గహగహగహతః పాతు మాం నారసింహః || 3 ||
శంఖం చక్రం చ చాపం పరశుమశమిషుం శూలపాశాంకుశాస్త్రం
బిభ్రంతం వజ్రఖేటం హలముసలగదాకుంతమత్యుగ్రదంష్ట్రం |
జ్వాలాకేశం త్రినేత్రం జ్వలదనలనిభం హారకేయూరభూషం
వందే ప్రత్యేకరూపం పరపదనివసః పాతు మాం నారసింహః || 4 ||
పాదద్వంద్వం ధరిత్రీకటివిపులతరో మేరుమధ్యూఢ్వమూరుం
నాభిం బ్రహ్మాండసింధుః హృదయమపి భవో భూతవిద్వత్సమేతః |
దుశ్చక్రాంకం స్వబాహుం కులిశనఖముఖం చంద్రసూర్యాగ్నినేత్రం
వక్త్రం వహ్నిస్సువిద్యుత్సురగణవిజయః పాతు మాం నారసింహః || 5 ||
నాసాగ్రం పీనగండం పరబలమథనం బద్ధకేయూరహారం
రౌద్రం దంష్ట్రాకరాలం అమితగుణగణం కోటిసూర్యాగ్నినేత్రం |
గాంభీర్యం పింగలాక్షం భ్రుకుటితవిముఖం షోడశాధార్ధబాహుం
వందే భీమాట్టహాసం త్రిభువనవిజయః పాతు మాం నారసింహః || 6 ||
కే కే నృసింహాష్టకే నరవరసదృశం దేవభీత్వం గృహీత్వా
దేవంద్యో విప్రదండం ప్రతివచన పయాయాంయనప్రత్యనైషీః |
శాపం చాపం చ ఖడ్గం ప్రహసితవదనం చక్రచక్రీచకేన
ఓమిత్యే దైత్యనాదం ప్రకచవివిదుషా పాతు మాం నారసింహః || 7 ||
ఝం ఝం ఝం ఝం ఝకారం ఝషఝషఝషితం జానుదేశం ఝకారం
హుం హుం హుం హుం హకారం హరిత కహహసా యం దిశే వం వకారం |
వం వం వం వం వకారం వదనదలితతం వామపక్షం సుపక్షం
లం లం లం లం లకారం లఘువణవిజయః పాతు మాం నారసింహః || 8 ||
భూతప్రేతపిశాచయక్షగణశః దేశాంతరోచ్చాటనా
చోరవ్యాధిమహజ్జ్వరం భయహరం శత్రుక్షయం నిశ్చయం |
సంధ్యాకాలే జపతమష్టకమిదం సద్భక్తిపూర్వాదిభిః
ప్రహ్లాదేవ వరో వరస్తు జయితా సత్పూజితాం భూతయే || 9 || |
ఇతి శ్రీవిజయీంద్రతీర్థ కృతం శ్రీ షోడశబాహు నృసింహాష్టకం |

శరవణభవ మంత్రాక్షర షట్కం

శక్తిస్వరూపాయ శరోద్భవాయ
శక్రార్చితాయాథ శచీస్తుతాయ |
శమాయ శంభుప్రణవార్థదాయ
శకారరూపాయ నమో గుహాయ || 1 ||
రణన్మణిప్రోజ్జ్వలమేఖలాయ
రమాసనాథప్రణవార్థదాయ |
రతీశపూజ్యాయ రవిప్రభాయ
రకారరూపాయ నమో గుహాయ || 2 ||
వరాయ వర్ణాశ్రమరక్షకాయ
వరత్రిశూలాభయమండితాయ |
వలారికన్యాసుకృతాలయాయ
వకారరూపాయ నమో గుహాయ || 3 ||
నగేంద్రకన్యేశ్వరతత్త్వదాయ
నగాధిరూఢాయ నగార్చితాయ |
నగాసురఘ్నాయ నగాలయాయ
నకారరూపాయ నమో గుహాయ || 4 ||
భవాయ భర్గాయ భవాత్మజాయ
భస్మాయమానాద్భుతవిగ్రహాయ |
భక్తేష్టకామప్రదకల్పకాయ
భకారరూపాయ నమో గుహాయ || 5 ||
వల్లీవలారాతిసుతార్చితాయ
వరాంగరాగాంచితవిగ్రహాయ |
వల్లీకరాంభోరుహమర్దితాయ
వకారరూపాయ నమో గుహాయ || 6 ||

షడానన స్తుతిః

శ్రీగౌరీసహితేశఫాలనయనాదుద్భూతమగ్న్యాశుగ-
-వ్యూఢం విష్ణుపదీపయః శరవణే సంభూతమన్యాదృశం |
షోఢావిగ్రహసుందరాస్యమమలం శ్రీకృత్తికాప్రీతయే
శర్వాణ్యంకవిభూషణం స్ఫురతు మచ్చిత్తే గుహాఖ్యం మహః || 1 ||
త్రిషడకృశదృగబ్జః షణ్ముఖాంభోరుహశ్రీః
ద్విషడతులభుజాఢ్యః కోటికందర్పశోభః |
శిఖివరమధిరూఢః శిక్షయన్ సర్వలోకాన్
కలయతు మమ భవ్యం కార్తికేయో మహాత్మా || 2 ||
యద్రూపం నిర్గుణం తే తదిహ గుణమహాయోగిభిర్ధ్యానగంయం
యచ్చాన్యద్విశ్వరూపం తదనవధితయా యోగిభిశ్చాప్యచింత్యం |
షడ్వక్త్రాష్టాదశాక్షాద్యుపహితకరుణామూర్తిరేషైవ భాతి
స్వారాధ్యాశేషదుఃఖప్రశమనబహులీలాస్పదా చాప్యతుల్యా || 3 ||
యచ్ఛ్రీమత్పాదపంకేరుహయుగళమహాపాదుకే స్వస్వమూర్ధ్నా
ధర్తుం విష్ణుప్రముఖ్యా అపి చ సుమనసః ప్రాగకుర్వంస్తపాంసి |
తత్తాదృక్స్థూలభూతం పదకమలయుగం యోగిహృద్ధ్యానగంయం
శ్రీసుబ్రహ్మణ్య సాక్షాత్ స్ఫురతు మమ హృది త్వత్కటాక్షేణ నిత్యం || 4 ||
యస్య శ్రీశముఖామరాశ్చ జగతి క్రీడాం చ బాల్యోద్భవాం
చిత్రారోపితమానుషా ఇవ సమాలోక్యాభవంస్తంభితాః |
లోకోపద్రవకృత్స నారదపశుర్యస్యాభవద్వాహనం
సోఽస్మాన్ పాతు నిరంతరం కరుణయా శ్రీబాలషాణ్మాతురః || 5 ||
యేన సాక్షాచ్చతుర్వక్త్రః ప్రణవార్థవినిర్ణయే |
కారాగృహం ప్రాపితోఽభూత్ సుబ్రహ్మణ్యః స పాతు మాం || 6 ||
కారుణ్యద్రుతపంచకృత్యనిరతస్యానందమూర్తేర్ముఖైః
శ్రీశంభోః సహ పంచభిశ్చ గిరిజావక్త్రం మిలిత్వామలం |
యస్య శ్రీశివశక్త్యభిన్నవపుషో వక్త్రాబ్జషట్కాకృతిం
ధత్తే సోఽసురవంశభూధరపవిః సేనాపతిః పాతు నః || 7 ||
యః శక్త్యా తారకోరఃస్థలమతికఠినం క్రౌంచగోత్రం చ భిత్త్వా
హత్వా తత్సైన్యశేషం నిఖిలమపి చ తాన్ వీరబాహుప్రముఖ్యాన్ |
ఉద్ధృత్వా యుద్ధరంగే సపది చ కుసుమైర్వర్షితో నాకిబృందైః
పాయాదాయాసతోఽస్మాన్ స ఝటితి కరుణారాశిరీశానసూనుః || 8 ||
యద్దూతో వీరబాహుః సపది జలనిధిం వ్యోమమార్గేణ తీర్త్వా
జిత్వా లంకాం సమేత్య ద్రుతమథ నగరీం వీరమాహేంద్రనాంనీం |
దేవానాశ్వాస్య శూరప్రహితమపి బలం తత్సభాం గోపురాదీన్
భిత్త్వా యత్పాదపద్మం పునరపి చ సమేత్యానమత్తం భజేఽహం || 9 ||
యో వైకుంఠాదిదేవైః స్తుతపదకమలో వీరభూతాదిసైన్యైః
సంవీతో యో నభస్తో ఝటితి జలనిధిం ద్యోపథేనైవ తీర్త్వా |
శూరద్వీపోత్తరస్యాం దిశి మణివిలసద్ధేమకూటాఖ్యపుర్యాం
త్వష్టుర్నిర్మాణజాయాం కృతవసతిరభూత్ పాతు నః షణ్ముఖః సః || 10 ||
నానాభూతౌఘవిధ్వంసితనిజపృతనో నిర్జితశ్చ ద్విరావృ-
-త్త్యాలబ్ధస్వావమానే నిజపితరి తతః సంగరే భానుకోపః |
మాయీ యత్పాదభృత్యప్రవరతరమహావీరబాహుప్రణష్ట-
-ప్రాణోఽభూత్ సోఽస్తు నిత్యం విమలతరమహాశ్రేయసే తారకారిః || 11 ||
యేన కృచ్ఛ్రేణ నిహతః సింహవక్త్రో మహాబలః |
ద్విసహస్రభుజో భీమః ససైన్యస్తం గుహం భజే || 12 ||
భూరిభీషణమహాయుధారవ-
-క్షోభితాబ్ధిగణయుద్ధమండలః |
సింహవక్త్రశివపుత్రయో రణః
సింహవక్త్రశివపుత్రయోరివ || 13 ||
శూరాపత్యగణేషు యస్య గణపైర్నష్టేషు సింహాననో
దైత్యః క్రూరబలోఽసురేంద్రసహజః సేనాసహస్రైర్యుతః |
యుద్ధే చ్ఛిన్నభుజోత్తమాంగనికరో యద్బాహువజ్రాహతో
మృత్యుం ప్రాప స మృత్యుజన్యభయతో మాం పాతు వల్లీశ్వరః || 14 ||
అష్టోత్తరసహస్రాండప్రాప్తశూరబలం మహత్ |
క్షణేన యః సంహృతవాన్ స గుహః పాతు మాం సదా || 15 ||
అండభిత్తిపరికంపిభీషణ-
-క్రూరసైన్యపరివారపూర్ణయోః |
శూరపద్మగుహయోర్మహారణః
శూరపద్మగుహయోరివోల్బణః || 16 ||
నానారూపధరశ్చ నిస్తులబలో నానావిధైరాయుధై-
-ర్యుద్ధం దిక్షు విదిక్షు దర్శితమహాకాయోఽండషండేష్వపి |
యః శక్త్యాశు విభిన్నతాముపగతః శూరోఽభవద్వాహనం
కేతుశ్చాపి నమామి యస్య శిరసా తస్యాంఘ్రిపంకేరుహే || 17 ||
కేకికుక్కుటరూపాభ్యాం యస్య వాహనకేతుతాం |
అద్యాపి వహతే శూరస్తం ధ్యాయాంయన్వహం హృది || 18 ||
దేవైః సంపూజితో యో బహువిధసుమనోవర్షిభిర్భూరిహర్షై-
-ర్వృత్రారిం స్వర్గలోకే విపులతరమహావైభవైరభ్యషించత్ |
తద్దత్తాం తస్య కన్యాం స్వయమపి కృపయా దేవయానాముదూహ్య
శ్రీమత్కైలాసమాప ద్రుతమథ లవలీం చోద్వహంస్తం భజేఽహం || 19 ||
తత్రానంతగుణాభిరామమతులం చాగ్రే నమంతం సుతం
యం దృష్ట్వా నిఖిలప్రపంచపితరావాఘ్రాయ మూర్ధ్న్యాదరాత్ |
స్వాత్మానందసుఖాతిశాయి పరమానందం సమాజగ్మతుః
మచ్చిత్తభ్రమరో వసత్వనుదినం తత్పాదపద్మాంతరే || 20 ||
దుష్పుత్రైర్జననీ సతీ పతిమతీ కోపోద్ధతైః స్వైరిణీ-
-రండాసీత్యతినిందితాపి న తథా భూయాద్యథా తత్త్వతః |
దుష్పాషండిజనైర్దురాగ్రహపరైః స్కాందం పురాణం మహత్
మిథ్యేత్యుక్తమపి క్వచిచ్చ న తథా భూయాత్తథా సత్యతః || 21 ||
కిం తు తద్దూషణాత్తేషామేవ కుత్సితజన్మనాం |
ఐహికాముష్మికమహాపురుషార్థక్షయో భవేత్ || 22 ||
యత్సంహితాషట్కమధ్యే ద్వితీయా సూతసంహితా |
భాతి వేదశిరోభూషా స్కాందం తత్కేన వర్ణ్యతే || 23 ||
యస్య శంభౌ పరా భక్తిర్యస్మిన్నీశకృపామలా |
అపాంసులా యస్య మాతా తస్య స్కాందే భవేద్రతిః || 24 ||
షడాననస్తుతిమిమాం యో జపేదనువాసరం |
ధర్మమర్థం చ కామం చ మోక్షం చాపి స విందతి || 25 ||

 శ్రీ లక్ష్మీనృసింహ అష్టోత్తరశతనామ స్తోత్రం

నారసింహో మహాసింహో దివ్యసింహో మహాబలః |
ఉగ్రసింహో మహాదేవః స్తంభజశ్చోగ్రలోచనః || 1 ||
రౌద్రః సర్వాద్భుతః శ్రీమాన్ యోగానందస్త్రివిక్రమః |
హరిః కోలాహలశ్చక్రీ విజయో జయవర్ధనః || 2 ||
పంచాననః పరబ్రహ్మ చాఽఘోరో ఘోరవిక్రమః |
జ్వలన్ముఖో జ్వాలమాలీ మహాజ్వాలో మహాప్రభుః || 3 ||
నిటిలాక్షః సహస్రాక్షో దుర్నిరీక్ష్యః ప్రతాపనః |
మహాదంష్ట్రాయుధః ప్రాజ్ఞశ్చండకోపీ సదాశివః || 4 ||
హిరణ్యకశిపుధ్వంసీ దైత్యదానవభంజనః |
గుణభద్రో మహాభద్రో బలభద్రః సుభద్రకః || 5 ||
కరాళో వికరాళశ్చ వికర్తా సర్వకర్తృకః |
శింశుమారస్త్రిలోకాత్మా ఈశః సర్వేశ్వరో విభుః || 6 ||
భైరవాడంబరో దివ్యశ్చాఽచ్యుతః కవిమాధవః |
అధోక్షజోఽక్షరః శర్వో వనమాలీ వరప్రదః || 7 ||
విశ్వంభరోఽద్భుతో భవ్యః శ్రీవిష్ణుః పురుషోత్తమః |
అనఘాస్త్రో నఖాస్త్రశ్చ సూర్యజ్యోతిః సురేశ్వరః || 8 ||
సహస్రబాహుః సర్వజ్ఞః సర్వసిద్ధిప్రదాయకః |
వజ్రదంష్ట్రో వజ్రనఖో మహానందః పరంతపః || 9 ||
సర్వమంత్రైకరూపశ్చ సర్వయంత్రవిదారణః |
సర్వతంత్రాత్మకోఽవ్యక్తః సువ్యక్తో భక్తవత్సలః || 10 ||
వైశాఖశుక్లభూతోత్థః శరణాగతవత్సలః |
ఉదారకీర్తిః పుణ్యాత్మా మహాత్మా చండవిక్రమః || 11 ||
వేదత్రయప్రపూజ్యశ్చ భగవాన్పరమేశ్వరః |
శ్రీవత్సాంకః శ్రీనివాసో జగద్వ్యాపీ జగన్మయః || 12 ||
జగత్పాలో జగన్నాథో మహాకాయో ద్విరూపభృత్ |
పరమాత్మా పరంజ్యోతిర్నిర్గుణశ్చ నృకేసరీ || 13 ||
పరతత్త్వం పరంధామ సచ్చిదానందవిగ్రహః |
లక్ష్మీనృసింహః సర్వాత్మా ధీరః ప్రహ్లాదపాలకః || 14 ||
ఇదం లక్ష్మీనృసింహస్య నాంనామష్టోత్తరం శతం |
త్రిసంధ్యం యః పఠేద్భక్త్యా సర్వాభీష్టమవాప్నుయాత్ || 15 ||
ఇతి శ్రీనృసింహపూజాకల్పే శ్రీ లక్ష్మీనృసింహాష్టోత్తరశతనామ స్తోత్రం |

శ్రీ షణ్ముఖ దండకం

శ్రీపార్వతీపుత్ర, మాం పాహి వల్లీశ, త్వత్పాదపంకేజ సేవారతోఽహం, త్వదీయాం నుతిం దేవభాషాగతాం కర్తుమారబ్ధవానస్మి, సంకల్పసిద్ధిం కృతార్థం కురు త్వం |
భజే త్వాం సదానందరూపం, మహానందదాతారమాద్యం, పరేశం, కలత్రోల్లసత్పార్శ్వయుగ్మం, వరేణ్యం, విరూపాక్షపుత్రం, సురారాధ్యమీశం, రవీంద్వగ్నినేత్రం, ద్విషడ్బాహు సంశోభితం, నారదాగస్త్యకణ్వాత్రిజాబాలివాల్మీకివ్యాసాది సంకీర్తితం, దేవరాట్పుత్రికాలింగితాంగం, వియద్వాహినీనందనం, విష్ణురూపం, మహోగ్రం, ఉదగ్రం, సుతీక్షం, మహాదేవవక్త్రాబ్జభానుం, పదాంభోజసేవా సమాయాత భక్తాళి సంరక్షణాయత్త చిత్తం, ఉమా శర్వ గంగాగ్ని షట్కృత్తికా విష్ణు బ్రహ్మేంద్ర దిక్పాల సంపూతసద్యత్న నిర్వర్తితోత్కృష్ట సుశ్రీతపోయజ్ఞ సంలబ్ధరూపం, మయూరాధిరూఢం, భవాంభోధిపోతం, గుహం వారిజాక్షం, గురుం సర్వరూపం, నతానాం శరణ్యం, బుధానాం వరేణ్యం, సువిజ్ఞానవేద్యం, పరం, పారహీనం, పరాశక్తిపుత్రం, జగజ్జాల నిర్మాణ సంపాలనాహార్యకారం, సురాణాం వరం, సుస్థిరం, సుందరాంగం, స్వభాక్తాంతరంగాబ్జ సంచారశీలం, సుసౌందర్యగాంభీర్య సుస్థైర్యయుక్తం, ద్విషడ్బాహు సంఖ్యాయుధ శ్రేణిరంయం, మహాంతం, మహాపాపదావాగ్ని మేఘం, అమోఘం, ప్రసన్నం, అచింత్య ప్రభావం, సుపూజా సుతృప్తం, నమల్లోక కల్పం, అఖండ స్వరూపం, సుతేజోమయం, దివ్యదేహం, భవధ్వాంతనాశాయసూర్యం, దరోన్మీలితాంభోజనేత్రం, సురానీక సంపూజితం, లోకశస్తం, సుహస్తాధృతానేకశస్త్రం, నిరాలంబమాభాసమాత్రం శిఖామధ్యవాసం, పరం ధామమాద్యంతహీనం, సమస్తాఘహారం, సదానందదం, సర్వసంపత్ప్రదం, సర్వరోగాపహం, భక్తకార్యార్థసంపాదకం, శక్తిహస్తం, సుతారుణ్యలావణ్యకారుణ్యరూపం, సహస్రార్క సంకాశ సౌవర్ణహారాళి సంశోభితం, షణ్ముఖం, కుండలానాం విరాజత్సుకాంత్యం చిత్తేర్గండభాగైః సుసంశోభితం, భక్తపాలం, భవానీసుతం, దేవమీశం, కృపావారికల్లోల భాస్వత్కటాక్షం, భజే శర్వపుత్రం, భజే కార్తికేయం, భజే పార్వతేయం, భజే పాపనాశం, భజే బాహులేయం, భజే సాధుపాలం, భజే సర్పరూపం, భజే భక్తిలభ్యం, భజే రత్నభూషం, భజే తారకారిం, దరస్మేరవక్త్రం, శిఖిస్థం, సురూపం, కటిన్యస్త హస్తం, కుమారం, భజేఽహం మహాదేవ, సంసారపంకాబ్ధి సంమగ్నమజ్ఞానినం పాపభూయిష్ఠమార్గే చరం పాపశీలం, పవిత్రం కురు త్వం ప్రభో, త్వత్కృపావీక్షణైర్మాం ప్రసీద, ప్రసీద ప్రపన్నార్తిహారాయ సంసిద్ధ, మాం పాహి వల్లీశ, శ్రీదేవసేనేశ, తుభ్యం నమో దేవ, దేవేశ, సర్వేశ, సర్వాత్మకం, సర్వరూపం, పరం త్వాం భజేఽహం భజేఽహం భజేఽహం |

శ్రీ నృసింహ అష్టోత్తరశతనామావళిః  

ఓం నారసింహాయ నమః |
ఓం మహాసింహాయ నమః |
ఓం దివ్యసింహాయ నమః |
ఓం మహాబలాయ నమః |
ఓం ఉగ్రసింహాయ నమః |
ఓం మహాదేవాయ నమః |
ఓం స్తంభజాయ నమః |
ఓం ఉగ్రలోచనాయ నమః |
ఓం రౌద్రాయ నమః | 9
ఓం సర్వాద్భుతాయ నమః |
ఓం శ్రీమతే నమః |
ఓం యోగానందాయ నమః |
ఓం త్రివిక్రమాయ నమః |
ఓం హరయే నమః |
ఓం కోలాహలాయ నమః |
ఓం చక్రిణే నమః |
ఓం విజయాయ నమః |
ఓం జయవర్ధనాయ నమః | 18
ఓం పంచాననాయ నమః |
ఓం పరస్మై బ్రహ్మణే నమః |
ఓం అఘోరాయ నమః |
ఓం ఘోరవిక్రమాయ నమః |
ఓం జ్వలన్ముఖాయ నమః |
ఓం జ్వాలమాలినే నమః |
ఓం మహాజ్వాలాయ నమః |
ఓం మహాప్రభవే నమః |
ఓం నిటిలాక్షాయ నమః | 27
ఓం సహస్రాక్షాయ నమః |
ఓం దుర్నిరీక్ష్యాయ నమః |
ఓం ప్రతాపనాయ నమః |
ఓం మహాదంష్ట్రాయుధాయ నమః |
ఓం ప్రాజ్ఞాయ నమః |
ఓం చండకోపినే నమః |
ఓం సదాశివాయ నమః |
ఓం హిరణ్యకశిపుధ్వంసినే నమః |
ఓం దైత్యదానవభంజనాయ నమః | 36
ఓం గుణభద్రాయ నమః |
ఓం మహాభద్రాయ నమః |
ఓం బలభద్రాయ నమః |
ఓం సుభద్రకాయ నమః |
ఓం కరాళాయ నమః |
ఓం వికరాళాయ నమః |
ఓం వికర్త్రే నమః |
ఓం సర్వకర్తృకాయ నమః |
ఓం శింశుమారాయ నమః | 45
ఓం త్రిలోకాత్మనే నమః |
ఓం ఈశాయ నమః |
ఓం సర్వేశ్వరాయ నమః |
ఓం విభవే నమః |
ఓం భైరవాడంబరాయ నమః |
ఓం దివ్యాయ నమః |
ఓం అచ్యుతాయ నమః |
ఓం కవిమాధవాయ నమః |
ఓం అధోక్షజాయ నమః | 54
ఓం అక్షరాయ నమః |
ఓం శర్వాయ నమః |
ఓం వనమాలినే నమః |
ఓం వరప్రదాయ నమః |
ఓం విశ్వంభరాయ నమః |
ఓం అద్భుతాయ నమః |
ఓం భవ్యాయ నమః |
ఓం శ్రీవిష్ణవే నమః |
ఓం పురుషోత్తమాయ నమః | 63
ఓం అనఘాస్త్రాయ నమః |
ఓం నఖాస్త్రాయ నమః |
ఓం సూర్యజ్యోతిషే నమః |
ఓం సురేశ్వరాయ నమః |
ఓం సహస్రబాహవే నమః |
ఓం సర్వజ్ఞాయ నమః |
ఓం సర్వసిద్ధిప్రదాయకాయ నమః |
ఓం వజ్రదంష్ట్రాయ నమః |
ఓం వజ్రనఖాయ నమః | 72
ఓం మహానందాయ నమః |
ఓం పరంతపాయ నమః |
ఓం సర్వమంత్రైకరూపాయ నమః |
ఓం సర్వయంత్రవిదారణాయ నమః |
ఓం సర్వతంత్రాత్మకాయ నమః |
ఓం అవ్యక్తాయ నమః |
ఓం సువ్యక్తాయ నమః |
ఓం భక్తవత్సలాయ నమః |
ఓం వైశాఖశుక్లభూతోత్థాయ నమః | 81
ఓం శరణాగతవత్సలాయ నమః |
ఓం ఉదారకీర్తయే నమః |
ఓం పుణ్యాత్మనే నమః |
ఓం మహాత్మనే నమః |
ఓం చండవిక్రమాయ నమః |
ఓం వేదత్రయప్రపూజ్యాయ నమః |
ఓం భగవతే నమః |
ఓం పరమేశ్వరాయ నమః |
ఓం శ్రీవత్సాంకాయ నమః | 90
ఓం శ్రీనివాసాయ నమః |
ఓం జగద్వ్యాపినే నమః |
ఓం జగన్మయాయ నమః |
ఓం జగత్పాలాయ నమః |
ఓం జగన్నాథాయ నమః |
ఓం మహాకాయాయ నమః |
ఓం ద్విరూపభృతే నమః |
ఓం పరమాత్మనే నమః |
ఓం పరస్మై జ్యోతిషే నమః | 99
ఓం నిర్గుణాయ నమః |
ఓం నృకేసరిణే నమః |
ఓం పరతత్త్వాయ నమః |
ఓం పరస్మై ధాంనే నమః |
ఓం సచ్చిదానందవిగ్రహాయ నమః |
ఓం లక్ష్మీనృసింహాయ నమః |
ఓం సర్వాత్మనే నమః |
ఓం ధీరాయ నమః |
ఓం ప్రహ్లాదపాలకాయ నమః | 108
ఇతి శ్రీ నృసింహాష్టోత్తరశతనామావళిః |

 శ్రీ నృసింహ స్తంభావిర్భావ స్తోత్రం 

(ధన్యవాదః – శ్రీ అకళంకం సుదర్శనాచార్యులు మహోదయః)
సహస్రభాస్కరస్ఫురత్ప్రభాక్షదుర్నిరీక్షణం
ప్రభగ్నక్రూరకృద్ధిరణ్యకశ్యపోరురఃస్థలం |
అజసృజాండకర్పరప్రభిన్నరౌద్రగర్జనం
ఉదగ్రనిగ్రహాగ్రహోగ్రవిగ్రహాకృతిం భజే || 1 ||
స్వయంభుశంభుజంభజిత్ప్రముఖ్యదివ్యసంభ్రమ-
-ద్విజృంభదుద్యదుత్కటోగ్రదైత్యదంభకుంభిభిత్ |
అనర్గళాట్టహాసనిస్పృహాష్టదిగ్గజార్భటిం
యుగాంతిమాంతకకృతాంతధిక్కృతాంతకం భజే || 2 ||
జగజ్జ్వలద్దహద్గ్రసద్బృహత్స్ఫురన్ముఖార్భటిం
మహద్భయద్భవద్ధగద్ధగల్లసత్కృతాకృతిం |
హిరణ్యకశ్యపోః సహస్రసంహరత్సమర్థకృ-
-న్ముహుర్ముహుర్గళద్గళద్ధ్వనన్నృసింహ రక్ష మాం || 3 ||
జయత్వవక్రవిక్రమక్రమాక్రమక్రియాహరత్
స్ఫురత్సహస్రవిస్ఫులింగభాస్కరప్రభాగ్రసత్ |
ధగద్ధగద్ధగల్లసన్మహద్భ్రమత్సుదర్శనో-
-న్మదేభభిత్స్వరూపభృద్ధవత్కృపామృతాంబుధిః || 4 ||
విపక్షపక్షరాక్షసాక్షమాక్షరూక్షవీక్షణం
సదాక్షయత్కృపాకటాక్షలక్ష్మిలక్ష్మవక్షసం |
విచక్షణం విలక్షణం సుతీక్షణం ప్రతిక్షణం
పరీక్ష దీక్ష రక్ష శిక్ష సాక్షిణ క్షమం భజే || 5 ||
అపూర్వ శౌర్య ధైర్య వీర్య దుర్నివార్య దుర్గమం
అగర్వ సర్వనిర్వహత్సుపర్వవర్య పర్విణం |
అకార్యకార్యకృద్ధనార్యపర్వతప్రహారిణం
సదార్యకార్యభార సత్ప్రచార గుర్విణం భజే || 6 ||
కరాళవక్త్ర కర్కశోగ్రవజ్రదంష్ట్రముజ్జ్వలం
కుఠారఖడ్గకుంతతోమరాంకుశోన్నఖాయుధం |
మహాభ్రయూధభగ్నసంచలత్సటాజటాలకం
జగత్ప్రమూర్ఛితాట్టహాసచక్రవర్తి సంభజే || 7 ||
ప్రపత్తి ప్రార్థనార్చనాభివందన ప్రదక్షిణా
నతాననాంగ వాఙ్మనః స్మరజ్జపస్తువత్సగత్ |
కదాశ్రుపూరణార్ద్రదివ్యభక్తిపారవశ్యతా
సకృద్భవత్క్రియాచరన్నృసింహ మాం ప్రసీద తాం || 8 ||
దరిద్రదేవిదుష్టదృష్టిదుఃఖదుర్భరం హరం
నవగ్రహోగ్రవక్రదోషణాధివ్యాధినిగ్రహం |
పరౌషధాధి మంత్రయంత్రతంత్ర కృత్రిమం హనం
అకాలమృత్యుమృత్యు మృత్యుముగ్రమూర్తినం భజే || 9 ||
ఇదం నృసింహ స్తంభసంభవావతార సంస్తవం
వరాఽకళంకవంశ్య వేంకటాభిధాన వైష్ణవః |
సమర్పితోఽస్మి సర్వదా నృసింహదాస్యతేచ్ఛయా
రమాంక యాదశైల నారసింహ తేంఘ్రి సన్నిధౌ || 10 ||
ఇతి శ్రీ అకళంకం తిరుమల వేంకటరమణాచార్య కృతం శ్రీ నృసింహ స్తంభావిర్భావ స్తోత్రం |
నవగ్రహాఽపమృత్యుగండ వాస్తురోగ వృశ్చిక
అగ్ని బాడబాగ్ని కాననాగ్ని శతృమండల |
ప్రవాహ క్షుత్పిపాస దుఃఖ తస్కర ప్రయోగ దు-
-ష్ప్రమాదసంకటాత్ సదా నృసింహ రక్ష మాం ప్రభో || 10 ||

శ్రీ నవనారసింహ మంగళశ్లోకాః

శ్రీపరాంకుశయోగీంద్ర శఠారిప్రముఖాన్ గురూన్ |
మంగళాశాసనపరాన్ మహితాననిశం భజే ||
జగజ్జన్మాదిలీలాయ జగదానందహేతవే |
జగచ్చక్షుర్నివాసాయ శ్రీనృసింహాయ మంగళం ||
నవనారసింహ మూర్తయః –
జ్వాలాఽహోబల మాలోల క్రోడ కారంజ భార్గవాః |
యోగానంద చ్ఛత్రవట పావనా నవమూర్తయః ||
1. జ్వాలా నరసింహ –
హిరణ్యస్తంభసంభూతి ప్రఖ్యాత పరమాత్మనే |
ప్రహ్లాదార్తిముషే జ్వాలానరసింహాయ మంగళం || 1 ||
2. అహోబల నరసింహ –
శ్రీశఠారియతీంద్రాది యోగిహృత్పద్మభానవే |
సర్వత్ర పరిపూర్ణాయాఽహోబిలేశాయ మంగళం || 2 ||
3. మాలోల నరసింహ –
వారిజావారితభయైర్వాణీపతిముఖైః సురైః |
మహితాయ మహోదార మాలోలాయాఽస్తు మంగళం || 3 ||
4. క్రోడ నరసింహ –
వరాహకుండే మేదిన్యై వారాహార్థప్రదాయినే |
దంతలగ్న హిరణ్యాక్ష దంష్ట్రసింహాయ మంగళం || 4 ||
5. కారంజ నరసింహ –
గోభూహిరణ్యనిర్విణ్ణగోభిలజ్ఞానదాయినే |
ప్రభంజన శునాసీర కారంజాయాఽస్తు మంగళం || 5 ||
6. భార్గవ నరసింహ –
భార్గవాఖ్య తపస్వీశ భావనాభావితాత్మనే |
అక్షయ్యతీర్థతీరస్థ భార్గవాయాఽస్తు మంగళం || 6 ||
7. యోగానంద నరసింహ –
చతురాననచేతోఽబ్జచిత్రభానుస్వరూపిణే |
వేదాద్రిగహ్వరస్థాయ యోగానందాయ మంగళం || 7 ||
8. ఛత్రవట నరసింహ –
హాహాహూహ్వాఖ్యగంధర్వనృత్తగీతహృతాత్మనే |
భవహంతృ తటచ్ఛత్ర వటసింహాయ మంగళం || 8 ||
9. పావన నరసింహ –
భారద్వాజ మహాయోగి మహాపాతకహారిణే |
తాపనీయరహస్యార్థ పావనాయాఽస్తు మంగళం || 9 ||
మంగళాశాసనమిదం మానివాస మునీరితం |
మహనీయం పఠన్ శృణ్వన్ మంగళాయతనం భవేత్ ||

షణ్ముఖ ధ్యాన శ్లోకాః

షడాననం త్రిషణ్ణేత్రం విద్రుమాభం ద్విపాదకం |
ఖడ్గాభయగదాశక్తిఖేటం దక్షిణబాహుభిః || 1 ||
వరపద్మధనుఃశూలవజ్రాన్ వామేన ధారిణం |
వజ్రప్రవాళవైడూర్యప్రత్యుప్తమకుటాన్వితం || 2 ||
పీతాంబరవిభూషాఢ్యం దివ్యగంధానులేపనం |
రత్నాద్యాభరణైర్యుక్తం ప్రసన్నవదనాన్వితం || 3 ||
మయూరేశసమాసీనం సర్వాభరణభూషితం |
గుహం షోడశవేతానం షణ్ముఖం చ విభావయేత్ || 4 ||
– పూర్వముఖ ధ్యానం –
వచద్భువం శశాంకాభం ఏకవక్త్రం త్రిలోచనం |
చతుర్భుజసమాయుక్తం వరాభయసమన్వితం ||
సవ్యే చాన్యే దండయుతం ఊరూహస్తం చ వామకే |
రుద్రాక్షమాలాభరణం భస్మపుండ్రాంకితం క్రమాత్ ||
పురశ్చూడాసమాయుక్తం మౌంజీకౌపీనధారిణం |
అక్షమాలాసమాయుక్తం పాదుకాద్వయభూషితం ||
కాషాయవస్త్రసంయుక్తం వచద్భువం విభావయేత్ ||
– దక్షిణముఖ ధ్యానం –
జగద్భూతం భృంగవర్ణం ఏకవక్త్రం వరాభయం |
శక్తిశూలసమాయుక్తం కరండమకుటాన్వితం |
మయురేశసమాసీనం భావయే చ విశేషతః ||
– నైరృతిముఖ ధ్యానం –
విశ్వభువం చ రక్తాభం ఏకవక్త్రం త్రిలోచనం |
వరాభయకరోపేతం ఖడ్గఖేటకసంయుతం |
మయూరవాహనారూఢం భావయేత్సతతం ముదా ||
– పశ్చిమముఖ ధ్యానం –
శుక్లవర్ణం బ్రహ్మభువం ఏకవక్త్రం త్రిలోచనం |
వరాభయసమాయుక్తం ఘంటానాదసమన్వితం |
మయూరేశసమాసీనం భావయే చ విశేషతః ||
– ఉత్తరముఖ ధ్యానం –
హేమవర్ణం చాగ్నిభువం త్రినేత్రం చైకవక్త్రకం |
వరాభయసమాయుక్తం గదాధ్వజసమన్వితం |
మయూరవాహనారూఢం భావయేద్వహ్నిసంభవం ||
– ఈశానముఖ ధ్యానం –
బృహద్భువం చ స్ఫటికవర్ణాభం చైకవక్త్రకం |
వరాభయసమాయుక్తం త్రినేత్రం యజ్ఞసూత్రకం |
మయూరేశసమాసీనం బృహద్భువం విభావయేత్ ||

 శ్రీ నృసింహ నఖ స్తుతిః 

పాంత్వస్మాన్ పురుహూతవైరిబలవన్మాతంగమాద్యద్ఘటా-
-కుంభోచ్చాద్రివిపాటనాధికపటు ప్రత్యేక వజ్రాయితాః |
శ్రీమత్కంఠీరవాస్యప్రతతసునఖరా దారితారాతిదూర-
-ప్రధ్వస్తధ్వాంతశాంతప్రవితతమనసా భావితా భూరిభాగైః || 1 ||
లక్ష్మీకాంత సమంతతోఽపి కలయన్ నైవేశితుస్తే సమం
పశ్యాంయుత్తమవస్తు దూరతరతోపాస్తం రసో యోఽష్టమః |
యద్రోషోత్కరదక్షనేత్రకుటిలప్రాంతోత్థితాగ్ని స్ఫురత్
ఖద్యోతోపమవిస్ఫులింగభసితా బ్రహ్మేశశక్రోత్కరాః || 2 ||
ఇతి శ్రీమదానందతీర్థభగవత్పాదాచార్య విరచితా శ్రీ నరసింహ నఖస్తుతిః