Sacred Stotras & Deities

 శ్రీ కృష్ణ షోడశోపచార పూజా

పునః సంకల్పం –
పూర్వోక్త ఏవం గుణ విశేషణ విశిష్టాయాం శుభ తిథౌ మమ మనోవాంఛిత ఫలావాప్త్యర్థం బ్రహ్మజ్ఞాన సిద్ధ్యర్థం శ్రీకృష్ణ పరబ్రహ్మ పూజాం కరిష్యే ||
ధ్యానం –
కస్తూరీతిలకం లలాటఫలకే వక్షఃస్థలే కౌస్తుభం
నాసాగ్రే వరమౌక్తికం కరతలే వేణుం కరే కంకణం |
సర్వాంగే హరిచందనం చ కలయన్ కంఠే చ ముక్తావలిం
గోపస్త్రీపరివేష్టితో విజయతే గోపాలచూడామణిః ||
ధ్యాయామి బాలకం కృష్ణం మాత్రంకే స్తన్యపాయినం |
శ్రీవత్సవక్షసం కాంతం నీలోత్పలదళచ్ఛవిం ||
ఓం శ్రీకృష్ణ పరబ్రహ్మణే నమః ధ్యాయామి |
ఆవాహనం –
స॒హస్ర॑శీర్షా॒ పురు॑షః |
స॒హ॒స్రా॒క్షః స॒హస్ర॑పాత్ |
స భూమి॑o వి॒శ్వతో॑ వృ॒త్వా |
అత్య॑తిష్ఠద్దశాఙ్గు॒లం ||
ఆవాహయామి దేవేశం శ్రీపతిం శ్రీధరం హరిం |
బాలరూపధరం విష్ణుం సచ్చిదానందవిగ్రహం ||
ఓం శ్రీకృష్ణ పరబ్రహ్మణే నమః ఆవాహయామి |
ఆసనం –
పురు॑ష ఏ॒వేదగ్ం సర్వం” |
యద్భూ॒తం యచ్చ॒ భవ్యం” |
ఉ॒తామృ॑త॒త్వస్యేశా॑నః |
య॒దన్నే॑నాతి॒రోహ॑తి ||
దామోదర నమస్తేఽస్తు దేవకీగర్భసంభవ |
రత్నసింహాసనం చారు గృహ్యతాం గోకులప్రియ ||
ఓం శ్రీకృష్ణ పరబ్రహ్మణే నమః నవరత్నఖచిత సువర్ణ సింహాసనం సమర్పయామి |
పాద్యం –
ఏ॒తావా॑నస్య మహి॒మా |
అతో॒ జ్యాయాగ్॑శ్చ॒ పూరు॑షః |
పాదో”ఽస్య॒ విశ్వా॑ భూ॒తాని॑ |
త్రి॒పాద॑స్యా॒మృత॑o ది॒వి ||
పుష్పాక్షత సమాయుక్తం పురుషోత్తమ పూర్వజ |
పాద్యం గృహాణ దేవేశ పూర్ణరూప నమోఽస్తు తే ||
ఓం శ్రీకృష్ణ పరబ్రహ్మణే నమః పాదయో పాద్యం సమర్పయామి |
అర్ఘ్యం –
త్రి॒పాదూ॒ర్ధ్వ ఉదై॒త్పురు॑షః |
పాదో”ఽస్యే॒హాఽఽభ॑వా॒త్పున॑: |
తతో॒ విష్వ॒ఙ్వ్య॑క్రామత్ |
సా॒శ॒నా॒న॒శ॒నే అ॒భి ||
గంధపుష్పాక్షతోపేతం ఫలేన చ సమన్వితం |
అర్ఘ్యం గృహాణ భగవన్ వసుదేవ ప్రియాత్మజ ||
ఓం శ్రీకృష్ణ పరబ్రహ్మణే నమః హస్తయోః అర్ఘ్యం సమర్పయామి |
ఆచమనీయం –
తస్మా”ద్వి॒రాడ॑జాయత |
వి॒రాజో॒ అధి॒ పూరు॑షః |
స జా॒తో అత్య॑రిచ్యత |
ప॒శ్చాద్భూమి॒మథో॑ పు॒రః ||
నానానదీ సమానీతం సువర్ణకలశస్థితం |
గృహాణాచమనీయం చ విమలం జలమచ్యుత ||
ఓం శ్రీకృష్ణ పరబ్రహ్మణే నమః ముఖే ఆచమనీయం సమర్పయామి |
మధుపర్కం –
మధుదధ్యాజ్యసంయుక్తం మహనీయ గుణార్ణవ |
మధుసూదన దేవేశ మధుపర్కం గృహాణ మే ||
ఓం శ్రీకృష్ణ పరబ్రహ్మణే నమః మధుపర్కం సమర్పయామి |
పంచామృత స్నానం –
పంచామృతస్నానమిదం పయోదధి ఘృతం మధు |
శర్కరామపి గోవింద శకటాసురభంజన ||
ఓం శ్రీకృష్ణ పరబ్రహ్మణే నమః పంచామృతస్నానం సమర్పయామి |
స్నానం –
యత్పురు॑షేణ హ॒విషా” |
దే॒వా య॒జ్ఞమత॑న్వత |
వ॒స॒న్తో అ॑స్యాసీ॒దాజ్యం” |
గ్రీ॒ష్మ ఇ॒ధ్మశ్శ॒రద్ధ॒విః ||
గంగా గోదావరీ కృష్ణా యమునాభ్యః సమాహృతం |
సలిలం విమలం దేవ స్నానార్థం ప్రతిగృహ్యతాం ||
ఓం శ్రీకృష్ణ పరబ్రహ్మణే నమః శుద్ధోదక స్నానం సమర్పయామి |
స్నానానంతరం శుద్ధ ఆచమనీయం సమర్పయామి |
వస్త్రం –
స॒ప్తాస్యా॑సన్పరి॒ధయ॑: |
త్రిః స॒ప్త స॒మిధ॑: కృ॒తాః |
దే॒వా యద్య॒జ్ఞం త॑న్వా॒నాః |
అబ॑ధ్న॒న్పురు॑షం ప॒శుం ||
పీతాంబరయుగం దేవ గృహాణ సుమనోహరం |
దేహి మే సకలానర్థాన్ దేవకీ ప్రియనందన ||
ఓం శ్రీకృష్ణ పరబ్రహ్మణే నమః వస్త్రయుగ్మం సమర్పయామి |
యజ్ఞోపవీతం –
తం య॒జ్ఞం బ॒ర్హిషి॒ ప్రౌక్షన్॑ |
పురు॑షం జా॒తమ॑గ్ర॒తః |
తేన॑ దే॒వా అయ॑జన్త |
సా॒ధ్యా ఋష॑యశ్చ॒ యే ||
ఉపవీతం గృహాణేదం కాంచనం కమలాపతే |
పవిత్రం కురు మాం దేవ నమః పరమపూరుష ||
ఓం శ్రీకృష్ణ పరబ్రహ్మణే నమః యజ్ఞోపవీతం సమర్పయామి |
గంధం –
తస్మా”ద్య॒జ్ఞాత్స॑ర్వ॒హుత॑: |
సంభృ॑తం పృషదా॒జ్యం |
ప॒శూగ్‍స్తాగ్‍శ్చ॑క్రే వాయ॒వ్యాన్॑ |
ఆ॒ర॒ణ్యాన్గ్రా॒ంయాశ్చ॒ యే ||
గంధం కుంకుమకస్తూరీ ఘనసారసమన్వితం |
గృహాణ తే నమో దేవ కుబ్జానుగ్రహకారిణే ||
ఓం శ్రీకృష్ణ పరబ్రహ్మణే నమః గంధం సమర్పయామి |
ఆభరణం –
తస్మా”ద్య॒జ్ఞాత్స॑ర్వ॒హుత॑: |
ఋచ॒: సామా॑ని జజ్ఞిరే |
ఛన్దాగ్॑oసి జజ్ఞిరే॒ తస్మా”త్ |
యజు॒స్తస్మా॑దజాయత ||
హారనూపురకేయూర కింకిణీదామపూర్వకం |
గృహాణాభరణం సర్వం శరణాగతవత్సల ||
ఓం శ్రీకృష్ణ పరబ్రహ్మణే నమః ఆభరణాని సమర్పయామి |
అక్షతాన్ –
అక్షతాన్ ధవళాన్ దివ్యాన్ ముక్తాఫల సమప్రభాన్ |
వాసుదేవ గృహాణ త్వం నమస్తే భక్తవత్సల ||
ఓం శ్రీకృష్ణ పరబ్రహ్మణే నమః అక్షతాన్ సమర్పయామి |
పుష్పాణి –
తస్మా॒దశ్వా॑ అజాయన్త |
యే కే చో॑భ॒యాద॑తః |
గావో॑ హ జజ్ఞిరే॒ తస్మా”త్ |
తస్మా”జ్జా॒తా అ॑జా॒వయ॑: ||
జాజీ చంపక పున్నాగ కేతకీ మల్లికాదిభిః |
కరవీరైః పారిజాతైః పూజయామి రమాపతిం ||
ఓం శ్రీకృష్ణ పరబ్రహ్మణే నమః నానావిధ పరిమళ పత్ర పుష్పాణి సమర్పయామి |
అథాంగ పూజా –
ఓం అచ్యుతాయ నమః – పాదౌ పూజయామి |
ఓం గోపాలాయ నమః – గుల్ఫౌ పూజయామి |
ఓం జన్మహీనాయ నమః – జానునీ పూజయామి |
ఓం పూతనావైరిణే నమః – ఊరూ పూజయామి |
ఓం శకటాసురభంజనాయ నమః – కటిం పూజయామి |
ఓం నవనీతప్రియాయ నమః – నాభిం పూజయామి |
ఓం ఉత్తాలతాలభేత్రే నమః – ఉదరం పూజయామి |
ఓం వనమాలినే నమః – వక్షఃస్థలం పూజయామి |
ఓం చతుర్భుజాయ నమః – హస్తాన్ పూజయామి |
ఓం కంసారయే నమః – కంఠం పూజయామి |
ఓం మథురానాథాయ నమః – ముఖం పూజయామి |
ఓం కుచేలసంపత్ప్రదాయ నమః – కపోలౌ పూజయామి |
ఓం కంజలోచనాయ నమః – నేత్రే పూజయామి |
ఓం కరుణానిధయే నమః – కర్ణౌ పూజయామి |
ఓం లలితాకృతయే నమః – లలాటం పూజయామి |
ఓం శుకసంస్తుతాయ నమః – శిరః పూజయామి |
ఓం సర్వేశ్వరాయ నమః – సర్వాణ్యంగాని పూజయామి |
ధూపం –
యత్పురు॑ష॒o వ్య॑దధుః |
క॒తి॒ధా వ్య॑కల్పయన్ |
ముఖ॒o కిమ॑స్య॒ కౌ బా॒హూ |
కావూ॒రూ పాదా॑వుచ్యేతే ||
వనస్పత్యుద్భవో దివ్యో గంధాఢ్యో గంధ ఉత్తమ |
బాలకృష్ణ మహీపాలో ధూపోఽయం ప్రతిగృహ్యతాం ||
ఓం శ్రీకృష్ణ పరబ్రహ్మణే నమః ధూపం ఆఘ్రాపయామి |
దీపం –
బ్రా॒హ్మ॒ణో”ఽస్య॒ ముఖ॑మాసీత్ |
బా॒హూ రా॑జ॒న్య॑: కృ॒తః |
ఊ॒రూ తద॑స్య॒ యద్వైశ్య॑: |
ప॒ద్భ్యాగ్ం శూ॒ద్రో అ॑జాయత ||
సాజ్యం త్రివర్తిసంయుక్తం వహ్నినా యోజితం మయా |
గృహాణ మంగళం దీపం త్రైలోక్య తిమిరాపహం ||
ఓం శ్రీకృష్ణ పరబ్రహ్మణే నమః దీపం సమర్పయామి |
నైవేద్యం –
చ॒న్ద్రమా॒ మన॑సో జా॒తః |
చక్షో॒: సూర్యో॑ అజాయత |
ముఖా॒దిన్ద్ర॑శ్చా॒గ్నిశ్చ॑ |
ప్రా॒ణాద్వా॒యుర॑జాయత ||
నైవేద్యం గృహ్యతాం దేవ భక్తిం మే అచలాం కురు |
ఈప్సితం మే వరం దేహి ఇహత్ర చ పరాం గతిం ||
ఓం శ్రీకృష్ణ పరబ్రహ్మణే నమః నైవేద్యం సమర్పయామి |
ఓం భూర్భువ॒: సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
తాంబూలం –
నాభ్యా॑ ఆసీద॒న్తరి॑క్షం |
శీ॒ర్ష్ణో ద్యౌః సమ॑వర్తత |
ప॒ద్భ్యాం భూమి॒ర్దిశ॒: శ్రోత్రా”త్ |
తథా॑ లో॒కాగ్ం అ॑కల్పయన్ ||
పూగీఫలం సతాంబూలం నాగవల్లీదళైర్యుతం |
ఏలా లవంగ సంయుక్తం తాంబూలం ప్రతిగృహ్యతాం ||
ఓం శ్రీకృష్ణ పరబ్రహ్మణే నమః తాంబూలం సమర్పయామి |
నీరాజనం –
వేదా॒హమే॒తం పురు॑షం మ॒హాన్తం” |
ఆ॒ది॒త్యవ॑ర్ణం॒ తమ॑స॒స్తు పా॒రే |
సర్వా॑ణి రూ॒పాణి॑ వి॒చిత్య॒ ధీర॑: |
నామా॑ని కృ॒త్వాఽభి॒వద॒న్॒ యదాస్తే” ||
ఓం శ్రీకృష్ణ పరబ్రహ్మణే నమః కర్పూర నీరాజనం సమర్పయామి |
నీరాజనానంతరం శుద్ధాచమనీయం సమర్పయామి | నమస్కరోమి |
మంత్రపుష్పం –
ధా॒తా పు॒రస్తా॒ద్యము॑దాజ॒హార॑ |
శ॒క్రః ప్రవి॒ద్వాన్ప్ర॒దిశ॒శ్చత॑స్రః |
తమే॒వం వి॒ద్వాన॒మృత॑ ఇ॒హ భ॑వతి |
నాన్యః పన్థా॒ అయ॑నాయ విద్యతే ||
ఓం శ్రీకృష్ణ పరబ్రహ్మణే నమః సువర్ణ దివ్య మంత్రపుష్పం సమర్పయామి |
ఆత్మప్రదక్షిణ నమస్కారం –
యానికాని చ పాపాని జన్మాంతరకృతాని చ |
తాని తాని ప్రణశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవ |
త్రాహిమాం కృపయా దేవ శరణాగతవత్సలా ||
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష జనార్దన ||
ఓం శ్రీకృష్ణ పరబ్రహ్మణే నమః ఆత్మప్రదక్షిణ నమస్కారాన్ సమర్పయామి |
సాష్టాంగ నమస్కారం –
ఉరసా శిరసా దృష్ట్యా మనసా వచసా తథా |
పద్భ్యాం కరాభ్యాం కర్ణాభ్యాం ప్రణామోష్టాంగముచ్యతే ||
ఓం శ్రీకృష్ణ పరబ్రహ్మణే నమః సాష్టాంగ నమస్కారాన్ సమర్పయామి |
సర్వోపచారాః –
ఓం శ్రీకృష్ణ పరబ్రహ్మణే నమః ఛత్రం ఆచ్ఛాదయామి |
ఓం శ్రీకృష్ణ పరబ్రహ్మణే నమః చామరైర్వీజయామి |
ఓం శ్రీకృష్ణ పరబ్రహ్మణే నమః నృత్యం దర్శయామి |
ఓం శ్రీకృష్ణ పరబ్రహ్మణే నమః గీతం శ్రావయామి |
ఓం శ్రీకృష్ణ పరబ్రహ్మణే నమః ఆందోళికాన్నారోహయామి |
ఓం శ్రీకృష్ణ పరబ్రహ్మణే నమః అశ్వానారోహయామి |
ఓం శ్రీకృష్ణ పరబ్రహ్మణే నమః గజానారోహయామి |
సమస్త రాజోపచారాన్ దేవోపచారాన్ సమర్పయామి |
ప్రార్థనా –
నమో బ్రహ్మణ్య దేవాయ గోబ్రాహ్మణహితాయ చ |
జగద్ధితాయ కృష్ణాయ గోవిందాయ నమో నమః ||
కృష్ణాయ వాసుదేవాయ హరయే పరమాత్మనే |
ప్రణతక్లేశనాశాయ గోవిందాయ నమో నమః ||
నమస్తుభ్యం జగన్నాథ దేవకీతనయ ప్రభో |
వసుదేవసుతాఽనంత యశోదానందవర్ధన ||
గోవింద గోకులాధార గోపీకాంత గుణార్ణవ |
పాహి మాం పద్మనయన పతితం భవసాగరే ||
ఓం శ్రీకృష్ణ పరబ్రహ్మణే నమః ప్రార్థనా నమస్కారాన్ సమర్పయామి |
క్షమా ప్రార్థన –
అపరాధ సహస్రాణి క్రియంతేఽహర్నిశం మయా |
దాసోఽయమితి మాం మత్వా క్షమస్వ పురుషోత్తమ ||
ఆవాహనం న జానామి న జానామి విసర్జనం |
పూజావిధిం న జానామి క్షమస్వ పురుషోత్తమ ||
మంత్రహీనం క్రియాహీనం భక్తిహీనం మహేశ్వర |
యత్పూజితం మయా దేవ పరిపూర్ణం తదస్తు తే ||
అనయా పురుషసూక్త విధాన పూర్వక ధ్యాన ఆవాహనాది షోడశోపచార పూజయా భగవాన్ సర్వాత్మకః శ్రీ కృష్ణ పరమాత్మా సుప్రీతా సుప్రసన్నా వరదా భవంతు ||
తీర్థప్రసాద గ్రహణం –
అకాలమృత్యహరణం సర్వవ్యాధినివారణం |
సమస్తపాపక్షయకరం శ్రీ బాలకృష్ణ పాదోదకం పావనం శుభం ||
ఓం శ్రీకృష్ణ పరబ్రహ్మణే నమః ప్రసాదం శిరసా గృహ్ణామి |

శ్రీ కృష్ణ అష్టోత్తరశతనామవళిః

ఓం శ్రీ కృష్ణాయ నమః |
ఓం కమలానాథాయ నమః |
ఓం వాసుదేవాయ నమః |
ఓం సనాతనాయ నమః |
ఓం వసుదేవాత్మజాయ నమః |
ఓం పుణ్యాయ నమః |
ఓం లీలామానుషవిగ్రహాయ నమః |
ఓం శ్రీవత్సకౌస్తుభధరాయ నమః |
ఓం యశోదావత్సలాయ నమః | 9
ఓం హరయే నమః |
ఓం చతుర్భుజాత్తచక్రాసిగదాశంఖాద్యాయుధాయ నమః |
ఓం దేవకీనందనాయ నమః |
ఓం శ్రీశాయ నమః |
ఓం నందగోపప్రియాత్మజాయ నమః |
ఓం యమునావేగసంహారిణే నమః |
ఓం బలభద్రప్రియానుజాయ నమః |
ఓం పూతనాజీవితహరాయ నమః |
ఓం శకటాసురభంజనాయ నమః | 18
ఓం నందవ్రజజనానందినే నమః |
ఓం సచ్చిదానందవిగ్రహాయ నమః |
ఓం నవనీతవిలిప్తాంగాయ నమః |
ఓం నవనీతనటాయ నమః |
ఓం అనఘాయ నమః |
ఓం నవనీతనవాహారిణే నమః |
ఓం ముచుకుందప్రసాదకాయ నమః |
ఓం షోడశస్త్రీసహస్రేశాయ నమః |
ఓం త్రిభంగినే నమః | 27
ఓం మధురాకృతయే నమః |
ఓం శుకవాగమృతాబ్ధీందవే నమః |
ఓం గోవిందాయ నమః |
ఓం యోగినాంపతయే నమః |
ఓం వత్సవాటచరాయ నమః |
ఓం అనంతాయ నమః |
ఓం ధేనుకాసురభంజనాయ నమః |
ఓం తృణీకృతతృణావర్తాయ నమః |
ఓం యమలార్జునభంజనాయ నమః | 36
ఓం ఉత్తాలతాలభేత్రే నమః |
ఓం గోపగోపీశ్వరాయ నమః |
ఓం యోగినే నమః |
ఓం కోటిసూర్యసమప్రభాయ నమః |
ఓం ఇలాపతయే నమః |
ఓం పరంజ్యోతిషే నమః |
ఓం యాదవేంద్రాయ నమః |
ఓం యదూద్వహాయ నమః |
ఓం వనమాలినే నమః | 45
ఓం పీతవాసినే నమః |
ఓం పారిజాతాపహారకాయ నమః |
ఓం గోవర్ధనాచలోద్ధర్త్రే నమః |
ఓం గోపాలాయ నమః |
ఓం సర్వపాలకాయ నమః |
ఓం అజాయ నమః |
ఓం నిరంజనాయ నమః |
ఓం కామజనకాయ నమః |
ఓం కంజలోచనాయ నమః | 54
ఓం మధుఘ్నే నమః |
ఓం మధురానాథాయ నమః |
ఓం ద్వారకానాయకాయ నమః |
ఓం బలినే నమః |
ఓం బృందావనాంతసంచారిణే నమః |
ఓం తులసీదామభూషణాయ నమః |
ఓం స్యమంతకమణిహర్త్రే నమః |
ఓం నరనారాయణాత్మకాయ నమః |
ఓం కుబ్జాకృష్ణాంబరధరాయ నమః | 63
ఓం మాయినే నమః |
ఓం పరమపూరుషాయ నమః |
ఓం ముష్టికాసురచాణూరమల్లయుద్ధవిశారదాయ నమః |
ఓం సంసారవైరిణే నమః |
ఓం కంసారయే నమః |
ఓం మురారయే నమః |
ఓం నరకాంతకాయ నమః |
ఓం అనాదిబ్రహ్మచారిణే నమః |
ఓం కృష్ణావ్యసనకర్షకాయ నమః | 72
ఓం శిశుపాలశిరచ్ఛేత్రే నమః |
ఓం దుర్యోధనకులాంతకాయ నమః |
ఓం విదురాక్రూరవరదాయ నమః |
ఓం విశ్వరూపప్రదర్శకాయ నమః |
ఓం సత్యవాచే నమః |
ఓం సత్యసంకల్పాయ నమః |
ఓం సత్యభామారతాయ నమః |
ఓం జయినే నమః |
ఓం సుభద్రాపూర్వజాయ నమః | 81
ఓం జిష్ణవే నమః |
ఓం భీష్మముక్తిప్రదాయకాయ నమః |
ఓం జగద్గురువే నమః |
ఓం జగన్నాథాయ నమః |
ఓం వేణునాదవిశారదాయ నమః |
ఓం వృషభాసురవిధ్వంసినే నమః |
ఓం బాణాసురకరాంతకాయ నమః |
ఓం యుధిష్టిరప్రతిష్ఠాత్రే నమః |
ఓం బర్హిబర్హావతంసకాయ నమః | 90
ఓం పార్థసారథయే నమః |
ఓం అవ్యక్తాయ నమః |
ఓం గీతామృతమహోదధ్యే నమః |
ఓం కాళీయఫణిమాణిక్యరంజితశ్రీపదాంబుజాయ నమః |
ఓం దామోదరాయ నమః |
ఓం యజ్ఞభోక్త్రే నమః |
ఓం దానవేంద్రవినాశకాయ నమః |
ఓం నారాయణాయ నమః |
ఓం పరబ్రహ్మణే నమః | 99
ఓం పన్నగాశనవాహనాయ నమః |
ఓం జలక్రీడాసమాసక్తగోపీవస్త్రాపహారకాయ నమః |
ఓం పుణ్యశ్లోకాయ నమః |
ఓం తీర్థపాదాయ నమః |
ఓం వేదవేద్యాయ నమః |
ఓం దయానిధయే నమః |
ఓం సర్వతీర్థాత్మకాయ నమః |
ఓం సర్వగ్రహరూపిణే నమః |
ఓం పరాత్పరాయ నమః | 108
ఇతి శ్రీ కృష్ణ అష్టోత్తరశతనామవళిః ||

కుమార సూక్తం

అ॒గ్నిర్హోతా” నో అధ్వ॒రే వా॒జీ సన్పరి॑ ణీయతే |
దే॒వో దే॒వేషు॑ య॒జ్ఞియ॑: || 1
పరి॑ త్రివి॒ష్ట్య॑ధ్వ॒రం యాత్య॒గ్నీ ర॒థీరి॑వ |
ఆ దే॒వేషు॒ ప్రయో॒ దధ॑త్ || 2
పరి॒ వాజ॑పతిః క॒విర॒గ్నిర్హ॒వ్యాన్య॑క్రమీత్ |
దధ॒ద్రత్నా”ని దా॒శుషే” || 3
అ॒యం యః సృఞ్జ॑యే పు॒రో దై”వవా॒తే స॑మి॒ధ్యతే” |
ద్యు॒మాఁ అ॑మిత్ర॒దంభ॑నః || 4
అస్య॑ ఘా వీ॒ర ఈవ॑తో॒ఽగ్నేరీ”శీత॒ మర్త్య॑: |
తి॒గ్మజ”ంభస్య మీ॒ళ్హుష॑: || 5
తమర్వ”న్త॒o న సా”న॒సిమ॑రు॒షం న ది॒వః శిశుం” |
మ॒ర్మృ॒జ్యన్తే” ది॒వేది॑వే || 6
బోధ॒ద్యన్మా॒ హరి॑భ్యాం కుమా॒రః సా”హదే॒వ్యః |
అచ్ఛా॒ న హూ॒త ఉద॑రం || 7
ఉ॒త త్యా య॑జ॒తా హరీ” కుమా॒రాత్సా”హదే॒వ్యాత్ |
ప్రయ॑తా స॒ద్య ఆ ద॑దే || 8
ఏ॒ష వా”o దేవావశ్వినా కుమా॒రః సా”హదే॒వ్యః |
దీ॒ర్ఘాయు॑రస్తు॒ సోమ॑కః || 9
తం యు॒వం దే”వావశ్వినా కుమా॒రం సా”హదే॒వ్యం |
దీ॒ర్ఘాయు॑షం కృణోతన || 10
(ఋ.వే.5.2.1)
కు॒మా॒రం మా॒తా యు॑వ॒తిః సము॑బ్ధ॒o గుహా” బిభర్తి॒ న ద॑దాతి పి॒త్రే |
అనీ”కమస్య॒ న మి॒నజ్జనా”సః పు॒రః ప॑శ్యన్తి॒ నిహి॑తమర॒తౌ || 11
కమే॒తం త్వం యు॑వతే కుమా॒రం పేషీ” బిభర్షి॒ మహి॑షీ జజాన |
పూ॒ర్వీర్హి గర్భ॑: శ॒రదో” వ॒వర్ధాప॑శ్యం జా॒తం యదసూ”త మా॒తా || 12
హిర”ణ్యదన్త॒o శుచి॑వర్ణమా॒రాత్ క్షేత్రా”దపశ్య॒మాయు॑ధా॒ మిమా”నం |
ద॒దా॒నో అ॑స్మా అ॒మృత”o వి॒పృక్వ॒త్కిం మామ॑ని॒న్ద్రాః కృ॑ణవన్నను॒క్థాః || 13
క్షేత్రా”దపశ్యం సను॒తశ్చర”న్తం సు॒మద్యూ॒థం న పు॒రు శోభ॑మానం |
న తా అ॑గృభ్ర॒న్నజ॑నిష్ట॒ హి షః పలి॑క్నీ॒రిద్యు॑వ॒తయో” భవన్తి || 14
కే మే” మర్య॒కం వి య॑వన్త॒ గోభి॒ర్న యేషా”o గో॒పా అర॑ణశ్చి॒దాస॑ |
య ఈ”o జగృ॒భురవ॒ తే సృ॑జ॒న్త్వాజా”తి ప॒శ్వ ఉప॑ నశ్చికి॒త్వాన్ || 15
వ॒సాం రాజా”నం వస॒తిం జనా”నా॒మరా”తయో॒ ని ద॑ధు॒ర్మర్త్యే”షు |
బ్రహ్మా॒ణ్యత్రే॒రవ॒ తం సృ॑జన్తు నిన్ది॒తారో॒ నిన్ద్యా”సో భవన్తు || 16
శున॑శ్చి॒చ్ఛేప॒o నిది॑తం స॒హస్రా॒ద్యూపా”దముఞ్చో॒ అశ॑మిష్ట॒ హి షః |
ఏ॒వాస్మద॑గ్నే॒ వి ము॑ముగ్ధి॒ పాశా॒న్ హోత॑శ్చికిత్వై॒హ తూ ని॒షద్య॑ || 17
హృ॒ణీ॒యమా”నో॒ అప॒ హి మదైయే॒: ప్ర మే” దే॒వానా”o వ్రత॒పా ఉ॑వాచ |
ఇన్ద్రో” వి॒ద్వాఁ అను॒ హి త్వా” చ॒చక్ష॒ తేనా॒హమ॑గ్నే॒ అను॑శిష్ట॒ ఆగా”ం || 18
వి జ్యోతి॑షా బృహ॒తా భా”త్య॒గ్నిరా॒విర్విశ్వా”ని కృణుతే మహి॒త్వా |
ప్రాదే”వీర్మా॒యాః స॑హతే దు॒రేవా॒: శిశీ”తే॒ శృఙ్గే॒ రక్ష॑సే వి॒నిక్షే” || 19
ఉ॒త స్వా॒నాసో” ది॒వి ష”న్త్వ॒గ్నేస్తి॒గ్మాయు॑ధా॒ రక్ష॑సే॒ హన్త॒వా ఉ॑ |
మదే” చిదస్య॒ ప్ర రు॑జన్తి॒ భామా॒ న వ॑రన్తే పరి॒బాధో॒ అదే”వీః || 20
ఏ॒తం తే॒ స్తోమ”o తువిజాత॒ విప్రో॒ రథ॒o న ధీర॒: స్వపా” అతక్షం |
యదీద॑గ్నే॒ ప్రతి॒ త్వం దే”వ॒ హర్యా॒: స్వ॑ర్వతీర॒ప ఏ”నా జయేమ || 21
తు॒వి॒గ్రీవో” వృష॒భో వా”వృధా॒నో”ఽశ॒త్ర్వ(॒1॑)ర్యః సమ॑జాతి॒ వేద॑: |
ఇతీ॒మమ॒గ్నిమ॒మృతా” అవోచన్బ॒ర్హిష్మ॑తే॒ మన॑వే॒ శర్మ॑ యంసద్ధ॒విష్మ॑తే॒ మన॑వే॒ శర్మ॑ యంసత్ || 22
(ఋ.వే.10.62.1)
యే య॒జ్ఞేన॒ దక్షి॑ణయా॒ సమ॑క్తా॒ ఇన్ద్ర॑స్య స॒ఖ్యమ॑మృత॒త్వమా”న॒శ |
తేభ్యో” భ॒ద్రమ”ఙ్గిరసో వో అస్తు॒ ప్రతి॑ గృభ్ణీత మాన॒వం సు॑మేధసః || 23
య ఉ॒దాజ”న్పి॒తరో” గో॒మయం॒ వస్వృ॒తేనాభి”న్దన్పరివత్స॒రే వ॒లం |
దీ॒ర్ఘా॒యు॒త్వమ”ఙ్గిరసో వో అస్తు॒ ప్రతి॑ గృభ్ణీత మాన॒వం సు॑మేధసః || 24
య ఋ॒తేన॒ సూర్య॒మారో”హయన్ ది॒వ్యప్ర॑థయన్ పృథి॒వీం మా॒తర॒o వి |
సు॒ప్ర॒జా॒స్త్వమ”ఙ్గిరసో వో అస్తు॒ ప్రతి॑ గృభ్ణీత మాన॒వం సు॑మేధసః || 25
అ॒యం నాభా” వదతి వ॒ల్గు వో” గృ॒హే దేవ॑పుత్రా ఋషయ॒స్తచ్ఛృ॑ణోతన |
సు॒బ్ర॒హ్మ॒ణ్యమ”ఙ్గిరసో వో అస్తు॒ ప్రతి॑ గృభ్ణీత మాన॒వం సు॑మేధసః || 26
విరూ”పాస॒ ఇదృష॑య॒స్త ఇద్గ॑ంభీ॒రవే”పసః |
తే అఙ్గి॑రసః సూ॒నవ॒స్తే అ॒గ్నేః పరి॑ జజ్ఞిరే || 27
యే అ॒గ్నేః పరి॑ జజ్ఞి॒రే విరూ”పాసో ది॒వస్పరి॑ |
నవ॑గ్వో॒ ను దశ॑గ్వో॒ అఙ్గి॑రస్తమ॒: సచా” దే॒వేషు॑ మంహతే || 28
ఇన్ద్రే”ణ యు॒జా నిః సృ॑జన్త వా॒ఘతో” వ్ర॒జం గోమ”న్తమ॒శ్విన”ం |
స॒హస్ర”o మే॒ దద॑తో అష్టక॒ర్ణ్యః ॑1॒ శ్రవో” దే॒వేష్వ॑క్రత || 29
ప్ర నూ॒నం జా”యతామ॒యం మను॒స్తోక్మే”వ రోహతు |
యః స॒హస్ర”o శ॒తాశ్వ”o స॒ద్యో దా॒నాయ॒ మంహ॑తే || 30
న తమ॑శ్నోతి॒ కశ్చ॒న ది॒వ ఇ॑వ॒ సాన్వా॒రభ”ం |
సా॒వ॒ర్ణ్యస్య॒ దక్షి॑ణా॒ వి సిన్ధు॑రివ పప్రథే || 31
ఉ॒త దా॒సా ప॑రి॒విషే॒ స్మద్ది॑ష్టీ॒ గోప॑రీణసా |
యదు॑స్తు॒ర్వశ్చ॑ మామహే || 32
స॒హ॒స్ర॒దా గ్రా”మ॒ణీర్మా రి॑ష॒న్మనుః॒ సూర్యే”ణాస్య॒ యత॑మానైతు॒ దక్షి॑ణా |
సావ”ర్ణేర్దే॒వాః ప్ర తి॑ర॒న్త్వాయు॒ర్యస్మి॒న్నశ్రా”న్తా॒ అస॑నామ॒ వాజ”ం || 33

 శ్రీ బాలకృష్ణ అష్టకం

లీలయా కుచేల మౌని పాలితం కృపాకరం
నీల నీలమింద్రనీల నీలకాంతి మోహనం |
బాలనీల చారు కోమలాలకం విలాస
గోపాల బాల జార చోర బాలకృష్ణమాశ్రయే || 1 ||
ఇందుకుంద మందహాసమిందిరాధరాధరం
నంద గోప నందనం సనందనాది వందితం |
నంద గోధనం సురారి మర్దనం సమస్త
గోపాల బాల జార చోర బాలకృష్ణమాశ్రయే || 2 ||
వారి హార హీర చారు కీర్తితం విరాజితం
ద్వారకా విహారమంబుజారి సూర్యలోచనం |
భూరి మేరు ధీరమాది కారణం సుసేవ్య
గోపాల బాల జార చోర బాలకృష్ణమాశ్రయే || 3 ||
శేష భోగ శాయినం విశేష భూషణోజ్జ్వలం
ఘోషమాన కీంకిణీ విభీషణాది పోషణం |
శోషణా కృతాంబుధిం విభీషణార్చితం పదం
గోపాల బాల జార చోర బాలకృష్ణమాశ్రయే || 4 ||
పండితాఖిలస్తుతం పుండరీక భాస్వరం
కుండల ప్రభాసమాన తుండ గండ మండలం |
పుండరీక సన్నుతం జగన్నుతం మనోజ్ఞకం
గోపాల బాల జార చోర బాలకృష్ణమాశ్రయే || 5 ||
ఆంజనేయ ముఖ్యపాల వానరేంద్ర కృంతనం
కుంజరారి భంజనం నిరంజనం శుభాకరం |
మంజు కంజ పత్ర నేత్ర రాజితం విరాజితం
గోపాల బాల జార చోర బాలకృష్ణమాశ్రయే || 6 ||
రామణీయ యజ్ఞధామ భామినీ వరప్రదం
మనోహరం గుణాభిరామ ఉన్నతోన్నతం గురుం |
సామగాన వేణునాద లోల మజ్జితాస్తకం
గోపాల బాల జార చోర బాలకృష్ణమాశ్రయే || 7 ||
రంగ-దింధి-రాంగ-మంగళాంగ శౌర్య భాసదా
సంగదా సురోత్తమాంగ భంగక ప్రదాయకం |
తుంగవైర వాభిరామ మంగళామృతం సదా
గోపాల బాల జార చోర బాలకృష్ణమాశ్రయే || 8 ||
బాలకృష్ణ పుణ్యనామ లాలితం శుభాష్టకం
యే పఠంతి సాత్త్వికోత్తమా సదా ముదాచ్యుతం |
రాజమాన పుత్ర సంపదాది శోభనానితే
సాధయంతి విష్ణులోకమవ్యయం నరాశ్చతే || 9 ||

శ్రీ సుబ్రహ్మణ్య మంత్రసంమేళన త్రిశతీ

ధ్యానం |
వందే గురుం గణపతిం స్కందమాదిత్యమంబికాం |
దుర్గాం సరస్వతీం లక్ష్మీం సర్వకార్యార్థసిద్ధయే ||
మహాసేనాయ విద్మహే షడాననాయ ధీమహి |
తన్నః స్కందః ప్రచోదయాత్ ||
– నకారాదినామాని – 50 –
[ప్రతినామ మూలం – ఓం నం సౌం ఈం నం ళం శ్రీం శరవణభవ హం సద్యోజాత హాం హృదయ బ్రహ్మ సృష్టికారణ సుబ్రహ్మణ్య .. ] (మూలం) శివనాథాయ నమః | నిర్లేపాయ | నిర్మమాయ | నిష్కలాయ | నిర్మోహాయ | నిర్మలాయ | నిర్వికారాయ | నిరాభాసాయ | నిర్వికల్పాయ | నిత్యతృప్తాయ | నివృత్తకాయ | నిరుపద్రవాయ | నిధీశాయ | నిర్మమప్రియాయ | నిత్యయోగినే | నిత్యశుద్ధాయ | నిధీనాం పతయే | నిత్యనియమాయ | నిష్కారణాయ | నిస్సంగాయ | నిధిప్రియాయ | నిత్యభృతయే | నిత్యవస్తునే | నిత్యానందగురవే | నిత్యకల్యాణాయ (25) | నిధాత్రే | నిరామయాయ | నిత్యయోగిసాక్షిప్రియవాదాయ | నాగేంద్రసేవితాయ | నారదోపదేశకాయ | నగ్నరూపాయ | నానాపాపధ్వంసినే | నాగపీఠస్థాయ | నాదాంతగురవే | నాగసుతగురవే | నాదసాక్షిణే | నాగపాశహరాయ | నాగాస్త్రధరాయ | నటనప్రియాయ | నందిధ్వజినే | నవరత్నపాదుకాపాదాబ్జాయ | నటేశప్రియాయ | నవవైడూర్యహారకేయూరకుండలాయ | నిమిషాత్మనే | నిత్యబుద్ధాయ | నమస్కారప్రియాయ | నాదబిందుకలామూర్తయే | నిత్యకౌమారవీరబాహవే | నిత్యానందదేశికాయ | నకారాద్యంతసంపూర్ణాయ || 50
– మకారాదినామాని – 50 –
[ప్రతినామ మూలం – ఓం మం సౌం ఈం నం ళం హ్రీం రవణభవశ హిం వామదేవ హీం శిరో విష్ణు స్థితికారణ సుబ్రహ్మణ్య .. ] మహాబలాయ | మహోత్సాహాయ | మహాబుద్ధయే | మహాబాహవే | మహామాయాయ | మహాద్యుతయే | మహాధనుషే | మహాబాణాయ | మహాఖేటాయ | మహాశూలాయ | మహాధనుర్ధరాయ | మహామయూరారూఢాయ | మహాదేవప్రియాత్మజాయ | మహాసత్త్వాయ | మహాసౌంయాయ | మహాశక్తయే | మహామాయాస్వరూపాయ | మహానుభావాయ | మహాప్రభవే | మహాగురవే | మహారసాయ | మహారథారూఢాయ | మహాభాగాయ |
మహామకుటాయ | మహాగుణాయ (75) | మందారశేఖరాయ | మహాహారాయ | మహామాతంగగమనాయ | మహాసంగీతరసికాయ | మధుపానప్రియాయ | మధుసూదనప్రియాయ | మహాప్రశస్తాయ | మహావ్యక్తయే | మహావక్త్రాయ | మహాయశసే | మహామాత్రే | మహామణిగజారూఢాయ | మహాత్మనే | మహాహవిషే | మహిమాకారాయ | మహామార్గాయ | మదోన్మత్తభైరవపూజితాయ | మహావల్లీప్రియాయ | మదనాకారవల్లభాయ | మందారకుసుమప్రియాయ | మాంసాకర్షణాయ | మండలత్రయవాసినే | మహాభోగాయ | మహాసేనాన్యే | మకారాద్యంతసంపుర్ణాయ నమః || 100
– శకారాదినామాని – 50 –
[ప్రతినామ మూలం – ఓం శిం సౌం ఈం నం ళం క్లీం వణభవశర హుం అఘోర హూం శిఖా రుద్ర
సంహారకారణ సుబ్రహ్మణ్య .. ] శివానందగురవే | శివసచ్చిదానందస్వరూపాయ | శిఖండిమండలావాసాయ | శివప్రియాయ | శరవణోద్భూతాయ | శివశక్తివదనాయ | శంకరప్రియసుతాయ | శూరపద్మాసురద్వేషిణే | శూరపద్మాసురహంత్రే | శూరాంగధ్వంసినే | శుక్లరూపాయ | శుద్ధాయుధధరాయ | శుద్ధవీరప్రియాయ | శుద్ధవీరయుద్ధప్రియాయ | శుద్ధమానసనిలయాయ | శూన్యషట్కవర్జితాయ | శుద్ధతత్త్వసంపుర్ణాయ | శంఖచక్రకులిశధ్వజరేఖాంఘ్రిపంకజాయ | శుద్ధయోగినీగణదాత్రే | శోకపర్వతదంష్ట్రాయ | శుద్ధరణప్రియపండితాయ | శరభవేగాయుధధరాయ | శరపతయే | శాకినీ డాకినీ సేవితపాదాబ్జాయ | శంఖపద్మనిధి సేవితాయ (125) | శతసహస్రాయుధధరమూర్తయే | శివపూజకమానసనిలయాయ | శివదీక్షాగురవే | శూరవాహనాధిరూఢాయ | శోకరోగనివారణాయ | శుచయే | శుద్ధాయ | శుద్ధకీర్తయే | శుచిశ్రవసే | శక్తయే | శత్రుక్రోధవిమర్దనాయ | శ్వేతప్రభాయ | శ్వేతమూర్తయే | శ్వేతాత్మకాయ | శారణకులాంతకాయ | శతమూర్తయే | శతాయుధాయ | శరీరత్రయనాయకాయ | శుభలక్షణాయ | శుభాశుభవీక్షణాయ | శుక్రశోణితమధ్యస్థాయ |
శుండాదండఫూత్కారసోదరాయ | శూన్యమార్గతత్పరసేవితాయ | శాశ్వతాయ | శికారాద్యంతసంపూర్ణాయ || 150
– వకారాదినామాని – 50 –
[ప్రతినామ మూలం – ఓం వం సౌం ఈం నం ళం ఐం ణభవశరవ హేం తత్పురుష హైం మహేశ్వర
తిరోభావకారణ సుబ్రహ్మణ్య .. ] వల్లీమానసహంసికాయ | విష్ణవే | విదుషే | విద్వజ్జనప్రియాయ | వేలాయుధధరాయ | వేగవాహనాయ | వామదేవముఖోత్పన్నాయ | విజయకర్త్రే | విశ్వరూపాయ | వింధ్యస్కందాద్రినటనప్రియాయ | విశ్వభేషజాయ | వీరశక్తిమానసనిలయాయ | విమలాసనోత్కృష్టాయ | వాగ్దేవీనాయకాయ | వౌషడంతసంపూర్ణాయ | వాచామగోచరాయ | వాసనాగంధద్రవ్యప్రియాయ | వాదబోధకాయ | వాదవిద్యాగురవే | వాయుసారథ్యమహారథారూఢాయ | వాసుకిసేవితాయ | వాతులాగమపూజితాయ | విధిబంధనాయ | విశ్వామిత్రమఖరక్షితాయ | వేదాంతవేద్యాయ (175) | వీతరాగసేవితాయ | వేదచతుష్టయస్తుతాయ | వీరప్రముఖసేవితాయ | విశ్వభోక్త్రే | విశాం పతయే | విశ్వయోనయే | విశాలాక్షాయ | వీరసేవితాయ | విక్రమోపరివేషాయ | వరదాయ | వరప్రదానాం శ్రేష్ఠాయ | వర్ధమానాయ | వారిసుతాయ | వానప్రస్థాయ | వీరబాహ్వాదిసేవితాయ | విష్ణుబ్రహ్మాదిపూజితాయ | వీరాయుధసమావృతాయ | వీరశూరమర్దనాయ | వ్యాసాదిమునిపూజితాయ | వ్యాకరణాదిశాస్త్రనవోత్కృష్టాయ | విశ్వతోముఖాయ | వాసవాదిపూజితపాదాబ్జాయ | వసిష్ఠహృదయాంభోజనిలయాయ | వాంఛితార్థప్రదాయ | వకారాద్యంతసంపూర్ణాయ || 200
– యకారాదినామాని – 50 –
[ప్రతినామ మూలం – ఓం యం సౌం ఈం నం ళం సౌః భవశరవణ హోం ఈశాన హౌం నేత్రత్రయ సదాశివ అనుగ్రహకారణ సుబ్రహ్మణ్య .. ] యోగిహృత్పద్మవాసినే | యాజ్ఞికవర్ధినే | యజనాది షట్కర్మతత్పరాయ | యజుర్వేదస్వరూపాయ | యజుషే | యజ్ఞేశాయ | యజ్ఞశ్రియే | యజ్ఞరాజే | యజ్ఞపతయే | యజ్ఞమయాయ | యజ్ఞభూషణాయ | యజ్ఞఫలదాయ | యజ్ఞాంగభువే | యజ్ఞభూతాయ | యజ్ఞసంరక్షిణే | యజ్ఞపండితాయ | యజ్ఞవిధ్వంసినే | యజ్ఞమేషగర్వహరాయ | యజమానస్వరూపాయ | యమాయ | యమధర్మపూజితాయ | యమాద్యష్టాంగసాధకాయ | యుద్ధగంభీరాయ | యుద్ధహరణాయ | యుద్ధనాథాయ (225) | యుగాంతకృతే | యుగావృత్తాయ | యుగనాథాయ | యుగధర్మప్రవర్తకాయ | యుగమాలాధరాయ | యోగినే | యోగవరదాయ | యోగినాం వరప్రదాయ | యోగీశాయ | యోగానందాయ | యోగభోగాయ | యోగాష్టాంగసాక్షిణే | యోగమార్గతత్పరసేవితాయ | యోగయుక్తాయ | యోగపురుషాయ | యోగనిధయే | యోగవిదే | యోగసిద్ధిదాయ | యుద్ధశత్రుభయంకరాయ | యుద్ధశోకమర్దనాయ | యశస్వినే | యశస్కరాయ | యంత్రిణే |
యంత్రనాయకాయ | యకారాద్యంతసంపుర్ణాయ || 250
– మాతృకాక్షరాదినామాని – 50 –
[ప్రతినామ మూలం – ఓం నమః శివాయ సౌం ఈం నం ళం శ్రీం హ్రీం క్లీం ఐం సౌః వశరవణభ హం అధోముఖ హః అస్త్ర పరబ్రహ్మ పంచకృత్యకారణ సుబ్రహ్మణ్య .. ] అం (మూలం) అస్త్రశివాస్త్రపాశుపతవైష్ణవబ్రహ్మాస్త్రధృతే | ఆం (మూలం) ఆనందసుందరాకారాయ | ఇం (మూలం) ఇంద్రాణీమాంగల్యరక్షకాయ | ఈం (మూలం) ఈషణాత్రయవర్జితాయ | ఉం (మూలం) ఉమాసుతాయ | ఊం (మూలం) ఊర్ధ్వరేతః సుతాయ | ఋం (మూలం) ఋణత్రయవిమోచనాయ | ౠం (మూలం) ౠతంభరాత్మజ్యోతిషే | లుం* (మూలం) లుప్తాచారమనోదూరాయ | లూం* (మూలం) లూతభావపాశభేదినే |
ఏం (మూలం) ఏణాంకధర సత్పుత్రాయ | ఐం (మూలం) ఐశానపదసందాయినే |
ఓం (మూలం) ఓంకారార్థశ్రీమద్గురవే | ఔం (మూలం) ఔన్నత్యప్రదాయకాయ
అం (మూలం) అస్త్రకుక్కుటక్షురికా వృషభశుద్ధాస్త్రధరాయ |
అః (మూలం) అద్వైతపరమానందచిద్విలాస మహానిధయే |
కం (మూలం) కార్యకారణనిర్ముక్తాయ | ఖం (మూలం) ఖండేందుమౌలితనయాయ |
గం (మూలం) గద్యపద్యప్రీతిజ్ఞాయ | ఘం (మూలం) ఘనగంభీరభూషణాఢ్యాయ |
ఙం (మూలం) ఙకారాకారకద్వంద్వసర్వసంధ్యాత్మచిన్మయాయ |
చం (మూలం) చిదానందమహాసింధుమధ్యరత్నశిఖామణయే |
ఛం (మూలం) ఛేదితాశేషదైత్యౌఘాయ | జం (మూలం) జరామరణనివర్తకాయ |
ఝం (మూలం) ఝల్లరీవాద్యసుప్రియాయ | 275
ఞం (మూలం) జ్ఞానోపదేశకర్త్రే | టం (మూలం) టంకితాఖిలలోకాయ |
ఠం (మూలం) ఠకారమధ్యనిలయాయ | డం (మూలం) డక్కానినాదప్రీతికరాయ |
ఢం (మూలం) ఢాలితాసురకులాంతకాయ | ణం (మూలం) ణబిందుత్రయవన్మధ్యబింద్వాశ్లిష్టసువల్లికాయ |
తం (మూలం) తుంబురునారదార్చితాయ | థం (మూలం) స్థూలసూక్ష్మప్రదర్శకాయ |
దం (మూలం) దాంతాయ | ధం (మూలం) ధనుర్బాణనారాచాస్త్రధరాయ |
నం (మూలం) నిష్కంటకాయ | పం (మూలం) పిండిపాలముసలదండఖడ్గఖేటకధరాయ |
ఫం (మూలం) ఫణిలోకవిభూషణాయ | బం (మూలం) బహుదైత్యవినాశకాయ |
భం (మూలం) భక్తసాలోక్యసారూప్యసామీప్యసాయుజ్యదాయినే |
మం (మూలం) మహాశక్తిశూలగదాపరశుపాశాంకుశధృతే |
యం (మూలం) యంత్రతంత్రభేదినే | రం (మూలం) రజస్సత్త్వగుణాన్వితాయ |
లం (మూలం) లోకాతీతగుణోపేతాయ | వం (మూలం) వికల్పపరివర్జితాయ |
శం (మూలం) శంఖచక్రకులిశధ్వజధరాయ | షం (మూలం) షట్చక్రస్థాయ |
సం (మూలం) సర్వమంత్రార్థసర్వజ్ఞత్వముఖ్యబీజస్వరూపాయ |
హం (మూలం) హృదయాంబుజమధ్యస్థవిరజవ్యోమనాయకాయ |
ళం (మూలం) లోకైకనాథాయ నమః || 300 ||
క్షం (మూలం) ఏకపంచదశాక్షరసంపూర్ణాయ నమః ||
అం ఆం ఇం ఈం ఉం ఊం ఋం ౠం లుం* లూం* ఏం ఐం ఓం ఔం అం అః కం ఖం గం ఘం ఙం చం ఛం జం ఝం ఞం టం ఠం డం ఢం ణం తం థం దం ధం నం పం ఫం బం భం మం యం రం లం వం శం షం సం హం ళం క్షం నమః శివాయ వభణవరశ హం హిం హుం హేం హోం హం
సద్యోజాత వామదేవ అఘోర తత్పురుష ఈశాన అధోముఖ, హాం హీం హూం హైం హౌం హః హృదయ శిరః శిఖా కవచ నేత్రత్రయ అస్త్ర, బ్రహ్మ విష్ణు రుద్ర మహేశ్వర సదాశివ పరబ్రహ్మ, సృష్టి స్థితి సంహార తిరోభావ అనుగ్రహ పంచకృత్యకారణాయ, జగద్భువే వచద్భువే విశ్వభువే
రుద్రభువే బ్రహ్మభువే అగ్నిభువే లం వం రం యం హం సం సర్వాత్మకాయ ఓం హ్రీం వ్రీం సౌః శరవణభవ ఓం సర్వలోకం మమ వశమానాయ మమ శత్రుసంక్షోభణం కురు కురు మమ శత్రూన్ నాశయ నాశయ మమ శత్రూన్ మారయ మారయ షణ్ముఖాయ మయూరవాహనాయ సర్వరాజభయనాశనాయ
స్కందేశ్వరాయ వభణవరశ క్షాం క్షీం క్షూం క్షైం క్షౌం క్షః హుం ఫట్ స్వాహా నమః ||
ఇతి శ్రీసుబ్రహ్మణ్యమంత్రసంమేళనత్రిశతీ సమాప్తా |

శ్రీ సుబ్రహ్మణ్య పూజా విధానం

(ముందుగా పూర్వాంగం, గణపతి పూజ చేయవలెను. తరువాత ఈ క్రింది పూజావిధానం చేయవలెను.)
పునః సంకల్పం –
పూర్వోక్త ఏవం గుణ విశేషణ విశిష్టాయాం శుభ తిథౌ వల్లీదేవసేనాసమేత శ్రీసుబ్రహ్మణ్యేశ్వర ప్రసాదేన సర్వోపశాంతి పూర్వక దీర్ఘాయురారోగ్య ధన కళత్ర పుత్ర పౌత్రాభి వృద్ధ్యర్థం స్థిరలక్ష్మీ కీర్తిలాభ శత్రుపరాజయాది సకలాభీష్ట సిద్ధ్యర్థం శ్రీ సుబ్రహ్మణ్యేశ్వర స్వామి పూజాం కరిష్యే ||
ధ్యానం –
షడ్వక్త్రం శిఖివాహనం త్రినయనం చిత్రాంబరాలంకృతం
శక్తిం వజ్రమసిం త్రిశూలమభయం ఖేటం ధనుశ్చక్రకం |
పాశం కుక్కుటమంకుశం చ వరదం హస్తైర్దదానం సదా
ధ్యాయేదీప్సిత సిద్ధిదం శివసుతం వందే సురారాధితం ||
శ్రీవల్లీదేవసేనా సమేత శ్రీసుబ్రహ్మణ్యం ధ్యాయామి |
ఆవాహనం –
సుబ్రహ్మణ్య మహాభాగ క్రౌంచాఖ్యగిరిభేదన |
ఆవాహయామి దేవ త్వం భక్తాభీష్టప్రదో భవ ||
శ్రీవల్లీదేవసేనా సమేత శ్రీసుబ్రహ్మణ్యం ఆవాహయామి |
ఆసనం –
అగ్నిపుత్ర మహాభాగ కార్తికేయ సురార్చిత |
రత్నసింహాసనం దేవ గృహాణ వరదావ్యయ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః ఆసనం సమర్పయామి |
పాద్యం –
గణేశానుజ దేవేశ వల్లీకామదవిగ్రహ |
పాద్యం గృహాణ గాంగేయ భక్త్యా దత్తం సురార్చిత ||
శ్రీవల్లీదేవసేనా సమేత శ్రీసుబ్రహ్మణ్యాయ నమః పాదయోః పాద్యం సమర్పయామి |
అర్ఘ్యం –
బ్రహ్మాది దేవబృందానాం ప్రణవార్థోపదేశక |
అర్ఘ్యం గృహాణ దేవేశ తారకాంతక షణ్ముఖ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః హస్తయోరర్ఘ్యం సమర్పయామి |
ఆచమనీయం –
ఏలాకుంకుమకస్తూరీకర్పూరాదిసువాసితైః |
తీర్థైరాచంయతాం దేవ గంగాధరసుతావ్యయ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః ఆచమనీయం సమర్పయామి |
పంచామృత స్నానం –
శర్కరా మధు గోక్షీర ఫలసార ఘృతైర్యుతం |
పంచామృతస్నానమిదం బాహులేయ గృహాణ భో ||
శ్రీవల్లీదేవసేనా సమేత శ్రీసుబ్రహ్మణ్యాయ నమః పంచామృతస్నానం సమర్పయామి |
శుద్ధోదక స్నానం –
స్వామిన్ శరవణోద్భూత శూరపద్మాసురాంతక |
గంగాదిసలిలైః స్నాహి దేవసేనామనోహర ||
శ్రీవల్లీదేవసేనా సమేత శ్రీసుబ్రహ్మణ్యాయ నమః శుద్ధోదక స్నానం సమర్పయామి |
వస్త్రం –
దుకూలవస్త్రయుగళం ముక్తాజాలసమన్వితం |
ప్రీత్యా గృహాణ గాంగేయ భక్తాపద్భంజనక్షమ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః వస్త్రయుగ్మం సమర్పయామి |
ఉపవీతం –
రాజతం బ్రహ్మసూత్రం చ కాంచనం చోత్తరీయకం |
యజ్ఞోపవీతం దేవేశ గృహాణ సురనాయక ||
శ్రీవల్లీదేవసేనా సమేత శ్రీసుబ్రహ్మణ్యాయ నమః ఉపవీతం సమర్పయామి |
భస్మ –
నిత్యాగ్నిహోత్రసంభూతం విరజాహోమభావితం |
గృహాణ భస్మ హే స్వామిన్ భక్తానాం భూతిదో భవ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః భస్మ సమర్పయామి |
గంధం –
కస్తూరీకుంకుమాద్యైశ్చ వాసితం సహిమోదకం |
గంధం విలేపనార్థాయ గృహాణ క్రౌంచదారణ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః గంధాన్ ధారయామి |
అక్షతలు –
అక్షతాన్ ధవళాన్ దివ్యాన్ శాలేయాన్ తండులాన్ శుభాన్ |
కాంచనాక్షతసంయుక్తాన్ కుమార ప్రతిగృహ్యతాం ||
శ్రీవల్లీదేవసేనా సమేత శ్రీసుబ్రహ్మణ్యాయ నమః అక్షతాన్ సమర్పయామి |
ఆభరణం –
భూషణాని విచిత్రాణి హేమరత్నమయాని చ |
గృహాణ భువనాధార భుక్తిముక్తిఫలప్రద ||
శ్రీవల్లీదేవసేనా సమేత శ్రీసుబ్రహ్మణ్యాయ నమః ఆభరణాని సమర్పయామి |
పుష్పం –
పున్నగ వకుళాశోక నీప పాటల జాతి చ |
వాసంతికా బిల్వజాజీ పుష్పాణి పరిగృహ్యతాం |
శ్రీవల్లీదేవసేనా సమేత శ్రీసుబ్రహ్మణ్యాయ నమః పుష్పాణి సమర్పయామి |
అథాంగ పూజ –
సురవందితపాదాయ నమః – పాదౌ పూజయామి |
ముకురాకారజానవే నమః – జానునీ పూజయామి |
కరిరాజకరోరవే నమః – ఊరూ పూజయామి |
రత్నకింకిణికాయుక్తకటయే నమః – కటిం పూజయామి |
గుహాయ నమః – గుహ్యం పూజయామి |
హేరంబసహోదరాయ నమః – ఉదరం పూజయామి |
సునాభయే నమః – నాభిం పూజయామి |
సుహృదే నమః – హృదయం పూజయామి |
విశాలవక్షసే నమః – వక్షఃస్థలం పూజయామి |
కృత్తికాస్తనంధయాయ నమః – స్తనౌ పూజయామి |
శత్రుజయోర్జితబాహవే నమః – బాహూన్ పూజయామి |
శక్తిహస్తాయ నమః – హస్తాన్ పూజయామి |
పుష్కరస్రజే నమః – కంఠం పూజయామి |
షణ్ముఖాయ నమః – ముఖాని పూజయామి |
సునాసాయ నమః – నాసికే పూజయామి |
ద్విషణ్ణేత్రాయ నమః – నేత్రాణి పూజయామి |
హిరణ్యకుండలాయ నమః – కర్ణౌ పూజయామి |
ఫాలనేత్రసుతాయ నమః – ఫాలం పూజయామి |
వేదశిరోవేద్యాయ నమః – శిరః పూజయామి |
సేనాపతయే నమః – సర్వాణ్యంగాని పూజయామి |
ధూపం –
దశాంగం గుగ్గులూపేతం సుగంధం సుమనోహరం |
కపిలాఘృతసంయుక్తం ధూపం గృహ్ణీష్వ షణ్ముఖ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః ధూపమాఘ్రాపయామి |
దీపం –
సాజ్యం త్రివర్తిసంయుక్తం వహ్నినా యోజితం మయా |
దీపం గృహాణ స్కందేశ త్రైలోక్యతిమిరాపహం ||
శ్రీవల్లీదేవసేనా సమేత శ్రీసుబ్రహ్మణ్యాయ నమః దీపం దర్శయామి |
ధూపదీపానంతరం శుద్ధాచమనీయం సమర్పయామి |
నైవేద్యం –
లేహ్యం చోష్యం చ భోజ్యం చ పానీయం షడ్రసాన్వితం |
భక్ష్యశాకాదిసంయుక్తం నైవేద్యం స్కంద గృహ్యతాం |
శ్రీవల్లీదేవసేనా సమేత శ్రీసుబ్రహ్మణ్యాయ నమః నైవేద్యం సమర్పయామి |
ఓం భూర్భువ॒స్సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
తాంబూలం –
పూగీఫలసమాయుక్తం నాగవల్లీదళైర్యుతం |
కర్పూరచూర్ణసంయుక్తం తాంబూలం ప్రతిగృహ్యతాం ||
శ్రీవల్లీదేవసేనా సమేత శ్రీసుబ్రహ్మణ్యాయ నమః తాంబూలం సమర్పయామి |
నీరాజనం –
దేవసేనాపతే స్కంద సంసారధ్వాంతభారక |
నీరాజనమిదం దేవ గృహ్యతాం సురసత్తమ ||
శ్రీవల్లీదేవసేనా సమేత శ్రీసుబ్రహ్మణ్యాయ నమః కర్పూరనీరాజనం దర్శయామి |
మంత్రపుష్పం –
ఓం తత్పురుషాయ విద్మహే మహాసేనాయ ధీమహి తన్నో స్కందః ప్రచోదయాత్ |
పుష్పాంజలిం ప్రదాస్యామి భక్తాభీష్టప్రదాయక |
గృహాణవల్లీరమణ సుప్రీతేనాంతరాత్మనా ||
శ్రీవల్లీదేవసేనా సమేత శ్రీసుబ్రహ్మణ్యాయ నమః పుష్పాంజలిం సమర్పయామి |
ప్రదక్షిణ నమస్కారం –
యాని కాని చ పాపాని జన్మాంతరకృతాని చ |
తాని తాని ప్రణశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవ |
త్రాహిమాం కృపయా దేవ శరణాగతవత్సల ||
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష సురేశ్వర ||
శ్రీవల్లీదేవసేనా సమేత శ్రీసుబ్రహ్మణ్యాయ నమః ఆత్మప్రదక్షిణ నమస్కారం సమర్పయామి |
నమస్కారం –
షడాననం కుంకుమరక్తవర్ణం
ద్విషడ్భుజం బాలకమంబికాసుతం |
రుద్రస్య సూనుం సురసైన్యనాథం
గుహం సదాఽహం శరణం ప్రపద్యే ||
శ్రీవల్లీదేవసేనా సమేత శ్రీసుబ్రహ్మణ్యాయ నమః ప్రార్థనా నమస్కారాన్ సమర్పయామి |
రాజోపచార పూజా –
ఓం శ్రీవల్లీదేవసేనా సమేత శ్రీసుబ్రహ్మణ్యాయ నమః |
ఛత్రమాచ్ఛాదయామి |
చామరైర్వీజయామి |
గీతం శ్రావయామి |
నృత్యం దర్శయామి |
వాద్యం ఘోషయామి |
ఆందోళికాన్ ఆరోహయామి |
అశ్వాన్ ఆరోహయామి |
గజాన్ ఆరోహయామి |
ఓం శ్రీవల్లీదేవసేనా సమేత శ్రీసుబ్రహ్మణ్యాయ నమః |
సమస్త రాజోపచారాన్ దేవోపచారాన్ సమర్పయామి |
అర్ఘ్యం –
దేవసేనాపతే స్వామిన్ సేనానీరఖిలేష్టద |
ఇదమర్ఘ్యం ప్రదాస్యామి సుప్రీతో భవ సర్వదా ||
ఓం శ్రీవల్లీదేవసేనా సమేత శ్రీసుబ్రహ్మణ్యాయ నమః |
ఇదమర్ఘ్యం ఇదమర్ఘ్యం ఇదమర్ఘ్యం || 1 ||
చంద్రాత్రేయ మహాభాగ సోమ సోమవిభూషణ |
ఇదమర్ఘ్యం ప్రదాస్యామి సుప్రీతో భవ సర్వదా ||
ఓం శ్రీవల్లీదేవసేనా సమేత శ్రీసుబ్రహ్మణ్యాయ నమః |
ఇదమర్ఘ్యం ఇదమర్ఘ్యం ఇదమర్ఘ్యం || 2 ||
నీలకంఠ మహాభాగ సుబ్రహ్మణ్యసువాహన |
ఇదమర్ఘ్యం ప్రదాస్యామి సుప్రీతో భవ సర్వదా ||
ఓం శ్రీవల్లీదేవసేనా సమేత శ్రీసుబ్రహ్మణ్యాయ నమః |
ఇదమర్ఘ్యం ఇదమర్ఘ్యం ఇదమర్ఘ్యం || 3 ||
క్షమాప్రార్థనా –
మంత్రహీనం క్రియాహీనం భక్తిహీనం సురేశ్వర |
యత్పూజితం మయా దేవ పరిపూర్ణం తదస్తు తే ||
అనయా ధ్యానావాహనాది షోడశోపచార పూజయా భగవాన్ సర్వాత్మకః శ్రీవల్లీదేవసేనా సమేత శ్రీసుబ్రహ్మణ్య స్వామి సుప్రీతో సుప్రసన్నో వరదో భవతు ||

శ్రీ సుబ్రహ్మణ్య అష్టకం (కరావలంబ స్తోత్రం)

హే స్వామినాథ కరుణాకర దీనబంధో
శ్రీపార్వతీశముఖపంకజపద్మబంధో |
శ్రీశాదిదేవగణపూజితపాదపద్మ
వల్లీశనాథ మమ దేహి కరావలంబం || 1 ||

దేవాదిదేవనుత దేవగణాధినాథ
దేవేంద్రవంద్య మృదుపంకజమంజుపాద |
దేవర్షినారదమునీంద్రసుగీతకీర్తే
వల్లీశనాథ మమ దేహి కరావలంబం || 2 ||

నిత్యాన్నదాననిరతాఖిలరోగహారిన్
తస్మాత్ప్రదానపరిపూరితభక్తకామ |
శ్రుత్యాగమప్రణవవాచ్యనిజస్వరూప
వల్లీశనాథ మమ దేహి కరావలంబం || 3 ||

క్రౌంచాసురేంద్రపరిఖండనశక్తిశూల-
-పాశాదిశస్త్రపరిమండితదివ్యపాణే |
శ్రీకుండలీశధరతుండశిఖీంద్రవాహ
వల్లీశనాథ మమ దేహి కరావలంబం || 4 ||

దేవాదిదేవ రథమండలమధ్యవేద్య
దేవేంద్రపీఠనగరం దృఢచాపహస్తం |
శూరం నిహత్య సురకోటిభిరీడ్యమాన
వల్లీశనాథ మమ దేహి కరావలంబం || 5 ||

హారాదిరత్నమణియుక్తకిరీటహార
కేయూరకుండలలసత్కవచాభిరామం |
హే వీర తారక జయాఽమరబృందవంద్య
వల్లీశనాథ మమ దేహి కరావలంబం || 6 ||

పంచాక్షరాదిమనుమంత్రితగాంగతోయైః
పంచామృతైః ప్రముదితేంద్రముఖైర్మునీంద్రైః |
పట్టాభిషిక్త హరియుక్త పరాసనాథ
వల్లీశనాథ మమ దేహి కరావలంబం || 7 ||

శ్రీకార్తికేయ కరుణామృతపూర్ణదృష్ట్యా
కామాదిరోగకలుషీకృతదుష్టచిత్తం |
సిక్త్వా తు మామవకళాధర కాంతికాంత్యా
వల్లీశనాథ మమ దేహి కరావలంబం || 8 ||

సుబ్రహ్మణ్యాష్టకం పుణ్యం యే పఠంతి ద్విజోత్తమాః |
తే సర్వే ముక్తిమాయాంతి సుబ్రహ్మణ్య ప్రసాదతః || 9 ||

సుబ్రహ్మణ్యాష్టకమిదం ప్రాతరుత్థాయ యః పఠేత్ |
కోటిజన్మకృతం పాపం తత్‍క్షణాదేవ నశ్యతి || 10 ||

శ్రీ కృష్ణ అక్షరమాలికా స్తోత్రం

అవ్యయ మాధవ అంతవివర్జిత అబ్ధిసుతాప్రియ కాంతహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 1 ||
ఆశరనాశన ఆదివివర్జిత ఆత్మజ్ఞానద నాథహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 2 ||
ఇంద్రముఖామరబృందసమర్చిత పాదసరోరుహ యుగ్మహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 3 ||
ఈశ్వరసన్నుత ఈతిభయాపహ రాక్షసనాశన దక్షహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 4 ||
ఉన్నత మానస ఉచ్చపదప్రద ఉజ్వలవిగ్రహ దేవహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 5 ||
ఊర్జోనాశిత శాత్రవసంచయ జలధరగర్జిత కంఠహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 6 ||
ఋషిజనసన్నుత దివ్యకథామృత భవ్యగుణోజ్జ్వల చిత్తహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 7 ||
ౠకారప్రియ ఋక్షగణేశ్వరవందితపాదపయోజ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 8 ||
లుతకసమర్చిత కాంక్షితదాయక కుక్షిగతాఖిలలోక హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 9 ||
లూవల్లోకాచారసమీరిత రూపవివర్జిత నిత్యహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 10 ||
ఏకమనోమునిమానసగోచర గోకులపాలకవేష హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 11 ||
ఐరావతకరసన్నిభ దోర్బల నిర్జితదానవసైన్య హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 12 ||
ఓంకారాంబుజవనకలహంసక కలిమలనాశననామ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 13 ||
ఔన్నత్యాశ్రయ సంశ్రితపాలక పాకనిబర్హణ సహజ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 14 ||
అంగదసేవిత భంగవివర్జిత సంగవివర్జితసేవ్య హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 15 ||
అస్తగిరిస్థిత భాస్కరలోహిత చరణసరోజ తలాఢ్య హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 16 ||
కమలావల్లభ కమలవిలోచన కమలవిభాహరపాద హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 17 ||
ఖరముఖాదానవసైనికఖండన ఖేచరకీర్తితకీర్తి హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 18 ||
గణపతిసేవిత గుణగణసాగర వరగతినిర్జిత నాగ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 19 ||
ఘటికాపర్వతవాసి నృకేసరివేష వినాశితదోష హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 20 ||
ఙః ప్రత్యేకం నయధావాక్యే నాథ తథాతే చిత్తే క్రోధః |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 21 ||
చపలాభాసుర మేఘనిభప్రభ కమలాభాసురవక్ష హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 22 ||
జగతీవల్లభ రూపపరాత్పర సర్వజగజ్జనపూజ్య హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 23 ||
ఝంకారధ్వనికారి మధువ్రత మంజులకేశకలాప హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 24 ||
ఞక్షరసంయుత జాధాత్వర్థే పరిశిష్టితపైష్టికగంయ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 25 ||
టంకారధ్వనికారి మధువ్రత మంజులకేశకలాప హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 26 ||
ఠమితిమనుం వా సమితిమనుం వా జపతాం సిద్ధద నాథ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 27 ||
డమరుకరేశ్వరపూజిత నిర్జితరావణదానవ రామ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 28 ||
ఢక్కావాద్యప్రియ భయవారణ వినయ వివర్జితదూర హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 29 ||
ణటధాత్వర్ధే పండితమండిత సకలావయవోద్భాసి హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 30 ||
తత్త్వమసీతి వ్యాహృతివాచ్య ప్రాచ్యధినాయక పూజ్యహరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 31 ||
థూత్కారానిలవేగ నభోగత సప్తసముద్ర వరాహ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 32 ||
దయితాలింగిత వక్షోభాసుర భూసురపూజితపాద హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 33 ||
ధరణీతనయాజీవితనాయక వాలినిబర్హణ రామ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 34 ||
నారాయణ శ్రీ కేశవ వామన గోపాలక గోవింద హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 35 ||
పరమేశ్వర శ్రీ పక్షికులేశ్వరవాహన మోహనరూప హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 36 ||
ఫాలవిలోచన పంకజసంభవ కీర్తిత సద్గుణజాల హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 37 ||
బలరిపుపూజిత బలజితదానవ బలదేవానుజ బాల హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 38 ||
భవభయనాశన భక్తజనప్రియ భూభరనాశనకారి హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 39 ||
మాయామోహిత సకలజగజ్జన మారీచాసురమదన హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 40 ||
యమునాతటినీ వరతటవిహరణ యక్షగణేశ్వరవంద్య హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 41 ||
రామ రమేశ్వర రావణమర్దన రతిలలనాధవతాత హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 42 ||
లక్ష్మణసేవిత మంగళలక్షణలక్షిత శిక్షితదుష్ట హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 43 ||
వాలివినాశన వారిధిబంధన వనచరసేవితపాద హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 44 ||
శంకరకీర్తిత నిజనామామృత శత్రునిబర్హణబాణ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 45 ||
షడ్గుణమండిత షడ్దోషాపహ దోషాచరకులకాల హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 46 ||
సదయసదాశివపూజిత పాదుక హృదయవిరాజిత దయిత హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 47 ||
హస్తచతుష్టయ భాసుర నందకశంఖగదారథచరణ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 48 ||
ళుబుళుబు నిస్వసమజ్జిత మంధరపర్వతధారణ కూర్మ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 49 ||
క్షయిత నిశాట క్షాంతిగుణాఢ్య క్షేత్రజ్ఞాత్మక దేవ హరే |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 50 ||
గణపతి పండిత రచితం స్తోత్రం కృష్ణస్యేదం జయతు ధరణ్యాం |
కృష్ణ జనార్దన కృష్ణ జనార్దన కృష్ణ జనార్దన కృష్ణ హరే || 51 ||
ఇతి శ్రీ గణపతిపండిత రచితం శ్రీ కృష్ణ అక్షరమాలికా స్తోత్రం |

 శ్రీ కృష్ణ శరణాష్టకం 2

స్వామినీచింతయా చిత్తఖేదఖిన్న ముఖాంబుజః |
నిమీలన్నేత్రయుగళః శ్రీకృష్ణశ్శరణం మమ || 1 ||
మనోజభావభరితో భావయన్మనసా రతిం |
మీలనవ్యాకులమనాః శ్రీకృష్ణశ్శరణం మమ || 2 ||
నిశ్శ్వాసశుష్యద్వదనో మధురాధరపల్లవః |
మురళీనాదనిరతః శ్రీకృష్ణశ్శరణం మమ || 3 ||
నికుంజమందిరాంతస్థ-స్సుమపల్లవతల్పకృత్ |
ప్రతీక్షమాణస్స్వప్రాప్తిం శ్రీకృష్ణశ్శరణం మమ || 4 ||
వియోగభావవిహస-ద్వదనాంబుజసుందరః |
ఆకర్ణయన్నళిరుతం శ్రీకృష్ణశ్శరణం మమ || 5 ||
ముంచన్నశ్రూణి విలుఠన్ గాయన్మత్త ఇవ క్వచిత్ |
నృత్యన్ రసాసక్తమనాః శ్రీకృష్ణశ్శరణం మమ || 6 ||
శయాన ఏకతస్తల్పే స్వప్నసంబంధసిద్ధయే |
ప్రబోధపశ్చాత్తప్తో యః శ్రీకృష్ణశ్శరణం మమ || 7 ||
రసాత్మరసరీతిజ్ఞో రసలీలాపరాయణః |
రసాత్మగోపీరసికః శ్రీకృష్ణశ్శరణం మమ || 8 ||
ఇతి శ్రీహతిరాయాచార్యవిరచితం శ్రీకృష్ణశరణాష్టకం |

 శ్రీ రాధాకృష్ణాష్టకం

యః శ్రీగోవర్ధనాద్రిం సకలసురపతిం త్రస్తగోగోపవృందం
స్వీయం సంరక్షితుం చేత్యమరసుఖకరం మోహయన్ సందధార |
తన్మానం ఖండయిత్వా విజితరిపుకులో నీలధారాధరాభః
కృష్ణో రాధాసమేతో విలసతు హృదయే సోఽస్మదీయే సదైవ || 1 ||
యం దృష్ట్వా కంసభూపః స్వకృతకృతిమహో సంస్మరన్మంత్రివర్యాన్
కిం వాఽపూర్వం మయేదం కృతమితి వచనం దుఃఖితః ప్రత్యువాచ |
ఆజ్ఞప్తో నారదేన స్మితయుతవదనః పూరయన్ సర్వకామాన్
కృష్ణో రాధాసమేతో విలసతు హృదయే సోఽస్మదీయే సదైవ || 2 ||
యేన ప్రోద్యత్ ప్రతాపా నృపతికులభవాః పాండవాః కౌరవాబ్ధిం
తీర్త్వా పారం తదీయం జగదఖిలనృణాం దుస్తరం చేతి జగ్ముః |
తత్పత్నీచీరవృద్ధిప్రవిదితమహిమా భూతలే భూపతీశః
కృష్ణో రాధాసమేతో విలసతు హృదయే సోఽస్మదీయే సదైవ || 3 ||
యస్మై చోద్ధృత్య పాత్రాద్దధియుతనవనీతం కరైర్గోపికాభి-
-ర్దత్తం తద్భావపూర్తౌ వినిహితహృదయః సత్యమేవం తిరోధాత్ |
ముక్తాగుంజావళీభిః ప్రచురతమరుచిః కుండలాక్రాంతగండః
కృష్ణో రాధాసమేతో విలసతు హృదయే సోఽస్మదీయే సదైవ || 4 ||
యస్మాద్విశ్వాభిరామాదిహ జననవిధౌ సర్వనందాదిగోపాః
సంసారార్తేర్విముక్తాః సకలసుఖకరాః సంపదః ప్రాపురేవ |
ఇత్థం పూర్ణేందువక్త్రః కలకమలదృశః స్వీయజన్మ స్తువంతః
కృష్ణో రాధాసమేతో విలసతు హృదయే సోఽస్మదీయే సదైవ || 5 ||
యస్య శ్రీనందసూనోర్వ్రజయువతిజనాశ్చాగతా భర్తృపుత్రాం-
-స్త్యక్త్వా శ్రుత్వా సమీపే విచకితనయనాః సప్రమోదాః స్వగేహే |
రంతుం రాసాదిలీలా మనసిజదలితా వేణునాదం చ రంయం
కృష్ణో రాధాసమేతో విలసతు హృదయే సోఽస్మదీయే సదైవ || 6 ||
యస్మిన్ దృష్టే సమస్తే జగతి యువతయః ప్రాణనాథవ్రతా యా-
-స్తా అప్యేవం హి నూనం కిమపి చ హృదయే కామభావం దధత్యః |
తత్స్నేహాబ్ధిం వపుశ్చేదవిదితధరణౌ సూర్యబింబస్వరూపాః
కృష్ణో రాధాసమేతో విలసతు హృదయే సోఽస్మదీయే సదైవ || 7 ||
యః స్వీయే గోకులేఽస్మిన్విదితనిజకులోద్భూతబాలైః సమేతో
మాతర్యేవం చకార ప్రసృతతమగుణాన్ బాలలీలావిలాసాన్ |
హత్వా వత్సప్రలంబద్వివిదబకఖరాన్ గోపబృందం జుగోప
కృష్ణో రాధాసమేతో విలసతు హృదయే సోఽస్మదీయే సదైవ || 8 ||
కృష్ణారాధాష్టకం ప్రాతరుత్థాయ ప్రపఠేన్నరః |
య ఏవం సర్వదా నూనం స ప్రాప్నోతి పరాం గతిం || 9 ||
ఇతి శ్రీరఘునాథచార్య విరచితం శ్రీరాధాకృష్ణాష్టకం |

శ్రీ కృష్ణాష్టోత్తరశతనామ స్తోత్రం

శ్రీకృష్ణః కమలానాథో వాసుదేవః సనాతనః |
వసుదేవాత్మజః పుణ్యో లీలామానుషవిగ్రహః || 1 ||
శ్రీవత్సకౌస్తుభధరో యశోదావత్సలో హరిః |
చతుర్భుజాత్తచక్రాసిగదాశంఖాద్యుదాయుధః || 2 ||
దేవకీనందనః శ్రీశో నందగోపప్రియాత్మజః |
యమునావేగసంహారీ బలభద్రప్రియానుజః || 3 ||
పూతనాజీవితహరః శకటాసురభంజనః |
నందవ్రజజనానందీ సచ్చిదానందవిగ్రహః || 4 ||
నవనీతవిలిప్తాంగో నవనీతనటోఽనఘః |
నవనీతనవాహారో ముచుకుందప్రసాదకః || 5 ||
షోడశస్త్రీసహస్రేశస్త్రిభంగీమధురాకృతిః |
శుకవాగమృతాబ్ధీందుర్గోవిందో యోగినాం పతిః || 6 ||
వత్సవాటచరోఽనంతో ధేనుకాసురభంజనః |
తృణీకృతతృణావర్తో యమళార్జునభంజనః || 7 ||
ఉత్తాలతాలభేత్తా చ తమాలశ్యామలాకృతిః |
గోపగోపీశ్వరో యోగీ కోటిసూర్యసమప్రభః || 8 ||
ఇలాపతిః పరంజ్యోతిర్యాదవేంద్రో యదూద్వహః |
వనమాలీ పీతవాసాః పారిజాతాపహారకః || 9 ||
గోవర్ధనాచలోద్ధర్తా గోపాలః సర్వపాలకః |
అజో నిరంజనః కామజనకః కంజలోచనః || 10 ||
మధుహా మధురానాథో ద్వారకానాయకో బలీ |
బృందావనాంతసంచారీ తులసీదామభూషణః || 11 ||
స్యమంతకమణేర్హర్తా నరనారాయణాత్మకః |
కుబ్జాకృష్ణాంబరధరో మాయీ పరమపూరుషః || 12 ||
ముష్టికాసురచాణూరమల్లయుద్ధవిశారదః |
సంసారవైరీ కంసారిర్మురారిర్నరకాంతకః || 13 ||
అనాదిబ్రహ్మచారీ చ కృష్ణావ్యసనకర్శకః |
శిశుపాలశిరశ్ఛేత్తా దుర్యోధనకులాంతకః || 14 ||
విదురాఽక్రూరవరదో విశ్వరూపప్రదర్శకః |
సత్యవాక్సత్యసంకల్పః సత్యభామారతో జయీ || 15 ||
సుభద్రాపూర్వజో జిష్ణుర్భీష్మముక్తిప్రదాయకః |
జగద్గురుర్జగన్నాథో వేణునాదవిశారదః || 16 ||
వృషభాసురవిధ్వంసీ బాణాసురకరాంతకః |
యుధిష్ఠిరప్రతిష్ఠాతా బర్హిబర్హావతంసకః || 17 ||
పార్థసారథిరవ్యక్తో గీతామృతమహోదధిః |
కాళీయఫణిమాణిక్యరంజితశ్రీపదాంబుజః || 18 ||
దామోదరో యజ్ఞభోక్తా దానవేంద్రవినాశకః |
నారాయణః పరం బ్రహ్మ పన్నగాశనవాహనః || 19 ||
జలక్రీడాసమాసక్తగోపీవస్త్రాపహారకః |
పుణ్యశ్లోకస్తీర్థపాదో వేదవేద్యో దయానిధిః || 20 ||
సర్వతీర్థాత్మకః సర్వగ్రహరూపీ పరాత్పరః |
ఇత్యేవం శ్రీకృష్ణదేవస్య నాంనామష్టోత్తరం శతం || 21 ||
కృష్ణనామామృతం నామ పరమానందకారకం |
అత్యుపద్రవదోషఘ్నం పరమాయుష్యవర్ధనం || 22 ||
సమస్తకామదం సద్యః కోటిజన్మాఘనాశనం |
అంతే కృష్ణస్మరణదం భవతాపభయాపహం || 23 ||
కృష్ణాయ యాదవేంద్రాయ జ్ఞానముద్రాయ యోగినే |
నాథాయ రుక్మిణీశాయ నమో వేదాంతవేదినే || 24 ||
ఇమం మంత్రం మహాదేవీ జపన్నేవ దివానిశం |
సర్వగ్రహానుగ్రహభాక్ సర్వప్రియతమో భవేత్ || 25 ||
పుత్రపౌత్రైః పరివృతః సర్వసిద్ధిసమృద్ధిమాన్ |
నిర్విశ్య భోగానంతేఽపి కృష్ణసాయుజ్యమాప్నునాత్ || 26 ||
ఇతి శ్రీనారదపాంచరాత్రే జ్ఞానామృతసారే ఉమామహేశ్వర సంవాదే ధరణీ శేష సంవాదే శ్రీ కృష్ణాష్టోత్తరశతనామ స్తోత్రం |

శ్రీ కృష్ణ సహస్రనామ స్తోత్రం

శ్రీమద్రుక్మిమహీపాలవంశరక్షామణిః స్థిరః |
రాజా హరిహరః క్షోణీం రక్షత్యంబుధిమేఖలాం || 1 ||
స రాజా సర్వతంత్రజ్ఞః సమభ్యర్చ్య వరప్రదం |
దేవం శ్రియః పతిం స్తుత్యా సమస్తౌద్వేదవేదితం || 2 ||
తస్య హృష్టాశయః స్తుత్యా విష్ణుర్గోపాంగనావృతః |
స పింఛశ్యామలం రూపం పింఛోత్తంసమదర్శయత్ || 3 ||
స పునః స్వాత్మవిన్యస్తచిత్తం హరిహరం నృపం |
అభిషిచ్య కృపావర్షైరభాషత కృతాంజలిం || 4 ||
శ్రీభగవానువాచ |
మామవేహి మహాభాగ కృష్ణం కృత్యవిదాం వర |
పురః స్థితోఽస్మి త్వద్భక్త్యా పూర్ణాః సంతు మనోరథాః || 5 ||
సంరక్షణాయ శిష్టానాం దుష్టానాం శిక్షణాయ చ |
సమృద్ధ్యై వేదధర్మాణాం మమాంశస్త్వమిహోదితః || 6 ||
రాజన్నామసహస్రేణ రామో నాంనాం స్తుతస్త్వయా |
సోఽహం సర్వవిదస్తస్మాత్ ప్రసన్నోఽస్మి విశేషతః || 7 ||
మామపి త్వం మహాభాగ మదీయచరితాత్మనా |
సంప్రీణయ సహస్రేణ నాంనాం సర్వార్థదాయినాం || 8 ||
పరాశరేణ మునినా వ్యాసేనాంనాయదర్శినా |
స్వాత్మభాజా శుకేనాపి సూక్తేఽప్యేతద్విభావితం || 9 ||
తం హి త్వమనుసంధేహి సహస్రశిరసం ప్రభుం |
దత్తాస్యేషు మయా న్యస్తం సహస్రం రక్షయిష్యతి || 10 ||
ఇదం విశ్వహితార్థాయ రసనారంగగోచరం |
ప్రకాశయ త్వం మేదిన్యాం పరమాగమసంమతం || 11 ||
ఇదం శఠాయ మూర్ఖాయ నాస్తికాయ వికీర్ణినే |
అసూయినేఽహితాయాపి న ప్రకాశ్యం కదాచన || 12 ||
వివేకినే విశుద్ధాయ వేదమార్గానుసారిణే |
ఆస్తికాయాత్మనిష్ఠాయ స్వాత్మన్యనుసృతోదయం |
కృష్ణనామసహస్రం వై కృతధీరేతదీరయేత్ || 13 ||
అస్య శ్రీకృష్ణ సహస్రనామ స్తోత్రమంత్రస్య పరాశర ఋషిః, అనుష్టుప్ ఛందః, శ్రీకృష్ణః పరమాత్మా దేవతా, శ్రీకృష్ణేతి బీజం, శ్రీవల్లభేతి శక్తిః, శార్ఙ్గీతి కీలకం, శ్రీకృష్ణప్రీత్యర్థే జపే వినియోగః ||
ధ్యానం –
కేషాం చిత్ప్రేమ పుంసాం విగళితమనసాం బాలలీలావిలాసం
కేషాం గోపాలలీలాంకితరసికతనుర్వేణువాద్యేన దేవం |
కేషాం వామాసమాజే జనితమనసిజో దైత్యదర్పాపహైవం
జ్ఞాత్వా భిన్నాభిలాషం స జయతి జగతామీశ్వరస్తాదృశోఽభూత్ || 1 ||
క్షీరాబ్ధౌ కృతసంస్తవః సురగణైర్బ్రహ్మాదిభిః పండితైః
ప్రోద్భూతో వసుదేవసద్మని ముదా చిక్రీడ యో గోకులే |
కంసధ్వంసకృతే జగామ మధురాం సారామసద్వారకాం
గోపాలోఽఖిలగోపికాజనసఖః పాయాదపాయాత్ స నః || 2 ||
ఫుల్లేందీవరకాంతిమిందువదనం బర్హావతంసప్రియం
శ్రీవత్సాంకముదారకౌస్తుభధరం పీతాంబరం సుందరం |
గోపీనాం నయనోత్పలార్చితతనుం గోగోపసంఘావృతం
గోవిందం కలవేణువాదనరతం దివ్యాంగభూషం భజే || 3 ||
ఓం | కృష్ణః శ్రీవల్లభః శార్ఙ్గీ విష్వక్సేనః స్వసిద్ధిదః |
క్షీరోదధామా వ్యూహేశః శేషశాయీ జగన్మయః || 1 ||
భక్తిగంయస్త్రయీమూర్తిర్భారార్తవసుధాస్తుతః |
దేవదేవో దయాసింధుర్దేవో దేవశిఖామణిః || 2 ||
సుఖభావః సుఖాధారో ముకుందో ముదితాశయః |
అవిక్రియః క్రియామూర్తిరధ్యాత్మస్వస్వరూపవాన్ || 3 ||
శిష్టాభిలక్ష్యో భూతాత్మా ధర్మత్రాణార్థచేష్టితః |
అంతర్యామీ కాలరూపః కాలావయవసాక్షికః || 4 ||
వసుధాయాసహరణో నారదప్రేరణోన్ముఖః |
ప్రభూష్ణుర్నారదోద్గీతో లోకరక్షాపరాయణః || 5 ||
రౌహిణేయకృతానందో యోగజ్ఞాననియోజకః |
మహాగుహాంతర్నిక్షిప్తః పురాణవపురాత్మవాన్ || 6 ||
శూరవంశైకధీః శౌరిః కంసశంకావిషాదకృత్ |
వసుదేవోల్లసచ్ఛక్తిర్దేవక్యష్టమగర్భగః || 7 ||
వసుదేవసుతః శ్రీమాన్ దేవకీనందనో హరిః |
ఆశ్చర్యబాలః శ్రీవత్సలక్ష్మవక్షాశ్చతుర్భుజః || 8 ||
స్వభావోత్కృష్టసద్భావః కృష్ణాష్టంయంతసంభవః |
ప్రాజాపత్యర్క్షసంభూతో నిశీథసమయోదితః || 9 ||
శంఖచక్రగదాపద్మపాణిః పద్మనిభేక్షణః |
కిరీటీ కౌస్తుభోరస్కః స్ఫురన్మకరకుండలః || 10 ||
పీతవాసా ఘనశ్యామః కుంచితాంచితకుంతలః |
సువ్యక్తవ్యక్తాభరణః సూతికాగృహభూషణః || 11 ||
కారాగారాంధకారఘ్నః పితృప్రాగ్జన్మసూచకః |
వసుదేవస్తుతః స్తోత్రం తాపత్రయనివారణః || 12 ||
నిరవద్యః క్రియామూర్తిర్న్యాయవాక్యనియోజకః |
అదృష్టచేష్టః కూటస్థో ధృతలౌకికవిగ్రహః || 13 ||
మహర్షిమానసోల్లాసో మహీమంగళదాయకః |
సంతోషితసురవ్రాతః సాధుచిత్తప్రసాదకః || 14 ||
జనకోపాయనిర్దేష్టా దేవకీనయనోత్సవః |
పితృపాణిపరిష్కారో మోహితాగారరక్షకః || 15 ||
స్వశక్త్యుద్ఘాటితాశేషకపాటః పితృవాహకః |
శేషోరగఫణాచ్ఛత్రః శేషోక్తాఖ్యాసహస్రకః || 16 ||
యమునాపూరవిధ్వంసీ స్వభాసోద్భాసితవ్రజః |
కృతాత్మవిద్యావిన్యాసో యోగమాయాగ్రసంభవః || 17 ||
దుర్గానివేదితోద్భావో యశోదాతల్పశాయకః |
నందగోపోత్సవస్ఫూర్తిర్వ్రజానందకరోదయః || 18 ||
సుజాతజాతకర్మశ్రీర్గోపీభద్రోక్తినిర్వృతః |
అలీకనిద్రోపగమః పూతనాస్తనపీడనః || 19 ||
స్తన్యాత్తపూతనాప్రాణః పూతనాక్రోశకారకః |
విన్యస్తరక్షాగోధూళిర్యశోదాకరలాలితః || 20 ||
నందాఘ్రాతశిరోమధ్యః పూతనాసుగతిప్రదః |
బాలః పర్యంకనిద్రాళుర్ముఖార్పితపదాంగుళిః || 21 ||
అంజనస్నిగ్ధనయనః పర్యాయాంకురితస్మితః |
లీలాక్షస్తరళాలోకః శకటాసురభంజనః || 22 ||
ద్విజోదితస్వస్త్యయనో మంత్రపూతజలాప్లుతః |
యశోదోత్సంగపర్యంకో యశోదాముఖవీక్షకః || 23 ||
యశోదాస్తన్యముదితస్తృణావర్తాదిదుస్సహః |
తృణావర్తాసురధ్వంసీ మాతృవిస్మయకారకః || 24 ||
ప్రశస్తనామకరణో జానుచంక్రమణోత్సుకః |
వ్యాలంబిచూలికారత్నో ఘోషగోపప్రహర్షణః || 25 ||
స్వముఖప్రతిబింబార్థీ గ్రీవావ్యాఘ్రనఖోజ్జ్వలః |
పంకానులేపరుచిరో మాంసలోరుకటీతటః || 26 ||
ఘృష్టజానుకరద్వంద్వః ప్రతిబింబానుకారకృత్ |
అవ్యక్తవర్ణవాగ్వృత్తిః స్మితలక్ష్యరదోద్గమః || 27 ||
ధాత్రీకరసమాలంబీ ప్రస్ఖలచ్చిత్రచంక్రమః |
అనురూపవయస్యాఢ్యశ్చారుకౌమారచాపలః || 28 ||
వత్సపుచ్ఛసమాకృష్టో వత్సపుచ్ఛవికర్షణః |
విస్మారితాన్యవ్యాపారో గోపగోపీముదావహః || 29 ||
అకాలవత్సనిర్మోక్తా వ్రజవ్యాక్రోశసుస్మితః |
నవనీతమహాచోరో దారకాహారదాయకః || 30 ||
పీఠోలూఖలసోపానః క్షీరభాండవిభేదనః |
శిక్యభాండసమాకర్షీ ధ్వాంతాగారప్రవేశకృత్ || 31 ||
భూషారత్నప్రకాశాఢ్యో గోప్యుపాలంభభర్త్సితః |
పరాగధూసరాకారో మృద్భక్షణకృతేక్షణః || 32 ||
బాలోక్తమృత్కథారంభో మిత్రాంతర్గూఢవిగ్రహః |
కృతసంత్రాసలోలాక్షో జననీప్రత్యయావహః || 33||
మాతృదృశ్యాత్తవదనో వక్త్రలక్ష్యచరాచరః |
యశోదాలాలితస్వాత్మా స్వయం స్వాచ్ఛంద్యమోహనః || 34 ||
సవిత్రీస్నేహసంశ్లిష్టః సవిత్రీస్తనలోలుపః |
నవనీతార్థనాప్రహ్వో నవనీతమహాశనః || 35 ||
మృషాకోపప్రకంపోష్ఠో గోష్ఠాంగణవిలోకనః |
దధిమంథఘటీభేత్తా కింకిణీక్వాణసూచితః || 36 ||
హైయంగవీనరసికో మృషాశ్రుశ్చౌర్యశంకితః |
జననీశ్రమవిజ్ఞాతా దామబంధనియంత్రితః || 37 ||
దామాకల్పశ్చలాపాంగో గాఢోలూఖలబంధనః |
ఆకృష్టోలూఖలోఽనంతః కుబేరసుతశాపవిత్ || 38 ||
నారదోక్తిపరామర్శీ యమళార్జునభంజనః |
ధనదాత్మజసంఘుష్టో నందమోచితబంధనః || 39 ||
బాలకోద్గీతనిరతో బాహుక్షేపోదితప్రియః |
ఆత్మజ్ఞో మిత్రవశగో గోపీగీతగుణోదయః || 40 ||
ప్రస్థానశకటారూఢో బృందావనకృతాలయః |
గోవత్సపాలనైకాగ్రో నానాక్రీడాపరిచ్ఛదః || 41 ||
క్షేపణీక్షేపణప్రీతో వేణువాద్యవిశారదః |
వృషవత్సానుకరణో వృషధ్వానవిడంబనః || 42 ||
నియుద్ధలీలాసంహృష్టః కూజానుకృతకోకిలః |
ఉపాత్తహంసగమనః సర్వజంతురుతానుకృత్ || 43 ||
భృంగానుకారీ దధ్యన్నచోరో వత్సపురస్సరః |
బలీ బకాసురగ్రాహీ బకతాలుప్రదాహకః || 44 ||
భీతగోపార్భకాహూతో బకచంచువిదారణః |
బకాసురారిర్గోపాలో బాలో బాలాద్భుతావహః || 45 ||
బలభద్రసమాశ్లిష్టః కృతక్రీడానిలాయనః |
క్రీడాసేతునిధానజ్ఞః ప్లవంగోత్ప్లవనోఽద్భుతః || 46 ||
కందుకక్రీడనో లుప్తనందాదిభవవేదనః |
సుమనోఽలంకృతశిరాః స్వాదుస్నిగ్ధాన్నశిక్యభృత్ || 47 ||
గుంజాప్రాలంబనచ్ఛన్నః పింఛైరలకవేషకృత్ |
వన్యాశనప్రియః శృంగరవాకారితవత్సకః || 48 ||
మనోజ్ఞపల్లవోత్తంసపుష్పస్వేచ్ఛాత్తషట్పదః |
మంజుశింజితమంజీరచరణః కరకంకణః || 49 ||
అన్యోన్యశాసనః క్రీడాపటుః పరమకైతవః |
ప్రతిధ్వానప్రముదితః శాఖాచతురచంక్రమః || 50 ||
అఘదానవసంహర్తా వ్రజవిఘ్నవినాశనః |
వ్రజసంజీవనః శ్రేయోనిధిర్దానవముక్తిదః || 51 ||
కాళిందీపులినాసీనః సహభుక్తవ్రజార్భకః |
కక్షాజఠరవిన్యస్తవేణుర్వల్లవచేష్టితః || 52 ||
భుజసంధ్యంతరన్యస్తశృంగవేత్రః శుచిస్మితః |
వామపాణిస్థదధ్యన్నకబళః కలభాషణః || 53 ||
అంగుళ్యంతరవిన్యస్తఫలః పరమపావనః |
అదృశ్యతర్ణకాన్వేషీ వల్లవార్భకభీతిహా || 54 ||
అదృష్టవత్సపవ్రాతో బ్రహ్మవిజ్ఞాతవైభవః |
గోవత్సవత్సపాన్వేషీ విరాట్పురుషవిగ్రహః || 55 ||
స్వసంకల్పానురూపార్థవత్సవత్సపరూపధృత్ |
యథావత్సక్రియారూపో యథాస్థాననివేశనః || 56 ||
యథావ్రజార్భకాకారో గోగోపీస్తన్యపః సుఖీ |
చిరాద్బలోహితో దాంతో బ్రహ్మవిజ్ఞాతవైభవః || 57 ||
విచిత్రశక్తిర్వ్యాలీనసృష్టగోవత్సవత్సపః |
బ్రహ్మత్రపాకరో ధాతృస్తుతః సర్వార్థసాధకః || 58 ||
బ్రహ్మ బ్రహ్మమయోఽవ్యక్తస్తేజోరూపః సుఖాత్మకః |
నిరుక్తం వ్యాకృతిర్వ్యక్తో నిరాలంబనభావనః || 59 ||
ప్రభవిష్ణురతంత్రీకో దేవపక్షార్థరూపధృత్ |
అకామః సర్వవేదాదిరణీయః స్థూలరూపవాన్ || 60 ||
వ్యాపీ వ్యాప్యః కృపాకర్తా విచిత్రాచారసంమతః |
ఛందోమయః ప్రధానాత్మా మూర్తామూర్తద్వయాకృతిః || 61 ||
అనేకమూర్తిరక్రోధః పరః ప్రకృతిరక్రమః |
సకలావరణోపేతః సర్వదేవో మహేశ్వరః || 62 ||
మహాప్రభావనః పూర్వవత్సవత్సపదర్శకః |
కృష్ణయాదవగోపాలో గోపాలోకనహర్షితః || 63 ||
స్మితేక్షాహర్షితబ్రహ్మా భక్తవత్సలవాక్ప్రియః |
బ్రహ్మానందాశ్రుధౌతాంఘ్రిర్లీలావైచిత్ర్యకోవిదః || 64 ||
బలభద్రైకహృదయో నామాకారితగోకులః |
గోపాలబాలకో భవ్యో రజ్జుయజ్ఞోపవీతవాన్ || 65 ||
వృక్షచ్ఛాయాహతాశాంతిర్గోపోత్సంగోపబర్హణః |
గోపసంవాహితపదో గోపవ్యజనవీజితః || 66|
గోపగానసుఖోన్నిద్రః శ్రీదామార్జితసౌహృదః |
సునందసుహృదేకాత్మా సుబలప్రాణరంజనః || 67 ||
తాలీవనకృతక్రీడో బలపాతితధేనుకః |
గోపీసౌభాగ్యసంభావ్యో గోధూళిచ్ఛురితాలకః || 68 ||
గోపీవిరహసంతప్తో గోపికాకృతమజ్జనః |
ప్రలంబబాహురుత్ఫుల్లపుండరీకావతంసకః || 69 ||
విలాసలలితస్మేరగర్భలీలావలోకనః |
స్రగ్భూషణానులేపాఢ్యో జనన్యుపహృతాన్నభుక్ || 70 ||
వరశయ్యాశయో రాధాప్రేమసల్లాపనిర్వృతః |
యమునాతటసంచారీ విషార్తవ్రజహర్షదః || 71 ||
కాళియక్రోధజనకః వృద్ధాహికులవేష్టితః |
కాళియాహిఫణారంగనటః కాళియమర్దనః || 72 ||
నాగపత్నీస్తుతిప్రీతో నానావేషసమృద్ధికృత్ |
అవిష్వక్తదృగాత్మేశః స్వదృగాత్మస్తుతిప్రియః || 73 ||
సర్వేశ్వరః సర్వగుణః ప్రసిద్ధః సర్వసాత్వతః |
అకుంఠధామా చంద్రార్కదృష్టిరాకాశనిర్మలః || 74 ||
అనిర్దేశ్యగతిర్నాగవనితాపతిభైక్షదః |
స్వాంఘ్రిముద్రాంకనాగేంద్రమూర్ధా కాళియసంస్తుతః || 75 ||
అభయో విశ్వతశ్చక్షుః స్తుతోత్తమగుణః ప్రభుః |
అహమాత్మా మరుత్ప్రాణః పరమాత్మా ద్యుశీర్షవాన్ || 76 ||
నాగోపాయనహృష్టాత్మా హ్రదోత్సారితకాళియః |
బలభద్రసుఖాలాపో గోపాలింగననిర్వృతః || 77 ||
దావాగ్నిభీతగోపాలగోప్తా దావాగ్నినాశనః |
నయనాచ్ఛాదనక్రీడాలంపటో నృపచేష్టితః || 78 ||
కాకపక్షధరః సౌంయో బలవాహకకేళిమాన్ |
బలఘాతితదుర్ధర్షప్రలంబో బలవత్సలః || 79 ||
ముంజాటవ్యగ్నిశమనః ప్రావృట్కాలవినోదవాన్ |
శిలాన్యస్తాన్నభృద్దైత్యసంహర్తా శాద్వలాసనః || 80 ||
సదాప్తగోపికోద్గీతః కర్ణికారావతంసకః |
నటవేషధరః పద్మమాలాంకో గోపికావృతః || 81 ||
గోపీమనోహరాపాంగో వేణువాదనతత్పరః |
విన్యస్తవదనాంభోజశ్చారుశబ్దకృతాననః || 82 ||
బింబాధరార్పితోదారవేణుర్విశ్వవిమోహనః |
వ్రజసంవర్ణితః శ్రావ్యవేణునాదః శ్రుతిప్రియః || 83 ||
గోగోపగోపీజన్మేప్సుబ్రహ్మేంద్రాద్యభివందితః |
గీతస్రుతిసరిత్పూరో నాదనర్తితబర్హిణః || 84 ||
రాగపల్లవితస్థాణుర్గీతానమితపాదపః |
విస్మారితతృణగ్రాసమృగో మృగవిలోభితః || 85 ||
వ్యాఘ్రాదిహింస్రసహజవైరహర్తా సుగాయనః |
గాఢోదీరితగోబృందప్రేమోత్కర్ణితతర్ణకః || 86 ||
నిష్పందయానబ్రహ్మాదివీక్షితో విశ్వవందితః |
శాఖోత్కర్ణశకుంతౌఘశ్ఛత్రాయితబలాహకః || 87 ||
ప్రసన్నః పరమానందశ్చిత్రాయితచరాచరః |
గోపికామదనో గోపీకుచకుంకుమముద్రితః || 88 ||
గోపకన్యాజలక్రీడాహృష్టో గోప్యంశుకాపహృత్ |
స్కంధారోపితగోపస్త్రీవాసాః కుందనిభస్మితః || 89 ||
గోపీనేత్రోత్పలశశీ గోపికాయాచితాంశుకః |
గోపీనమస్క్రియాదేష్టా గోప్యేకకరవందితః || 90 ||
గోప్యంజలివిశేషార్థీ గోపక్రీడావిలోభితః |
శాంతవాసస్ఫురద్గోపీకృతాంజలిరఘాపహః || 91 ||
గోపీకేళివిలాసార్థీ గోపీసంపూర్ణకామదః |
గోపస్త్రీవస్త్రదో గోపీచిత్తచోరః కుతూహలీ || 92 ||
బృందావనప్రియో గోపబంధుర్యజ్వాన్నయాచితా |
యజ్ఞేశో యజ్ఞభావజ్ఞో యజ్ఞపత్న్యభివాంఛితః || 93 ||
మునిపత్నీవితీర్ణాన్నతృప్తో మునివధూప్రియః |
ద్విజపత్న్యభిభావజ్ఞో ద్విజపత్నీవరప్రదః || 94 ||
ప్రతిరుద్ధసతీమోక్షప్రదో ద్విజవిమోహితా |
మునిజ్ఞానప్రదో యజ్వస్తుతో వాసవయాగవిత్ || 95 ||
పితృప్రోక్తక్రియారూపశక్రయాగనివారణః |
శక్రాఽమర్షకరః శక్రవృష్టిప్రశమనోన్ముఖః || 96 ||
గోవర్ధనధరో గోపగోబృందత్రాణతత్పరః |
గోవర్ధనగిరిచ్ఛత్రచండదండభుజార్గళః || 97 ||
సప్తాహవిధృతాద్రీంద్రో మేఘవాహనగర్వహా |
భుజాగ్రోపరివిన్యస్తక్ష్మాధరక్ష్మాభృదచ్యుతః || 98 ||
స్వస్థానస్థాపితగిరిర్గోపీదధ్యక్షతార్చితః |
సుమనః సుమనోవృష్టిహృష్టో వాసవవందితః || 99 ||
కామధేనుపయఃపూరాభిషిక్తః సురభిస్తుతః |
ధరాంఘ్రిరోషధీరోమా ధర్మగోప్తా మనోమయః || 100 ||
జ్ఞానయజ్ఞప్రియః శాస్త్రనేత్రః సర్వార్థసారథిః |
ఐరావతకరానీతవియద్గంగాప్లుతో విభుః || 101 ||
బ్రహ్మాభిషిక్తో గోగోప్తా సర్వలోకశుభంకరః |
సర్వవేదమయో మగ్ననందాన్వేషీ పితృప్రియః || 102 ||
వరుణోదీరితాత్మేక్షాకౌతుకో వరుణార్చితః |
వరుణానీతజనకో గోపజ్ఞాతాత్మవైభవః || 103 ||
స్వర్లోకాలోకసంహృష్టగోపవర్గస్త్రివర్గదః |
బ్రహ్మహృద్గోపితో గోపద్రష్టా బ్రహ్మపదప్రదః || 104 ||
శరచ్చంద్రవిహారోత్కః శ్రీపతిర్వశకః క్షమః |
భయాపహో భర్తృరుద్ధగోపికాధ్యానగోచరః || 105 ||
గోపికానయనాస్వాద్యో గోపీనర్మోక్తినిర్వృతః |
గోపికామానహరణో గోపికాశతయూథపః || 106 ||
వైజయంతీస్రగాకల్పో గోపికామానవర్ధనః |
గోపకాంతాసునిర్దేష్టా కాంతో మన్మథమన్మథః || 107 ||
స్వాత్మాస్యదత్తతాంబూలః ఫలితోత్కృష్టయౌవనః |
వల్లవీస్తనసక్తాక్షో వల్లవీప్రేమచాలితః || 108 ||
గోపీచేలాంచలాసీనో గోపీనేత్రాబ్జషట్పదః |
రాసక్రీడాసమాసక్తో గోపీమండలమండనః || 109 ||
గోపీహేమమణిశ్రేణిమధ్యేంద్రమణిరుజ్జ్వలః |
విద్యాధరేందుశాపఘ్నః శంఖచూడశిరోహరః || 110 ||
శంఖచూడశిరోరత్నసంప్రీణితబలోఽనఘః |
అరిష్టారిష్టకృద్దుష్టకేశిదైత్యనిషూదనః || 111 ||
సరసః సస్మితముఖః సుస్థిరో విరహాకులః |
సంకర్షణార్పితప్రీతిరక్రూరధ్యానగోచరః || 112 ||
అక్రూరసంస్తుతో గూఢో గుణవృత్త్యుపలక్షితః |
ప్రమాణగంయస్తన్మాత్రావయవీ బుద్ధితత్పరః || 113 ||
సర్వప్రమాణప్రమథీ సర్వప్రత్యయసాధకః |
పురుషశ్చ ప్రధానాత్మా విపర్యాసవిలోచనః || 114 ||
మధురాజనసంవీక్ష్యో రజకప్రతిఘాతకః |
విచిత్రాంబరసంవీతో మాలాకారవరప్రదః || 115 ||
కుబ్జావక్రత్వనిర్మోక్తా కుబ్జాయౌవనదాయకః |
కుబ్జాంగరాగసురభిః కంసకోదండఖండనః || 116 ||
ధీరః కువలయాపీడమర్దనః కంసభీతికృత్ |
దంతిదంతాయుధో రంగత్రాసకో మల్లయుద్ధవిత్ || 117 ||
చాణూరహంతా కంసారిర్దేవకీహర్షదాయకః |
వసుదేవపదానంరః పితృబంధవిమోచనః || 118 ||
ఉర్వీభయాపహో భూప ఉగ్రసేనాధిపత్యదః |
ఆజ్ఞాస్థితశచీనాథః సుధర్మానయనక్షమః || 119 ||
ఆద్యో ద్విజాతిసత్కర్తా శిష్టాచారప్రదర్శకః |
సాందీపనికృతాభ్యస్తవిద్యాభ్యాసైకధీస్సుధీః || 120 ||
గుర్వభీష్టక్రియాదక్షః పశ్చిమోదధిపూజితః |
హతపంచజనప్రాప్తపాంచజన్యో యమార్చితః || 121 ||
ధర్మరాజజయానీతగురుపుత్ర ఉరుక్రమః |
గురుపుత్రప్రదః శాస్తా మధురాజనమానదః || 122 ||
జామదగ్న్యసమభ్యర్చ్యో గోమంతగిరిసంచరః |
గోమంతదావశమనో గరుడానీతభూషణః || 123 ||
చక్రాద్యాయుధసంశోభీ జరాసంధమదాపహః |
సృగాలావనిపాలఘ్నః సృగాలాత్మజరాజ్యదః || 124 ||
విధ్వస్తకాలయవనో ముచుకుందవరప్రదః |
ఆజ్ఞాపితమహాంభోధిర్ద్వారకాపురకల్పనః || 125 ||
ద్వారకానిలయో రుక్మిమానహంతా యదూద్వహః |
రుచిరో రుక్మిణీజానిః ప్రద్యుంనజనకః ప్రభుః || 126 ||
అపాకృతత్రిలోకార్తిరనిరుద్ధపితామహః |
అనిరుద్ధపదాన్వేషీ చక్రీ గరుడవాహనః || 127 ||
బాణాసురపురీరోద్ధా రక్షాజ్వలనయంత్రజిత్ |
ధూతప్రమథసంరంభో జితమాహేశ్వరజ్వరః || 128 ||
షట్చక్రశక్తినిర్జేతా భూతభేతాళమోహకృత్ |
శంభుత్రిశూలజిచ్ఛంభుజృంభణః శంభుసంస్తుతః || 129 ||
ఇంద్రియాత్మేందుహృదయః సర్వయోగేశ్వరేశ్వరః |
హిరణ్యగర్భహృదయో మోహావర్తనివర్తనః || 130 ||
ఆత్మజ్ఞాననిధిర్మేధాకోశస్తన్మాత్రరూపవాన్ |
ఇంద్రోఽగ్నివదనః కాలనాభః సర్వాగమాధ్వగః || 131 ||
తురీయసర్వధీసాక్షీ ద్వంద్వారామాత్మదూరగః |
అజ్ఞాతపారో వశ్యశ్రీరవ్యాకృతవిహారవాన్ || 132 ||
ఆత్మప్రదీపో విజ్ఞానమాత్రాత్మా శ్రీనికేతనః |
బాణబాహువనచ్ఛేత్తా మహేంద్రప్రీతివర్ధనః || 133 ||
అనిరుద్ధనిరోధజ్ఞో జలేశాహృతగోకులః |
జలేశవిజయీ వీరః సత్రాజిద్రత్నయాచకః || 134 ||
ప్రసేనాన్వేషణోద్యుక్తో జాంబవద్ధృతరత్నదః |
జితర్క్షరాజతనయాహర్తా జాంబవతీప్రియః || 135 ||
సత్యభామాప్రియః కామః శతధన్వశిరోహరః |
కాళిందీపతిరక్రూరబంధురక్రూరరత్నదః || 136 ||
కైకేయీరమణో భద్రాభర్తా నాగ్నజితీధవః |
మాద్రీమనోహరః శైబ్యాప్రాణబంధురురుక్రమః || 137 ||
సుశీలాదయితో మిత్రవిందానేత్రమహోత్సవః |
లక్ష్మణావల్లభో రుద్ధప్రాగ్జ్యోతిషమహాపురః || 138 ||
సురపాశావృతిచ్ఛేదీ మురారిః క్రూరయుద్ధవిత్ |
హయగ్రీవశిరోహర్తా సర్వాత్మా సర్వదర్శనః || 139 ||
నరకాసురవిచ్ఛేత్తా నరకాత్మజరాజ్యదః |
పృథ్వీస్తుతః ప్రకాశాత్మా హృద్యో యజ్ఞఫలప్రదః || 140 ||
గుణగ్రాహీ గుణద్రష్టా గూఢస్వాత్మా విభూతిమాన్ |
కవిర్జగదుపద్రష్టా పరమాక్షరవిగ్రహః || 141 ||
ప్రపన్నపాలనో మాలీ మహద్బ్రహ్మవివర్ధనః |
వాచ్యవాచకశక్త్యర్థః సర్వవ్యాకృతసిద్ధిదః || 142 ||
స్వయంప్రభురనిర్వేద్యః స్వప్రకాశశ్చిరంతనః |
నాదాత్మా మంత్రకోటీశో నానావాదనిరోధకః || 143 ||
కందర్పకోటిలావణ్యః పరార్థైకప్రయోజకః |
అమరీకృతదేవౌఘః కన్యకాబంధమోచనః || 144 ||
షోడశస్త్రీసహస్రేశః కాంతః కాంతామనోభవః |
క్రీడారత్నాచలాహర్తా వరుణచ్ఛత్రశోభితః || 145 ||
శక్రాభివందితః శక్రజననీకుండలప్రదః |
అదితిప్రస్తుతస్తోత్రో బ్రాహ్మణోద్ఘుష్టచేష్టనః || 146 ||
పురాణస్సంయమీ జన్మాలిప్తః షడ్వింశకోఽర్థదః |
యశస్యనీతిరాద్యంతరహితః సత్కథాప్రియః || 147 ||
బ్రహ్మబోధః పరానందః పారిజాతాపహారకః |
పౌండ్రకప్రాణహరణః కాశిరాజనిషూదనః || 148 ||
కృత్యాగర్వప్రశమనో విచక్రవధదీక్షితః |
కంసవిధ్వంసనః సాంబజనకో డింభకార్దనః || 149 ||
మునిర్గోప్తా పితృవరప్రదః సవనదీక్షితః |
రథీ సారథ్యనిర్దేష్టా ఫాల్గునః ఫాల్గునిప్రియః || 150 ||
సప్తాబ్ధిస్తంభనోద్భూతో హరిః సప్తాబ్ధిభేదనః |
ఆత్మప్రకాశః పూర్ణశ్రీరాదినారాయణేక్షితః || 151 ||
విప్రపుత్రప్రదశ్చైవ సర్వమాతృసుతప్రదః |
పార్థవిస్మయకృత్పార్థప్రణవార్థప్రబోధనః || 152 ||
కైలాసయాత్రాసుముఖో బదర్యాశ్రమభూషణః |
ఘంటాకర్ణక్రియామౌఢ్యాత్తోషితో భక్తవత్సలః || 153 ||
మునిబృందాదిభిర్ధ్యేయో ఘంటాకర్ణవరప్రదః |
తపశ్చర్యాపరశ్చీరవాసాః పింగజటాధరః || 154 ||
ప్రత్యక్షీకృతభూతేశః శివస్తోతా శివస్తుతః |
కృష్ణాస్వయంవరాలోకకౌతుకీ సర్వసంమతః || 155 ||
బలసంరంభశమనో బలదర్శితపాండవః |
యతివేషార్జునాభీష్టదాయీ సర్వాత్మగోచరః || 156 ||
సుభద్రాఫాల్గునోద్వాహకర్తా ప్రీణితఫాల్గునః |
ఖాండవప్రీణితార్చిష్మాన్మయదానవమోచనః || 157 ||
సులభో రాజసూయార్హయుధిష్ఠిరనియోజకః |
భీమార్దితజరాసంధో మాగధాత్మజరాజ్యదః || 158 ||
రాజబంధననిర్మోక్తా రాజసూయాగ్రపూజనః |
చైద్యాద్యసహనో భీష్మస్తుతః సాత్వతపూర్వజః || 159 ||
సర్వాత్మార్థసమాహర్తా మందరాచలధారకః |
యజ్ఞావతారః ప్రహ్లాదప్రతిజ్ఞాప్రతిపాలకః || 160 ||
బలియజ్ఞసభాధ్వంసీ దృప్తక్షత్రకులాంతకః |
దశగ్రీవాంతకో జేతా రేవతీప్రేమవల్లభః || 161 ||
సర్వావతారాధిష్ఠాతా వేదబాహ్యవిమోహనః |
కలిదోషనిరాకర్తా దశనామా దృఢవ్రతః || 162 ||
అమేయాత్మా జగత్స్వామీ వాగ్మీ చైద్యశిరోహరః |
ద్రౌపదీరచితస్తోత్రః కేశవః పురుషోత్తమః || 163 ||
నారాయణో మధుపతిర్మాధవో దోషవర్జితః |
గోవిందః పుండరీకాక్షో విష్ణుశ్చ మధుసూదనః || 164 ||
త్రివిక్రమస్త్రిలోకేశో వామనః శ్రీధరః పుమాన్ |
హృషీకేశో వాసుదేవః పద్మనాభో మహాహ్రదః || 165 ||
దామోదరశ్చతుర్వ్యూహః పాంచాలీమానరక్షణః |
సాల్వఘ్నస్సమరశ్లాఘీ దంతవక్త్రనిబర్హణః || 166 ||
దామోదరప్రియసఖః పృథుకాస్వాదనప్రియః |
ఘృణీ దామోదరః శ్రీదో గోపీపునరవేక్షకః || 167 ||
గోపికాముక్తిదో యోగీ దుర్వాసస్తృప్తికారకః |
అవిజ్ఞాతవ్రజాకీర్ణపాండవాలోకనో జయీ || 168 ||
పార్థసారథ్యనిరతః ప్రాజ్ఞః పాండవదౌత్యకృత్ |
విదురాతిథ్యసంతుష్టః కుంతీసంతోషదాయకః || 169 ||
సుయోధనతిరస్కర్తా దుర్యోధనవికారవిత్ |
విదురాభిష్ఠుతో నిత్యో వార్ష్ణేయో మంగళాత్మకః || 170 ||
పంచవింశతితత్త్వేశశ్చతుర్వింశతిదేహభాక్ |
సర్వానుగ్రాహకః సర్వదాశార్హసతతార్చితః || 171 ||
అచింత్యో మధురాలాపః సాధుదర్శీ దురాసదః |
మనుష్యధర్మానుగతః కౌరవేంద్రక్షయేక్షితా || 172 ||
ఉపేంద్రో దానవారాతిరురుగీతో మహాద్యుతిః |
బ్రహ్మణ్యదేవః శ్రుతిమాన్ గోబ్రాహ్మణహితాశయః || 173 ||
వరశీలః శివారంభః సువిజ్ఞానవిమూర్తిమాన్ |
స్వభావశుద్ధః సన్మిత్రః సుశరణ్యః సులక్షణః || 174 ||
ధృతరాష్ట్రగతో దృష్టిప్రదః కర్ణవిభేదనః |
ప్రతోదధృద్విశ్వరూపవిస్మారితధనంజయః || 175 ||
సామగానప్రియో ధర్మధేనుర్వర్ణోత్తమోఽవ్యయః |
చతుర్యుగక్రియాకర్తా విశ్వరూపప్రదర్శకః || 176 ||
బ్రహ్మబోధపరిత్రాతపార్థో భీష్మార్థచక్రభృత్ |
అర్జునాయాసవిధ్వంసీ కాలదంష్ట్రావిభూషణః || 177 ||
సుజాతానంతమహిమా స్వప్నవ్యాపారితార్జునః |
అకాలసంధ్యాఘటనశ్చక్రాంతరితభాస్కరః || 178 ||
దుష్టప్రమథనః పార్థప్రతిజ్ఞాపరిపాలకః |
సింధురాజశిరఃపాతస్థానవక్తా వివేకదృక్ || 179 ||
సుభద్రాశోకహరణో ద్రోణోత్సేకాదివిస్మితః |
పార్థమన్యునిరాకర్తా పాండవోత్సవదాయకః || 180 ||
అంగుష్ఠాక్రాంతకౌంతేయరథః శక్తోఽహిశీర్షజిత్ |
కాలకోపప్రశమనో భీమసేనజయప్రదః || 181 ||
అశ్వత్థామవధాయాసత్రాతపాండుసుతః కృతీ |
ఇషీకాస్త్రప్రశమనో ద్రౌణిరక్షావిచక్షణః || 182 ||
పార్థాపహారితద్రౌణిచూడామణిరభంగురః |
ధృతరాష్ట్రపరామృష్టభీమప్రతికృతిస్మయః || 183 ||
భీష్మబుద్ధిప్రదః శాంతః శరచ్చంద్రనిభాననః |
గదాగ్రజన్మా పాంచాలీప్రతిజ్ఞాపరిపాలకః || 184 ||
గాంధారీకోపదృగ్గుప్తధర్మసూనురనామయః |
ప్రపన్నార్తిభయచ్ఛేత్తా భీష్మశల్యవ్యథాపహః || 185 ||
శాంతః శాంతనవోదీర్ణసర్వధర్మసమాహితః |
స్మారితబ్రహ్మవిద్యార్థప్రీతపార్థో మహాస్త్రవిత్ || 186 ||
ప్రసాదపరమోదారో గాంగేయసుగతిప్రదః |
విపక్షపక్షక్షయకృత్పరీక్షిత్ప్రాణరక్షణః || 187 ||
జగద్గురుర్ధర్మసూనోర్వాజిమేధప్రవర్తకః |
విహితార్థాప్తసత్కారో మాసకాత్పరివర్తదః || 188 ||
ఉత్తంకహర్షదాత్మీయదివ్యరూపప్రదర్శకః |
జనకావగతస్వోక్తభారతః సర్వభావనః || 189 ||
అసోఢయాదవోద్రేకో విహితాప్తాదిపూజనః |
సముద్రస్థాపితాశ్చర్యముసలో వృష్ణివాహకః || 190 ||
మునిశాపాయుధః పద్మాసనాదిత్రిదశార్థితః |
సృష్టిప్రత్యవహారోత్కః స్వధామగమనోత్సుకః || 191 ||
ప్రభాసాలోకనోద్యుక్తో నానావిధనిమిత్తకృత్ |
సర్వయాదవసంసేవ్యః సర్వోత్కృష్టపరిచ్ఛదః || 192 ||
వేలాకాననసంచారీ వేలానిలహృతశ్రమః |
కాలాత్మా యాదవోఽనంతః స్తుతిసంతుష్టమానసః || 193 ||
ద్విజాలోకనసంతుష్టః పుణ్యతీర్థమహోత్సవః |
సత్కారాహ్లాదితాశేషభూసురః సురవల్లభః || 194 ||
పుణ్యతీర్థాప్లుతః పుణ్యః పుణ్యదస్తీర్థపావనః |
విప్రసాత్కృతగోకోటిః శతకోటిసువర్ణదః || 195 ||
స్వమాయామోహితాశేషవృష్ణివీరో విశేషవిత్ |
జలజాయుధనిర్దేష్టా స్వాత్మావేశితయాదవః || 196 ||
దేవతాభీష్టవరదః కృతకృత్యః ప్రసన్నధీః |
స్థిరశేషాయుతబలః సహస్రఫణివీక్షణః || 197 ||
బ్రహ్మవృక్షవరచ్ఛాయాసీనః పద్మాసనస్థితః |
ప్రత్యగాత్మా స్వభావార్థః ప్రణిధానపరాయణః || 198 ||
వ్యాధేషువిద్ధపూజ్యాంఘ్రిర్నిషాదభయమోచనః |
పులిందస్తుతిసంతుష్టః పులిందసుగతిప్రదః || 199 ||
దారుకార్పితపార్థాదికరణీయోక్తిరీశితా |
దివ్యదుందుభిసంయుక్తః పుష్పవృష్టిప్రపూజితః || 200 ||
పురాణః పరమేశానః పూర్ణభూమా పరిష్టుతః |
శుకవాగమృతాబ్ధీందుః గోవిందో యోగినాం పతిః || 201 ||
వసుదేవాత్మజః పుణ్యో లీలామానుషవిగ్రహః |
జగద్గురుర్జగన్నాథో గీతామృతమహోదధిః || 202 ||
పుణ్యశ్లోకస్తీర్థపాదో వేదవేద్యో దయానిధిః |
నారాయణో యజ్ఞమూర్తిః పన్నగాశనవాహనః |
పతిరాద్యః పరం బ్రహ్మ పరమాత్మా పరాత్పరః || 203 ||
శ్రీపరమాత్మా పరాత్పరః ఓం నమః ఇతి ||
ఇదం సహస్రం కృష్ణస్య నాంనాం సర్వార్థదాయకం |
అనంతరూపీ భగవాన్ వ్యాఖ్యాతాఽఽదౌ స్వయంభువే || 204 ||
తేన ప్రోక్తం వసిష్ఠాయ తతో లబ్ధా పరాశరః |
వ్యాసాయ తేన సంప్రోక్తం శుకో వ్యాసాదవాప్తవాన్ || 205 ||
తచ్ఛిష్యైర్బహుభిర్భూమౌ ఖ్యాపితం ద్వాపరే యుగే |
కృష్ణాజ్ఞయా హరిహరః కలౌ ప్రాఖ్యాపయద్విభుః || 206 ||
ఇదం పఠతి భక్త్యా యః శృణోతి చ సమాహితః |
స్వసిద్ధ్యై ప్రార్థయంత్యేనం తీర్థక్షేత్రాదిదేవతాః || 207 ||
ప్రాయశ్చిత్తాన్యశేషాణి నాలం యాని వ్యపోహితుం |
తాని పాపాని నశ్యంతి సకృదస్య ప్రశంసనాత్ || 208 ||
ఋణత్రయవిముక్తస్య శ్రౌతస్మార్తానువర్తినః |
ఋషేస్త్రిమూర్తిరూపస్య ఫలం విందేదిదం పఠన్ || 209 ||
ఇదం నామసహస్రం యః పఠత్యేతచ్ఛృణోతి చ |
శివలింగసహస్రస్య స ప్రతిష్ఠాఫలం లభేత్ || 210 ||
ఇదం కిరీటీ సంజప్య జయీ పాశుపతాస్త్రభాక్ |
కృష్ణస్య ప్రాణభూతః సన్ కృష్ణం సారథిమాప్తవాన్ || 211 ||
ద్రౌపద్యా దమయంత్యా చ సావిత్ర్యా చ సుశీలయా |
దురితాని జితాన్యేతజ్జపాదాప్తం చ వాంఛితం || 212 ||
కిమిదం బహునా శంసన్మానవో మోదనిర్భరః |
బ్రహ్మానందమవాప్యాంతే కృష్ణసాయూజ్యమాప్నుయాత్ || 213 ||
ఇతి శ్రీవిష్ణుధర్మోత్తర పురాణే శ్రీ కృష్ణ సహస్రనామ స్తోత్రం ||