Sacred Stotras & Deities

శ్రీ గోపాల (కృష్ణ) ద్వాదశనామ స్తోత్రం

శ్రీ గోపాల (కృష్ణ) ద్వాదశనామ స్తోత్రం.

Telugu

శ్రీ గోపాల (కృష్ణ) ద్వాదశనామ స్తోత్రం

శృణుధ్వం మునయః సర్వే గోపాలస్య మహాత్మనః |
అనంతస్యాప్రమేయస్య నామద్వాదశకం స్తవం || 1 ||
అర్జునాయ పురా గీతం గోపాలేన మహాత్మనా |
ద్వారకాయాం ప్రార్థయతే యశోదాయాశ్చ సన్నిధౌ || 2 ||
ధ్యానం –
జానుభ్యామపి ధావంతం బాహుభ్యామతిసుందరం |
సకుండలాలకం బాలం గోపాలం చింతయేదుషః || 4 ||
స్తోత్రం –
ప్రథమం తు హరిం విద్యాద్ద్వితీయం కేశవం తథా |
తృతీయం పద్మనాభం తు చతుర్థం వామనం తథా || 5 ||
పంచమం వేదగర్భం చ షష్ఠం తు మధుసూదనం |
సప్తమం వాసుదేవం చ వరాహం చాఽష్టమం తథా || 6 ||
నవమం పుండరీకాక్షం దశమం తు జనార్దనం |
కృష్ణమేకాదశం ప్రోక్తం ద్వాదశం శ్రీధరం తథా || 7 ||
ఏతద్ద్వాదశనామాని మయా ప్రోక్తాని ఫల్గున |
కాలత్రయే పఠేద్యస్తు తస్య పుణ్యఫలం శృణు || 8 ||
చాంద్రాయణసహస్రస్య కన్యాదానశతస్య చ |
అశ్వమేధసహస్రస్య ఫలమాప్నోతి మానవః || 9 ||
ఇతి శ్రీ గోపాల ద్వాదశనామ స్తోత్రం ||

శ్రీ కృష్ణ స్తోత్రం (బ్రహ్మ కృతం)

శ్రీ కృష్ణ స్తోత్రం (బ్రహ్మ కృతం).

Telugu

Read Stotra

శ్రీ కృష్ణ స్తోత్రం (బ్రహ్మ కృతం)

రక్ష రక్ష హరే మాం చ నిమగ్నం కామసాగరే |
దుష్కీర్తిజలపూర్ణే చ దుష్పారే బహుసంకటే || 1 ||
భక్తివిస్మృతిబీజే చ విపత్సోపానదుస్తరే |
అతీవ నిర్మలజ్ఞానచక్షుః ప్రచ్ఛన్నకారణే || 2 ||
జన్మోర్మిసంఘసహితే యోషిన్నక్రౌఘసంకులే |
రతిస్రోతః సమాయుక్తే గంభీరే ఘోర ఏవ చ || 3 ||
ప్రథమామృతరూపే చ పరిణామవిషాలయే |
యమాలయప్రవేశాయ ముక్తిద్వారాతివిస్తృతే || 4 ||
బుద్ధ్యా తరణ్యా విజ్ఞానైరుద్ధరాస్మానతః స్వయం |
స్వయం చ త్వం కర్ణధారః ప్రసీద మధుసూదన || 5 ||
మద్విధాః కతిచిన్నాథ నియోజ్యా భవకర్మణి |
సంతి విశ్వేశ విధయో హే విశ్వేశ్వర మాధవ || 6 ||
న కర్మక్షేత్రమేవేదం బ్రహ్మలోకోఽయమీప్సితః |
తథాపి న స్పృహా కామే త్వద్భక్తివ్యవధాయకే || 7 ||
హే నాథ కరుణాసింధో దీనబంధో కృపాం కురు |
త్వం మహేశ మహాజ్ఞాతా దుఃస్వప్నం మాం న దర్శయ || 8 ||
ఇత్యుక్త్వా జగతాం ధాతా విరరామ సనాతనః |
ధ్యాయం ధ్యాయం మత్పదాబ్జం శశ్వత్సస్మార మామితి || 9 ||
బ్రహ్మణా చ కృతం స్తోత్రం భక్తియుక్తశ్చ యః పఠేత్ |
స చైవాకర్ణ్య విషయే న నిమగ్నో భవేద్ధ్రువం || 10 ||
మమ మాయాం వినిర్జిత్య సుజ్ఞానం లభతే ధ్రువం |
ఇహ లోకే భక్తియుక్తో మద్భక్తప్రవరో భవేత్ || 11 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే ద్వాత్రింశోధ్యాయే బ్రహ్మకృత శ్రీ కృష్ణ స్తోత్రం |

శ్రీ కృష్ణ స్తోత్రం (మోహినీ కృతం)

శ్రీ కృష్ణ స్తోత్రం (మోహినీ కృతం).

Telugu

Read Stotra

శ్రీ కృష్ణ స్తోత్రం (మోహినీ కృతం)

సర్వేంద్రియాణాం ప్రవరం విష్ణోరంశం చ మానసం |
తదేవ కర్మణాం బీజం తదుద్భవ నమోఽస్తు తే || 1 ||
స్వయమాత్మా హి భగవాన్ జ్ఞానరూపో మహేశ్వరః |
నమో బ్రహ్మన్ జగత్ స్రష్టస్తదుద్భవ నమోఽస్తు తే || 2 ||
సర్వాజిత జగజ్జేతర్జీవజీవమనోహర |
రతిబీజ రతిస్వామిన్ రతిప్రియ నమోఽస్తు తే || 3 ||
శశ్వద్యోషిదధిష్ఠాన యోషిత్ప్రాణాధికప్రియః |
యోషిద్వాహన యోషాస్త్ర యోషిద్బంధో నమోఽస్తు తే || 4 ||
పతిసాధ్యకరాశేషరూపాధార గుణాశ్రయ |
సుగంధివాతసచివ మధుమిత్ర నమోఽస్తు తే || 5 ||
శశ్వద్యోనికృతాధార స్త్రీసందర్శనవర్ధన |
విదగ్ధానాం విరహిణాం ప్రాణాంతక నమోఽస్తు తే || 6 ||
అకృపా యేషు తేఽనర్థస్తేషాం జ్ఞానవినాశనం |
అనూహరూప భక్తేషు కృపాసింధో నమోఽస్తు తే || 7 ||
తపస్వినాం చ తపసాం విఘ్నబీజావలీలయా |
మనః సకామం ముక్తానాం కర్తుం శక్త నమోఽస్తు తే || 8 ||
తపః సాధ్యాశ్చాఽఽరాధ్యాశ్చ సదైవం పాంచభౌతికాః |
పంచేంద్రియకృతాధారం పంచబాణ నమోఽస్తు తే || 9 ||
మోహినీత్యేవముక్త్వా తు మనసా సా విధేః పురః |
విరరామ నంరవక్త్రా బభూవ ధ్యానతత్పరా || 10 ||
ఉక్తం మాధ్యందినే కాంతే స్తోత్రమేతన్మనోహరం |
పురా దుర్వాససా దత్తం మోహిన్యై గంధమాదనే || 11 ||
స్తోత్రమేతన్మహాపుణ్యం కామీ భక్త్యా యదా పఠేత్ |
అభీష్టం లభతే నూనం నిష్కళంకో భవేద్ధ్రువం || 12 ||
చేష్టాం న కురుతే కామః కదాచిదపి తం ప్రియం |
భవేదరోగీ శ్రీయుక్తః కామదేవసమప్రభః |
వనితాం లభతే సాధ్వీం పత్నీం త్రైలోక్యమోహినీం || 13 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే ఏకత్రింశోఽధ్యాయే మోహినీకృత శ్రీ కృష్ణ స్తోత్రం ||

శ్రీ కృష్ణ స్తోత్రం (ఇంద్ర కృతం)

శ్రీ కృష్ణ స్తోత్రం (ఇంద్ర కృతం).

Telugu

Read Stotra

శ్రీ కృష్ణ స్తోత్రం (ఇంద్ర కృతం)

అక్షరం పరమం బ్రహ్మ జ్యోతీరూపం సనాతనం |
గుణాతీతం నిరాకారం స్వేచ్ఛామయమనంతకం || 1 ||
భక్తధ్యానాయ సేవాయై నానారూపధరం వరం |
శుక్లరక్తపీతశ్యామం యుగానుక్రమణేన చ || 2 ||
శుక్లతేజః స్వరూపం చ సత్యే సత్యస్వరూపిణం |
త్రేతాయాం కుంకుమాకారం జ్వలంతం బ్రహ్మతేజసా || 3 ||
ద్వాపరే పీతవర్ణం చ శోభితం పీతవాససా |
కృష్ణవర్ణం కలౌ కృష్ణం పరిపూర్ణతమం ప్రభుం || 4 ||
నవధారాధరోత్కృష్టశ్యామసుందరవిగ్రహం |
నందైకనందనం వందే యశోదానందనం ప్రభుం || 5 ||
గోపికాచేతనహరం రాధాప్రాణాధికం పరం |
వినోదమురళీశబ్దం కుర్వంతం కౌతుకేన చ || 6 ||
రూపేణాప్రతిమేనైవ రత్నభూషణభూషితం |
కందర్పకోటిసౌందర్యం బిభ్రతం శాంతమీశ్వరం || 7 ||
క్రీడంతం రాధయా సార్ధం బృందారణ్యే చ కుత్రచిత్ |
కుత్రచిన్నిర్జనేఽరణ్యే రాధావక్షః స్థలస్థితం || 8 ||
జలక్రీడాం ప్రకుర్వంతం రాధయా సహ కుత్రచిత్ |
రాధికాకబరీభారం కుర్వంతం కుత్రచిద్వనే || 9 ||
కుత్రచిద్రాధికాపాదే దత్తవంతమలక్తకం |
రాధాచర్చితతాంబూలం గృహ్ణంతం కుత్రచిన్ముదా || 10 ||
పశ్యంతం కుత్రచిద్రాధాం పశ్యంతీం వక్రచక్షుషా |
దత్తవంతం చ రాధాయై కృత్వా మాలాం చ కుత్రచిత్ || 11 ||
కుత్రచిద్రాధయా సార్ధం గచ్ఛంతం రాసమండలం |
రాధాదత్తాం గళే మాలాం ధృతవంతం చ కుత్రచిత్ || 12 ||
సార్ధం గోపాలికాభిశ్చ విహరంతం చ కుత్రచిత్ |
రాధాం గృహీత్వా గచ్ఛంతం విహాయ తాం చ కుత్రచిత్ || 13 ||
విప్రపత్నీదత్తమన్నం భుక్తవంతం చ కుత్రచిత్ |
భుక్తవంతం తాళఫలం బాలకైః సహ కుత్రచిత్ || 14 ||
వస్త్రం గోపాలికానాం చ హరంతం కుత్రచిన్ముదా |
గవాం గణం వ్యాహరంతం కుత్రచిద్బాలకైః సహ || 15 ||
కాళీయమూర్ధ్ని పాదాబ్జం దత్తవంతం చ కుత్రచిత్ |
వినోదమురళీశబ్దం కుర్వంతం కుత్రచిన్ముదా || 16 ||
గాయంతం రంయసంగీతం కుత్రచిద్బాలకైః సహ |
స్తుత్వా శక్రః స్తవేంద్రేణ ప్రణనామ హరిం భియా || 17 ||
పురా దత్తేన గురుణా రణే వృత్రాసురేణ చ |
కృష్ణేన దత్తం కృపయా బ్రహ్మణే చ తపస్యతే || 18 ||
ఏకాదశాక్షరో మంత్రః కవచం సర్వలక్షణం |
దత్తమేతత్ కుమారాయ పుష్కరే బ్రహ్మణా పురా || 19 ||
కుమారోఽంగిరసే దత్తం గురవేఽంగిరసాం మునే |
ఇదమింద్రకృతం స్తోత్రం నిత్యం భక్త్యా చ యః పఠేత్ || 20 ||
స హి ప్రాప్య దృఢాం భక్తిమంతే దాస్యం లభేద్ధ్రువం |
జన్మమృత్యుజరావ్యాధిశోకేభ్యో ముచ్యతే నరః |
న హి పశ్యతి స్వప్నేఽపి యమదూతం యమాలయం || 21 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే ఏకవింశోఽధ్యాయే ఇంద్రకృత శ్రీ కృష్ణ స్తోత్రం |

శ్రీ కృష్ణ స్తోత్రం (విప్రపత్నీ కృతం)

శ్రీ కృష్ణ స్తోత్రం (విప్రపత్నీ కృతం).

Telugu

Read Stotra

శ్రీ కృష్ణ స్తోత్రం (విప్రపత్నీ కృతం)

త్వం బ్రహ్మ పరమం ధామ నిరీహో నిరహంకృతిః |
నిర్గుణశ్చ నిరాకారః సాకారః సగుణః స్వయం || 1 ||
సాక్షిరూపశ్చ నిర్లిప్తః పరమాత్మా నిరాకృతిః |
ప్రకృతిః పురుషస్త్వం చ కారణం చ తయోః పరం || 2 ||
సృష్టిస్థిత్యంతవిషయే యే చ దేవాస్త్రయః స్మృతాః |
తే త్వదంశాః సర్వబీజా బ్రహ్మవిష్ణుమహేశ్వరాః || 3 ||
యస్య లోంనాం చ వివరే చాఖిలం విశ్వమీశ్వర |
మహావిరాణ్మహావిష్ణుస్త్వం తస్య జనకో విభో || 4 ||
తేజస్త్వం చాపి తేజస్వీ జ్ఞానం జ్ఞానీ చ తత్పరః |
వేదేఽనిర్వచనీయస్త్వం కస్త్వాం స్తోతుమిహేశ్వరః || 5 ||
మహదాదిసృష్టిసూత్రం పంచతన్మాత్రమేవ చ |
బీజం త్వం సర్వశక్తీనాం సర్వశక్తిస్వరూపకః || 6 ||
సర్వశక్తీశ్వరః సర్వః సర్వశక్త్యాశ్రయః సదా |
త్వమనీహః స్వయంజ్యోతిః సర్వానందః సనాతనః || 7 ||
అహోఽప్యాకారహీనస్త్వం సర్వవిగ్రహవానపి |
సర్వేంద్రియాణాం విషయం జానాసి నేంద్రియీ భవాన్ || 8 ||
సరస్వతీ జడీభూతా యత్ స్తోత్రే యన్నిరూపణే |
జడీభూతో మహేశశ్చ శేషో ధర్మో విధిః స్వయం || 9 ||
పార్వతీ కమలా రాధా సావిత్రీ వేదసూరపి |
వేదశ్చ జడతాం యాతి కే వా శక్తా విపశ్చితః || 10 ||
వయం కిం స్తవనం కుర్మః స్త్రియః ప్రాణేశ్వరేశ్వరః |
ప్రసన్నో భవ నో దేవ దీనబంధో కృపాం కురు || 11 ||
ఇతి పేతుశ్చ తా విప్రపత్న్యస్తచ్చరణాంబుజే |
అభయం ప్రదదౌ తాభ్యః ప్రసన్నవదనేక్షణః || 12 ||
విప్రపత్నీకృతం స్తోత్రం పూజాకాలే చ యః పఠేత్ |
స గతిం విప్రపత్నీనాం లభతే నాఽత్ర సంశయః || 13 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే అష్టాదశోఽధ్యాయే విప్రపత్నీకృత శ్రీ కృష్ణ స్తోత్రం |

శ్రీ కృష్ణస్తోత్రం (వసుదేవ కృతం)

శ్రీ కృష్ణస్తోత్రం (వసుదేవ కృతం).

Telugu

Read Stotra

శ్రీ కృష్ణస్తోత్రం (వసుదేవ కృతం)

త్వామతీంద్రియమవ్యక్తమక్షరం నిర్గుణం విభుం |
ధ్యానాసాధ్యం చ సర్వేషాం పరమాత్మానమీశ్వరం || 1 ||
స్వేచ్ఛామయం సర్వరూపం స్వేచ్ఛారూపధరం పరం |
నిర్లిప్తం పరమం బ్రహ్మ బీజరూపం సనాతనం || 2 ||
స్థూలాత్ స్థూలతరం ప్రాప్తమతిసూక్ష్మమదర్శనం |
స్థితం సర్వశరీరేషు సాక్షిరూపమదృశ్యకం || 3 ||
శరీరవంతం సగుణమశరీరం గుణోత్కరం |
ప్రకృతేః ప్రకృతీశం చ ప్రాకృతం ప్రకృతేః పరం || 4 ||
సర్వేశం సర్వరూపం చ సర్వాంతకరమవ్యయం |
సర్వాధారం నిరాధారం నిర్వ్యూహం స్తౌమి కిం విభుం || 5 ||
అనంతః స్తవనేఽశక్తోఽశక్తా దేవీ సరస్వతీ |
యం వా స్తోతుమశక్తశ్చ పంచవక్త్రః షడాననః || 6 ||
చతుర్ముఖో వేదకర్తా యం స్తోతుమక్షమః సదా |
గణేశో న సమర్థశ్చ యోగీంద్రాణాం గురోర్గురుః || 7 ||
ఋషయో దేవతాశ్చైవ మునీంద్రమనుమానవాః |
స్వప్నే తేషామదృశ్యం చ త్వామేవం కిం స్తువంతి తే || 8 ||
శ్రుతయః స్తవనేఽశక్తాః కిం స్తువంతి విపశ్చితః |
విహాయైవం శరీరం చ బాలో భవితుమర్హసి || 9 ||
వసుదేవకృతం స్తోత్రం త్రిసంధ్యం యః పఠేన్నరః |
భక్తిం దాస్యమవాప్నోతి శ్రీకృష్ణచరణాంబుజే || 10 ||
విశిష్టపుత్రం లభతే హరిదాసం గుణాన్వితం |
సంకటం నిస్తరేత్తూర్ణం శత్రుభీతేః ప్రముచ్యతే || 11 ||
ఇతి శ్రీబ్రహ్మవైవర్తమహాపురాణే శ్రీకృష్ణజన్మఖండే సప్తమోఽధ్యాయే వసుదేవకృత శ్రీ కృష్ణ స్తోత్రం |

శ్రీ కృష్ణ భుజంగప్రయాతాష్టకం

శ్రీ కృష్ణ భుజంగప్రయాతాష్టకం.

Telugu

Read Stotra

శ్రీ కృష్ణ భుజంగప్రయాతాష్టకం

సదా గోపికామండలే రాజమానం
లసన్నృత్యబంధాదిలీలానిదానం |
గలద్దర్పకందర్పశోభాభిదానం
భజే నందసూనుం సదానందరూపం || 1 ||
వ్రజస్త్రీజనానందసందోహసక్తం
సుధావర్షివంశీనినాదానురక్తం |
త్రిభంగాకృతి స్వీకృతస్వీయభక్తం
భజే నందసూనుం సదానందరూపం || 2 ||
స్ఫురద్రాసలీలావిలాసాతిరంయం
పరిత్యక్తగేహాదిదాసైకగంయం |
విమానస్థితాశేషదేవాదినంయం
భజే నందసూనుం సదానందరూపం || 3 ||
స్వలీలారసానందదుగ్ధోదమగ్నం
ప్రియస్వామినీబాహుకంఠైకలగ్నం |
రసాత్మైకరూపాఽవబోధం త్రిభంగం
భజే నందసూనుం సదానందరూపం || 4 ||
రసామోదసంపాదకం మందహాసం
కృతాభీరనారీవిహారైకరాసం |
ప్రకాశీకృతస్వీయనానావిలాసం
భజే నందసూనుం సదానందరూపం || 5 ||
జితాఽనంగసర్వాంగశోభాభిరామం
క్షపాపూరితస్వామినీవృందకామం |
నిజాధీనతావర్తిరామాతివామం
భజే నందసూనుం సదానందరూపం || 6 ||
స్వసంగీకృతానంతగోపాలబాలం
వృతస్వీయగోపీమనోవృత్తిపాలం |
కృతానంతచౌర్యాదిలీలారసాలం
భజే నందసూనుం సదానందరూపం || 7 ||
ధృతాద్రీశగోవర్ధనాధారహస్తం
పరిత్రాతగోగోపగోపీసమస్తం |
సురాధీశసర్వాదిదేవప్రశస్తం
భజే నందసూనుం సదానందరూపం || 8 ||
ఇతి శ్రీహరిరాయాచార్య విరచితం శ్రీ కృష్ణ భుజంగప్రయాతాష్టకం |

శ్రీ కృష్ణ స్తుతిః (అక్రూర కృతం)

శ్రీ కృష్ణ స్తుతిః (అక్రూర కృతం).

Telugu

Read Stotra

శ్రీ కృష్ణ స్తుతిః (అక్రూర కృతం)

అక్రూర ఉవాచ |
నతోఽస్ంయహం త్వాఖిలహేతుహేతుం
నారాయణం పూరుషమాద్యమవ్యయం |
యన్నాభిజాతాదరవిందకోశా-
-ద్బ్రహ్మాఽఽవిరాసీద్యత ఏష లోకః || 1 ||
భూస్తోయమగ్నిః పవనః ఖమాది-
-ర్మహానజాదిర్మన ఇంద్రియాణి |
సర్వేంద్రియార్థా విబుధాశ్చ సర్వే
యే హేతవస్తే జగతోఽంగభూతాః || 2 ||
నైతే స్వరూపం విదురాత్మనస్తే
హ్యజాదయోఽనాత్మతయా గృహీతాః |
అజోఽనుబద్ధః స గుణైరజాయా
గుణాత్ పరం వేద న తే స్వరూపం || 3 ||
త్వాం యోగినో యజంత్యద్ధా మహాపురుషమీశ్వరం |
సాధ్యాత్మం సాధిభూతం చ సాధిదైవం చ సాధవః || 4 ||
త్రయ్యా చ విద్యయా కేచిత్త్వాం వై వైతానికా ద్విజాః |
యజంతే వితతైర్యజ్ఞైర్నానారూపామరాఖ్యయా || 5 ||
ఏకే త్వాఖిలకర్మాణి సంన్యస్యోపశమం గతాః |
జ్ఞానినో జ్ఞానయజ్ఞేన యజంతి జ్ఞానవిగ్రహం || 6 ||
అన్యే చ సంస్కృతాత్మానో విధినాభిహితేన తే |
యజంతి త్వన్మయాస్త్వాం వై బహుమూర్త్యేకమూర్తికం || 7 ||
త్వామేవాన్యే శివోక్తేన మార్గేణ శివరూపిణం |
బహ్వాచార్యవిభేదేన భగవాన్ సముపాసతే || 8 ||
సర్వ ఏవ యజంతి త్వాం సర్వదేవమయేశ్వరం |
యేఽప్యన్యదేవతాభక్తా యద్యప్యన్యధియః ప్రభో || 9 ||
యథాద్రిప్రభవా నద్యః పర్జన్యాపూరితాః ప్రభో |
విశంతి సర్వతః సింధుం తద్వత్త్వాం గతయోఽంతతః || 10 ||
సత్త్వం రజస్తమ ఇతి భవతః ప్రకృతేర్గుణాః |
తేషు హి ప్రాకృతాః ప్రోతా ఆబ్రహ్మస్థావరాదయః || 11 ||
తుభ్యం నమస్తేఽస్త్వవిషక్తదృష్టయే
సర్వాత్మనే సర్వధియాం చ సాక్షిణే |
గుణప్రవాహోఽయమవిద్యయా కృతః
ప్రవర్తతే దేవనృతిర్యగాత్మసు || 12 ||
అగ్నిర్ముఖం తేఽవనిరంఘ్రిరీక్షణం
సూర్యో నభో నాభిరథో దిశః శ్రుతిః |
ద్యౌః కం సురేంద్రాస్తవ బాహవోఽర్ణవాః
కుక్షిర్మరుత్ ప్రాణబలం ప్రకల్పితం || 13 ||
రోమాణి వృక్షౌషధయః శిరోరుహా
మేఘాః పరస్యాస్థినఖాని తేఽద్రయః |
నిమేషణం రాత్ర్యహనీ ప్రజాపతి-
-ర్మేఢ్రస్తు వృష్టిస్తవ వీర్యమిష్యతే || 14 ||
త్వయ్యవ్యయాత్మన్ పురుషే ప్రకల్పితా
లోకాః సపాలా బహుజీవసంకులాః |
యథా జలే సంజిహతే జలౌకసో-
-ఽప్యుదుంబరే వా మశకా మనోమయే || 15 ||
యాని యానీహ రూపాణి క్రీడనార్థం బిభర్షి హి |
తైరామృష్టశుచో లోకా ముదా గాయంతి తే యశః || 16 ||
నమః కారణమత్స్యాయ ప్రళయాబ్ధిచరాయ చ |
హయశీర్ష్ణే నమస్తుభ్యం మధుకైటభమృత్యవే || 17 ||
అకూపారాయ బృహతే నమో మందరధారిణే |
క్షిత్యుద్ధారవిహారాయ నమః సూకరమూర్తయే || 18 ||
నమస్తేఽద్భుతసింహాయ సాధులోకభయాపహ |
వామనాయ నమస్తుభ్యం క్రాంతత్రిభువనాయ చ || 19 ||
నమో భృగూణాం పతయే దృప్తక్షత్రవనచ్ఛిదే |
నమస్తే రఘువర్యాయ రావాణాంతకరాయ చ || 20 ||
నమస్తే వాసుదేవాయ నమః సంకర్షణాయ చ |
ప్రద్యుంనాయానిరుద్ధాయ సాత్వతాం పతయే నమః || 21 ||
నమో బుద్ధాయ శుద్ధాయ దైత్యదానవమోహినే |
ంలేచ్ఛప్రాయక్షత్రహంత్రే నమస్తే కల్కిరూపిణే || 22 ||
భగవన్ జీవలోకోఽయం మోహితస్తవ మాయయా |
అహం మమేత్యసద్గ్రాహో భ్రాంయతే కర్మవర్త్మసు || 23 ||
అహం చాత్మాత్మజాగార దారార్థస్వజనాదిషు |
భ్రమామి స్వప్నకల్పేషు మూఢః సత్యధియా విభో || 24 ||
అనిత్యానాత్మదుఃఖేషు విపర్యయమతిర్హ్యహం |
ద్వంద్వారామస్తమోవిష్టో న జానే త్వాఽఽత్మనః ప్రియం || 25 ||
యథాబుధో జలం హిత్వా ప్రతిచ్ఛన్నం తదుద్భవైః |
అభ్యేతి మృగతృష్ణాం వై తద్వత్త్వాహం పరాఙ్ముఖః || 26 ||
నోత్సహేఽహం కృపణధీః కామకర్మహతం మనః |
రోద్ధుం ప్రమాథిభిశ్చాక్షైర్హ్రియమాణమితస్తతః || 27 ||
సోఽహం తవాంఘ్ర్యుపగతోఽస్ంయసతాం దురాపం
తచ్చాప్యహం భవదనుగ్రహ ఈశ మన్యే |
పుంసో భవేద్యర్హి సంసరణాపవర్గ-
-స్త్వయ్యబ్జనాభ సదుపాసనయా మతిః స్యాత్ || 28 ||
నమో విజ్ఞానమాత్రాయ సర్వప్రత్యయహేతవే |
పురుషేశప్రధానాయ బ్రహ్మణేఽనంతశక్తయే || 29 ||
నమస్తే వాసుదేవాయ సర్వభూతక్షయాయ చ |
హృషీకేశ నమస్తుభ్యం ప్రపన్నం పాహి మాం ప్రభో || 30 ||
ఇతి శ్రీమద్భాగవతే దశమస్కంధే చత్వారింశోఽధ్యాయే అక్రూరస్తుతిర్నామ శ్రీ కృష్ణ స్తోత్రం ||

త్రైలోక్య మంగళ కవచం

త్రైలోక్య మంగళ కవచం.

Telugu

Read Stotra

త్రైలోక్య మంగళ కవచం

శ్రీ నారద ఉవాచ –
భగవన్సర్వధర్మజ్ఞ కవచం యత్ప్రకాశితం |
త్రైలోక్యమంగళం నామ కృపయా కథయ ప్రభో || 1 ||
సనత్కుమార ఉవాచ –
శృణు వక్ష్యామి విప్రేంద్ర కవచం పరమాద్భుతం |
నారాయణేన కథితం కృపయా బ్రహ్మణే పురా || 2 ||
బ్రహ్మణా కథితం మహ్యం పరం స్నేహాద్వదామి తే |
అతి గుహ్యతరం తత్త్వం బ్రహ్మమంత్రౌఘవిగ్రహం || 3 ||
యద్ధృత్వా పఠనాద్బ్రహ్మా సృష్టిం వితనుతే ధ్రువం |
యద్ధృత్వా పఠనాత్పాతి మహాలక్ష్మీర్జగత్త్రయం || 4 ||
పఠనాద్ధారణాచ్ఛంభుః సంహర్తా సర్వమంత్రవిత్ |
త్రైలోక్యజననీ దుర్గా మహిషాదిమహాసురాన్ || 5 ||
వరతృప్తాన్ జఘానైవ పఠనాద్ధారణాద్యతః |
ఏవమింద్రాదయః సర్వే సర్వైశ్వర్యమవాప్నుయుః || 6 ||
ఇదం కవచమత్యంతగుప్తం కుత్రాపి నో వదేత్ |
శిష్యాయ భక్తియుక్తాయ సాధకాయ ప్రకాశయేత్ || 7 ||
శఠాయ పరశిష్యాయ దత్వా మృత్యుమవాప్నుయాత్ |
త్రైలోక్యమంగళస్యాఽస్య కవచస్య ప్రజాపతిః || 8 ||
ఋషిశ్ఛందశ్చ గాయత్రీ దేవో నారాయణస్స్వయం |
ధర్మార్థకామమోక్షేషు వినియోగః ప్రకీర్తితః || 9 ||
ప్రణవో మే శిరః పాతు నమో నారాయణాయ చ |
ఫాలం మే నేత్రయుగళమష్టార్ణో భుక్తిముక్తిదః || 10 ||
క్లీం పాయాచ్ఛ్రోత్రయుగ్మం చైకాక్షరః సర్వమోహనః |
క్లీం కృష్ణాయ సదా ఘ్రాణం గోవిందాయేతి జిహ్వికాం || 11 ||
గోపీజనపదవల్లభాయ స్వాహాఽననం మమ |
అష్టాదశాక్షరో మంత్రః కంఠం పాతు దశాక్షరః || 12 ||
గోపీజనపదవల్లభాయ స్వాహా భుజద్వయం |
క్లీం గ్లౌం క్లీం శ్యామలాంగాయ నమః స్కంధౌ రక్షాక్షరః || 13 ||
క్లీం కృష్ణః క్లీం కరౌ పాయాత్ క్లీం కృష్ణాయాం గతోఽవతు |
హృదయం భువనేశానః క్లీం కృష్ణః క్లీం స్తనౌ మమ || 14 ||
గోపాలాయాగ్నిజాయాతం కుక్షియుగ్మం సదాఽవతు |
క్లీం కృష్ణాయ సదా పాతు పార్శ్వయుగ్మమనుత్తమః || 15 ||
కృష్ణ గోవిందకౌ పాతు స్మరాద్యౌజేయుతౌ మనుః |
అష్టాక్షరః పాతు నాభిం కృష్ణేతి ద్వ్యక్షరోఽవతు || 16 ||
పృష్ఠం క్లీం కృష్ణకం గల్ల క్లీం కృష్ణాయ ద్విరాంతకః |
సక్థినీ సతతం పాతు శ్రీం హ్రీం క్లీం కృష్ణఠద్వయం || 17 ||
ఊరూ సప్తాక్షరం పాయాత్ త్రయోదశాక్షరోఽవతు |
శ్రీం హ్రీం క్లీం పదతో గోపీజనవల్లభపదం తతః || 18 ||
శ్రియా స్వాహేతి పాయూ వై క్లీం హ్రీం శ్రీం సదశార్ణకః |
జానునీ చ సదా పాతు క్లీం హ్రీం శ్రీం చ దశాక్షరః || 19 ||
త్రయోదశాక్షరః పాతు జంఘే చక్రాద్యుదాయుధః |
అష్టాదశాక్షరో హ్రీం శ్రీం పూర్వకో వింశదర్ణకః || 20 ||
సర్వాంగం మే సదా పాతు ద్వారకానాయకో బలీ |
నమో భగవతే పశ్చాద్వాసుదేవాయ తత్పరం || 21 ||
తారాద్యో ద్వాదశార్ణోఽయం ప్రాచ్యాం మాం సర్వదాఽవతు |
శ్రీం హ్రీం క్లీం చ దశార్ణస్తు క్లీం హ్రీం శ్రీం షోడశార్ణకః || 22 ||
గదాద్యుదాయుధో విష్ణుర్మామగ్నేర్దిశి రక్షతు |
హ్రీం శ్రీం దశాక్షరో మంత్రో దక్షిణే మాం సదాఽవతు || 23 ||
తారో నమో భగవతే రుక్మిణీవల్లభాయ చ |
స్వాహేతి షోడశార్ణోఽయం నైరృత్యాం దిశి రక్షతు || 24 ||
క్లీం హృషీకేశ వంశాయ నమో మాం వారుణోఽవతు |
అష్టాదశార్ణః కామాన్తో వాయవ్యే మాం సదాఽవతు || 25 ||
శ్రీం మాయాకామతృష్ణాయ గోవిందాయ ద్వికో మనుః |
ద్వాదశార్ణాత్మకో విష్ణురుత్తరే మాం సదాఽవతు || 26 ||
వాగ్భవం కామకృష్ణాయ హ్రీం గోవిందాయ తత్పరం |
శ్రీం గోపీజనవల్లభాయ స్వాహా హస్తౌ తతః పరం || 27 ||
ద్వావింశత్యక్షరో మంత్రో మామైశాన్యే సదాఽవతు |
కాళీయస్య ఫణామధ్యే దివ్యం నృత్యం కరోతి తం || 28 ||
నమామి దేవకీపుత్రం నృత్యరాజానమచ్యుతం |
ద్వాత్రింశదక్షరో మంత్రోఽప్యధో మాం సర్వదాఽవతు || 29 ||
కామదేవాయ విద్మహే పుష్పబాణాయ ధీమహి |
తన్నోఽనంగః ప్రచోదయాదేషా మాం పాతుచోర్ధ్వతః || 30 ||
ఇతి తే కథితం విప్ర బ్రహ్మమంత్రౌఘవిగ్రహం |
త్రైలోక్యమంగళం నామ కవచం బ్రహ్మరూపకం || 31 ||
బ్రహ్మణా కథితం పూర్వం నారాయణముఖాచ్ఛ్రుతం |
తవ స్నేహాన్మయాఽఖ్యాతం ప్రవక్తవ్యం న కస్యచిత్ || 32 ||
గురుం ప్రణంయ విధివత్కవచం ప్రపఠేత్తతః |
సకృద్ద్విస్త్రిర్యథాజ్ఞానం స హి సర్వతపోమయః || 33 ||
మంత్రేషు సకలేష్వేవ దేశికో నాత్ర సంశయః |
శతమష్టోత్తరం చాస్య పురశ్చర్యా విధిస్స్మృతః || 34 ||
హవనాదీన్దశాంశేన కృత్వా తత్సాధయేద్ధ్రువం |
యది స్యాత్సిద్ధకవచో విష్ణురేవ భవేత్స్వయం || 35 ||
మంత్రసిద్ధిర్భవేత్తస్య పురశ్చర్యా విధానతః |
స్పర్ధాముద్ధూయ సతతం లక్ష్మీర్వాణీ వసేత్తతః || 36 ||
పుష్పాంజల్యష్టకం దత్వా మూలేనైవ పఠేత్సకృత్ |
దశవర్షసహస్రాణి పూజాయాః ఫలమాప్నుయాత్ || 37 ||
భూర్జే విలిఖ్య గుళికాం స్వర్ణస్థాం ధారయేద్యది |
కంఠే వా దక్షిణే బాహౌ సోఽపి విష్ణుర్న సంశయః || 38 ||
అశ్వమేధసహస్రాణి వాజపేయశతాని చ |
మహాదానాని యాన్యేవ ప్రాదక్షిణ్యం భువస్తథా || 39 ||
కళాం నార్హంతి తాన్యేవ సకృదుచ్చారణాత్తతః |
కవచస్య ప్రసాదేన జీవన్ముక్తో భవేన్నరః || 40 ||
త్రైలోక్యం క్షోభయత్యేవ త్రైలోక్యవిజయీ స హి |
ఇదం కవచమజ్ఞాత్వా యజేద్యః పురుషోత్తమం |
శతలక్షప్రజప్తోఽపి న మంత్రస్తస్య సిద్ధ్యతి || 41 ||
ఇతి శ్రీ నారదపాంచరాత్రే జ్ఞానామృతసారే త్రైలోక్యమంగళకవచం |

శ్రీ కృష్ణ కవచం –1

శ్రీ కృష్ణ కవచం –1.

Telugu

Read Stotra

శ్రీ కృష్ణ కవచం –1

ప్రణంయ దేవం విప్రేశం ప్రణంయ చ సరస్వతీం |
ప్రణంయ చ మునీన్ సర్వాన్ సర్వశాస్త్ర విశారదాన్ || 1 ||
శ్రీకృష్ణకవచం వక్ష్యే శ్రీకీర్తివిజయప్రదం |
కాంతారే పథి దుర్గే చ సదా రక్షాకరం నృణాం || 2 ||
స్మృత్వా నీలాంబుదశ్యామం నీలకుంచితకుంతలం |
బర్హిపింఛలసన్మౌళిం శరచ్చంద్రనిభాననం || 3 ||
రాజీవలోచనం రాజద్వేణునా భూషితాధరం |
దీర్ఘపీనమహాబాహుం శ్రీవత్సాంకితవక్షసం || 4 ||
భూభారహరణోద్యుక్తం కృష్ణం గీర్వాణవందితం |
నిష్కళం దేవదేవేశం నారదాదిభిరర్చితం || 5 ||
నారాయణం జగన్నాథం మందస్మితవిరాజితం |
జపేదేవమిమం భక్త్యా మంత్రం సర్వార్థసిద్ధయే || 6 ||
సర్వదోషహరం పుణ్యం సకలవ్యాధినాశనం |
వసుదేవసుతః పాతు మూర్ధానం మమ సర్వదా || 7 ||
లలాటం దేవకీసూనుః భ్రూయుగ్మం నందనందనః |
నయనౌ పూతనాహంతా నాసాం శకటమర్దనః || 8 ||
యమలార్జునహృత్కర్ణౌ కపోలౌ నగమర్దనః |
దంతాన్ గోపాలకః పాతు జిహ్వాం హయ్యంగవీణధృత్ || 9 || [భుక్] ఓష్ఠం ధేనుకజిత్ పాయాదధరం కేశినాశనః |
చిబుకం పాతు గోవిందో బలదేవానుజో ముఖం || 10 ||
అక్రూరసహితః కంఠం కక్షౌ దంతివరాంతకః |
భుజౌ చాణూరహారిర్మే కరౌ కంసనిషూదనః || 11 ||
వక్షో లక్ష్మీపతిః పాతు హృదయం జగదీశ్వరః |
ఉదరం మధురానాథో నాభిం ద్వారవతీపతిః || 12 ||
రుక్మిణీవల్లభః పృష్ఠం జఘనం శిశుపాలహా |
ఊరూ పాండవదూతో మే జానునీ పార్థసారథిః || 13 ||
విశ్వరూపధరో జంఘే ప్రపదే భూమిభారహృత్ |
చరణౌ యాదవః పాతు పాతు కృష్ణోఽఖిలం వపుః || 14 ||
దివా పాయాజ్జగన్నాథో రాత్రౌ నారాయణః స్వయం |
సర్వకాలముపాసీనః సర్వకామార్థసిద్ధయే || 15 ||
ఇదం కృష్ణబలోపేతం యః పఠేత్ కవచం నరః |
సర్వదాఽఽర్తిభయాన్ముక్తః కృష్ణభక్తిం సమాప్నుయాత్ || 16 ||

శ్రీ కృష్ణాశ్రయ స్తోత్రం

శ్రీ కృష్ణాశ్రయ స్తోత్రం.

Telugu

Read Stotra

శ్రీ కృష్ణాశ్రయ స్తోత్రం

సర్వమార్గేషు నష్టేషు కాలౌ చ కలిధర్మిణి |
పాషండప్రచురే లోకే కృష్ణ ఏవ గతిర్మమ || 1 ||
ంలేచ్ఛాక్రాంతేషు దేశేషు పాపైకనిలయేషు చ |
సత్పీడావ్యగ్రలోకేషు కృష్ణ ఏవ గతిర్మమ || 2 ||
గంగాదితీర్థవర్యేషు దుష్టైరేవావృతేష్విహ |
తిరోహితాధిదైవేషు కృష్ణ ఏవ గతిర్మమ || 3 ||
అహంకారవిమూఢేషు సత్సు పాపానువర్తిషు |
లాభపూజార్థయత్నేషు కృష్ణ ఏవ గతిర్మమ || 4 ||
అపరిజ్ఞాననష్టేషు మంత్రేష్వవ్రతయోగిషు |
తిరోహితార్థదేవేషు కృష్ణ ఏవ గతిర్మమ || 5 ||
నానాకార్యవినష్టేషు సర్వకర్మవ్రతాదిషు |
పాషండైకప్రయత్నేషు కృష్ణ ఏవ గతిర్మమ || 6 ||
అజామిలాదిదోషాణాం నాశకోఽనుభవే స్థితః |
జ్ఞాపితాఖిలమాహాత్ంయః కృష్ణ ఏవ గతిర్మమ || 7 ||
ప్రాకృతాః సకలా దేవా గణితానందకం బృహత్ |
పూర్ణానందో హరిస్తస్మాత్ కృష్ణ ఏవ గతిర్మమ || 8 ||
వివేకధైర్యభక్త్యాదిరహితస్య విశేషతః |
పాపాసక్తస్య దీనస్య కృష్ణ ఏవ గతిర్మమ || 9 ||
సర్వసామర్థ్యసహితః సర్వత్రైవాఖిలార్థకృత్ |
శరణస్థసముద్ధారం కృష్ణం విజ్ఞాపయాంయహం || 10 ||
కృష్ణాశ్రయమిదం స్తోత్రం యః పఠేత్ కృష్ణసన్నిధౌ |
తస్యాశ్రయో భవేత్ కృష్ణ ఇతి శ్రీవల్లభోఽబ్రవీత్ || 11 ||
ఇతి శ్రీమద్వల్లభాచార్య విరచితం శ్రీ కృష్ణాశ్రయ స్తోత్రం ||

శ్రీ కృష్ణచంద్రాష్టకం

శ్రీ కృష్ణచంద్రాష్టకం.

Telugu

Read Stotra

శ్రీ కృష్ణచంద్రాష్టకం

మహానీలమేఘాతిభవ్యం సుహాసం
శివబ్రహ్మదేవాదిభిః సంస్తుతం చ |
రమామందిరం దేవనందాపదాహం
భజే రాధికావల్లభం కృష్ణచంద్రం || 1 ||
రసం వేదవేదాంతవేద్యం దురాపం
సుగంయం తదీయాదిభిర్దానవఘ్నం |
చలత్కుండలం సోమవంశప్రదీపం
భజే రాధికావల్లభం కృష్ణచంద్రం || 2 ||
యశోదాదిసంలాలితం పూర్ణకామం
దృశో రంజనం ప్రాకృతస్థస్వరూపం |
దినాంతే సమాయాంతమేకాంతభక్తై-
-ర్భజే రాధికావల్లభం కృష్ణచంద్రం || 3 ||
కృపాదృష్టిసంపాతసిక్తస్వకుంజం
తదంతఃస్థితస్వీయసంయగ్దశాదం |
పునస్తత్ర తైః సత్కృతైకాంతలీలం
భజే రాధికావల్లభం కృష్ణచంద్రం || 4 ||
గృహే గోపికాభిర్ధృతే చౌర్యకాలే
తదక్ష్ణోశ్చ నిక్షిప్య దుగ్ధం చలంతం |
తదా తద్వియోగాదిసంపత్తికారం
భజే రాధికావల్లభం కృష్ణచంద్రం || 5 ||
చలత్కౌస్తుభవ్యాప్తవక్షఃప్రదేశం
మహావైజయంతీలసత్పాదయుగ్మం |
సుకస్తూరికాదీప్తభాలప్రదేశం
భజే రాధికావల్లభం కృష్ణచంద్రం || 6 ||
గవాం దోహనే దృష్టరాధాముఖాబ్జం
తదానీం చ తన్మేలనవ్యగ్రచిత్తం |
సముత్పన్నతన్మానసైకాంతభావం
భజే రాధికావల్లభం కృష్ణచంద్రం || 7 ||
అదః కృష్ణచంద్రాష్టకం ప్రేమయుక్తః
పఠేత్కృష్ణసాన్నిధ్యమాప్నోతి నిత్యం |
కలౌ యః స సంసారదుఃఖాతిరిక్తం
ప్రయాత్యేవ విష్ణోః పదం నిర్భయం తత్ || 8 ||
ఇతి శ్రీరఘునాథప్రభు విరచితం శ్రీ కృష్ణచంద్రాష్టకం ||

Sign In

OTP Verification

శ్రీ గోపాల (కృష్ణ) ద్వాదశనామ స్తోత్రం

శ్రీ కృష్ణ స్తోత్రం (బ్రహ్మ కృతం)

శ్రీ కృష్ణ స్తోత్రం (మోహినీ కృతం)

శ్రీ కృష్ణ స్తోత్రం (ఇంద్ర కృతం)

శ్రీ కృష్ణ స్తోత్రం (విప్రపత్నీ కృతం)

శ్రీ కృష్ణస్తోత్రం (వసుదేవ కృతం)

శ్రీ కృష్ణ భుజంగప్రయాతాష్టకం

శ్రీ కృష్ణ స్తుతిః (అక్రూర కృతం)

త్రైలోక్య మంగళ కవచం

శ్రీ కృష్ణ కవచం –1

శ్రీ కృష్ణాశ్రయ స్తోత్రం

శ్రీ కృష్ణచంద్రాష్టకం

MENU

LINKS

Astrologer Section

Vendor Section

GET ADVICE ON

Download Our Apps